Adhikarana অধ্যাযোপক্রমঃ · Śloka
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
বমনাদনন্তরং বিরেচনস্যোপযোগ ইতি বমনকল্পাদনন্তরং বিরেচনকল্পঃ প্রক্রম্যত ইত্যাহ-
AYANAACADEMYby Dr Vijaya Dwarampudi
Open Academy navigation
২. বিরেচনকল্পাধ্যাযঃ
Adhikarana বিরেচনকল্পাধ্যাযঃ (২) · Śloka ২
অথাতো বিরেচনকল্পং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ| (গদ্যসূত্রে)||২||
View original
अथातो विरेचनकल्पं व्याख्यास्यामः| इति ह स्माहुरात्रेयादयो महर्षयः| (गद्यसूत्रे)||२||
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-কল্পনং কল্পো-যোজনা| বিরেচনং-অধোভাগেন দোষনির্হরণম্, তস্য কল্পো-বিরেচনকল্পঃ, তং ব্যাখ্যাস্যামঃ| শেষং পূর্ববত্| দন্তীদ্রবন্ত্যাদিভ্যঃ সর্বেভ্যোঽপি বিরেচনদ্রব্যেভ্যো নিরপাযিত্বাদ্বিরেচনসাধ্যে ব্যাধাবনিষিদ্ধপ্রসরত্বাত্[চ] পূর্বং ত্রিবৃতাযা উপন্যাসঃ|
আযুর্বেদরসাযনম্ ব্যাখ্যা ( কৃত)
আ০ র০- বিরেচনকল্পং ব্যাখ্যাতুং প্রতিজানীতে-অথেতি| অথ বিরেচনকল্পঃ| তত্র সঙ্গ্রহে| (ক. অ. ২)- "বিরেচনদ্রব্যাণাং মূলেষু ত্রিবৃত্, ত্বক্ষু তিল্বকঃ, ক্ষীরেষু স্নিহী, ফলেষু হরীতকী, প্রধানানি|" ইতি|
Adhikarana ত্রিবৃচ্ছ্যামযোঃ কল্পঃ ত্রিবৃতো গুণাশ্চ (১) · Śloka ১
অথ ত্রিবৃচ্ছ্যামযোঃ কল্পঃ| কষাযমধুরা রূক্ষা বিপাকে কটুকা ত্রিবৃত্| কফপিত্তপ্রশমনী রৌক্ষ্যাচ্চানিলকোপনী||১||
View original
अथ त्रिवृच्छ्यामयोः कल्पः| कषायमधुरा रूक्षा विपाके कटुका त्रिवृत्| कफपित्तप्रशमनी रौक्ष्याच्चानिलकोपनी||१||
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-অনেনাস্যাঃ স্বরূপকথনম্|
আযুর্বেদরসাযনম্ ব্যাখ্যা ( কৃত)
আ০ র০- ত্রিবৃদ্গুণানাহ-কষাযমধুরেতি|
Adhikarana ত্রিবৃতঃ সংযোগাদিকৃতা গুণাঃ (২) · Śloka ২
সেদানীমৌষধৈর্যুক্তা বাতপিত্তকফাপহৈঃ| কল্পবৈশেষ্যমাসাদ্য জাযতে সর্বরোগজিত্||২||
View original
सेदानीमौषधैर्युक्ता वातपित्तकफापहैः| कल्पवैशेष्यमासाद्य जायते सर्वरोगजित्||२||
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-সা-এবংগুণা ত্রিবৃত্, অধুনা বাতপিত্তকফঘ্নৈরৌষধৈর্যুক্তা কল্পবিশেষত্বং প্রাপ্য বিরেচনসাধ্যব্যাধিবিষযে সর্বরোগজিজ্জাযতে|
আযুর্বেদরসাযনম্ ব্যাখ্যা ( কৃত)
আ০ র০- সংযোগাদিকৃতান্ গুণানাহ-সেদনীমিতি|
Adhikarana ত্রিবৃতো ভেদদ্বযম্ (৩) · Śloka ৩
দ্বিধা খ্যাতং চ তন্মূলং শ্যামং শ্যামাঽরুণং ত্রিবৃত্| |৩|
View original
द्विधा ख्यातं च तन्मूलं श्यामं श्यामाऽरुणं त्रिवृत्| |३|
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০ - তস্যাঃ-ত্রিবৃতো, মূলং দ্বিপ্রকারম্,-একং শ্যামমপরমরুণম্| শ্যামং মূলং শ্যামা, ত্রিবৃদরুণামিতি ব্যাখ্যং দ্বিসংজ্ঞম্|
আযুর্বেদরসাযনম্ ব্যাখ্যা ( কৃত)
আ০ র০- ভেদদ্বযমাহ-দ্বিধেতি| শ্যামং-শ্যামাখ্যম্| অরুণং-ত্রিবৃদাখ্যম্|
Adhikarana অরূণস্য বিষযঃ (৩-৪) · Śloka ৪
| ত্রিবৃদাখ্যং বরতরং নিরপাযং সুখং তযোঃ||৩|| সুকুমারে শিশৌ বৃদ্ধে মৃদুকোষ্ঠে চ তদ্ধিতম্| |৪|
View original
| त्रिवृदाख्यं वरतरं निरपायं सुखं तयोः||३|| सुकुमारे शिशौ वृद्धे मृदुकोष्ठे च तद्धितम्| |४|
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০ -তযোঃ-শ্যামারুণযোঃ, যদরুণং মূলং তদ্বরতরম্| সামর্থ্যাত্ শ্যামং বরম্| অরুণং যন্মূলং তন্নিরপাযত্বাত্ সুকুমারাদিষু হিতম্, ন শ্যামং সাপাযত্বাত্|
আযুর্বেদরসাযনম্ ব্যাখ্যা ( কৃত)
আ০ র০- অরুণস্য বিষযমাহ-ত্রিবৃদাখ্যামিতি|
Adhikarana শ্যামস্য বিষযঃ (৪-৫) · Śloka ৫
সাপাযত্বে বিশেষেণ হেতুমাহ | মূর্চ্ছাসম্মোহহৃত্কণ্ঠকষণক্ষণনপ্রদম্||৪|| শ্যামং তীক্ষ্ণাশুকারিত্বাদতস্তদপি শস্যতে| ক্রূরে কোষ্ঠে বহৌ দোষে ক্লেশক্ষমিণি চাতুরে||৫||
View original
सापायत्वे विशेषेण हेतुमाह | मूर्च्छासम्मोहहृत्कण्ठकषणक्षणनप्रदम्||४|| श्यामं तीक्ष्णाशुकारित्वादतस्तदपि शस्यते| क्रूरे कोष्ठे बहौ दोषे क्लेशक्षमिणि चातुरे||५||
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০ - শ্যামং মূলং মূর্চ্ছাদিহৃত্কণ্ঠকষণক্ষণনপ্রদম্| তত্তীক্ষ্ণত্বাদাশুকারিত্বাচ্চ সাপাযত্বমস্য| তদেবংরূপমপি শ্যামং শস্যতে ক্রূরকোষ্ঠাদিবিষযে|
আযুর্বেদরসাযনম্ ব্যাখ্যা ( কৃত)
আ০ র০- শ্যামস্য বিষযমাহ-মূর্চ্ছেতি| মূর্চ্ছাসম্মোহযোর্জ্ঞানভ্রংশে তুল্যে দেহপাতাপাতাভ্যাং ভেদঃ| কষণং-বিলেখনং হৃদযস্য| ক্ষণনং-ক্ষতং কণ্ঠস্য|
Adhikarana গ্রহণবিধিঃ (৬) · Śloka ৬
গম্ভীরানুগতং শ্লক্ষ্ণমতির্যগ্বিসৃতং চ যত্| গৃহীত্বা বিসৃজেত্কাষ্ঠং ত্বচং শুষ্কাং নিধাপযেত্||৬||
View original
गम्भीरानुगतं श्लक्ष्णमतिर्यग्विसृतं च यत्| गृहीत्वा विसृजेत्काष्ठं त्वचं शुष्कां निधापयेत्||६||
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০ -গম্ভীরানুগতং-গূঢং কৃত্বা ভূমাবন্তঃপ্রবিষ্টম্, তথা শ্লক্ষ্ণং-অপরুষম্, তথাঽতির্যগ্যাতং(বিসৃতং)-স্পষ্টং কৃত্বা ভূমৌ গতম্, এবংবিধং ত্রিবৃতাযা মূলং গৃহীত্বা তত্কাষ্ঠং বিসৃজেত্| ত্বচং শুষ্কাং কৃত্বা নিধাপযেত্-স্থাপযেত্|
আযুর্বেদরসাযনম্ ব্যাখ্যা ( কৃত)
আ০ র০- গ্রহণবিধিমাহ-গম্ভীরানুগতমিতি| গম্ভীরানুগতং-দূরমধোযাতম্| অতির্যগ্বিসৃতং-বহুষু তথাভূতেষু মধ্যমম্|
Adhikarana বাতরোগে বিরেচনযোগঃ (৭) · Śloka ৭
অথ কালে ততশ্চূর্ণং কিঞ্চিন্নাগরসৈন্ধবম্| বাতামযে পিবেদম্লৈঃ|৭|
View original
अथ काले ततश्चूर्णं किञ्चिन्नागरसैन्धवम्| वातामये पिबेदम्लैः|७|
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-অথ-অনন্তরম্, কালে-বিরেচনপ্রস্তাবে, ততঃ-মূলত্বচঃ, চূর্ণমীষন্নাগরসৈন্ধবমম্লৈঃ-কাঞ্জিকাদিভিঃ, বাতবিকারে পিবেত্|
আযুর্বেদরসাযনম্ ব্যাখ্যা ( কৃত)
আ০ র০- বাতে বিরেচনমাহ-অথেতি| কিঞ্চিন্নাগরসৈন্ধবং-নাগরসৈন্ধবযোর্মিথস্তুল্যাংশযোশ্চূর্ণেন চতুর্থাংশতুল্যেন যুক্তং,অম্লৈঃ পিবেত্| সঙ্গ্রহে তু (ক. অ. ২)- "মাংসরসেন বা|" ইতি|
Adhikarana পিত্তরোগে বিরেচনযোগঃ (৭-৮) · Śloka ৮
| পৈত্তে সাজ্যসিতামধু||৭|| ক্ষীরদ্রাক্ষেক্ষুকাশ্মর্যস্বাদুস্কন্ধবরারসৈঃ| |৮|
View original
| पैत्ते साज्यसितामधु||७|| क्षीरद्राक्षेक्षुकाश्मर्यस्वादुस्कन्धवरारसैः| |८|
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-পৈত্তে বিকারে সহঘৃতশর্করামধু তচ্চূর্ণং ক্ষীরেণ দ্রাক্ষাদিরসৈর্বা পিবেত্|
আযুর্বেদরসাযনম্ ব্যাখ্যা ( কৃত)
আ০ র০- পিত্তে বিরেচনমাহ-পিত্তে ইতি| বরা-ত্রিফলা| রসাশব্দো দ্রাক্ষাদিভিঃ প্রত্যেকং সম্বধ্যতে|
Adhikarana কফরোগে বিরেচনযোগঃ (৮-৯) · Śloka ৯
| কফামযে পীলুরসমূত্রমদ্যাম্লকাঞ্জিকৈঃ||৮|| পঞ্চকোলাদিচূর্ণৈশ্চ যুক্ত্যা যুক্তং কফাপহৈঃ| |৯|
View original
| कफामये पीलुरसमूत्रमद्याम्लकाञ्जिकैः||८|| पञ्चकोलादिचूर्णैश्च युक्त्या युक्तं कफापहैः| |९|
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-কফবিকারে তচ্চূর্ণং পীলুরসাদিভিঃ পিবেত্| পঞ্চকোলাদিভিশ্চূর্ণৈশ্চ কফঘ্নৈর্যুক্তম্| কথম্ ? যুক্ত্যা,-পঞ্চকোলাদিচূর্ণানাং যোগে নাতিব্যাপ্তির্ন বাঽব্যাপ্তিঃ, পঞ্চকোলাদিচূর্ণেন ত্রিবৃতাচূর্ণস্য সম্যগ্যোগঃ স্যাদিত্যর্থঃ| আদিশব্দেনান্যেষাং পাচনদীপনানাং পঞ্চকোলসদৃশানাং চিত্রকা(মরিচা)দীনাং গ্রহণম্|
আযুর্বেদরসাযনম্ ব্যাখ্যা ( কৃত)
আ০ র০- কফে বিরেচনমাহ-কফাময ইতি| পীলুঃতীক্ষ্ণতরুঃ| সঙ্গ্রহে তু (ক. অ. ২)- "এভিরেব চ দ্রব্যৈর্যথাস্বং ঘৃতশর্করাদ্রাক্ষাক্ষোডতবক্ষীরীমধুরাণি মাতুলুঙ্গদাডিমামলককোলকরমর্দককপিত্থরসতক্রাম্লানি সৈন্ধবলবণানি ব্যোষতীক্ষ্ণানি বিবিধবেসবারপূরিতানি সহকাররসত্রিজাতকনাগকেসরকর্পূরসুরভীণি লেহগুটিকামোদকভক্ষ্যভোজ্যান্যুপকল্পযেত্|" ইতি|
Adhikarana হৃদ্যো বিরেচনযোগঃ (৯-১০) · Śloka ১০
| ত্রিবৃত্কল্ককষাযাভ্যাং সাধিতঃ সসিতো হিমঃ||৯|| মধুত্রিজাতসংযুক্তো লেহো হৃদ্যং বিরেচনম্| |১০|
View original
| त्रिवृत्कल्ककषायाभ्यां साधितः ससितो हिमः||९|| मधुत्रिजातसंयुक्तो लेहो हृद्यं विरेचनम्| |१०|
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-ত্রিবৃতঃ কল্কেন কষাযেণ চ সাধিতঃ সশর্করো লেহঃ শীতো মধুত্রিজাতসংযুক্তো হৃদ্যং বিরেচনং স্যাত্| অত্র চ কাসচিকিত্সিতোক্তকণ্টকারিকালেহবত্ (হৃ. চি. অ. ৩/৬৩) প্রমাণং নিরূপযিতব্যম্|
আযুর্বেদরসাযনম্ ব্যাখ্যা ( কৃত)
আ০ র০- হৃদ্যং বিরেচনমাহ-ত্রিবৃদিতি|
Adhikarana সন্নিপাতজ্বরাদৌ বিরেচনযোগঃ (১০-১১) · Śloka ১১
| অজগন্ধা তবক্ষীরী বিদারী শর্করা ত্রিবৃত্||১০|| চূর্ণিতং মধুসর্পির্ভ্যাং লীঢ্বা সাধু বিরিচ্যতে| সন্নিপাতজ্বরস্তম্ভপিপাসাদাহপীডিতঃ||১১||
View original
| अजगन्धा तवक्षीरी विदारी शर्करा त्रिवृत्||१०|| चूर्णितं मधुसर्पिर्भ्यां लीढ्वा साधु विरिच्यते| सन्निपातज्वरस्तम्भपिपासादाहपीडितः||११||
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-অজগন্ধাদিচূর্ণং মধুসর্পির্ভ্যাং লীঢ্বা সাধু বিরিচ্যতে| সন্নিপাতজ্বরাদিপীডিতঃ সন্|
আযুর্বেদরসাযনম্ ব্যাখ্যা ( কৃত)
আ০ র০- সন্নিপাতাদৌ বিরেচনমাহ-অজগন্ধেতি|
Adhikarana সন্নিপাতজ্বরাদৌ অন্যো বিরেচনযোগঃ (১২) · Śloka ১২
লিম্পেদন্তস্ত্রিবৃতযা দ্বিধাকৃত্বেক্ষুগণ্ডিকাম্| একীকৃত্য চ তত্স্বিন্নং পুটপাকেন ভক্ষযেত্||১২||
View original
लिम्पेदन्तस्त्रिवृतया द्विधाकृत्वेक्षुगण्डिकाम्| एकीकृत्य च तत्स्विन्नं पुटपाकेन भक्षयेत्||१२||
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-ইক্ষুগণ্ডিকাং দ্বিধাকৃত্য(ত্বা)-পাটযিত্বা, ত্রিবৃতযাঽন্তর্লিম্পেত্| অনন্তরমেকীকৃত্য পুটপাকেন স্বিন্নং ভক্ষযেত্|
আযুর্বেদরসাযনম্ ব্যাখ্যা ( কৃত)
আ০ র০- তত্রৈব বিরেচনান্তরমাহ-লিম্পেদিতি| ইক্ষুগণ্ডিকাং-ইক্ষুকাণ্ডম্|
Adhikarana বাতরোগাদিষু নিরপাযো বিরেচনযোগঃ (১৩-১৪) · Śloka ১৪
ভৃঙ্গৈলাভ্যাং সমা নীলী তৈস্ত্রিবৃত্তৈশ্চ শর্করা| চূর্ণং ফলরসক্ষৌদ্রসক্তুভিস্তর্পণং পিবেত্||১৩|| বাতপিত্তকফোত্থেষু রোগেষ্বল্পানলেষু চ| নরেষু সুকুমারেষু নিরপাযং বিরেচনম্||১৪||
View original
भृङ्गैलाभ्यां समा नीली तैस्त्रिवृत्तैश्च शर्करा| चूर्णं फलरसक्षौद्रसक्तुभिस्तर्पणं पिबेत्||१३|| वातपित्तकफोत्थेषु रोगेष्वल्पानलेषु च| नरेषु सुकुमारेषु निरपायं विरेचनम्||१४||
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-ত্বগেলাভ্যাং তুল্যা নীলী, তৈশ্চ তুল্যা ত্রিবৃত্, সর্বৈশ্চ তুল্যা সিতা, চূর্ণং ফলরসক্ষৌদ্রসক্তুভিস্তর্পণং পিবেত্| বাতপিত্তকফোত্থেষু রোগেষ্বল্পাগ্নিষু চ নরেষু তথা সুকুমারেষু বিরেচনমেতন্নিরপাযম্|
আযুর্বেদরসাযনম্ ব্যাখ্যা ( কৃত)
আ০ র০- বাতরোগাদিষু বিরেচনমাহ-ভৃঙ্গৈলাভ্যামিতি| ভৃঙ্গং-ত্বক্| নীলী-কালাঞ্জনী| তৈঃ ত্রিভিঃ| তৈঃ-চতুর্ভিঃ| ফলরসো-দ্রাক্ষাদিরসঃ|| তর্পণং-মন্থম্| মন্থগ্রহণং সক্তূনাং প্রাধান্যার্থম্, তেন চূর্ণতুল্যা যবসক্তবো মানানুক্তেশ্চ|
Adhikarana গুল্মাদিষু বিরেচনযোগঃ (১৫-১৬) · Śloka ১৬
বিডঙ্গতণ্ডুলবরাযাবশূককণাস্ত্রিবৃত্| সর্বতোঽর্ধেন তল্লীঢং মধ্বাজ্যেন গুডেন বা||১৫|| গুল্মং প্লীহোদরং কাসং হলীমকমরোচকম্| কফবাতকৃতাংশ্চান্যান্ পরিমার্ষ্টি গদান্ বহূন্||১৬||
View original
विडङ्गतण्डुलवरायावशूककणास्त्रिवृत्| सर्वतोऽर्धेन तल्लीढं मध्वाज्येन गुडेन वा||१५|| गुल्मं प्लीहोदरं कासं हलीमकमरोचकम्| कफवातकृतांश्चान्यान् परिमार्ष्टि गदान् बहून्||१६||
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-বিডঙ্গতণ্ডুলাদযঃ সমাংশাঃ, সর্বেভ্যোঽর্ধেন ত্রিবৃত্, তদেতচ্চূর্ণং মধুঘৃতাভ্যাং লীঢং গুডেন বাঽঽস্বাদিতং গুল্মাদীন্ কফবাতোত্থাংশ্চান্যানপি গদান্ বহূন্ পরিমার্ষ্টি-পরাকরোতি|
আযুর্বেদরসাযনম্ ব্যাখ্যা ( কৃত)
আ০ র০- গুল্মাদিষু বিরেচনমাহ-বিডঙ্গেতি| বিডঙ্গতন্দুলো-বিডঙ্গসারঃ| কণা-পিপ্পলী| সর্বতঃ-বিডঙ্গাদিভ্যঃ ষড্ভ্যঃ|
Adhikarana কল্যাণকগুডঃ কুষ্ঠাদিষু (১৭-২১) · Śloka ২১
বিডঙ্গপিপ্পলীমূলত্রিফলাধান্যচিত্রকান্| মরীচেন্দ্রযবাজাজীপিপ্পলীহস্তিপিপ্পলীঃ||১৭|| দীপ্যকং পঞ্চলবণং চূর্ণিতং কার্ষিকং পৃথক্| তিলতৈলত্রিবৃচ্চূর্ণভাগৌ চাষ্টপলোন্মিতৌ||১৮|| ধাত্রীফলরসপ্রস্থাংস্ত্রীন্ গুডার্ধতুলান্বিতান্| পক্ত্বা মৃদ্বগ্নিনা খাদেত্ততো মাত্রামযন্ত্রণঃ||১৯|| কুষ্ঠার্শঃকামলাগুল্মমেহোদরভগন্দরান্| গ্রহণীপাণ্ডুরোগাংশ্চ হন্তি পুংসবনশ্চ সঃ||২০|| গুডঃ কল্যাণকো নাম সর্বেষ্বৃতুষু যৌগিকঃ| |২১|
View original
विडङ्गपिप्पलीमूलत्रिफलाधान्यचित्रकान्| मरीचेन्द्रयवाजाजीपिप्पलीहस्तिपिप्पलीः||१७|| दीप्यकं पञ्चलवणं चूर्णितं कार्षिकं पृथक्| तिलतैलत्रिवृच्चूर्णभागौ चाष्टपलोन्मितौ||१८|| धात्रीफलरसप्रस्थांस्त्रीन् गुडार्धतुलान्वितान्| पक्त्वा मृद्वग्निना खादेत्ततो मात्रामयन्त्रणः||१९|| कुष्ठार्शःकामलागुल्ममेहोदरभगन्दरान्| ग्रहणीपाण्डुरोगांश्च हन्ति पुंसवनश्च सः||२०|| गुडः कल्याणको नाम सर्वेष्वृतुषु यौगिकः| |२१|
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-বিডঙ্গাদীনি কার্ষিকাণি, ত্রিবৃতাচূর্ণতিলতৈলে পৃথগষ্টপলপ্রমাণে, আমলকফলরসপ্রস্থাংস্ত্রীন্, গুডপলানি পঞ্চাশত্, মৃদ্বিগ্নিনা পক্ত্বা তস্মান্মাত্রামযন্ত্রণঃ-যন্ত্রণারহিতঃ সন্, ভক্ষযেত্| স চ ভক্ষিতঃ কুষ্ঠাদীন্ হন্তি পুংসবনশ্চ স্যাত্| গুডোঽযং কল্যাণকসংজ্ঞঃ সর্বেষু চ ঋতুষু যৌগিকঃ-যুজ্যতে|
আযুর্বেদরসাযনম্ ব্যাখ্যা ( কৃত)
আ০ র০- কল্যাণকং গুডমাবিডঙ্গপিপ্পলীতি|
Adhikarana অবিপত্তিযোগো মূত্রকৃচ্ছ্রাদিষু (২১-২৩) · Śloka ২৩
| ব্যোষত্রিজাতকাম্ভোদকৃমিঘ্নামলকৈস্ত্রিবৃত্||২১|| সর্বৈঃ সমা সমসিতা ক্ষৌদ্রেণ গুটিকাঃ কৃতাঃ| মূত্রকৃচ্ছ্রজ্বরচ্ছর্দিকাসশোষভ্রমক্ষযে||২২|| তাপে পাণ্ড্বামযেঽল্পেঽগ্নৌ শস্তাঃ সর্ববিষেষু চ| অবিপত্তিরযং যোগঃ প্রশস্তঃ পিত্তরোগিণাম্||২৩||
View original
| व्योषत्रिजातकाम्भोदकृमिघ्नामलकैस्त्रिवृत्||२१|| सर्वैः समा समसिता क्षौद्रेण गुटिकाः कृताः| मूत्रकृच्छ्रज्वरच्छर्दिकासशोषभ्रमक्षये||२२|| तापे पाण्ड्वामयेऽल्पेऽग्नौ शस्ताः सर्वविषेषु च| अविपत्तिरयं योगः प्रशस्तः पित्तरोगिणाम्||२३||
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-ব্যোষাদিভিঃ সমভাগৈঃ সর্বৈর্দ্রব্যৈস্ত্রিবৃত্সমা, সা চ ত্রিবৃত্ তুল্যশর্করা, এবমেতাঃ ক্ষৌদ্রেণ গুটিকাঃ কৃতা মূত্রকৃচ্ছ্রাদিষু শস্যন্তে| অবিপত্তিরযং যোগঃ পিত্তরোগিণাং প্রশস্তঃ|
আযুর্বেদরসাযনম্ ব্যাখ্যা ( কৃত)
আ০ র০- মূত্রকৃচ্ছ্রাদিষু বিরেচনমাহ-ব্যোষেতি| সর্বৈঃ নবভিঃ, সমা-নবভাগা ত্রিবৃত্| সমসিতা-শর্করাযা অপি নব ভাগাঃ|
Adhikarana বর্ষাসু বিরেচনযোগঃ (২৪) · Śloka ২৪
ত্রিবৃতা কৌটজং বীজং পিপ্পলী বিশ্বভেষজম্| ক্ষৌদ্রদ্রাক্ষারসোপেতং বর্ষাকালে বিরেচনম্||২৪||
View original
त्रिवृता कौटजं बीजं पिप्पली विश्वभेषजम्| क्षौद्रद्राक्षारसोपेतं वर्षाकाले विरेचनम्||२४||
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-ত্রিবৃতাদিকং ক্ষৌদ্রদ্রাক্ষারসসংযুক্তং প্রাবৃষি বিরেচনম্|
আযুর্বেদরসাযনম্ ব্যাখ্যা ( কৃত)
আ০ র০- বর্ষাসু বিরেচনমাহ-ত্রিবৃতেতি|
Adhikarana শরদি বিরেচনযোগঃ (২৫) · Śloka ২৫
ত্রিবৃদ্দুরালভামুস্তশর্করোদীচ্যচন্দনম্| দ্রাক্ষাম্বুনা সযষ্ট্যাহ্বসাতলং জলদাত্যযে||২৫||
View original
त्रिवृद्दुरालभामुस्तशर्करोदीच्यचन्दनम्| द्राक्षाम्बुना सयष्ट्याह्वसातलं जलदात्यये||२५||
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-ত্রিবৃদ্দুরালভাদিকং দ্রাক্ষাজলেন শরদি বিরেচনম্|
আযুর্বেদরসাযনম্ ব্যাখ্যা ( কৃত)
আ০ র০- শরদি বিরেচনমাহ-ত্রিবৃদিতি| উদীচ্যং-বালকম্| সাতলা-সপ্তলা|
Adhikarana হেমন্তে বিরেচনযোগঃ (২৬) · Śloka ২৬
ত্রিবৃতাং চিত্রকং পাঠামজাজীং সরলং বচাম্| স্বর্ণক্ষীরীং চ হেমন্তে চূর্ণমুষ্ণাম্বুনা পিবেত্||২৬||
View original
त्रिवृतां चित्रकं पाठामजाजीं सरलं वचाम्| स्वर्णक्षीरीं च हेमन्ते चूर्णमुष्णाम्बुना पिबेत्||२६||
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-ত্রিবৃতাদিকং চূর্ণমুষ্ণাম্বুনা সহ হেমন্তে পিবেত্|
আযুর্বেদরসাযনম্ ব্যাখ্যা ( কৃত)
আ০ র০- হেমন্তে বিরেচনমাহ-ত্রিবৃতামিতি|
Adhikarana গ্রীষ্মে বিরেচনযোগঃ (২৭) · Śloka ২৭
ত্রিবৃতা শর্করাতুল্যা গ্রীষ্মকালে বিরেচনম্| |২৭|
View original
त्रिवृता शर्करातुल्या ग्रीष्मकाले विरेचनम्| |२७|
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-ত্রিবৃচ্ছর্করাসমা গ্রীষ্মর্তৌ বিরেচনম্|
আযুর্বেদরসাযনম্ ব্যাখ্যা ( কৃত)
আ০ র০- গ্রীষ্মে বিরেচনমাহ-ত্রিবৃতেতি|
Adhikarana স্নিগ্ধানাং সর্বর্তুকো বিরেচনযোগঃ (২৭-২৮) · Śloka ২৮
| ত্রিবৃত্ত্রাযন্তিহপুষাসাতলাকটুরোহিণীঃ||২৭|| স্বর্ণক্ষীরীং চ সঞ্চূর্ণ্য গোমূত্রে ভাবযেত্ত্র্যহম্| এষ সর্বর্তুকো যোগঃ স্নিগ্ধানাং মলদোষহৃত্||২৮||
View original
| त्रिवृत्त्रायन्तिहपुषासातलाकटुरोहिणीः||२७|| स्वर्णक्षीरीं च सञ्चूर्ण्य गोमूत्रे भावयेत्त्र्यहम्| एष सर्वर्तुको योगः स्निग्धानां मलदोषहृत्||२८||
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-ত্রিবৃদাদীনি সঞ্চূর্ণ্য ত্র্যহং গোমূত্রে ভাবযেত্| এষ যোগঃ সর্বর্তুষ্বপি স্নিগ্ধানাং নরাণাং মলদোষস্য হারকঃ স্যাত্|
আযুর্বেদরসাযনম্ ব্যাখ্যা ( কৃত)
আ০ র০- স্নিগ্ধানাং সর্বর্তুকং বিরেচনমাহ-ত্রিবৃদিতি|
Adhikarana রূক্ষাণাং সর্বর্তুকো বিরেচনযোগঃ (২৯-১) · Śloka ১
শ্যামাত্রিবৃদ্দুরালম্ভাহস্তিপিপ্পলিবত্সকম্| নীলিনীকটুকামুস্তাশ্রেষ্ঠাযুক্তং সুচূর্ণিতম্||২৯|| রসাজ্যোষ্ণাম্বুভিঃ শস্তং রূক্ষাণামপি সর্বদা| |৩০| ইতি ত্রিবৃচ্ছ্যামযোঃ কল্পঃ||১||
View original
श्यामात्रिवृद्दुरालम्भाहस्तिपिप्पलिवत्सकम्| नीलिनीकटुकामुस्ताश्रेष्ठायुक्तं सुचूर्णितम्||२९|| रसाज्योष्णाम्बुभिः शस्तं रूक्षाणामपि सर्वदा| |३०| इति त्रिवृच्छ्यामयोः कल्पः||१||
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-শ্যামাদ্যং চূর্ণীকৃতং মাংসরসঘৃতোষ্ণাম্বুভী রূক্ষাণামপি সর্বকালং শস্তম্| অপিশব্দাত্ স্নিগ্ধানাং শস্তমেব|
আযুর্বেদরসাযনম্ ব্যাখ্যা ( কৃত)
আ০ র০- রূক্ষাণামপি সর্বর্তুষু বিরেচনমাহ-শ্যামেতি| সঙ্গ্রহে তু (?) (চরকে ক. অ. ৭)- " ব্যোষত্বক্পত্রমুস্তৈলবিডঙ্গামলকান্ সমান্| ত্রিবৃতোঽষ্টগুণং ভাগং শর্করাযাশ্চ ষঙ্গুণম্|| গুডেন গুটিকাঃ কুর্যাত্ ক্ষৌদ্রেণ সহ সংযুতাঃ| মূত্রকুচ্ছ্রে জ্বরে বম্যাং কাসে শোষে ভ্রমে ক্ষযে|| গুল্মে পাণ্ড্বামযেঽল্পেঽগ্নৌ শস্তা নির্যন্ত্রিতাশিনঃ| যোগঃ সর্ববিষাণাং চ মতং শ্রেষ্ঠং বিরেচনম্||" (সঙ্গ্রহে ক. অ. ২)- "ত্র্যূষণত্রিফলাহিঙ্গু কার্ষিকং ত্রিবৃতাপলম্| সৌবর্চলার্ধকর্ষশ্চ পলার্দ্ধং চাম্লবেতসাত্|| তচ্চূর্ণং শর্করাতুল্যং মণ্ডেনাম্লেন বা পিবেত্| গুল্মপার্শ্বার্তিনুত্সিদ্ধং জীর্ণে চাস্মিন্ রসৌদনম্|| ত্রিবৃতাত্রিফলাদন্তীসাতলাব্যোষসৈন্ধবৈঃ || প্রকল্প্য চূর্ণং সপ্তাহং ভাব্যমামলকাদ্রসে|| তদ্যোজ্যং তর্পণে যূষে পিশিতে রাগযুক্তিষু|| তুল্যাম্লং ত্রিবৃতাকল্কসিদ্ধং গুল্মহরং ঘৃতম্|| শ্যামাত্রিবৃত্কষাযেণ সিদ্ধং সর্পিঃপযোঽথবা| ত্রিবৃন্মুষ্টীংস্তু সনখানষ্টৌ দ্রোণেঽম্ভসঃ পচেত্|| পাদশেষং কষাযং তং পূতং গুডতুলাযুতম্| স্নিগ্ধে স্থাপ্যং ঘটে ক্ষৌদ্রপিপ্পলীফলচিত্রকৈঃ|| লিপ্তে মাসে গতে পীতং পাণ্ডুশ্বযথুগুল্মজিত্| সুরা বা ত্রিবৃতাপাদকিণ্বা তত্ক্বাথসংযুতা|| যবৈঃ শ্যামাত্রিবৃত্ক্বাথাস্বিন্নৈঃ কুল্মাষমম্ভসা| আসুতং ষডহং পল্লে জাতং সৌবীরকং পিবেত্|| ভৃষ্টান্ বা সতুষান্ সিদ্ধান্যবাংস্তচ্চূর্ণসংযুতান্ আসুতানম্ভসা তদ্বত্পিবেজ্জাতং তুষোদকম্|" ইতি| বৃন্দে তু (অ.৭৪/৯)- "অভযাপিপ্পলীমূলং মরিচং বিশ্বভেষজম্| ত্বক্পত্রপিপ্পলীমুস্তবিডঙ্গামলকানি চ|| এতানি সমভাগানি দন্তী চ ত্রিগুণা ভবেত্| ত্রিবৃদষ্টগুণা দেযা ষড্গুণা চাত্র শর্করা|| মধুনা মোদকান্ কৃত্বা চাক্ষমাত্রান্ প্রমাণতঃ| একৈকং ভক্ষযেত্প্রাতঃ শীতং চনু জলং পিবেত্|| তস্মাদ্বিরিচ্যতে জন্তুর্যাবদুষ্ণং ন সেবতে| পানাহারবিহারেষু ভবেন্নির্যন্ত্রণঃ সদা|| পাণ্ডুত্বকাসবিষমজ্বরবহ্নিসাদান্ জঙ্ঘোরুপৃষ্ঠজঘনোদরপার্শ্বশূলান্| দুর্নামকুণ্ডলভগন্দরশোফগুল্মান্ যক্ষ্মোদরভ্রমবিদাহকমূত্রকৃচ্ছ্রান্|| ল্পীহাক্ষিরোগপবনাশ্মরিকুষ্ঠমেহান্ হন্যাদ্রসাযনমিদং ভিষজা প্রযুক্তম্| অল্পব্যযং বহুফলং সততোপযোজ্যমাযুষ্করং পলিতনাশনমশ্বিদ্দষ্টম্||" ইতি|
Adhikarana রাজবৃক্ষকল্পঃ জ্বরাদিষু বিরেচনযোগঃ (৩০-৩১) · Śloka ৩১
অথ রাজবৃক্ষকল্পঃ| | জ্বরহৃদ্রোগবাতাসৃগুদাবর্তাদিরোগিষু||৩০|| রাজবৃক্ষোঽধিকং পথ্যো মৃদুর্মধুরশীতলঃ| |৩১|
View original
अथ राजवृक्षकल्पः| | ज्वरहृद्रोगवातासृगुदावर्तादिरोगिषु||३०|| राजवृक्षोऽधिकं पथ्यो मृदुर्मधुरशीतलः| |३१|
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-জ্বরাদিষ্বন্যেভ্যস্তদ্বিষযোক্তেভ্যো বিরেচনদ্রব্যেভ্যো রাজবৃক্ষোঽতিশযেন পথ্যঃ| কিম্ভূতঃ ? মৃদুর্মধুরঃ শীতলশ্চ|
আযুর্বেদরসাযনম্ ব্যাখ্যা ( কৃত)
আ০ র০- আরগ্বধকল্পমাহ-জ্বরহৃদ্রোগেতি|
Adhikarana বালাদিষু বিশেষেণ যোগঃ (৩১-৩২) · Śloka ৩২
| বালে বৃদ্ধে ক্ষতে ক্ষীণে সুকুমারে চ মানবে||৩১|| যোজ্যো মৃদ্বনপাযিত্বাদ্বিশেষাচ্চতুরঙ্গুলঃ| |৩২|
View original
| बाले वृद्धे क्षते क्षीणे सुकुमारे च मानवे||३१|| योज्यो मृद्वनपायित्वाद्विशेषाच्चतुरङ्गुलः| |३२|
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-বালাদৌ মৃদুত্বাদনপাযিত্বাচ্চ বিশেষেণ চতুরঙ্গুলো যোজ্যঃ|
আযুর্বেদরসাযনম্ ব্যাখ্যা ( কৃত)
আ০ র০- বালাদৌ বিশেষাদারগ্বধো যোজ্য ইত্যাহ-বাল ইতি|
Adhikarana গ্রহণবিধিঃ (৩২-৩৪) · Śloka ৩৪
| ফলকালে পরিণতং ফলং তস্য সমাহরেত্||৩২|| তেষাং গুণবতাং ভারং সিকতাসু বিনিক্ষিপেত্| সপ্তরাত্রাত্সমুদ্ধৃত্য শোষযেদাতপে ততঃ||৩৩|| ততো মজ্জানমুদ্ধৃত্য শুচৌ পাত্রে নিধাপযেত্| |৩৪|
View original
| फलकाले परिणतं फलं तस्य समाहरेत्||३२|| तेषां गुणवतां भारं सिकतासु विनिक्षिपेत्| सप्तरात्रात्समुद्धृत्य शोषयेदातपे ततः||३३|| ततो मज्जानमुद्धृत्य शुचौ पात्रे निधापयेत्| |३४|
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-তস্য-শম্যাকস্য, ফলকালে পরিণতং-পক্বং, ফলং সমাহরেত্-সঙ্গৃহ্ণীযাত্| তেষাং-ফলানাং, গুণবতাং-সুনিষ্পন্নানাং, ভারং-পলশতবিংশতিঃ, বালুকাসু বিনিক্ষিপেত্| সপ্তরাত্রাদূর্ধ্বং সিকতাভ্য উদ্ধৃত্যানন্তরমাতপে শোষযেত্| ততঃ-অনন্তরং, তেভ্যঃ ফলেভ্যো মজ্জানমুদ্ধৃত্য-গৃহীত্বা, পাত্রে-ভাণ্ডে, শুচৌ শুদ্ধে, স্থাপযেত্|
আযুর্বেদরসাযনম্ ব্যাখ্যা ( কৃত)
আ০ র০- গ্রহণবিধিমাহ-ফলকাল ইতি| তেষাং-ফলানাম্| ভারং-তুলাবিংশতিঃ|
Adhikarana দাহোদাবর্তযোঃ বিরেচনযোগঃ (৩৪-৩৫) · Śloka ৩৫
| দ্রাক্ষারসেন তং দদ্যাদ্দাহোদাবর্তপীডিতে||৩৪|| চতুর্বর্ষে সুখং বালে যাবদ্দ্বাদশবার্ষিকে| |৩৫|
View original
| द्राक्षारसेन तं दद्याद्दाहोदावर्तपीडिते||३४|| चतुर्वर्षे सुखं बाले यावद्द्वादशवार्षिके| |३५|
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-তং-মজ্জানং, দ্রাক্ষারসেন দদ্যাত্| দাহাদ্যার্তে নরে চতুর্বর্ষে বালে সুখেনৈতদ্বিরেচনম্, যাবদ্দ্বাদশবার্ষিকে বালে সুখং বিরেচনমিদম্|
আযুর্বেদরসাযনম্ ব্যাখ্যা ( কৃত)
আ০ র০- দাহোদাবর্তযোর্বিরেচনমাহ-দ্রাক্ষারসেনেতি|
Adhikarana দাহোদাবর্তযোঃ অন্যে পঞ্চ যোগাঃ (৩৫-৩৬) · Śloka ৩৬
| চতুরঙ্গুলমজ্জ্ঞো বা কষাযং পাযযেদ্ধিমম্||৩৫|| দধিমণ্ডসুরামণ্ডধাত্রীফলরসৈঃ পৃথক্| সৌবীরকেণ বা যুক্তম্ কল্কেন ত্রৈবৃতেন বা||৩৬||
View original
| चतुरङ्गुलमज्ज्ञो वा कषायं पाययेद्धिमम्||३५|| दधिमण्डसुरामण्डधात्रीफलरसैः पृथक्| सौवीरकेण वा युक्तम् कल्केन त्रैवृतेन वा||३६||
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-অথবা রাজবৃক্ষমজ্জ্ঞো হিমং [কষাযং]-শীতকষাযং, দধিমণ্ডাদিভিঃ পৃথগ্যুক্তমথবা কাঞ্জিকেনাথবা কল্কেন ত্রিবৃতাসম্বন্ধিনা যুক্তং পাযযেত্|
আযুর্বেদরসাযনম্ ব্যাখ্যা ( কৃত)
আ০ র০- অন্যদ্বিরেচনপঞ্চকমাহ-চতুরঙ্গুলেতি| সৌবীরকেণ-কাঞ্জিকেন|
Adhikarana রাজবৃক্ষারিষ্টং বিরেচনযোগঃ (৩৭-২) · Śloka ২
দন্তীকষাযে তন্মজ্জ্ঞো গুডং জীর্ণং চ নিক্ষিপেত্| তমরিষ্টং স্থিতং মাসং পাযযেত্ পক্ষমেব বা||৩৭|| ইতি রাজবৃক্ষকল্পঃ||২||
View original
दन्तीकषाये तन्मज्ज्ञो गुडं जीर्णं च निक्षिपेत्| तमरिष्टं स्थितं मासं पाययेत् पक्षमेव वा||३७|| इति राजवृक्षकल्पः||२||
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-দন্তীকষাযে তন্মজ্জ্ঞঃ-কর্ণিকারস্য মধ্যানি, গুডং জীর্ণং চ বিনিক্ষিপেত্| তমরিষ্টং মাসং স্থিতং পাযযেত্| পক্ষং বা স্থিতম্|
আযুর্বেদরসাযনম্ ব্যাখ্যা ( কৃত)
আ০ র০- বিরেচনান্তরমাহ-দন্তীকষায ইতি|
Adhikarana তিল্বককল্পঃ তিল্বকমূলচূর্ণস্য যোগঃ (৩৮-৪০) · Śloka ৪০
অথ তিল্বককল্পঃ| ত্বচং তিল্বকমূলস্য ত্যক্ত্বাঽঽভ্যন্তরবল্কলম্| বিশোষ্য চূর্ণযিত্বা চ দ্বৌ ভাগৌ গালযেত্ততঃ||৩৮|| রোধ্রস্যৈব কষাযেণ তৃতীযং তেন ভাবযেত্| কষাযে দশমূলস্য তং ভাগং ভাবিতং পুনঃ||৩৯|| শুষ্কং চূর্ণং পুনঃ কৃত্বা ততঃ পাণিতলং পিবেত্| মস্তুমূত্রসুরামণ্ডকোলধাত্রীফলাম্বুভিঃ||৪০||
View original
अथ तिल्वककल्पः| त्वचं तिल्वकमूलस्य त्यक्त्वाऽऽभ्यन्तरवल्कलम्| विशोष्य चूर्णयित्वा च द्वौ भागौ गालयेत्ततः||३८|| रोध्रस्यैव कषायेण तृतीयं तेन भावयेत्| कषाये दशमूलस्य तं भागं भावितं पुनः||३९|| शुष्कं चूर्णं पुनः कृत्वा ततः पाणितलं पिबेत्| मस्तुमूत्रसुरामण्डकोलधात्रीफलाम्बुभिः||४०||
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-তিল্বকমূলস্য ত্বচং ত্যক্ত্বা মধ্যবল্কলং বিশোষ্য তথা চূর্ণযিত্বা ততশ্চূর্ণাত্ দ্বৌ ভাগৌ রোধ্রস্যৈব কষাযেণ গালযেত্| ততঃ-অনন্তরম্, অবশিষ্টো যস্তৃতীযো ভাগস্ততশ্চূর্ণাত্, তং তেন কষাযেণ বস্ত্রগালিতেন ভাবযেত্| অনন্তরং বস্ত্রগালিতকষাযেণ ভাবিতং পুনঃ কষাযে দশমূলস্য ভাবিতমনন্তরং শুষ্কচূর্ণং [কৃত্বা] ততশ্চূর্ণাত্ পাণিতলং-কর্ষং, মস্তুগোমূত্রাদিকেন পিবেত্| (কোলং-বদরম্, ধাত্রীফলং-আমলকম্, তযোরম্বুনী স্বরসৌ|) তদ্ভাবনৌষধপ্রমাণং চ শিলাজতুনঃ কল্পবত্ কল্পযেত্| শিলাজতুকল্পং চ বক্ষ্যতি (হৃ. উ. অ. ৩৯/১৩৫)- "সমগিরিজমষ্টগুণিতে নিঃক্বাথ্যং ভাবনৌষধং তোযে|" ইত্যাদি| তস্মাদত্র তিল্বকত্বচো ভাব্যৌষধস্য রোধ্রশ্চ(ধ্রংচ)ভাবনৌষধং সমং দেযম্, ততোঽষ্টগুণং জলং দেযম্, তচ্চ ক্বথনেনাষ্টাংশশেষং কার্যমিতি| এবমন্যত্রাপ্যনির্দিষ্টপ্রমাণানাং ভাব্যদ্রব্যভাবনাদ্রব্যতোযাবশিষ্টানাং পরিমাণং বোধ্যম্|
আযুর্বেদরসাযনম্ ব্যাখ্যা ( কৃত)
আ০ র০- তিল্বককল্পমাহ-ত্বচমিতি| আভ্যন্তরবল্কলং-কাষ্ঠলগ্না ত্বক্| চূর্ণস্য ভাগত্রযং কৃত্বা দ্বৌ ভাগাবেকীকৃত্য রোধ্রকষাযেণ মর্দযিত্বা গালযেত্| তেন দ্রবেণ তৃতীযং ভাগং ভাবযেত্| পুনর্দশমূলকষাযেণ ভাবযেত্| পুনঃশোষযেত্| পুনশ্চূর্ণযেত্| তস্য চূর্ণস্য পাণিতলং-কর্ষং, মস্ত্বাদিভিঃ পিবেত্| কোলং-বদরম্, ধাত্রীফলম্-আমলকম্ তযোরম্বুনী-স্বরসৌ|
Adhikarana তিল্বকমূলকল্কস্য যোগঃ (৪১-৩) · Śloka ৩
তিল্বকস্য কষাযেণ কল্কেন চ সশর্করঃ| সঘৃতঃ সাধিতো লেহঃ স চ শ্রেষ্ঠং বিরেচনম্||৪১|| ইতি তিল্বককল্পঃ||৩||
View original
तिल्वकस्य कषायेण कल्केन च सशर्करः| सघृतः साधितो लेहः स च श्रेष्ठं विरेचनम्||४१|| इति तिल्वककल्पः||३||
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-রোধ্রস্য কষাযেণ কল্কেন চ সশর্করো ঘৃতান্বিতো লেহঃ স্যাত্| স চ লেহঃ শ্রেষ্ঠং বিরেচনম্|
আযুর্বেদরসাযনম্ ব্যাখ্যা ( কৃত)
আ০ র০- বিরেচনান্তরমাহ-তিল্বকস্যেতি| সঙ্গ্রহে তু (ক. অ. ২)-" মেষশৃঙ্গ্যভযাকৃষ্ণাচিত্রকৈঃ ক্বথিতে জলে| মরুজান্ সুনুযাত্তত্র জাতং সৌবীরকং যদা|| ভবেদঞ্জলিনা তস্য রোধ্রকল্কং পিবেত্তদা| মরুজান্-যবান্| সুরাং রোধ্রকষাযেণ জাতাং পক্ষস্থিতাং পিবেত্||" ইতি|
Adhikarana সুধাকল্পঃ সুধাক্ষীরস্য বিরেচনযোগঃ (৪২-৪৭) · Śloka ৪৭
অথ সুধাকল্পঃ| সুধা ভিনত্তি দোষাণাং মহান্তমপি সঞ্চযম্| আশ্বেব কষ্ঠবিভ্রংশান্নৈব তাং কল্পযেদতঃ||৪২|| মৃদৌ কোষ্ঠেঽবলে বালে স্থবিরে দীর্ঘরোগিণি| কল্প্যা গুল্মোদরগরত্বগ্রোগমধুমেহিষু||৪৩|| পাণ্ডৌ দূষীবিষে শোফে দোষবিভ্রান্তচেতসি| সা শ্রেষ্ঠা কণ্টকৈস্তীক্ষ্ণৈর্বহুভিশ্চ সমাচিতা||৪৪|| দ্বিবর্ষাং বা ত্রিবর্ষাং বা শিশিরান্তে বিশেষতঃ| তাং পাটযিত্বা শস্ত্রেণ ক্ষীরমুদ্ধারযেত্ততঃ||৪৫|| বিল্বাদীনাং বৃহত্যোর্বা ক্বাথেন সমমেকশঃ| মিশ্রযিত্বা সুধাক্ষীরং ততোঽঙ্গারেষু শোষযেত্||৪৬|| পিবেত্কৃত্বা তু গুটিকাং মস্তুমূত্রসুরাদিভিঃ| |৪৭|
View original
अथ सुधाकल्पः| सुधा भिनत्ति दोषाणां महान्तमपि सञ्चयम्| आश्वेव कष्ठविभ्रंशान्नैव तां कल्पयेदतः||४२|| मृदौ कोष्ठेऽबले बाले स्थविरे दीर्घरोगिणि| कल्प्या गुल्मोदरगरत्वग्रोगमधुमेहिषु||४३|| पाण्डौ दूषीविषे शोफे दोषविभ्रान्तचेतसि| सा श्रेष्ठा कण्टकैस्तीक्ष्णैर्बहुभिश्च समाचिता||४४|| द्विवर्षां वा त्रिवर्षां वा शिशिरान्ते विशेषतः| तां पाटयित्वा शस्त्रेण क्षीरमुद्धारयेत्ततः||४५|| बिल्वादीनां बृहत्योर्वा क्वाथेन सममेकशः| मिश्रयित्वा सुधाक्षीरं ततोऽङ्गारेषु शोषयेत्||४६|| पिबेत्कृत्वा तु गुटिकां मस्तुमूत्रसुरादिभिः| |४७|
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-সুধা-গুডা, দোষাণাং মহান্তমপি সঞ্চযং হন্তি| এবংগুণামপি তাং-সুধাং, ভিষক্ মৃদুকোষ্ঠাদিষু অতো ন কল্পযেত্| শীঘ্রমেব কষ্টবিভ্রংশাদিতি| কল্পযেদিত্যতিসর্জনে লিঙ্| তর্হি ক্বেযং প্রযোজ্যা ? ইত্যাহ-কল্প্যেতি| গুল্মাদিষু কল্প্যা সাস্নুক্, তীক্ষ্ণৈর্বহুভিঃ কণ্টকৈশ্চিতা শ্রেষ্ঠা স্যাত্| তাং-সুধাং, দ্বিবর্ষামথবা ত্রিবর্ষাং বিশেষেণ শিশিরান্তে কার্যবশাদন্যস্মিন্নপি ঋতৌ শস্ত্রেণ পাটযিত্বা ততঃ-সুধাতঃ, ক্ষীরমুদ্ধারযেত্| দ্বে বর্ষে প্রমাণমস্যা ইতি ঠক্| তস্য রসাল্লুগিতি লুক্| ততশ্চ টাপ্| ততঃ-অনন্তরং, বিল্বাদীনাং কণ্টকারীমহোটিকযোর্বা ক্বাথেন একশঃ-একেনৈকেন, সমং মেলযিত্বা সুধাক্ষীরমনন্তরমঙ্গারেষু তদুভযমপি শোষযেত্| ততো গুটিকাং কৃত্বা যথাযোগং মস্ত্বাদিভিঃ পিবেত্|
আযুর্বেদরসাযনম্ ব্যাখ্যা ( কৃত)
আ০ র০- স্নুহীকল্পমাহ-সুধেতি| তাং-সুধাম্, মুদুকোষ্ঠাদিষু ন কল্পযেত্| কষ্টবিভ্রংশাং-দুঃসহব্যাপদম্| অতঃ-অতিযোগভযাত্| গুল্মাদিষু তু কল্প্যা| মধুমেহঃ-মধুপ্রমেহঃ| দূশীবিষং-বিষপ্রতিষেধোক্তম্| সা-সুধা, বহুতীক্ষ্ণাগ্রকণ্টকা শ্রেষ্ঠা| বিল্বাদীনাং-বৃহত্পঞ্চমূলোক্তানাম্| সমং-সমমাত্রম্| একশঃ-একস্যৈকস্য ক্বাথেন ক্রমান্মিশ্রণং শোষণং চ| বা শব্দাদ্ধৃহতীদ্বযস্য ভিন্নঃ প্রযোগঃ|
Adhikarana সুধাক্ষীরস্য অন্যো বিরেচনযোগঃ (৪৭-৪) · Śloka ৪
| ত্রিবৃতাদীন্নব বরাং স্বর্ণক্ষীরীং সসাতলাম্||৪৭|| সপ্তাহং স্নুক্পযঃ পীতান্ রসেনাজ্যেন বা পিবেত্| তদ্বদ্ব্যোষোত্তমাকুম্ভনিকুম্ভাগ্নীন্ গুডাম্বুনা||৪৮|| ইতি সুধাকল্পঃ||৪||
View original
| त्रिवृतादीन्नव वरां स्वर्णक्षीरीं ससातलाम्||४७|| सप्ताहं स्नुक्पयः पीतान् रसेनाज्येन वा पिबेत्| तद्वद्व्योषोत्तमाकुम्भनिकुम्भाग्नीन् गुडाम्बुना||४८|| इति सुधाकल्पः||४||
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-ত্রিবৃতাদীন্নবেতি 'ত্রিবৃচ্ছ্যামা রাজবৃক্ষস্তিল্বকশ্চ তথা সুধা| শঙ্খিনী সপ্তলা দন্তী দ্রবন্তীতি [স্মৃতা নব||]' ইতি| তদেতান্ ত্রিবৃতাদীংস্তথা ত্রিপালাং স্বর্ণক্ষীরীং সাতলাং চ সপ্ত বাসরান্ স্নুক্পযঃ পীতান্-স্নুক্ক্ষীরভাবিতান্, মাংসরসেন ঘৃতেন বা পিবেত্| তথৈব ব্যোষাদীন্ গুডাম্বুনা পিবেত্|
আযুর্বেদরসাযনম্ ব্যাখ্যা ( কৃত)
আ০ র০- প্রযোগান্তরমাহ-ত্রিবৃতাদীনিতি| ত্রিবৃতাদীন্নব-ত্রিবৃত্ শ্যামা আরগ্বধস্তিল্বকঃ স্নুহী শঙ্খিনী সত্পলা দন্তী দ্রবন্তী চেতি| অত্র স্নুহী কাণ্ডং, ন ক্ষীরম্, তস্য ভাবনাসাধনত্বাত্| বরা-ত্রিফলা| সাতলা-সত্পলা-সত্পলা, তস্যাঃপুনরুক্তত্বাত্ স্বর্ণক্ষীরীং সসাতলামিতি ভিন্নঃ প্রযোগঃ| অত এব ত্রিফলাপ্রযোগোঽপি ভিন্নঃ| রসেন-মাংসরসেন| ব্যোষাদিপ্রযোগোঽঅপি তদ্বত্| তস্য তু পানং গুডোদকেন| সঙ্গ্রহে তু (ক. অ. ২)- " অদ্যাচ্ছামাত্রিবৃব্কাথং স্নুক্ক্ষীঘৃতফাণিতৈঃ| কাসারিরসযূষাদ্যৈর্যুক্তং বা স্নুক্পযঃ পিবেত্|| নিকুম্ভকুম্ভশম্যাকশঙ্খিনীসত্পলারজঃ| রাত্রৌ মূত্রে দিবা ঘর্মে সপ্তাহং স্থাপযেদনু|| স্নুক্ক্ষীরেঽপি ততস্তেন মাল্যং বাসোঽবচূর্ণিতম্| আজিঘ্রন্ প্রাবৃণানশ্চ মৃদুকোষ্ঠো বিরিচ্যতে||" ইতি
Adhikarana শঙ্খিনীফলস্য কল্পঃ সপ্তলামূলস্য কল্পঃ (৪৯-৫) · Śloka ৫
অথ শঙ্খিনীসপ্তলযোঃ কল্পঃ| নাতিশুষ্কং ফলং গ্রাহ্যং শঙ্খিন্যা নিস্তুষীকৃতম্| সপ্তলাযাস্তথা মূলং তে তু তীক্ষ্ণবিকাষিণী||৪৯|| শ্লেষ্মামযোদরগরশ্বযথ্বাদিষু কল্পযেত্| অক্ষমাত্রং তযোঃ পিণ্ডং মদিরালবণান্বিতম্||৫০|| হৃদ্রোগে বাতকফজে তদ্বদ্গুল্মেঽপি যোজযেত্| |৫১| ইতি শঙ্খিনীসপ্তলযোঃ কল্পঃ||৫||
View original
अथ शङ्खिनीसप्तलयोः कल्पः| नातिशुष्कं फलं ग्राह्यं शङ्खिन्या निस्तुषीकृतम्| सप्तलायास्तथा मूलं ते तु तीक्ष्णविकाषिणी||४९|| श्लेष्मामयोदरगरश्वयथ्वादिषु कल्पयेत्| अक्षमात्रं तयोः पिण्डं मदिरालवणान्वितम्||५०|| हृद्रोगे वातकफजे तद्वद्गुल्मेऽपि योजयेत्| |५१| इति शङ्खिनीसप्तलयोः कल्पः||५||
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-শঙ্খিন্যাঃ ফলং নিস্তুষীকৃতং নাতিশুষ্কং গ্রাহ্যম্| সপ্তলাযাশ্চ মূলং গ্রাহ্যম্| তে চ-শঙ্খিনীফলসাতলামূলে, তীক্ষ্ণবিকাষিণী-তৈক্ষ্ণ্যাত্ বিকাশিত্বাচ্চ, শ্লেষ্মামযাদ্যেষু কল্পযেত্| তযোঃ-শঙ্খিনীসপ্তলযোঃ পূর্বোক্তযোঃ, কর্ষমাত্রং পিণ্ডং সুরালবণযুক্তং বাতকফজহৃদ্রোগাদিষু কল্পযেত্|
আযুর্বেদরসাযনম্ ব্যাখ্যা ( কৃত)
আ০ র০- শঙ্খিনীফলসত্পলামূলযোঃ কল্পমাহ-নাতিশুষ্কমিতি|
Adhikarana দন্তীদ্রবন্ত্যোঃ কল্পঃ প্রক্লিন্নদেহাদিষু কল্পঃ (৫১-৫৭) · Śloka ৫৭
অথ দন্তীদ্রবন্ত্যোঃ কল্পঃ| | দন্তিদন্তস্থিরং স্থূলং মূলং দন্তীদ্রবন্তিজম্||৫১|| আতাম্রশ্যাবতীক্ষ্ণোষ্ণমাশুকারি বিকাশি চ| গুরু প্রকোপি বাতস্য পিত্তশ্লেষ্মবিলাযনম্||৫২|| তত্ক্ষৌদ্রপিপ্পলীলিপ্তং স্বেদ্যং মৃদ্দর্ভবেষ্টিতম্| শোষ্যং মন্দাতপেঽগ্ন্যর্কৌ হতো হ্যস্য বিকাশিতাম্||৫৩|| তত্পিবেন্মস্তুমদিরাতক্রপীলুরসাসবৈঃ| অভিষ্যণ্ণতনুর্গুল্মী প্রমেহী জঠরী গরী||৫৪|| গোমৃগাজরসৈঃ পাণ্ডুঃ কৃমিকোষ্ঠী ভগন্দরী| সিদ্ধং তত্ক্বাথকল্কাভ্যাং দশমূলরসেন চ||৫৫|| বিসর্পবিদ্রধ্যলজীকক্ষাদাহান্ জযেদ্ধৃতম্| তৈলং তু গুল্মমেহার্শোবিবন্ধকফমারুতান্||৫৬|| মহাস্নেহঃ শকৃচ্ছুক্রবাতসঙ্গানিলব্যথাঃ| ইতি দন্তীদ্রবন্ত্যোঃ কল্পঃ| বিরেচনে মুখ্যতমা নবৈতে ত্রিবৃতাদযঃ||৫৭||
View original
अथ दन्तीद्रवन्त्योः कल्पः| | दन्तिदन्तस्थिरं स्थूलं मूलं दन्तीद्रवन्तिजम्||५१|| आताम्रश्यावतीक्ष्णोष्णमाशुकारि विकाशि च| गुरु प्रकोपि वातस्य पित्तश्लेष्मविलायनम्||५२|| तत्क्षौद्रपिप्पलीलिप्तं स्वेद्यं मृद्दर्भवेष्टितम्| शोष्यं मन्दातपेऽग्न्यर्कौ हतो ह्यस्य विकाशिताम्||५३|| तत्पिबेन्मस्तुमदिरातक्रपीलुरसासवैः| अभिष्यण्णतनुर्गुल्मी प्रमेही जठरी गरी||५४|| गोमृगाजरसैः पाण्डुः कृमिकोष्ठी भगन्दरी| सिद्धं तत्क्वाथकल्काभ्यां दशमूलरसेन च||५५|| विसर्पविद्रध्यलजीकक्षादाहान् जयेद्धृतम्| तैलं तु गुल्ममेहार्शोविबन्धकफमारुतान्||५६|| महास्नेहः शकृच्छुक्रवातसङ्गानिलव्यथाः| इति दन्तीद्रवन्त्योः कल्पः| विरेचने मुख्यतमा नवैते त्रिवृतादयः||५७||
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-দন্তিনো দন্তঃ, তদ্বত্স্থিরং স্থূলং চ দন্তীদ্রবন্ত্যুদ্ভবং মূলং কিঞ্চিত্তাম্রশ্যাবতীক্ষ্ণোষ্ণমাশুকারি বিকাশি চেত্যাদিনা তত্স্বরূপোক্তিঃ| তচ্চ ক্ষৌদ্রপিপ্পলীভ্যাং লিপ্তং মৃদ্দর্ভবেষ্টিতং স্বেদিতং পশ্চান্মন্দাতপে শোষ্যম্| কিমেবং ক্রিযতে ? ইত্যাহ যস্মাদগ্ন্যর্কাবস্য বিকাশিতাং হতঃ| তচ্চ মস্ত্বাদিভিঃ পিবেত্| অভিষ্যণ্ণদেহাদিঃ পাণ্ড্বামযী কৃমিকোষ্ঠী ভগন্দরী চ গোমৃগাজমাংসরসৈঃ পিবেত্| তস্য মূলস্য ক্বাথকল্কাভ্যাং দশমূলরসেন চ সিদ্ধং ঘৃতং বিসর্পাদীন্ জযেত্| তৈলং তু সিদ্ধং গুল্মাদীন্ জযেত্| মহাস্নেহঃ শকৃতাদিসঙ্গাদীন্ জযেত্| স০-এতে ত্রিবৃতাদযো বিরেচনে নব শ্রেষ্ঠতমাঃ|
আযুর্বেদরসাযনম্ ব্যাখ্যা ( কৃত)
আ০ র০ - দন্তীদ্রবন্ত্যোঃ কল্পমাহ-দন্তীতি| হতঃ-নাশযতঃ| অভিষ্যণ্ণতনুঃ-[রাক্লিন্নদেহঃ| পাণ্ড্বামযাদিষু গবাদিমাংসরসৈঃ| বিসর্পাদিষু তত্ক্বাথাদিসিদ্ধং ঘৃতম্| কক্ষাক্ষুদ্ররোগেষূক্তা (হৃ. উ.অ. ৩১/১১)| গুল্মাদিষু ঘৃতবত্সিদ্ধং তৈলম্| শকৃত্সঙ্গাদিষু ঘৃতবত্সিদ্ধো মহাস্নেহঃ| সঙ্গ্রহে তু (ক. অ. ২)-" দন্ত্যা রসেঽজশৃঙ্গ্যাশ্চ গুডক্ষৌদ্রঘৃতান্বিতঃ| লেহঃ সিদ্ধো বিরেকার্থে দাহসন্তাপমেহনুত্|| বাততর্ষে জ্বরে পৈত্তে স্যাত্স এবাজগন্ধযা| দন্তীদ্রবন্ত্যোর্মূলানি পচেদ্ধাত্রীরসে ততঃ|| ত্রীনংশান্ ফাণিতাদ্দ্বৌ চ ভৃজ্জেত্তৈলে ঘৃতে ঽথবা| শ্যামাদিকল্কযুক্তোঽযং লেহঃ সিদ্ধো বিরেচনম্|| পথ্যাক্ষদশমূলানাং তদ্বল্লেহাঃ পৃথগ্রসৈঃ| তযোর্বিল্বসমং বর্ণং তদ্রসেনৈব ভাবিতম্|| বিবদ্ধবিশি বাতোত্থে গুল্মে চাম্লং যুতং হিতম্| মুদ্গাদিসিদ্বৈস্তন্মূলৈর্যূষাদীংশ্চ বিকল্পযেত্|| দন্তীদ্রবন্তীমরিচস্বর্ণক্ষীরীযবানকম্| সশুণ্ঠ্যগ্নিকপৃথ্বীকং চূর্ণিতং সপ্তবাসরান্|| মূত্রভাবিতমাজ্যেন পিবেজ্জীর্ণে চ তর্পণম্| সর্বদা সর্বরোগেষু বালে বৃদ্ধে চ তদ্ধিতম্|| দুর্ভুক্তাজীর্ণপার্শ্বার্ত্তিগুল্মপ্লীহোদরেষু চ| গণ্ডমালাসু বাতে চ পাণ্ডুরোগে চ শস্যতে||" ইতি| আ০ র০- হরীতকীকল্পমাহ-হরীতকীমিতি|
Adhikarana হরীতকীকল্পঃ গ্রহণ্যাদিষু কল্পঃ (৫৮-৬) · Śloka ৬
অথ হরীতকীকল্পঃ| হরীতকীমপি ত্রিবৃদ্বিধানেনোপকল্পযেত্| গুডস্যাষ্টপলে পথ্যাবিংশতিঃ স্যাত্পলং পলম্||৫৮|| দন্তীচিত্রকযোঃ কর্ষৌ পিপ্পলীত্রিবৃতোর্দশ| প্রকল্প্য মোদকানেকং দশমে দশমেঽহনি||৫৯|| উষ্ণাম্ভোঽনু পিবেত্খাদেত্তান্ সর্বান্বিধিনাঽমুনা| এতে নিষ্পরিহারাঃ স্যুঃ সর্বব্যাধিনিবর্হণাঃ||৬০|| বিশেষাদ্গ্রহণীপাণ্ডুকণ্ডূকোঠার্শসাং হিতাঃ| |৬১| ইতি হরীতকীকল্পঃ||৬||
View original
अथ हरीतकीकल्पः| हरीतकीमपि त्रिवृद्विधानेनोपकल्पयेत्| गुडस्याष्टपले पथ्याविंशतिः स्यात्पलं पलम्||५८|| दन्तीचित्रकयोः कर्षौ पिप्पलीत्रिवृतोर्दश| प्रकल्प्य मोदकानेकं दशमे दशमेऽहनि||५९|| उष्णाम्भोऽनु पिबेत्खादेत्तान् सर्वान्विधिनाऽमुना| एते निष्परिहाराः स्युः सर्वव्याधिनिबर्हणाः||६०|| विशेषाद्ग्रहणीपाण्डुकण्डूकोठार्शसां हिताः| |६१| इति हरीतकीकल्पः||६||
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-যথা ত্রিবৃতাযা বিধানমুক্তং "অথ কালে ততশ্চূর্ণং কিঞ্চিন্নাগরসৈন্ধবম্|"(শ্লো.৭) ইত্যাদি, তথৈব হরীতক্যা অপি বিধাতব্যমিত্যর্থঃ| স০-গুডস্যাষ্টপলে পথ্যাবিংশতির্দন্তীচিত্রকযোঃ পলং পলং প্রত্যেকং স্যাত্| পিপ্পলীত্রিবৃতযোঃ কর্ষাবুভৌ| দশ মোদকানেবং প্রকল্প্যৈকমেকং মোদকং দশমে দশমে দিনে যোজযেত্| পশ্চাদুষ্ণাম্বু পিবেত্| অমুনা বিধিনা সর্বান্ মোদকান্ ভক্ষযেত্| এতে মোদকা নিষ্পরিহারাস্তথাঽশেষব্যাধিনিবর্হণাঃ স্যুঃ| বিশেষেণ গ্রহণ্যাদীনাং হিতাঃ| সম্বন্ধমাত্রস্য বিবক্ষিতত্বাদত্র ষষ্ঠী, অন্যথা তু হিতযোগে চতুর্থী স্যাত্|
আযুর্বেদরসাযনম্ ব্যাখ্যা ( কৃত)
আ০ র০- প্রযোগান্তরমাহ-গুডস্যেতি| পথ্যাবিংশতিরিতি ফলানাং বিংশতিঃ, পলানাম্| "সঙ্খযা ফলানাং শতশোঽপলা স্যাত্" ইতি বচনাত্| সর্বস্য চূর্ণস্য গুডপাকেন দশ মোদকান্ প্রকল্প্য, দশমে দশমেঽহন্যেকং খাদেত্| এবং সর্বান্ খাদেদ্দিবসদ্ব্যশীত্যা| সঙ্গ্রহে তু (ক. অ. ২)- "বিশেষাদ্গ্রহণীশোফপাণ্ডুমেহোদরাপহাম্| পিবেত্পথ্যাং সসিন্ধূত্থবিডঙ্গোষণনাগরাম্|| মূত্রেণ বত্সকাদের্বা নির্যূহেণ হরীতকীম্| পথ্যানাগরচূর্ণং বা সংযুক্তং নীলিনীফলৈঃ|| গুডেন ভক্ষযেত্তোযং কবোষ্ণং প্রপিবেদনু| পথ্যাত্রিবৃদূভ্যাং গুটিকাঃ কার্যা দ্রাক্ষারসপ্লুতাঃ|| মাষপ্রমাণাস্তাঃ শুষ্কা যক্ষ্মী লিহ্যাদ্ধৃতপ্লুতাঃ| পথ্যাত্রিবৃত্পটূষ্ণাম্বু সর্বশ্রেষ্ঠং বিরেচনম্|| স্নুক্ক্ষীরভাবিতে পথ্যাচূর্ণে কুর্বীত মোদকান্| কোলাস্থিমাত্রান্ শুষ্কাংশ্চ নবনীতেন লেহযেত্|| গুল্মোদরযকৃত্প্লীহশূলানাহবিবন্ধিনঃ| লিহ্যাদেরণ্ডতৈলেন কুষ্ঠং ত্রিকটুকান্বিতম্|| সুখোদকং চানু পিবেত্ সুখমেতদ্বিরেচনম্|" ইতি|
Adhikarana উক্তানাং বিরেচনকল্পানাং কিঞ্চিদ্বিশেষঃ (২) · Śloka ২
অল্পস্যাপি মহার্থত্বং প্রভূতস্যাল্পকর্মতাম্||৬১|| কুর্যাত্সংশ্লেষবিশ্লেষকালসংস্কারযুক্তিভিঃ| ৬১ ১/২| ত্বক্কেসরাম্রাতকদাডিমৈলা- সিতোপলামাক্ষিকমাতুলুঙ্গৈঃ| মদ্যেন তৈস্তৈশ্চ মনোনুকূলৈ- র্যুক্তানি দেযানি বিরেচনানি| ৬২ ১/২| ইতি শ্রীবৈদ্যপতিসিংহগুপ্তসূনুশ্রীমদ্বাগ্ভটবিরচিতা যামষ্টাঙ্গহৃদযসংহিতাযাং পঞ্চমে কল্পসিদ্ধিস্থানে বিরেচনকল্পো নাম দ্বিতীযোঽধ্যাযঃ||২||
View original
अल्पस्यापि महार्थत्वं प्रभूतस्याल्पकर्मताम्||६१|| कुर्यात्संश्लेषविश्लेषकालसंस्कारयुक्तिभिः| ६१ १/२| त्वक्केसराम्रातकदाडिमैला- सितोपलामाक्षिकमातुलुङ्गैः| मद्येन तैस्तैश्च मनोनुकूलै- र्युक्तानि देयानि विरेचनानि| ६२ १/२| इति श्रीवैद्यपतिसिंहगुप्तसूनुश्रीमद्वाग्भटविरचिता यामष्टाङ्गहृदयसंहितायां पञ्चमे कल्पसिद्धिस्थाने विरेचनकल्पो नाम द्वितीयोऽध्यायः||२||
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-অল্পস্য-বীর্যেণ মাত্রযা বা কদাচিদল্পৌষধযোগস্য, কেনচিত্তত্তদ্যোগ্যৌষধসংশ্লেষেণ তস্য মহার্থত্বং কার্যম্| তথা কালেন-মধ্যাহ্নাদিনা, তথা সংস্কারেণ-তদ্যোগ্যেন গুণান্তরোত্পাদনেন, তথা যুক্ত্যা-যোজনাপ্রকারবিশেষেণ, তথা বীর্যেণ প্রভূতস্য-মাত্রযাঽথবা মহার্থস্য, কদাচিত্ কেনচিদ্দ্রব্যেণ বিশ্লেষং কৃত্বা তস্যাল্পকর্মত্বং কার্যম্| তথা কালেন প্রত্যূষাদিনা মন্দবীর্যেণ, তথা সংস্কারেণ-গুণান্তরাধানেন, তথা যুক্ত্যা-তাদৃশ্যা, অল্পশক্তিত্বলক্ষণং কর্ম কার্যম্| ত্বক্কেসরাদিভিস্তৈস্তৈঃ-অন্যৈশ্চ তথাবিধৈঃ, মনোনুকূলৈঃ-মানসপ্রিযৈঃ, ঔষধৈর্যুক্তানি বিরেচনানি দেযানি| এবং কৃতে সতি সম্যগ্যোগো বিরেচনস্য স্যাদিতি| উপজাতির্বৃত্তম্| ইতি শ্রীমৃগাঙ্কদত্তপুত্রশ্রীমদরুণদত্তবিরচিতাযামষ্টাঙ্গহৃদযটী- কাযাং সর্বাঙ্গসুন্দরাখ্যাযাং পঞ্চমে কল্পসিদ্ধিস্থানে বিরে- চনকল্পো নাম দ্বিতীযোঽধ্যাযঃ সমাপ্তঃ|| ২||
আযুর্বেদরসাযনম্ ব্যাখ্যা ( কৃত)
আ০ র০- উক্তানাং বিরেচনকল্পানাং কিঞ্চিদ্বিশেষমাহ অল্পস্যেতি| সংশ্লেষঃ-অনুক্তস্য| বিশ্লেষঃ-উক্তস্য| কালঃ-অবস্থাবিশেষঃ| সংস্কারঃ-পাকভাবনাদিঃ| যুক্তিঃ-মাত্রাল্পত্ববহুত্বাদিঃ| ইতি হেমাদ্রিটীকাযামাযুর্বেদরসাযনে| রেকৌষধপ্রকরণং সামস্ত্যেন নিরূপিতম্||