৩. বমনবিরেচনব্যাপত্সিদ্ধিরধ্যাযঃ

Devanagari IAST (Roman)Telugu Tamil Malayalam Kannada Gujarati Bengali Gurmukhi

Hide commentary

Adhikarana অধ্যাযোপক্রমঃ · Śloka

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

অথ বমনবিরেচনকল্পাভ্যামনন্তরং তদ্ব্যাপত্সিদ্ধিং ব্রূতে-

Adhikarana বমনবিরেচনব্যাপত্সিদ্ধিরধ্যাযঃ (২) · Śloka ২

অথাতো বমনবিরেচনব্যাপত্সিদ্ধিং ব্যাখ্যাস্যামঃ| ইতি হ স্মাহুরাত্রেদযো মহর্ষযঃ| (গদ্যসূত্রে)|২|

View original

अथातो वमनविरेचनव्यापत्सिद्धिं व्याख्यास्यामः| इति ह स्माहुरात्रेदयो महर्षयः| (गद्यसूत्रे)|२|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-বমনবিরেচনযোর্ব্যাপত্-অযথাশাস্ত্রমনুষ্ঠীযমানযোর্গদোত্পত্তিঃ, তস্যা বমনবিরেচনব্যাপদঃ সিদ্ধিঃ-সাধনং চিকিত্সিতং, তাং বর্ণযিষ্যামঃ|

আযুর্বেদরসাযনম্ ব্যাখ্যা ( কৃত)

আ০ র০ -বমনবিরেচনব্যাপত্সিদ্ধিমধ্যাযং ব্যাখ্যাতুং প্রতিজানীতে-অথেতি| ব্যাপদশ্চোক্তাঃ সঙ্গ্রহে (ক. অ. ৩)- "প্রতিকূলা গতিঃ পাকো গ্রথিতত্বং সগৌরবম্| দোষোত্ক্লেশো ভৃশাধ্মানং পরিকর্তঃ পরিস্রবঃ|| প্রবাহিকা হৃদ্গ্রহণং সর্বগাত্রপরিগ্রহঃ| সহ ধাতুস্রবেণৈতা দ্বাদশোক্তাঃ সসাধনাঃ|| ব্যাপদো যোগবিভ্রংশাদ্বিবিধেঽপি বিরেচনে|" ইতি|

Adhikarana বমনস্য প্রতিকূলা গতিঃ (১-২) · Śloka ২

বমনং মৃদুকোষ্ঠেন ক্ষুদ্বতাঽল্পকফেন বা| অতিতীক্ষ্ণহিমস্তোকমজীর্ণে দুর্বলেন বা||১|| পীতং প্রযাত্যধস্তস্মিন্নিষ্টহানির্মলোদযঃ| বামযেত্তং পুনঃ স্নিগ্ধং স্মরন্ পূর্বমতিক্রমম্||২||

View original

वमनं मृदुकोष्ठेन क्षुद्वताऽल्पकफेन वा| अतितीक्ष्णहिमस्तोकमजीर्णे दुर्बलेन वा||१|| पीतं प्रयात्यधस्तस्मिन्निष्टहानिर्मलोदयः| वामयेत्तं पुनः स्निग्धं स्मरन् पूर्वमतिक्रमम्||२||

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-এবংবিধেন পুরুষেণৈবংবিধং বমনং পীতমধঃ প্রযাতি| তস্মিন্-বমনেঽধস্তাত্প্রযাতে সতি, ইষ্টহানিঃ-অভিপ্রেতস্য বমনকার্যস্যানিষ্পত্তিঃ| তথা মলস্য-বমনসাধ্যস্য শ্লেষ্মণঃ কেবলস্যান্যদোষযুক্তস্য বা, উদযঃ-স্বস্থানস্থস্যৈবামযকরণং প্রতিচলপ্রবলকে চ| তং-পুরুষং পীতবমনমপ্যবান্তং, পুনঃ স্নিগ্ধং বামযেত্| পূর্বং স্নিগ্ধমপীতি পুনঃ শব্দস্যার্থঃ| কথং বামযেত্ ? স্মরন্ পূর্বমতিক্রমম্, যতোঽতিক্রমাত্ পীতবমনোঽপ্যসৌ পুরুষো বমনকর্মণঃ ফলং নাপ্তবান্| তমতিক্রমং-অপরাধং, স্মরন্ চেতসি কুর্বাণো, ন ত্বেবমেব, বামযেত্|

আযুর্বেদরসাযনম্ ব্যাখ্যা ( কৃত)

Adhikarana বিরেচনস্য প্রতিকূলা গতিঃ (৩-৫) · Śloka ৫

অজীর্ণিনঃ শ্লেষ্মবতো ব্রজত্যূর্ধ্বং বিরেচনম্| অতিতীক্ষ্ণোষ্ণলবণমহৃদ্যমতিভূরি বা||৩|| তত্র পূর্বোদিতা ব্যাপত্সিদ্ধিশ্চ, ন তথাঽপি চেত্| আশযে তিষ্ঠতি ততস্তৃতীযং নাবচারযেত্||৪|| অন্যত্র সাত্ম্যাদ্ধৃদ্যাদ্বা ভেষজান্নিরপাযতঃ| |৫|

View original

अजीर्णिनः श्लेष्मवतो व्रजत्यूर्ध्वं विरेचनम्| अतितीक्ष्णोष्णलवणमहृद्यमतिभूरि वा||३|| तत्र पूर्वोदिता व्यापत्सिद्धिश्च, न तथाऽपि चेत्| आशये तिष्ठति ततस्तृतीयं नावचारयेत्||४|| अन्यत्र सात्म्याद्धृद्याद्वा भेषजान्निरपायतः| |५|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-অজীর্ণিনস্তথা বহুশ্লেষ্মিণো বিরেচনমতিতীক্ষ্ণোষ্ণলবণহৃদ্যমতিপ্রভূতং চ পীতমূর্ধ্বং যাতি| তত্র-তস্মিন্নূর্ধ্বং ব্রজতি, পূর্বোক্তা(দিতা) ব্যাপত্-ইষ্টহানির্মলোদয ইতি| তত্র তথৈব সিদ্ধিঃ-চিকিত্সিতম্| তথা, অনন্তরং বিরেচনস্যোর্ধ্বগমনাদবিরিক্তং পুনঃ স্নিগ্ধং বিরেচযেত্| তথৈব পূর্বং বিরেচনাতিক্রমং স্মরন্নিতোঽপরাধাত্পূর্বং বিরেচনে ন বিরিক্তস্তমতিক্রমং পরিহরন্ বিরেচযেদিত্যর্থঃ| তথাঽপি-এবমনুষ্ঠীযমানে তদ্বিরেচনৌষধং পীতং, যদ্যাশযে-কোষ্ঠলক্ষণে, ন তিষ্ঠতি-তত্র স্থিতিং ন বধ্নাতি ঊর্ধ্বমেব পুনরেতি, ততস্তৃতীযং বিরেচনৌষধং-আরগ্বধাদি, নাবচারযেত্| যদি তু সাত্ম্যং হৃদ্যং নিরপাযং বা ভেষজং তদা তৃতীযমপ্যবচারযেত্|

আযুর্বেদরসাযনম্ ব্যাখ্যা ( কৃত)

আ০ র০-বিরেচনস্য প্রতিকূলাং গতিমাহ-অজীর্ণিন ইতি| তত্র-বিরেচনে| পূর্বোদিতা-বমনোক্তা, ব্যাপত্-ইষ্টহানির্মলোদয ইত্যেষা, সিদ্ধিশ্চ-তং স্নিগ্ধং পুনর্বিরেচযেদিত্যেষা| তথাঽপি-তেনাপি প্রকারেণ, যদ্যাশযে বিরেচনং ন তিষ্ঠতি-ঊর্ধ্বং যাতি, ততঃ-অনন্তরং, তৃতীযং প্রযোগং নাবচারযেত্, যদি তু সাত্ম্যং হৃদ্যং নিরপাযং বা ভেষজং তদা তৃতীযমপ্যবচারেযেত্|

Adhikarana গ্রথিতত্বপাকগৌরবাণি (৫-৮) · Śloka ৮

| অস্নিগ্ধস্বিন্নদেহস্য পুরাণং রূক্ষমৌষধম্||৫|| দোষানুত্ক্লেশ্য নির্হর্তুমশক্তং জনযেদ্গদান্| বিভ্রংশং শ্বযথুং হিধ্মাং তমসো দর্শনং তৃষম্||৬|| পিণ্ডীকোদ্বেষ্টনং কণ্ডূমূর্বোঃ সাদং বিবর্ণতাম্| স্নিগ্ধস্বিন্নস্য বাঽত্যল্পং দীপ্তাগ্নের্জীর্ণমৌষধম্||৭|| শীতৈর্বা স্তব্ধমামে বা সমুত্ক্লেশ্যাহরন্মলান্| তানেব জনযেদ্রোগানযোগঃ সর্ব এব সঃ||৮||

View original

| अस्निग्धस्विन्नदेहस्य पुराणं रूक्षमौषधम्||५|| दोषानुत्क्लेश्य निर्हर्तुमशक्तं जनयेद्गदान्| विभ्रंशं श्वयथुं हिध्मां तमसो दर्शनं तृषम्||६|| पिण्डीकोद्वेष्टनं कण्डूमूर्वोः सादं विवर्णताम्| स्निग्धस्विन्नस्य वाऽत्यल्पं दीप्ताग्नेर्जीर्णमौषधम्||७|| शीतैर्वा स्तब्धमामे वा समुत्क्लेश्याहरन्मलान्| तानेव जनयेद्रोगानयोगः सर्व एव सः||८||

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-অস্নিগ্ধস্বিন্নশরীরস্য পুরাণং রূক্ষং বিরেচনৌষধমুপযুক্তং দোষানুত্ক্লেশ্য-প্রচ্যাব্য, নির্হর্তুমশক্তং বিভ্রংশাদিকান্ গদান্ জনযেত্| অথবা, স্নিগ্ধস্বিন্নস্য চৌষধমত্যল্পং-মাত্রাহীনং, দীপ্তাগ্নের্জীর্ণং-পরিণতং, স্যাত্| শীতৈর্বা স্তব্ধভেষজমামে বা স্তব্ধং সত্ [মলান্-] দোষান্, উত্ক্লেশ্যানির্হরত্ পূর্বোক্তানেব রোগান্ জনযেত্| সঃ-এবংভূতঃ, সর্ব এবাযোগঃ|

আযুর্বেদরসাযনম্ ব্যাখ্যা ( কৃত)

Adhikarana তেষাং প্রতীকারঃ (৯-১০) · Śloka ১০

তং তৈললবণাভ্যক্তং স্বিন্নং প্রস্তরসঙ্করৈঃ| নিরূঢং জাঙ্গলরসৈর্ভোজযিত্বাঽনুবাসযেত্||৯|| ফলমাগধিকাদারুসিদ্ধতৈলেন মাত্রযা| স্নিগ্ধং বাতহরৈঃ স্নেহৈঃ পুনস্তীক্ষ্ণেন শোধযেত্||১০||

View original

तं तैललवणाभ्यक्तं स्विन्नं प्रस्तरसङ्करैः| निरूढं जाङ्गलरसैर्भोजयित्वाऽनुवासयेत्||९|| फलमागधिकादारुसिद्धतैलेन मात्रया| स्निग्धं वातहरैः स्नेहैः पुनस्तीक्ष्णेन शोधयेत्||१०||

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-তং-উত্ক্লিষ্টদোষং, তৈললবণাভ্যক্তং প্রস্তরসঙ্করাখ্যৈঃ স্বেদৈঃ স্বিন্নং তথা নিরূঢং জাঙ্গলরসৈর্ভোজযিত্বা ফলাদিসিদ্ধতৈলেন মাত্রযাঽনুবাসযেত্| বাতহরৈঃ স্নেহৈঃ স্নিগ্ধং পুনস্তীক্ষ্ণেন বিরেচনেন বিশোধযেত্|

আযুর্বেদরসাযনম্ ব্যাখ্যা ( কৃত)

আ০ র০-তং-ত্রিবিধাযোগিনং, নিরূঢং-সমূত্রৈস্তীক্ষ্ণৈর্নিরূহৈঃ, সঙ্গ্রহে (ক. অ. ৩) তথোক্তত্বাত্, মদনফলাদিতৈলেনানুবাসযেত্|

Adhikarana দোষোল্কেশভৃশাধ্মানে, তযোঃ প্রতীকারঃ (১১-১৪) · Śloka ১৪

বহুদোষস্য রূক্ষস্য মন্দাগ্নেরল্পমৌষধম্| সোদাবর্তস্য চোত্ক্লেশ্য দোষান্ মার্গান্ নিরুধ্য তৈঃ||১১|| ভৃশমাধ্মাপযেন্নাভিং পৃষ্ঠপার্শ্বশিরোরুজম্| শ্বাসং বিণ্মূত্রবাতনাং সঙ্গং কুর্যাচ্চ দারুণম্||১২|| অভ্যঙ্গস্বেদবর্ত্যাদি সনিরূহানুবাসনম্| উদাবর্তহরং সর্বং কর্মাধ্মাতস্য শস্যতে||১৩|| পঞ্চমূলযবক্ষারবচাভূতিকসৈন্ধবৈঃ| যবাগূঃ সুকৃতা শূলবিবন্ধানাহনাশনী||১৪||

View original

बहुदोषस्य रूक्षस्य मन्दाग्नेरल्पमौषधम्| सोदावर्तस्य चोत्क्लेश्य दोषान् मार्गान् निरुध्य तैः||११|| भृशमाध्मापयेन्नाभिं पृष्ठपार्श्वशिरोरुजम्| श्वासं विण्मूत्रवातनां सङ्गं कुर्याच्च दारुणम्||१२|| अभ्यङ्गस्वेदवर्त्यादि सनिरूहानुवासनम्| उदावर्तहरं सर्वं कर्माध्मातस्य शस्यते||१३|| पञ्चमूलयवक्षारवचाभूतिकसैन्धवैः| यवागूः सुकृता शूलविबन्धानाहनाशनी||१४||

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-বহুদোষস্য রূক্ষস্য তথা মন্দাগ্নেরল্পমৌষধং যোজিতং তথোদাবর্তবতো দোষানুত্ক্লেশ্য মার্গান্ নিরুধ্য তৈশ্চ দোষৈর্ভৃশং নাভিমাধ্মাপযেত্| তথা পৃষ্ঠাদিরুজাদীন্ কুর্যাত্| আধ্মাতস্য নরস্যাভ্যঙ্গাদিকং কর্ম উদাবর্তহরং সর্বং শস্যতে| পঞ্চমূলাদিভিঃ সুকৃতা যবাগূঃ শূলাদিনাশনী|

আযুর্বেদরসাযনম্ ব্যাখ্যা ( কৃত)

আ০ র০-দোষোত্ক্লেশভৃশাধ্মানে আহ-বহুদোষস্যেতি| তত্র "উত্ক্লেশ্য দোষান্" ইত্যন্তেন দোষোত্ক্লেশম্| শেষেণ ভৃশাধ্মানম্| উক্তং হি সঙ্গ্রহে (ক. অ. ৩)- "কফোল্বণস্যাতিস্নিগ্ধস্য গুরুকোষ্ঠস্য মন্দাগ্নের্বা মৃদুপ্রণীতমৌষধং ভৃশমুত্ক্লেশ্য দোষান্ জাড্যতন্দ্রাদৌর্বল্যাঙ্গসাদান্ জনযতি| তচ্ছীঘ্রমুল্লিখেত্| লঙ্ঘিতং চ সন্ধুক্ষিতাগ্নিং পুনঃ স্নিগ্ধং তীক্ষ্ণোষ্ণৈর্বিশোধযেত্| সশেষান্নায বাতশ্লেষ্মবতে রূক্ষায সোদাবর্তায মন্দাগ্নযে বা শীতং রূক্ষং বা দত্তমৌষধং ভৃশমাধ্মানং করোতি| তত্র মলসঙ্গাত্সমুন্নহ্যত্যুদরমন্তঃশূলং দৃতিবত্পার্শ্বযোরাপূর্ণতা শিরঃপৃষ্ঠরুজা শ্বাসঃ পাযুবস্তিনিস্তোদশ্চ ভবতি| তমুদাবর্তানাহহরাভ্যঙ্গস্বেদবর্তিদীপনচূর্ণবস্তিক্রিযাভিরুপাচরেত্|" ইতি| তৈঃ-উত্ক্লিষ্টদোষৈঃ| নাভিং-নাভিসমীপমুদরম্| পঞ্চমূলাদিযবাগূঃ সুকৃতা-ত্রিকটুলবণস্নেহযুতা| পঞ্চমূলং-মহত্| উক্তং হি বৃন্দেন (জ্বরাতিসারাধিকার শ্লো.১৬)- "পঞ্চমূলীতি সামান্যাদ্ভাহ্যা পিত্তে কনীযসী| মহতী পঞ্চমূলী তু বাতশ্লেষমোত্তরে হিতা||" ইতি| ভূতিকং-রোহিষম্| সৈন্ধবস্য় ক্বাথ্যদ্রব্যেষূক্তাবপি সিদ্ধাযাং যবাগ্বাং লবণস্থানে প্রযোগঃ| অত এব সুকৃতাশব্দেন কৃতাখ্যো ভেদ উচ্যতে|

Adhikarana প্রবাহিকাদিত্রযে ভেষজম্ (১৫-১৬) · Śloka ১৬

পিপলীদাডিমক্ষারহিঙ্গুশুণ্ঠ্যম্লবেতসান্| সসৈন্ধবান্ পিবেন্মদ্যৈঃ সর্পিষোষ্ণোদকেন বা||১৫|| প্রবাহিকাপরিস্রাববেদনাপরিকর্তনে| |১৬|

View original

पिपलीदाडिमक्षारहिङ्गुशुण्ठ्यम्लवेतसान्| ससैन्धवान् पिबेन्मद्यैः सर्पिषोष्णोदकेन वा||१५|| प्रवाहिकापरिस्राववेदनापरिकर्तने| |१६|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-পিপ্পল্যাদীন্ মদ্যেন সর্পিষোষ্ণাম্বুনা বা পিবেত্ প্রবাহিকাদিষু|

আযুর্বেদরসাযনম্ ব্যাখ্যা ( কৃত)

আ০ র০-প্রবাহিকাদিত্রযে ভেষজমাহ-পিপ্পলীতি| পিপ্পল্যাদিচূর্ণং মদ্যাদ্যন্যতমেন প্রবাহিকাদিষু তিসৃষু ব্যাপত্সু পিবেত্| বেদনযা পরিকর্তনং-ছেদনমিব| সঙ্গ্রহে তু (ক. অ. ৩)-"ক্ষামেণাল্পবলেন মৃদুকোষ্ঠাগ্নিনা রূক্ষেণ স্নিগ্ধেন বা স্বিন্নেন সামেন বা বলবদৌষধমুপযুক্তং সপিত্তমনিলং পরিদূষ্য পরিকর্তিকামাপাদযতি| তত্র নাভিবস্তিগুদমেঢ্রে সদাহং পরিকর্তনমনিলসঙ্গো বিষ্টম্ভশ্চ| তং কৃষ্ণতিলমধুকমধুযুক্তৈঃ পিচ্ছাবস্তিভিরাস্থাপযেত্| ক্ষীরিবৃক্ষশৃতক্ষীরেণ বা, শীতাম্বুপরিষিক্তং চৈনং পযসা ভুক্তবন্তং ঘৃতমণ্ডেন যষ্টীমধুকতৈলেন বাঽনুবাসযেত্| ক্ষামস্য চ মধুরো বৃংহণশ্চ সর্বো বিধিরিষ্টঃ| সামে দীপনো লঙ্ঘনশ্চ, লঘুরূক্ষোষ্ণং চান্নপানম্| নিরামীভূতে চানুবন্ধে লঘুক্ষারাম্লম্| বাতেঽধিকে দধি সাম্লং দাডিমত্বচা যুক্তং ভোজনে পানে চ যুঞ্জীত| সদাডিমরসং সর্পিঃ পিবেত্| উষ্ণাম্বুনা বা তিলদেবদারুকল্কম্| ক্রূরকোষ্ঠস্য বহুদোষস্যাল্পমল্পগুণং মৃদুস্নিগ্ধং বা শোধনমবচারিতমুত্ক্লেশ্য দোষান্ন নির্হরতি, অল্পাল্পং চ পিত্তকফসংসৃষ্টং পরিস্রবতি, বিষ্টম্ভগৌরবশোফকোঠকণ্ডূপাণ্ডুতাঙ্গসাদগুদশূলানি চাপাদযতি| তং তিনিশধবাশ্বকর্ণপলাশবলানির্যূহৈর্মধুযুক্তৈরাস্থাপযেত্| উপশান্তপরিস্রবং চ পুনরুপস্নিগ্ধং তীক্ষ্ণৈঃ শোধযেত্| শুদ্ধে চ দীপনাংশ্চূর্ণাসবারিষ্টাদীন্ যোজযেত্| পীতৌষধো যদা বেগমুদীরযতি নিগৃহ্ণাতি বা, তদা প্রবাহিকাঽস্য জাযতে| তস্যাং সদাহশূলং সপিচ্ছং শ্বেতং কৃষ্ণং সরক্তং বা ভৃশং প্রবাহমানঃ কফমুপবিশতি| তং পরিস্ত্রববিধিনোপচরেত্|" ইতি|

Adhikarana হৃদ্গ্রহঃ (১৬-২১) · Śloka ২১

| পীতৌষধস্য বেগানাং নিগ্রহান্মারুতাদযঃ||১৬|| কুপিতা হৃদযং গত্বা ঘোরং কুর্বন্তি হৃদ্গ্রহম্| হিধ্মাপার্শ্বরুজাকাসদৈন্যলালাক্ষিবিভ্রমৈঃ||১৭|| জিহ্বাং খাদতি নিঃসংজ্ঞো দন্তান্ কটকটাযযন্| ন গচ্ছেদ্বিভ্রমং তত্র বামযেদাশু তং ভিষক্||১৮|| মধুরৈঃ পিত্তমূর্চ্ছার্তং কটুভিঃ কফমূর্চ্ছিতম্| পাচনীযৈস্ততশ্বাস্য দোষশেষং বিপাচযেত্||১৯|| কাযাগ্নিং চ বলং চাস্য ক্রমেণাভিপ্রবর্ধযেত্| |২০| ঘ্|২১|

View original

| पीतौषधस्य वेगानां निग्रहान्मारुतादयः||१६|| कुपिता हृदयं गत्वा घोरं कुर्वन्ति हृद्ग्रहम्| हिध्मापार्श्वरुजाकासदैन्यलालाक्षिविभ्रमैः||१७|| जिह्वां खादति निःसंज्ञो दन्तान् कटकटाययन्| न गच्छेद्विभ्रमं तत्र वामयेदाशु तं भिषक्||१८|| मधुरैः पित्तमूर्च्छार्तं कटुभिः कफमूर्च्छितम्| पाचनीयैस्ततश्वास्य दोषशेषं विपाचयेत्||१९|| कायाग्निं च बलं चास्य क्रमेणाभिप्रवर्धयेत्| |२०| घ्|२१|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০- পীতৌষধস্য বেগানাং নিগ্রহাদ্বাতাদযঃ কুপিতা হৃদযং গত্বা ঘোরং হৃদ্গ্রহং কুর্বন্তি| হিধ্মাদিযুক্তঃ স চ হৃদ্গ্রহাদিমান্ জিহ্বাং খাদতি নিঃসংজ্ঞঃ সন্| তথা দন্তান্ কটকটাযতে| তত্র তস্মিন্নবস্থাবিশেষে, ভিষগাশ্বেব তং-রোগিণং, সংশযং হিত্বা বামযেত্| মধুরৈঃ পিত্তমূর্চ্ছার্তং বামযেত্| কফমূর্চ্ছিতং কটুভির্বামযেত্| বামযিত্বা চাস্য দোষশেষং পাচনীযৈর্দ্রব্যৈর্বিপাচযেত্| কাযাগ্নিং বলং চ ক্রমেণাস্যাভিপ্রবর্ধযেত্|

আযুর্বেদরসাযনম্ ব্যাখ্যা ( কৃত)

আ০ র০-হৃদ্গ্রহমাহ-পীতৌষধস্যেতি| অক্ষিবিভ্রমঃ-উত্ধৃতাক্ষত্বম্| কটকটাযযন্-কটত্কটদিতি কারযন্, "লোহিতাদিডাজূভ্যঃ ক্যষ্" ইতি ক্যষন্তাণ্ণিচ| সঙ্গ্রহে তু (ক. অ. ৩)-"তস্মৈ ভিষক্ শীঘ্রমমুহ্যন্নভ্যঙ্গপূর্বং ধান্যস্বেদেন পরিস্বেদ্য তীক্ষ্ণমবপীডং দদ্যাত্| যথাদোষোচ্ছ্রাযং চ বস্তীন্ বিতরেত্|" ইতি|

Adhikarana হৃদ্গ্রহে ভেষজম্, হৃদ্গ্রহবিশেষেভেষজম্ (২০-২১) · Śloka ২১

| পবনেনাতিবমতো হৃদযং যস্য পীড্যতে||২০|| তস্মৈ স্নিগ্ধাম্ললবণান্ দদ্যাত্পিত্তকফেঽন্যথা| |২১|

View original

| पवनेनातिवमतो हृदयं यस्य पीड्यते||२०|| तस्मै स्निग्धाम्ललवणान् दद्यात्पित्तकफेऽन्यथा| |२१|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-যস্যাতিবমতঃ পবনেন হৃদযং পীড্যতে, তস্মৈ রোগিণে স্নিগ্ধাম্ললবণং দদ্যাত্| পিত্তকফে কুপিতে, অন্যথা-মধুরশীতাদিকং, দদ্যাদিত্যর্থঃ|

আযুর্বেদরসাযনম্ ব্যাখ্যা ( কৃত)

আ০ র০-হৃদ্গ্রহবিশেষে ভেষজমাহ-পবনেনেতি| অন্যথেতি রূক্ষমধুরকটুতিক্তকষাযান্ যোগান্ দদ্যাত্|

Adhikarana সর্বগাত্রপরিগ্রহস্তদ্ভেষজং চ (২১-২৩) · Śloka ২৩

| পীতৌষধস্য বেগানাং নিগ্রহেণ কফেন বা||২১|| রুদ্ধোঽতি বা বিশুদ্ধস্য গৃহ্ণাত্যঙ্গানি মারুতঃ| স্তম্ভবেপথুনিস্তোদসাদোদ্বেষ্টার্তিভেদনৈঃ||২২|| তত্র বাতহরং সর্বং স্নেহস্বেদাদি শস্যতে| |২৩|

View original

| पीतौषधस्य वेगानां निग्रहेण कफेन वा||२१|| रुद्धोऽति वा विशुद्धस्य गृह्णात्यङ्गानि मारुतः| स्तम्भवेपथुनिस्तोदसादोद्वेष्टार्तिभेदनैः||२२|| तत्र वातहरं सर्वं स्नेहस्वेदादि शस्यते| |२३|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-পীতভেষজস্য বেগানাং নিগ্রহেণ কফেন বা রুদ্ধোঽতি বিশুদ্ধস্য বা বাযুরঙ্গানি গৃহ্ণাতি স্তম্ভাদিভিঃ| তত্র সর্বং বাতহরং স্নেহস্বেদাদি শস্যতে|

আযুর্বেদরসাযনম্ ব্যাখ্যা ( কৃত)

আ০ র০-সর্বগাত্রপরিগ্রহমাহ-পীতৌষধস্যেতি| সঙ্গ্রহে তু (ক. অ. ৩)- "অস্নিগ্ধস্বিন্নেনাব্রহ্মচারিণা বেগধারিণা মৃদুকোষ্ঠেন সুকুমারেণ বা রূক্ষমৌষধমতিমাত্রপ্রযুক্তমতিবিরেকাদ্বাযুং প্রকোপযতি| তেন সর্বাঙ্গপ্রগ্রহে বিশেষাত্পার্শ্বপৃষ্ঠ শ্রোণিমন্যামর্মসু শূলং মূর্চ্ছা ভ্রমঃ কম্পঃ স্তম্ভো নিস্তোদো ভেদ উদ্বেষ্টনং সংজ্ঞানাশশ্চ স্যাত্| তমভ্যজ্য ধান্যৈঃ স্বেদযিত্বা যষ্টীমধুবিপক্বেন তৈলেনানুবাসযেত্, বাতহরং চান্নপানম্|" ইতি|

Adhikarana ধাতুস্রবস্তদ্ভেষজং চ (২৩-২৬) · Śloka ২৬

| বহুতীক্ষ্ণং ক্ষুধার্তস্য মৃদুকোষ্ঠস্য ভেষজম্||২৩|| হৃত্বাঽঽশু বিট্পিত্তকফান্ ধাতূনাস্রাবযেদ্দ্রবান্| তত্রাতিযোগে মধুরৈঃ শেষমৌষধমুল্লিখেত্||২৪|| যোজ্যোঽতি বমনে রেকো বিরেকে বমনং মৃদু| পরিষেকাবগাহাদ্যৈঃ সুশীতৈঃ স্তম্ভযেচ্চ তম্||২৫|| অঞ্জনং চন্দনোশীরমজাসৃক্শর্করোদকম্| লাজচূর্ণৈঃ পিবেন্মন্থমতিযোগহরং পরম্||২৬||

View original

| बहुतीक्ष्णं क्षुधार्तस्य मृदुकोष्ठस्य भेषजम्||२३|| हृत्वाऽऽशु विट्पित्तकफान् धातूनास्रावयेद्द्रवान्| तत्रातियोगे मधुरैः शेषमौषधमुल्लिखेत्||२४|| योज्योऽति वमने रेको विरेके वमनं मृदु| परिषेकावगाहाद्यैः सुशीतैः स्तम्भयेच्च तम्||२५|| अञ्जनं चन्दनोशीरमजासृक्शर्करोदकम्| लाजचूर्णैः पिबेन्मन्थमतियोगहरं परम्||२६||

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-ক্ষুধার্তস্য মৃদুকোষ্ঠস্য নরস্য বহুতীক্ষ্ণং চ ভেষজং বিট্পিত্তকফান্ শীঘ্রমেব হৃত্বা দ্রবান্ ধাতূনাস্রাবযেত্| তস্মিন্ বিরেচনাতিযোগে মধুরৈর্দ্রব্যৈঃ শেষং বিরেচনদ্রব্যমুদ্ধরেত্| অতিবমনে সতি বিরেকো যোজ্যঃ| অতিবিরেকে চ মৃদু বমনং যোজ্যম্| পরিষেকাদিভিশ্চ শীতৈস্তং-বিরেকং, স্তম্ভযেত্| আদিশব্দো জলার্দ্রশীতমারুতাদিগ্রহণায| অঞ্জনাদিকং লাজচূর্ণৈঃ সহ মন্থং পরং বিরেকাতিযোগহরং পিবেত্|

আযুর্বেদরসাযনম্ ব্যাখ্যা ( কৃত)

আ০ র০-ধাতুস্রবমাহ-বহুতীক্ষ্ণমিতি| অজাসৃগ্ছাগরুধিরম্| অঞ্জনাদিষট্কং লাজচূর্ণৈঃ সহ পিবেত্ "সক্তবঃ সর্পিষাভ্যক্তাঃ শীতবারিপরিপ্লুতাঃ| নাতিসান্দ্রা ন চাত্যচ্ছা মন্থ ইত্যভিধীযতে||' ইত্যুক্তবিশেষপ্রাপ্ত্যর্থং মন্থমিত্যুক্তম্|

Adhikarana বমনাতিযোগে বিশেষঃ (২৭-২৮) · Śloka ২৮

বমনস্যাতিযোগে তু শীতাম্বুপরিষেচিতঃ| পিবেত্ফলরসৈর্মন্থং সঘৃতক্ষৌদ্রশর্করম্||২৭|| সোদ্গারাযাং ভৃশং ছর্দ্যাং মূর্বাযা ধান্যমুস্তযোঃ| সমধূকাঞ্জনং চূর্ণং লেহযেন্মধুসংযুতম্||২৮||

View original

वमनस्यातियोगे तु शीताम्बुपरिषेचितः| पिबेत्फलरसैर्मन्थं सघृतक्षौद्रशर्करम्||२७|| सोद्गारायां भृशं छर्द्यां मूर्वाया धान्यमुस्तयोः| समधूकाञ्जनं चूर्णं लेहयेन्मधुसंयुतम्||२८||

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-বমনস্য ত্বতিযোগে শীতাম্বুপরিষেচিতঃ সন্ ফলরসৈর্মন্থং ঘৃতাদিযুক্তং পিবেত্| অতিশযেন সোদ্গারে বমনে সতি মূর্বাদিচূর্ণং লেহযেত্|

আযুর্বেদরসাযনম্ ব্যাখ্যা ( কৃত)

আ০ র০-বমনাতিযোগে বিশেষমাহ-বমনস্যেতি| মূর্বাদিপঞ্চকচূর্ণং মধুনা লেহযেত্|

Adhikarana বমনভৈষজ্যাতিযোগে ব্যাপত্ তদ্ভেষজং চ (২৯-৩৮) · Śloka ৩৮

বমতোঽন্তঃ প্রবিষ্টাযাং জিহ্বাযাং কবলগ্রহাঃ| স্নিগ্ধাম্ললবণা হৃদ্যা যূষমাংসরসা হিতাঃ||২৯|| ফলান্যম্লানি খাদেযুস্তস্য চান্যেঽগ্রতো নরাঃ| নিঃসৃতাং তু তিলদ্রাক্ষাকল্কলিপ্তাং প্রবেশযেত্||৩০|| বাগ্গ্রহানিলরোগেষু ঘৃতমাংসোপসাধিতাম্| যবাগূং তনুকাং দদ্যাত্স্নেহস্বেদৌ চ কালবিত্||৩১|| অতিযোগাচ্চ ভৈষজ্যং জীবং হরতি শোণিতম্| তজ্জীবাদানমিত্যুক্তমাদত্তে জীবিতং যতঃ||৩২|| শুনে কাকায বা দদ্যাত্তেনান্নমসৃজা সহ| ভুক্তেঽভুক্তে বদেজ্জীবং পিত্তং বা ভেষজেরিতম্||৩৩|| শুক্লং বা ভাবিতং বস্ত্রমাবানং কোষ্ণবারিণা| প্রক্ষালিতং বিবর্ণং স্যাত্পিত্তে শুদ্ধং তু শোণিতে||৩৪|| তৃষ্ণামূর্চ্ছামদার্তস্য কুর্যাদামরণাত্ক্রিযাম্| রক্তপিত্তাতিসারঘ্নীং তস্যাশু প্রাণরক্ষণীম্||৩৫|| মৃগগোমহিষাজানাং সদ্যস্কং জীবতামসৃক্| পিবেজ্জীবাভিসন্ধানং জীবং তদ্ধ্যাশু গচ্ছতি||৩৬|| তদেব দর্ভমৃদিতং রক্তং বস্তৌ নিষেচযেত্| শ্যামাকাশ্মর্যমধুকদূর্বোশীরৈঃ শৃতং পযঃ||৩৭|| ঘৃতমণ্ডাঞ্জনযুতং বস্তিং বা যোজযেদ্ধিমম্| পিচ্ছাবস্তিং সুশীতং বা ঘৃতমণ্ডানুবাসনম্||৩৮||

View original

वमतोऽन्तः प्रविष्टायां जिह्वायां कवलग्रहाः| स्निग्धाम्ललवणा हृद्या यूषमांसरसा हिताः||२९|| फलान्यम्लानि खादेयुस्तस्य चान्येऽग्रतो नराः| निःसृतां तु तिलद्राक्षाकल्कलिप्तां प्रवेशयेत्||३०|| वाग्ग्रहानिलरोगेषु घृतमांसोपसाधिताम्| यवागूं तनुकां दद्यात्स्नेहस्वेदौ च कालवित्||३१|| अतियोगाच्च भैषज्यं जीवं हरति शोणितम्| तज्जीवादानमित्युक्तमादत्ते जीवितं यतः||३२|| शुने काकाय वा दद्यात्तेनान्नमसृजा सह| भुक्तेऽभुक्ते वदेज्जीवं पित्तं वा भेषजेरितम्||३३|| शुक्लं वा भावितं वस्त्रमावानं कोष्णवारिणा| प्रक्षालितं विवर्णं स्यात्पित्ते शुद्धं तु शोणिते||३४|| तृष्णामूर्च्छामदार्तस्य कुर्यादामरणात्क्रियाम्| रक्तपित्तातिसारघ्नीं तस्याशु प्राणरक्षणीम्||३५|| मृगगोमहिषाजानां सद्यस्कं जीवतामसृक्| पिबेज्जीवाभिसन्धानं जीवं तद्ध्याशु गच्छति||३६|| तदेव दर्भमृदितं रक्तं बस्तौ निषेचयेत्| श्यामाकाश्मर्यमधुकदूर्वोशीरैः शृतं पयः||३७|| घृतमण्डाञ्जनयुतं बस्तिं वा योजयेद्धिमम्| पिच्छाबस्तिं सुशीतं वा घृतमण्डानुवासनम्||३८||

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-ছর্দযতোঽভ্যন্তরে জিহ্বাযাং প্রবিষ্টাযাং সত্যাং কবলগ্রহশ্ছাগমাংসরসাঃ স্নিগ্ধাদিযুক্তা মনঃপ্রিযা হিতাঃ| তথা তস্য-অন্তঃপ্রবিষ্টজিহ্বস্য, অগ্রেঽপরে নরা অম্লানি ফলানি খাদেযুঃ| নিঃসৃতাং চ রসনাং তিলদ্রাক্ষাকল্কেন লিপ্তামন্তঃ প্রবেশযেত্| স০-বাগ্গ্রহাদিষু বাতরোগেষু ঘৃতমাংসোপসাধিতাং স্বচ্ছাং যবাগূং দদ্যাত্| স্নেহস্বেদৌ চ যোজযেত্| স০-অতিযোগেন চ যদ্ভেষজং জীবাখ্যং শোণিতং হরতি তদ্ভৈষজ্যং জীবাদানমিতি গদিতম্, যতস্তজ্জীবিতমাদত্তে| পিত্তরক্তযোর্গন্ধবর্ণানুবৃত্তিত্বসামান্যাত্ কিমিদং রক্তমুত পিত্তম্ ? ইতি সংশযঃ| তত্পরীক্ষার্থমাহ-শুনে কাকায বেত্যাদি| তেন বিরেচনাতিযোগোদ্ভবেন রক্তেন, মিশ্রিতমন্নং শুনে বাযসায বা দদ্যাত্| তস্মিন্ রক্তমিশ্রিতেঽন্নে ভুক্তে সতি জীবং বদেত্| অভুক্তে চ সতি তস্মিন্ বিরেচনাতিযোগেরিতং পিত্তং ব্রূযাত্| শুক্লং বস্ত্রং তেন বিরেচনাতিযোগোদ্ভবেন রক্তেন সংশযরূপেণ ভাবিতং-আর্দ্রীকৃতং, অনন্তরমাবানং-শুষ্কং, কোষ্ণবারিণা প্রক্ষালিতং-প্রকর্ষেণ ধৌতং, পিত্তে সতি বিবর্ণং বস্ত্রং স্যাত্, ন শুদ্ধম্| শোণিতে তু সতি প্রক্ষালিতং বস্ত্রং শুদ্ধং স্যাত্| স০-তৃষ্ণাদ্যার্তস্য শোণিতে স্রবত্যেব তক্রপিত্তাতিসারঘ্নীং প্রাণরক্ষণীং শীঘ্রং ক্রিযাং কুর্যাত্, আমরণাত্| অনেন চ মরণতুলাধিরূঢত্বং দ্যোতযতি| সংশযেঽপি চিকিত্সা কার্যেতি প্রাগভ্যধাযি| তত্র মৃগাদীনাং জীবতাং সদ্যস্কং-তত্ক্ষণোত্পন্নং, রক্তং পিবেত্| কিম্ভূতম্ ? জীবাভিসন্ধানম্| জীবমভিসন্ধীযতেঽত্রেতি জীবাভিসন্ধানম্| হি-যস্মাত্, তত্-রক্তং কর্তৃভূতং, জীবং কর্ম আশু গচ্ছতি-প্রাপ্নোতি| তদেতদ্রক্তং দর্ভমৃদিতং-অভিনবপ্রসূতদর্ভমৃদিতং, বস্তৌ নিষেচযেত্-প্রক্ষিপেত্| শ্যামাদিভির্বা শৃতং পযো ঘৃতমণ্ডাঞ্জনাভ্যাং যুক্তং বস্তিং হিমং-শীতলং, যোজযেত্| অথবা পিচ্ছাবস্তিং-স্বল্পমনুবাসনং, সুশীতং ঘৃতমণ্ডেন-স্বচ্ছেনোর্ধ্বভবেন ঘৃতস্যোপরিভাগস্থিতেন, দেযম্|

আযুর্বেদরসাযনম্ ব্যাখ্যা ( কৃত)

Adhikarana গুদভ্রংশে স্তম্ভনম্ (৩৯) · Śloka ৩৯

অস্যামপ্যতিযোগোদ্ভবাযামবস্থাযাং গুদভ্রংশঃ সম্ভাব্যত ইত্যাহ- গুদং ভ্রষ্টং কষাযৈশ্চ স্তম্ভযিত্বা প্রবেশযেত্| |৩৯|

View original

अस्यामप्यतियोगोद्भवायामवस्थायां गुदभ्रंशः सम्भाव्यत इत्याह- गुदं भ्रष्टं कषायैश्च स्तम्भयित्वा प्रवेशयेत्| |३९|

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-গুদং ভ্রষ্টং কষাযৈঃ-কষাযরসনিষ্পাদিতৈঃ- ক্বাথৈঃ, স্তম্ভযিত্বা প্রবেশযেত্|

আযুর্বেদরসাযনম্ ব্যাখ্যা ( কৃত)

আ০ র০-গুদং ভ্রষ্টং কষাযৈঃ-কষাযরসৈর্দ্রব্যৈঃ, স্তম্ভযিত্বা-স্তব্ধতাং নীত্বা, প্রবেশযেত্|

Adhikarana বিসংজ্ঞস্য সামবেদাদিশ্রবণম্ (৩) · Śloka ৩

| বিসংজ্ঞং শ্রাবযেত্সামবেণুগীতাদিনিস্বনম্||৩৯|| ইতি শ্রীবৈদ্যপতিসিংহগুপ্তসূনুশ্রীমদ্বাগ্ভটবিরচিতা- যামষ্টাঙ্গহৃদযসংহিতাযাং পঞ্চমে কল্পসিদ্ধি- স্থানে বমনবিরেচনব্যাপত্সিদ্ধির্নাম তৃতীযোঽধ্যাযঃ||৩||

View original

| विसंज्ञं श्रावयेत्सामवेणुगीतादिनिस्वनम्||३९|| इति श्रीवैद्यपतिसिंहगुप्तसूनुश्रीमद्वाग्भटविरचिता- यामष्टाङ्गहृदयसंहितायां पञ्चमे कल्पसिद्धि- स्थाने वमनविरेचनव्यापत्सिद्धिर्नाम तृतीयोऽध्यायः||३||

🔊 Audio coming soon

Hide commentary

সর্বাঙ্গসুন্দরী ব্যাখ্যা ( কৃত)

স০-বিসংজ্ঞং সম্পন্নং সামবেণুগীতাদীনাং নিস্বনং শ্রাবযেদিতি| ইতি শ্রীমৃগাঙ্কদত্তপুত্রশ্রীমদরুণদত্তবিরচিতাযামষ্টাঙ্গ- হৃদযটীকাযাং সর্বাঙ্গসুন্দরাখ্যাযাং পঞ্চমে কল্প সিদ্ধিস্থানে বমনবিরেচনব্যাপত্সিদ্ধির্নাম তৃতীযোঽধ্যাযঃ সমাপ্তঃ|| ৩||

আযুর্বেদরসাযনম্ ব্যাখ্যা ( কৃত)

আ০ র০-বিসংজ্ঞং সামাদিধ্বনীন্ শ্রাবযেত্| সঙ্গ্রহে তু (ক. অ. ৩)-"অতিমাত্রমকালেঽল্পং তুল্যবীর্যৈরভাবিতম্| অসম্যক্ সংস্কৃতং জীর্ণং ব্যাপদ্যেতৌষধং ধ্রুবম্|| ছর্দনং ন তু দুশ্র্চ্ছর্দং দুর্বিরেচং ন রেচনম্| পাযযেদৌষধং ভূযস্তন্নিহন্তি তথা হি তৌ|| যস্যোর্ধ্বং কফসংসৃষ্টং পীতং যাত্যানুলোমিকম্| বমিতং কবলৈঃ শুদ্ধং লঙ্ঘিতং পাযযেত্তু তম্|| বিবদ্ধেঽল্পং চিরাদ্দোষে স্ত্রবত্যুষ্ণং পিবেজ্জলম্| তেনাধ্মানং বমিস্তৃষ্ণা বিবন্ধশ্চাশু শাম্যতি|| ভেষজং দোষরুদ্ধং চেন্নোর্ধ্বং নাধঃ প্রবর্ততে| সোদ্গারং সাঙ্গশূলং বা স্বেদং তত্রাবচারযেত্|| সম্যগ্বিরিক্তস্যোদ্গারে ভেষজং ক্ষিপ্রমুল্লিখেত্| অজীর্ণমপ্রবৃত্তৌ তু সুশীতৈঃ স্তম্ভযেদ্ভিষক্|| কদাচিচ্ছ্লেষ্মণা রুদ্ধং তিষ্ঠত্যুরসি ভেষজম্| ক্ষীণে শ্লেষ্মণি সাযাহ্নে নিশি বা তত্ প্রবর্ত্ততে|| ক্ষারানাহারযেজ্জীর্ণে তিষ্ঠত্যূর্ধ্বং গতেঽপি বা| বাযুনা ভেষজে ত্বন্যত্ সস্নেহলবণং পিবেত্|| তৃণ্মোহভ্রমমূর্চ্ছাদ্যাঃ স্যুর্জীর্যতি চ ভেষজে| পিত্তঘ্নং স্বাদু শীতং চ ভেষজং তত্র শস্যতে|| লালাহৃল্লাসবিষ্টম্ভরোমহর্ষাঃ কফাবৃতে| ভেষজং তত্র তীক্ষ্ণোষ্ণং কট্বাপি কফনুদ্ধিতম্||" ইতি| তথা ধাতুস্রবে (সং,ক.অ. ৩)-"তং শতধৌতঘৃতেনাভ্যজ্য কষাযস্বাদুশীতৈঃ প্রদেহপরিষেকাবগাহান্নপানৈঃ শর্করামধুমদ্ভিশ্চ লেহৈঃ স্তম্ভযেত্| বিশেষেণ তু বিরেচনাতিযোগে তণ্ডুলাম্ভসা মধুমিশ্রেণ বামযেত্| প্রিযঙ্বাদিকং চ তণ্ডুলোদকেন পিবেত্| রোধ্ররসাঞ্জনাদাডিমত্বচো বা| কট্ফলোত্পলসমঙ্গাপদ্মকেসরাণি বা| ক্ষৌদ্রশর্করামধুকোদুম্বরত্বচো বা| শেষেষ্বপি চাসম্যক্প্রযুক্তবমনবিরেচনোপদ্রবেষু যথামযং দোষাদীনালক্ষ্য প্রতিকুর্যাত্| বস্তিব্যাপত্সিদ্ধিং চেক্ষেত| এবমুভযতো ভাগেঽপি শোধনে যথাবস্থমুত্তিষ্ঠেত| যা তু বিরেচনে পরিকর্তিকা তদ্বমনে কণ্ঠক্ষণনম্, যঃ পরিস্রবঃ স কফপ্রসেকঃ, যত্ প্রবাহণং স শুষ্কোদ্গার ইতি|" ইতি| ইতি হেমাদ্রিটীকাযামাযৌর্বেদরসাযনে| শুদ্ধিব্যাপত্প্রকরণং সামস্ত্যেন নিরূপিতম্|| ৩||

← 2. virēcanakalpādhyāyaḥ 4. bastikalpādhyāyaḥ →