Adhikarana অধ্যাযোপক্রমঃ · Śloka
🔊 Audio coming soon
সর্বাঙ্গসুন্দরী ব্যাখ্যা ( কৃত)
অস্মাদনন্তরং বাতরক্তচিকিত্সিতমারভ্যতে| যতো বাতশোণিতাখ্যো ব্যাধিঃ প্রাযো বাতব্যাধিরেব| শোণিতযুক্তেন বাযুনা কৃতত্বাদ্বহুবক্তব্যাচ্চ পৃথগস্যোপদেশঃ, ইত্যত আহ-
Adhikarana বাতশোণিতচিকিত্সিতাধ্যাযঃ বাতরক্তে অল্পাল্পং রক্তহরণম্ (২-১) · Śloka ১
অথাতো বাতশোণিতচিকিত্সিতং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ| (গদ্যসূত্রে|২| ) বাতশোণিতিনো রক্তং স্নিগ্ধস্য বহুশো হরেত্| অল্পাল্পং পালযন্ বাযুং যথাদোষং যথাবলম্||১||
अथातो वातशोणितचिकित्सितं व्याख़्यास्यामः| इति ह स्माहुरात्रेयादयो महर्षयः| (गद्यसूत्रे|२| ) वातशोणितिनो रक्तं स्निग्धस्य बहुशो हरेत्| अल्पाल्पं पालयन् वायुं यथादोषं यथाबलम्||१||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-বাতশোণিতিনো নরস্য স্নিগ্ধস্য সতো বহূন্ বারান্ লোহিতমল্পাল্পং হরেদ্বাতকোপভযাত্| অত এবাহ,-পালযন্ বাযুম্, তথা যথাদোষং-দোষানতিক্রমেণ, তথা বলানতিক্রমেণ| যথাদোষমিত্যুপলক্ষণার্থম্, দূষ্যাদ্যনতিক্রমেণাপি রক্তং হরেত্|
Adhikarana বাতরক্তে রূগ্রাগাদিযুতে জলৌকোভিঃ বাতরক্তে চিমচিমাদিযুতে শৃঙ্গতুম্বৈঃ বাতরক্তে দেশান্তরগতে প্রচ্ছানসিরাভিঃ (২-৩) · Śloka ৩
রুগ্রাগতোদদাহেষু জলৌকোভির্বিনির্হরেত্| শৃঙ্গতুম্বৈশ্চিমিচিমাকণ্ডূরুগ্দূযনান্বিতম্||২|| প্রচ্ছানেন সিরাভির্বা দেশাদ্দেশান্তরং ব্রজত্| |৩|
रुग्रागतोददाहेषु जलौकोभिर्विनिर्हरेत्| शृङ्गतुम्बैश्चिमिचिमाकण्डूरुग्दूयनान्वितम्||२|| प्रच्छानेन सिराभिर्वा देशाद्देशान्तरं व्रजत्| |३|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-রুগ্রাগাদিষু সত্সু জলৌকোভী রুধিরং হরেত্| চিমিচিমাদ্যন্বিতং রক্তং শৃঙ্গতুম্বৈর্হরেত্| দেশাদ্দেশান্তরং গচ্ছদসৃক্ প্রচ্ছানেন সিরযা বা হরেত্|
Adhikarana বাতরক্তে অঙ্গগ্লান্যাদৌ রক্তস্ত্রাবনিষেধঃ বাতরক্তে রক্তক্ষযাত্ গম্ভীরশোথাদযঃ (৩-৪) · Śloka ৪
| অঙ্গগ্লানৌ তু ন স্রাব্যং রূক্ষে বাতোত্তরে চ যত্||৩|| গম্ভীরং শ্বযথুং স্তম্ভং কম্পং স্নাযুসিরামযান্| গ্লানিমন্যাংশ্চ বাতোত্থান্ কুর্যাদ্বাযুরসৃক্ষযাত্||৪||
| अङ्गग्लानौ तु न स्राव्यं रूक्षे वातोत्तरे च यत्||३|| गम्भीरं श्वयथुं स्तम्भं कम्पं स्नायुसिरामयान्| ग्लानिमन्यांश्च वातोत्थान् कुर्याद्वायुरसृक्षयात्||४||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-অঙ্গগ্লানৌ তু সত্যাং ন সাধ্যং স্যাত্| তথা রূক্ষে বাতোত্তরে চ যদ্রক্তং তদপি ন স্রাব্যম্| রূক্ষে সতি বাতচিকিত্সিতং সেবেত| ননু, কস্মাদ্রক্তস্রাবো ন বিধীযতে ? ইত্যাহ-বাযুরসৃক্ক্ষযাদ্গম্ভীরশোফাদীন্ কুর্যাত্|
Adhikarana বাতরক্তে বিরেচ্যে স্নেহবিরেচনম্ (৫) · Śloka ৫
বিরেচ্যঃ স্নেহযিত্বা তু স্নেহযুক্তৈর্বিরেচনৈঃ| |৫|
विरेच्यः स्नेहयित्वा तु स्नेहयुक्तैर्विरेचनैः| |५|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-বিরেচনযোগ্যঃ পুরুষঃ স্নেহযিত্বা বিরেচনদ্রব্যেঃ স্নেহযুতৈর্বিরেচনীযঃ|
Adhikarana বাতরক্তে বাতাধিকে পুরাণং ঘৃতম্ (৫) · Śloka ৫
বাতোত্তরে বাতরক্তে পুরাণং পাযযেদ্ঘৃতম্| ||৫||
वातोत्तरे वातरक्ते पुराणं पाययेद्घृतम्| ||५||
🔊 Audio coming soon
সর্বাঙ্গসুন্দরী ব্যাখ্যা ( কৃত)
বাতোত্তরে বাতরক্তে পুরাণং ঘৃতং পাযযেত্|
Adhikarana বাতরক্তে বাতাধিকে শ্রাবণ্যাদিঘৃতম্ (৬) · Śloka ৬
শ্রাবণীক্ষীরকাকোলীক্ষীরিণীজীবকৈঃ সমৈঃ| সিদ্ধং সর্ষভকৈঃ সর্পিঃ সক্ষীরং বাতরক্তনুত্||৬||
श्रावणीक्षीरकाकोलीक्षीरिणीजीवकैः समैः| सिद्धं सर्षभकैः सर्पिः सक्षीरं वातरक्तनुत्||६||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-শ্রাবণ্যাদিভিঃ ঋষভযুক্তৈঃ কল্কীকৃতৈঃ সিদ্ধং ঘৃতং দুগ্ধযুক্তং বা বাতশোণিতহৃত্|
Adhikarana বাতরক্তে বাতাধিকে দ্রাক্ষাদিঘৃতম্ বাতরক্তে বাতাধিকে গুডূচীসিদ্ধণ্ ক্ষীরম্ বাতরক্তে বাতাধিকে তৈলপযঃ শর্করামিশৃণম্ (৭-৮) · Śloka ৮
দ্রাক্ষামধূকবরিভ্যাং সিদ্ধং বা সসিতোপলম্| ঘৃতং পিবেত্তথা ক্ষীরং গুডূচীস্বরসে শৃতম্||৭|| তৈলং পযঃ শর্করাং চ পাযযেদ্বা সুমূর্চ্ছিতম্| |৮|
द्राक्षामधूकवरिभ्यां सिद्धं वा ससितोपलम्| घृतं पिबेत्तथा क्षीरं गुडूचीस्वरसे शृतम्||७|| तैलं पयः शर्करां च पाययेद्वा सुमूर्च्छितम्| |८|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-দ্রাক্ষামধূকযোঃ ক্বাথে সিদ্ধং বা ঘৃতং সশর্করং পিবেত্| ক্ষীরং চ গুডূচীস্বরসে ক্বথিতং পিবেত্| তৈলাদি বা সম্মিশ্রিতং পাযযেত্|
Adhikarana বাতরক্তে বাতাধিকে বলাদিক্ষীরম্ (৮-৯) · Śloka ৯
| বলাশতাবরীরাস্নাদশমূলৈঃ সপীলুভিঃ||৮|| শ্যামৈরণ্ডস্থিরাভিশ্চ বাতার্তিঘ্নং শৃতং পযঃ| |৯|
| बलाशतावरीरास्नादशमूलैः सपीलुभिः||८|| श्यामैरण्डस्थिराभिश्च वातार्तिघ्नं शृतं पयः| |९|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-বলাদিভিঃ শৃতং পযো বাতরুজানাশনং স্যাত্|
Adhikarana বাতরক্তে বাতাধিকে দোষনুলোমনং ক্ষীরম্ (৯) · Śloka ৯
| ধারোষ্ণং মূত্রযুক্তং বা ক্ষীরং দোষানুলোমনম্||৯||
| धारोष्णं मूत्रयुक्तं वा क्षीरं दोषानुलोमनम्||९||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-ধারোষ্ণং ক্ষীরং গোমূত্রযুক্তং বা দোষানুলোমনং স্যাত্|
Adhikarana বাতরক্তে পিত্তাধিকে শতাবর্যাদিক্বাথঃবাতরক্তে পিত্তাস্বদুতিক্তসিদ্ধং ধৃতং ক্ষীরং বা (১০) · Śloka ১০
পৈত্তে পক্ত্বা বরীতিক্তাপটোলত্রিফলামৃতাঃ| পিবেদ্ধৃতং বা ক্ষীরং বা স্বাদুতিক্তকসাধিতম্||১০||
पैत्ते पक्त्वा वरीतिक्तापटोलत्रिफलामृताः| पिबेद्धृतं वा क्षीरं वा स्वादुतिक्तकसाधितम्||१०||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-পৈত্তে-পিত্তাধিকে বাতশোণিতে, শতাবর্যাদীন্ পক্ত্বা পিবেত্| স্বাদুতিক্তদ্রব্যৈঃ সাধিতং ঘৃতং ক্ষীরং বা পিবেত্|
Adhikarana বাতরক্তে পিত্তাবহুদোষে বিরেকার্থ এরণ্ডতৈলম্ (১১) · Śloka ১১
ক্ষীরেণৈরণ্ডতৈলং চ প্রযোগেণ পিবেন্নরঃ| বহুদোষো বিরেকার্থে জীর্ণে ক্ষীরৌদনাশনঃ||১১||
क्षीरेणैरण्डतैलं च प्रयोगेण पिबेन्नरः| बहुदोषो विरेकार्थे जीर्णे क्षीरौदनाशनः||११||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-বহুদোষো নরো বিরেকার্থমেরণ্ডতৈলং ক্ষীরেণ পিবেত্| জীর্ণে তস্মিন্ ক্ষীরৌদনাশী স্যাত্|
Adhikarana বাতরক্তে পিত্তাদোষে হরীতকী কষাযঃ,বাতরক্তে পিত্তাদোষে ত্রিবৃতাচূর্ণম্ (১২) · Śloka ১২
কষাযমভযানাং বা পাযযেদ্ধৃতভর্জিতম্| ক্ষীরানুপানং ত্রিবৃতাচূর্ণে দ্রাক্ষারসেন বা||১২||
कषायमभयानां वा पाययेद्धृतभर्जितम्| क्षीरानुपानं त्रिवृताचूर्णे द्राक्षारसेन वा||१२||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-অথবা, হরীতকীনাং ক্বাথং ঘৃতভর্জিতং পাযযেত্| ত্রিবৃতামূলচূর্ণং ক্ষীরানুপানং দ্রাক্ষারসেন বা পাযযেত্|
Adhikarana বাতরক্তে পিত্তদোষে ক্ষীরবস্তযঃ বাতরক্তে পিত্তদোষেবস্তিপ্রশংসা (১৩-১৪) · Śloka ১৪
নির্হরেদ্বা মলং তস্য সঘৃতৈঃ ক্ষীরবস্তিভিঃ| ন হি বস্তিসমং কিঞ্চিদ্বাতরক্তচিকিত্সিতম্||১৩|| বিশেষাত্প্যুপার্শ্বোরুপর্বাস্থিজঠরার্তিষু| |১৪|
निर्हरेद्वा मलं तस्य सघृतैः क्षीरबस्तिभिः| न हि बस्तिसमं किञ्चिद्वातरक्तचिकित्सितम्||१३|| विशेषात्प्युपार्श्वोरुपर्वास्थिजठरार्तिषु| |१४|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-অথবা তস্য-বাতরক্তবতো, মলং ক্ষীরবস্তিভির্ঘৃতান্বিতৈর্নির্হরেত্| যস্মাদ্বস্তিতুল্যং নান্যদ্বাতরক্তচিকিত্সিতমস্তি| বিশেষেণ পাথ্বাদিপীডাসু বস্তির্হিতঃ|
Adhikarana বাতরক্তে কফাধিকে মুস্তাদিকথঃ (১৪-১৫) · Śloka ১৫
| মুস্তাধাত্রীহরিদ্রাণাং পিবেত্ক্বাথং কফোল্বণে||১৪|| সক্ষৌদ্রং ত্রিফলাযা বা গুডূচীং বা যথাতথা| |১৫|
| मुस्ताधात्रीहरिद्राणां पिबेत्क्वाथं कफोल्बणे||१४|| सक्षौद्रं त्रिफलाया वा गुडूचीं वा यथातथा| |१५|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-মুস্তাদীনাং ক্বাথং মাক্ষিকান্বিতং কফোত্তরে বাতশোণিতে পিবেত্| ত্রিফলাযাঃ ক্বাথং বা সমাক্ষিকং পিবেত্| সর্বেণ প্রকারেণ গুডূচীং বা পিবেত্|
Adhikarana বাতরক্তেরক্তে কফাধিকে ত্রিফলাক্বাথঃ,বাতরক্তে কফাধিকে গুডূচীক্বাথাদি বাতরক্তে কফাধিকে রক্তেস্নেহো বমনং রূক্ষণং চ বাতরক্তে ত্রিদোষজে শূলান্বিতে ত্রিফলাদিকল্কঃ (১৫-১৮) · Śloka ১৮
| যথার্হস্নেহপীতং চ বামিতং মৃদু রূক্ষযেত্||১৫|| ত্রিফলাব্যোষপত্রৈলাত্বক্ক্ষীরীচিত্রকং বচাম্| বিডঙ্গম্ ং পিপ্পলীমূলং লোমশাং বৃষকং ত্বচম্||১৬|| ঋদ্ধিং লাঙ্গলিকীং চব্যং সমভাগানি পেষযেত্| কল্যে লিপ্ত্বাঽঽযসীং পাত্রীং মধ্যাহ্নে ভক্ষযেদিদম্||১৭|| বাতাস্রে সর্বদোষেঽপি পরং শূলান্বিতে হিতম্| |১৮|
| यथार्हस्नेहपीतं च वामितं मृदु रूक्षयेत्||१५|| त्रिफलाव्योषपत्रैलात्वक्क्षीरीचित्रकं वचाम्| विडङ्गम् ं पिप्पलीमूलं लोमशां वृषकं त्वचम्||१६|| ऋद्धिं लाङ्गलिकीं चव्यं समभागानि पेषयेत्| कल्ये लिप्त्वाऽऽयसीं पात्रीं मध्याह्ने भक्षयेदिदम्||१७|| वातास्रे सर्वदोषेऽपि परं शूलान्विते हितम्| |१८|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-যো যস্যার্হঃ স্নেহস্তং পীতবন্তং কৃতবমনং চ মৃদু কৃত্বা রূক্ষযেত্| স০-ত্রিফলাদীনি সমাংশানি জলেন পেষযেত্| পিষ্ট্বা চ প্রভাতে লৌহীং পাত্রীং লিপ্ত্বা মধ্যাহ্ন ইদং ভক্ষযেত্| এতচ্চ বাতরক্তে সর্বদোষেঽপি পরং শূলান্বিতে হিতম্|
Adhikarana বাতরক্তে ত্রিদোষজে কোকিলাক্ষকক্বাথঃ (১৮-১৯) · Śloka ১৯
| কোকিলাক্ষকনির্যূহঃ পীতস্তচ্ছাকভোজিনা||১৮|| কৃপাভ্যাস ইব ক্রোধং বাতরক্তং নিযচ্ছতি| |১৯|
| कोकिलाक्षकनिर्यूहः पीतस्तच्छाकभोजिना||१८|| कृपाभ्यास इव क्रोधं वातरक्तं नियच्छति| |१९|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-কোকিলাক্ষভোজিনা কোকিলাক্ষকক্বাথঃ পীতো বাতরক্তং শমযতি| কৃপাভ্যাসঃ ক্রোধং যথা|
Adhikarana বাতরক্তে ত্রিদোষজে লেলীতকীবসা (১৯-২০) · Śloka ২০
| পঞ্চমূলস্য ধাত্র্যা বা রসৈর্লেলীতকীং বসাম্||১৯|| খুডং সুরূঢমপ্যঙ্গে ব্রহ্মচারী পিবন্ জযেত্| |২০|
| पञ्चमूलस्य धात्र्या वा रसैर्लेलीतकीं वसाम्||१९|| ख़ुडं सुरूढमप्यङ्गे ब्रह्मचारी पिबन् जयेत्| |२०|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-পঞ্চমূলস্য রসৈরামলকরসৈর্বা লেলীতকীং বসাং ব্রহ্মচারী পিবন্ শরীরে খুডং সুস্থিরীভূতমপি জযেত্|
Adhikarana বাতরক্তে ইত্যাভ্যন্তরং কর্মং বাতরক্তে অতঃ পরং বাহ্যম্ (২০) · Śloka ২০
| ইত্যাভ্যন্তরমুদ্দিষ্টং কর্মবাহ্যমতঃ পরম্||২০||
| इत्याभ्यन्तरमुद्दिष्टं कर्मबाह्यमतः परम्||२०||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-ইতি-এবং, অভ্যন্তরং কর্ম-চিকিত্সিতমুক্তম্| স০-অতঃ পরং বাহ্যং কর্মোচ্যতে|
Adhikarana বাতরক্তে জ্বরদাহার্তৌ আরনালতৈলম্ (২১) · Śloka ২১
আরনালাঢকে তৈলং পাদসর্জরসং শৃতম্| প্রভূতে খজিতং তোযে জ্বরদাহার্তিনুত্পরম্||২১||
आरनालाढके तैलं पादसर्जरसं शृतम्| प्रभूते ख़जितं तोये ज्वरदाहार्तिनुत्परम्||२१||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-কাঞ্জিকস্যাঢকে তৈলং চতুর্থভাগসর্জরসং পক্বং প্রভূতে জলে মথিতং পরং জ্বরদাহার্তিনুত্|
Adhikarana বাতরক্তে রূজাযাং পিণ্ডতৈলম্ (২২) · Śloka ২২
সমধূচ্ছিষ্টমঞ্জিষ্ঠং সসর্জরসসারিবম্| পিণ্ডতৈলং তদভ্যঙ্গাদ্বাতরক্তরুজাপহম্||২২||
समधूच्छिष्टमञ्जिष्ठं ससर्जरससारिवम्| पिण्डतैलं तदभ्यङ्गाद्वातरक्तरुजापहम्||२२||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-পূর্বোক্তং তৈলং পক্বং সহ মধূচ্ছিষ্টমঞ্জিষ্ঠাসর্জরসসারিবাভিরাবাপরূপাভির্বর্ততে যত্তদেবভূতং সত্পিণ্ডতৈলমুচ্যতে| তচ্চাভ্যঙ্গাদ্বাতরক্তরুজাহরম্|
Adhikarana বাতরক্তে রূজাযাং দশমূলশৃতক্ষীরেণ পরিষেকঃ,বাতরক্তে রূজাযাং কোষ্ণসর্পিষা (২৩) · Śloka ২৩
দশমূলশৃতং ক্ষীরং সদ্যঃ শূলনিবারণম্| পরিষেকোঽনিলপ্রাযে তদ্বত্কোষ্ণেন সর্পিষা||২৩||
दशमूलशृतं क्षीरं सद्यः शूलनिवारणम्| परिषेकोऽनिलप्राये तद्वत्कोष्णेन सर्पिषा||२३||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-দশমূলেন ক্ষীরং সিদ্ধং শীঘ্রমেব শূলহৃত্, পরিষেকেণেত্যর্থাদবগম্যতে| অত এবাহ-পরিষেকোঽনিলপ্রাযে| তথেব কোষ্ণেন সর্পিষা-ঘৃতেন, হিতঃ|
Adhikarana বাতরক্তে স্তম্ভাদ্যার্তে মধুরসিদ্ধস্নেহৈঃ পরিষেকঃ (২৪) · Śloka ২৪
স্নেহৈর্মধুরসিদ্ধৈর্বা চতুর্ভিঃ পরিষেচযেত্| স্তম্ভাক্ষেপকশূকার্তং কোষ্ণৈর্দাহে তু শীতলৈঃ||২৪||
स्नेहैर्मधुरसिद्धैर्वा चतुर्भिः परिषेचयेत्| स्तम्भाक्षेपकशूकार्तं कोष्णैर्दाहे तु शीतलैः||२४||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-অথবা স্তম্ভাদিভিরার্তং নরং চতুর্ভির্মধুরদ্রব্যসাধিতৈঃ স্নেহৈঃ কোষ্ণৈঃ পরিষেচযেত্| দাহে পুনস্তৈরেব শীতৈঃ পরিষেচযেত্|
Adhikarana বাতরক্তে স্তম্ভাদ্যার্তেগব্যাদিক্ষীরৈঃ (২৫) · Śloka ২৫
তদ্বদ্গব্যাবিকচ্ছাগৈঃ ক্ষীরৈস্তৈলবিমিশ্রিতৈঃ| |২৫|
तद्वद्गव्याविकच्छागैः क्षीरैस्तैलविमिश्रितैः| |२५|
🔊 Audio coming soon
সর্বাঙ্গসুন্দরী ব্যাখ্যা ( কৃত)
অথবা, গব্যাবিকচ্ছাগৈঃ ক্ষীরৈস্তৈলবিমিশ্রিতৈঃ কোষ্ণৈঃ স্তম্ভাক্ষেপকশূলার্তং তদ্বত্-প্রাগ্বত্, পরিষেচযেত্| দাহে পুনরেতৈরেব ক্ষীতৈঃ পরিষেচযেত্|
Adhikarana বাতরক্তে স্তম্ভাদ্যার্তেজীবনীযক্বাথৈঃবাতরক্তে স্তম্ভালঘুপঞ্চমূলক্বাথৈঃ (২৫) · Śloka ২৫
| নিঃক্বাথৈর্জীবনীযানাং পঞ্চমূলস্য বা লঘোঃ||২৫||
| निःक्वाथैर्जीवनीयानां पञ्चमूलस्य वा लघोः||२५||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-জীবনীযানাং দ্রব্যাণাং নিঃক্বাথৈর্লঘোর্বা পঞ্চমূলস্য ক্বাথৈঃ কোষ্ণৈঃ স্তম্ভাদ্যার্তং পরিষেচযেত্| দাহে তু শীতলৈঃ|
Adhikarana বাতরক্তে স্তম্ভদ্যার্তেদ্রাক্ষেক্ষুরসাদ্যৈঃ (২৬) · Śloka ২৬
দ্রাক্ষেক্ষুরসমদ্যানি দধিমস্ত্বম্লকাঞ্জিকম্| সেকার্থং তণ্ডুলক্ষৌদ্রশর্করাম্ভশ্চ শস্যতে||২৬||
द्राक्षेक्षुरसमद्यानि दधिमस्त्वम्लकाञ्जिकम्| सेकार्थं तण्डुलक्षौद्रशर्कराम्भश्च शस्यते||२६||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-দাহে দ্রাক্ষারস ইক্ষুরস মদ্যানি দধিমস্ত্বম্লকাঞ্জিকং সেকার্থং শস্যতে| তথা, তণ্ডুলাম্ভঃ ক্ষৌদ্রাম্ভঃ শর্করাম্ভশ্চ সেকার্থং শস্যতে|
Adhikarana বাতরক্তে দাহরূক্ল্কমেষু প্রিযনারীস্পর্শঃ (২৭) · Śloka ২৭
প্রিযাঃ প্রিযংবদা নার্যশ্চন্দমার্দ্রকরস্তনাঃ| স্পর্শশীতাহ্ সুখস্পর্শা ঘ্নন্তি দাহং রুজং ক্লমম্||২৭||
प्रियाः प्रियंवदा नार्यश्चन्दमार्द्रकरस्तनाः| स्पर्शशीताह् सुखस्पर्शा घ्नन्ति दाहं रुजं क्लमम्||२७||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-নার্যঃ প্রিযাঃ-বল্লভাঃ, প্রিযবচসশ্চন্দনোনার্দ্রাঃ করাঃ স্তনাশ্চ যাসাং তাং এবংবিধাঃ স্পর্শেন শীতাঃ সুখস্পর্শাশ্চ্ দাহং [ রুজং ] ক্লমং চ ঘ্নন্তি|
Adhikarana বাতরক্তে সরাগাদিকে প্রপৌণ্ডরীকাদিলেপঃ (২৮-২৯) · Śloka ২৯
সরাগে সরুজে দাহে রক্তং হৃত্বা প্রলেপযেত্| প্রপৌণ্ডরীকমঞ্জিষ্ঠাদার্বীমধুকচন্দনৈঃ||২৮|| সিতোপলৈরকাসক্তুমসূরোশীরপদ্মকৈঃ| লেপো রুগ্দাহবীসর্পরাগশোফনিবর্হণঃ||২৯||
सरागे सरुजे दाहे रक्तं हृत्वा प्रलेपयेत्| प्रपौण्डरीकमञ्जिष्ठादार्वीमधुकचन्दनैः||२८|| सितोपलैरकासक्तुमसूरोशीरपद्मकैः| लेपो रुग्दाहवीसर्परागशोफनिबर्हणः||२९||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-দাহে সরাগে সতি রক্তং হৃত্বা প্রপৌণ্ডরীকাদিভির্লেপঃ কার্যঃ| স চ লেপো রুগ্দাহাদিনিবর্হণঃ| দার্বী-দারুহরিদ্রা| মধুকং-যষ্টীমধু| সিতোপলা-শর্করা| এরকাসক্তুঃ-এরকাবীজসক্তুঃ|
Adhikarana বাতরক্তে শূলে বারন্ধসিদ্ধঃ কৃশরো উপনাহনম্ (৩০) · Śloka ৩০
বাতঘ্নৈঃ সাধিতঃ স্নিগ্ধঃ কৃশরো মুদ্গপাযসঃ| তিলসর্ষপপিণ্ডৈশ্চ শূলঘ্নমুপনাহনম্||৩০||
वातघ्नैः साधितः स्निग्धः कृशरो मुद्गपायसः| तिलसर्षपपिण्डैश्च शूलघ्नमुपनाहनम्||३०||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-কৃশরঃ-তিলমুদ্গাদিকৃতো, বাতঘ্নৈঃ সাধিতো মুদ্রপাযসো-মুদ্রক্ষীরে যো মিশ্রিতঃ, তিলসর্ষপপিণ্ডৈশ্চৈতদুপনাহনং শূলঘ্নম্|
Adhikarana বাতরক্তে স্তম্ভাদিকে ঔদকাদিবেসবারাঃ বাতরক্তে স্তম্ভাঔদকাদিবসা (৩১-৩২) · Śloka ৩২
ঔদকপ্রসহানূপবেসবারাঃ সুসংস্কৃতাঃ| জীবনীযৌষধৈঃ স্নেহযুক্তাঃ স্যুরুপনাহনে||৩১|| স্তম্ভতোদরুগাযামশোফাঙ্গগ্রহনাশনাঃ| জীবনীযৌষধৈঃ সিদ্ধা সপযস্কা বসাঽপি বা||৩২||
औदकप्रसहानूपवेसवाराः सुसंस्कृताः| जीवनीयौषधैः स्नेहयुक्ताः स्युरुपनाहने||३१|| स्तम्भतोदरुगायामशोफाङ्गग्रहनाशनाः| जीवनीयौषधैः सिद्धा सपयस्का वसाऽपि वा||३२||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-ঔদকাদ্যা জীবনীযৌষধৈঃ সাধিতাঃ স্নেহযুক্তাঃ সুসংস্কৃতা উপনাহেন স্তম্ভাদিনাশনাঃ স্যুঃ| অথবা, ঔদকাদীনাং বসা জীবনীযৌষধৈঃ সিদ্ধা সপযস্কা স্তম্ভাদিনাশনা স্যাত্|
Adhikarana বাতরক্তে স্তম্ভাদ্যার্তে ঘৃতাদিলেপঃ বাতরক্তে স্তম্ভা ভৃষ্টতিললেপঃ (৩৩) · Śloka ৩৩
ঘৃতং সহচরান্মূলং জীবন্তী ছাগলং পযঃ| লেপঃ পিষ্টাস্তিলাস্তদ্বদ্ভৃষ্টাঃ পযসি নিবৃতাঃ||৩৩||
घृतं सहचरान्मूलं जीवन्ती छागलं पयः| लेपः पिष्टास्तिलास्तद्वद्भृष्टाः पयसि निवृताः||३३||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-সহচরজীবন্তীমূলকল্কো ঘৃতচ্ছাগপযোমিশ্রো লেপ উপযোগী ভবতি| পিষ্টাস্তিলা ভৃষ্টাঃ-ভজিতাঃ, পযসি-ক্ষীরে, নিবৃতাঃ-প্রক্ষিপ্তাঃ, তদ্বত্-প্রাগ্বত্ প্রলেপে যোজ্যাঃ|
Adhikarana বাতরক্তে বাতাধিকেধিকে শূলে উমৈরণ্ড্লেপৌ (৩৪) · Śloka ৩৪
ক্ষারপ্রিষ্টক্ষুমাং লেপমেরণ্ডস্য ফলানি বা| কুঘার্চ্ছূলনিবৃত্ত্যর্থং শতাহ্বাং বাঽনিলেঽধিকে||৩৪||
क्षारप्रिष्टक्षुमां लेपमेरण्डस्य फलानि वा| कुघार्च्छूलनिवृत्त्यर्थं शताह्वां वाऽनिलेऽधिके||३४||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-ক্ষুমাং-অতসীং, ক্ষীরেণ পিষ্টামধিকেঽনিলে শূলনিবৃত্যর্থং লেপং কুর্যাত্| যদ্বা, এরণ্ডস্য ফলানি ক্ষীরপিষ্টানি শূলনিবৃত্ত্যর্থং লেপং কুর্যাত্| যদ্বা, শতপুষ্পাং ক্ষীরে পিষ্ট্বা শূলনিবৃত্ত্যর্থং লেপং কুর্যাত্|
Adhikarana বাতরক্তে বাতাধিকেমূত্রাদিপব্কং ঘৃতং অম্যঞ্জনম্ (৩৫) · Śloka ৩৫
মূত্রক্ষারসুরাপক্বং ঘৃতমভ্যঞ্জনে হিতম্| |৩৫|
मूत्रक्षारसुरापक्वं ग़ृतमभ्यञ्जने हितम्| |३५|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-মূত্রাদিভিঃ সিদ্ধং ঘৃতমধিকেঽনিলেঽভ্যঞ্জনে হিতম্|
Adhikarana বাতরক্তে বাতাধিকে সিদ্ধং শুক্তং সেকাভ্যঙ্গে (৩৬) · Śloka ৩৬
| সিদ্ধং সমধু শুক্তং বা সেকাভ্যঙ্গে|৩৫| |৩৬|
| सिद्धं समधु शुक्तं वा सेकाभ्यङ्गे|३५| |३६|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-শুক্তং-চুক্রং, সিদ্ধং সমাক্ষিকং সেকে পরিষেকেঽভ্যঙ্গে চ হিতম্||৩৬||
Adhikarana বাতরক্তেরক্তে কফোত্তরে শূলে গৃহধূমাদিলেপঃ (৩৫-৩৬) · Śloka ৩৬
| কফোত্তরে||৩৫|| গৃহধূমো বচা কুষ্ঠং শতাহ্বা রজনীদ্বযম্| প্রলেপঃ শূলনুদ্বাতরক্তে|৩৬|
| कफोत्तरे||३५|| गृहधूमो वचा कुष्ठं शताह्वा रजनीद्वयम्| प्रलेपः शूलनुद्वातरक्ते|३६|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-কফোত্তরে বাতরক্তে গৃহধূমাদিপ্রলেপো হিতো ভবতি| শতাহ্বা-শতপুষ্পা| রজনীদ্বযং-হরিদ্রে দ্বে|
Adhikarana বাতরক্তে বাতরক্তেকফোত্তরে মধুশিপ্রুবীজলেপঃ (৩৬-৩৭) · Śloka ৩৭
| বাতকফোত্তরে||৩৬|| মধুশিগ্রোর্হিতং তদ্বদ্বীজং ধান্যাম্লসংযুতম্| |৩৭|
| वातकफोत्तरे||३६|| मधुशिग्रोर्हितं तद्वद्बीजं धान्याम्लसंयुतम्| |३७|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-বাতকফোত্তরে বাতরক্তে মধুশিগ্রোর্বীজং কাঞ্জিকসংযুক্তং তদ্বত্-প্রলেপে হিতম্|
Adhikarana বাতরক্তে বাতরক্তে অম্লৈঃ সেচনম্ (৩৭) · Śloka ৩৭
| মুহূর্তলিপ্তমম্লৈশ্চ সিঞ্চেদ্বাতকফোত্তরে||৩৭||
| मुहूर्तलिप्तमम्लैश्च सिञ्चेद्वातकफोत्तरे||३७||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-বাতকফোত্তরে বাতরক্তে মুহূর্তলিপ্তমর্থাদেব কাঞ্জিকপিষ্টমধুশিগ্রুবীজেন লিপ্তমম্লৈঃ-শুক্তাদিভিঃ, সিঞ্চেত্|
Adhikarana বাতরক্তে উত্তানে লেপাদযঃ (৩৮) · Śloka ৩৮
উত্তানং লেপনাভ্যঙ্গপরিষেকাবগাহনৈঃ| |৩৮|
उत्तानं लेपनाभ्यङ्गपरिषेकावगाहनैः| |३८|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-উত্তানং বাতরক্তং লেপাদিভিরাচরেত্-চিকিত্সেত্|
Adhikarana বাতরক্তে গম্ভীরে লেপাদযঃ (৩৮) · Śloka ৩৮
| বিরেকাস্থাপনস্নেহপানৈর্গম্ভীরমাচরেত্||৩৮||
| विरेकास्थापनस्नेहपानैर्गम्भीरमाचरेत्||३८||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-গম্ভীরং বাতশোণিতং বিরেকাদিভিরাচরেত্|
Adhikarana বাতরক্তে বাতরক্তেষ্লেষ্মোত্তরে কোষ্ণা লেপাদ্যাঃ শীতলেপনাদ্যৌর্বিদাহাদিবৃদ্ধি (৩৯) · Śloka ৩৯
বাতশ্লেষ্মোত্তরে কোষ্ণা লেপদ্যাস্তত্র শীতলৈঃ| বিদাহশোফরুক্কণ্ডূবিবৃদ্ধিঃ স্তম্ভনাদ্ভবেত্||৩৯||
वातश्लेष्मोत्तरे कोष्णा लेपद्यास्तत्र शीतलैः| विदाहशोफरुक्कण्डूविवृद्धिः स्तम्भनाद्भवेत्||३९||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-বাতশ্লেষ্মোত্তর উত্তানে বাতশোণিতে লেপাদ্যাঃ কোষ্ণা হিতাঃ| তত্র-তস্মিন্ বাতশ্লেষ্মোত্তরে, শীতলৈর্লেপনৈঃ স্তম্ভনাত্ বিদাহাদীনাং বিবৃদ্ভির্ভবতি|
Adhikarana বাতরক্তে পিত্তরক্তোত্তরে হিমালে পাদ্যাঃ উষ্ণৈঃ ল্পোষাদযঃ (৪০) · Śloka ৪০
পিত্তরক্তোত্তরে বাতরক্তে লেপাদযো হিমাঃ| উষ্ণৈঃ প্লোষোষরুগ্রাগস্বেদাবদরণোদ্ভবঃ||৪০||
पित्तरक्तोत्तरे वातरक्ते लेपादयो हिमाः| उष्णैः प्लोषोषरुग्रागस्वेदावदरणोद्भवः||४०||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-বাতরক্তে পিত্তরক্তোত্তরে হিমাঃ শীতা লেপাদযো হিতাঃ| তত্র পিত্তরক্তোত্তরে বাতরক্ত উষ্ণৈর্লেপৈঃ প্লেষাদযো ভবন্তি|
Adhikarana বাতরক্তে মধুযষ্টীতৈলম্ (৪১-৪৪) · Śloka ৪৪
মধুযষ্ট্যাঃ পলশতং কষাযে পাদশেষিতে| তৈলাঢকং সমক্ষীরং পচেত্কল্কৈঃ পলোন্মিতৈঃ||৪১|| স্থিরাতামলকীদূর্বাপযস্যাভীরুচন্দনৈঃ| লোহহংসপদীমাংসীদ্বিমেদামধুপর্ণিভিঃ||৪২|| কাকোলীক্ষীরকাকোলীশতপুষ্পর্দ্ধিপদ্মকৈঃ| জীবকর্ষভজীবন্তীত্বক্ঽঽপত্রনখবালকৈঃ||৪৩|| প্রপৌণ্ডরীকমঞ্জিষ্ঠাসারিবৈন্দ্রীবিতুন্নকৈঃ| চতুষ্প্রযোগং বাতসৃক্ঽঽপিত্তদাহজ্বরার্তিনুত্||৪৪||
मधुयष्ट्याः पलशतं कषाये पादशेषिते| तैलाढकं समक्षीरं पचेत्कल्कैः पलोन्मितैः||४१|| स्थिरातामलकीदूर्वापयस्याभीरुचन्दनैः| लोहहंसपदीमांसीद्विमेदामधुपर्णिभिः||४२|| काकोलीक्षीरकाकोलीशतपुष्पर्द्धिपद्मकैः| जीवकर्षभजीवन्तीत्वक्ऽऽपत्रनख़वालकैः||४३|| प्रपौण्डरीकमञ्जिष्ठासारिवैन्द्रीवितुन्नकैः| चतुष्प्रयोगं वातसृक्ऽऽपित्तदाहज्वरार्तिनुत्||४४||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-মধুযষ্ট্যাঃ পলশতং ক্বাথকল্পনযা ক্বথিতং তস্মিন্কষাযে পাদশেষিতে চতুর্ভাগাবশিষ্টে তৈলস্যাঢকং সমক্ষীরমাঢকপ্রমাণেন ক্ষীরেণ তুল্যং স্থিরাদিভিঃ পলোন্মিতৈঃ কল্কীকৃতৈর্যুক্তং পচেত্| তত্তৈলং চতুষ্প্রযোগং-পানে নস্যেঽনুবাসনে বস্তৌ চ যোজিতং, বাতাসৃগাদীনামর্তিনুদ্ভবেত্| স্থিরা-শালিপর্ণী| তামলকী-ভূধাত্রী| পযস্যা-অর্কপুষ্পী| অভীরুঃ-শতাবরী| লোহং-অগরু| হংসপদী-কীটমারী| মধুপর্ণী-গুডূচী| ঐন্দ্রী-বিশালা| বিতুন্নকং-পরিপেলবম্|
Adhikarana বাতরক্তে বলাতৈলম্ (৪৫-৪৬) · Śloka ৪৬
বলাকষাযকল্কাভ্যাং তৈলং ক্ষীরসমং পচেত্| সহস্রশতপাকং তদ্বাতাসৃগ্বাতরোগনুত্||৪৫|| রসাযনং মুখ্যতমমিন্দ্রিযাণাং প্রসাদনম্| জীবনং বৃহণং স্বর্যং শুক্রাসৃগ্দোষনাশনম্||৪৬||
बलाकषायकल्काभ्यां तैलं क्षीरसमं पचेत्| सहस्रशतपाकं तद्वातासृग्वातरोगनुत्||४५|| रसायनं मुख़्यतममिन्द्रियाणां प्रसादनम्| जीवनं बृहणं स्वर्यं शुक्रासृग्दोषनाशनम्||४६||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-বলাকষাযেণ কল্কেন চ তৈলং ক্ষীরেণ সমং তুল্যং পচেত্| তত্-তৈলং, সহস্রপাকং শতপাকং বা বাতশোণিতবাতরোগহরম্| তথা, মুখ্যতমং-শ্রেষ্ঠম্, তদ্রসাযনমিন্দ্রিযাণাং-চক্ষুরাদীনাং, প্রসাদনং-প্রসাদজনকম্| জীবনং-প্রাণধারণম্| বৃংহণং-উপচযকরম্| স্বর্যং-স্বরকরম্| শুক্রাসৃগ্দোষাণাং নাশনম্|
Adhikarana বাতরক্তে মার্গসংরোধাত্কুপিএ বাতে আঢ্চবাতোক্তং কর্ম, ততঃ স্নেহনাদি (৪৭-৪৮) · Śloka ৪৮
কুপিতে মার্গসংরোধান্মেদসো বা কফস্য বা| অতিবৃদ্ধ্যাঽনিলে শস্তং নাদৌ স্নেহনবৃংহণম্||৪৭|| কৃত্বা তত্রাঢ্যবাতোক্তং বাতশোণিতিকং ততঃ| ভেষজং স্নেহনং কুর্যাদ্যচ্চ রক্তপ্রসাদনম্||৪৮||
कुपिते मार्गसंरोधान्मेदसो वा कफस्य वा| अतिवृद्ध्याऽनिले शस्तं नादौ स्नेहनबृंहणम्||४७|| कृत्वा तत्राढ्यवातोक्तं वातशोणितिकं ततः| भेषजं स्नेहनं कुर्याद्यच्च रक्तप्रसादनम्||४८||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-অনিলে-বাতে, মেদসোঽতিবৃদ্ধ্যা কফস্য বাঽতিবৃদ্ধ্যা মার্গসংরোধাত্ কারণাত্ কুপিতে স্নেহনবৃংহণমৌষধমাদৌ ন শস্তম্| তত্র-মেদসাবৃতে কফাবৃতে বা বাতে, আঢ্যবাতোক্তং যচ্চিকিত্সিতমুক্তং তত্কার্যম্| ততঃ-অনন্তরং, বাতশোণিতিকং স্নেহনং ভেষজং কুর্যাত্| যচ্চাপি রক্তস্য প্রসাদনং তদপি কুর্যাত্| বাতশোণিতচিকিত্সিতমুক্ত্বা প্রাণাদিচিকিত্সামাহ-
Adhikarana প্রাণাদ্যাবৃতবাতরক্তেচিকিত্সা (৪৯) · Śloka ৪৯
প্রাণাদিকোপে যুগপদ্যথোদ্দিষ্টং যথামযম্| যথাসন্নং চ ভৈষজ্যং বিকল্প্যং স্যাদ্যথাবলম্||৪৯||
प्राणादिकोपे युगपद्यथोद्दिष्टं यथामयम्| यथासन्नं च भैषज्यं विकल्प्यं स्याद्यथाबलम्||४९||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-প্রাণাদীনাং পঞ্চানাং যুগপত্-তুল্যকালং কোপে, যথোদ্দিষ্টং-যথোক্তবাতব্যাধিচিকিত্সানতিক্রমেণ, যথামযং-প্রাণাদিকোপজনিতরোগাদ্যপেক্ষযা, যথাসন্নং-প্রাণাদীনামন্যতমমাসন্নমনতিক্রম্য, যস্মিন্নেব রোগে য এব প্রাণাদীনামন্যতম আসন্নস্তমেব চিকিত্সেত্| যথাবলং-বলানতিক্রমেণ, প্রাণাদীনামন্যতমস্য বলিনঃ পূর্বপ্রতীকারং কুর্যাত্| ইত্যেবমত্র ভৈষজ্যং-ঔষধং, বিকল্প্যং-বিকল্পনীযং, স্যাত্-ভবেত্|
Adhikarana বাতে সামে স্বেদাদযঃ (৫০) · Śloka ৫০
নীতে নিরামতাং সামে স্বেদলঙ্ঘনপাচনৈঃ| রূক্ষৈশ্চালেপসেকাদ্যৈঃ কুর্যাত্কেবলবাতনুত্||৫০||
नीते निरामतां सामे स्वेदलङ्घनपाचनैः| रूक्षैश्चालेपसेकाद्यैः कुर्यात्केवलवातनुत्||५०||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-সামে বাতে স্বেদাদিভিস্তথা রূক্ষৈঃ সেকলেপাদিভির্নিরামতাং নীতে পশ্চাত্ কেবলবাতনুত্-শুদ্ধবাতচিকিত্সিতং, কুর্যাত্|
Adhikarana শোষাদযো বাতরক্তেরোগা নবাঃ সাধ্যাঃ (৫১-৫৩) · Śloka ৫৩
শোষাক্ষেপণসঙ্কোচস্তম্ভস্বপনকম্পনম্| হনুস্রংসোঽর্দিতং খাঞ্জ্যং পাঙ্গুল্যং খুডবাততা||৫১|| সন্ধিচ্যুতিঃ পক্ষবধো মেদোমজ্জাস্থিগা গদাঃ| এতে স্থানস্য গাম্ভীর্যাত্সিধ্যেযুর্যত্নতো নবাঃ||৫২|| তস্মাজ্জযেন্নবানেতান্ বলিনো নিরুপদ্রবান্| |৫৩|
शोषाक्षेपणसङ्कोचस्तम्भस्वपनकम्पनम्| हनुस्रंसोऽर्दितं ख़ाञ्ज्यं पाङ्गुल्यं ख़ुडवातता||५१|| सन्धिच्युतिः पक्षवधो मेदोमज्जास्थिगा गदाः| एते स्थानस्य गाम्भीर्यात्सिध्येयुर्यत्नतो नवाः||५२|| तस्माज्जयेन्नवानेतान् बलिनो निरुपद्रवान्| |५३|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-শোষঃ-অঙ্গশোষঃ| আক্ষেপণং-আযামঃ| সঙ্কোচঃ-অঙ্গাবযবানাম্| স্তম্ভো-দণ্ডবত্ স্তব্ধতা| স্বপনং-অচৈতন্যম্| কম্পনং-বেপথুঃ| হনুস্রংসো-হনুভ্রংশঃ| অর্দিত্তং-বাযুনা বক্রীকৃতং বক্রার্ধম্| খাঞ্জ্যং-খঞ্জতা| পাঙ্গুল্যং-পঙ্গুতা| খুডবাতো-বাতশোণিতম্| সন্ধিচ্যুতিঃ-স্থানাদ্ভ্রংশঃ| পক্ষবধঃ-পক্ষাঘাতঃ| তথা, যে গদাঃ-রোগাঃ, মেদআদিস্থানস্থা ভবন্তি ত এতে স্থানস্য গাম্ভীর্যভাবেন জাতা নবাঃ-অচিরকালোত্পন্নাঃ, যত্নতঃ সিধ্যেযুঃ, বলিনঃ পুংসঃ| তস্মাদেতান্ শোষাদীন্ নিরুপদ্রবান্ [ নবান্- ] শীঘ্রজন্মনো, জযেত্-চিকিত্সেত্|
Adhikarana বাতে পিত্তাবৃতে পর্যাযেণ শীতোষ্ণা ক্রিযা বাতে পিত্তাবৃতে জীবনীযং সর্পিঃ ধন্বমাংসাদি চ (৫৩-৫৪) · Śloka ৫৪
| বাযৌ পিত্তাবৃতে শীতামুষ্ণাং চ বহুশঃ ক্রিযাম্||৫৩|| ব্যত্যাসাদ্যোজযেত্সর্পির্জীবনীযং চ পাযযেত্| ধন্বমাংসং যবাঃ শালির্বিরেকঃ ক্ষীরবান্ মৃদুঃ||৫৪||
| वायौ पित्तावृते शीतामुष्णां च बहुशः क्रियाम्||५३|| व्यत्यासाद्योजयेत्सर्पिर्जीवनीयं च पाययेत्| धन्वमांसं यवाः शालिर्विरेकः क्षीरवान् मृदुः||५४||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-বাযৌ পিত্তাবৃতে ব্যত্যাসাত্-পর্যাযেণ, শীতামুষ্ণাং চ ক্রিযাং বঃউশঃ-শতশো, যোজযেত্| তথা, জীবনীযং সর্পিস্তমাতুরং পাযযেত্| অত্র চ পিত্তাবৃতে বাযৌ ধন্বমাংসং-জাঙ্গলং পিশিতং, যোজ্যম্| যবাঃ শালযশ্চ, তথা ক্ষীরবান্-ক্ষীরযুক্তো, মৃদুর্বিরেকো যোজ্যঃ|
Adhikarana বাতরক্তে পিত্তা সক্ষীরা বস্তযোঽনু বাসনং চ (৫৫) · Śloka ৫৫
সক্ষীরা বস্তযঃ ক্ষীরং পঞ্চমূলবলাশৃতম্| কালেঽনুবাসনং তৈলৈর্মধুরৌষধসাধিতৈঃ||৫৫||
सक्षीरा बस्तयः क्षीरं पञ्चमूलबलाशृतम्| कालेऽनुवासनं तैलैर्मधुरौषधसाधितैः||५५||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-অত্রাপি পিত্তাবৃতে বাযৌ বস্তযঃ সক্ষীরা যোজ্যাঃ| পঞ্চমূলং-মহত্, তেন বলাসহিতেন শৃতং ক্ষীরং প্রযোক্তব্যম্| কালে-যথাবসরমনুবাসনযোগ্যে, মধুরৌষধসাধিতৈস্তৈলৈরনুবাসনং দেযম্|
Adhikarana বাতরক্তে পিত্তা মধুযষ্টীতৈলাদিনা সেচনম্ (৫৬) · Śloka ৫৬
যষ্টীমধুবলাতৈলঘৃতক্ষীরৈশ্চ সেচনম্| পঞ্চমূলকষাযেণ বারিণা শীতলেন বা||৫৬||
यष्टीमधुबलातैलघृतक्षीरैश्च सेचनम्| पञ्चमूलकषायेण वारिणा शीतलेन वा||५६||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-মধুযষ্টিতৈলেন বলাতৈলেন ঘৃতেন ক্ষীরেণ চ সেচনং হিতম্| পঞ্চমূলস্য কষাযেণ-ক্বাথেন, বা শীতলেন বারিণা পিত্তাবৃতে বাতে সেচনং যোজ্যম্|
Adhikarana বাতরক্তেকফাবৃতে যবান্নাদি স্বেদনিরূহাদযঃ পুরাণ ঘৃতাদি চ (৫৭-৫৮) · Śloka ৫৮
কফাবৃতে যবান্নানি জাঙ্গলা মৃগপক্ষিণঃ| স্বেদাস্তীক্ষ্ণা নিরূহাশ্চ বমনং সবিরেচনম্||৫৭|| পুরাণসর্পিস্তৈলং চ তিলসর্ষপজং হিতম্| |৫৮|
कफावृते यवान्नानि जाङ्गला मृगपक्षिणः| स्वेदास्तीक्ष्णा निरूहाश्च वमनं सविरेचनम्||५७|| पुराणसर्पिस्तैलं च तिलसर्षपजं हितम्| |५८|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-কফাবৃতে যবান্নানি হিতানি| জাঙ্গলা মৃগাঃ পক্ষিণশ্চ তথা স্বেদা হিতাঃ| তীক্ষ্ণা নিরূহাঃ-আস্থাপনবিশেষাশ্চ| তীক্ষ্ণং বমনং সবিরেচনং হিতম্| পুরাণং চ সর্পিঃ, তিলসর্ষপজং চ তৈলং হিতম্|
Adhikarana বাতে কফাবৃতে আদৌ পিত্তজযঃ (৫৮) · Śloka ৫৮
| সংসৃষ্টে কফপিত্তাভ্যাং পিত্তমাদৌ বিনির্জযেত্||৫৮||
| संसृष्टे कफपित्ताभ्यां पित्तमादौ विनिर्जयेत्||५८||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-কফপিত্তাভ্যাং দ্বাভ্যাং সংসৃষ্টে বাত আদাবেব পিত্তং বিনির্হরেত্| পশ্চাত্ কফং বাতযুক্তং জযেত্|
Adhikarana বাতে রক্তাবৃতে বাতরক্তেশোণিতিকীক্রিযা (৫৯) · Śloka ৫৯
কারযেদ্রক্তসংসৃষ্টে বাতশোণিতিকীং ক্রিযাম্| |৫৯|
कारयेद्रक्तसंसृष्टे वातशोणितिकीं क्रियाम्| |५९|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-রক্তসংসৃষ্টে বাতে বাতশোণিতিকীং ক্রিযাং কারযেত্|
Adhikarana বাতরক্তে মাংসাবৃতে স্বেদাদযঃ (৫৯) · Śloka ৫৯
| স্বেদাভ্যঙ্গরসাঃ ক্ষীরং স্নেহো মাংসাবৃতে হিতম্||৫৯||
| स्वेदाभ्यङ्गरसाः क्षीरं स्नेहो मांसावृते हितम्||५९||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-মাংসাবৃতে স্বেদাভ্যঙ্গমাংসরসাঃ ক্ষীরং স্নেহশ্চ যথাযোগমেতদ্ধিতম্|
Adhikarana বাতরক্তে অস্থিম্জ্জস্থে স্বেদাদযঃ,বাতরক্তে রেতসাবৃতে শুক্রস্থবাতোক্তম্ (৬০) · Śloka ৬০
প্রমেহমেদোবাতঘ্নমাঢ্যবাতে ভিষগ্জিতম্| মহাস্নেহোঽস্থিমজ্জস্থে পূর্বোক্তং রেতসাঽঽবৃতে||৬০||
प्रमेहमेदोवातघ्नमाढ्यवाते भिषग्जितम्| महास्नेहोऽस्थिमज्जस्थे पूर्वोक्तं रेतसाऽऽवृते||६०||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-আঢ্যবাতে-মেদসাঽঽবৃতে বাযৌ, প্রমেহনং মেদোঘ্নং বাতঘ্নং চ ভিষগ্জিতং-ঔষধং, হিতম্| স০-অস্থিমজ্জস্থে বাতে মহস্নেহো-ঘৃতমজ্জাবসাতৈলৈঃ সিদ্ধো, যদ্বা নারাযণাদির্হিতঃ| রেতসাঽঽবৃতে পূর্বোক্তং-বাতব্যাধৌ শুক্রস্তবাতোক্তং (হৃ. চি. অ. ২১|২০) , হিতম্|
Adhikarana বাতরক্তে অন্নাবৃতে পাচনীযাদি (৬১) · Śloka ৬১
অন্নাবৃতে পাচনীযং বমনং দীপনং লঘু| |৬১|
अन्नावृते पाचनीयं वमनं दीपनं लघु| |६१|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-অন্নেনাবৃতে পাচনীযমৌষধং বমনং হিতম্| দীপনীযং-আগ্নেযং, যদৌষধং লঘু চ-প্রকৃত্যা, তত্সর্বং হিতম্|
Adhikarana বাতরক্তে মূত্রাবৃতে মূত্রলাদি (৬১) · Śloka ৬১
| মূত্রাবৃতে মূত্রলানি স্বেদাশ্চোত্তরবস্তযঃ|৬১|
| मूत्रावृते मूत्रलानि स्वेदाश्चोत्तरबस्तयः|६१|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-মূত্রেণাবৃতে বাতে মূত্রলানি-ত্রপুসাদীনি, স্বেদাশ্চোত্তরবস্তযোঃ হিতাঃ|
Adhikarana বাতরক্তে পুরীষাবৃতে এরণ্ডতৈলাদি (৬১) · Śloka ৬১
এরণ্ডতৈলং বর্চঃস্থে বস্তিস্নেহাশ্চ মেদিনঃ| ||৬১||
एरण्डतैलं वर्चःस्थे बस्तिस्नेहाश्च मेदिनः| ||६१||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-বর্চসাঽঽবৃতে বাত এরণ্ডতৈলং বস্তযশ্চ স্নেহাশ্চ মেদিনো হিতাঃ|
Adhikarana বাতরক্তে বাতে সর্বকুষ্ঠেষু স্থানাবৃতে কফাপিত্তাবিরূদ্ধং বাতাধিকেনুলোমনং স্ত্রোতঃ শুদ্ধিকরং বস্তিবিরেচনং রসাযনানি শিলাজতু ইত্যাদি (৬২-৬৬) · Śloka ৬৬
| কফপিত্তাবিরুদ্ধং যদ্যশ্চ বাতানুলোমনম্||৬২|| সর্বস্থানাবৃতেঽপ্যাশু তত্কার্যং মাতরিশ্বনি| অনভিষ্যন্দি চ স্নিগ্ধং স্রোতসাং শুদ্ধিকারণম্||৬৩|| যাপনা বস্তযঃ প্রাযো মধুরাঃ সানুবাসনাঃ| প্রসমীক্ষ্য বলাধিক্যং মৃদু কার্যং বিরেচনম্||৬৪|| রসাযনানাং সর্বেষামুপযোগঃ প্রশস্যতে| শিলাহ্বস্য বিশেষেণ পযসা শুদ্ধগুগ্গুলোঃ||৬৫|| লেহো বা ভার্গবস্তদ্বদেকাদশসিতাশিতঃ| |৬৬|
| कफपित्ताविरुद्धं यद्यश्च वातानुलोमनम्||६२|| सर्वस्थानावृतेऽप्याशु तत्कार्यं मातरिश्वनि| अनभिष्यन्दि च स्निग्धं स्रोतसां शुद्धिकारणम्||६३|| यापना बस्तयः प्रायो मधुराः सानुवासनाः| प्रसमीक्ष्य बलाधिक्यं मृदु कार्यं विरेचनम्||६४|| रसायनानां सर्वेषामुपयोगः प्रशस्यते| शिलाह्वस्य विशेषेण पयसा शुद्धगुग्गुलोः||६५|| लेहो वा भार्गवस्तद्वदेकादशसिताशितः| |६६|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-সর্বস্থানাবৃতে মাতরিশ্বনি-বাযৌ, আশু-শীঘ্রমেব, যদৌষধং কফপিত্তযোরবিরুদ্ধং বাতস্য চানুলোমনং তত্কার্যম্|স০-তস্মিন্ সর্বধাত্বাবৃতে মাতরিশ্বনি যদনভিষ্যন্দি স্নিগ্ধং স্রোতসাং যচ্ছুদ্ধিকরং তত্সর্বমন্নপানৌষধং যোজ্যম্| যাপনসংজ্ঞা বস্তযো বাহুল্যেন মধুরাঃ সানুবাসনাঃ-স্নেহবস্তযশ্চ, হিতাঃ| বলস্যাধিক্যং প্রসমীক্ষ্য-বুদ্ধ্বা, মৃদু বিরেচনং হিতম্| সর্বেষাং রসাযনপ্রযোগাণামুপযোগঃ প্রশস্যতে| তথা শুদ্ধস্য গুগ্গুলোঃ প্রযোগঃ, ভার্গবো লেহো-ব্রাহ্মরসাযনোক্তশ্চ্যবনপ্রাশো বা, তদ্বদেকাদশসিতাশিতো-ব্রাহ্মরসাযনোক্তঃ (?), প্রশস্যতে|
Adhikarana বাতরক্তে অপানে আবৃতে দীপনাদি (৬৬-৬৭) · Śloka ৬৭
| অপানে ত্বাবৃতে সর্বং দীপনং গ্রাহি ভেষজম্||৬৬|| বাতানুলোমনং কার্যং মূত্রাশযবিশোধনম্| |৬৭|
| अपाने त्वावृते सर्वं दीपनं ग्राहि भेषजम्||६६|| वातानुलोमनं कार्यं मूत्राशयविशोधनम्| |६७|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-অপানে বাযৌ যেনকেনচিদাবৃতে সর্বং ভেষজং দীপনং-অগ্নেঃ, গ্রাহি-সঙ্গ্রহণং, বাতস্যানুলোমনং মূত্রাশযস্য-বস্তেঃ, বিশোধনং তত্সর্বং কার্যম্|
Adhikarana বাতরক্তে প্রাণাদাবাবৃত্তে সর্বকুষ্ঠেষু ং বিচার্য (৬৭-৬৮) · Śloka ৬৮
| ইতি সঙ্ক্ষেপতঃ প্রওক্তমাবৃতানাং চিকিত্সিতম্||৬৭|| প্রাণাদীনাং ভিষক্কুর্যাদ্বিতর্ক্য স্বযমেব তত্| |৬৮|
| इति सङ्क्षेपतः प्रओक्तमावृतानां चिकित्सितम्||६७|| प्राणादीनां भिषक्कुर्याद्वितर्क्य स्वयमेव तत्| |६८|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-ইতি-অনন্তরোক্তেন প্রকারেণ, আবৃতানাং সঙ্ক্ষেপতশ্চিকিত্সিতং-ঔষধং, প্রোক্তম্| যত্ প্রাণাদীনাং পঞ্চানামাবৃতানাং চিকিত্সিতং তত্-পূর্বোক্তং, ভিষক্ স্বযমেব বিতর্ক্য-বিচার্য, কুর্যাত্|
Adhikarana বাতরক্তে উদানে আবৃতে ঊর্ধ্বং যোজযেত্বাতরক্তে অপানে আবৃতে অনুলোমনম্ বাতরক্তে সমানে অবৃতে শমনম্ বাতরক্তে ব্যানে আবৃতে রিধাযোজযেত্ বাতরক্তে প্রাণবাযোশ্চতুর্ভো রক্ষণীযত্বম্ বাতরক্তে এবমাবৃতবাতাধিকেনাং স্বস্থাননযনম (৬৮-৭০) · Śloka ৭০
| উদানং যোজযেদূর্ধ্বমপানং চানুলোমযেত্||৬৮|| সমানং শমযেদ্বিদ্বাংস্ত্রিধা ব্যানং তু যোজযেত্| প্রাণো রক্ষ্যশ্চতুর্ভ্যোঽপি তত্স্থিতৌ দেহসংস্থিতিঃ||৬৯|| স্বং স্বং স্থানং নযেদেবং বৃতান্ বাতান্ বিমার্গগান্| |৭০|
| उदानं योजयेदूर्ध्वमपानं चानुलोमयेत्||६८|| समानं शमयेद्विद्वांस्त्रिधा व्यानं तु योजयेत्| प्राणो रक्ष्यश्चतुर्भ्योऽपि तत्स्थितौ देहसंस्थितिः||६९|| स्वं स्वं स्थानं नयेदेवं वृतान् वातान् विमार्गगान्| |७०|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-উদানাখ্যং বাযুমূর্ধ্বমেব যোজযেত্-যতোঽসৌ সদৈবোর্ধ্বগামী, তথা প্রযতেত যথোর্ধ্বগামী ভবতি| অপানাখ্যং চানিলমনুলোমযেত্-অধোগতির্হ্যযং সদৈব সমীরণস্তস্মাদধোগমনং যথাঽস্য সম্পদ্যেত তথা চিকিত্সিতং কার্যমিত্যর্থঃ| সমানাখ্যং বাযুং বিদ্বান্ বৈদ্যো বাতঘ্নৈরৌষধৈঃ শমযেত্| অযমভিপ্রাযো গ্রন্থকৃতঃ-কিল নাস্যোর্ধ্বগামিতা নৈবাধোগামিতা যথা সম্পদ্যতে তথা চিকিত্সিতং হিতম্, কিং তর্হি স্বস্থানপ্রতিপত্তিরেবেত্যেবং চিকিত্সা কার্যেতি| ব্যানাখ্যং তু বাযুং ত্রিধা যোজযেত্-ঊর্ধ্বাধোমধ্যগমনং যথাঽস্য শরীরে সম্পদ্যতে তথা চিকিত্সা কার্যেতি| তথা, প্রাণো বাযুশ্চতুর্ভ্যোঽপি-উদানাপানসমানব্যানেভ্যোঽপি, সর্বপ্রযত্নেন রক্ষ্যঃ-য্থোদানাদিভির্নাস্য বাধা সম্পদ্যতে তথা চিকিত্সা কার্যেত্যর্থঃ| যতস্তস্য-প্রাণস্য, স্থিতৌ সত্যাং দেহস্য-শরীরস্য, সংস্থিতিঃ-জীবনং ভবতি, প্রাণং বিনা ন জীবতীত্যথঃ| এবং-অনেন প্রকারেণ, বাতান্ বিমার্গগানাবৃতান্ স্বং স্বং স্থানং নযেত্|
Adhikarana বাতরক্তে সর্বাবরেণে পিত্তরক্তবর্জিতে লশুনরসাযনম্ (৭০-৭১) · Śloka ৭১
| সর্বং চাবরণং পিত্তরক্তসংসর্গবর্জিতম্||৭০|| রসাযনবিধানেন লশুনো হন্তি শীলিতঃ| |৭১|
| सर्वं चावरणं पित्तरक्तसंसर्गवर्जितम्||७०|| रसायनविधानेन लशुनो हन्ति शीलितः| |७१|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-সর্বমেবাবরণং বাতানাং পিত্তরক্তসংসর্গবর্জিতং রসাযনবিধিনা শীলিতো লশুনো হন্তি| এতেন পিত্তরক্তসংসৃষ্টমাবরণং বর্জযিত্বা সর্বাবরণান্যন্যানি লশুনঃ কেবল এব নিহন্তি|
Adhikarana বাতরক্তে পিত্তাবৃতে পিত্তহরাদে (৭১) · Śloka ৭১
| পিত্তাবৃতে পিত্তহরং মরুতশ্চানুলোমনম্||৭১||
| पित्तावृते पित्तहरं मरुतश्चानुलोमनम्||७१||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-পিত্তাবৃত উদানাদৌ পিত্তহরং পবনস্য চানুলোমনং হিতম্|
Adhikarana বাতরক্তে রক্তাবৃতে তদ্বত্ খুডোক্তং চ (৭২) · Śloka ৭২
রক্তাবৃতেঽপি তদ্বচ্চ খুডোক্তং যচ্চ ভেষজম্| রক্তপিত্তানিলহরং বিবিধং চ রসাযনম্||৭২||
रक्तावृतेऽपि तद्वच्च ख़ुडोक्तं यच्च भेषजम्| रक्तपित्तानिलहरं विविधं च रसायनम्||७२||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-রক্তাবৃতে তদ্বত্-পিত্তহরং তথৈব মারুতানুলোমনং, হিতম্| যচ্চ খুডোক্তং-বাতশোণিতোক্তং, ভেষজং তথা পিত্তরক্তানিলহরং চ হিতম্, বিবিধং রসাযনং চ| বিবিধং-নানাপ্রকারং, সর্বদোষদূষ্যাদিকং চালোক্য যথাযোগং বিধেযম্|
Adhikarana এবম্ চ্চিকিত্সিতস্থানং আযুর্বেদফলভূতম্ (৭৩) · Śloka ৭৩
যথানিদানং নির্দিষ্টমিতি সম্যক্ চিকিত্সিতম্| আযুর্বেদফলং স্থানমেতত্সদ্যোঽর্তিনাশনাত্||৭৩||
यथानिदानं निर्दिष्टमिति सम्यक् चिकित्सितम्| आयुर्वेदफलं स्थानमेतत्सद्योऽर्तिनाशनात्||७३||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-ইতি-অনেন প্রকারেণ, যথানিদানং-নিদানানতিক্রমেণ, যথোদ্দেশস্তথা নির্দেশঃ| অনযা রীত্যা সর্বমেব চিকিত্সিতং নির্দিষ্টম্| এতচ্চাযুর্বেদফলভূতং স্থানম্, এতদুপদেশেন সদ্যোঽর্তিনাশনাদ্ধেতোঃ|
Adhikarana ঔষধস্য পর্যাযাঃ ইতি চিকিত্সিতস্থানম্ (২২) · Śloka ২২
চিকিত্সিতং হিতং পথ্যং প্রাযশ্চিত্তং ভিষগ্জিতম্| ভেষজং শমনং শস্তং পর্যাযৈঃ স্মৃতমৌষধম্||৭৪|| ইতি শ্রীবৈদ্যপতিসিংহগুপ্তসূনুশ্রীমদ্বাগ্ভটবিরচিতাযামষ্টাঙ্গহৃদযসংহিতাযাং চতুর্থে চিকিত্সিতস্থানে বাতশোণিতচিকিত্সিতং নাম দ্বাবিংশোঽধ্যাযঃ||২২||
चिकित्सितं हितं पथ्यं प्रायश्चित्तं भिषग्जितम्| भेषजं शमनं शस्तं पर्यायैः स्मृतमौषधम्||७४|| इति श्रीवैद्यपतिसिंहगुप्तसूनुश्रीमद्वाग्भटविरचितायामष्टाङ्गहृदयसंहितायां चतुर्थे चिकित्सितस्थाने वातशोणितचिकित्सितं नाम द्वाविंशोऽध्यायः||२२||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-চিকিত্সিতাদয ঔষধস্য পর্যাযাঃ স্মৃতা ইতি| ইতি শ্রীমৃগাঙ্কদত্তপুত্রশ্রীমদরুণদত্তবিরচিতাযামষ্টাঙ্গহৃদযটীকাযাং সর্বাঙ্গসুন্দরাখ্যাযাং চতুর্থে চিকিত্সিতস্থানে বাতশোণিতচিকিত্সিতং নাম দ্বাবিংশোঽধ্যাযঃ সমাপ্তঃ|| ২২||