৪. শ্বাসহিধ্মাচিকিত্সিতাধ্যাযঃ

সর্বাঙ্গসুন্দরী ব্যাখ্যা ( কৃত)

কাসচিকিত্সিতাদনন্তরং শ্বাসহিধ্মাচিকিত্সিতং ব্যাখ্যাযতে| সম্বন্ধোঽত্র নিদান এবোক্তঃ |

সর্বাঙ্গসুন্দরী ব্যাখ্যা ( কৃত)

স০-যস্মাত্ শ্বাসহিধ্মাস্তুল্যহেত্বাদ্যাঃ| আদিগ্রহণাত্ প্রাগ্রূপাদযো গৃহ্যন্তে| নিদানে হ্যুক্তম্ (হৃংই.অ.৪/১৮)-"শ্বাসৈকহেতুপ্রাগ্রূপসঙ্খ্যাপ্রকৃতিসংশ্রযাঃ|" ইতি| ততঃ-তস্মাদ্ধেতোঃ, সাধনং- চিকিত্সিতং, শ্বাসহিধ্মযোস্তুল্যমেব বিহিতম্|

আযুর্বেদরসাযনম্ ব্যাখ্যা ( কৃত)

আ০ র০-অথ শ্বাসচিকিত্সিতম্| শ্বাসচিকিত্সিতং হিধ্মাস্বপি কর্তব্যমিত্যাহ-শ্বাসহিধ্মা ইতি| আদ্যশব্দাত্ দোষদূষ্যস্থানানি|

সর্বাঙ্গসুন্দরী ব্যাখ্যা ( কৃত)

স০-তদার্তং-শ্বাসহিধ্মাতুরং, পূর্বং-উপক্রমেভ্যঃ সর্বেভ্যোঽপি প্রাক্, স্বেদৈরুপাচরেত্| কিম্ভূতৈঃ ? স্নিগ্ধৈঃ-ন রূক্ষৈঃ, বাতকোপভযাত্| কিম্ভূতম্ ? লবণান্বিতেন তৈলেনাভ্যক্তম্|

আযুর্বেদরসাযনম্ ব্যাখ্যা ( কৃত)

আ০ র০-তত্র প্রথমং স্বেদমাহ তদার্তং চেতি| তদার্তং শ্বাসহিধ্মার্তম্|

সর্বাঙ্গসুন্দরী ব্যাখ্যা ( কৃত)

সং-তৈঃ-স্বেদৈঃ, খেষু-স্রোতঃসু, যোঽস্য-শ্বাসহিধ্মাবতো, গ্রথিতঃ-পিণ্ডিতঃ, কফঃ সুলীনোঽপি-অতিশযেন শ্লিষ্টোঽন্ত র্ভূতঃ, অনযেতিকর্তব্যতযা বিলীনোঽস্য কোষ্ঠং প্রাপ্তঃ সুনির্হরঃ স্যাত্-সুখেন নির্হর্তুং শক্যতে| তথা, স্রোতসাং-বাযুস্তব্ধানাং, মৃদুত্বং চ স্যাত্| মরুতশ্চানুলোমতা-স্বমার্গগামিত্বং স্যাত্|

আযুর্বেদরসাযনম্ ব্যাখ্যা ( কৃত)

আ০ র০-স্বেদফলমাহ তৈঃ খেষ্বিতি| খেষু-স্রোতঃসু| গ্রথিতো-ঘনীভূতঃ| সুলীনঃ-স্রোতোভিরেকতাং গতঃ| এবংবিধোঽপি কফঃ স্বৈদৈর্বিলীনতাং-দ্রবতাং নীতঃ, কোষ্ঠং প্রাপ্তঃ সুখং শোধ্যো ভবতি|

সর্বাঙ্গসুন্দরী ব্যাখ্যা ( কৃত)

স০-স্নিন্নং চ সন্তমাতুরং স্নিগ্ধং-শাল্যাদিকং ন রূক্ষং যবাদিকম্, আনূপজৈঃ-সূকরাদিমাংসজৈ রসৈঃ সহ, ভোজযেত্| অথবা স্বেদাদনন্তরমস্মৈ-শ্বাসহিধ্মাবতে, দধ্যুত্তরেণ-দধিসরেণ, বমনং মৃদু দদ্যাত্| বিশেষেণ কাসাদিমতে বমনং দদ্যাত্| তচ্চ বমনং পিপ্পলীসৈন্ধবক্ষৌদ্রযুক্তং বাতাবিরোধি-বাতং ন করোতি, যত্তদ্দদ্যাত্|

আযুর্বেদরসাযনম্ ব্যাখ্যা ( কৃত)

আ০ র০-স্বিন্নভোজনমাহ স্বিন্নং চেতি| স্নিগ্ধং-স্নিগ্ধৈঃ শাল্যদিভিঃ কৃতম্| দধ্যুত্তরেণ-দধিসরেণ| বমনমাহ-দদ্যাদিতি| অস্মৈ-শ্বাসিনে| কাসাদ্যুপদ্রবযুক্তায তু বিশেষাত্-অতিশযেন,বমনং দদ্যাত্| পিপ্পল্যাদিভিস্ত্রিভির্যুক্ত মদনফলাদিবচ্চ| বাতাবিরোধি-বমনকল্পোক্তম্|-

সর্বাঙ্গসুন্দরী ব্যাখ্যা ( কৃত)

স০-নির্হৃতে কফেঽসৌ (সঃ)-শ্বাসহিধ্মাবান্, সুখমশ্রুতে, রুঙ্ক্ষিবৃত্তেঃ| কিম্ভূতে কফে ? দুষ্টো বিগ্রহঃ-শরীরং, যেন তস্মিন্| তথা, স্রোতঃসু বিশুদ্ধেষু-উপলেপাদিরহিতেষু, বাযুরবিহতো-ন কেনচিদ্রুদ্ধগতিঃ, স্রোতঃসু চরতি|

আযুর্বেদরসাযনম্ ব্যাখ্যা ( কৃত)

আ০ র-বমনফলমাহ নির্হৃত ইতি| দুষ্টো বিগ্রহঃ-শরীরং, যেন|

সর্বাঙ্গসুন্দরী ব্যাখ্যা ( কৃত)

স০-ধ্মানং-আনাহঃ| উদাবর্তঃ-শকৃদাদীনামপ্রবৃত্তিঃ| তমকঃ-শ্বাসবিশেষঃ| ধ্মানং চোদাবর্তশ্চ তমকশ্চ ধ্মানোদাবর্ততমকম্, তস্মিন্-প্রকৃতত্বাত্ তথাবিধে হিধ্মাশ্বাসবতি| মাতুলুঙ্গাদ্যৈস্তথা হিঙ্গুপীলুবিডৈর্যুক্তমন্নমনুলোমকারি স্যাত্| অথবা, অস্যামবস্থাযাং সৈন্ধবেন সহ ফলাম্লং ফলেন-বাতানুলোমনেন বীজপূরাদিনা, অম্লং-অম্লীকৃতং, তথা কোষ্ণং-ঈষদুষ্ণং, বিরেচনং দদ্যাত্|

আযুর্বেদরসাযনম্ ব্যাখ্যা ( কৃত)

আ০ র০-বিরেচনমাহ ধ্মানোদাবর্ততমক ইতি| ধ্মানং-আধ্মানম্| তমকঃ-তমঃপ্রবেশনম্| ধ্মানাদিযুক্তে শ্বাসে বিরেচনম্| তচ্চ মাতুলুঙ্গাদ্যুক্তমন্নান্তেন| যো ন বিরিচ্যতে তস্মৈ বিরেচনং-ত্রিবৃন্মূলাদি| ফলৈঃ-মাতুলুঙ্গাদিভিরম্লং, সসৈন্ধবং চ| যোগরত্নে-"হিংগ্বম্লবেতসব্যোষসৌবর্চলফলত্রিকম্| তুল্যং ত্রিবৃদ্দ্বিগুণিতং তৈঃ সর্বৈঃ শর্করা সমা|| স্রংসনং শ্বাসহিক্কাঘ্নং পিবেত্তদ্ভক্ষযেদথ|" ইতি|

সর্বাঙ্গসুন্দরী ব্যাখ্যা ( কৃত)

স০-যস্মাদেতে-হিধ্মাশ্বাসাঃ| কফেন সংরুদ্ধা গতির্যস্য স এবম্, কফসংরুদ্ধগতিশ্বাসৌ প্রাণাশ্চ, তস্য প্রকোপঃ, ততো জাতাঃ| যত এবং তস্মাদ্ধেতোস্তন্মার্গশুদ্ধ্যর্থং-তস্য প্রাণস্য বাযোর্মার্গবিশুদ্ধিনিমিত্তং, ঊর্ধ্বমধশ্চ শোধনং হিতম্| এতচ্চ দৃষ্টান্তদ্বারেণ স্পষ্টযতি-উদীর্যত ইত্যাদি| যথা মার্গস্য রোধাজ্জলং বহত্ ভৃশতরং-সুতরাং, উদীর্যতে-বৃদ্ধিং যাতি| তথাঽনিলঃ স্বভাবতো বহন্ মার্গরোধাত্-মার্গস্যাবরণাত্, ভৃশতরমুদীর্যতে| তস্য-বাযোঃ, মার্গমস্মাত্-যথোক্তাত্কারণাত্, বিশোধযেত্|

আযুর্বেদরসাযনম্ ব্যাখ্যা ( কৃত)

আ০ র০- শোধনে যুক্তিমাহ এতে হীতি| এতে-শ্বাসাঃ| উদীর্যতে-উন্মার্গতাং যাতি| বঙ্গসেনে তু (শ্বাসাধিকারে শ্লো. ৩০)-"স্নেহবস্তিং বিনা কেচিদূর্ধ্বং চাধশ্চ শোধনম্| মৃদু প্রাণবতাং শ্রেষ্ঠং শ্বাসিনামাদিশন্তি হি||" ইতি| প্রাণো-বলম্|

সর্বাঙ্গসুন্দরী ব্যাখ্যা ( কৃত)

স০-পূর্বস্যাং ক্রিযাযাং কৃতাযামপ্যশমে সতি, কৃতসংশুদ্ধেঃ-শ্বাসহিধ্মার্তস্য, লীনং-সূক্ষ্মস্রোতঃশ্লিষ্টং, মলং-কফাখ্যং, ধূমৈঃ-বক্ষ্যমাণৈঃ, হরেত্|

আযুর্বেদরসাযনম্ ব্যাখ্যা ( কৃত)

আ০ র০-শোধনেনাশান্তৌ ধূমঃ কর্তব্য ইত্যাহঅশান্তাবিতি|

সর্বাঙ্গসুন্দরী ব্যাখ্যা ( কৃত)

স০-হরিদ্রাদীনি পিষ্ট্বা জলেন বর্তিং প্রকল্পযেত্| তাং-বর্তি, ঘৃতাক্তাং কৃত্বা ধূমং পিবেত্, সামর্থ্যাদগ্নিপ্লুষ্টাম্| অথবা যবান্ ঘৃতাক্তান্ ধূমং পিবেত্| মধূচ্ছিষ্টং-সিক্থকং, সর্জরসং ঘৃতং বা একীকৃত্য ধূমং পিবেত্| অথবা, গুরু-শ্রেষ্ঠং, অগুরু কৃষ্ণাগরু, ধূমং পিবেত্| অথবা, চন্দনম্ [ ধূমং পিবেত্ ]| অথবা, গবাং শৃঙ্গং ধূমং পিবেত্| অথবা, গবাং বালান্-গলকম্বলজানি রোমণি, ধূমং পিবেত্| স্নাব বা-স্নাযু বা গবামেব, ধূমং পিবেত্| রূক্ষাদীনাং চর্মাদীনি বা ধূমং পিবেত্| খুরশব্দস্যার্ধর্চাদিত্বান্নপুংসকত্বম্| গুগ্গুলুং বা, অথবা মনঃ শিলাং শালনির্যাসং বা ধূমং পিবেত্| শল্লক্যাদি ঘৃতাপ্লুতং বা|

আযুর্বেদরসাযনম্ ব্যাখ্যা ( কৃত)

আ০ র০-ধূমানাহ হরিদ্রাপত্রমিতি| [ অত্র ]...দশ ধূমাঃ| তত্রাদ্যঃ সপ্তভিঃ, তৃতীযপঞ্চমৌ দ্বাভ্যাম্, নবমস্ত্রিভিঃ, শেষা একেন (?), সর্বে সঘৃতাঃ|

সর্বাঙ্গসুন্দরী ব্যাখ্যা ( কৃত)

স০-অবশ্যং স্বেদনীযানাং তথাঽস্বেদার্হাণামপি ক্ষণমুরঃ কণ্ঠং চ মৃদুভিঃ স্বেদৈঃ স্বেদযেত্| কৈঃ ? সশর্করাক্ষীরৈঃ সুখোষ্ণৈঃ স্নেহসেচনৈঃ| তথা, স্বেদাধ্যাযে যান্যুক্তানি দ্রব্যাণি তত্কৃতৈরুত্কারিকোপনাহৈশ্চ স্বেদযেত্|

আযুর্বেদরসাযনম্ ব্যাখ্যা ( কৃত)

আ০ র০-[স্বেদমাহ]- অবশ্যমিতি| স্বেদ্যানাং শ্বাসিনামুরঃ কণ্ঠং চাবশ্যং-নির্ভযং, স্বেদযেত্| অস্বেদ্যানাং চ সভযম্, যদ্যপি ন সহতে তথাঽপি ক্ষণমেকং স্বেদযেত্| স্নেহং সসিতাক্ষীরসুখোষ্ণৈঃ কুর্যাত্| তেন সিঞ্চেত্|-

সর্বাঙ্গসুন্দরী ব্যাখ্যা ( কৃত)

স০-সামে চ শ্বাসহিধ্মাবত্যামবিধিং-লঙ্ঘনপাচনাদিকং, চরেত্ নিরামীকরণায|

আযুর্বেদরসাযনম্ ব্যাখ্যা ( কৃত)

আ০ র০-...সামে ত্বামবিধিং চরেদিতি| আমবিধিং-লঙ্ঘনপাচনাদিকম্|

সর্বাঙ্গসুন্দরী ব্যাখ্যা ( কৃত)

স০-অতিযোগাদ্বমনবিরেচনযোর্নরাণামুদ্ধতং বাতং দৃষ্ট্বা পবননাশনৈঃ স্নিগ্ধৈ রসাদ্যৈঃ-মাংসরসঘৃতক্ষীরাদিভিরাহারৈঃ, তথা কিঞ্চিদুষ্ণৈরভ্যঙ্গৈশ্চ শমং নযেত্|

আযুর্বেদরসাযনম্ ব্যাখ্যা ( কৃত)

আ০র০-শ্লেষ্মৌষধাতিযোগোদ্ধতবাতস্যৌষধমাহঅহিযোগোদ্ধতমিতি| রসাদ্যৈঃকাঞ্চলিকৈঃ|

সর্বাঙ্গসুন্দরী ব্যাখ্যা ( কৃত)

স০-অনুত্ক্লিষ্টকফানামস্বিন্নানাং দুর্বলানাং চ শোধনাদ্ধেতোঃ পবনো লব্ধাস্পদঃ সন্ অন্যস্থানাশ্রযবশাদাসাদিত সামর্থ্যোঽত এবামন্দঃ শোষণস্বভাবত্বাদ্ মর্ম-হৃদযাখ্যং, সংশোষ্য শীঘ্রমসূন্ হরেত্| তস্মাদেবংবিধান্ হিধ্মাশ্বাসবতো ন শোধযেত্| অতোঽন্যথাভূতাংশ্চ শোধযেদিত্যর্থাদুক্তং ভবতি| তথা চ তেষাং সংশোধনাদারোগ্যং সম্পদ্যতে| অনুত্ক্লিষ্টকফাদীনাং শোধনাযোগ্যানাং তর্হি কিং কার্যম্ ? ইত্যাহ-কষাযেত্যাদি| যতো যস্মাত্তে সংশোধনাযোগ্যাস্তস্মাত্তেষাং কষাযাদিভিঃ সংশমযেত্, শ্বাসহিধ্মা ইতি শেষঃ|

আযুর্বেদরসাযনম্ ব্যাখ্যা ( কৃত)

আ০ র০-শোধনমহানর্হাণাং(?)শমনমাহঅনুত্ক্লিষ্টেতি| ত্বাত্| আস্পদং-কারণম্| মর্ম-হৃদযম্| তেষাং-অশোধ্যানাং, শ্বাসম্|

সর্বাঙ্গসুন্দরী ব্যাখ্যা ( কৃত)

স০-ক্ষীণক্ষতাতিসারাসৃক্পিত্তদাহানুবন্ধজান্ হিধ্মাশ্বাসান্ মধুরাদিভিরুপক্রমেত্|

আযুর্বেদরসাযনম্ ব্যাখ্যা ( কৃত)

আ০ র০-ক্ষযাদ্যুত্পন্নস্য শ্বাসস্যৌষধমাহ-ক্ষীণক্ষতেতি| ক্ষীণাদীনামনুবন্ধো-দীর্ঘকালত্বম্, তস্মাজ্জাতান্|

সর্বাঙ্গসুন্দরী ব্যাখ্যা ( কৃত)

স০-কুলত্থদশমূলানাং ক্বাথে জাঙ্গলরসা যূষাশ্চ স্যুঃ|

আযুর্বেদরসাযনম্ ব্যাখ্যা ( কৃত)

আ০ র০-অথান্নপানানি| তত্র রসানাহকুলত্থদশমূলানামিতি|

সর্বাঙ্গসুন্দরী ব্যাখ্যা ( কৃত)

স০-শিগ্র্বাদিভিশ্চ জলে ক্বথিতৈর্যূষঃ স্যাত্| তথৈব রাস্নাদিভির্যূষঃ স্যাত্|

আযুর্বেদরসাযনম্ ব্যাখ্যা ( কৃত)

আ০ র০-যূষানাহ যূষাশ্চেতি| চকারাত্পূর্বস্মিন্ ক্বাথে সিদ্ধাঃ| শিগ্ব্রাদীনাং মুদ্গাদিভিঃ সহ প্রক্ষেপঃ| তত্র নিম্বাদীনাং পল্লবাঃ, ইতরেষাং যথাস্বং প্রসিদ্দোঽবযবঃ| যূষান্তরমাহ-ব্যাঘ্রীদুরালভেতি| ব্যাঘ্র্যাদিক্বথিতৈর্জলৈর্মুদ্গাদীনাং যূষঃ| যূষান্তরমাহ-[ তদ্বদিতি| সঙ্গ্রহে তু (চি. অ. ৬)- "শিরীষকুন্দকদলীকুসুমং পিপ্পলীযুতম্| তণ্ডুলাম্বুপ্লুতং হিধ্মাশ্বাসকাসহরং পরম্|| আরনালেন পিষ্ট্বা বা মাতুলুঙ্গরসান্বিতান্| হিঙ্গুসৌবর্চলকণাকোলমুদ্গান্ জলেন বা|| ক্ষারং বা ত্রিফলাপাঠাবৃহতীফলমূলজম্| মুক্তাপ্রবালবৈদূর্যশঙ্খসৌগন্ধিকাঞ্জনম্|| মসারগল্লস্ফটিককাচৈলালবণদ্বযম্| অপামার্গফলং তাম্রমযো রূপ্যং শণাত্ ফলম্|| জ্যোতীরসেন তল্লিহ্যাদযো বৈকং মধুদ্রবম্| লিহ্যাদ্বা পিপ্পলীদ্রাক্ষা পথ্যাশৃঙ্গীদুরালভাঃ|| ঘৃতমাক্ষিকতৈলৈর্বা ত্র্যূষণং ক্ষারসংযুতম্| পিপ্পলীক্ষৌদ্রযুক্তৌ বা রসৌ ধাত্রীকপিত্থযোঃ|| সিতোপলা ত্বামলকী দ্রাক্ষা গোশ্বশকৃদ্রসঃ| জীবন্তী চোরকঃ শৃঙ্গী পৌষ্করং সুরসঃ শঠী|| পিপ্পলীত্বগ্বিডক্ষারশুণ্ঠীহিঙ্গ্বম্লবেতসম্| এলাতামলকীভার্ঙ্গীবৃক্ষাম্লং চেতি চুর্ণিতম্|| রসেন মাতুলুঙ্গস্য মদ্যেন হবিষাঽথবা| লীঢং প্রযুক্তমন্নে বা কেবলং চোপযোজিতম্||] হিধ্মাশ্বাসবিবন্ধার্শঃকাসহৃত্পার্শ্বশূলজিত্|" ইতি| বঙ্গসেনে (শ্বাসা. শ্লো. ৭৫)- "শতং সঙ্গৃহ্য ভার্গ্যাস্তু দশমূল্যাস্তথা পরম্| শতং হরীতকীনাং চ পচেত্তোযে চতুর্গুণে|| পাদাবশেষে তস্মিংস্তু রসে বস্ত্রপরিস্রুতে| আলোড্য তত্র চ তুলাং গুডস্য ত্বভযাশ্চ তাঃ|| পুনঃ পচেত্তু মৃদ্বগৌ যাবল্লেহত্বমাগতঃ| শীতে চ মধুনশ্চাত্র ষট্পলানি প্রদাপযেত্| ত্রিকটু ত্রিসুগন্ধং চ পলিকানি পৃথক্ পৃথক্| কর্ষদ্বযং যবক্ষরং সঞ্চূর্ণ্য প্রক্ষিপেত্ততঃ|| ভক্ষযেদভযামেকাং লেহস্যার্ধপলং লিহেত্| শ্বাসং সুদারুণং হন্তি কাসং পঞ্চবিধং তথা|| স্বরবর্ণপ্রদো হ্যেষ জঠরাগ্নেশ্চ দীপনঃ|| কুলত্থং দশমূলং চ তথৈব দ্বিজযষ্স্টিকম্| শতং শতং চ সঙ্গৃহ্য জলদ্রোণে বিপাচযেত্|| পাদাবশেষে তস্মিংস্তু গুডস্যার্ধতুলাং ক্ষিপেত্| শীতীভূতে চ পক্বে চ মধুনোঽষ্টৌ পলানি তু|| ষট্পলানি তুগাক্ষীর্যাঃ পিপ্পল্যাশ্চ পলদ্বযম্| ত্রিসুগন্ধি সুগন্ধী চ খাদেদগ্নিবলং প্রতি|| শ্বাসং কাসং জ্বরং হিক্কাং নাশযেত্তমকং তথা||" ইতি| জলদ্রোণেঽত্র প্রতিশতং, তেন দ্রোণদ্বযে ক্বাথঃ|

সর্বাঙ্গসুন্দরী ব্যাখ্যা ( কৃত)

স০-পেযা চ চিত্রকাদিভিঃ কৃতাঽথবা দশমূলেন কৃতা, সা চ কাসদিহরা|

সর্বাঙ্গসুন্দরী ব্যাখ্যা ( কৃত)

স০-দশমূলাদিভিঃ কষাযং পিবেত্| অস্মিন্কষাযে পরিণতে তৈরেব-দশমূলাদিভিঃ, সাধিতাং পেযাং হিধ্মাশ্বাসী পিবেত্|

সর্বাঙ্গসুন্দরী ব্যাখ্যা ( কৃত)

স০-তথা শাল্যাদিভুক্ স্যাত্, কাসাদিশান্ত্যর্থম্|

সর্বাঙ্গসুন্দরী ব্যাখ্যা ( কৃত)

স০-অথবাঽর্কাঙ্কুরক্ষীরভবিতানাং যবানাং সম্বন্ধিনঃ সক্তূন্ সমাক্ষিকান্ দশমূলশঠীত্যাদিনির্যূহান্বিতান্ পিবেত্|

সর্বাঙ্গসুন্দরী ব্যাখ্যা ( কৃত)

স০-অন্নে-আহারে চ, ক্ষারাদীন্ যোজযেত্|

সর্বাঙ্গসুন্দরী ব্যাখ্যা ( কৃত)

স০-হিধ্মাশ্বাসবান্ পিপাসিতো দশমূলস্য ক্বাথং দেবদারুণো বা, অথবা বারুণীমণ্ডং পিবেত্|

সর্বাঙ্গসুন্দরী ব্যাখ্যা ( কৃত)

স০-পিপ্পল্যাদিভিঃ কল্কিতৈর্লেপিতে ঘৃতভাজনে রূঢে-শুষ্কে, তক্রং নিঃক্ষিপেত্| তচ্চ তক্রং মাসস্থিতং দীপনং শ্বাসকাসজিত্|

সর্বাঙ্গসুন্দরী ব্যাখ্যা ( কৃত)

স০-পাঠাদিকং সুরামণ্ডে নিশি স্থিতং কিঞ্চিল্লবণং প্রসৃতসম্মিতং-পলদ্বযমাত্রং, পিবেত্| অথবা, ভার্গীশুণ্ঠ্যাবুষ্ণাম্বুনা পিবেত্| যবক্ষারং মরিচযুক্তং বা| বাষ্পিকাং-হিঙ্গুপত্রিকাং, হিঙ্গু পত্রিক্বাথেন পিষ্টাং তেনৈবালোডিতাং বা পাযযেত্|

সর্বাঙ্গসুন্দরী ব্যাখ্যা ( কৃত)

স০-সপ্তপর্ণস্য-অযুগ্মচ্ছদস্য স্বরসঃ, শিরীষাত্ পুষ্পাণাং বা স্বরসঃ, এতৌ মধুকণাযুতৌ পিত্তকফানুগে হিধ্মাশ্বাসে সতি পাযযেত্| পিত্তানুবন্ধিনি হিধ্মাশ্বাসে তুগাদিভিরুত্কারিকা যোজ্যা| মধূলী-জলজা মধুযষ্টী, গোধূমবিশেষো বা| পবনে পুনরনুবন্ধিনি শ্বাবিদাদিভিরুত্কারিকা নিষ্পাদিতা যোজ্যা| হিধ্মাশ্বাসে বাতপিত্তানুবন্ধিনি সতি সুবর্চলারসাদিভিঃ সিদ্ধং পযোঽনু শাল্যোদনং ভুক্ত্বা পশ্চাত্ ক্ষীরং পেযম্, গব্যং ছাগং বা দেশসাত্ম্যাদিবশাত্| অথবা চতুর্গুণাম্বুসিদ্ধং বা পযশ্ছাগং সগুডনাগরং পিবেত্|

সর্বাঙ্গসুন্দরী ব্যাখ্যা ( কৃত)

স০-পিপ্পলীমূলাদীন্ মধুঘৃতান্বিতান্ সম্মিশ্র্য হিধ্মাভিষ্যন্দকাসঘ্নান্ লিহ্যাত্|

সর্বাঙ্গসুন্দরী ব্যাখ্যা ( কৃত)

স০-গোগজাদীনাং শকৃদ্রসং বহুকফঃ সমাক্ষিকমেকৈকশো লিহ্যাত্, অথবা পিবেত্| অথবা, চতুষ্পদাং চর্মাদিজাং মষীং পিবেত্| শ্বাসী কফাধিকোঽশ্বগন্ধাযাশ্চ মষীং তদ্বত্-মধুনা, লিহ্যাত্| শঠীপৌষ্করাদিণ্ বা মধুনা লিহ্যাত্| পৌষ্করং সকণং বা লিহ্যাত্| গৈরিকাদীন্ বা লিহ্যাত্, কপিত্থজং স্বরসং বা| কপিত্থস্বরসেন ধাত্র্যাদীন্ লিহ্যাত্| পথ্যাবিডঙ্গাদীন্ ঘৃতক্ষৌদ্রেণ বা লিহ্যাত্| কোলাদীন্ বা পূর্ববল্লিহ্যাত্, গুডাদীন্ বা| অথবা, লেহস্য-অগস্ত্যাদেঃ, ঔষধানাং চূর্ণানি মাংসরসাদিভিঃ পিবেত্|

সর্বাঙ্গসুন্দরী ব্যাখ্যা ( কৃত)

স০-জীবন্ত্যাদিকং চূর্ণং ভুক্তং পার্শ্বরুগাদিঘ্নং সুষ্ঠু হিধ্মাদিহরম্| লোহং-অগুরু|

সর্বাঙ্গসুন্দরী ব্যাখ্যা ( কৃত)

স০-শঠ্যাদিকং চূর্ণং পূর্বগুণম্|

সর্বাঙ্গসুন্দরী ব্যাখ্যা ( কৃত)

স০-তুল্যাং সগুডশুণ্ঠীং চ ভক্ষযেত্ নস্যং বা দদ্যাত্|

আযুর্বেদরসাযনম্ ব্যাখ্যা ( কৃত)

আ০ র০-অথ নস্যানি| তত্র গুডনাগরনস্যমাহ-তুল্যং গুডমিতি| নাবযেত্-নাসাযাং নিষেচযেত্| ভক্ষণমপি শ্বাসঘ্নম্|

সর্বাঙ্গসুন্দরী ব্যাখ্যা ( কৃত)

স০-লশুনাদীনাং মূলং পিষ্ট্বা নারীক্ষীরেণ পৃথক্ পৃথক্ নাবনং চ স্যাত্ হিধ্মাশ্বাসার্তায| চন্দনাদ্বা রসং নারীক্ষীরেণ সহ নস্যং দদ্যাত্| মক্ষিকাবিষ্ঠাং স্তন্যেন সহ নস্যং দদ্যাত্, অলক্তকরসেন বা|

আযুর্বেদরসাযনম্ ব্যাখ্যা ( কৃত)

আ০ র০-নস্যচতুষ্কমাহ লশুনস্যেতি| নারীক্ষীরং চতুর্ষ্বপি| নস্যত্রযমাহ-স্তন্যেনেতি| মাক্ষিকাবিষ্ঠাং-মধু| ঘৃতাচ্ছং-ঘৃতমণ্ডম্| নস্যান্তরমাহ-সিদ্ধং স্তন্যেনেতি| মধুরৈঃ-জীবন্ত্যাদিভিঃ| তদ্ধৃতং পানে নস্যে চ যোজ্যম্| তচ্চ ব্যত্যাসাত্-প্রথমমুষ্ণং ততঃ শীতং ততঃ পুনরুষ্ণং ততঃ পুনঃ শীতমিত্যাদি| যদোষ্ণং তদা সসিতম্| যদা শীতং সমধু| ক্ষীরমাহ-তদ্বত্পয ইতি| তদ্বত্-কল্কিতৈর্মধুরৈঃ সিদ্ধং ব্যত্যাসাত্প্রযোজ্যম্| ঘৃতমাহ-তথা সিদ্ধমিতি| অধোভাগৌষধানি-শ্যামাদিবেরেচনানি| তথা-পূর্ববত্প্রযোজ্যম্|-

সর্বাঙ্গসুন্দরী ব্যাখ্যা ( কৃত)

স০-কণাদিভিঃ কল্কৈর্মস্তুদশমূলরসে স্নেহপানবিধ্যুক্তপরিভাষামাশ্রিত্য ঘৃতং পক্ত্বা হিধ্মাশ্বাসার্তঃ পিবেত্| জীবনীযৈর্বা দ্রব্যৈঃ কল্কৈর্ঘৃতং পক্ত্বা সমাক্ষিকং লিহ্যাত্-ন পিবেত্| বিষযভেদাদেবং কার্যম্| অথবা, বস্তুস্বভাবাদেকস্মিন্নপি বিষযে কণাদিভিঃ পক্বং ঘৃতং পীতং হিধ্মাশ্বাসার্তানামারোগ্যায, জীবনীযৈঃ পুনঃ কল্কৈঃ পক্বং ঘৃতং লীঢং তেষামারোগ্যাযেতি|

আযুর্বেদরসাযনম্ ব্যাখ্যা ( কৃত)

আ০ র০-ঘৃতান্তরমাহ কণাসৌর্বর্চলেতি| বযস্থা-আমলকী| কাযস্থা-হরীতকী| ঘৃতান্তরমাহ| জীবনীযৈর্বেতি| জীবনীযৈঃ সাধিতং ঘৃতং মধুনা সহ লিহ্যাত্|

সর্বাঙ্গসুন্দরী ব্যাখ্যা ( কৃত)

স০-তেজোবত্যাদিভিঃ কল্কৈঃ কর্ষাংশৈর্হিঙ্গুপাদৈর্হিঙ্গুনঃ পাদঃ-চতুর্থাংশো, যেষাং তৈরেবংবিধৈর্ঘৃতং পচেত্| তত্পীতং দুষ্টকফাবৃতস্রোতসাং প্রমাথিতযা তেষাং বিবৃতত্বমুত্পাদযন্ শাখানিলাদীন্ হন্তি|

আযুর্বেদরসাযনম্ ব্যাখ্যা ( কৃত)

আ০ র০-ঘৃতান্তরমাহ তেজোবত্যভযেতি| ভূতীকং-কত্তৃণম্| পাদঃ-কর্ষচতুর্থাংশঃ| সঙ্গ্রহে তু (চি.অ. ৬)- "সিদ্ধং বা পুরমঞ্জিষ্ঠালাক্ষাসর্জরসৈঃ পিবেত্| সপদ্মকমনোহ্বালৈর্ঘৃতপ্রস্থং পিচূন্মিতৈঃ|| বত্সকাদিপ্রতীবাপং সিদ্ধং বা প্রথমে গণে| সপঞ্চলবণং সর্পিঃ শ্বাসকাসাবপোহতি|| প্রথমে-বিদার্যাদৌ| হিংস্রাবিডঙ্গপূতীকত্রিকটুত্রিফলাগ্নিকৈঃ| কোলমাত্রৈর্ঘৃতপ্রস্থং পাচযেত্সলিলাঢকে|| ক্ষীরপ্রস্থদ্বযোপেতং তত্কাসশ্বাসপীনসান্| অর্শাংস্যরোচকং গুল্মং ক্ষযং হিধ্মাং চ নাশযেত্||" ইতি| কোলং-কর্ষঃ|

সর্বাঙ্গসুন্দরী ব্যাখ্যা ( কৃত)

স০-ধান্বন্তরাদিঘৃতস্যার্ধাংশেন ক্ষারেণ, অথবা পটুনা-লবণেন চার্ধাংশেন, সর্পিঃ পিবেত্| ধান্বন্তরং-প্রমেহোক্তম্ (হৃ. চি. অ. ১২/১৯)| বৃষঘৃতং-রক্তপিত্তোক্তম্ (হৃ. চি. অ. ২/৪০)| দাধিকং-গুল্মোক্তম্ (হৃ. চি. অ. ১৪/১৩)| হপুষাদিকং-উদরোক্তম্ (হৃ. চি. অ. ১৫/২২)|

আযুর্বেদরসাযনম্ ব্যাখ্যা ( কৃত)

আ০ র০-ঘৃতন্তরমাহ অর্ধাংশেনেতি| সর্পিঃ-পুরাণম্, উক্তং হি সঙ্গ্রহে (চি. অ. ৬)-"সৈন্ধবার্ধাংশসংযুক্তং পুরাণং প্রাযযেদ্ধৃতম্||" ইতি| ঘৃতচতুষ্কমতিদিশতি-ধান্বন্তরমিতি| [ ধান্বন্তরাদীনি-] প্রমেহরক্তপিত্তগুলম্জঠরোক্তানি| বঙ্গসেনে (শ্বাসাশ্লো. ৫৯)- "সৌবর্চলযবক্ষারকটুকাব্যোষচিত্রকৈঃ| ঘৃতং বচাবিডঙ্গৈশ্চ সাধিতং শ্বাসশান্তযে|| কুলত্থরসসংযুক্তং পঞ্চকোলশৃতং ঘৃতম্| দীপনং শ্বাসকাসঘ্নং কফব্যাধিহরং পরম্|| তিক্তাসৌবর্চলক্ষারপথ্যাত্রিকটুহিঙ্গুভিঃ| সমালূরৈর্ঘৃতং সিদ্ধং সক্ষীরং শ্বাসকাসনুত্| গুল্মানাহং(হৌ) চ শমযেত্প্রবৃদ্ধান্ গুদজানপি|| সুবহাকালিকা ভার্গী শুগাখ্যা নিচুলং ফলম্| কাকাদনী শৃঙ্গবেরং বর্ষাভূর্বৃহতীদ্বযম্|| কোলমাত্রৈর্ঘৃতপ্রস্থং পচেদেতৈর্জলাঢকে| কদুষ্ণং পীতমেতদ্বিশ্বাসামযবিনাশনম্|| তৈলং দশগুণে সিদ্ধং ভৃঙ্গরাজরসে শুভে| পীযমানং যথান্যাযং কাসশ্বাসৌ ব্যপোহতি||" ইতি|

সর্বাঙ্গসুন্দরী ব্যাখ্যা ( কৃত)

স০-সহসা-ঝটিত্যেবাজ্ঞাতসঙ্কেতস্যৈব, হিধ্মাশ্বাসার্তস্য শীতাম্বুনা সেকো হিতঃ| ত্রাসঃ-চিত্তস্যোদ্বেগকৃত্কর্ম, বিক্ষেপঃ-অবধূননম্, ভীঃ-ভযম্, শুক্-শোকশ্চেতসঃ সন্তাপঃ, ত্রাসাদযশ্চতস্রস্তামসগুণোদ্ভবাঃ, ঈর্ষ্যা-অসূযা পরগুণাসহিষ্ণুতা, ইযং রজোগুণোদযা, তথা উচ্ছ্বাসস্য রোধঃ, এতে চ সর্বে হিধ্মাশ্বাসার্তায হিতাঃ| তথা, কীটৈঃ-পিপীলিকাদিভিঃ, তস্মিন্ দংশনং হিতম্, বাতবেগবিঘাতায|

আযুর্বেদরসাযনম্ ব্যাখ্যা ( কৃত)

আ০ র০-চিত্তক্ষোভণমৌষধমাহশীতাম্বুসেক ইতি| বিক্ষেপেণ বৈযগ্র্যম্|-

সর্বাঙ্গসুন্দরী ব্যাখ্যা ( কৃত)

স০-যত্কিঞ্চিত্-আহারবিহারৌষধাদিকং, কফবাতৌ-পৃথক্ সহিতৌ বা, নিহন্তি তত্কফবাতঘ্নম্| তথা, উষ্ণং-ন-শীতম্| কফবাতঘ্নং হি প্রাযেণোষ্ণমেব ভবতি| উষ্ণমিতি যদিহ কৃতং তদতিশযেনোষ্ণং ন ত্বীষদুষ্ণমিতি প্রতিপাদনার্থম্| তথা, বাতানুলোমনং কফবাতঘ্নত্বেনৈব বাতানুলোমনকারিত্বে লব্ধে প্রাধান্যেন বাতপ্রতিপক্ষেণ স্নিগ্ধেন যদ্যুক্তং তদ্ধিধ্মাশ্বাসার্তৈঃ কফবাতঘ্নমধিকোষ্ণং সেব্যমিতি প্রতিপাদনাযেতি| অত এবাহ-প্রাযশ ইত্যাদি| প্রাযশো-বাহুল্যেন, যত্ সুতরাং মারুতশমনং তত্ হিধ্মাশ্বাসার্তৈঃ সেব্যম্|

আযুর্বেদরসাযনম্ ব্যাখ্যা ( কৃত)

আ০ র০-অনুক্তসঙ্গ্রহার্থমাহ যত্কিঞ্চিদিতি| যন্মারুতাপহং তত্সুতরাং সেব্যম্, কফকৃন্ন চেতি| উক্তং হি সঙ্গ্রহে (চি. অ. ৬)-"বাতকৃদ্বা কফহরং কফকৃদ্বাঽনিলাপহম্| কার্যং নৈকান্তিকং তাভ্যাং প্রাযঃ শ্রেযোঽনিলাপহম্||" ইতি|

সর্বাঙ্গসুন্দরী ব্যাখ্যা ( কৃত)

স০-সর্বেষাং-হিধ্মাশ্বাসার্তানাং, হি-যস্মাত্, বৃংহণে বিধীযমানে কদাচিদ্দৈববশাত্ যোঽপাযো-রোগাধিক্যমন্যরোগপ্রাদুর্ভাবো বা, ভবেত্ স প্রাযশোঽল্পস্তথা শক্যঃ-সাধযিতুং সুখসাধ্যঃ| তথা, তেষাং, শমনে ভেষজাদৌ ক্রিযমাণেঽপাযো যদি দৈবাত্স্যাত্ স নাত্যর্থং-নাতিশযেন| কিং তর্হি ? মধ্যমযা বৃত্ত্যা| হিধ্মাশ্বাসশান্ত্যর্থং কর্ষণে ভেষজাদৌ ক্রিযমাণে যোঽপাযো জাযতে স ভৃশো-দুঃসহঃ, অত এবাশক্যঃ-সাধযিতুং ন শক্যতে| যত এবং কর্ষণে ভৃশোঽশক্যশ্চাপযো ভবতি| অতঃ-অস্মাত্কারণাত্, তান্-হিধ্মাশ্বাসান্, ভূযিষ্ঠং-বাহুল্যেন, শমনৈর্ভেষজৈস্তথা বৃংহণৈরুপাচরেত্|

আযুর্বেদরসাযনম্ ব্যাখ্যা ( কৃত)

আ০ র০-শমনবৃংহণকর্শনানাং ক্রমদ্ধীনত্বমাহ সর্বেষামিতি| যন্ন বৃংহণং ন চ কর্শনং তচ্ছমনম্| তত্র নাত্যর্থমপাযঃ-অপাযস্যাত্যন্তাভাবঃ| অপাযো বৃংহণে তু কদাচিদ্ভবেত্, স চাল্পঃ, স চ শক্যঃ| কর্শনে তু সদা, স চানল্পঃ স চাশক্যঃ| অতঃ কর্শনং ন কার্যমিত্যাহ-শমনৈর্বৃংহণৈরিতি| প্রথমং শমনৈস্তৈরনুপশমে বৃংহণৈঃ| ভূযিষ্ঠগ্রহণাত্কস্যাঞ্চিদবস্থাযাং কর্শনৈরপি|

সর্বাঙ্গসুন্দরী ব্যাখ্যা ( কৃত)

স০-কাসোক্তৈর্ভেষজৈঃ শ্বাসাদীনুপাচরেত্| শ্বাসাদ্যুক্তৈঃ কাসানুপাচরেত্| এবং পরস্পরং সর্বৈর্যথোক্তৈর্ভেষজৈঃ সর্বানেতানুপাচরেদিতি| ইতি শ্রীমৃগাঙ্কদত্তপুত্রশ্রীমদরুণদত্তবিরচিতাযামষ্টাঙ্গহৃদয- টীকাযাং সর্বাঙ্গসুন্দরাখ্যাযাং চতুর্থে চিকিত্সিতস্থানে শ্বাসহিধ্মাচিকিত্সিতং নাম চতুর্থোঽধ্যাযঃ সমাপ্তঃ||৪||

আযুর্বেদরসাযনম্ ব্যাখ্যা ( কৃত)

আ০ র০-কাসাদিভেষজমন্যোন্যমতিদিশতিকাসশ্বাসেতি| উপাচরেদিত্যনুবর্ত্যম্| [ বঙ্গসেনে তু- (হিক্কাধিকারে শ্লো. ১৮)-"প্রাণাবরোধতর্জনবিস্মাপনভযভাষকৈশ্চঘোরৈঃ| কথাপ্রযোগৈঃ শমযেদ্ধিক্কাং ঘোরাং মনোঘাতৈঃ|| হিক্কার্তস্য পযশ্চ্ছাগং হিতং নাগরসাধিতম্| রসং পিবেত্ফলিন্যা ]শ্চ লাজসক্তূন্ সসৈন্ধবান্|| প্রবালশঙ্খত্রিফলাচূর্ণং মধুঘৃতাপ্লুতম্| পিপ্পলী গৈরিকং চেতি লেহো হিক্কানিবারণঃ|| কোলমজ্জাঽঞ্জনং লাজা তিক্তা কাঞ্চনগৈরিকম্| কৃষ্ণা ধাত্রী সিতা শুণ্ঠী কাসীসং দধিনাম চ|| পাটল্যাঃ সফলং পুষ্পং কৃষ্ণা খর্জূরমুস্তকম্| ষডেতে পাদিকা লেহা হিক্কাঘ্না মধুসংযুতাঃ|| নির্ধূমাঙ্গারনিক্ষিপ্তশ্লক্ষ্ণমাষরজোভবঃ| হিক্কাঃ পঞ্চ নিহন্ত্যাশু ধূমঃ পীতো ন সংশযঃ||" ইতি| ইতি হেমাদ্রিটীকাযামাযুর্বেদরসাযনে| শ্বাসহিক্কাপ্রকরণং সামস্ত্যেন নিরূপিতম্|| ৪||