৫. রাজযক্ষ্মাদিচিকিত্সিতাধ্যাযঃ

সর্বাঙ্গসুন্দরী ব্যাখ্যা ( কৃত)

শ্বাসহিধ্মাচিকিত্সিতাদনন্তরং রাজযক্ষ্মচিকিত্সিতারম্ভঃ| যতঃ কাসশ্বাসক্ষযাদীনন্যোন্যভেষজৈরুপাচরেদিত্যুক্তম্| ক্ষযশ্চ রাজযক্ষ্মা| তস্মাদেতদারভ্যতে-

সর্বাঙ্গসুন্দরী ব্যাখ্যা ( কৃত)

স০-এবংভূতস্য রাজযক্ষ্মিণ ঊর্ধ্বাধঃ শোধনং-বমনং বিরেচনং চ কুর্যাত্, অস্নিগ্ধস্বিন্নস্য শোধনানর্হত্বাত্| স্নিগ্ধস্বিন্নগ্রহণং ত্বতিশযার্থম্| কিম্ভূতং শোধনম্ ? সস্নেহং,-ঈষত্স্নিগ্ধম্, তথা যন্ন কর্শনং-দেহস্য ন ক্ষপণম্| যক্ষ্মণ ইতি "দ্বন্দ্বোপতাপ" ইত্যাদিনা ইনির্মিত্বর্থাংযঃ|

আযুর্বেদরসাযনম্ ব্যাখ্যা ( কৃত)

আ০ র০-অথ রাজযক্ষ্মচিকিত্সিতম্| তত্র শোধনমাহ-বলিনো বহুদোষস্যেতি|

সর্বাঙ্গসুন্দরী ব্যাখ্যা ( কৃত)

স০-পযসা-ক্ষীরেণ মদনফলান্বিতেন, রাজযক্ষ্মী বমেত্| এবং তেন বমনং কার্যম্| মধুরেণ বা মাংসরসেন মদনফলযুক্তেন বমেত্| অথবা, যবাগ্বা ঘৃতবত্যা তথা বমনদ্রব্যেণ-মদনফলাদিনা, সিদ্ধযা বমেত্|

আযুর্বেদরসাযনম্ ব্যাখ্যা ( কৃত)

আ০ র০-বমনমাহ পযসেতি| রসেন-মাংসরসেন|

সর্বাঙ্গসুন্দরী ব্যাখ্যা ( কৃত)

স০-ত্রিবৃদাদীনেকৈকশঃ শর্করামধুসর্পির্যুতান্ বিরেচনং দদ্যাত্| অথবা পযসা ত্রিবৃদাদীন্ দদ্যাত্| তর্পণেন বা সহ ত্রিবৃদাদীন্ বিরেচনং দদ্যাত্| রসৈরিতি বহুবচননির্দেশাদ্ দ্রাক্ষাদীনাং পৃথগ্রসৈরিতি বোধ্যম্|

আযুর্বেদরসাযনম্ ব্যাখ্যা ( কৃত)

আ০ র০-বিরেচনমাহ বিরেচনমিতি| শর্করাদিত্রিভির্যুক্তৈঃ| দ্রাক্ষাদিচতুর্ভিঃ পৃথক্| বঙ্গসেনে (রাজযক্ষ্মাধিকারে শ্লো. ৩০)-"বলিনো বহুদোষস্য পঞ্চকর্মাণি কারযেত্| যক্ষ্মিণঃ ক্ষীণশুক্রস্য তত্কৃতং স্যাদ্বিষোপমম্|| শুক্রাযত্তং বলং পুংসাং মলাযত্তং চ জীবিতম্| অতো বিশেষাত্সংরক্ষেদ্যক্ষ্মিণো মলরেতসী"|| ইতি|-

সর্বাঙ্গসুন্দরী ব্যাখ্যা ( কৃত)

স০-শুদ্ধকোষ্ঠস্য সতো যক্ষ্মণো বৃংহণং দীপনং চ বিধিং প্রযুঞ্জীত| তথাঽন্নপানানি হৃদ্যানি-হৃদযপ্রিযাণি তথা বাতঘ্নানি লঘূনি চ যুঞ্জীত| বাহুল্যেনৈতদুক্তম্|

আযুর্বেদরসাযনম্ ব্যাখ্যা ( কৃত)

আ০ র০-শুদ্ধস্য কৃত্যমাহশুদ্ধকোষ্ঠস্যেতি|

সর্বাঙ্গসুন্দরী ব্যাখ্যা ( কৃত)

স০-তথা শাল্যাদিকং বর্ষোষিতং যুঞ্জীত| আজং ক্ষীরং ঘৃতং মাংসং তথা ক্রব্যান্মাংসং চ ক্ষযজিত্|

আযুর্বেদরসাযনম্ ব্যাখ্যা ( কৃত)

আ০ র০-যক্ষ্মঘ্নান্নপানমাহশালিষষ্টিকেতি| সমা-সংবত্সরঃ| ক্রব্যান্মাংসাশিনাং মাংসম্|

সর্বাঙ্গসুন্দরী ব্যাখ্যা ( কৃত)

স০-কাকোলূকাদিকমেতন্মাংসং হিতম্| কিম্ভূতম্ ? ছদ্মনোপসংহিতম্-কাকাদযস্তিত্তির্যাদিশব্দেন দেযা ইত্যর্থঃ| কিমিত্যেবং ক্রিযতে ? ইত্যাহ-যস্মাত্তত্ জুগুপ্সিতং জ্ঞাতং সত্ ছর্দিষে সম্পদ্যতে, ন বলায ন বৌজসে|

আযুর্বেদরসাযনম্ ব্যাখ্যা ( কৃত)

আ০ র০-কাকাদিমাংসভক্ষণোপাযমাহকাকোলূকেতি|

সর্বাঙ্গসুন্দরী ব্যাখ্যা ( কৃত)

স০-মৃগাদ্যাঃ-মৃগবিষ্কিরপ্রতুদা[দয]ঃ, পিত্তকফযোর্হিতাঃ| বাতে [প্রসহাদযঃ-] প্রসহমহামৃগাপূচরাদযো, হিতাঃ| কিম্ভূতাঃ ? বেসবারীকৃতাঃ-পিষ্টাঃ, পথ্যাঃ| তথা, রসাদযো-মাংসরসাদযঃ কল্পিতাঃ| তথা, সর্ষপতৈলেন ভৃষ্টাঃ, সর্পিষা বা দেশকালাদ্যপেক্ষযা যথাযথং ভৃষ্টাঃ| তথা, রসিকাঃ-প্রশস্তরসবন্তঃ, প্রশংসাযাং হ্যেষ মত্বর্থীযঃ| মৃদবো-ন তীক্ষ্ণাঃ| তথা স্নিগ্ধাঃ সৈন্ধবাদিভিঃ কৃতসংস্কারা হিতাঃ| তদ্বত্-তথৈব, মূলকাদিকৃতা যূষাঃ|

আযুর্বেদরসাযনম্ ব্যাখ্যা ( কৃত)

আ০ র০-মাংসপাকপ্রকারমাহ মৃগাদ্যা ইতি| মৃগাদ্যাশ্চত্বারো বর্গাঃ| প্রসহাদ্যাশ্চত্বারঃ| যথাযথং-পিত্তে সর্পিষা, কফবাতযোঃ সর্ষপতৈলেন| রসিকাঃ-সুরসাঃ| পটু-দ্রব্যলক্ষণম্| যূষানাহ-হিতা ইতি| তদ্বত্-মাংসরসবত্|-

সর্বাঙ্গসুন্দরী ব্যাখ্যা ( কৃত)

স০-পিপ্পল্যাদিভিঃ সংস্কৃতমাজং মাংসরসং ঘৃতাদিস্নেহেন স্নিগ্ধং পিবেত্, ইত্যত্র মাংসানামবশ্যং স্নিগ্ধত্বেঽপি স্নিগ্ধগ্রহণমেষাং ঘৃতাদিস্নেহেন স্নিগ্ধত্বং কার্যমিতি প্রতিপাদযতি| তেন রসেন পীতেন, ষট্ বিকারাঃ পীনসাদযঃ-"পীনসশ্বাসকাসাং সমূর্ধস্বররুজঃ" (হৃংই.অ.৫/১৩), শাম্যন্তি|

আযুর্বেদরসাযনম্ ব্যাখ্যা ( কৃত)

আ০ র০-আজমাংসরসমাহ সপিপ্পলীকমিতি| পীনসাদযঃ-একাদশস্বাদ্যাঃ ষট্| অস্য পাকবিধিঃ [ সিদ্ধযোগে রাজযক্ষ্মাধিকারে শ্লো.৩]-"দ্রব্যতো দ্বিগুণং মাংসং সর্বতোঽষ্টগুণং জলম্| পাদস্থং সংস্কৃতং চাজ্যে ষডঙ্গো যূষ উচ্যতে||" ইতি| সঙ্গ্রহে তু (চি.অ. ৭)-"কোলদাডিমনির্যাসপিষ্টযাঽস্থিবিহীনযা| দ্রাক্ষযা স্বচ্ছধান্যাম্লপ্লুতালোডিতকল্কযা|| কার্যঃ সৌবর্চলব্যোষপত্রৈলাদীপ্যকান্বিতঃ| সমাক্ষিকঃ সকর্পূরঃ সলবঙ্গঃ সকেসরঃ| চন্দ্রকান্তো যথার্থাখ্যঃ শোষহাঽগ্নিরুচিপ্রদঃ| শুক্তাম্রধাত্রীস্বরসৈর্দ্রাক্ষাযাঃ কল্কিতং পলম্|| গুডষট্পলসংযুক্তং যুক্তং শ্লক্ষ্ণৈশ্চ কার্ষিকৈঃ| বৃক্ষাম্লধান্যদ্রবিডীরাজিকাদাডিমোষণৈঃ| পলেন নাগপুষ্পস্য কিঞ্চিত্সৌবর্চলেন চ| সসেব্যপত্রত্বক্তোযঃ সুরসারসমূর্চ্ছিতঃ|| ভূরিভূস্তৃণকো রাগঃ কল্প্যো রুচ্যঃ সমাক্ষিকঃ||" ইতি| দ্রবিডী-এলা| তোযং-বালকম্| সুরসারসঃ-তুলসীরসঃ, তেন মূর্চ্ছিতঃ-একলোলীভাব নীতঃ| ভূরি-উদ্ভূতরসগন্ধি, ভূস্তৃণং যত্র স তথা| রাগঃ-পানকভেদঃ|

সর্বাঙ্গসুন্দরী ব্যাখ্যা ( কৃত)

স০-অতিতরাং জীর্ণং পুরাণং, চ মদ্যং স্রোতোবিশুদ্ধিকরং পিবেত্| পিত্তাদিষু পিত্তকফবাতেষু, যথাযুক্ত্যা মধ্বাদীন্ বিশেষেণ পিবেত্| অথবা, পঞ্চমূলেন-হ্রস্বেন, সিদ্ধং জলং পিবেত্| তামলক্যা বা জলং পর্ণিনীভিশ্চতসৃভির্বা জলং পক্বং পিবেত্| ধান্যনাগরকাভ্যাং বা শৃতং পিবেত্| অস্য চ-যক্ষ্মিণঃ, অনুকূলো যত্নবান্ পরিচারকোঽন্নং শুচি তেন-পঞ্চমূলাদিজলেন, কল্পযেত্| অনুকূলাদিগ্রহণমত্রাতিশযার্থম্|

আযুর্বেদরসাযনম্ ব্যাখ্যা ( কৃত)

আ০ র০-মদ্যমাহ পিবেচ্চেতি| সুতরাং-অন্যেভ্যো দ্রব্যেভ্যঃ| মধু-মার্দ্বীকং,তত্পিত্তে| অরিষ্টং কফে| অচ্ছবারুণী বাতে| পানীযমাহ-সিদ্ধং বেতি| এতানি চত্বারি জলান্যন্নপাকেঽপি যোজ্যানীত্যাহ-কল্পযেচ্চেতি| তেন-পঞ্চমূলাদিজলান্যতমেন| অনুকূলো যত্নবানিতি পাচকবিশেষণম্| শুচীতি পাক্যবিশেষণম্| যক্ষ্মিণোঽন্নে তাত্পর্যার্থম্|

সর্বাঙ্গসুন্দরী ব্যাখ্যা ( কৃত)

স০-দশমূলক্বাথেন তথা পযসাঽথবা মাংসরসেন বলাকল্কেন সাধিতং ঘৃতং যোজ্যম্| ক্রব্যান্মাংসরসেন বা বলাগর্ভং পক্বং ঘৃতং যোজ্যম্| ক্ষীরেণ বা দশগুণেন বলাগর্ভং সিদ্ধং ঘৃতং সক্ষৌদ্রং যোজ্যম্|

আযুর্বেদরসাযনম্ ব্যাখ্যা ( কৃত)

আ০ র০-অথ ঘৃতানি| তত্র ঘৃতসপ্ত[ক]মাহ-দশমূলেনেতি| দশমূলগর্ভে দ্বে| বলাগর্ভমেকম্| দশমূলস্য ক্বাথশ্চেচত্বারি| বলাগর্ভাগর্ভহীনমেকমিতি সপ্ত(?)| সক্ষৌদ্রাণি পেযানি|

সর্বাঙ্গসুন্দরী ব্যাখ্যা ( কৃত)

স০-জীবন্ত্যাদীন্ কল্কীকৃত্য ঘৃতং চতুর্গুণে জলে পক্বং রোগরাজহরং পরম্|

আযুর্বেদরসাযনম্ ব্যাখ্যা ( কৃত)

আ০ র০-ঘৃতান্তরমাহ জীবন্তীমিতি|

সর্বাঙ্গসুন্দরী ব্যাখ্যা ( কৃত)

স০-কল্কীকৃত্য পক্বমিত্যনুবর্ততে| খর্জূরাদিভিঃ কল্কীকৃত্য ঘৃতং পক্বং পিপ্পলীচূর্ণেন যুক্তং বৈস্বর্যাদিহরম্|

আযুর্বেদরসাযনম্ ব্যাখ্যা ( কৃত)

আ০ র০-অন্যদাহ ঘৃতমিতি| খর্জূরাদিক্বাথেন পিপ্পলীকল্কেন|

সর্বাঙ্গসুন্দরী ব্যাখ্যা ( কৃত)

স০-দশমূলক্বথিতাত্ ক্ষীরাদ্যত্সর্পিরুদিযাত্-উদ্গচ্ছেত্, তত্-প্রত্যগ্রং, পিপ্পলীক্ষৌদ্রান্বিতমতিশযেন স্বরবোধনং শিরঃপার্শ্বাংসশূলঘ্নং কাসাদিহরম্| অথবা, পঞ্চভিঃ পঞ্চমূলৈঃ শৃতাত্ক্ষীরাত্ যদুদ্ভবেদ্ধৃতং তত্পূর্বগুণম্|

আযুর্বেদরসাযনম্ ব্যাখ্যা ( কৃত)

আ০ র০-অন্যদাহ দশমূলশৃতাদিতি| নবং-প্রত্যহং কৃতম্|

সর্বাঙ্গসুন্দরী ব্যাখ্যা ( কৃত)

স০-পঞ্চানাং পঞ্চমূলানাং রসে ক্ষীরচতুর্গণে পক্বমেতদ্যক্ষ্মণঃ সপ্তকং বলং-পীনসাদিকং, এতদ্ধৃতং জযেত্|

আযুর্বেদরসাযনম্ ব্যাখ্যা ( কৃত)

আ০ র০-অন্যদাহ পঞ্চাভিঃ পঞ্চমূলৈর্বেতি| রসক্ষীরযোশ্চতুর্গুণত্বং মিলিতযোঃ, পরিভাষযা প্রাপ্তত্বাত্|-

সর্বাঙ্গসুন্দরী ব্যাখ্যা ( কৃত)

স০-পঞ্চকোলাদিনা ষট্পলেন কল্কেন ঘৃতপ্রস্থং তুল্যক্ষীরং পচেত্| তত্স্রোতসাং বিশোধনং স্যাত্| অত্র চানুক্তমপি জলং স্নেহাচ্চতুর্গুণং ত্রিগুণং বা দেযং পূর্বোক্তন্যাযাত্| তথা গুল্মাদীন্ জযেত্|

আযুর্বেদরসাযনম্ ব্যাখ্যা ( কৃত)

আ০ র০-ষট্ফলং ঘৃতমাহ পঞ্চকোলেতি| ষণ্ণাং পলানি কল্কীকৃতানাম্, পশ্চাত্কল্কীকরণে কল্কাধিক্যত্| দ্রবচাতুর্গুণ্যং জলেন পুরণীযম্, জলং বিনা মুক্তরসত্বাভাবাত্|

সর্বাঙ্গসুন্দরী ব্যাখ্যা ( কৃত)

স০-রাস্নাদিক্বাথে জীবন্তীপিপ্পলীকল্কং ক্ষীরসহিতং পক্বং ঘৃতং শোষজিত্|

আযুর্বেদরসাযনম্ ব্যাখ্যা ( কৃত)

আ০ র০-অন্যদাহ রাস্নাবলেতি|

সর্বাঙ্গসুন্দরী ব্যাখ্যা ( কৃত)

স০-অশ্বগন্ধযা শৃতাত্ ক্ষীরাদুদ্ভূতং ঘৃতং শর্করাক্ষীরযুতং পূর্বোক্তগুণম্|

আযুর্বেদরসাযনম্ ব্যাখ্যা ( কৃত)

আ০ র০-অন্যদাহ অশ্বগন্ধাশৃতাদিতি| সিতযা কল্কেন পযসা বৈদ্রেণ (দ্রবেণ) সিদ্ধম্|

সর্বাঙ্গসুন্দরী ব্যাখ্যা ( কৃত)

স০-সাধারণস্য-বিলেশযপ্রসহানাং মাংসস্য, তুলাং-পলশতং জলদ্রোণদ্বযে পচেত্| তেনাষ্টভাগশেষেণ ক্বাথেন জীবনীযৈঃ পালিকৈঃ সর্পিষঃ প্রস্থং পচেত্| মাংসসর্পিঃসংজ্ঞমেতত্ কেবলং পীতং মাংসরসেন বা যুক্তং পীতং বাতপিত্তঘ্নং কাসাদিজিত্|

আযুর্বেদরসাযনম্ ব্যাখ্যা ( কৃত)

আ০ র০-মাংসঘৃতমাহসাধারণামিষতুলামিতি| সাধারণং-প্রসহবিলেশযানাম্| পীতং প্রাতঃ, রসে[ন]যুক্তং ভোজনম্| সঙ্গ্রহে (চি.অ. ৭)-"দুরালভাং গোক্ষুরকং চতস্রঃ পর্ণিনীর্বলাম্| ভাগান্ পলোন্মিতান্ কৃত্বা পলং পর্পটকস্য চ|| পচেদ্দশগুণে তোযে দশভাগাবশেষিতে| পূতে তস্মিন্ ঘৃতপ্রস্থং ক্ষীরং চ দ্বিগুণং পচেত্|| গর্ভং দত্বা শঠীকৃষ্ণা ভূনিম্বোত্পলসারিবাঃ| ত্রাযন্তীং পৌষ্করং মূলং সহপত্রফলাং ফলম্|| কুটজস্য জতেত্তদ্ধি শিরঃপার্শ্বাংসবেদনাম্| তৃষ্ণাং ছর্দিমতীসারকাসদাহভ্রমজ্বরান্|| উত্পলসারিবা-কৃষ্ণসারিবা| যষ্টীবলাগুডূচ্যল্পপঞ্চমূলতুলাং পচেত্| শূর্পেঽপামষ্টভাগস্থে তত্র পাত্রং পচেদ্ঘৃতাত্|| ধাত্রীবিদারীক্ষুরসত্রিপাত্রে পযসোঽর্মণে| সম্পিষ্টৈর্জীবনীযৈশ্চ পারাশরমিদং ঘৃতম্|| সসৈন্যং রাজযক্ষ্মাণমুন্মূলযতি শীলিতম্| মুর্বাহরিদ্রাখদিরক্বাথং সর্পিঃ শকৃদ্রসম্|| গোগজাজাবিহযজং পযস্তুল্যান্ দশ দ্রবান্| স্বাদুস্কন্ধং ত্রিকটুকং কল্কিতং দেবদারু চ|| পচেত্তচ্ছ্বাসশোষঘ্নং তদ্বদ্বাসাবরীঘৃতম্| সপঞ্চপটু পঞ্চাজং ক্ষযী ক্ষীরানুপঃ পিবেত্|| দ্বিপঞ্চমূলবরণযববিল্বপুনর্নবাঃ| করঞ্জবোটস্থবিরকুলত্থবদরাগ্নিকাঃ|| ভল্লাতকং চ তত্ক্বাথে ষড্গুণে সাধযেদ্ধৃতম্| গর্ভং দত্বা স্নুহীক্ষীরং শুকাখ্যাচব্যসৈন্ধবম্|| হরীতকীং চ তচ্ছোষশোফমেদোদরাপহম্||" ইতি| তথা (সঙ্গ্রহে চি. অ. ৭)-"যবাগ্বা বা পিবেন্মাত্রাং লিহ্যাদ্বা মধুনাঽন্বিতাম্| সিদ্ধানাং সর্পিষামেষামদ্যাদন্নেন বা সহ||" ইতি| সর্বেষাং সর্পিষাং প্রযোগান্তরমেতত্| বঙ্গসেনে তু (রাজ.শ্লো. ৯৫)-"গুডূচীসারিবাহ্বস্বাপঞ্চমূলীবলাবৃষম্| সমূলপত্রশাখং তু পৃথগ্দশপলাংশিকম্|| জলদ্রোণে বিপক্তব্যং যাবত্পাদাবশেষিতম্| পিপ্পলী চন্দনং রোধ্রং হীবেরোশীরপর্পটম্|| পাঠাভূনিম্বযষ্ট্যাহ্বত্রাযন্তীনীলমুত্পলম্| মুস্তকেন্দ্রযবাঃ শুণ্ঠী কটুকং সদুরালভম্|| ত্বক্পত্রং বৃষমূলং চ কল্কৈরর্ধপলৈর্ভিষক্| অজাক্ষীরেণ তত্তুল্যং ঘৃতপ্রস্থং বিপাচযেত্|| হন্তি যক্ষ্মাণমত্যুগ্রং রক্তপিত্তং ত্রিদোষজম্| শ্বাসকাসক্ষতক্ষীণদাহশোষরুজাপহম্|| বাসামৃতারিষ্টনিদিগ্ধিকানাং রসেঽশ্বগন্ধেভবলার্জুনানাম্| সিদ্ধং সপঞ্চোষণপুষ্করাণাং কল্কৈর্ঘৃতং ছাগপযশ্চ শোষে||" ইতি| যোগরত্নে-"মধুকস্য শতং দদ্যাত্ কাশ্মর্যাণাং তথাঽঽঢকম্| পরূষকাণাং দ্রাক্ষাযাঃ খর্জূরৌদনপাক্যযোঃ|| মধূকপুষ্পস্য তথা মুজাতকাঢকম্(?)| দ্বিদ্রোণেঽপাং বিপক্তব্যং চতুর্ভাগাবশেষিতম্|| তস্মিন্কষাযে পূতে চ পুনরগ্নাবধিশ্রযেত্| আর্দ্রামলককাশ্মর্যবিদারীক্ষুরসাঢকম্|| তৈলাঢকং তু সংযোজ্য পচেত্ক্ষীরে চতুর্গুণে| তস্মিংস্তথা পচ্যমানে কল্কাংশ্চেমান্ সমাবপেত্|| পিপ্পলীং শৃঙ্গবেরং চ কদলীং [ চ স ] শর্করাম্| বলাবালকদম্বং চ সূক্ষ্মৈলাং পদ্মবীজকম্|| শৃঙ্গাটকং কসেরুং চ জীবনীযানি যানি চ| দ্বিপলীনং পৃথগ্দত্বা বিপচেন্মৃদুনাঽগ্নিনা|| তত্সিদ্ধং স্রাবযিত্বা তু শীতং ক্ষৌদ্রেণ সংসৃজেত্| নস্যমভ্যঞ্জনং পানং প্রশস্তং বস্তিকর্মণি| বাতব্যাধিষু সর্বেষু ক্ষতক্ষীণে শিরোগ্রহে| বাতশ্চলে(?)প্রমেহে চ গুল্মে চার্শে ভগন্দরে|| বাতভগ্নাঙ্গহীনানাং কাসে শ্বাসে চ হৃদ্গ্রহে| জ্বরাতিসারেষ্বরুচৌ কর্ণনাদে স্বরক্ষযে|| সুকুমারমিদং তৈলং বালবৃদ্ধসুখাবহম্| এতদ্ধি বৃষ্যং বল্যং [ চ ] রক্তমাংসবিবর্ধনম্|| স্বর্বর্ণকরং চৈব শোষিণামমৃতোপমম্| নিঃপাকস্বস্য শৈলস্য(?)সম্যক্সিদ্ধস্য যোজযেত্|| উদস্বিদিব দধ্যর্থং সোঽপি কৃত্যকরো ভবেত্| একাদশ চ ষট্ চৈব শোষিণাং য উপদ্রবাঃ|| সুকুমারং প্রশমযেন্মেধ্যো(ঘো)ঽগ্নিরি(মি)ব বৃষ্টিমান্||" ইতি| ওদনপাক্যা-বলা|

সর্বাঙ্গসুন্দরী ব্যাখ্যা ( কৃত)

স০-এলাদি প্রত্যেকমষ্টপলপ্রমাণং ষোডশগুণে জলে ষোডশাং শস্থিতং-ষোডশাংশাবশেষিতং যথাস্যাত্তথা, পচেত্| তেন-ক্বাথেন, পুনর্ঘ্রুতপ্রস্থং পচেত্| সিদ্ধে চাস্মিন্ ঘৃতে তুগাক্ষীর্যাঃ পলানি ষট্, সিতাযাস্ত্রিংশত্পলানি, মাক্ষিকং ঘৃতাদ্দ্বিগুণং-প্রস্থৌ দ্বাবিত্যর্থঃ, ত্রিজাতকাত্ পলত্রযং তদেতস্মিন্ ক্ষিপেত্| খজাহতং সমীকরণায দর্ব্যাঽঽলোডিতং, পূর্বাহ্ণে লীঢং পযোনুপানং রসাযনমযন্ত্রণং মেধ্যাদিগুণং চ স্যাত্| আশ্বেব গুল্মাদীন্ হন্তি|

আযুর্বেদরসাযনম্ ব্যাখ্যা ( কৃত)

আ০ র০-অথ সর্পির্গুডাঃ| তত্রৈলাদিসর্পির্গুডমাহ-এলাজমোদেতি|

সর্বাঙ্গসুন্দরী ব্যাখ্যা ( কৃত)

স০-যে চ ক্ষতে সর্পির্গুডা গদিতাস্তে চ ক্ষযেঽপি যোজ্যাঃ|

আযুর্বেদরসাযনম্ ব্যাখ্যা ( কৃত)

আ০ র০-ক্ষতকাসোক্তান্ সর্পির্গুডানতিদিশতি যে চেতি| বঙ্গসেনে (রাজ. শ্লো. ১২১)-"ছাগমাংসতুলাং গৃহ্য সাধযেন্নল্বণেঽম্ভসি| পাদশেষেণ তেনৈব সর্পিঃপ্রস্থং বিপাচযেত্|| ঋদ্ধির্বৃদ্ধিশ্চ মেদে দ্বে তথাঋষভজীবিতে(বকে)| কাকোলীক্ষীরকাকোলী কল্কৈঃ পৃথক্পলোন্মিতৈঃ|| সম্যক্সিদ্ধে চাবতার্য শীতে তস্মিন্ প্রদাপযেত্| শর্করাযাঃ পলান্যষ্টৌ মধুনঃ কুডবং ক্ষিপেত্|| পলং পলং লিহেত্প্রাতর্যক্ষ্মাণং হন্তি দুস্তরম্| ক্ষতক্ষযং চ কাসং চ পার্শ্বশূলমরোচকম্|| স্বরক্ষযমুরোরোগং শ্বাসং হন্যাত্সুদুস্তরম্| বলমাংসকরং বৃষ্যমগ্নিসন্দীপনং পরম্|| (শ্লো. ১৩৫)-বাসকস্য রসপ্রস্থং মানিকা সিতশর্করা| পিপ্পলী দ্বিপলং তদ্বদাজ্যং মৃদ্বগ্নিনা পচেত্|| লেহীভূতে ততঃ পশ্চাচ্ছীতে ক্ষৌদ্রপলাষ্টকম্| দত্বাঽবচারযেদ্বৈদ্যো মাত্রযা লেহমুত্তমম্|| নিহন্তি রাজযক্ষ্মাণং কাসং শ্বাসং চ দারুণম্| পার্শ্বশূলং চ হৃচ্ছূলং রক্তপিত্তং জ্বরং তথা|| ত্বক্ক্ষীরীস্রাবিণীদ্রাক্ষামূর্বর্ষভকজীবকৈঃ| বীরদ্বিক্ষীরকাকোলীবৃহতীকপিকচ্ছুভিঃ|| খর্জূরবৃষমেদাভিঃ ক্ষীরপিষ্টৈঃ পলোন্মিতৈঃ| ধাত্রীবিদারীক্ষুরসপ্রস্থৈঃ প্রস্থং ঘৃতাত্পচেত্| শর্করার্ধতুলাং শীতে ক্ষৌদ্রার্ধপ্রস্থমেব চ|| দত্বা সর্পির্গুডান্ কুর্যাত্ কাসহিক্কাজ্বরাপহান্| যক্ষ্মাণং তমকং শ্বাসং রক্তপিত্তং হলীমকম্|| শুক্রনিদ্রাক্ষযং তৃষ্ণাং হন্যুঃ কার্শ্যং সকামলম্| তথৈব চ্যবনপ্রাশঃ পিত্তোদ্রেকে প্রশস্যতে||" ইতি|

সর্বাঙ্গসুন্দরী ব্যাখ্যা ( কৃত)

স০-ত্বগেলাদযঃ ক্রমেণ দ্বিগুণাশ্চূর্ণিতা ভুক্তা মাক্ষিকসর্পির্ভ্যাং বাঽবলেহিতাঃ স্বর্যাঃ-স্বরায হিতাঃ স্যুঃ, কাসাদিঘ্নাশ্চ|

আযুর্বেদরসাযনম্ ব্যাখ্যা ( কৃত)

আ০ র০-অথ চূর্ণাদীনি| তচ্চ(ত্র) ত্বগাদিচূর্ণমাহ ত্বগেলেতি| ক্ষীরী-তুগাক্ষীরী| সঙ্গ্রহে (চি.অ. ৭)- "খর্জূরপিপ্পলীদ্রাক্ষাপথ্যাশৃঙ্গীদুরালভাঃ| ত্রিফলাপিপ্পলীমুস্তশৃঙ্গাটীগুডশর্করাঃ|| বীরা শঠী পুষ্করাখ্যা সুরসা শর্করা গুডঃ| নাগরং চিত্রকো লাজাঃ পিপ্পল্যামলকং গুডঃ|| বিডঙ্গসারশ্চবিকা ত্র্যূষণং চ বিচূর্ণিতম্| অর্ধশ্লোকৈঃ স্মৃতা লেহাঃ পঞ্চৈতে ক্ষৌদ্রসর্পিষা|| স্বর্যাঃ কাসক্ষযশ্বাসপার্শ্বরুক্কফনাশনাঃ|| তিলমাষাশ্বগন্ধা বা মাক্ষিকাজঋতদ্রুতাঃ| পূর্বোক্তেষ্বেব [রোগেষু বাতপ্রাযেষু ] পূজিতাঃ||" ইতি| বঙ্গসেনে (রাজ. শ্লো. ৩৬)- "ধান্যাকপিপ্পলীবিশ্বদশমূলীজলং পিবেত্| পার্শ্বশূলজ্বরশ্বাসপীনসাদিনিবৃত্তযে|| অশ্বগন্ধামৃতাভীরুদশমূলীবলাবৃষাঃ| পুষ্করাতিবিষে ঘ্নন্তি ক্ষযং ক্ষীররসাশিনঃ|| কপিমাংসং সমাদায শ্লক্ষ্ণচূর্ণং তু কারযেত্| তত্পিবেত্ ক্ষীরসংযুক্তং ক্ষযরোগহরং পরম্|| হরিণঃ ছাগমাংসং তু [ শ্লক্ষ্ণচূর্ণীকৃতং শুভম্| অজাক্ষীরেণ পাতব্যং ক্ষযব্যাধিবিনাশনম্|| দশমূলবচারাস্না ]পুষ্করসুরদারুনাগরৈঃ ক্বথিতম্|| পেযং পার্শ্বশিরোরুক্কাসশ্বাসাদিশান্তযে সলিলম্| ককুভত্বঙ্নাগবলাবানরিবীজানি চূর্ণিতং পযসি| পক্বং মধুঘৃতযুক্তং সসিতং যক্ষ্মাদিকাসহরম্|| দ্বিপঞ্চমূলমগধাধান্যনাগরজং জলম্| চাতুর্জাতকসংযুক্তং পিবেন্নিত্যং ক্ষযাতুরঃ| কাসজ্বরাদিশমনং বলপুষ্টিবিবর্ধনম্|| সমূলপুষ্পত্বক্পল্লবাযা রসঃ প্রযোজ্যো মদযন্তিকাযাঃ| মাসোপযোগেন সমস্তলিঙ্গং যক্ষ্মাণমুগ্রং জযতি প্রসহ্য|| ছাগং মাংসং পযশ্ছাগং ছাগং সর্পিঃ সনাগরম্| ছাগোপসেবা শযনং ছাগমধ্যে তু যক্ষ্মনুত্|| কূষ্মাণ্ডকফলোত্থেন রসেন পরিপেষিতম্| লাক্ষাকর্ষদ্বযং পীত্বা জযেদুগ্রং ক্ষযং নরঃ|| ব্যোষং শতাবরী ত্রীণি ফলানি দ্বে বলে তথা| সর্বামযহরো যোগঃ সোঽযং লোহরজোন্বিতঃ|| এতদ্বক্ষঃক্ষতং হন্তি কণ্ঠজাং বিবিধাং রুজম্| রাজযক্ষ্মাণমত্যুগ্রং সোরুস্তম্ভমথার্দিতম্|| (শ্লো. ৮৫)-শৃঙ্গ্যর্জুনাশ্বগন্ধানাগবলাপুষ্করাভযাচ্ছিন্নরুহাঃ| তালীসাদিসমেতা লেহ্যা মধুসর্পিষা চ যক্ষ্মহরাঃ||" ইতি| যোগরত্নে-"কৃষ্ণাদ্রাক্ষাসিতালেহঃ ক্ষযহা ক্ষৌদ্রতৈলবান্| মধুসর্পির্যুতো বাঽশ্বগন্ধাকৃষ্ণাসিতোদ্ভবঃ|| শতাবরী বিদার্যশ্বগন্ধা পথ্যা পুনর্নবা| বলাত্রযং [শ্ব]দংষ্ট্রাঽঽজ্যমধুলেহঃ ক্ষযাপহঃ|| শিলাজিতুমধুব্যোষতাপ্যলোহরজাংসি যঃ| ক্ষীরভুক্ লেঢিতস্যাশু ক্ষযঃ ক্ষযমবাপ্নুযাত্|| মধুতাপ্যবিডঙ্গাশ্মজতুলোহঘৃতাভযাঃ| ঘ্নন্তি যক্ষ্মাণমত্যুগ্রং সেব্যমানা হিতাশিনা|| শর্করামধুসংযুক্তং নবনীতং লিহন্ ক্ষযী| ক্ষীরাশী লভতে পুষ্টিমতুল্যে বাঽঽজ্যমাক্ষিকে|| বাহ্যালকরসো(সাত্) সিদ্ধং সর্পিঃ পীতং ক্ষযং হরেত্| ঘৃতমাক্ষিকসম্মিশ্রো বাহ্যালকরসো যথা|| জাতসারং তু গণ্ডীরং সপুষ্পং পরিশোষযেত্| ষডংশশ্ছেদিতং কৃত্বা তস্য পঞ্চাঢকং পচেত্|| ত্রীংশ্চৈব ত্রিফলাপ্রস্থান্ দশমূলীতুলাং তথা| দদ্যাত্কুটজবল্কস্য পলানাং পঞ্চবিংশতিম্|| ভল্লাতকানীড(ন্দ্র)যবা বিডঙ্গং ঘনমেব চ| অর্ধপ্রস্থ সমান্ ভাগানেকৈকস্য সমাপযেত্|| পাঠা মধুরসাষড্গ্রন্থা চিত্রকস্তথা| এষাং দশপলান্ ভাগান্ মৃদ্বীকাযাস্তথাঽঽঢকম্|| তোযদ্রোণেষু দশসু পচেদ্দ্বিদ্রোণশেষিতম্| তস্মিন্কষাযে পূতে তু দ্বে গুডস্য তুলে পচেত্|| যোগেন সাধিতং চৈব শুভে ভাণ্ডে নিধাপযেত্| দ্বৌ প্রস্থৌ পিপ্পলীনাং তু দ্বৌ চাযোরজসস্তথা|| অর্ধপ্রস্থো বিডঙ্গানাং কুডবো মরিচস্য চ| এতানি সূক্ষ্মচূর্ণানি প্রতীবাপার্থমাহরেত্|| চূর্ণমিন্দ্রযবানাং চ মধুনা সহ যোজযেত্| ভাণ্ডপ্রলেপঃ কর্তব্যঃ সমাসিচ্য নিধাপযেত্|| এষ মাসস্থিতো লেহ্যো যথাব্যাধিবলাবলম্| গণ্ডীরারিষ্ট ইত্যেষ ব্যাসতঃ পরিকীর্তিতঃ|| এষ শোষান্ প্রমেহাংশ্চ গুল্মাংশ্চ জঠরাণি চ| ক্রিমিকোষ্ঠানি বর্ধ্মানি প্লীহার্শাংসি ভগন্দরম্|| শ্বযথুং পাণ্ডুরোগাংশ্চ গ্রহণীদোষমেব চ| গ্রন্থীন্ সগলগণ্ডাংশ্চ গণ্ডমালাং তথৈব চ|| বিষমজ্বরকাসাংশ্চ বিদ্রধিং বাতশোণিতম্| অরিষ্টঃ শমযত্যেষ যুধি শক্র ইবাসুরম্|| সমূলাং পিপ্পলীং শৃঙ্গীং বৃহতীমশ্মভেদকম্| পটোলং দেবকাষ্ঠং চ শ্বদংষ্ট্রামভযাশতম্|| একৈকং ষোডশপলং কোলানামাঢকং মিতম্| দন্তীচিত্রকমূলানাং পঞ্চবিংশত্পলং পৃথক্|| চতুর্গুণে জলদ্রোণে পচেদর্ধাবশেষিতম্| শীতং সমাবপেদ্ভাণ্ডে প্রলিপ্তে মধুসর্পিষা|| খণ্ডস্য দ্বে শতে শুদ্ধে তদ্বল্লেহস্য চাবপেত্| পত্রং কৃত্বা তিলোত্সেধং সূক্ষ্মচূর্ণীকৃতানি চ|| প্রিযঙ্গুং পিপ্পলীং রোধ্রং মৃদ্বীকামেলবালুকম্| ক্রমুকং শতপুষ্পং চ নিম্বং তেজোবতীমপি|| পালিকং দেবদারুং চ খদিরাচ্চ চতুষ্পলম্| ক্ষৌদ্রপ্রস্থদ্বযং চাপি সমাসিচ্য ঘটে শুভে|| সৌম্যে পুষ্যে তথা হস্তে রোহিণ্যামুত্তরাসু চ| দশরাত্রস্থিতো পে(দে)যোঽরিষ্ট আত্রেযপূজিতঃ|| অশ্বিভ্যাং কথিতং পূর্বং রসাযনমিদং শুভম্| যথাগ্নিবলমাত্রাং তু পিবেদস্য হিতাশিনঃ|| ধন্যং পুষ্টিকরং মেধ্যং বলীপলিতনাশনম্| ক্ষযকাসজ্বরপ্লীহকুষ্ঠগুল্মাগ্নিমার্দবে|| শ্বিত্রেঽশ্মর্যাক্ব(ম)থোদর্দে বিদ্রধ্যামথ(ন্ন)বিদ্বিষু| গণ্ডরোগোদরতথা(?)রেতোদোষে চ শস্যতে|| নাডীপীডকযোর্দোষে ভূতাপস্মারসঙ্করে| রহস্যমেতদ্বৈদ্যানামুপদিষ্টং চিকিত্সিতম্|| মদ্যং ক্রব্যাদমাংসং চ শোষিণামমৃতোপমম্|| ফলত্রিকক্বাথবিশুদ্ধমাদৌ শুদ্ধং গুডূচ্যা দশমূলশুদ্ধম্| স্থিরাদিকাকোলিযুগাদিসিদ্ধং শিলাজতু স্যাত্ক্ষযিষু প্রশস্তম্|| স্থিরাদিঃ-বিদার্যাদিঃ| কাকোলী যুগাদিঃ-পদ্মকাদিঃ| রসোনযোগং বিধিবত্ক্ষযার্তঃ ক্ষীরেণ বা নাগবলাপ্রযোগম্| ভবেত বা মাগধিকাবিধানং তথৈব যোগং জতুনোঽশ্মজস্য||" ইতি|

সর্বাঙ্গসুন্দরী ব্যাখ্যা ( কৃত)

স০-অস্য-ক্ষযিণঃ, স্বরসাদে বিশেষেণ নস্যধূমাদি যোজ্যম্|

সর্বাঙ্গসুন্দরী ব্যাখ্যা ( কৃত)

স০-[তত্র]-তেষু চ স্বরসাদেষু মধ্যে, বাতজে স্বরসাদে কাসমর্দাদিস্বরসৈঃ সাধিতমৌত্তরভক্তিকং-ভক্তাদূর্ধ্বং, ঘৃতং পিবেত্| মার্কবো-ভৃঙ্গরাজঃ| তচ্চ সর্পিঃ কাসজিত্ স্বর্যং চ স্যাত্| উত্তরভক্তাদিতি "মযূরব্যংসকাদিত্বাত্" সমাসঃ, ততশ্চ "অধ্যাত্মাদিত্বাত্" ঠঞ্| অথবা, আর্তগলেন-নীলপুষ্পসহচরেণ, সিদ্ধং ঘৃতমেবং পিবেত্|

সর্বাঙ্গসুন্দরী ব্যাখ্যা ( কৃত)

স০-অথবা বদর্যাঃ পত্রকল্কং ঘৃতভৃষ্টং সসৈন্ধবং যোজযেত্|

সর্বাঙ্গসুন্দরী ব্যাখ্যা ( কৃত)

স০-অথবা তৈলং মধুকাদিভিঃ পক্বং নস্তোঽবসেচযেত্| কৃমিঘ্নং(নুত্)-বিডঙ্গম্| ফলং-মদনফলম্| হংসপাদী-কীটমারিকা| নস্ত ইতি "নস্নাসিকাযা যত্তস্ক্ষুদ্রেষু" ইত্যনেন তসি নসাদেশঃ|

সর্বাঙ্গসুন্দরী ব্যাখ্যা ( কৃত)

স০-তথা গুডৌদনং সর্পিষা সহ সুখোদকানুপানমশ্নীযাত্| পাযসং চৈবং সসর্পিষ্কং সুখোদকানুপানমদ্যাত্| স্বেদং চ স্নিগ্ধং যোজযেত্|

সর্বাঙ্গসুন্দরী ব্যাখ্যা ( কৃত)

স০-পিত্তোদ্ভবে সর্পিঃ সমাক্ষিকং ক্ষীরিবৃক্ষাঙ্কুরাদিক্বাথকল্কসিদ্ধং শৃতশীতক্ষীরানুপঃ পিবেত্| মধুযষ্টিকান্বিতং পাযসং সসর্পিষ্কং ভুঞ্জীত|

সর্বাঙ্গসুন্দরী ব্যাখ্যা ( কৃত)

স০-বলাদিভিঃ সিদ্ধং সর্পিঃ সসৈন্ধবং পরং স্বর্যং স্যান্নস্যম্| বিদারিগন্ধা-শালিপর্ণী|

সর্বাঙ্গসুন্দরী ব্যাখ্যা ( কৃত)

স০-পিত্তজে স্বরসাদে প্রপৌণ্ডরীকাদিসাধিতং ক্ষীরোদ্ভবং সর্পিঃ শ্রেষ্ঠং নস্যম্|

সর্বাঙ্গসুন্দরী ব্যাখ্যা ( কৃত)

স০-মধুরকাণাং চ-মধুররসদ্রব্যাণাং, চূর্ণং মধুঘৃতান্বিতং লিহ্যাত্|

সর্বাঙ্গসুন্দরী ব্যাখ্যা ( কৃত)

স০-কফোদ্ভবে কটূনি-কটুকরসানি দ্রব্যাণি, মূত্রেণ পিবেত্| রূক্ষভোজনশ্চ স্যাত্| তথা, কটূফলাদিকং তৈলমধুপ্লুতং লিহ্যাত্| ব্যোষাদীনি বা এবং লিহ্যাত্|

সর্বাঙ্গসুন্দরী ব্যাখ্যা ( কৃত)

স০-যবৈরুপাদানৈর্যমকে-স্নেহদ্বযে, কণাধাত্রীকৃতাং-এতত্ক্বাথে সিদ্ধাং, যবাগূং পিবেত্| তথা, ভুক্ত্বা পিপ্পলীং শুণ্ঠীং বাঽদ্যাত্| অথবা, তীক্ষ্ণং বমনং ভজেত্|

সর্বাঙ্গসুন্দরী ব্যাখ্যা ( কৃত)

স০-যস্যোচ্চৈর্ভাষমাণস্য স্বরোঽভিহতঃ স মধুরৈঃ-জীবনীযৈঃ সহ, শৃতানি শর্করামাক্ষিকমিশ্রাণি পযাংসি পিবেত্|

সর্বাঙ্গসুন্দরী ব্যাখ্যা ( কৃত)

স০-অরোচকে বিচিত্রং-নানাবিধমন্নং, হিতং-পথ্যম্| কিম্ভূতম্ ? হিতৈঃ-পথ্যৈঃ, উপহিতং-মিশ্রিতম্| এবমরুচ্যাখ্যো ব্যাধিবিশেষঃ সর্বব্যাধিভ্যো গরীযান্| যেনাপথ্যমপি যদন্নং তস্মৈ তদপি দেযং প্রাণসন্ধারণার্থম্, "অন্নমেব প্রাণিনাং প্রাণাঃ" ইত্যাহুঃ| এবং চ সর্বব্যাধিষ্বরুচিরেব পূর্বং জেতব্যা, ততো জ্বরাদয ইত্যর্থাদুক্তং ভবতি| বহির্মৃজা-বহিঃশুদ্ধিঃ স্নানাদিনা বহিঃ পরিমার্জনম্| অন্তর্মৃজা-অন্তঃশুদ্ধিঃ| তথা, চিত্তনির্বাণমরুচৌ হিতং হ্রুদ্যমৌষধং চ| তথা, দ্বৌ কালৌ-সাযংপ্রাতরাখ্যৌ, দন্তধাবনং ভক্ষযেত্| তথা, মুখধাবনৈঃ কষাযৈরাস্যং ক্ষালযেত্| প্রাযোগিকং-স্নৈহিকং, ধূমং পিবেত্| তথা, তালীসচূর্ণবটকাশ্চ| তথা, সকর্পূরশর্করাঃ শশাঙ্ককিরণাখ্যা ভক্ষ্যাঃ পরং-অতিশযেন, রুচিকরাঃ|

আযুর্বেদরসাযনম্ ব্যাখ্যা ( কৃত)

আ০ র০-অথারোচকচিকিত্সিতম্| তত্র সামান্যমাহ-বিচিত্রমন্নমিতি| অন্তর্মৃজা-বমনাদি| নির্বাণং-নিবৃত্তিঃ| দ্বৌ কালৌ-প্রাতর্ভুক্ত্বা সাযং চ| মুখধাবনৈঃ-তিক্তকট্বম্লকৃতৈঃ| প্রাযোগিকং-শমনম্| তালীসচূর্ণং-তালীসপত্রচূর্ণঃ, তস্য বটকাঃ সিতোপলযা কার্যাঃ| তে চ কর্পূরেণ সুরভীকৃতাঃ| শশাঙ্ককিরণাঃ-কর্পূরনালিকাঃ|

সর্বাঙ্গসুন্দরী ব্যাখ্যা ( কৃত)

স০-বাতেনারুচৌ সত্যাং হরেণ্বাদিভ্যশ্চূর্ণং প্রসন্নযা পিবেত্| এলাভার্গ্যাদিযুক্তঘৃতেন বা পেযম্| বচাজলৈর্বা বমেত্|

আযুর্বেদরসাযনম্ ব্যাখ্যা ( কৃত)

আ০ র০-বাতস্যৌষধমাহ বাতাদিতি| বমনমাহ-ছর্দযেদ্বেতি| বচাম্ভোভিঃ-বচাকল্কিতৈরুষ্ণাম্বুভিঃ|--

সর্বাঙ্গসুন্দরী ব্যাখ্যা ( কৃত)

স০-পিত্তাদরুচৌ গুডবারিণা বমেত্| শর্করাদিকং [বা] লিহ্যাত্|

আযুর্বেদরসাযনম্ ব্যাখ্যা ( কৃত)

আ০ র০-পিত্তজস্যৌষধমাহ পিত্তাচ্চেতি| গুডবারিভিরিতি মদনফলযুক্তৈশ্চ্ছর্দযেত্| লেহমাহ-লিহ্যাদ্বেতি| লবণোত্তমং-সৈন্ধবম্|

সর্বাঙ্গসুন্দরী ব্যাখ্যা ( কৃত)

স০-কফাদরোচকে নিম্বজলৈর্বমেত্| দীপ্যককর্ণিকারযোরুদকং পানং সমাক্ষিকম্| অরিষ্টাশ্চ তীক্ষ্ণাঃ সমার্দ্বীকমাধবাঃ পানম্| হরেণ্বাদিচূর্ণং চ পূর্বোক্তং (শ্লো.৫০)উষ্ণাম্বুনা পিবেত্|

আযুর্বেদরসাযনম্ ব্যাখ্যা ( কৃত)

আ০ র০-কফজস্যৌষধমাহ কফাদ্বমেদিতি| নিম্বজলৈরিতি মদনফলযুক্তৈঃ| পানমাহ-দীপ্যকারগ্বধোদকমিতি| মধু-মাধ্বীকম্| মাধবো-মধুকৃতং মদ্যম্| || চূর্ণমাহ-পিবেচ্চূর্ণমিতি| সঙ্গ্রহে (চি.অ. ৭)-"ত্রিকটুত্রিফলারাত্রিযবক্ষারং মধুপ্লুতম্| প্রাতরাহারকালে চ যুঞ্জীত মুখধাবনম্|| রাত্রিঃ-হরিদ্রা| বিডং সৌবর্চলং কুষ্ঠমজাজীমরীচং সিতা| ধাত্র্যেলাপদ্মকোশীরপিপ্পলীচন্দনোত্পলম্|| রোধ্রং তেজোবতী পথ্যা যবক্ষারং কটুত্রযম্| আর্দ্রাদাডিমনির্যাসঃ সাজাজীসিতশর্করঃ|| সতৈলমাক্ষিকযুতাশ্চত্বারঃ কবলগ্রহাঃ| চতুরোঽরোচকান্ হন্যুরেকদোষসমস্তজান্|| কারব্যজাজীমরিচদ্রাক্ষাবৃক্ষাম্লদাডিমম্| সৌবর্চলগুডক্ষৌদ্রং সর্বারোচকনাশনম্||" ইতি| বঙ্গসেনে(?)-"জম্ব্বাম্রপল্লবং রোধ্রং ত্রিফলা চযচিত্রকৌ| পটোলং নক্তমালশ্চ শিরীষং খদিরাসনৌ|| দার্বী হরিদ্রা মুস্তং চ তেজোহ্বা মধুকং বলা| এতানি সমভাগানি কষাযমুপসাধযেত্|| ক্বলগ্রহ ইত্যেষ কর্তব্যো মধুনা যুতঃ| সর্বেষাং মুখরোগাণামরুচীনাং চ নাশনঃ|| ষাডবশ্চ কপিত্থানাং সব্যোষমধুশর্করঃ| অরোচকেষু সর্বেষু প্রশস্তো ধারিতো মুখে|| আরনালং চ শুক্তং চ মার্দ্বীকমদিরাসবাঃ| দন্তযোরন্তরে ধার্যাস্তথৈব কবলগ্রহাঃ|| ত্বঙ্মুস্তবেলাধান্যানি, মুস্তমামলকং ত্বচা| ত্বচোদার্যাযবান্যশ্চ, পিপ্পলী তেজবত্যপি|| যবানী তিত্তিডীকং চ, পঞ্চৈতে মুখধাবনাঃ| শ্লোকপাদেষু বিহিতা রোচনা মুখশোধনাঃ|| কারঞ্জং দন্তকাষ্ঠং চ বিধেযমরুচৌ সদা| (বঙ্গসেনে অরোচকাধিকারে শ্লো. ১১)-"মরিচং মধুনা লেহ্যং কফজেঽরোচকে ভৃশম্|| অম্লীকাগুডতোযং চ ত্বগেলামরিচান্বিতম্| অভক্তচ্ছন্দরোগেষু শস্তং কবলধারণম্|| শৃঙ্গবেররসং চৈব মধুনা সহ যোজযেত্| অরুচিশ্বাসকাসঘ্নং প্রতিশ্যাকফবাতনুত্|| ভোজনাগ্রে সদা পথ্যং জিহ্বাকণ্ঠবিশোধনম্| অগ্নিসন্দীপনং হৃদ্যং লবণার্দ্রকভক্ষণম্|| কারব্যজাজীপত্রৈলাব্যোষবৃক্ষাম্লদাডিমম্| সক্ষৌদ্রশর্করং হৃদ্যং রুচিকৃদ্বহ্নিদীপনম্|| বিডচূর্ণমধূপেতো রসো দাডিমসম্ভবঃ| অসাধ্যামপি সংহন্যাদরুচিং বক্ত্রধারিতঃ|| শিগ্রূফলান্যষ্টাদশ দশ মরিচং বিং[শতিশ্চ পিপ্পল্যঃ| আর্দ্রকপলং গুডপলং প্রস্থত্রযমারনালস্য|| বিডলবণসহিতমেতত্ খজাহতং সুরভিগন্ধাঢ্যম্| ব্যঞ্জনসহস্রঘাতি জ্ঞেযং কলহংসকং নাম্না||" ইতি|]

সর্বাঙ্গসুন্দরী ব্যাখ্যা ( কৃত)

স০-এলাদিকং চূর্ণং ক্রমেণ ভাগবৃদ্ধং সমশর্করং প্রসেকাদীন্ হন্তি|

আযুর্বেদরসাযনম্ ব্যাখ্যা ( কৃত)

আ০ র০-[ সমশর্করচূর্ণমাহ-] এলাত্বগিতি| কেচিত্ত্বঙ্নাগপুষ্পযোর্মধ্যে পত্রকমধিকং পঠন্তি, কেচিন্নাগপুষ্পমরীচযোর্মধ্যে| পাঠত্রযমপি প্রমাণম্|

সর্বাঙ্গসুন্দরী ব্যাখ্যা ( কৃত)

স০-যবানীত্যাদি কোলান্তানি প্রত্যেকং কার্ষিকাণি, শর্করাযাঃ পলানি চত্বারি, ধান্যকাদিকমর্ধকার্ষিকং, শতমেকং পিপ্পলীনাং, দ্বে শতে মরিচস্য চ, চূর্ণমিদং পরং রুচ্যং তথা হৃদযায হিতং গ্রাহি, বিবন্ধাদীন্ হন্তি|

আযুর্বেদরসাযনম্ ব্যাখ্যা ( কৃত)

আ০ র০-ষাডবমাহ যবানীতি| ঔষধং-শুণ্ঠী| কোলং-বদরম্| বরাঙ্গং-ত্বক্| শতং-মেযস্য, ন মানস্য কর্ষাদেঃ| "সঙ্খ্যা ফলানাং শতশোঽপলা স্যাত্|" ইতি বচনাত্|

সর্বাঙ্গসুন্দরী ব্যাখ্যা ( কৃত)

স০-তালীসপত্রাদযো যথোত্তরং-উত্তরোত্তরং, ভাগবৃদ্ধাঃ কার্যাঃ| ত্বক্ চ এলা চ এতেঽর্ধভাগপ্রমাণে| এতচ্চূর্ণং পিপ্পল্যষ্টগুণশর্করং দীপনং কাসাদিজিচ্চ, পাণ্ড্বাদিঘ্নং মূঢবাতানুলোমনং চ|

আযুর্বেদরসাযনম্ ব্যাখ্যা ( কৃত)

আ০ র০-তালীসাদিমাহ তালীসপত্রমিতি| শুভা-বংশরোচনা| অর্ধভাগিকে-মিলিতে তালীসসমে| যোগরত্নে-"তালীসোষণনাগচব্যলবণৈস্তুল্যাংশকৈর্দ্বিস্ততঃ কৃষ্ণা গ্রন্থিকতিত্তিডীকহুতভুক্ত্বগ্জীরকাখ্যৈর্যুতৈঃ| বিশ্বৈলাবদরাম্লবেতসঘনৈর্ধান্যাজমোদাযুতৈস্র্যংশৈর্দাডিমপাদ এষ বিহিতঃ শ্রেষ্ঠঃ সিতার্ধাযুতঃ|| কণ্ঠাস্যোদরহৃদ্বিকারশমনঃ কাযাগ্নিসন্দীপনো গুল্মাধ্মানবিষূচিকাগুদরুজাশ্বাসক্রিমিচ্ছর্দিহা| কাসারুচ্যতিসারমূঢমরুতাং হৃদ্রোগিণাং কীর্তিতশ্চূর্ণোঽযং ভিষজামতীব দযিতঃ খ্যাতো মহাখাণ্ডবঃ|| লবঙ্গকঙ্কোলমুশীরচন্দনং নতং সনীলোত্পলকৃষ্ণজীরকম্| এলা সকৃষ্ণাঽগুরুভৃঙ্গকেসরং কণা সবিশ্বা নলদং সহাম্বুনা|| কর্পূরজাতীফলবংশলোচনং সিতাষ্টভাগং সমসূক্ষ্মচূর্ণিতম্| সুরোচনং তর্পণমগ্নিদীপনং বলপ্রদং বৃষ্যতমং ত্রিদোষনুত্|| উরোবিবন্ধং তমকং গলগ্রহং সকাসহিধ্মারুচিযক্ষ্মপীনসম্| গ্রহণ্যতীসারমথাসৃজঃ ক্ষযং প্রমেহগুল্মাংশ্চ নিহন্তি সত্বরম্|| কর্পূরচোচকঙ্কোলজাতীফলদলাঃ সমাঃ| লবঙ্গনাগমরিচকৃষ্ণাশুণ্ঠ্যো বিবর্ধিতাঃ| চূর্ণং সিতাসমং হৃদ্যং রোচনং ক্ষযকাসজিত্| বৈস্বর্যশ্বাসগুল্মার্শশ্র্চ্ছার্দিকণ্ঠামযাপহম্|| প্রযুক্তং চান্নপানে বা ভেষজদ্বেষিণাং হিতম্|" ইতি| বিবর্ধিতাঃ-ক্রমেণ ভাগোত্তরাঃ|

সর্বাঙ্গসুন্দরী ব্যাখ্যা ( কৃত)

স০-অর্কাদিজলে রাত্রিস্থিতৈর্যবৈঃ সক্তূন্ কল্পিতান্ ভক্ষ্যাংশ্চ প্রসেকে ভক্ষযেত্| বলবান্ কটুতিক্তকৈর্বমেত্| তথা, শূল্যং জাঙ্গলং মাংসং ভক্ষযেত্| শুষ্কাংশ্চ ভক্ষ্যান্ ভোজযেত্| ভোজ্যবিশেষান্ লঘুতরান্ ভক্ষযেত্| চণকাদিরসমনু-পশ্চাত্, পিবেত্|

আযুর্বেদরসাযনম্ ব্যাখ্যা ( কৃত)

আ০ র০-অথোপদ্রবচিকিত্সা| তত্র প্রসেকচিকিত্সামাহ-অর্কামৃতাক্ষারজল ইতি| অর্কগুডূচ্যোঃ ক্ষারস্য ক্ষারবিধিনা গৃহীতে জলে রাত্রিমুষিতৈর্যবৈঃ সক্তবো ভক্ষ্যাশ্চ কল্প্যাঃ| যস্তু প্রসেকী বলবান্ স কটুতিক্তৈর্বমেত্| চণকাদীনাং রূক্ষাণাং রসো-যূষঃ, অনুপানে|

সর্বাঙ্গসুন্দরী ব্যাখ্যা ( কৃত)

স০-বাযুঃ শ্লেষ্মাণং ক্ষিপতি শ্লেষ্মণোঽতিপ্রসেকেন হেতুভূতেন তং কফপ্রসেকং বিদ্বান্ স্নিগ্ধোষ্ণৈরেব নির্জযেত্|

আযুর্বেদরসাযনম্ ব্যাখ্যা ( কৃত)

আ০ র০-চিকিত্সান্তরমাহ-শ্লেষ্মণ ইতি| যস্মিন্ কফস্যাতিপ্রসেকেন ক্ষীণত্বে সতি কুপিতো বাযুঃ ক্ষীণমপি কফং বলাদস্যতি-প্রেরযতি, তং স্নিগ্ধোষ্ণেন চৌষধেন নির্জযেত্-ন রূক্ষশীতেন| বিদ্বান্-অবস্থোপচারজ্ঞো বৈদ্যঃ|

সর্বাঙ্গসুন্দরী ব্যাখ্যা ( কৃত)

স০-ইমং-কফপ্রসেকোক্তং, ক্রিযাক্রমং পীনসে বমথৌ-ছর্দিষি চ, প্রযোজযেত্|

আযুর্বেদরসাযনম্ ব্যাখ্যা ( কৃত)

আ০ র০-ছর্দিপীনসযোঃ প্রসেকচিকিত্সামাহ-পীনসেঽপীতি|

সর্বাঙ্গসুন্দরী ব্যাখ্যা ( কৃত)

স০-বিশেষেণ পীনসেঽভ্যঙ্গান্ স্নেহান্ স্বেদাংশ্চ স্নিগ্ধান্ শীলযেত্| কৈঃ ? উত্কারিকাপিণ্ডৈঃ| কেষু ? শিরঃপার্শ্বগলাদিষু| লবণাদীংশ্চ রসান্ স্নেহোপসংহিতান্ শীলযেত্|

আযুর্বেদরসাযনম্ ব্যাখ্যা ( কৃত)

আ০ র০-পীনসে বিশেষমাহ-বিশেষাদিতি| স্নিগ্ধান্ স্নিগ্ধদ্রব্যকৃতান্| উত্কারিকাশ্চ পিণ্ডাশ্চেতি দ্বন্দ্বঃ| পিণ্ডাঃ-পিণ্ডাকারা ভক্ষ্যাঃ|

সর্বাঙ্গসুন্দরী ব্যাখ্যা ( কৃত)

স০-শিরোংসপার্শ্বশূলেষু দোষানুসারেণোপক্রমঃ কার্যঃ| তেষ্বৌদকানূপমাংসৈশ্চ্তুঃস্নেহযুতাঃ সুসংস্কৃতা উপনাহা ইষ্টাঃ|

আযুর্বেদরসাযনম্ ব্যাখ্যা ( কৃত)

আ০ র০-শিরঃশূলাদিচিকিত্সামাহশিরোংসপার্শ্বশূলেষ্বিতি| বাতজেষু বিশেষমাহ-ঔদকানূপপিশিতৈরিতি| সুসংস্কৃতাঃ-কটুপট্বম্লৈঃ|

সর্বাঙ্গসুন্দরী ব্যাখ্যা ( কৃত)

স০-দোষসংসর্গে চ-দ্বন্দ্বে, তগরাদিভিঃ প্রলেপ ইষ্যতে| তথৈব বলাদিভিঃ ঘৃতমধুকোত্পলযুতৈঃ, [তথা] পুনর্নবাদিভিঃ|

আযুর্বেদরসাযনম্ ব্যাখ্যা ( কৃত)

আ০ র০-সংসর্গজেষু বিশেষমাহ দোষসংসর্গ ইতি| ত্রিভিরর্ধৈস্ত্রযো লেপাঃ| সঙ্গ্রহে তু দ্বাবধিকৌ (চি. অ. ৭)-"পলঙ্কষা দেবদারু চন্দনং মধুকং ঘৃতম্| অভীরুযষ্টীমধুকং পযস্যা কট্তৃণং ঘৃতম্||" ইতি|

সর্বাঙ্গসুন্দরী ব্যাখ্যা ( কৃত)

স০-নস্যং তথা ধূমপানানীষ্যন্তে| তথা, ঔত্তরভক্তিকাশ্চ স্নেহাঃ| তৈলান্যভ্যঙ্গযোগীনি-অভ্যঙ্গযোগপ্রশস্তানি| তথা বস্তিকর্ম-"প্রাক্স্নেহঃ" (হৃ.সূ.অ.১৯/৬৩) ইত্যাদিকম্, পরং-চেষ্টম্|

আযুর্বেদরসাযনম্ ব্যাখ্যা ( কৃত)

আ০ র০-নস্যাদীন্যাহ নাবনমিতি| উত্তরভক্তিকাঃ-ভোজনোত্তরং প্রযুক্তাঃ| পরং-শ্রেষ্ঠম্|

সর্বাঙ্গসুন্দরী ব্যাখ্যা ( কৃত)

স০-শৃঙ্গাদ্যৈঃ-শৃঙ্গজলৌকোলাবুভিঃ, যথাদোষং-বাতপিত্তকফদুষ্টং, রক্তমেষাং-যক্ষ্মিণাং, হরেত্| প্রলেপঃ পদ্মকাদিভিঃ সঘ্রুতৈঃ শ্রেষ্ঠঃ, দূর্বাদিভির্বা ঘৃতাপ্লুতৈঃ| বটাদিনা-ন্যগ্রোধাদিনা, সিদ্ধেন তৈলেনাভ্যঙ্গঃ শস্তঃ| শতধৌতেন বা ঘৃতেন তথা ক্ষীরেণ সেকঃ শস্তঃ| মধুযষ্টিকাজলেন বা|

আযুর্বেদরসাযনম্ ব্যাখ্যা ( কৃত)

আ০ র০-রক্তদুষ্টৌ বিশেষমাহশৃঙ্গাদ্যৈর্বেতি| "বাতাদিধাম বা শৃঙ্গজলৌকোলাবুভিঃ ক্রমাত্|" (হৃ. সূ. অ. ২৬|৫৫)ইত্যুক্তত্বাত্| এষাং-শিরোংসপার্শ্বশূলিনাম্| কেসরং-পদ্মস্য বটাদিঃ-ন্যগ্রোধাদিগণঃ|-

সর্বাঙ্গসুন্দরী ব্যাখ্যা ( কৃত)

স০-বাহুল্যেনোপহতাগ্নিত্বাত্কারণাত্ পিচ্ছযা সহাতিসার্যতে যক্ষ্মী| তস্যাতিসারে গ্রহণ্যাং চ যদুক্তমৌষধং তদ্ধিতম্|

আযুর্বেদরসাযনম্ ব্যাখ্যা ( কৃত)

আ০ র০-অতিসারচিকিত্সামাহ প্রাযেণেতি| সঙ্গ্রহে তু (চি. অ. ৭)-"সনাগরানিন্দ্রযবান্ পাযযেত্তণ্ডুলাম্বুনা| জীর্ণেষু তেষু পেযাং চ চাঙ্গেরীতক্রদাডিমৈঃ|| পাঠা বিল্বযবানীনাং চূর্ণং তক্রেণ বা পিবেত্| সুরযা বা প্লুতাং পাথাং সনাগরদুরালভাম্|| জম্ব্বাম্রবিল্বমধ্যং বা সকপিত্থং সনাগরম্| পেযামণ্ডেন যোগৈশ্চ পাঠাদ্যৈঃ কারযেত্ত্রিভিঃ|| সসূপ্যধান্যান্ সস্নেহান্ সাম্লান্ সলবণান্ খলান্| বেতসার্জুনজম্বূনাং মৃণালীকৃষ্ণগন্ধযোঃ|| শ্রীপর্ণ্যা মাতুলুঙ্গস্য ধাতক্যা দাডিমস্য চ| চাঙ্গের্যা মদযন্ত্যাশ্চ যূথি কাযাশ্চ পল্লবৈঃ|| কালবিদ্দুগ্ধিকাযাশ্চ চুক্রিকাযাশ্চ যোজযেত্| খলান্ দধিসরোপেতান্ সসর্পিষ্কান্ সদাডিমান্|| রোচনান্ দীপনান্ হৃদ্যানতীসারহরান্ পরান্|" ইতি| পেযাযা মণ্ডেন ভক্তস্য[|ন্]তে জম্ব্বাদিচূর্ণং পিবেত্| মৃণালী-পদ্মিনী| কৃষ্ণগন্ধা-শিগ্রুঃ| মদযন্ত্যাঃ-মল্লিকাযাঃ| চুক্রিকা-বি দা| তথা (সঙ্গ্রহে চি. অ. ৭)-"জ্বরাদিষ্বপি কুর্বীত বিকারেষু যথামযম্| বহ্বামযসমূহো হি যক্ষ্মাঽতঃ সোঽতিদুঃসহঃ||" ইতি|

সর্বাঙ্গসুন্দরী ব্যাখ্যা ( কৃত)

স০-তথা, রাজযক্ষ্মিণঃ শুষ্যতঃ সতঃ পুরীষং যত্নেন রক্ষেত্| কিমিত্যাহ-যস্মাত্তস্য-শোষিণঃ, সর্বধাতুক্ষযার্তস্য সতো বিড্বলমেব বলং-ন ধাত্বাদিজং বলম্|

সর্বাঙ্গসুন্দরী ব্যাখ্যা ( কৃত)

স০-মাংসমেব যুক্ত্যা-দেশকালসাত্ম্যাদিলক্ষণযা, ভক্ষযতো মার্দ্বীকং চ পশ্চাত্ পিবতো বেগমধারযতো যক্ষ্মা অন্তরং-অবকাশং, ন লভতে| তথা, সুরাদীননুপানার্থং পিবেত্| মাংসানি ভক্ষযেত্| তত্-সুরাদ্যনুপানং মাংসভক্ষণং চ, স্রোতোবিবন্ধভোক্ষার্থং বলাযৌজসশ্চ পুষ্টযে|

আযুর্বেদরসাযনম্ ব্যাখ্যা ( কৃত)

আ০ র০-মাংসমদ্যপ্রযোগমাহ মাংসমেবেতি|

সর্বাঙ্গসুন্দরী ব্যাখ্যা ( কৃত)

স০-স্নেহাদিকোষ্ঠেষু স্বভ্যক্তং সন্তমবগাহযেত্-নিমগ্নং স্থাপযেত্| ততঃ কোষ্ঠাদুত্তীর্ণং ভূযঃ পুনর্মিশ্রকৈঃ স্নেহৈঃ-গুল্মোক্তৈঃ (হৃ.চি.অ.১৪/৮৯), অভ্যক্তং সুখৈঃ-সুখাবহৈর্ন দুষ্করৈঃ, করৈঃ সুখেন তিষ্ঠন্তং মৃদ্গীযাত্| পরং-অতিশযেন, সুখং যথা ভবতি তথোদ্বর্তযেত্|

আযুর্বেদরসাযনম্ ব্যাখ্যা ( কৃত)

আ০ র০-অবগাহাদীন্যাহস্নেহক্ষীরাম্বুকোষ্ঠেষ্বিতি| অবগাহাভ্যঙ্গমর্দনোদ্বর্ততানি ক্রমেণ কুর্যাত্| মিশ্রকো-যমকাদিঃ|-

সর্বাঙ্গসুন্দরী ব্যাখ্যা ( কৃত)

স০-জীবন্ত্যাদিকং কিণ্বপর্যন্তং সর্বমেকত্র চূর্ণযেত্| বিকসা-মঞ্জিষ্ঠা| যবচূর্ণং সর্বেভ্যস্ত্রিগুণং দধ্না যুক্তং সমাক্ষিকমেতদুদ্বর্তনং কার্যং পুষ্ট্যাদিপ্রদম্|

আযুর্বেদরসাযনম্ ব্যাখ্যা ( কৃত)

আ০ র০-উদ্বর্তনযোগমাহ জীবন্তীমিতি| শতবীর্যাং-শতাবরীম্| বিকসাং-মঞ্জিষ্ঠাম্| তণ্ডুলান্-শালীনাম্| উত্সাদনং-উদ্বর্তনম্|

সর্বাঙ্গসুন্দরী ব্যাখ্যা ( কৃত)

স০-গৌরসর্ষপাণং কল্কেন স্নানীযৈঃ-স্নানার্হৈর্গন্ধদ্রব্যবিশেষৈঃ, ঔষধিভিশ্চ-সহদেব্যাদিভিঃ, ঋতৌ-হেমন্তাদিকে, সুখাবহৈঃ-উষ্ণাদিভিঃ, তোযৈর্জীবনীযদ্রব্যশৃতৈঃ স্নাযাত্|

আযুর্বেদরসাযনম্ ব্যাখ্যা ( কৃত)

আ০ র০-স্নানমাহ গৌরসর্ষপকল্কেনেতি| স্নানৈঃ-গ্রহস্নানোক্তৈঃ দ্রব্যৈর্মন্ত্রৈশ্চাষৌধিভিঃ সংজ্ঞাভিঃ|

সর্বাঙ্গসুন্দরী ব্যাখ্যা ( কৃত)

স০-তথা, গন্ধৈঃ-চন্দনকুঙ্কুমাদিভিঃ, মাল্যৈঃ-কুসুমৈঃ, আদিশব্দেনালঙ্কারাদিগ্রহণং, তৈর্ভূষামলক্ষ্মীঘ্নীং সেবেত|

আযুর্বেদরসাযনম্ ব্যাখ্যা ( কৃত)

আ০ র০-অনুলেপনাদীন্যাহ গন্ধমাল্যাদিকামিতি|

সর্বাঙ্গসুন্দরী ব্যাখ্যা ( কৃত)

স০-তথা, সুহৃদাং-বন্ধূনাং, দর্শনম্| গীতস্য বাদিত্রাণাং তথোত্সবস্য-পুত্রজন্মবিবাহাদেঃ, সংশ্রবণম্| তথা, বস্তযঃ ক্ষীরসর্পীষি-ক্ষীরাণাং ঘৃতানি, মদ্যমাংসানাং সুশীলতা| তথা, দৈবব্যপাশ্রযং-বলিমঙ্গলহোমপ্রাযশ্চিত্তাদিকম্| তথা, অথবোক্তং-অথর্ববেদবিহিতং যাগাদিকং চ, পূজিতং-প্রশস্তমেতদত্রেত্যর্থঃ| ইতি শ্রীমৃগাঙ্কদত্তপুত্রশ্রীমদরুণদত্তবিরচিতাযামষ্টাঙ্গহৃদযটীকাযাং সর্বাঙ্গসুন্দরাখ্যাযাং চতুর্থে চিকিত্সিতস্থানে রাজযক্ষ্মাদিচিকিত্সিতং নাম পঞ্চমোঽধ্যাযঃ সমাপ্তঃ|| ৫||

আযুর্বেদরসাযনম্ ব্যাখ্যা ( কৃত)

আ০ র০-সুহৃদ্দর্শনাদীন্যাহ সুহৃদাং দর্শনমিতি| সঙ্গ্রহে (চি.অ. ৭) "ইষ্ট্যা যযা চ চন্দ্রস্য রাজযক্ষ্মা পুরা জিতঃ| পুরোহিতঃ প্রযুঞ্জীত বেদোক্তাং তাং জিতাত্মনঃ|| অজা বা পর্যুপাসীত ষণ্মাসানুটজে বসন্| তত্পযোমূত্রবিড্বৃত্তিপরিষেকপ্রঘর্ষণঃ|| তাভিঃ পরিবৃতঃ স্বপ্যাত্তচ্ছাকৃদ্রেণুসংস্তরে| এতদ্রসাযনং শ্রেষ্ঠং রোগরাজস্য নাশনম্||" ইতি| ইতি হেমাদ্রিটীকাযামাযুর্বেদরসাযনে| রাজযক্ষ্মপ্রকরণং সামস্ত্যেন নিরূপিতম্|| ৫||