Adhikarana 3 (4) · Śloka 5
vātavyādhiḥ pramēhaśca kuṣṭhamarśō bhagandaram | aśmarī mūḍhagarbhaśca tathaivōdaramaṣṭamam ||4|| aṣṭāvētē prakr̥tyaiva duścikitsyā mahāgadāḥ |5|
View original
वातव्याधिः प्रमेहश्च कुष्ठमर्शो भगन्दरम् | अश्मरी मूढगर्भश्च तथैवोदरमष्टमम् ||४|| अष्टावेते प्रकृत्यैव दुश्चिकित्स्या महागदाः |५|
🔊 Audio coming soon
Show commentary
prathamaṁ mūlavyādhayō bhavanti paścādupadravā iti mūlavyādhīn darśayati- vātavyādhirityādi|- vātavyādhiratra mahāvātavyādhirabhiprētō mahacchabdalōpāt| aṣṭāvēta ityatra dvitīyaṁ punaraṣṭagrahaṇaṁ sarvēṣāṁ tulyatvakhyāpanārtham; anyē tvanyathā samādadhati, tattu vistarabhayānna likhitam| prakr̥tyaiva svabhāvēnaiva| mahāgadā iti māraṇātmakatvādasādhyatvācca mahattvamēṣāmiti| ‘aṣṭāvētē mahāntastu vyādhayō dustarāḥ sadā’- iti kēcit paṭhanti||4||-