Adhikarana উদাবর্তনিদানম্ (১) · Śloka ১
অথোদাবর্তানাহনিদানম্ | বাতবিণ্মূত্রজৃম্ভাশ্রুক্ষবোদ্গারবমীন্দ্রিযৈঃ | ক্ষুত্তৃষ্ণোচ্ছ্বাসনিদ্রাণাং ধৃত্যোদাবর্তসম্ভবঃ ||১||
View original
अथोदावर्तानाहनिदानम् | वातविण्मूत्रजृम्भाश्रुक्षवोद्गारवमीन्द्रियैः | क्षुत्तृष्णोच्छ्वासनिद्राणां धृत्योदावर्तसम्भवः ||१||
🔊 Audio coming soon
Hide commentary
মধুকোশ ব্যাখ্যা (বিজযরক্ষিত, শ্রীকণ্ঠদত্ত কৃত)
উদাবর্তেঽপি শূলং ভবতীতি শূলানন্তরমুদাবর্তমাহ– বাতেত্যাদি| অস্রমশ্রু, ইন্দ্রিযশব্দেনাত্র শুক্রং, ক্ষুত্ বুভুক্ষা| ধৃত্যা বেগবিধারণেন| এতে বাতাদযস্ত্রযোদশ নিযমার্থাঃ; তেনান্যেষাং ক্রোধাদীনাং বেগবিধারণং ন তদ্ধেতুঃ, স্বাস্থ্যহেতুত্বাত্| যদাহ চরকঃ– “লোভশোকভযক্রোধমানবেগান্ বিধারযেত্|” (চ. সূ. অ. ৭) ইত্যাদি| সর্বোদাবর্তেষু চ বাযুরেব কারণম্| যদাহ সুশ্রুতঃ– “সর্বেষ্বেতেষু বিধিবদুদাবর্তেষু কৃত্স্নশঃ| বাযোঃ ক্রিযা বিধাতব্যাঃ স্বমার্গপ্রতিপত্তযে||” (সু. উ. তং. অ. ৫৫) ইত্যাদি| উদ্ভূতেন বেগবিধারণেনাবৃতস্য বাযোর্বর্তনমিত্যুদাবর্তনিরুক্তিঃ; অন্যে তু বাযোরূর্ধ্বমাবর্তো গমনমিত্যুদাবর্তমাহুঃ; তন্ন, অশ্রুস্রাবাদেরব্যাপকত্বাত্; ছত্রিণো গচ্ছন্তীতি ন্যাযেন বা সমাধেযম্||১||
আতঙ্কদর্পণ ব্যাখ্যা (বাচস্পতি বৈদ্য কৃত)
উদাবর্তে শূলং ভবতীতি শূলানন্তরমুদাবর্তারম্ভঃ| উদাবর্তমাহ– বাতেত্যাদি| এতেষাং ধৃত্যা বেগবিধারণেন; অশ্রু চক্ষুর্জলং, ক্ষবশ্ছিক্কা, ইন্দ্রিযশব্দেন শুক্রমুচ্যতে, ক্ষুত্ ক্ষুধা, এতে বাতাদযস্ত্রযোদশ নিযমার্থাঃ, তেনান্যেষামপি কোপাদীনাং বিধারণং ন তদ্ধেতুঃ, স্বাস্থ্যহেতুত্বাত্| যদুক্তং চরকে– “লোভশোকভযক্রোধমানবেগান্বিধারযেত্” ইত্যাদি| সর্বেষূদাবর্তেষু বাযুরেব কারণম্| যদাহ সুশ্রুতাচার্যঃ– “সর্বেষ্বেতেষু বিধিবদুদাবর্তেষু কৃত্স্নশঃ| বাযোঃ ক্রিযা বিধাতব্যাঃ স্বমার্গপ্রতিপত্তযে||” ইতি| উদ্ভূতেন বেগবিধারণেনাবৃতস্য বাযোরাবর্তনমুদাবর্ত ইতি নিরুক্তিঃ; অন্যে তু বাযোরূর্ধ্বমাবর্তো গমনমিত্যুদাবর্ত ইত্যাহুঃ||১||