১৭. মূর্ছাভ্রমনিদ্রাতন্দ্রাসন্ন্যাসনিদানম্

মধুকোশ ব্যাখ্যা (বিজযরক্ষিত, শ্রীকণ্ঠদত্ত কৃত)

তৃষ্ণাযাং মোহো ভবতীতি তৃষ্ণানন্তরং মূর্ছা, উক্তং হি– ‘তৃষিতো মোহমাযাতি’ ইতি| নিদানং সম্প্রাপ্তিং চাহ– ক্ষীণস্যেত্যাদি| বহুদোষস্যেতি বিপুলদোষস্য, ন ত্বনেকদোষস্য; তথা সত্যেকদোষজাযাঃ সম্প্রাপ্তির্নোক্তা স্যাত্| বেগাঘাতাত্ মলাদিবেগধারণাত্| অভিঘাতাল্লগুডাদেঃ| হীনসত্ত্বস্য হীনসত্ত্বগুণস্য| করণং মনঃ, তস্যাযতনানি বাহ্যানি চক্ষুরাদীনি, আভ্যন্তরাণি মনোবহানি স্রোতাংসি, যৈরাগত্য মনশ্চক্ষুরাদীন্যধিতিষ্ঠতি; অথবা বাহ্যানি কর্মেন্দ্রিযাণি, আভ্যন্তরাণি ধীন্দ্রিযাণি; তেষু যদা উগ্রা দোষা নিবিশন্তে তদা মূর্ছন্তীতি যোজ্যম্| পুনঃ কযা সম্প্রাপ্ত্যা ইত্যত আহ– সঞ্জ্ঞাবহাস্বিত্যাদি| সঞ্জ্ঞাবহনাডীশব্দেন সিরাধমনীস্রোতসাং গ্রহণমিত্যাহুঃ, যতস্তৈর্মন ইন্দ্রিযদেশং প্রাপ্নোতি| পিহিতাসু আবৃতাসু| তমো মনোগুণোঽজ্ঞানহেতুঃ, অভ্যুপৈতি বর্ধতে, সহসা ঝটিতি| অন্যেষু তমোবহুলেষু রোগেষু মদাত্যযাদিষু সত্ত্বরজসী ন তথা লীযেতে, যথা মূর্ছাযামিত্যত আহ– সুখদুঃখব্যপোহকৃদিতি| সুখদুঃখযোরসংবিত্তিকরম্| এতত্তু প্রাযিকত্বেনোক্তং, (ত্রিবিধং জ্ঞানং ভবতি হেযোপাদেযোপেক্ষণীযভেদাত্,) তেনোপেক্ষণীযজ্ঞানাভাবোঽপি জ্ঞেযঃ| ব্যবহারার্থং তত্পর্যাযামাহ– মোহো মূর্ছেতি| বাতাদিভিস্তিস্রঃ, শোণিতমদ্যবিষৈশ্চ তিস্রঃ, এবং ষট্| প্রভুত্বেনেতি ব্যাপকত্বেন, তেন বাতজাদিষ্বপি জ্বরবদ্রোগমহিম্নাঽবশ্যং পিত্তসম্বন্ধঃ, অত এব বক্ষ্যতি– “মূর্ছা পিত্ততমঃপ্রাযা” ইতি, চিকিত্সাযাং চ শীতক্রিযাবিধানমিতি||১-৫||

আতঙ্কদর্পণ ব্যাখ্যা (বাচস্পতি বৈদ্য কৃত)

তৃষ্ণাযাং মোহো ভবতীত্যতস্তৃষ্ণানন্তরং মূর্ছারম্ভঃ, তস্যা নিদানপূর্বা সম্প্রাপ্তিমাহ– ক্ষীণস্যেতি পুরুষস্য| বহুদোষস্যেতি বিপুলদোষস্য বেগাঘাতাত্ মলাদিবেগবিধারণাত্| অভিঘাতাল্লগুডাদেঃ| বিরুদ্ধাহারসেবিনঃ বিরুদ্ধ আহারঃ ক্ষীরমত্স্যাদিঃ| হীনসত্ত্বস্য ক্ষীণসত্ত্বগুণস্য| করণং মনস্তস্যাযতনানি বাহ্যানি চক্ষুরাদীনি, আভ্যন্তরাণি মনোবাহীনি স্রোতাংসি বৈরাগত্য মনশ্চক্ষুরাদীন্যধিতিষ্ঠতি; অথবা বাহ্যানি কর্মেন্দ্রিযাণি আভ্যন্তরাণি ধীন্দ্রিযাণি| তেষু যদা উগ্রা অতিপ্রসৃতা দোষা নিবিশন্তে অবতিষ্ঠন্তে, তদা মানবা মূর্ছন্তি, ইতি যোজ্যম্| সম্প্রাপ্তিমাহ– সঞ্জ্ঞাবহাস্বিতি| সঞ্জ্ঞাবহনাডীশব্দেন সিরাধমনীস্রোতসাং গ্রহণং, যতস্তৈরিন্দ্রিযদেশং মনঃ প্রাপ্নোতি| পিহিতাসু রুদ্ধাসু| তমো মনোগুণঃ অজ্ঞানহেতুঃ, তস্যাবরণাত্মকত্বাত্| অভ্যুপৈতি বর্ধতে, সহসা ঝটিতি| অন্যেষু তমোবহুলেষু রোগেষু মদাত্যযাদিষু ন তথা সত্ত্বরজসী লীযেতে যথা মূর্ছাস্বিত্যত আহ– সুখদুঃখব্যপোহকৃদিতি; সুখদুঃখযোর্ব্যপোহস্তিরস্কারস্তযোরসংবিত্তিরিত্যর্থঃ; অথবা সুখং সত্ত্বং, দুঃখং রজঃ, তযোর্ব্যপোহকৃত্, তমসা তযোরাবৃতত্বাত্; অতঃ কাষ্ঠবন্নিপততীত্যর্থঃ| ব্যবহারার্থং তত্পর্যাযানাহ– মোহো মূর্ছেতি তস্যাঃ পর্যাযৌ| উক্তং চাভিধানান্তরে– “সঞ্জ্ঞোপঘাতে মূর্ছাযো মূর্ছা স্যান্মূর্ছনং তথা| কশ্মলং প্রলযো মোহঃ সন্ন্যাসস্তু মৃতোপমঃ” ইতি| সা চ মূর্ছা ষড্বিধা ষট্প্রকারা ভবতি| বাতাদিভিঃ শোণিতমদ্যবিষৈশ্চ তিস্রঃ, এবং ষড্বিধত্বমাহ– বাতাদিভিরিতি| প্রভুত্বেনেতি বাতাদিষ্বপি ব্যাপকত্বেন পিত্তমেবাবতিষ্ঠতে জ্বরবদ্রোগমহিম্নাঽবশ্যং পিত্তসম্বন্ধঃ; ইহৈব বক্ষ্যত্যগ্রে– “মূর্ছা পিত্ততমঃপ্রাযা” ইতি, চিকিত্সাযাং চ শীতক্রিযাবিধানমিতি ||১-৫||

মধুকোশ ব্যাখ্যা (বিজযরক্ষিত, শ্রীকণ্ঠদত্ত কৃত)

তস্যাঃ পূর্বরূপমাহ– হৃত্পীডেত্যাদি| সঞ্জ্ঞাদৌর্বল্যমসম্যগ্জ্ঞানতা| সর্বাসাং পূর্বরূপাণীতি ছেদঃ| যথাস্বং বিভাবযেদিতি তাঃ মূর্ছাঃ বাতাদিভেদেন জানীযাত্ ব্যক্তরূপাবস্থাযাং, নতু পূর্বরূপাবস্থাযামিতি জেজ্জটঃ||৬||

আতঙ্কদর্পণ ব্যাখ্যা (বাচস্পতি বৈদ্য কৃত)

তস্যাঃ পূর্বরূপমাহ– হৃদিত্যাদি| সঞ্জ্ঞাদৌর্বল্যমসম্যগ্জ্ঞানতা| পূর্বরূপাণীতি পাদত্রযেণ ছেদঃ| যথাস্বং বিভাবযেদিতি তাং মূর্ছাং বাতাদিভেদেন জানীযাদিত্যর্থঃ; ব্যক্তরূপাবস্থাযাং নতু পূর্বরূপাবস্থাযামিতি জেজ্জটঃ||৬||

মধুকোশ ব্যাখ্যা (বিজযরক্ষিত, শ্রীকণ্ঠদত্ত কৃত)

তা এবাহ (বাতজামাহ)– নীলমিত্যাদি| নীলং স্নিগ্ধকৃষ্ণং, কৃষ্ণং রূক্ষকৃষ্ণম্, অরুণমীষল্লোহিতম্| তমঃ প্রবিশত্যন্ধকারমিব প্রবিশতি মূর্ছতীত্যর্থঃ| শীঘ্রং চ প্রতিবুধ্যত ইতি বাযোঃ শীঘ্রকারিত্বাত্| কার্শ্যং শ্যাবাঽরুণা ছাযা, ‘গাত্রে’ ইতি শেষঃ| মূর্ছাযশব্দো মূর্ছাপর্যাযঃ||৭-৮||

আতঙ্কদর্পণ ব্যাখ্যা (বাচস্পতি বৈদ্য কৃত)

বাতজামাহ– নীলমিত্যাদি| নীলং স্নিগ্ধকৃষ্ণম্, অরুণমীষল্লোহিতমীদৃশং গগনং পশ্যন্ তমঃ প্রবিশতি অন্ধকারমিব প্রবিশতি মূর্ছতীত্যর্থঃ| শীঘ্রং চ প্রতিবুদ্ধ্যতে বাযোঃ শীঘ্রকারিত্বাত্| কার্শ্যং শ্যাবাঽরুণা ছাযা গাত্রস্যেতি শেষঃ| মূর্ছাযশব্দো মূর্ছাপর্যাযঃ||৭-৮||

মধুকোশ ব্যাখ্যা (বিজযরক্ষিত, শ্রীকণ্ঠদত্ত কৃত)

পিত্তজমূর্ছাযমাহ– রক্তমিত্যাদি| বিযদাকাশম্| অত্র “সপিপাসঃ সসন্তাপো রক্তপীতাকুলেক্ষণঃ|” ইতি ক্বচিদধিকঃ পাঠ||৯-১০||

আতঙ্কদর্পণ ব্যাখ্যা (বাচস্পতি বৈদ্য কৃত)

পিত্তজামাহ– রক্তমিত্যাদি| বিযদাকাশং, রক্তং, হরিতবর্ণং শাকবর্ণং, পীতং বা পশ্যন্ তমঃ প্রবিশতীতি মূর্ছতীত্যর্থঃ| যদা প্রবুধ্যতে তদা স্বেদো ভবতি, সপিপাসঃ তৃষ্ণান্বিতঃ, সন্তাপবাংশ্চ ভবতি| রক্তে পীতে আকুলে ত্রস্তে ইব ঈক্ষণে লোচনে যস্য স তথা| ‘অন্যে রক্তপিত্তাকুলেক্ষণঃ’ ইতি পঠন্তি| তত্র রক্তপিত্তো বিকারঃ| (জাতমাত্রে উত্পন্নমাত্রে, পততি শীঘ্রং চ প্রতিবুধ্যতে|) পীতাভঃ পীতশরীরচ্ছবিঃ||৯-১০||

মধুকোশ ব্যাখ্যা (বিজযরক্ষিত, শ্রীকণ্ঠদত্ত কৃত)

কফজমূর্ছাযমাহ– মেঘেত্যাদি| তমোঘনৈরিতি তমোভির্ঘনৈশ্চ; তমোঽন্ধকারঃ, ঘনোঽত্র মেঘবাচী||১১-১২||

আতঙ্কদর্পণ ব্যাখ্যা (বাচস্পতি বৈদ্য কৃত)

শ্লেষ্মজামাহ– মেঘসঙ্কাশমিত্যাদি| আর্দ্রেণ চর্মণা ইব প্রাবৃতৈর্বেষ্টিতৈরঙ্গৈরুপলক্ষিতঃ| প্রসেকো মুখস্রাবঃ, উপস্থিতবমনত্বমিব||১১-১২||

মধুকোশ ব্যাখ্যা (বিজযরক্ষিত, শ্রীকণ্ঠদত্ত কৃত)

সান্নিপাতিকমাহ– সর্বেত্যাদি| ননু, সর্বাকৃতিরিতি বিরুদ্ধম্, উদ্দেশে “ষড্বিধা সা প্রকীর্তিতা” ইত্যভিহিতত্বাত্; সন্নিপাতজযা সহ সপ্ত প্রসজ্যেরন্? উচ্যতে– উদ্দেশঃ সুশ্রুতগ্রন্থেন, চরকগ্রন্থেন চ বিবরণম্| চরকে হ্যেকজাস্তিস্রস্ত্রিদোষজা চৈকেতি চতস্রঃ পঠ্যন্তে| যদুক্তমষ্টোদরীয– “চত্বারো মূর্ছাযা ইতি অপস্মারৈর্ব্যাখ্যাতাঃ|” (চ. সূ. অ. ১৮) ইতি| রক্তমদ্যবিষজানাং যথাদোষমেতাস্বন্তর্ভাবঃ; সুশ্রুতে চৈতা রক্তাদিজা লক্ষণচিকিত্সাভেদখ্যাপনার্থং সাক্ষাত্ পঠিতাঃ, ত্রিদোষজাযাঃ দোষজাস্বন্তর্ভাবঃ ইত্যভিপ্রাযেণ ভেদ আচার্যযোঃ; সঙ্গ্রহে চাত্র সর্বতন্ত্রস্বীকারাদুভযমপি লিখিতমিত্যদোষঃ| অপস্মার ইবেতি যথাঽপস্মারী মহতাঽভিঘাতেন পততি চিরেণ প্রতিবুধ্যতে| অপস্মারে ফেনবামিত্বদন্তঘট্টনাক্ষিবৈকৃতাদিকমধিকমিতি ভেদঃ| বীভত্সচেষ্টিতৈরিতি ফেনবামিত্বাদিভিরেব||১৩||

আতঙ্কদর্পণ ব্যাখ্যা (বাচস্পতি বৈদ্য কৃত)

সন্নিপাতজামাহ– সর্বাকৃতিরিত্যাদি| ননু সর্বাকৃতিরিতি বিরুদ্ধম্? পূর্বমুদ্দেশে ‘ষড্বিধা সা প্রকীর্তিতা’ ইত্যুক্তং, সন্নিপাতজযা সহ সপ্তসঙ্খ্যাত্বং স্যাত্| উচ্যতে– উদ্দেশঃ সুশ্রুতেন বিবরণং চরকেণ, যতস্তত্র পঠিতা বাতাদিভিস্তিস্রঃ, ত্রিদোষজা চতুর্থা| যদুক্তমষ্টোদরীযাধ্যাযে– “চতস্রো মূর্ছাযা ইতি অপস্মারৈঃ ব্যাখ্যাতাঃ” ইতি; যথা চত্বারোঽপস্মারাঃ বাতেন পিত্তেন শ্লেষ্মণা সন্নিপাতেন, তদ্বন্মূর্ছা অপীত্যর্থঃ| রক্তমদ্যবিষজানাং যথাস্বং দোষজাস্বন্তর্ভাবঃ সুশ্রুতে এতচ্চ লক্ষণঞ্চিকিত্সাভেদখ্যাপনার্থং সাক্ষাত্পঠিতম্| ত্রিদোষজাযাশ্চ দোষজাস্বন্তর্ভাবঃ ইত্যভিপ্রাযেণ মাধবেন সঙ্গৃহীতেযমিতি সর্বতন্ত্রস্বীকারাদুভযমপি লিখিতমিত্যদোষঃ| অপস্মার ইবাগত ইতি আগতস্যাপস্মারস্য বেগবত্ সা মূর্ছা জন্তুং প্রাণিনং শীঘ্রং পাতযতি চিরাচ্চ প্রতিবুধ্যতে, বিনা বীভত্সচেষ্টিতৈরিতি অপস্মারে ফেনাগমনং দন্তাবঘট্টনাক্ষিবৈকৃতসত্ত্বাদিদর্শনমস্তি, ত্রিদোষজাযাং মূর্ছাযাং তু ন তথা, অযমেব ভেদঃ; অত এব বিনা বীভত্সচেষ্টিতৈরিতি||১৩||

মধুকোশ ব্যাখ্যা (বিজযরক্ষিত, শ্রীকণ্ঠদত্ত কৃত)

রক্তজমূর্ছাসম্প্রাপ্তিমাহ– পৃথিব্যাপ ইত্যাদি| পৃথিবী আপশ্চ এতদ্দ্বযং তমোরূপং তমোবহুলম্, উক্তং হি– “তমোবহুলা পৃথিবী, সত্ত্বতমোবহুলা আপঃ|” (সু. শা. অ. ১) ইতি| ‘পৃথিব্যম্ভ’ ইতি পাঠে অযমেবার্থঃ| তদন্বযঃ পৃথিব্যম্ভোঽন্বযঃ; ‘তন্মযঃ’ ইতি পাঠে পৃথিবীজলমযঃ, প্রকৃতিবিকারভাবে মযট্| তস্মাদিতি যস্মাত্ পৃথিব্যাপস্তমোরূপং রক্তগন্ধশ্চ তদন্বযঃ, মূর্ছা চ তমঃপ্রাযা, তস্মাদিত্যর্থঃ| ভুবিমানবাঃ ইতি পাঞ্চভৌতিকত্বেঽপি শরীরস্যোদ্ভূতভূমিগুণা যে তে ভুবিমানবাঃ পার্থিবাঃ, তামসা ইত্যর্থঃ; নতু রাজসাঃ, সাত্ত্বিকা বা| ননু চম্পকাদিগন্ধেনাপি মূর্ছা প্রসজ্যেত? তত্রাপি গন্ধস্য পার্থিবত্বাত্ পৃথিব্যাশ্চ তমোরূপত্বাদিত্যত আহ– দ্রব্যস্বভাব ইত্যাদি| রক্তস্যাযং স্বভাবঃ, তেন তদ্গত এব গন্ধো মূর্ছযতীতি| স্বভাবমেব দ্রঢযতি– দৃষ্ট্বা যদভিমুহ্যতীতি| ‘যচ্চ দৃষ্ট্বাঽপি মুহ্যতি’ ইতি পাঠান্তরম্| অন্যে তু গন্ধাসম্বন্ধেঽপি দর্শনমাত্রান্মূর্ছোপলম্ভাদনৈকান্তিকত্বং গন্ধস্য মন্যমানাঃ স্বভাবমেব হেত্বন্তরমাহুঃ; এতেন গন্ধস্য প্রাযিকত্বমুক্তম্| অন্যে তু গন্ধস্য হেতুত্বমপাস্য দর্শনস্যৈব হেতুত্বং মন্যন্তেঃ; তন্ন, যদাহ ভোজঃ– “স্তব্ধাঙ্গদৃষ্টির্ভবতি গূঢোচ্ছ্বাসস্তথৈব চ দর্শনাদসৃজস্তজ্জাদ্গন্ধাচ্চৈব প্রমুহ্যতি||” ইতি| “পৃথিব্যা যত্তমোরূপম্ ইতি” পাঠান্তরং সুগমম্| “পৃথিব্যম্ভস্তমোরূপং রক্তগন্ধেন তত্ত্রযম্|” ইতি পাঠান্তরস্য জেজ্জটলিখিতস্যাযমর্থঃ– রক্তগন্ধেন তু যদুক্তমব্যভিচরিতং প্রকৃতিবিকারযোস্তাদর্থ্যাত্ কিং তত্ত্রযমিত্যত উক্তম্– পৃথিব্যম্ভস্তমোরূপমিতি; পৃথিব্যম্ভস্তমসাং রূপমিত্যর্থঃ, শেষং পূর্ববত্| দৃষ্ট্বেতি রক্তমিতি শেষঃ||১৪||

আতঙ্কদর্পণ ব্যাখ্যা (বাচস্পতি বৈদ্য কৃত)

পৃথ্বীত্যাদি| পৃথিবী আপ এতদুভযং তমোরূপং তমোবহুলম্| উক্তং হি সুশ্রুতে– “তমোবহুলা পৃথ্বী সত্ত্বতমোবহুলা আপঃ” ইতি তদন্বযঃ| “পৃথিব্যাপস্তমোরূপং রক্তগন্ধশ্চ তন্মযঃ” ইতি পাঠে তন্ময ইতি পৃথিবীজলমযস্তদন্বযাত্| গন্ধেঽপি তমস্ত্বং সিদ্ধং; মূর্ছা চ তমঃপ্রাযা, তস্মাদিত্যর্থঃ| অন্যে ‘পৃথিব্যম্ভা’ ইতি পঠন্তি| তত্র পৃথিবী চাম্ভশ্চ পৃথিব্যম্ভসী তযোঃ সম্বন্ধি যত্তমঃ তদ্রূপং তদ্বহুলং লক্ষণং রক্তমিতি; রূপশব্দোঽত্র বাহুল্যে স্বলক্ষণে বা বর্ততে, যতঃ সত্ত্বরজস্তমসাং পরমং রূপং দৃষ্টিপথং নোপগচ্ছতি কিন্তু বিশেষেষ্বভিব্যজ্যতে, সর্ব এব বিশেষাস্তমোমযা ইত্যুক্তত্বাত্| ভুবিমানবা ইতি পাঞ্চভৌতিকত্বেঽপি শরীরস্যোদ্ভূতভূমিগুণাঃ, এতৈ ভুবিমানবাঃ পার্থিবাস্তামসা ইত্যর্থঃ| তস্মাদ্যে মানবাস্তামসা ভবন্তি ত এব রক্তগন্ধেন মূর্ছন্তি ন তু রাজসাঃ সাত্ত্বিকা বা রক্তগন্ধেন মূর্ছন্তীতি ভাবঃ| ননু, চম্পকাদিগন্ধেনাপি মূর্ছা প্রসজ্যেত তত্রাপি গন্ধস্য পার্থিবত্বাত্, পৃথিব্যাশ্চ তমোরূপত্বাদিত্যত্রাহ– দ্রব্যস্বভাব ইত্যেকে দৃষ্ট্বা যদভিমুহ্যতীতি; রক্তস্যাযং স্বভাবো যেন তদ্গতগন্ধো মূর্ছযতীতি| প্রভাবমেব দ্রঢযতি– দৃষ্ট্বাঽপি যন্মূর্ছযতীতি ‘রক্তম্’ ইতি শেষঃ| যদাহ ভোজঃ– “স্তব্ধাঙ্গদৃষ্টির্ভবতি গূঢোচ্ছ্বাসস্তথৈব চ| দর্শনাদসৃজস্তজ্জাদ্গন্ধাচ্চৈব প্রমুহ্যতি” ইতি||১৪||

মধুকোশ ব্যাখ্যা (বিজযরক্ষিত, শ্রীকণ্ঠদত্ত কৃত)

বিষমদ্যজে প্রাহ– গুণা ইত্যাদি| গুণা দশ; যদুক্তং দৃঢবলেন– “লঘু রূক্ষমাশু বিশদং ব্যবাযি তীক্ষ্ণং বিকাশি সূক্ষ্মং চ| উষ্ণমনির্দেশ্যরসং দশগুণমুক্তং বিষং তজ্জ্ঞৈঃ||” (চ. চি. অ. ২৩) ইতি| তে তৈলাদৌ ব্যস্তাস্তীব্রাঃ সন্তি, বিষমদ্যযোস্তু তীব্রতরাঃ, অতস্তৈলাদিভির্ন মোহঃ, কিন্তু বিষমদ্যাভ্যামিতি| ত এবেতি গুণা লঘুত্বাদযঃ| যথেরিতাবিতি বিষজো মোহো ন স্বযং নিবর্ততে বিষস্যাপাকিত্বাত্, মদ্যজস্তু মদ্যপরিণামাদেব শাম্যতি, অযং চ ভেদো বিষমদ্যযোঃ প্রভাবাত্| উক্তং হি তন্ত্রান্তরে– “যে বিষস্য গুণাঃ প্রোক্তাঃ সন্নিপাতপ্রকোপণাঃ| ত এব মদ্যে দৃশ্যন্তে বিষে তু বলবত্তরাঃ||” ইতি||১৫||

আতঙ্কদর্পণ ব্যাখ্যা (বাচস্পতি বৈদ্য কৃত)

বিষমদ্যজে প্রাহ– গুণা ইত্যাদি| তত্র গুণা দশ, যদুক্তং দৃঢবলেন– “লঘু রূক্ষমাশু বিশদং ব্যবাযি তীক্ষ্ণং বিকাশি সূক্ষ্মং চ| উষ্ণমনির্দেশ্যরসং দশগুণমুক্তং বিষং তজ্জ্ঞৈঃ” ইতি| তে গুণাস্তৈলাদৌ ব্যস্তাস্তীব্রাঃ সন্তি, বিষমদ্যযোস্তু তীব্রতরাঃ, অতস্তৈলাদিভির্ন মোহঃ, কিন্তু বিষমদ্যাভ্যাং মোহ এবেতি; গুণা লঘুত্বাদযঃ ত এব গুণা বিষমদ্যযোস্তীব্রতরত্বেন স্থিতাঃ| তত্রাপি ভেদঃ– বিষে তীব্রতমাঃ, মদ্যে তীব্রতরাঃ, তৈলাদিষু তীব্রা ব্যস্তাঃ| যথেরিতাবিতি তাভ্যাং বিষমদ্যাভ্যাং যথেরিতৌ তরতমাদিভেদেন যথোক্তৌ মোহৌ স্যাতাম্| বিষেণ তীব্রতমঃ, মদ্যেন তীব্রতর ইত্যর্থঃ| বিষজো মোহঃ স্বযং ন নিবর্ততে, বিষস্যাপাকিত্বাত্; মদ্যজস্তু মদ্যপরিণামাদেব শাম্যতি, বিষজো মোহঃ স্বযং ন নিবর্ততে, বিষস্যাপাকিত্বাত্; মদ্যজস্তু মদ্যপরিণামাদেব শাম্যতি, বিষমদ্যযোস্ত্বযমেব ভেদঃ প্রভাবাত্, উক্তং হি তন্ত্রান্তরে– “যে বিষস্য গুণাঃ প্রোক্তা সন্নিপাতপ্রকোপিণঃ| ত এব মদ্যে দৃশ্যন্তে বিষে তু বলবত্তরাঃ” ইতি|১৫|

মধুকোশ ব্যাখ্যা (বিজযরক্ষিত, শ্রীকণ্ঠদত্ত কৃত)

রক্তজাদিমূর্ছাত্রযস্য রূপাণ্যাহ– স্তব্ধাঙ্গেত্যাদি মূর্ছিত ইত্যন্তং রক্তজাযাঃ গূঢোচ্ছ্বাসশ্চাস্পষ্টোচ্ছ্বাসঃ| ‘মূঢ’ ইতি পাঠে সন্নিরুদ্ধ ইত্যর্থঃ ইতি জেজ্জটঃ| মদ্যেনেত্যাদি তদিত্যন্তং মদ্যজাযাঃ| ‘নষ্টবিভ্রান্তমানস’ ইত্যত্র নিষ্টলন্ ভ্রান্তমানসঃ’ ইতি পাঠান্তরে নিষ্টনন্ শব্দং কুর্বন্| বেপথ্বাদিনা বিষজাযাঃ| যথাস্বং বিষলক্ষণৈরিতি বিষস্য মূলপত্রক্ষীরাদিভেদেন প্রাতিস্বিকং যল্লক্ষণমুক্তং সৌশ্রুতকল্পস্থান (সু. ক. অ. ২) তল্লক্ষণযুক্তা মূর্ছা ভবতীত্যর্থঃ||১৬-১৮||

আতঙ্কদর্পণ ব্যাখ্যা (বাচস্পতি বৈদ্য কৃত)

রক্তজাযা রূপমাহ– স্তব্ধাঙ্গেত্যাদিনা মূর্ছিত ইত্যন্তেন| গূঢোচ্ছ্বাসঃ ইত্যত্র মূঢেতি পাঠে সন্নিরুদ্ধোচ্ছ্বাসঃ | মদ্যজামাহ বিলপন্ প্রলপন্| নষ্টবিভ্রান্তমানস ইতি নষ্টং স্মৃতিরহিতং বিভ্রান্তং বিক্ষিপ্তং মানসং চিত্তং যস্য স তথা| জরাং যাবন্ন যাতি তদিতি যাবজ্জরাং পরিপাকং ন গচ্ছতি তাবদ্গাত্রাণি ভূমৌ বিনিক্ষিপন্ তাডযন্ মূর্ছিতস্তিষ্ঠতীত্যর্থঃ| বিষজামাহ– বেপথ্বিত্যাদি| বেপথুঃ কম্পঃ; স্বপ্নো নিদ্রা| তমোঽন্ধকারপ্রবিষ্টস্যেবার্থাসংবিত্তিঃ| যথাস্বং বিষলক্ষণৈরিতি বিষস্য মূলকন্দপত্রক্ষীরাদিভেদেন যল্লক্ষণং সুশ্রুতে কল্পস্থানে উক্তং তেষাং লক্ষণৈরেব তীব্রতরত্বেন যুক্তা মূর্ছা ভবতীত্যর্থঃ||১৬-১৮||

মধুকোশ ব্যাখ্যা (বিজযরক্ষিত, শ্রীকণ্ঠদত্ত কৃত)

সঞ্জ্ঞানাশসাধর্ম্যেঽপি মূর্ছাদীনাং কো ভেদঃ? ইত্যাহ– মূর্ছা পিত্ততমঃপ্রাযেত্যাদি| তমোবাতকফাদিতি সমাহারদ্বন্দ্বঃ| নিদ্রাতন্দ্রযোশ্চৈতানি কারণানি ব্যস্তসমস্তানি; তেন সুশ্রুতেন যদতিলঙ্ঘিতলক্ষণে নিদ্রাতন্দ্রে পঠিতে বিনৈব কফাত্ অতিলঙ্ঘনস্য শ্লেষ্মক্ষযহেতুত্বাত্||১৯||

আতঙ্কদর্পণ ব্যাখ্যা (বাচস্পতি বৈদ্য কৃত)

সঞ্জ্ঞানাশসাধর্ম্যান্মূর্ছাযা ভেদানাহ– তত্র মূর্ছাহেতুমাহ– মূর্ছা পিত্ততমঃপ্রাযা তমোগুণযুক্তেন পিত্তেন মূর্ছা ভবতি| ভ্রমহেতুমাহ– রজ ইতি| রজোগুণেন পিত্তানিলাভ্যাং যুক্তেন ভ্রমো ভবতি, তত্র ভ্রমঃ স্থাণৌ পুরুষজ্ঞানং, পুরুষে বিপরীতসত্ত্বজ্ঞানাদিকম্; অন্যে চক্রস্থিতস্যেব সম্ভ্রামদ্বস্তুদর্শনমিতি| তন্দ্রাহেতুমাহ– তম ইতি| তমোগুণেন যুক্তাভ্যাং বাতকফাভ্যাং তন্দ্রা ভবতি, সমাহারদ্বন্দ্বেনৈকবচনম্| নিদ্রাহেতুমাহ– শ্লেষ্মণা মিলিতেন তমোগুণেন নিদ্রা ভবতি; তস্যা লক্ষণম্– অরতিবিক্লান্তমনসঃ সর্বেন্দ্রিযাণাং স্ববিষযনিবৃত্তিঃ| চরকেঽপি “যদা তু মনসি ক্লান্তে কর্মাত্মানঃ ক্লমান্বিতাঃ| বিষযেভ্যো নিবর্তন্তে তদা স্বপিতি মানবঃ” ইতি| অত্র কর্মাত্মানঃ ইন্দ্রিযাণি, নিরিন্দ্রিযপ্রদেশে মনসোঽবস্থিতির্নিদ্রেত্যর্থঃ| সুশ্রুতেনাতিলঙ্ঘিতলক্ষণে নিদ্রাতন্দ্রে পঠিতে, অতিলঙ্ঘিতস্য শ্লেষ্মক্ষযত্বান্নিদ্রাতন্দ্রযোস্তূক্তকারণত্বাদ্ভেদঃ| তথা চ নিদ্রাযামিন্দ্রিযমনোমোহঃ, তন্দ্রাযামিন্দ্রিযমোহঃ||১৯||

মধুকোশ ব্যাখ্যা (বিজযরক্ষিত, শ্রীকণ্ঠদত্ত কৃত)

তন্দ্রালক্ষণমাহ– ইন্দ্রিযার্থেষ্বিত্যাদি| নিদ্রাভ্রমযোস্তু লক্ষণং নোক্তমিহ, অতিপ্রসিদ্ধত্বাত্| নিদ্রা হি বিপ্লুতমনসঃ সর্বেন্দ্রিযাণাং স্ববিষযনিবৃত্তিঃ| যদাহ চরকে– “যদা তু মনসি ক্লান্তে কর্মাত্মানঃ ক্লমান্বিতাঃ| বিষযেভ্যো নিবর্তন্তে তদা স্বপিতি মানবঃ||” (চ. সূ. অ. ২১) ইতি| অত্র কর্মাত্মান ইন্দ্রিযাণি; নিরিন্দ্রিযপ্রদেশে মনসোঽবস্থিতির্নিদ্রেতি মতেঽপ্যযমেবার্থঃ| নিদ্রাতন্দ্রযোস্তূক্তকারণভেদাদ্ভেদঃ, উদ্ভূতজৃম্ভাদেশ্চানুভবসিদ্ধত্বাদিতি; তথা নিদ্রাযামিন্দ্রিযমনোমোহঃ; তন্দ্রাযামিন্দ্রিযমোহঃ| ভ্রমলক্ষণং তু চক্রস্থিতস্যেব ভ্রমদ্বস্তুদর্শনমিতি||২০||

আতঙ্কদর্পণ ব্যাখ্যা (বাচস্পতি বৈদ্য কৃত)

তন্দ্রালক্ষণমাহ– ইন্দ্রিযার্থেষ্বিত্যাদি| ইন্দ্রিযার্থেষু বিষযেষু, অসম্প্রাপ্তিরগ্রহণম্| গৌরবমঙ্গানাম্| নিদ্রার্তস্যেব উত্পন্ননিদ্রস্যেব| অস্যাগ্রে ক্লমলক্ষণং পঠন্তি– য ইত্যাদি| যঃ শরীরে আযাসবর্জিতঃ শ্রমঃ প্রবৃদ্ধো ভবতি পরং শ্বাসবর্জিতঃ স ক্লম ইতি কথিতঃ| ইন্দ্রিযার্থপ্রবাধকঃ বিষযগ্রহণেঽসমর্থঃ| অযং পাঠো মাধবেন ন লিখিতঃ||২০||

মধুকোশ ব্যাখ্যা (বিজযরক্ষিত, শ্রীকণ্ঠদত্ত কৃত)

সন্ন্যাসস্য মূর্ছাদিভ্যো ভেদমাহ– দোষেষ্বিত্যাদি ||২১||

আতঙ্কদর্পণ ব্যাখ্যা (বাচস্পতি বৈদ্য কৃত)

সন্ন্যাসস্য মূর্ছাদিভ্যো ভেদমাহ– দোষেষ্বিত্যাদি| আদিশব্দোঽত্র লুপ্তো দ্রষ্টব্যঃ| আবিষ্টবেগেষু দোষেষু যা মদাদিভির্মূর্ছা ভবতি সা উপশান্তবেগেষু স্বযমেবোপশমং যাতি, ভিষক্প্রতীকারং বিনেত্যর্থঃ; সন্ন্যাসস্তু চিকিত্সকজনসানুভাবৌষধৈর্বিনা ন শাম্যতীত্যর্থঃ||২১||

মধুকোশ ব্যাখ্যা (বিজযরক্ষিত, শ্রীকণ্ঠদত্ত কৃত)

তল্লক্ষণমাহ– বাগিত্যাদি| অতিবলা ইত্যনেন মূর্ছাদ্যারম্ভকদোষেভ্যোঽধিকত্বেন প্রবৃদ্ধা দোষাস্তমশ্চেতি বোধযতি| সন্ন্যস্যন্তি মোহযন্তি| স না পুরুষঃ, সন্ন্যাসসন্ন্যস্তঃ সন্ন্যাসপীডিতঃ, কাষ্ঠীভূতঃ ইতি অত্যন্তনিষ্ক্রিযত্বেন অকাষ্ঠমেব কাষ্ঠবদ্ভূতঃ, অত এব মৃতোপম ইতি| মুক্ত্বা সদ্যঃফলাং ক্রিযামিতি সূচীব্যধনাঞ্জনাবপীডনশূকশিম্বীফলাবঘর্ষণাদিরূপা ক্রিযা যদি ক্রিযতে তদা প্রাণৈর্ন বিমুচ্যতে, অন্যথা তু ম্রিযতে ইতি||২২-২৩||

আতঙ্কদর্পণ ব্যাখ্যা (বাচস্পতি বৈদ্য কৃত)

তল্লক্ষণমাহ– বাগিত্যাদি| অতিবলা ইতি মূর্ছাদ্যারম্ভকদোষেভ্যোঽধিকত্বেন প্রবৃদ্ধাঃ, প্রাণাযতনং চেতনাস্থানং হৃদযমাশ্রিতাঃ, বাগ্দেহমনসাং চেষ্টামাক্ষিপ্য বিনাশ্য, অবলং হীনসত্ত্বং পুরুষং, সন্ন্যস্যন্তি| তদা স না পুরুষঃ, সন্ন্যাসসন্ন্যস্তঃ সন্ন্যাসপীডিতঃ, কাষ্ঠীভূত ইত্যতিনিষ্ক্রিযত্বাদত্ অকাষ্ঠমেব কাষ্ঠবদ্ভূতঃ, অত এব মৃতোপমঃ| মুক্ত্বা সদ্যঃফলাং ক্রিযামিতি সদ্যঃফলং যস্যাস্তাং ক্রিযাং ত্যক্ত্বা ইত্যর্থঃ| তত্র সদ্যঃফলা ক্রিযা সূচীব্যধনং তীক্ষ্ণাঞ্জনাবপীডনকপিকচ্ছূফলাবঘর্ষণাদিরূপা যদা ন ক্রিযতে তদা প্রাণৈর্বিমুচ্যতে, অন্যথা তু জীবতি||২২-২৩||

মধুকোশ ব্যাখ্যা (বিজযরক্ষিত, শ্রীকণ্ঠদত্ত কৃত)

ইতি শ্রীবিজযরক্ষিতকৃতাযাং মধুকোশব্যাখ্যাযাং মূর্ছাভ্রমনিদ্রাতন্দ্রাসন্যাসনিদানং সমাপ্তম্||১৭||

আতঙ্কদর্পণ ব্যাখ্যা (বাচস্পতি বৈদ্য কৃত)

ইতি শ্রীবৈদ্যবাচস্পতিকৃতে আতঙ্কদর্পণে রুগ্বিনিশ্চযব্যাখ্যানে মূর্ছাদিনিদানম্||১৭||