Adhikarana অথ কর্ণরোগবিজ্ঞানীযো নামৈকবিংশোঽধ্যাযঃ - প্রতিজ্ঞা (১) · Śloka ১
অথাতঃ কর্ণরোগবিজ্ঞানীযং নামাধ্যাযং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ||১||
अथातः कर्णरोगविज्ञानीयं नामाध्यायं व्याख्यास्यामः| इति ह स्माहुरात्रेयादयो महर्षयः||१||
🔊 Audio coming soon
শশিলেক ব্যাখ্যা (ইন্দু কৃত)
নেত্ররোগাণাং নির্ণযং কৃত্বোর্দ্বাঙ্গচিকিত্সাপ্রসঙ্গেন কর্ণরোগাণাং হেত্বাদিকং প্রদর্শযিতুমধ্যায আরভ্যতে||১||
Adhikarana বাতকর্ণরোগঃ (২) · Śloka ২
প্রতিশ্যাযজলক্রীডাকর্ণকণ্ডূযনৈর্মরুত্| মিথ্যাযোগেন শব্দস্য কুপিতোঽন্যৈশ্চ কোপনৈঃ| প্রাপ্য শ্রোত্রসিরাঃ কুর্যাচ্ছূলং স্রোতসি বেগবত্| অর্ধাবভেদকং স্তম্ভং শিশিরানাভিনন্দনম্| চিরাচ্চ পাকঃ পক্বন্তু লসীকামল্পশঃ স্রবেত্| শ্রোতং শূন্যমকস্মাচ্চ স্যাত্ সঞ্চারবিচারবত্||২||
प्रतिश्यायजलक्रीडाकर्णकण्डूयनैर्मरुत्| मिथ्यायोगेन शब्दस्य कुपितोऽन्यैश्च कोपनैः| प्राप्य श्रोत्रसिराः कुर्याच्छूलं स्रोतसि वेगवत्| अर्धावभेदकं स्तम्भं शिशिरानाभिनन्दनम्| चिराच्च पाकः पक्वन्तु लसीकामल्पशः स्रवेत्| श्रोतं शून्यमकस्माच्च स्यात् सञ्चारविचारवत्||२||
🔊 Audio coming soon
শশিলেক ব্যাখ্যা (ইন্দু কৃত)
প্রতিশ্যাযাদিভির্হেতুভিরন্যৈশ্চ নিদানোক্তৈর্মরুদ্বাযুঃ কুপিতঃ শ্রোত্রস্রোতসি বেগবচ্ছূলমর্ধাবভেদকাদিকঞ্চ কুরুতে| প্রতিশ্যাযো নাসারোগেষু বক্ষ্যতে| অর্ধাবভেদকঃ শিরোরোগেষু| শিশিরানাভিনন্দনং শীতদ্বেষঃ| চিরাচ্চ পাকঃ শ্রোত্রে স্যাত্| পক্বং চ শ্রোত্রমকস্মাদ্বিনাকারণং সঞ্চারবিচারবত্ স্যাত্| ক্ষণং সংবৃতমাভাতি ক্ষণং বিবৃতমিত্যর্থঃ| ইতি বাতকর্ণরোগঃ||২||
Adhikarana পিত্তকর্ণরোগঃ (৩) · Śloka ৩
শূলং পিত্তাত্সদাহোষা শীতেচ্ছা শ্বযথুং জ্বরম্| আশুপাকং প্রপক্বং চ সপীতলসিকাস্রুতিঃ| সা লসীকা স্পৃশেদ্যদ্যত্তত্তত্পাকমুপৈতি চ||৩||
शूलं पित्तात्सदाहोषा शीतेच्छा श्वयथुं ज्वरम्| आशुपाकं प्रपक्वं च सपीतलसिकास्रुतिः| सा लसीका स्पृशेद्यद्यत्तत्तत्पाकमुपैति च||३||
🔊 Audio coming soon
শশিলেক ব্যাখ্যা (ইন্দু কৃত)
পিত্তাত্ স্বহেতুতঃ কুপিতাচ্ছ্রোত্রস্রোতসি দোহাদিযুক্তং শূলং স্যাদিতি সম্বন্ধঃ| আশুপাকাদিকং চার্থাচ্ছ্রোত্রবিশেষণং বোদ্ধব্যম্| সুবোধম্| ইতি পিত্তকর্ণরোগলিঙ্গম্||৩||
Adhikarana কফকর্ণরোগঃ (৪) · Śloka ৪
কফাচ্ছিরোহনুগ্রীবাগৌরবং মন্দতা রুজঃ| কণ্ডূশ্বযথুরুষ্ণোচ্ছা পাকাচ্ছ্র্বেতঘনস্রুতিঃ||৪||
कफाच्छिरोहनुग्रीवागौरवं मन्दता रुजः| कण्डूश्वयथुरुष्णोच्छा पाकाच्छ्र्वेतघनस्रुतिः||४||
🔊 Audio coming soon
শশিলেক ব্যাখ্যা (ইন্দু কৃত)
কফাদিতি| প্রকরণাত্কর্ণরোগে শিরোগৌরবাদিকং লিঙ্গম্||৪||
Adhikarana রক্তকর্ণরোগঃ (৫) · Śloka ৫
করোতি শ্রবণে শূলমভিঘাতাদিদূষিতম্| রক্তং পিত্তসমানার্তি কিঞ্চিদ্বাধিকলক্ষণম্||৫||
करोति श्रवणे शूलमभिघातादिदूषितम्| रक्तं पित्तसमानार्ति किञ्चिद्वाधिकलक्षणम्||५||
🔊 Audio coming soon
শশিলেক ব্যাখ্যা (ইন্দু কৃত)
অভিঘাতাদিনা রক্তস্য কোপস্তেন দূষিতং রক্তং শ্রবণে কর্ণে শূলং করোতি| তচ্চ রক্তকর্ণরোগং পিত্তকর্ণরোগসমানলিঙ্গং ভবতি| ততোঽপি পিত্তাত্ কিঞ্চিদধিকলক্ষণমিতি রক্তকর্ণরোগঃ||৫||
Adhikarana সন্নিপাতকর্ণরোগঃ (৬) · Śloka ৬
শূলং সমুদিতৈর্দোষৈঃ সশোফজ্বরতীব্ররুক্| পর্যাযাদুষ্ণশীতেচ্ছং জাযেতে শ্রুতিজাড্যবত্| পক্বং সিতাসিতারক্তঘনপূযপ্রবাহি চ||৬||
शूलं समुदितैर्दोषैः सशोफज्वरतीव्ररुक्| पर्यायादुष्णशीतेच्छं जायेते श्रुतिजाड्यवत्| पक्वं सितासितारक्तघनपूयप्रवाहि च||६||
🔊 Audio coming soon
শশিলেক ব্যাখ্যা (ইন্দু কৃত)
সমুদিতৈঃ সন্নিপতিতৈর্দোষৈর্বাতাদিভিঃ শোফাদিযুক্তং শূলং শ্রোত্রে জাযতে| পর্যাযেণ নিরন্তরাবৃত্ত্যা উষ্ণোচ্ছা শীতেচ্ছা চ যস্মিন্ শূলে তত্পর্যাযাদুষ্ণশীতেচ্ছম্| পর্যাযাদেব শ্রুতিজাড্যবত্| তচ্চ শ্রোত্রং পক্বং সিতাসিতাদিগুণপূযপ্রবাহি ভবতীতি সন্নিপাতকর্ণরোগঃ||৬||
Adhikarana কর্ণনাদঃ (৭) · Śloka ৭
শব্দবাহিসিরাসংস্থে শ্রৃণোতি পবনে মুহুঃ| নাদানকস্মাদ্বিধান্ কর্ণনাদং বদন্তি তম্||৭||
शब्दवाहिसिरासंस्थे श्रृणोति पवने मुहुः| नादानकस्माद्विधान् कर्णनादं वदन्ति तम्||७||
🔊 Audio coming soon
শশিলেক ব্যাখ্যা (ইন্দু কৃত)
শব্দবহাসু সিরাসু কারণবিশেষবশাত্ স্থিতে পবনে পুরুষো মুহুঃ প্রতিক্ষণমকস্মাত্ কারণং বিনা বিবিধানসতো নাদান্ শ্রৃণোতি| তং কর্ণরোগং কর্ণনাদমিত্যাচার্যা বদন্তি||৭||
Adhikarana বধিরত্বম্ (৮) · Śloka ৮
শ্লেষ্মণানুগতো বাযুর্নাদো বা সমুপেক্ষিতঃ| উচ্চৈঃ কৃচ্ছ্রাচ্ছুতিং কুর্যাদ্বধিরত্বং ক্রমেণ চ||৮||
श्लेष्मणानुगतो वायुर्नादो वा समुपेक्षितः| उच्चैः कृच्छ्राच्छुतिं कुर्याद्बधिरत्वं क्रमेण च||८||
🔊 Audio coming soon
শশিলেক ব্যাখ্যা (ইন্দু কৃত)
শ্লেষ্মণা বাযুরনুগত উচ্চৈঃ কৃচ্ছ্রাচ্চ শ্রুতিং কুর্যাত্| অথবা কর্ণনাদাখ্যো রোগ উপেক্ষিতঃ সন্নেবং কুর্যাত্| উভযত্রাপি ক্রমেণ বধিরত্বমযং রোগঃ সপ্তমঃ||৮||
Adhikarana প্রতীনাহঃ (৯) · Śloka ৯
বাতেন শোষিতঃ শ্লেষ্মা স্রোতো লিম্পেত্ততো ভবেত্| রুগ্গৌরবং বিধানং চ সঃ প্রতীনাহসংজ্ঞিতঃ||৯||
वातेन शोषितः श्लेष्मा स्रोतो लिम्पेत्ततो भवेत्| रुग्गौरवं विधानं च सः प्रतीनाहसंज्ञितः||९||
🔊 Audio coming soon
শশিলেক ব্যাখ্যা (ইন্দু কৃত)
কারণবিশেষবশাদ্বাতেন শ্লেষ্মা শোষিতঃ সন্ কর্ণস্রোতো লিম্পেত্ততঃ স্রোতোলেপাত্ কর্ণে রুগাদিকং ভবেত্| স এবম্ভূতো রোগঃ সংজ্ঞযা প্রতীনাহঃ||৯||
Adhikarana কণ্ডূঃ শোফশ্চ (১০) · Śloka ১০
কণ্ডূশোফৌ কফাচ্ছ্রোত্রে স্থিরৌ তত্সংজ্ঞযা স্মৃতৌ||১০||
कण्डूशोफौ कफाच्छ्रोत्रे स्थिरौ तत्संज्ञया स्मृतौ||१०||
🔊 Audio coming soon
শশিলেক ব্যাখ্যা (ইন্দু কৃত)
কফাদ্ধেতোর্যৌ শ্রোত্রে স্থিরৌ কণ্ডূশোফৌ তৌ তত্সংজ্ঞযা কণ্ডূশোফাবিতি নাম্না স্মৃতাবাচার্যৈঃ| একঃ কণ্ডূঃ দ্বিতীযঃ শোফঃ||১০||
Adhikarana পূতিকর্ণকঃ (১১) · Śloka ১১
কফো বিদগ্ধঃ পিত্তেন সরুজং নীরুজং তথা| ধনপূতিবহুক্লেদং কুরুতে পূতিকর্ণকম্||১১||
कफो विदग्धः पित्तेन सरुजं नीरुजं तथा| धनपूतिबहुक्लेदं कुरुते पूतिकर्णकम्||११||
🔊 Audio coming soon
শশিলেক ব্যাখ্যা (ইন্দু কৃত)
পিত্তেন কর্ত্রা কফো বিদগ্ধঃ বিদাহাবস্থাং নীতঃ পূতিকর্ণাখ্যং রোগং কুরুতে| কিম্ভূতমিত্যাহ| সরুজং বা নীরুজং বা উভযথাপি ঘনপূতি বহুক্লেদম্||১১||
Adhikarana ক্রিমিকর্ণকঃ (১২) · Śloka ১২
বাতাদিদূষিতং শ্রোতং মাংসাসৃক্লেদজা রুজম্| খাদন্তো জন্তবঃ কুর্যস্তীব্রাং স ক্রিমিকর্ণকঃ||১২||
वातादिदूषितं श्रोतं मांसासृक्लेदजा रुजम्| खादन्तो जन्तवः कुर्यस्तीव्रां स क्रिमिकर्णकः||१२||
🔊 Audio coming soon
শশিলেক ব্যাখ্যা (ইন্দু কৃত)
জন্তবঃ ক্রিমযঃ খাদন্তো ভক্ষযন্তঃ প্রকরণাত্ কর্ণং তত্রৈব সম্ভবাত্তীব্রাং রুজং কুর্যুঃ| স রোগো নাম্না ক্রিমিকর্ণকঃ| কিম্ভূতা জন্তব আহ-বাতাদিভিঃ স্বকারণকুপিতৈর্দূষিতে যে শ্রোত্রসম্বন্ধিনী মাংসাসৃজী তযোর্বিক্লেদস্তজ্জাঃ||১২||
Adhikarana বিদ্রধ্যর্শোঽর্বুদানি (১৩) · Śloka ১৩
শ্রোত্রকণ্ডূযনাজ্জাতে ক্ষতে স্যাত্ পূর্বলক্ষণঃ| বিদ্রধিঃ পূর্ববচ্চান্যঃ শোফোঽর্শোর্বুদমীরিতম্| তেষু রুক্ পূতিকর্ণত্বং বধিরত্বং ক্রমেণ চ||১৩||
श्रोत्रकण्डूयनाज्जाते क्षते स्यात् पूर्वलक्षणः| विद्रधिः पूर्ववच्चान्यः शोफोऽर्शोर्बुदमीरितम्| तेषु रुक् पूतिकर्णत्वं बधिरत्वं क्रमेण च||१३||
🔊 Audio coming soon
শশিলেক ব্যাখ্যা (ইন্দু কৃত)
শ্রোতস্য কণ্ডূযনেন ক্ষতে ব্রণে জাতে সতি পূর্বলক্ষণস্তীব্ররূগ্রুপো বিদ্রধ্যাখ্যো রোগঃ স্যাত্| অন্যশ্চ বিদ্রধিঃ পূর্ববন্নিদানোক্তবিদ্রধিহেতুনা ভবত্যেষ চ বিদ্রধেরেব ভেদান্তরং তেন সংখ্যাযাং ন প্রবিশতি| শোফশ্চ যঃ কর্ণে স নাম্না একার্শ ঈরিতঃ দ্বিতীযোঽর্বুদং এবমেতৌ দ্বৌ রোগাবেকীকৃত্য পূর্বৈঃ সহ পঞ্চদশ তু ভবন্তি| তেষু চানান্তরোক্তেষু বিদ্রধ্যর্শোঽর্বুদেষু ক্রমেণ যথাসঙ্খ্যং রুগাদিত্রযং জাযতে| বধিরত্বং চ জাযতে ( ইতি চ পাঠঃ )||১৩||
Adhikarana কূচিকর্ণকঃ (১৪) · Śloka ১৪
গর্ভেঽনিলাত্ সঙ্কুচিতা শষ্কুলী কূচিকর্ণকঃ||১৪||
गर्भेऽनिलात् सङ्कुचिता शष्कुली कूचिकर्णकः||१४||
🔊 Audio coming soon
শশিলেক ব্যাখ্যা (ইন্দু কৃত)
গর্ভাবস্থাযামনিলাদ্ধেতোর্গর্ভানিলাত্ শষ্কুলী সঙ্কুচিতা স রোগে নাম্না কূচিকর্ণকঃ||১৪||
Adhikarana পিপ্পলী (১৫) · Śloka ১৫
একো নীরুগনেকো বা গর্ভে মাংসাঙ্কুরঃ স্থিরঃ| পিপ্পলী পিপ্পলীমানঃ||১৫||
एको नीरुगनेको वा गर्भे मांसाङ्कुरः स्थिरः| पिप्पली पिप्पलीमानः||१५||
🔊 Audio coming soon
শশিলেক ব্যাখ্যা (ইন্দু কৃত)
গর্ভাবস্থাযামেব কর্ণে একো বাঽনেকো বা স্থিরঃ পিপ্পলীপ্রমাণো যো মাংসাঙ্কুরঃ স নাম্না পিপ্পলী ||১৫||
Adhikarana বিদারিকা (১৬) · Śloka ১৬
সন্নিপাতাদ্বিদারিকা| সবর্ণঃ সরুজঃ স্তব্ধঃ শ্বযথুঃ স উপেক্ষিতঃ| কটুতৈলনিভং পক্বঃ স্রবেত্ কৃচ্ছ্রেণ রোহতি| সঙ্কোচযতি রূঢা চ সা ধ্রুবং কর্ণশষ্কুলীম্||১৬||
सन्निपाताद्विदारिका| सवर्णः सरुजः स्तब्धः श्वयथुः स उपेक्षितः| कटुतैलनिभं पक्वः स्रवेत् कृच्छ्रेण रोहति| सङ्कोचयति रूढा च सा ध्रुवं कर्णशष्कुलीम्||१६||
🔊 Audio coming soon
শশিলেক ব্যাখ্যা (ইন্দু কৃত)
সন্নিপাতাদ্ধেতোর্যঃ শ্বযথুঃ সবর্ণাদিগুণ উপেক্ষিতশ্চ পক্বঃ সন্ কটুতৈলনিভং তত্সদৃশং স্রাবং স্রবেত্ কৃচ্ছ্রেণ রোহতি বহুকালপ্রযুক্তভৈষজ্যসংস্কারাদ্রূঢো ভবতি| সঃ শ্বযথুর্বিদারিকা নাম রোগঃ| সা চ বিদারিকা রূঢা লব্ধাস্পদা সতী ধ্রুবমবশ্যং কর্ণশষুলীং সঙ্কোচযতি||১৬||
Adhikarana পালীশোষঃ (১৭) · Śloka ১৭
সিরাস্থঃ কুরুতে বাযুঃ পালীশোষং তদাহ্বযম্||১৭||
सिरास्थः कुरुते वायुः पालीशोषं तदाह्वयम्||१७||
🔊 Audio coming soon
শশিলেক ব্যাখ্যা (ইন্দু কৃত)
কর্ণসিরাস্থো বাযুঃ পাল্যাং শোষং নাম্না পালীশোষসংজ্ঞং কুরুতে||১৭||
Adhikarana তন্ত্রিকা (১৮) · Śloka ১৮
কৃশা দৃঢা চ তন্ত্রীবত্পালী বাতেন তন্ত্রিকা||১৮||
कृशा दृढा च तन्त्रीवत्पाली वातेन तन्त्रिका||१८||
🔊 Audio coming soon
শশিলেক ব্যাখ্যা (ইন্দু কৃত)
বাতেন পালী বীণাতন্ত্রীবত্ কৃশা দৃঢা চ ভবতি; স তন্ত্রিকা নাম রোগঃ||১৮||
Adhikarana পারিপোটঃ (১৯) · Śloka ১৯
সুকুমারে চিরোত্সর্গাত্ সহসৈব প্রবর্ধতে| কর্ণে শোফঃ সরুক্পাল্যামরুণঃ পরিপোটবান্| পরিপোটশ্চ পবনাত্||১৯||
सुकुमारे चिरोत्सर्गात् सहसैव प्रवर्धते| कर्णे शोफः सरुक्पाल्यामरुणः परिपोटवान्| परिपोटश्च पवनात्||१९||
🔊 Audio coming soon
শশিলেক ব্যাখ্যা (ইন্দু কৃত)
সুকুমারে কর্ণে বহুকালমুপেক্ষ্য ঝটিতি প্রকর্ষেণ বর্ধিতে অরুণঃ পরিপোটবাংশ্চ সরুক্পাল্যাং শোফঃ স্যাত্| পরিপোটশ্চর্মদরণম্| স রোগঃ পবনাদ্ধেতোর্ভবতি| নাম্না পরিপোটঃ||১৯||
Adhikarana উত্পাতঃ (২০) · Śloka ২০
উত্পাতঃ পিত্তশোণিতাত্| গুর্বাভরণভারাদ্যৈঃ শ্যাবো রুগ্দাহপাকবান্| শ্বযথুঃ স্ফোটপিটকারাগোষাক্লেদসংযুতঃ||২০||
उत्पातः पित्तशोणितात्| गुर्वाभरणभाराद्यैः श्यावो रुग्दाहपाकवान्| श्वयथुः स्फोटपिटकारागोषाक्लेदसंयुतः||२०||
🔊 Audio coming soon
শশিলেক ব্যাখ্যা (ইন্দু কৃত)
গুর্বাভরণভারাদ্যৈঃ প্রকুপিতাত্ পিত্তশোণিতাত্ শ্যাবাদিগুণঃ স্ফোটাদিসংযুক্তশ্চ যঃ শ্বযথুঃ স উত্পাতো নাম রোগঃ|| ২০||
Adhikarana উন্মন্থঃ (২১) · Śloka ২১
পাল্যাং শোফোঽনিলকফাত্সর্বতো নির্ব্যথঃ স্থিরঃ| স্তব্ধঃ সবর্ণঃ কণ্ডূমানুন্মন্থো গল্লিরশ্চ সঃ||২১||
पाल्यां शोफोऽनिलकफात्सर्वतो निर्व्यथः स्थिरः| स्तब्धः सवर्णः कण्डूमानुन्मन्थो गल्लिरश्च सः||२१||
🔊 Audio coming soon
শশিলেক ব্যাখ্যা (ইন্দু কৃত)
অনিলকফাদ্ধেতোঃ পাল্যাং সর্বতোদিক্কং নির্যথাদিগুণঃ শোফো ভবতি; স রোগো নাম্না উন্মন্থো গল্লিরশ্চ্যোচ্যতে||২১||
Adhikarana দুঃখবর্ধনঃ (২২) · Śloka ২২
দুর্বিদ্ধে বর্ধিতে কর্ণে সকণ্ডূদাহপাকরুক্| শ্বযথুঃ সন্নিপাতোত্থঃ স নাম্না দুঃখবর্ধনঃ||২২||
दुर्विद्धे वर्धिते कर्णे सकण्डूदाहपाकरुक्| श्वयथुः सन्निपातोत्थः स नाम्ना दुःखवर्धनः||२२||
🔊 Audio coming soon
শশিলেক ব্যাখ্যা (ইন্দু কৃত)
যশ্চ কর্ণো দুর্বিদ্ধঃ সন্ বর্ধিতস্তস্মিন্ যঃ কণ্ড্বাদিগুণঃ সন্নিপাতোত্থঃ শ্বযথুঃ স নাম্না দুঃখবর্ধনঃ||২২||
Adhikarana লিহ্যাখ্যাঃ পিটকাঃ (২৩) · Śloka ২৩
কফাসৃক্কৃমিজাঃ সূক্ষ্মাঃ সকণ্ডূক্লেদবেদনাঃ| লিহ্যাখ্যাঃ পিটকাস্তা হি লিহ্যুঃ পালীমুপেক্ষিতাঃ||২৩||
कफासृक्कृमिजाः सूक्ष्माः सकण्डूक्लेदवेदनाः| लिह्याख्याः पिटकास्ता हि लिह्युः पालीमुपेक्षिताः||२३||
🔊 Audio coming soon
শশিলেক ব্যাখ্যা (ইন্দু কৃত)
কফাদিজাঃ কণ্ড্বাদিযুক্তাঃ পিটকা নাম্না লিহ্যাখ্যাস্তা হ্যুপেক্ষিতাঃ পালীং লিহ্যুঃ শোষযেযুরিত্যর্থঃ||২৩||
Adhikarana সাধ্যাসাধ্যতা (২৪) · Śloka ২৪
পিপ্পলী সর্বজং শূলং বিদারী কূচিকর্ণকঃ| এষামসাধ্যা যাপ্যৈকা তন্ত্রিকান্যাংস্তু সাধযেত্||২৪||
पिप्पली सर्वजं शूलं विदारी कूचिकर्णकः| एषामसाध्या याप्यैका तन्त्रिकान्यांस्तु साधयेत्||२४||
🔊 Audio coming soon
শশিলেক ব্যাখ্যা (ইন্দু কৃত)
এষাং কর্ণরোগাণাং মধ্যে পিপ্পল্যাদিচতুষ্টযমসাধ্যম্| একা তন্ত্রিকৈব যাপ্যা| শেষান্ ধারযেত্||২৪||
Adhikarana কর্ণরোগাসঙ্খ্যানম্ (২৫-২০) · Śloka ২০
পঞ্চবিংশতিরিত্যুক্তাঃ কর্ণরোগা বিভাগতঃ||২৫|| ইতি বৈদ্যপতিসিংহগুপ্তস্য সূনোর্বাগ্ভটস্য কৃতাবষ্টাঙ্গসংগ্রহসংহিতাযামুত্তরতন্ত্রে কর্ণরোগবিজ্ঞানীযো নামৈকবিংশোঽধ্যাযঃ||২১|| ইতি বৈদ্যপতিসিংহগুপ্তস্য সূনোর্বাগ্ভটস্য কৃতাবষ্টাঙ্গসংগ্রহসংহিতাযামুত্তরতন্ত্রে কর্ণরোগবিজ্ঞানীযো নামৈকবিংশোঽধ্যাযঃ||২০||
पञ्चविंशतिरित्युक्ताः कर्णरोगा विभागतः||२५|| इति वैद्यपतिसिंहगुप्तस्य सूनोर्वाग्भटस्य कृतावष्टाङ्गसंग्रहसंहितायामुत्तरतन्त्रे कर्णरोगविज्ञानीयो नामैकविंशोऽध्यायः||२१|| इति वैद्यपतिसिंहगुप्तस्य सूनोर्वाग्भटस्य कृतावष्टाङ्गसंग्रहसंहितायामुत्तरतन्त्रे कर्णरोगविज्ञानीयो नामैकविंशोऽध्यायः||२०||
🔊 Audio coming soon
শশিলেক ব্যাখ্যা (ইন্দু কৃত)
ইত্যনন্তরোক্তেন প্রকারেণ বাতকর্ণরোগ, পিত্তকর্ণরোগ, কফকর্ণরোগ, রক্তকর্ণরোগ, সন্নিপাতকর্ণরোগ, কর্ণনাদ, বধিরত্ব, প্রতীনাহ, কণ্ডূ, শোফ, পূতিকর্ণক, ক্রিমিকর্ণক, উভযরূপবিদ্রধ্যর্শোর্বুদ, কূচিকর্ণক, পিপ্পলী, বিদারিকা, পালীশোষ, তন্ত্রিকা, পরিপোটোত্পাতোন্মন্থ, দুঃখবর্ধন, লিহ্যাখ্যাঃ পঞ্চবিংশতিকর্ণরোগা উক্তাঃ||২৫|| ইতি শ্রীমন্মহামহোপাধ্যাযেন্দুবিরচিতাযামষ্টাঙ্গসংগ্রহব্যাখ্যাযাং শশিলেখাযামুত্তরতন্ত্রে একবিংশোঽধ্যাযঃ