Adhikarana অথ বিরুদ্ধান্নবিজ্ঞানীযো নাম নবমোঽধ্যাযঃ প্রতিজ্ঞা (১) · Śloka ১
অথাতো বিরুদ্ধান্নবিজ্ঞানীযমধ্যাযং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ||১||
अथातो विरुद्धान्नविज्ञानीयमध्यायं व्याख्यास्यामः| इति ह स्माहुरात्रेयादयो महर्षयः||१||
🔊 Audio coming soon
শশিলেক ব্যাখ্যা (ইন্দু কৃত)
আহারস্য প্রসক্তত্বাদ্বিরুদ্ধস্য চ তস্য গরসদৃশত্বাত্তত্প্রসঙ্গ এবেদমুচ্যতে- অথাত ইতি|| ১||
Adhikarana গ্রাম্যমাংসানাং মধুগুডাদিভিঃ সহ ভক্ষণে নিষেধঃ (২) · Śloka ২
গ্রাম্যানূপৌদকপিশিতানি, মধুগুডতিলপযোমাষমূলকবিসৈর্বিরূঢধান্যৈশ্চ নৈকধ্যমদ্যাত্||২||
ग्राम्यानूपौदकपिशितानि, मधुगुडतिलपयोमाषमूलकबिसैर्विरूढधान्यैश्च नैकध्यमद्यात्||२||
🔊 Audio coming soon
শশিলেক ব্যাখ্যা (ইন্দু কৃত)
আনূপানাং প্রাণিনামৌদকানাং চ জলজানাং পিশিতানি মাংসানি মাক্ষিকাদিভিরৈকধ্যং সহ নাদ্যাত্| ঔদকানামানূপত্বেঽপি বিরোধপ্রাধান্যাত্পৃথগ্গ্রহণম্| বিরূঢধান্যমঙ্কুরিতানি সস্যানি|| ২||
Adhikarana পযসা সহ মত্স্যভক্ষণে নিষেধঃ (৩) · Śloka ৩
বিশেষতঃ পযসা মত্স্যান্| উভযং হ্যেতন্মধুরসবিপাকিত্বাদভিষ্যন্দি, শীতোষ্ণবীর্যত্বাত্পরস্পরং বিরুদ্ধম্||৩||
विशेषतः पयसा मत्स्यान्| उभयं ह्येतन्मधुरसविपाकित्वादभिष्यन्दि, शीतोष्णवीर्यत्वात्परस्परं विरुद्धम्||३||
🔊 Audio coming soon
শশিলেক ব্যাখ্যা (ইন্দু কৃত)
পযসা ক্ষীরেণ সহ বিশেষান্মত্স্যান্নাদ্যাত্| এতদুভযমভিষ্যন্দি বীর্যবিরুদ্ধং চ|| ৩||
Adhikarana পযসা সহ বিশেষেণ চিলিচিমস্য ভক্ষণে নিষেধঃ চিলিচিমলক্ষণঞ্চ (৪) · Śloka ৪
তেষ্বপি বিশেষেণ চিলিচিমঃ| স পুনঃ শকলী লোহিতনযনঃ সর্বতো লোহিতরাজির্লোহিতপ্রভাকরঃ প্রাযো ভূমৌ চরতি, সোঽত্যভিষ্যন্দিতমত্বাত্ সুতরাং ব্যাধীনুপজনযত্যামবিষং চ||৪||
तेष्वपि विशेषेण चिलिचिमः| स पुनः शकली लोहितनयनः सर्वतो लोहितराजिर्लोहितप्रभाकरः प्रायो भूमौ चरति, सोऽत्यभिष्यन्दितमत्वात् सुतरां व्याधीनुपजनयत्यामविषं च||४||
🔊 Audio coming soon
শশিলেক ব্যাখ্যা (ইন্দু কৃত)
তেষ্বপি মত্স্যেষু মধ্যে বিশেষেণ চিলিচিমঃ পযসা সহ বিশেষেণ নাদ্যাত্| স পুনশ্চিলিচিমঃ শকল্যাখ্যো লোহিতনেত্রঃ সর্বতঃ শরীরে লোহিতরাজিঃ শরীরে চ লোহিতশকলসদৃশঃ প্রাযশ্চ জলনিকটভূমৌ চরতি| সোঽত্যভিষ্যন্দিতমত্বাত্ সুতরাং ব্যাধীনুপজনযতি| অভিষ্যন্দি মালিন্যেন স্রোতসাং স্রাবকম্| আমবিষং মাত্রাশিতীযে বক্ষ্যতে|| ৪||
Adhikarana সর্বমম্লদ্রব্যং কঙ্গ্বাদযশ্চ পযসা সহ বিরুদ্ধ্যন্তে (৫) · Śloka ৫
সর্বঞ্চাম্লং দ্রবমদ্রবং পযসৈকধ্যং বিরুদ্ধম্| তত উত্তরং বা বিরুদ্ধং ফলঞ্চ কঙ্গুবরকমকুষ্ঠকুলত্থমাষনিষ্পাবাশ্চ||৫||
सर्वञ्चाम्लं द्रवमद्रवं पयसैकध्यं विरुद्धम्| तत उत्तरं वा विरुद्धं फलञ्च कङ्गुवरकमकुष्ठकुलत्थमाषनिष्पावाश्च||५||
🔊 Audio coming soon
শশিলেক ব্যাখ্যা (ইন্দু কৃত)
সর্বং চাম্লং মদ্যধান্যাম্লাদি পযসা সহ ততঃ পযসো বা উত্তরং বিরুদ্ধম্| ফলং চান্যরসমপি পযসা সহ ততো বা উত্তরং বিরুদ্ধম্| কঙ্গ্বাদযশ্চ পযসা সহ ততো বা উত্তরং বিরুদ্ধাঃ|| ৫||
Adhikarana মূলকাদিহরিতকভক্ষণোত্তরং পযঃ ন সেব্যম্ (৬) · Śloka ৬
ন মূলকাদিরহিতং ভক্ষযিত্বা পযঃ সেব্যং কুষ্ঠাবাধভযাত্||৬||
न मूलकादिरहितं भक्षयित्वा पयः सेव्यं कुष्ठाबाधभयात्||६||
🔊 Audio coming soon
শশিলেক ব্যাখ্যা (ইন্দু কৃত)
মূলককুঠেরাদি হরিতকং ভক্ষযিত্বা ন পযঃ সেব্যং, কুষ্ঠাবাধভযাত্|| ৬||
Adhikarana ক্ষীরমধুভ্যাং বিরুদ্ধানি দ্রব্যাণি (৭) · Śloka ৭
পৌষ্করং রৌহিণীকং জাতুকং বা শাকং সহ মধুপযোভ্যাং নাভ্যবহরেত্| তাভ্যাঞ্চ সহ কপোতান্ সর্ষপতৈলভৃষ্টান্||৭||
पौष्करं रौहिणीकं जातुकं वा शाकं सह मधुपयोभ्यां नाभ्यवहरेत्| ताभ्याञ्च सह कपोतान् सर्षपतैलभृष्टान्||७||
🔊 Audio coming soon
শশিলেক ব্যাখ্যা (ইন্দু কৃত)
পৌষ্করাদিশাকং ক্ষীরমাক্ষিকাভ্যাং মিশ্রাভ্যাং সহ নাভ্যবহরেত্| তথা সার্ষপতৈলেন ভৃষ্টান্ কপোতাংস্তাভ্যাং মধুক্ষীরাভ্যাং সহ নাভ্যবহরেত্|| ৭||
Adhikarana সর্ষপতৈলভৃষ্টানি মত্স্যবরাহমাংসানি বিরুদ্ধানি (৮) · Śloka ৮
তথা সর্ষপতৈলভৃষ্টানাং মত্স্যবদরাণাং বদরাণি শ্বাবিদ্বরাহমাংসং চৈকধ্যং পিত্তেনামমাংসানি||৮||
तथा सर्षपतैलभृष्टानां मत्स्यबदराणां बदराणि श्वाविद्वराहमांसं चैकध्यं पित्तेनाममांसानि||८||
🔊 Audio coming soon
শশিলেক ব্যাখ্যা (ইন্দু কৃত)
তথা সার্ষপতৈলভৃষ্টানাং মত্স্যবদরাণাং সম্বন্ধীনি মাংসানি বিরুদ্ধানি| বদরাণি শ্বাবিন্মাংসং বরাহমাংসেন সহ বিরুদ্ধম্|| ৮||
Adhikarana সংযোগবিরুদ্ধানি (৯) · Śloka ৯
দধ্না কুক্কুটং পৃষতং চ| কুসুম্ভশাকেনৌরভ্রম্| সৌবীরকেণ তিলশষ্কুলীঃ| ক্ষীরেণ লবণম্| মূলকেন মাষসূপম্| নবনীতেন মূলশাকম্| উপোদকাং মৈরেযমার্দ্বীকাভ্যাম্| পীলূনি করীরৈঃ| বিসৈর্বিরূঢকানি| দধ্না মাষসূপেন গুডেন মধুনা ঘৃতেন বা লকুচ ফলম্| দধ্না তক্রেণ তালফলেন বা কদলীফলম্| পিপ্পলীমরিচাভ্যাং, মধুনা গুডেন বা কাকমাচীং||৯||
दध्ना कुक्कुटं पृषतं च| कुसुम्भशाकेनौरभ्रम्| सौवीरकेण तिलशष्कुलीः| क्षीरेण लवणम्| मूलकेन माषसूपम्| नवनीतेन मूलशाकम्| उपोदकां मैरेयमार्द्वीकाभ्याम्| पीलूनि करीरैः| बिसैर्विरूढकानि| दध्ना माषसूपेन गुडेन मधुना घृतेन वा लकुच फलम्| दध्ना तक्रेण तालफलेन वा कदलीफलम्| पिप्पलीमरिचाभ्यां, मधुना गुडेन वा काकमाचीं||९||
🔊 Audio coming soon
শশিলেক ব্যাখ্যা (ইন্দু কৃত)
অপক্বান্যপরিপূর্ণপাকানি মাংসানি পিত্তেন সহ ভুক্তানি বিরুদ্ধানি| দধ্না সহ কুক্কুটো বিরুদ্ধঃ পৃষতশ্চ| কুসুম্ভশাকেন ঔরভ্রং মাংসং বিরুদ্ধম্, উরভ্রো মেষঃ| তথা সৌবীরেণ কাঞ্জিকেন সহ তিলশষ্কুলী বিরুদ্ধা| ক্ষীরেণ সহ লবণং বিরুদ্ধম্| দধ্যাদীনামন্যতমেন লকুচ ফলম্| পুনশ্চ দধ্যাদীনামন্যতমেন কদলীফলম্| পিপ্পলীমরিচাভ্যাং মিশ্রাভ্যাং কেবলেনৈব বা মধুনাথবা গুডেন সহ কাকমাচীং বিরোধাত্ত্যজেত্|| ৯||
Adhikarana কাকমাচ্যা সংস্কারাদিভির্বিরোধঃ (১০) · Śloka ১০
তামেব মত্স্যপচনে শৃঙ্গিবেরপচনে বা ভাজনে সিদ্ধামন্যত্র বা সিদ্ধাং রাত্রিমুষিতাম্||১০||
तामेव मत्स्यपचने शृङ्गिवेरपचने वा भाजने सिद्धामन्यत्र वा सिद्धां रात्रिमुषिताम्||१०||
🔊 Audio coming soon
শশিলেক ব্যাখ্যা (ইন্দু কৃত)
তথা তামেব কাকমাচীং শৃঙ্গিবেরপচনে ভাজনে মত্স্যপচনে বা সিদ্ধাং পক্বাং কেবলামপি নাভ্যবহরেত্| অন্যস্মিন্ বা যথারুচি ভাজনে সিদ্ধাং নিশামুষিতাং নাভ্যবহরেত্|| ১০||
Adhikarana কাংস্যভাজনে দশরাত্রস্থিতং সর্পির্ন সেব্যম্ (১১) · Śloka ১১
কাংস্যভাজনে দশরাত্রোষিতং সর্পিঃ||১১||
कांस्यभाजने दशरात्रोषितं सर्पिः||११||
🔊 Audio coming soon
শশিলেক ব্যাখ্যা (ইন্দু কৃত)
কাংস্যভাজনে দশরাত্রস্থিতং ঘৃতং নাভ্যবহরেত্| যাবদ্দশরাত্রং তাবন্ন বিরোধঃ ততো বিরোধ ইত্যর্থঃ|| ১১||
Adhikarana সংযোগসংস্কারাদি বিরুদ্ধানি (১২) · Śloka ১২
মদ্যদধিমধুভল্লাতকেষু চোষ্ণম্| তক্রসিদ্ধকাসম্পিল্লকো বিরুদ্ধঃ| অঙ্গারশূল্যো ভাসঃ| সুরাকৃসরাপাযসাশ্চৈকধ্যং বিরুদ্ধাঃ| মধুসর্পির্বসাতৈলোদকানি সমধৃতানি দ্বিশস্ত্রিশঃ সমস্তানি বা| মধুঘৃতে ভিন্নাংশে দিব্যোদকানুপানে| মধুপুষ্করবীজম্| পদ্মোত্তরিকাশাকং শার্করো মৈরেযো মধু চ সহোপযুক্তং সর্বে বিরুদ্ধম্; বাতং চাতিকোপযতি| হারিদ্রকঃ সর্ষপতৈলভৃষ্টো বিরুদ্ধঃ| পিত্তং চাতিকোপযতি| পাযসো মন্থানুপানো বিরুদ্ধঃ| শ্লেষ্মাণং চাতিকোপযতি| উপোদকা তিলকল্কসিদ্ধা হেতুরতীসারস্য| বলাকা বারুণ্যা কুল্মাষৈশ্চ বিরুদ্ধা| সৈব বরাহবসযা পরিভৃষ্টো সদ্যো ব্যাপাদযতি| গোধালাবতিত্তিরিমযূরকপিঞ্জলাশ্চৈরণ্ডদার্বগ্নিসিদ্ধা এরণ্ডতৈলসম্মূর্চ্ছিতাঃ| হারীতমাংসং হরিদ্রশূলকাবসকং হারিদ্রাগ্নিপ্লুষ্টং চ| তদেব ভস্মপাংসুপরিধ্বস্তং সক্ষৌদ্রং চ| তথা মত্স্যনিস্তালিতস্নেহসাধিতাঃ পিপ্পল্যঃ||১২||
मद्यदधिमधुभल्लातकेषु चोष्णम्| तक्रसिद्धकासम्पिल्लको विरुद्धः| अङ्गारशूल्यो भासः| सुराकृसरापायसाश्चैकध्यं विरुद्धाः| मधुसर्पिर्वसातैलोदकानि समधृतानि द्विशस्त्रिशः समस्तानि वा| मधुघृते भिन्नांशे दिव्योदकानुपाने| मधुपुष्करबीजम्| पद्मोत्तरिकाशाकं शार्करो मैरेयो मधु च सहोपयुक्तं सर्वे विरुद्धम्; वातं चातिकोपयति| हारिद्रकः सर्षपतैलभृष्टो विरुद्धः| पित्तं चातिकोपयति| पायसो मन्थानुपानो विरुद्धः| श्लेष्माणं चातिकोपयति| उपोदका तिलकल्कसिद्धा हेतुरतीसारस्य| बलाका वारुण्या कुल्माषैश्च विरुद्धा| सैव वराहवसया परिभृष्टो सद्यो व्यापादयति| गोधालावतित्तिरिमयूरकपिञ्जलाश्चैरण्डदार्वग्निसिद्धा एरण्डतैलसम्मूर्च्छिताः| हारीतमांसं हरिद्रशूलकावसकं हारिद्राग्निप्लुष्टं च| तदेव भस्मपांसुपरिध्वस्तं सक्षौद्रं च| तथा मत्स्यनिस्तालितस्नेहसाधिताः पिप्पल्यः||१२||
🔊 Audio coming soon
শশিলেক ব্যাখ্যা (ইন্দু কৃত)
মদ্যাদিষূপযুক্তেষু উষ্ণং সর্বং বিরুদ্ধম্| তক্রেণ পক্বঃ কম্পিল্লকো বিরুদ্ধঃ| অঙ্গারেষু শূলেন সংস্কৃতো ভাসঃ পক্ষী বিরুদ্ধঃ| সুরাদীংশ্চ পরস্পরং সহ নাভ্যবহরেত্| মধ্বাদীনাং দ্বৌ দ্বৌ বা ত্রীস্ত্রীন্বা সমঘৃতত্বেন সমেন পরস্পরং প্রমাণেন নাভ্যবহরেত্| সমস্তানি বা মধ্বাদীনি সমপ্রমাণানি নাভ্যবহরেত্| তথা বিষধৃতে অপি মধুঘৃতে দিব্যোদকানুপানে বিরুদ্ধে| মাক্ষিকং পদ্মবীজং চ সহ বিরুদ্ধম্| পদ্মোত্তরিকাশাদীনি চ পরস্পরং বিরুদ্ধানি, বাতকোপনানি চ| পদ্মোত্তরিকা কুসুম্ভঃ, শার্করমৈরেযৌ মদ্যবিশেষৌ| একঃ শর্করযা ক্রিযতে| দ্বিতীযঃ খর্জ্জূরাসবঃ| হারিদ্রঃ সর্ষপতৈলভৃষ্টো বিরুদ্ধঃ| হারিদ্রো নাম ভূপ্রসবঃ কন্দরূপঃ| স চৈবং পিত্তকোপনঃ পযসা সংস্কৃত ওদনো মন্থানুপানো বিরুদ্ধোঽনিলশ্লেষ্মকোপনশ্চ| উপোদকাং তিলকল্কেন সিদ্ধামতীসারহেতুত্বান্নাভ্যবহরেত্| বলাকা বারুণ্যা সুরযা সহ বিরুদ্ধা, কুল্মাষো নাতিস্বিন্নানি সস্যানি| সৈব চ বলাকা সূকরবসযা সমন্তাত্ বহুভৃষ্টা সদ্য এব মারযতি| গোধাদযশ্চৈরণ্ডদার্বগ্নিসিদ্ধাস্তথা তেনৈবৈরণ্ডতৈলেন সহ মূর্চ্ছিতা বহুনা ভৃষ্টা ইত্যর্থঃ| হারীতস্য পক্ষিবিশেষস্য মাংসং হরিদ্রাদারুসীসকাযাং শূলে আসক্তং হরিদ্রাগ্নিপক্বং চ বিরুদ্ধম্| তথা তদেব হারীতমাংসং ভস্মনা পাংসুভিশ্চ ধ্বস্তং সত্ সমাক্ষিকং বিরুদ্ধম্| মত্স্যনিস্তালনেন স্নেহেন যেন মত্স্যা নিস্তালিতাস্তেন সিদ্ধাঃ পিপ্পল্যো বিরুদ্ধাঃ|| ১২||
Adhikarana শীতোষ্ণনবপুরাণাদীনি সম্মিলিতানি ন সেব্যানি (১৩) · Śloka ১৩
শীতোষ্ণং নবপুরাণমামপক্বঞ্চ নৈকমৈকধ্যমদ্যাত্||১৩||
शीतोष्णं नवपुराणमामपक्वञ्च नैकमैकध्यमद्यात्||१३||
🔊 Audio coming soon
শশিলেক ব্যাখ্যা (ইন্দু কৃত)
সামান্যেন স্পর্শেন বা বীর্যেণ বা শীতমুষ্ণং চ সহ নাদ্যাত্| তথা নবং পুরাণং চ শালিদ্রব্যাদি সহ নাদ্যাত্| আমং পক্বং চাহারদ্রব্যং সহ নাদ্যাত্| শীতমুষ্ণেনৈব| নবং পুরাণেনৈবামং পক্বের্নৈব| ইত্যেকশব্দার্থঃ| হরিতকফলাদীনাং তথাবিধোপযোগাদেব ন বিরোধঃ|| ১৩||
Adhikarana উষ্ণাভিতপ্তস্য সহসা সলিলাবগাহাদিনিষেধঃ (১৪) · Śloka ১৪
সলিলাবগাহঃ সহসোষ্ণাভিতপ্তস্য ত্বগ্দৃষ্ট্যোরুপপাতায| তৃষ্ণাভিপ্রবৃদ্ধযে চ| তথৈব চ পযঃপানং রক্তপিত্তায||১৪||
सलिलावगाहः सहसोष्णाभितप्तस्य त्वग्दृष्ट्योरुपपाताय| तृष्णाभिप्रवृद्धये च| तथैव च पयःपानं रक्तपित्ताय||१४||
🔊 Audio coming soon
শশিলেক ব্যাখ্যা (ইন্দু কৃত)
উষ্ণেনাঽঽতপাগ্ন্যাদিনা তপ্তস্য সহসা তত্কালমেব সলিলাবগাহো জলমজ্জনং ত্বচো দৃষ্টেশ্চ নাশনং, তৃষ্ণাযাশ্চাতিবৃদ্ধিং করোতি তথৈবোষ্ণাভিতপ্তস্য সহসা পযঃপানং রক্তপিত্তায|| ১৪||
Adhikarana শ্রান্তস্য সহসা ভোজনে দোষঃ (১৫) · Śloka ১৫
শরীরেণাযস্তস্য সহসাঽভ্যবহারঃ ছর্দিষে গুল্মায বা| বাচা ত্বাযস্তস্য স্বরসাদায||১৫||
शरीरेणायस्तस्य सहसाऽभ्यवहारः छर्दिषे गुल्माय वा| वाचा त्वायस्तस्य स्वरसादाय||१५||
🔊 Audio coming soon
শশিলেক ব্যাখ্যা (ইন্দু কৃত)
শরীরেণাযস্তস্য উত্পন্নশ্রমস্য ভোজনং ছর্দিষে গুল্মায বা| বাচা তূত্পন্নশ্রমস্য ভোজনং স্বরসাদায ভবতি|| ১৫||
Adhikarana প্রকরণোপসংহারঃ (১৬) · Śloka ১৬
ইত্যন্নপানদ্রব্যবিরোধৈকদেশো বাহুল্যেনোপযোগী কথিতঃ| ভেষজদ্রব্যাণান্তু যথোপদেশমেব প্রযোগে ন্যায্যতরঃ| তদ্বিরোধঃ পুনরতিপ্রসঙ্গভযান্নোক্তঃ| ন চ তদ্বিজ্ঞানমেকান্তভদ্রকম্||১৬||
इत्यन्नपानद्रव्यविरोधैकदेशो बाहुल्येनोपयोगी कथितः| भेषजद्रव्याणान्तु यथोपदेशमेव प्रयोगे न्याय्यतरः| तद्विरोधः पुनरतिप्रसङ्गभयान्नोक्तः| न च तद्विज्ञानमेकान्तभद्रकम्||१६||
🔊 Audio coming soon
শশিলেক ব্যাখ্যা (ইন্দু কৃত)
ইত্যনেন প্রকারেণান্নপানদ্রব্যাণাং বিরোধৈকদেশঃ কথিতঃ| যো বাহুল্যেনোপযুজ্যতে| অন্যত্স্বযমূহ্যম্| ভেষজদ্রব্যাণাং গুডূচ্যাদীনাং বিদ্যমানোঽপি বিরোধোঽতিপ্রসঙ্গভযোন্নোক্তঃ| ননু চাজ্ঞাতবিরোধাবিরোধানাং কথং তেষাং প্রযোগ ইত্যাহ- যথোপদেশমেব তেষাং প্রযোগো ন্যায্যতরঃ| তেনৈতদুক্তং ভবতি| ভেষজদ্রব্যাণাং যত্র স্ববুদ্ধ্যা সংযোগকল্পনা ক্রিযতে তত্র শাস্ত্রানুগমনেন প্রযোগো ন্যায্যতর ইতি| ন চ তদ্বিজ্ঞানং ভেষজদ্রব্যবিরোধবিজ্ঞানমেকান্তভদ্রকং ন ভদ্রকমেবেত্যর্থঃ| যতস্তেষাং বিরোধে জ্ঞাতে সংযোগকল্পনাযাং স্বল্পমতির্ভিষক্ কদাচিন্মুহ্যতি যতোঽবশ্যং কেনচিদংশেন কশ্চিত্ কেনচিদ্বিরুধ্যতে অতঃ| এতচ্চ বুধ্যমানো ভিষক্ শাস্ত্রান্বযিনমপ্যূহং কর্তুং ন শক্নোতি| যত্র তু শাস্ত্রং বহু প্রবিশতি তথাবিধ ঊহঃ কার্য এব| তস্মাদ্যথোপদেশমেব প্রযোগো ন্যায্যতরঃ| ঊহো যথাশক্তি শাস্ত্রানুগমনেন কার্যঃ|| ১৬||
Adhikarana বিরুদ্ধদ্রব্যলক্ষণম্ (১৭) · Śloka ১৭
অপি চ- উত্ক্লেশ্য দোষান্ন হরেত্ দ্রব্যং যত্তত্সমাসতঃ| বিরুদ্ধং তদ্ধি ধাতূনাং প্রত্যনীকতযা স্থিতম্||১৭||
अपि च- उत्क्लेश्य दोषान्न हरेत् द्रव्यं यत्तत्समासतः| विरुद्धं तद्धि धातूनां प्रत्यनीकतया स्थितम्||१७||
🔊 Audio coming soon
শশিলেক ব্যাখ্যা (ইন্দু কৃত)
অপি চেতি সমুচ্চযে| সমাসতঃ সঙ্ক্ষেপতঃ বিরুদ্ধং কিমিত্যাহ| দোষানুত্ক্লেশ্য স্বস্থানাত্সঞ্চলয্য যত্ দ্রব্যং নহরেত্ তত্রৈব নাশনে বহির্বা নির্হর্তুমশক্তং তদ্বিরুদ্ধম্| তদ্ধি দ্রব্যং রসাদীনাং ধাতূনাং প্রত্যনীকতযা প্রতিপক্ষত্বেন স্থিতম্|| ১৭||
Adhikarana বিরোধপ্রকারাঃ (১৮) · Śloka ১৮
বলিনাং মিথোগুণানাং বিষমতযা সমতযাঽপ্যুভযথাপি| সংস্কারাদিবশেন চ ভবতি নিসর্গাদপি বিরোধঃ||১৮||
बलिनां मिथोगुणानां विषमतया समतयाऽप्युभयथापि| संस्कारादिवशेन च भवति निसर्गादपि विरोधः||१८||
🔊 Audio coming soon
শশিলেক ব্যাখ্যা (ইন্দু কৃত)
তথা সর্বশ্চ বিরোধ এবমেবং ভবতি| কথমিত্যাহ- সংযোগিদ্রব্যগুণানাং বলিনামুভযত্রাপি বলবতাং মিথঃ পরস্পরং বিষমত্বেনাসাদৃশত্বেন বিরোধঃ| তথান্যত্র বলিনাং সদৃশানামপি বিরোধঃ| কেনচিদ্ গুণেন বলিনা সাদৃশ্যাত্ কেনচিদসাদৃশ্যাচ্চ সংস্কারাদিবশেন চান্যোঽপি বিরোধো ভবতি| আদিগ্রহণেন সংযোগদেশকালাদীনাং গ্রহণম্| অন্যশ্চ নিসর্গাত্স্বভাবেনৈব বিরোধঃ|
Adhikarana বিরোধপ্রকারাণামুদাহরণানি (১৯) · Śloka ১৯
ক্ষীরং কুলত্থৈঃ পনসেন মত্স্যৈঃ তপ্তং দধিক্ষৌদ্রঘৃতে সমাংশে| বার্যূষরে রাত্রিষু সক্তাবশ্চ তোযান্তরাস্তে যবকাস্তথা চ||১৯||
क्षीरं कुलत्थैः पनसेन मत्स्यैः तप्तं दधिक्षौद्रघृते समांशे| वार्यूषरे रात्रिषु सक्तावश्च तोयान्तरास्ते यवकास्तथा च||१९||
🔊 Audio coming soon
শশিলেক ব্যাখ্যা (ইন্দু কৃত)
এতেষামেব ক্রমেণোদাহরণমাহ| ক্ষীরং বলিনা মধুরবিপাকিত্বেন যুক্তং শীতবীর্যত্বেন চ কুলত্থৈরম্লবিপাকৈরুষ্ণবীর্যৈশ্চ সহ বিরুদ্ধমিত্যসদৃশগুণেনোদাহরণম্| তথা ক্ষীরং মধুররসবিপাকং শীতবীর্যঞ্চ তদ্বিধেনৈব পনসেন বিরুদ্ধমিতি সদৃশগুণেনোদাহরণম্| তথা ক্ষীরং মধুররসবিপাকং চ মত্স্যৈর্মধুররসবিপাকৈরুষ্ণবীর্যৈশ্চ বিরুদ্ধমিত্যেকদেশসাদৃশ্যেনৈকদেশাসাদৃশ্যেন চোদাহরণম্| তপ্তং দধি বিরুদ্ধমিতি সংস্কারোদাহরণম্| ক্ষৌদ্রঘৃতে সমভাগে বিরুদ্ধে ইতি মাত্রোদাহরণম্| ঊষরে স্থিতং বারি বিরুদ্ধমিতি দেশোদাহরণম্| রাত্রৌ সক্তবো বিরুদ্ধা ইতি কালোদাহরণম্| তে চ সক্তোবস্তোযান্তরিতা ইতি সংযোগবিশেষোদাহরণম্| যবকাস্তু কেবলা বিরুদ্ধা ইতি স্বভাবোদাহরণম্|| ১৯||
Adhikarana কুশাগ্রবুদ্ধীনামেতদুদাহরণমাত্রম্ (২০) · Śloka ২০
কুশাগ্রীযধিযামেতদুদাহরণমাত্রকম্| উপনীতমলং বিদ্বান্ সর্বত্র ক্রমতে যতঃ||২০||
कुशाग्रीयधियामेतदुदाहरणमात्रकम्| उपनीतमलं विद्वान् सर्वत्र क्रमते यतः||२०||
🔊 Audio coming soon
শশিলেক ব্যাখ্যা (ইন্দু কৃত)
কুশাগ্রীযধিযাং তীক্ষ্ণবুদ্ধীনামেতদনন্তরোক্তমুদাহরণমাত্রমুপনীতম্| যতো বিদ্বান্ শাস্ত্রজ্ঞঃ তীক্ষ্ণবুদ্ধিঃ সর্বত্র ক্রমতে, স্ববুদ্ধ্যৈব সর্বমবগচ্ছতীত্যর্থঃ|| ২০||
Adhikarana বিরুদ্ধাশনে ব্যাপদ (২১) · Śloka ২১
বিস্ফোটশোফমদবিদ্রধিগুল্মযক্ষ্মতেজোবলস্মৃতিমতীন্দ্রিযচিত্তনাশান্| কুর্যাদ্ বিরুদ্ধমশনং জ্বরমস্রপিত্তমষ্টৌ গদাংশ্চ মহতো বিষবচ্চ মৃত্যুম্||২১||
विस्फोटशोफमदविद्रधिगुल्मयक्ष्मतेजोबलस्मृतिमतीन्द्रियचित्तनाशान्| कुर्याद् विरुद्धमशनं ज्वरमस्रपित्तमष्टौ गदांश्च महतो विषवच्च मृत्युम्||२१||
🔊 Audio coming soon
শশিলেক ব্যাখ্যা (ইন্দু কৃত)
বিরুদ্ধমশনং বিস্ফোটাদীন্ কুর্যাত্| মতির্বুদ্ধির্বিকল্পযোগ্যা| চিত্তং চেতনা| মহতশ্চাষ্টৌ গদান্ কুর্যাত্| যথাযোগং কিঞ্চিদ্বিরুদ্ধং শূলবিষূচিকাদীংস্তাত্কালিকান্ করোতি| অন্যদভ্যাসাদ্যপেক্ষযা যক্ষ্মাদীন্ করোতি| অন্যচ্চ সদ্য এব বিষবন্মৃত্যুং করোতীতি ভিষজা পরিকল্পনীযম্| বাতব্যাধ্যশ্মরীকুষ্টমেহোদরভগন্দরাঃ| অর্শাংসি গ্রহণীত্যষ্টৌ মহারোগঃ সুদুস্তরাঃ|
Adhikarana বিরুদ্ধাশনজেষু রোগেষু প্রতীকারঃ (২২) · Śloka ২২
তেষ্বাশু কুর্যাত্সংশুদ্ধিং শমং বা তদ্বিরোধিভিঃ| দ্রব্যৈস্তৈরেব বা পূর্বং শরীরস্যাভিসংস্কৃতিম্||২২||
तेष्वाशु कुर्यात्संशुद्धिं शमं वा तद्विरोधिभिः| द्रव्यैस्तैरेव वा पूर्वं शरीरस्याभिसंस्कृतिम्||२२||
🔊 Audio coming soon
শশিলেক ব্যাখ্যা (ইন্দু কৃত)
তেষু চ বিরুদ্ধাশনজেষু বিস্ফোটাদিষু রোগেষু সংশুদ্ধিং, বমনবিরেচনাদিকং কুর্যাত্| অথবা তস্য যথাস্বং রোগকারণস্য বিরুদ্ধাশনস্য সর্বের্গুণৈঃ বিপরীতানি যানি দ্রব্যাণি তৈর্বিস্ফোটাদীনাং শমমেব কুর্যাত্| অথবা দেশবিশেষাদ্যপেক্ষযা ভবিষদ্বিরুদ্ধাশনশঙ্কাযাং তৈরেব ভবিষ্যদ্বিরুদ্ধাশনগুণবিপরীতৈর্দ্রব্যৈঃ শরীরস্যাভিসংস্কৃতিং সংস্কারমেব প্রথমং কুর্যাত্| যথাবিরুদ্ধমপ্যন্নং গুণৈর্বিপরীতগুণৈঃ সংস্কারাদ্দেহে দুর্বলং সন্ন রোগায ভবতীতি| এতচ্চস্মদ্গুরবো যথাপ্রক্রান্তশব্দার্থপরতন্ত্রাস্তৈবেরেতি চ তদ্বিরুদ্ধানি পরামৃশন্তো বমনাদিবত্ পূর্বং দেহস্যাভিসংস্কৃতেরপিবৈদ্যবিধেযতামভিমন্যমানাশ্চরকস্য বোদ্ধারো ব্যাখ্যানমভিমন্যন্তে| ভট্টারকেণ তু `তথাবিধৈর্বা দ্রব্যৈঃ পূর্বমভিসংস্কারঃ শরীরস্য' ইত্যস্য বাক্যস্য ব্যাধ্যুত্পত্ত্যনৈকান্তিকপ্রদর্শনপরত্বমঙ্গীকৃত্য তথাবিধৈরিতি চ বিরুদ্ধসমানি পরামৃশ্য বিরুদ্ধৈরেব পূর্বসংস্কারো ব্যাধ্যনুত্পত্তিহেতুরিতি সাত্ম্যাহারপ্রাযতযা দ্বিতীযোঽপি পক্ষো য উদ্ভাসিতঃ সোঽস্মাভিরুপেক্ষিত এব|| ২২||
Adhikarana ব্যাযামস্নিগ্ধাদীনাং বিরোধ্যপি ন বাধকম্ (২৩) · Śloka ২৩
ব্যাযামস্নিগ্ধদীপ্তাগ্নিবযস্থবলশালিনাম্| বিরোধ্যপি ন পীডাযৈ সাত্ম্যমল্পং চ ভোজনম্||২৩||
व्यायामस्निग्धदीप्ताग्निवयस्थबलशालिनाम्| विरोध्यपि न पीडायै सात्म्यमल्पं च भोजनम्||२३||
🔊 Audio coming soon
শশিলেক ব্যাখ্যা (ইন্দু কৃত)
ব্যাযামেত্যাদিনা সাত্ম্যত্বেনৈব গতত্বাত্| তথা ব্যাযামদিপ্তগ্ন্যাদিনাং বিরুদ্ধমপি ভোজনং পীদাযৈ ন ভবতি| স্বল্পকালোপযুক্তং ব্যাযামেন স্নিগ্ধেন চ দীপ্তাগ্নযো যে তেষাম্| অন্যেষাং ব্যাযামীতি পাঠঃ| তেষাং ব্যাযামবতঃ স্নিগ্ধস্য, দীপ্তগ্নেশ্চ বযস্থস্য, প্রত্যগ্রবযসঃ বলশালিনো বলেন যঃ শ্লাঘতে অতিবলস্যেত্যর্থঃ| তথা বিরুদ্ধমপন্নং দেশাভ্যাসাদ্যপেক্ষযা সাত্মীবূতং শরীরে সুখরংপীডাযৈ ন ভবতি| অল্পং চ ভোজনং বিরুদ্ধং পীডাযৈন ভবতি|| ২৩||
Adhikarana বিরুদ্ধোপযোগেঽপি রোগনিবৃত্তৌ বীজম্ (২৪) · Śloka ২৪
দোষাদিবৈপরীত্যেন হরতে রোগিণাং রুজম্| একধ্যং দধিদুগ্ধাদিযোজনা ন বিরুধ্যতে| যোগাদিভেদাদ্যদ্যদ্বা পথ্যানামপ্যপথ্যতা| তদ্ভেদান্তরতস্তদ্বদ্বিরোধোঽপি নিবর্ত্ততে||২৪||
दोषादिवैपरीत्येन हरते रोगिणां रुजम्| एकध्यं दधिदुग्धादियोजना न विरुध्यते| योगादिभेदाद्यद्यद्वा पथ्यानामप्यपथ्यता| तद्भेदान्तरतस्तद्वद्विरोधोऽपि निवर्त्तते||२४||
🔊 Audio coming soon
শশিলেক ব্যাখ্যা (ইন্দু কৃত)
ননু চ প্রাযেণ হি রোগে ক্বচিদ্বিরুদ্ধানামপি যথেচ্ছোপযোগাদ্রোগনিবৃত্তির্দৃশ্যতে তত্কথমিত্যাহ| দোষাদীনাং দোষদূষ্যবলকালাদীনাং অংশস্বরূপবিপরীতত্বেন রোগিণো রুজং হরতি| একধ্যং সহভাবেন দধিদুগ্ধাদীনাং যোজনা ন বিরুধ্যতে| তেনৈতদুক্তং ভবতি-কদাচিদ্বিরুদ্ধস্য প্রযুজ্যমানস্য সমুদাযগুণৈর্বিপরীতা রোগদোষগতিরংশাংশিকযা ভবতি| তত্র রুজাহরত্বং দৃষ্টম্| বিরুদ্ধমপ্যবিরুদ্ধম্| অথবা যদ্বত্ পথ্যানামপি ভাবানাং সংযোগাদিভেদেনাপথ্যতা দৃশ্যতে তদ্বত্তস্য সংযোগাদিনা বিরুদ্ধস্য ভেদান্তরেণাধিকসংযোগাদিকৃতেন বিরোধনাশঃ| তেনৈতদুক্তং ভবতি-সংযোগবিশেষাদ্যথা পথ্যানামপ্যপথ্যতা দৃষ্টা তদ্বদ্বিরুদ্ধানামপ্যন্যসংযোগাদ্বিরোধোঽপি নির্বততে ন ভবতীতি| তথা হিতমপ্যপথ্যং সাত্মীভূতং চ দেহেঽভ্যাসাদিবশাত্তত্কাল এব উচিতং তদহিতফলত্বাত্ত্যজেত্|| ২৪||
Adhikarana পথ্যাপথ্যযোস্ত্যাগশীলনযোর্বিধিঃ (২৫) · Śloka ২৫
পাদাংশেন ত্যজেত্সাত্ম্যমহিতং হিতমাচরেত্| একান্তরং ততশ্চোর্ধ্বং দ্ব্যন্তরং ত্র্যন্তরং তথা||২৫||
पादांशेन त्यजेत्सात्म्यमहितं हितमाचरेत्| एकान्तरं ततश्चोर्ध्वं द्व्यन्तरं त्र्यन्तरं तथा||२५||
🔊 Audio coming soon
শশিলেক ব্যাখ্যা (ইন্দু কৃত)
হিতং চাসাত্মীভূতমপ্যাচরেত্| তচ্চাহিতং সহসা ত্যক্তং হিতং চ সেবিতং রোগায সম্পদ্যতে| অত উচ্যতে-পাদাংশেনেতি| পাদেন চতুর্থভাগেনাপথ্যং ত্যজেত্| অংশেনৈব ভজেত্| অংশো ভাগঃ| স চ প্রকরণাত্ পাদস্যৈব বিজ্ঞেযঃ| তেন পাদেন বা পাদপাদেন বা ত্যজেদপথ্যং তেনৈব চ পথ্যং ভজেত্| কেন ক্রমেণেত্যাহ-একান্তরমিত্যাদি| তেনৈতদুক্তং ভবতি-অপথ্যাদুচিতাদেকং পাদং চতুর্ভাগং রোগী, বলাদ্যপেক্ষযা পাদপাদং বা প্রথমদিবসে ত্যজেত্| স চতুর্ভাগঃ পথ্যাদনুচিতাত্ সেব্যঃ, ততো দ্বিতীযেঽহ্নি সর্বমেবাপথ্যং ততস্তৃতীযেঽহ্নি অপথ্যস্য ত্রয এব ভাগাঃ পথ্যস্যৈকো ভাগ ইত্যেকদিবসান্তরিতং চতুর্থাদিষু দিবসেষ্বেবমেব বা| উপযুজ্যমানচতুর্থভাগসাত্মীভাবাত্| ততশ্চোর্ধ্বং দ্ব্যন্তরম্| কিমুক্তং ভবতি? চতুর্থে ভাগে পথ্যস্য সাত্মীভূতে অপথ্যাদুচিতাত্ দ্বিতীযো ভাগস্ত্যাজ্যঃ| তেনার্দ্ধমপথ্যস্যার্দ্ধং পথ্যস্য তস্মিন্ দিনে ভবতি| দ্বিতীযে দিবসে সাত্মীভূতচতুর্ভাগ এব যোজ্যঃ| এবং তৃতীযে দিবসে চতুর্থে পুনরর্দ্ধমাত্রমেবং দ্বিদিনান্তরিতম্| এবং পঞ্চমাদিদিবসেষ্বপি| আ অর্দ্ধসাত্মীভাবাত্| ততস্ত্র্যন্তরিতম্| সাত্মীভূতেঽর্দ্ধে তৃতীযো ভাগেঽপথ্যাত্ত্যাজ্যঃ, পথ্যাচ্চ সেব্যঃ| তস্মিন্দিনে পথ্যস্য ভাগাস্ত্রযঃ, অপথ্যস্যৈকো ভাগঃ| দ্বিতীযে দিবসে সাত্মীভূতং পথ্যাপথ্যযোরর্দ্ধমর্দ্ধম্| এবং তৃতীযে চতুর্থে চ| পঞ্চমে পুনশ্চতুর্থো ভাগোঽপথ্যস্য ভাগাস্ত্রযঃ পথ্যস্যেতি ত্র্যন্তরিতম্| এবং ষষ্ঠাদিষু দিবসেষ্বা ভাগত্রযসাত্মীভাবাত্| ততঃ সর্বমেব পথ্যম্| এবমেকদ্বিত্রিদিনানি ক্রমেণাসাত্ম্যং সাংত্ম্যেনান্তরযিতব্যম্| (১) অন্যে মন্যন্তে-প্রথমে দিবসে ভাগঃ পথ্যাত্সেব্যঃ| শেষমপথ্যম্| দ্বিতীযে সর্বমপথ্যম্| তৃতীযে পুনরেকো ভাগঃ| এবং ভাগ একান্তরিতঃ| চতুর্থে দ্বৌ| পঞ্চমে একঃ| ষষ্ঠে চ সপ্তমে পুনর্দ্বৌ দ্বাবিতি দ্ব্যন্তরেণ| অষ্টমে ত্রযঃ, নবমে দ্বৌ| দশমে তদ্বদেকাদশে চ, দ্বাদশে পুনস্ত্রয ইতি ত্র্যন্তরিতঃ| ততস্ত্রযোদশাত্ প্রভৃতি সর্বং পথ্যমেবেতি| (২) অন্যে পুনরন্যথা বর্ণযন্তি| যথা-অনেনৈবৈকাদিনা সাত্ম্যমসাত্ম্যেনান্তরযিতব্যম্| তত্র বিচারণাদপথ্যং সাত্ম্যং ভুঞ্জানঃ পথ্যভোজনেচ্ছুরেকদিবসমপথ্যস্য ভাগত্রযং পথ্যস্য চৈকো ভাগঃ| দ্বিতীযে সর্বমেবাপথ্যমিত্যেকান্তরিতম্| তৃতীযে দ্বৌ পথ্যস্য দ্বাবপ্যপথ্যস্য, এবং চতুর্থেঽপি| পঞ্চমে পুনরপথ্যস্য ভাগত্রযং চতুর্থো ভাগঃ পথ্যস্য, এবং দ্ব্যন্তরম্| ততঃ ষষ্ঠে দিবসে ত্রীন্ভাগান্ পথ্যস্য একমপথ্যস্য| এবং সপ্তমেঽষ্টমে চ| নবমে পুনর্দ্বৌ দ্বৌ ভাগৌ দশমে চতুর্থোঽপি পথ্যস্য| তদ্বদেকাদশে দ্বাদশে, ত্রযোদশে| চতুর্দশে পুনস্ত্রযো ভাগাঃ পথ্যস্য ভাগোঽপথ্যস্য| অতঃ পঞ্চদশাত্ প্রভৃতি সর্বং পথ্যমেব যোজ্যম্| অনযোরেব চ পক্ষযোর্যুজ্যমানত্বমেব মন্যামহে| তথা চ শাস্ত্রকৃদ্ভিরেব ঋতুসন্ধৌ চতুর্দ্দশদিনমানা ক্রমসমাপ্তিরিষ্টা| অন্যে পুনরন্যথা বর্ণযন্তি-প্রথমে দিবসেঽপথ্যস্য ত্রীন্ভাগান্ পথ্যস্যৈকম্| দ্বিতীযে সর্বমেবাপথ্যম্| তৃতীযে পথ্যস্য দ্বাবপথ্যস্য চ দ্বৌ| চতুর্থে পথ্যস্যৈকো ভাগঃ, অপথ্যস্য ভাগাস্ত্রযঃ| পঞ্চমেঽপ্যেবমেব| ষষ্ঠে পথ্যস্য ত্রীন্ ভাগানপথ্যস্যৈকম্| সপ্তমে দ্বৌ দ্বৌ পথ্যাপথ্যযোরেবমষ্টমে নবমে চ| দশমাদারভ্য সর্বমেব পথ্যম্|| ২৫||
Adhikarana ক্রমশঃ পথ্যাপথ্যশীলনপরিহারগুণাঃ (২৬) · Śloka ২৬
ক্রমেণানেন সান্ত্যক্তা দোষাঃ সংবর্ধিতা গুণাঃ| প্রভবন্তি ন পীডাযৈ প্রাপ্নুবন্তি স্থিরাত্মতাম্||২৬||
क्रमेणानेन सान्त्यक्ता दोषाः संवर्धिता गुणाः| प्रभवन्ति न पीडायै प्राप्नुवन्ति स्थिरात्मताम्||२६||
🔊 Audio coming soon
শশিলেক ব্যাখ্যা (ইন্দু কৃত)
ইত্যনেন ক্রমেণাপথ্যদোষাস্ত্যক্তাঃ পীডাযৈ ন ভবন্তি| পথ্যগুণাশ্চ সংবর্দ্ধিতাঃ স্থিরাত্মতাং প্রাপ্নুবন্তি|| ২৬||
Adhikarana ত্রযঃ উপস্তম্ভাঃ (২৭) · Śloka ২৭
ত্রিতযং চৈতদুপস্তম্ভনমাহারঃ স্বপ্নোঽব্রহ্মচর্যং চ| এভির্যুক্তিযুক্তৈরুপাতব্ধমুপস্তম্ভৈঃ শরীরং বলবর্ণোপচযোচিতমনুবর্ততে যাবদাযুঃ সংস্কারঃ| তত্রাঽঽহার উক্তো বক্ষ্যতে চ||২৭||
त्रितयं चैतदुपस्तम्भनमाहारः स्वप्नोऽब्रह्मचर्यं च| एभिर्युक्तियुक्तैरुपातब्धमुपस्तम्भैः शरीरं बलवर्णोपचयोचितमनुवर्तते यावदायुः संस्कारः| तत्राऽऽहार उक्तो वक्ष्यते च||२७||
🔊 Audio coming soon
শশিলেক ব্যাখ্যা (ইন্দু কৃত)
এতত্প্রসঙ্গ এবেদমুচ্যতে| এতত্ত্রযমুপস্তম্ভো ধারকং শরীরস্য| কিমিত্যাহ-আহারঃ, স্বপ্নঃ অব্রহ্মচর্যং চ| এভিরুপস্তব্ধং দেহং শরীরং যুক্ত্যা অন্যূনাধিকতাঽভিধানযা যুক্তৈঃ| প্রকর্ষযুক্তৈর্বলাদিভিঃ সমৃদ্ধমাপূর্বকর্মসংস্কারপরিক্ষযাদাযুরনুবর্ত্ততে| তত্রাহারঃ পূর্বেষ্বধ্যাযেষূক্তঃ| উত্তরে চাধ্যাযে জ্বরাদিষু চ বক্ষ্যতে|| ২৭||
Adhikarana নিদ্রাযাঃ স্বরূপম্ (২৮) · Śloka ২৮
লোকাদিসর্গপ্রভবা তমোমূলা তমোমযী| বাহুল্যাত্তমসো রাত্রৌ নিদ্রা প্রাযেণ জাযতে||২৮||
लोकादिसर्गप्रभवा तमोमूला तमोमयी| बाहुल्यात्तमसो रात्रौ निद्रा प्रायेण जायते||२८||
🔊 Audio coming soon
শশিলেক ব্যাখ্যা (ইন্দু কৃত)
ক্রমপ্রাপ্তঃ স্বপ্ন উচ্যতে| লোকানামাদিসর্গে জগদুত্পাত্তিকালে প্রভবো যস্যাঃ সা তথাবিধা| তমঃ কারণান্মূলং যস্যাঃ সা তমোমূলা| তমোমযী তমস এব বিকারঃ| তেনৈতদুক্তং ভবতি-সর্বথা তমস্তস্যাঃ কারণমিতি| অত এব সা রাত্রৌ প্রাযেণোত্পদ্যতে| তমসো নাম মহাগুণস্য বাহুল্যাত্| সা চ নিদ্রা রাত্রৌ ভবতি দিবা বা| কেবলমনযা যুক্ত্যা জন্তূনাবিশতি|| ২৮||
Adhikarana নিদ্রাবেশাবস্থা (২৯) · Śloka ২৯
শ্লেষ্মাবৃতেষু স্রোতস্সু শ্রমাদুপরতেষু চ| ইন্দ্রিযেষু স্বকর্মভ্যো নিদ্রা বিশতি দেহিনম্||২৯||
श्लेष्मावृतेषु स्रोतस्सु श्रमादुपरतेषु च| इन्द्रियेषु स्वकर्मभ्यो निद्रा विशति देहिनम्||२९||
🔊 Audio coming soon
শশিলেক ব্যাখ্যা (ইন্দু কৃত)
কযেত্যাহ-শ্লেষ্মাবৃতেষ্বিত্যাদি| আহাররসবশাত্ শ্লেষ্মণা স্রোতস্বাবৃতেষু নিরুদ্ধেষ্বিন্দ্রিযেষু চ স্বস্ববিষযগ্রহণকারণাচ্ছ্রমাদুপরতেষু নিবৃত্তেষু দেহিনং নিদ্রা আবিশতি|| ২৯||
Adhikarana স্বপ্নাবস্থা (৩০) · Śloka ৩০
সর্বেন্দ্রিযব্যুপরতৌ মনোঽনুপরতং যদা| বিষযেভ্যস্তদা স্বপ্নং নানারূপং প্রপশ্যতি||৩০||
सर्वेन्द्रियव्युपरतौ मनोऽनुपरतं यदा| विषयेभ्यस्तदा स्वप्नं नानारूपं प्रपश्यति||३०||
🔊 Audio coming soon
শশিলেক ব্যাখ্যা (ইন্দু কৃত)
আবিষ্টাযাং চ নিদ্রাযাং ইন্দ্রিযেষু চ বিষযেভ্যো নিবৃত্তেষু মনো যদা স্বকর্মণো ন নিবৃত্তং, তদা নানারূপং স্বপ্নে প্রপশ্যতি দেহী| যদা তু কারণবশেন মনোঽপি স্বকর্মণো নিবৃত্তং ভবতি, সা সুষুপ্তাবস্থা| তস্যাং ন কিঞ্চিদপি পশ্যতি|| ৩০||
Adhikarana নিদ্রাযাং মাহাত্ম্যম্ (৩১) · Śloka ৩১
নিদ্রাযত্তং সুখং দুঃখং পুষ্টিঃ কার্শ্যং বলাবলম্| বৃষতাং ক্লীবতা জ্ঞানমজ্ঞানং জীবিতং ন চ||৩১||
निद्रायत्तं सुखं दुःखं पुष्टिः कार्श्यं बलाबलम्| वृषतां क्लीबता ज्ञानमज्ञानं जीवितं न च||३१||
🔊 Audio coming soon
শশিলেক ব্যাখ্যা (ইন্দু কৃত)
তস্যাশ্চ নিদ্রাযাঃ সুখাদিকমাযত্তম্| তেনৈতদুক্তং ভবতি-সম্যক্ সেবিতা সুখপুষ্টিবলবৃষত্বজ্ঞানজীবিতৈর্যোজযতি নরম্| অসম্যক্ প্রযুক্তা তু দুঃখকার্শ্যাবলত্বক্লীবতাজ্ঞানৈঃ যোজযতীত্যর্থঃ| বৃষতং স্ত্রীগমনশক্তিঃ| জ্ঞানং বৃদ্ধিঃ|| ৩১||
Adhikarana অকালনিদ্রাদিদোষাঃ (৩২) · Śloka ৩২
অকালেঽতিপ্রসঙ্গাচ্চ ন চ নিদ্রা নিবেষিতা| সুখাযুষী পরাত্কুর্যাত্কালরাত্রিরিবাপরা||৩২||
अकालेऽतिप्रसङ्गाच्च न च निद्रा निवेषिता| सुखायुषी परात्कुर्यात्कालरात्रिरिवापरा||३२||
🔊 Audio coming soon
শশিলেক ব্যাখ্যা (ইন্দু কৃত)
এতদেবোচ্যতে-সা নিদ্রা অকালে বক্ষ্যমাণে তদুপযোগপ্রতিষিদ্ধে কালে অপি স্বল্পোপসেবিতা, তথা কালেঽপ্যত্যন্তসেবিতা, সর্বদা বা, নৈব বা সেবিতা আযুর্জীবিতং পরাকরোতি নাশযতি| জীবিতেঽপি ব্যাধ্যাদিভিঃ সুখং পরাকরোতি| যথা পরা দ্বিতীযেব কালরাত্রিঃ মরণনিশা সুখস্যাযুষশ্চ নাশনাত্সাদৃশ্যম্|| ৩২||
Adhikarana যুক্তনিদ্রাযাঃ গুণাঃ (৩৩) · Śloka ৩৩
সৈব যুক্তা পুনর্যুঙ্ক্তে নিদ্রাদেহং সুখাযুষা| যোগাভিযোগিনো বুদ্ধির্নির্মলাঽতমসা যথা||৩৩||
सैव युक्ता पुनर्युङ्क्ते निद्रादेहं सुखायुषा| योगाभियोगिनो बुद्धिर्निर्मलाऽतमसा यथा||३३||
🔊 Audio coming soon
শশিলেক ব্যাখ্যা (ইন্দু কৃত)
সৈব নিদ্রা যুক্তা সম্যক্ প্রযোগেণ দেহং সুখেনাযুষা চ যোজযতি| যথা যোগে তত্ত্বজ্ঞানেঽভিযোগিনঃ পুরুষস্য নির্মলা বুদ্ধিরতমসা শুদ্ধস্বভাবেন সত্ত্বরূপেণ যোজযতি| অথবা তমসা কারণেন নির্মলা সুখাযুষা যোজযতীত্যর্থঃ|| ৩৩||
Adhikarana রাত্রিজাগরণাদীনাং গুণাঃ (৩৪) · Śloka ৩৪
রাত্রৌ জাগরণং রূক্ষং স্নিগ্ধং প্রস্বপনং দিবা| অরূক্ষমনভিষ্যন্দি ত্বাসীনপ্রচলাযিতম্||৩৪||
रात्रौ जागरणं रूक्षं स्निग्धं प्रस्वपनं दिवा| अरूक्षमनभिष्यन्दि त्वासीनप्रचलायितम्||३४||
🔊 Audio coming soon
শশিলেক ব্যাখ্যা (ইন্দু কৃত)
তস্যাশ্চ নিদ্রাযাঃ কালে প্রযোগ উক্তঃ, তং চ কালং দর্শযতি-রাত্রৌ জাগরণং নিদ্রাযা অসেবা রূক্ষং দেহে রূক্ষাণাং ভাবানাং বৃদ্ধিকরমিত্যর্থঃ, এবং দিবা প্রস্বপনং স্নিগ্ধম্| আসীনপ্রচলাযিতং ন রূক্ষং ন চাভিষ্যন্দি| আসীনপ্রচলাযিতং দিবাঽপ্যুপবিষ্টস্য স্বল্পা নিদ্রা, অভিষ্যন্দি মালিন্যেন স্রোতসাং স্রাবকঃ|| ৩৪||
Adhikarana গ্রীষ্মে দিবাস্বপ্নং হিতম্ (৩৫) · Śloka ৩৫
গ্রীষ্মে বাযুচযাদানরৌক্ষ্যরাত্র্যল্পভাবতঃ| দিবাস্বপ্নো হিতোঽন্যস্মিন্ কফপিত্তকরো হি সঃ||৩৫||
ग्रीष्मे वायुचयादानरौक्ष्यरात्र्यल्पभावतः| दिवास्वप्नो हितोऽन्यस्मिन् कफपित्तकरो हि सः||३५||
🔊 Audio coming soon
শশিলেক ব্যাখ্যা (ইন্দু কৃত)
গ্রীষ্মে তু দিবাস্বপ্নং বিহিতম্| যতস্তস্মিন্ কালে বাযোশ্চযো ভবতি| আদানং চ পরিপুষ্টং ভবত্যতো রৌক্ষ্যং রাত্র্যশ্চ নিদ্রাসমাপ্ত্যযোগ্যাঃ স্বল্পা ভবন্তি| দিবাস্বপ্নশ্চ সন্তর্পকঃ| গ্রীষ্মাদন্যস্মিন্ কালে দিবাস্বপ্নঃ পিত্তশ্লেষ্মকরঃ|| ৩৫||
Adhikarana গ্রীষ্মবর্জ্যেষু ঋতুষু দিবাস্বাপনিষেধঃ অপবাদশ্চ (৩৬) · Śloka ৩৬
মুক্তাঽতিভাষ্যযানাধ্বমদ্যস্ত্রীভারকর্মভিঃ| ক্রোধশোকভযৈঃ ক্লান্তান্ শ্বাসহিধ্মাতিসারিণঃ| বৃদ্ধবালাবলক্ষীণক্ষততৃট্চ্ছূলপীডিতান্| অজীর্ণ্যভিহতোন্মত্তান্দিবাস্বপ্নোচিতানপি| ধাতুসাম্যং তথা হ্যেষাং শ্লেষ্মা চাঙ্গানি পুষ্যতি||৩৬||
मुक्ताऽतिभाष्ययानाध्वमद्यस्त्रीभारकर्मभिः| क्रोधशोकभयैः क्लान्तान् श्वासहिध्मातिसारिणः| वृद्धबालाबलक्षीणक्षततृट्च्छूलपीडितान्| अजीर्ण्यभिहतोन्मत्तान्दिवास्वप्नोचितानपि| धातुसाम्यं तथा ह्येषां श्लेष्मा चाङ्गानि पुष्यति||३६||
🔊 Audio coming soon
শশিলেক ব্যাখ্যা (ইন্দু কৃত)
এষাং হ্যতিভাষ্যক্লান্তাদীনাং দিবাস্বপ্নেন ধাতূনাং বাতাদীনাং দেহধারকাণাং সাম্যমন্যূনাধিকতা ভবতি| শ্লেষ্মা চাঙ্গানি পুষ্যতি উপচিনোতীত্যর্থঃ|| ৩৬||
Adhikarana গ্রীষ্মেঽপি দিবাস্বাপেঽযোগ্যাঃ (৩৭) · Śloka ৩৭
বহুমেদঃ কফাঃ স্বপ্যুঃ স্নেহনিত্যাশ্চ নাহনি||৩৭||
बहुमेदः कफाः स्वप्युः स्नेहनित्याश्च नाहनि||३७||
🔊 Audio coming soon
শশিলেক ব্যাখ্যা (ইন্দু কৃত)
বহুমেদঃ শ্লেষ্মশরীরা অপ্যতিস্নিগ্ধাহারাদিশীলিনশ্চ গ্রীষ্মেঽপ্যহনি ন স্বপ্যুঃ|| ৩৭||
Adhikarana রাত্রিষ্বপি স্বপ্নেঽনর্হাঃ (৩৮) · Śloka ৩৮
বিষার্ত্তঃ কণ্ঠরোগী চ নৈব জাতু নিশাস্বপি||৩৮||
विषार्त्तः कण्ठरोगी च नैव जातु निशास्वपि||३८||
🔊 Audio coming soon
শশিলেক ব্যাখ্যা (ইন্দু কৃত)
বিষার্ত্তঃ কণ্ঠরোগী চ নিশাস্বপি ন জাতুচিত্ স্বপ্যাত্|
Adhikarana অহিতনিদ্রযা জাযমানা রোগাঃ (৩৯) · Śloka ৩৯
হলীমকশিরোজাড্যস্তৈমিত্যগুরুগাত্রতাঃ| জ্বরভ্রমমতিভ্রংশস্রোতোরোধাগ্নিমন্দতাঃ| শোফারোচনহৃল্লাসপীনসার্দ্ধাবভেদকাঃ| কণ্ডূরুক্কোঠপিটকাকাসতন্দ্রাগলামযাঃ| বিষবেগপ্রবৃত্তিশ্চ ভবেদহিতনিদ্রযা||৩৯||
हलीमकशिरोजाड्यस्तैमित्यगुरुगात्रताः| ज्वरभ्रममतिभ्रंशस्रोतोरोधाग्निमन्दताः| शोफारोचनहृल्लासपीनसार्द्धावभेदकाः| कण्डूरुक्कोठपिटकाकासतन्द्रागलामयाः| विषवेगप्रवृत्तिश्च भवेदहितनिद्रया||३९||
🔊 Audio coming soon
শশিলেক ব্যাখ্যা (ইন্দু কৃত)
অহিতনিদ্রাযা বিরুদ্ধনিদ্রাযাঃ সেবনেন হলীমকাদীনামুদ্ভবঃ| ইমে বক্ষ্যমাণলক্ষণাঃ| শিরসো জাড্যং গুরুত্বমিন্দ্রিযাপাটবং চ| স্তৈমিত্যং গাত্রাণাং নিরুত্সাহত্বম্| বিষার্তস্য নিদ্রযা বিষবেগপ্রবৃত্তিঃ|| ৩৯||
Adhikarana অতিনিদ্রাযাঃ কারণম্ (৪০) · Śloka ৪০
অপচ্যমানো বাহুল্যাত্স্রোতাংস্যাবৃণুতে কফঃ| ততঃ স্রোতস্সু রুদ্ধেষু জাযতে গাত্রগৌরবম্| গুরুগাত্রস্য চালস্যমালস্যাদতিনিদ্রতা||৪০||
अपच्यमानो बाहुल्यात्स्रोतांस्यावृणुते कफः| ततः स्रोतस्सु रुद्धेषु जायते गात्रगौरवम्| गुरुगात्रस्य चालस्यमालस्यादतिनिद्रता||४०||
🔊 Audio coming soon
শশিলেক ব্যাখ্যা (ইন্দু কৃত)
অতিনিদ্রাযাঃ কারণমুচ্যতে| বাহুল্যাত্ কফস্যাগ্নিঃ কফং পক্তুং ন শক্নোতি| অতঃ সোঽচ্যমানঃ স্রোতাংস্যাবৃণুতে স্থগযতি| ততঃ স্রোতোরোধাত্ গত্রগৌরবং, গাত্রগৌরবাদালস্যমালস্যাদতিনিদ্রাতা|| ৪০||
Adhikarana অতিনিদ্রানাশকানি (৪১) · Śloka ৪১
বিরেকঃ কাযশিরসোর্বমনং রক্তমোক্ষণম্| ধূমঃ ক্ষুত্তৃড্ব্যথাহর্ষশোকমৈথুনভীক্রুধঃ| চিন্তোত্কণ্ঠাঽসুখা শয্যা সত্ত্বৌদার্যং তমোজযঃ| রূক্ষান্নং চাহিতাং নিদ্রাং বারযন্তি প্রসঙ্গিনীম্||৪১||
विरेकः कायशिरसोर्वमनं रक्तमोक्षणम्| धूमः क्षुत्तृड्व्यथाहर्षशोकमैथुनभीक्रुधः| चिन्तोत्कण्ठाऽसुखा शय्या सत्त्वौदार्यं तमोजयः| रूक्षान्नं चाहितां निद्रां वारयन्ति प्रसङ्गिनीम्||४१||
🔊 Audio coming soon
শশিলেক ব্যাখ্যা (ইন্দু কৃত)
এতামতিনিদ্রাং প্রসঙ্গিনীমনুষক্তাং কাযবিরেকাদীনি নাশযন্তি| অসুখা কষ্টা| উত্কৃষ্টসত্ত্বত্বং সত্বৌদার্যম্|| ৪১||
Adhikarana নিদ্রানাশে হেতবঃ (৪২) · Śloka ৪২
এত এব চ বিজ্ঞেযা নিদ্রানাশস্য হেতবঃ| কালশীলক্ষযো ব্যাধির্বৃদ্ধিশ্চানিলপিত্তযোঃ||৪২||
एत एव च विज्ञेया निद्रानाशस्य हेतवः| कालशीलक्षयो व्याधिर्वृद्धिश्चानिलपित्तयोः||४२||
🔊 Audio coming soon
শশিলেক ব্যাখ্যা (ইন্দু কৃত)
এতান্যেব চ বিরেকাদীনি সম্যঙ্ নিদ্রাযা অপি নাশহেতবঃ| কালশ্চ নিদ্রানাশহেতুঃ যেন প্রভাতাদৌ সা ন ভবতি| শীলমভ্যাসঃ তেন যস্য যস্য যস্মিন্ কালে নিদ্রানিবৃত্তিরভ্যস্তা তস্য তস্য তস্মিন্ কালে সা ভবতীতি| তথা ক্ষযো ধাতূনাং নিদ্রানাশকারণম্| ব্যাধিশ্চান্যো জ্বরাদিঃ| বাতপিত্তযোশ্চ বৃদ্ধিঃ|
Adhikarana নিদ্রানাশাজ্জাযমানা রোগাঃ (৪৩) · Śloka ৪৩
নিদ্রানাশাদঙ্গমর্দ্দশিরোগৌরবজৃম্ভিকাঃ| জাড্যগ্লানিভ্রমাপক্তিতন্দ্রারোগাশ্চ বাতজাঃ||৪৩||
निद्रानाशादङ्गमर्द्दशिरोगौरवजृम्भिकाः| जाड्यग्लानिभ्रमापक्तितन्द्रारोगाश्च वातजाः||४३||
🔊 Audio coming soon
শশিলেক ব্যাখ্যা (ইন্দু কৃত)
তস্যাশ্চ সম্যঙ্ নিদ্রাযা নাশাদঙ্গমর্দাদ্যুদ্ভবঃ|| ৪৩||
Adhikarana তন্দ্রানিদানানি (৪৪) · Śloka ৪৪
কফোঽল্পো বাযুনোদ্ধূতো ধমনীঃ সন্নিরুধ্য তু| কুর্যাত্সংজ্ঞাপহাং তন্দ্রাং দারুণাং মোহকারিণীম্| উন্মীলিতবিনির্ভুগ্নে পরিবর্তিততারকে| ভবতস্তত্র নযনে স্রুতে লুলিতপক্ষ্মণী| অর্দ্ধত্রিরাত্রাত্সা সাধ্যা ন সা সাধ্যা ততঃ পরম্||৪৪||
कफोऽल्पो वायुनोद्धूतो धमनीः सन्निरुध्य तु| कुर्यात्संज्ञापहां तन्द्रां दारुणां मोहकारिणीम्| उन्मीलितविनिर्भुग्ने परिवर्तिततारके| भवतस्तत्र नयने स्रुते लुलितपक्ष्मणी| अर्द्धत्रिरात्रात्सा साध्या न सा साध्या ततः परम्||४४||
🔊 Audio coming soon
শশিলেক ব্যাখ্যা (ইন্দু কৃত)
কফোঽল্পঃ ইত্যাদি সুবোধম্|| ৪৪||
Adhikarana রাত্রৌ সাত্ম্যতঃ নিদ্রাং সেবেত (৪৫) · Śloka ৪৫
যথাকালমতো নিদ্রাং রাত্রৌ সেবেত সাত্ম্যতঃ||৪৫||
यथाकालमतो निद्रां रात्रौ सेवेत सात्म्यतः||४५||
🔊 Audio coming soon
শশিলেক ব্যাখ্যা (ইন্দু কৃত)
অতঃ কারণাত্ কালানতিক্রমেণ রাত্রৌ নিদ্রাং সেবেত যাদৃশী সাত্ম্যা|| ৪৫||
Adhikarana রাত্রৌ জাগরিতস্য প্রাতঃ স্বাপবিধিঃ (৪৬) · Śloka ৪৬
অসাত্ম্যাজ্জাগরাদর্ধং প্রাতঃ স্বপ্যাদভুক্তবান্||৪৬||
असात्म्याज्जागरादर्धं प्रातः स्वप्यादभुक्तवान्||४६||
🔊 Audio coming soon
শশিলেক ব্যাখ্যা (ইন্দু কৃত)
অসাত্ম্যে জাগরণে প্রবৃত্তে প্রাতর্দিবাঽপ্যর্দ্ধং জাগরণস্য স্বপ্যাত্| তেনৈতদুক্তং ভবতি যস্য রাত্রৌ যামদ্বযং জাগরণং প্রবৃত্তং তেন দিবা প্রভাতে যাম একঃ স্বপ্তব্যঃ অভুক্তবতা|| ৪৬||
Adhikarana মন্দনিদ্রস্য উপচারাঃ (৪৭) · Śloka ৪৭
শীলযেন্মন্দনিদ্রস্তু ক্ষীরমিক্ষুরসং রসান্| আনূপৌদকমাংসানাং ভক্ষ্যান্ গৌডিকপৌষ্টিকান্| শালীন্মদ্যানি মাষাংশ্চ কীলাটান্ মাহিষং দধি| অভ্যঙ্গোদ্বর্ত্তনস্নানমূর্ধ্বশ্রবণপূরণম্| চক্ষুষস্তর্পণং লেপঃ শিরসো বদনস্য চ| প্রবাতে সুরভৌ দেশে সুখাং শয্যাং যথোচিতে| সংবাহনং স্পর্শসুখং চিত্তজ্ঞৈরনুজীবিভিঃ| সর্পিঃ ক্ষীরানুপানং চ জীবনীযৈঃ শৃতং পিবেত্| কান্তাবাহুলতাশ্লেষো নির্বৃত্তিঃ কৃতকৃত্যতা| মনোঽনুকূলা বিষযাঃ কামং নিদ্রাসুখপ্রদাঃ||৪৭||
शीलयेन्मन्दनिद्रस्तु क्षीरमिक्षुरसं रसान्| आनूपौदकमांसानां भक्ष्यान् गौडिकपौष्टिकान्| शालीन्मद्यानि माषांश्च कीलाटान् माहिषं दधि| अभ्यङ्गोद्वर्त्तनस्नानमूर्ध्वश्रवणपूरणम्| चक्षुषस्तर्पणं लेपः शिरसो वदनस्य च| प्रवाते सुरभौ देशे सुखां शय्यां यथोचिते| संवाहनं स्पर्शसुखं चित्तज्ञैरनुजीविभिः| सर्पिः क्षीरानुपानं च जीवनीयैः शृतं पिबेत्| कान्ताबाहुलताश्लेषो निर्वृत्तिः कृतकृत्यता| मनोऽनुकूला विषयाः कामं निद्रासुखप्रदाः||४७||
🔊 Audio coming soon
শশিলেক ব্যাখ্যা (ইন্দু কৃত)
যস্তু বিরেকাদিকারণেন বাতকোপেন মন্দনিদ্রঃ ক্ষীরাদীন্ শীলযেত্| তথাঽঽনূপানামৌদকাদীনাঞ্চ মাংসানাং সম্বন্ধিনো রসান্ ভক্ষ্যাংশ্চ গুডসংস্কৃতান্ পিষ্টশালিকৃতাংশ্চ, তথা শালিযোনীনি মদ্যানি| কিম্ভূতানি? মদকারণশক্তিযুক্তানি| অন্যেষাং শালিমদ্যানি মাষাংশ্চ ইতি পাঠঃ| মূর্ধ্নঃ শিরসস্তর্পণং স্নেহপূরণম্| তচ্চ বক্ষ্যতে| শিরসো বদনস্য চ সুস্নিগ্ধৈর্লেপঃ| প্রবাতে বাতসংযোগে দেশে| সংবাহনং মর্দনম্| কিম্ভূতম্? স্পর্শসুখকরং ন পীডাকরমিত্যর্থঃ| কেন কার্যম্? চিত্তজ্ঞৈরনুজীবিভিঃ তথা জীবনীযৈঃ ঔষধৈঃ শৃতং পক্বং সর্পিঃ পিবেত্| তদনু চ ক্ষীরং কেবলমেব| কান্তাবাহুলতেত্যাদি সুবোধম্|| ৪৭||
Adhikarana ব্রহ্মচর্যাদিযুতস্য নিদ্রা কালে ভবত্যেব,মন্দনিদ্রোপচারাণাং বর্জনীযত্বেনাতিদেশঃ (৪৮) · Śloka ৪৮
ব্রহ্মচর্যরতের্গ্রাম্যসুখনিঃ স্পৃহচেতসঃ| নিদ্রা সন্তোষতৃপ্তস্য স্বং কালং নাতিবর্ত্ততে| এতান্যেব চ ভূযিষ্ঠং নিদ্রালুঃ পরিবর্জযেত্||৪৮||
ब्रह्मचर्यरतेर्ग्राम्यसुखनिः स्पृहचेतसः| निद्रा सन्तोषतृप्तस्य स्वं कालं नातिवर्त्तते| एतान्येव च भूयिष्ठं निद्रालुः परिवर्जयेत्||४८||
🔊 Audio coming soon
শশিলেক ব্যাখ্যা (ইন্দু কৃত)
এতান্যেব চ ক্ষীরাদীনি নিদ্রালুঃ প্রসক্তনিদ্রো ভূযিষ্ঠং বাহুল্যেন পরিবর্জযেত্|| ৪৮||
Adhikarana সপ্তবিধাঃ নিদ্রাঃ তাসাং বিবরণঞ্চ (৪৯) · Śloka ৪৯
কালস্বভাবামযচিত্তদেহ- খেদৈঃ কফাগন্তুতমোভবা চ| নিদ্রা বিভর্তি প্রথমা শরীরং পাপ্মাঽন্তগা ব্যাধিনিমিত্তমন্যাঃ||৪৯||
कालस्वभावामयचित्तदेह- खेदैः कफागन्तुतमोभवा च| निद्रा बिभर्ति प्रथमा शरीरं पाप्माऽन्तगा व्याधिनिमित्तमन्याः||४९||
🔊 Audio coming soon
শশিলেক ব্যাখ্যা (ইন্দু কৃত)
কালস্বভাবাদিভিঃ সপ্তবিধা নিদ্রা| তত্র প্রথমা যা নিদ্রা সা কালস্বভাবপ্রভবা শরীরং ধারযতি| অন্তগা তমোভবা পাপ্মা দুষ্টা| অন্যা শেষা যা আমযখেদেন, চিত্তখেদেন, দেহখেদেন, চামাদিনা, শ্লেষ্মপ্রভবা, আগন্তুনা শস্ত্রপ্রহারাদিনা জাতা| এতাঃ ব্যাধীনাং নিমিত্তম্|| ৪৯||
Adhikarana সম্ভোগে নিষিদ্ধা স্ত্রী দেশকালাদি চ (৫০) · Śloka ৫০
গ্রাম্যধর্মপ্রবৃত্তৌ তু রজস্বলামনিষ্টাচারামশস্তামতিস্থূলামতিকৃশাং গর্ভিণীং সূতিকামনুত্তানাং বিকৃতাঙ্গাং গণিকামপ্রজসং দুষ্টযোনিমন্যযোনিমন্যস্ত্রিযং বিশেষাচ্চ বযোবর্ণবৃদ্ধাং সগোত্রাং গুরুমিত্রবন্ধুভৃত্যপত্নীং বর্ণিনীং তথা চৈত্যচত্বরচতুষ্পথোপবনশ্মশানাঘাতসলিলৌষধদ্বিজগুরুসুরনৃপালযেষ্বহনি গোসর্গে মধ্যন্দিনেঽর্দ্ধরাত্রৌ পর্বেষ্বনঙ্গে পিপাসুরপ্রণীতসঙ্কল্পো বা ন গচ্ছেত্||৫০||
ग्राम्यधर्मप्रवृत्तौ तु रजस्वलामनिष्टाचारामशस्तामतिस्थूलामतिकृशां गर्भिणीं सूतिकामनुत्तानां विकृताङ्गां गणिकामप्रजसं दुष्टयोनिमन्ययोनिमन्यस्त्रियं विशेषाच्च वयोवर्णवृद्धां सगोत्रां गुरुमित्रबन्धुभृत्यपत्नीं वर्णिनीं तथा चैत्यचत्वरचतुष्पथोपवनश्मशानाघातसलिलौषधद्विजगुरुसुरनृपालयेष्वहनि गोसर्गे मध्यन्दिनेऽर्द्धरात्रौ पर्वेष्वनङ्गे पिपासुरप्रणीतसङ्कल्पो वा न गच्छेत्||५०||
🔊 Audio coming soon
শশিলেক ব্যাখ্যা (ইন্দু কৃত)
স্বপ্নমুক্ত্বা ক্রমপ্রাপ্তমব্রহ্মচর্যমুচ্যতে| অব্রহ্মচার্যং স্ত্রীগমনম্ গ্রাম্যধর্মপ্রবৃত্তিরিতি পর্যাযঃ| তস্যাং তু গ্রাম্যধর্মপ্রবৃত্তৌ প্রকৃতাযাং রজস্বলাত্বাদিযুক্তাং নারীং ন গচ্ছেত্| চৈত্যাদিষু প্রদেশেষু দিবসগোসর্গাদিষু চ কালেষু অনঙ্গঞ্চ পিপাসাদ্যবস্থাসু চ| রজস্বলা উদক্যা অনিষ্ঠাং রূপাদিনা অপ্রিযাং অনিষ্টাচারা যা প্রিযাঽপি তদ্দ্বিষ্টমাচরতি| অশস্তাম্ হীনাকৃতিজন্মলক্ষণাম্| বিকৃতাঙ্গাং কৌব্জবামনত্বাদিজন্মযুক্তাম্| গণিকাং বেশ্যাম্| অপ্রজসং বন্ধ্যাম্| যস্যা বা প্রজা জাতাঽপি ন জীবতি| দুষ্টং ব্যাধিভির্যোনির্যস্যাঃ| অন্যযোনির্বডবাগর্দভ্যাদিঃ অন্যস্ত্রী পরস্ত্রী বিশেষাচ্চ বযোবর্ণবৃদ্ধাং ন গচ্ছেত্| বর্ণবৃদ্ধা জাত্যধিকা| বযোবৃদ্ধা প্রসিদ্ধা| সগোত্রামেকগোত্রাং তথা গুর্বাদিপত্নীং চ বিশেষাদ্বর্জযেত্| চৈত্যঃ প্রসিদ্ধঃ| গ্রামাদ্বহির্মহাবৃক্ষশ্চ চৈত্যঃ| চত্বরঃ ত্রিপথম্| আঘাতনং সূনাদিনিগ্রহস্থানম্| সলিলাদীনামালযেনাশ্রযবাচিনা সম্বন্ধঃ| সলিলালযো নদীতটাকাদিঃ| ঔষধালযঃ তত্স্থানং পর্বতবেষ্মাদিঃ যত্র বহূন্যৌষধানি ভবন্তি| গোসর্গো রাত্রিক্ষযঃ| পর্বদিনং চতুর্থী, ষষ্ঠী, অষ্টমী অমাবস্যা চ| অনঙ্গং যোন্যাভিধানাদঙ্গাদন্যত্ পাণ্যূর্বাদি| অপ্রণীতসঙ্কল্পো অনুত্পন্নতদিচ্ছঃ|| ৫০||
Adhikarana বিপরীতব্যবাযাদীনাং নিষেধঃ (৫১) · Śloka ৫১
ন চ বিপরীতব্যবাযে যোজযেত্||৫১||
न च विपरीतव्यवाये योजयेत्||५१||
🔊 Audio coming soon
শশিলেক ব্যাখ্যা (ইন্দু কৃত)
ন বিপরীতব্যবাযে চ স্ত্রিয কাঞ্চন যোজযেত্| বিপরীতব্যবাযঃ স্ত্রিযাঃ পুরুষকর্ম|| ৫১||
Adhikarana সম্ভোগে মহাভোগশরীরাদীনাং বিশেষনিষেধঃ (৫২) · Śloka ৫২
বিশেষেণ চাতিব্যাযতাং গর্ভিণীং নবপ্রসূতামৃতুমতীং সংবৃতযোনিঞ্চ||৫২||
विशेषेण चातिव्यायतां गर्भिणीं नवप्रसूतामृतुमतीं संवृतयोनिञ्च||५२||
🔊 Audio coming soon
শশিলেক ব্যাখ্যা (ইন্দু কৃত)
অতিব্যাযতত্বাদিযুক্তাং তু বিশেষেণ ন যোজযেত্| অত্রানৃতুমত্যসঞ্জাতার্ত্তবা বালা| ঋতুমতীমিতি কেচিত্ পঠন্তি| অতিব্যাযতা মহাভোগশরীরা|| ৫২||
Adhikarana মূর্দ্ধাভিঘাতনিষেধঃ (৫৩) · Śloka ৫৩
মূর্দ্ধাভিঘাতং চ পরিহরেত্| ন চ নিষেকাভিমুখং শুক্রং ধারযেদিতি||৫৩||
मूर्द्धाभिघातं च परिहरेत्| न च निषेकाभिमुखं शुक्रं धारयेदिति||५३||
🔊 Audio coming soon
শশিলেক ব্যাখ্যা (ইন্দু কৃত)
মৈথুনে মূর্ধ্নঃ শিরসোঽভিঘাতং তাডনং বর্জযেত্| তথা বৃক্ষঃপ্রভৃতীনাং দেশাদ্যপেক্ষযা চ পরিগ্রহঃ|| ৫৩||
Adhikarana ব্যবাযমাত্রা (৫৪) · Śloka ৫৪
মনঃশরীরস্থিতিমাত্রমেব ব্যবাযং সেবেত| ন তত্পরঃ স্যাদিতি||৫৪||
मनःशरीरस्थितिमात्रमेव व्यवायं सेवेत| न तत्परः स्यादिति||५४||
🔊 Audio coming soon
শশিলেক ব্যাখ্যা (ইন্দু কৃত)
যাবতা ব্যবাযেন মনস ঔত্সুক্যং শরীরে চ শুক্রস্রুত্যাদিকং ন পশ্যতি| তাবন্তমেব ব্যবাযং সেবেত| নৈব মৈথুনপরঃ স্যাদিতি|| ৫৪||
Adhikarana সম্ভোগনিযমাঃ (৫৫) · Śloka ৫৫
ভবতি চাত্র শ্লেকঃ- বিস্রব্ধহৃষ্টো রহসি তত্কামস্তরুণঃ পুমান্| সমস্থিতাঙ্গঃ সুরভির্মুক্তমূত্রাদিরব্যথঃ| নানাশিতো নাত্যশিতো বৃষ্যাণাং তর্পিতস্ত্র্যহম্| নারীং নারীর্গুণৈর্যুক্তাং সহপূর্ণগুণাং ব্রজেত্||৫৫||
भवति चात्र श्लेकः- विस्रब्धहृष्टो रहसि तत्कामस्तरुणः पुमान्| समस्थिताङ्गः सुरभिर्मुक्तमूत्रादिरव्यथः| नानाशितो नात्यशितो वृष्याणां तर्पितस्त्र्यहम्| नारीं नारीर्गुणैर्युक्तां सहपूर्णगुणां व्रजेत्||५५||
🔊 Audio coming soon
শশিলেক ব্যাখ্যা (ইন্দু কৃত)
ভবতি চাত্রেতি শৈলী| বিস্রম্ভাদিযুক্তো নারীং ব্রজেত্| বিস্রব্ধঃ স্বস্থামনাঃ রহস্যেকান্তে| তত্কামো গম্যমানযোষিত্কামঃ গমনদিবসাত্ পূর্বং দিবসত্রযং বৃষ্ণৈরাহারৈঃ কৃততৃপ্তিঃ| কিম্ভূতাং নারীং নারীগুণৈর্বাজীকরণাধ্যাযোত্কৈর্যুক্তাম্| তত্র হি `তস্মাদ্যা যস্য হৃদযম্' ইত্যাদিনা বক্ষ্যতি| পূর্বোক্তৈশ্চ গুণৈর্বিস্রম্ভাদিভিঃ পুরুষোক্তঃ| কেবলং লিঙ্গবৈপরীত্যম্|| ৫৫||
Adhikarana ঋতুবিশেষেণ সংযোগে কালনিযমঃ (৫৬) · Śloka ৫৬
দ্ব্যহাদ্বসন্তে তস্যান্তে পক্ষাত্তদ্বদ্ ঘনোদযে| সেবেত কামতঃ কামং হেমন্তে শিশিরে বলী||৫৬||
द्व्यहाद्वसन्ते तस्यान्ते पक्षात्तद्वद् घनोदये| सेवेत कामतः कामं हेमन्ते शिशिरे बली||५६||
🔊 Audio coming soon
শশিলেক ব্যাখ্যা (ইন্দু কৃত)
বসন্তে দ্ব্যহান্নারীং ব্রজেত্ তস্য বসন্তস্যান্তে গ্রীষ্মে পক্ষাত্তদ্বত্ ঘনোদযে বর্ষাসু হেমন্তে শিশিরে চ বলী বলবান্ কামতো যথেচ্ছং সেবেত| শরদি ত্বনুক্তাবপি বসন্তসদৃশবলাদিমত্বাদ্ দ্ব্যহাদেব নারীং ব্রজেত্| তথা চ শ্রীবাগ্ভটগ্রন্থ এব- `দ্ব্যহাবসন্তশরদোঃ' ইতি|| ৫৬||
Adhikarana মৈথুনানন্তরং সেবনীযানি (৫৭) · Śloka ৫৭
স্নানাঙ্গরাগব্যজনেন্দুপাদ- মাংসাসবক্ষীররসান্ রসালাম্| ভক্ষ্যান্ সিতাঢ্যান্ সলিলং সুশীতং সেবেত নিদ্রাঞ্চ রতান্ততান্তঃ||৫৭||
स्नानाङ्गरागव्यजनेन्दुपाद- मांसासवक्षीररसान् रसालाम्| भक्ष्यान् सिताढ्यान् सलिलं सुशीतं सेवेत निद्राञ्च रतान्ततान्तः||५७||
🔊 Audio coming soon
শশিলেক ব্যাখ্যা (ইন্দু কৃত)
রতান্তে চ তান্তঃ ক্লান্তঃ স্নানাদীন্ সেবেত|| ৫৭||
Adhikarana গ্রাম্যধর্মোত্তরং স্নানাদিসেবনস্য ফলম্ (৫৮) · Śloka ৫৮
স্ত্রীসংসর্গাদ্ধি সদ্যঃ স্যাত্ক্লীবতা বলিনামপি| এবং চাপ্যাযতে শীঘ্রং তেষাং শুক্রং চ ধাম চ||৫৮||
स्त्रीसंसर्गाद्धि सद्यः स्यात्क्लीबता बलिनामपि| एवं चाप्यायते शीघ्रं तेषां शुक्रं च धाम च||५८||
🔊 Audio coming soon
শশিলেক ব্যাখ্যা (ইন্দু কৃত)
কিমর্থমেতত্ কুর্যাদত আহ- স্ত্রীসংসর্গাদিতি| বলিনামপি স্ত্রীসংসর্গে তত্কালং ক্লৈব্যমবশ্যমেব ভবতি| অনেন তু স্নানাদিনা কৃতেন শীঘ্রমেব শুক্রমাপ্যাযতে|| ৫৮||
Adhikarana অবিধিগ্রাম্যধর্মসেবাযা দোষাঃ (৫৯) · Śloka ৫৯
দুষ্ট্যাযুরোজঃশুক্রাণাং ক্ষযং মেঢ্রাশ্রযান্ গদান্| বাযোঃ কোপমধর্মং চ মূঢঃ প্রাপ্নোত্যতোঽন্যথা| উত্তানো বেগরোধী বা বৃদ্ধিমেহাশ্মশর্করাঃ| তিমিরাদিগদোত্পত্তির্মূর্দ্ধাদ্যহননাদ্ ধ্রুবম্||৫৯||
दुष्ट्यायुरोजःशुक्राणां क्षयं मेढ्राश्रयान् गदान्| वायोः कोपमधर्मं च मूढः प्राप्नोत्यतोऽन्यथा| उत्तानो वेगरोधी वा वृद्धिमेहाश्मशर्कराः| तिमिरादिगदोत्पत्तिर्मूर्द्धाद्यहननाद् ध्रुवम्||५९||
🔊 Audio coming soon
শশিলেক ব্যাখ্যা (ইন্দু কৃত)
অতো যথোক্তাদ্বিধানাদন্যেন নারীং গচ্ছন্মূঢো দৃষ্ট্যাদিক্ষযং মেঢ্ররোগান্ বাতকোপধর্মং চ প্রাপ্নোতি যথাসম্ভবম্| তথা স্ত্রিযাঃ পুরুষাযিতে পুরুষ উত্তানো গচ্ছন্ বাযোর্বৈপরীত্যেনাশু শুক্রনির্গমনাদ্ বৃদ্ধ্যাদীন্ প্রাপ্নোতি| যশ্চান্যথাপি শুক্রবেগরোধী সোঽপি| বৃদ্ধিরান্ত্রবৃদ্ধিঃ বক্ষোমূর্দ্ধাদ্যাহননাত্তিমিরাদীন্ ঊর্ধ্বজত্রুরোগানুরসঃ শূলাদীংশ্চ প্রাপ্নোতি| ধ্রুবমাবশ্যকে|| ৫৯||
Adhikarana অতিমৈথুনে ব্যাপদঃ (৬০) · Śloka ৬০
ভ্রমক্লমোরুদৌর্বল্যবলধাত্বিন্দ্রিযক্ষযঃ| অপর্বমরণং চ স্যাদ্বিশেষেণাতিমৈথুনাত্||৬০||
भ्रमक्लमोरुदौर्बल्यबलधात्विन्द्रियक्षयः| अपर्वमरणं च स्याद्विशेषेणातिमैथुनात्||६०||
🔊 Audio coming soon
শশিলেক ব্যাখ্যা (ইন্দু কৃত)
অতিমৈথুনাত্ ভ্রমাদ্যুত্পত্তিঃ| অপর্বমরণমকালমরণম্| বিশেষেণোর্বোর্বলহানিঃ, ঊরুদৌর্বল্যম্|| ৬০||
Adhikarana সম্ভোগে নিযমঃ (৬১) · Śloka ৬১
ন চোনঃ ষোডশাদ্বর্ষাত্ সপ্ততেঃ পরতো ন চ| আযুষ্কামো নরঃ স্ত্রীভিঃ সংযোগং গন্তুমর্হতি||৬১||
न चोनः षोडशाद्वर्षात् सप्ततेः परतो न च| आयुष्कामो नरः स्त्रीभिः संयोगं गन्तुमर्हति||६१||
🔊 Audio coming soon
শশিলেক ব্যাখ্যা (ইন্দু কৃত)
আযুর্যোঃ নরঃ কামযতে স ষোডশাদ্ বর্ষাদধঃ সপ্ততেরূর্ধ্বং চ বর্ষেষু স্ত্রীভিঃ সংসর্গে গন্তুং নার্হতি|| ৬১||
Adhikarana বাল্যাবস্থাযাং সম্ভোগে হানিঃ (৬২) · Śloka ৬২
অতিবালো হ্যাসম্পূর্ণসর্বধাতুঃ স্ত্রিযং ব্রজন্| উপতপ্যেত সহসা তটাকমিব কাজলম্||৬২||
अतिबालो ह्यासम्पूर्णसर्वधातुः स्त्रियं व्रजन्| उपतप्येत सहसा तटाकमिव काजलम्||६२||
🔊 Audio coming soon
শশিলেক ব্যাখ্যা (ইন্দু কৃত)
যতঃ ষোডশাদূনবর্ষ অতিবালঃ অসম্পূর্ণধাতুঃ সহসা স্ত্রিযো গচ্ছন্নুপতপ্যেত যথা তটাকং কাজলং স্তোকজলং ঝটিত্যেব সূর্যসন্তাপাদি ভিরুপতপ্যতে শুষ্যতি তথা|| ৬২||
Adhikarana বৃদ্ধস্য স্ত্রীগমনে হানিঃ (৬৩) · Śloka ৬৩
শুষ্কং রূক্ষং যথা কাষ্ঠং জন্তুজগ্ধং বিজর্জরম্| স্পৃষ্টমাশু বিশীর্যেত তথা বৃদ্ধঃ স্ত্রিযং ব্রজন্||৬৩||
शुष्कं रूक्षं यथा काष्ठं जन्तुजग्धं विजर्जरम्| स्पृष्टमाशु विशीर्येत तथा वृद्धः स्त्रियं व्रजन्||६३||
🔊 Audio coming soon
শশিলেক ব্যাখ্যা (ইন্দু কৃত)
সপ্ততেরূর্ধ্বং বৃদ্ধঃ স্ত্রিযো ব্রজন্ আশু বিশীর্যেত জটিতি নশ্যেত| যথা জন্তুভিঃ কৃমিভির্ভক্ষিতং কাষ্ঠং শুষ্কং রূক্ষং বিজর্জ্জরমতিপুরাণত্বান্নষ্টস্থৈর্যং স্পৃষ্টং নশ্যতীতি|| ৬৩||
Adhikarana শুক্রপরিরক্ষণোপদেশঃ (৬৪) · Śloka ৬৪
কাযস্য তেজঃ পরমং হি শুক্রমাহারসারাদপি সারভূতম্| জিতাত্মনা তত্পরিরক্ষণীযং ততো বপুঃ সন্ততিরপ্যুদারা||৬৪||
कायस्य तेजः परमं हि शुक्रमाहारसारादपि सारभूतम्| जितात्मना तत्परिरक्षणीयं ततो वपुः सन्ततिरप्युदारा||६४||
🔊 Audio coming soon
শশিলেক ব্যাখ্যা (ইন্দু কৃত)
এবং স্থিতে জিতাত্মনা জিতেন্দ্রিযেণ সতা শুক্রং পরিরক্ষণীযম্| যতঃ কাযস্য শরীরস্য শুক্রং শ্রেষ্ঠং তেজঃ| কিম্ভূতম্ তত্? আহারস্য সারাদ্রসাখ্যাদপি সারভূতং তস্মাদ্রক্ষণীযম্| অতশ্চ রক্ষণীযম্| যতস্ততঃ শুক্রাদ্রক্ষিতাদ্বপুঃ শরীরং সতেজস্ত্বাদুদারমুত্কৃষ্টং ভবতি|| ৬৪||
Adhikarana তাত্কালিকসুখকরাণ্যপ্রমত্তেন সেব্যানি শাশ্বতসুখ-দাযিকানি তু তত্পরেণ সেব্যানি (৬৫) · Śloka ৬৫
অপ্রমতো ভজেদ্ভাবাংস্তদাত্বসুখসংজ্ঞকান্| সুখোদর্কেষু সজ্জেত দেহস্যৈতদলং হিতম্||৬৫||
अप्रमतो भजेद्भावांस्तदात्वसुखसंज्ञकान्| सुखोदर्केषु सज्जेत देहस्यैतदलं हितम्||६५||
🔊 Audio coming soon
শশিলেক ব্যাখ্যা (ইন্দু কৃত)
ইদং কর্তব্যতাপ্রসঙ্গেনোচ্যতে| তদাত্বসুখসজ্ঞকান্ ভাবানপ্রমত্তং ভজেত্| তদাত্বসুখসংজ্ঞকান্ যে তদাত্বে দৃষ্টং এব তত্কালং সুখফলা যোষিদাহারদযস্তে ভাবাঃ অপ্রমত্তাদিনা সতা সেব্যাঃ| যতো দৃষ্টাদৃষ্ট্যোর্দুঃখকর্ত্তৃত্বেন ন বিরুধ্যন্তে যে তদাত্বসুখাস্তেষাং বস্তুতো দুঃখানামেব সুখবুদ্ধির্লোকস্যেতি জ্ঞাপযতি সংজ্ঞাগ্রহণেন| তথা সুখোদর্কেষু সদ্যো দুঃখাদেষ্বপি অদৃষ্টসুখফলেষু সজ্জেত তাত্পর্যমাশ্রযেত তপোদানাদিষু| এতদুভযং দেহস্য হিতত্বে পর্যাপ্তম্|| ৬৫||
Adhikarana হিতাহারসেবনেঽপি রোগোদ্ভবে কারণম্ (৬৬) · Śloka ৬৬
প্রজ্ঞাপরাধোঽসাত্ম্যার্থসংযোগঃ কালবৈকৃতম্| হিতেঽপি রতমাহারে যোজযন্ত্যামযৈর্নরম্||৬৬||
प्रज्ञापराधोऽसात्म्यार्थसंयोगः कालवैकृतम्| हितेऽपि रतमाहारे योजयन्त्यामयैर्नरम्||६६||
🔊 Audio coming soon
শশিলেক ব্যাখ্যা (ইন্দু কৃত)
তস্মাত্ প্রজ্ঞাপরাধাদি নরমামযৈর্ব্যাধিভির্যোজযতি| প্রজ্ঞাপরাধো দিনচর্যোক্তাচারব্যতিক্রমঃ| তথাঽসাত্ম্যৈরনুচিতৈঃ শব্দাদিভিরিদ্রিযার্থৈঃ সংযোগঃ| কালস্য চ বিকৃতত্বং বিষমত্বং বা| যথাপ্রাপ্তত্বাদ্বিপরীতস্বরূপত্বম্| কিম্ভূতং নরমিত্যাহ- হিতেঽপ্যাহারে রতমহিতস্য ত্বাহারস্য রোগকৃত্ত্বং স্থিমেবেত্যপি শব্দস্যার্থঃ|| ৬৬||
Adhikarana অহিতাহারাসেবনেঽপি রোগাসম্ভবে কারণম্ (৬৭) · Śloka ৬৭
নাপথ্যসেবনং সদ্যঃ প্রবাধন্তে তদা মলাঃ| প্রকোপং প্রতিবিঘ্নন্তি ভিন্নৈর্দূষ্যাদিভির্যদা| ন চ সর্বোপচারোঽপি সর্বদা সর্বদোষকৃত্| ন হি সর্বাণ্যপথ্যানি তুল্যদোষাণি নৈব চ| সর্বে তুল্যবলা দোষা ন সর্বাণি বপূংষি চ| ব্যাধিক্শমত্বে শক্তানি||৬৭||
नापथ्यसेवनं सद्यः प्रबाधन्ते तदा मलाः| प्रकोपं प्रतिविघ्नन्ति भिन्नैर्दूष्यादिभिर्यदा| न च सर्वोपचारोऽपि सर्वदा सर्वदोषकृत्| न हि सर्वाण्यपथ्यानि तुल्यदोषाणि नैव च| सर्वे तुल्यबला दोषा न सर्वाणि वपूंषि च| व्याधिक्शमत्वे शक्तानि||६७||
🔊 Audio coming soon
শশিলেক ব্যাখ্যা (ইন্দু কৃত)
ননু চৈবং হি দৃষ্টং যথা অপথ্যং সেবিতং ন চ রোগ উত্পন্নঃ| তত্ কথমিত্যুচ্যতে| অপথ্যসেবিনং পুরুষং মলা বাতাদযঃ সদ্য এব তদা ন বাধন্তে যদা ভিন্নৈর্বিসদৃশৈর্দূষ্যদেশাদিভিঃ প্রকোপে বিঘ্নন্তি| যথা পিত্তকোপকারণে আনূপদেশে সেবিতে ঝটিতি ব্যাধির্নোত্পদ্যতে| যদা তু দূষ্যাদীনাং সাদৃশ্যাত্ মলানাং কোপে বিঘ্নো ন ভবতি তদাবশ্যং সদ্য এব বাধন্তে| অতশ্চ সদ্যো ন বাধন্তে মলাঃ| যতো ন সর্বাপচারোঽপথ্যসেবনং সর্বদৈব সর্বদোষকরঃ| তেনৈতদুক্তং ভবতি- কিশ্চ্দপচারঃ কদাচিদ্দোষবিশেষহেতুঃ| দূষ্যাসাদৃশ্যাত্| যতো ন হি সর্বাণ্যপথ্যানি তুল্যদোষাণি একদোষহেতূনি| তথা হি - যেনাপথ্যং শ্লেষ্মকারণং সেবিতং তস্য তস্মিন্নাহারাদাববশ্যং তদ্বিপরীতদোষকারণমপি সম্ভবতি| যেন স ন তথা কুপ্যতি| যতশ্চ সর্বে দোষা ন সদৃশবলাঃ| কশ্চিদ্ধীনবলো বলাধিকেন রুদ্ধকোপো ন কুপ্যতি ন চ সর্বাণি বপূংষি ব্যাধিক্ষমত্বে শক্তানি| তেনৈতদুক্তং ভবতি- বহুরপি দোষঃ কুপিতো ব্যাধিক্ষমে দেহে ন লক্ষ্যতে| পীডাকরণাশক্তত্বাত্|| ৬৭||
Adhikarana অপথ্যস্যাপথ্যতমত্বে ভাবে কারণম্ (৬৮) · Śloka ৬৮
যতোঽপথ্যং তদেব তু| গচ্ছত্যপথ্যতমতাং তুল্যদোষাদিবর্দ্ধিতম্||৬৮||
यतोऽपथ्यं तदेव तु| गच्छत्यपथ्यतमतां तुल्यदोषादिवर्द्धितम्||६८||
🔊 Audio coming soon
শশিলেক ব্যাখ্যা (ইন্দু কৃত)
তথা তুল্যৈর্দূষ্যাদিভিরুপবৃংহিতমপথ্যং যতোঽপথ্যতমতাং গচ্ছন্তি বলাত্| এতদুক্তং ভবতি- বিসদৃশৈর্দূষ্যাদিভির্যুক্তমপথ্যং কদাচিদ্দোষকরং ন ভবতি| তুল্যাঃ সদৃশদূষ্যাদযঃ| যথা শ্লেষ্মপ্রকৃতের্মন্দাগ্নেরল্পবলস্য স্বল্পসত্ত্বস্য স্নিগ্ধাদিসাত্ম্যস্য স্নিগ্ধগুর্বাদিপ্রকুপিতেন কফেন বসন্তে মেদসো দূষণম্| অত্রৈকদ্বিত্রাণাং দূষ্যাদীনাং সাদৃশ্যাসাদৃশ্যযোঃ কার্যকর্ত্তৃত্বে গুরুলাঘবং কল্পনীযম্|| ৬৮||
Adhikarana বহুভিঃ কারণৈঃ প্রকুপিতানাং দোষাণামাশুকারিত্বম্ (৬৯) · Śloka ৬৯
ত এব চ পুনর্দোষা হেতুভির্বহুভিশ্চিতাঃ| মিথে বিরুদ্ধা বলিনো দীর্ঘকালানুবন্ধিনঃ| সর্বে সমপ্রকুপিতাঃ প্রাপ্যাল্পমপি কারণম্| প্রাণাযতনমাশ্রিত্য গম্ভীরাঃ সর্বমার্গগাঃ| দেহেঽহিতোচিতে তে স্যুশ্চিরাদপ্যাশুকারিণঃ||৬৯||
त एव च पुनर्दोषा हेतुभिर्बहुभिश्चिताः| मिथे विरुद्धा बलिनो दीर्घकालानुबन्धिनः| सर्वे समप्रकुपिताः प्राप्याल्पमपि कारणम्| प्राणायतनमाश्रित्य गम्भीराः सर्वमार्गगाः| देहेऽहितोचिते ते स्युश्चिरादप्याशुकारिणः||६९||
🔊 Audio coming soon
শশিলেক ব্যাখ্যা (ইন্দু কৃত)
ত এব চ বাতাদযো দোষা যে অপথ্যহেতবস্তে চিরাদপি স্বল্পমপি কারণমাসাদ্যাপথ্যোচিতে দেহে আশুকারিণো ব্যাধীনাং মারণাত্মকেন কর্মণা ভবন্তি| কিম্ভূতাঃ? হেতুভিঃ কারণৈঃ শীতগুর্বাদিভির্বহুভিশ্চিতাঃ সঞ্চিতা মিথঃ পরস্পরেণ বিরুদ্ধাস্তথা বলবন্তো দীর্ঘকালানুবন্ধিনো বহুকালস্থিতাঃ সর্বে চ সমমেককালং প্রকুপিতাঃ প্রাণাযতনং প্রাণস্থানং হৃদযাদিকমাশ্রিত্য প্রকুপিতা গম্ভীরা অন্তস্সরাঃ সর্বমার্গগা অশেষস্রোতোব্যাপিনঃ|| ৬৯||
Adhikarana কেষাঞ্চিদহিতাহারাদিভিরপি সাত্ম্যত্বাদি (৭০) · Śloka ৭০
অহিতান্যপি চান্যেষামভ্যাসাদুপশেরতে| দোষাশ্চৈষাং ক্ষযং যান্তি কর্মবাতাতপাদিভিঃ||৭০||
अहितान्यपि चान्येषामभ्यासादुपशेरते| दोषाश्चैषां क्षयं यान्ति कर्मवातातपादिभिः||७०||
🔊 Audio coming soon
শশিলেক ব্যাখ্যা (ইন্দু কৃত)
অন্যেষাং চাহিতান্যপি অভ্যাসাদুপশযবন্তি ভবন্তি| উপশযঃ সাত্ম্যং দেহসুখকর্ত্তৃত্বম্| ননু চ তদহিতং বাতাদিকোপেন কথং রোগং ন করোতি? উচ্যতে- তেষামহিতোচিতানাং দোষাঃ কর্মভির্দ্ধাবনলঙ্ঘনাদিভির্বাতাতপাদিভিশ্চ ক্ষযমাযান্তি| প্রতিদিনং বৃদ্ধাঃ প্রতিদিনমেব ক্ষীযন্তে|| ৭০||
Adhikarana ভিন্নাহারাদিমতামপি বহূনামেকরোগোত্পত্তৌ হেতুঃ (৭১) · Śloka ৭১
ভিনাহারাবযঃসাত্ম্যপ্রকৃতীনাং সমং ভবেত্| একো বিকৃবায্বাদিযুগপত্সেবনাদ্গদঃ||৭১||
भिनाहारावयःसात्म्यप्रकृतीनां समं भवेत्| एको विकृवाय्वादियुगपत्सेवनाद्गदः||७१||
🔊 Audio coming soon
শশিলেক ব্যাখ্যা (ইন্দু কৃত)
ননু চৈবমনন্তরোক্তেন প্রকারেণ ভিন্নেষু ভিন্নবলেষু ভিন্নকালেষু চ দোষদূষ্যাদিষু বহূনামেকরোগোত্পত্তিঃ সমকালং দৃষ্টা তত্ কথমিত্যুচ্যতে- ভিন্নাহারেত্যাদি| ভিন্না বিসদৃশা আহারদযো যেষাং তে তথাবিধাঃ তেষাং সমমেককালং য একো গদঃ স বিকৃতানাং বায্বাদীনাং সেবনাত্|| ৭১||
Adhikarana বাতাদীনাং বিকৃতৌ কারণানি (৭২) · Śloka ৭২
বাতাদীনাং তু বিকৃতির্বিকৃতাদ্গ্রহচারতঃ| ভৌমান্তরিক্ষদিব্যেভ্য উত্পাতেভ্যশ্চ জাযতে||৭২||
वातादीनां तु विकृतिर्विकृताद्ग्रहचारतः| भौमान्तरिक्षदिव्येभ्य उत्पातेभ्यश्च जायते||७२||
🔊 Audio coming soon
শশিলেক ব্যাখ্যা (ইন্দু কৃত)
কথং তেষাং বাতাদীনাং তথাবিধা বিকৃতিরুচ্যতে| বিকৃতাত্ গ্রহাণাং রাশিগমনাত্| ভৌমাদিভ্যশ্চোত্পাতেভ্যঃ| ভূমৌ জাতো ভৌমঃ| এবং দিবি স্বর্গে অন্তরিক্ষে চ|| ৭২||
Adhikarana বিকৃতগ্রহচারাদিসম্ভবহেতুঃ (৭৩) · Śloka ৭৩
সম্ভবঃ পুনরেতেষাং কর্মণঃ সামুদাযিকাত্||৭৩||
सम्भवः पुनरेतेषां कर्मणः सामुदायिकात्||७३||
🔊 Audio coming soon
শশিলেক ব্যাখ্যা (ইন্দু কৃত)
এতেষাং চ বিকৃতগ্রহচারভৌমোত্পাতাদীনাং সামুদাযিকাত্ পূর্বকৃতাত্সম্প্রতি কৃতাচ্চ মিশ্রীভূতাত্ কর্মণঃ সম্ভবঃ| পূর্বে কৃতেন তস্মিন্ কালে পুরুষস্য প্রাপ্তফলেন সাম্প্রতিকেন চ পূজ্যপূজাব্যতিক্রমেণ চ|| ৭৩||
Adhikarana দুষ্টবাযোর্লক্ষণম্ (৭৪) · Śloka ৭৪
দুষ্টো বাযুরভিষ্যন্দী স্তিমিতোঽত্যূষ্ণশীতলঃ| কুণ্ডলী ভৈরবরবঃ পরুষোঽনার্ত্তবো বলী| অন্যোন্যব্যাহতগতিঃ পাংসুবাষ্পবিষান্বিতঃ||৭৪||
दुष्टो वायुरभिष्यन्दी स्तिमितोऽत्यूष्णशीतलः| कुण्डली भैरवरवः परुषोऽनार्त्तवो बली| अन्योन्यव्याहतगतिः पांसुबाष्पविषान्वितः||७४||
🔊 Audio coming soon
শশিলেক ব্যাখ্যা (ইন্দু কৃত)
ননু দুষ্টানাং বাতাদীনাং দোষকারণত্বমুক্তম্| কে চ তে ইতি ন জ্ঞাযন্তে| অতো লক্ষণার্থমুচ্যতে| দুষ্টো বাযুরভিষ্যন্দী মালিন্যেন স্রোতসাং স্রাবকঃ| স্তিমিতঃ অবেগবানত্যুষ্ণো ভবত্যতিশীতো বা কুণ্ডল্যাবর্ত্তবান্ ভৈরবরবো ভীষণশব্দঃ| পরুষস্তথানার্ত্তবঃ আর্তবাদ্বিপরীতঃ বলী বলবান্ অন্যোন্যং পরস্পরং দিগ্বিশেষেণ ব্যাহতগতী রুদ্ধমার্গঃ পাংস্বাদ্যন্বিতশ্চেতি দুষ্তবাতলক্ষণম্|| ৭৪||
Adhikarana দুষ্টজললক্ষণম্ (৭৫) · Śloka ৭৫
রসবর্ণাদিবিকৃতমপক্রান্তবিহঙ্গমম্| নিন্দিতপ্রভবং তোযমুপক্ষীণজলাশযম্||৭৫||
रसवर्णादिविकृतमपक्रान्तविहङ्गमम्| निन्दितप्रभवं तोयमुपक्षीणजलाशयम्||७५||
🔊 Audio coming soon
শশিলেক ব্যাখ্যা (ইন্দু কৃত)
তোযং দুষ্টং রসবিকৃত্যাদিযুক্তং নিন্দিতাত্ কুস্তিতাদ্যেশাদেঃ প্রভবো যস্য তন্নিন্দিতপ্রভবং অথবা নিন্দিতানাং ক্রিম্যাদীনাং প্রভবো যতঃ স নিন্দিতপ্রভবঃ|| ৭৫||
Adhikarana দুষ্টদেশলক্ষণম্ (৭৬) · Śloka ৭৬
মক্ষিকামূষিকাব্যালবহূত্পাতপ্রদূষিতঃ| দেশোঽপথ্যান্নবহুলো নষ্টধর্মমহৌষধিঃ||৭৬||
मक्षिकामूषिकाव्यालबहूत्पातप्रदूषितः| देशोऽपथ्यान्नबहुलो नष्टधर्ममहौषधिः||७६||
🔊 Audio coming soon
শশিলেক ব্যাখ্যা (ইন্দু কৃত)
দেশো দুষ্টো মক্ষিকাদপ্রদূষিতো ভবতি| অত্র চ ভূযিষ্ঠমপথ্যান্যন্নানি ভবন্তি|| ৭৬||
Adhikarana দুষ্টকাললক্ষণম্ (৭৭) · Śloka ৭৭
কালশ্চ বিপরীতোঽতিহীনলিঙ্গো যথাযথম্||৭৭||
कालश्च विपरीतोऽतिहीनलिङ्गो यथायथम्||७७||
🔊 Audio coming soon
শশিলেক ব্যাখ্যা (ইন্দু কৃত)
কালশ্চ দুষ্টো যথাপ্রাপ্তর্তুস্বরূপবিবক্ষযা বিপরীতলিঙ্গোঽতিলিঙ্গো হীনলিঙ্গশ্চ|| ৭৭||
Adhikarana দুষ্টবাতাদীনামুত্তরমহিতত্বম্ (৭৮) · Śloka ৭৮
এতে দুষ্পরিহারত্বাদহিতাযোত্তরোত্তরম্||৭৮||
एते दुष्परिहारत्वादहितायोत्तरोत्तरम्||७८||
🔊 Audio coming soon
শশিলেক ব্যাখ্যা (ইন্দু কৃত)
এতে দুষ্টা বাতাদযঃ উত্তরোত্তরমহিতাঃ| যো যস্মাদুত্তরঃ স তস্মাদহিতঃ| কথমাহ- উত্তরোত্তরমেব দুষ্পরিহারত্বাদ্বাতোঽপি দুষ্পরিহারঃ| সোঽপি কদাচিত্ পরিহর্তুং শক্যতে বেশ্মপ্রবেশাদিনা| ততোঽপি জলং দুষ্পরিহারম্| অন্নপানাদ্যুপযোগাত্| ততোঽপি দেশো বিনা দেশান্তরমুপাযাভাবাত্| ততোঽপি কালঃ অন্যদেশগমনাদ্যুপাযাসম্ভবাত্ সর্বগত্বাত্ কালস্য|| ৭৮||
Adhikarana বিকৃতবাতাদিসম্ভবে প্রতীকারঃ (৭৯) · Śloka ৭৯
যেষামনিযতং কর্ম তস্মিন্ কালে সুদারুণে| কর্ম পঞ্চবিধং তেষাং যোজ্যং তদ্বদ্রসাযনম্| শস্যতে দেহবৃদ্ধিশ্চ ভেষজৈঃ পূর্বমুদ্ধৃতৈঃ| ব্রহ্মচর্যং দযা দানং সদাচাররতিঃ শমঃ| সদ্ধর্মঃ সত্কথা পূজা দেবর্ষীণাং জিতাত্মনাম্| দেশানামবিপন্নানাং সাধূনাং চ নিষেবণম্| দৈবব্যপাশ্রযং চেষ্টং কর্ম জীবিতরক্ষণম্||৭৯||
येषामनियतं कर्म तस्मिन् काले सुदारुणे| कर्म पञ्चविधं तेषां योज्यं तद्वद्रसायनम्| शस्यते देहवृद्धिश्च भेषजैः पूर्वमुद्धृतैः| ब्रह्मचर्यं दया दानं सदाचाररतिः शमः| सद्धर्मः सत्कथा पूजा देवर्षीणां जितात्मनाम्| देशानामविपन्नानां साधूनां च निषेवणम्| दैवव्यपाश्रयं चेष्टं कर्म जीवितरक्षणम्||७९||
🔊 Audio coming soon
শশিলেক ব্যাখ্যা (ইন্দু কৃত)
অস্মিংশ্চোপহতবাতাদিসম্ভবে কালে সুদারুণে পঞ্চবিধং কর্ম প্রযোজ্যং প্রতিঘাতার্থমুচ্যতে| এষাং পুরুষাণাং তস্মিন্ দুষ্টে কালে সুদারুণে পূর্বকৃতং কর্মানিযতফলদাযি তেষাং পঞ্চবিধং বমনাদিকর্ম যোজ্যম্| নিযতফলদাযিনা তু কর্মণা কেষাঞ্চিদৌষধাদয উপাযাঃ কুণ্ঠীভবন্ত্যেব| পূর্বকৃতস্য কর্মণো নিযতানিযতত্বেন দ্বৈবিধ্যমস্মিন্নেবাধ্যাযে বক্ষ্যতে| তেষাং তস্মিন্নেব কালে রসাযনং যোজ্যম্| ভেষজানি পূর্বোদ্ধৃতানি যান্যনুপহতকালগৃহীতানি| তস্মিন্ কালে এজীবিতরক্ষণায দৈবব্যপাশ্রযং কর্ম বল্যুপহারমণিমন্ত্রাদিকং ব্রহ্মচর্যাদিকং চ শস্যতে| অবিপন্নানামদুষ্টানাং দেশানাম্|| ৭৯||
Adhikarana আকালিকঋতুচর্যানুসরণম্ (৮০) · Śloka ৮০
হেমন্তাদিষু কুর্বীত স্বং স্বং চাকালিকেষ্বপি| বিধিং তচ্ছীলনং যস্মাচ্ছীতাদিদ্বন্দ্বকারিতম্| ঋতুচর্যাদিশীতোষ্ণবৃষ্টিদোষপ্রতিক্রিযা| অতএব চ চর্যাযাংহেমন্তশিশিরে সমে||৮০||
हेमन्तादिषु कुर्वीत स्वं स्वं चाकालिकेष्वपि| विधिं तच्छीलनं यस्माच्छीतादिद्वन्द्वकारितम्| ऋतुचर्यादिशीतोष्णवृष्टिदोषप्रतिक्रिया| अतएव च चर्यायांहेमन्तशिशिरे समे||८०||
🔊 Audio coming soon
শশিলেক ব্যাখ্যা (ইন্দু কৃত)
তথাকালিকেষু বিপরীতর্তুপ্রসঙ্গোদ্ভূতেষু হেমন্তাদিষু স্বং স্বমাত্মীযং বিধিং কুর্যাত্| যতস্তস্য বিধেঃ শীলনে শীতাদীনাং শীতোষ্ণবর্ষাণাং দ্বন্দ্ব উপতাপঃ পুরুষং কারযতি| তেনৈতদুক্তং ভবতি- জ্যেষ্ঠাষাঢযোরন্যযোর্বা মাসযোঃ গ্রীষ্মাদিস্বলক্ষণপ্রসঙ্গে হেমন্তাদিস্বলক্ষণং দৃশ্যতে| তত্র তস্যাগন্তোর্হেমন্তাদিকস্য চর্যাং সেবেত| যতো যৈষা ঋতু চর্যাধ্যাযকথিতা হেমন্তাদিষু চর্যা সা ন যথেচ্ছমেব ক্রিযতে| কিং তর্হি? শীতাদিদোষপ্রতী কারার্থম্| তেন যস্মিন্নেব মাসে শীতাদযস্তস্মিন্নেব সা চর্যা সেব্যা| এতদেবোচ্যতে-ঋতুচর্যেত্যাদিনা| শীতাদিদোষপ্রতীকারা ঋতুচর্যোক্তা ন মাসমাত্রমাশ্রিত্য| এতস্মিন্নর্থ উপপত্তিরুচ্যতে-অত এব চেত্যাদি| হেমন্তশিশিরযোরত এব শীতদোষসদৃশ্যাচ্চর্যাপি সদৃশ্যেবোক্তা||৮০||
Adhikarana আযুষো যুক্ত্যপেক্ষত্বম্সর্বপ্রাণভৃতাং নিত্যমাযুর্যুক্তিমপেক্ষতে| (৮১) · Śloka ৮১
দৈবে পুরুষকারে চ স্থিতং তস্য বলাবলম্||৮১||
दैवे पुरुषकारे च स्थितं तस्य बलाबलम्||८१||
🔊 Audio coming soon
শশিলেক ব্যাখ্যা (ইন্দু কৃত)
আযুষো রক্ষণবস্তুনঃ প্রকৃতত্বাদিদমুচ্যতে- সর্বেষাং প্রাণভৃতাং শরীরিণামাযুর্নিত্যমুভযকর্মবলবত্বাদ্বলবত্বরূপামপেক্ষতে যুক্তিম্| এষ চ পূর্বো গ্রন্থো যথোত্তরগ্রন্থেন সবিস্তরমুচ্যতে| দৈবে পুরুষকৃতে বা কর্মণি বলবতি তদাঽঽযুষোঽপি বলবত্বম্| তস্যাবলত্বেঽপ্যাযুষোঽপ্যবলবত্বম্|| ৮১||
Adhikarana দৈবপুরুষকারযোর্লক্ষণম্ (৮২) · Śloka ৮২
অন্যজন্মকৃতং কর্ম দৈবং পৌরুষমৈহিকম্||৮২||
अन्यजन्मकृतं कर्म दैवं पौरुषमैहिकम्||८२||
🔊 Audio coming soon
শশিলেক ব্যাখ্যা (ইন্দু কৃত)
সুবোধম্|| ৮২||
Adhikarana দৈবপুরুষকর্মণস্ত্রৈবিধ্যম্ (৮৩) · Śloka ৮৩
বিদ্যাত্তে কর্মণী ত্রেধা শ্রেষ্ঠমধ্যাবরত্বতঃ||৮৩||
विद्यात्ते कर्मणी त्रेधा श्रेष्ठमध्यावरत्वतः||८३||
🔊 Audio coming soon
শশিলেক ব্যাখ্যা (ইন্দু কৃত)
তে চ দৈবপুরুষকর্মণী আযুষো হেতুভূতে প্রত্যেকং শ্রেষ্ঠমধ্যাবরত্বেন ত্রিপ্রকারে|| ৮৩||
Adhikarana দৈবপুরুষকারযোর্যুক্ত্যা দীর্ঘাযুস্ত্বাদিসম্ভবঃ (৮৪) · Śloka ৮৪
তযোরুদারযোর্যুক্তির্দীর্ঘস্য সুসুখস্য চ| নিযতস্যাযুষো হেতুর্বিপরীতস্য চাপরা| মধ্যা মধ্যস্য মিশ্রস্য সংকীর্ণা||৮৪||
तयोरुदारयोर्युक्तिर्दीर्घस्य सुसुखस्य च| नियतस्यायुषो हेतुर्विपरीतस्य चापरा| मध्या मध्यस्य मिश्रस्य संकीर्णा||८४||
🔊 Audio coming soon
শশিলেক ব্যাখ্যা (ইন্দু কৃত)
তযোর্দৈবপুরুষকর্মণোরুদারযোঃ শ্রেষ্ঠযোর্যা যুক্তিঃ সা নিযতকালস্য দীর্ঘস্য চাযুষো হেতুঃ| তযোশ্চ হীনযোরপরা যুক্তিরেতদ্বিপরীতস্যাযুষো হেতুঃ| তযোশ্চ মধ্যা যুক্তির্মধ্যস্যাযুষো হেতুঃ সংকীর্ণা যুক্তির্যত্র একস্য কর্মণো বলবত্বমন্যস্য মধ্যত্বমবলত্বং বা| এবং মধ্যত্বাবলবত্বে অপি| সা সংকীর্ণা সংকীর্ণস্য লক্ষণসংকরযুক্তস্যাযুষো হেতুঃ|| ৮৪||
Adhikarana বলীযেন পৌরুষেণ দুর্বলং দৈবমুপহন্যতে (৮৫) · Śloka ৮৫
শৃণু চাপরম্| দৈবং পুরুষকারেণ দুর্বলং হ্যুপহন্যতে| তথা দৈবেন বলিনা পৌরুষং কর্ম দুর্বলম্||৮৫||
शृणु चापरम्| दैवं पुरुषकारेण दुर्बलं ह्युपहन्यते| तथा दैवेन बलिना पौरुषं कर्म दुर्बलम्||८५||
🔊 Audio coming soon
শশিলেক ব্যাখ্যা (ইন্দু কৃত)
ননু দ্বে বলবত্বাবলবত্বযুক্তে একত্র বিরোধাত্ কথং ফলদাযিনো অত উচ্যতে- পুরুষকারেণ দানাদিনা বলবতা অবলং দৈবং কর্মোপহন্যতে| দৈবেন বলিনা পৌরুষবলমুপহন্যতে|| ৮৫||
Adhikarana কেষাঞ্চিন্মতেনাযুষোর্নিযতপ্রমাণম্ (৮৬) · Śloka ৮৬
দৃষ্ট্বা যদেকে মন্যন্তে নিযতং মানমাযুষঃ||৮৬||
दृष्ट्वा यदेके मन्यन्ते नियतं मानमायुषः||८६||
🔊 Audio coming soon
শশিলেক ব্যাখ্যা (ইন্দু কৃত)
যদ্দৈবং কর্ম বলবদ্ দৃষ্ট্বা একে আযুর্নিযতপ্রমাণং মন্যন্তে তেঽপ্যেবং ব্রুবন্তি| যথা প্রাপ্তোপাযা অপি ম্রিযমাণা দৃষ্টাস্তস্মান্নিযতমাযুঃ| এতচ্চ পৌরুষস্য বলবতা দৈবেনোপঘাতাত্|
Adhikarana দৈবস্য কর্মণঃ দ্বৈবিধ্যম্ (৮৭) · Śloka ৮৭
কর্ম কিঞ্চিত্ক্বচিত্কালে বিপাকনিযতং মহত্| কিঞ্চিচ্চ কালনিযতং প্রত্যযৈঃ প্রতিবোধ্যতে||৮৭||
कर्म किञ्चित्क्वचित्काले विपाकनियतं महत्| किञ्चिच्च कालनियतं प्रत्ययैः प्रतिबोध्यते||८७||
🔊 Audio coming soon
শশিলেক ব্যাখ্যা (ইন্দু কৃত)
তচ্চ দৈবং কর্ম দ্বিবিধং মহত্বান্নিযতফলমল্পত্বাচ্চনিযতফলম্| তচ্চ পৌরুষৈঃ কর্মভিঃ প্রতিবোধকৈঃ ফলদানেন নিযম্যতে|| ৮৭||
Adhikarana মৃত্যোর্দ্বৈবিধ্যম্ (৮৮) · Śloka ৮৮
এবং চ দ্বিবিধো মৃত্যুঃ কালাকালবিভেদতঃ| অকালমৃত্যুপরিহারাযৈব হিতাহিতোপদেশঃ উপদিষ্টস্ততশ্চৈষ হিতাহিতবিধিক্রমঃ||৮৮||
एवं च द्विविधो मृत्युः कालाकालविभेदतः| अकालमृत्युपरिहारायैव हिताहितोपदेशः उपदिष्टस्ततश्चैष हिताहितविधिक्रमः||८८||
🔊 Audio coming soon
শশিলেক ব্যাখ্যা (ইন্দু কৃত)
এবং চ কর্মণো দ্বৈবিধ্যান্নিযতানিযতফলরূপাত্কালাকালভেদেন মৃত্যুরপি দ্বিবিধঃ| তেনৈতদুক্তং ভবতি- অনিযতফলেন কর্মণা মৃত্যুরকালজ উপদিষ্টো নিযতফলেন কালজ ইতি| অতশ্চ কারণান্মৃত্যুদ্বৈবিধ্যাদস্মিন্নাযুর্বেদে হিতাহিতবিধিরুপদিষ্টঃ| তেনৈতদুক্তং ভবতি- নিযতফলকর্মজস্য মৃত্যোরাযুর্বেদমকারণম্| অনিযতফলস্য তূত্পত্তিরক্ষণার্থং হিতাহিতজ্ঞানহেতুত্ত্বেনাযুর্বেদ উপযুজ্যত এব|| ৮৮||
Adhikarana বেদবাদীনাং মতেন কালগন্তুমৃত্যুবিচারঃ (৮৯) · Śloka ৮৯
একোত্তরং মৃত্যুশতং ব্রুবতে বেদবাদিনঃ| তত্রৈকঃ কালসংযুক্তঃ শেষাস্ত্বাগন্তবঃ স্মৃতাঃ||৮৯||
एकोत्तरं मृत्युशतं ब्रुवते वेदवादिनः| तत्रैकः कालसंयुक्तः शेषास्त्वागन्तवः स्मृताः||८९||
🔊 Audio coming soon
শশিলেক ব্যাখ্যা (ইন্দু কৃত)
তথা চ্ অবেদবাদিন একোত্তরং মৃত্যুশতং ব্রুবতে| তত্রৈকঃ কালজঃ| শতমাগন্তবঃ| তৈশ্চ বেদবাদিভিঃ আযুষো বৃদ্ধিনাশহেতূ চোক্তৌ|
Adhikarana আযুষঃ উপাযাপেক্ষত্বে প্রমাণম্ (৯০) · Śloka ৯০
শ্যেনাদিনা চ যাগেন ভ্রাতৃব্যস্য তথা চ তৈঃ| দীর্ঘশ্রবসসোমাদ্যৈর্বিহিতশ্চাত্মনো বধঃ| আযুষ্কামস্য তত্প্রাপ্তিস্তথেষ্ট্যা মিত্রবিন্দযা| সর্বস্মাদেব চাত্মানং গোপাযেদীদৃশী স্মৃতিঃ||৯০||
श्येनादिना च यागेन भ्रातृव्यस्य तथा च तैः| दीर्घश्रवससोमाद्यैर्विहितश्चात्मनो वधः| आयुष्कामस्य तत्प्राप्तिस्तथेष्ट्या मित्रविन्दया| सर्वस्मादेव चात्मानं गोपायेदीदृशी स्मृतिः||९०||
🔊 Audio coming soon
শশিলেক ব্যাখ্যা (ইন্দু কৃত)
তথা চ তৈঃ শ্যেনাদিনা চ যাগেন ভ্রাতৃব্যস্য শত্রোর্বধো বিহিতঃ| দীর্ঘশ্রবসসোমাদিনা চাত্মনো বধস্তৈর্বিহিতঃ| আযুষ্কামস্য পুরুষস্য তত্প্রাপ্তিরাযুষ্প্রাপ্তিস্তৈর্বেদবাদিভিঃ মিত্রবিন্দাভিধযেষ্ট্যা বিহিতা| সর্বস্মাদেব চাত্মানং গোপাযেদ্রক্ষেদিতি তেষাং স্মৃতিঃ| যদি চোপাযাপেক্ষিণ্যাযুষঃ স্থিতির্ন স্যাত্তদৈতত্সর্বং ন সম্ভবেত্|| ৯০||
Adhikarana সৌগতমতেন মরণস্য চাতুর্বিধ্যম্ (৯১) · Śloka ৯১
তথা মরণৌদ্দিষ্টং সৌগতানাং চতুর্বিধম্||৯১||
तथा मरणौद्दिष्टं सौगतानां चतुर्विधम्||९१||
🔊 Audio coming soon
শশিলেক ব্যাখ্যা (ইন্দু কৃত)
তথা সৌগতানাং বৌদ্ধদর্শনস্থিতানাং তত্সিদ্ধান্তজ্ঞৈশ্চতুর্বিধং মরণমুদ্দিষ্টম্| তচ্চ তত এব জ্ঞাতব্যম্|| ৯১||
Adhikarana নিযতাযুষামপথ্যসেবযা রোগিত্বং অনিযতাযুষাং তু মৃত্যুরেব (৯২) · Śloka ৯২
বিষমাপরিহারেণ জাযতে নিযতাযুষাম্||৯২||
विषमापरिहारेण जायते नियतायुषाम्||९२||
🔊 Audio coming soon
শশিলেক ব্যাখ্যা (ইন্দু কৃত)
এবং স্থিতে এতন্নিশ্চিতং নিযতাযুষাং পুংসাং বিষমস্যাহারবিহারাদেরপরিহারেণ ধ্রুবমবশ্যং রোগিত্বং জাযতে|| ৯২||
Adhikarana অপথ্যসেবযা মৃত্যুরেব (৯৩) · Śloka ৯৩
ধ্রুবং রোগিত্বমন্যেষাং মৃত্যুরেব ত্বপর্বণি| অকাণ্ডে শস্ত্রঘাতাদ্যৈঃ প্রত্যক্ষো মৃত্যুরন্যথা||৯৩||
ध्रुवं रोगित्वमन्येषां मृत्युरेव त्वपर्वणि| अकाण्डे शस्त्रघाताद्यैः प्रत्यक्षो मृत्युरन्यथा||९३||
🔊 Audio coming soon
শশিলেক ব্যাখ্যা (ইন্দু কৃত)
অন্যেষাং চানিযতাযুষাং বিষমাপরিহারেণাপর্বণ্যকালে মৃত্যুর্জাযতে| অথবা কিমনযা অকালমৃত্যুসাধনপরিকল্পনযা| অকাণ্ডে অকালে শস্ত্রঘাতাদ্যৈঃ প্রত্যক্ষ এব মৃত্যুঃ দৃষ্টঃ|| ৯৩||
Adhikarana অকালমৃত্যুসদ্ভাবে প্রমাণম্ (৯৪) · Śloka ৯৪
উদ্ভ্রান্তচণ্ডমাতঙ্গতুরঙ্গাদিসমাগমম্| আরাতিদুষ্টবায্বাদিসাহসাহিতভোজনম্| বর্জযেদিতি ন ব্রূযুর্মুনযো দিব্যচক্ষুষঃ| দৈবব্যপাশ্রযাদীংশ্চ রসাযনবিধীংস্তথা| ন বা তেঽপি যথাকামমাযুষঃ স্থিতিমাপ্নুযুঃ| অহিসিংহগজাদিভ্যো বিদুষাং ন ভযং ভবেত্| মিথ্যাপ্রাকারদুর্গাণি মিথ্যামারণরক্ষণম্| আযুষ্কামস্য মিথ্যৈব পরদারাদিবর্জনম্| মন্ত্রদেবতযাহূতা নাচক্ষীরন্ মহাহযঃ| বিষসুপ্তপ্রবুদ্ধস্থা ভাবাভাবৌ তদাযুষঃ| সংন্যাসরোহিণীকাদিগ্রস্তস্য সহসা ভবেত্| উপেক্ষযা ন মরণং জীবিতং বা চিকিত্সযা| প্রত্যহং নৃসহস্রস্য যুদ্ধেঽন্যোন্যমভিঘ্নতঃ| সাধুবৃত্তস্য চাতুল্যা ন ভবেদাযুষঃ স্থিতিঃ| নাযুধৈর্দ্বিষমিন্দ্রাদ্যা নৌষধৈরার্তমশ্বিনৌ| উপক্রমেরন্ ন ভবেদকালমরণং যদি| ঘটানামামপক্বানাং পালনাপরিপালনৈঃ| চিরাল্পকালবর্তিত্বং চিত্রস্থানাং চ দৃশ্যতে| ইত্যত্যন্তপ্রসিদ্ধেঽপি সিদ্ধে সর্বাগমৈরপি| দৃষ্টেঽপ্যকালমরণে বিচিকিত্সেত্কথং বুধঃ||৯৪||
उद्भ्रान्तचण्डमातङ्गतुरङ्गादिसमागमम्| आरातिदुष्टवाय्वादिसाहसाहितभोजनम्| वर्जयेदिति न ब्रूयुर्मुनयो दिव्यचक्षुषः| दैवव्यपाश्रयादींश्च रसायनविधींस्तथा| न वा तेऽपि यथाकाममायुषः स्थितिमाप्नुयुः| अहिसिंहगजादिभ्यो विदुषां न भयं भवेत्| मिथ्याप्राकारदुर्गाणि मिथ्यामारणरक्षणम्| आयुष्कामस्य मिथ्यैव परदारादिवर्जनम्| मन्त्रदेवतयाहूता नाचक्षीरन् महाहयः| विषसुप्तप्रबुद्धस्था भावाभावौ तदायुषः| संन्यासरोहिणीकादिग्रस्तस्य सहसा भवेत्| उपेक्षया न मरणं जीवितं वा चिकित्सया| प्रत्यहं नृसहस्रस्य युद्धेऽन्योन्यमभिघ्नतः| साधुवृत्तस्य चातुल्या न भवेदायुषः स्थितिः| नायुधैर्द्विषमिन्द्राद्या नौषधैरार्तमश्विनौ| उपक्रमेरन् न भवेदकालमरणं यदि| घटानामामपक्वानां पालनापरिपालनैः| चिराल्पकालवर्तित्वं चित्रस्थानां च दृश्यते| इत्यत्यन्तप्रसिद्धेऽपि सिद्धे सर्वागमैरपि| दृष्टेऽप्यकालमरणे विचिकित्सेत्कथं बुधः||९४||
🔊 Audio coming soon
শশিলেক ব্যাখ্যা (ইন্দু কৃত)
রসাযনবিধিনা তে চ মুনযো মত্তমাতঙ্গসমাগমাদিবর্জনেন দৈবব্যপাশ্রযাদিসেবনেন চ যথাকামং যথেচ্ছমাযুষঃ স্থিতিং নাপ্নুযুঃ| যদ্যকালমরণং ন স্যাত্ সর্পাদিতশ্চ বিদুষাং ভযং ন ভবেত্| শত্রুভ্য আত্মনো রক্ষণার্থং প্রাকারদুর্গাদীনি নিরর্থকানি ভবেযুঃ| তথা মহাঽহযো বাসুকিপ্রভৃতযো বিষেণ সুপ্তে ততো মন্ত্রেণ প্রবুদ্ধে পুরুষে স্থিতাঃ মন্ত্রদেবতযাহূতাঃ সন্তস্তথা তথাবিধাঃ পুরুষাযুষো ভাবাভাবৌ নাচক্ষীরন্| তথা সংন্যাসরোহিণিকাদিমহারোগগ্রস্তস্য পুরুষস্য বৈদ্যোপেক্ষযা সহসা ঝটিত্যেব মরণং ন ভবেচ্চিকিত্সযা জীবিতং বা ন ভবেত্| কালমরণস্য নিযতত্বাত্ তথা প্রতিদিবসং পুরুষসহস্রস্য যুগে অন্যোন্যং পরস্পরেণাভিঘ্নতঃ শস্ত্রৈঃ প্রহরতঃ সাধুবৃত্তস্য চ নৃসহস্রস্যাকালমরণাভাবে অতুল্যা বিসদৃশী স্থিতির্ন ভবেত্, তুল্যা ভবেত্| ন চ তুল্যা যস্মাত্ দৃষ্টং যুধ্যন্নৃসহস্রং নশ্যত্ সাধুবৃত্তং চ জীবত্| তথা যদি চাকালমরণং ন ভবেত্, তত ইন্দ্রাদ্যা দেবতাঃ শত্রুমাযুধৈর্মারযিতুং নোপক্রমেরন্নারভেরন্| আর্ত্তং পীডিতঞ্চ যথার্থদৃশাবশ্বিনৌ স্বাস্থ্যাযৌষধৈর্নোপক্রমেযাতাং যদ্যকালমরণং ন স্যাত্| তথাঽঽমানামপি ঘটানাং পালনেন চিরকালবৃত্তিত্বং দৃষ্টং, অপালনেন চ পক্বানামপ্যল্পকালবর্ত্তিত্বং দৃষ্টং, তদ্বত্ চিত্তত্রস্থানামপি ভাবানাং চিরাল্পকালবর্ত্তিত্বং দৃষ্টং পালনাপরিপালনৈঃ| অনেন প্রকারেণাত্যন্তং প্রসিদ্ধেঽকালমরণে সর্বাগমৈশ্চ সিদ্ধে বুধঃ কথং বিচিকিত্সেত্? তেন যে আচার্যা নিযতমানমাযুষ আহুঃ তে দৈবস্যাবলবত্বাত্পুরুষকারবাধাযাং ন তু সর্বথা নিযতত্বম্|| ৯৪||
Adhikarana কালাকালমৃত্যুলক্ষণমত্র দৃষ্টান্তশ্চ (৯৫) · Śloka ৯৫
গুণবদ্ভিষগাদীনাং সম্ভবে সম্ভবেত্তু যঃ| মৃত্যুং তং কালজং প্রাহুরিতরং তদ্বিপর্যযে| যথা রথে বাহ্যমানো ন্যাযেন ক্রমশঃ ক্ষযম্| যাযাদাত্মবতামাযুস্তথাঽন্যেষাং বিপর্যযঃ| শুচিতৈলদশো দীপঃ কীটবাতাদ্যপীডিতঃ| দীপ্তিমান্ বর্ততে সম্যগ্যথৈবাস্নেহসংক্ষযাত্| স এবাতো যথা চ স্যাদ্বিপরীতো বিপর্যযে| হিতাহিতোপচারেণ তথৈব পুরুষো ধ্রুবম্||৯৫||
गुणवद्भिषगादीनां सम्भवे सम्भवेत्तु यः| मृत्युं तं कालजं प्राहुरितरं तद्विपर्यये| यथा रथे वाह्यमानो न्यायेन क्रमशः क्षयम्| यायादात्मवतामायुस्तथाऽन्येषां विपर्ययः| शुचितैलदशो दीपः कीटवाताद्यपीडितः| दीप्तिमान् वर्तते सम्यग्यथैवास्नेहसंक्षयात्| स एवातो यथा च स्याद्विपरीतो विपर्यये| हिताहितोपचारेण तथैव पुरुषो ध्रुवम्||९५||
🔊 Audio coming soon
শশিলেক ব্যাখ্যা (ইন্দু কৃত)
ননু কথং কালজো মৃত্যুর্জ্ঞাযতে? অতস্তল্লক্ষণমুচ্যতে| গুণবতাং ভিষগাদীনাং সম্ভবে যো মৃত্যুঃ সম্ভবেত্ উত্পদ্যেত স কালজঃ| গুণা দক্ষাদযঃ| ভিষগাদীনামিত্যত্রাদিগ্রহণং শেষপাদত্রযোপলক্ষণার্থম্| তস্য কালজস্য মৃত্যুর্লক্ষণবৈপরীত্যাদকালজঃ| দৃষ্টান্তপূর্বমকালমৃত্যুকারণলক্ষণার্থমাহ- যথা রথ ইত্যাদি| রথো যথা সমভূভাগযোজনাদিনা ন্যাযেন বাহ্যমানঃ ক্রমেণ স্বে কালেঽবশ্যমেব ক্ষযং যাযাত্ এবমাত্মবতাং হিতসেবাহিতপরিহারশীলিনামাযুঃ| তথা অন্যেষামনাত্মবতাং বিপর্যযঃ| তেনৈতদুক্তং ভবতি- যথা ন্যাযেন বাহ্যমানো রথঃ ক্রমেণ ক্ষযং যাতি এবমাত্মবতামপি ক্রমেণাযুঃ ক্ষযং যাতি| যথা তথা রথঃ অন্যাযেন বিষমমার্গযোজনাদিনা যুগপত্ক্ষযং যাত্যেবমনাত্মবতাং প্রমাদিনামাযুর্যুগপদেব ক্ষযং যাতি ইত্যর্থঃ| তথা শুচি নির্মলং তৈলং দশা চ যস্মিন্ দীপে স কীটাদ্যপীডিতো যথৈব স্নেহপরিক্ষযো যাবত্ সম্যগ্দীপ্তিমান্ বর্ততে তদ্বদ্ধিতোপচারেণ পুরুষঃ| এতদ্বিপর্যযে অশুচিতৈলদশত্বে কীটাদিপীডিতত্বে চ স এব চ দীপো বিপরীতো ন দীপ্তিমান্ স্নেহে তিষ্ঠত্যপি স্যাত্তথৈব পুরুষঃ অহিতোপচারেণ ধ্রুবমবশ্যমেব বিজ্ঞেযঃ| তেনৈতদুক্তং ভবতি- শুচিতৈলদশঃ কীটাদ্যপীডিতশ্চ দীপঃ যথা দীপ্তিমান্ বর্ততে, স্নেহক্ষযেন তু ক্ষযং যাত্যেবং পুরুষঃ অপ্রমত্তোঽপ্যাযুষঃ ক্ষযাত্ ক্ষযং যাতি নিযতাযুরপি| তথাঽক্ষীণে স্নেহেঽপি যথা দীপো বাতাদিপীডিতত্বাত্ ক্ষযং যাতি এবমহিতোপচারেণাপি পুরুষ আযুষ্যক্ষীণেঽপি নিযতাযুরহিতোপচারেণ ধ্রুবং অবশ্যম্|| ৯৫||
Adhikarana শরীরলক্ষণস্যাবশ্যকতা (৯৬) · Śloka ৯৬
সর্বমন্যত্ পরিত্যজ্য শরীরং পালযেদতঃ| তদভাবে হি ভাবানাং সর্বাভাবঃ শরীরিণাম্| নগরী নগরস্যেব রথস্যেব রথী তথা| স্বশরীরস্য মেধাবী কৃত্যেষ্ববহিতো ভবেত্||৯৬||
सर्वमन्यत् परित्यज्य शरीरं पालयेदतः| तदभावे हि भावानां सर्वाभावः शरीरिणाम्| नगरी नगरस्येव रथस्येव रथी तथा| स्वशरीरस्य मेधावी कृत्येष्ववहितो भवेत्||९६||
🔊 Audio coming soon
শশিলেক ব্যাখ্যা (ইন্দু কৃত)
ইতি জ্ঞাত্বাঽন্যত্সর্বং পরিত্যজ্য বুধঃ শরীরমেব পালযেত্| যতঃ শরীরিণাং তস্য শরীরস্যাভাবে সর্বপদার্থানাং দৃষ্টাদৃষ্টপ্রযোজনানামভাবঃ| অন্যত্ সুবোধম্|| ৯৬||
Adhikarana হিতাশনোপদেশঃ (৯৭) · Śloka ৯৭
আহারকল্পনাহেতূন্ স্ব ভাবাদীন্| সমীক্ষ্য হিতমশ্নীযাদ্দেহো হ্যাহারসম্ভবঃ||৯৭||
आहारकल्पनाहेतून् स्व भावादीन्| समीक्ष्य हितमश्नीयाद्देहो ह्याहारसम्भवः||९७||
🔊 Audio coming soon
শশিলেক ব্যাখ্যা (ইন্দু কৃত)
তথাঽহারস্য কল্পনাযাং যে হেতবঃ স্বভাবসংস্কারমাত্রাদযস্তান্ বিশেষেণ সমীক্ষ্য হিতমশ্নীযাদাযুষ্কামঃ| যতো দেহ আহারসম্ভবঃ|| ৯৭||
Adhikarana বেগা ন ধার্যাঃ (৯৮) · Śloka ৯৮
ভীলজ্জাযন্ত্রণালোভহর্ষশোকবশং গতঃ| ন জাতু ধারযেদ্বে গাংস্তদ্ধি সর্বাপদাস্পদম্||৯৮||
भीलज्जायन्त्रणालोभहर्षशोकवशं गतः| न जातु धारयेद्वे गांस्तद्धि सर्वापदास्पदम्||९८||
🔊 Audio coming soon
শশিলেক ব্যাখ্যা (ইন্দু কৃত)
তথা ভীলজ্জাদীনাং বশং গতো বেগান্ মূত্রাদীন্ ন কদাচিদ্ধারযেত্| এতদুক্তং ভবতি- ভীলজ্জাদীনাং বেগধারণহেতূনাং বশং গত্বাবেগান্ন ঘারযেত্| তদ্ধি বেগাধারণং সর্বাসামাপদামাস্পদং স্থানম্| হিশব্দোযস্মাদর্থে|| ৯৮||
Adhikarana হিতাভ্যাসিনামকালে ন বলাদিহানিঃ (৯৯) · Śloka ৯৯
হিতমভ্যস্যতঃ পুংসো নাকালে কালদংষ্ট্রযা| সঞ্চাযতে পরামর্শো বলোত্সাহেন্দ্রিযাযুষাম্||৯৯||
हितमभ्यस्यतः पुंसो नाकाले कालदंष्ट्रया| सञ्चायते परामर्शो बलोत्साहेन्द्रियायुषाम्||९९||
🔊 Audio coming soon
শশিলেক ব্যাখ্যা (ইন্দু কৃত)
ইত্যনন্তরোক্তেন প্রকারেণ হিতমভ্যস্যতঃ পুরুষস্যাকালে বলাদীনাং কালদংষ্ট্রযা পরামর্শো ন জাযতে সাকালদংষ্ট্রা ন বাধ্গত বিত্যর্থঃ|| ৯৯||
Adhikarana অহিতপরিত্যাগিনঃ রোগসম্ভবেঽপি সাধূনামানৃণ্যং ভবতি (১০০) · Śloka ১০০
অহিতান্যপি সন্ত্যজ্য দোষমপ্যাপ্নুযাদ্যদি| তথাপ্যানৃণ্যমাযাতি সাধূনামাত্মবানিতি||১০০||
अहितान्यपि सन्त्यज्य दोषमप्याप्नुयाद्यदि| तथाप्यानृण्यमायाति साधूनामात्मवानिति||१००||
🔊 Audio coming soon
শশিলেক ব্যাখ্যা (ইন্দু কৃত)
ননু হিতোপচারপরস্যাপি রোগাদ্যভিভবো দৃষ্টঃ স কথমিত্যুচ্যতে অহিতানি পরিজ্ঞাযমানানি ত্যক্তবা দৈবাদ্যদি পুরুষো দোষমাপ্নুযাত্ তথাপ্যাত্মবানিতি সাধূনামনৃণো ভবতি|| ১০০||
Adhikarana দৈবাদপরিহার্যরোগসম্ভবে ন শোচিতব্যম্ (১০১) · Śloka ১০১
যচ্চ রোগসমুত্থানং ন শক্যমিহ কেনচিত্| পরহির্তুং ন তত্ প্রাপ্য শোচিতব্যং মনীষিণা||১০১||
यच्च रोगसमुत्थानं न शक्यमिह केनचित्| परहिर्तुं न तत् प्राप्य शोचितव्यं मनीषिणा||१०१||
🔊 Audio coming soon
শশিলেক ব্যাখ্যা (ইন্দু কৃত)
যচ্চ দৈবকরণাং সমুত্থানং তত্প্রাপ্য মনীষিণা পণ্ডিতেন ন শোচযিতব্যমপরিহার্থত্বাত্|| ১০১||
Adhikarana সদাচারসেবিনাং জীবিতমমৃতোপমম্ (১০২) · Śloka ১০২
হিতাহারবিহারাণাং সদাচারনিষেবিণাম্| লোকদ্বযব্যপেক্ষাণাং জীবিতং হ্যমৃতাযতে||১০২||
हिताहारविहाराणां सदाचारनिषेविणाम्| लोकद्वयव्यपेक्षाणां जीवितं ह्यमृतायते||१०२||
🔊 Audio coming soon
শশিলেক ব্যাখ্যা (ইন্দু কৃত)
কিঞ্চিদিদমুচ্যতে- য হিতমাহারং বিহারং চ সেবন্তে সতাং সাধূনামাচারং শীলং চ সেবন্তে অযং লোকঃ পরলোকশ্চৈবং ভবতীতি যে বুদ্ধ্যা কল্পযন্তি তেষাং জীবিতমেবামৃত্বমাচরতি হিতত্বাত্|| ১০২||
Adhikarana গ্রাম্যসুখাদিলোলুপস্য জীবিতমনর্থকম্ (১০৩) · Śloka ১০৩
গৃধ্নুর্গ্রাম্যসুখে বশ্যঃ ক্লেশানাং হতসত্পথঃ| মূঢো জীবত্যনর্থায দুর্গতিং পরিবৃংহযন্||১০৩||
गृध्नुर्ग्राम्यसुखे वश्यः क्लेशानां हतसत्पथः| मूढो जीवत्यनर्थाय दुर्गतिं परिबृंहयन्||१०३||
🔊 Audio coming soon
শশিলেক ব্যাখ্যা (ইন্দু কৃত)
যস্তু মূঢো গ্রাম্যসুখে ঐন্দ্রিযকে সুখৈকগৃধ্নুরতৃপ্তঃ ক্লেশানাং চ রাগলোভাদীনাং বশ্যঃ স দুর্গতিমেব বর্ধযন্ অনর্থাযৈব জীবতি| তথা হতস্ত্যক্তস্সত্পথঃ সাধূনাং পন্থা যেন|| ১০৩||
Adhikarana চিরঞ্জীবিতুকামেন কর্তব্যম্ (১০৪) · Śloka ১০৪
বিদুষাঽন্তঃশরীরস্থান্নিত্যং সন্নিহিতানরীন্| জিত্বা বর্জ্যানি বর্জ্যানি চিরং জীবিতুমিচ্ছতা||১০৪||
विदुषाऽन्तःशरीरस्थान्नित्यं सन्निहितानरीन्| जित्वा वर्ज्यानि वर्ज्यानि चिरं जीवितुमिच्छता||१०४||
🔊 Audio coming soon
শশিলেক ব্যাখ্যা (ইন্দু কৃত)
তস্মাদ্বিদুষা পণ্ডিতেনান্তশ্শরীস্থান্নিত্যসন্নিহিতান্ রাগাদীনরীন্ জিত্বা দিনচর্যিক্তান্যত্রোক্তানি চ বর্জ্যানি ন সেব্যানি|| ১০৪||
Adhikarana ধীমতা অশুভফলদং কর্ম ন কার্যম্ (৯) · Śloka ৯
তদাত্বে চানুবন্ধে বা তস্মাত্ কর্মশুভোদযম্| স্মরন্নাত্রেযবচসো ন ধীমান্ কর্তুমর্হতি||১০৫|| ইতি বৈদ্যপতিসিংহগুপ্তস্য সূনোর্বাগ্ভটস্য কৃতৌ অষ্টাঙ্গসংগ্রহসংহিতাযাং সূত্রস্থানে বিরুদ্ধান্নবিজ্ঞানীযো নাম নবমোঽধ্যাযঃ||৯||
तदात्वे चानुबन्धे वा तस्मात् कर्मशुभोदयम्| स्मरन्नात्रेयवचसो न धीमान् कर्तुमर्हति||१०५|| इति वैद्यपतिसिंहगुप्तस्य सूनोर्वाग्भटस्य कृतौ अष्टाङ्गसंग्रहसंहितायां सूत्रस्थाने विरुद्धान्नविज्ञानीयो नाम नवमोऽध्यायः||९||
🔊 Audio coming soon
শশিলেক ব্যাখ্যা (ইন্দু কৃত)
যস্য চিরং জীবিতুমিচ্ছা তেনেত্যনন্তরোক্তস্য আত্রেযস্য বচসঃ স্মরন্ অশুভোদযং কর্ম ধীমান্ পণ্ডিতঃ কর্তুং নার্হতি| কীদৃশমশুভোদযং তদাত্বে অশুভোদযং তত্কালোপভোগ্যাশুভফলকারণমনুবন্ধে বাঽন্যস্মিন্ কালে বাঽশুভফলকারণমিতি|| ১০৫|| ইতি শ্রীমন্মহামহোপাধ্যাযেন্দুবিরচিতাযাম্ অষ্টাঙ্গসংগ্রহব্যাখ্যাযাং শশিলেখাযাং সূত্রস্থানে নবমোঽধ্যাযঃ||৯||