Adhikarana অথ শ্বাসহিধ্মানিদানং নাম চতুর্থোঽধ্যাযঃ |প্রতিজ্ঞা (১) · Śloka ১
অথাতঃ শ্বাসহিধ্মানিদানং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ||১||
अथातः श्वासहिध्मानिदानं व्याख्यास्यामः| इति ह स्माहुरात्रेयादयो महर्षयः||१||
🔊 Audio coming soon
শশিলেক ব্যাখ্যা (ইন্দু কৃত)
কাসোপেক্ষযা শ্বাসস্য সম্ভবাত্তদেকরূপত্বাচ্চ হিধ্মাযাঃ তযোর্নির্ণযাযৈকাধ্যাযারম্ভঃ| অথেত্যাদি সর্বেষ্বধ্যাযেষু পূর্ববদ্ব্যাখ্যেযম্|| ১||
Adhikarana শ্বাসনিদানম্ (২) · Śloka ২
কাসবৃদ্ধযা ভবেচ্ছ্বাসঃ পূর্বৈর্বা দোষকোপনৈঃ| আমাতিসারবমথুবিষপাণ্ডুজ্বরৈরপি| রজোধূমানিলৈর্মর্মঘাতাদতিহিমাম্বুনা||২||
कासवृद्धया भवेच्छ्वासः पूर्वैर्वा दोषकोपनैः| आमातिसारवमथुविषपाण्डुज्वरैरपि| रजोधूमानिलैर्मर्मघातादतिहिमाम्बुना||२||
🔊 Audio coming soon
শশিলেক ব্যাখ্যা (ইন্দু কৃত)
শ্বাসঃ কাসস্য বৃদ্ধযা ভবেত্| অধিকীভূতঃ কাস এব কারণং শ্বাসস্য| রোগস্য চ রোগঃ কারণং ভবতীত্যুক্তং প্রাক্| অথবা পূর্বং দোষকোপনৈঃ কাসস্য হেতুত্বেনোক্তৈঃ শ্বাসো ভবতি| তানি চ কষাযবিজ্জলাসাত্ম্যাদীনি ( অ. সং. নি. - ১২২ ) অথবা পূর্বাণি দোষকোপনানি সর্বম্ রোগং নিদানপঠিতানি তিক্তকটুকাদীনি ( অ. সং. নি. - ২৬ )| তৈর্যথাসম্ভবমামাদিভিরপি শ্বাসো ভবত্যতিহিমাম্ব্বতৈঃ| ইতি শ্বাসস্য নিদানানি|| ২||
Adhikarana শ্বাসপ্রভেদাঃ (৩) · Śloka ৩
ক্ষুদ্রকস্তমশ্ছিন্নো মহানূর্ধ্বশ্চ পঞ্চমঃ| কফোপরুদ্ধগমনঃ পবনো বিষ্বগাস্থিতাঃ| প্রাণোদকান্নবাহীনি দুষ্টঃ স্ত্রোতাংসি দূষযন্| উরস্থঃ কুরুতে শ্বাসমামাশযসমুদ্ধবম্||৩||
क्षुद्रकस्तमश्छिन्नो महानूर्ध्वश्च पञ्चमः| कफोपरुद्धगमनः पवनो विष्वगास्थिताः| प्राणोदकान्नवाहीनि दुष्टः स्त्रोतांसि दूषयन्| उरस्थः कुरुते श्वासमामाशयसमुद्धवम्||३||
🔊 Audio coming soon
শশিলেক ব্যাখ্যা (ইন্দু কৃত)
ক্ষুদ্রাদীনি তস্যৈব রূপভেদেন পঞ্চ নামানি| কফোপরুদ্ধেত্যাদিনা শ্বাসস্য সম্প্রাপ্তিরুচ্যতে| স্বহেতুভির্দুষ্টঃ সন্ পবনঃ কফেন চ কারণবিশেষাদুপরুদ্ধগমনঃ সমন্তাদাস্থিতশ্চ প্রাণদিবাহীনি স্ত্রোতাংসি দূষযন্নুরস্থ এবামাশযসমুদ্ভবরূপং শ্বাসং কুরুতে| আমাশযপ্রবৃত্তিঃ শ্বাসস্য ব্যাপারঃ|| ৩||
Adhikarana শ্বাসপূর্বরূপম্ (৪) · Śloka ৪
প্রাগ্রূপং তস্য হৃত্পার্শ্বশূলং প্রাণবিলোমতা| আনাহঃ শঙ্খভেদশ্চ||৪||
प्राग्रूपं तस्य हृत्पार्श्वशूलं प्राणविलोमता| आनाहः शङ्खभेदश्च||४||
🔊 Audio coming soon
শশিলেক ব্যাখ্যা (ইন্দু কৃত)
সর্বস্য শ্বাসস্য হৃত্পার্শ্বশূলাদি পূর্বরূপম্| প্রণাস্য বাযোর্বিলোমতাবিপরীতগমনং কার্যাজ্জ্ঞাযতে|| ৪||
Adhikarana ক্ষুদ্রশ্বাসঃ (৫) · Śloka ৫
তত্রাযাসাতিভোজনৈঃ| প্রেরিতঃ প্রেরযেত্ক্ষুদ্রং স্বযং সংশমনং মরুত্||৫||
तत्रायासातिभोजनैः| प्रेरितः प्रेरयेत्क्षुद्रं स्वयं संशमनं मरुत्||५||
🔊 Audio coming soon
শশিলেক ব্যাখ্যা (ইন্দু কৃত)
তত্রেত্যাদিনা ক্ষুদ্রাদিক্রমেণ শ্বাসানাং লক্ষণমুচ্যতে| আযাসাদিপ্রেরিতো মরুত্ ক্ষুদ্রং নাম্না স্বযং সংশমনং শ্বাসং প্রেরযেত্| বেগং কৃত্বা স্বযং শাম্যতীত্যর্থঃ| প্রতিলোমমিত্যাদিনা তমকস্য লক্ষণমুচ্যতে|| ৫||
Adhikarana তমকশ্বাসঃ, তস্য সাধ্যাসাধ্যত্বঞ্চ (৬) · Śloka ৬
প্রতিলোমং সিরা গচ্ছন্নুদীর্য্য পবনঃ কফম্| পরিগৃহ্য শিরোগ্রীবমুরঃ পাশ্বৈ চ পীডযন্| কাস ঘুর্ঘুরকং মোহমরুচিং পীনসং তৃষম্| করোতি তীব্রবেগঞ্চ শ্বাসং প্রাণোপতাপিনম্| প্রতাম্যেত্তস্য বেগেন নিষ্ঠ্যূতান্তে ক্ষণং সুখী| কৃচ্ছ্রাচ্ছযানঃ শ্বসিতি নিষণ্ণঃ স্বাস্থ্যমৃচ্ছতি| উচ্ছ্রিতাক্ষো ললাটেন স্বিদ্যতা ভৃশমর্ত্তিমান্| বিশুষ্কাস্যো মুহুঃ শ্বাসী কাংক্ষত্যুষ্ণং সবেপথুঃ| মেঘাম্বুশীতপ্রাগ্বাতৈঃ শ্লেষ্মলৈশ্চ বিবর্দ্ধতে| স যাপ্যস্তমকঃ সাধ্যো নবো বা বলিনো ববেত্||৬||
प्रतिलोमं सिरा गच्छन्नुदीर्य्य पवनः कफम्| परिगृह्य शिरोग्रीवमुरः पाश्वै च पीडयन्| कास घुर्घुरकं मोहमरुचिं पीनसं तृषम्| करोति तीव्रवेगञ्च श्वासं प्राणोपतापिनम्| प्रताम्येत्तस्य वेगेन निष्ठ्यूतान्ते क्षणं सुखी| कृच्छ्राच्छयानः श्वसिति निषण्णः स्वास्थ्यमृच्छति| उच्छ्रिताक्षो ललाटेन स्विद्यता भृशमर्त्तिमान्| विशुष्कास्यो मुहुः श्वासी कांक्षत्युष्णं सवेपथुः| मेघाम्बुशीतप्राग्वातैः श्लेष्मलैश्च विवर्द्धते| स याप्यस्तमकः साध्यो नवो वा बलिनो बवेत्||६||
🔊 Audio coming soon
শশিলেক ব্যাখ্যা (ইন্দু কৃত)
পবনঃ প্রতিলোমং বিপরীতং কৃত্বা সিরাং গচ্ছংস্তেন গমনেন কফমুদীর্য্য শিরোগ্রীবাং চ পরিগৃহ্য পার্শ্বমুরশ্চ পীডযন্ কাসাদিকং তব্রবেগং প্রাণোপতাপিনং শ্বাসঞ্চ করোতি| তস্য চ তথাবিধস্য শ্বাসস্য বেগেন পুরুষঃ প্রতাম্যেত্| নিষ্ঠ্যূতান্তে চ ক্ষণং সুখী ভবতি| শয্যাযাং স্থিতশ্চ কৃচ্ছ্রেণ শ্বসিতি ভিত্যাদোউ নিষণ্ণঃ স্বাস্থ্যমৃচ্ছতি| সুবোধম্| স চ শ্বাসো মেঘাম্ব্বাদিভিঃ শ্লেষ্মলৈশ্চাহারৈর্বিবর্দ্ধতে| এবম্ভূতঃ শ্বাসো যাপ্যো ভবেত্| নাম্না চ তমকঃ| অথবা বলিনঃ পুরুষস্য নবঃ সন্ সাধ্যো ভবেত্|| ৬||
Adhikarana প্রতমকলক্ষণম্ (৭) · Śloka ৭
জ্বরমূর্চ্ছাযুতঃ শীতৈঃ শাম্যেত্ প্রতমকস্তু সঃ||৭||
ज्वरमूर्च्छायुतः शीतैः शाम्येत् प्रतमकस्तु सः||७||
🔊 Audio coming soon
শশিলেক ব্যাখ্যা (ইন্দু কৃত)
এবরূপং এব শ্বাসো জ্বরমূর্চ্ছাযুতো ভবতি| শীতৈশ্চাহারাদিভিঃ শাম্যেত্| স তমকবিশেষঃ প্রতমকসংজ্ঞিতঃ|| ৭||
Adhikarana ছিন্নশ্বাসলক্ষণম্ (৮) · Śloka ৮
ছিন্না চ্ছ্বসিতি বিছ্ছিন্নং মর্মচ্ছেদরূজার্দতঃ| সস্বেদমূর্চ্ছঃ সানাহো বস্তিদাহনিরোধবান্| অধোদৃগ্বিপ্লুতাক্ষশ্চ মুহ্যন্ রক্তৈকলোচনঃ| শুষ্কাস্যঃ প্রলপন্দীনো নষ্টচ্ছাযো বিচেতনঃ||৮||
छिन्ना च्छ्वसिति विछ्छिन्नं मर्मच्छेदरूजार्दतः| सस्वेदमूर्च्छः सानाहो बस्तिदाहनिरोधवान्| अधोदृग्विप्लुताक्षश्च मुह्यन् रक्तैकलोचनः| शुष्कास्यः प्रलपन्दीनो नष्टच्छायो विचेतनः||८||
🔊 Audio coming soon
শশিলেক ব্যাখ্যা (ইন্দু কৃত)
ছিন্নাচ্ছ্বসাদ্বিচ্ছিন্নং বিরামৈশ্চ শ্বসিতি| মর্মচ্ছেদরূপযা রুজযার্দিতঃ ( দীনঃ ) স্বেদাদিযুতশ্চ ভবতি|| ৮||
Adhikarana মহাশ্বাসলক্ষণম্ (৯) · Śloka ৯
মহতা-মহতা দীনো নাদেন শ্বসিতি ক্রথন্| উদ্ধূযমানঃ সংরব্ধো মত্তর্ষভ ইবানিশম্| প্রণষ্টজ্ঞানবিজ্ঞানো বিভ্রান্তনযনাননঃ| বক্ষঃ সমাক্ষিপন্বদ্ধমূত্রবর্চা বিশীর্ণবাক্| শুষ্কবঠো মুহুর্মুহ্যন্ কর্ণশঙ্খশিরোঽতিরুক্||৯||
महता-महता दीनो नादेन श्वसिति क्रथन्| उद्धूयमानः संरब्धो मत्तर्षभ इवानिशम्| प्रणष्टज्ञानविज्ञानो विभ्रान्तनयनाननः| वक्षः समाक्षिपन्बद्धमूत्रवर्चा विशीर्णवाक्| शुष्कवठो मुहुर्मुह्यन् कर्णशङ्खशिरोऽतिरुक्||९||
🔊 Audio coming soon
শশিলেক ব্যাখ্যা (ইন্দু কৃত)
মহদাখ্যেন তু শ্বাসেন মহতা নাদেন শ্বসিতি| দীনঃ ক্রযঁশ্চ শ্বসিতি| ক্রথনং নাসাশব্দঃ| উদ্ধূযমান উত্প্লাব্যমানঃ মর্ত্তর্ষভ ইব সংরব্ধঃ| জ্ঞানাং চেতনা| বিজ্ঞানং বিচারঃ || ৯||
Adhikarana ঊর্ধ্বশ্বাসলক্ষণম্ (১০) · Śloka ১০
দীর্ঘমূর্ধ্বং শ্বসিত্যূর্ধ্বান্ন চ প্রত্যাহরত্যধঃ| শ্লেষ্মাবৃতমুখস্ত্রোতা ক্রুদ্ধগন্ধবহার্দিতঃ| ঊর্ধ্বদৃগ্বীক্ষতে ভ্রান্তমক্ষিণী পরিতঃ ক্ষিপন্| মর্মসু ছিদ্যমানেষু পরিদেবী নিরুদ্ধবাক্||১০||
दीर्घमूर्ध्वं श्वसित्यूर्ध्वान्न च प्रत्याहरत्यधः| श्लेष्मावृतमुखस्त्रोता क्रुद्धगन्धवहार्दितः| ऊर्ध्वदृग्वीक्षते भ्रान्तमक्षिणी परितः क्षिपन्| मर्मसु छिद्यमानेषु परिदेवी निरुद्धवाक्||१०||
🔊 Audio coming soon
শশিলেক ব্যাখ্যা (ইন্দু কৃত)
ঊর্ধ্বশ্বাস উচ্যতে| ঊর্ধ্বাচ্ছ্বাসাদূর্ধ্ব দীর্ঘং শ্বসিতি| দীর্ঘং শ্বাসং মুঞ্চতীত্যর্থঃ| ন চ শ্বাসমধঃ প্রত্যাহরতি| মুক্তং পুনর্নৈব প্রবেশজযতীত্যর্থঃ| শ্লেষ্মণা আবৃতং মুখং স্ত্রোতাংসি চ যস্য স তথোক্তঃ| গন্ধাবহো বাযুঃ তেন ক্রুদ্ধেনার্দিতঃ সুবোধম্|
Adhikarana শ্বাসানাং সাধ্যাসাধ্যত্বম্ (১১) · Śloka ১১
এতে সিধ্যেযুরব্যক্তা ব্যক্তাঃ প্রাণহরাঃ ধ্রুবম্||১১||
एते सिध्येयुरव्यक्ता व्यक्ताः प्राणहराः ध्रुवम्||११||
🔊 Audio coming soon
শশিলেক ব্যাখ্যা (ইন্দু কৃত)
সাধ্যাসাধ্যবিভাগং দর্শযতি| এতে সর্বে শ্বাসা অব্যক্তা অপরিপূর্ণত্বাদাস্ফুটা সন্তঃ সিধ্যেযুঃ| ব্যক্তাঃ পুনঃ ধ্রুবমবশ্যং প্রাণহরাঃ| ইত্যুক্তাঃ শ্বাসাঃ|| ১১||
Adhikarana হিধ্মাবর্ণনম্, হিধ্মাযাঃ হেত্বাদীনি (১২) · Śloka ১২
শ্বাসৈকহেতুপ্রাগ্রূপসঙ্খ্যাপ্রকৃতিসংশ্রযাঃ| হিধ্মাঃ||১২||
श्वासैकहेतुप्राग्रूपसङ्ख्याप्रकृतिसंश्रयाः| हिध्माः||१२||
🔊 Audio coming soon
শশিলেক ব্যাখ্যা (ইন্দু কৃত)
অনন্তরং হিধ্মা নির্ণীযন্তে-শ্বাসেতি| শ্বাসেনৈকং সদৃশং হেত্বাদি যস্যাঃ সা তথোক্তা সঙ্খ্যাপ্রকৃতিঃ সঙ্খযাস্বরূপম্| সংশ্রযাশ্রযোদ্ভবস্থানম্|| ১২||
Adhikarana হিধ্মাযাঃ ভেদাঃ (১৩) · Śloka ১৩
ভক্তোদ্ভবা ক্ষুদ্রা যমলা মহতীতি চ| গম্ভীরা চ ||১৩||
भक्तोद्भवा क्षुद्रा यमला महतीति च| गम्भीरा च ||१३||
🔊 Audio coming soon
শশিলেক ব্যাখ্যা (ইন্দু কৃত)
ভক্তোদ্ভবাদীনি পঞ্চ হিধ্মাবিশেষনামানি|| ১৩||
Adhikarana অন্নজহিধ্মালক্ষণম্ (১৪) · Śloka ১৪
মরুতত্র ত্বরযাঽযুক্তিসেবিতৈঃ| রূক্ষতীক্ষ্ণখরাসাত্ম্যৈরন্নপানৈঃ প্রপীডিতঃ| করোতি হিধ্মারুজাং মন্দশব্দাং ক্ষবানুগাম্| শমং সাত্ম্যান্নপানেন যা প্রযাতি ব সান্নজা||১৪||
मरुतत्र त्वरयाऽयुक्तिसेवितैः| रूक्षतीक्ष्णखरासात्म्यैरन्नपानैः प्रपीडितः| करोति हिध्मारुजां मन्दशब्दां क्षवानुगाम्| शमं सात्म्यान्नपानेन या प्रयाति व सान्नजा||१४||
🔊 Audio coming soon
শশিলেক ব্যাখ্যা (ইন্দু কৃত)
তত্র হিধ্মাসু মধ্যে মরুদ্বাযুরন্নপানৈস্ত্বরযা বৈপরীত্যেন চ সেবিতৈঃ রুক্ষাদিভিঃ প্রপীডিতঃ সন্ মন্দশব্দাং ক্ষবানুগাং চ হিধ্মাং করোতি| সাত্ম্যান্নপানোপশযাচ্চান্নজা ভক্তোদ্ভবোচ্যতে|
Adhikarana ক্ষুদ্রহিধ্মালক্ষণম্ (১৫) · Śloka ১৫
আযাসাত্পবনঃ ক্রুদ্ধঃ ক্ষুদ্রাং হিধ্মাং প্রবর্ত্তযেত্| জত্রুমূলপ্রবিসৃতামল্পবেগাং মৃদং চ সা| বৃদ্ধিমাযাস্যতো যাতি ভুক্তমাত্রে চ মার্দবম্||১৫||
आयासात्पवनः क्रुद्धः क्षुद्रां हिध्मां प्रवर्त्तयेत्| जत्रुमूलप्रविसृतामल्पवेगां मृदं च सा| वृद्धिमायास्यतो याति भुक्तमात्रे च मार्दवम्||१५||
🔊 Audio coming soon
শশিলেক ব্যাখ্যা (ইন্দু কৃত)
ক্ষুদ্রাং হিধ্মাং পবনো বাযুরাযাসাদ্ধেতোঃ ক্ষুদ্রঃ স্বল্পঃ প্রবর্ত্তযেত্| সা তু জত্রুমূলোদ্ভবাঽল্পবেগা মৃদুশ্চ| আযাসং কুর্বতো বৃদ্ধিং যাতি| ভুক্তমাত্রে চ মার্দবং যাতীতি ক্ষুদ্রা|| ১৫||
Adhikarana যমলহিধ্মালক্ষণম্ (১৬) · Śloka ১৬
চিরেণ যমলৈর্বেগৈরাহারে যা প্রবর্ত্ততে| পরিণামোন্মুখে বৃদ্ধিম্পরিণামে চ গচ্ছতি| কম্পযন্তী শিরোগ্রীবামাধ্মাতস্যাতিতৃষ্যতঃ| প্রলাপচ্ছর্দ্যতীসারনেত্রবিপ্লুতিজৃম্ভিণঃ| যমলা বেগিনী হিধ্মাপরিণামবতী চ সা||১৬||
चिरेण यमलैर्वेगैराहारे या प्रवर्त्तते| परिणामोन्मुखे वृद्धिम्परिणामे च गच्छति| कम्पयन्ती शिरोग्रीवामाध्मातस्यातितृष्यतः| प्रलापच्छर्द्यतीसारनेत्रविप्लुतिजृम्भिणः| यमला वेगिनी हिध्मापरिणामवती च सा||१६||
🔊 Audio coming soon
শশিলেক ব্যাখ্যা (ইন্দু কৃত)
যমলা নাম হিধ্মা যা চিরেণ যমলৈর্বেগৈঃ দ্বাভ্যাং বেগাভ্যাং ভবতি| পরিণামোন্মুখ আহারে প্রবর্ত্ততে পরিণতে চ| শিরোগ্রীবাং কম্পযন্ত্যাধ্মানাদিমতঃ পুরুষস্য বৃদ্ধিং যাতীতি যমলা| তস্যাস্ত বেগিনী পরিণামবতী চেতি নামদ্বযম্|| ১৬||
Adhikarana মহাহিধ্মালক্ষণম্ (১৭) · Śloka ১৭
ধ্বস্তভ্রূশঙ্খযুগ্মস্য সাঽস্ত্রবিপ্লুতচক্ষুষঃ| স্তম্ভযন্তী তনুং বাচং স্মৃতিং সংজ্ঞাং চ মৃষ্ণতী| রুন্ধতী মার্গমন্নস্য কুর্বতী মর্মঘট্টনম্| পৃষ্ঠতো নমনং শোষং মহাহিধ্মা প্রবর্ত্ততে| মহামূলা মহাশব্দা মহাবেগা মহাবলা||১৭||
ध्वस्तभ्रूशङ्खयुग्मस्य साऽस्त्रविप्लुतचक्षुषः| स्तम्भयन्ती तनुं वाचं स्मृतिं संज्ञां च मृष्णती| रुन्धती मार्गमन्नस्य कुर्वती मर्मघट्टनम्| पृष्ठतो नमनं शोषं महाहिध्मा प्रवर्त्तते| महामूला महाशब्दा महावेगा महाबला||१७||
🔊 Audio coming soon
শশিলেক ব্যাখ্যা (ইন্দু কৃত)
মহেত্যুচ্যতে| ধ্বস্তভ্রূশঙ্খযুগ্মত্বাদিযুক্তস্য পুরুষস্য বাক্তনুস্তম্ভাদিকং কুর্বতী মহাহিধ্মা প্রবর্ত্ততে| সা চ মহামূলত্বাদিরুপা| বিপ্লুতে অনিবদ্ধে ইব চক্ষুষী| মর্মঘট্টনং হৃদযাদি রুক্| পৃষ্ঠতো নমনং বক্ষসো বহির্নিস্সরণম্| মহামূলা আমাশযে প্রথমোত্পত্তির্যস্যাঃ| তত্র বহুব্যাপারবতী দৃশ্যত ইত্যর্থঃ| ইতি মহতী|| ১৭||
Adhikarana গম্ভীরহিধ্মালক্ষণম্ (১৮) · Śloka ১৮
পক্বাশযাদ্বা নাভের্বা পূর্ববদ্যা প্রবর্ত্ততে| তদ্রূপা সা মুহুঃ কুর্য্যাজ্জৃম্ভামঙ্গপ্রসারণম্| গম্ভীরেণানুনাদেন গম্ভীরা||১৮||
पक्वाशयाद्वा नाभेर्वा पूर्ववद्या प्रवर्त्तते| तद्रूपा सा मुहुः कुर्य्याज्जृम्भामङ्गप्रसारणम्| गम्भीरेणानुनादेन गम्भीरा||१८||
🔊 Audio coming soon
শশিলেক ব্যাখ্যা (ইন্দু কৃত)
গম্ভীরা চ পক্বাশযাদিত্যাদিনোচ্যতে-পূর্ববদিতি| মহতীব ধ্বস্তভ্রূযুগ্মাদিমতস্তনুস্তম্ভাদিকং কুর্বতী চেত্যর্থঃ| তদ্রূপা মহা মূলত্বাদিরূপা| গম্ভীরাযাস্তু বিশেষো জৃম্ভামঙ্গপ্রসারণঞ্চ মুহুর্বেগেষু কুর্য্যাত্| গম্ভীরেণ চানুনাদেন ভবতি| ইত্যুক্তাঃ পঞ্চ হিধ্মাঃ|
Adhikarana হিধ্মানাং সাধ্যাসাধ্যত্বম্ (১৯) · Śloka ১৯
তাসু সাধযেত্| আদ্যে দ্বে বর্জযেদন্ত্যে সর্বলিঙ্গাঞ্চ বেগিনীম্| সর্বাশ্চ সঞ্চিতামস্য স্থবিরস্য ব্যবাযিনঃ| ব্যাধিভিঃ ক্ষীণদেহস্য ভক্তচ্ছেদক্ষরাতস্য বা||১৯||
तासु साधयेत्| आद्ये द्वे वर्जयेदन्त्ये सर्वलिङ्गाञ्च वेगिनीम्| सर्वाश्च सञ्चितामस्य स्थविरस्य व्यवायिनः| व्याधिभिः क्षीणदेहस्य भक्तच्छेदक्षरातस्य वा||१९||
🔊 Audio coming soon
শশিলেক ব্যাখ্যা (ইন্দু কৃত)
তাসু হিধ্মাসু মধ্যে আদ্যে দ্বে ভক্তেতোদ্ভবা ক্ষুদ্রা চ সাধ্যে অন্ত্যে দ্বে মহতী গম্ভীরাখ্যে চোপেক্ষণীযে| যা চ বেগিনী নাম হিধ্মা সাসম্পূর্ণলক্ষণযুক্তা সত্যুপেক্ষণীযা| সর্বাশ্চ হিধ্মাঃ সঞ্চিতামত্বাদিযুক্তাস্যোত্পন্না বর্জ্যাঃ| যঃ পুনঃ পুরুষো ব্যাধিভিঃ ক্ষীণদেহঃ| অথবা আহারাবিচ্ছেদেন ক্ষতস্তস্য|| ১৯||
Adhikarana হিধ্মাশ্বাসযোঃ শীঘ্রকারিত্বম্ (২০-৪) · Śloka ৪
সর্বেঽপি রোগা নাশায ন ত্বেবং শীঘ্রকারিণঃ| হিধ্মাশ্বাসৌ যথা তৌ হিমৃত্যুকালে কৃতালযৌ||২০|| ইতি বৈদ্যপতিসিংহগুপ্তস্য সূনোর্বাগ্ভটস্য কৃতৌ অষ্টাঙ্গসগ্রহসংহিতাযাং নিদানস্থানে শ্বাসহিধ্মানিদানং নাম চতুর্থোধ্যাযঃ||৪||
सर्वेऽपि रोगा नाशाय न त्वेवं शीघ्रकारिणः| हिध्माश्वासौ यथा तौ हिमृत्युकाले कृतालयौ||२०|| इति वैद्यपतिसिंहगुप्तस्य सूनोर्वाग्भटस्य कृतौ अष्टाङ्गसग्रहसंहितायां निदानस्थाने श्वासहिध्मानिदानं नाम चतुर्थोध्यायः||४||
🔊 Audio coming soon
শশিলেক ব্যাখ্যা (ইন্দু কৃত)
সর্বেঽপি রোগা নাশায ভবন্তি| ন কেবলং হিধ্মাশ্বাসাবেবেতি| তে চ রোগা এবম্ভূতা অপি শীঘ্রকারিণস্তথা ন ভবন্তি| যথা হিধ্মাশ্বাসৌ শীঘ্রকারিণাবিতি| শীঘ্রং স্বং কর্ম মারণং কুরুত ইতি যথোক্তৌ| যস্মাত্তৌ মৃত্যুকালে কৃতালযাববশ্যম্ভাবিনৌ| এতেনানযোঃ শীঘ্রচিকিত্সিতত্বং প্রদর্শিতমিতি|| ২০|| ইতি শ্রীমন্মহামহোপাধ্যাযেন্দুবিরচিতাযাম্ ষ্টাঙ্গসঙ্গ্রহব্যাখ্যাযাং শশিলেখাযাং নিদানস্থানে চতুর্থোঽধ্যাযঃ