৫. রাজযক্ষ্মাদিনিদানম্

শশিলেক ব্যাখ্যা (ইন্দু কৃত)

ধাতুক্ষযহেতুত্বসামান্যান্মহা-রোগত্বাদ্বিনাশবহত্বাচ্চ হিধ্মাশ্বাসানন্তরং রাজযক্ষ্মনির্ণযাযাঽধ্যাযারম্ভঃ|| ১||

শশিলেক ব্যাখ্যা (ইন্দু কৃত)

রাজযক্ষ্মা রাজবদনেকরোগেণানুগতো ভবতি| তস্মিঁশ্চৈব কৃতসংশ্রযে বহূপদ্রবজন্ম ভবতীত্যর্থঃ| তথা বহবো রোগাঃ পুরোগমনশীলা যস্য স তথোক্তঃ| অনেনৈতদুক্তম্-উত্পিত্সো রাজযক্ষ্মণঃ প্রথমমেব পীনসশ্বাসাদিবহুরোগজন্ম ভবতি ইতি| এতেষাঞ্চ রোগাণাং স্বপরিবারসংযুতানামপ্যেতদঙ্গত্বং বিজ্ঞেযম্| রাজযক্ষ্মাদযশ্চত্বারঃ পর্য্যার্যাঃ|| ২||

শশিলেক ব্যাখ্যা (ইন্দু কৃত)

তেচ নক্ষত্রাণমিত্যাদিনা নিরুচ্যন্তেঽর্থাববোধনায তেন রাযক্ষ্মেতি তত্পুরুষঃ কর্মধারযো বা| দেহৌষধক্ষযফলহেতুত্বাদ্বা ধাতুক্ষযহেতুত্বাদক্ষযঃ| ধাতুশোষণাচ্ছোষঃ| তেষু রোগেষু মধ্যে রাজনাদ্ রোগরাট্|| ৩||

শশিলেক ব্যাখ্যা (ইন্দু কৃত)

তস্য রাজক্ষ্মণঃ সাহসাদযশ্চত্বারোঽতিসেবিতা হেতবঃ ( নিদানম্ )| সাহসমবিচার্য্যাত্মশক্তিসেবিতমতিমাত্রং যুদ্ধাদি বেগানাং বাতাদীনাং ধারণম্| শুক্রাদিক্ষযঃ স্বস্বহেতুভ্যঃ|| ৪||

শশিলেক ব্যাখ্যা (ইন্দু কৃত)

তৈঃ সাহসাদিভিরনিলঃ উদীর্ণঃ পিত্তং কফং চোদীর্য্যত্যেবমাদের্যথাস্বং গদান্ পীনসাদীন্ জনযেদিতি সম্বন্ধঃ| তানিতি শরীরসন্ধীন্| সম্প্রাপ্তিবশাত্ স্ত্রোতোমুখানি রুদ্ধ্বাঽতিবিবৃত্য বা ঊর্ধ্বমধস্তির্য্যক্চ সর্পন্ প্রসরন্|| ৫||

শশিলেক ব্যাখ্যা (ইন্দু কৃত)

ভবিষ্যতস্তস্য রাজযক্ষ্মণঃ প্রতিশ্যাযাদীনি পূর্বরূপাণি| স্থাল্যাদৌ শুচাবপ্যশুচির্বুদ্ধিঃ| পাণ্যোরবেক্ষা নির্হেতুকা| তথা কাযে বৈভত্স্যদর্শনাম্| মূর্ধ্নঃ শিরসো বস্ত্রাদিনা প্রচ্ছাদনম্| স্বপ্নে পতঙ্গাদ্যাভিভবো ভবেত্| কেশাদিরাশ্যধিরোহণম্| শূন্যগ্রামাদিদর্শনং চ| পতঙ্গোঽগ্নিঃ|| ৬||

শশিলেক ব্যাখ্যা (ইন্দু কৃত)

তস্য চ রাজযক্ষ্মিণ ঊর্ধ্বগতে দোষে পীনসাদযো ভবন্তি| অধোগতে পুরীষস্য স্ত্রংসঃ শোষো বা| কোষ্ঠগে দোষে ছর্দির্ভবতি| তির্য্যক্স্ত্রোতস্সু স্থিতে ( দোষে ) পার্শ্বরুগ্ভবতি| সন্ধিগে দোষে জ্বরো ভবতি| তেনৈতদুক্তম্-দোষকোপবিশেষপরাযত্তা শরীরে ব্যাপ্তিঃ| যথাব্যাপ্তি চ রোগসম্ভবঃ| সকলব্যাপ্যৌত্বেকাদশরোগসমূহঃ পরিপূর্ণোরাজযক্ষ্মা ভবতি| স্ত্রোতসাং রোধাদ্বিট্ছোষঃ| তেষাং বিবৃতত্বাত্স্ত্রংসঃ| তেন সঙ্খযাযামনযোরন্যতরস্য গ্রহণম্| যুগপদসম্ভবাত্| পীনসঃ, শ্বাসঃ, কাসঃ, অংসরুক্, মূর্ধরুক্, স্বররুক্, অরুচিঃ, বিশঃ, স্ত্রংসঃ শোষো বা, ছর্দিঃ, পার্শ্বরুক, জ্বরঃ-ইত্যেকাদশরোগসমূহঃ ক্ষযঃ|| ৭||

শশিলেক ব্যাখ্যা (ইন্দু কৃত)

তেষাং পীনসাদীনাং কণ্ঠোদ্ধ্বংসাদয উপদ্রবাঃ রোগস্য পশ্চাদুত্পন্নো দুঃখানুবন্ধী রোগ উপদ্রবঃ|| ৮||

শশিলেক ব্যাখ্যা (ইন্দু কৃত)

তত্র বাতাধিকে রাজযক্ষ্মণি শিরঃ শূলাদিকং লিঙ্গম্|| ৯||

শশিলেক ব্যাখ্যা (ইন্দু কৃত)

পিত্তাধিকে পাদদাহাদিকম্|| ১০||

শশিলেক ব্যাখ্যা (ইন্দু কৃত)

কফাধিকে অরোচকাদিকম্|| ১১||

শশিলেক ব্যাখ্যা (ইন্দু কৃত)

রাজক্ষ্মবতো ধাতুপুষ্টিকরৈর্মাংসাদিভিরভ্যবহৃতৈর্ধাতুক্ষযো জাযত ইত্যত্র যুক্তিমাঽঽহ-দোষৈরিত্যাদি| তস্য রাজযক্ষ্মবতো রোস্বভাবেন মন্দানলত্বেন হেতুনা দোষৈঃ সাপলেপৈরপাকাদবিশদৈস্তথা কফোল্বণৈশ্চ স্ত্রোতোমুখেষু রুদ্ধেষু অতএব ধাতূষ্মস্বল্পকেষু সত্সু রসাখ্যো ধাতু স্বস্থান এব বিদধ্যমানো নাপি রক্তাদিধাতুষু বহন্ তাংস্তানুপদ্রবান্ স্বহেতুকান্ কুর্য্যাত্| অসৃক্চ মাংসাদীনগচ্ছন্ ঊর্ধ্বশরীরস্য ধাবতি| অস্য চান্নমন্ন পক্ত্রৈব পচ্যতে| নতু রসাদিক্রমেণ ত্বন্যপাচকঃ| কোষ্ঠ এব পচ্যতে ন ধাতুস্ত্রোতস্সু| অত এব হেতোর্বাহুল্যেন মলতামেব যাতমন্নং ধাতুপুষ্ট্যেনাঽলম্| ন পর্য্যাপ্তং ভবতীত্যর্থঃ| স্তোকেন সারেণাপ্যায্যন্তে ধাতব ইতি প্রাযোগ্রহণম্| সুবোধম্|| ১২||

শশিলেক ব্যাখ্যা (ইন্দু কৃত)

এবম্ভূতং ক্ষীণমল্পেষ্বপি লিঙ্গেষু বর্জযেত্| কিম্ভূতমাঽঽহ ব্যাধীনামৌষধস্য চ বলং যো ন ক্ষমতে||১৩||

শশিলেক ব্যাখ্যা (ইন্দু কৃত)

ততো ব্যাধ্যৌষধম্লাক্ষমত্বাদন্যযা বৈপরীত্যে ব্যাধ্যৌষধবলক্ষমত্বে সর্বেষ্বাপি লিঙ্গেষু সত্স্বক্ষীণং সাধযেদেব| চিকিত্সেদেব ন তু বর্জযেত্| ইতি নির্দিষ্টো রাজযক্ষ্মা||

শশিলেক ব্যাখ্যা (ইন্দু কৃত)

অনন্তরং তদঙ্গভূতাঃ প্রধানত্বাত্ স্বরভেদাদযো নির্ণীযন্তে| তেষু চ বাতাদিভিঃ সন্নিপাতেন ক্ষযান্মেদসা চ ষট্ স্বরভেদাঃ|

শশিলেক ব্যাখ্যা (ইন্দু কৃত)

তত্রাঽনিলাত্স্বরভেদে ক্ষামস্বরত্বদিকং লিঙ্গম্|| ১৫||

শশিলেক ব্যাখ্যা (ইন্দু কৃত)

পিত্তাত্তালুদাহাদিকং উক্তাবসূযনমপরিপূর্ণবচনতা|| ১৬||

শশিলেক ব্যাখ্যা (ইন্দু কৃত)

লিম্পন্নিবেত্যাদিকফজস্বরলক্ষণম্|| ১৭||

শশিলেক ব্যাখ্যা (ইন্দু কৃত)

সন্নিপাতেন স্বরভেদে স্বরো বিবদ্ধো ভবতি| বাতাদিস্বরভেদলিঙ্গঞ্চ ভবতি|| ১৮||

শশিলেক ব্যাখ্যা (ইন্দু কৃত)

ক্ষযাত্তু স্বরভেদঃ স্বং স্থানং কণ্ঠাদিকং কষেত্| ধূমমিব কণ্ঠে করোতি|| ১৯||

শশিলেক ব্যাখ্যা (ইন্দু কৃত)

মেদসা স্বরভেদঃ শ্লেষ্মস্বরভেদলিঙ্গো যস্তু কৃচ্ছ্রলক্ষ্যাধরঃ|| ২০||

শশিলেক ব্যাখ্যা (ইন্দু কৃত)

এতেষু স্বরভেদেষু মধ্যে সর্বৈঃ সন্নিপাতপ্রভবো যশ্চান্ত্যো মেদস্য এতৌ স্বরভেদৌ বর্জযেত্| শেষাঃ সাধ্যা ইত্যর্থঃ| উক্তঃ স্বর ভেদঃ|| ২১||

শশিলেক ব্যাখ্যা (ইন্দু কৃত)

অরোচক উচ্যতে| দোষৈর্বাতাদিভির্জিহ্বাং হৃদযং চ সংশ্রিতৈঃ পৃথক্ ত্রিভিররোচকো ভবেত্| তেষাং কোপে কারণং সামান্যমুক্তম্ সম্প্রাপ্তিবশাত্তু রোগবিশেষ ইতি সর্বত্র বোদ্ধব্যম্| ত্রিভির্দোষৈঃ পৃথক্ত্রযোঽরোচকাঃ সন্নিপাতেন চতুর্থঃ| জিহ্বাহৃদয সংশ্রিতেনেত্যর্থাত্ লভ্যতে| মনসঃ সন্তাপেন নানাবিধেন শোক ক্রোধাদিনা কৃতেন| পঞ্চম আগন্তুঃ| তত্রাঽপি চাগন্তূনামা গন্তুকারণোপতাপমনু তত্পীডযাঽনুবন্ধো ভবত্যেবেতি পূর্বং ব্যাখ্যাতম্|| ২২||

শশিলেক ব্যাখ্যা (ইন্দু কৃত)

বাতাদ্যুদ্ভবেষ্বরোচকেষু লিঙ্গক্রমাদ্যথাসঙ্খ্যেন মুখে কষযাদীনা মুপলম্ভঃ| সন্নিপাতোত্থেঽরোচকে মুখং বিরসং দূরসং (দুষ্টরসং) ভবতি| শোকক্রোধাদিষু যথামলং য এব দোষোঽনুবন্ধং গৃহ্ণাতি তল্লক্ষণং ভবতীত্যর্থঃ| অথবা ভযশোকযোর্বাতিকাত্| ক্রোধে পিত্তাদিতি যথামলমুক্তোঽরোচকঃ|| ২৩||

শশিলেক ব্যাখ্যা (ইন্দু কৃত)

ছর্দিরুচ্যতে| বাতাদিভিঃ সন্নিপাতেন দ্বিষ্টার্থজা চেতি পঞ্চ চ্ছর্দযঃ|| ২৪||

শশিলেক ব্যাখ্যা (ইন্দু কৃত)

সর্বাসু চ্ছর্দিষূদানো নাম বাযুর্দোষান্ বাতাদ্বীর্ধ্বং মুখেন অস্যতিক্ষিপতীতি সাধারণা সম্প্রাপ্তিঃ|| ২৫||

শশিলেক ব্যাখ্যা (ইন্দু কৃত)

চোত্ল্কেশাদীনি পূর্বরূপাণি|| ২৬||

শশিলেক ব্যাখ্যা (ইন্দু কৃত)

নাভিমিত্যাদিনা বাতাদের্লক্ষণমুচ্যতে| বাযুর্নাভ্যাদিরুজন্ আহারমুত্ক্ষিপেত্ তদনন্তরঞ্চ বিচ্ছিন্নত্বাদিযুক্তং বমেত্| কাসাদ্যন্বিতঃ পুরুষঃ| ইতি বাতাত্ ছর্দিলক্ষণম্|| ২৭||

শশিলেক ব্যাখ্যা (ইন্দু কৃত)

পিত্তাচ্চ্ছার্দ্যা তৃডাদিমান্ ক্ষারোদকনিভত্বাদিযুক্তং বমেত্||২৮||

শশিলেক ব্যাখ্যা (ইন্দু কৃত)

কফাত্স্নিগ্ধং ঘনং স্বেতং শ্লেষ্মতন্তুগবাক্ষিতম্| মধুরং লবণং ভূরি প্রসক্তং লোমহর্ষণম্|| মুখশ্বযথুমাধুর্য্যতন্দ্রাহৃল্লাসকাসবান্|| ২৯||

শশিলেক ব্যাখ্যা (ইন্দু কৃত)

যা চ্ছর্দিঃ সর্বৈর্মলৈর্বাতাদিভিঃ সা সর্বলিঙ্গা| সর্বানন্তরোক্তবাতালিঙ্গসংযুক্তা| যা চ্ছর্দির্বেগবতী মূত্রশকৃদ্গন্ধিরিত্যাদিনা রিষ্টেষূক্তা ( অ. সাং. শা. - ৭০০ ) তে দ্বে অপি ত্যজেত্| অসর্বলিঙ্গা তু সান্নিপাতিকী চিকিত্স্যৈব|| ৩০||

শশিলেক ব্যাখ্যা (ইন্দু কৃত)

যা ছর্দিঃ পূত্যাদীনাং দর্শনশ্রবণচিন্তনাদিভিশ্চিত্তে তপ্তে হৃদি চ ক্লিষ্টে ভবতি| এষা দ্বিষ্টার্থজা| ইতি পঞ্চ ছর্দযঃ|| ৩১||

শশিলেক ব্যাখ্যা (ইন্দু কৃত)

কৃম্যাদিষু যাশ্ছর্দযঃ তা নাঽতঃ পৃথগ্ভূতাস্তাসাং বাতাদিহেতুত্বাত্| অতস্তাসু চতসৃষু চ্ছর্দিষু বাতাদীনেববুদ্ধযা লক্ষণৈর্বিমৃশেত্| দৌহৃদং প্রথমগর্ভে মাতুর্নানাবিধাহারেচ্ছা| তস্যালাভাদ্যাছর্দিঃ সেত্যার্থঃ| কৃমিজাযাস্তু শূলাদীনি লক্ষণনি| বিশেষাত্ কৃমিহৃদ্রোগস্য লিঙ্গৈঃ শ্যাবনেত্রত্বাদিভিঃ ( অ. সং. নি. - ১৯২ ) কৃমিজাং ছর্দিং বদেদিতি সম্বন্ধঃ| ইত্যুক্তাশ্ছর্দযঃ|| ৩২||

শশিলেক ব্যাখ্যা (ইন্দু কৃত)

হৃদ্রোগা উচ্যন্তে| বাতাদিভিঃ সন্নিপাতেন কৃমিভিশ্চেতি পঞ্চ হৃদ্রোগাঃ স্মৃতা আচার্য্যৈঃ| তেষাঞ্চ হৃদ্রোগাণাং গুল্মনিদানে বক্ষ্যমাণহেতুভিঃ সম্ভবঃ|| ৩৩||

শশিলেক ব্যাখ্যা (ইন্দু কৃত)

অল্পনিদ্রান্তেন গ্রন্থেন বাতহৃদ্রোগলক্ষণম্| অত্যর্থশব্দেনৈতত্ গমযতি যদন্যেষ্বপি হৃদ্রোগেষু হৃদযং শূল্যতে| অতিশযেন তু বাতাজ ইতি| অকস্মাদহেতুকঃ|| ৩৪||

শশিলেক ব্যাখ্যা (ইন্দু কৃত)

জ্বরান্তেন পিত্তং হৃদ্রোগলিঙ্গম্| পীততাঽঙ্গেষু||৩৫||

শশিলেক ব্যাখ্যা (ইন্দু কৃত)

হৃদযস্তম্ভাদিকং লিঙ্গং শ্লেষ্মণা হৃদ্রোগে ভবতি| হৃদযং ভারিগুরুকং সগর্ভবদশ্মগর্ভবচ্চ|| ৩৬||

শশিলেক ব্যাখ্যা (ইন্দু কৃত)

যস্তু ত্রিভির্দোষৈর্হৃদ্রোগঃ সঃ সর্বলিঙ্গো ভবতি|| ৩৭||

শশিলেক ব্যাখ্যা (ইন্দু কৃত)

কৃমিহৃদ্রোগে শ্যাবনেত্রত্বাদিলিঙ্গম্| অত্র কৃমিহৃদোগে কৃম্যূপঘাতবশাত্সততং হৃদযং ক্রকচেনেব দার্য্যতে| ক্রকচঃ করপত্রম্| তঞ্চ কৃমিহৃদ্রোগাখ্যমামযং ঘোরং শীঘ্রকারিণঞ্চ শীঘ্রং চিকিত্সেতি| মহামর্মহৃদযস্য কৃমিভির্ভক্ষণাত্| ইত্যুক্তা হৃদ্রোগাঃ|| ৩৮||

শশিলেক ব্যাখ্যা (ইন্দু কৃত)

তৃষ্ণা উচ্যন্তে| বাতাদিবিশেষেণ ষট্ তৃষ্ণা ভবন্তি| উপসর্গোঽন্যরোগাভিষঙ্গঃ|| ৩৯||

শশিলেক ব্যাখ্যা (ইন্দু কৃত)

সর্বাসু তৃষ্ণাসু বাতপিত্তে প্রধানং কারণম্|| ৪০||

শশিলেক ব্যাখ্যা (ইন্দু কৃত)

তযোশ্চ বাতাত্তযোঃ প্রকোপঃ সৌম্যস্য রসাখ্যধাতোঃ কারণবশেন প্রশোষণাত্ স চ তত্প্রকোপঃ সর্বদেহভ্রমোত্কম্পাদিকৃত্||৪১||

শশিলেক ব্যাখ্যা (ইন্দু কৃত)

সর্বাশ্চ তৃষ্ণা জিহ্বামূলাদিকং সংশোষ্য জাযন্তে|| ৪২||

শশিলেক ব্যাখ্যা (ইন্দু কৃত)

সর্বাসাং মুখশোষাদিতৃড্গ্রহোক্তামযান্তং সামান্যলক্ষণম্| তৃড্গ্রহোক্তা আমযাঃ শোষাদযো রোগানুত্পাদনীযোক্তাঃ ( অ. সং. সূ. - ১৫৬ )|| ৪৩||

শশিলেক ব্যাখ্যা (ইন্দু কৃত)

ক্ষামতাদিকং মারুতাত্ তৃল্লক্ষণম্|| ৪৪||

শশিলেক ব্যাখ্যা (ইন্দু কৃত)

মূর্চ্ছাদিকং পিত্তাত্|| ৪৫||

শশিলেক ব্যাখ্যা (ইন্দু কৃত)

তৃষ্ণাসু শোষে বাতপিত্তং কারণমুক্তম্| তত্ কফে কদাচিত্ সৌম্যত্বান্ন সম্ভবত্যতঃ কফজাযাঃ সম্প্রাপ্তিরুচ্যতে| কফঃ কুপিতস্তোযবাহিষু স্ত্রোতস্সু যদা মারুতং রুণদ্ধি তদা তেন মারুতেন স কফঃ শোষ্যতে পঙ্কবত্| ততঃ কফে শুষ্কে অবিপাকান্তং তৃষ্ণাযা লিঙ্গং ভবতীতি কফতৄষ্ণা|| ৪৬||

শশিলেক ব্যাখ্যা (ইন্দু কৃত)

সন্নিপাতেন তৃষ্ণা সর্বলক্ষণা ভবতি|| ৪৭||

শশিলেক ব্যাখ্যা (ইন্দু কৃত)

যা ত্বামোদ্ভবা সা বাতপিত্তজৈব বোদ্ধব্যা| যতঃ আমেনাবচ্ছেন্নেঽন্নস্যাপাকেন তর্পণাভাবদ্বৃদ্ধাভ্যাং বাতপিত্তাভ্যাং জন্যতে||৪৮ ||

শশিলেক ব্যাখ্যা (ইন্দু কৃত)

উষ্ণেনাতপাদিনা ক্লান্তস্য সতস্সহসা শীতোদকসেবনাত্ যা তৃড্ দৃষ্টা সা পিত্তজৈব বোদ্ধব্যা| যা তূষ্মরূপং পিত্তং বৃদ্ধশরীরে ব্যাপ্য বর্ত্তমানং বহিঃ শীতাম্বুসেকাত্ প্রতিহতং কোষ্ঠে প্রবিষ্টং তৃষং করোতি| যা চ পানস্য মদ্যস্যাতিপানেন ভবতি সা চ পিত্তজৈব তথা তীক্ষ্ণাগ্নেঃ পুরুষস্য স্নেহেন যা তৃষ্ণা সা চ পিত্তজৈব| ন সর্পিঃ কেবলং পিত্তে পেযমিতি স্মর্তব্যম্|| ৪৯||

শশিলেক ব্যাখ্যা (ইন্দু কৃত)

স্নিগ্ধাদিভোজনেন যা তৄষ্ণা সা কফোদ্ভবেতি বিজ্ঞেযা|| ৫০||

শশিলেক ব্যাখ্যা (ইন্দু কৃত)

রসক্ষযলক্ষণেন ক্ষযাত্মিকা তৃষ্ণা জ্ঞেযা| রসক্ষযলক্ষণং 'রসেরৌক্ষ্যম্' ( অ. হৃ. সূ. - ১১-১৭; অ. সং. সূ. ১৯ ) ইত্যাদিকং সূত্রোক্তম্| এষা পঞ্চমী তৃট্|| ৫১||

শশিলেক ব্যাখ্যা (ইন্দু কৃত)

শোষাদিদীর্ঘরোগোপর্সাদ্যা তীব্রা তৃট্ সোপসর্গাত্মিকা ষষ্ঠী| ইত্যুক্তাস্তৃষ্ণাঃ|| ৫২|| ইতি শ্রীমন্মহামহোপাধ্যাযেন্দুবিরচিতাযাম্ অষ্টাঙ্গসংগ্রহব্যাখ্যাযাং শশিলেখাযাং নিদানস্থানে পঞ্চমোঽধ্যাযঃ