Adhikarana অথ স্নেহাদিব্যাপত্সিদ্ধির্নাম সপ্তমোঽধ্যাযঃ প্রতিজ্ঞা (১) · Śloka ১
অথাতঃ স্নেহাদিব্যাপত্সিদ্ধং ব্যাখ্যাস্যামঃ| ইতি হ স্মাহুরাঽঽত্রেযাদযো মহর্ষযঃ||১||
अथातः स्नेहादिव्यापत्सिद्धं व्याख्यास्यामः| इति ह स्माहुराऽऽत्रेयादयो महर्षयः||१||
🔊 Audio coming soon
শশিলেক ব্যাখ্যা (ইন্দু কৃত)
আস্থাপনানাং ব্যাপদস্তত্সাধনং চোক্ত্বা ক্রমপ্রাপ্তানাং স্নেহাদি বস্তীনামসম্যগ্যোগে ব্যাপদঃ সাধনঞ্চ প্রদর্শযিতুমধ্যায আরভ্যতে||১||
Adhikarana স্নেহবস্তিব্যাপত্সঙ্খ্যানম্ (২) · Śloka ২
স্নেহবস্তৌ মরুতপিত্তকফাঽত্যাঽঽশবিডাবৃতে| আভুক্তে শ্ণুনপায্বাঽঽমদত্তেঽষ্টৌ ব্যাপদঃ স্মৃতাঃ||২||
स्नेहबस्तौ मरुतपित्तकफाऽत्याऽऽशविडावृते| आभुक्ते श्णुनपाय्वाऽऽमदत्तेऽष्टौ व्यापदः स्मृताः||२||
🔊 Audio coming soon
শশিলেক ব্যাখ্যা (ইন্দু কৃত)
স্নেহবস্তৌ মরুদাদিপঞ্চকাবৃতে অভুক্তাদিত্রযদত্তে চেত্যষ্টধা স্নেহবস্তের্ব্যাপদঃ| অত্যাঽঽশোঽতিভোজনম্||২||
Adhikarana বাতাদিপঞ্চাঽঽবরণানি (৩) · Śloka ৩
শীতেঽল্পো বাঽধিকে বাতে পিত্তেঽত্যুষ্ণঃ কফে মৃদুঃ| অতিভুক্তে গুরুর্বর্চঃ সঞ্চযেঽল্পবলস্তথা| দত্তস্তৈরাবৃতঃ স্নেহো নাঽঽযাত্যভিভবাদপি||৩||
शीतेऽल्पो वाऽधिके वाते पित्तेऽत्युष्णः कफे मृदुः| अतिभुक्ते गुरुर्वर्चः सञ्चयेऽल्पबलस्तथा| दत्तस्तैरावृतः स्नेहो नाऽऽयात्यभिभवादपि||३||
🔊 Audio coming soon
শশিলেক ব্যাখ্যা (ইন্দু কৃত)
শীত ইত্যাদিনা ক্রমেণাঽঽবরণা উচ্যন্তে| বাতেঽধিকে শীতোঽল্পো বা দত্তো বাতেনাঽঽবৃতত্বান্নাযাতি| পিত্তেঽধিকেঽত্যুষ্ণো দত্তঃ পিত্তাবৃতত্বান্নাযাতি| কফেঽধিকে মৃদুঃ স্নেহবস্তিঃ কফাবৃতত্বান্নাযাতি| অতিভুক্তে গুরুঃ স্নেহবস্তিরন্নাঽঽবৃতত্বান্নাযাতি| বর্চঃ সঞ্চযেঽল্বলঃ স্নেহবস্তির্বিডাবৃতত্বান্নাযাতি| সম্যক্প্রযুক্তোঽপি চ স্নেহবস্তির্মরুতাদিষ্বধিকেষু প্রযুক্তস্তৈরভিভূতত্বান্নাযাতি||৩||
Adhikarana বাতাবৃতে লক্ষণাণি চিকিত্সা চ (৪) · Śloka ৪
স্তম্ভোরুসদনাধ্মানজ্বরশূলাঙ্গমর্দনৈঃ| পাড়্শ্বরুগ্বেষ্টনৈর্বিদ্যাদ্বাযুনা স্নেহমাবৃতম্| স্নিঘ্দাম্ললবণোষ্ণৈস্তং রাস্নাপীতদ্রুতৈলিকৈঃ| সৌবীরকসুরাকোলকুলত্থযবসাধিতৈঃ| নিরূহৈর্নির্হরেত্ সম্যক্সমূত্রৈঃ পাঞ্চমূলিকৈঃ| তাভ্যামেব চ তৈলাভ্যাং সাযং ভুক্তেঽনুবাসযেত্||৪||
स्तम्भोरुसदनाध्मानज्वरशूलाङ्गमर्दनैः| पाऱ्श्वरुग्वेष्टनैर्विद्याद्वायुना स्नेहमावृतम्| स्निघ्दाम्ललवणोष्णैस्तं रास्नापीतद्रुतैलिकैः| सौवीरकसुराकोलकुलत्थयवसाधितैः| निरूहैर्निर्हरेत् सम्यक्समूत्रैः पाञ्चमूलिकैः| ताभ्यामेव च तैलाभ्यां सायं भुक्तेऽनुवासयेत्||४||
🔊 Audio coming soon
শশিলেক ব্যাখ্যা (ইন্দু কৃত)
স্তম্ভাদিকং বাতাবৃতস্নেহলক্ষণম্| তং স্নেহং স্নিগ্ধাদিগুণৈঃ পাঞ্চমূলিকৈর্নির্হরেত্| রাস্নাতৈলাদিযুক্তৈশ্চ| পীতদ্রুঃ সরলঃ| কোলং বদরম্| তাভ্যামেব তৈলাভ্যাং রাস্নাপীতদ্রুতৈলাভ্যাং ভুক্তে ভোজনে কৃতেঽনুবাসযেত্|| ৪||
Adhikarana পিত্তাবৃতে লক্ষণানি চিকিত্সা চ (৫) · Śloka ৫
তৃড্দাহরাগসম্মোহবৈবর্ণ্যতমকজ্বরৈঃ| বিদ্যাত্পিত্তাবৃতং স্বাদু তিক্তৈস্তং বস্তিভির্হরেত্||৫||
तृड्दाहरागसम्मोहवैवर्ण्यतमकज्वरैः| विद्यात्पित्तावृतं स्वादु तिक्तैस्तं बस्तिभिर्हरेत्||५||
🔊 Audio coming soon
শশিলেক ব্যাখ্যা (ইন্দু কৃত)
তৃডাদিপিত্তাবৃতলক্ষণম্| তং স্নেহং স্বাদ্বাদিগুণৈর্বস্তিভির্হরেত্||৫||
Adhikarana কফাবৃতে লক্ষণানি চিকিত্সা চ (৬) · Śloka ৬
তন্দ্রাশীতজ্বরালস্যপ্রসেকারুচিগৌরবৈঃ| সমূর্চ্ছাগ্লানিভির্বিদ্যাচ্ছ্লেষ্মণা স্নেহমাব্মৃতম্| কষাযতিক্তকটুকৈঃ সুরামূত্রোপসাধিতৈঃ| ফলতৈলযুতৈঃ সাম্লৈর্বস্তিভিস্তং বিনির্হরেত্||৬||
तन्द्राशीतज्वरालस्यप्रसेकारुचिगौरवैः| समूर्च्छाग्लानिभिर्विद्याच्छ्लेष्मणा स्नेहमाव्मृतम्| कषायतिक्तकटुकैः सुरामूत्रोपसाधितैः| फलतैलयुतैः साम्लैर्बस्तिभिस्तं विनिर्हरेत्||६||
🔊 Audio coming soon
শশিলেক ব্যাখ্যা (ইন্দু কৃত)
তন্দ্রাদিকং শ্লেষ্মাবৃতলক্ষণম্| তং স্নেহং কষাযাদিগুণৈর্বস্তিভির্হরেত্|| ৬||
Adhikarana অত্যশনাবৃতে লক্ষণানি চিকিত্সা চ (৭) · Śloka ৭
ছর্দিমূর্ছারুচিগ্লানিশূলনিদ্রাঙ্গমর্দনৈঃ| আমলিঙ্গৈঃ সদাহৈস্তং বিদ্যাদত্যশনাবৃতম্| কটূনাং লবণানাঞ্চ ক্বাথৈশ্চূর্ণৈশ্চ পাচনম্| মৃদুর্বিরেকঃ সর্বং চ তত্রাঽঽমবিহিতং হিতম্||৭||
छर्दिमूर्छारुचिग्लानिशूलनिद्राङ्गमर्दनैः| आमलिङ्गैः सदाहैस्तं विद्यादत्यशनावृतम्| कटूनां लवणानाञ्च क्वाथैश्चूर्णैश्च पाचनम्| मृदुर्विरेकः सर्वं च तत्राऽऽमविहितं हितम्||७||
🔊 Audio coming soon
শশিলেক ব্যাখ্যা (ইন্দু কৃত)
ছর্দ্যাদিকমত্যশনাবৃতলক্ষণম্| আমলিঙ্গানি স্রোতোরোধাদীনি সূত্রোক্তানি| তত্র কট্বাদিগুণানাং দ্রব্যাণাং ক্বাথৈর্শ্চূর্ণৈশ্চ পাচনম্| মৃদুবিরেকশ্চ শস্যতে| সর্বমাঽঽমবিহিতমামাতিসারদ্যুক্তম্|| ৭||
Adhikarana বিডাবৃতে লক্ষণানি চিকিত্সা চ (৮) · Śloka ৮
বিণ্মূত্রাঽনিলসঙ্গার্ত্তিগুরুত্বাধ্মানহৃদ্গ্রহৈঃ| স্নেহং বিডাবৃতং জ্ঞাত্বা স্নেহস্বেদৈঃ সবস্তিভিঃ| শ্যামাবিল্বাদিসিদ্ধৈশ্চ নিরূহৈঃ সাঽনুবাসনৈঃ| নির্হরেদ্ বিধিনা সম্যগুদাবর্ত্তহরেণ চ||৮||
विण्मूत्राऽनिलसङ्गार्त्तिगुरुत्वाध्मानहृद्ग्रहैः| स्नेहं विडावृतं ज्ञात्वा स्नेहस्वेदैः सबस्तिभिः| श्यामाबिल्वादिसिद्धैश्च निरूहैः साऽनुवासनैः| निर्हरेद् विधिना सम्यगुदावर्त्तहरेण च||८||
🔊 Audio coming soon
শশিলেক ব্যাখ্যা (ইন্দু কৃত)
বিট্সঙ্গাদিনা বিডাবৃতলক্ষণম্| তং স্নেহং স্নেহস্বেদাদিভির্নির্হরেদাবর্তোক্তেন চ বিধিনা সম্যগ্যোজনযা নির্হরেত্| ইত্যাঽঽবরণা উক্তাঃ|| ৮||
Adhikarana অভুক্তে শূনপাযোর্বা দত্তস্নেহে লক্ষণানি চিকিত্সা চ (৯) · Śloka ৯
অভুক্তে শূনপাযোর্বা পেযমাত্রাঽশিতস্য বা| গুদে প্রণিহিতঃ স্নেহো বেগাদ্ধাবত্যনাবৃতঃ| ঊর্ধ্বকাযং ততঃ কণ্ঠাদূর্ধ্বেভ্যঃ খেভ্য এত্যপি| মূত্রশ্যামাত্রিবৃত্সিদ্ধো যবকোলকুলত্থবান্| তত্সিদ্ধতৈলো দেযঃ স্যান্নিরূহঃ সাঽনুবাসনঃ| কণ্ঠাদাঽঽগচ্ছতঃ স্তম্ভকণ্ঠগ্রহবিরেচনৈঃ| ছর্দিঘ্নীভিঃ ক্রিযাভিশ্চ তস্য কুর্যান্নিবর্ত্তনম্||৯||
अभुक्ते शूनपायोर्वा पेयमात्राऽशितस्य वा| गुदे प्रणिहितः स्नेहो वेगाद्धावत्यनावृतः| ऊर्ध्वकायं ततः कण्ठादूर्ध्वेभ्यः खेभ्य एत्यपि| मूत्रश्यामात्रिवृत्सिद्धो यवकोलकुलत्थवान्| तत्सिद्धतैलो देयः स्यान्निरूहः साऽनुवासनः| कण्ठादाऽऽगच्छतः स्तम्भकण्ठग्रहविरेचनैः| छर्दिघ्नीभिः क्रियाभिश्च तस्य कुर्यान्निवर्त्तनम्||९||
🔊 Audio coming soon
শশিলেক ব্যাখ্যা (ইন্দু কৃত)
অভুক্তে দত্তঃ স্নেহঃ পেযমাত্রেণৈব ভুক্তস্য বা দত্তঃ শূনপাযোর্বা প্রণিহিতো বেগাদূর্ধ্বকাযং ধাবত্যন্নাদ্যাঽঽবরকাঽভাবাত্| ততঃ কণ্ঠাদূর্ধ্বেভ্যঃ খেভ্যো নাসাদিভ্য এত্যাঽঽগচ্ছতি| তত্র মূত্রাদিসিদ্ধো নিরূহো যবাদিমাংশ্চ তত্সিদ্ধেন মৄত্রাদিসিদ্ধেন তৈলেন যুক্তো দেযঃ স্যাত্| তস্য চোর্ধ্বপ্রবৃত্তস্য স্নেহস্য কণ্ঠাদাঽঽগচ্ছতো নিবর্ত্তনমধোনযনং স্তম্ভাদিভিঃ কির্যাত্|| ৯||
Adhikarana আমদত্তে লক্ষণানি চিকিত্সা চ (১০) · Śloka ১০
নাঽপক্বং প্রণযেত্ স্নেহং গুদং স হ্যুপলিম্পতি| ততঃ কুর্যাত্সরুঙ্মোহকণ্ডূশোফান্ ক্রিযাঽত্র চ| তীক্ষ্ণো বস্তিস্তথা তৈলমর্কপত্ররসে শৃতম্||১০||
नाऽपक्वं प्रणयेत् स्नेहं गुदं स ह्युपलिम्पति| ततः कुर्यात्सरुङ्मोहकण्डूशोफान् क्रियाऽत्र च| तीक्ष्णो बस्तिस्तथा तैलमर्कपत्ररसे शृतम्||१०||
🔊 Audio coming soon
শশিলেক ব্যাখ্যা (ইন্দু কৃত)
আমদত্ত উচ্যতে| অপক্বং স্নেহং পাযৌ ন প্রণযেত্| স হ্যপক্বঃ প্রণিহিত আত্মনা গুদমুপলিম্পতি| স চামদত্তো রুগাদীন্ কুর্যাত্| অত্র চ কির্যা চিকিত্সা ভবতি| কিমিত্যাহ-তীক্ষ্ণ ইত্যাদি| সুবোধম্| ইত্যুক্তা অষ্টৌ ব্যাপদঃ|| ১০||
Adhikarana অষ্টৌ নেত্রদোষাস্তজ্জন্যলক্ষণানি চ (১১) · Śloka ১১
হৃস্বং দীর্ঘং তনু স্থূলং জীর্ণ শিথিলবন্ধনম্| পাড়্শ্বচ্ছিদ্রং তথা বক্রমষ্টৌ নেত্রাণি বর্জযেত্| অপ্রাপ্ত্যতিগতিক্ষোভকর্ষণক্ষণনস্রবাঃ| গুদপীডা গতির্জিহ্যা তেষাং দোষা যথাক্রমম্||১১||
हृस्वं दीर्घं तनु स्थूलं जीर्ण शिथिलबन्धनम्| पाऱ्श्वच्छिद्रं तथा वक्रमष्टौ नेत्राणि वर्जयेत्| अप्राप्त्यतिगतिक्षोभकर्षणक्षणनस्रवाः| गुदपीडा गतिर्जिह्या तेषां दोषा यथाक्रमम्||११||
🔊 Audio coming soon
শশিলেক ব্যাখ্যা (ইন্দু কৃত)
প্রসঙ্গেনোচ্যতে-হৃস্ব ইত্যাদি| সর্বত্র চ বস্তৌ হৃস্বাদিগুণং নেত্রং বর্জযেদপ্রাপ্ত্যাদিদোষোভযাত্| হ্ড়স্বে নেত্রে বস্তেঃ স্থানাঽপ্রাপ্তিঃ| দীর্ঘেঽন্তরতিগমনমৌষধস্য| তেনৌ নেত্রেঽন্তঃক্ষোভঃ| স্থূলে মার্গকর্ষণম্| জীর্ণে জর্জরে কর্কশত্বাত্ গুদাদিক্ষণনম্| শিথিলবন্ধনে বহিরৌষধস্য স্রাবঃ| পার্শ্বচ্ছিদ্রে নেত্রে গুদপীডা| বক্রে জিহ্বা অস্পষ্টা গতিরৌষধস্য| ইতি যথাক্রমম্|| ১১||
Adhikarana অষ্টৌ বস্তিদোষাস্তজ্জন্যলক্ষণানি চ (১২) · Śloka ১২
মাংসলস্নিগ্ধবিষমজালবত্স্থূলবাতলাঃ| ছিন্নঃ ক্লিন্নশ্চ তানষ্টৌ বস্তীন্ কর্মসু বর্জযেত্| গতিবৈষম্যদৌর্গন্ধ্যজিহ্বত্বস্রুতিদুর্গ্রহাঃ| ফেনালিচ্যুত্যধার্যত্বং বস্তেঃ স্যুর্বস্তিদোষতঃ||১২||
मांसलस्निग्धविषमजालवत्स्थूलवातलाः| छिन्नः क्लिन्नश्च तानष्टौ बस्तीन् कर्मसु वर्जयेत्| गतिवैषम्यदौर्गन्ध्यजिह्वत्वस्रुतिदुर्ग्रहाः| फेनालिच्युत्यधार्यत्वं बस्तेः स्युर्बस्तिदोषतः||१२||
🔊 Audio coming soon
শশিলেক ব্যাখ্যা (ইন্দু কৃত)
মাংসলাদীন্ বস্তীন্নেত্রমূলযোজ্যানৌষধাধারানষ্টৌ বস্তিকর্মণি বর্জযেত্| যতোঽস্মান্মাংসলত্বাদিত্বাদ্বস্তিদোষতো বস্তেরৌষাধস্য গতিবৈষম্যাদযঃ স্যুঃ| মাংসলত্বেন বস্তেরৌষধস্য বিষমা গতিঃ| স্নিগ্ধত্বেন বস্তিচর্মণ ঔষধস্য দৌর্গন্ধ্যম্| বিষমত্বেন বতের্ঘনত্বম্| তনুত্বেনৌষধস্য জিহ্যত্বং যন্ত্রাদনির্গমনম্| জালবত্বেন সিরাজালত্বেন স্রুতিঃ| স্থূলত্বেন বস্তেশ্চর্মণ ঔষধস্য দুঃখেন গ্রহণম্| বাতলত্বেন চর্মণ ঔষধস্য ফেনিলত্বম্| ছিন্নত্বেনৌষধস্য চ্যুতিঃ| ক্লিন্নত্বেন বস্তেরৌষধং ধারযিতুম শক্যত্বমিতি|| ১২||
Adhikarana সপ্ত শয্যাদোষাস্তজ্জন্যলক্ষণানি চ (১৩) · Śloka ১৩
উচ্চকৈরত্যবাক্শীর্ষং ন্যুব্জং সঙ্কুচিতং স্থিতম্| উত্তানং দক্ষিণং পার্শ্বং সপ্ত শয্যাঃ পরিত্যজেত্| মূত্রাঘাতোঽতিসম্প্রাপ্তিপ্রাপ্তিঃ সাধূনাগতিঃ| আশ্বাগতির্মরুত্কোপস্তৃপ্তিঃ পক্বাশযস্য চ| তদ্দোষাঃ স্যুর্বিধাতব্যং যথৌপযিকমত্র চ||১৩||
उच्चकैरत्यवाक्शीर्षं न्युब्जं सङ्कुचितं स्थितम्| उत्तानं दक्षिणं पार्श्वं सप्त शय्याः परित्यजेत्| मूत्राघातोऽतिसम्प्राप्तिप्राप्तिः साधूनागतिः| आश्वागतिर्मरुत्कोपस्तृप्तिः पक्वाशयस्य च| तद्दोषाः स्युर्विधातव्यं यथौपयिकमत्र च||१३||
🔊 Audio coming soon
শশিলেক ব্যাখ্যা (ইন্দু কৃত)
উচ্চকৈরিত্যাদিনা সপ্তশয্যা বস্তিকর্মণি পরিত্যজেত্| ক্রমেণ মূত্রাঘাতাদিসপ্তদোষভযাত্| উচ্চকৈরিত্যুচ্ছ্রিতা শয্যা পূর্বভাগে| এবং হি মূত্রাঘাতঃ| অবাক্শরস্ত্বেনৌষধস্যাঽতিসম্প্রাপ্তিঃ| ন্যুব্জত্বেনা-বাঙ্মুখত্বেনৌষধস্য স্থানাঽপ্রাপ্তিঃ| সঙ্কুচিতাঙ্গত্বেন সাধুনা মার্গেণৌষধস্যানাগতিঃ| অথবা সাধু কৃত্বা গমনং ন ভবতি| স্থিতে নিষণ্ণ উপবিষ্ট আশু শীঘ্রং বস্তেঃ প্রতিনিবর্ত্তনম্| উত্তানে মরুত্ কোপঃ| দক্ষিণপার্শ্বেন পক্বাশযস্য তৃপ্তিঃ| অত্র শয্যাদোষেষু সর্বেষু হি নেত্রাদিদোষেষু চ যথৌপযিকং যথোপযোগি চিকিত্সিতং বিধাতব্যম্||১৩||
Adhikarana দশ প্রণেত্তৃদোষাঃ (১৪) · Śloka ১৪
সবাতাঽতিতিস্রুতোত্ক্ষিপ্ততির্যগুল্লুপ্তকম্পিতাঃ| অতিমন্দকবাহ্যাতিবেগদোষাঃ প্রণেত্তৃতঃ||১৪||
सवाताऽतितिस्रुतोत्क्षिप्ततिर्यगुल्लुप्तकम्पिताः| अतिमन्दकबाह्यातिवेगदोषाः प्रणेत्तृतः||१४||
🔊 Audio coming soon
শশিলেক ব্যাখ্যা (ইন্দু কৃত)
সবাতাদযো দশ দোষাঃ প্রণেত্তৃতো বস্তিযোজকাদুত্পদ্যন্তে| উল্লুপ্তঃ উন্মুক্তঃ|| ১৪||
Adhikarana সবাতোদোষে লক্ষণানি চিকিত্সা চ (১৫) · Śloka ১৫
অনুচ্ছ্বাস্য তু বদ্ধে বা দত্তে নিঃশেষ এব বা| প্রবিশ্য ক্ষুভিতো বাযুঃ শূলতোদকরো ভবেত্| তত্রাঽভ্যঙ্গো গুদে স্বেদো বাতঘ্নন্যশনানি চ||১৫||
अनुच्छ्वास्य तु बद्धे वा दत्ते निःशेष एव वा| प्रविश्य क्षुभितो वायुः शूलतोदकरो भवेत्| तत्राऽभ्यङ्गो गुदे स्वेदो वातघ्नन्यशनानि च||१५||
🔊 Audio coming soon
শশিলেক ব্যাখ্যা (ইন্দু কৃত)
অনুচ্ছ্বাস্য বন্ধাদিনা বস্তাবন্তর্বাযুঃ ক্ষুভিতস্তত্কালং শূলতোদকরো ভবেত্| তত্র বাতেন সশূলাদিকে অভ্যঙ্গাদিকং যোজ্যম্||১৫||
Adhikarana অতিদ্রুতদোষে উত্ক্ষিপ্তে চ লক্ষণানি চিকিত্সা চ (১৬) · Śloka ১৬
দ্রুতং প্রণীতে নিষ্কৃষ্টে সহসোত্ক্ষিপ্ত এব বা| স্যাত্ কটীগুদজঙ্ঘোরুবস্তিস্তম্ভার্ত্তিভেদনম্| ভোজনং তত্র বাত্ঘ্নং স্বেদাভ্যঙ্গাঃ সবস্তযঃ||১৬||
द्रुतं प्रणीते निष्कृष्टे सहसोत्क्षिप्त एव वा| स्यात् कटीगुदजङ्घोरुबस्तिस्तम्भार्त्तिभेदनम्| भोजनं तत्र वात्घ्नं स्वेदाभ्यङ्गाः सबस्तयः||१६||
🔊 Audio coming soon
শশিলেক ব্যাখ্যা (ইন্দু কৃত)
অতিদ্রুতং নেত্রে প্রণীতে বা নিষ্কৃষ্টে বা কটিস্তম্ভাদিকং স্যাত্| তথা সহসা ঝটিত্যুত্ক্ষিপ্তে নেত্রে কটিস্তম্ভাদিকং স্যাত্| উভযত্রাপি বাতঘ্নভোজনাদিকমৌষধম্|| ১৬||
Adhikarana তির্যগ্বল্যাবৃতদোষে লক্ষণানি চিকিত্সা চ (১৭) · Śloka ১৭
তির্যগ্বল্যাবৃতে দ্বারে বদ্ধে বাঽপি ন গচ্ছতি| নেত্রে তদৃজু নিষ্কৃষ্য সংশোধ্য চ পুনর্নযেত্||১৭||
तिर्यग्वल्यावृते द्वारे बद्धे वाऽपि न गच्छति| नेत्रे तदृजु निष्कृष्य संशोध्य च पुनर्नयेत्||१७||
🔊 Audio coming soon
শশিলেক ব্যাখ্যা (ইন্দু কৃত)
তির্যক্প্রণিহিতে নেত্রে নেত্রদ্বারে যদা বল্যাবৃতত্বাধৌষধমন্তর্ন গচ্ছতি তির্য্যগ্ বদ্ধে বস্তাবেবং ভবতি| বদ্ধং বদ্ধমার্গ নেত্রম্| উভযত্রাপি তং নেত্রং ঋজু কৃত্বা যথৈব প্রবিষ্টং তথৈব নিষ্কৃষ্য সংশোধ্য পুনর্গুদং নযেন্নেত্রম্|| ১৭||
Adhikarana উল্লুপ্তদোষে লক্ষণানি চিকিত্সা চ (১৮) · Śloka ১৮
পীড্যমানেঽন্তরামুক্তে গুদে প্রতিহতোঽনিলঃ| উরঃ শিরোরুজং সাদমূর্বাশ্চ জনযেদ্বলী| বস্তিঃ স্যাত্তত্র বিল্বাদিঃ ফলশ্যামাদিমূত্রবান্||১৮||
पीड्यमानेऽन्तरामुक्ते गुदे प्रतिहतोऽनिलः| उरः शिरोरुजं सादमूर्वाश्च जनयेद्बली| बस्तिः स्यात्तत्र बिल्वादिः फलश्यामादिमूत्रवान्||१८||
🔊 Audio coming soon
শশিলেক ব্যাখ্যা (ইন্দু কৃত)
পীড্যামানো বস্তির্যদাঽন্তরা শিথিলহস্তত্বাদুন্মুক্তো ভবতি তদা তেনৌষধেন প্রতিহতোঽনিলো বলবানুরোরুজাদিকং জনযেত্| তত্র বিল্বাদিপঞ্চমূলমদনফলশ্যামাদিগণবান্ বস্তিঃ স্যাত্|| ১৮||
Adhikarana কম্পদোষে লক্ষণানি চিকিত্সা চ (১৯) · Śloka ১৯
স্যাদ্দাহো শ্বযথুঃ শোফঃ কম্পেনাঽভিহতে গুদে| কষাযমধুরাঃ শীতাঃ সেকাস্তত্র সবস্তযঃ||১৯||
स्याद्दाहो श्वयथुः शोफः कम्पेनाऽभिहते गुदे| कषायमधुराः शीताः सेकास्तत्र सबस्तयः||१९||
🔊 Audio coming soon
শশিলেক ব্যাখ্যা (ইন্দু কৃত)
নেত্রস্য কম্পেন গুদেঽভিহতে দাহাদিকং স্যাত্| তত্র কষাযাদিগুণাঃ সেকাশ্চ বস্তযশ্চ হিতাঃ|| ১৯||
Adhikarana নেত্রস্যাঽতিমাত্রপ্রণযনদোষে লক্ষণানি চিকিত্সা চ (২০) · Śloka ২০
অতিমাত্রপ্রণীতেন নেত্রেণ ক্ষণনাদ্বলেঃ| স্যাত্ সার্ত্তিদাহনিস্তোদগুরুবর্চঃ প্রবর্ত্তনম্| তত্র সর্পিঃ পিচুঃ ক্ষীরং পিচ্ছাবস্তিশ্চ শস্যতে||২০||
अतिमात्रप्रणीतेन नेत्रेण क्षणनाद्वलेः| स्यात् सार्त्तिदाहनिस्तोदगुरुवर्चः प्रवर्त्तनम्| तत्र सर्पिः पिचुः क्षीरं पिच्छाबस्तिश्च शस्यते||२०||
🔊 Audio coming soon
শশিলেক ব্যাখ্যা (ইন্দু কৃত)
নেত্রস্যাঽতিমাত্রপ্রণযনেন বলেঃ ক্ষণনাত্ সার্ত্যাদিবর্চঃপ্রবর্ত্তনং স্যাত্| তত্র চ সর্পিরাদিকং শস্যতে|| ২০||
Adhikarana মন্দপীডিতদোষে বাহ্যদোষে চ লক্ষণানি চিকিত্সা চ (২১) · Śloka ২১
ন ভাবযতি মন্দস্তু বাহ্যশ্চাঽঽশু নিবর্ত্ততে| স্নেহস্তত্র পুনঃ সম্যক্প্রণেযঃ সিদ্ধিমিচ্ছতা||২১||
न भावयति मन्दस्तु बाह्यश्चाऽऽशु निवर्त्तते| स्नेहस्तत्र पुनः सम्यक्प्रणेयः सिद्धिमिच्छता||२१||
🔊 Audio coming soon
শশিলেক ব্যাখ্যা (ইন্দু কৃত)
মন্দপীডিতস্তু স্নেহো চ ভাবযতি দেহম্| বাহ্যস্নেহ আশু নিবর্ত্ততে| স্তোকপ্রবিষ্টে নেত্রে বাহ্যঃ| তত্র মন্দে বাহ্যো চ সিদ্ধি মিচ্ছিতা ভিষজা পুনঃ স্নেহঃ প্রণেযঃ|| ২১||
Adhikarana অতিপ্রপীডিতদোষে লক্ষণানি চিকিত্সা চ (২২) · Śloka ২২
অতিপ্রপীডিতঃ কোষ্ঠে তিষ্ঠ্ত্যাযাতি বা গলম্| তত্র বস্তির্বিরেকশ্চ গলপীডাদিকর্ম চ||২২||
अतिप्रपीडितः कोष्ठे तिष्ठ्त्यायाति वा गलम्| तत्र बस्तिर्विरेकश्च गलपीडादिकर्म च||२२||
🔊 Audio coming soon
শশিলেক ব্যাখ্যা (ইন্দু কৃত)
অতিপীডিতস্ত্বতিপ্রবৃত্তঃ| কোষ্ঠে তিষ্ঠত্যথবা গলমাযাতি| তত্র বস্ত্যাদিকং কর্ম|| ২২||
Adhikarana শোধনোত্তরমাতুরং রক্ষেত্ (২৩) · Śloka ২৩
বমনাদ্যৈর্বিশুদ্ধং চ ক্ষামদেহবলানলম্| যথাণ্ডং তরুণং পূর্ণং তৈলপাত্রং যথা তথা| ভিষক্প্রযত্নতো রক্ষেত্ সর্বস্মাদপচারতঃ||২৩||
वमनाद्यैर्विशुद्धं च क्षामदेहबलानलम्| यथाण्डं तरुणं पूर्णं तैलपात्रं यथा तथा| भिषक्प्रयत्नतो रक्षेत् सर्वस्मादपचारतः||२३||
🔊 Audio coming soon
শশিলেক ব্যাখ্যা (ইন্দু কৃত)
শোধনপ্রসঙ্গেনোচ্যতে| বমনাদ্যৈঃ কর্মভিঃ সর্বৈরপি বিশুদ্ধং দেহং ক্ষামবলাদিকঞ্চ সর্বাপচারেভ্যো ভিষক্প্রযত্নতো রক্ষেত্| যথা তরুণমসঞ্জাতবিহগশাবমণ্ডং যত্নতো রক্ষেত্| তৈলেন পূর্ণং বা পাত্রমিতি|| ২৩||
Adhikarana আহারে রসানুসারমুপযোগক্রমঃ (২৪) · Śloka ২৪
দদ্যান্মধুরহৃদ্যানি ততোঽম্ললবণৌ রসৌ| স্বাদুতিক্তৌ ততো ভূযঃ কষাযকটুকৌ ততঃ| অন্যোন্যপ্রত্যনীকানাং রসানাং স্নিগ্ধরূক্ষযোঃ| ব্যাত্যাসাদুপযোগেন ক্রমাত্তং প্রকৃতিং নযেত্| সর্বসহঃ স্থিরবলো বিজ্ঞেযঃ প্রকৃতিং গতঃ||২৪||
दद्यान्मधुरहृद्यानि ततोऽम्ललवणौ रसौ| स्वादुतिक्तौ ततो भूयः कषायकटुकौ ततः| अन्योन्यप्रत्यनीकानां रसानां स्निग्धरूक्षयोः| व्यात्यासादुपयोगेन क्रमात्तं प्रकृतिं नयेत्| सर्वसहः स्थिरबलो विज्ञेयः प्रकृतिं गतः||२४||
🔊 Audio coming soon
শশিলেক ব্যাখ্যা (ইন্দু কৃত)
তথাবিধায চ মধুরাণি হৃদ্যানি চাঽঽহারাদীনি দদ্যাত্| ততঃ ক্রমেণাঽম্ললবণৌ| ততঃ ক্রমেণ স্বাদুতিক্তৌ| ততঃ কষায কটুকৌ| তং চ শুদ্ধং ক্ষমমেবং প্রকৃতি স্বাস্থ্যং নযেত্| কথমিত্যাহ-অন্যোঽন্যপ্রত্যনীকানাং পরস্পরপ্রতিপক্ষাণং মধুরকটুকাদীনাং রসানাং ব্যত্যসাদ্ বিপর্য্যাসাদুপযোগেন| সর্বসহেত্যাদি প্রকৃতিগতলক্ষণম্|| ২৪||
Adhikarana অত্রান্তরে অপথ্যানি (২৫) · Śloka ২৫
অত্রান্তরে ত্যজেদষ্টৌ ভাশ্যাদীনি বিশেষতঃ||২৫||
अत्रान्तरे त्यजेदष्टौ भाश्यादीनि विशेषतः||२५||
🔊 Audio coming soon
শশিলেক ব্যাখ্যা (ইন্দু কৃত)
অত্র চ বস্তিপ্রযোগে ভাষ্যাদীন্যষ্টৌ বিশেষতো বর্জযেত্| উচ্চৈর্ভাষ্যম্| অত্যাস্যা| যানযানম্| অতিচঙ্ক্রমণম্| অজির্ণভোজনম্| অহিতাঽন্নম্| দিবাস্বপ্নঃ| ব্যবাযঃ| ইত্যষ্টৌ|| ২৫||
Adhikarana তত্রোচ্চৈর্ভাষ্যাদুপদ্রবাঃ তত্র বিধিশ্চ (২৬) · Śloka ২৬
উচ্চৈর্ভাষ্যাচ্ছিরোরোগতিমিরোরঃ স্বরব্যথাঃ| রক্তনিষ্ঠীবতমকজ্বরাদ্যাস্তত্র সাধনম্| অভ্যঙ্গস্বেদনস্যাঽধো ভক্তস্নেহোপসেবনম্| মৌনং বিধির্বাতহরো যথাস্বং চ বিকারজিত্||২৬||
उच्चैर्भाष्याच्छिरोरोगतिमिरोरः स्वरव्यथाः| रक्तनिष्ठीवतमकज्वराद्यास्तत्र साधनम्| अभ्यङ्गस्वेदनस्याऽधो भक्तस्नेहोपसेवनम्| मौनं विधिर्वातहरो यथास्वं च विकारजित्||२६||
🔊 Audio coming soon
শশিলেক ব্যাখ্যা (ইন্দু কৃত)
উচ্চৈর্ভাষ্যাচ্ছিরোগাদযো বাতকোপজাঃ| তত্র চিকিত্সাঽভ্যঙ্গাদিকম্| অধোভক্তং ভোজনান্তে স্নেহোপসেবনম্| মৌনং বাগ্যমঃ| যথাস্বং রোগেষু বিকারজিদ্বিধিশ্চ|| ২৬||
Adhikarana অত্যাস্যাদিভিরুপদ্রবাস্তত্র বিধিশ্চ (২৭) · Śloka ২৭
অত্যাস্যাযানযানাভ্যাং সন্ধিমূর্ধত্রিকাদিরুক্| অতিচিঙ্ক্রমণাত্ পাদজঙ্ঘোরুসদনাদযঃ| তেষাং বাতহরং সর্বং স্নেহস্বেদাদি শস্যতে| অজীর্ণভোজনাদামবিষচ্ছর্দিজ্বরাদযঃ| তত্র মাত্রাশিতীযোক্তো বিধেযো বিধিরামহা| অহিতান্নাদ্যথাদোষং রোগাঃ স্যুর্ভেষজানি চ||২৭||
अत्यास्यायानयानाभ्यां सन्धिमूर्धत्रिकादिरुक्| अतिचिङ्क्रमणात् पादजङ्घोरुसदनादयः| तेषां वातहरं सर्वं स्नेहस्वेदादि शस्यते| अजीर्णभोजनादामविषच्छर्दिज्वरादयः| तत्र मात्राशितीयोक्तो विधेयो विधिरामहा| अहितान्नाद्यथादोषं रोगाः स्युर्भेषजानि च||२७||
🔊 Audio coming soon
শশিলেক ব্যাখ্যা (ইন্দু কৃত)
অত্যাস্যাতো যানযানাচ্চ সন্ধ্যাদিরুক্| অতিচঙ্ক্রমণাত্ পাদরুগাদযঃ| তেষাং সন্ধিরুগাদীনাং সেন্হস্বেদাদি বাতহরং শস্যতে| অজীর্ণভোজনাদামাদযঃ| তত্রেত্যাদি সুবোধম্| অপথ্যভোজনাদপথ্যানুগুণ্যেন দোষকোপাদ্রোগোদ্ভবঃ| তেষু চ ভোজনানি যথা দোষমেব||২৭||
Adhikarana দিবাস্বাপাদুপদ্রবাস্তত্র বিধিশ্চ (২৮) · Śloka ২৮
হলীমকাদযঃ প্রোক্তা দিবাস্বপ্নাত্পুরা গদাঃ| বিদধ্যাত্ কফজিত্তেষু ধূমরূক্ষান্নলঙ্ঘনম্||২৮||
हलीमकादयः प्रोक्ता दिवास्वप्नात्पुरा गदाः| विदध्यात् कफजित्तेषु धूमरूक्षान्नलङ्घनम्||२८||
🔊 Audio coming soon
শশিলেক ব্যাখ্যা (ইন্দু কৃত)
দিবাস্বপ্নাদ্ধলীমকাদযোগদাঃ পুরা বিরুদ্ধান্নবিজ্ঞানীযে অহিতনিদ্রযা যে প্রোক্তাঃ| তেষু হলীমকাদিষু ধূমাদিকাদিকং কফজিদ্ বিদধ্যাত্|| ২৮||
Adhikarana ব্যবাযাদুপদ্রবাস্তত্র বিধিশ্চ (২৯) · Śloka ২৯
ব্যবাযাজ্জীবিতভ্রংশস্তৈস্তৈরস্যানিলামযৈঃ| গুদোঽবলুপ্যত ইব ভ্রমতীব চ চেতনা| মেঢ্রং ধূমাযতি মনস্তমসীব প্রবেশ্যতে| জীবনীযশৃতক্ষীরসর্পিষোরুপসেবনম্| আহারো বৃংহণসত্র বৃষ্যাস্তে তে চ বস্তযঃ||২৯||
व्यवायाज्जीवितभ्रंशस्तैस्तैरस्यानिलामयैः| गुदोऽवलुप्यत इव भ्रमतीव च चेतना| मेढ्रं धूमायति मनस्तमसीव प्रवेश्यते| जीवनीयशृतक्षीरसर्पिषोरुपसेवनम्| आहारो बृंहणसत्र वृष्यास्ते ते च बस्तयः||२९||
🔊 Audio coming soon
শশিলেক ব্যাখ্যা (ইন্দু কৃত)
ব্যাবাযাদস্য বস্ত্যুপযোগিনস্তৈস্তৈরনিলামযৈর্বাতব্যাধিভির্নানাবিধৈর্জীবিতভ্রংশঃ স্যাত্| অবলুম্পনং ছেদনম্| চেতনা সংবিত্| মনঃ চিত্তম্| তত্র জীবনীযগণসিদ্ধস্য ক্ষীরস্য সর্পিষশ্চোপসেবনম্| আহার ইত্যাদি সুবোধম্|| ২৯||
Adhikarana সদাঽঽতুরেষু ফলবর্তিপ্রযোগঃ (৩০) · Śloka ৩০
বেগরোধোর্ধ্ববাতত্বাত্প্রাগুক্তা যে সদাতুরাঃ| তেষাং বিবদ্ধে পবনে সর্বদেহোপতাপিনি| ফলবর্তি পুরা দদ্যাদথ বস্তিং চলাপহম্||৩০||
वेगरोधोर्ध्ववातत्वात्प्रागुक्ता ये सदातुराः| तेषां विबद्धे पवने सर्वदेहोपतापिनि| फलवर्ति पुरा दद्यादथ बस्तिं चलापहम्||३०||
🔊 Audio coming soon
শশিলেক ব্যাখ্যা (ইন্দু কৃত)
প্রাক্ সূত্রস্থানে বমনবিরেচনবিধৌ| স্ত্রিযো রাজসমীপস্থা বণিজশ্চ জযেত্ সদা| ইত্যুক্তাস্তেষাং বেগরোধেনোর্ধ্ববাতত্বাত্ সকলদেহোপতাপিনি পবনে বিবদ্ধ ইদমিদং কুর্যাত্| আদৌ ফলবর্তিস্ততঃ প্রবৃতে মলে চলাঽপহং বস্তিং দদ্যাত্| কিমিত্যাহ||৩০||
Adhikarana সদাঽঽতুরেষু বস্তিক্রমঃ (৩১) · Śloka ৩১
নিকুম্ভকুম্ভাগ্ন্যুরুবূকধাবনী- পুনর্নবং দারু মহচ্চ পঞ্চকম্| ফলং চ মূত্রে ক্বথিতং সমস্তু তদ্ ঘৃতং সতৈলং লবণানি পঞ্চ চ| নিরূহিতং ধন্বরসেন ভোজযে- ন্নিকুম্ভতৈলেন ততোঽনুবাসযেত্| বলাং সরাস্নাং ফলবিল্বচিত্রকান্ দ্বিঞ্চমূলং কৃতমালকাত্ ফলম্| যবান্ কুলত্থাংশ্চ পচেজ্জলে রসঃ সমুস্তপাঠেন্দ্রযবৈশ্চ কল্কবান্| সতৈলসর্পির্গুডসৈন্ধবো হিতঃ সদাতুরাণাং বলপুষ্টিবর্ণদঃ| তথাঽনুবাস্যং মধুকেন সাধিতং ফলেন বিল্বেন শতাহ্বযাঽথবা| সজীবনীযস্তু রসোঽনুবাসনে নিরূহণে চাঽলবণঃ শিশোর্হিতঃ||৩১||
निकुम्भकुम्भाग्न्युरुबूकधावनी- पुनर्नवं दारु महच्च पञ्चकम्| फलं च मूत्रे क्वथितं समस्तु तद् घृतं सतैलं लवणानि पञ्च च| निरूहितं धन्वरसेन भोजये- न्निकुम्भतैलेन ततोऽनुवासयेत्| बलां सरास्नां फलबिल्वचित्रकान् द्विञ्चमूलं कृतमालकात् फलम्| यवान् कुलत्थांश्च पचेज्जले रसः समुस्तपाठेन्द्रयवैश्च कल्कवान्| सतैलसर्पिर्गुडसैन्धवो हितः सदातुराणां बलपुष्टिवर्णदः| तथाऽनुवास्यं मधुकेन साधितं फलेन बिल्वेन शताह्वयाऽथवा| सजीवनीयस्तु रसोऽनुवासने निरूहणे चाऽलवणः शिशोर्हितः||३१||
🔊 Audio coming soon
শশিলেক ব্যাখ্যা (ইন্দু কৃত)
নিকুম্ভাদিক্বাথো মস্তুনা সমো ঘৃতাদিকঞ্চ| অনেন নিরূহিতং ধন্বমাংসরসেন চ ভোজযেত্| ভুক্তে চ দন্তীতৈলেনাঽনুবাসযেত্| বলাদিকং জলে পচেত্| রসো মুস্তাদিকল্কবাংস্তৈলাদিযুক্তশ্চ সদাঽঽতুরাণাং স্ত্রীরাজসমীপস্থবণিজাং বলাদিপ্রদো বস্তিঃ স্যাত্| মধুকাদ্যন্যতমসাধিতং তৈলং তেষামনুবাস্যমনুবাসনে সাধু| শিশোর্নিরুহেঽনুবাসনে চ সজীবনীযদ্রব্যো মাংসরসো হিতঃ| উভযত্রাঽপ্যলবণঃ|| ৩১||
Adhikarana বালস্থবিরযোর্নিরূহে পথ্যবিশেষঃ (৩২-৩৩) · Śloka ৩৩
নিরূহবস্তের্নৈবান্যত্ পথ্যং স্থবিরবালযোঃ| বলাঙ্গবর্দ্ধনং শীঘ্রমাদৃতো যোজযেদতঃ||৩২|| ইতি বৈদ্যপতিসিংহগুপ্তস্য সূনোর্বাগ্ভটস্য কৃতাবষ্টাঙ্গসংগ্রহসংহিতাযাং কল্পস্থানে স্নেহব্যাপত্সিদ্ধির্নাম সপ্তমোঽধ্যাযঃ||৩৩||
निरूहबस्तेर्नैवान्यत् पथ्यं स्थविरबालयोः| बलाङ्गवर्द्धनं शीघ्रमादृतो योजयेदतः||३२|| इति वैद्यपतिसिंहगुप्तस्य सूनोर्वाग्भटस्य कृतावष्टाङ्गसंग्रहसंहितायां कल्पस्थाने स्नेहव्यापत्सिद्धिर्नाम सप्तमोऽध्यायः||३३||
🔊 Audio coming soon
শশিলেক ব্যাখ্যা (ইন্দু কৃত)
প্রসঙ্গেনাঽঽহ-বালস্য স্থবিরস্য চ নিরূহবস্তেরন্যত্কিঞ্চিন্নৈব পথ্যম্| অতস্তমেব বলবর্ধনমঙ্গবর্ধনং চাদৃতঃ সন্ শীঘ্রং যোজযেত্|| ৩২|| ইতি শ্রীমন্মহামহোপাধ্যাযেন্দুবিরচিতাযা- মষ্টাঙ্গসংগ্রহব্যাখ্যাযাং শশিলেখাযাং কল্পস্থানে সপ্তমোঽধ্যাযঃ