೩೮. ಮೂಷಿಕಾಲರ್ಕವಿಷಪ್ರತಿಷೇಧಾಧ್ಯಾಯಃ

Adhikarana ಅಧ್ಯಾಯೋಪಕ್ರಮಃ (೧) · Śloka ೧

|೧|

Adhikarana ಮೂಷಿಕಾಲರ್ಕವಿಷಪ್ರತಿಷೇಧಾಧ್ಯಾಯಃ ------- ಮೂಷಿಕಾಣಾಂ ಅಷ್ಟಾದಶತ್ವಮ್ (೨) · Śloka ೨

ಅಥಾತೋ ಮೂಷಿಕಾಲರ್ಕವಿಷಪ್ರತಿಷೇಧಂ ವ್ಯಾಖ್ಯಾಸ್ಯಾಮಃ| ಇತಿ ಹ ಸ್ಮಾಹುರಾತ್ರೇಯಾದಯೋ ಮಹರ್ಷಯಃ| (ಗದ್ಯಸೂತ್ರೇ||೨|| ) ಲಾಲನಶ್ಚಪಲಃ ಪುತ್ರೋ ಹಸಿರಶ್ಚಿಕ್ಕಿರೋಽಜಿರಃ| ಕಷಾಯದನ್ತಃ ಕುಲಕಃ ಕೋಕಿಲಃ ಕಪಿಲೋಽಸಿತಃ||೧|| ಅರುಣಃ ಶಬಲಃ ಶ್ವೇತಃ ಕಪೋತಃ ಪಲಿತೋನ್ದುರಃ| ಛುಚ್ಛುನ್ದರೋ ರಸಾಲಾಖ್ಯೋ ದಶಾಷ್ಟೌ ಚೇತಿ ಮೂಷಿಕಾಃ||೨||

Adhikarana ಮೂಷಿಕಾಣಾಂ ಶುಕ್ರವಿಷತ್ವಮ್, ಮೂಷಿಕವಿಷಸ್ಯ ಸಾಮಾನ್ಯಂ ಲಕ್ಷಣಮ್ (೩-೫) · Śloka ೫

ಶುಕ್ರಂ ಪತತಿ ಯತ್ರೈಷಾಂ ಶುಕ್ರದಿಗ್ಧೈಃ ಸ್ಪೃಶನ್ತಿ ವಾ| ಯದಙ್ಗಮಙ್ಗೈಸ್ತತ್ರಾಸ್ರೇ ದೂಷಿತೇ ಪಾಣ್ಡುತಾಂ ಗತೇ||೩|| ಗ್ರನ್ಥಯಃ ಶ್ವಯಥುಃ ಕೋಠೋ ಮಣ್ಡಲಾನಿ ಭ್ರಮೋಽರುಚಿಃ| ಶೀತಜ್ವರೋಽತಿರುಕ್ಸಾದೋ ವೇಪಥುಃ ಪರ್ವಭೇದನಮ್||೪|| ರೋಮಹರ್ಷಃ ಸ್ರುತಿರ್ಮೂರ್ಚ್ಛಾ ದೀರ್ಘಕಾಲಾನುಬನ್ಧನಮ್| ಶ್ಲೇಷ್ಮಾನುಬದ್ಧಬಹ್ವಾಖುಪೋತಕಚ್ಛರ್ದನಂ ಸತೃಟ್||೫||

Adhikarana ಮೂಷಿಕವಿಷಸ್ಯ ಕೃಚ್ಚ್ರಸಾಧ್ಯಲಕ್ಷಣಮ್ (೬) · Śloka ೬

ವ್ಯವಾಯ್ಯಾಖುವಿಷಂ ಕೃಚ್ಛ್ರಂ ಭೂಯೋ ಭೂಯಶ್ಚ ಕುಪ್ಯತಿ| |೬|

Adhikarana ಮೂಷಿಕವಿಷಸ್ಯ ಅಸಾಧ್ಯಲಕ್ಷಣಮ್ (೬-೭) · Śloka ೭

| ಮೂರ್ಚ್ಛಾಙ್ಗಶೋಫವೈವರ್ಣ್ಯಕ್ಲೇದಶಬ್ದಾಶ್ರುತಿಜ್ವರಾಃ||೬|| ಶಿರೋಗುರುತ್ವಂ ಲಾಲಾಸೃಕ್ಛರ್ದಿಶ್ಚಾಸಾಧ್ಯಲಕ್ಷಣಮ್| |೭|

Adhikarana ಮೂಷಿಕವಿಷಸ್ಯ ವರ್ಜ್ಯಲಕ್ಷಣಮ್ (೭-೮) · Śloka ೮

| ಶೂನಬಸ್ತಿಂ ವಿವರ್ಣೌಷ್ಠಮಾಖ್ವಾಭೈರ್ಗ್ರನ್ಥಿಭಿಶ್ಚಿತಮ್||೭|| ಛುಚ್ಛುನ್ದರಸಗನ್ಧಂ ಚ ವರ್ಜಯೇದಾಖುದೂಷಿತಮ್| |೮|

Adhikarana ವಿಷಯುಕ್ತಸ್ಯ ಶುನೋ ಲಕ್ಷಣಮ್ (೮-೧೦) · Śloka ೧೦

| ಶುನಃ ಶ್ಲೇಷ್ಮೋಲ್ಬಣಾಂ ದೋಷಾಃ ಸಂಜ್ಞಾಂ ಸಂಜ್ಞಾವಹಾಶ್ರಿತಾಃ||೮|| ಮುಷ್ಣನ್ತಃ ಕುರ್ವತೇ ಕ್ಷೋಭಂ ಧಾತೂನಾಮತಿದಾರುಣಮ್| ಲಾಲಾವಾನನ್ಧಬಧಿರಃ ಸರ್ವತಃ ಸೋಽಭಿಧಾವತಿ||೯|| ಸ್ರುಸ್ತಪುಚ್ಛಹನುಸ್ಕನ್ಧಃ ಶಿರೋದುಃಖೀ ನತಾನನಃ| |೧೦|

Adhikarana ವಿಷಯುಕ್ತಸ್ಯ ದಂಶಸ್ಯ ಲಕ್ಷಣಮ್ (೧೦-೧೧) · Śloka ೧೧

| ದಂಶಸ್ತೇನ ವಿದಷ್ಟಸ್ಯ ಸುಪ್ತಃ ಕೃಷ್ಣಂ ಕ್ಷರತ್ಯಸೃಕ್||೧೦|| ಹೃಚ್ಛಿರೋರುಗ್ಜ್ವರಸ್ತಮ್ಭತೃಷ್ಣಾಮೂರ್ಚ್ಛಾದ್ಭವೋಽನು ಚ| |೧೧|

Adhikarana ಏವಂ ಶೃಗಾಲಾದಯೋ ವೇದ್ಯಾಃ (೧೧-೧೨) · Śloka ೧೨

| ಅನೇನಾನ್ಯೇಽಪಿ ಬೋದ್ಧವ್ಯಾ ವ್ಯಾಲಾ ದಂಷ್ಟ್ರಾಪ್ರಹಾರಿಣಃ||೧೧|| ಶೃಗಾಲಾಶ್ವತರಾಶ್ವರ್ಕ್ಷದ್ವೀಪಿವ್ಯಾಘ್ರವೃಕಾದಯಃ| |೧೨|

Adhikarana ಸವಿಷದಂಶಸ್ಯ ಲಕ್ಷಣಮ್,ನಿರ್ವಿಷದಂಶಸ್ಯ ಲಕ್ಷಣಮ್ (೧೨-೧೪) · Śloka ೧೪

| ಕಣ್ಡೂನಿಸ್ತೋದವೈವರ್ಣ್ಯಸುಪ್ತಿಕ್ಲೇದಜ್ವರಭ್ರಮಾಃ||೧೨|| ವಿಡಹರಾಗರುಕ್ಪಾಕಶೋಫಗ್ರನ್ಥಿವಿಕುಞ್ಚನಮ್| ದಂಶಾವದರಣಂ ಸ್ಫೋಟಾಃ ಕರ್ಣಿಕಾ ಮಣ್ಡಲಾನಿ ಚ||೧೩|| ಸರ್ವತ್ರ ಸವಿಷೇ ಲಿಙ್ಗಂ, ವಿಪರೀತಂ ತು ನಿರ್ವಿಷೇ| |೧೪|

Adhikarana ದಷ್ಟಸ್ಯಾಸಾಧ್ಯಲಕ್ಷಣಮ್ (೧೪-೧೫) · Śloka ೧೫

| ದಷ್ಟೋ ಯೇನ ತು ತಚ್ಚೇಷ್ಟಾರುತಂ ಕುರ್ವನ್ ವಿನಶ್ಯತಿ||೧೪|| ಪಶ್ಯಂಸ್ತಮೇವ ಚಾಕಸ್ಮಾದಾದರ್ಶಸಲಿಲಾದಿಷು| |೧೫|

Adhikarana ಜಲಸಂತ್ರಾಸಸ್ಯ ಲಕ್ಷಣಮ್ (೧೫-೧೬) · Śloka ೧೬

| ಯೋಽದ್ಭ್ಯಸ್ತ್ರಸ್ಯೇದದಷ್ಟೋಽಪಿ ಶಬ್ದಸಂಸ್ಪರ್ಶದರ್ಶನೈಃ||೧೫|| ಜಲಸನ್ತ್ರಾಸನಾಮಾನಂ ದಷ್ಟಂ ತಮಪಿ ವರ್ಜಯೇತ್| |೧೬|

Adhikarana ಆಖುನಾ ದಷ್ಟಮಾತ್ರಸ್ಯ ದಂಶದಾಹಃ (೧೬-೧೭) · Śloka ೧೭

| ಆಖುನಾ ದಷ್ಟಮಾತ್ರಸ್ಯ ದಂಶಂ ಕಾಣ್ಡೇನ ದಾಹಯೇತ್||೧೬|| ದರ್ಪಣೋನಾಥವಾ, ತೀವ್ರರುಜಾ ಸ್ಯಾತ್ಕರ್ಣಿಕಾಽನ್ಯಥಾ| |೧೭|

Adhikarana ದಗ್ಧದಂಶಸ್ಯ ವಿಸ್ತ್ರಾವಃ ಶಿರೀಷಬೀಜಾದಿಭಿಃ ಪ್ರಲೇಪಶ್ಚ (೧೭-೧೮) · Śloka ೧೮

| ದಗ್ಧಂ ವಿಸ್ರಾವಯೇದ್ದಂಶಂ ಪ್ರಚ್ಛಿತಂ ಚ ಪ್ರಲೇಪಯೇತ್||೧೭|| ಶಿರೀಷರಜನೀವಕ್ರಕುಙ್ಕುಮಾಮೃತವಲ್ಲಿಭಿಃ| |೧೮|

Adhikarana ಆಖುವಿಷಘ್ನಃ ಕರ್ಣಿಕಾಪಾತನಶ್ಚಾಗಾರಧೂಮಾದಿಲೇಪಃ (೧೮-೧೯) · Śloka ೧೯

| ಅಗಾರಧೂಮಮಞ್ಜಿಷ್ಠಾರಜನೀಲವಣೋತ್ತಮೈಃ||೧೮|| ಲೇಪೋ ಜಯತ್ಯಾಖುವಿಷಂ ಕರ್ಣಿಕಾಯಾಶ್ಚ ಪಾತನಃ| |೧೯|

Adhikarana ಆಖುವಿಷಘ್ನಃ ತತೋಽಮ್ಲೈಃ ಕ್ಷಾಲನಾದಿ, ಸಿರಾಮೋಕ್ಷೋ ವಾ (೧೯-೨೦) · Śloka ೨೦

| ತತೋಽಮ್ಲೈಃ ಕ್ಷಾಲಯಿತ್ವಾಽನು ತೋಯೈರನು ಚ ಲೇಪಯೇತ್||೧೯|| ಪಾಲಿನ್ದೀಶ್ವೇತಕಟಭೀಬಿಲ್ವಮೂಲಗುಡೂಚಿಭಿಃ| ಅನ್ಯೈಶ್ಚ ವಿಷಶೋಫಘ್ನೈಃ ಸಿರಾಂ ವಾ ಮೋಕ್ಷಯೇದ್ದ್ರುತಮ್||೨೦||

Adhikarana ಆಖುವಿಷಘ್ನಃ ನೀಲಿನ್ಯಾದಿಕ್ವಾಥೈಃ ಚ್ಛರ್ದನಮ್ (೨೧) · Śloka ೨೧

ಛರ್ದನಂ ನೀಲಿನೀಕ್ವಾಥೈಃ ಶುಕಾಖ್ಯಾಙ್ಕೋಲ್ಲಯೋರಪಿ| |೨೧|

Adhikarana ಆಖುವಿಷಘ್ನಃ ಕೋಶಾತಕ್ಯಾದಿಚೂರ್ಣೇನ ಚ್ಛರ್ದನಮ್ (೨೧-೨೨) · Śloka ೨೨

| ಕೋಶಾತಕ್ಯಾಃ ಶುಕಾಖ್ಯಾಯಾಃ ಫಲಂ ಜೀಮೂತಕಸ್ಯ ಚ||೨೧|| ಮದನಸ್ಯ ಚ ಸಞ್ಚೂರ್ಣ್ಯ ದಧ್ನಾ ಪೀತ್ವಾ ವಿಷಂ ವಮೇತ್| |೨೨|

Adhikarana ಆಖುವಿಷಘ್ನಃ ವಚಾದಿನಾ ಪಾನಮ್, ತ್ರಿವೃದಾದಿನಾ ವಿರೇಚನಮ್ (೨೨-೨೩) · Śloka ೨೩

| ವಚಾಮದನಜೀಮೂತಕುಷ್ಠಂ ವ ಮೂತ್ರಪೇಷಿತಮ್||೨೨|| ಪೂರ್ವಕಲ್ಪೇನ ಪಾತವ್ಯಂ ಸರ್ವೋನ್ದುರವಿಷಾಪಹಮ್| ವಿರೇಚನಂ ತ್ರಿವೃನ್ನೀಲೀತ್ರಿಫಲಾಕಲ್ಕ ಇಷ್ಯತೇ||೨೩||

Adhikarana ಆಖುವಿಷಘ್ನಃ ಶಿರೀಷಸಾರಾದಿನಾ ಶಿರೋವಿರೇಚನಮ್ (೨೪) · Śloka ೨೪

ಶಿರೋವಿರೇಚನೇ ಸಾರಃ ಶಿರೀಷಸ್ಯ ಫಲಾನಿ ಚ| |೨೪|

Adhikarana ಆಖುವಿಷಘ್ನಃ ಗೋಮಯರಸೇನಾಞ್ಜನಮ್ (೨೪) · Śloka ೨೪

| ಅಞ್ಜನಂ ಗೋಮಯರಸೋ ವ್ಯೋಷಸೂಕ್ಷ್ಮರಜೋನ್ವಿತಃ||೨೪||

Adhikarana ಆಖುವಿಷಘ್ನಃ ಕಪಿತ್ಥಾದಿರಸೇನಾವಲೇಹಃ (೨೫) · Śloka ೨೫

ಕಪಿತ್ಥತೋಮಯರಸೋ ಮಧುಮಾನವಲೇಹನಮ್| |೨೫|

Adhikarana ಆಖುವಿಷಘ್ನಃ ತನ್ದುಲೀಯಕಮೂಲಾದಿಸಿದ್ಧಾನಿ ಘೃತಾನಿ (೨೫-೨೬) · Śloka ೨೬

| ತನ್ದುಲೀಯಕಮೂಲೇನ ಸಿದ್ಧಂ ಪಾನೇ ಹಿತಂ ಘೃತಮ್||೨೫|| ದ್ವಿನಿಶಾಕಟಭೀರಕ್ತಾಯಷ್ಟ್ಯಾಹ್ವೈರ್ವಾಽಮೃತಾನ್ವಿತೈಃ| ಆಸ್ಫೋತಮೂಲಸಿದ್ಧಂ ವಾ ಪಞ್ಚಕಾಪಿತ್ಥಮೇವ ವಾ||೨೬||

Adhikarana ಆಖುವಿಷಘ್ನಃ ಸಿನ್ದುವಾರಾದಿಕ್ವಾಥಃ (೨೭-೨೮) · Śloka ೨೮

ಸಿನ್ದುವಾರಂ ನತಂ ಶಿಗ್ರುಬಿಲ್ವಮೂಲಂ ಪುನರ್ನವಾ| ವಚಾಶ್ವದಂಷ್ಟ್ರಾಜೀಮೂತಮೇಷಾಂ ಕ್ವಾಥಂ ಸಮಾಕ್ಷಿಕಮ್||೨೭|| ಪಿಬೇಚ್ಛಾಲ್ಯೋದನಂ ದಧ್ನಾ ಭುಞ್ಜಾನೋ ಮೂಷಿಕಾರ್ದಿತಃ| |೨೮|

Adhikarana ಆಖುವಿಷಘ್ನಃ ಶರಪುಙ್ಖಾಬೀಜಚೂರ್ಣಮ್ (೨೮) · Śloka ೨೮

| ತಕ್ರೇಣ ಶರಪುಙ್ಖಾಯಾ ಬೀಜಂ ಸಞ್ಚೂರ್ಣ್ಯ ವಾ ಪಿಬೇತ್||೨೮||

Adhikarana ಆಖುವಿಷಘ್ನಃ ಅಙ್ಕೋಲಮೂಲಕಲ್ಕಃ (೨೯) · Śloka ೨೯

ಅಙ್ಕೋಲ್ಲಮೂಲಕಲ್ಕೋ ವಾ ಬಸ್ತಮೂತ್ರೇಣ ಕಲ್ಕಿತಃ| ಪಾನಾಲೇಪನಯೋರ್ಯುಕ್ತಃ ಸರ್ವಾಖುವಿಷನಾಶನಃ||೨೯||

Adhikarana ಆಖುವಿಷಘ್ನಃ ಕಪಿತ್ಥಮಧ್ಯಾದಿಕಮ್, ತಿಲಕಮಞ್ಜರೀ (೩೦) · Śloka ೩೦

ಕಪಿತ್ಥಮಧ್ಯತಿಲಕತಿಲಾಙ್ಕೋಲ್ಲಜಟಾಃ ಪಿಬೇತ್| ಗವಾಂ ಮೂತ್ರೇಣ, ಪಯಸಾ ಮಞ್ಜರೀಂ ತಿಲಕಸ್ಯ ವಾ||೩೦||

Adhikarana ಆಖುವಿಷಘ್ನಃ ಸೈರ್ಯಕಮೂಲಮ್ (೩೧) · Śloka ೩೧

ಅಥವಾ ಸೈರ್ಯಕಾನ್ಮೂಲಂ ಸಕ್ಷೌದ್ರಂ ತನ್ದುಲಾಮ್ಬುನಾ| |೩೧|

Adhikarana ಆಖುವಿಷಘ್ನಃ ಕಟುಕಾಲಾಬುವಿನ್ಯಸ್ತಂ ಜಲಮ್ (೩೧) · Śloka ೩೧

| ಕಟುಕಾಲಾಬುವಿನ್ಯಸ್ತಂ ಪೀತಂ ವಾಽಮ್ಬು ನಿಶೋಷಿತಮ್||೩೧||

Adhikarana ಆಖುವಿಷಘ್ನಃ ಸಿನ್ದುವಾರಮೂಲಾದ್ಯಗದಃ (೩೨) · Śloka ೩೨

ಸಿನ್ದುವಾರಸ್ಯ ಮೂಲಾನಿ ಬಿಡಾಲಾಸ್ಥಿ ವಿಷಂ ನತಮ್| ಜಲಪಿಷ್ಟೋಽಗದೋ ಹನ್ತಿ ನಸ್ಯಾದ್ಯೈರಾಖುಜಂ ವಿಷಮ್||೩೨||

Adhikarana ಸಶೇಷಮೂಷಿಕವಿಷಸ್ಯಾಭ್ರದರ್ಶನಾದೌ ಪ್ರಕೋಪಃ (೩೩) · Śloka ೩೩

ಸಶೇಷಂ ಮೂಷಿಕವಿಷಂ ಪ್ರಕುಪ್ಯತ್ಯಭ್ರದರ್ಶನೇ| ಯಥಾಯಥಂ ವಾ ಕಾಲೇಷು ದೋಷಾಣಾಂ ವೃದ್ಧಿಹೇತುಷು||೩೩||

Adhikarana ತತ್ರ ಯಥಾವಸ್ಥಮುಪಕ್ರಮಾಃ,ತತ್ರ ದೂಷೀವಿಷಾಪಹಾಶ್ಚೋಪಕ್ರಮಾಃ (೩೪) · Śloka ೩೪

ತತ್ರ ಸರ್ವೇ ಯಥಾವಸ್ಥಂ ಪ್ರಯೋಜ್ಯಾಃ ಸ್ಯುರುಪಕ್ರಮಾಃ| ಯಥಾಸ್ವಂ ಯೇ ಚ ನಿರ್ದಿಷ್ಟಾಸ್ತಥಾ ದೂಷೀವಿಷಾಪಹಾಃ||೩೪||

Adhikarana ಅಲರ್ಕದಂಶೇ ದಾಹೋ ಲೇಪಃ ಪುರಾಣಘೃತಪಾನಂ ಚ (೩೫) · Śloka ೩೫

ದಂಶಂ ತ್ವಲರ್ಕದಷ್ಟಸ್ಯ ದಗ್ಧಮುಷ್ಣೇನ ಸರ್ಪಿಷಾ| ಪ್ರದಿಹ್ಯಾದಗದೈಸ್ತೈಸ್ತೈಃ ಪುರಾಣಂ ಚ ಘೃತಂ ಪಿಬೇತ್||೩೫||

Adhikarana ಅಲರ್ಕದಂಶೇ ಅರ್ಕಕ್ಷೀರಯುತಂ ವಿರೇಚನಮ್ (೩೬) · Śloka ೩೬

ಅರ್ಕಕ್ಷೀರಯುತಂ ಚಾಸ್ಯ ಯೋಜ್ಯಮಾಶು ವಿರೇಚನಮ್| |೩೬|

Adhikarana ಅಲರ್ಕದಂಶೇ ಅಙ್ಕೋಲ್ಲೋತ್ತರಮೂಲಜಲಮ್, ಶ್ವೇತಪುನರ್ನವಾ (೩೬-೩೭) · Śloka ೩೭

| ಅಙ್ಕೋಲ್ಲೋತ್ತರಮೂಲಾಮ್ಬು ತ್ರಿಪಲಂ ಸಹವಿಃಪಲಮ್||೩೬|| ಪಿಬೇತ್ಸಧತ್ತೂರಫಲಾಂ ಶ್ವೇತಾಂ ವಾಽಪಿ ಪುನರ್ನವಾಮ್| |೩೭|

Adhikarana ಅಲರ್ಕದಂಶೇ ಪಲಲತೈಲಾದಿ (೩೭-೩೮) · Śloka ೩೮

| ಐಕಧ್ಯಂ ಪಲಲಂ ತೈಲಂ ರೂಪಿಕಾಯಾಃ ಪಯೋ ಗುಡಃ||೩೭|| ಭಿನತ್ತಿ ವಿಷಮಾಲರ್ಕಂ ಘನವೃನ್ದಮಿವಾನಿಲಃ| |೩೮|

Adhikarana ಅಲರ್ಕದಂಶೇ ಸಮನ್ತ್ರೌಷಧೀರತ್ನಂ ಸ್ನಪನಮ್ (೩೮) · Śloka ೩೮

| ಸಮನ್ತ್ರಂ ಸೌಷಧೀರತ್ನಂ ಸ್ನಪನಂ ಚ ಪ್ರಯೋಜಯೇತ್||೩೮||

Adhikarana ಚತುಷ್ಪಾದಾದಿನಖದನ್ತಪರಿಕ್ಷತಸ್ಯ ಲಕ್ಷಣಮ್ (೩೯) · Śloka ೩೯

ಚತುಷ್ಪಾದ್ಭಿರ್ದ್ವಿಪಾದ್ಭಿರ್ವಾ ನಖದನ್ತಪರಿಕ್ಷತಮ್| ಶೂಯತೇ ಪಚ್ಯತೇ ರಾಗಜ್ವರಸ್ರಾವರುಜಾನ್ವಿತಮ್||೩೯||

Adhikarana ನಖದನ್ತವಿಷಘ್ನಃ ಸೋಮವಲ್ಕಾದಿಲೇಪಃ (೪೦-೩೮) · Śloka ೩೮

ಸೋಮವಲ್ಕೋಽಶ್ವಕರ್ಣಶ್ಚ ಗೋಜಿಹ್ವಾ ಹಂಸಪಾದಿಕಾ| ರಜನ್ಯೌ ಗೈರಿಕಂ ಲೇಪೋ ನಖದನ್ತವಿಷಾಪಹಃ||೪೦|| ಇತಿ ಶ್ರೀವೈದ್ಯಪತಿಸಿಂಹಗುಪ್ತಸೂನುಶ್ರೀಮದ್ವಾಗ್ಭಟವಿರಚಿತಾಯಾಮಷ್ಟಾಙಹೃದಯಸಂಹಿತಾಯಾಂ ಷಷ್ಠೇ ಉತ್ತರಸ್ಥಾನೇ ಮೂಷಿಕಾಲರ್ಕವಿಷಪ್ರತಿಷೇಧೋ ನಾಮಾಷ್ಟತ್ರಿಂಶೋಽಧ್ಯಾಯಃ||೩೮||