১৭. স্বেদবিধিরধ্যাযঃ

সর্বাঙ্গসুন্দরী ব্যাখ্যা ( কৃত)

শোধনপ্রসঙ্গেন স্নেহোপযোগঃ| স্নিগ্ধে চ দেহে দোষাণাং মার্দবীকরণায স্বেদস্য প্রসঙ্গঃ|

আযুর্বেদরসাযনম্ ব্যাখ্যা ( কৃত)

০০০০০

সর্বাঙ্গসুন্দরী ব্যাখ্যা ( কৃত)

স০-অথাত ইতি| স্বেদনং-স্বেদঃ, তস্য বিধিঃ-বিধানং, যত্র তং ব্যাখ্যাস্যামঃ| শেষং পূর্ববত্|

আযুর্বেদরসাযনম্ ব্যাখ্যা ( কৃত)

আ০ র০-ক্রমপ্রাপ্তং স্বেদবিধিমধ্যাযং ব্যাখ্যাতুং প্রতিজানীতে-অথেতি|

সর্বাঙ্গসুন্দরী ব্যাখ্যা ( কৃত)

স০-স্বেদশ্চতুর্বিধঃ,- তাপাদিভেদাত্|

আযুর্বেদরসাযনম্ ব্যাখ্যা ( কৃত)

আ০ র০-স্বেদভেদানাহ-স্বেদ ইতি|

সর্বাঙ্গসুন্দরী ব্যাখ্যা ( কৃত)

স০-তাপঃ-তাপস্বেদঃ, অগ্নিতপ্তেন বসনেন, তথা ফালেন-অযোমযেনাগ্নিতপ্তেন, তথা [ অগ্নিতপ্তেন ] হস্ততলেনাপি| আদিগ্রহণাদ্দারুবালুকাঘটিকাকাংস্যভাজনাদযো গৃহ্যন্তে|

আযুর্বেদরসাযনম্ ব্যাখ্যা ( কৃত)

আ০ র০-তাপস্য লক্ষণমাহ-তাপ ইতি| অগ্নিতপ্তৈর্বস্ত্রাদিভিঃ ক্রিযতে যঃ স্বেদঃ স তাপঃ| আদিশব্দাত্কাংস্যবালুকাঘটিকাসাক্ষাদগ্নযঃ|

সর্বাঙ্গসুন্দরী ব্যাখ্যা ( কৃত)

স০-উপনাহো-বন্ধনম্| কিণ্বং-সুরাপ্রকৃতিঃ| শতাহ্বা-শতপুষ্পা| ধান্যৈরিতি সামান্যোক্তাবপি তিলাতসীমাষাদীনিযোগ্যত্বাদ্যান্যুষ্ণবীর্যাণি স্নিগ্ধানি বা তানি প্রাযেণ প্রযোজ্যানীতি| সমস্তগ্রহণং গন্ধৈরেব যুজ্যতে| অত এব সঙ্গ্রহেঽবদত্ (সূ. অ. ২৬) - "সর্বগন্ধ" ইতি| গন্ধৈঃ-গন্ধদ্রব্যৈঃ কুষ্ঠাগুরুতগরসুরসাদিভিঃ| তথা, রাস্নাদিভিঃ| কিম্ভূতৈঃ পূর্বোক্তৈঃ ? উদ্রিক্তলবণৈঃ-লবণাঢ্যৈঃ| তথা, স্নেহশ্চ চুক্রং চ তক্রং চ পযশ্চ, তৈঃ প্লুতৈঃ-আলোডিতৈঃ| চুক্রং-অম্লম্| তক্রস্য চুক্রত্বাদেব গ্রহণে সিদ্ধে তক্রগ্রহণমতিশযার্থম্, অতিশযেন সাল্বণাখ্যে স্বেদে তক্রং প্রযোজ্যমিতি| কেবলে পবনে বচাদিভিরুপানাহস্বেদঃ কার্যঃ| শ্লেষ্মসংসৃষ্টে পবনে সুরসাদিভিঃ-সুরসযুগাদিনা গণেন (হৃ. সূ. অ. ১৫|৩০)| পিত্তেন সংসৃষ্টে পবনে পদ্মকাদ্যৈঃ-"পদ্মকপুণ্ড্রৌ" (হৃ. সূ. অ. ১৫|১২) ইত্যাদিভিঃ| পিত্তেন সংসৃষ্টে পবন ইত্যত্র কিঞ্চিদেব পিত্তেন সংসৃষ্টে পবনে পদ্মকাদিভিরুপনাহঃ কার্য ইত্যববোধ্যম্, নাধিকেন পিত্তেন যুক্তে পবনে, নাপি তুল্যেন পিত্তেন যুক্তে পবন ইতি| এবং হ্যুক্তম্ (হৃ. সূ. অ. ১৩|১৪)- "গ্রৈষ্মঃ প্রাযো মরুত্পিত্তে" বিধিঃ কার্যঃ| গ্রৈষ্মশ্চ বিধিঃ প্রাযেণ সর্বঃ শীতঃ| তত্র স্বেদো দূরোত্সারিত এব| তস্মাত্ কিঞ্চিত্পিত্তেন সংসৃষ্টে পবনে পদ্মকাদ্যৈরুপনাহঃ কার্য ইতি বেদ্যম্| এতে চ ত্রয উপনাহাঃ কেবলে বাযৌ তথা কফযুক্তে পিত্তযুক্তে চ ক্রমেণ যোজ্যাঃ| এতে চ সাল্বণাভিধানাঃ স্বেদা ইত্যাহ-সাল্বণাখ্যৈরিতি| পুনঃপুনরিতি অসকৃত্তৈঃ স্বেদযোজনা কার্যেত্যর্থঃ| নিরপাযো হি যথাঽযং সাল্বণাপরসংজ্ঞ উপনাহাখ্যঃ স্বেদো ন তথাঽপরে স্বেদা ইতি| উপনহ্যতে-বধ্যতে চর্মপটাদিনা, ইত্যন্বর্থং নামাস্যোপনাহ ইতি| সাল্বণ ইত্যস্য তন্ত্রান্তরপ্রসিদ্ধং নাম| তথা চ ধন্বন্তরিঃ (সু. চি. অ. ৪|১৪) - "কাকোল্যাদিঃ সবাতঘ্নঃ সর্বাম্লদ্রব্যসংযুতঃ| সানূপৌদকমাংসস্তু সর্বস্নেহসমন্বিতঃ|| সুখোষ্ণঃ স্পষ্টলবণঃ সাল্বণঃ পরিকীর্তিতঃ|" ইতি| 'উদ্রিক্তলবণৈঃ স্নেহচুক্রতক্রপযঃপ্লুতৈঃ|' ইতি ত্রিষ্বপি স্বেদেষু যোজ্যম্|

আযুর্বেদরসাযনম্ ব্যাখ্যা ( কৃত)

আ০ র০-উপনাহস্য লক্ষণমাহ-উপনাহ ইত্যাদি| বচাদিভির্যঃ স্বেদঃ ক্রিযতে স উপনাহঃ| কিণ্বং-সুরাকাঞ্জিকাদ্যধঃস্থিতদ্রব্যম্| গন্ধৈঃ-কুষ্ঠাদিগন্ধদ্রব্যৈঃ| এরণ্ডজটা-এরণ্ডমূলম্| আমিষং-মাংসম্| উদ্রিক্তলবণৈঃ-সৈন্ধবাদ্যুত্কটৈঃ| স্নেহাদিভিঃ প্লুতৈঃ-আলোডিতৈঃ| চুক্রং-সুক্তম্| পযঃ-ক্ষীরম্| এষঃ স্বেদঃ কেবলে পবনে| এষ এব শ্লেষ্মসংসৃষ্টপবনে সুরসাদিবর্গেণ সহ কার্যঃ| পিত্তেন সংসৃষ্টে পবনে পদ্মকাদিবর্গেণ সহ কার্যঃ| সাল্বণাখ্যৈঃ-সাল্বণ ইত্যাখ্যা উপনাহস্য যেভ্যঃ পদ্মকাদিভ্যস্তৈঃ| পদ্মকাদিভির্যুক্ত উপনাহঃ-সাল্বণাখ্যঃ| উক্তং চ সুশ্রুতেন (চি.অ. ৪/১৪)-"কাকোল্যাদিঃ সবাতঘ্নঃ সর্বাম্লদ্রব্যসংযুতঃ| সানূপমাংসঃ সুস্বিন্নঃ সর্বস্নেহসমন্বিতঃ|| সুখোষ্ণঃ স্পৃষ্টলবণঃ সাল্বণঃ পরিকির্তিতঃ| তেনোপনাহং কুর্বীত সর্বদা বাতরোগিণাম্||" ইতি| তব্দ্যাখ্যানং চ,- "কাকোল্যাদির্গণো গ্রাহ্যো নাষ্টবর্গকসংজ্ঞিতঃ| বাতঘ্নো ভদ্রদার্বাদিবর্গোঽম্লো দাডিমাদিকঃ|| সর্বস্নেহশ্চতুঃস্নেহো লবণং সৈন্ধবাদিকম্| অম্লাদিভিশ্চ সংস্কার্যঃ কাকোল্যাদিত্রযং ত্রিভিঃ||" ইতি| পদ্মকাদিরেব তন্মতে কাকোল্যাদিঃ| স চোপনাহঃ পুনঃ পুনঃ কার্যঃ| উপনাহো-বন্ধনম্|

সর্বাঙ্গসুন্দরী ব্যাখ্যা ( কৃত)

স০-চর্মপট্টৈর্বদ্ধং-উপনদ্ধমঙ্গং, রাত্রৌ দিবা মুঞ্চেত্| কিম্ভূতৈঃ ? স্নিগ্ধোষ্ণবীর্যৈঃ, তথাঽপূতিভিঃ-অদুর্গন্ধৈঃ সুপরিকর্মিতত্বাত্| অলাভে-চর্মপট্টানামভাবে, বাতজিত্পত্রৈঃ-এরণ্ডজাদিভিঃ, তথা কৌশেযাদিভিঃ| কৌশেযং-রাঙ্কবাদিবস্ত্রবিশেষম্| আবিকং-কম্বলম্| [ শাটকং-বস্ত্রখণ্ডম্| ] তৈর্বদ্ধং রাত্রৌ দিবা মুঞ্চেত্| দিবা তু বদ্ধং রাত্রৌ মোক্তব্যম্|

আযুর্বেদরসাযনম্ ব্যাখ্যা ( কৃত)

আ০ র০-বন্ধনবিধিমাহ-স্নিগ্ধোষ্ণবির্যৈরিতি| অলাভে-চর্মালাভে| বাতজিত্পত্রাণি-এরণ্ডাদিপত্রাণি|

সর্বাঙ্গসুন্দরী ব্যাখ্যা ( কৃত)

স০-ঊষ্মা-বাষ্পঃ, তদাখ্যঃ স্বেদ উত্কারিকাদিভিঃ প্রযোজ্যঃ| তত্র যবমাষৈরণ্ডবীজাতসীকুসুম্ভবীজাদিভিঃ পিষ্টস্বিন্নৈর্লপ্যসিকাকৃতির্যঃ স্বেদনোপাযঃ সা উত্কারিকা| লোষ্টং-মৃত্পিণ্ডঃ| কপালং-কর্পরম্| উপলঃ-পাষাণঃ| পাংসুঃ-ধূলিঃ| তথা, পত্রভঙ্গেন-ছদসমূহেন| তথা, ধান্যেন| করীষো-গবাদিশকৃচ্চূর্ণঃ| সিকতা-বালুকা| তুষো-ধান্যত্বক্| এতৈরুত্কারিকাদিভিস্তুষান্তৈঃ স্বেদো বিধাতব্যঃ| কিম্ভূতৈঃ ? অনেকোপাযসন্তপ্তৈঃ,-অনেকে চ ত উপাযাশ্চ, তৈঃ সন্তপ্তাঃ-উষ্ণীকৃতা য উত্কারিকাদযঃ, তৈঃ| কথং প্রযোজ্যঃ ? ইত্যাহ-দেশকালতঃ| ল্যব্লোপে পঞ্চমী চেযম্| তেন দেশকালাবপেক্ষ্য| উপলক্ষণং চেদম্| তেন দোষদূষ্যাদীনপ্যপেক্ষ্য স্বেদোঽযং প্রযোজ্যঃ| লোষ্টকপালপাষাণানগ্নিতপ্তান্ সন্দংশেন গৃহীত্বা স্বেদ্যদোষাদ্যপেক্ষযাঽম্ভস্যম্লে ধান্যাম্লে শুক্তাদৌ বা নিমজ্জযেত্| তদুদ্ভূতবাষ্পৈঃ স্বেদঃ শযনস্থস্য কার্যঃ| অথবা গবাদিশকৃতাঽঽর্দ্রেণ পিণ্ডীকৃতেনোষ্ণেন স্বেদঃ স চ পিণ্ডস্বেদসংজ্ঞঃ| স এব সঙ্করস্বেদ উচ্যতে| অথবৈরণ্ডাদিদ্রব্যযুক্তানি যবাদীনি ধান্যানি সাম্লকাদীনি গৃহীত্বা পিহিতমুখাযামুখাযাং সম্যগুপস্বেদ্য নিবাতে গৃহে শযনস্থে কিলিঞ্জে প্রস্তীর্যাবিককৌশেযবাতহরপত্রান্যতমোত্তরপ্রচ্ছদে রৌরবাজিনপ্রাবারাদিস্ববচ্ছন্নং স্বেদযেত্| অথবা পূর্ববত্স্বেদ্যদ্রব্যাণি কুম্ভ্যামুত্ক্বাথ্য তন্নিকটোপবিষ্টো ঘনবস্ত্রপ্রাবৃত ঊষ্মাণং গৃহ্ণীযাত্| এষ সংস্তরস্বেদঃ| এবমনেকোপাযসন্তপ্তত্বং দোষদূষ্যাদ্যপেক্ষযা নিরূপ্য স্বেদো যোজ্যঃ|

আযুর্বেদরসাযনম্ ব্যাখ্যা ( কৃত)

আ০ র০-ঊষ্মস্বেদস্য লক্ষণমাহ-ঊষ্মেতি| উত্কারিকাদিভিঃ সোষ্মাভিঃ কম্বলাদিবেষ্টিতৈর্যঃ স্বেদঃ ক্রিযতে, স ঊষ্মস্বেদঃ| উত্কারিকা-রোটিকা| পত্রভঙ্গেন-খণ্ডশঃ কৃতৈঃ পত্রৈঃ| ধান্যেন-গোধূমাদিনা| সঙ্গ্রহে তু (সূ. অ. ২৬) -"ঊষ্মস্বেদঃ পুনরষ্টধা ভিদ্যতে,- পিণ্ডঃ সংস্তরো নাডী ঘনাশ্মা কুম্ভী কূপঃ কুটী জেন্তাকশ্চেতি| তত্র কপালপাষাণলোষ্ঠলোহিপিণ্ডানগ্নিবর্ণান্ সন্দংশেন গৃহীত্বাঽম্ভস্যম্লে বা নিমজ্জযেত্| তৈরার্দ্রাবিকবস্ত্রেণ বেষ্টিতৈঃ শ্লেষ্মমেদোভূযিষ্ঠ সরুজমঙ্গং গ্রন্থিমদ্বা স্বেদযেত্| পাংশুসিকতাগবাদিকরীষতুষধান্যবুসপুলাকপললৈর্বাঽম্লোত্ক্বথিতৈঃ পূর্ববদ্বেষ্টিতৈর্গবাদিশকৃতাঽঽর্দ্রেণ পিণ্ডীকৃতেনোপনাহদ্রব্যোত্কারিকাকৃশরাপযসপিণ্ডাইর্বা বাতরোগিষ্বিতি পিণ্ডস্বেদঃ| স এব চ সঙ্করাখ্যঃ| যথার্হস্বেদদ্রব্যাণি পিহিতমুখাযামুখাযাং সম্যগুপস্বেদ্য নিবাতশরণশযনস্থে কিলিঞ্জে প্রস্তার্যাবিককৌশেযবাতহরপত্রান্যতমোত্তরপ্রচ্ছদে রৌরবাজিনপ্রাবারাদিভিঃ স্ববচ্ছন্নং স্বেদযেদিতি সংস্তরস্বেদঃ| পূর্ববদেবোপস্বেদ্যোখামুখেঽন্যামুখাং নাডীমূলচ্ছিদ্রপ্রমাণপার্শ্বচ্ছিদ্রামভিসন্ধাযোপলিপ্য চ পার্শ্বচ্ছিদ্রস্থযা নাড্য শরেষিকাবংশদলকিলিঞ্জকরঞ্জপত্রান্যতমকৃতযা গজাগ্রহস্তসংস্থানযা ব্যামদীর্ঘযাঽধ্যর্দ্ধব্যামদীর্ঘযা বা স্বাযামচতুর্ভাগাষ্টভাগপরিণাহমূলাগ্রস্রোতসা সর্বতো বাতহরপত্রসংবৃতচ্ছিদ্রযা দ্বিস্ত্রির্বা বিনমিতযা সুখোপবিষ্টস্য স্বভ্যক্তপ্রাবৃতেঽঙ্গে বাষ্পমুপহরেত্| বাষ্পো হ্যনৃজুগামী বিহত্চণ্ডবেগস্ত্বচমবিদহন্ সুখং স্বেদযতীতি নাডীস্বেদঃ| পুরুষাযামমাত্রমধিকং বা ঘনং সমং সুখং চ শিলাতলং ভূপ্রদেশং বা বাতহরদারুদীপ্তেনাগ্নিনা সর্বতস্তাপযিত্বাঽগ্নিমপোহ্যোষ্ণোদকাম্লাদিভিরভ্যুক্ষ্য যথোক্তপ্রচ্ছদে সংস্তরবত্স্বেদযেদিতি ঘনাশ্মস্বেদঃ| পূর্ববত্স্বেদদ্রব্যাণি কুম্ভ্যাং সমুত্ক্বাথ্যাশ্লিষ্যোপবিষ্টস্তদূষ্মাণং গৃহ্ণীযাত্| ভূমৌ বা তাং নিখায তদূর্ধ্বমাসনং শযনং বা নাতিঘনপ্রচ্ছদং পরিতঃপ্রলম্বমানকুথাকম্বলগোণিকং নিধায তত্রস্থস্যোষ্মাণং গৃহ্ণতঃ কুম্ভ্যামগ্নিবর্ণানযোগুডানুপলাংশ্চ শনৈর্নিমজ্জযেদিতি কুম্ভীস্বেদঃ| শযনস্যাধো বিস্তারদ্বিগুণখাতে কূপে বাতহরদারুকরীষান্যতরপূর্ণদগ্ধে বিগতধূমে স্বাস্তীর্ণশযনস্থং স্বেদযেদিতি কূপস্বেদঃ| কুটীং নাত্যুচ্চবিস্তারাং বৃত্তামচ্ছিদ্রামুপনাহদ্রব্যকল্কঘনপ্রদিগ্ধকুড্যাং সর্বতো বিধূমপ্রদীপ্তখদিরাঙ্গারপূর্ণহসন্তিকাসমূহপরিবৃতাং বিধায তন্মধ্যে চ শয্যাং তত্রস্থং স্বেদযেদিতি কুটীস্বেদঃ|" ইতি| জেন্তাকস্বেদস্ত্বশক্যত্বান্ন লিখ্যতে|

সর্বাঙ্গসুন্দরী ব্যাখ্যা ( কৃত)

স০-শিগ্র্বাদিজৈঃ পত্রসমূহৈঃ, তথা বচাদ্যৈঃ-বচাদিগণোক্তৈঃ, তথা মাংসৈরানূপজৈর্জলজৈশ্চ, দশমূলেন চ পৃথক্-ব্যস্তৈর্দ্বিত্রাদিভিঃ, সহিতৈর্বা-সমস্তৈর্বা, যথামলং স্নেহবদ্ভিঃ-দোষহরঘৃতাদ্যন্যতমস্নেহযুক্তৈর্যথাদোষং সুরাশুক্তবারিক্ষীরাদিসাধিতৈঃ, কুম্ভীঃ-স্থালীঃ, পূরযিত্বা, অথবা গলন্তীর্নাডীর্বা-অনবরতং ধারযা জলাদিস্রবন্তীর্বারিধানিকাসংজ্ঞাঃ বংশাদিমযীঃ পূরযিত্বা, রুজার্দিতং-পীডার্তং, গাত্রং-অঙ্গং, বাসসাঽঽচ্ছাদিতং তথা স্নিগ্ধং সত্ যথাসুখং-সুখস্পর্শং কদাচিদত্যুষ্ণং কদাচিদীষদুষ্ণং সিঞ্চেত্|

আযুর্বেদরসাযনম্ ব্যাখ্যা ( কৃত)

আ০ র০-দ্রবস্বেদমাহ-শিগ্রুবারণকেত্যাদি| বারণকঃ-কণ্টকিকরঞ্জঃ| দীর্ঘবৃন্তঃ-টিণ্টুকঃ| শিগ্র্বাদীনাং পত্রভঙ্গৈঃ, বচাদ্যৈঃ-উপনাহোক্তৈঃ, আনূপবারিজৈমাংসেঃ, দশমূলেন চ, ইতি চতুর্ভির্বর্গৈঃ পৃথক্ সহিতৈর্বা দোষানুসারেণ ঘৃতাদিযুক্তৈঃ সুরাদিসাধিতৈঃ, গলন্তীঃ কুম্ভীঃ-সচ্ছিদ্রা ঘটিকাঃ, নাডীঃ-বংশাদিনলিকাঃ, পূরযিত্বা রুজাদিতং গাত্রং স্নিগ্ধং বস্ত্রাচ্ছাদিতং চ কৃত্বা তাভিঃ সিঞ্চেত্| এষঃ পরিষেকাখ্যো দ্রবস্বেদঃ|

সর্বাঙ্গসুন্দরী ব্যাখ্যা ( কৃত)

স০-তৈরেব-পূর্বোক্তৈঃ, স্বেদদ্রবৈঃ পূর্ণং কুণ্ডং ভৃশমবগাহ্য-প্রবিশ্য, আতুরো-রোগী তিষ্ঠেত্| কীদৃশে দোষে ? ইত্যাহ-সর্বাঙ্গগেঽনিলে,-সর্বশরীরব্যাপিনি বাযৌ| তথা, অর্শঃপ্রভৃতিরোগকষ্টপীডাসু| আদিগ্রহণেন হস্তপাদপীডাসু চ| কুণ্ডগ্রহণমুপলক্ষণার্থম্| তেন কূপকুটীস্বেদৌ চ বেদ্যৌ| সঙ্গ্রহে চোক্তম্ (সূ. অ. ২৬)- "শযনস্যাধোবিস্তারদ্বিগুণখাতে কূপে বাতহরদারুকরীষান্যতরপূর্ণদগ্ধে বিগতধূমে স্বাস্তীর্ণশযনস্থং স্বেদযেদিতি কূপস্বেদঃ| কুটীং নাত্যুচ্চবিস্তারাং বৃত্তামচ্ছিদ্রামুপনাহদ্রব্যকল্কঘনপ্রদিগ্ধকুড্যাং সর্বতো বিধূমপ্রদীপ্তখদিরাঙ্গারপূর্ণহসন্তিকাসমূহপরিবৃতাং বিধায তন্মধ্যস্থিতশয্যাস্থং স্বেদযেদিতি কুটীস্বেদঃ| পদ্মোত্পলাদিভিঃ সক্তুপিণ্ড্যা বাঽঽচ্ছাদ্য চক্ষুষী| শীতৈর্মুক্তাবলীপদ্মমুকুলোত্পলভাজনৈঃ|| মুহুঃ করৈশ্চ সজলৈঃ স্বিদ্যতো হৃদযং স্পৃশেত্|" ইতি|

আযুর্বেদরসাযনম্ ব্যাখ্যা ( কৃত)

আ০ র০-দ্রবস্বেদো দ্বিবিধঃ,-পরিষেকোঽবগাহশ্চ| তত্র পরিষেকমুক্ত্বাঽবগাহমাহ-তৈরেবেতি| [তৈরেব-পূর্বোক্তৈঃ স্বেদদ্রবৈঃ পূর্ণং কুণ্ডং ভৃশমবগাহ্য-প্রবিশ্য, রোগী তিষ্ঠেত্| কদেত্যাহ-সর্বশরীরব্যাপিনি বাযৌ, তথাঽর্শঃপ্রভৃতিরোগপীডাসু|] কৃচ্ছ্রং-মূত্রকৃচ্ছ্রম্| আদিশব্দাদশ্মর্যানাহহস্তপাদপীডাসু চ| কুণ্ডগ্রহণমুপলক্ষণার্থম্| তেন কূপকুটীস্বেদৌ চ বেদ্যৌ|

সর্বাঙ্গসুন্দরী ব্যাখ্যা ( কৃত)

স০-অপগতবাতে দেশে স্বেদমাচরেত্| কিম্ভূতঃ ? অন্তঃ স্নেহপানেন বহিশ্চাভ্যঙ্গাদিনা স্নিগ্ধঃ| তথা, জীর্ণান্নশ্চ,-যেন (যস্য) হ্যস্তনমন্নং জীর্ণম্, আমজীর্ণাদ্যাক্রান্তং নরং বর্জযিত্বা তেন স্বেদার্হেণ নরেণ স্বেদ আচরণীযঃ|

আযুর্বেদরসাযনম্ ব্যাখ্যা ( কৃত)

আ০ র০-স্বেদবিধিমাহ-নিবাতে ইতি|

সর্বাঙ্গসুন্দরী ব্যাখ্যা ( কৃত)

স০-ব্যাধ্যপেক্ষযা ব্যাধিতাপেক্ষযা দেশাপেক্ষযা ঋত্বপেক্ষযা চ যথাবিধমেব মধ্যমমুত্কৃষ্টং হীনং বা স্বেদমাচরেত্|

আযুর্বেদরসাযনম্ ব্যাখ্যা ( কৃত)

আ০ র০-ব্যাধ্যাদিবশাত্ মধ্যমমাত্রমুত্তমমাত্রমধমমাত্রম্|

সর্বাঙ্গসুন্দরী ব্যাখ্যা ( কৃত)

স০-কফার্তঃ-কফগ্রস্তো, রূক্ষঃ সন্-অন্তর্বহিরস্নিগ্ধো, রূক্ষণং-ন চ স্নিগ্ধং, স্বেদমাচরেত্| অপরং শ্লেষ্মবাতে রূক্ষস্নিগ্ধং-কেনচিদংশেন রূক্ষং কেনচিদংশেন স্নিগ্ধং, পর্যাযেণ বা রূক্ষস্নিগ্ধং, এবংবিধং স্বেদমাচরেত্|

আযুর্বেদরসাযনম্ ব্যাখ্যা ( কৃত)

আ০ র০-কফে স্বেদবিশেষমাহ-কফে তমিতি| রূক্ষণৈঃ-রূক্ষদ্রব্যৈঃ, স্নেহরহিতৈঃ| তং-স্বেদম্| রূক্ষঃ-পুরুষো নান্তর্বহিঃস্নিগ্ধঃ| কফানিলে বিশেষমাহ-রূক্ষঃ স্নিগ্ধমিতি| রূক্ষঃ-পুরুষঃ| স্নিগ্ধং-স্বেদম্|

সর্বাঙ্গসুন্দরী ব্যাখ্যা ( কৃত)

স০-আমাশযং গতঃ-আমাশযগতঃ, পক্বাশযমাশ্রিতঃ-পক্বাশযাশ্রিতঃ, দ্বিতীযা শ্রিতেতি সমাসঃ| বাযাবামাশযগতে কফে চ পক্বাশযাশ্রিতে যথাসঙ্খ্যেন রূক্ষপূর্বং স্নেহপূর্বং চ স্বেদমাচরেত্| আমাশযগতে বাত আদৌ রূক্ষঃ স্বেদঃ কার্যঃ পশ্চাত্স্নিগ্ধঃ| তথা, পক্বাশযগতে কফ আদৌ স্নিগ্ধঃ স্বেদঃ, পশ্চাদ্রূক্ষ ইত্যর্থঃ| কুত এবং নিযমঃ ? ইত্যাহ-স্থানানুরোধতঃ,-স্থানবশাত্| বাযুর্যতঃ আমাশয আগন্তুঃ, স্থানং চ তত্ শ্লেষ্মণঃ, তদ্বশাত্তত্রাদৌ রূক্ষ এব স্বেদো যোজ্যঃ, পশ্চাত্ স্নিগ্ধ ইতি| কফশ্চ পক্বাশয আগন্তুঃ, স্থানং চ তদ্বাযোঃ, অতঃ পূর্বং স্নিগ্ধঃ স্বেদো যোজ্যঃ, পশ্চাদ্রূক্ষ ইতি পূর্বোক্ত এব ন্যাযো যোজ্যঃ| তথা চোক্তম্ (হৃ. সূ. অ. ১৩|২০) - "তত্রান্যস্থানসংস্থেষু তদীযাম্" ইতি| তথা (হৃ. সূ. অ. ১৩|২৯) - "আগন্তুং শমযেদ্দোষং স্থানিনং প্রতিকৃত্য বা|" ইতি| তস্মাত্পূর্বং রূক্ষেণ স্থানিনং কফং প্রতিকৃত্য পশ্চাদাগন্তুকস্য বাযোঃ শমনং স্নিগ্ধস্বেদাখ্যং প্রযোজ্যমিতি| ননু, বাযোরামাশযে কোপোঽনুপপন্নঃ| যতো মরুত্ লঘ্বাদিগুণযুক্তঃ| আমাশযস্তু গুরুমৃদুপিচ্ছিলাদিযুক্তঃ| অতঃ শম এবোপপন্ন ইতি কেচিত্| এতচ্চাযুক্তম্| বলিনো হ্যন্যাশ্রযস্থস্যাপি কোপো যুক্তঃ| মার্গরোধাচ্চ বাযোরামাশযেঽপি প্রকোপসম্ভব ইতি| তথা চ বক্ষ্যতি (হৃ. চি. অ. ৬|৫৭) - "প্রাযোঽনিলো রুদ্ধগতিঃ কুপ্যত্যামাশযে গতঃ|" ইতি| তথা চোক্তম্ (হৃ. সূ. অ. ১৩|১৯) - "তে কালাদিবলং লব্ধ্বা কুপ্যন্ত্যন্যাশ্রযেষ্বপি|" ইতি|

আযুর্বেদরসাযনম্ ব্যাখ্যা ( কৃত)

আ০ র০-স্থানভেদেন বিশেষমাহ-আমেত্যাদি, রূক্ষপূর্বমিতি| রূক্ষপূর্বং-প্রথমং রূক্ষং ততঃ স্নিগ্ধম্| স্নেহপূর্বং-প্রথমং স্নিগ্ধং ততো রূক্ষম্| স্থানানুরোধতঃ-স্থানিপ্রতীকারপূর্বকমাগন্তুপ্রতীকারস্যোক্তত্বাত্|

সর্বাঙ্গসুন্দরী ব্যাখ্যা ( কৃত)

স০-বঙ্ক্ষ্ণযোরল্পমেবেতি যোজ্যম্| দৃশোর্মুষ্কযোর্হৃদি চাত্যল্পমেবেতি| অথবা দৃগাদিষু স্বেদং নাচরেদেব|

আযুর্বেদরসাযনম্ ব্যাখ্যা ( কৃত)

আ০ র০-অবযবভেদেন বিশেষমাহ-অল্পমিতি| বঙ্ক্ষণযোরল্পং স্বেদমাচরেত্| দৃগাদিষ্বত্যল্পমেব, নৈব বা| সঙ্গ্রহে তু (সূ. অ. ২৬) -"পদ্মোত্পলাদিভিঃ সক্তুপিণ্ড্যা বাঽঽচ্ছাদ্য চক্ষুষী| শীতৈর্মুক্তাবলীপদ্মকুমুদোত্পলভাজনৈঃ|| মুহুঃ করৈশ্চ সজলৈঃ স্বিদ্যতো হৃদযং স্পৃশেত্|" ইতি|

সর্বাঙ্গসুন্দরী ব্যাখ্যা ( কৃত)

স০-শীতশূলযোঃ ক্ষযে সঞ্জাতে সতি, অঙ্গানাং-পাণিপাদাদীনাং চ, মার্দবে-মৃদুত্বে জাতে সতি, স্বিন্নো নরঃ স্যাত্| স চ স্বিন্নঃ শনৈর্মৃদিতো-মন্দং মর্দিতাঙ্গঃ, স্নাতঃ-উষ্ণোদকেন, [ ততঃ- ] অনন্তরং, স্নেহোক্ত (স্নেহ) বিধিং-'উষ্ণোদকোপচারী স্যাত্' ইত্যাদিকং, ভজেত্|

আযুর্বেদরসাযনম্ ব্যাখ্যা ( কৃত)

আ রং-সম্যক্স্বিন্নলক্ষণমাহ-শীতশূলক্ষয ইতি| শীতশূলযোর্নিবৃত্তাবঙ্গমার্দবে চ স্বিন্নঃ স্যাত্| স্বিন্নস্য কৃত্যমাহ-শনৈরিতি| শনৈর্মৃদিতো-যথাসুখং কৃতমর্দনঃ| স্নেহবিধিং-স্নেহনোক্তাহারবিহারনিযমম্|

সর্বাঙ্গসুন্দরী ব্যাখ্যা ( কৃত)

স০-স্বেদস্যাতিযোগাত্ রক্তপিত্তকোপাদযো ভবন্তি, ছর্দিশ্চ| মূর্চ্ছা-মোহঃ| স্বরাঙ্গযোঃ সদনেন সম্বন্ধঃ| ভ্রমঃ-অজ্ঞানম্| শ্যাবানি চ রক্তানি চ শ্যাবরক্তানি, তান্যেবংভূতানি যানি মণ্ডলানি তেষাং দর্শনং-উপলম্ভঃ| তত্র-স্বেদাতিযোগে, স্তম্ভনং-বক্ষ্যমাণমৌষধং কার্যম্| তথা, বিষাদ্যাতুরেষ্বপি স্তম্ভনমেবৌষধং কার্যম্| তথা, বিষাদ্যাতুরেষ্বপি স্তম্ভনমেবৌষধং ন্যায্যমিত্যর্থঃ|

আযুর্বেদরসাযনম্ ব্যাখ্যা ( কৃত)

আ০ র০-অতিস্বিন্নলক্ষণমাহ-পিত্তাস্রকোপেতি| অতিস্বিন্নস্যৌষধমাহ-তত্র স্তম্ভনমিতি| প্রসঙ্গাদ্বিষাদিষ্বপি স্তম্ভনমৌষধমাহ-বিষেত্যাদি| ক্ষারাগ্ন্যাতুরঃ-ক্ষারাগ্নিদগ্ধঃ| মোহাতুরো-মূর্চ্ছাবান্|

সর্বাঙ্গসুন্দরী ব্যাখ্যা ( কৃত)

স০-গুরু যদ্দ্রব্যং তীক্ষ্ণমুষ্ণং চ, তদ্বাহুল্যেন স্বেদনং ভবতি| প্রাযোগ্রহণাত্ ভযশোকাদিকমগুর্বপি গৃহ্যতে| অন্যথা-অতো বৈপরীত্যেন, স্তম্ভনং ভবতি| দ্রবাদিগুণযুক্তং যত্ তত্ দ্রব্যং স্বেদনং ভবতি| তথা, শ্লক্ষ্ণাদিযুক্তং তত্ সমাসতঃ স্তম্ভনং ভবতি| অধুনা রসতঃ স্তম্ভনং নির্দিশন্নাহ-প্রায ইত্যাদি| প্রাযঃ সঙ্ক্ষেপেণ তিক্তং কষাযং মধুরং চ স্তম্ভনং ভবতি|

আযুর্বেদরসাযনম্ ব্যাখ্যা ( কৃত)

আ০ র০-স্বেদনদ্রব্যমাহ-স্বেদনমিতি| স্তম্ভনদ্রব্যমাহ-স্তম্ভনমিতি| অন্যথা-লঘুমন্দশীতম্, তিক্তাদিরসং চ|

সর্বাঙ্গসুন্দরী ব্যাখ্যা ( কৃত)

স০-বলে লব্ধে-জাতে সতি, যথোক্তানাং রোগাণাং চ সঙ্ক্ষযাত্ স্তম্ভিতো নরঃ স্যাত্|

আযুর্বেদরসাযনম্ ব্যাখ্যা ( কৃত)

আ০ র০-স্তম্ভিতলক্ষণমাহ-স্তম্ভিত ইতি| যথোক্তাঃ-পিত্তাস্রকোপাদযো বিষাদযশ্চ|

সর্বাঙ্গসুন্দরী ব্যাখ্যা ( কৃত)

স০-ত্বক্ চ স্নাযুশ্চ, তযোঃ সঙ্কোচঃ| হৃদযাদীনাং গ্রহেণ সম্বন্ধঃ| ততঃ স্তম্ভাদীনাং দ্বন্দ্বঃ| স্তম্ভাদিভিস্তথা শ্যাবৈঃ পাদাদিভিরতিস্তম্ভিতং কথযেত্|

আযুর্বেদরসাযনম্ ব্যাখ্যা ( কৃত)

আ০ র০-অতিস্তম্ভিতলক্ষণমাহ-স্তম্ভত্বগিত্যাদি| হৃদযবচোহনূনাং গ্রহঃ|

সর্বাঙ্গসুন্দরী ব্যাখ্যা ( কৃত)

স০-অতিস্থূলদীন্ন স্বেদযেত্| অতিস্থূলস্য স্বেদেন মেদোবিলযনাদত্যন্তং শরীরক্ষোভঃ স্যাত্| রূক্ষাদীনাং কার্শ্যমতিশযেন ভবেত্| 'মদ্যবিকারিণঃ' ইত্যবিশেষোক্তাবপি পিত্তাদ্যন্যেষাং সঙ্গ্রহঃ| পিত্তমদ্যবিকারিণস্তু 'পিত্তপীডিতান্' ইত্যনেনৈব সঙ্গৃহীতাঃ| আঢ্যরোগে-বাতরক্তম্| ভ্রষ্টদগ্ধগুদাঃ-অতীসারক্ষারাগ্ন্যাদিভিঃ| গ্লান্যাদীনামর্দিতেন সম্বন্ধঃ| ক্ষুধাদীনাং মেহান্তানাং দ্বন্দ্বঃ, ততো মত্বর্থীয ইনিঃ| ক্ষুধ্বতঃ স্বেদাদত্যন্তং দেহগ্লানিঃ| কামলাপাণ্ডুমতোঃ স্বেদেন পিত্তবৃদ্ধ্যা রোগবৃদ্ধিঃ| যস্মাদধ্যেষ্যতে (হৃ. নি. অ. ১৩|১৫) - "পিত্তপ্রধানাঃ কুপিতাঃ" ইত্যাদি| তথা, (হৃ. নি. অ. ১৩|১৫) - "যঃ পাণ্ডুরোগী সেবেত পিত্তলং তস্য কামলাম্|" ইত্যাদি| মেহিনস্তু স্বেদবৃদ্ধ্যা রোগবৃদ্ধিঃ| গর্ভিণ্যাঃ স্বেদেন গর্ভব্যাপত্| পুষ্পিতাযা রক্তাতিপ্রবৃত্তিঃ| সূতাযাঃ কার্শ্যম্| মৃদু চেতি| যদৈষামতিস্থূলাদীনামাত্যযিকো ব্যাধিঃ-বিসূচিকাদিঃ স্যাত্, তদৈতে মৃদু স্বেদযিতব্যা এব|

আযুর্বেদরসাযনম্ ব্যাখ্যা ( কৃত)

আ০ র০ স্থূলাদীনাং স্বেদনং নিষেধতি-ন স্বেদযেদিতি| স্তম্ভনীযাঃ-বিষাদযঃ| ক্ষতঃ-উরঃক্ষতী| ক্ষীণঃ-ক্ষযরোগী| ক্ষামঃ-কৃশঃ| শোষো-মুখশোষঃ| আঢ্যরোগোবাতরক্তম্| ভ্রষ্টগুদো দগ্ধগুদশ্চ| পুষ্পিতা-ঋতুমতী| আত্যযিকে গদে অস্বেদ্যানপি মৃদু স্বেদযেত্, তথাঽপ্যনুপশমে তীব্রং বা স্বেদযেদিত্যাহ-মৃদু চেতি|

সর্বাঙ্গসুন্দরী ব্যাখ্যা ( কৃত)

স০-শ্বাসাদীনাং বিবন্ধান্তানাং দ্বন্দ্বঃ| শ্বাসাদিমত্সু যথাস্বং স্বেদং কুর্যাত্,- ক্বচিত্তাপং ক্বচিদুপনাহং ক্বচিদূষ্মাণং ক্বচিদ্দ্রবমিতি| কথম্ ? তেষ্বৌষধানি তদৌষধানি, তেষাং বিভাগো-যথাস্বমুপযোগঃ, তেন,- তদৌষধবিভাগেন স্বেদং কুর্যাত্| "খল্লী তীব্ররুজান্বিতা|" ইতি (হৃ. নি. অ. ১৫|৫৫) বাতব্যাধৌ বক্ষ্যতে, আযামবাতকণ্টকৌ চ| আঢ্যমারুতঃ-ঊরুস্তম্ভঃ|

আযুর্বেদরসাযনম্ ব্যাখ্যা ( কৃত)

আ০ র০-স্বেদসাধ্যান্ রোগানাহ-শ্বাসকাসেত্যাদি| মুষ্কযোর্মহত্ত্বে-বৃদ্ধিরোগে| খল্যাং-হস্তপাদাবমোটনে| আযামে-বাহ্যাযামাদৌ| সঙ্গ্রহে তু (সূ. অ. ২৬) - "স্বরভেদানিলব্যাধিপক্ষাঘাতাপতানকে| বেপথুশ্বযথুস্বাপস্তম্ভজৃম্ভামগৌরবে|| কর্ণমন্যাশিরঃকোষ্ঠজঙ্ঘাপাদোরুরুক্ষু চ|" ইতি| স্বিন্নস্য কৃত্যমুক্তং সঙ্গ্রহে (সূ. অ. ২৬) -"স্বিন্নোঽন্নং পথ্যমশ্নীযাদ্দোষরোগানুরোধতঃ| তদহঃ স্বিন্নসর্বাঙ্গো ব্যাযামং সুতরাং ত্যজেত্||" ইতি|

সর্বাঙ্গসুন্দরী ব্যাখ্যা ( কৃত)

স০-মেদঃকফাভ্যাং পবন আবৃতে সত্যনাগ্নেযঃ স্বেদো হিতঃ| অমাগ্নেয ইত্যগ্নের্ঢক্, ততো নঞ্ঽঽসমাসঃ|

আযুর্বেদরসাযনম্ ব্যাখ্যা ( কৃত)

আ০ র০-অনাগ্নেযস্বেদস্য বিষযমাহ-স্বেদ ইতি|

সর্বাঙ্গসুন্দরী ব্যাখ্যা ( কৃত)

স০-নিবাতগৃহাদযোঽনাগ্নেযাঃ স্বেদাঃ| আযাসো-ব্যাযামঃ| গুরুপ্রাবরণং-রল্লকাদি| ভযং-খড্গহস্তরাজপুরুষদর্শনাদিনা| উপনাহোঽপ্যনাগ্নেযঃ স্বেদঃ, উপনাহস্য দ্বৈবিধ্যাত্| তত্র "উপনাহো বচাকিণ্ব" ইত্যাদিরাগ্নেযঃ, তত্র "তাপোঽগ্নিতপ্তবসন" ইত্যনুবৃত্তেঃ| অনাগ্নেযস্তু-"স্নিগ্ধোষ্ণবীর্যৈর্মৃদুভিশ্চর্মপট্টৈঃ" ইত্যাদিকঃ| আহবঃ-সমরঃ| ভূরিপানং-বহুমদ্যপানম্|

আযুর্বেদরসাযনম্ ব্যাখ্যা ( কৃত)

আ০ র০-অনাগ্নেযস্বেদস্য ভেদানাহ-নিবাতমিতি| নিবাতগৃহাদযো দশ ভেদাঃ| উপনাহো-বচাদিভিরনগ্নিতপ্তৈঃ কৃতঃ| আহবো-যুদ্ধম্| ভূরিপানং-বহুমদ্যপানম্| স্বেদস্য ফলমুক্তং সঙ্গ্রহে (সূ. অ. ২৬) -"অগ্নের্দীপ্তিং মার্দবং ত্বক্প্রসাদং ভক্তশ্রদ্ধাং স্রোতসাং নির্মলত্বম্| কুর্যাত্স্বেদো জাড্যতন্দ্রাপহারং স্তব্ধান্ সন্ধীংশ্রেষ্টযত্যাশু চাস্য||" ইতি|

সর্বাঙ্গসুন্দরী ব্যাখ্যা ( কৃত)

স০-তে দোষাঃ সম্যক্-সুষ্ঠু, শুদ্ধিভিঃ-বমনবিরেচনলক্ষণাভিঃ, নির্হ্রিযন্তে-নিষ্কাস্যন্তে| কে দোষাঃ ? ইত্যাহ-স্নেহক্লিন্না যে, তথা কোষ্ঠগা ধাতুস্থাশ্চ, তথা স্রোতোলীনাঃ, তথা শাখাস্বস্থিষু চ স্থিতাঃ| কিম্ভূতাঃ ? স্বেদৈর্দ্রবীকৃত্য কোষ্ঠং নীতাঃ-উদরং প্রাপিতাঃ| শালিনীবৃত্তম্| ইতি শ্রীমৃগাঙ্কদত্তপুত্রশ্রীমদরুণদত্তবিরচিতাযামষ্টাঙ্গহৃদযটীকাযাং সর্বাঙ্গসুন্দরাখ্যাযাং সূত্রস্থানে স্বেদবিধ্যধ্যাযঃ সপ্তদশঃ সমাপ্তঃ|| ১৭||

আযুর্বেদরসাযনম্ ব্যাখ্যা ( কৃত)

আ০ র০-স্বেদনস্য শোধনাঙ্গত্বমাহ-স্নেহক্লিন্না ইতি| অস্থিশব্দেন মধ্যমমার্গো লক্ষ্যতে| ধাতুগানাং স্রোতোলীনানাং [চ] পুনরুপাদানং স্বেদৈকসাধ্যত্বজ্ঞাপনার্থম্| মার্গত্রযকথনেন হি তেঽপ্যুক্তাঃ| ইতি হেমাদ্রিটীকাযামাযুর্বেদরসাযনে| সংস্বেদনপ্রকরণং সামস্ত্যেন নিরূপিতম্|| ১৭||