Adhikarana অধ্যাযোপক্রমঃ · Śloka
🔊 Audio coming soon
সর্বাঙ্গসুন্দরী ব্যাখ্যা ( কৃত)
অনন্তরাতীতেঽধ্যাযে শৃঙ্গাদীন্ লোহিতাবসেচনোপাযানুক্ত্বা 'প্রচ্ছানেনৈকদেশস্থং' ইত্যাদিবাক্যেন তেষাং বিষযো দর্শিতঃ| সিরাব্যধস্য তু বহুবক্তব্যত্বাত্ পৃথগধ্যাযৌ যুক্ত ইত্যাহ-
Adhikarana সিরাব্যধবিধিরধ্যাযঃ (২) · Śloka ২
অথাতঃ সিরাব্যধবিধিমধ্যাযং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ| (গদ্যসূত্রে|২|
अथातः सिराव्यधविधिमध्यायं व्याख्यास्यामः| इति ह स्माहुरात्रेयादयो महर्षयः| (गद्यसूत्रे|२|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-সরত্যাভী রক্তমিতি সিরাঃ, তাসাং ব্যধঃ, তস্য বিধিঃ, তমধ্যাযং ব্যাখ্যাস্যামঃ| শেষং পূর্ববত্|
আযুর্বেদরসাযনম্ ব্যাখ্যা ( কৃত)
আ০ র০-শিরাব্যধবিধিমধ্যাযং ব্যাখ্যাতুং প্রতিজানীতে-অথেতি| সঙ্গ্রহে তু (সূ.অ. ৩৬)-"বহবো হি রক্তাবসেচনোপাযাঃ প্রাগভিহিতাঃ| তেষামন্যেষাং চ বিরেকাদীনামুপক্রমাণাং তত্সাধ্যেষ্বামযেষু শিরাব্যধঃ প্রধানম্| অমুনা হি তে সমূলাঃ শোষমাযান্তি কেদারসেতুভেদেন শাল্যাদয ইব| তথা চ| শিরাব্যধশ্ছিকিত্সার্ধং সম্পূর্ণং বা চিকিত্সিতম্| শল্যতন্ত্রে স্মৃতো যদ্বদ্বস্তিঃ কাযচিকিত্সিতে|| যথা রক্তমধিষ্ঠানং বিকারাণাং বিকারিণাম্| অন্যন্ন হি তথা দূষ্যং কর্মেদং প্রথমং ততঃ|| তত্রাম্বু শারীরমাহারসারভূতং রসাখ্যমবিকৃতমবিকৃতেন তেজসা রঞ্জিতং রক্তমাহুঃ|" ইতি|
Adhikarana শুদ্ধরক্তস্য লক্ষণম্ শুদ্ধরক্তস্যারোগ্যহেতুত্বম্ (১-২) · Śloka ২
মধুরং লবণং কিঞ্চিদশীতোষ্ণমসংহতম্| পদ্মেন্দ্রগোপহেমাবিশশলোহিতলোহিতম্||১|| লোহিতং প্রভবঃ শুদ্ধং, তনোস্তেনৈব চ স্থিতিঃ| |২|
मधुरं लवणं किञ्चिदशीतोष्णमसंहतम्| पद्मेन्द्रगोपहेमाविशशलोहितलोहितम्||१|| लोहितं प्रभवः शुद्धं, तनोस्तेनैव च स्थितिः| |२|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-লোহিতং মধুরগুণং(রসং) , তথা, ঈষল্লবণং, কিঞ্চিচ্ছব্দ ঈষদর্থে, তথাঽশীতোষ্ণং-নঞীষদর্থে, ঈষচ্ছীতমীষদুষ্ণং, তথাঽসংহতং-দ্রবং, শুদ্ধং স্যাত্| সম্প্রতি বর্ণতঃ শুদ্ধলোহিতলক্ষণমাহ-পদ্মেত্যাদি| ইন্দ্রগোপঃ-মৃগনক্ষত্রোত্পন্নঃ কীটকবিশেষঃ| হেম-কনকম্| অবিঃ-মেষঃ| অবিশশযোর্লোহিতশব্দেন রক্তবাচিনা সম্বন্ধঃ| পদ্মাদীনাং দ্বন্দ্বঃ| পদ্মেন্দ্রগোপহেমাবিশশলোহিতমিব লোহিতং-রক্তবর্ণং, যদ্রক্তং তচ্ছুদ্ধং স্যাত্| তচ্চ তনোঃ-শরীরস্য, প্রভবঃ-উত্পত্তিহেতুঃ| তেনৈবরক্তেন, তনোঃ স্থিতিঃ-প্রবন্ধাবিচ্ছেদলক্ষণা| অনেকদৃষ্টান্তোপাদানং চ শুদ্ধরক্তস্যানেকবর্ণদর্শনাত্|
আযুর্বেদরসাযনম্ ব্যাখ্যা ( কৃত)
আ০ র০-শুদ্ধরক্তস্য লক্ষণমাহ-মধুরমিতি| অসংহতং-দ্রবম্| হেমা-মঞ্জিষ্ঠা| শুদ্ধরক্তস্যারোগ্যহেতুত্বমাহ-তনোরিতি| সঙ্গ্রহে তু (সূ.অ. ৩৬) "তথা দূষ্যম্| দোষমিতি কেচিত্| উভযাত্মকমন্যে| তচ্চৈবংবিধমেব বিধিবদাহারবিহারাভ্যাসাদ্বিশুদ্ধং বলবর্ণসুখাযুষাং যোনিঃ|" ইতি|
Adhikarana রক্তস্য দুষ্টিকারণম্ (২) · Śloka ২
| তত্পিত্তশ্লেষ্মলৈঃ প্রাযো দূষ্যতে|২|
| तत्पित्तश्लेष्मलैः प्रायो दूष्यते|२|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-তচ্চ-রক্তং, বাহুল্যেন পিত্তশ্লেষ্মলৈর্দূষ্যতে| পিত্তলৈঃ-ক্ষারোষ্ণতীক্ষ্ণাদিভিঃ| শ্লেষ্মলৈঃ-মাষতিলাদিভিঃ| তথা পুরাকৃতাদ্দৈবাদপি, শরত্কালস্বভাবাত্ কদাচিদ্বাতলৈরপি দূষ্যত ইতি প্রাযোগ্রহণম্|
আযুর্বেদরসাযনম্ ব্যাখ্যা ( কৃত)
আ০ র০-রক্তস্য দুষ্টিকারণমাহ-তত্পিত্তশ্লেষ্মলৈরিতি|
Adhikarana দুষ্টরক্তস্য কার্যম্ দুষ্টরক্তকার্যস্য সামান্যলক্ষণম্ (২-৫) · Śloka ৫
| কুরুতে ততঃ||২|| বিসর্পবিদ্রধিপ্লীহগুল্মাগ্নিসদনজ্বরান্| মুখনেত্রশিরোরোগমদতৃড্লবণাস্যতাঃ||৩|| কুষ্ঠবাতাস্রপিত্তাস্রকট্বম্লোদ্গিরণভ্রমান্| শীতোষ্ণস্নিগ্ধরূক্ষাদ্যৈরূপক্রান্তাশ্চ যে গদাঃ||৪|| সম্যক্সাধ্যা ন সিধ্যন্তি তে চ রক্তপ্রকোপজাঃ| |৫|
| कुरुते ततः||२|| विसर्पविद्रधिप्लीहगुल्माग्निसदनज्वरान्| मुखनेत्रशिरोरोगमदतृड्लवणास्यताः||३|| कुष्ठवातास्रपित्तास्रकट्वम्लोद्गिरणभ्रमान्| शीतोष्णस्निग्धरूक्षाद्यैरूपक्रान्ताश्च ये गदाः||४|| सम्यक्साध्या न सिध्यन्ति ते च रक्तप्रकोपजाः| |५|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-ততো-দূষণাত্কারণাত্, বিসর্পাদীন্ ভ্রমান্তান্ কুরুতে| তথা, শীতোষ্ণাদিভিঃ সম্যক্চিকিত্সিতাঃ সাধ্যা অপি রোগা যে ন সিধ্যন্তি, তে চ রক্তপ্রকোপজাঃ| ন কেবলং বিসর্পাদযঃ, ইতি চার্থঃ| আদিশব্দেন স্তম্ভস্বেদনাদিপরিগ্রহঃ|
আযুর্বেদরসাযনম্ ব্যাখ্যা ( কৃত)
আ০ র০-দুষ্টরক্তস্য কার্যমাহ-কুরুত ইতি| দুষ্টরক্তকার্যস্য সামান্যলক্ষণমাহ-শীতোষ্ণেতি| চকারদ্বযকরণাদুক্তেষ্বনুক্তেষু চেদং লক্ষণং জ্ঞেযম্|
Adhikarana দুষ্টরক্তকার্যস্য প্রতীকারঃ (৫) · Śloka ৫
| তেষু স্রাবযিতুং রক্তমুদ্রিক্তং ব্যধযেত্সিরাম্||৫||
| तेषु स्रावयितुं रक्तमुद्रिक्तं व्यधयेत्सिराम्||५||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-তথা, তেষু-বিসর্পাদিষু রোগেষু, উল্বণং রক্তং স্রাবযিতং সিরাং ব্যধযেত্| অদন্তত্বাদত্র বৃদ্ধেরভাবঃ|
আযুর্বেদরসাযনম্ ব্যাখ্যা ( কৃত)
আ০ র০-দুষ্টরক্তকার্যস্য প্রতীকারমাহ-তেষ্বিতি|
Adhikarana উনষোডশাব্দাদীনাং সিরাব্যাধনিষেধঃ (৬-৯) · Śloka ৯
ন তূনষোডশাতীতসপ্তত্যব্দস্রুতাসৃজাম্| অস্নিগ্ধাস্বেদিতাত্যর্থস্বেদিতানিলরোগিণাম্||৬|| গর্ভিণীসূতিকাজীর্ণপিত্তাস্রশ্বাসকাসিনাম্| অতীসারোদরচ্ছর্দিপাণ্ডুসর্বাঙ্গশোফিনাম্||৭|| স্নেহপীতে প্রযুক্তেষু তথা পঞ্চসু কর্মসু| নাযন্ত্রিতাং সিরাং বিধ্যেন্ন তির্যঙ্গাপ্যনুত্থিতাম্||৮|| নাতিশীতোষ্ণবাতাভ্রেষ্বন্যত্রাত্যযিকাদ্গদাত্| |৯|
न तूनषोडशातीतसप्तत्यब्दस्रुतासृजाम्| अस्निग्धास्वेदितात्यर्थस्वेदितानिलरोगिणाम्||६|| गर्भिणीसूतिकाजीर्णपित्तास्रश्वासकासिनाम्| अतीसारोदरच्छर्दिपाण्डुसर्वाङ्गशोफिनाम्||७|| स्नेहपीते प्रयुक्तेषु तथा पञ्चसु कर्मसु| नायन्त्रितां सिरां विध्येन्न तिर्यङ्गाप्यनुत्थिताम्||८|| नातिशीतोष्णवाताभ्रेष्वन्यत्रात्ययिकाद्गदात्| |९|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-ঊনষোডশবর্ষাদীনাং তু সিরাং ন ব্যধযেত্| স্নেহপীতে-পীতস্নেহ ইত্যর্থঃ, আহিতাগ্ন্যাদিত্বাত্ পরনিপাতঃ| তথা, পঞ্চসু-বমনাদিষু, কর্মসু বিহিতেষু সত্সু, সিরাং ন ব্যধযেত্| তথা, অযন্ত্রিতাং-অবদ্ধাং, সিরাং ন ব্যধযেত্| তথা, ন তির্যক্, ন চানুত্থিতাং, নাতিশীতে, নাত্যুষ্ণে, নাতিবাতে, ন চ মেঘোদযে, সিরাং ব্যধযেত্| আত্যযিকাত্-রোহিণীবিষাদিকাত্, অন্যত্র ন ব্যধযেত্| আত্যযিকে তু রোগে শীতোষ্ণবৃষ্টীনাং যথাযথং প্রতীকারং বিধায সিরাং মোক্ষযেদেব|
আযুর্বেদরসাযনম্ ব্যাখ্যা ( কৃত)
আ০ র০-ঊনষোডশাব্দাদীনাং শিরাব্যধং নিষেধতি-নতূনেতি| পঞ্চসু কর্মসু-বমনবিরেচননিরূহানুবাসননস্যেষু| বমনাদৌ স্নেহপানে যাবত্তত্কৃতদোষক্ষোভ(ভা)নিবৃত্তিস্তাবন্নিষেধঃ| অযন্ত্রিতাং-অকৃতবক্ষ্যমাণযন্ত্রণাম্| তির্যক্-তির্যগ্গতাম্| অনুত্থিতাং-অপ্রকটাম্| সঙ্গ্রহে তু (সূ.অ.৩৬)-"তত্র স্নেহপীতাদিষু সম্যগ্বিদ্ধা অপি শিরা ন স্রবন্ত্যতিস্রবন্তি বা| সম্যক্স্নিগ্ধস্বিন্নস্য পুনর্দ্রবীভূতা দোষাঃ শোণিতমনুপ্রবিষ্টাঃ সম্যক্ প্রচ্যবন্তে| ন ত্বেষ নিষেধো বিষসংসৃষ্টোপসর্গাত্যযিকব্যাধিষু|" ইতি|
Adhikarana শিরোরোগে নেত্ররোগে চ বেধ্যাঃ সিরাঃ (৯-১০) · Śloka ১০
| শিরোনেত্রবিকারেষু ললাট্যাং মোক্ষযেত্সিরাম্||৯|| আপাঙ্গ্যামুপনাস্যাং বা| |১০|
| शिरोनेत्रविकारेषु ललाट्यां मोक्षयेत्सिराम्||९|| आपाङ्ग्यामुपनास्यां वा| |१०|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-শিরোনযনবিকারেষু ললাট্যাং সিরাং মোক্ষযেত্| ললাটে ভবা-ললাট্যা, শরীরাবযবাদ্যত্, এবমগ্রেঽপি| অপাঙ্গে ভবাং অপাঙ্গ্যাং, নাসিকাসমীপে ভবাং-উপনাস্যাং, বা|
আযুর্বেদরসাযনম্ ব্যাখ্যা ( কৃত)
আ০ র০-শিরোরোগে নেত্ররোগে চ বেধ্যাঃ শিরা আহ-শিরোনেত্রবিকারেষ্বিতি| ললাটে ভবা ললাট্যাঃ| "শরীরাবযবাদ্যত্" ইতি যত্| এবমপাঙ্গ্যা উপনাস্যাঃ [চ]| উপনাস্যাঃ-কনীনিকাভবাঃ (?)|
Adhikarana কর্ণরোগেষু সিরাঃ (১০) · Śloka ১০
কর্ণরোগেষু কর্ণজাম্| |১০|
कर्णरोगेषु कर्णजाम्| |१०|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-কর্ণামযেষু কর্ণজাং-কর্ণসমীপভবাং, সিরাং বিধ্যেত্|
আযুর্বেদরসাযনম্ ব্যাখ্যা ( কৃত)
আ০ র০-কর্ণরোগেষু শিরা আহ-কর্ণরোগেষ্বিতি|
Adhikarana নাসারোগে সিরাঃ (১০) · Śloka ১০
| নাসারোগেষু নাসাগ্রে স্থিতাম্|১০|
| नासारोगेषु नासाग्रे स्थिताम्|१०|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-নাসামযেষু নাসাগ্রে স্থিতাং বিধ্যেত্|
আযুর্বেদরসাযনম্ ব্যাখ্যা ( কৃত)
আ০ র০-নাসারোগেষু শিরা আহ-নাসারোগেষ্বিতি|
Adhikarana পীনসে সিরাঃ (১০-১১) · Śloka ১১
| নাসাললাটযোঃ||১০|| পীনসে| |১১|
| नासाललाटयोः||१०|| पीनसे| |११|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-পীনসে-প্রতিশ্যাযে, নাসাললাটমধ্যস্থাং সিরাং বিধ্যেত্|
আযুর্বেদরসাযনম্ ব্যাখ্যা ( কৃত)
আ০ র০-পীনসে শিরা আহ-নাসাললাটযোরিতি|
Adhikarana মুখরোগেষু সিরাঃ (১১) · Śloka ১১
মুখরোগেষু জিহ্বৌষ্ঠহনুতালুগাঃ| |১১|
मुखरोगेषु जिह्वौष्ठहनुतालुगाः| |११|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-মুখরোগেষু জিহ্বাদিগাঃ সিরা বিধ্যেত্|
আযুর্বেদরসাযনম্ ব্যাখ্যা ( কৃত)
আ০ র০-মুখরোগেষু শিরা আহ-মুখরোগেষ্বিতি|
Adhikarana জত্রূর্ধ্বগ্রন্থিষু সিরাঃ (১১) · Śloka ১১
| জত্রূর্ধ্বগ্রন্থিষু গ্রীবাকর্ণশঙ্খশিরঃশ্রিতাঃ||১১||
| जत्रूर्ध्वग्रन्थिषु ग्रीवाकर्णशङ्खशिरःश्रिताः||११||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-জত্রূর্ধ্বং-বক্ষোংসযোঃ সন্ধ্যূর্ধ্বং, যে গ্রন্থযস্তেষু গ্রীবাদ্যাশ্রিতাঃ সিরা বিধ্যেত্|
আযুর্বেদরসাযনম্ ব্যাখ্যা ( কৃত)
আ০ র০-জত্রূর্ধ্বগ্রন্থিষু শিরা আহ-জত্রূর্ধ্বগ্রন্থিষ্বিতি|
Adhikarana উন্মাদে সিরাঃ (১২) · Śloka ১২
উরোপাঙ্গললাটস্থা উন্মাদে| |১২|
उरोपाङ्गललाटस्था उन्मादे| |१२|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-উন্মাদে উরঃস্থা অপাঙ্গস্থা ললাটাশ্রিতাশ্চ বিধ্যেত্|
আযুর্বেদরসাযনম্ ব্যাখ্যা ( কৃত)
আ০ র০-উন্মাদে শিরা আহ-উরোপাঙ্গললাটস্থা ইতি|
Adhikarana অপস্মারে সিরাঃ শিরোরোগাদিষু সামান্যতঃ সিরাঃ (১২) · Śloka ১২
ঽপস্মৃতৌ পুনঃ| হনুসন্ধৌ সমস্তে বা শিরাং ভ্রূমধ্যগামিনীম্||১২||
ऽपस्मृतौ पुनः| हनुसन्धौ समस्ते वा शिरां भ्रूमध्यगामिनीम्||१२||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-অপস্মারে তু হনুসন্ধৌ স্থিতাং সিরাং বিধ্যেত্| সমস্তে-সর্বস্মিন্, বা হনৌ সিরাং বিধ্যেত্| ভ্রূমধ্যগামিনীং- ভ্রূমধ্যস্থাং, সিরাং বাঽপরস্মৃতৌ বিধ্যেদিতি বাশব্দোঽত্রানুবর্ত্য যোজ্যঃ|
আযুর্বেদরসাযনম্ ব্যাখ্যা ( কৃত)
আ০ র০-অপস্মারে শিরা আহ-অপস্মৃতাবিতি| উক্তেষু শিরোরোগাদিষু সমান্যতঃশিরা আহ-সমস্তে বেতি|
Adhikarana বিদ্রধিপার্শ্চশূলযোঃ সিরাঃ (১৩) · Śloka ১৩
বিদ্রধৌ পার্শ্বশূলে চ পার্শ্বকক্ষাস্তনান্তরে| |১৩|
विद्रधौ पार्श्वशूले च पार्श्वकक्षास्तनान्तरे| |१३|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-বিদ্রধৌ পার্শ্বশূলে চ পার্শ্বস্থাঃ কক্ষাস্থাঃ স্তনান্তরস্থাশ্চ সিরা বিধ্যেত্|
আযুর্বেদরসাযনম্ ব্যাখ্যা ( কৃত)
আ০ র০-বিদ্রধিপার্শ্বশূলযোঃশিরা আহ-বিদ্রধাবিতি|
Adhikarana তৃতীযকজ্বরে সিরাঃ (১৩) · Śloka ১৩
| তৃতীযকেংঽসযোর্মধ্যে|১৩|
| तृतीयकेंऽसयोर्मध्ये|१३|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-তৃতীযকে জ্বরেংঽসযোর্মধ্যে-স্কন্ধসন্ধৌ স্থিতাং সিরাং, বিধ্যেত্|
আযুর্বেদরসাযনম্ ব্যাখ্যা ( কৃত)
আ০ র০-তৃতীযকজ্বরে শিরা আহ-তৃতীযক ইতি|
Adhikarana চতুর্থকজ্বরে সিরাঃ (১৩) · Śloka ১৩
| স্কন্ধস্যাধশ্চতুর্থকে||১৩||
| स्कन्धस्याधश्चतुर्थके||१३||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-চতুর্থকে জ্বরে স্কন্ধস্যাধোগতাং-অন্যতরপার্শ্বাশ্রযাং, সিরাং বিধ্যেত্|
আযুর্বেদরসাযনম্ ব্যাখ্যা ( কৃত)
আ০ র০-চতুর্থকজ্বরে শিরা আহ-স্কন্ধস্যাধ ইতি|
Adhikarana সশূলপ্রাবাহিকাযাং সিরাঃ (১৪) · Śloka ১৪
প্রবাহিকাযাং শূলিন্যাং শ্রোণিতো দ্ব্যঙ্গুলে স্থিতাং| |১৪|
प्रवाहिकायां शूलिन्यां श्रोणितो द्व्यङ्गुले स्थितां| |१४|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-প্রবাহিকাযাং শূলযুক্তাযাং শ্রোণিতঃ-কঠ্যাঃ, দ্ব্যঙ্গুলে স্থিতাং সিরাং বিধ্যেত্|
আযুর্বেদরসাযনম্ ব্যাখ্যা ( কৃত)
আ০ র০-সশূলপ্রবাহিকাযাং শিরা আহ-প্রবাহিকাযামিতি|
Adhikarana শুক্ররোগেমেঢ্ররোগে চ সিরাঃ (১৪) · Śloka ১৪
| শুক্রমেঢ্রামযে মেঢ্রে|১৪|
| शुक्रमेढ्रामये मेढ्रे|१४|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-শুক্ররোগে মেঢ্ররোগে চ মেড্রস্থিতাং সিরাং বিধ্যেত্|
আযুর্বেদরসাযনম্ ব্যাখ্যা ( কৃত)
আ০ র০-শুক্ররোগে মেঢ্ররোগে চ শিরা আহ-শুক্রমেঢ্রাময ইতি|
Adhikarana গলগণ্ডযোঃ সিরাঃ (১৪) · Śloka ১৪
| ঊরুগাং গলগণ্ডযোঃ||১৪||
| ऊरुगां गलगण्डयोः||१४||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-গলগণ্ডযোশ্চোভযোরূরুস্থাং সিরাং বিধ্যেত্|
আযুর্বেদরসাযনম্ ব্যাখ্যা ( কৃত)
আ০ র০-গলগণ্ডমালযোঃ শিরা আহ-ঊরুগামিতি| দ্বিবচনসামর্থ্যাত্ গণ্ডমালাগ্রহণম্|
Adhikarana গৃধ্রস্যাং সিরাঃ (১৫) · Śloka ১৫
গৃধ্রস্যাং জানুনোঽধস্তাদূর্ধ্বং বা চতুরঙ্গুলে| |১৫|
गृध्रस्यां जानुनोऽधस्तादूर्ध्वं वा चतुरङ्गुले| |१५|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-গৃধ্রস্যাং জানুনোঽধস্তাচ্চতুরঙ্গুল ঊর্ধ্বং বা জানুনশ্চতুরঙ্গুলে স্থিতাং সিরাং বিধ্যেত্|
আযুর্বেদরসাযনম্ ব্যাখ্যা ( কৃত)
আ০ র০-গৃধ্রস্যাং শিরা আহ-গৃধ্রস্যামিতি|
Adhikarana অপচ্যাং সিরাঃ (১৫) · Śloka ১৫
| ইন্দ্রবস্তেরধোঽপচ্যাং দ্ব্যঙ্গুলে|১৫|
| इन्द्रबस्तेरधोऽपच्यां द्व्यङ्गुले|१५|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-অপচীসংজ্ঞে রোগে ইন্দ্রবস্তেরধো দ্ব্যঙ্গুলে সিরাং বিধ্যেত্| ইন্দ্রবস্তিঃ-জঙ্ঘান্তরে বক্ষ্যমাণঃ (হৃ. শা. অ. ৪|৫)
আযুর্বেদরসাযনম্ ব্যাখ্যা ( কৃত)
আ০ র০-অপচ্যাং শিরা আহ-ইন্দ্রবস্তেরিতি| ইন্দ্রবস্তিঃ-জঙ্ঘামধ্যে মর্ম|
Adhikarana সক্থিশূলে ক্রোষ্টুকশীর্ষকে চ সিরাঃ (১৫-১৬) · Śloka ১৬
| চতুরঙ্গুলে||১৫|| ঊর্ধ্বং গুল্ফস্য সক্থ্যর্তৌ, তথা ক্রোষ্টুকশীর্ষকে| |১৬|
| चतुरङ्गुले||१५|| ऊर्ध्वं गुल्फस्य सक्थ्यर्तौ, तथा क्रोष्टुकशीर्षके| |१६|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-সক্থিপীডাযাং গুল্ফস্যোর্ধ্বং চতুরঙ্গুলে সিরাং বিধ্যেত্| ক্রোষ্টুকশীর্ষাখ্যে বাতরোগবিশেষে গুল্ফস্যোর্ধ্বং চতুরঙ্গুলে বিধ্যেত্|
আযুর্বেদরসাযনম্ ব্যাখ্যা ( কৃত)
আ০ র০-সক্থিশূলে ক্রোষ্টুকশীর্ষকে চ শিরা আহ-চতুরঙ্গুল ইতি|
Adhikarana পাদদাহাদিষু ষট্সু সিরাঃ (১৬-১৭) · Śloka ১৭
| পাদদাহে খুডে হর্ষে বিপাদ্যাং বাতকণ্টকে||১৬|| চিপ্পে চ দ্ব্যঙ্গুলে বিধ্যেদুপরি ক্ষিপ্রমর্মণঃ| |১৭|
| पाददाहे खुडे हर्षे विपाद्यां वातकण्टके||१६|| चिप्पे च द्व्यङ्गुले विध्येदुपरि क्षिप्रमर्मणः| |१७|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-পাদদাহাদিষু ক্ষিপ্রমমর্ণ উপরি দ্ব্যঙ্গুলে বিধ্যেত্| খুডং-বাতরক্তম্|
আযুর্বেদরসাযনম্ ব্যাখ্যা ( কৃত)
আ০ র০-পাদদাহাদিষু ষট্সু শিরা আহ-পাদদাহ ইতি| হর্ষে-পাদহর্ষে| চিপ্পে-নখরোগে| ক্ষিপ্রং-অঙ্গুষ্ঠাঙ্গুলিমধ্যে মর্ম| সঙ্গ্রহে তু (সূ.অ.৩৬)-"এতেনেতরসক্থিবাহূ চ ব্যাখ্যাতৌ| বিশেষতস্তু বামবাহাবভ্যন্তরতো বাহুমধ্যে প্লীহোদরে| এবমেব চ দক্ষিণবাহৌ যকৃদাখ্যে| তথা কাসশ্বাসযোরপ্যাদিশন্তি|" ইতি|
Adhikarana বিশ্বাচ্যাং সিরাঃ (১৭) · Śloka ১৭
| গৃধ্রস্যামিব বিশ্বাচ্যাম্|১৭|
| गृध्रस्यामिव विश्वाच्याम्|१७|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-বিশ্বাচ্যাং গৃধ্রসীপ্রোক্তাং সিরাং বিধ্যেত্| "গৃধ্রস্যাং জানুনোঽধস্তাত্ " ইতি|
আযুর্বেদরসাযনম্ ব্যাখ্যা ( কৃত)
আ০ র০-বিশ্বাচ্যাং শিরা আহ-গৃধ্রস্যামিবেতি| সঙ্গ্রহে তু (সূ.অ.৩৬)-"বাহুশোষাববাহুকযোরপ্যেকে|" ইতি|
Adhikarana যথোক্তসিরাণামদর্শনে তদাসন্নাঃ সিরাঃ (১৭-১৮) · Śloka ১৮
| যথোক্তানামদর্শনে||১৭|| মর্মহীনে যথাসন্নে দেশেঽন্যাং ব্যধযেত্ সিরাম্| |১৮|
| यथोक्तानामदर्शने||१७|| मर्महीने यथासन्ने देशेऽन्यां व्यधयेत् सिराम्| |१८|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-যথোক্তানাং সিরাণামদর্শনে সতি মর্মবর্জিতে যথাসন্নে স্থানে ব্যাধিবশাদপরাং ব্যধযেত্|
আযুর্বেদরসাযনম্ ব্যাখ্যা ( কৃত)
আ০ র০-যথোক্তশিরাণামদর্শনে তদাসন্না শিরা বেধ্যা ইত্যাহ-যথোক্তানামিতি|
Adhikarana সিরাব্যধবিধিঃ কণ্ঠোর্ধসিরাণাং যন্ত্রণম্ (১৮-২২) · Śloka ২২
| অথ স্নিগ্ধতনুঃ সজ্জসর্বোপকরণো বলী||১৮|| কৃতস্বস্ত্যযনঃ স্নিগ্ধরসান্নপ্রতিভোজিতঃ| অগ্নিতাপাতপস্বিন্নো জানূচ্চাসনসংস্থিতঃ||১৯|| মৃদুপট্টাত্তকেশান্তো জানুস্থাপিতকূর্পরঃ| মুষ্টিভ্যাং বস্ত্রগর্ভাভ্যাং মন্যে গাঢং নিপীডযেত্||২০|| দন্তপ্রপীডনোত্কাসগণ্ডাধ্মানানি চাচরেত্| পৃষ্ঠতো যন্ত্রযেচ্চৈনং বস্ত্রমাবেষ্টযন্নরঃ||২১|| কন্ধরাযাং পরিক্ষিপ্য ন্যস্যান্তর্বামতর্জনীম্| এষোঽন্তর্মুখবর্জ্যানাং সিরাণাং যন্ত্রণে বিধিঃ||২২||
| अथ स्निग्धतनुः सज्जसर्वोपकरणो बली||१८|| कृतस्वस्त्ययनः स्निग्धरसान्नप्रतिभोजितः| अग्नितापातपस्विन्नो जानूच्चासनसंस्थितः||१९|| मृदुपट्टात्तकेशान्तो जानुस्थापितकूर्परः| मुष्टिभ्यां वस्त्रगर्भाभ्यां मन्ये गाढं निपीडयेत्||२०|| दन्तप्रपीडनोत्कासगण्डाध्मानानि चाचरेत्| पृष्ठतो यन्त्रयेच्चैनं वस्त्रमावेष्टयन्नरः||२१|| कन्धरायां परिक्षिप्य न्यस्यान्तर्वामतर्जनीम्| एषोऽन्तर्मुखवर्ज्यानां सिराणां यन्त्रणे विधिः||२२||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-অথেত্যানন্তর্যে| স্নিগ্ধা তনুর্যস্য স স্নিগ্ধতনুঃ| তথা, সজ্জানি-প্রগুণানি, { সর্বাণি } উপকরণানি-বস্ত্রষণ্ডপটোদকস্নেহগৈরিকাদীনি, যস্য স সজ্জসর্বোপকরণঃ| তথা, বলীপুষ্টঃ| তথা, কৃতং স্বস্ত্যযনং-বলিমঙ্গলহোমাদিকং, যস্য স কৃতস্বস্ত্যযনঃ| তথা, স্নিগ্ধরসযুক্তেনান্নেন প্রতিভোজিতঃ| তথা, অগ্নিতাপশ্চাতপশ্চ, তাভ্যাং স্বিন্নঃ| তথা, জানুতুল্যে উচ্চাসনে, সংস্থিতঃ-সমুপবিষ্টঃ| তথা, মৃদুনা-সূক্ষ্মেণ, বস্ত্রপট্টেনাত্তো-গৃহীতো বদ্ধঃ কেশান্তো যস্য স এবম্| তথা, জানুনোঃ স্থাপিতৌ কূর্পরৌ যেন স এবম্| তথা, মুষ্টিভ্যাং বস্ত্রগর্ভাভ্যাং মন্যেঽতিশযেন পীডযেত্| তথা, দন্তপ্রপীডনাদীন্যাচরেত্| এনং চাতুরং পৃষ্ঠদেশে বসনমাবেষ্টযন্নরো যন্ত্রযেত্| কথম্ ? গ্রীবাযাং বস্ত্রং পরিক্ষিপ্য, তথাঽন্তঃ-মধ্যে, বামতর্জনীং ন্যস্য| সিরাণাং যন্ত্রণ এষ বিধিঃ-এতদ্বিধানম্| কিম্ভূতানাম্ ? অন্তর্মুখবর্জ্যানাম্|
আযুর্বেদরসাযনম্ ব্যাখ্যা ( কৃত)
আ০ র০-শিরাব্যধবিধিমাহ-অথেতি| অল্পং স্নিগ্ধং রসান্নং-স্নিগ্ধরসান্নপ্রতি| "সুপ্প্রতিনা মাত্রার্থে" ইত্য্ব্যযীভাবঃ| সঙ্গ্রহে তু (সূ.অ. ৩৬)-"ব্যাধিবলসাত্ম্যাদ্যপেক্ষ্য স্নিগ্ধং জাঙ্গলরসং যবাগূং বা পাযযিত্বা মুহূর্তমাত্রমাশ্বাসিতং পূর্বাহ্ণেঽপরাহ্ণে বা|" ইতি|
Adhikarana সিরোত্থাপনবিধিঃ (২৩) · Śloka ২৩
ততো মধ্যমযাঽঙ্গুল্যা বৈদ্যোঽঙ্গুষ্ঠবিমুক্তযা| তাডযেত্|২৩|
ततो मध्यमयाऽङ्गुल्या वैद्योऽङ्गुष्ठविमुक्तया| ताडयेत्|२३|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-ততো-যন্ত্রণাদনন্তরং, বৈদ্যোঽঙ্গুষ্ঠবিমুক্তযা বামপাণিজযা মধ্যমযাঽঙ্গুল্যা তাডযেত্|
আযুর্বেদরসাযনম্ ব্যাখ্যা ( কৃত)
আ০ র০-শিরোত্থাপনবিধিমাহ-তত ইতি|
Adhikarana সিরালক্ষীকরণবিধিঃ সিরামোক্ষণবিধিঃ (২৩-২৫) · Śloka ২৫
| উত্থিতাং জ্ঞাত্বা স্পর্শাদ্বাঽঙ্গুষ্ঠপীডনৈঃ||২৩|| কুঠার্যা লক্ষযেন্মধ্যে বামহস্তগৃহীতযা| ফলোদ্দেশে সুনিষ্কম্পং সিরাং, তদ্বচ্চ মোক্ষযেত্||২৪|| তাডযন্ পীডযংশ্চৈনাং| |২৫|
| उत्थितां ज्ञात्वा स्पर्शाद्वाऽङ्गुष्ठपीडनैः||२३|| कुठार्या लक्षयेन्मध्ये वामहस्तगृहीतया| फलोद्देशे सुनिष्कम्पं सिरां, तद्वच्च मोक्षयेत्||२४|| ताडयन् पीडयंश्चैनां| |२५|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-স্পর্শেন তথাঽঙ্গুষ্ঠপীডনৈর্বোত্থিতাং জ্ঞাত্বা, ঊর্ধ্বদণ্ডসিরাযা মধ্যে ন্যস্য ফলোদ্দেশে সুনিষ্কম্পং বামহস্তগৃহীতযা কুঠার্যা সিরাং লক্ষযেত্| তদ্বচ্চ মোক্ষযেত্| যথৈব লক্ষযেত্তথৈবেত্যর্থঃ| ব্রীহিমুখেন পুনস্তাডযন্-ব্যথযন্, তথাঽঙ্গুষ্ঠাদিনা পীডযন্, এনাং-কুঠারিকাবিষযজাং সিরাং, বিধ্যেত্| ননু, কুঠারিকাবিষযে কথং ব্রীহিবক্ত্রস্য প্রযোগঃ ? যতঃ 'অপবাদবিষযং পরিহৃত্যোত্সর্গঃ প্রবর্ততে' ইতি ন্যাযাত্ ব্রীহিবক্ত্রস্যৈব সামান্যেন প্রযোগোঽনুজ্ঞাতঃ| তথা চাহ (হৃ. সূ. অ. ২৬|১১)- "ব্রীহিবক্ত্রং প্রযোজ্যং চ তত্সিরোদরযোর্ব্যধে|" ইতি| কুঠার্যাঃ পুনর্বিশেষোঽভিহিতঃ (হৃ. সূ. অ. ২৬|১২)-"তযোর্ধ্বদণ্ডযাবিধ্যেদুপর্যস্থ্নাং স্থিতাং শিরাম্|" ইতি| তস্মাদযুক্তমেতত্| অত্রোচ্যতে জ্ঞাপকম্| কুঠারিকাবিষযে ব্রীহিবক্ত্রস্য প্রযোগো ন্যায্য এব| যদযমাচার্যো বক্ষ্যতি (শ্লো.৩৩)-"মাংসলে নিক্ষিপেদ্দেশে ব্রীহাস্যং ব্রীহিমাত্রকম্|" ইতি| অনেন হি বচনেন গ্রন্থকার ইদং প্রত্যপাদযত্,- বহুমাংসে শরীরাবযবে ব্রীহিমুখং ব্রীহিমাত্রং নিক্ষেপ্যম্, অন্যত্র ত্বাশযানুরোধেন ব্রীহিবক্ত্রস্য প্রযোগঃ কার্য ইতি| অনেনৈবাভিপ্রাযেণ শাস্ত্রকৃতা "প্রমাণপরিমাণাভ্যাং সঙ্খ্যাযাশ্চাপি সংশযে মাত্রচ্ বক্তব্যঃ ইত্যনেন মাত্রচ্ কৃতঃ| অন্যথা তু স্পষ্টং কৃত্বা "ব্রীহিপ্রমাণং ব্রীহ্যাস্যং মাংসলে নিক্ষিপেদ্ব্যধে|" ইতি পাঠং কুর্যাত্| তস্মাদ্যুক্তো ব্রীহিমুখস্য কুঠারিকাবিষযে প্রযোগ ইতি|
আযুর্বেদরসাযনম্ ব্যাখ্যা ( কৃত)
আ০ র০-শিরালক্ষীকরণবিধিমাহ-উত্থিতামিতি| উত্থিতাং-স্পন্দমানাং, স্পর্শেন জ্ঞাত্বা| গম্ভীরাং ত্বঙ্গুষ্ঠপীডনেন জ্ঞাত্বা| ফলোদ্দেশে বামেন হস্তেন সুনিষ্কম্পং গৃহীতযা কুঠার্যা মধ্যে লক্ষযেত্| শিরামোক্ষণবিধিমাহ-তদ্বদিতি| এনাং-কুঠারিকাং, অঙ্গুষ্টগৃহীতযা মধ্যমাঙ্গুল্যা তাডযন্, অঙ্গুষ্ঠোদরেণ বা পীডযন্, শিরাং মোক্ষযেত্|
Adhikarana উপনাসিকাযা ব্যধনম্ (২৫) · Śloka ২৫
বিধ্যেদ্ব্রীহিমুখেন তু| অঙ্গুষ্ঠেনোন্নময্যাগ্রে নাসিকামুপনাসিকাম্||২৫||
विध्येद्व्रीहिमुखेन तु| अङ्गुष्ठेनोन्नमय्याग्रे नासिकामुपनासिकाम्||२५||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-অগ্রে-অগ্রদেশে, নাসিকামঙ্গুষ্ঠেনোন্নময্য, উপনাসিকাং- নাসিকাসন্নদেশস্থাং সিরাং, বিধ্যেত্|
আযুর্বেদরসাযনম্ ব্যাখ্যা ( কৃত)
আ০ র০-উপনাসিকাযা ব্যধনমাহ-বিধ্যেদিতি|
Adhikarana জিহ্বাধঃ সিরাব্যধম্ (২৬) · Śloka ২৬
অভ্যুন্নতবিদষ্টাগ্রজিহ্বস্যাধস্তদাশ্রযাম্| |২৬|
अभ्युन्नतविदष्टाग्रजिह्वस्याधस्तदाश्रयाम्| |२६|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-আভিমুখ্যেনোন্নতা-উপরি তালুদেশে নীতা, তথা বিশেষেণ দন্তৈর্দষ্টা-বিদষ্টা, অগ্রে জিহ্বা-অগ্রজিহ্বা, যেনাসাবভ্যুন্নতবিদষ্টাগ্রজিহ্বঃ, তস্যাধঃ-প্রকৃতত্বাজ্জিহ্বাযা এবাধস্তাত্, তদাশ্রযাং-জিহ্বাধঃস্থাং সিরাং বিধ্যেত্| তদিত্যনেন জিহ্বাধঃ পরামৃশ্যতে| জিহ্বাধ আশ্রযো যস্যাঃ সিড়্রাযাঃ, তাম্|
আযুর্বেদরসাযনম্ ব্যাখ্যা ( কৃত)
আ০ র০-জিহ্বাধঃ শিরাব্যধনমাহ-অভ্যুন্নতেতি|
Adhikarana গ্রীবাসিরাণাং যন্ত্রণম্ (২৬) · Śloka ২৬
| যন্ত্রযেত্স্তনযোরূর্ধ্বং গ্রীবাশ্রিতসিরাব্যধে||২৬||
| यन्त्रयेत्स्तनयोरूर्ध्वं ग्रीवाश्रितसिराव्यधे||२६||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-গ্রীবাশ্রিতানাং সিরাণাং ব্যধো-গ্রীবাশ্রিতসিরাব্যধঃ, তস্মিন্ স্তনযোরূর্ধ্বং যন্ত্রযেত্-বাসসা বেষ্টযেত্|
আযুর্বেদরসাযনম্ ব্যাখ্যা ( কৃত)
আ০ র০-গ্রীবাশিরাণাং যন্ত্রণমাহ-যন্ত্রযেদিতি|
Adhikarana ভুজসিরাণং যন্ত্রণম্ (২৭) · Śloka ২৭
পষাণগর্ভহস্তস্য জানুস্থে প্রসৃতে ভুজে| কুক্ষেরারভ্য মৃদিতে বিধ্যেদ্বদ্ধোর্ধ্বপট্টকে||২৭||
पषाणगर्भहस्तस्य जानुस्थे प्रसृते भुजे| कुक्षेरारभ्य मृदिते विध्येद्बद्धोर्ध्वपट्टके||२७||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-পাষাণগর্ভৌ হস্তৌ যস্য, তস্য নরস্য ভুজে জানুস্থে-জানুপৃষ্ঠস্থিতে, প্রসৃতে-প্রসারিতে| 'ভুজে' ইত্যেকবচনমতন্ত্রম্, দ্বাবপি হি ভুজৌ গৃহ্যেতে| কুক্ষেরারভ্য যাবদ্গ্রীবং তাবন্মৃদিতে- মলিতে| কস্মিন্ ? গ্রীবাশ্রিতসিরাব্যর্ধার্হেঽঙ্গে| তথা বদ্ধ ঊর্ধ্বং পট্টকো যস্মিংস্তস্মিন্ বিধ্যেত্| প্রকৃতত্বাত্ সিরাম্|
আযুর্বেদরসাযনম্ ব্যাখ্যা ( কৃত)
আ০ র০-ভুজশিরাণাং যন্ত্রণমাহ-পাষাণগর্ভহস্তস্যেতি|
Adhikarana হস্তসিরাণাং যন্ত্রণম্ (২৮-২৯) · Śloka ২৯
বিধ্যেদ্ধস্তশিরাং বাহাবনাকুঞ্চিতকূর্পরে| বদ্ধ্বা সুখোপবিষ্টস্য মুষ্টিমঙ্গুষ্ঠগার্ভিণম্||২৮|| ঊর্ধ্বং বেধ্যপ্রদেশাচ্চ পট্টিকাং চতুরঙ্গুলে| |২৯|
विध्येद्धस्तशिरां बाहावनाकुञ्चितकूर्परे| बद्ध्वा सुखोपविष्टस्य मुष्टिमङ्गुष्ठगार्भिणम्||२८|| ऊर्ध्वं वेध्यप्रदेशाच्च पट्टिकां चतुरङ्गुले| |२९|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-হস্তসিরাং বিধ্যেত্| কথম্ ? বাহাবনাকুঞ্চিতকূর্পরে,-অনাকুঞ্চিতঃ-প্রসারিতঃ, কূর্পরো যস্য বাহোস্তস্মিন্| তথা, সুখোপবিষ্টস্য-সুখাসীনস্য| তথা, মুষ্টিং বদ্ধ্বা| কিম্ভূতম্ ? অঙ্গুষ্ঠেন গর্ভিণং-অঙ্গুষ্ঠগর্ভিণম্| গূঢাঙ্গুষ্ঠং মুষ্টিং বদ্ধ্বেত্যর্থঃ| তথা, বেধ্যস্থানাদুপরি চতুরঙ্গুলপরিমাণে স্থানে পট্টিকাং বদ্ধ্বা বিধ্যেত্|
আযুর্বেদরসাযনম্ ব্যাখ্যা ( কৃত)
আ০ র০-হস্তশিরাণাং যন্ত্রণবিধিমাহ-বিধ্যেদিতি|
Adhikarana পার্শ্বসিরাণাং যন্ত্রণম্ (২৯) · Śloka ২৯
| বিধ্যেদালম্বমানস্য বাহুভ্যাং পার্শ্বযোঃ সিরাম্||২৯||
| विध्येदालम्बमानस्य बाहुभ्यां पार्श्वयोः सिराम्||२९||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-বাহুভ্যামালম্বমানস্য-অবলম্ব্যং বস্তু ভুজাভ্যামাসজতঃ পার্শ্বযোঃ সিরাং বিধ্যেত্|
আযুর্বেদরসাযনম্ ব্যাখ্যা ( কৃত)
আ০ র০-পার্শ্বশিরাণাং যন্ত্রণমাহ-বিধ্যেদিতি|
Adhikarana মেঢ্রসিরাণাং যন্ত্রণম্ (৩০) · Śloka ৩০
প্রহৃষ্টে মেহনে| |৩০|
प्रहृष्टे मेहने| |३०|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-প্রহৃষ্টে-স্তব্ধে, মেঢ্রে তদাশ্রিতাং সিরাং বিধ্যেত্|
আযুর্বেদরসাযনম্ ব্যাখ্যা ( কৃত)
আ০ র০-মেঢ্রশিরাণাং যন্ত্রণমাহ-প্রহৃষ্ট ইতি|
Adhikarana জঙ্ঘাসিরাণাং যন্ত্রণম্ (৩০) · Śloka ৩০
জঙ্ঘাসিরাং জানুন্যকুঞ্চিতে| |৩০|
जङ्घासिरां जानुन्यकुञ्चिते| |३०|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-জানুন্যকুঞ্চিতে স্পষ্টে স্থিতে সতি, জঙ্ঘাযাং সিরাং বিধ্যেত্|
আযুর্বেদরসাযনম্ ব্যাখ্যা ( কৃত)
আ০ র০-জঙ্ঘাশিরাণাং যন্ত্রণমাহ-জঙ্ঘাশিরামিতি|
Adhikarana পাদসিরাণাং যন্ত্রণম্ (৩০-৩২) · Śloka ৩২
| পাদে তু সুস্থিতেঽধস্তাজ্জানুসন্ধের্নিপীডিতে||৩০|| গাঢং করাভ্যামাগুল্ফং চরণে তস্য চোপরি| দ্বিতীযে কুঞ্চিতে কিঞ্চিদারূঢে হস্তবত্ততঃ||৩১|| বদ্ধ্বা বিধ্যেত্সিরাম্| |৩২|
| पादे तु सुस्थितेऽधस्ताज्जानुसन्धेर्निपीडिते||३०|| गाढं कराभ्यामागुल्फं चरणे तस्य चोपरि| द्वितीये कुञ्चिते किञ्चिदारूढे हस्तवत्ततः||३१|| बद्ध्वा विध्येत्सिराम्| |३२|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-সুখং কৃত্বা ভূম্যাদিদেশে স্থিতে পাদে সতি পাদসিরাং বিধ্যেত্| তথা জানুসন্ধেরধস্তাদাগুল্ফং-গুল্ফং যাবত্, করাভ্যাং গাঢং কৃত্বা পীডিতে সতি, তস্য চরণস্যোপরি-উপরিষ্টাত্ দ্বিতীযে চরণ ঈষত্সঙ্কুচিতে, তথা আরূঢে-তত্কলিতে সতি, ততো হস্তবত্-বেধ্যস্থানাদুপরি চতুরঙ্গুলে পট্টিকাং, বদ্ধ্বা সিরাং বিধ্যেত্|
আযুর্বেদরসাযনম্ ব্যাখ্যা ( কৃত)
আ০ র০-পাদশিরাণাং যন্ত্রণমাহ-পাদে ত্বিতি| হস্তবদ্বেধ্যপ্রদেশাদূর্ধ্বং চতুরঙ্গুলে পট্টিকাং বদ্ধ্বা|
Adhikarana অনুক্তসিরাণাং যন্ত্রণম্ (৩২) · Śloka ৩২
ইত্থমনুক্তেষ্বপি কল্পযেত্| তেষু তেষু প্রদেশেষু তত্তদ্যন্ত্রমুপাযবিত্||৩২||
इत्थमनुक्तेष्वपि कल्पयेत्| तेषु तेषु प्रदेशेषु तत्तद्यन्त्रमुपायवित्||३२||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-ইত্থং-অনেন প্রকারেণ যন্ত্রলক্ষণোদ্দেশেন, অনুক্তমপি যন্ত্রং তত্তদ্দেশমাহাত্ম্যাত্ ক্রিযাসৌকর্যার্থং তেষু তেষু শরীরাবযবেষু স্ববুদ্ধ্যা তত্তদ্যন্ত্রং যথাযোগং কল্পযেত্, উপাযজ্ঞো বৈদ্যঃ|
আযুর্বেদরসাযনম্ ব্যাখ্যা ( কৃত)
আ০ র০-অনুক্তশিরাণাং যন্ত্রণমাহ-ইত্থমিতি|
Adhikarana ব্রীহিমুখস্য নিখননম্ কুঠারিকাযা নিখননম্ (৩৩) · Śloka ৩৩
মাংসলে নিক্ষিপেদ্দেশে ব্রীহ্যাস্যং ব্রীহিমাত্রকম্| যবার্ধমস্থ্নামুপরি সিরাং বিধ্যন্ কুঠারিকাম্||৩৩||
मांसले निक्षिपेद्देशे व्रीह्यास्यं व्रीहिमात्रकम्| यवार्धमस्थ्नामुपरि सिरां विध्यन् कुठारिकाम्||३३||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-মাংসলে শরীরাবযবে ব্রীহিমুখং শস্ত্রং ব্রীহিপ্রমাণং নিক্ষিপেত্| অস্থ্নামুপরি কুঠারিকাং যবার্ধমাত্রাং নিক্ষিপেত্| কিং কুর্বন্ ? সিরাং বিধ্যন্|
আযুর্বেদরসাযনম্ ব্যাখ্যা ( কৃত)
আ০ র০-ব্রীহিমুখস্য নিখননমাহ-মাংসল ইতি| কুঠারিকাযা নিখননমাহ-যবার্ধমিতি|
Adhikarana সম্যগ্বিদ্ধালক্ষণম্ (৩৪) · Śloka ৩৪
সম্যগ্বিদ্ধা স্রবেদ্ধারাং যন্ত্রে মুক্তে তু ন স্রবেত্| |৩৪|
सम्यग्विद्धा स्रवेद्धारां यन्त्रे मुक्ते तु न स्रवेत्| |३४|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-সম্যগ্বিদ্ধে সতি(দ্বা সতী) ধারাং স্রবেত্| যন্ত্রে চ মুক্তে সতি ন স্রবেত্|
আযুর্বেদরসাযনম্ ব্যাখ্যা ( কৃত)
আ০ র০-সম্যগ্বিদ্ধালক্ষণমাহ-সম্যগ্বিদ্ধ ইতি|
Adhikarana দুর্বিদ্ধালক্ষণম্ অতিবিদ্ধালক্ষণম্ (৩৪-৩৫) · Śloka ৩৫
| অল্পকালং বহত্যল্পং, দুর্বিদ্ধা তৈলচূর্ণনৈঃ||৩৪|| সশব্দমতিবিদ্ধা তু স্রবেদ্দুঃখেন ধার্যতে| |৩৫|
| अल्पकालं वहत्यल्पं, दुर्विद्धा तैलचूर्णनैः||३४|| सशब्दमतिविद्धा तु स्रवेद्दुःखेन धार्यते| |३५|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-অল্পং বিদ্ধা সতী সিরা স্তোকং কালং বহতি| দুর্বিদ্ধা-অসম্যগ্বিদ্ধা সতী, সিরা তৈলযুক্তৈশ্চূর্ণনৈঃ স্রবেত্| অতিবিদ্ধা তু সিরা সশব্দং স্রবেত্| দুঃখেন-কৃচ্ছ্রেণ ধার্যতে|
আযুর্বেদরসাযনম্ ব্যাখ্যা ( কৃত)
আ০ র০-দুর্বিদ্ধালক্ষণমাহ-অল্পকালমিতি| তৈলচূর্ণেনৈঃ-তৈলক্ষারসেচনৈঃ| অতিবিদ্ধালক্ষণমাহ-সশব্দমিতি|
Adhikarana রক্তাবরোধকারণানি (৩৫-৩৬) · Śloka ৩৬
| ভীমূর্চ্ছাযন্ত্রশৈথিল্যকুণ্ঠশস্ত্রাতিতৃপ্তযঃ||৩৫|| ক্ষামত্ববেগিতাস্বেদা রক্তস্যাস্রুতিহেতবঃ| |৩৬|
| भीमूर्च्छायन्त्रशैथिल्यकुण्ठशस्त्रातितृप्तयः||३५|| क्षामत्ववेगितास्वेदा रक्तस्यास्रुतिहेतवः| |३६|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-ভীমূর্ছাদযো রক্তস্যাস্রবণহেতবঃ| ভীঃ-ভযম্| মূর্চ্ছা-মোহস্তমসীব প্রবেশঃ| যন্ত্রশৈথিল্যম্-অগাঢং কৃত্বা যন্ত্রপীডনম্| তথা, কুণ্ঠং-ভগ্নং শস্ত্রম্| তথা, অতিতৃপ্তিঃ-অতিসৌহিত্যম্| ক্ষামত্বং-নির্বলতা| বেগিতা-সঞ্জাতবেগত্বম্| অস্বেদঃ-স্বেদাযোগঃ| যতশ্চৈতে রুধিরস্যাস্রুতিহেতবস্ততো রক্তস্রুতাবেতে পরিহার্যাঃ|
আযুর্বেদরসাযনম্ ব্যাখ্যা ( কৃত)
আ০ র০-রক্তাবরোধকারণান্যাহ-ভীমূর্চ্ছেতি| বেগিতা-মূত্রিতত্বাদিঃ| অস্বেদো-অসম্যক্স্বেদঃ|
Adhikarana সম্যক্স্রাবার্থমৌষধম্ (৩৬-৩৭) · Śloka ৩৭
| অসম্যগস্ত্রে স্রবতি বেল্লব্যোষনিষানতৈঃ||৩৬|| সাগারধূমলবণতৈলৈর্দিহ্যাচ্ছিরামুখম্| |৩৭|
| असम्यगस्त्रे स्रवति वेल्लव्योषनिषानतैः||३६|| सागारधूमलवणतैलैर्दिह्याच्छिरामुखम्| |३७|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-অসম্যগস্ত্রে স্রবতি বেল্লাদিভিঃ সিরাবদনং দিহ্যাত্ প্রলেপযেত্|
আযুর্বেদরসাযনম্ ব্যাখ্যা ( কৃত)
আ০ র০-সম্যক্স্রাবার্থমৌষধমাহ-অসম্যগস্র ইতি|
Adhikarana সম্যক্স্রাবনির্বাহার্থমৌষধম্ (৩৭) · Śloka ৩৭
| সম্যক্প্রবৃত্তে কোষ্ণেন তৈলেন লবণেন চ||৩৭||
| सम्यक्प्रवृत्ते कोष्णेन तैलेन लवणेन च||३७||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-সম্যক্প্রবৃত্তে রক্তে সিরামুখং কোষ্ণাভ্যাং তৈললবণাভ্যাং দিহ্যাত্|
আযুর্বেদরসাযনম্ ব্যাখ্যা ( কৃত)
আ০ র০-সম্যক্স্রাবনির্বাহার্থমৌষধমাহ-সম্যক্প্রবৃত্ত ইতি| দিহ্যাদিত্যনুষজ্যতে|
Adhikarana দুষ্ঠাস্রমেবাগ্রে সিরাঃ স্রবন্তি (৩৮) · Śloka ৩৮
অগ্রে স্রবতি দুষ্টাস্রং কুসুম্ভাদিব পীতিকা| |৩৮|
अग्रे स्रवति दुष्टास्रं कुसुम्भादिव पीतिका| |३८|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-যথা রাগপীতিকামিশ্রীভূতাত্ কুসুম্ভাদগ্রে-পূর্বং, পীতিকা স্রবতি, এবং দুষ্টাদুষ্টরক্তাদেকলোলীভূতাত্ পূর্বং দুষ্টমস্রং স্রবতি|
আযুর্বেদরসাযনম্ ব্যাখ্যা ( কৃত)
আ০ র০-অগ্রগ্রহণাত্ পশ্চাদদুষ্টমপি রক্তমবশ্যং স্রবতীত্যাশঙ্ক্যেদমাহ-স্বভাবাদ্দুষ্টাস্রমেবাগ্রে শিরাঃ স্রবন্তীত্যাহ অগ্র ইতি|
Adhikarana স্বযং স্থিতং রক্তং নাহরেত্ (৩৮) · Śloka ৩৮
| সম্যক্স্রুত্বা স্বযং তিষ্ঠেচ্ছুদ্ধং তদিতি নাহরেত্||৩৮||
| सम्यक्स्रुत्वा स्वयं तिष्ठेच्छुद्धं तदिति नाहरेत्||३८||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-যথাবত্প্রস্রুত্য স্বযং-যত্নেন বিনা, যত্ তিষ্ঠেত্-ন স্রবেত্, শুদ্ধং তদিতি নাহরেত্-ন স্রাবযেত্, জীবিতহেতুত্বাত্|
আযুর্বেদরসাযনম্ ব্যাখ্যা ( কৃত)
আ০ র০-সম্যক্স্রুত্বা যত্স্বযং স্থিতং রক্তং তচ্ছুদ্ধত্বান্নাহরেদিত্যাহ-সম্যক্স্রুত্বেতি|
Adhikarana মূর্চ্ছাযাং প্রতীকারঃ (৩৯) · Śloka ৩৯
যন্ত্রং বিমুচ্য মূর্চ্ছাযাং বীজিতে ব্যজনৈঃ পুনঃ| স্রাবযেন্মূর্চ্ছতি পুনস্ত্বপরেদ্যুস্ত্র্যহেঽপি বা||৩৯||
यन्त्रं विमुच्य मूर्च्छायां वीजिते व्यजनैः पुनः| स्रावयेन्मूर्च्छति पुनस्त्वपरेद्युस्त्र्यहेऽपि वा||३९||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-মূর্চ্ছাযাং সত্যাং যন্ত্রং বিমুচ্য ব্যজনৈর্বীজিতে-সমাশ্বস্তেনরে সতি, পুনরস্রং স্রাবযেত্| পুনর্মূর্চ্ছতি ত্বাতুরেঽশুদ্ধমপি রক্তং তস্মিন্নহনি ন স্রাবযেত্| কদা তর্হি স্রাবযেত্ ? ইত্যাহ-অপরেদ্যুঃ,-অন্যস্মিন্ দিনে, ত্র্যহেঽপি বা-তৃতীযে বাঽহ্নি, স্রাবযেত্|
আযুর্বেদরসাযনম্ ব্যাখ্যা ( কৃত)
আ০ র০-মূর্চ্ছাযাং প্রতীকারমাহ-যন্ত্রমিতি| পুনর্মূর্চ্ছাযামপরদিনাদৌ স্রাবযেদিত্যাহ-স্রাবযেদিতি|
Adhikarana বাতদুষ্টরক্তস্য লক্ষণম্ (৪০) · Śloka ৪০
বাতাচ্ছ্যাবারুণং রূক্ষং বেগস্রাব্যচ্ছফেনিলম্| |৪০|
वाताच्छ्यावारुणं रूक्षं वेगस्राव्यच्छफेनिलम्| |४०|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-বাতাত্ শ্যাবাদিলক্ষণং রক্তং স্যাত্|
আযুর্বেদরসাযনম্ ব্যাখ্যা ( কৃত)
আ০ র০-বাতদুষ্টরক্তস্য লক্ষণমাহ-বাতাদিতি|
Adhikarana পিত্তদুষ্টরকস্য লক্ষণম্ (৪০) · Śloka ৪০
| পিত্তাত্ পীতাসিতং বিস্রমস্কন্দ্যৌষ্ণ্যাত্সচন্দ্রিকম্||৪০||
| पित्तात् पीतासितं विस्रमस्कन्द्यौष्ण्यात्सचन्द्रिकम्||४०||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-পিত্তাত্ পীতাদিলক্ষণমস্রং স্যাত্| অস্কন্দি-অস্ত্যানম্, উষ্ণত্বাত্| সচন্দ্রিকং চ|
আযুর্বেদরসাযনম্ ব্যাখ্যা ( কৃত)
আ০ র০-পিত্তদুষ্টরক্তস্য লক্ষণমাহ-পিত্তাদিতি| ঔষ্ণ্যাদস্কন্দি-ঘনীভাবরহিতম্|
Adhikarana কফদুষ্টরক্তস্য লক্ষণম্ (৪১) · Śloka ৪১
কফাত্ স্নিগ্ধমসৃক্পাণ্ডু তন্তুমত্পিচ্ছিলং ঘনম্| |৪১|
कफात् स्निग्धमसृक्पाण्डु तन्तुमत्पिच्छिलं घनम्| |४१|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-কফাত্ স্নিগ্ধাদিলক্ষণমসৃক্ স্যাত্|
আযুর্বেদরসাযনম্ ব্যাখ্যা ( কৃত)
আ০ র০-কফদুষ্টরক্তস্য লক্ষণমাহ-কফাদিতি| ঘনংস্রাবরহিতম্|
Adhikarana দ্বন্দ্বদুষ্টরক্তস্য লক্ষণম্ (৪১) · Śloka ৪১
| সংসৃষ্টলিঙ্গং সংসর্গাত্|৪১|
| संसृष्टलिङ्गं संसर्गात्|४१|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-সংসর্গাদ্দোষাণাং সংসৃষ্টলিঙ্গং রক্তং স্যাত্|
আযুর্বেদরসাযনম্ ব্যাখ্যা ( কৃত)
আ০ র০-দ্বন্দ্বদুষ্টরক্তস্য লক্ষণমাহ-সংসৃষ্টলিঙ্গমিতি|
Adhikarana ত্রিদোষদুষ্টরক্তস্য লক্ষণম্ (৪১) · Śloka ৪১
| ত্রিদোষং মলিনাবিলম্||৪১||
| त्रिदोषं मलिनाविलम्||४१||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-ত্রিদোষরক্তং মলিনং-কলুষং, আবিলং-ঘনং চ| এতচ্চ দোষত্রযসংসর্গলক্ষণাদধিকং লক্ষণং মন্তব্যম্| ন চৈতাবদেব ত্রিদোষলক্ষণং মন্তব্যম্|
আযুর্বেদরসাযনম্ ব্যাখ্যা ( কৃত)
আ০ র০-ত্রিদোষদুষ্টরক্তস্য লক্ষণমাহ-ত্রিদোষমিতি| মলিনং-নীলম্| আবিলং-কলুষম্| সঙ্গ্রহে তু (সূ.অ. ৩৬)-"কষাযরসং লোহগন্ধি শীতং চ রক্তং বাতাত্| গৃহধূমাঞ্জনোদককৃষ্ণং হরিতং মত্স্যগন্ধি কটুত্বান্মক্ষিকানিষ্ঠং গোমূত্রাভং চ পিত্তাত্| কোবিদারপুষ্পগৈরিকোদকপাণ্ডু শীতং স্কন্দি ব্রণদ্বারা বসাদিলবণরসং বসাগন্ধি চ কফাত্| কাংস্যনীলং দুর্গন্ধি চ সন্নিপাতাত্|" ইতি|
Adhikarana স্রাবপ্রমাণম্ (৪২) · Śloka ৪২
অশুদ্ধৌ বলিনোঽপ্যস্রং ন প্রস্থাত্স্রাবযেত্পরম্| অতিস্রুতৌ হি মৃত্যুঃ স্যাদ্দারুণা বা চলামযাঃ||৪২||
अशुद्धौ बलिनोऽप्यस्रं न प्रस्थात्स्रावयेत्परम्| अतिस्रुतौ हि मृत्युः स्याद्दारुणा वा चलामयाः||४२||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-অশুদ্ধমস্রং বলিনোঽপি-কিং পুনরবলিনঃ, প্রস্থাত্ পরং-অধিকং, ন স্রাবযেত্| { কস্মাত্ ? ইত্যাহ- } অতিস্রাবে হি রক্তস্য, মৃত্যুর্ভবেত্| অথবা বাতরোগাশ্চ কৃচ্ছ্রাঃ স্যুঃ|
আযুর্বেদরসাযনম্ ব্যাখ্যা ( কৃত)
আ০ র০-স্রাবপ্রমাণমাহ-অশুদ্ধাবিতি| অশুদ্ধৌ-কিং পুনঃ শুদ্ধৌ| বলিনোঽপি-কিং পুনরবলস্য| প্রস্থোঽত্র সার্দ্ধত্রযোদশপলঃ|
Adhikarana অতিস্রাবে ভেষজম্ (৪৩) · Śloka ৪৩
তত্রাভ্যঙ্গরসক্ষীররক্তপানানি ভেষজম্| |৪৩|
तत्राभ्यङ्गरसक्षीररक्तपानानि भेषजम्| |४३|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-তত্র-রক্তাতিস্রুতৌ, অভ্যঙ্গাদীনি ভেষজম্|
আযুর্বেদরসাযনম্ ব্যাখ্যা ( কৃত)
আ০ র০-অতিস্রাবে ভেষজমাহ-তত্রেতি|
Adhikarana স্রুতরক্তস্যানন্তরং কৃত্যম্ (৪৩-৪৪) · Śloka ৪৪
| স্রুতে রক্তে শনৈর্যন্ত্রমপনীয হিমাম্বুনা||৪৩|| প্রক্ষাল্য তৈলপ্লোতাক্তং বন্ধনীযং সিরামুখম্| |৪৪|
| स्रुते रक्ते शनैर्यन्त्रमपनीय हिमाम्बुना||४३|| प्रक्षाल्य तैलप्लोताक्तं बन्धनीयं सिरामुखम्| |४४|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-স্রুতে রক্তে সতি যন্ত্রং শনৈর্বিমুর্চ্য-মন্দং মন্দমপনীয, সিরামুখং শীতোদকেন প্রক্ষাল্য, তৈলপ্লোতেনাক্তং সদ্বন্ধনীযম্|
আযুর্বেদরসাযনম্ ব্যাখ্যা ( কৃত)
আ০ র০-স্রুতরক্তস্থানন্তরং কৃত্যমাহ-স্রুত ইতি| প্লোতং-বস্ত্রখণ্ডম্|
Adhikarana অসম্যক্শুদ্ধৌপুনঃ স্রাবকালঃ (৪৪-৪৫) · Śloka ৪৫
| অশুদ্ধং স্রাবযেদ্ভূযঃ সাযমহ্ন্যপরেঽপি বা||৪৪|| স্নেহোপস্কৃতদেহস্য পক্ষাদ্বা ভৃশদূষিতম্| |৪৫|
| अशुद्धं स्रावयेद्भूयः सायमह्न्यपरेऽपि वा||४४|| स्नेहोपस्कृतदेहस्य पक्षाद्वा भृशदूषितम्| |४५|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-অশুদ্ধং-বাতাদিদুষ্টরুধিরলক্ষণেন দুষ্টং জ্ঞাত্বা, ভূযঃ-পুনঃ, স্রাবযেত্| কদা ? সাযং-অপরাহ্নে, তস্মিন্নেব দিনে| অথবা, অপরেঽহ্নি-দ্বিতীযে দিনে| অথবা স্নেহেনোপস্কৃতোভাবিতো, দেহো যস্য তথাবিধস্য ভৃশদূষিতং-অতিশযেন দুষ্টং রক্তং, পক্ষাদূর্ধ্বং পুনঃ স্রাবযেত্| এবমশুদ্ধং রক্তং যথাযোগং সাযমহ্ন্যপরে পক্ষাদূর্ধ্বং বা প্রস্থপরিমাণমেব স্রাবযেন্ন ততোঽধিকমিতি রক্তস্রুতৌ ক্রমঃ| প্রস্থপরিমাণং চ তন্ত্রান্তরে গদিতম্ "বমনে চ বিরেকে চ রক্তাতীসারযোরপি| সার্দ্ধত্রযোদশপলং প্রস্থমাহুর্মনীষিণঃ||" ইতি|
আযুর্বেদরসাযনম্ ব্যাখ্যা ( কৃত)
আ০ র০-কিঞ্চিচ্ছেষং দুষ্টরক্তং স্থাপযেদুত সর্বং স্রাবযেত্ ? ইতি সংশযাপনোদার্থমিদমাহ-[প্রথমস্রাবেণাসম্যক্ শুদ্ধৌ] পুনঃ স্রাবকালমাহ-অশুদ্ধমিতি| ভৃশদূষিতং তু পুনঃ স্নেহযিত্বা পক্ষাত্ স্রাবযেত্|
Adhikarana কিঞ্চিদ্দুষ্টরক্তশেষেঽপি ন স্রুতিঃ (৪৫-৪৬) · Śloka ৪৬
| কিঞ্চিদ্ধি শেষে দুষ্টাস্রে নৈব রোগোঽতিবর্ততে||৪৫|| সশেষমপ্যতো ধার্যং ন চাতিস্রুতিমাচরেত্| |৪৬|
| किञ्चिद्धि शेषे दुष्टास्रे नैव रोगोऽतिवर्तते||४५|| सशेषमप्यतो धार्यं न चातिस्रुतिमाचरेत्| |४६|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-যস্মাত্ কিঞ্চিচ্ছেষে দুষ্টরক্তে নৈব রোগো-দুষ্টরক্তোদ্ভবো ব্যাধিঃ, অতিবর্ততে-ক্রিযাপথমতিক্রম্য মার্গান্তরমসৌ নাসাদযতি| অতো দুষ্টমপি রক্তং সশেষং ধার্যম্| নাস্য দুষ্টরক্তস্যাতিস্রুতিমাচরেত্, প্রাণাযতনত্বাত্| সুশ্রুতোঽপ্যধ্যগীষ্ট (?) "সশেষং দুষ্টরুধিরমপি কুর্যাদ্বিচক্ষণঃ| ন চাতিপ্রস্রুতং কুর্যাচ্ছেষং সংশমনৈর্জযেত্||" ইতি|
আযুর্বেদরসাযনম্ ব্যাখ্যা ( কৃত)
আ০ র০- অথ কিঞ্চিচ্ছেষং রক্তমুপেক্ষণীযমুত প্রতিক্রিযা কাচিত্তত্র কার্যাঃ ? ইত্যাহ-দুষ্টেঽপ্যনেনৈব ক্রমেণ স্রুতিঃ কার্যা| ন ত্বতিস্রুতিরিত্যাহ-কিঞ্চিদ্ধীতি| অতিবর্ততে-বাধতে|
Adhikarana দুষ্টরক্তশেষস্য শৃঙ্গাদিভির্হরণম্ (৪৬) · Śloka ৪৬
| হরেচ্ছৃঙ্গাদিভিঃ শেষম্|৪৬|
| हरेच्छृङ्गादिभिः शेषम्|४६|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-স্রুতশেষং দুষ্টরক্তং শৃঙ্গতুম্বঘটিকাদিভির্হরেত্, ন তু সিরযা|
আযুর্বেদরসাযনম্ ব্যাখ্যা ( কৃত)
আ০ র০-শিরাব্যধেঽতিস্রুতিশঙ্কাযাং শৃঙ্গাদিভির্হরেদিত্যাহ-হরেদিতি|
Adhikarana অথবা তস্য শীতোপচারাদিভিঃ প্রসাদনম্ (৪৬-৪৭) · Śloka ৪৭
| প্রসাদমথবা নযেত্||৪৬|| শীতোপচারপিত্তাস্রক্রিযাশুদ্ধিবিশোষণৈঃ| দুষ্টং রক্তমনুদ্রিক্তমেবমেব প্রসাদযেত্||৪৭||
| प्रसादमथवा नयेत्||४६|| शीतोपचारपित्तास्रक्रियाशुद्धिविशोषणैः| दुष्टं रक्तमनुद्रिक्तमेवमेव प्रसादयेत्||४७||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-অথবা শীতোপচারেণ, পিত্তাস্রক্রিযযা, শুদ্ধ্যা-বমনবিরেচনাদিরূপযা, বিশোষণেন-লঙ্ঘনরূপেণ, তদ্দুষ্টং রক্তং প্রসাদযেত্-কলুষতাং পরিত্যজ্য তস্য প্রসন্নত্বমুপপাদযেত্| ন তু কেবলং স্রুতশেষং রুধিরং শীতোপচারেণ (চারাদিনা) প্রসাদযেত্| যাবদনুদ্রিক্ত-অপ্রবৃদ্ধং দুষ্টং রুধিরং, এবমেব-অনেনৈব শীতোপচারাদিনা, প্রসাদং নযেত্| ন তু তন্নির্হরণে সিরাব্যধাদিনা যতনীযম্, অনুদ্রিক্তরক্তনির্হরণস্য সাপাযত্বাত্|
আযুর্বেদরসাযনম্ ব্যাখ্যা ( কৃত)
আ০ র০-শৃঙ্গাদিভিরপ্যতিস্রুতিশঙ্কাযাং শমযেদিত্যাহ-প্রসাদমিতি| পিত্তাস্রক্রিযা-রক্তপিত্তচিকিত্সা| অকৃতশিরাব্যধস্যাপ্যেতদেব রক্তপ্রসাদনমিত্যাহ-দুষ্টং রক্তমিতি| অনুদ্রিক্তং-উদ্রেকাভাবাত্ স্রাবাযোগ্যম্|
Adhikarana অতিস্রাবে স্তম্ভনম্ (৪৮) · Śloka ৪৮
রক্তে ত্বতিষ্ঠতি ক্ষিপ্রং স্তম্ভনীমাচরেত্ক্রিযাম্| |৪৮|
रक्ते त्वतिष्ठति क्षिप्रं स्तम्भनीमाचरेत्क्रियाम्| |४८|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-রক্তে ত্বতিষ্ঠতি-স্থিতিমলভমানে, ত্বরিতমেব স্তম্ভনীং ক্রিযাং-বক্ষ্যমাণাং, কুর্যাত্, রক্তস্য প্রাণাযতনত্বাত্|
আযুর্বেদরসাযনম্ ব্যাখ্যা ( কৃত)
আ০ র০- তদেব স্তম্ভনমাহ-অতিস্রাবে স্তম্ভনমাহ-রক্তে ত্বিতি|
Adhikarana স্তম্ভন বিশেষঃ (৪৮-৫০) · Śloka ৫০
| রোধ্রপ্রিযঙ্গুপত্তঙ্গমাষযষ্ট্যাহ্বগৈরিকৈঃ||৪৮|| মৃত্কপালাঞ্জনক্ষৌ মমষীক্ষীরিত্বগঙ্কুরৈঃ| বিচূর্ণযেদ্ব্রণমুখং পদ্মকাদিহিমং পিবেত্||৪৯|| তামেব বা সিরাং বিধ্যেদ্ব্যধাত্তস্মাদনন্তরম্| সিরামুখং বা ত্বরিতং দহেত্তপ্তশলাকযা||৫০||
| रोध्रप्रियङ्गुपत्तङ्गमाषयष्ट्याह्वगैरिकैः||४८|| मृत्कपालाञ्जनक्षौ ममषीक्षीरित्वगङ्कुरैः| विचूर्णयेद्व्रणमुखं पद्मकादिहिमं पिबेत्||४९|| तामेव वा सिरां विध्येद्व्यधात्तस्मादनन्तरम्| सिरामुखं वा त्वरितं दहेत्तप्तशलाकया||५०||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-রোধ্রাদিভিঃ সিরাব্রণমুখং বিচূর্ণযেত্| পদ্মকাদিহিমং-শীতকষাযং, পিবেত্| তামেব-প্রাগ্বিদ্ধাং, সিরাং তস্মাত্প্রাগ্ব্যধাদনন্তরং, অব্যবহিতং বিধ্যেত্| অথবা সিরাদ্বারং ক্ষিপ্রং কৃত্বাঽগ্নিনোপতপ্তযা শলাকযা দহেত্|
আযুর্বেদরসাযনম্ ব্যাখ্যা ( কৃত)
আ০ র০-রক্তস্য স্রাবণাদনন্তরং যদ্বিধেযং তদাহ-স্তম্ভনবিশেষমাহ-রোধ্রপ্রিযঙ্গ্বিতি| মৃত্কপালং-খর্পরম্| ক্ষৌমমষী-বস্ত্রভস্ম| বিচূর্ণযেত্-চূর্ণং বিকিরেত্| পদ্মকাদিহিমং-পদ্মকাদিগণস্য শীতকষাযম্| সঙ্গ্রহে তু (সূ.অ. ৩৬)-"অতিষ্ঠতি তু রক্তে শিরামুখং সংধাতুং চূর্ণৈরবচুর্ণ্যাঙ্গুল্যগ্রেণ পীডযেত্| শাল্মল্যুপোদকাপিচ্ছাং বা ব্রণমুখে দত্ত্বা গাঢং বধ্নীযাত্| মধূচ্ছিষ্টপ্রলিপ্তং বা পট্টকম্| শীতাম্বুনা বা সিঞ্চেত্| শীতমধুরকষাযান্নপানসেকপ্রদেহপ্রবাতবেশ্মভির্বা স্কন্দনাযোপচরেত্| পদ্মকাদিক্বাথং শর্করামধুমধুরং ক্ষীরমিক্ষুরসমেণহরিণাজোরভ্রমহিষবরাহাণামন্যতমস্য বা সিরাং বিদ্ধ্বা রুধিরমামং ঘৃতভৃষ্টং বা পানং দদ্যাত্| তেনৈব বা দর্ভপাদমৃদিতেনানুবাসযেত্| স্নিগ্ধৈশ্চ যূষরসৈর্ভোজযেত্| সর্বথা চানবতিষ্ঠমানে পাচনায ক্ষারং দদ্যাত্| ন চ ক্ষণমপ্যুপেক্ষেত| ক্ষীণরক্তস্য হি বাযুর্মর্মাণ্যুপসঙ্গৃহ্য মূর্চ্ছাসংজ্ঞানাশশিরঃকম্পভ্রমমন্যাস্তম্ভাপতানকহনুভ্রংশহিধ্মাপাণ্ডুত্ববাধির্যধাতুক্ষযাক্ষেপকাদীন্ করোতি, মরণং বা| প্রাণাঃ প্রাণভৃতাং রক্তং তত্ক্ষযাত্ক্ষীযতেঽনলঃ| বর্দ্ধতে চানিলস্তস্মাদ্যুক্ত্যা বৃংহণমাচরেত্|| দুর্ব্যধাতিব্যধকুট্টিততির্যগ্ব্যধাদের্ব্যধদোষাব্দ্যাপদো যাঃ স্যুস্তা যথাস্বং সাধযেদিতি|" ইতি|
Adhikarana স্রুতরক্তস্য পথ্যনিযমকালাবধিঃ (৫১) · Śloka ৫১
উন্মার্গগা যন্ত্রনিপীডনেন স্বস্থানমাযান্তি পুনর্ন যাবত্| দোষাঃ প্রদুষ্টা রুধিরং প্রপন্না স্তাবদ্ধিতাহারবিহারভাক্ স্যাত্||৫১||
उन्मार्गगा यन्त्रनिपीडनेन स्वस्थानमायान्ति पुनर्न यावत्| दोषाः प्रदुष्टा रुधिरं प्रपन्ना स्तावद्धिताहारविहारभाक् स्यात्||५१||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-যন্ত্রনিপীডনেনোন্মার্গগাঃ-স্বমার্গমুল্লঙ্ঘ্য মার্গান্তরসমাশ্রযণেনোত্পথং প্রতিপন্নাঃ| কিংভূতা দোষাঃ? প্রদৃষ্টাঃ, তথাবিধং রক্তং প্রাপ্তা |তে পুনর্যাবত্স্বাশ্রযং ন প্রতিপদ্যন্তে তাবদ্ধিতাহারবিহারভাক্ স্যাত্-হিতাবাহারবিহারৌ ভজেত্| "ভজো ণ্বিঃ ইতি ণ্বিঃ| ইন্দ্রবজ্রাবৃত্তম্|
আযুর্বেদরসাযনম্ ব্যাখ্যা ( কৃত)
আ০ র০-স্রুতরক্তস্য পথ্যনিযমকালাবধিমাহ-উন্মার্গগা ইতি|
Adhikarana পথ্যম্ উক্তে পথ্যে যুক্তিঃ (৫২) · Śloka ৫২
নাত্যুষ্ণশীতং লঘু দীপনীযং রক্তেঽপনীতে হিতমন্নপানম্| তদা শরীরং হ্যনবস্থিতাসৃ গগ্নির্বিশেষাদিতি রক্ষিতব্যঃ||৫২||
नात्युष्णशीतं लघु दीपनीयं रक्तेऽपनीते हितमन्नपानम्| तदा शरीरं ह्यनवस्थितासृ गग्निर्विशेषादिति रक्षितव्यः||५२||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-রক্তে স্রাবিতেঽন্নপানং নাত্যুষ্ণশীতং হিতম্| অত্যুষ্ণং হ্যন্নপানং রক্তং প্রদূষযেত্| অতিশীতং ত্বগ্নিং সাদযেত্| তথা, লঘু-স্বভাবতো মাত্রাসংস্কারাদিনা বা, তথা দীপনীযম্| কুত এবমন্নপানং হিতম্ ? ইত্যাহ-যস্মাত্তস্মিন্ কালে শরীরমনবস্থিতং-চলিতবৃত্তি, রক্তং যস্য শরীরস্য তদেবংভূতং ভবতি| তচ্চাসৃক্ শরীরস্যাধারো, রক্তস্য চ পিত্তং, পিত্তং চ বহ্নিঃ| তথা চ বক্ষ্যতি (হৃ. শা. অ. ৩|৯০)- "পিত্তং বহ্নিঃ" ইতি| তস্মাদ্বিশেষাত্-মহতা যত্নেন, বহ্নির্নাত্যুষ্ণশীতাদিনাঽঽহারবিহারেণ রক্ষিতব্যঃ|
আযুর্বেদরসাযনম্ ব্যাখ্যা ( কৃত)
আ০ র০-কৃতসিরাব্যধস্য পুরুষস্য লক্ষণমন্তরেণোন্মার্গগামিনাং দোষাণাং স্বস্থানপ্রতিপত্তৌ কালো নাবগম্যতে, ন চ নির্হৃতদুষ্টরক্তঃ পুরুষো লক্ষণং বিনা জ্ঞাযতে, ইতি দ্বযস্যাপি পরিজ্ঞানার্থমাহ-পথ্যমাহ-নাত্যুষ্ণশীতমিতি| উক্তে পথ্যে যুক্তিমাহ-তদা শরীরমিতি| ইতি-অতো হেতোঃ|
Adhikarana বিশুদ্ধরক্তস্য লক্ষণম্ (২৭) · Śloka ২৭
প্রসন্নবর্ণেন্দ্রিযমিন্দ্রিযার্থা- নিচ্ছন্তমব্যাহতপক্তৃবেগম্| সুখান্বিতং পুষ্টিবলোপপন্নং বিশুদ্ধরক্তং পুরুষং বদন্তি||৫৩|| ইতি শ্রীবৈদ্যপতিসিংহগুপ্তসূনুশ্রীমদ্বাগ্ভটবিরচিতাযামষ্টাঙ্গহৃদযসংহিতাযাং সূত্রস্থানে শিরাব্যধবিধির্নাম সপ্তবিংশোঽধ্যাযঃ||২৭||
प्रसन्नवर्णेन्द्रियमिन्द्रियार्था- निच्छन्तमव्याहतपक्तृवेगम्| सुखान्वितं पुष्टिबलोपपन्नं विशुद्धरक्तं पुरुषं वदन्ति||५३|| इति श्रीवैद्यपतिसिंहगुप्तसूनुश्रीमद्वाग्भटविरचितायामष्टाङ्गहृदयसंहितायां सूत्रस्थाने शिराव्यधविधिर्नाम सप्तविंशोऽध्यायः||२७||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-বর্ণশ্চেন্দ্রিযাণি চ বর্ণেন্দ্রিযাণি, প্রসন্নানি বর্ণেন্দ্রিযাণি যস্য তং প্রসন্নবর্ণেন্দ্রিযম্| তথা, ইন্দ্রিযার্থান্ শব্দাদীন্ স্বভাবাভিপ্রেতান্, ইচ্ছন্তং-অভিলষন্তম্| তথা, পক্তুর্বেগঃ-সামর্থ্যম্, অব্যাহতঃ-অনভিভূতঃ, পক্তৃবেগো যস্য তমব্যাহতপক্তৃবেগম্| তথা, সুখান্বিতং-আরোগ্যযুক্তং প্রকৃতিমাপন্নম্| তথা পুষ্টিবলাভ্যাং যুক্তম্| এবংবিধং বিশুদ্ধরক্তং পুরুষং বদন্তি, ইতি শরীরস্য লক্ষণমুক্তম্| "মধুরং লবণং" ইত্যাদিনা তু রক্তস্যৈব বিশুদ্ধলক্ষণমভিহিতমিতি| উপজাতির্বৃত্তম্| ইতি শ্রীমৃগাঙ্কদত্তপুত্রশ্রীমদরুণদত্তবিরচিতাযামষ্টাঙ্গহৃদযটীকাযাং সর্বাঙ্গসুন্দরাখ্যাযাং সূত্রস্থানে শিরাব্যধবিধির্নাম সপ্তবিংশোঽধ্যাযঃ সমাপ্তঃ|| ২৭||
আযুর্বেদরসাযনম্ ব্যাখ্যা ( কৃত)
আ০ র০-বিশুদ্ধরক্তস্য লক্ষণমাহ-প্রসন্নবর্ণেতি| পক্তাঅগ্নিঃ| বেগো-বিণ্মূত্রাদিপ্রবৃত্তিঃ| ইতি হেমাদ্রিটীকাযামাযুর্বেদরসাযনে| শিরাব্যধপ্রকরণং সামস্ত্যেন নিরূপিতম্|| ২৭||