২৬. শস্ত্রবিধিরধ্যাযঃ

সর্বাঙ্গসুন্দরী ব্যাখ্যা ( কৃত)

অথেদানীং ষড্বিংশাধ্যাযরম্ভঃ শস্ত্রস্বরূপবিজ্ঞানার্থঃ|

সর্বাঙ্গসুন্দরী ব্যাখ্যা ( কৃত)

স০-শস্ত্রস্য বিধিঃ শস্ত্রবিধিঃ| শেষং পূর্ববত্|

আযুর্বেদরসাযনম্ ব্যাখ্যা ( কৃত)

আ০ র০-শস্ত্রবিধিমধ্যাযং ব্যাখ্যাতুং প্রতিজানীতে-অথেতি|

সর্বাঙ্গসুন্দরী ব্যাখ্যা ( কৃত)

স০-বাহুল্যেন শস্ত্রাণি ষডঙ্গুলানি ভবন্তি| তথা ষড্বিংশতিসঙ্খ্যানি, তথা সুকর্মারৈঃ-কর্মকুশলৈর্নরৈঃ, যথাবিধি { ঘটিতানি }-সম্যঙ্নিষ্পাদিতানি, তথা রোমবাহীনি-লোমশাতনসমর্থানি, তথা সুরূপাণি-শোভনাকারাণি, তথা সুধারাণি-শোভনধারাণি, তথা সুখেন গৃহ্যন্তে-সুগ্রহাণি চ, কারযেত্| ক্ব ? অযসি| কীদৃশে ? সুষ্ঠু ধ্মাতং সুধ্মাতং, তথা সুতীক্ষ্ণং স্বাবর্তিতং চ যদযঃ-শস্ত্রং, তস্মিন্| কীদৃশানি শস্ত্রাণি ? অকরালানি-সুদর্শনানি| তথা, সমাহিতং-সুষ্ঠুকৃতং, মুখাগ্রং-ফলং, যেষাং তানি সমাহিতমুখাগ্রাণি| তথা, নীলোত্পলদ্যুতীনি| তথা, নাম্নাঽনুগতং রূপং যেষাং তানি-অন্বর্থনামানীত্যর্থঃ| তথা, সর্বকালং সন্নিহিতানি-সমীপস্থানি| তথা, স্বং চ তদুন্মানং চ স্বোন্মানং-আত্মীযং প্রমাণং, তস্মাত্সকাশাদর্ধম্, তস্য চতুর্থাংশঃ-অষ্টভাগঃ, ফলং যেষাং তান্যেবম্| অপি চেতি সমুচ্চযে| এবংবিধানি শস্ত্রাণ্যেকৈকশঃ স্থানবিশেষাত্ দ্বিত্রাণি প্রযুঞ্জীত| একৈকশ ইতি "একং বহুব্রীহিবত্ " ইতি দ্বিত্বসুব্লোপৌ, ততঃ শস্প্রত্যযঃ|

আযুর্বেদরসাযনম্ ব্যাখ্যা ( কৃত)

আ০ র০-শস্ত্রাণাং সামান্যলক্ষণমাহ-ষড্বিংশতিরিতি| সুকর্মারৈঃ-উত্তমলোহকারৈঃ| রোমবাহীনি-রোমচ্ছেদীনি| অকরালানি-আর্জববন্তি| অযসি-লোহে ঘটিতানি, তৃতীযার্থে সপ্তমী| সমাহিতং-সম্যগ্ঘাটিতং, মুখাগ্রং-ফলং, যেষাং তানি| স্বোন্মানস্য-অঙ্গুলষট্কস্য, অর্ধচতুর্থাংশঃ-অধ্যুষ্টো ভাগঃ,- সপ্তমাংশদ্বযসহিতং যবদশকম্, তত্পরিমাণং ফলং যেষাং তানি| একৈকশো দ্বিত্রাণি-প্রত্যেকং দ্বে ত্রীণি বা, কারযেত্| ষড্বিংশতেরুপযোগমাহ-যুঞ্জীতেতি|

সর্বাঙ্গসুন্দরী ব্যাখ্যা ( কৃত)

স০-তেষাং শস্ত্রাণাং মধ্যে মণ্ডলাগ্রং নাম শস্ত্রম্| কীদৃক্ ? ফলোদ্দেশে তর্জন্যা অন্তর্নখস্তর্জন্যন্তর্নখঃ তস্যেবাকৃতির্যস্য তদেবম্| ক্বৈতদ্যোজ্যম্ ? ইত্যাহ-লেখনে ছেদনে চ পোথক্যাদিষু যোজ্যম্| আদিশব্দেন বর্ত্মরোগাদযো গৃহ্যন্তে|

আযুর্বেদরসাযনম্ ব্যাখ্যা ( কৃত)

আ০ র০-মণ্ডলাগ্রং শস্ত্রমাহ-মণ্ডলাগ্রমিতি| শুণ্ডিকা-গলশুণ্ডিকা|

সর্বাঙ্গসুন্দরী ব্যাখ্যা ( কৃত)

স০-বৃদ্ধিপত্রং নাম শস্ত্রং ক্ষুরাকারং স্যাত্| তচ্চ ছেদনাদিষু যোজ্যমিতি প্রকৃতম্| ফলপরিমাণং তূক্তমেব| কীদৃক্ ? ঋজু-স্পষ্টমগ্রং যস্য তদৃজ্বগ্রম্, তদুন্নতে শোফে স্যাত্| গম্ভীরে তু শোফে তত্-বৃদ্ধিপত্রমন্যথা| কথমন্যথা ? ইত্যাহ-নতেত্যাদি| পৃষ্ঠতঃ-পৃষ্ঠদেশে, নতমগ্রং যস্য তন্নতাগ্রং ভবতীতি|

আযুর্বেদরসাযনম্ ব্যাখ্যা ( কৃত)

আ০ র০-বৃদ্ধিপত্রমাহ-বৃদ্ধিপত্রমিতি| উন্নতে গম্ভীরে চ শোফে ঋজ্বগ্রম্| অন্যথাভূতে শোফে পৃষ্ঠতো নতাগ্রম্| স্থানবশেন দীর্ঘমুখং হ্রস্বমুখং চ|

সর্বাঙ্গসুন্দরী ব্যাখ্যা ( কৃত)

স০-{ যথাযথং-যথাস্বং, দীর্ঘবক্ত্রং হ্রস্ববক্ত্রং চ যুঞ্জ্যাত্| } উত্পলং চাধ্যর্ধধারং চ, তে আখ্যে যযোস্ত উত্পলাধ্যর্ধধারাখ্যে শস্ত্রে যথাক্রমং দীর্ঘহ্রস্ববক্ত্রে ভবথঃ| উত্পলপত্রং দীর্ঘমুখমধ্যর্ধধারং তু হ্রস্ববক্ত্রমিত্যর্থঃ| তে ভেদনে ছেদনে চ যোজ্যে| তথেতি সমুচ্চযে, পাটনে চ যোজ্য ইত্যর্থঃ|

আযুর্বেদরসাযনম্ ব্যাখ্যা ( কৃত)

আ০ র০-উত্পলপত্রমধ্যর্দ্ধধারং চেতি শস্ত্রদ্বযমাহ-উত্পলেতি| এতে স্বনামানুগতরূপে|

সর্বাঙ্গসুন্দরী ব্যাখ্যা ( কৃত)

স০-সর্পবক্ত্রং নাম শস্ত্রং নামানুগতাকারং ঘ্রাণার্শশ্চ্ছেদনে কর্ণার্শশ্ছেদনে চ যোজ্যম্| তচ্চ ফলেঽর্ধাঙ্গুলং ভবতি|

আযুর্বেদরসাযনম্ ব্যাখ্যা ( কৃত)

আ০ র০-সর্পবক্ত্রমাহ-সর্পাস্যমিতি|

সর্বাঙ্গসুন্দরী ব্যাখ্যা ( কৃত)

স০-এষণী নাম শস্ত্রম্ গতের্ব্রণানামন্বেষণে যোজ্যম্| কীদৃশী ? শ্লক্ষ্ণা-কোমলস্পর্শা| তথা, গণ্ডূপদমুখমিব মুখং যস্যাঃ সা গণ্ডূপদমুখা| দ্বিতীযামেষণীমাহ- স০-অপরৈষণী ভেদনার্থে সূচীমুখা স্যাত্| তথা, মূলে নিবিষ্টং-কৃতং, খং-ছিদ্রং, যস্যাঃ সা মূলনিবিষ্টখা|

আযুর্বেদরসাযনম্ ব্যাখ্যা ( কৃত)

আ০ র০-অন্বেষণার্থমেষণীমাহ-গতেরিতি| গতেঃ-নাডীব্রণস্য| আ০ র০-ভেদনার্থমেষণীমাহ-ভেদনার্থ ইতি| ভেদনত্বং ক্ষারাক্তসূত্রপ্রবেশনেন|

সর্বাঙ্গসুন্দরী ব্যাখ্যা ( কৃত)

স০- বেতসং- বেতসপত্রাকারং শস্ত্রম্, ষডঙ্গুলং পূর্বোক্তফলম্| তচ্চ ব্যধনে যোজ্যম্|

আযুর্বেদরসাযনম্ ব্যাখ্যা ( কৃত)

আ০ র০-বেতসশস্ত্রমাহ-বেতসমিতি|

সর্বাঙ্গসুন্দরী ব্যাখ্যা ( কৃত)

স০-শরারিঃ-আঠ্যাখ্যঃ পক্ষিবিশেষঃ| শরার্যাস্যং নাম শস্ত্রং ত্রিকূর্চকে চ স্রাব্যে যোজ্যম্|

আযুর্বেদরসাযনম্ ব্যাখ্যা ( কৃত)

আ০ র০-শরারিমুখং ত্রিকূর্চকং চেতি শস্ত্রদ্বযমাহস্রাব্য ইতি| স্রাব্যে-প্রচ্ছানেন রক্তস্রুতৌ| ভাবে কৃত্যপ্রত্যযঃ| শরারিঃ-পক্ষিবিশেষঃ|

সর্বাঙ্গসুন্দরী ব্যাখ্যা ( কৃত)

স০-কুশাটা নাম শস্ত্রং বদনে স্রাব্যে যোজ্যম্| তযোঃ-শরারিকুশাটযোঃ, ফলং দ্ব্যঙ্গুলপ্রমাণং স্যাত্|

আযুর্বেদরসাযনম্ ব্যাখ্যা ( কৃত)

আ০ র০-কুশপত্রমাটামুখং চেতি শস্ত্রদ্বযমাহ-কুশাটেতি| আটা-পক্ষিবিশেষঃ|

সর্বাঙ্গসুন্দরী ব্যাখ্যা ( কৃত)

স০-অন্তর্মুখং নাম শস্ত্রং তদ্বত্-কুশাটাতুল্যম্| তস্য-অন্তর্মুখস্য, ফলং সার্ধমঙ্গুলং স্যাত্| তথা-কুশাটাতুল্যমেতদপি, অর্ধচন্দ্রাস্যসংজ্ঞং শস্ত্রম্| চঃ সমুচ্চযে ভিন্নক্রমে|

আযুর্বেদরসাযনম্ ব্যাখ্যা ( কৃত)

আ০ র০-অন্তর্মুখমাহ-তদ্বদিতি| তদ্বত্-স্রাব্যে|

সর্বাঙ্গসুন্দরী ব্যাখ্যা ( কৃত)

স০-ব্রীহিবক্ত্রমপ্যধ্যর্ধাঙ্গুলং ফলে স্যাত্| তচ্চ শিরাব্যধ উদরব্যধে চ যোজ্যম্|

আযুর্বেদরসাযনম্ ব্যাখ্যা ( কৃত)

আ০ র০-ব্রীহিমুখমাহ-তথেতি|

সর্বাঙ্গসুন্দরী ব্যাখ্যা ( কৃত)

স০-কুঠারী নাম শস্ত্রং পৃথুঃ-বিস্তীর্ণসংস্থানদণ্ডা| তথা, গোদন্তসদৃশমর্ধাঙ্গুলমাননং যস্যাঃ সৈবম্| তযা-কুঠারিকযা, ঊর্ধ্বদণ্ডযা সত্যা শিরামস্থ্নামুপরি স্থিতাং বিধ্যেত্|

আযুর্বেদরসাযনম্ ব্যাখ্যা ( কৃত)

আ০ র০-কুঠারীমাহ-পৃথুরিতি| কুঠার্যাঃ কার্যমাহ-তযেতি|

সর্বাঙ্গসুন্দরী ব্যাখ্যা ( কৃত)

স০-তাম্রমযী শলাকা দ্বিমুখী স্যাত্| সা চ মুখে কুরুবকাকৃতিঃ-রক্তসহচরপুষ্পমুকুলাকারা স্যাত্| তযা শলাকযা, লিঙ্গনাশং-কফোত্থপটলসংজ্ঞং, বিধ্যেত্|

আযুর্বেদরসাযনম্ ব্যাখ্যা ( কৃত)

আ০ রং০-শলাকামাহ-তাম্রীতি| কুরুবকং-কুরণ্টকমুকুলম্|

সর্বাঙ্গসুন্দরী ব্যাখ্যা ( কৃত)

স০-অঙ্গুলিশস্ত্রকং কুর্যাত্| কীদৃশম্ ? মুদ্রিকযা-ঊর্মিকযা, নির্গতং-নিষ্ক্রান্তং, মুখং যস্য তন্মুদ্রিকানির্গতমুখম্| ফলে তু-তস্মিন্মুখে, অর্ধাঙ্গুলদীর্ঘম্| যোগতঃ-সংস্থানেন, বৃদ্ধিপত্রেণ মণ্ডলাগ্রেণ বা তুল্যম্| কিযত্প্রমাণাঽস্য মুদ্রিকা কার্যা ? ইত্যাহ-তত্প্রদেশিন্যগ্রেত্যাদি| তস্য-বৈদ্যস্য, যা প্রদেশিনী তস্যা যদগ্রপর্ব তস্য যত্প্রমাণং তেনার্প্যত ইতি তত্প্রদেশিন্যগ্রপর্বপ্রমাণার্পণী-ভিষক্তর্জন্যগ্রপর্বপ্রবেশাগ্রচ্ছিদ্রা, মুদ্রিকা যস্মিন্ তত্ তত্প্রদেশিন্যগ্রপর্বপ্রমাণার্পণমুদ্রিকম্| তথা, সূত্রেণ বদ্ধং-সূত্রবদ্ধম্, সূত্রেণ বদ্ধ্বা মণিবন্ধে যোজ্যমিত্যর্থঃ| গলস্রোতোরোগাণাং ছেদনে ভেদনে চ তদ্যোজ্যম্|

আযুর্বেদরসাযনম্ ব্যাখ্যা ( কৃত)

আ০ র০-অঙ্গুলিশস্ত্রকমাহ-কুর্যাদিতি| মুদ্রিকানির্গতমুখং-কণ্ঠস্থমুদ্রিকম্| যোগতঃ-স্থানরোগযোগ্যতানুসারেণ বিকল্প্য|

সর্বাঙ্গসুন্দরী ব্যাখ্যা ( কৃত)

স০-বডিশং নাম শস্ত্রং শুণ্ডিকার্মাদের্গ্রহণে যোজ্যম্| আদিশব্দেন প্রতিজিহ্বিকাদের্গ্রহণম্| কীদৃশং তত্ ? সুনতং-অঙ্কুশবদানতং, আননং-মুখং, যস্য তদেবম্|

আযুর্বেদরসাযনম্ ব্যাখ্যা ( কৃত)

আ০ র০-বডিশমাহ-গ্রহণ ইতি|

সর্বাঙ্গসুন্দরী ব্যাখ্যা ( কৃত)

স০-করপত্রং নাম শস্ত্রং খরধারং, তথা দশাঙ্গুলং দৈর্ঘ্যেণ, দ্ব্যঙ্গুলং বিস্তারেণ, সূক্ষ্মা দন্তা যস্য তত্সূক্ষ্মদন্তম্| তথা, ত্সরুঃ-মুষ্টিঃ, বন্ধনং-গ্রহণম্, শোভনে ত্সরুবন্ধনে যস্য তত্ সুত্সরুবন্ধনম্| অভিধানকোশে যদ্যপি 'ত্সরুঃ-অসিমুষ্টিঃ' ইত্যভ্যধাযি, তথাঽপি মুষ্টিমাত্রস্যেহোপলক্ষণার্থত্বাত্ মুষ্টাবপ্যুপপন্নমেব|

আযুর্বেদরসাযনম্ ব্যাখ্যা ( কৃত)

আ০ র০-করপত্রমাহ-ছেদেঽস্থ্নামিতি| সুষ্ঠু ত্সরুবন্ধনং গ্রহণার্থং যস্য|

সর্বাঙ্গসুন্দরী ব্যাখ্যা ( কৃত)

স০-কর্তরী নাম শস্ত্রং কর্তরীসদৃশং স্নায্বাদিচ্ছেদে যোজ্যম্|

আযুর্বেদরসাযনম্ ব্যাখ্যা ( কৃত)

আ০ র০- কর্তরীমাহ-স্রাযুসূত্রকচচ্ছেদ ইতি|

সর্বাঙ্গসুন্দরী ব্যাখ্যা ( কৃত)

স০-নখশস্ত্রং-নখচ্ছেদকং, প্রসিদ্ধম্| তচ্চ বক্ত্রা ঋজুশ্চ ধারা যস্য তদেবম্| তস্যৈকং মুখং বক্ত্রমন্যদৃজু-স্পষ্টম্| তথা, নবাঙ্গুলং-নবাঙুলপ্রমাণম্, ন তু ষডঙ্গুলম্| এতচ্চ সূক্ষ্মশল্যস্য-কণ্টকাদেরুদ্ধরণদৌ নখচ্ছেদনে ভেদনে { প্রচ্ছানে লেখনে } চ যোজ্যম্|

আযুর্বেদরসাযনম্ ব্যাখ্যা ( কৃত)

আ০ র০-নখশস্ত্রমাহ-বক্রর্জুধারমিতি| নবাঙ্গুলং ন তু ষডঙ্গুলম্| নখচ্ছেদনকং-প্রসিদ্ধম্| বক্রর্জুধারং একস্মিন্মুখে বক্রা ধারা, অন্যস্মিন্ ঋজুঃ|

সর্বাঙ্গসুন্দরী ব্যাখ্যা ( কৃত)

স০-একধারং-একস্মিন্ প্রদেশে { ধারা যস্য তদেবম্| } তথা, চতুষ্কোণম্| তথা, একতঃ-একস্মিন্দেশে প্রবদ্ধা আকৃতির্যস্য তত্| তদ্দন্তলেখনকং নাম শস্ত্রম্| তেন দন্তশর্করাং শোধযেত্|

আযুর্বেদরসাযনম্ ব্যাখ্যা ( কৃত)

আ০ র০-অধুনা সূচীশস্ত্রমাহ-দন্তলেখনমাহ-একধারমিতি| প্রবদ্ধবত্-বেষ্টিতবত্, আকৃতির্যস্য তত্ প্রবদ্ধাকৃতি|

সর্বাঙ্গসুন্দরী ব্যাখ্যা ( কৃত)

স০-অত্র-এষু শস্ত্রেষু মধ্যে, সীবনে-সীবনবিষযে, তিস্রঃ সূচ্যঃ স্যুঃ| কিম্ভূতাঃ ? বৃত্তাঃ-বর্তুলাঃ, পাশে গূঢাস্তথা দৃঢাঃ সারত্বাত্| আসাং চ প্রত্যেকং সংস্থানবিশেষেণ বিশেষোপযোগমাহ- স০-মাংসলানাং-বহুমাংসানাং, শরীরদেশানাং ত্র্যস্রা মুখে সূচী স্যাত্| সঙ্গ্রহেঽপ্যবোচত্ (সূ.অ.৩৪)-"ত্র্যস্রাগ্রা" ইতি| ত্র্যস্রেতি চিন্ত্যম্| তথা, ত্র্যঙ্গুলমাযতা-ত্র্যঙ্গুলদীর্ঘা| বৃত্তত্বং দৃঢপাশত্বং চোক্তমেব সামান্যলক্ষণেন| স০-অল্পমাংসানাং ব্রণানাং সন্ধ্যস্থিসংশ্রিতানাং চ দ্ব্যঙ্গুলমাযতা-দীর্ঘা| বৃত্তমুখত্বং চাস্যাঃ সামান্যেনোক্তম্| তৃতীযামাহ- স০-ব্রীহিমুখা, চাপবত্ কুটিলা, দৈর্ঘ্যেণ দ্বেঽঙ্গুলে সার্ধে স্যাত্| সা চ পক্বাশয আমাশযে মর্মসু চ ব্রণানাং সীবনে যোজ্যা|

আযুর্বেদরসাযনম্ ব্যাখ্যা ( কৃত)

আ০ র০-সূচীত্রযমাহ-বৃত্তা ইতি| পাশে-ছিদ্রস্থানে, গূঢা দৃঢাশ্চ| আ০ র০-তত্র ত্র্যঙ্গুলাং সূচীমাহ-মাংসলানামিতি| আ০ র০-দ্ব্যঙ্গুলাং সূচীমাহ-অল্পমাংসেতি| আ০ র০-সার্দ্ধ্যঙ্গুলাং সূচীমাহ-ব্রীহিবক্রেতি|

সর্বাঙ্গসুন্দরী ব্যাখ্যা ( কৃত)

স০-তাঃ-সূচ্যঃ, সর্বতো বর্তুলা দৈর্ঘ্যেণ চতুরঙ্গুলাঃ কূর্চ ইত্যুচ্যতে| কিম্ভূতাঃ ? বৃত্ত একস্মিন্ পীঠে সংস্থিতাঃ| তথা, সপ্তসঙ্খ্যা অষ্টৌ বা| তথা, শোভনং বন্ধনং যাসাং তাঃ সুবন্ধনাঃ| অত এবেদং শস্ত্রং সূচীকূর্চসংজ্ঞং শংসন্তি| তথা চার্শশ্চিকিত্সিতে জগাদ (হৃ. চি. অ. ৮|২৯)- "অর্শোভ্যো জলজশ্শস্ত্রসূচীকূর্চৈঃ" ইত্যাদি| স চ-সুবদ্ধসপ্তাষ্টসূচীকঃ কূর্চো, নীলিকাদিষু চ কুট্টনবিষযে যোজ্যঃ| উপলক্ষণার্থত্বাচ্চাস্য(সৌ) শ্বিত্রেন্দ্রলুপ্তাদিষ্বপি যোজ্যঃ|

আযুর্বেদরসাযনম্ ব্যাখ্যা ( কৃত)

আ০ র০-কূর্চমাহ-সর্ববৃত্তা ইতি| সর্ববৃত্তাঃ-পাশরহিতাঃ, তাঃ-সূচ্যঃ, বৃত্তএকস্মিন্ পীঠে নিখাতাঃ|

সর্বাঙ্গসুন্দরী ব্যাখ্যা ( কৃত)

স০-অষ্টাভিঃ কণ্টকৈঃ খজ উচ্যতে| কীদৃশৈঃ ? অর্ধাঙ্গুলপ্রমাণং মুখং যেষাং তৈঃ, তথা বর্তুলৈঃ| তেন-খজেন, হস্তাভ্যাং বিলোড্যমানেন, নাসিকাতোঽস্ত্রং হরেত্|

আযুর্বেদরসাযনম্ ব্যাখ্যা ( কৃত)

আ০ র০-খজমাহ-অর্দ্ধাঙ্গুলমুখৈরিতি|

সর্বাঙ্গসুন্দরী ব্যাখ্যা ( কৃত)

স০-কর্ণপালীনাং ব্যধনে যূথিকা নাম শস্ত্রং স্যাত্| কীদৃশী ? মুকুলাননা|

আযুর্বেদরসাযনম্ ব্যাখ্যা ( কৃত)

আ০ র০-কর্ণব্যধনমাহ-ব্যধনমিতি|

সর্বাঙ্গসুন্দরী ব্যাখ্যা ( কৃত)

স০-অর্ধাঙ্গুলপ্রমাণং বৃত্তং আস্যং-মুখং, যস্যাঃ সাঽর্ধাঙ্গুলবৃত্তাস্যা| তথা, স এব-অর্ধাঙ্গুলপ্রমাণঃ প্রবেশো যস্যাঃ সা তত্প্রবেশা| তথোর্ধ্বত ইতি বৃত্তার্ধাঙ্গুলাদুপরিষ্টাত্ তথৈব-অর্ধাঙ্গুলপ্রমাণৈব চতুরস্রা স্যাত্| সা আরানাম শস্ত্রম্| তযা আরযা, শোফং বিধ্যেত্| কদা ? পক্বামসংশযে,-কিমযং পক্বঃ শোফ উতাম ইতি সন্দেহে| বহলাং চ কর্ণপলীং তযা বিধ্যেত্|

আযুর্বেদরসাযনম্ ব্যাখ্যা ( কৃত)

আ০ র০-আরামাহ-আরেতি| তত্প্রবেশা-অর্দ্ধাঙ্গুলপ্রবেশা| ঊর্ধ্বতঃ-বৃত্তান্মুখাদূর্ধ্বং, চতুরস্রা| পক্বামসংশযেপক্বত্বামত্বসন্দেহে| বহলাং-ঘনাম্|

সর্বাঙ্গসুন্দরী ব্যাখ্যা ( কৃত)

স০-বহলাযাঃ-অতিমাংসলাযাঃ কর্ণপাল্যাশ্চ, সূচী শস্যতে,-ন কেবলমারা| কীদৃশী সূচী ? ত্রিভাগঃ-প্রান্তভাগাত্ সুষিরো যস্যাঃ সৈবম্| তথা, ত্র্যঙ্গুলা-দৈর্ঘ্যেণ| সা চ কর্ণবেধনী স্যাত্|

আযুর্বেদরসাযনম্ ব্যাখ্যা ( কৃত)

আ০ র০-বহলকর্ণপালীব্যধনার্থং সূচীমাহ-বহলাযাশ্চেতি|

সর্বাঙ্গসুন্দরী ব্যাখ্যা ( কৃত)

স০-জলৌকঃপ্রভৃতযোঽনুশস্ত্রাণি রক্তস্রাবকার্যকারণাত্| তানি চালৌহানি-লোহবর্জিতানি| আদিশব্দেনাযস্কান্তশাকশোফালিকাদিখরপত্রাদীনাং গ্রহণম্| এবং চোক্তেন ন্যাযেনান্যান্যপি যন্ত্রাদীনি বিকল্পযেত্| আদিশব্দেন শস্ত্রাণাং গ্রহণম্| উপযোগং চ যৌগিকং-সাধুতরং, বুদ্ধ্যা নিরূপযেত্|

আযুর্বেদরসাযনম্ ব্যাখ্যা ( কৃত)

আ০ র০-অনুশস্ত্রাণ্যাহ-জলৌক ইতি| উক্তেভ্যঃ শস্ত্রযন্ত্রেভ্যোঽন্যান্যপি স্ববুদ্ধ্যা কল্প্যানীত্যাহ-তান্যেবমিতি| তানি-শস্ত্রানুশস্ত্রাণি, যন্ত্রাদীনিযন্ত্রানুযন্ত্রাণি, তেশাং যোগ্যমুপযোগং চ, বিকল্পযেত্|

সর্বাঙ্গসুন্দরী ব্যাখ্যা ( কৃত)

স০-উত্পাট্যাদীনি তত্ক্রিযাঃ,-তেষাং-ষড্বিংশতিশস্ত্রাণাং, ক্রিযাঃ-কর্মাণি, তত্ক্রিযাঃ| { তানি ষড্বিংশতিশস্ত্রাণি সঙ্গ্রহোক্তানি (সূ. অ. ৩৪)- "তদ্যথা-দন্তলেখনমণ্ডলাগ্রবৃদ্ধিপত্রোত্পলপত্রাধ্যর্ধধারমুদ্রিকাকর্তরীসর্পবক্ত্রকরপত্রকুশপত্রাটামুখা-ন্তর্মুখশরারিমুখত্রিকূর্চকূঠারিকাব্রীহিমুখশলাকাবেতসপত্রারাকর্ণব্যধনসূচীসূচীকুর্চখজৈষণী-বডিশনখশস্ত্রাণি|" ইতি| } উত্পাট্যং-উদ্ধার্যম্, তত্র নখশস্ত্রং প্রযোজ্যম্| পাটনে বৃদ্ধিপত্রাদি| সীবনে সূচ্যঃ| লেখনে মণ্ডলাগ্রাদিঃ| প্রচ্ছানে নখশস্ত্রাদি| কুট্টনে কূর্চঃ| ছেদনে উত্পলপত্রাদি| ভেদনে এষণী সূচীমুখা| ব্যধনে বেতসাদি| মন্থনে খজঃ| গ্রহে সন্দংশঃ| দাহে শলাকাদিরিতি|

আযুর্বেদরসাযনম্ ব্যাখ্যা ( কৃত)

আ০ র০- শস্ত্রদোষানাহ-শস্ত্রকার্যাণি গণযতি-উত্পাট্যেতি| উত্পাঠ্যং-উত্পাটনম্, ভাবে যত্প্রত্যযঃ| এবং পাঠ্যাদিষু| সীব্যং-সীবনম্|

সর্বাঙ্গসুন্দরী ব্যাখ্যা ( কৃত)

স০-স্পষ্টম্

আযুর্বেদরসাযনম্ ব্যাখ্যা ( কৃত)

আ০ র০-শস্ত্রদোষানাহ-কুণ্ঠখণ্ডেতি| তে চ দোষা অন্যত্র করপত্রাত্|

সর্বাঙ্গসুন্দরী ব্যাখ্যা ( কৃত)

স০-ছেদভেদনলেখ্যার্থং তর্জনীমধ্যমাঙ্গুষ্ঠৈর্মিলিতৈঃ শস্ত্রং বৃন্তফলান্তরে-বৃন্তফলমধ্যভাগে, গৃহ্ণীযাত্| কীদৃক্ ? সুসমাহিতঃ,-তদ্গতমনাঃ| বিস্রাবণকার্যাণি শরার্যাস্যাদীনি শস্ত্রাণি বৃন্তাগ্রে তর্জন্যঙ্গুষ্ঠাভ্যাং গৃহ্ণীযাত্| গৃহ্ণীযাদিত্যনুবর্ততে| তলশব্দেন পাণিতলমুচ্যতে, আদিলোপাখ্যযা তন্ত্রযুক্ত্যা| তলেন প্রচ্ছ্হন্নং বৃন্তাগ্রং যস্য তত্ ব্রীহিমুখং মুখে গৃহ্ণীযাত্| শেষং শস্ত্রং ক্রিযাসৌকর্যতো গৃহ্ণীযাত্| সুকরস্য ভাবঃ সৌকর্যম্| যথা সুকরা পাটনাদিকা ক্রিযা স্যাত্তথাঽঽদদীতেত্যর্থঃ|

আযুর্বেদরসাযনম্ ব্যাখ্যা ( কৃত)

আ০ র০-শস্ত্রকোশমাচষ্টে-শস্ত্রধারণবিধিমাহ-ছেদভেদনেতি| ছেদনাদিকর্মণি বৃন্তফলযোর্মধ্যে তর্জন্যাদিভির্মিলিতৈঃ শস্ত্রং গৃহ্ণীযাত্| বিস্রাবণে তু তর্জন্যঙ্গুষ্ঠাভ্যাং বৃন্তাগ্রে গৃহ্ণীযাত্| ব্রীহিমুখং তু পাণিতলেন বৃন্তাগ্রং প্রচ্ছাদ্য মুখে গ্রাহ্যম্| আহারণে তু শস্ত্রং মূলে গ্রাহ্যম্| পাশস্যোপরি মধ্যে লঘুসন্দংশঃ কর্তরী চ| শেষেষু তু কর্মসু যত্র গৃহীতে ক্রিযাসৌকর্যং তত্র গ্রাহ্যম্|

সর্বাঙ্গসুন্দরী ব্যাখ্যা ( কৃত)

স০-নবাঙ্গুলবিস্তারঃ শস্ত্রকোশঃ স্যাত্| তথা, সুষ্ঠু ঘনোনিবিডঃ| তথা, দ্বাদশাঙ্গুলপ্রমাণো দৈর্ধ্যেণ| তথা, ক্ষৌ মাদিজঃ| তথা, বিন্যস্তঃ-কৃতঃ, পাশো যস্য স বিন্যস্তপাশঃ| তথা, সুষ্ঠু স্যূতঃ| তথা, সান্তরাণি-সব্যবধানানি, ঊর্ণাস্থানি শস্ত্রাণি যস্মিন্ স সান্তরোর্ণাস্থশস্ত্রকঃ| তথা, শলাকযা পিহিতং-স্থগিতং, আস্যং যস্য স এবম্| তথা, শোভনঃ সঞ্চযো যস্য স সুসঞ্চযঃ, নাপিতভাণ্ডিকাবত্| তন্ত্রান্তরে চোক্তম্ "নিশানী তু শস্ত্রাণাং শ্লক্ষ্ণা শিলিকা মাষমুদ্গপ্রভা" ইত্যাদি|

আযুর্বেদরসাযনম্ ব্যাখ্যা ( কৃত)

আ০ র০-সুকুমারবালানামস্ত্রবিস্রাবণার্থং জলৌকসো নির্দিদিক্ষুরাহ-শস্ত্রস্থাপনার্থং শস্ত্রকোশমাহ-স্যাদিতি| সঙ্গ্রহে তু (সূ.অ. ৩৪)-"হস্ত এব চাত্র প্রধানতমস্তদধীনত্বাদ্যন্ত্রশস্ত্রাণাম্| তত্র ক্ষারেণ পাযিতং শস্ত্রং শরশল্যাস্থিচ্ছেদনেষু, উদকেন মাংসচ্ছেদনে, তৈলেন পাটনভেদনশিরাব্যধস্নাযুচ্ছেদনেষু চ প্রযুঞ্জীত| ধারা পুনর্ভেদনানাং মাসূরী, লেখনানামর্ধমাসূরী, ব্যধনানাং বিস্রাবণানাং চ কৈশিকী, ছেদনানামর্ধকৈশিকী| নিশানী তু তেষাং শ্লক্ষ্ণা শিলিকা মাষমুদ্গপ্রভা| ধারাসংস্থাপনং চ শাল্মলীফলকম্| অথ যোগ্যা| ন চাধিকৃতশাস্ত্রেঽপ্যকৃতযোগ্যঃ, যোগ্যা-অভ্যাসঃ, সুবহুশো বাঽপ্যদৃষ্টকর্মা শস্ত্রকর্মণি প্রবর্তেত, শিরাস্নাযুমর্মাদিব্যাপ্তত্বাদ্দেহস্য| তস্মাত্ সরোমচর্মপুষ্পফলালাবুত্রপুসোদকপঙ্কপূর্ণদৃতিবস্তিবধ্রমাংসপেশিকোত্পলনালাদিষু যথার্হমাহরণাদিযোগ্যাং কুর্যাত্| তথা ঘটপার্শ্বস্রোতস্যম্ভোভিঃ পরিপূর্ণেন নেত্রেণ বস্তিপীডনযোগ্যাম্| মৃদুমাংসখণ্ডেষ্বগ্নিক্ষারাবচরণযোগ্যাম্| পুস্তমযপুরুষাঙ্গপ্রত্যঙ্গেষু বন্ধনযোগ্যাম্| অপি চ| যুক্তকারী ভিষগ্বুভূষুঃ পুরুষং সম্পূর্ণগাত্রমবিষহতমদীর্ঘব্যাধিপীডিতং নিষ্কৃষ্টান্ত্রমবহন্ত্যামাপগাযাং মুঞ্জবল্বজবেষ্টিতং পঞ্জরস্থমপ্রকাশে দেশে কোথযেত্| তং সম্যক্প্রকুথিতং চোদ্ধৃত্যাযতদেহং কৃত্বোশীরবেণুকূর্চাদীনামন্যতমেন শনৈঃশনৈরবঘৃষ্য ত্বগাদীন্ সর্বানেব বাহ্যাভ্যন্তরানঙ্গসিরাস্রায্বাদীনবযবানাচার্যোপদর্শিতেনাগমেন চক্ষুষা চ লক্ষযেত্| ইতি শাস্ত্রেণ যদ্দৃষ্টং দৃষ্টং প্রত্যক্ষতশ্চ যত্| সমাগতং তদুভযং ভূযো জ্ঞানং বিবর্ধযেত্||" ইতি|

সর্বাঙ্গসুন্দরী ব্যাখ্যা ( কৃত)

স০-সুখিনাং-সুখোচিতানাং, রক্তস্রাবণার্থং জলৌকসো যোজযেত্| তাশ্চ দ্বিপ্রকারাঃ,-সবিষানির্বিষাশ্চ| তত্র সবিষাণাং সাপাযত্বাত্তা এব তাবল্লক্ষযতি-

আযুর্বেদরসাযনম্ ব্যাখ্যা ( কৃত)

আ০ র০-জলৌকসাং বিষযমাহ-জলৌকসস্ত্বিতি|

সর্বাঙ্গসুন্দরী ব্যাখ্যা ( কৃত)

স০-দুষ্টাম্বূদ্ভবাশ্চ জলৌকসঃ সবিষা ইতি বর্জযেত্| তথা মত্স্যভেকসর্পাদিশবকোথোদ্ভবাঃ, তথা তেষামেব মত্স্যাদীনাং যে মলাঃ-মূত্রপুরীষাদযঃ, তদুদ্ভবাশ্চ সবিষা ইতি বর্জযেত্| সবিষাণাং লক্ষণমাহ-রক্তা ইত্যাদি| যাবল্লোমশা যাস্তাঃ সবিষা যতঃ, ততো বর্জযেত্-তা ন যোজযেত্|

আযুর্বেদরসাযনম্ ব্যাখ্যা ( কৃত)

আ০ র০-বর্জ্যাং জলৌকস আহ-দুষ্টাম্ত্র্বিতি| দুষ্টাম্বুনি মত্স্যাদিশবকোথমলেষু চ জাতাঃ|

সর্বাঙ্গসুন্দরী ব্যাখ্যা ( কৃত)

স০-তাভির্হি যোজিতাভিঃ কণ্ড্বাদযঃ স্যুঃ| উপলক্ষণং চেদম্| দাহশোষমূর্চ্ছাদযোঽপি স্যুঃ| { তত্র- } তাসু মোহাদ্যোজিতাসু, বিষাদিজিত্ কার্যম্|

আযুর্বেদরসাযনম্ ব্যাখ্যা ( কৃত)

আ০ র০-বর্জ্যাপ্রযোগে দোষমাহ-তাভিরিতি| বর্জ্যাদোষে চিকিত্সামাহ-বিষপিত্তাস্রনুদিতি|

সর্বাঙ্গসুন্দরী ব্যাখ্যা ( কৃত)

স০-জলৌকস ইত্যনুবর্ততে| শুদ্ধজলোদ্ভবাঃ (শুদ্ধাম্বুজাঃ)-সৌগন্ধিকোত্পলকমলবিপুলসলিলশৈবালজা জলৌকসো, নির্বিষাঃ স্যুঃ| আসাং চ লক্ষণমাহ-শৈবলেত্যাদি| শৈবলমিব শ্যাবাঃ, তথা বৃত্তাঃ, তথা নীলোর্ধ্বরাজযঃ, তথা কষাযং-ন্যগ্রোধাদিবল্কলসদৃশবর্ণং, পৃষ্ঠং যাসাং তা এবম্, তথা তনুশরীরাঃ কিঞ্চিত্পীতবর্ণজঠরাশ্চ নির্বিষা বেদ্যাঃ|

আযুর্বেদরসাযনম্ ব্যাখ্যা ( কৃত)

আ০ র০-গ্রাহ্যা জলৌকস আহ-শুদ্ধাম্বুসম্ভবা ইতি|

সর্বাঙ্গসুন্দরী ব্যাখ্যা ( কৃত)

স০-নির্বিষা অপি জলৌকসো রক্তমত্তা ইতি ত্যজেত্| ন কেবলং সবিষা ইতি প্রতিপাদনার্থোঽপিশব্দঃ| রক্তমত্তত্বে হেতুদ্বযমাহ-অসম্যগ্বমনাত্, দুষ্টরক্তস্যেতি শেষঃ| প্রততং চ লাগনাত্, দুষ্টরক্তবাসিত্বেন রক্তমত্তা ইত্যুক্তাঃ| তাশ্চ কথং লক্ষ্যন্তে ? ইত্যাহ-সীদন্তীরিত্যাদি| জলং (সলিলং) প্রাপ্যতোযপূর্ণভাণ্ডমাসাদ্য, সীদন্তীঃ-ন তথা চেষ্টমানাঃ, ইতি জ্ঞাত্বা ত্যজেত্|

আযুর্বেদরসাযনম্ ব্যাখ্যা ( কৃত)

আ০ র০-গ্রাহ্যাস্বপি মত্তা বর্জ্যা ইত্যাহ-তা ইতি| প্রততং নিপাতনাত্-অবিশ্রময্য প্রযোগাত্| সীদন্তীঃ-শ্রমমত্যজন্তীঃ| রক্তমত্তা ইতি- রক্তমত্তত্বাদ্ধেতোঃ|

সর্বাঙ্গসুন্দরী ব্যাখ্যা ( কৃত)

স০-অথ-পরিক্ষাতোঽনন্তরং, ইতরা লাগযেত্| কিম্ভূতাঃ ? হরিদ্রাকল্কযুক্তজলে পরিপ্লুতাঃ, কাঞ্জিকে কালশেযে বা পরিপ্লুতাঃ, পুনশ্চ জলে সমাশ্বাসিতাঃ-সাত্ম্যভূতে জলে প্লবনার্হাঃ সোত্সাহাঃ সতীঃ, যোজযেত্| অলগন্তীঃ কথং লাগযেত্ ? ইত্যাহ-ঘৃতেত্যাদি| ঘৃতাদিপাতনৈস্তা যোজযেত্| পাতনশব্দঃ প্রত্যেকং যোজ্যঃ| শস্ত্রেণাঙ্গে রক্তং মোক্ষযিত্বা বা ত যোজযেত্| তাশ্চ পিবন্তীঃ সূক্ষ্মবাসসাঽঽচ্ছাদযেত্| এবং হি তাসাং মক্ষিকাদ্যনুপদ্রবাত্ সম্যগ্যোজনা স্যাত্| অথ কিমেতাঃ পিবন্ত্যুত নেতি কথং জ্ঞাযতে ? ইত্যত্র বিশেষণদ্বারেণ হেতুমাহ-উন্নতস্কন্ধা ইতি| উন্নতঃ স্কন্ধো যাসাং তা এবম্| উন্নতস্কন্ধত্বেন তাসাং পানং জ্ঞাযত ইত্যর্থঃ|

আযুর্বেদরসাযনম্ ব্যাখ্যা ( কৃত)

আ০ র০-ননু, শুদ্ধরক্তদুষ্টরক্তযোরেকল্কীভূতত্বাত্ শুদ্ধরক্তাকর্ষণাজ্জালৌকা দোষায স্যাদিত্যাহ-জলৌকসাং প্রযোগমাহ-অথেতরা ইতি| ইতরাঃ-অবর্জ্যাঃ| অবন্তিসোমে-কাঞ্জিকে| ঘৃতাদ্যন্যতমেন প্রদেশমভ্যজ্য শস্ত্রেণ বা প্রচ্ছায লাগযেত্|

সর্বাঙ্গসুন্দরী ব্যাখ্যা ( কৃত)

স০-দুষ্টশুদ্ধাস্রান্মিলিতাদপি জলৌকা দুষ্টরক্তমেব পূর্বমাদত্তে, ন শুদ্ধং দেহধাতুস্থম্, ইতি দৃষ্টান্তেন দর্শযতি-হংস ইত্যাদি| হংসো যথা ক্ষীরজলান্মিশ্রিতাত্ প্রাগ্দুগ্ধমাদত্তে ন তু জলম্, তথা জলৌকাঃ প্রাগ্শুদ্ধং রক্তমাদত্তে পশ্চাদিতরদিতি ন্যায্যমেতত্|

আযুর্বেদরসাযনম্ ব্যাখ্যা ( কৃত)

আ০ র০-দুষ্টশুদ্ধসম্পর্কে জলৌকাঃ প্রথমং দুষ্টং পিবতীত্যাহ সম্পৃক্তাদিতি|

সর্বাঙ্গসুন্দরী ব্যাখ্যা ( কৃত)

স০-দংশস্য তোদে সতি কণ্ড্বাং সত্যাং বা মোক্ষযেত্, শুদ্ধরক্তরক্ষার্থমতিযোগভযাচ্চ| তামিত্যেকবচননির্দেশাদেকৈকাং মোক্ষযেত্, ন তু সর্বাঃ সকৃদেবেতি গমযতি| অথ পানলৌল্যল্যাদৃশং, - ন ত্যজেত্ততো হরিদ্রাচূর্ণং বা বদনে দত্ত্বা মোক্ষযেত্|

আযুর্বেদরসাযনম্ ব্যাখ্যা ( কৃত)

আ০ র০-জলৌকসাং মোক্ষণকালমাহ-দংশস্যেতি|

সর্বাঙ্গসুন্দরী ব্যাখ্যা ( কৃত)

স০-মোক্ষিতাং চ জলৌকসং বামযেত্| বমনবিধানমাহ পট্বিত্যাদি| সৈন্ধবযুতেন তৈলেন রূষিতাস্যাং তথা সূক্ষ্মেণ তণ্ডুলকণ্ডনেন রূষিতাং-অবকীর্ণাং, বামযেত্| তণ্ডুলশব্দস্যাত্র লোপো জ্ঞেযস্তন্ত্রযুক্ত্যা|

আযুর্বেদরসাযনম্ ব্যাখ্যা ( কৃত)

আ০ র০-মোক্ষিতানাং কৃত্যমাহ-বামযেদিতি| কণ্ডনং তুষঃ|

সর্বাঙ্গসুন্দরী ব্যাখ্যা ( কৃত)

স০-তাঃ-কৃতবমনা জলৌকসো, রক্তমদাদ্রক্ষন্ পুনঃ সপ্তাহং ন যোজযেত্|

আযুর্বেদরসাযনম্ ব্যাখ্যা ( কৃত)

আ০ র০-সপ্তাহাদর্বাক্ জলৌকসাং পুনঃপ্রযোগং নিষেধতি-রক্ষন্নিতি|

সর্বাঙ্গসুন্দরী ব্যাখ্যা ( কৃত)

স০-জলৌকসাং সম্যগ্বান্তে সতি পূর্ববত্-অলাগিতানামিব, পটুতাদি ভবতি|

আযুর্বেদরসাযনম্ ব্যাখ্যা ( কৃত)

আ০ র০-জলৌকসাং সম্যগ্বমনলক্ষণমাহ-পূর্ববদিতি|

সর্বাঙ্গসুন্দরী ব্যাখ্যা ( কৃত)

স০-অতিযোগাদ্বমনস্য ক্লমো মৃত্যুর্বা স্যাত্|

আযুর্বেদরসাযনম্ ব্যাখ্যা ( কৃত)

আ০ র০-অতিবান্তে লক্ষণমাহ-ক্লম ইতি|

সর্বাঙ্গসুন্দরী ব্যাখ্যা ( কৃত)

স০-দুর্বান্তে সতি স্তব্ধতা মদশ্চ স্যাত্|

আযুর্বেদরসাযনম্ ব্যাখ্যা ( কৃত)

আ০ র০-দুর্বান্তে লক্ষণমাহ-দুর্বান্ত ইতি|

সর্বাঙ্গসুন্দরী ব্যাখ্যা ( কৃত)

স০-তাশ্চান্যস্মিন্নন্যস্মিন্ ঘটে ত্র্যহাত্ পঞ্চাহাদ্বা স্থাপ্যাঃ| কিম্ভূতে ? মৃত্স্নাপৃক্তেন জলেন গর্ভিণি, তদ্যুক্ত ইত্যর্থঃ| প্রশস্তা মৃত্-মৃত্স্না, "সস্নৌ প্রশংসাযাম্" ইতি স্নপ্রত্যযঃ| অনেকভাজনস্থাপনে কোঽর্থঃ ? ইত্যাহ-লালাদিকোথনাশার্থম্| আদিশব্দেন মূত্রপুরীষাদীনাং গ্রহণম্| লালাদীনাং_জলৌকঃসম্বন্ধিনাং, কোথঃ-কুথিতত্বং ক্লিন্নতা, তন্নাশায| তদন্বযাত্-লালাদিযোগাত্, তাঃ সবিষাঃ স্যুঃ|

আযুর্বেদরসাযনম্ ব্যাখ্যা ( কৃত)

আ০ র০-জলৌকসাং পালনবিধিমাহ-অন্যত্রান্যত্রেতি|

সর্বাঙ্গসুন্দরী ব্যাখ্যা ( কৃত)

স০-অশুদ্ধৌ-অশুদ্ধলিঙ্গানুমিতে রক্তে সতি, দংশান্ হরিদ্রাদিভিঃ স্রাবযেত্|

আযুর্বেদরসাযনম্ ব্যাখ্যা ( কৃত)

আ০ র০-দংশাপরিস্রাবে স্রাবণৌষধমাহ-অশুদ্ধাবিতি|

সর্বাঙ্গসুন্দরী ব্যাখ্যা ( কৃত)

স০-অনন্তরং শতধৌতঘৃতসম্পৃক্তাঃ পিচবো 'যোজ্যাঃ' ইতি শেষঃ| শতশব্দোঽনেকপর্যাযঃ, বহুকৃত্বো ধৌতমিত্যর্থঃ| তথা, শীতলা লেপাঃ-যষ্টীচন্দনোশীরাদিজাঃ, যোজ্যাঃ| দংশস্থিতচলিতরক্তপ্রসাদনাযেতি ভাবঃ|

আযুর্বেদরসাযনম্ ব্যাখ্যা ( কৃত)

আ০ র০-দংশস্ত্রাবানন্তরং কৃত্যমাহ-শতধৌতেতি|

সর্বাঙ্গসুন্দরী ব্যাখ্যা ( কৃত)

স০-দুষ্টরক্তস্যাপগমনাত্-নিঃসরণাত্, সদ্যো-দ্রাগেব, রাগপীডাশান্তির্ভবতি| উপলক্ষণং চেদম্| শ্বযথুশৈথিল্যদাহশমোঽপি হি ভবত্যেব|

আযুর্বেদরসাযনম্ ব্যাখ্যা ( কৃত)

আ০ র০-স্রাবফলমাহ-দুষ্টরক্তাপগমনাদিতি|

সর্বাঙ্গসুন্দরী ব্যাখ্যা ( কৃত)

স০-অশুদ্ধং রক্তং স্বাশযাচ্চলিতং ব্রণস্থানে স্থিতং পর্যুষিতং সত্ ব্যম্লীভবেদ্যতঃ, তস্মাত্ তত্-রক্তং, ভূযঃ স্রাবযেত্|

আযুর্বেদরসাযনম্ ব্যাখ্যা ( কৃত)

আ০ র০-দ্বিতীযেঽহ্নি পুনঃ স্রাবমাহ-অশুদ্ধমিতি| অম্লীভবেত্-পাকোন্মুখং ভবেত্|

সর্বাঙ্গসুন্দরী ব্যাখ্যা ( কৃত)

স০-রক্তে পিত্তেন দূষিতে সতি, অলাবুঘটিকা ন লাগযেত্| তাসাং-অলাবূনাং ঘটিকানাং চ, অগ্নিসংযোগাত্ পিত্তরক্তকোপোপপত্তেরিতি ভাবঃ|

আযুর্বেদরসাযনম্ ব্যাখ্যা ( কৃত)

আ০ র০-অলাবুধঘটিকযোরবিষযমাহ-যুঞ্জ্যান্নেতি|

সর্বাঙ্গসুন্দরী ব্যাখ্যা ( কৃত)

স০-তাস্তু কফবাতেন দুষ্টেঽসৃজি যুঞ্জ্যাত্|

আযুর্বেদরসাযনম্ ব্যাখ্যা ( কৃত)

আ০ র০-অলাবুঘটিকযোর্বিষযমাহ-যুঞ্জ্যাত্ত্বিতি|

সর্বাঙ্গসুন্দরী ব্যাখ্যা ( কৃত)

স০-কফেন দুষ্টং রক্তং সত্ শৃঙ্গেণ নাকর্ষেত্| স্কন্নত্বাত্স্ত্যানত্বাদ্ধেতোঃ| শৃঙ্গস্য চাগ্নিসংযোগাভাবেন কফবিলযনে সামর্থ্যাভাবাত্|

আযুর্বেদরসাযনম্ ব্যাখ্যা ( কৃত)

আ০ র০-শৃঙ্গস্যাবিষযমাহ-কফেন দুষ্টমিতি|

সর্বাঙ্গসুন্দরী ব্যাখ্যা ( কৃত)

স০-বাতপিত্তাভ্যাং দুষ্টং রুধিরং শৃঙ্গেণ নির্হরেত্|

আযুর্বেদরসাযনম্ ব্যাখ্যা ( কৃত)

আ০ র০-শৃঙ্গস্য বিষযমাহ-বাতপিত্তাভ্যামিতি|

সর্বাঙ্গসুন্দরী ব্যাখ্যা ( কৃত)

স০-গাত্রং রজ্জ্বা পট্টেন বা দৃঢং সমং বদ্ধোপরি প্রচ্ছনীযপ্রদেশস্য, তথা স্নায্বাদি পরিহরন্, প্রচ্ছানং কুর্যাত্| কথম্ ? অধোদেশাত্প্রবিসৃতৈঃ-প্রবৃত্তৈঃ, পদৈরুপরিগামিভিঃ-ঊর্ধ্বপ্রসারিভিঃ| কিম্ভূতৈঃ পদৈঃ ? ন গাঢৈঃ-ন খরৈঃ, ন ঘনৈঃ-ন নিরন্তরৈঃ, ন চ তির্যগ্ভিঃ-তিরশ্চীনৈঃ| তথা, পদে পদং নাচরন্-পদস্যোপরি পদমকুর্বন্নিত্যর্থঃ| একদেশস্থিতং রক্তং প্রচ্ছানেনাকর্ষেত্| গ্রথিতং গ্রন্থ্যর্বুদাদিষু রক্তং জলৌকাভিরপহরেত্| সুপ্তং-নিশ্চেতনং সত্ স্থানে প্রসুপ্ত্যাদিবিকারি, শৃঙ্গাদিভির্হরেত্| ব্যাপি-সর্বশরীরস্য, লোহিতং শিরাব্যধৈরাকর্ষেত্|

আযুর্বেদরসাযনম্ ব্যাখ্যা ( কৃত)

আ০ র০-প্রচ্ছানবিধিমাহ-গাত্রমিতি| পদৈঃ-শস্ত্রকৃতৈঃ| অধোদেশপ্রবিসৃতৈঃ-অধস্তাদাকৃষ্টশস্ত্রৈরধোদেশমারভ্যোর্ধ্বমূর্ধ্বং ক্রিযমাণৈঃ| প্রচ্ছানস্য বিষযমাহ-প্রচ্ছানেনেতি| জলৌকসাং বিষযমাহ-গ্রথিতমিতি| গ্রথিতং-গ্রন্থীভূতম্| শৃঙ্গালাবুঘটিকানাং বিষযমাহ-শৃঙ্গাদিভিরিতি| সুপ্তং অজ্ঞাতস্পর্শম্| শিরাব্যধস্য বিষযমাহ-ব্যাপীতি| ব্যাপি-সর্বদেহস্থম্|

সর্বাঙ্গসুন্দরী ব্যাখ্যা ( কৃত)

স০-পিণ্ডিতে রক্তে প্রচ্ছানং বা স্যাত্|

আযুর্বেদরসাযনম্ ব্যাখ্যা ( কৃত)

আ০ র০-প্রচ্ছানস্য বিষযান্তরমাহ-প্রচ্ছানমিতি| পিণ্ডিতে-ঘনে|

সর্বাঙ্গসুন্দরী ব্যাখ্যা ( কৃত)

স০-অবগাঢে রক্তে জলৌকসঃ স্যুঃ|

আযুর্বেদরসাযনম্ ব্যাখ্যা ( কৃত)

আ০ র০-জলৌকসাং বিষযান্তরমাহ-অবগাঢ ইতি| অবগাঢে-গম্ভীরে|

সর্বাঙ্গসুন্দরী ব্যাখ্যা ( কৃত)

স০-ত্বক্স্থে-উত্তানে রক্তে, অলাবুঘটীশৃঙ্গাণি স্যুঃ|

আযুর্বেদরসাযনম্ ব্যাখ্যা ( কৃত)

আ০ র০-অলাব্বাদীনাং বিষযান্তরমাহ-ত্বক্স্থ ইতি|

সর্বাঙ্গসুন্দরী ব্যাখ্যা ( কৃত)

স০-সর্বশরীরব্যাপকে রক্তে শিরৈব ভবতি| শিরাযাং মতবিকল্পো নাস্ত্যেবেত্যেবশব্দার্থঃ|

আযুর্বেদরসাযনম্ ব্যাখ্যা ( কৃত)

আ০ র০-শিরাব্যধস্য নিযতত্বমাহ-শিরৈবেতি|

সর্বাঙ্গসুন্দরী ব্যাখ্যা ( কৃত)

স০- অথবা বাতাদিস্থানস্থিতং রক্তং যথাক্রমং শৃঙ্গাদিভির্হরেত্|

আযুর্বেদরসাযনম্ ব্যাখ্যা ( কৃত)

আ০ র০-শৃঙ্গাদীনাং বিষযান্তরাণ্যাহ-বাতাদিধামেতি|

সর্বাঙ্গসুন্দরী ব্যাখ্যা ( কৃত)

স০-স্রুতরক্তস্য নরস্য শীতলৈঃ প্রলেপাদিভিস্থোদকণ্ডূযুতঃ শোফো বাতকোপাত্ স্যাত্| তং-তাদৃশং শোফং, ঘৃতেনোষ্ণেন সেচযেদিতি| ইতি শ্রীমৃগাঙ্কদত্তপুত্রশ্রীমদরুণদত্তবিরচিতাযামষ্টাঙ্গহৃদযটীকা- যাং সর্বাঙ্গসুন্দরাখ্যাযাং সূত্রস্থানে শস্ত্রবিধির্নাম ষড্বিংশোঽধ্যাযঃ সমাপ্তঃ|| ২৬||

আযুর্বেদরসাযনম্ ব্যাখ্যা ( কৃত)

আ০ র০-স্রুতরক্তস্য শীতোপচারাতিশযে দোষমাহস্রুতাসৃজ ইতি| উক্তদোষে প্রতীকারমাহ-তমিতি| সঙ্গ্রহে তু (সূ.অ. ৩৫)-"সর্বাসাং চ পরং প্রমাণমষ্টাদশাঙ্গুলানি| তত্র চতুষ্পঞ্চষডঙ্গুলা নৃষু যোজযেত্| গজবাজিষ্বপরাঃ| তাসু সুকুমারাস্তনুত্বচোঽল্পশিরস্কা বৃহদধরকাযাশ্চ স্ত্রিযঃ| বিপরীতাঃ পুমাংসোঽর্দ্ধচন্দ্রাকৃতিপুরোবৃত্তাশ্চ| তত্র বহুদোষেষু চিরোত্থিতেশু চামযেষু পুমাংসো যোজযিতব্যাঃ| স্ত্রিযো বিপরীতেষু| জলৌকসস্ত্বার্দ্রচর্মাদ্যুপাযৈর্গৃহীত্বা সুরভিপঙ্কগর্ভে নবে ঘটে স্থাপযেত্| শৃঙ্গাটককসেরুকশালূকশৈবালমৃণালবল্লূরমৃত্স্রাপুষ্করবীজচূর্ণং স্বাদুশীতং স্বচ্ছং চ তোযমন্নপানার্থে তাভ্যো দদ্যাত্| লালাদিকোথপরিহারর্থমেব চ ত্র্যহান্ত্র্যহাত্ পুর্বমন্নপানমপনীযান্যদ্দদ্যাত্| পঞ্চাহাচ্চ তদ্বিধ এব ঘটান্তরে তাঃ সঞ্চারযেত্|" ইতি| ইতি হেমাদ্রিটীকাযামাযুর্বেদরসাযনে| শস্ত্রপ্রকরণং নাম সামস্ত্যেন নিরূপিতম্|| ২৬||