১৩. দোষোপক্রমণীযাধ্যাযঃ

সর্বাঙ্গসুন্দরী ব্যাখ্যা ( কৃত)

পূর্বেঽধ্যাযে বিকৃতান্ দোষানাশ্বেবোপক্রমেদিত্যুক্তম্|

আযুর্বেদরসাযনম্ ব্যাখ্যা ( কৃত)

০

সর্বাঙ্গসুন্দরী ব্যাখ্যা ( কৃত)

স০-দোষাণামুপক্রমণং-চিকিত্সা, দোষোপক্রমণম্| তস্মৈ হিতো দোষোপক্রমণীযঃ| শেষং পূর্ববদ্যোজ্যম্|

আযুর্বেদরসাযনম্ ব্যাখ্যা ( কৃত)

আ০ র০- লক্ষণস্কন্ধানন্তরমৌষধস্কন্ধমারভতে| তত্র দোষোপক্রমণীযমধ্যাযং ব্যাখ্যাতুং প্রতিজানীতে-অথেতি| দোষোপক্রমণস্যৈব সর্বরোগৌষধত্বাত্| উপক্রমণং-ঔষধম্|

সর্বাঙ্গসুন্দরী ব্যাখ্যা ( কৃত)

স০-বাতস্যোপক্রমঃ স্নেহঃ, শ্রেষ্ঠত্বাচ্চ প্রাগুপাদানং স্নেহস্য| ততঃ স্বেদঃ| কৃতস্নেহস্বেদস্য চ সংশোধনম্| তচ্চ মৃদু-ন তীক্ষ্ণম্, তীক্ষ্ণস্য বাতকোপহেতুত্বাত্| তথা, স্বাদ্বাদীনি ভোজ্যানি-ভক্ষ্যাণি| অভ্যঙ্গশ্চ মর্দনং চাভ্যঙ্গমর্দনম্| মর্দনং-পাণ্যাদি না| বেষ্টনং-শাটকাদিনা| ত্রাসনং-খঙ্গব্যগ্রাগ্রহস্তরাজপুরুষদর্শনাদিনা| ননু, ভীশোকাদিভির্মারুতস্য কোপ ঊক্তঃ| বক্ষ্যতি হি (হৃ. নি. অ. ১|১৫) - "ক্রিযাতিযোগভীশোক" ইত্যাদি| তত্ কথং ত্রাসনং বাযোরুপক্রমঃ ? উচ্যতে| ভযং বাতপ্রকোপহেতুঃ, ন তু ত্রাসনম্| ত্রাসনং হি সর্ববতবিজযি| তস্মাদ্বাতোপশান্ত্যর্থং ত্রাসনং যুক্তম্| যথা,-উন্মাদাদিষু| তথা চ বক্ষ্যতি বাতোন্মাদে (হৃ. উ. অ. ৬|২৯) - "হর্ষণাশ্বাসনোত্ত্রাসভযতাডনতর্জনম্|" ইত্যাদি| তথা, সেকাদিরুপক্রমঃ| সেকো-দশমূলক্বাথাদিনা| তথা, মদ্যং পৈষ্টিকং গৌডিকং চ বাতস্যোপক্রমঃ| তথা, স্নিগ্ধোষ্ণা বস্তযো বাতস্যোপক্রমঃ| স্নিগ্ধোষ্ণা ইত্যুক্ত্যা রূক্ষশীতং বস্তিমত্র নিরাকরোতি| তথা, বস্তিনিযমো-যথাবিধি বস্তিদানম্, বাতস্যোপক্রমঃ| অথবা বস্তিনিযমঃ-কর্মকালযোগাখ্যস্ত্রিপঞ্চাশদ্বস্তিসঙ্খ্যঃ "প্রাক্ স্নেহ একঃ পঞ্চান্তে" (হৃ. সূ. অ. ১৯|৬৩) ইত্যেবমাদিনা গ্রন্থেন যো দর্শিতঃ, স বাতস্যোপক্রমঃ| তথা সুখং শীলযতীতি সুখশীলঃ| শীলিকামিভিক্ষ্যাচরিভ্যো ণঃ| তস্য ভাবঃ সুখশীলতা,-সৌখ্যবৃত্তিত্বম্| তিলপ্রিযালাক্ষোডাদযোঽনেকা যোনযো যেষাং তেঽনেকযোনযঃ স্নেহাঃ, তে চ বাতস্যোপক্রম ইতি যোজ্যম্| কিম্ভূতাঃ ? দীপনপাচনৈর্দ্রব্যৈঃ সিদ্ধাঃ| বিশেষেণ পুষ্টমাংসরসস্তৈলমনুবাসনং চ বাতস্যোপক্রমঃ|

আযুর্বেদরসাযনম্ ব্যাখ্যা ( কৃত)

আ০ র০-তত্র বাতৌষধমাহ-বাতস্যোপক্রম ইতি| স্নেহঃ-শোধনাদিঃ (তৈলাদিঃ)| স্বেদঃ-তাপাদিঃ| শোধনং-বমনাদি, তচ্চ মৃদু-হীনযোগেন কৃতম্| বেষ্টনং-বলিতবস্রাদিনা সমন্তাদ্বন্ধনম্| ত্রাসনং-অকস্মাদ্ভযোত্পাদনম্| সেকঃ-সেচনম্| বস্তযো-নিরূহাঃ| বস্তিনিযমঃ-অনুবাসনম্, তস্য বস্তিনা নিযত্বাত্| সুখশীলতা-সুখাভ্যাসঃ| স্নেহাঃ-তৈলাদযঃ| তিলতৈলাতসীতৈলগোঘৃতমহিষীঘৃতাদিভেদাত্-অনেকযোনযঃ| দীপনৈঃ-চিত্রকাদিভিঃ| পাচনৈঃ-মুস্তাদিভিঃ| সিদ্ধাঃ-পক্বাঃ| স্নেহানাং পুনর্বচনং যথাকথঞ্চিদপি বাতঘ্নত্বজ্ঞাপনার্থম্| মেদ্যং-মেদুরম্, যত্ পিশিতং-মাংসম্, তস্য রসস্তিলতৈলমনুবাসনং চেত্যেতত্রযং বিশেষেণৌষধম্|

সর্বাঙ্গসুন্দরী ব্যাখ্যা ( কৃত)

স০-উপক্রম ইত্যনুবর্ততে| সর্পিষঃ পানমিত্যাদি পিত্তস্যোপক্রমঃ| তথা, হারাণাং-মুক্তাদাম্নাং কণ্ঠেগুণসংজ্ঞানাং বক্ষসা ধৃতিঃ-ধারণম্| তথা, মণীনাং-মরকতচন্দ্রকান্তপদ্মরাগাদীনাম্| তথা, কর্পূরাদিভিঃ প্রতিক্ষণমনুলেপনম্| তথা, প্রদোষাদিঃ পিত্তস্যোপক্রম ইতি বর্ততে| প্রদোষো-রাত্রিমুখম্| সুধাযা ইদং সৌধং,-ধবলগৃহম্| হারি-রম্যম্, গীতং-গানম্| তথা, মিত্রমযন্ত্রণসুখং-ন বিদ্যতে যন্ত্রণা যস্মিংস্তথাবিধং সুখং যস্মিংস্তথাবিধং মিত্রম্| তথা, সন্দিগ্ধা-অব্যক্তা, মুগ্ধা-অপ্রৌঢা, বাগ্-বাণী, যস্য স এবংবিধঃ পুত্রঃ| দারাঃ-কলত্রাণি, বল্লভাঃ-সুশীলাশ্চ| তথা, ছন্দানুবর্তিনঃ-চিত্তানুগুণকারিণঃ| শীতাম্বুধারা গর্ভে-অভ্যন্তরে, যেষাং তথাবিধানি গৃহাণি| তথা, উদ্যানং-উপবনম্| তথা, দীর্ঘিকাঃ-গৃহপুষ্করিণ্যঃ| তথা, সৌম্যা ভাবাঃ পিত্তস্যোপক্রমঃ| ক্ব স্থিতস্য ? সুতীর্থবিপুলস্বচ্ছসলিলাশযসৈকতে যত্ কাযমানং-তৃণগৃহম্, তস্মিন্| শোভনং তীর্থং তস্য স এবম্| সুতীর্থশ্চাসৌ বিততবিমলজলাশযশ্চ সুতীর্থবিপুলস্বচ্ছসলিলাশযঃ তস্য সমীপে সৈকতম্, তস্মিন্| সিকতা অস্মিন্দেশে সন্তীতি সৈকতম্, "সিকতাশর্করাভ্যাং চ" ইত্যণ্| সমূহার্থে ঠগ্দুর্নিবারঃ স্যাত্| কীদৃশে কাযমানে ? সাম্ভোজং-সপদ্মং, জলং যস্মিংস্তীরান্তে স এবং সাম্ভোজজলস্তীরান্তো যস্মিন্ কাযমানে তস্মিন্| তথা, দ্রুমৈঃ-বৃক্ষৈঃ, আকুলে-ব্যাপ্তে| বিশেষেণ তু পযো ঘৃতং বিরেকশ্চোপক্রমঃ|

আযুর্বেদরসাযনম্ ব্যাখ্যা ( কৃত)

আ০ র০-পিত্তস্যৌষধমাহ-পিত্তস্য সর্পিষঃ পানমিতি| সুগন্ধিশীতহৃদ্যানাং দ্রব্যাণাং-চন্দনাদীনাং যে গন্ধাস্তেষামুপসেবনম্| কণ্ঠেগুণানাং-কণ্ঠাবল্ম্বিনাং, হারাণং-মুক্তাবলীনাং, যে মণযস্তেষামুরসা ধৃতিঃ| উশীরং-বীরণম্| প্রদোষঃ-চন্দ্রং বিনাঽপি| অযন্ত্রণমুখং-যত্ মুখেন নিযন্ত্রণং ন করোতি বুদ্ধ্যা তু করোতি| মুগ্ধা-মৃদুলা| উদ্যানদীর্ঘিকাঃ-ক্রীডাবনাবাপ্যঃ| সুতীর্থঃ-শোভনাবতরণমার্গঃ, বিপুলঃ স্বচ্ছশ্চ যঃ সলিলাশযঃ, তস্য সৈকতে-সিকতামযপ্রদেশে| সাম্ভোজজলতীরযোরন্তঃ-সন্ধিঃ, যস্মিন্সৈকতে তত্তথা| কাযমানং-তৃণাদিরচিতাগারম্| সৌম্যা ভাবাঃ-মনঃপ্রসাদনাঃ পদার্থাঃ, পযঃ সর্পির্বিরেকশ্চেতি চতুষ্টযং বিশেষাদৌষধম্|

সর্বাঙ্গসুন্দরী ব্যাখ্যা ( কৃত)

স০-বিধিনা-শাস্ত্রোক্তেন, যুক্তং তীক্ষ্ণং বমনবিরেচনং কফস্যোপক্রমঃ| তথা, অন্নং রূক্ষাদিগুণযুক্তম্| তথা, মদ্যং পুরাণম্| রতিপ্রীতিঃ প্রজাগরঃ,-রমণং-রতিঃ, তস্যাঃ প্রীতিঃ-সুখম্| তথা, প্রজাগরঃ-অতিজাগরণম্| তথা, অনেকরূপো ব্যাযামো-নিযুদ্ধধনুরাকর্ষণাদিকঃ| বিশেষেণ তু বমনং যূষো মাক্ষিকং তথা মেদোঘ্নং যদৌষধং তচ্চ ধূমাদযশ্চ| তথা, নিঃসুখত্বং-সুখাভাবো দুঃখরূপত্বম্, বাগ্দেহমনঃকর্মণো দুঃখদস্যানুষ্ঠানাদ্যদসুখমুপদ্যতে, তচ্চ শ্লেষ্মণো বৃদ্ধস্য বিকারকরণহেতোরুপশমাত্ সুখায জাযতে|

আযুর্বেদরসাযনম্ ব্যাখ্যা ( কৃত)

আ০ র০-শ্লেষ্মণ ঔষধমাহ-শ্লেষ্মণো বিধিনা যুক্তমিতি| বিধিনা যুক্তং তীক্ষ্ণং শোধনম্, তীক্ষ্ণেন শোধনেন ব্যাপদোঽসম্ভবাত্| অত এব মৃদুমধ্যং বাতপিত্তযোঃ শোধনমুক্তম্| রতিপ্রীতিঃ-সম্ভোগে প্রীতিঃ, ন তু রতিঃ| বমনাদ্যষ্টকং বিশেষাদৌষধম্| সুখায-সুখসাধনায| ধর্মাযযন্নিঃসুখত্বং-দুঃখানুভবঃ নাধর্মায, তস্য রোগহেতুত্বাত্|

সর্বাঙ্গসুন্দরী ব্যাখ্যা ( কৃত)

স০-পৃথক্-প্রত্যেকং, দোষান্-বাতাদীন্. উদ্দিশ্য-আশ্রিত্য, য উপক্রমঃ কীর্তিতঃ-উক্তঃ, সংসর্গে সন্নিপাতে চ তং-উপক্রমং, যথাস্বং বিকল্পযেত্-প্রবৃদ্ধদোষানুসারেণ নিরূপ্য প্রযুঞ্জীত| যথা,-বাতপিত্তসংসর্গে বাতপিত্তোপক্রমৌ মিশ্রৌ, বাতকফসংসর্গে বাতকফোপক্রমৌ, ইত্যাদি| এবং সন্নিপাতেঽপি নিরূপ্যোপক্রমঃ প্রযোজ্যঃ|

আযুর্বেদরসাযনম্ ব্যাখ্যা ( কৃত)

আ০ র০-সংসর্গসন্নিপাতভেদানামৌষধমাহ-উপক্রম ইতি| যথাস্বং-স্বমাত্মীযং বিশেষমনতিক্রম্য, বিকল্পযেত্| যথা,- বাতপিত্তসংসর্গে বাতপিত্তৌষধমেলনমবিরোধেন| তস্মিন্নেব বাতাধিকে বাতৌষধমাধিক্যেন, পিত্তাধিক্যে পিত্তৌষধম্, এবমন্যত্রাপি|

সর্বাঙ্গসুন্দরী ব্যাখ্যা ( কৃত)

স০-উপক্রম ইত্যনুবর্ততে| বাতপিত্তসংসর্গে গ্রীষ্মর্তুচর্যাবিহিত উপক্রমঃ প্রাযেণ যোজ্যঃ| যথা (হৃ. সূ. অ. ৩|২৭) - "অতোঽস্মিন্ পটুকট্বম্লব্যাযামার্ককরাংস্ত্যজেত্| ভজেন্মধুরমেবান্নম্" ইত্যাদি সর্বং ত্যাজ্যং সেব্যং চ| কফমারুতসংসর্গে বসন্তর্তুভবঃ "তীক্ষ্ণৈর্বমননস্যাদ্যৈঃ" (হৃ. সূ. অ. ৩|১৯) ইত্যাদিরুপক্রমো যোজ্যঃ| প্রাযেণেত্যত্রাপি যোজ্যম্| ননু, গ্রীষ্মেঽত্যন্তশীতসেবোক্তা, বসন্তে চ তীক্ষ্ণং বমননস্যাদ্যুক্তম্| এতচ্চ দ্বযমপ্যেকান্তেন পবনহেতুঃ| তত্কথমুক্তম্ ? "গ্রৈষ্মঃ প্রাযো মরুত্পিত্তে বাসন্তঃ কফমারুতে|" ইত্যাশঙ্ক্যাহ-মরুতো যোগবাহিত্বাত্| অত্রাযং ভাবঃ,-যদা কিল বাযুঃ পিত্তেন যুজ্যতে তদা দাহাদিকৃত্, ন চ পিত্তে সমে সতি দাহাদিকং কর্তুং মরুত্সমর্থঃ| অপি চ গ্রীষ্মে শীতমেব সেব্যত ইতি নাযং নিযমঃ| কিং তর্হি? স্নিগ্ধাদ্যপি| তস্মান্মরুত্পিত্তে গ্রীষ্মবিধির্যুক্তঃ| বসন্তে চ কফযোগাত্ কফবিকারকার্যেব ভবতি পবনঃ, যোগবাহিত্বাত্| অতস্তীক্ষ্ণো বমননস্যাদির্ন্যায্য এব| পিত্তেন সহ স্থিতস্য বাযোঃ পিত্তচিকিত্সা, কফেন সহ স্থিতস্য বাযোঃ কফচিকিত্সা, স্বভাববশাদিতি ভাবঃ| তথা চ গ্রন্থঃ,-"যোগবাহী" (পৃ. ৯|২৩) ইত্যাদি| কফপিত্তসংসর্গে তু শারদঃ-শরদৃতুচর্যাবিহিত উপক্রমঃ| ননু, সন্নিপাতে ক উপক্রমঃ ? ব্রূমঃ| বর্ষর্তুচর্যাবিহিতঃ| প্রাবৃষি হি দোষত্রযকোপ উক্তঃ| অত এব তত্রাহ (হৃ. সূ. অ. ৩|৪৪) - "ভজেত্সাধারণং সর্বম্" ইত্যাদি|

আযুর্বেদরসাযনম্ ব্যাখ্যা ( কৃত)

আ০ র০-সংসর্গভেদানামৌষধান্তরমাহ-গ্রৈষ্ম ইতি| মরুত্পিত্তে সংসৃষ্টে গ্রৈষ্ম উপচারঃ কার্যঃ| কফমারুতে বাসন্তঃ| কফপিত্তে শারদঃ| তত্র শারদস্য কফপিত্তঘ্নত্বাদ্যুক্তো নির্দেশঃ| গ্রৈষ্মস্য পিত্তঘ্নত্বাদ্বাসন্তস্য কফপিত্তঘ্নত্বাদযুক্তঃ, তত্রাহ-মরুতো যোগবাহিত্বাদিতি| যোগং-সম্বন্ধং, বহতিনির্বহতি, দ্বিতীযস্যানুসরণেনেতি-যোগবাহী| তেন পিত্তযুক্তস্য বাযোঃ পিত্তঘ্নেনোপশান্তিঃ, কফযুক্তস্য কফঘ্নেন| প্রাযোগ্রহণাদনুচিতাংশস্য ত্যাগোঽপি|

সর্বাঙ্গসুন্দরী ব্যাখ্যা ( কৃত)

স০-চযকাল এব দোষং-বাতাদিং, জযেত্| যথা ছিন্নমূলত্বান্ন বিকুর্বীত| ন কোপকালং প্রতীক্ষেতেতি সূচনার্থ এবশব্দঃ| কথং জযেত্ ? ইত্যাহ-কুপিতং দোষমবিরোধযন্| সর্বদোষকোপে তু বলবত্তরং দোষং জযেত্| কথম্? শেষদোষাবিরোধেন|

আযুর্বেদরসাযনম্ ব্যাখ্যা ( কৃত)

আ০ র০-ঔষধকালমাহ-চয এবেতি| চয এব দোষং জযেত্, ন কোপং প্রতীক্ষেত| অথ কথঞ্চিচ্চযাতিক্রমে কুপিতং দোষং জযেত্| তং পুনরবিরোধযন্ জযেত্| কুপিতোঽপিদ্বিবিধঃ,-প্রকৃতিসমসমবেতো বিকৃতিবিষমসমবেতশ্চ| তত্র প্রথমে দোষস্বরূপতুল্যং রোগস্বরূপম্, দ্বিতীযে বিপরীতম্| যথা,- কফজ্বরে কফবিপরীতমুষ্ণত্বম্| তত্র জ্বরস্বরূপস্য কফপ্রকোপবিরোধিত্বাদত্যুষ্ণমৌষধং ন কার্যম্| বক্ষ্যতি হি (হৃ. চি. অ. ১/১৬) -"ঊষ্মা পিত্তাদৃতে নাস্তি জ্বরো নাস্ত্যূষ্মণা বিনা| তস্মাত্পিত্তবিরুদ্ধানি ত্যজেত্পিত্তাধিকেঽধিকম্||" ইতি| সর্বেষাং যুগপত্কোপে যো বলীযান্ তং জযেত্, শেষদোষমবিরোধযন্| সঙ্গ্রহকারস্ত্বাহ (সূ. অ. ২১) - "ক্রমান্মরুত্পিত্তকফান্ সর্বত্র সদৃশে বলে| বাতাদীনাং যথাপূর্বং যতঃ স্বাভাবিকং বলম্|| ঊচে পরাশরোঽপ্যর্থমমুমেব প্রমাণযন্| যথোপন্যাসতঃ প্রাপ্তমাদৌ দোষে ভিষগ্জিতম্|| নেতৃভঙ্গেন দৃষ্টো হি সমং সৈন্যপরাজযঃ| স্থানতঃ কেচিদিচ্ছন্তি প্রাক্ তাবত্ শ্লেষ্মণো বধম্|| শিরস্যুরসি কণ্ঠে চ প্রলিপ্তেঽন্নরুচিঃ কুতঃ| তদভাবে কথং ভোজ্যপানদ্রব্যাবচারণম্|| অসত্যভ্যবহারে চ কুতো দোষস্য নিগ্রহঃ| তস্মাদাদৌ কফো জেযঃ কাযদ্বারার্গলো হি সঃ|| মধ্যস্থাযি যতঃ পিত্তমাশুকারি চ চিন্ত্যতে| অতো বাতসখস্যাস্য কুর্যাত্তদনু নিগ্রহম্|| অধঃস্থাযী চ তদনুনিগ্রাহ্যঃ স্যাত্সমীরণঃ| অত এব চ পিত্তাদিঃ কফান্তোঽন্যৌ ক্রমঃ স্মৃতঃ|| সুশ্রুতশ্চ ন সর্বত্র মতমেতড্রবীতি তু| জযেজ্জ্বরেঽতিসারে চ ক্রমাত্ পিত্তকফানিলান্|| প্রাযেণ তাপাত্মতযা জ্বরে পিত্তং বিশিষ্যতে| বিশশ্চ সরতা পিত্তাত্তথা চ মৃদুকোষ্ঠতা|| তস্য চানুবলঃ শ্লেষ্মা গৌরবাপক্তিজাড্যকৃত্| বাযুশ্চ বর্ধতেঽবশ্যং যস্ত্বহঃসু তযোঃ ক্ষযে|| জ্বরাতিসারযোস্তস্মাদেষ দোষজযে ক্রমঃ| কফপিত্তানিলানন্যে ক্রমাদাহুস্তযোরপি|| যস্মাদামশযোত্ক্লেশাদ্ভূযিষ্ঠং তত্সমুদ্ভবঃ| ক্রমেণাদ্যেন তত্রাপি প্রবৃদ্ধান্ স্বাশযে স্থিতান্|| স্বাশযেষু প্রদুষ্টানাং স্থিতৈবং হ্যাশুকারিতা| বিজ্ঞায কর্মভিঃ স্বৈঃ স্বৈর্দোষোদ্রেকং যথাবলম্|| ভেষজং যোজযেত্তত্র তন্ত্রী কুর্যান্ন তু ক্রমম্|" ইতি|

সর্বাঙ্গসুন্দরী ব্যাখ্যা ( কৃত)

স০-যঃ প্রযোগো ব্যাধিং শমযেদন্যমন্যং ব্যাধিমুদীরযেত্-প্রকোপযেত্, নাসৌ বিশুদ্ধো-ন শ্রেষ্ঠ ইত্যর্থঃ| স তু বিশুদ্ধঃ প্রযোগো, যঃ শমযেদ্ব্যাধিং ন কোপযেত্| তস্মাদন্যং ব্যাধিমবিরোধযন্ ব্যাধিং জযেত্|

আযুর্বেদরসাযনম্ ব্যাখ্যা ( কৃত)

আ০ র০-তত্রাশুদ্ধপ্রযোগো হেযঃ শুদ্ধ উপাদেযঃ| তস্মাত্তযোর্লক্ষণমাহ-প্রযোগ ইতি| দোষাণাং পরস্পরং ন শমঃ, ইত্যুক্তং সঙ্গ্রহে (সূ. অ. ২১) -"ক্রুদ্ধং মলমলং জেতুং নাল্পভাবাদুভাবপি| দোষা দোষাত্মকত্বাচ্চ ন সাম্যেঽপি পরস্পরম্|| শীতদ্রবাম্ললবণকট্বাদিগুণতুল্যতা| দৃষ্টা মিথশ্চ দোষেষু নাতোঽন্যোন্যং জযন্তি তে|| আরম্ভকং বিরোধেঽপি মিথো যদ্বদ্গুণত্রযম্| বিশ্বস্য দৃষ্টং যুগপব্দ্যাধের্দোষত্রযং তথা||" ইতি|

সর্বাঙ্গসুন্দরী ব্যাখ্যা ( কৃত)

স০-কোষ্ঠাত্-উদারাত্, শাখাস্থিমর্মাণি দোষা যান্তি| কুতঃ ? ইতি হেতুচতুষ্টযমাহ-ব্যাযামাদিভিঃ শাখাস্থিমর্মাণি দোষা যান্তি| তত্র ব্যাযামোপজাতশ্রমস্যোর্ধ্বং প্রপন্নঃ পবনো ব্যাযামকৃতক্ষোভশ্রমোষ্মাদিভিঃ প্রশিথিলং চলং চ দোষং স্বাস্পদাত্ চ্যাবযিত্বা পর্যাকুলং শাখাদিষু ক্ষিপতি| তথা, অগ্ন্যাতপাদিসম্বন্ধিন ঊষ্মণস্তৈক্ষ্ণ্যাত্,-তীক্ষ্ণেন হ্যূষ্মণা বিলাযিতা দোষাস্তেনৈব চোষ্মণা বিবৃতেষু স্রোতোমুখেষু সত্সু শাখাদীনি যান্তি| অহিতেত্যাদি| অহিতেন চ সেবিতেন দোষাঃ স্বপ্রমাণাদতিরিচ্যমানাঃ কোষ্ঠমাপূর্য বার্ষিকা ইব জলৌঘা নিম্নোন্নতানীব শাখাস্থিমর্মাণি প্রপদ্যন্তে| অপি সমুচ্চযে| দ্রুতত্বাদিত্যাদি| দ্রুতত্বাত্-শীঘ্রবাহিত্বাত্, মারুতস্য চ, কোষ্ঠাচ্ছাখাস্থিমর্মাণি দোষা যান্তি| স০-স্রোতসাং মুখানি, তেষাং বিশোধনং-বিবরণম্, তস্মাদ্দোষাঃ কোষ্ঠং যান্তি| তথা, বৃদ্ধ্যাদিভিঃ| বৃদ্ধিঃ-স্বপ্রমাণাতিরেকঃ| বৃদ্ধা হি দোষাঃ স্বানি স্রোতাংস্যাপূর্য কোষ্ঠং যান্তি| অভিষ্যন্দনং চ নাগ্নিতাপাদিতীক্ষ্ণোষ্ণাদিসংশ্লেষাদেব, অপি তু ক্ষীরদধ্যাদ্যভিষ্যন্দিভোজনাদপি| এবং পাকাত্,-পাচনাদিভিঃ পক্বা দোষাঃ ক্বচিদনাসজ্জন্তঃ কোষ্ঠং যান্তি| কিঞ্চঃ ? বাযোশ্চ নিগ্রহাত্,-চশব্দান্ন কেবলং পূর্বেভ্যো হেতুভ্যো যাবদ্বায্বপ্রেরণাচ্চ, ইতি চার্থঃ| স০-তত্রস্থাঃ-কোষ্ঠস্থাশ্চ দোষা বিলম্বেরন্-ন রোগানুত্পাদযেযুঃ| যস্মাত্তে ভূযো হেতুপ্রতীক্ষিণঃ, নিমিত্তকারণহেতুষু সর্বাসাং প্রাযোদর্শনাদ্ধেতৌ প্রথমা, ভূযো হেতুপ্রতীক্ষিত্বাদিত্যর্থঃ| বৃদ্ধোঽপি হি দোষঃ কোষ্ঠে শাখাদৌ বা মার্গান্তরেণ গতো হীনশক্তিত্বান্ন রোগোত্পাদনসমর্থো ভবতি|

আযুর্বেদরসাযনম্ ব্যাখ্যা ( কৃত)

আ০ র০-অথ স্থানভেদোপক্রম উচ্যতে| তত্র দোষাণাং স্থানান্তরপ্রাপ্তিপ্রকারমাহ-ব্যাযামাদিতি| ব্যাযামাদিভিশ্চতুর্ভিঃ কোষ্ঠস্থা দোষাঃ শাখাখ্যং বহির্মার্গং যান্তি, মধ্যং বা অস্থিমর্মাখ্যম্| আ০ র০-তথা শাখাস্থা অস্থিমর্মস্থা বা স্রোতোমুখবিশুদ্ধ্যাদিভিঃ পঞ্চভির্হেতুভিঃ কোষ্ঠং যান্তি| অভিষ্যন্দনং-দ্রবীভাবঃ| আ০ র০-এবং দোষাঃ কোষ্ঠস্থাঃ কিং কুর্যুঃ ? ইত্যাহ-তত্রস্থাশ্চেতি| যত্স্থানং প্রাপ্তাস্তত্র বিলম্বন্তে, যাবত্স্থানান্তরগমনে হেতুং ন লভন্তে| লব্ধে তু হেতৌ পুনঃ স্থানান্তরং যান্তীত্যর্থঃ|

সর্বাঙ্গসুন্দরী ব্যাখ্যা ( কৃত)

স০-তে-দোষাঃ, কালদেশাপথ্যাদেঃ সমানগুণাদ্বলং লব্ধ্বা কুপ্যন্তি,-বিকারমুত্পাদযন্তীত্যর্থঃ| কুত্র স্থানে ? ইত্যাহ-অন্যাশ্রযেষ্বপি,-কোষ্ঠাশ্রযাঃ শাখাস্থিমর্মস্বপি, শাখাস্থিমর্মস্বপি, শাখামর্মাশ্রিতাঃ কোষ্ঠেষ্বপীত্যর্থঃ| ন কেবলং স্বস্থানস্থা এব কুপ্যন্তীতি সূচনার্থোঽপি শব্দঃ|

আযুর্বেদরসাযনম্ ব্যাখ্যা ( কৃত)

আ০ র০-স্বস্থানে পরস্থানে বা বিলম্বমানা দোষাঃ স্বৈঃ স্বৈঃ প্রকোপণৈঃ প্রকুপ্যন্তীত্যাহ-তে কালাদিবলমিতি|

সর্বাঙ্গসুন্দরী ব্যাখ্যা ( কৃত)

স০-তত্র-তেষু বাতাদিষু, অন্যস্থানসংস্থেষু-অন্যস্য স্থানমন্যস্থানং তত্র সন্তিষ্ঠন্তেঽন্যস্থানসংস্থাস্তেষু,-পরস্থানগতেষু, তদীযাং-স্থানিদোষসম্বন্ধিনীমেব, চিকিত্সাং কুর্যাত্, ন স্বকীযাম্| তস্য-পরস্থানদোষস্যেযং-তদীযা, তাম্| কিম্ভূতেষু দোষেষু ? অবলেষু তু| তুরবধারণে, অবলেষ্বেব ন বলবত্সু| বলবত্সু হি স্বামেব চিকিত্সাং বক্ষ্যতি|

আযুর্বেদরসাযনম্ ব্যাখ্যা ( কৃত)

আ০ র০- আগন্তোর্দোষস্য হীনবলস্য স্থানিচিকিত্সা কার্যেত্যাহ-তত্রেতি| তদীযাং-যস্য স্থানে কুপিতস্তস্য চিকিত্সাম্|

সর্বাঙ্গসুন্দরী ব্যাখ্যা ( কৃত)

স০-বলেন- আত্মীযযা শক্ত্যা, অন্যাভিভাবিষু-অন্যস্থানিদোষমভিভবিতুং শীলং যেষাং তেঽন্যাভিভাবিনঃ, স্থানিদোষং পরাভূয তত্র যে সন্তিষ্ঠন্তে ইত্যর্থঃ| তেষু স্বামেব চিকিত্সাং কুর্যাত্|

আযুর্বেদরসাযনম্ ব্যাখ্যা ( কৃত)

আ০ র০-আগন্তোরপি প্রবলস্য স্বচিকিত্সৈব কার্যেত্যাহ-স্বমেবেতি|

সর্বাঙ্গসুন্দরী ব্যাখ্যা ( কৃত)

স০-স্থানিনং দোষং প্রতিকৃত্য-যথাস্বং স্থানিদোষ আগন্তুদোষচকিত্সানির্বর্তনান্ন বিকারং কুর্যাত্তথা তস্য প্রতীকারং কৃত্বা, স্বৈরেবোপক্রমৈরবলবন্তমাগন্তুং দোষং শমযেত্-চিকিত্সেত্| ন কেবলমন্যস্থানসংস্থেষ্বাগন্তুষ্ববলেষু স্থানিদোষচিকিত্সাং কুর্যাত্, যাবদাগন্তুদোষচিকিত্সামপি কুর্যাদিত্যর্থঃ| অথাসৌ স্থানিদোষ আগন্তুদোষেণ বলবত্ত্বাদভিভূযেত, ততোঽস্য বিকারকরণং প্রত্যসমর্থত্বাত্তত্প্রতীকারমকৃত্বৈবাগন্তুং শমযেদিতি বাশব্দার্থঃ| অন্যস্থানসংস্থেষ্বিতি বহুবচননির্দেশঃ পর্যাযেণ দোষাণাং স্থিতত্বাত্| অন্যথা দ্বযোরেকস্য বাঽন্যস্থানস্থিতত্বং সম্ভবতি, ন ত্রযাণাম্|

আযুর্বেদরসাযনম্ ব্যাখ্যা ( কৃত)

আ০ র০-আগন্তুস্থানিনোস্তুল্যবলযোঃ ক্রমেণ চিকিত্সা কার্যেত্যাহ-আগন্তুমিতি| স্থানিনং প্রতিকৃত্যাগন্তুং শমযেত্| অথবা, আগন্তুং প্রতিকৃত্য স্থানিনং শমযেত্| প্রতিকৃত্য-প্রতীকারং কৃত্বা|

সর্বাঙ্গসুন্দরী ব্যাখ্যা ( কৃত)

স০-তির্যগ্গতা দোষাঃ প্রাযো-বাহুল্যেন, আতুরাংশ্চিরং ক্লেশযন্তি-পীডযন্তি| তেষু-তির্যগ্গতেষু দোষেষু, ত্বরযা-শীঘ্রমেব, ক্রিযাং-চিকিত্সাং, ন কুর্যাত্| বৈদ্য ইতি শেষঃ| কীদৃশো বৈদ্যঃ ? দেহাগ্নিবলাভিজ্ঞঃ|

আযুর্বেদরসাযনম্ ব্যাখ্যা ( কৃত)

আ০ র০-প্রায ইতি, জ্ঞাত্বা কোষ্ঠপ্রপন্নাম্শ্চেতি| তির্যগ্গতাঃ-শোধনমার্গং পরিত্যজ্য স্থিতাঃ, অন্তর্বহির্বা শোধযিতুমশক্যত্বাচ্চিরং ক্লেশযন্তি| অতস্তেষু ত্বরযা ন চিকিত্সাং কুর্যাত্,- দেহমগ্নিং বলং চ বিচার্য শনৈঃ শনৈঃ কুর্যাদিত্যর্থঃ|

সর্বাঙ্গসুন্দরী ব্যাখ্যা ( কৃত)

স০-তান্-তির্যগ্গতান্ দোষান্, প্রযোগেণ-শাস্ত্রবিহিতেন, শমযেত্| সুখং বেতি বা দেহপীডা ন ভবতি তথা ক্রমেণ কোষ্ঠমানযেত্, "বৃদ্ধ্যাঽভিষ্যন্দনাত্" ইত্যাদিনা| জ্ঞাত্বেত্যাদি| কোষ্ঠগতাংশ্চাবগত্য যথাসন্নং বিনির্হরেত্,-যো য আসন্নো মার্গো গুদং মুখং ঘ্রাণং বা, তেনৈব যথাসন্নং-বমনবিরেচনাদিনা নিষ্কাসযেদিত্যর্থঃ|

আযুর্বেদরসাযনম্ ব্যাখ্যা ( কৃত)

আ০ র০-তান্-তির্যগ্গতান্ শমযেত্| অথবা সুখং-অক্লেশেন, স্নেহস্বেদাদিনা-প্রযোগেণ, কোষ্ঠমানযেত্| তত ঊর্ধ্বমধো বা নির্হরেত্| অল্পত্ববহুত্বাভ্যাং বিকল্পব্যবস্থাং বিচার্য|

সর্বাঙ্গসুন্দরী ব্যাখ্যা ( কৃত)

স০-স্রোতসাং রোধঃ-স্রোতোরোধঃ| বলস্য ভ্রংশো-হানিঃ,-বলভ্রংশঃ| গৌরবং-গুরুত্বম্| অনিলস্য-বাযোঃ, মূঢতা-সম্যগসঞ্চারঃ| আলস্যং-তন্দ্রা| অপক্তিঃ-আহারস্যাপাকঃ| নিষ্ঠীবো-মুখস্রাবঃ| মলস্য-পুরীষাদেঃ, সঙ্গঃ-অপ্রবৃত্তিঃ| অরুচিঃ-অন্নানভিলাষঃ| ক্লমো-গ্লানিঃ| ইত্যেতত্সামানাং মলানাং-দোষাণাম্. লিঙ্গং-লক্ষণম্| নিরামাণাং বিপর্যযঃ-অস্মাদ্বৈপরীত্যম্|

আযুর্বেদরসাযনম্ ব্যাখ্যা ( কৃত)

আ০ র০-অথ সামদোষোপক্রমঃ| তত্র সামলক্ষণমাহ-স্রোতোরোধেতি| নিরামলক্ষণমাহ-নিরামাণামিতি| বিপর্যযঃ-স্রোতঃশুদ্ধ্যাদিরূপঃ|

সর্বাঙ্গসুন্দরী ব্যাখ্যা ( কৃত)

স০-ঊষ্মণঃ-অগ্নেঃ, অল্পবলত্বেন-দৌর্বল্যেন, আদ্যং-প্রথমং, ধাতুং রসং-রসাখ্যম্, অপাচিতমামং প্রচক্ষ্যতে-বদন্তি| আচার্যা ইতি শেষঃ| কিম্ভূতং রসম্ ? আমাশযগতম্| তথা, দুষ্টং-বাতাদ্যনুশযিতম্| রসগ্রহণমনিলস্য নিরাসার্থম্| অন্যথা আদ্যো ধাতুর্বাতাখ্য ইত্যাশঙ্ক্যেত| বাতাদীনামপি হি ধারণাদ্ধাতুসংজ্ঞাঽস্ত্যেব|

আযুর্বেদরসাযনম্ ব্যাখ্যা ( কৃত)

আ০ র০-আমলক্ষণমাহ-ঊষ্মণ ইতি| উষ্মণোরসাগ্নেঃ| ধাতুং-ন দোষং মলং বা| আদ্যং-ন রক্তাদিকম্| রসং-ন রসত্বাত্প্রচ্যুতং রক্তত্বমপ্রাপ্তম্|

সর্বাঙ্গসুন্দরী ব্যাখ্যা ( কৃত)

স০-অন্যে-অপরে আচার্যাঃ, দোষেভ্য এব-বাতাদিভ্যো, অতিদুষ্টেভ্যোঽন্যোন্যমূর্চ্ছনাত্-পরস্পরমিশ্রীভাবাত্, আমস্য সম্ভবং কথযন্তি| কেভ্যঃ কস্যেব? যথা কোদ্রবেভ্যো বিষস্য সম্ভবং কথযন্তি| [তথা দোষেভ্য আমস্য সম্ভবম্| ]

আযুর্বেদরসাযনম্ ব্যাখ্যা ( কৃত)

আ০ র০-মতান্তরেণামলক্ষণমাহ-অন্য ইতি| অন্যোন্যমূর্চ্ছনাত্-পরস্পরমেকলোলীভাবাত্|

সর্বাঙ্গসুন্দরী ব্যাখ্যা ( কৃত)

স০-তেন-পূর্বোক্তলক্ষণেন, আমেন সম্পৃক্তাঃ-সংযুক্তাঃ, দোষা দূষ্যাশ্চ-রসাদযঃ| কীদৃশাঃ ? দূষিতাঃ, তৈরেব বাতাদিভিঃ| সহামেন সামাঃ, ইত্যুপদিশ্যন্তে-তত্র তত্র প্রদেশে তন্ত্রে ভণ্যন্তে| যে চ রোগাঃ-জ্বরাদযঃ, তদুদ্ভবাঃ-বাতাদিদোষসমুত্থাঃ, তেনামেন যুক্তাঃ সামা ইত্যুচ্যন্তে| যথেহৈব (হৃ. চি. অ. ১|১৮) - "অজীর্ণ ইব শূলঘ্নং সামে তীব্ররুজি জ্বরে|" ইত্যাদি বক্ষ্যতি| আমলক্ষণং চৈবং পঠন্তি-"দ্রবং গুর্বনেকবর্ণং হেতুঃ সর্বরোগাণাং স্নিগ্ধং পিচ্ছিলমামং তন্তুমদনুবদ্ধশূলং দুর্গন্ধি" ইত্যাদি| সামানাং চ বাতাদীনাং সঙ্গ্রহে পৃথগ্লক্ষণমুক্তম্| তে সঙ্গ্রহশ্লোকা যথা (সূ. অ. ২১) - "বাযুরামান্বযঃ সার্তিরাধ্মানকৃদসঞ্চরঃ| দুর্গন্ধমসিতং পিত্তং কটুকং বহলং গুরু|| আবিলস্তন্তুমাংস্ত্যানঃ প্রলেপী পিচ্ছিলঃ কফঃ| বিপর্যযে তু পক্বত্বং তথা তাম্রং সমেচকম্|| পীতং চ পিত্তমচ্ছং চ শ্লেষ্মাঽচ্ছঃ পিণ্ডিতোঽথবা| বিশদশ্চ সফেনশ্চ ধবলো মধুরো রসে||" ইতি|

আযুর্বেদরসাযনম্ ব্যাখ্যা ( কৃত)

আ০ র০-সামত্বং ব্যাচষ্টে-আমেনেতি| সামৈর্দোষৈর্ধাতুভির্মলৈশ্চ জনিতা রোগা অপি সামা উচ্যন্তে|

সর্বাঙ্গসুন্দরী ব্যাখ্যা ( কৃত)

স০-সামান্-দোষান্-বাতাদীন্, সর্বস্মিন্ দেহে প্রবিসৃতান্-ব্যাপ্তাশেষকাযান্, ধাতুষু-রসাদ্যেষু, লীনান্-শ্লিষ্টান্, অনুত্ক্লিষ্টান্-স্বস্থানাদচলিতান্, ন নির্হরেত্-বমনাদিভির্ন শোধযেত্| কুতঃ ? দুর্নির্হরত্বতঃ-দুঃখেন নির্হর্তুং শক্যত্বাত্| তে হি নির্হ্রিযমাণা আশ্রযস্য-শরীরাখ্যস্য, নাশায স্যুঃ| যাবত্তু সর্বদেহপ্রবিসৃতা ন স্যুঃ| যথা ভুক্তানন্তরং জ্বরোত্পত্তৌ নবাতিসারে চ তদা বমনেন হরীতক্যা চ যথাযোগং নির্হারোঽনুজ্ঞাত এব গ্রন্থকৃতা| অত্র দৃষ্টান্তমাহ-ফলাদিত্যাদি| আমাত্-অপক্বাত্, ফলাত্-আম্রাদেঃ, রসো নির্হ্রিযমাণো দুর্নির্হরত্বাত্ আশ্রযস্য-ফলস্য, যথা নাশায ভবতি, এবং দোষা অপি|

আযুর্বেদরসাযনম্ ব্যাখ্যা ( কৃত)

আ০ র০-সামেষু দোষেষ্ববস্থাবিশেষেণ শোধনং নিষেধতি-সর্বদেহপ্রবিসৃতানিতি| ব্যাপ্তদেহান্ ধাতুলীনান্ অনুত্ক্লিষ্টান্ সামান্ ন শোধযেত্| তে হি দুর্নির্হরত্বাদাশ্রযস্য নাশায স্যুঃ|

সর্বাঙ্গসুন্দরী ব্যাখ্যা ( কৃত)

স০-তান্-তথাবিধান্ দোষান্, পাচনৈঃ-জ্বরাদ্যধ্যাযোক্তৈঃ| দীপনৈরিতি পাচনানাং স্নেহানাং চ বিশেষণম্, মধ্যদীপকত্বাত্| অগ্নিদীপ্তিকৃদ্ভিঃ পাচনৈঃ স্নেহৈশ্চ তথা স্বেদৈঃ পরিষ্কৃতান্-পরিকল্পিতান্ কৃতসংস্কারান্, যথাসন্নং যথাবলং চ কৃত্বা যথোক্তে কালে শোধনৈর্দ্রব্যৈঃ শোধযেত্| যথাসন্নমিতি যস্য দোষস্য য আসন্নো মার্গস্তেনৈব তং নির্হরেত্| যথাবলমিতি যস্য যাবদ্বলমাতুরস্যোত্তমং মধ্যমমধমং বা, তজ্জ্ঞাত্বা তীক্ষ্ণেন মধ্যেন মৃদুনা বা শোধনেন শোধযেদিত্যর্থঃ|

আযুর্বেদরসাযনম্ ব্যাখ্যা ( কৃত)

আ০ র০-তানেব শোধনযোগ্যান্ কৃত্বা শোধযেদিত্যাহ-পাচনৈরিতি| পরিষ্কৃতান্-শোধনযোগ্যতাং নীতান্| তত্র পাচনৈঃ পক্বত্বম্| দীপনৈর্ধাতুভ্যঃ পৃথক্ত্বম্| স্নেহৈরুত্ক্লিষ্টত্বম্| স্বেদৈঃ কোষ্ঠগতত্বম্|

সর্বাঙ্গসুন্দরী ব্যাখ্যা ( কৃত)

স০-বক্ক্রেণ দ্রব্যং যুক্তং-পীতং, আমাশযাত্ মলানাশু হন্তি| ঘ্রাণেন তু পীতমূর্ধ্বজত্রূত্থান্ মলানাশু হন্তি| গুদেন যুক্তং পক্বাধানাত্-পক্বাশযাত্, আশু মলান্ হন্তি|

আযুর্বেদরসাযনম্ ব্যাখ্যা ( কৃত)

আ০ র০-যথাসন্নত্বং ব্যাচষ্টে-হন্ত্যাশু যুক্তমিতি| আমাশযাত্-আমাশযমভিব্যাপ্য, পক্বাধানাত্-পক্বশযমভিব্যাপ্য, 'ল্যব্লোপে পঞ্চমী'| ঊর্ধ্বজত্রূত্থান্ জত্রু-স্কন্ধসন্ধিঃ, তস্যোর্ধ্বং,- ঊর্ধ্বজত্রু|

সর্বাঙ্গসুন্দরী ব্যাখ্যা ( কৃত)

স০-অধ ঊর্ধ্বং বোত্ক্লিষ্টানামান্ স্বযং বহতো-যত্নং বিনৈব প্রবৃত্তান্, ঔষধৈঃ-স্তম্ভনৈঃ, ন ধারযেত্| কুতঃ ? ইত্যাহ-হি-যস্মাত্, তে-দোষাঃ, বিধৃতা রোগদাঃ-জ্বরাদিকারিণঃ|

আযুর্বেদরসাযনম্ ব্যাখ্যা ( কৃত)

আ০ র০-স্বযং প্রবৃত্তান্ সামান্ ন স্তম্ভযেদিত্যাহ-উত্ক্লিষ্টানিতি, ধারযেদিতি|

সর্বাঙ্গসুন্দরী ব্যাখ্যা ( কৃত)

স০-অতঃ-অস্মাদ্ধেতোঃ, প্রবৃত্তান্ প্রাক্-প্রারম্ভকালে, দোষান্ হিতভোজিন উপেক্ষেত-সঙ্গ্রহণেন ন ধারযেত্| বিবদ্ধান্-ঈষত্প্রবৃত্তান্, তৈস্তৈঃ-যথোক্তৈঃ, পাচনৈঃ পাচযেত্-পাকং নযেত্| নির্হরেদ্বা|

আযুর্বেদরসাযনম্ ব্যাখ্যা ( কৃত)

আ০ র০-স্বযং প্রবৃত্তেষু সামেষূপেক্ষৈব ভেষজমিত্যাহ-প্রবৃত্তানিতি| প্রাক্-প্রথমম্, যাবন্ন বলহানিঃ| স্বযং প্রবৃত্তেষু সবিন্বন্ধেষু পাচনং নির্হরণং বা কার্যমিত্যাহ-বিবদ্ধানিতি| পূর্ববদ্বিকল্পব্যবস্থা|

সর্বাঙ্গসুন্দরী ব্যাখ্যা ( কৃত)

স০-ক্রমাত্-যথাক্রমম্| গ্রীষ্মচিতং বাযুং শ্রাবণে নির্হরেত্| বর্ষাচিতং পিত্তং কার্তিকে নির্হরেত্| হেমন্তশিশিরচিতং কফং চৈত্রে নির্হরেত্| এতে হি সাধারণাঃ কালাঃ অত এতেষু শোধনং যুক্তম্|

আযুর্বেদরসাযনম্ ব্যাখ্যা ( কৃত)

আ০ র০-অথৌষধকালাঃ| তত্রৌষধং দ্বিবিধং,- শোধনং শমনং চ| তত্র স্বস্থস্য শোধনকালমাহ-আবণ ইতি| সাধারণে-বৃষ্টিশীতোষ্ণ্-তিশযরহিতে, হেতুগর্ভং চেদং বিশেষণম্|

সর্বাঙ্গসুন্দরী ব্যাখ্যা ( কৃত)

স০-যতো গ্রীষ্মাদযোঽত্যুষ্ণাদিযুক্তাঃ| [তেষাং-অত্যুষ্ণবর্ষশীতানাং, গ্রীষ্মবর্ষাহিমাগমানাং, সাধারণে সন্ধৌ শীতোষ্ণবর্ষসমভাবে কালে দোষান্-বাতাদীন্, দুষ্টান্-বিকৃতান্, বিশোধযেত্-বিনির্হরেত্| সন্ধৌ হি সাম্যম্| ] ততঃ শোধনং প্রতি ন তে কালাঃ| তথা হি-গ্রীষ্মে তাবদাদানগ্লানং খরতররবিকিরণতপ্তং পিপাসাক্লমাদ্যাকুলমতিপ্রবিলীনদোষমতিশিথিলং শরীরং ভবতি| ঔষধং পুনরতিখরদিবাকরকরনির্ভরতাপাদুষ্ণতীক্ষ্ণতাং যাতমতিযোগায সম্পদ্যতে| প্রাবৃষি ঘনঘনৌষসঙ্ঘট্টসাদিতে সর্বতো জগত্যবসন্নোঽগ্নির্ভবতি| আদানদুর্বলং চ শরীরং ভবতি| ওষধযশ্চ জলদজলপ্লাবিতমূলা অল্পবীর্যাঃ সম্পদ্যন্তে| ভূবাষ্পসংযোগাচ্চৌষধীনাং বিদগ্ধত্বম্| অতোঽপথ্যতাং গতা অযোগাযৈব| শীতকালে চাতিশীতোপহতত্বাচ্ছরীরমতিবাতবিষ্টব্ধমতিস্তব্ধগুরুদোষং ভবতি| শীতোপহতত্বাচ্চোষ্ণস্বভাবমপ্যৌষধং সংশোধনাযোপযুক্তং মন্দবীর্যতাং প্রাপ্তমযোগাযৈব কল্পতে ইতি| তস্মাদ্যুক্তমুক্তমত্যুষ্ণবর্ষশীতত্বাত্ গ্রীষ্মাদিষু স্বস্থস্য শোধনমযুক্তম্, ন ত্বাতুরস্য, ইতি| স০-স্বস্থাবস্থমধিকৃত্যাযং সংশোধনকাল উক্তঃ| ব্যাধৌ ত্বাত্যযিকে ব্যাধ্যনুরোধেন সংশোধনকালঃ|

আযুর্বেদরসাযনম্ ব্যাখ্যা ( কৃত)

আ০ র০-সন্ধিনিযমেনাসন্ধৌ শোধনং নিষেধতি-অত্যুষ্ণবর্ষশীতা ইতি, সন্ধাবিতি, স্বস্থবৃত্তমিতি| উষ্ণবৃষ্ট্যোর্বৃষ্টিশীতযোঃ শীতোষ্ণযোশ্চাপগমোদ্গমাবস্থা-সন্ধিঃ| আ০ র০-স্বস্থবৃত্তমভিপ্রেত্য-স্বস্থোপচারাভিপ্রাযেণ| স্বস্থস্যাপি রোগানুত্পত্তযে শোধনমুচিতম্|

সর্বাঙ্গসুন্দরী ব্যাখ্যা ( কৃত)

স০-শীতোষ্ণবৃষ্টীনাং প্রতীকারং কৃত্বা-কৃত্রিমং ঋতুগুণং যথাযথং সম্পাদ্য সংশোধনাদিলক্ষণাং ক্রিযাং প্রযোজযেত্| কৃত্রিমগুণোপধানং চ যথা,-হেমন্তে গর্ভগৃহাদি, গ্রীষ্মে ধারাগ্রহাদীনি| ক্রিযাকালং ন হাপযেত্-নাতিক্রামযেত্, আত্যযিকস্য ব্যাধেঃ প্রাণহারিত্বাত্|

আযুর্বেদরসাযনম্ ব্যাখ্যা ( কৃত)

আ০ র০-ব্যাধিতস্য শোধনকালমাহ-ব্যাধাবিতি, কৃত্বেতি, প্রযোজযেদিতি| ব্যাধিবশেন-যদৈব ব্যাধিরুত্পদ্যতে তদৈব| প্রাপ্তাং-অবস্থাবশাত্ প্রাপ্তাবসরাম্|

সর্বাঙ্গসুন্দরী ব্যাখ্যা ( কৃত)

স০-দশৈতে ঔষধস্য কালাঃ| অনন্নমৌষধং তদুচ্যতে যদুপযুজ্য পরিণতে তস্মিন্ ভুঞ্জীত| অন্নাদৌ তদুচ্যতে যদুপযুজ্য সমনন্তরমাহারোপযোগো বিধীযতে| মধ্য ইতি অন্নস্য-আহারস্য মধ্যে যদৌষধং ভুজ্যতে| অন্তে-অবসানে| কবলান্তর ইতি কবলযোঃ-গ্রাসযোঃ, অন্তরে-মধ্যে, ন তু গ্রাসমিশ্রিতং কৃত্বেত্যর্থঃ| গ্রাসে গ্রাস ইতি যদ্ঽঽগ্রাসসম্পৃক্তং ভুজ্যতে| মুহুরিতি পুনঃ পুনর্ভুক্তেঽভুক্তে বা যদৌষধং ভুজ্যতে| সান্নমিতি সহান্নেন-আহারেণ যদৌষধং ভুজ্যতে| সামুদ্গং তদ্ভণ্যতে যদাহারস্য প্রাক্ পশ্চাচ্চ প্রযুজ্যতে, তেন হি সমুদ্গপুটযুগলসমেনৌষধদ্বযেনাহারো মধ্যীক্রিযতে| সমুদ্গঃ-সম্পুটকঃ| নিশি তদুচ্যতে যচ্ছযনবেলাযাং ভুজ্যতে|

আযুর্বেদরসাযনম্ ব্যাখ্যা ( কৃত)

আ০ র০-শমনৌষধকালানাহ-যুঞ্জ্যাদিতি, গ্রাসে গ্রাস ইতি| যত্রাহারে জীর্ণে ভেষজং জীর্ণে আহারস্তত্-অনন্নম্, আভক্তং নাম| যত্র গৃহীতে এবৌষধে আহারস্তত্-অন্নাদৌ, প্রাগ্ভক্তং নাম| যত্রার্ধাহারে ভেষজং পশ্চাচ্ছেপ আহারস্তত্-মধ্যে, মধ্যেভক্তং নাম| যত্র গৃহীত এবাহারে ভেষজং তত্-অন্তে, অধোভক্তং নাম| যত্র প্রতিগ্রাসং গ্রাসাসম্পৃক্তমৌষধং তত্-কবলান্তরে, গ্রাসান্তরং নাম| যত্র প্রতিগ্রাসং গ্রাসসম্পৃক্তমৌষধং তত্-গ্রাসে গ্রাসে, সগ্রাসং নাম| যত্র ভুক্তস্যাভুক্তস্য বা পুনঃ পুনরৌষধং তত্-মুহূর্নাম| যত্র আহারেণ সহ সাধিতং মিশ্রীকৃতং চৌষধং তত্-সান্নং নাম| যত্রাদৌ ভেষজং ততোঽনন্তরমেবাহারঃ ততোঽনন্তরমেব পুনর্ভেষজং তত্-সামুদ্গং নাম| সামুদ্গঃ-সম্পুটঃ| যত্র রাত্রৌ স্বপ্নকালে ভেষজং তত্-নিশি, নৈশং নাম এবং দশৌষধকালাঃ|

সর্বাঙ্গসুন্দরী ব্যাখ্যা ( কৃত)

স০-কফোদ্রেকে রোগে নিরন্নমৌষধং যোজ্যম্| কযোঃ ? ইত্যাহ-বলিনোরিত্যাদি| বলবতি রোগে রোগিণি চ তত্কেবলমন্নাদিরহিতমৌষধং যোজ্যম্| তদ্ধি নিরন্নমতিবীর্যং ভবতি| বলবাংশ্চ যদি রোগী তদোপযুঞ্জীত, ন তু দুর্বলে| দুর্বলস্য ত্বন্নসহিতং ন গ্লানিকরং ভবতি| অন্নাদাবিতি| অপানে বাযৌ বিগুণে-কুপিতে সতি, ঔষধং ভুক্ত্বা সমনন্তরমেবাহার ইষ্যত ইত্যর্থঃ| সমানে বাযৌ বিগুণে মধ্যে ভক্তস্যৌষধমিষ্যতে| ব্যানে বাযৌ বিগুণে প্রাতরাশস্য-পূর্বাহ্ণভুক্তস্য, অন্তে-অবসানে, ভেষজমিষ্যতে| সাযমিত্যাদি| উত্তরে-ব্যানাপেক্ষযা উদানে মরুতি, বিগুণে সাযমাশস্য-অপরাহ্ণভুক্তস্য ত্বন্তে ভেষজমিষ্যতে| প্রাণে মাতরিশ্বনি-বাতে, প্রদুষ্টে-বিকৃতে, গ্রাসগ্রাসান্তরযোর্ভেষজমিষ্যতে| গ্রাসস্য গ্রাসান্তশ্চ তযোঃ, তেন গ্রাসসম্পৃক্তমৌষধং গ্রাসযোর্মধ্যে ভেষজমিতি চাবতিষ্ঠতে| মুহুর্মুহুঃ-ভুক্তে যদভুক্তে বা ভেষজং, তত্তু বিষাদিষু যোজ্যম্| অরোচকে-অরুচৌ, সহ ভোজ্যৈর্ভৈষজ্যং যোজ্যম্| কীদৃশৈর্ভোজ্যৈঃ ? চিত্রৈঃ-অনেকবিধৈঃ| সামুদ্গং নাম যদাদাবন্তে চাহারস্য ভুজ্যতে তত্কম্পাদিষু 'প্রশস্যতে' ইতি বক্ষ্যমাণেন সম্বন্ধঃ| কেষাম্ ? লঘ্বন্নাশিনাম্| ঊর্ধ্বজত্রুবিকারেষু শযনবেলাযামৌষধং প্রশস্যত ইতি| ইতি শ্রীমৃগাঙ্কদত্তপুত্রশ্রীমদরুণদত্তবিরচিতাযামষ্টাঙ্গহৃদযটীকাযাং সর্বাঙ্গসুন্দরাখ্যাযাং সূত্রস্থানে দোষোপক্রমণীযাধ্যাযস্ত্রযোদশঃ সমাপ্তঃ|| ১৩||

আযুর্বেদরসাযনম্ ব্যাখ্যা ( কৃত)

আ০ র০-অনন্নস্য বিষযমাহ-কফোদ্রেকে গত ইতি| অহ্নস্তৃতীযো ভাগঃ-শ্লেষমকালঃ, তদর্ধং-কফোদ্রেকঃ, তস্মিন্ গতে-তদনন্তরমেব| প্রাগ্ভক্তস্য বিষযমাহ-অন্নাদাবিতি| মধ্যেভক্তস্য বিষযমাহ-সমান ইতি| অধোভক্তস্য বিষযমাহ-ব্যানেঽন্ত ইতি| ব্যানে বিগুণে প্রাতর্বোজনস্যান্তে ভেষজম্| উত্তরে-উদানে, বিগুণে সাযং ভোজনস্যান্তে| গ্রাসগ্রাসান্তযোর্বিষযমাহ-গ্রাসগ্রাসান্তযোরিতি| মুহুরৌষধস্য বিষযমাহ-মুহুর্মুহুরিতি| [মুহুর্মুহুরিতি বীপ্সযা ক্রিযাসঙ্করস্ত্বিষ্টঃ, "ন ক্রিযাসঙ্করো হিতঃ|" (সঙ্গ্রহে সূ. অ. ২৩) ইত্যস্য বাধঃ|] সান্নস্য বিষযমাহ-যোজ্যমিতি| সামুদ্গস্য বিষযমাহ-কম্পাক্ষেপকহিধ্মাস্বিতি| নৈশৌষধস্য বিষযমাহ-ঊর্ধ্বংজত্রুবিকারেষ্বিতি| সঙ্গ্রহে তু একাদশৌষধকালা উক্তাঃ (সূ. অ. ২৩) - "অন্তর্ভক্তং যত্পূর্বাহ্ণভুক্তে জীর্ণে মধ্যাহ্নে ভেষজমুপযুজ্যতে, তস্মিংশ্চ জীর্ণে পুনরপরাহ্ণে ভোজনম্| এতেন রাত্রির্ব্যাখ্যাতা| তদ্দীপ্রাগ্নের্ব্যানজেশ্বামযেশু|" ইতি| তথা-"তত্রাদ্যে কালে তৃষিতঃ পীতাম্বুরজীর্ণৌ ক্ষুধিতঃ ক্ষামশ্চ ভেষজং বর্জযেত্| শেষেষু চাহৃদ্যমসাত্ম্যপতিতীক্ষ্ণোষ্ণোগ্রগন্ধং ভূরিমাত্রং চেতি| ভবন্তি চাত্র| রোগমাদৌ পরীক্ষেত ততো~কনন্তরমৌষধম্| ততঃ কর্ম ভিষক্ পশ্চাজ্জ্ঞানপূর্বং সমাচরেত্|| নিবৃত্তোঽপি পুবর্ব্যাধিঃ স্বল্পেনাযাতি হেতুনা| দেহে মার্গীকৃতে দোষৈঃ শেষঃ সূক্ষ্ম ইবানলঃ|| তস্মাত্তমনুবধ্নীযাত্ প্রযোগেণানপাযিনা| সিদ্ধানামপি যোগানাং পূর্বেষং দার্ঢ্যমাবহন্|| সাতত্যাত্স্বাদ্বআবাচ্চ পথ্যং দ্বেষ্যত্বমাগতম্| কল্পনাবিধিভিস্তৈস্তৈঃ প্রিযত্বং গমযেত্পুনঃ|| মনসোঽর্থানুকূল্যেন তুষ্টুরূর্জা রুচির্বলম্| সুখোপংভোগত চ স্যাদ্যধেশ্চাতঃ পরিক্ষযঃ|| লৌল্যাদ্দোষক্ষযব্দ্যাধের্ষৈষম্যেণ চ যা রুচিঃ| তাসু পথ্যোপচারজ্ঞো য্প্গেনান্নং প্রকল্পযেত্|| সপ্তাহেন গুণালাবে ক্রিযামন্যাং প্রযোজযেত্| পুর্বস্যাং শান্তবেগাযাং ন ক্রিযাসঙ্করো হিতঃ|| গুণে ত্বল্পেঽপি তামেব বিশেষোত্কর্ষলব্ধযে| ভেষজং নৃপতের্হৃদ্যমল্পমল্পাত্যযং শুচিঃ|| শুদ্ধাগমং বহুগুণং বহুকৃত্বঃ প্রযোজিতম্| অনন্যকার্যোঽব হিত-ন্মন্নিগুরুসম্মতঃ|| আস্বাদিতং পরিচরৈঃ স্বযং চানু প্রযোজযেত্| উচিতো যস্য যো দেশস্তজ্জং তস্যৌষধং হিতম্|| দেশেঽম্যত্রাপি বসতস্তত্তুল্যগুণজন্ম বা| বীর্যবদ্ভাবিতং সম্যক্ স্বরসৈরসকৃল্লঘু|| রসগন্ধাদিসম্পন্নং কালে জীর্ণে চ মাত্রযা| একাগ্রমনসা যুক্তং ভৈষজ্যমমৃতাযতে|| ভেষজমবচারযন্ [প্রাযঃ] প্রাগেব তাবদেবমাতুরং পরীক্ষেত| কস্মিন্নযং দেশে জাতঃ সংবৃদ্ধো ব্যাধিতো বা| তস্মিংশ্চ দেশে মনুষ্যণামিদমাহারজাতমেবং বিহারজাতমেতাবদ্বলমেববিধং সত্ত্বমেবংবিধং সাত্ম্যমিযং ভক্রিরিমে ব্যাধযো হিতমিদমহিতমিদমিতি| প্রাযোগ্রহণেন কেন ব নিদানবিশেষেণাস্য কুপিতো দোষঃ| দোষস্য হ্যেকস্যাপি বহবঃ প্রকোপহেতবঃ| তস্মাধথাস্বলক্ষণৈঃ কর্মভিশ্চ বুধ্বাঽপি দোষমেবমবগমযেত্| তদ্যথা,- কিমাহারেণ কুপিতো বযুঃ কিং বিহারেণ, তথা রূক্ষেণ লঘুনা শিশিরেণ বা, সাহসেন বেগরোধেন বা, ভযেন শোকেন বেতি| ততশ্চ তত্প্রতিপক্ষমেবৌষধং প্রযুজ্যমানামাশু সিদ্ধযে সম্পদ্যতে| তত্র মধুরাম্ললবণা রসাঃ কটুতিক্তকশাযাশ্চেতরেতরপ্রতিপক্ষাঃ| তদনন্তরং চোপলভেত মৃদুমধ্যাতিমাত্রবিকল্পনযা কথং নিদানমাসেবিতম্| একরূপস্যাপি হি হেতোর্মৃদ্বাদিবিভাগেন পৃথক্ সমবেতানাম্ চ দোষাণামংশাংশবলবিকল্পবিশেষাত্ ব্যাধের্বলাবলবিশেষঃ| তত্রানেকদোষাত্মকেষু ব্যাধিষু, অনেকরসেষু চ ভেষজেষু, দোষরসপ্রভাবমেকৈকশোঽভিসমীক্ষ্য ব্যাধিভেষজপ্রভাবতত্ত্বং বয্বস্যেত্| ন ত্বেবং সর্বত্র| ন হি বিকৃতিবিষমসমবেতানাং নানাত্মকানাং পরস্পরেণোপগৃহীতানামুপহতানাং চান্যৈশ্চ বিকল্পনৈর্বিকল্পিতানামবযবপ্রভাবানুমানেন সমুদাযপ্রভাবতত্ত্বমধ্যবসিতুং শক্যম্| তথাবিধে হি সমুদাযে সমুদাযাপ্রভাবমেবোপলভ্য ব্যাধ্যৌষধপ্রভাবতত্ত্বমবগচ্ছেত্| তথা, কস্য ধামাধিষ্ঠায ব্যাধিরযমবস্থিত ইতি নিরূপযেত্| প্রবিসৃতো হি দোষঃ স্বকীযমেব স্থানমাতঙ্কাযাধিতিষ্ঠন্ মূর্দ্ধাদীন্ বা দুস্তরো ভবতি| ততঃ স্থানবিশেষেণ ভেষজবিশেশঃ পর্যেষিতব্যঃ| ততশ্চৈবমালোচযেত্| কস্যাযমৌষধস্য ব্যাধিরাতুরো বা যোগ্যঃ কিযতো বা| দোষানুরূপো হি ভৈষজ্যবীর্যং প্রমাণবিকল্পো ব্যাধিব্যাধিতবলাপেক্ষো ভবতি| সহসাঽতিবলানি সংশোধনৌষধান্যাগ্নেযবাযব্যান্যতিসৌম্যান্যতিমাত্রাণি ব| তথাঽগ্নিক্ষারশস্ত্রকর্মাণ্যল্পসত্ত্বমাতুরমল্পবলং বা নিপাতযেযুঃ| সংশমনানি তু ব্যাধিবলাদধিকানি তমুপশময্য ব্যাধিং ব্যাধিক্ষপিতদেহে শীঘ্রমন্যমাবহন্তি, শরীরবলাদধিকানি গ্লানিমূর্চ্ছামদমোহবলক্ষযান্, অগ্নিবলা দধিকানি গ্লানিমগ্নিসাদং চ| অপি চ| অতিস্থূলোঽতিকৃশোঽতিদুর্বলো দুষ্টমাংসশোণিতাস্থ্যঙ্গাবযবোঽল্পাগ্নিরল্পাহারোঽসাত্য্ম্যাহারোঽপচিতঃ সাররহিতো বা ব্যাধিবলমেব তাবদসমর্থঃ সো-ম্, কিং পুনস্তথাবিধো ভেষজবেগম্| তস্মাত্তাদ্রুষমবিষাদকরৈর্মৃদুসুখৈরুত্তরোত্তরং গুরুভিরবিভ্রমৈশ্চোপাচরেদোষধৈঃ, বিশেষাদবলাঃ| তা হ্যনবস্থিতমৃদুবিক্লবহৃদযাঃ প্রাযঃ সুকুমারাঃ পরং সংস্তভ্যাশ্চ| ততোঽপি বিশেষেণ শিশবঃ| তথা বলবতি বলবব্দ্যাধ্যাতুরেঽল্পবলমল্পং বা ভেষজমকিঞ্চিত্করং ভূয এব দোষমুত্ক্লেশ্য ব্যাধিমুদীরযেত্| যোগ্যমপি চৌষধমেবং পরীক্ষেত| ইদমেবংরসবীর্যবিপাকমেবংগুণমেবংদ্রব্যমেবংকর্মৈবংপ্রভাবমস্মিন্ দেশে জাতমস্মিন্নৃতৌ চৈবংগৃহীতমেবংনিহিতমেবংবিহিতমেবংনিষিদ্ধমেবমুপসংস্কৃতমেবংসংযুক্তমেবংযুক্তমনযা মাত্রযৈবংবিধস্য পুরুষস্যৈবংবিধে কালে এতাবন্তং দোষমপকর্ষত্যুপশমযতি বা| অন্যদপি ব চৈবংবিধং ভেষজমভূত্, তচ্চানেনান্যেন বা বিশেষেণ প্রযুক্তমিদমকরোত্| সূক্ষ্মাণি হি দোষৌষধদূষ্যদেশকালবলানলাহারসারসাত্ম্যসত্ত্বপ্রকৃতিবযসামবস্থান্তরাণি| যান্যনালোচিতনি নিহন্যুরাতুরম্| আলোচ্যমানান্যপি তু বিপুলবুদ্ধিমপি চিকিত্সকমাকুলীকুর্যুঃ, কিংপুনরল্পবুদ্ধিম্| তস্মাদভীক্ষ্ণশঃ শাস্ত্রার্থকর্মানুশীলনেন সংস্কুর্বীত প্রজ্ঞাম্| অপি চ| সন্তি ব্যাধযো যে শাস্ত্রে উত্সর্গাপবাদৈরুপক্রমং প্রতি নির্দিষ্টাঃ| তত্র প্রজ্ঞযৈব দোষাদিগুরুলাঘবেন সম্যগ্ব্যবস্যেদন্যতরনিষ্ঠাযাম্| কালশ্চ ভেষজস্য যোগ্যতামাপাদযতি| স তু ক্ষণলবমুহূর্তাদিভেদেনাতুরাবস্থযা চ দ্বিধোক্তঃ প্রাক্| তত্র শীতোষ্ণবর্ষলক্ষণা ঋতবস্ত্রযো হেমন্তগ্রীষ্মবর্ষাখ্যাঃ| তেষামন্তরে শোধনার্থং সাধারণা বসন্তপ্রাবৃট্শরদাখ্যাস্ত্রযো বিকল্পন্তে| তত্র শোধনং প্রতি ফাল্গুনচৈত্রৌ বসন্তঃ| আষাঢশ্রাবণৌ প্রাবৃট্| কার্তিকমার্গশীর্ষৌ শরত্| অপি চ| শীতোষ্ণবর্ষলক্ষণস্ত্রিবিধঃ কালঃ| তত্র শীতোষ্নযোর্ব্রুষ্টিশীতযোশ্চান্তরেণ সাধারণৌ বসন্তজলদাত্যযৌ| গ্রীষ্মবর্ষাকালযোস্তু প্রারম্ভো বৃষ্টেঃ প্রাবৃডিতি বিকল্প্যতে| তেষু সাধারণেষ্বহঃসু বমনাদীনাং প্রব্রুত্তিঃ, নিবৃত্তিরিতরেষ্বযোগতিযোগভযাত্| সাধারণা হি মন্দশীতোষ্ণবর্ষতযা সুখত্বাত্ ভবন্ত্যবিকল্পকাঃ শরীরৌষধানাম্| বিপরীতাস্তিবতরে| তথা হি-শীতকালেঽতিমাত্রশীতোপহতত্বাচ্ছরীরমত্যর্থং শীতবাতবিষ্টব্ধমতিস্তব্ধগুরুদোষং ভবতি| তদনুপ্রাপ্তং চ ভেষজং সংশোধনার্থমুষ্ণস্বভাবমপি শীতোপহতত্বান্মন্দবীর্যতাং গতমযোগায জাযতে| শরীরং চ বাত প্রযোপদ্রবায| তদ্বদ্বর্ষস্বপি সমন্তাদতিঘনেন ঘনসঙ্ঘাতেনাবতপ্তে নভস্যুপরুদ্ধতেজঃপ্রসরেষু দিনকরকরেষু জলদপটলপ্লাবনোদ্দামকর্দমাযাং ভূমাবত্যর্থোপক্লিন্নমবসন্নানলবলমুদ্গিক্তমলবলমাদানদুর্বলং শরীরং ভবতি| ঔষধগ্রামস্তু জলদোদরপ্রততপ্রমুক্তধারাবপাতসম্ভৃতাম্বুনিবহোপপ্লাবিতমূলজালসারবিটপো বহলকোমলপল্লবোপচিতস্কন্ধশাখঃ পুনরিব বালতামুপগতোঽল্বীর্যা ভবতি| অপরিসংস্থিততযা চ ক্ষিতিমলপ্রাযাভিরম্লবিপাকাভিঃ খগমৃগসরীসৃপাদিশবধাতুমূত্রপুরীষসংসৃষ্টাভিরদ্ভিঃ সলিলসীকরানুবিদ্ধশিশিরপবনসম্পৃক্তেন চ ধারাধরধারোষ্মণা কোমলত্বাদপরিণতস্যাস্য সুতরাং বিদাহো জন্যতে| তেনাসাবপথ্যতামুপগতো ধ্রুবমযোগায| প্রথমসঙ্গৃহীতমপি চৌষধং তোযদতোযানুগতমারুতোপহতে জগতীতি| গ্রীষ্মে পুনরাদানোপহত্ত্বাত্ শরীরমুষ্নরূক্ষবাতাতপাধ্মাতমতিস্বিন্নমতিশিথিলমতিপ্রবিলীনদোষং ভবতি| ভেষজং পুনরনুষ্ণমপি তপনতরুণতরকরনিপাতাদুষ্নতীক্ষ্ণতামুপগতমতিযোগাযোপকল্পতে| শরীরং চ পিপাসাভ্রমক্লমোপদ্রবায| তস্মাত্সাধরণেষ্বেব তদন্তরালেশু বমনাদীনি যোজযেত্, ন চেদাত্যযিকো ব্যাধিঃ| আত্যযিকে তু কৃত্রিমগুণোপধানেন যথর্তুগুণবিপরীতেন সংযোগসংস্কারপ্রমাণবিকল্পৈশ্চোপপাদ্যৌষধমবহিতোঽবচারযেত্| আতুরাবস্থাসু তু কালাকালসংজ্ঞা| তদ্যথা,-অস্যামবস্থাযামস্যৌষধস্য কালোঽকালো বা| ন হ্যপ্রাপ্তাতীতকালমৌষধং যৌগিকং ভবতি|" ইতি| ঔষধভেদাশ্চ সঙ্গ্রহে দর্শিতাঃ (সূ. অ. ১২) - "দ্বিবিধমৌষধম্,- ঊর্জস্করং রোগঘ্নং চ| উভযমপি চোভযাত্মকম্, বাহুল্যেন তু নির্দেশঃ| তত্রোর্জস্করং দ্বিবিধং,- রসাযনং বাজীকরণং চ| রোগঘ্নমপি দ্বিবিধং,- রোগস্য প্রশমনমপুনর্ভবকরং চ| পুনশ্চ দ্বিবিধং,- দ্রব্যমদ্রব্যং চ| তত্র দ্রব্যং ত্রিবিধং,- ভৌমমৌদ্ভিদং জঙ্গমং চেতি| তেশু বক্ষ্যমাণং হেমাদিলবণান্তং প্রাযেণ ভৌমম্| ঔদ্ভিদং পুনর্বনস্পতিবানস্পত্য্বীরুদোষধিভেদেন চতুর্বিধং ভবতি| তত্র ফলিনো বনস্পতিঃ| পুষ্পফলবন্ বানস্পত্যঃ| বল্লী গুল্মং চ বীরুত্| ফলপাকান্তা ঔষধিরিতি| জঙ্গমোদ্ভবং তু মধুঘৃতাদি জঙ্গমং দ্রব্যমাহুঃ| অদ্রব্যং পুনরুপবাসানিলাতপচ্ছাযামন্ত্রসত্ত্বদানভযোন্ত্রাসক্ষোভণহর্ষণভর্ত্সনস্বপ্নজাগরণসংবাহনাদি| তথা ত্রিবিধমৌষধম্,- দৈবব্যপাশ্রযং যুক্তিব্যপাশ্রযং সত্ত্বাবজযশ্চ| তত্র দৈবব্যপাশ্রযং-মন্ত্রৌষধিমণিমঙ্গলবল্যুপহারহোমনিযমপ্রাযশ্চিত্তোপবাসস্বস্ত্যযনপ্রণিপাতগমনাদি| যুক্তিব্যপাশ্রযং-আহারৌষধযোজনা| সত্ত্বাবজযঃ পুনঃ-অহিতান্মনোনিগ্রহঃ| পুনরপি চ ত্রিবিধম্,- অপকর্ষণং প্রকৃতিবিধানং নিদানত্যাগশ্চ| তে পুনরকর্ষণাদযো দ্বিবিধাঃ,- বাহ্যাভ্যন্তরভেদেন| তত্র বাহ্যমপকর্ষণং-গ্রন্থ্যর্বুদোপপক্ষ্মকৃমিশল্যাদিষু শস্ত্রহস্তযন্ত্রাদিভিঃ, আভ্যন্তরং-বমনবিরেচনাদিভিঃ| প্রকৃতিবিধানং-সংশমনম্| তত্র বাহ্যং-অভ্যঙ্গস্বেদপ্রদেহপরিষেকোন্মর্দনাদ্যম্, আভ্যন্তরং-যদন্তরমনুপ্রবিশ্যাবিক্ষোভযন্ দোষান্ শমযতি| নিদানত্যাগো-যথাদোষং শীতোষ্ণাশনব্যাযামাদীনাং বর্জনং স্নিগ্ধরূক্ষাদ্যনভ্যবহারশ্চ| তত্র শস্ত্রাদিসাধ্যে ভেষজমনুক্রমতে, ন তু ভেষজসাধ্যে শস্ত্রাদি| পুনরপি চ ত্রিবিধং,- হেতুবিপরীতং ব্যাধিবিপরীতমুভযার্থকারি চ| তত্র হেতুবিপরীতংগুরুস্নিগ্ধশীতাদিজে ব্যাধৌ লঘুরূক্ষোষ্ণাদি, তথেতরস্মিন্নিতরত্| ব্যাধিবিপরীতং-দ্বৌ মূলোপক্রমৌ| তৌ চ-লঙ্ঘনবৃংহণে স্নেহস্বেদৌ পঞ্চকর্মাণি বমনাদীনি ধূমাঞ্জনাদীনি চ, তথা বিম্লাপনোপনাহপাটনাদীনি| যচ্চ দোষশমনহেতুত্বে সত্যপি জ্বরে বিশেষতো হিতং মুস্তপর্পটকং যবাগূশ্চ| প্রমেহে রজনী যবান্নং চ| রক্তপিত্তে চোর্ধ্বগে বিরেচনমধোগে বমনম্| উভযার্থকারি পুনর্দৈবব্যপাশ্রযমৌষধম্| তদ্যথা,- ছর্দ্যং ছর্দনম্, অতীসারেঽনুলোমনম্, মদাত্যযে মদ্যপানম্, তুচ্ছদগ্ধেঽগ্নিপ্রতপনম্, পিত্তেঽন্তর্নিগূঢে বিমার্গগে বা স্বেদঃ, কট্বম্ললবনতীক্ষ্ণোষ্ণাভ্যবহারশ্চ বহিঃ প্রবর্তনায স্বমার্গাপাদনায চ| শ্লেষ্মণি চান্তর্নিগূঢে স্তব্ধে বহিঃ শীতোপচারঃ তত্পীডিতস্যোষ্মণোঽন্তঃপ্রবেশেন কফবিলাপনাযেতি| এবংবিধং হ্যবিপরীতমেব সদ্ভেষজং হেতুব্যাধিবিপরীতার্থং করোতি| অনৌষধং পুনর্দ্বিবিধং,- বাধনমনুবাধনং চ| তত্র সদ্যঃ প্রাণহরং বাধনম্| কালান্তরেণানুবাধনমিতি|" ইতি| ইতি হেমাদ্রিটীকাযামাযুর্বেদরসাযনে| দোষোপক্রমণীযস্তু সামস্ত্যেন নিরূপিতঃ|| ১৩||