১২. দোষভেদীযাধ্যাযঃ

সর্বাঙ্গসুন্দরী ব্যাখ্যা ( কৃত)

দোষাদিবিজ্ঞানীযাদনন্তরং দোষভেদীযাধ্যাযারম্ভঃ| যতো দোষভেদমন্তরেণ দোষবিজ্ঞানং সম্যঙ্নোক্তং স্যাত্|

আযুর্বেদরসাযনম্ ব্যাখ্যা ( কৃত)

০

সর্বাঙ্গসুন্দরী ব্যাখ্যা ( কৃত)

স০-দোষাণাং ভেদো-দোষভেদঃ, স্থাননামবিভাগাদিভিঃ| তস্মৈ হিতো দোষভেদীযঃ| শেষং পূর্ববত্|

আযুর্বেদরসাযনম্ ব্যাখ্যা ( কৃত)

আ০ র০- দোষভেদীযমধ্যাযং ব্যাখ্যাতুং প্রতিজানীতেঅথেতি| যতঃ পূর্বাধ্যাযে দোষবৈষম্যমুক্তম্| তচ্চ দোষভেদাদ্বহুধা ভিদ্যতে| দোষভেদজ্ঞানার্থমযমধ্যাযঃ| অত এবাযং দোষভেদীযঃ | তদ্ভেদশ্চ স্থানকর্মাবস্থাহেত্বাকৃতিসাধনসংযোগভেদদ্ভবতি| তত্র স্থানতো যথা-পক্বাশযস্থোঽগং বাযুঃ কটিস্থোঽযম্| কর্মতো যথা,-শ্বাসোচ্ছ্বা সপ্রবতকোঽযং বিণ্মূত্রপ্রবর্তকোঽযম্|অবস্থাতো যথা,-চিতোঽযং প্রকুপিতোঽযম্| হেতুতো যথা,-মিথ্যাযোগপ্রকুপিতোঽযম্, অতিযোগপ্রকুপিতোঽযম্| আকৃতিতো যথা,-স্ত্রংসলক্ষণোঽযং ব্যাসলক্ষণোঽযম্| সাধনতো যথা,-স্নিগ্ধো পশযোঽযম্,উষ্ণোপশযোঽযম্| সংযোগতো যথা,-পিত্তযুক্তোঽযং শ্লেষ্মযুক্তোঽযমিতি| এবং পিত্তাদিষ্বপি|

সর্বাঙ্গসুন্দরী ব্যাখ্যা ( কৃত)

স০-পক্বাশযাদি বাতস্য স্থানম্| তত্রাপি ষড্বিধে স্থানে বিশেষেণ পক্বাধানং স্যাত্| অন্নং পক্বমাধীযতে-স্থাপ্যতেঽস্মিন্নিতি পক্বাধানং,-পক্বাশযঃ| অত এব বাতে বস্তিরুপক্রমঃ প্রধান উক্তঃ, মূলাপকর্ষণাত্| সকলশরীরব্যাপিত্বেঽপ্যেষামিদং বিশেষেণোক্তম্| তথা চ প্রাগধ্যগীষ্ট (হৃ. সূ. অ. ১|৭) - "তে ব্যাপিনোঽপি হৃন্নাভ্যোঃ" ইতি| বিচিত্রগতিত্বাচ্চৈষাং বক্ষ্যমাণপ্রাণাদিভেদেন পৃথক্ স্থানকর্মনির্দেশঃ|

আযুর্বেদরসাযনম্ ব্যাখ্যা ( কৃত)

আ০ র০- তত্রাদৌ স্থানতো ভেদঃ| স্থানং দ্বিধা,-সামান্যং বিশিষ্টং চ| তত্রাদৌ সামান্যম্| তত্র বাযোঃ স্থানমাহ-পক্বাশযেতি| পক্বাশযো-নাভেরধঃ পক্বান্নস্থানম্| কটী-শ্রোণিঃ| সক্থি-বঙ্ক্ষণাদ্যঙ্গুষ্ঠান্তম্| শ্রোত্রংকর্ণঃ| স্পর্শনেন্দ্রিযং-ত্বক্| তত্র-তেষু স্থানেষু মধ্যে, পক্বাধানং-পক্বাশযো, বিশেষতঃ স্থানম্|

সর্বাঙ্গসুন্দরী ব্যাখ্যা ( কৃত)

স০-পিত্তস্য নাভ্যাদীনি স্থানানি| লসীকা-জলসদৃশী| দৃক্-চক্ষুঃ| স্পর্শনং-ত্বক্| ননু, স্পর্শনেন্দ্রিযং বাযোঃ স্থানমুদ্দিষ্টম্| তদেব কথং পিত্তস্যাপি স্যাত্| ব্রূমঃ| বাতসখিত্বাদগ্নেঃ| বাতসখো হ্যগ্নিঃ, পিত্তং চ বহ্নিরিতি বচনাত্| তস্মাদুভযোরপ্যেতদ্যুক্তং স্থানম্| বিশেষত ইতি| অত্র-এষু স্থানেষু মধ্যে, পিত্তস্য বিশেষেণ নাভিঃ স্থানম্|

আযুর্বেদরসাযনম্ ব্যাখ্যা ( কৃত)

আ০ র০- পিত্তস্যাহ-নাভিরিতি| আমাশযো-নাভেরূর্ধ্বপক্বান্নস্থানম্| "লসীকা-স্যাগ্রসমলো জলপ্রাযস্ত্বগাশ্রযঃ"| দ্দক্-চক্ষুঃ| স্পর্শনং-ত্বক্| অত্র-এষু স্থানেষুমধ্যে, নাভির্বিশেষতঃ স্থানম্|

সর্বাঙ্গসুন্দরী ব্যাখ্যা ( কৃত)

স০-কফস্যোরঃ প্রভৃতীনি জিহ্বান্তানি স্থানানি| সুতরাং-সুষ্ঠু স্থানমুরো-বক্ষঃ|

আযুর্বেদরসাযনম্ ব্যাখ্যা ( কৃত)

আ০ র০- কফস্যাহ-উর ইতি| উরো-বক্ষঃ| ক্লোমোদকবাহিস্ত্রোতোমূল, হৃদ্দক্ষিণতো মাংসগ্রন্থিঃ| পর্বাণিসন্ধযঃ| ঘ্রাণং-নাসা| এষু মধ্যে উরো বিশেষতঃ স্থানম্|

সর্বাঙ্গসুন্দরী ব্যাখ্যা ( কৃত)

স০-বাযুরেক এব চলনস্বভাবঃ সন্ প্রাণাদিভিঃ-প্রাণোদানব্যানসমানাপানৈঃ, ভেদাত্-বিশেষাত্, পঞ্চাত্মা-পঞ্চস্বভাবঃ| যথৈকোঽপি দেবদত্তো যাং যাং ক্রিযাং করোতি তদনুরূপামেব সংজ্ঞাং লাবকপাচকাদিকাং লভতে, তদ্বদ্বাতাদযঃ|

আযুর্বেদরসাযনম্ ব্যাখ্যা ( কৃত)

আ০ র০- অথ বিশিষ্টস্থানং কর্ম চ, সামান্যকর্মণ উত্সাহাদেঃ পূর্বাধ্যাযে নির্দিষ্টত্বাত্| তত্র বাযোর্বিশেষমাহপ্রাণাদিভেদাদিতি| প্রাণাদযঃ-প্রাণোদানব্যানসমানাপানাঃ| পঞ্চাত্মা-পঞ্চবিশেষঃ|

সর্বাঙ্গসুন্দরী ব্যাখ্যা ( কৃত)

স০-অত্র-এষু মধ্যে, প্রাণো বাযুর্মূর্ধগঃ-শিরসি স্থিতঃ, উরঃ কণ্ঠং চ চরতি| তথা, বুদ্ধ্যাদীনাং ধারকঃ| তথা, ষ্ঠীবনাদিক্রিযঃ| ষ্ঠীবনং- মুখস্রাবোদ্গারঃ| ষ্ঠীবনমিতি "ষ্ঠীবের্ল্যুটি ষ্ঠীবিসিব্যোর্দীর্ঘশ্চ" ইতি পৃষোদরাদিপাঠাদ্দীর্ঘঃ|

আযুর্বেদরসাযনম্ ব্যাখ্যা ( কৃত)

আ০ র০- প্রাণস্য স্থানকর্মাণ্যাহ-প্রাণোঽত্রেতি| প্রাণস্যমূর্ধাঽবস্থিতিস্থানম্| উরঃ কণ্ঠশ্চ বিচরণস্থানম্| বুদ্ধযাদিধারণং ষ্ঠীবনাদিকরণং চ কর্ম| হৃদযং-মনোঽধিষ্ঠানম্| চিত্তং-মনঃ| ইন্দ্রিযাণি-চক্ষুরাদীনি|

সর্বাঙ্গসুন্দরী ব্যাখ্যা ( কৃত)

স০-উদানস্য প্রধানমুরঃ স্থানম্, নাসাদীংশ্চ চরতি| বাক্প্রবৃত্ত্যাদিক্রিযঃ| প্রযত্নঃ-কার্যেষু পদার্থগ্রহণাদিষূদ্যমঃ|

আযুর্বেদরসাযনম্ ব্যাখ্যা ( কৃত)

আ০ র০- উদানস্য স্থানকর্মাণ্যাহ-উরঃ স্থানমিতি| উদানস্যোরোঽবস্থিতিস্থানম্| নাসাদি বিচরণস্থানম্| বাক্প্রবৃত্ত্যাদিকং কর্ম| প্রযত্নঃ-উত্সাহঃ| ঊর্জা-প্রাণনম্|

সর্বাঙ্গসুন্দরী ব্যাখ্যা ( কৃত)

স০-ব্যানো হৃদযে স্থিতঃ প্রাধান্যেন কৃত্স্নে-সর্বস্মিন্, শরীরে চরতি| তথা, মহাজবঃ-শীঘ্রগতিঃ, প্রাণাদ্যপেক্ষযা| তথা, গত্যাদিকাঃ ক্রিযাঃ প্রাযঃ সর্বদেহিনাং তস্মিন্-ব্যানে, প্রতিবদ্ধাঃ-তদাযত্তাঃ| গতিঃ-চঙ্ক্রমণম্| অপক্ষেপণং-অঙ্গস্যাধোঅনযনম্| উত্ক্ষেপঃ- অঙ্গস্যোর্ধ্বনযনম্| নিমেষঃ-অক্ষ্ণোর্নিমীলনম্| উন্মেষঃ-তযোর্বিকাসঃ| আদিগ্রহণেন জৃম্ভণান্নাস্বাদনবিশোধনাদিপরিগ্রহঃ|

আযুর্বেদরসাযনম্ ব্যাখ্যা ( কৃত)

আ০ র০- ব্যানস্যাহ-ব্যান ইতি| ব্যানস্য হৃদযমবস্থিতিস্থানম্| সর্বশরীরং বিচরণস্থানম্| গযাদযঃ সকলাঃ ক্রিযাঃ কর্ম| অপক্ষেপণং-অঙ্গস্যাধোনযনম্| উত্ক্ষেপণং-ঊর্ধ্বনযনম্| তস্মিন্প্রতিবদ্ধাঃ-তদেকনিষ্পাদ্যাঃ| মহাজবঃ-প্রাণাদিভ্যো বেগবান্|

সর্বাঙ্গসুন্দরী ব্যাখ্যা ( কৃত)

স০-সমানো বাযুরগ্নিসমীপস্থঃ| সামান্যোক্তাবপি প্রাধান্যাত্পাচকোঽগ্নির্গৃহ্যতে| অত এবাহ-কোষ্ঠে চরতি সর্বত ইত্যাদি| সর্বস্মিন্ কোষ্ঠে চরতি| স চান্নং গৃহ্ণাতি-অপক্বমামাশযে ধারযতীত্যর্থঃ| পচতি-অগ্নিসন্ধুক্ষণাদ্ভক্তকার ইব| বিবেচযতি-সংহতমন্নং পাকায বিভজতে| মুঞ্চতি-শকৃন্মূত্রাদিরূপমধঃ|

আযুর্বেদরসাযনম্ ব্যাখ্যা ( কৃত)

আ০ র০- সমানস্যাহ-সমান ইতি| সমানস্যাগ্নিসমীপমবস্থিতিস্থানম্| সর্বকোষ্ঠো বিচরণস্থানম্| অন্নস্য গ্রহণং, গৃহীত্বা পাচনং, পক্ত্বা সারকিট্টদিবেচনং, বিবিচ্য কিট্টাবমোচনং চ কর্ম| অগ্নিসমীপং অগ্নিস্থানস্য গ্রহণ্যাখ্যস্য অগ্ন্যনবরুদ্ধোঽবকাশঃ|

সর্বাঙ্গসুন্দরী ব্যাখ্যা ( কৃত)

স০-অপানো বাযুরপানং প্রাধান্যেনাশ্রিতঃ, শ্রোণ্যাদিচরঃ, শুক্রাদিনিষ্ক্রমণক্রিযঃ| ইতি বাতভেদাঃ পঞ্চ|

আযুর্বেদরসাযনম্ ব্যাখ্যা ( কৃত)

আ০ র০- অপানস্যাহ-অপান ইতি| অপানস্যাপানংগুদমবস্থিতিস্থানম্| শ্রোণ্যাদি বিচরণস্থানম্| শুক্রাদিনিষ্ক্রমণং কর্ম| বস্তিঃ-মূত্রাশযঃ| মেঢ্রং-মূত্রমার্গঃ| গোচরো-বিচরণবিষযঃ|

সর্বাঙ্গসুন্দরী ব্যাখ্যা ( কৃত)

স০-পাচকরঞ্জকসাধকালোচকভ্রাজকভেদাঃ পঞ্চ পিত্তস্য|

আযুর্বেদরসাযনম্ ব্যাখ্যা ( কৃত)

আ০ র০- পিত্তাবিশেষানাহ-পিত্তমিতি| পাচকরঞ্জকসাধকালোচকভ্রাজকভেদাত্ পঞ্চধা পিত্তম্|

সর্বাঙ্গসুন্দরী ব্যাখ্যা ( কৃত)

স০-তত্র-তেষু পঞ্চসু মধ্যে, পক্বামাশযযোর্মধ্যস্থং যত্পিত্তং তথা পঞ্চভূতাত্মকত্বেঽপি সতি যত্তৈজসগুণোদযাত্-আগ্নেযগুণোত্কর্ষাত্, ক্ষপিতসোমগুণত্বেন ত্যক্তদ্রবত্বং-সঞ্জাতকাঠিন্যম্, তথা সহকারিকারণৈঃ পাচনক্রিযাং প্রতি সব্যাপারৈর্বায্বাদিভিরনুগ্রহাদুপকারাত্ যতঃ পাকদাহাদিক্রিযযাঽনলশব্দিতং-অগ্নিশব্দবাচ্যং যত্পিত্তং তত্পাচকমুচ্যতে| তচ্চান্নং পচতি| সারকিট্টৌ পৃথগ্ বিভজতে-বিভাগীকরোতি| কিট্টশব্দস্য লোকাশ্রযত্বাল্লিঙ্গস্যেতি পুংস্ত্বম্| তত্রস্থমেব-পক্বামাশযমধ্যগমেব, শেষাণাং-রঞ্জকাদীনাং ধাতুস্থানাং চ, অনুগ্রহং-উপকারং করোতি| বলদানেন-সামর্থ্যাধানেন, স্বস্থানস্থমেব তেষূপকুরুত ইত্যর্থঃ|

আযুর্বেদরসাযনম্ ব্যাখ্যা ( কৃত)

আ০ র০- পাচকস্য স্থানকর্মাণ্যাহ-তত্রেতি| পাচকস্যপক্বামাশযমধ্যং-গ্রহণ্যাখ্যং স্থানম্| অন্নস্য পচনং, পক্ত্বা সারকিট্টবিভাগো, রঞ্জকাদিচতুষ্টযানুগ্রহশ্চ কর্ম| কীদ্দশং তত্ ? যত্পঞ্চভূতাত্মকত্বে সত্যাপি তেজোভূতগুণাধিক্যাত্যক্তদ্রবত্বম্| তথা, পাকাদীনামগ্নিকার্যাণাং করণাদনলসংজ্ঞযোক্তম্| এতেন পাচকাপেক্ষযা অগ্নিপিত্তযোরভেদঃ, রজকাদ্যপেক্ষযা ভেদ ইতি মতদ্বযং ব্যবস্থাপিতম্| তত্রস্থংস্বস্থানস্থম্|

সর্বাঙ্গসুন্দরী ব্যাখ্যা ( কৃত)

স০-যত্ত্বামাশযস্থং পিত্তং তদ্রসাখ্যধাতো রঞ্জনাত্রাগনিষ্পাদনাত্, রঞ্জকমুচ্যতে|

আযুর্বেদরসাযনম্ ব্যাখ্যা ( কৃত)

আ০ র০- রঞ্জকস্যাহ-আমাশযাশ্রযমিতি| রঞ্চকত্যামাশযঃ স্থানম্| রসরঞ্জনং কর্ম|

সর্বাঙ্গসুন্দরী ব্যাখ্যা ( কৃত)

স০-যত্তু হৃদ্গতং-হৃদযস্থং পিত্তং তদ্বুদ্ধ্যাদিভিঃ করণ্ভূতৈরভিপ্রেতস্যার্থস্য বাহ্যগ্রহণস্মরণাদিরূপেণ সাধনাত্ সাধকমুচ্যতে| বর্তমানকালে যা মনোর্থসংশযস্য নিশ্চযং কর্তুং তদর্থাধ্যবসাযোপারূঢা সা-বুদ্ধিঃ| বুদ্ধিবিশেষো-মেধা|

আযুর্বেদরসাযনম্ ব্যাখ্যা ( কৃত)

আ০ র০- সাধকস্যাহ-বুদ্ধীতি| সাধকস্য হৃদযং স্থানম্| বুদ্ধযাদিদ্বারেণাভীষ্টার্থসাধনং কর্ম| অভিমানঃ-অহঙ্কারঃ|

সর্বাঙ্গসুন্দরী ব্যাখ্যা ( কৃত)

স০-দৃষ্টিস্থং পিত্তং রূপালোচনাত্ (নতঃ)-অন্তস্তারকযোঃ স্থিতং তদাযত্তরূপগ্রহণশক্তিত্বাত্, আলোচকমুচ্যতে|

আযুর্বেদরসাযনম্ ব্যাখ্যা ( কৃত)

আ০ র০- আলোচকাস্যাহ-রূপালোচনত ইতি| আলোচকস্য দ্দক্-দ্দষ্টিঃ স্থানম্| রূপালোচনং কর্ম|

সর্বাঙ্গসুন্দরী ব্যাখ্যা ( কৃত)

স০-ত্বচো ভ্রাজনাত্-দীপনাত্, ভ্রাজকং নাম পিত্তম্| এতচ্চ পিত্তমভ্যঙ্গলেপপরিষেকাদীন্ পাচযতি|

আযুর্বেদরসাযনম্ ব্যাখ্যা ( কৃত)

আ০ র০-- ভ্রাজকস্যাহ-ত্বক্স্থমিতি| ভ্রাজকস্য ত্বক্স্থানম্| ত্বচো ভ্রাজনং-প্রকাশনং, কর্ম| সঙ্গ্রহে তু (সূ. অ. ২০) - " তদভ্যঙ্গপরিষেকালেপাদীন্ পাচযতি " ইত্যুক্তম্|

সর্বাঙ্গসুন্দরী ব্যাখ্যা ( কৃত)

স০-শ্লেষ্মা তু পঞ্চধা,-পঞ্চপ্রকারঃ|

আযুর্বেদরসাযনম্ ব্যাখ্যা ( কৃত)

আ০ র০- শ্লেষ্মবিশেষানাহ-শ্লেষ্মেতি| অবলম্বকল্কে দকবোধকতর্পকশ্লেষকভেদাত্ পঞ্চাধা শেষ্মা|

সর্বাঙ্গসুন্দরী ব্যাখ্যা ( কৃত)

স০-সঃ-শ্লেষ্মা, উরসি তিষ্ঠতীত্যুরঃস্থঃ, ত্রিকস্য-পৃষ্ঠাধা(ধ)রাখ্যস্য, স্ববীর্যতঃ-স্বপ্রভাবাত্, যত্-যস্মাত্, অবলম্বনং করোতি-স্বকর্মণি তস্য সামর্থ্যমুত্পাদযতি| হৃদযস্যান্নবীর্যাত্-অন্নবীর্যেণাভ্যবহৃতাদন্নাদ্রসরূপতাপরিণতাত্ তদ্বীর্যেণ-তদ্বলেনাবলম্বনং করোতি| চশব্দাত্ স্ববীর্যেণাপি হৃদযস্যাবলম্বনং করোতি| কিন্ত্বন্নবীর্যাদতিশযেন যথাঽবলম্বনং হৃদযস্য করোতি ন তথা স্ববীর্যতঃ| যতোঽন্নরসঃ পূর্বং হৃদি স্থিতিং কৃত্বা ততো ব্যানবিক্ষিপ্তঃ সর্বং শরীরং যাতি, তস্মাদ্বিশেষেণ হৃদযস্যান্নবীর্যাদবলম্বনং যুক্তম্| আগমোঽপি-"হৃদযং মনসঃ স্থানমোজসাশ্চিন্তিতস্য চ| মাংসপেশীচযো রক্তপদ্মাকারমধোমুখম্|| যোগিনো যত্র পশ্যন্তি সম্যগ্ জ্যোতিঃ সমাহিতাঃ| রসো যঃ স্বচ্ছতাং যাতঃ স তত্রৈবাবতিষ্ঠতে|| ততো ব্যানেন বিক্ষিপ্তঃ কৃত্স্নং দেহঃ প্রপদ্যতে|" ইতি| তথা, তত্স্থ এব-উরঃস্থ এব, এষ শ্লেষ্মা শেষাণাং কফস্থানানামম্বুকর্মণা-ক্লেদসংশ্লেষাদিলক্ষণেন জলব্যাপারেণ, অবলম্বনং করোতি| অতঃ-অস্মাদ্যথোক্তাদ্ধেতোঃ, অবলম্বকঃ শ্লেষ্মেত্যুচ্যতে|

আযুর্বেদরসাযনম্ ব্যাখ্যা ( কৃত)

আ০ র০ অবলম্বকস্য স্থানকর্মাণ্যাহ-উরঃস্থ ইতি| অবলম্বকস্য উরঃ স্থানম্| ত্রিকাদ্যবলম্বনং কর্ম| ত্রিকস্যপৃষ্ঠাধারস্য, স্ববীর্যতঃ-আত্মপ্রভাবেণ, অবলম্বনং করোতি| হৃদযস্যান্নবীর্যাত্, চকারাস্ত্ববীর্যাচ্চ| হৃদযাবলম্বনেঽন্নবীর্যং সহকারি, "আত্মবীর্যেণ অন্নরসসহিতেন" ইতি সুশ্রুতবচনাত্ (সূ. অ. ২১/১৪)| তত্স্থ এব শেষাণাং-কণ্ঠাদীনাম্, কফধাগ্নাং-কফস্থানানাম্, অম্বুকর্মণা-জলব্যাপারেণ ক্লেদনতর্পণপূরণাদিনা, অবলম্বনং করোতি| কেচিত্তু বাহুগ্রীবাস্থিত্রযসঙ্ঘাতং ত্রিকমাহুঃ| তদসত্| ত্রিকশব্দস্য পৃষ্ঠবংশাধর এব রূঢত্বাত্| রূঢিস্তুযোগাদ্বলীযসী| আসন্নত্বং চাপ্রযোজকম্, দবীযসামপি কফাধাগ্ন্নামবলম্বনোক্তেঃ|

সর্বাঙ্গসুন্দরী ব্যাখ্যা ( কৃত)

স০-যঃ পুনঃ শ্লেষ্মা আমাশযে স্থিতঃ, স ক্লেদক ইত্যুচ্যতে| কুতঃ ? অন্নসঙ্ঘাতক্লেদনাত্কারণাত্|

আযুর্বেদরসাযনম্ ব্যাখ্যা ( কৃত)

আ০ র০- ক্লেদকস্যাহ-যস্ত্বিতি| ক্লেদকস্যামাশযঃ স্থানম্| অন্নসঙ্ঘাতক্লেদনং কর্ম|

সর্বাঙ্গসুন্দরী ব্যাখ্যা ( কৃত)

স০-রসনাস্থাযী-জিহ্বাস্থো, বোধক ইত্যুচ্যতে, রসবোধনাত্ কারণাত্|

আযুর্বেদরসাযনম্ ব্যাখ্যা ( কৃত)

আ০ র০- বোধকস্যাহ-রসবোধনাদিতি| বোধকস্য রসনা-জিহ্ণেন্দ্রিযং স্থাণম্| রসবোধনং কর্ম|

সর্বাঙ্গসুন্দরী ব্যাখ্যা ( কৃত)

স০-শিরঃস্থস্তর্পক ইত্যুচ্যতে, অক্ষতর্পণাদ্বেতোঃ|

আযুর্বেদরসাযনম্ ব্যাখ্যা ( কৃত)

আ০ র০- তর্পকস্যাহ-শিরঃ সংস্থ ইতি| তর্পকস্য শিরঃস্থানম্| ইন্দ্রিযতর্পণং কর্ম|

সর্বাঙ্গসুন্দরী ব্যাখ্যা ( কৃত)

স০-সন্ধিষু স্থিতঃ শ্লেষ্মা শ্লেষক ইত্যুচ্যতে, সন্ধিসংশ্লেষাত্ কারণাত্|

আযুর্বেদরসাযনম্ ব্যাখ্যা ( কৃত)

আ০ র০- শ্লেষকস্যাহ-সন্ধিসংশ্লেষাদিতি| শ্লেষকস্যসন্ধযঃ স্থানম্| সন্ধিসংশ্লেষণং কর্ম|

সর্বাঙ্গসুন্দরী ব্যাখ্যা ( কৃত)

স০-প্রাযেণ-বাহুল্যেন, দোষাণামবিকৃতাত্মনাং-অপ্রচ্যুতস্বভাবানাম্, ইতি-উক্তপ্রকারাণি, স্থানানি ব্যাপিনামপি-সকলশরীরচরাণামপি, জানীযাত্| বৈদ্য ইতি শেষঃ| তথা, কর্মাণি পৃথক্পৃথক্-প্রত্যেকং কৃত্বা, জানীযাত্|

আযুর্বেদরসাযনম্ ব্যাখ্যা ( কৃত)

আ০ র০- প্রকরণার্থমুপসংহরতি-ইতি প্রাযেণেতি| প্রাযেণ-বাহুল্যেন, যদ্যপি সর্বশরীরব্যাপিনস্তথাঽপ্যেষু স্থানেষ্বতিশযেন তীষ্ঠন্তীত্যর্থঃ| অবিকৃতামনাং-অপ্রচ্যুতস্বভাবানাম্, বিকৃতাত্মনাং তু ন স্থাননিযমঃ| ইতি স্থানকর্মপ্রকরণম্|

সর্বাঙ্গসুন্দরী ব্যাখ্যা ( কৃত)

স০-উষ্ণেন গুণেন বিরুদ্ধেনোপহিতা রূক্ষাদযঃ-প্রথমাধ্যাযোক্তাঃ (শ্লো. ১১) ষড্বাতগুণাঃ, বাযোশ্চযং কুর্বন্তি, ন কোপমুষ্ণস্য বিরুদ্ধত্বাত্| ত এব চ রূক্ষাদযঃ শীতগুণোপহিতাস্তত্সদৃশত্বাদ্বাযোঃ কোপং কুর্বন্তি| উষ্ণেন যুক্তাঃ স্নিগ্ধাদযো গুণা বাযোঃ শমং কুর্বন্তি, বিপরীতত্বাত্|

আযুর্বেদরসাযনম্ ব্যাখ্যা ( কৃত)

আ০ র০- অথাবস্থা| সা চ দ্বেধা,-সাম্যং বৈষম্যং চ| বৈষম্যং দ্বেধা,ক্ষযো বৃদ্ধিশ্চ| বৃদ্ধির্দ্বেধা চযপ্রকোপভেদেন| ক্ষযোবৃদ্ধির্দ্বেধা,- চযপ্রকোপভেদেন| চযপ্রকোপক্ষযসাম্যভেদাচ্চতস্ত্রোঽবস্থাঃ| তত্র ক্ষযসাম্যেপ্রশমশ্ব্দেনোত্পাত্তে নিষ্পাদ্যমানস্য প্রশমস্য ক্ষযরূপত্বাত্ নিষ্পন্নস্য সাম্যরূপত্বাত্ প্রশমহেতূনাং প্রমাদাতিযোগে পুনঃ ক্ষযরূপত্বাত্ , ক্ষযহেতূনামপি প্রশমহেতূনাং প্রমাদাতিযোগে পুনঃ ক্ষযরূপত্বাত্, ক্ষযহেতূনামপি প্রশমশব্দত্বাচ্চ| তত্র চযাদিনিদানম্| তত্র বাযোরাহ- উষ্ণেনেতি| উষ্ণেন গুণেন যুক্তা রুক্শাদযো বাযো: সঞ্চযং কুর্বন্তি, ত এব শীতেন যুক্তাঃ কোপম্| উষ্ণেন যুক্তাঃ স্নিগ্ধাঃ শমং কুর্বতে|

সর্বাঙ্গসুন্দরী ব্যাখ্যা ( কৃত)

স০-এবং পিত্তস্য শীতেন গুণেন যুক্তাস্তীক্ষ্ণাদযো গুণাশ্চযং কুর্বন্তি| ত এব তীক্ষ্ণাদযো গুণা উষ্ণেন সহিতাঃ কোপং কুর্বন্তি| মন্দাদযো গুণাঃ শীতগুণযুক্তাঃ শমং কুর্বন্তি, বিপরীতত্বাত্|

আযুর্বেদরসাযনম্ ব্যাখ্যা ( কৃত)

আ০ র০- পিত্তস্যাহ-শীতেনেতি গুণেন যুক্তাস্তীক্ষ্ণাদ্যাঃ পিত্তস্য চযং কুর্বতে, ত এব উষ্ণেন যুক্তাঃ কোপম্| শীতেন যুক্তাঃ মন্দাদ্যাঃ শমং কুর্বতে|

সর্বাঙ্গসুন্দরী ব্যাখ্যা ( কৃত)

স০-শীতগুণোপহিতাঃ স্নিগ্ধাদযঃ কফস্য চযং কুর্বতে| উষ্ণেন যুক্তাস্ত এব স্নিগ্ধাদযঃ কফস্য কোপং কুর্বতে| তেনৈব-উষ্ণেন, যুক্তা রূক্ষাদযঃ কফস্য চ শমং কুর্বন্তি| কফস্য হি শীতগুণেন সদৃশেনাপি স্নিগ্ধাদিগুণযুক্তেন স্ত্যানত্বাচ্চযঃ স্যাত্| বিপরীতেনোষ্ণেন বিলযনাত্ কোপঃ| স এবোষ্ণো যদা রূক্ষাদিযুক্তো ভবতি তদা বিপরীতত্বাত্ শমো ভবতি|

আযুর্বেদরসাযনম্ ব্যাখ্যা ( কৃত)

আ০ র০- কফস্যাহ-শীতেনেতি| শীতেনযুক্তাঃ স্নিগ্ধাদ্যাঃ কফস্য চযং কুর্বতে, ত এবোষ্ণেন যুক্তাঃ কোপম্| তেন-উষ্ণেন সহিতা রূক্ষাদযো গুণাঃ শমং কুর্বতে|

সর্বাঙ্গসুন্দরী ব্যাখ্যা ( কৃত)

স০-স্বধাম্নীযে স্থানে দোষস্য যা বৃদ্ধিঃ স চয উচ্যতে| চিতস্য দোষস্য লিঙ্গমাহ-প্রদ্বেষ ইত্যাদি| যদা হি বাতশ্চিতো ভবতি তদা রূক্ষাদিষু তদ্গুণসামান্যেষু প্রদ্বেষঃ স্যাত্| তদ্বিপরীতগুণেষু স্নিগ্ধাদিষ্বভিলাষঃ স্যাত্| এবং কফপিত্তযোশ্চিতযোর্ব্যাখ্যেযম্| ননু, "প্রদ্বেষো বৃদ্ধিহেতুষু" ইত্যেকমেব লক্ষণং দোষচযসত্তানুমাপকং কর্তুং ন্যায্যম্| যদি বা "বিপরীতগুণেচ্ছা চ" ইত্যেতত্| কিং দ্বযোরূপাদানেন ? অত্রোচ্যতে| কদাচিদচিতোঽপি দোষো বাতাখ্যঃ স্বপ্রমাণস্থঃ ক্ষীণো বা যস্য স বাতবৃদ্ধিহেতূন্ রূক্ষাদীন্ন দ্বেষ্টি, অপি তু তানিচ্ছতি, সাত্ম্যবশাত্| যথা,-গর্ভিণী স্ত্রী দোহদবশাত্| তদেবং ব্যভিচারদর্শনাত্| প্রদোষো বৃদ্ধিহেতুষু" "বিপরীতগুণেচ্ছা চ" ইতি দ্বযমপি কর্তব্যম্| তেন যদা তুল্যকালং পুরুষস্য বাতসমানগুণেষু তদ্বৃদ্ধিহেতুষু প্রদ্বেষো জাযতে, বাতগুণপ্রতিপক্ষেষু তত্ক্ষপণহেতুষু চাভিলাষঃ, তদা সম্যক্ নিশ্চীযতে বাতস্যোপচিতিঃ, ইতি দ্বযমপ্যেতদুক্তম্|

আযুর্বেদরসাযনম্ ব্যাখ্যা ( কৃত)

আ০ র০- অথ চযাদিলক্ষণম্| তত্র চযং লক্ষযতিচযো বৃদ্ধিরিতি| দোষস্য বৃদ্ধিঃ-চযঃ| সা চ প্রথমং স্বধান্ন্যেব ভবতি| যাবানেবাশযঃ সঞ্চারবতা দোষেণ ব্যাত্প্স্তাবানেব নিঃসঞ্চারেণ ব্যাপ্যতে, স চ সংহতিরূপত্বাত্ সঞ্চযাখ্যঃ| যদা সর্ব এবাশযো ব্যাপ্যতে তদা বৃদ্ধিহেতুষু-সমানগুণেষু প্রদ্বেষ উত্পদ্যতে, স প্রকোপপ্রারম্ভরূপত্ত্বাত্ প্রকোপাখ্যঃ| ততঃ পরস্যাশযম্ উত্পাশযং প্রবিশতি তদা বিপরীতগুণেচ্ছা, চকারাত্সমানগুণেষু দ্বেষশ্চ| স প্রসররূপত্বাত্ প্রসরাখ্যঃ|

সর্বাঙ্গসুন্দরী ব্যাখ্যা ( কৃত)

স০-উন্মার্গগামিতা-স্বস্থানং ত্যক্ত্বা দোষস্য যত্ পুনর্মার্গান্তরগমনম্, স কোপ ইত্যুচ্যতে| কোপস্য তু লিঙ্গমাহ-লিঙ্গানাং স্বেষাং যথাযথং দর্শনং-উদ্ভবঃ| বাতাদীনাং কুপিতানাং যানি লিঙ্গানি দোষাদিবিজ্ঞানীযেঽভিহিতানি বাতব্যাধিনিদানে চ বক্ষ্যন্তে, তেষাং লক্ষণানামুপলব্ধিঃ, [ বৈদ্যেনাতুরেণ চ| যত্তত্ কোপস্য লিঙ্গম্| তথা, অস্বাস্থ্যং-উত্পিত্সুরোগেচ্ছযা সামান্যেন দেহমনোভিভূতত্বম্| তথা, রোগস্য-জ্বরাদেঃ, সম্ভবো-জন্ম| ননু, "লিঙ্গানাং দর্শনং স্বেষাম্" "অস্বাস্থ্যম্" "রোগসম্ভবঃ" ইতি কিং ত্রিতযমুদ্দিষ্টম্ ? একেনৈব দোষকোপাবগমাদেকমেবোপদেষ্টুং যুক্তম্| নৈবম্| ব্যভিচারদর্শনাত্| তথা হি বক্ষ্যতি পাণ্ডুরোগচিকিত্সিতে (শ্লো. ৪৬)- "রূক্ষশীতগুরুস্বাদুব্যাযামবলনিগ্রহৈঃ| কফসম্মূর্চ্ছিতো বাযুর্যদা পিত্তং বহিঃ ক্ষিপেত্||" ইত্যারভ্য যাবত্ "পিত্তে শাখাসমাশ্রিতে|" ইতি| তদেবমেষঃ কামলাখ্যো রোগঃ পিত্তলিঙ্গদর্শনাদপি ন পিত্তস্য কোপমনুপযাতি| অত এব পিত্তপ্রকোপকরং ভৃশাম্লতীক্ষ্ণকটুকাদি চিকিত্সিতমত্র নির্দিষ্টম্| অস্বাস্থ্যমিত্যেতদপি ন দোষকোপস্য নিশ্চিতং লিঙ্গম্| তথা হি-মানসেনাপি ভযশোকাদিনাঽস্বাস্থ্যং দৃশ্যতে| তথা, আগন্তবোঽপি রোগা দোষকোপমন্তরেণৈবোত্পদ্যমানা দৃশ্যন্তে| তস্মাদ্রোগসম্ভবাদপি দোষকোপোঽযমনিশ্চিতঃ| তদেবং লক্ষণত্রিতযেনৈবানেন দোষকোপো নিশ্চেতুং শক্যত ইতি ত্রিতযমপ্যেতদ্বক্তব্যম্| স্বস্থানস্থস্যেত্যাদি| স্বস্থানং-যথোদ্দিষ্টং পক্বাশযাদি| স্বস্থানাবস্থিতস্যৈব বাতাদিদোষস্য যা সমতা-স্বপ্রমাণত্বম্, বিকারস্য-রোগস্য, অসম্ভবঃ-অনুত্পত্তিঃ, স শম উচ্যতে|

আযুর্বেদরসাযনম্ ব্যাখ্যা ( কৃত)

আ০ র০- কোপং লক্ষযতি- কোপস্ত্বিতি| উন্মার্গগামিতা-স্বমার্গাদন্যেন মার্গেণ গমনম্,-কোপঃ| তত্র যদা প্রথমং স্থানিনমভিভূয অন্যস্থানব্যাপ্তিস্তদা স্বেষাং লিঙ্গানাং-রৌক্ষ্যাদীনাং দর্শনম্, স সমন্তাদন্যস্থানাশ্রযণাত্ স্থানসংশ্রযাখ্যঃ| ততো বিকুর্বাণো জ্বরাদিরূপেণাভিব্যজ্যতে তদা অস্বাস্থ্যং-প্রকৃত্যন্যথাত্বম্, স রোগরূপেণাভিব্যক্তত্বাত্ ব্যক্ত্যাখ্যঃ| ততস্তমেব রোগমবস্থান্তরাণ্যনুভবন্ননুবন্ধাতি তদা রোগসম্ভবঃ| সম্ভবং-দীর্ঘকালানুবর্তনমিতি যাবত্| সোঽবস্থাভেদরূপত্বাত্ ভেদাখ্যঃ| এতাশ্চ ষডবস্থাঃ সুশ্রুতেন স্পষ্টমুক্তাঃ (সূ. অ. ২১/৩৬) - "সঞ্চযং চপ্রকোপং চপ্রসরং স্থানসংশ্রযম্| ব্যক্তিং ভেদং চ যো বেত্তি দোষাণাং স ভবেদ্ভিষক্||" তত্প্রযোজনং চ " সঞ্চযেঽপহৃতা দোষা লভন্তে নোত্তরা গতীঃ| তে তূত্তরাসু গতিষু ভবন্তি বলবত্তরাঃ|" ইতি| প্রশমং লক্ষযতি-স্বস্থানস্থস্যেতি| স্বস্থানস্থত্বং সমত্বমবিকৃতত্বং চেতি মিলিতং প্রশমলক্ষণম্| রসবর্ণস্পর্শাদ্যন্যত্বং-বিকারঃ|

সর্বাঙ্গসুন্দরী ব্যাখ্যা ( কৃত)

স০-বাতস্য গ্রীষ্মাদিষু ত্রিষু যথাসঙ্খ্যং চযপ্রকোপপ্রশমা জাযন্তে| গ্রীষ্মে বাযোশ্চযঃ, বর্ষাসু প্রকোপঃ, শরদি প্রশম ইতি| এবমগ্রেঽপি যোজ্যম্| বর্ষাদিষ্বিত্যাদি| অত্রাপি ত্রিষ্বিতি বর্ততে| বর্শাশরদ্ধেমন্তেষু ত্রিষু পিত্তস্য চযপ্রকোপপ্রশমা ভবন্তি| তথা, শিশিরাদিষু ত্রিষু-শিশিরবসন্তগ্রীষ্মেষু, শ্লেষ্মণশ্চযপ্রকোপপ্রশমা ভবন্তি|

আযুর্বেদরসাযনম্ ব্যাখ্যা ( কৃত)

আ০ র০- চযাদীনাং কালমাহ-চযপ্রকোপপ্রশমা ইতি| বাযোর্গ্রীষ্মে চযঃ, বর্ষাসু প্রকোপঃ, শরদি প্রশমঃ| পিত্তস্য তু বর্ষাসু চযঃ, শরদি প্রশমঃ| পিত্তস্য তু বর্ষাসু চযঃ, শরদি প্রকোপঃ হেমন্তে প্রশমঃ| শ্লেষ্মণঃ শিশিরে চযঃ, বসন্তে প্রকোপঃ, গ্রীষ্মে প্রশমঃ|

সর্বাঙ্গসুন্দরী ব্যাখ্যা ( কৃত)

স০-গ্রীষ্মকালে বাতো লঘুরূক্ষাভিরোষধীভির্দেহে চাদানকালস্বাভাব্যাত্তদ্বিধে-লঘুরূক্ষে, তদ্বিধো-লঘুরূক্ষঃ, সমীরণ ইতি সমানগুণত্বাত্ পবনস্য কোপঃ প্রাপ্তঃ, স নিষিধ্যতে "কালস্যৌষ্ণ্যাত্" ইত্যনেন এবং পিত্তস্য বর্ষাসু কোপঃ, "ন তু কালস্য শৈত্যঃ" ইত্যনেন নিষিধ্যতে |

আযুর্বেদরসাযনম্ ব্যাখ্যা ( কৃত)

আ০ র০- কালনিযমে যুক্তিমাহ-চীযত ইতি| গ্রীষ্ম আহারস্য দেহস্য চ লঘুরূক্ষত্বে করোতি| তাভ্যাংম্লঘুরূক্ষো বাযুশ্চীযতে, ন তু কুপ্যাতি, উষ্ণেন প্রতিবদ্ধত্বাত্| বর্ষাকাল আহারস্যাম্লবিপাকত্বং করোতি| তেনাম্লবিপাকং পিত্তং চীযতে, ন তু কুপ্যাতি, শীতেন প্রতিবদ্ধত্বাত্| শিশির আহারস্য দেহস্য চ স্নিগ্ধশীতত্বে করোতি| তাভ্যাং স্নিগ্ধশীতঃ কফশ্চীযতে, ন তু কুপ্যতি, শীতেন ঘৃতবদ্ধনীভূতত্বাত্|

সর্বাঙ্গসুন্দরী ব্যাখ্যা ( কৃত)

স০-ইতি-পূর্বোক্তঃ, অযং-বায্বাদিচযাদিঃ, কালস্য স্বভাবঃ| আহারাদিবশাত্-অন্নপানসামর্থ্যাত্, পুনর্দোষাঃ সদ্যোঽপি-তত্ক্ষণাদেব কালমনপেক্ষ্যৈব, চযাদীন্-চযপ্রকোপপ্রশমান্ যান্তি| তস্মাদেব চাহারাদিবশাত্ যথাস্বং চযাদিকালেঽপি বা দোষা ন তু চযাদীন্ যান্তি| তস্মাত্ কালাদাহারাদীনাং প্রাধান্যমিত্যর্থঃ|আহারাদীত্যত্রাদিশব্দেন রসাযনবাজীকরণবমনবিরেচনাদযো গৃহ্যন্তে|

আযুর্বেদরসাযনম্ ব্যাখ্যা ( কৃত)

আ০ র০- কালাদাহারাদীনাং বলবত্বমাহ-ইতীতি| আদিশব্দেন বিহারো দেশশ্চ| সদ্যোঽপি-স্বকালং বিনাঽপি,যান্তি| স্বকালেঽপি ন যান্তি|

সর্বাঙ্গসুন্দরী ব্যাখ্যা ( কৃত)

স০-মলঃ কুপিতঃ সহসা-শীঘ্হ্রমেব, আপাদতলমস্তকং ব্যাপ্নোতি,-পাদতলাদারভ্য যাবন্মস্তকমিত্যর্থঃ| আঙ্মর্যাদাভিবিধ্যোর্বিভক্ত্যর্থেঽব্যযীভাবঃ| নিবর্ততে পুনরল্পাল্পং-স্তোকং স্তোকমিতি| জলৌঘবত্-যথা গিরিনদ্যাদীনাং জলপূরঃ সমবিষমং সহসৈব ব্যাপ্নোতি, নিবর্ততে তু স্তোকং স্তোকমিতি|

আযুর্বেদরসাযনম্ ব্যাখ্যা ( কৃত)

আ০ র০- প্রকোপপ্রশমযোঃ ক্ষিপ্রচিরনিষ্পাদ্যত্বামাহব্যান্পোতীতি| সহসা-বেগেন| মলো-দোষঃ| অল্পাল্পং চিরেণ| জলৌঘবত্-নদীপূরবত্| স হি বেগেন বর্ধতে চিরেণ হসতে|

সর্বাঙ্গসুন্দরী ব্যাখ্যা ( কৃত)

স০-যত্তদোর্নিত্যসম্বন্ধাত্ যস্মাদিতি লভ্যতে| যস্মান্নানারূপৈঃ-অনেকপ্রকারৈঃ, অসঙ্খ্যেযৈঃ-গণনাং সমতীতৈঃ, বিকারৈঃ-জ্বরাদিভিঃ, মলা-বাতপিত্তশ্লেষ্মাণঃ, কুপিতাস্তনুং-দেহং, তাপযন্তি-দুঃখযন্তি| তস্মাত্তদ্ধেত্বাকৃতিসাধনং শক্যং নৈকৈকশো বক্তুং-অযমস্য বিকারস্য হেতুরিযমাকৃতিরিদং লক্ষণমিদমস্য সাধনং-চিকিত্সিতমিতি| অতঃ সামান্যমুচ্যতে|

আযুর্বেদরসাযনম্ ব্যাখ্যা ( কৃত)

আ০ র০- অথ হেতুঃ| তদ্বিশেষাণাং নিঃশেষং নিরূপথিতুমশক্যত্বাত্সামান্যং বাচ্যম্| তদেবাহ-নানারূপৈরিতি| বিকারাণামসঙ্খযত্বং প্রতিবিকারং চ রূপাণাম্| অতস্তধেত্বাদি প্রকৃতিবিকারং বক্তুমশক্যম্, সাধারণং তূচ্যতে|

সর্বাঙ্গসুন্দরী ব্যাখ্যা ( কৃত)

স০-সর্বেষাং রোগাণাং যস্মাদ্দোষা এবৈককারণম্| একং-প্রধানং চ তত্কারণং-নিমিত্তমেককারণম্| যদি বা সর্বেষাং রোগাণাং দোষা একং-তুল্যং কারণম্, সমানং কারণমিত্যর্থঃ| এবশব্দোঽবধারণার্থঃ| দোষা এব কারণম্, নাপরং কিঞ্চিদ্বস্তুজাতম্| অত্র দৃষ্টান্তমাহ-যথেত্যাদি| পক্ষী-প্রাচিকাদিঃ, যথা সর্বতঃ-সমন্তাত্, পরিপতন্-ভ্রমন্, সর্বমপ্যহঃ-সকলমপি দিবসম্, আত্মীযাং ছাযাং নাত্যেতি-নাতিক্রামতি, তযা বিনা ক্ষণমপ্যসৌ নোপলভ্যত ইত্যর্থঃ| তথা অন্যদপি নিদর্শনমাহ-যথা বেত্যাদি| যথা বা কৃত্স্নং-নিরবশেষম্, এতদ্বিকারজাতং-স্থাবরজঙ্গমাদিভেদভিন্নং জরাযুজাণ্ডজাদিভেদভিন্নং বা, বিবিধং-নানাপ্রকারং, ত্রীন্ গুণান্-সত্ত্বরজস্তমঃসংজ্ঞান্, নাতিবর্ততে-নাত্যেতি, ত্রিভিরেতৈর্বিরহিতং ন জাতুচিদ্ভবতীত্যর্থঃ| তথা স্বধাত্বিত্যাদি| ধাতবো-দোষধাতুমলাঃ শরীরধারণসামান্যাত্, তেষাং বৈষম্যং-স্বলক্ষণতোঽন্যথাত্বম্, স্বধাতুবৈষম্যং নিমিত্তং যস্য তদ্বিকারজাতং ত্রীন্ দোষানাতিক্রামতি, ত্রিদোষরহিতং ন সম্ভবতীত্যর্থঃ| ধাতুবৈষম্যং চ প্রতিরোগমন্যাদৃশত্বান্নানাবিধম্| যত্তু যেন ধাতুবৈষম্যেণ জন্যতে, তত্তস্য স্বং-স্বীযং ভবতি| যেষাং তু রোগাণাং দেবগ্রহাদি নিমিত্তং ন তেষু তথা দোষানুবন্ধঃ, আগন্তুকত্বাত্| আগন্তুকনিজযোর্হ্যযমেব ভেদঃ,-যদাগন্তুকেষু প্রথমং রোগোদ্ভূতিঃ পশ্চাদ্দোষানুবন্ধঃ, নিজেষু প্রাগ্দোষানুবন্ধ ইতি| যে তু ব্যাচক্ষতে,-স্বে চ তে ধাতবশ্চ তেষাং বৈষম্যমিতি| তেষাং নাযমর্থঃ প্রতিপাদিতঃ স্যাত্| স্বগ্রহণং চাতিরিচ্যতে| যতঃ শরীরান্তরাবস্থাযিনো দোষা বাতাদযঃ শরীরান্তরে রোগং জনযিতুং নালম্| তস্মাত্পূর্বমেব ব্যাখ্যানং শ্রেযঃ|

আযুর্বেদরসাযনম্ ব্যাখ্যা ( কৃত)

আ০ র০- তত্র দোষহেতুরেব সাধারণো রোগহেতুঃ| তত্র যুক্তিমাহ-দোষা এবেতি| দোষা এব কারণম্, দোষাঃ কারণমেবেত্যেবৈকশব্দাভ্যামুচ্যতে| অত্রার্থে দৃষ্টান্রদ্বযম্, যথা পক্ষী দেশভেদেঽপি ছাযাসম্বন্ধং ন ত্যজতি, তথা বিকারো দোষসম্বন্ধম্| যথা চ মহদাদিপৃথিব্যন্তং কার্যং গুণসম্বন্ধং ন ত্যজতি| কিং দোষজমেব দোষসম্বন্ধং ন ত্যজতি ? নেত্যাহ-তথেতি| স্বধাতুর্বৈষম্যনিমিত্তমিতি যো ধাতুর্যস্য রোগস্যাধিষ্ঠানস্বেনোক্তঃ স তস্য স্বধাতুঃ তস্য বৈষম্যং-ক্ষযো বৃদ্ধির্বিকৃতত্বমুন্মার্গত্বং বা তন্নিমিত্তং যস্য তত্তথা| রসজাদীনামপি দোষৈর্বিনা নোত্পতিঃ|

সর্বাঙ্গসুন্দরী ব্যাখ্যা ( কৃত)

স০-তেষাং-বাতাদীনাং, কোপে কারণম্,-অসাত্ম্যৈঃ-অনুচিতৈঃ, অর্থৈঃ-শব্দস্পর্শরূপরসগন্ধাখ্যৈঃ, শ্রোত্রত্বক্চক্ষূরসনঘ্হ্রাণাখ্যানামিন্দ্রিযাণাং যঃ সংযোগঃ, তথা কালঃ-শীতোষ্ণবর্ষালক্ষণো দুষ্টঃ, তথা কর্ম-চৈহিকমন্যজন্মজং চ, যদ্ দুষ্কৃতং-অশুভম্, এতত্ত্রযং তেষাং দোষাণাং কোপে হেতুঃ| তুশব্দঃ সমুচ্চযে| ন কেবলং রূক্ষাদযো বাতাদীনাং কোপে কারণম্, যাবদসাত্ম্যেন্দ্রিযার্থসংযোগাদিরপি| এতচ্চ (তত্)- পূর্বোক্তং দোষকোপকারণমসাত্ম্যেন্দ্রিযার্থসংযোগাদিভেদেন ত্রিধা ভিন্নমপি, পুনঃ-ভূযঃ, ত্রিধা-ত্রিপ্রকারং, ভিদ্যতে| কথম্ ? হীনাতিমিথ্যাযোগভেদেন|

আযুর্বেদরসাযনম্ ব্যাখ্যা ( কৃত)

আ০ র০- দোষকোপহেতুমাহ-তেষামিতি| স চ ত্রিবিধঃ,-অসাত্ম্যাবিষযসেবা দুষ্কালো দুষ্কর্ম চেতি| সোঽপি প্রত্যেকং ত্রিবিধঃ,-হীনযোগোঽতিযোগো মিথ্যাযোগশ্চেতি|

সর্বাঙ্গসুন্দরী ব্যাখ্যা ( কৃত)

স০-অর্থেন-শব্দাদিনা, স্বেনেন্দ্রিযস্য-শ্রোত্রাদেঃ, অল্পো যঃ সংযোগঃ স হীনঃ-হীনযোগঃ| নৈব বেতি| অথবা সর্বসর্বিকযা তেনার্থেন ন সংযোগঃ, সোঽপি হীনযোগঃ| তস্যৈবেন্দ্রিযস্য স্বেনার্থেন যোঽতিসংসর্গঃ-অতিসেবালক্ষণঃ, স তস্য স্বেনার্থেনাতিযোগঃ| তথা, সূক্ষ্মভাসুরভৈরবমিত্যাদি যদক্ষ্ণা বীক্ষ্যতে-নযনেনালোক্যতে, স তস্য চক্ষুরিন্দ্রিযস্য স্বেনার্থেন মিথ্যাযোগঃ| এবমনযা দিশা সূক্ষ্মভাসুরভৈরবম্, তথা অত্যাসন্নাতিদূরস্থং বিপ্রিযং বিকৃতাদি চ যদক্ষ্ণা রূপং বীক্ষ্যতে, স দারুণো মিথ্যাযোগঃ, তিমিরাদিহেতুত্বাত্| এবং-অনযা চক্ষুষো রীত্যা, অন্যানপীন্দ্রিযার্থান্ যথাস্বমিন্দ্রিযাণামত্যুচ্চপূত্যাদীন্ মিথ্যাযোগরূপান্ বিদ্যাত্| যদাঽত্যুচ্চপরুষেষ্টবিনাশভীষণাদ্যনিষ্টঃ শব্দঃ শ্রোত্রেন্দ্রিযেণ গৃহ্যতে, তদা শ্রোত্রেন্দ্রিযস্য স্বেনার্থেন শব্দাখ্যেন মিথ্যাযোগঃ| যদা পূতিবিষ্ঠাদ্যনিষ্টো গন্ধো ঘ্রাণেন্দ্রিযেণ গৃহ্যতে, তদা ঘ্রাণেন্দ্রিযস্য স্বেনার্থেন গন্ধাখ্যেন মিথ্যাযোগঃ| যদা স্নানানুলেপনাদীনাং শীতোষ্ণাদীনাং চ স্পৃশ্যানামক্রমসেবনেন স্পর্শঃ স্পর্শনেন্দ্রিযেণ গৃহ্যতে, তদা স্পর্শনেন্দ্রিযস্য স্বেনার্থেন স্পর্শাখ্যেন মিথ্যাযোগঃ| তথা, রসনেন্দ্রিযেণ যো রসোঽপরিপাট্যা যুজ্যতে, তথাঽপথ্যদ্রব্যনিবিষ্টোঽপি যো রসো রসনেন্দ্রিযেণ গৃহ্যতে, স তস্য রসনেন্দ্রিযস্য স্বেন রসাখ্যেনার্থেন মিথ্যাযোগঃ|

আযুর্বেদরসাযনম্ ব্যাখ্যা ( কৃত)

আ০ র০- তত্রাসাত্ম্যবিষযসেবাযাস্ত্রৈবিধ্যং লক্ষযতিহীনোঽর্থেনিতি| ইন্দ্রিযস্য-চক্ষুরাদেঃ, স্বেনার্থেন-রূপাদিনা, অল্পঃ সংযোগো নৈব বা যোগো-হীনযোগঃ, বিষযোত্কণ্ঠাযা অনিবৃত্তির্হীনত্বমিত্যর্থঃ| উত্কণ্ঠানিবৃত্তাবপি সেবনং-অতিযোগঃ| সূক্ষ্মাদিরূপসেবা, অত্যুচ্চাদিশব্দসেবা, পূত্যাদিগন্ধসেবা, অত্যম্লাদিরসসেবা, অতিশীতাদিস্পর্শসেবা চ, মিথ্যাযোগঃ| ভাসুরং-অতিদীপ্তম্| ভৈরবং-ভযঙ্করম্| বিপ্রিযং-দ্বিষ্টম্|

সর্বাঙ্গসুন্দরী ব্যাখ্যা ( কৃত)

স০-কালঃ পুনঃ শীতোষ্ণবর্ষাভেদেন ত্রিধা-ত্রিপ্রকারো মতো মুনীনাম্| তত্র হেমন্তশিশিরলক্ষণঃ-শীতঃ| উষ্ণো-বসন্তগ্রীষ্মলক্ষণঃ| প্রাবৃট্শরল্লক্ষণো-বর্ষাখ্যঃ| স চ কালো হীনশীতাদির্হিনযোগলক্ষণঃ| অতিযোগোঽতিমাত্রযোগলক্ষণঃ| বিপরীতং স্বং-শীতোষ্ণবর্ষাখ্যং, লক্ষণং যস্য কালস্য, স বিপরীতস্বলক্ষণো মিথ্যাযোগঃ| গুণগুণিনোরভেদোপচারাত্ কাল এবমুচ্যতে| তত্র যথা,-হেমন্তে শীতস্যাল্পত্বং হীনো যোগঃ, তস্মিন্নেব হেমন্তেঽতিশৈত্যমতিযোগঃ, তস্মিন্নেব হেমন্ত ঔষ্ণ্যং মিথ্যাযোগঃ| উপলক্ষণং চেদম্| এবং শরদ্বসন্তযোরপি যন্মন্দবর্ষোষ্ণত্বং স্বলক্ষণং তদ্যদা হীনতরং স্যাত্, সোঽপি হীনযোগঃ| এবমতিযোগা (গমিথ্যা) যোগযোরপি যোজ্যম্|

আযুর্বেদরসাযনম্ ব্যাখ্যা ( কৃত)

আ০ র০- দুষ্কালস্য ত্রৈবিধ্যং লক্ষ্যতি-কালস্তু শীতোষ্ণবর্ষাভেদাদিতি| শীতোষ্ণবর্ষাভেদান্ত্রিবিধস্য কালস্য শীতাদীনামল্পত্বং-হীনযোগঃ, আধিক্যং-অতিযোগঃ, বৈপরীত্যংমিথ্যাযোগঃ|

সর্বাঙ্গসুন্দরী ব্যাখ্যা ( কৃত)

স০-যথা কালস্ত্রিধা নিরূপিতঃ, তথা কর্মাপি কাযবাক্চিত্তভেদেন ত্রিপ্রকারং বিভজেত্| তত্র কাযকর্মণস্তথা বাক্কর্মণস্তথা চিত্তকর্মণো হীনা যা প্রবৃত্তিঃ স হীনসংজ্ঞকো যোগঃ| অতিপ্রবৃত্তিস্ত্বতিযোগঃ| কাযাদিকর্মণো মিথ্যাযোগমধিকৃত্যাহ-বেগোদীরণেত্যাদি| "বেগোদীরণধারণম্" ইত্যারভ্য যাবত্ "পতনস্খলনাদিকম্" যদেতত্ কাযিকং কর্ম, তস্য কর্মণ এবংরূপস্য যা প্রবৃত্তিঃ স কাযকর্মণো মিথ্যাযোগঃ| বিষমাঙ্গৈঃ ক্রিযা-কর্ম, বিষম আরম্ভঃ-উভযলোকবিরুদ্ধঃ, তথা, বিষমপতনম্, বিষমস্খলনম্, আদিশব্দেন বিষমগমনাদীনাং গ্রহণম্| সামিভুক্তস্য-অর্ধভুক্তস্য, যদ্ভাষণং-জল্পনম্, এবংরূপা যা প্রবৃত্তিঃ স বাক্কর্মণো মিথ্যাযোগঃ| রাগদ্বেষভযাদি যদেতন্মানসং কর্ম, তস্য কর্মণ এবংরূপা যা প্রবৃত্তিঃ স চিত্তকর্মণো মিথ্যাযোগঃ| তথা, দিনচর্যাধ্যাযোক্তং যত্প্রাণাতিপাতাদি দশধা-দশপ্রকারং, কর্ম নিন্দিতং-অশুভং নির্দিষ্টং "হিংসাস্তেয" ইত্যাদিনা গ্রন্থেন, তচ্চ যথাযথং কাযবাক্চিত্তানাং কর্মণাং মিথ্যাযোগঃ| সমস্তোঽসাবিহ বাঽমুত্র বা কৃতং-অস্মিন্ লোকে কৃতমন্যত্র বা লোকে কৃতং-আচরিতং সর্বমেবং মিথ্যাযোগঃ|

আযুর্বেদরসাযনম্ ব্যাখ্যা ( কৃত)

আ০ র০- দুষ্কর্মণস্ত্রৈবিধ্যং লক্ষ্যতি-কাযবাকচিত্তভেদেনেতি| কাযিকবাচিকমানসভেদান্ত্রিদিধস্য কর্মণঃ প্রবৃ ত্তেরল্পত্বং-হীনযোগঃ, আধিক্যং-অতিযোগঃ, বেগোদীরণাদি রূপত্বং-মিথ্যাযোগঃ| ধরণং-বেগধারণম্| বিষমৈঃ-দুস্থিতৈরঙ্গৈঃ, ক্রিযাঃ-চেষ্টাযা আরম্ভঃ| সামিভুক্তস্য ভাষণংঅর্দ্ধভোজনে মৌনত্যাগঃ| প্রাণাতিপাতাদি-হিংসাদি,"হিংসাস্তেযান্যথাকামম্" ইত্যাদিনা দিনচর্যাযামুক্তম্ (শ্লো. ২১)| ইহ-অস্মিন্ জন্মনি| অমুত্র-প্রাগ্জন্মনি| সঙ্গ্রহে তু (সূ. অ. ২২) - "ত এতেঽতিযোগাদযঃ সামান্যতোঽনুপশযলক্ষণাঃ| সর্বো বা প্রজ্ঞাপরাধ এবাযং যদেষামক্বিবর্জনম্| অথ কর্মকালাঃ পুনঃ সম্যগ্যোগেনোপশযাদ্ভূযিষ্ঠং স্বাস্থ্যহেতবঃ| তত্রাপি রসবর্জ্যা বিষযা যথাযথমিন্দ্রিযং বাধন্তেঽনুগৃহন্তি চ| শেষা রসকর্মকালস্তুসর্বং দেহম্| অপি চ| সর্বভাবানাং ভাবাভাবৌ নান্তরেণ যোগাতিযোগাদীন্ ব্যবস্যেত্| সর্বেষাং পুনার্বিকারাণাং নিদানদোষদূষ্যনিবিশেষেভ্যো ভাবাভাববিশেষা ভবন্তি| যদা হ্যেতে ত্রযো নিদানাদিবিশেষা নান্যোন্যমনুবন্ধন্তীষদ্বাঽনুদন্ধত্যবলা বা ন তদাঽভিনির্বর্তন্তে বা| বিপর্যযেণ বিপরীতাঃ| তথাঽন্যঃ প্রধান এব রোগোঽন্যস্য প্রধানস্য হেতুর্ভবতি| যথা, জ্বরো রক্তপিত্তস্য, রক্তপিত্তং বা জ্বরস্য, তৌ শ্বাসস্য প্লীহা জঠরস্য, তে শ্বযথোঃ, অর্শাংসি গুল্মোদরতীসারগ্রহণীনাম্ প্রতিশ্যাযঃ কাসজ্বরযোঃ, তৌ ক্ষযস্য, ক্ষযঃ শোষস্য| একশ্চাপচারো নিমিত্তমেকস্যব্যাধেঃ, বহূনাং চ তথা বহবঃ| তদ্বদেকং লিঙ্গম্| এবমেব প্রশমেঽভ্যুপাযঃ তথা স এবান্যস্য প্রকোপে| তস্মাত্তানবহিতঃ সম্যগাগমাদিভিঃ পরীক্ষেত| তত্রাগমতো রোগমেকৈকমেবংপ্রকোপণমেবযোনিমেবমাত্মানমেবমধিষ্ঠানমেবংবেদনমেবংশব্দরূপগন্ধস্পর্শরসমেবপূর্বরূপমেবমুপদ্রবমেবংবৃদ্ধিস্থানক্ষযান্বিতমেবমুদকর্মেবংনামানমংনামানম্| তস্মিন্নিযং প্রতীকারস্য প্রবৃত্তিরথবা নিবৃত্তিঃ প্রত্যক্ষতস্ত্বাতুরস্য যথাস্বমিন্দ্রিযৈর্বণেসংস্থানপ্রমাণোপচযচ্ছাযাবিণ্মূত্রচ্ছর্দিতাদিকমন্ত্রকূজনমঙ্গুল্ফাদিসাদিস্ফটনং দেহে শকৃহ্রণাদিগন্ধং শীতোষ্ণস্তম্ভস্পন্দন শ্লক্ষ্ণখাস্পর্শং চ প্রকৃতিত্রিকৃতিযুক্তম্| আস্যরসং তু প্রশ্নেন, তথা সুচ্ছর্দদু চ্ছর্দত্বং মৃদুক্রূরকোষ্ঠতাং স্বপ্নদর্শনমভিপ্রাযং জন্মামযপ্রবৃত্তিনক্ষত্রং দ্বিষ্টেষ্টসুখদুঃখানি চ| তথা বযঃ প্রত্যক্ষেণ চ| অনুমাননস্তু যূকাপসর্পণেন শরীরবৈরস্যম্, মক্ষিকোপসর্পণেন মাধুর্যম্, তথাঽগ্নিং জরণশক্ত্যা, বলং ব্যাযামশক্ত্যা গূঢলিঙ্গং ব্যাধিমুপশযানুপশযতঃ, দোষপ্রমাণমপচারবিশেষেণ, আযুষঃ ক্ষযং রিষ্টৈঃ, প্রকৃতিসত্বাসারসত্মবললান্যুশীলনেনেতি| ভবন্তি চাত্র| জ্ঞানবুদ্ধি প্রদীপেন যো নাবিশতি যোগবিত্| আতুরস্যান্তরাত্মানং ন সরোগাংশ্চিকিত্সতি|| দ্বাবিমৌ ব্যাধিতৌ ব্যাধিস্বরূপস্যা প্রকাশকৌ| তদ্যথৈকো গুরুব্যাধিঃ সত্ত্বদেহবলাশ্রযাত্|| লঘুব্যাধিবদাভাতি লঘুব্যাধিস্ত্বতোঽন্যথা| বাহ্যাবয ব মাত্রেণ তযোর্মুহ্যতি বালিশঃ|| ততোঽল্পবীর্যং বা বিপরীতমতো~থবা| পথ্যং বিপর্যযে যুঞ্জন্ প্রাণান্ মুষ্ণাতি রোগিণাং|| জ্ঞানাংশেন ন হি জ্ঞানং কৃত্স্নে জ্ঞেযে প্রবর্ততে| বুভুস্তেত ভিষক্ তস্মাত্তত্বং তন্ত্রানুশীলনাত্|| অভিযুক্তস্তু সততং সর্বমালোচ্য সর্বথা| ন জাতু স্খলতি প্রাজ্ঞো বিষমে অপিক্রিযাপথে|| আগন্তুরন্বেতি নিজং বিকারং নিজস্তযাঽঽগন্তুমতিপ্রবৃর্দ্ধঃ| তত্রানুবন্ধং প্রকৃতিং চ সম্যক্ জ্ঞাত্বা ততঃ কর্ম সমারভেত||" ইতি|

সর্বাঙ্গসুন্দরী ব্যাখ্যা ( কৃত)

স০-নিদানমেতদ্দোষাণাং 'কোপে' ইতি বাক্যশেষঃ| কুপিতাস্তেন-নিদানেন, নৈকধা| কিং তর্হি ? অনেকপ্রকারেণ, ব্যাধীন্ বিবিধান্-নানাপ্রকারান্ কুর্বন্তি| কুপিতা দোষা ইতি বচন (বিভক্তি) বিপরিণামেন সম্বন্ধঃ| ক্ব ব্যাধীন্ কুর্বন্তি ? ইত্যাহ-শাখেত্যাদি| শাখাশ্চ কোষ্ঠশ্চাস্থীনি চ সন্ধযশ্চ তেষু|

আযুর্বেদরসাযনম্ ব্যাখ্যা ( কৃত)

আ০ র০- দোষহেতুমুপসংহরতি-নিদানমেতদিতি| দোষহেতো রোগহেতুত্বমাহ-কুপিতাস্তেনেতি| তেন-নিদানেন| নৈকযা বিবিধানিতি হেত্বানন্ত্যাত্ কোপানন্ত্যম্| তস্মাদ্রোগানত্যম্| দোষা এব কারণগিত্যুক্তম্| তন্নির্বাহার্থমাহ-শাখাকোষ্ঠাস্থিসন্ধিষ্বিতি| শাখাদীনামাধারত্বম্, ন কারণত্বম্|

সর্বাঙ্গসুন্দরী ব্যাখ্যা ( কৃত)

স০-শাখা রক্তাদযঃ ষড্ধাতবস্ত্বক্ চ| তদ্বাহ্যরোগাযনং,-বাহ্যানাং রোগাণামযনং-স্থানম্| হিশব্দো যস্মাদর্থে| যস্মাদ্বাহ্যানাং রোগাণামযনম্, অতস্তদাশ্রযা মষব্যঙ্গাদযো রোগা বহির্ভাগা উচ্যতে| আদিশব্দেন বিসর্পবিদ্রধ্যাদীনাং পরিগ্রহঃ| দুর্নামেত্যাদি| বহির্ভাগাশ্চেত্যত্র চ শব্দো ভিন্নক্রমঃ, শোফাদয ইত্যস্মাদনন্তরং দ্রষ্টব্যঃ| দুর্নামগুল্মশোফাদযশ্চ বহির্ভাগা ইত্যর্থঃ|

আযুর্বেদরসাযনম্ ব্যাখ্যা ( কৃত)

আ০ র০- তত্র শাখাং ব্যাচষ্টে-শাখেতি| রক্তাদযোধাতবস্ত্বক্ চ-শাখা| সা চ বাহ্যরোগাযনং,-বহির্মার্গো রোগাণাম্| তে চ রোগা মষাদযঃ| মষব্যঙ্গৌ-ক্ষুদ্ররোগেষু| গণ্ডালজী-মুখরোগেষু| বহির্ভাগা ইতি দুর্নামাদীনাং বিশেষণমন্তর্ভাগনিবৃত্ত্যর্থম্|

সর্বাঙ্গসুন্দরী ব্যাখ্যা ( কৃত)

স০-কোষ্ঠঃ কথ্যতে অন্তঃ, তথা মহাস্রোতঃ, তথা আমপক্বাশযাশ্রযঃ| তত্স্থানাঃ-অন্তর্ভাগাশ্রযাঃ চ্ছর্দ্যাদযো রোগাঃ| ন কেবলমেতে এব ছর্দ্যাদযোঽন্তর্ভাগাশ্রযা যাবচ্ছোফার্শোগুল্মবীসর্পবিদ্রধ্যাদীনাং অন্তর্ভাগত্বং চ| শোফাদীনাং বিদ্রধ্যন্তানাং সমাহারদ্বন্দ্বনির্দেশেনৈব সম্বন্ধঃ|

আযুর্বেদরসাযনম্ ব্যাখ্যা ( কৃত)

আ০ র০- কোষ্ঠং ব্যাচষ্টে-অন্তঃকোষ্ঠ ইতি| অন্তঃঅন্তর্মার্গো রোগাণাম্| মহাস্ত্রোতো-মহাবিবরম্| আমাশযো-যত্রামমন্নং তিষ্ঠতি| পক্বাশযো-যত্র পক্বম্| তত্স্থানাঃ-কোষ্ঠাশ্রিতাঃ| অন্তর্ভাগমিতি শোফাদীনাং বিশেষণং বহির্ভাগনিবৃত্যর্থম্| সমাহারদ্বন্দ্বদেকত্বনপুংসকত্বে|

সর্বাঙ্গসুন্দরী ব্যাখ্যা ( কৃত)

স০-শিরোহৃদযাদীনি মধ্যমো রোগমার্গঃ| অস্থ্নাং চ সন্ধয ইত্যেবং নির্দেশেনেদং বোধযতি,-নাত্র দ্বযং বিবক্ষিতমস্থীনি চ সন্ধযশ্চেতি, কিং তর্হি ? অস্থ্নাং সম্বন্ধিনঃ সন্ধয ইতি| সন্ধযো হ্যন্যেঽপি সন্তি| তথা চ বক্ষ্যতি (হৃ. শা. অ. ৪|৩৮) - "মাংসাস্থিস্নাযুধমনীসিরাসন্ধিসমাগমঃ|" ইতি| তন্নিবদ্ধাঃ,-তেষু-অস্থিসন্ধিষু, নিবদ্ধাঃ, সংলগ্না ইত্যর্থঃ| শিরাঃ স্নাযবঃ কণ্ডরাশ্চ আদযো (আদ্যা) যেষাং ধমনীকূর্চাদীনাং তে| চ শব্দাত্ পূর্বোক্তাশ্চ| তত্র-মধ্যমে রোগমার্গে, যক্ষ্মাদযো গদাস্ত্রিকশূলগ্রহাদ্যন্তাঃ| মূর্ধাদীত্যত্রাদিশব্দেন হৃদযবস্ত্যাদিপরিগ্রহঃ| সন্ধ্যস্থিত্রিকে শূলানি, সন্ধ্যস্থিত্রিকে গ্রহা ইতি যোজ্যম্| আদিশব্দেন পক্ষগ্রহাদযো বাতবিকারা গৃহ্যন্তে| যক্ষ্মণোঽত্র মর্মাস্থিসন্ধ্যধিষ্ঠানত্বাত্পূর্বং নির্দেশঃ| বক্ষ্যতি হি (হৃ. নি. অ. ৫|৫) - "তৈরুদীর্ণোঽনিলঃ পিত্তং কফং চোদীর্য সর্বতঃ| শরীরসন্ধীনাবিশ্য তান্ শিরাশ্চ প্রপীডযন্||" ইত্যাদি|

আযুর্বেদরসাযনম্ ব্যাখ্যা ( কৃত)

আ০ র০- অস্থিসন্ধীন্ ব্যাচষ্টে-শিরোহৃদযেতি| মর্মাণি মর্মনিবদ্ধাঃ শিরাদযশ্চ, অস্থিসন্ধযঃ| তে চ মধ্যমোরোগমার্গঃ| তদাশ্রিতা যক্ষ্মাদযঃ| যক্ষ্মা-রাজযক্ষ্মা| পক্ষবধঃ-একাঙ্গরোগঃ| অর্দিতঃ-একাযামঃ, গ্রহঃ-স্তব্ধত্বম্, সন্ধ্যস্থিত্রিকেষ্বেব|

সর্বাঙ্গসুন্দরী ব্যাখ্যা ( কৃত)

স০-স্রংসো-হন্বাদিসন্ধের্ভ্রংশঃ| ব্যসনং-ব্যাসো, বিক্ষেপণমঙ্গপ্রত্যঙ্গাদের্যথাঽঽক্ষেপকাদিষু| ব্যধঃ-তাডনমিব মুদ্গরাদিনা| স্বাপঃ-সুপ্তিঃ কর্মণ্যচৈতন্যম্| সদনং-সাদঃ, অঙ্গানাং ক্রিযাস্বসামর্থ্যম্| রুক্-সততং শূলম্| তোদো-বিচ্ছিন্নং শূলম্| ভেদনং-ভেদো, বিদারণমিবাঙ্গস্য| সঙ্গো-মূত্রপুরীষাদেঃ স্বাশযেভ্যোঽনিঃসারো বাক্সঙ্গাদযশ্চ| অঙ্গানাম্-জঙ্ঘোরুপ্রভৃতীনাং, ভঙ্গ ইব ভঙ্গঃ-চূর্ণনমিব,-অঙ্গভঙ্গঃ| সঙ্কোচনং-সঙ্কোচঃ, শিরাদীনাম্| বর্তনং-বর্তঃ, পুরীষাদীনাং পিণ্ডীকরণম্| হর্ষণং-রোম্ণামূর্ধ্বীভাবঃ| তর্ষণং-তর্ষঃ, তৃট্| কম্পঃ-অতিবেপনম্| স্পন্দনং হি-কিঞ্চিচ্চলনম্| পারুষ্যং-পরুষত্বম্| সৌষির্যং-অস্থ্নাম্| শোষঃ-শোষণম্| বেষ্টনং-গ্রথনমিবাঙ্গস্য| স্তম্ভো-বাহূরুজঙ্ঘাদীনাং সঙ্কুঞ্চনাদ্যভাবঃ| কষাযরসতা-কষাযরসাস্বাদত্বম্| বর্ণঃ শ্যাবোঽরুণোঽপি বা-শ্যাবারুণৌ বর্ণাবিত্যর্থঃ| এতানি বাযোঃ কর্মাণি|

আযুর্বেদরসাযনম্ ব্যাখ্যা ( কৃত)

আ০ র০- অথাকৃতিঃ| তত্র বাতরোগাণাং লক্ষণমাহস্রংসব্যাসেতি| স্রংসঃ-শৈথিল্যম্| ব্যাসঃ-অসঙ্কোচত্বম্| ব্যধঃ সূচীবিদ্ধস্যেব ব্যথা| স্বাপঃ-স্পর্শাজ্ঞানম্| সাদঃ-স্বকার্যাক্ষমত্বম্| রুক্-শূলম্| তোদঃ-তোত্রেণেব ব্যথা| ভেদনং-ভিদ্যমানস্যেব ব্যথা| সঙ্গঃ-অবরোধঃ| অঙ্গঃ-উন্মার্গগমনম্, অঙ্গের্গত্যর্থত্বাত্| ভঙ্গোবক্রতা| সঙ্কোচঃ-অপ্রসার্যত্বম্| বর্তঃ-পিণ্ডিতত্বং হর্ষণং-কণ্টকিতত্বম্| তর্ষণং-পিপাসা| কম্পঃ-চলনম্| পারুষ্যং-রূক্ষণম্| বেষ্টনং-বলনম্| স্তম্ভঃ-নিষ্ক্রিযত্বম্| অরুণঃ-ঈষদ্রক্তঃ| স্রংসাদীনি কুপিতবাযোঃ কর্মাণি|

সর্বাঙ্গসুন্দরী ব্যাখ্যা ( কৃত)

স০-দাহাদীনি পিত্তস্য কর্মাণি| সর্বাঙ্গীণস্তাপো-দাহঃ| রাগো-লৌহিত্যম্| ঊষ্মা-ঔষ্ণ্যম্| পাকিতা-পাককর্তৃত্বম্, অজীর্ণেষু ব্রণেষ্বন্নে চ| স্বেদনং-স্বেদঃ| ক্লেদঃ-শোণিতাদিবিকারঃ| স্রুতিঃ-স্রাবঃ| কোথঃ-ক্লেদস্যাতিশযঃ, অবিচ্ছিন্নত্বম্| সদনং-সাদঃ| মূর্চ্ছনং-ভ্রমঃ| মদো-বক্ষ্যমাণো রোগবিশেষঃ| রসৌ-আস্বাদৌ, কটুকাম্লৌ| বর্ণঃ পাণ্ডুরারুণাভ্যামন্যঃ-শুক্ললোহিতবর্ণনিষেধেন তচ্ছেষনানাবর্ণসম্ভবঃ সূচ্যতে|

আযুর্বেদরসাযনম্ ব্যাখ্যা ( কৃত)

আ০ র০- পিত্তরোগাণাং লক্ষণমাহ-পিত্তস্যেতি| দাহঃ-সন্তাপঃ| রাগো-রঞ্জনম্, বর্ণান্তরোপমর্দেন স্বতণাপাদনম্| ঊষ্মা-উষ্ণত্বম্| পাকিতা-পাচক্ত্ত্বম্ স্বেদোধর্মঃ| ঘর্মঃ| ক্লেদো-মলার্দ্রত্বম্| স্ত্রুতিঃ-স্রাব| সদনং-সাদঃ| মূর্চ্ছনং-মোহঃ| কটুকঃ-তিক্তো রসঃ,"কষাযতিক্তমধুরংবাতাদিষু মুখং ক্রমাত্|" ইতি বচনাত্|

সর্বাঙ্গসুন্দরী ব্যাখ্যা ( কৃত)

স০-কফস্য স্নেহাদীনি কর্মাণি| স্নেহঃ-স্নৈগ্ধ্যম্| কাঠিন্যং-অমৃদুত্বম্| কণ্ডূঃ-খর্জূঃ| শীতত্বং-শীতসদ্ভাবঃ| গৌরবং-গুরুত্বম্| বন্ধঃ-স্রোতসাম্| অস্থ্যাদীনামুপলেপঃ| স্তৈমিত্যং-গাত্রাণামপটুত্বম্| কাযে বর্ণঃ শুক্লঃ| রসৌ চ মধুরপটূ| চিরকারিতা-কার্যাদৌ বিশ্রব্ধত্বম্| ননু, বাযোরমূর্তত্বাদ্বর্ণরসত্বোপলব্ধিরনুপপন্না| অমূর্তস্য হি বর্ণরসৌ দূরোত্সারিতৌ| নৈতদস্তি| ন হি সর্বাণি কার্যাণি কারণসদৃশান্যেব ভবন্তি| তথা চেন্দ্রিযেভ্যো জডেভ্যো বুদ্ধেরজডাযা উত্পত্তির্দৃষ্টা| তস্মাত্ কারণসদৃশানি কার্যাণীতি প্রাযিকমেতত্, অচিন্ত্যত্বাচ্চ দ্রব্যপ্রভাবস্য| বাযোঃ সকাশাত্ কষাযরসতা শ্যাবারুণবর্ণোত্পত্তিশ্চান্বযব্যতিরেকসিদ্ধা কথমিব নিবার্যতাম্| ইত্যেবং দোষাণাং কর্মাণ্যুপদিষ্টানি| তদ্বিকারাশ্চ সঙ্গ্রহ উক্তাঃ| তথা চ তদ্গ্রন্থঃ (?) (সূ. অ. ২০) -"অশীতির্বাতজা রোগাশ্চত্বারিংশচ্চ পিত্তজাঃ| বিংশতিঃ শ্লেষ্মজাশ্চৈব স্থূলা নানাত্মজা মতাঃ|| ১|| নখভেদঃ পাদশূলং সুপ্তির্ভ্রংশো বিপাদিকা| খুডো গুল্ফগ্রহো জানুবিশ্লেষো জানুকুঞ্চনম্|| ২|| পিণ্ডিকোদ্বেষ্টনং সাদশ্চোর্বোঃ স্তম্ভশ্চ গৃধ্রসী| পাঙ্গুল্যং ভ্রংশশূলং চ গুদে স্তম্ভস্তু মেহনে|| ৩|| মুষ্কাক্ষেপঃ শ্রোণিভেদো বঙ্ক্ষণানাহ এব চ| উদাবর্তোঽথ বিড্মেদঃ পার্শ্বপৃষ্ঠত্রিকগ্রহাঃ|| ৪|| খঞ্জবামনকুব্জত্বং হৃদ্দ্রবোদরবেষ্টকৌ| হৃন্মোহো বক্ষনিস্তোদঃ শোষোদ্বাতৌ তথোরসঃ|| ৫|| বাহুশোষো হনুগ্রীবামন্যাস্তম্ভৌষ্ঠভেদনম্| দন্তভেদোঽথ শৈথিল্যং কণ্ঠোধ্বংসোঽথ বাগ্গ্রহঃ|| ৬|| কষাযাস্যত্বমূকত্বে মুখশোষো রসাজ্ঞতা| ঘ্রাণানাহোঽজ্ঞতা গন্ধেঽশব্দোচ্চৈঃশ্রবণং তথা|| ৭|| বাধির্যং কর্ণশূলং চ বর্ত্মস্তম্ভনকুঞ্চনম্| তিমিরং চাক্ষিশূলং চ ভ্রূব্যুদাসোঽথ নেত্রযোঃ|| ৮|| ললাটশঙ্খভেদৌ চ কেশভ্রূস্ফুটনং তথা| শিরোরুজাঽর্দিতং জৃম্ভা প্রলাপো বেপথুর্ভ্রমঃ|| ৯|| একাঙ্গব্যাধিরাযামঃ পক্ষাঘাতোঽপতন্ত্রকঃ| দণ্ডকঃ স্বপ্ননাশশ্চ গ্লানিঃ পরুষরূক্ষতা|| ১০|| বিষাদোঽথানবস্থানমরুণশ্যামবর্ণতা| ইত্যশীতিঃ সমাখ্যাতা রোগা বাতসমুদ্ভবাঃ|| ১১|| অন্তর্দাহো বিদাহশ্চ প্লোষৌষৌ দবথুর্দবঃ| অত্যূষ্মা চাংসদাহশ্চ স্বেদোঽত্যম্লকধূমকৌ|| ১২|| রক্তক্লেদোঽঙ্গগন্ধশ্চ গাত্রাবযবশাতনম্| ত্বড্মাংসদরণং মাংসক্লেদশ্চর্মদলং তথা|| ১৩|| রক্তবিস্ফোটকঃ কোঠঃ পিত্তাসৃগ্রক্তমণ্ডলে| নীলিকা কামলা কক্ষ্যা গাত্রে হরিতপীততা|| ১৪|| পূতিতিক্তাস্যতা তৃষ্ণা লোহগন্ধাস্যতা তথা| জীবাদানমতৃপ্তিশ্চ প্রবেশস্তমসস্তথা|| ১৫|| গলাস্যগুদমেঢ্রাক্ষিপাকো হারিদ্রতাঽপি চ| নখাক্ষিমূত্রশকৃতাং, চত্বারিংশত্তু পিত্তজাঃ|| ১৬|| স্তৈমিত্যং গৌরবং তৃপ্তিরালস্যমতিনিদ্রতা| তন্দ্রাঽঽস্যস্রাবমাধুর্যে প্রলোপো হৃদযস্য চ|| ১৭|| সাদঃ কণ্ঠপ্রলেপশ্চ শ্লেষ্মোদ্গিরণমেব চ| মলাধিক্যমতিস্থৌল্যং ধমনী প্রতিসঞ্চযম্|| ১৮|| উদর্দো গলগণ্ডশ্চ শৈত্যং শ্বেতাবভাসতা| বিণ্মূত্রনখনেত্রাণাং শুক্লতা চ কফামযাঃ|| ১৯|| যথাস্থূলং বিকারাণাং চত্বারিংশমিদং শতম্| হৃদাদৌ শূলবদ্দাহো যোঽন্তর্দাহঃ স কীর্তিতঃ|| ২০|| পাণিপাদাংসমূলেষু সন্তাপো বিবিধস্তু যঃ| স বিদাহ ইতি প্রোক্তো, দাহঃ প্রাদেশিকস্তু যঃ|| ২১|| অগ্ন্যর্চিষেব নিঃস্বেদঃ স প্লোষঃ পরিকীর্তিতঃ| ওষঃ সর্বাঙ্গিকস্তীব্রো দাহঃ স্বেদারতিপ্রদঃ|| ২২|| দবথুশ্চক্ষুরাদিভ্যস্তীব্র ঊষ্মা প্রবর্ততে| মুখৌষ্ঠতালুষু দবশ্চাম্লোদ্গিরণমম্লকঃ|| ২৩|| ধূমাযনং শিরোঘ্হ্রাণকণ্ঠতালুষু ধূমকঃ| প্রমীলকস্তু স্তৈমিত্যং গুরুতাঽঙ্গস্য গৌরবম্|| ২৪|| আহারানভিলাষস্তু তৃপ্তিঃ স্যাদ্বিষযাগ্রহঃ| নিদ্রার্তস্যেব তন্দ্রা স্যাচ্ছেষাঃ প্রথিতনামকাঃ|| ২৫||

আযুর্বেদরসাযনম্ ব্যাখ্যা ( কৃত)

আ০ র০- শ্লেষ্মারোগাণাং লক্ষণমাহ-শ্লেষ্মণ ইতি| স্নেহঃ-স্নিগ্ধত্বম্| বন্ধঃ-সংশ্লেষঃ| উপলেপো-লিত্প্তত্বম্| স্তৈমিত্যং-আলস্যম্| শোফঃ-শ্বযথুঃ| অপক্তিঃ-অপাকঃ| চিরকারিতা-চিরেণ রোগবৃদ্ধিঃ| সঙ্গ্রহে তু (সূ. অ. ২০) - "অথ কুপিতা বাতাদযো নানাবিধৌর্বিকারৈঃ শরীরমুপতাপযন্তি| আবিষকৃততমাস্তু বাযোরশীতির্বিকারাঃ, চত্বারিংশত্ পিত্তস্য, বিংশতিঃ শ্লেষ্মণঃ| তত্র বাতবিকারাঃ, তদ্যথা,-নখভেদো|১| বিপাদিকা|১| পাদশূলম্|৩| পাদভ্রশঃ|৪| সুপ্তপাদতা| ৫| বাতখুডতা| ৬| গুল্ফগ্রহঃ|৭| পিণ্ডিকোদ্বেষ্টনম্|৮| গৃধ্রসী|৯| জানুভেদো|১০| জানুবিশ্লেষঃ|১১| ঊরুসাদঃ|১২| পঙ্গুত্বম্|১৪| গুদভ্রংশো|১৫| গুদার্তিঃ|১৬| বৃষণাক্ষেপো|১৭| মেঢ্রস্তম্ভো|১৮| বঙ্ক্ষণানাহঃ|১৯| শ্রোণিভেদো|২০| বিড্ভেদঃ |২১| উদাবর্তঃ|২২| খঞ্জত্বম্|২৩| কুঞত্বম্|২৪| বামনত্বম্|২৫| ত্রিকগ্রহঃ|২৬| পৃষ্ঠগ্রহঃ| ২৭| পার্শ্বাবমর্দনম্|২৮| উদরাবেষ্টো|২৯| হৃন্মোহো| ৩০| হৃদ্দ্রবো|৩১| বক্ষৌদ্ধর্ষো|৩২| বক্ষৌপরোধঃ|৩৩|বক্ষস্তোদো|৩৪| বাহুশোষো|৩৫| গ্রীবাস্তম্ভো|৩৬| মন্যাস্তম্ভঃ |৩৭|কণ্ঠোধ্বংসো|৩৮|হনুস্তম্ভঃ|৩৯| তাল্বোষ্ঠভেদো|৪০| দন্তভেদো|৪১|দন্তহর্ষো|৪২| দন্তশৈথিল্যম্|৪৩| মূকত্বম্|৪৪| বাক্সঙ্গঃ|৪৫| প্রলাপঃ|৪৬| কষাযাস্যতা|৪৭| মুখশোষো|৪৮| রসাজ্ঞত্বম্|৪৯| ঘ্হ্রাণনাশঃ|৫০|কর্ণশূলম্|৫১| অশব্দশ্রুতিঃ|৫২| উচ্চৈঃশ্রুতিঃ|৫৩| বাধির্যম্|৫৪| বর্ত্মস্তম্ভো|৫৫| বর্ত্মসঙ্কোচঃ|৫৬| তিমিরম্|৫৭| অক্ষিশূলম্|৫৮| অক্ষিব্যুদাসো|৫৯| ভ্রূব্যুদাসঃ|৬০| শঙ্খভেদো|৬১| ললাটভেদঃ|৬২| শিরোরুক্|৬৩|কেশভূমিস্ফুটনম্|৬৪| অর্দিতম্|৬৫| একাঙ্গরোগঃ||৬৬| সর্বাঙ্গরোগঃ|৬৭| আক্ষেপকো|৬৮| দণ্ডকঃ|৬৯| শ্রমো|৭০| ভ্রমো|৭১| বেপথুঃ|৭২| জৃম্ভা|৭৩| গ্লানিঃ|৭৪|বিষাদো|৭৫| রৌক্ষ্যম্|৭৬| পারুষ্যম্|৭৭|শ্যাবারুণাবভাসত্বম্|৭৮| স্বপ্নঃ|অনবস্থিতচিত্ততা চ|৮০| পিত্তবিকারাঃ পুনঃ-ওষঃ |১| প্লোষো|২| দবো|৩| দবথুঃ|৪| বিদাহঃ|৫| অংসদাহঃ|৬| ত্বগ্দাহঃ|৭| অন্তর্দাহঃ|৮|ধূমকঃ|৯| অম্লকঃ|১০| ঊষ্মাধিক্যম্|১১| অতিস্বেদঃ|১২| অঙ্গগন্ধঃ|১৩| অঙাবযবসদনম্|১৪| শোণিতক্লেদো|১৫| মাংসক্লেদঃ|১৬| ত্বহ্যাংসদরণম্|১৭| চর্মদরণম্|১৮| রক্তকোঠো|১৯| রক্তবিস্ফোটো|২০|রক্তমণ্ডলানি|২১| রক্তপিত্তম্|২২| হরিতত্বম্|২৩| হারিদ্রত্বম্|২| নীলিকা|২৫| কক্ষ্যা|২৬|কামলা|২৭| তিক্তাস্যতা|২৮| লোহিতগন্ধাস্যতা|২৯|পূতিমুখত্বম্|৩০|তৃষাধিক্যম্|৩১| অতৃপ্তিঃ|৩২|আস্যপাকো|৩৩| গলপাকঃ|৩৪| অক্ষিপাকঃ|৩৫| পাযুপাকো|৩৬| মেঢ্রপাকো|৩৭|জীবাদানম্|৩৮| তমঃপ্রবেশো|৩৯| হরিতহারিদ্রনেত্রমূত্রশকৃত্বং|৪০| শ্লেষ্মবিকারাস্তু-তৃত্প্তিঃ|১| তন্দ্রা|২|নিদ্রাধিক্যম্|৩| স্তৈমিত্যম্|৪|গুরুগাত্রতা|৫|আলস্যম্|৬|মুখমাধুর্যম্|৭| প্রসেকঃ|৮| শ্লেষ্মোদ্গিরণম্|৯| মলাধিক্যম্|১০| বলাসো|১১|হৃদযোপলেপঃ|১৩| কণ্ঠলেপো|১৩| ধমনীপ্রতিচযো|১৪| গলগণ্ডঃ|১৫|অতিস্থৌল্যম্|১৬| শীতাগ্নিত্বম্|১৭| উদর্দঃ|১৮| শ্বেতাবভসতা|১৯| শ্বেতনেত্রমূত্রশকৃত্বং চ|২০| তত্র সর্বাঙ্গীণস্তীব্রো-দাহঃ|স্বেদারতিমান্-ওষঃ| প্রাদেশিকঃ স্বেদরহিতোঽগ্ন্যর্চিষেব দাহঃ-প্লোষঃ| মুখৌষ্ঠতালুষু দাহো-দবঃ| চক্ষুরাদীন্দ্রিযেষু দাহো-দবথুঃ| পাণিপাদাংসমূলেষু বিবিধঃ সন্তাপো-বিদাহঃ| কোষ্ঠদাহঃ-অন্তর্দাহঃ, কোষ্ঠস্যান্তর্মাগসঙ্গ্রহাত্| শিরোগ্রীবাঘ্Fহ্রাণকণ্ঠতালুষু ধূমাযনং-ধূমকঃ| সান্তর্দাহহৃদযশূলোঽম্লোদ্গারঃ-অম্লকঃ| শোণিতস্য কৃষ্ণতাদৌর্গন্ধ্যতনুত্বানি-ক্লেদঃ| মাংসস্য তু কৃষ্ণতা দৌর্গন্ধ্যং চ| বাহ্যত্বক্সংহতিঃ-চর্ম| কোষ্ঠগৌরবাদাহারাস্পৃহাতৃপ্তিঃ| অন্যে পুনরাহুঃ,-অন্নানভিনন্দনাত্তৃত্পিরিব তৃপ্তিঃ-অরোচকঃ| নিদ্রার্তস্যেব বিষযাগ্রহণং-তন্দ্রা| স্তৈমিত্যং তুপ্রমীলকঃ, ইত্যন্যৈঃ পঠিতম্| উপলেপ ইব-উপলেপঃ| তদতিশযঃ-প্রতিচযঃ,-অতিপূরণম্| অগ্নেরতিমন্দতা-শৈত্যম্| উরোঽভিষ্যন্দঃ-উদর্দঃ| কেষাংচিচ্ছীতবেপথুঃ-উদর্দঃ| অন্যে পুনরাহুঃ-'শীতপানীযসংস্পর্শাচ্ছীতকালে বিশেষতঃ| সরাগকণ্ডূঃ শোফঃ স্যাদুদর্দঃ স কফোদ্ভবঃ||' ক্ষুদ্রবিকারাঃ পুনর্যদেবাঙ্গমাবিশন্তি তদুপপদমেব নাম লভন্তে| যথা,নখশঙ্খললাটভেদাঃ স্বান্তর্দাহকণ্ঠহৃদযোপলেপাদযঃ| তেষাং হি তথৈব স্বরূপমুপদিষ্টং ভবতি|" ইতি|

সর্বাঙ্গসুন্দরী ব্যাখ্যা ( কৃত)

স০-ইতি-প্রকারে| দোষাণাং লক্ষণং দোষলক্ষণং,-যথাযথং লিঙ্গম্| ইতি-পূর্বোক্তেন প্রকারেণ, যদ্দোষলক্ষণমুক্তম্, তদ্দর্শনাদ্যৈঃ সম্যগুপলক্ষযেত্-জানীযাত্| বৈদ্য ইতি শেষঃ| দর্শনাদ্যৈরিত্যাদি(দ্য)শব্দেন স্পর্শনপ্রশ্নৌ গৃহ্যেতে| কিম্ভূতং দোষলক্ষণং তত্ ? অশেষামযব্যাপি,-অশেষাশ্চ ত আমযাশ্চাশেষামযাস্তান্,-সর্বামযান্, সাধু ব্যাপ্নোতীতি| কিম্ভূতো বৈদ্যঃ ? অবহিতো,-দত্তাবধানঃ| তথা, ব্যাধ্যবস্থাবিভাগজ্ঞঃ,-ব্যাধেরবস্থাঃ-কালকৃতা দশাঃ, তাসাং বিভাগঃ-পৃথক্ত্বম্, যথা,-ইযমস্য ব্যাধেরবস্থেযমন্যাবস্থেতি| অবস্থাভেদাচ্চোপক্রমভেদঃ| তথা হি,-একস্যৈব জ্বরস্য নবস্যান্য উপক্রমো জীর্ণস্যান্যঃ| তদেবং বিভাগং যো জানাতি স ব্যাধ্যবস্থাবিভাগজ্ঞঃ| তথা, আর্তান্-ব্যাধিতান্, প্রতিক্ষণং-মুহূর্তে মুহূর্তে, পশ্যন্-আলোকযন্|

আযুর্বেদরসাযনম্ ব্যাখ্যা ( কৃত)

আ০ র০- লক্ষণজ্ঞানে সাবধানেন ভবিতব্যমিত্যাহ-ইত্যশেষামযব্যাপীতি| দর্শনাদ্যৈঃ-দর্শনস্পর্শনপ্রশ্নৈঃ| অবস্থাবিভাগো যথা,-আমজ্বরো জীর্ণজ্বরঃ পচ্যমানজ্বর ইতি|

সর্বাঙ্গসুন্দরী ব্যাখ্যা ( কৃত)

স০-অভ্যাসাত্-মুহুর্মুহুশ্চিকিত্সিতকর্মণি প্রবর্তনাত্, দৃষ্টিঃ-দর্শনং চিকিত্সাবিজ্ঞানং জাযতে, ন কেবলং-কেবলচ্চিকিত্সাশাস্ত্রাবগমাত্| কিম্ভূতা দৃষ্টিঃ ? কর্মণি সিদ্ধিস্তাং প্রকাশযিতুং শীলং যস্যাঃ সা কর্মসিদ্ধিপ্রকাশিনী| অত্র দৃষ্টান্তমাহ-রত্নাদীত্যাদি| আদিশব্দেন সুবর্ণরূপ্যাদীনাং গ্রহণম্| তেষাং যত্সদসজ্জ্ঞানং-ইদং শোভনমিদং ন শোভনমিত্যবগমঃ তন্ন শাস্ত্রাদেব জাযতে| কিং তর্হি ? অভ্যাসাচ্চ| এবকারোঽবধারণার্থঃ| ন শাস্ত্রাববোধান্ন চ কেবলাদভ্যাসাদিত্যেবকারেণ বোধযতি| কিল যথা রত্নপরীক্ষা তচ্ছাস্ত্রাববোধদর্শনাভ্যাসাভ্যাং সম্যগ্জাযতে, তথৈব চিকিত্সা শাস্ত্রাববোধান্নিত্যমাতুরদর্শনাচ্চাবগম্যত ইত্যর্থঃ|

আযুর্বেদরসাযনম্ ব্যাখ্যা ( কৃত)

আ০ র০- লক্ষণদর্শনাভ্যাসো লক্ষণজ্ঞানসহকারীত্যাহ-অভ্যাসাদিতি|

সর্বাঙ্গসুন্দরী ব্যাখ্যা ( কৃত)

স০-দৃষ্টশ্চাসাবপচারশ্চ, তস্মাজ্জাতো দৃষ্টাপচারজঃ| অপচারো-ব্যাধিহেতুঃ| ঐহিকলৌকিকাদ্ব্যাধিকারণাজ্জাতো দৃষ্টাপচারজঃ| কশ্চিদাত্মকৃতাত্পূর্বাপরাধাত্-অশুভকর্মাখ্যাজ্জাতঃ পূর্বাপরাধজঃ| অপরঃ কশ্চিত্তত্সঙ্করাদ্ভবতি| তযোঃ সঙ্করস্তত্সঙ্করো-মিশ্রত্বং, তস্মাত্| ন কেবলাত্পূর্বাপরাধান্ন চ কেবলাদ্দৃষ্টাপরাধাত্, অপি তু দ্বযোঃ সংসর্গাজ্জাত ইত্যর্থঃ| এবং-অনেন প্রকারেণ, ব্যাধিস্ত্রিধা-ত্রিপ্রকারঃ, স্মৃতঃ|

আযুর্বেদরসাযনম্ ব্যাখ্যা ( কৃত)

আ০ র০- ব্যাধেস্ত্রৈবিধ্যমাহ-দ্দষ্টাপচারজ ইতি| অপচারো-নিদানম্| দ্দষ্ঠকর্মজঃ, অদ্দষ্টকর্মজঃ, দ্দষ্টকর্মজঃ ইতি ত্রিবিধো ব্যাধিঃ|

সর্বাঙ্গসুন্দরী ব্যাখ্যা ( কৃত)

স০-যথানিদানং দোষোত্থ ইতি| যদ্যস্য দোষস্য বাতাদের্লঘুরূক্ষাদি নিদানং, তেন কুপিতাদ্দোষাত্ য উত্থিতো ব্যাধিঃ স দোষোত্থো জ্ঞেযঃ| যো দৃষ্টাপচারজ উক্ত ইত্যর্থঃ| হেতুভিঃ-বাতাদিনিদানৈর্লঘুরূক্ষাদিভির্বিনা যো ভবতি স কর্মজঃ| যস্ত্বল্পে নিদানে সেবিতে মহারম্ভঃ স্যাত্, স দোষকর্মজো রোগো জ্ঞেযঃ| মহানারম্ভো যস্য সঃ, পূর্বরূপরূপৈর্বলবদ্ভির্যুক্ত ইত্যর্থঃ|

আযুর্বেদরসাযনম্ ব্যাখ্যা ( কৃত)

আ০ র০- ত্রযাণাং লক্ষণমাহ-যথানিদানমিতি| যথানিদানং-স্বহেত্বনতিক্রমেণ, দোষোত্থো-দ্দষ্টজঃ| হেতুভির্বিনা জাতঃ কর্মজঃ-অদ্দষ্টজঃ, পূর্বাপরাধজঃ| অল্পে হেতৌ মহারম্ভঃ-তীব্রসংরম্ভো, দোষকর্মজঃ| দোষক্ষোভপূর্বকত্বাত্ দ্দষ্টজস্য দোষজত্বম্| তদ্বিপরীতত্বাদদ্দষ্টজস্য কর্মজত্বম্| বক্ষ্যতি হি (হৃ. সূ. অ. ১/১৭০) - "তে জ্বরাঃ কেবলাঃ পূর্বং ব্যাপ্যন্তেঽনন্তরং মলৈঃ|" ইতি|

সর্বাঙ্গসুন্দরী ব্যাখ্যা ( কৃত)

স০-বিপক্ষশীলনাত্পূর্ব ইতি| পূর্বঃ-পূর্বমুক্তো যঃ কেবলং দোষজো ব্যাধিঃ সঃ, বিপক্ষশীলনাত্-যথোক্তবিপক্ষাদিসেবনাত্, ক্ষযং যাতি| কর্মজো রোগঃ কর্মসঙ্ক্ষযাত্ ক্ষযং যাতি| উভযজন্মা-দোষকর্মোত্থো, দোষকর্মণোরুভযোরপি ক্ষযাত্ ক্ষযং যাতি|

আযুর্বেদরসাযনম্ ব্যাখ্যা ( কৃত)

আ০ র০- বিপক্ষশীলনাত্-হেতুবিপরীতশীলনাত্| পূর্বো-দোষত্থঃ| কর্মসঙ্ক্ষযাত্-ভোগেন প্রাযশ্চিত্তেন বা পাপক্ষযাত্| বিপক্ষশীলনাদ্যুপশযাখ্যং লক্ষণম্|

সর্বাঙ্গসুন্দরী ব্যাখ্যা ( কৃত)

স০-স্বতন্ত্রশ্চ পরতন্ত্রশ্চ স্বতন্ত্রপরতন্ত্রৌ, তযোর্ভাবঃ স্বতন্ত্রপরতন্ত্রত্বম্, তস্মাদ্ধেতোর্দ্বিধা ব্যাধযঃ| একে স্বতন্ত্রা অন্যে পরতন্ত্রা ইত্যর্থঃ| অন্তে ভবা অন্ত্যাঃ,--পরতন্ত্রাঃ| তে পুনঃ-ভূযো, দ্বিধা|

আযুর্বেদরসাযনম্ ব্যাখ্যা ( কৃত)

আ০ র০- ত্রযানাং পৃথক্ দ্বৈবিধ্যমাহ-দ্বিধা স্বপরতন্ত্রত্বাদিতি| তত্ স্বতন্ত্রঃ পরন্ত্রশ্চেতি| অন্ত্যা ইতি পরতন্ত্রস্য দ্বৈবিধ্যম্| তচ্চ পূর্বরূপমুপদ্রবাশ্চেতি|

সর্বাঙ্গসুন্দরী ব্যাখ্যা ( কৃত)

স০-পূর্বং জাতাঃ পূর্বজাঃ| "অন্যেষ্বপি দৃশ্যতে" ইতি ডঃ| পূর্বজাঃ-পূর্বরূপসংজ্ঞা রোগাঃ| যে চ পশ্চাজ্জাতাগদাস্তে ব্যাধীনামুপদ্রবাঃ| ইত্যন্ত্যা দ্বিধা|

আযুর্বেদরসাযনম্ ব্যাখ্যা ( কৃত)

আ০ র০- তৌ চ স্বতন্ত্রাত্পূর্বং পশ্চাত্ ক্রমেণ জাযেতে|

সর্বাঙ্গসুন্দরী ব্যাখ্যা ( কৃত)

স০-জন্ম চোপশযশ্চ জন্মোপশযৌ| জন্ম- উত্পত্তিঃ| উপশযঃ-সুখানুবন্ধঃ| যো যঃ স্বং স্বং-যথাস্বম্| যস্য জ্বরাদের্যাবাত্মীযৌ শাস্ত্রনির্দিষ্টৌ তৌ যথাস্বশব্দেন সূচ্যেতে| যথাস্বং জন্মোপশযৌ যেষাং তে যথাস্বজন্মোপশযা ব্যাধযঃ স্বতন্ত্রা উচ্যন্তে| চিকিত্সাগুরুলাঘবপ্রতিপত্ত্যর্থং চ স্বতন্ত্রাদিসংজ্ঞাকরণম্| স্বগ্রহণাদ্যেঽন্যজন্মনি জাযন্তেঽন্যস্য চ ব্যাধের্যত উপশযঃ-সুখানুবন্ধস্তত এতত্পরিবারস্যাপি, তে তু ন স্বতন্ত্রাঃ| তথা চোক্তম্-"পূর্বরূপরূপাদিক্রমেণ জ্বরাদাবুত্পন্নে তত্পরিবারা যে শ্বাসাদয উত্পদ্যন্তে তদুপশযে চোপশেরতে ন তে স্বতন্ত্রাঃ| জ্বরাদয এব তু মূলব্যাধিরূপত্বাত্স্বতন্ত্রা উচ্যতে|" ইতি|

আযুর্বেদরসাযনম্ ব্যাখ্যা ( কৃত)

আ০ র০- যস্য স্বেন হেতুনা জন্ম, স্বৌষধেনোপশমঃ, স্পষ্টং চ লক্ষণং, স স্বতন্ত্রঃ|

সর্বাঙ্গসুন্দরী ব্যাখ্যা ( কৃত)

স০-ততঃ-স্বতন্ত্রেভ্যো রোগেভ্যো, যেঽন্যে-পরতন্ত্রাঃ, পূর্বরূপাখ্যাস্তথোপদ্রবসংজ্ঞাশ্চ, তে বিপরীতাঃ,-বিপরীতস্বরূপাঃ, ন যথাস্বজন্মোপশযা ন চ স্পষ্টলক্ষণাঃ|

আযুর্বেদরসাযনম্ ব্যাখ্যা ( কৃত)

আ০ র০- বিপরীতঃ-পরতন্ত্রঃ|

সর্বাঙ্গসুন্দরী ব্যাখ্যা ( কৃত)

স০-ন কেবলং রোগান্ স্বতন্ত্রপরতন্ত্রভেদৈর্বিদ্যাদ্বৈদ্যঃ, যাবন্মলান্-দোষানপি বাতাদীন্, এবং-স্বতন্ত্রপরতন্ত্রভেদৈর্জানীযাত্|

আযুর্বেদরসাযনম্ ব্যাখ্যা ( কৃত)

আ০ র০- ব্যাধিবদ্দোষানপি স্বতন্ত্রান্বিদ্যাত্|

সর্বাঙ্গসুন্দরী ব্যাখ্যা ( কৃত)

স০-তান্-বাতপিত্তকফান্ যথাস্বজন্মোপশযলক্ষণাবচ্ছিন্নস্বরূপান্, প্রতিজ্বরং-প্রতিবিকারং, বিকুর্বাণান্-বিকৃতিংকোপং গচ্ছতো, জানীযাত্| বৈদ্য ইতি শেষঃ| কীদৃক্ ? অবহিতো-দত্তচিত্তঃ|

আযুর্বেদরসাযনম্ ব্যাখ্যা ( কৃত)

আ০ র০- তাংশ্চ প্রতিরোগং লক্ষযেত্| কোঽত্র স্বতন্ত্রঃ কঃ পরতন্ত্র ইতি|

সর্বাঙ্গসুন্দরী ব্যাখ্যা ( কৃত)

তেষাং-পরতন্ত্রাণাং রোগাণামপ্রধানানাম্, প্রধানপ্রশমে-স্বতন্ত্রব্যাধিপ্রশমে, প্রশমো ভবতি,-ন তু তেষাং পৃথগুপক্রমো বিধেয ইত্যর্থঃ| অশাম্যতঃ-তথা শমমগচ্ছতঃ পরতন্ত্রান্ ব্যাধীন্ দোষান্ বা, তথা-তেন প্রকারেণ প্রধান চিকিত্সালক্ষণেন, পশ্চাত্-প্রধানচিকিত্সাত উত্তরকালং, চিকিত্সেত্| অচিকিত্স্যমানো হ্যসাধ্যতাং যাযাত্| তূর্ণং বেতি| উপদ্রবশ্চেদ্বলবান্ স্যাত্তদা তমেবোপদ্রবং তূর্ণমেব চিকিত্সেত্-, ন পশ্চাত্|

আযুর্বেদরসাযনম্ ব্যাখ্যা ( কৃত)

আ০ র০- তেষাং-পরতন্ত্রাণাং, স্বতন্ত্রপ্রশমে প্রশমঃ| তথাস্বষৌধেন, যে ন শাম্যন্তি তান্ পশ্চার্স্বৌষধেন চিকিত্সেত্| যস্তু বলবানুপদ্রবস্তং তূর্ণং-প্রাগেব, চিকিত্সেত্|

সর্বাঙ্গসুন্দরী ব্যাখ্যা ( কৃত)

স০-হি-যস্মাত্, ব্যাধিক্লিষ্টশরীরস্য পুংসঃ সোঽতিশযেন পীডাকরঃ| প্রাগুত্পন্নোঽপি রোগঃ পীডাকরঃ| উপদ্রবস্তু পশ্চাজ্জাযমানো ব্যাধিক্লিষ্টশরীরোত্পন্নত্বাত্পীডাকরতরঃ| তদযমত্রার্থঃ,-পরতন্ত্রো ব্যাধির্হীনবলঃ প্রধানোপক্রমেণৈবোপশাম্যতি| যস্তু পরতন্ত্রঃ পশ্চাদুত্পদ্যমানোঽপি স্বতন্ত্রব্যাধ্যুপক্রমেণ শমং ন যাতি তং পশ্চাদুপক্রমেত্| যস্তু বলবান্ পরতন্ত্রস্তমাদাবেব চিকিত্সেত্, অতিপীডাকরত্বাত্|

আযুর্বেদরসাযনম্ ব্যাখ্যা ( কৃত)

আ০ র০- স হি স্বতন্ত্রেণ পীডিতস্য নরস্য স্বতন্ত্রাদতিপীডকঃ| সঙ্গ্রহে তু (সূ. অ. ২২) - "সত্পবিধাঃ খলু রোগা ভবন্তি| সহগর্ভজাতপীডাকালপ্রভাবস্বভাবজাঃ| তে তু পৃথগ্দ্ধিবিধাঃ| তত্র সহজাঃ শুক্রার্তবদোষান্বযাঃ কুষ্ঠার্শোমেহাদযঃ, পিতৃজা মাতৃজাশ্চ| গর্ভজা জনন্যপচারাত্কৌব্জ্যপাঙ্গুল্যপৈ!গ্গল্যকিলাসাদযো, অন্নরসজা মাতৃদৌহৃদবিমানজাশ্চ| জাতজাঃ স্বাপচারাত্ সন্তর্পণজা অপতর্পণজাশ্চ| পীডাজাঃ ক্ষতভ!গ্গপ্রহারক্রোধশোকভযাদযঃ, শারীরামানসাশ্চ| কালজাঃ শীতাদিকৃতা জ্বরাদযো, ব্যাপন্নজা অসংরক্ষণজাশ্চ| প্রভাবজা দেবগুরুলঙনশাপাথর্বণাদিকৃতাঃ, জ্বরাদযঃ পিশাচাদযশ্চ| স্বভাবজাঃ ক্ষুত্পিপাসাজরাদযঃ, কালজা অকালজাশ্চ| তত্র কালজা রক্ষণকৃতাঃ, অরক্ষণজা অকালজাঃ ত এতে সমাসতঃ পুনর্দ্বিবিধা ভবন্তি,প্রত্যুত্পন্নকর্মজাশ্চ| তত্র রোগোত্পত্তিং প্রত্যুত্পন্নং কর্ম যদনেনৈব শরীরেণ দ্দষ্টমদ্দষ্টং বোদ্দিশ্যাত্পোপদিষ্টপ্রতিষিদ্ধানামননুষ্ঠানমনুষ্ঠানং বা| জন্মান্তরাতীতেন তু পূর্বম্| তত্পুনর্দৈবাখ্যম্, উক্তং চ নিযতানিযতভেদেন প্রাক্| তস্মাত্ দ্দষ্টহেতবঃ প্রত্যুত্পন্নকর্মজাঃ| বিপরীতা দৈবজন্মানঃ| অল্প নিদানা মহারুজশ্চোভযাত্মকাঃ| তত্র যথাস্বং প্রতিপক্ষশীলনাত্ পূর্বেষাং রোগাণামুপশমঃ| সত্যেব বিপক্ষশীলনে নির্দিষ্টকর্মক্ষযাদ্দ্বৈবিকানাম্| দোষকর্মক্ষযাদন্যেষাম্| অন্যে পুনঃ প্রত্যুত্পন্নং কর্ম পরকৃতমপি বর্ণযন্তি| তচ্চ পরাভিসংস্কারমাচক্ষতে| এবং চাহঃ,-যদি স্বযং কৃতাদেব কর্মণঃ কার্যনির্বৃত্তিঃ স্যাত্, ন দ্দষ্টপুরুষান্তরকৃতাত্| কিমিতি বিদ্বানপি পরাচরিতযোরুপকারাপকারযোঃ সুখদুঃখানুরোধাত্তোষরোষৌ প্রৈকর্তব্যবিন্তাং বা প্রতিপেদ্যতে| এবমেতে ব্যাধযো দ্বিবিধাঃ সন্তস্নিবিধা জাযন্তে| ততশ্চ দোষবন্তো ভূযঃ সপ্তবিধাঃ| সকলোঽপি চাযং রোগসমূহঃ প্রতীকারবান্ আযুর্বেদবিহিতমুপদেশমপেক্ষতে| যস্মান্নিযতহেতুকোঽপ্যামযঃ সম্যগ্ভিষগাদেশানুষ্ঠানাদুপাত্তাযুঃ সংস্কারাপরিক্ষযে সহ্যবেদনতাং প্রতিপদ্যতে| অনুপ্রক্রম্যমাণস্তু সর্ব এব প্রাযশো ভিনত্ত্যকাণ্ডে| স্বযমপি চ দৈবান্নিদানাল্পতযা বা নিবর্তমানঃ ষোডশগুণসমুদিতক্রিযোপালম্ভাদাশুতরমপৈ পরিক্লিষ্টস্য বাঽপগচ্ছতি| অনিযতফলদাযিনি তু দৈবে হিতাভ্যাসরতস্যাবকাশমেব ন লভতে ব্যাধিঃ| তস্মান্ন কস্যাঞ্চিদবস্থাযামাত্মবান্ হিতাহিতযোস্তুল্যদর্শী স্যাত্| ত্রিবিধাশ্চ পুনর্ব্যাধযো মৃদুমধ্যাতিমাত্রভেদেন| তত্রাল্পলক্ষণা মৃদবো, মধ্যলক্ষণা মধ্যাঃ, সম্পূর্ণলক্ষণাস্ত্বতিমাতাঃ| তে পুনঃ সুখসাধ্যাদিবিশেষেণ চতুর্ধা প্রাগুপদিষ্টাঃ| সুবহুশোঽপি চ ভিদ্যমানা ব্যাধ্যযো নিজাগন্তুতাং ন ব্যভিচরন্তি| তত্র নিজাস্নিদোষোত্থাঃ| তেষু পূর্বং বাতাদযো বৈষম্যমাপদ্যন্তে ততো ব্যথাভিনিবর্ততে| বাহ্যহেতুজাস্ত্বাগন্তবঃ| তেষু ব্যথা পূর্বমুপজাযতে, ততো দোষবৈষম্যম্| দোষবৈষম্যেণৈব চ বহুরূপা রুদনুবধ্যতে, ততো দোষবৈষম্যম্| দোষবৈষম্যেণৈব চ বহুরূপা রুগনুবধ্হ্যতে প্রবর্দ্ধতে চ| এবং চ কৃত্বা ন দোষব্যতিরেকেণ রোগানুবন্দ্ধঃ, কেবলং পৌর্বাপর্যবিশেষঃ| তস্মাদেকাকারা এব রোগাঃ, তথারুকসামান্যাত্| অসঙ্খ্যভেদা বা প্রত্যেকং সমুত্থানস্থানসংস্থানবর্ণনামবেদনাপ্রভাবোপক্রমবিশেষাত্| তে যথাস্থূলং যথাস্বমেবোপদেক্ষ্যন্তে| অসঙ্খযেযত্বাচ্চ দোষলিঙ্গৈরেব রোগানুপক্রমং চ বিভজেত্||" ইতি|

সর্বাঙ্গসুন্দরী ব্যাখ্যা ( কৃত)

স০-বিকারাঃ-রোগাঃ, তেষাং নামানি, তেষ্বকুশলো বৈদ্যো ন জাতুচিজ্জিহ্রীযাত্-রোগসংজ্ঞানভিজ্ঞোঽহমিতি লজ্জাং ন কুর্যাত্, চিকিত্সামেব বিদধ্যাদিত্যর্থঃ| কুতো হেতোঃ ? ইত্যাহ-ন হীত্যাদি| যস্মাত্সর্ববিকারাণাং নামতঃ-সংজ্ঞাতো, ধ্রুবা-নিশ্চিতা, স্থিতিঃ-অবস্থানং, নাস্তি|

আযুর্বেদরসাযনম্ ব্যাখ্যা ( কৃত)

আ০ র০- শাস্ত্রেঽনুক্তং স্বযমূহনীযমিত্যাহ-বিকারনামেতি| যো বিকারস্যবাতজাদিত্বং জানাতি, নাম ন জানাতি, শাস্ত্রেঽনুক্তত্বাত্সঙ্কীর্ণত্বাদ্বা, স ন জিহ্নীযাত্-লজ্জাং ন কুর্যাত্| ন হি নামাধীনা সর্বত্র চিকিত্সা| বাতজাদিজ্ঞানং হি চিকিত্সাযাং প্রধানং কারণম্|

সর্বাঙ্গসুন্দরী ব্যাখ্যা ( কৃত)

স০-যস্মাত্সঃ-এক এব, দোষো-বাতাদ্যন্যতমঃ, সমুত্থানবিশেষতো-হেতুভেদাত্, তথা স্থানান্তরাণি-স্বস্থানং হিত্বা পরাণি স্থানানি, প্রাপ্য-গত্বা, বহূন্-অনন্তান্, বিকারান্ কুরুতে| তথা চোক্তং তন্ত্রান্তরে-"যো দোষঃ শরীরসন্ধীনাবিশতি, তেন জৃম্ভা জ্বরশ্চোপজাযতে| যস্ত্বামাশযমভ্যুপৈতি, তেন রোগা ভবন্ত্যুরসি, অরোচকশ্চ| যঃ কণ্ঠমভিপ্রপদ্যতে কণ্ঠস্ততো ধ্বংসতে স্বরশ্চাবসীদতি| যঃ প্রাণবহানি স্রোতাংস্যাস্যাদীনি উপৈতি, শ্বাসঃ প্রতিশ্যাযশ্চ তেনোপজাযতে|" ইতি| বিকারস্য-জ্বরাদেঃ, প্রকৃতযঃ-উপাদানকারণানি বাতাদিদোষাঃ, তা বিকারপ্রকৃতী:-রোগহেতুবিশেষান্, বুদ্ধ্বা,- জ্ঞাত্বা, তথাঽধিষ্ঠানান্তরাণি স্থানবিশেষাংশ্চ, বুদ্ধ্বা,তথা হেতুবিশেষান্-নিদানভেদাংশ্চ, বুদ্ধ্বা-যথা কিমযং কুপিতঃ পবনো রূক্ষেণ হেতুনা লঘুনা শীতেন বেত্যাদি জ্ঞাত্বা, শীঘ্হ্রমেবোপক্রমেত্-চিকিত্সেত্| ন তু বিকারানভিজ্ঞ ইতি ন চিকিত্সেত্|

আযুর্বেদরসাযনম্ ব্যাখ্যা ( কৃত)

আ০ র০- অথ সাধনম্| সাধনজ্ঞানং চ লক্ষণজ্ঞানাধীনম্| তত্র লক্ষণস্য দুর্বোধত্বমাহ-স এবেতি| স এব যোঽন্যত্র লক্ষিতো, বহূন্ বিকারান্ কুরুতে,-যেঽন্যত্র ন দ্দষ্টাঃ| তত্র দ্বৌ হেতূ-সমুত্তানবিশেষাত্কুপিতত্বং স্থানান্তরপ্রাপ্তিশ্চ সমুত্থানবিশেষঃ-অন্যত্রাদ্দষ্টং সমুত্থানম্|তস্মাদ্বিকারাদিত্রিত্যজ্ঞানপূর্বক উপক্রমঃ কার্যঃ| স চ শীঘ্রম্, অবস্থান্তরো| প্রকৃতিঃ-স্বভাবোঽসাধারণং চিন্হম্|

সর্বাঙ্গসুন্দরী ব্যাখ্যা ( কৃত)

স০-দোষৌষধনিরূপণে সতি দূষ্যাদীন্ দশ সমীক্ষ্য সম্যগ্বিলোক্য, যশ্চিকিত্সাযাং বর্ততে-যত্নং করোতি, সঃ-বৈদ্যো, ন কদাচিত্ স্খলতি-নাপরাধী স্যাত্| দোষো-বাতাদিঃ, ঔষধং-হরীতক্যাদি, তযোর্নিরূপণং-পর্যালোচনম্, তস্মিন্ দোষৌষধনিরূপণে| দূষ্যাদীনাং সমস্তানামুপাদানং সর্বেষামেবাবগমে চিকিত্সাকরণং প্রতি যত্নাতিশযদ্যোতনার্থম্, ন পুনরেষাং দ্বৌ বা ত্রীন্ বা চতুরো বা পঞ্চ বা সমীক্ষ্য| কিং তার্হি ? সর্বানেতান্ সমীক্ষ্য,-সম্যগববুধ্যেতি| অথ দূষ্যাদীনেব সমীক্ষ্য ? নেত্যাহ- অবস্থাশ্চ পৃথগ্বিধাঃ| এষামেব দূষ্যাদীনামবস্থাঃ সূক্ষ্মসূক্ষ্মাঃ-অতিশযেন সূক্ষ্মাঃ, তাশ্চ সমীক্ষ্য-যথাবদ্বুদ্ধ্বেতি|

আযুর্বেদরসাযনম্ ব্যাখ্যা ( কৃত)

আ০ র০- দূষ্যাদ্যেকাদশজ্ঞানে সত্যব্যভিচার্যুপক্রম ইত্যাহ-দূষ্যতি| দূষ্যো-ধাতুর্মলশ্চ| দেশো-ভূমির্দেহশ্চ| বলং-সামর্থ্থম্| দেশো- ভূমির্দেহশ্চ| বলং-সামর্থ্থম্ | কালঃ-পূর্বাহ্ণদিঃ| অনলো-বিষমাদিঃ| প্রকৃতিঃ-বাতপ্রকৃত্যাদিঃ|বযো-বল্যাদি| সত্বং-মনঃ| সাত্ম্যং-দেশসাত্ম্যাদি|আহারো-মধুরাদিঃ| অবস্থাঃ-রূপেষ্ববান্তরং রূপম্| সূক্ষ্মসূক্ষ্মাঃ-অতিসূক্ষ্মাঃ| এষাং-রোগাণাম্| দোষৌষধনিরূপণে-দোষস্যৌষধস্য চ বিচারণে|

সর্বাঙ্গসুন্দরী ব্যাখ্যা ( কৃত)

স০-গুরুশ্চাল্পশ্চ গুর্বল্পৌ, গুর্বল্পৌ চ তৌ ব্যাধী চ গুর্বল্পব্যাধী, তযোঃ সংস্থানং-আকৃতিঃ| অপিশব্দো ভিন্নক্রমে| তদ্গুর্বল্পব্যাধিসংস্থানমন্যথাকারমপি দৃশ্যতে-বিপরীতমিতি লক্ষ্যতে| অপিশব্দাত্ক্বচিত্ গুর্বল্পব্যাধিসংস্থানং যথাতত্ত্বং দৃশ্যতে ক্বচিন্নেতি ব্যাধিলক্ষণস্য গমকত্বাভাবঃ প্রসজ্যেত| ততশ্চ "রোগং নিদানপ্রাগ্রূপলক্ষণোপশযাপ্তিভিঃ|" (হৃ. সূ. অ. ১|২২) ইতি দূষ্যেত| তস্মাদপিশব্দোঽত্র গুর্বল্পসংস্থানস্য যথাতত্ত্ব দর্শনং ক্বচিদ্ভবত্যেবেতি সূচনার্থঃ কৃতঃ| কুতো হেতোঃ ? ইত্যাহ-সত্ত্বেত্যাদি| সত্ত্বং-ধৈর্যম্| দেহো-মহদল্পস্থূলকৃশাদিঃ| সত্ত্বং চ দেহশ্চ সত্ত্বদেহৌ| বলং চাবলং চ বলাবলে| তস্মাত্সত্ত্বদেহবলাবলাদ্ধেতোর্গুর্বল্পব্যাধিসংস্থানেঽবহিতো ভবেত্| অধিকসত্ত্বে তথোত্কৃষ্টদেহবলে চ গুরুঃ-মহানপি ব্যাধিরুত্পন্নোঽল্পসংস্থানো-হীনবল ইব লক্ষ্যতে, সত্ত্বদেহবলযোরুত্কৃষ্টত্বাত্| তথা, হীনসত্বে হীনদেহবলে চোত্পন্নো লঘুরপি মহানিব লক্ষ্যতে, হীনসত্ত্বদেহবলত্বাত্| তস্মাদ(ত্ত)স্মিন্-ব্যাধিসংস্থানেঽর্থে, দত্তাবধানেন ভাব্যম্|

আযুর্বেদরসাযনম্ ব্যাখ্যা ( কৃত)

আ০ র০- তত্রাপি সত্বদেহযোর্বলং তাত্পর্যেণ পরীক্ষ্যমিত্যাহ-গুর্বল্পব্যাধিসংস্থানমিতি| সংস্থানং-লক্ষণম্|অন্যথাকারং-গুরোরল্পত্বম্, অল্পস্যাপি গুরুত্বম্|

সর্বাঙ্গসুন্দরী ব্যাখ্যা ( কৃত)

স০-গুরুং লঘুমিত্যাদি| যশ্চ ভিষগ্ব্রুবঃ-কুত্সিতো বৈদ্যঃ, স ব্যাধিসংস্থানমাত্রাবলোকনাত্ গুরুং ব্যাধিং লঘুমিতি কল্পযন্-নিশ্চিন্বন্, অল্পদোষাকলনযা-হীনমাত্রদোষনিশ্চযেন, পথ্যে বিপ্রতিপদ্যতে-চিকিত্সিতে মোহং গচ্ছতি, গুরুব্যাধাবল্পব্যাধিযোগ্যং ভেষজং দদাতি| এবং লঘুব্যাধিং গুরুমিতি কল্পযন্ বহুদোষাকলনযা পথ্যে বিপ্রতিপদ্যতে, ভিষগ্ব্রুবত্ত্বাত্| অন্যত্রাপি ব্রুবান্তস্য কুত্সিতত্বমেব প্রসিদ্ধম্| যথাঽঽহ মনুঃ (অ. ৮|২০) -"জাতিমাত্রোপজীবী বা কামং স্যাদ্ব্রাহ্মণব্রুবঃ| ধর্মপ্রবক্তা নৃপতের্ন তু শূদ্রঃ কথঞ্চন||" ইতি| কেচিত্ "ভিষগ্ধ্রুবম্" ইতি পেঠুঃ| ভিষক্-বৈদ্যো, গুরুং লঘুমিতি ব্যাধিং কল্পযন্ ধ্রুবং-নিশ্চিতং পথ্যে বিপ্রতিপদ্যত ইতি চ ব্যাচক্ষতে|

আযুর্বেদরসাযনম্ ব্যাখ্যা ( কৃত)

আ০ র০- অনবহিতত্বে দোষমাহ-গুরুং লঘুমিতি|অল্পোঽযং দোষ ইত্যগণনযা বিপ্রতিপদ্যতে-বিপরীতং জানাতি|

সর্বাঙ্গসুন্দরী ব্যাখ্যা ( কৃত)

স০-ততোঽল্পং-অল্পমাত্রম্, অল্পবীর্যং বা-অনুত্কৃষ্টশক্তিকং বা, ভেষজং গুরুব্যাধৌ প্রযোজিতং-দত্তং, সংশোধনং রোগানুদীরযেত্তরাং-অতিশযেনোত্ক্লেশযেত্| কুতঃ ? অযোগতঃ,,-হীনযোগাত্| অযোগো হি হীনযোগ উচ্যতে| যথা,-পুত্রকার্যাকরণাদপুত্র ইত্যুচ্যতে| বিপর্যযে চ-লঘুব্যাধৌ, বিপরীতং শোধনং তু প্রযোজিতম্, কস্মাদ্বিপরীতম্ ? অল্পবীর্যাত্সংশোধনাত্, অতিমাত্রমুত্কৃষ্টবীর্যং চ বহুদোষাকলনযা, অতিযোগেন প্রযোজিতং ন কেবলং মলান্ ক্ষিণুযাত্-ক্ষপযেত্, যাবদ্বপুরস্যতি-শরীরমপি হিংস্যাত্| অত্র চ সংশোধনং যত্ দৃষ্টান্তত্বেনোপন্যস্তং তদযোগাতিযোগাভ্যাং রোগোত্ক্লেশং শরীরক্ষপণং [চ] ঝটিতি নির্বর্তযতীতি| খরনাদেনাপ্যুক্তং চ-"অল্পমুত্ক্লেশযেদ্দোষং বহু প্রাণান্নিহন্তি চ| তস্মান্নিরূপ্য ভিষজা দেযং যুক্তং বিরেচনম্||" ইতি| তথা, জ্বরগুল্মাদীনাং চ তত্প্রতীকারার্থং যদ্দীযতে ভেষজং তত্রাপি মহারম্ভেঽল্পমল্পবীর্যং চৌষধং ন দেযম্, ইত্যস্মাদেব দৃষ্টান্তীভূতাদর্থাদবগন্তব্যম্|

আযুর্বেদরসাযনম্ ব্যাখ্যা ( কৃত)

আ০ র০- বিপর্যযজ্ঞানে দোষমাহ-ততোঽল্পমিতি| অযোগতঃ-হীনযোগেন| বিপরীতং-অতিমাত্রমতিবীর্যং বা|বিপর্যযে-লঘুব্যাধৌ| বপুরপ্যতিশযেন ক্ষযং নযেত্, ন দোষানেব|

সর্বাঙ্গসুন্দরী ব্যাখ্যা ( কৃত)

স০-যস্মাচ্চৈবং রোগাণাং দুর্বিজ্ঞেযা গতিঃ, অতঃ-অস্মাদ্ধেতোঃ, সততমভিযুক্তঃ-সদাঽঽযুর্বেদপাঠাববোধানুষ্ঠানপরো বৈদ্যঃ, সর্বং-দূষ্যাদিবস্তুজাতম্, আলোচ্য সর্বথা-সর্বেণ প্রকারেণাঽঽযুর্বেদানুসারিণ্যা স্ববুদ্ধ্যা তদ্বিদ্যসম্ভাষাসম্ভবযা চ তথা কর্মাভ্যাসতোঽপি নিপুণং নিরূপ্য, তথা-তেন প্রকারেণ দোষদূষ্যদেশাদ্যনুগুণেন, ভৈষজ্যং যুঞ্জীত-ভেষজং যুঞ্জ্যাত্| যথাঽঽরোগ্যায ধ্রুবং-যেন প্রকারেণাঽঽরোগ্যার্থমবশ্যং স্যাত্|

আযুর্বেদরসাযনম্ ব্যাখ্যা ( কৃত)

আ০ র০- অশেষবিশেষেশপরীক্ষাযামত্যাদরঃ কার্য ইত্যাহাতোঽভিযুক্ত ইতি|

সর্বাঙ্গসুন্দরী ব্যাখ্যা ( কৃত)

স০-বৃদ্ধিশ্চ ক্ষযশ্চ বৃদ্ধিক্ষযৌ, বৃদ্ধিক্ষযযোর্বিভেদো বৃদ্ধিক্ষযবিভেদঃ, বিবিধো বিশিষ্টো ভেদো-বিভেদঃ, তস্মাদ্বৃদ্ধিক্ষযবিভেদতঃ| অতঃপরং-অতোঽনন্তরম্, দোষাঃ-বাতাদযো, বক্ষ্যন্তে-ভণিষ্যন্তে| স০-পৃথক্-ব্যস্তান্ স্বপ্রমাণাধিকান্, ত্রীন্ দোষান্ রোগহেতূন্, বিদ্ধি-অবেহি| বাতো বৃদ্ধঃ| ১| পিত্তং বৃদ্ধম্| ২| শ্লেষ্মা বৃদ্ধঃ| ৩| এবং ত্রযো দোষাঃ| স০-সংসর্গস্ত্রিধা-ত্রিপ্রকারঃ| তত্র-সংসর্গে, নব দোষভেদান্ স্বপ্রমাণাধিকান্, "বিদ্ধি" ইত্যেতদনুবৃত্তিকৃতেন সম্বন্ধেন সর্বত্র যোজ্যম্| স০-সমযা বৃদ্ধ্যা-তুল্যযা বৃধ্দ্যা, ত্রীনেব-অন্যূনাধিকান্, সংসর্গদোষভেদান্ বিদ্ধি| একো বাতপিত্তাভ্যামধিকাভ্যাম্, দ্বিতীযো বাতকফাভ্যামধিকাভ্যাম্, তৃতীযঃ পিত্তশ্লেষ্মভ্যামধিকাভ্যাম্, ইতি| সংসর্গস্থযোর্দোষযোরেকস্য দোষস্যাতিশাযনে-অধিকতরযা বৃদ্ধ্যা, ষট্ সংসর্গদোষভেদান্ বিদ্ধি| অতিশযো-অতিশাযনম্| অতিশাযনে "তমবিষ্ঠনৌ" ইতি নিপাতনাদ্দীর্ঘঃ| দোষদ্বযবৃদ্ধেশ্চিন্ত্যমানত্বাদপরদোষচিন্তানাস্ত্যত্র| বাতো বৃদ্ধঃ পিত্তং বৃদ্ধতরম্||১|| পিত্তং বৃদ্ধং বাতো বৃদ্ধতরঃ||২|| কফো বৃদ্ধঃ পিত্তং বৃদ্ধতরম্||৩|| পিত্তং বৃদ্ধং কফো বৃদ্ধতরঃ||৪|| কফো বৃদ্ধো, বাতো বৃদ্ধতরঃ||৫|| বাতো বৃদ্ধঃ কফো বৃদ্ধতরঃ||৬|| এবং ষট্ সংসর্গদোষভেদান্ বিদ্ধি| স০-সমস্তেষু-সন্নিপতিতেষু ত্রিষ্বপি দোষেষু বৃদ্ধেষু, ত্রযোদশ দোষভেদান্ বিদ্ধি| স০-দ্বৌ চৈকশ্চ দ্ব্যেকে, তেষাং দ্ব্যেকেষামতিশযো-অধিকত্বম্, তেন দ্ব্যেকাতিশযেন| ততো দ্বযাতিশযেন ত্রযো ভেদাঃ, তথা দোষৈকস্যাতিশযেন ত্রযঃ, ইতি ষট্ ভেদাঃ| যথা,-কফো বৃদ্ধো বাতপিত্তেঽধিকং বৃদ্ধে| ১| পিত্তং বৃদ্ধং বাতকফাবতিবৃদ্ধৌ| ২| বাতো বৃদ্ধঃ পিত্তকফাবতিবৃদ্ধৌ| ৩| পিত্তকফৌ বৃদ্ধৌ বাতোঽতিবৃদ্ধঃ| ৪| বাতকফৌ বৃদ্ধৌ পিত্তমতিবৃদ্ধম্| ৫| বাতপিত্তে বৃদ্ধে কফোঽতিবৃদ্ধঃ| ৬| ইতি ষড্ভেদান্ দ্ব্যেকাতিশযেন সন্নিপাতে বিদ্ধি| স০-তুল্যং কৃত্বা-সমং কৃত্বা, বৃদ্ধৈর্দোষৈরেকং সন্নিপাতদোষভেদং বিদ্ধি| স০-তরতমযোর্ভাবস্তারতম্যম্| কস্য তারতম্যম্ ? প্রকৃতত্বাত্সন্নিপাতস্থদোষাণাম্| তারতম্যস্য বিকল্পনং-ভেদঃ, তারতম্যবিকল্পনম্, তস্মাত্| সন্নিপাতস্থদোষাণাং বৃদ্ধিরূপাণাং ষড্ভেদান্ বিদ্ধি| যথা,-বাতো বৃদ্ধঃ পিত্তং বৃদ্ধতরং কফো বৃদ্ধতমঃ| ১| বাতো বৃদ্ধঃ কফো বৃদ্ধতরঃ পিত্তং বৃদ্ধতমম্| ২| পিত্তং বৃদ্ধং কফো বৃদ্ধতরো বাতো বৃদ্ধতমঃ| ৩| পিত্তং বৃদ্ধং বাতো বৃদ্ধতরঃ কফো বৃদ্ধতমঃ| ৪| কফো বৃদ্ধো বাতো বৃদ্ধতরঃ পিত্তং বৃদ্ধতমম্| ৫| কফো বৃদ্ধঃ পিত্তং বৃদ্ধতরং বাতো বৃদ্ধতমঃ| ৬| এতেষাং চ লক্ষণং মুনিরধ্যগীষ্ট| তথা চ তদ্গ্রন্থঃ (চ. চি. অ. ৩|৮৮)- "সন্নিপাতজ্বরস্যোর্ধ্বং ত্রযোদশবিধস্য হি| প্রাক্ সূত্রিতস্য বক্ষ্যামি লক্ষণং বৈ পৃথক্ পৃথক্|| ভ্রমঃ পিপাসা দাহশ্চ গৌরবং শিরসোঽতিরুক্| বাতপিত্তোল্বণে বিদ্যাল্লিঙ্গং মন্দকফে জ্বরে|| শৈত্যং কাসোঽরুচিস্তন্দ্রা পিপাসা দাহরুগ্ব্যথাঃ| বাতশ্লেষ্মোল্বণে ব্যাধৌ লিঙ্গং পিত্তাবরে বিদুঃ|| ছর্দিঃ শৈত্যং মুহুর্দাহস্তৃষ্ণা মোহোঽস্থিবেদনা| মন্দবাতে ব্যবস্যন্তি লিঙ্গং পিত্তকফোল্বণে|| সন্ধ্যস্থিশিরসঃ শূলং প্রলাপো গৌরবং ভ্রমঃ| বাতোল্বণে স্যাদ্ হ্যনুগে তৃষ্ণা কণ্ঠাস্যশুষ্কতা|| রক্তবিণ্মূত্রতা দাহঃ স্বেদস্তৃড্বলসঙ্ক্ষযঃ| মূর্চ্ছা চেতি ত্রিদোষে স্যাল্লিঙ্গং পিত্তগরীযসি|| আলস্যারুচিহৃল্লাসদাহবম্যরতিভ্রমৈঃ| কফোল্বণং সন্নিপাতং তন্দ্রাকাসেন চাদিশেত্|| সমং দোষৈস্ত্রিভির্বৃদ্ধৈঃ সন্নিপাতস্য লক্ষণম্| মুহুর্দাহো মুহুঃ শীতং কর্ণক্ষ্বেডনপার্শ্বরুক্|| মোহঃ চ্ছর্দির্দিবা নিদ্রা রাত্রৌ জাগরণং তথা| প্রতিশ্যা ছর্দিরালস্যাং তন্দ্রারুচ্যগ্নিমার্দবম্|| হীনবাতে পিত্তমধ্যে চিহ্নং শ্লেষ্মাধিকে মতম্| হারিদ্রমূত্রনেত্রত্বগ্দাহস্তৃষ্ণা ভ্রমোঽরুচিঃ|| হীনবাতে মধ্যকফে লিঙ্গং পিত্তাধিকে মতম্| শিরোরুগ্বেপথুঃ শ্বাসঃ প্রলাপঃ চ্ছর্দ্যরোচকৌ|| হীনপিত্তে মধ্যকফে লিঙ্গং বাতাধিকে মতম্| শীতকং গৌরবং তন্দ্রা প্রলাপোঽস্থিশিরোতিরুক্|| হীনপিত্তে বাতমধ্যে লিঙ্গং শ্লেষ্মাধিকে বিদুঃ| বর্চোভেদোঽগ্নিদৌর্বল্যং তৃষ্ণা দাহোঽরুচির্ভ্রমঃ|| কফহীনে বাতমধ্যে লিঙ্গং পিত্তাধিকে মতম্| শ্বাসঃ কাসঃ প্রতিশ্যাযো মুখশোষোঽতিপার্শ্বরুক্|| কফহীনে পিত্তমধ্যে লিঙ্গং বাতাধিকে স্মৃতম্|" ইতি| স০-এবং-পূর্বোক্তেন প্রকারেণ, পঞ্চবিংশতিসঙ্খ্যাপরিমাণান্ বৃদ্ধান্ দোষভেদান্ বৃদ্ধৈর্দোষৈর্বিদ্ধি| স০-ক্ষীণৈঃ-ক্ষযাবস্থৈর্দোষৈঃ, তাবতঃ-তত্পরিমাণান্ পঞ্চবিংশতিসঙ্খ্যাকান্ দোষভেদান্ বিদ্ধি| যথা,-বৃদ্ধৈঃ পৃথক্ ত্রীন্ দোষভেদান্, তথা ক্ষীণৈঃ| "পৃথক্ ত্রীন্" ইত্যাদিগ্রন্থে বৃদ্ধিশব্দস্থানে ক্ষীণশব্দে নিপাত্যঃ| তদ্যথা,-বাতঃ ক্ষীণঃ| ১| পিত্তং ক্ষীণম্| ২| কফঃ ক্ষীণঃ| ৩| তদেবং সংসর্গে নবদোষভেদান্ বিদ্ধি| কথম্ ? ত্রীনেব সমক্ষীণত্বেন,-ক্ষীণবাতপিত্তসংসর্গঃ| ১| ক্ষীণপিত্তকফসংসর্গঃ| ২| ক্ষীণবাতকফসংসর্গঃ| ৩| ষডেকস্যাতিশাযনে| অতিশাযনে-অন্যদোষাপেক্ষযা ক্ষীণত্বাতিরেকে,-বাতঃ ক্ষীণঃ পিত্তং ক্ষীণতরম্| ১| পিত্তং ক্ষীণং বাতঃ ক্ষীণতরঃ| ২| বাতঃ ক্ষীণঃ কফঃ ক্ষীণতরঃ| ৩| কফঃ ক্ষীণো বাতঃ ক্ষীণতরঃ| ৪| কফঃ ক্ষীণঃ পিত্তং ক্ষীণতরম্| ৫| পিত্তং ক্ষীণং কফঃ ক্ষীণতরঃ| ৬| এবং ষট্ দোষভেদান্ বিদ্ধি| ত্রযোদশ সমস্তেষু-সন্নিপতিতেষু ক্ষীণেষু দোষেষু দোষভেদাংস্ত্রযোদশ বিদ্ধি| কথম্ ? ষড্ দ্ব্যেকাতিশযেন তু| দোষদ্বযস্যাতিশযেন-অতিক্ষীণত্বেন, তথা দোষৈকশযেন তু| তথা দোষৈকস্যাতিক্ষীণত্বেন, পর্যাযতঃ ষট্ ক্ষীণসন্নিপাতদোষভেদান্ বিদ্ধি| যথা,-বাতঃ ক্ষীণঃ পিত্তকফাবতিক্ষীণৌ| ১| পিত্তং ক্ষীণং বাতকফাবতিক্ষীণৌ| ২| কফঃ ক্ষীণঃ পিত্তবাতাবতিক্ষীণৌ| ৩| বাতপিত্তে ক্ষীণে কফোঽতিক্ষীণঃ| ৪| পিত্তকফৌ ক্ষীণৌ বাতোঽতিক্ষীণঃ| ৫| বাতকফৌ ক্ষীণৌ পিত্তমতিক্ষীণম্| ৬| একং তুল্যক্ষীণৈর্ভেদং বিদ্ধি| ১| ষট্ চ তারতম্যবিকল্পনাত্,-কফঃ ক্ষীণঃ পিত্তং ক্ষীণতরং বাতঃ ক্ষীণতমঃ| ১| বাতঃ ক্ষীণঃ কফঃ ক্ষীণতরঃ পিত্তং ক্ষীণতমম্| ২| পিত্তং ক্ষীণং কফঃ ক্ষীণতরো বাতঃ ক্ষীণতমঃ| ৩| কফঃ ক্ষীণো বাতঃ ক্ষীণতরঃ পিত্তং ক্ষীণতমম্| ৪| বাতঃ ক্ষীণঃ পিত্তং ক্ষীণতরং কফঃ ক্ষীণতমঃ| ৫| পিত্তং ক্ষীণং বাতঃ ক্ষীণতরঃ কফঃ ক্ষীণতমঃ| ৬| এবং পঞ্চবিংশতিদোষভেদান্ ক্ষীণৈর্দোষৈর্বিদ্ধি| স০-তে-সন্নিপাতস্থদোষাস্ত্রযঃ, ষোঢা ভবন্তি| কথম্ ? ইত্যাহ-একৈকেত্যাদি| বৃদ্ধিশ্চ সমতা চ ক্ষযশ্চ বৃদ্ধিসমতাক্ষযাঃ| একৈকস্য-বাতাদ্যন্যতমস্য, বৃদ্ধিসমতাক্ষযা একৈকবৃদ্ধিসমতাক্ষযাঃ, তৈরেকৈকবৃদ্ধিসমতাক্ষযৈঃ ষট্| যথা,-বাতো বৃদ্ধঃ পিত্তং সমং কফঃ ক্ষীণঃ| ১| পিত্তং বৃদ্ধং বাতঃ সমঃ কফঃ ক্ষীণঃ| ২| কফো বৃদ্ধঃ পিত্তং সমং বাতঃ ক্ষীণঃ| ৩| কফো বৃদ্ধো বাতঃ সমঃ পিত্তং ক্ষীণম্| ৪| বাতো বৃদ্ধঃ কফঃ সমঃ পিত্তং ক্ষীণম্| ৫| পিত্তং বৃদ্ধং কফঃ সমো বাতঃ ক্ষীণঃ| ৬| এবমেকৈকবৃদ্ধিসমতাক্ষযৈঃ ষট্| স০-একস্য ক্ষয একক্ষযঃ, দ্বন্দ্বস্য বৃদ্ধির্দ্বন্দ্ববৃদ্ধিঃ, একক্ষযসহিতা দ্বন্দ্ববৃদ্ধিরেকক্ষযদ্বন্দ্ববৃদ্ধিঃ, তযা| কিম্ভূতযা ? সবিপর্যযযা,-সহ বিপর্যযেণ-বৈপরীত্যেন বর্ততে যা সৈবম্, তযা| একক্ষযদ্বন্দ্ববৃদ্ধ্যা পুনরেব ষট্ দোষভেদাঃ| বাতঃ ক্ষীণঃ পিত্তকফৌ বৃদ্ধৌ| ১| পিত্তং ক্ষীণং বাতকফৌ বৃদ্ধৌ| ২| কফঃ ক্ষীণো বাতপিত্তে বৃদ্ধে| ৩| এবমেকক্ষযদ্বন্দ্ববৃদ্ধ্যা ত্রযো ভেদাঃ| সবিপর্যযযা চ বৃদ্ধ্যা ত্রযো দোষভেদাঃ| দ্বন্দ্বক্ষযৈকদোষবৃদ্ধ্যা-দ্বন্দ্বক্ষযসহিতৈকদোষবৃদ্ধিঃ, তযা| যথা,-বাতপিত্তক্ষীণে শ্লেষ্মা বৃদ্ধঃ| ১| বাতকফৌ ক্ষীণৌ পিত্তং বৃদ্ধম্| ২| পিত্তকফৌ ক্ষীণৌ বাতো বৃদ্ধঃ| ৩| ইতি সবিপর্যযযা বৃদ্ধ্যা ত্রযো দোষভেদাঃ| এবং সন্নিপাতভেদা দ্বিরূপযা বৃদ্ধ্যা ষডেতে জ্ঞেযাঃ| স০-এবং ভেদগণনযা দোষাণাং ভেদা দ্বিষষ্টির্নির্দিষ্টাঃ-উক্তাঃ| স০-ত্রিষষ্টীনাং পূরণো যো দোষভেদঃ, স স্বাস্থ্যকারণং-আরোগ্যহেতুঃ, ধাতুসাম্যাত্| অত্র হি স্বপ্রমাণস্থা বাতপিত্তকফাঃ| যে চ দোষভেদা দ্বিষষ্টিঃ, তে চ রোগকারণমিত্যর্থাদুক্তং ভবতি| অত্র চ রোগহেতুত্বে দোষবৈষম্যং কারণম্| ত্রিষষ্ট ইতি " তস্য পূরণে ডট্" ইতি ডট্|

আযুর্বেদরসাযনম্ ব্যাখ্যা ( কৃত)

আ০ র০- অথ সংযোগঃ| তস্য ত্রিষষ্টিভেদাঃ| তানাহবক্ষ্যন্তেঽতঃপরমিতি| দোষাঃ-দোষভেদাঃ| বিমেদঃ-তারতম্যম্, তত্সাম্যে নাস্তি বৃদ্ধৌ ক্ষযে চাস্তি, বৃদ্ধিক্ষযবত্তারতম্যং চভেদে কারণম্| আ০ র০- তত্র বৃদ্ধিসাম্যাভ্যাং দ্বাদশ| তত্র পৃথক্ ত্রীন্ বিদ্ধি| পৃথক্-প্রত্যেকং বৃদ্ধযা, "পঞ্চবিংশতিরিত্যেবং বৃদ্ধৈঃ" ইত্যুপসংহারাত্| পারিশেষ্যাত্ দ্বিশঃ সাম্যেন| যথা,- বাযুর্বৃদ্ধঃ পিত্তকফৌ সমৌ|১| পিত্তং বৃদ্ধং বাযুকফৌ সমৌ|২| কফো বৃদ্ধো বাযুপিত্তে সমে|৩| আ০ র০- সংসর্গং ত্রিধা বিদ্ধি, বাযুপিত্তে বাযুকফৌ পিত্তকফৌ ইতি| তত্র তান্-সংযোগান্, নব বিদ্ধি| আ০ র০- তত্র ত্রীন্ সমযা বৃদ্ধ্যা| যথা,- বাযুপিত্তে বৃদ্ধে কফঃ সমঃ|১| বাযুকফৌ বৃদ্ধৌ পিত্তং সমম্|২|পিত্তকফৌ বৃদ্ধৌ বাযুঃ সমঃ |৩| একস্যাতিশযনে ষট্| যথা,-বাযোঃ পিত্তং বৃদ্ধং কফঃ সমঃ|১| পিত্তাদ্বাযুর্বৃদ্ধঃ কফঃ সমঃ|২| কফাদ্বাযুর্বৃদ্ধঃ পিত্তং সমম্|৩| বাযোঃ কফো বৃদ্ধঃ পিত্তং সমম্|৪| পিত্তাত্কফো বৃদ্ধো বাযুঃ সমঃ|৫| কফাত্পিত্তং বৃদ্ধং বাযুঃ সমঃ|৬| এবং দ্বাদশ| আ০ র০- বৃদ্ধেষ্বেব সমস্তেষু ত্রযোদশ সংযোযোগান্ বিদ্ধি| আ০ র০- তত্রৈকস্মাত্ দ্বযোর্বৃদ্ধযোস্ত্রীন্| যথা,-বাযোঃ পিত্তকফৌ বৃদ্ধৌ|১| পিত্তাত্কফবাযূ|২| কফাদ্বাযুপিত্তে|৩| দ্বাভ্যামেকস্মিন্ বৃদ্ধে ত্রীন্| যথা,- বাযুপিত্তাভ্যাং কফো বৃদ্ধঃ|১| বাযুকফাভ্যাং পিত্তং বৃদ্ধম্|২| পিত্তকফাভ্যাং বাযুর্বৃদ্ধঃ|৩| আ০ র০- তুল্যাধিকৈরেকম্|যথা,-বাযুপিত্তকফা বৃদ্ধাঃ|১| আ০ র০-তারতম্যবিকল্পনাত্ ষট্| যথা,-বাযুপিত্তকফা বৃদ্ধা বৃদ্ধতরা বৃদ্ধ্তমাঃ||১|| এবং বাযুকফপিত্তানি|২| পিত্তকফবাযবঃ|৩| পিত্তবাযুকফাঃ|৪| কফবাযুপিত্তানি|৫| কফপিত্তবাযবঃ|৬| এবং ত্রযোদশ| আ০ র০- এবং বৃদ্ধৌ পঞ্চবিংশতিং বিদ্ধি| আ০ র০- ক্ষীণৈশ্চ তাবতো বিদ্ধি| বৃদ্ধশব্দস্থানে ক্ষীণশব্দপযোগাত্তে জ্ঞেযাঃ| আ০ র০- বৃদ্ধিক্ষযসাম্যৈঃ (বৃদ্ধিসাম্যক্ষযৈঃ) ষট্| বৃদ্ধবৃদ্ধতরবৃদ্ধতমস্থানে বৃদ্ধক্ষীণসম(বৃদ্ধসমক্ষীণ) প্রযোগাত্তে জ্ঞেযাঃ| তেষাং লক্ষণ্মুক্তং সঙ্গ্রহে (সূ. অ. ২০)-"রোগাবস্থাসু যুগদ্বৃদ্ধিসাম্যক্ষযনুগম্| ষট্কং হি দুর্বোধতরং বিকারৈরিতি দ্দশ্যতে|| প্রকৃতিস্থং যদা পিত্তং বৃদ্ধো বাযুঃ কফক্ষযে| স্থানাদাদায গাত্রেষু যত্র বিসর্পতি|| তদাভেদস্চ দাহশ্চ তত্র তত্রানবস্থিতৌ| গাত্রদেশে তথা স্যাতাং বলহানি পরিশ্রমৌ|| প্রকৃতিস্থং কফং ক্ষীণে পিত্তে বাযুর্যদা বলী| কর্ষেত্ কুর্যাত্তদ শূলং সশৈত্যস্তম্ভগৌরবম্|| প্রকৃতিস্থং যদা বাতং পিত্তং বৃদ্ধং কফক্ষযে| সরুণদ্ধি তদা দাহঃ শূলং চাষোপজাত্যতে|| প্রকৃতিস্থং কফং বৃধং পিত্তং বাযুক্ষযে যদা| সন্নিরুধ্যাত্তদা কুর্যাত্সতন্দ্রাগৌরবং জ্বরম্|| প্রকৃতিস্থং যদা বাযুং ক্ষীণে পিত্তে কফোঽধিকঃ| সন্নিরুধ্যাত্তদা কুর্যাচ্ছীতকং গৌরবং রুজম্|| শীতকং-শীতপূর্বজ্বরম্| প্রকৃতিস্থং যদাপিত্তবৃদ্ধঃ শ্লেষ্মাঽনিলক্ষযে| সন্নিরুধ্যাত্তদা কুর্যান্মন্দাগ্নিত্বং শিরোগ্রহম্|| নিদ্রাতন্দ্রোপলেপাংশ্চ হৃদ্রোগং গাত্রগৌরবং| ষ্ঠীবনং পিত্তকফযোর্নখাদীনাং চ পীততাম্|| যে দোষবৃদ্ধিক্ষযযোর্বিকারঃ কীর্তিতাঃ পৃথক্| শেষেষ্বপি তু তানেব কল্পযেত্তদ্যথাযথম্||" ইতি| আ০ র০- একক্ষযদ্বন্দ্ববৃদ্ধিভ্যাং ত্রযঃ|যথা,-বাযুঃ ক্ষীণঃ পিত্তকফৌ বৃদ্ধৌ|১| পিত্তং ক্ষীণং কফবাযূ বৃদ্ধৌ|২| কফঃ ক্ষীণো বাযুপিত্তে বৃদ্ধে|৩| দ্বিক্ষযৈকবৃদ্ধিভ্যাং ত্রযঃ| যথা,-বাযুপিত্তে ক্ষীণে কফো বৃদ্ধঃ|১| পিত্তকফৌ ক্ষীণৌ বাযুর্বুদ্ধঃ|২| কফবাযূ ক্ষীণৌ পিত্তং বৃদ্ধম্|৩| আ০ র০- এবং দ্বিষষ্টির্ভেদাঃ| আ০ র০- বাযুপিত্তকফাঃ সমা ইতিত্রিষষ্টো ভেদঃস্বাস্থ্যকারণম্|

সর্বাঙ্গসুন্দরী ব্যাখ্যা ( কৃত)

স০-ন কেবলং দ্বিষষ্টিভেদভিন্নান্ দোষান্ জানীযাত্| আনন্ত্যং চ গতান্ বিদ্যাত্| কথমানন্ত্যম্ ? ইত্যাহ-এষাং দোষভেদানাং, যথাস্বং-রসরক্তাদিভির্ধাতুভিঃ সংযোগাত্, তথৈষামেব ক্ষযাদিভেদৈস্তরতমযোগাচ্চানন্ত্যং গতান্ বিদ্যাত্| তত্র দিঙ্মাত্রং শিষ্যব্যুত্পত্তযে প্রদর্শযতে| তত্র রসে বাতপিত্তকফানাং পৃথক্ ত্রযো ভেদা ভবন্তি, "পৃথক্ ত্রীন্ বিদ্ধি" ইত্যনুসারেণ| সংসর্গস্ত্রিধা| "তত্র তু তান্" রসমেবাধিকৃত্য নব বিদ্ধি| কথম্ ? পূর্ববত্ "ত্রীনেব সমযা বৃদ্ধ্যা ষডেকস্যাতিশাযেনে|" এবং পূর্বোক্তন্যাযেন রসমধিকৃত্য সংসর্গং যোজযিত্বা সন্নিপাতো যোজনীযঃ| যথা,-ত্রযোদশ সমস্তেষু| কথম্ ? "ষড্দ্ব্যেকাতিশযেন তু| একং তুল্যাধিকৈঃ ষট্ চ তারতম্যবিকল্পনাত্||" ইতি সমানং পূর্বেণ, রসাখ্যং স্থানং কেবলমধিকম্| "পঞ্চবিংশতিমিত্যেবং বৃদ্ধৈঃ ক্ষীণৈশ্চ তাবতঃ|" রসমধিকৃত্য ভেদান্ বিদ্ধি| ইত্যেবং রুধিরমাংসাদিভির্যোজ্যম্| একৈকোপক্রমেণেত্যেবং দ্বিষষ্টিভেদভিন্নানাং দোষাণাং রসাদিভিঃ সপ্তভিঃ সংযোগাত্ চত্বারি শতান্যেকচত্বারিংশদধিকানি স্যুঃ| শকৃদাদিসংসর্গাত্ ক্ষীণতরক্ষীণতমাদিভেদৈর্বৃদ্ধতরবৃদ্ধতমাদিভেদৈশ্চ চিন্ত্যমানা দোষা আনন্ত্যং যান্তীতি| রসভেদে দোষভেদে চাবগতে বৈদ্যস্য হেতুলক্ষণোপক্রমেষু মোহো ন ভবতি| তথা চ মুনিঃ (চ. সূ. অ. ২৬|২৫)- "যঃ স্যাদ্রসবিকল্পজ্ঞঃ স্যাচ্চ দোষবিকল্পবিত্| ন স মুহ্যেদ্বিকারাণাং হেতুলিঙ্গোপপত্তিষু||" ইতি| ম্নৌজ্রৌগস্ত্রিদশভবাপ্রহর্ষিণী স্যাত্| ইতি শ্রীমৃগাঙ্কদত্তপুত্রশ্রীমদরুণদত্তবিরচিতাযামষ্টাঙ্গহৃদযটীকাযাং সর্বাঙ্গসুন্দরাখ্যাযাং সূত্রস্থানে দোষভেদীযাধ্যাযো দ্বাদশঃ সমাপ্তঃ|| ১২||

আযুর্বেদরসাযনম্ ব্যাখ্যা ( কৃত)

আ০ র০- এতে ভেদা রসাদিভির্দূষ্যৈঃ প্রত্যেকং সংসর্গাদ্বহবো ভবন্তি| তথা, এষাং-দূষ্যাণাং ক্ষযাদিভেদৈঃ সংসর্গাত্ততোঽপি বহবঃ| এবমানন্ত্যং যাতান্ দোষানবহিতমানসো জানীযাত্| যথাস্বং-স্বেন লক্ষ্ণেন| ইতি হেমাদ্রিটীকাযামাযুর্বেদরসাযনে| দোষভেদপ্রকরণং সামস্ত্যেন নিরূপিতম্|| ১২||