৭. অন্নরক্ষাধ্যাযঃ

সর্বাঙ্গসুন্দরী ব্যাখ্যা ( কৃত)

অন্নপানস্বরূপং শরীরসন্ধারণার্থং প্রাগুক্তম্| পথ্যমপি চান্নপানং বিষাদ্যুপহতং রোগায মৃত্যবে বা সম্পদ্যতে, অতস্তদ্রক্ষার্থমধ্যাযোঽযমারভ্যতে-

সর্বাঙ্গসুন্দরী ব্যাখ্যা ( কৃত)

স০-অন্নস্য রক্ষা-অন্নরক্ষা| সোপদিষ্টা যত্রাধ্যাযে, সোঽপ্যুপচারাদন্নরক্ষেত্যুচ্যতে| যথা, শিশুপালবধঃ কাব্যমিতি| শেষং ব্যাখ্যানমত্র পূর্ববত্কার্যম্|

আযুর্বেদরসাযনম্ ব্যাখ্যা ( কৃত)

আ০ র০- অন্নরক্ষাধ্যাযং ব্যাখ্যাতুং প্রতিজানীতে-অথেতি যতঃ পূর্বযোরধ্যাযযোরাহার উক্তঃ| স চারক্ষিতো রোগহেতুঃ অতো রক্ষা বক্তব্যা| সা চাস্মিন্নধ্যাযে, অত এবাযমন্নরেক্ষাখ্যঃ|

সর্বাঙ্গসুন্দরী ব্যাখ্যা ( কৃত)

স০-রাজা-নৃপঃ, প্রাণাচার্যং-বৈদ্যং, রাজগৃহাসন্নে নিবেশযেত্-আবাসযেত্| এবং সতি যো গুণঃ স্যাত্তমাহ-সর্বদেত্যাদি| সর্বদা-সর্বকালং রাত্রিদিবসমেব, নৃপভবনসমীপস্থিতঃ সঃ-বৈদ্যঃ সর্বত্র-অন্নপানশযনমাল্যাদৌ, প্রতিজাগৃবিঃ-দত্তাবধানো ভবতি|

আযুর্বেদরসাযনম্ ব্যাখ্যা ( কৃত)

আ০ র০- অন্নরক্ষা চ বিষবিরূদ্ধাবিধিসেবনশযন সম্ভোগেভ্যঃ| তে চ রাজ্ঞঃ প্রাযেণ সম্ভবন্তি, তেভ্যশ্চ রক্ষা বৈদ্যাধীনা| তস্মাদ্রাজ্ঞো বৈদ্যসন্নিধিং বিধত্তে-রাজেতি| প্রাণাচার্যং-বৈদ্যম্,এবং-সন্নিধৌ সত্যাম্, সঃ-বৈদ্যঃ, সর্বদা-সর্বেষু কালেষু, সর্বত্র-সর্বেষু কার্যেষু, প্রতিজাগৃবিঃ-প্রতিপদার্থং জাগরূকঃ সম্যগবহিতো ভবতি|

সর্বাঙ্গসুন্দরী ব্যাখ্যা ( কৃত)

স০-মহীপতেঃ সম্বন্ধ্যন্নপানং বিষাত্-বিষসংস্পর্শাত্, বিশেষেণ-অতিশযেন রক্ষেত্| অন্নপানমিত্যুপলক্ষণম্| শযনবস্ত্রগন্ধরত্নমাল্যাদীনামপি পরিরক্ষ্যত্বাত্| ননু, কিমিতি, নৃপান্নপানাদি বিশেষেণ রক্ষেত্ ? ইত্যাহ-যোগেত্যাদি| যোগঃ-অন্নবস্ত্রাদিভিঃ সম্বন্ধঃ| ক্ষেমঃ-তেষামন্নাদীনাং চৌরাদ্যুপদ্রবরক্ষণাত্| দ্বাবপ্যেতৌ তদাযত্তৌ-নৃপাযত্তৌ স্যাতাম্| ক্ষেমশব্দোঽর্ধর্চাদিঃ| ধর্মাদ্যা ইতি ধর্মার্থকামমোক্ষাঃ| যন্নিবন্ধনাঃ-যোগক্ষেমনিবন্ধনাঃ|

আযুর্বেদরসাযনম্ ব্যাখ্যা ( কৃত)

আ০ র০- অথ বিষরক্ষ| বৈদ্যস্য বিষাদন্নপানরক্ষাং বিধত্তে-অন্নপানমিতি| স ইত্যনুবর্ততে| বিশেষেণ-অন্যপদার্যেভ্যঃ, অন্যনররক্ষাতো বিশেষতো রাজ্ঞঃ, অন্নপানং রক্ষেত্| কুতঃ? যতঃ যোগক্ষেমৌ তদাযত্তৌ,-তস্য-রাজ্ঞোঽধীনৌ| অলব্ধলাভো-যোগঃ| লব্ধপরিপালনং-ক্ষেমঃ| কীদৃশৌ তৌ? যন্নিবন্ধনা ধর্মাদ্যাঃ,-ধর্মার্থকামমোক্ষণাং যস্মাদ্যোগক্ষেমৌ সাধনম্,তযোশ্চ রাজা,ততঃ সোঽতিশযেন বিষাদিভ্যো রক্ষণীযঃ|

সর্বাঙ্গসুন্দরী ব্যাখ্যা ( কৃত)

স০-বিষবানোদনঃ সান্দ্রো-বিলেপ্যাকারঃ| তথা, বিস্রাবযিতুং শক্যো-বিস্রাব্যঃ, নৈবং যোঽসৌ-অবিস্রাব্যঃ, তস্য ভাবঃ, অবিস্রাব্যতামিব যাতি| চিরেণ কালেন পচ্যতে| পক্বশ্চ পর্যুষিতভক্তমুপমা যস্য স পর্যুষিতোপমো ভবেত্, নিরূষ্মা স্তব্ধশ্চ সদ্যোঽবতারিতোঽপি স্যাদিত্যর্থঃ| তস্য চ ভক্তস্য সম্বন্ধী মযূরকণ্ঠতুল্যোষ্মা মোহাদীন্ করোতি| মযূরকণ্ঠেন তুল্যো নানাবর্ণো মযূরকণ্ঠতুল্যঃ, স চাসাবূষ্মা চেতি| ঊষ্মা-বাষ্পঃ| তথা, অসাবোদনো বর্ণগন্ধাদ্যৈর্হীযতে| আদি (দ্য) শব্দেন রসাদীনাং গ্রহণম্| ক্লিদ্যতে-প্রক্লিন্নো ভবতি| তথা, জলমধ্যক্ষিপ্ততৈলবিন্দুসদৃশৈশ্চন্দ্রিকৈরাচিতো ভবতি| ইতি চক্ষুরাদিভিঃ পরীক্ষা|

আযুর্বেদরসাযনম্ ব্যাখ্যা ( কৃত)

আ০ র০- অথ সবিষান্নপানলক্ষণম্| তত্র ওদনং লক্ষযতি-ওদন ইতি| সান্দ্র ইবাবিস্ত্রাব্যতাং যাতি-সদ্রবোঽপ্যদ্রব ইব স্ত্রাবযিতুং ন শক্যতে| পব্কঃ পর্যুষিতোপমো ভবেত্-সদ্যস্কোঽপ্যহোরাত্রোষিতবন্নিরূষ্মা স্তব্ধশ্চ স্যাত্| মযূরকণ্ঠতুল্যোষ্মা-নীলবাষ্পঃ| মোহাদিকর্তৃত্বমূষ্মস্ম্বন্ধাত্, সাক্ষাত্সম্বন্ধে ধোষাণাং বক্ষ্যমাণত্বাত্| মোহো-বিচারাশক্তিঃ,মূর্চ্ছান্তর্ভূতস্যাপি তস্য মূর্চ্ছাবসানেঽপ্যনুবৃস্যর্থং পৃথগ্গ্রহণম্| আদ্যশব্দাদ্রসাদযঃ| ক্লিদ্যতে-সম্যক্ স্ত্রাবিতোঽপি ক্লেদং ধতে| চন্দ্রিকান্বিতঃ- চন্দ্রিকৈরন্বিতোভবতি,- মযূরপিচ্ছতুল্যো জলক্ষিত্পতৈলবিন্দুসদ্যশো ভবতি|

সর্বাঙ্গসুন্দরী ব্যাখ্যা ( কৃত)

স০-ব্যঞ্জনানি-বার্তাকাদীনি দধিতক্রদাডিমাদিসংস্কৃতানি, আশু-ক্ষিপ্রং শুষ্যন্তি| তথা, ধ্যামো-মলিনঃ ক্বাথো যেষাং তান্যেবম্| তত্র চ-তেষু ব্যঞ্জনবত্সু ক্বাথেষু, হীনা-ভুজাদিহীনা, অধিকা, বিকৃতা-শিরোবিরহাদিলক্ষণবিকারোপেতা চাত্মীযা ছাযা-প্রতিবিম্বং, দৃশ্যতে| নৈব বা-কীদৃশ্যপি ছাযা ন দৃশ্যতে| ন চেদমরিষ্টম্, সনিমিত্তত্বাত্| তেষ্বেব ব্যঞ্জনেষু ফেনাদীনাং সম্ভবঃ| তত্রেতি প্রকৃতব্যঞ্জনোপলক্ষিতেষু সর্বদ্রবেষ্বেব| বিশেষেণ পুনর্লবণোল্বণদ্রবে ফেনমালা| ঊর্ধ্বরাজীসম্ভবং তু রসকাদিষু স্বযং দর্শযিষ্যতি| বিচ্ছিন্নবিরসা রাগা ইতি| রাগাঃ-দ্রাক্ষাদিকৃতাঃ, ঋতুচর্যোক্তলক্ষণাঃ, বিচ্ছিন্না বিরসাশ্চ ভবন্তি| ক্বচিদ্রাগো দৃশ্যতে ক্বচিন্নেতি বিচ্ছিন্নত্বম্| ক্বচিদ্রসো দৃশ্যতে ক্বচিন্নেতি বিরসত্বম্| এবং খাণ্ডবোঽপি| শাকমামিষং চ বিচ্ছিন্নং-স্থানে স্থানে ত্রুটিতম্, বিরসং চ|

আযুর্বেদরসাযনম্ ব্যাখ্যা ( কৃত)

আ০ র০- ব্যঞ্জনানি লক্ষযতি-ব্যঞ্জনানীতি| ব্যঞ্জ্নানি-সূপ্যাদীনি, আর্দ্রাণ্যপ্যাশু বিষবন্তি শুষ্যন্তি-শোষংযান্তি| ধ্যামব্কাথানি- মলিনদ্রবাণি ববন্তি| তত্র-তেষু ক্বাথবত্সু ব্যঞ্জনেষু, হীনাদিকা ছাযা-প্রতিবিম্বং, দৃশ্যতে নৈব বা দৃশ্যতে| হীনা-বিম্বপ্রমাণন্যূনা| অতিরিক্তাঅধিকা| বিকৃতা-তুল্যপ্রমাণাপ্যন্যজাতীযা| ফেনাদীনাং ব সম্ভবঃ| ঊর্ধ্বরাজী-উপরিভাগে রেখা| সীমন্তো-বিচ্ছেদঃ| তন্তুঃ-পিচ্ছা| অথ ব্যঞ্জন বিশেষাঃ| তত্র রাগাদীন্ লক্ষযতি| বিচ্ছিন্নেতি| বিচ্ছিন্নাঃ- নষ্টক্ষীরবত্ পৃথগ্ভূতঘনদ্রবভাগাঃ| বিরসাঃ-বিকৃতরসাঃ| রাগাঃ খাণ্ডবাশ্চ-পানকভেদাঃ| এবং শাকং পাঠাদি| আমিষং-মাংসম্| তানি সর্বাণি রাগখাণ্ডবাদীনি সবিষাণি বিচ্ছিন্নবিরসানি ভবন্তি|

সর্বাঙ্গসুন্দরী ব্যাখ্যা ( কৃত)

স০-রসে-মাংসরসে বিষবতি, নীলা-নীলবর্ণা, রাজী দৃশ্যত ইতি প্রকৃতেন সম্বন্ধঃ| এবং চাগ্রেঽপি রাজী দৃশ্যত ইতি যোজ্যম্| ক্ষীরে-ক্ষীরমধ্যে, তাম্রা-তাম্রবর্ণা| দধনি-দধ্নিশ্যাবা| তক্রে আপীতাসিতা-আনীলপীতা| ঘৃতে সলিলনিভা| মস্তুনি কপোতাভা| তুষোদকে-কাঞ্জিকে, রাজী কৃষ্ণা| মদ্যেঽম্ভসি চ কালী| মাক্ষিকে হরিদ্বর্ণা| তৈলেঽরুণোপমা-ঈষল্লোহিতবর্ণা| উদাহরণমাত্রং ত্বেতত্, তেন বসাগন্ধস্য চ তৈলে সম্ভবঃ, দ্রবৌষধস্য কপিলা, ইতি| তথা, আমানাং ফলানাং পাকঃ| পক্বানাং পরিকোথনং-শাতনং ভবতি| আর্দ্রশুষ্কাণাং যথা সংখ্যং ম্লানতা-শুষ্কাভাসত্বম্, তথা বিবর্ণতা-শ্যাবত্বাদি লক্ষণা| মৃদূনাং কঠিনত্বম্, কঠিনানাং মৃদুত্বম্, অযং স্পর্শবিপর্যযঃ| মাল্যস্য-পুষ্পস্য, স্ফুটিতং-বিশীর্ণং, অগ্রং-প্রান্তো যস্য তত্স্ফুটিতাগ্রম্, তস্য ভাবস্তত্ত্বম্| তথা, ম্লান্যুদ্ভবো-ম্লানতা, গন্ধান্তরোদ্ভবঃ-স্বগন্ধনাশোঽন্যগন্ধসম্ভবশ্চ| ধ্যামানি-মলিনানি, মণ্ডলানি-বৃত্তানি, তেষাং ভাবো ধ্যামমণ্ডলতা, বস্ত্রে-আস্তরণপ্রাবরণাদিরূপে স্যাত্| শদনং-শাতঃ পাতঃ স্যাত্| কেষাম্ ? তন্তুপক্ষ্মণাম্,-তন্তূনাং-সূত্রাণাং পক্ষ্মণাং চ পার্শ্ববর্তিনাং, বস্ত্রসম্বন্ধিনামেব| ধাতুঃ-সুবর্ণাদিঃ মৌক্তিকং-মুক্তা, কাষ্ঠং-দারু, অশ্মা-পাষাণঃ, রত্নানি-বজ্রমরকতাদীনি, আদিশব্দেন শঙ্খশুক্ত্যাদিপরিগ্রহঃ, তেষু মলাক্ততা-পঙ্কমলোপদিগ্ধতা| স্নেহহানিঃ-তেষামেব ধাত্বাদীনাং স্নেহস্য ব্যপগমঃ| এবং স্পর্শপ্রভাহানিঃ| মৃণ্মযে তু ভাণ্ডে সবিষে নিষ্প্রভেঽপি সপ্রভত্বম্|

আযুর্বেদরসাযনম্ ব্যাখ্যা ( কৃত)

আ০ র০- মাংসরসাদীন্ রাজীবিশেষেণ লক্ষযতি-নীলেতি| রসে-মাংসরসে, নীলবর্ণা রজী-রেখা| ক্ষীরে তাম্রা| দন্ধি স্যাবা-কপিশা| তক্রে পীতাঽসিতা-গৌরশ্যামা| ধৃতে পানীযসন্নিভা-উদকবর্ণা| মদ্যেঽম্ভসি চ কালী-কৃষ্ণা| ক্ষৌদ্রে হরিত্-মরকতবর্ণা| তৈলে অরুণোপমা| ফলানি লক্ষযতি-পাক ইতি| অপব্কানাং ফলানাং বিষদুষ্টানাং পাক উপজাযতে, পক্বানাং পরিকোথনং-পূতীভাবঃ| আর্দ্রশুষ্কাণি লক্ষযতি-দ্রব্যাণামিতি| আর্দ্রাণাং দ্রব্যাণাং ম্লানিঃ-ক্রিঞ্চিচ্ছুষ্কত্বম্, শুষ্কানাং বিবর্ণতা-বিকৃতবর্ণত্বম্| মৃদুকঠিনানি লক্ষযতি-মৃদূনামিতি| স্পর্শবিপর্যযঃ-মৃদূনাং কাঠিন্যং কঠিনানাং মৃদুত্বম্| মাল্যং লক্ষযতি-মাল্যস্যেতি| মাল্যস্য-পুষ্পস্য, অগ্রভাগেষু শীর্ণত্বম্| বস্ত্রং লক্ষযতি-ধ্যামমণ্ডলতেতি| ধ্যামমণ্ডলতা-মলিনমণ্ডলোত্পত্তিঃ| তন্তূনাং পক্ষ্মাণি-সূক্ষ্মাবযবাঃ,তেষাং শদনং-শাতঃ| ধাত্বাদীন্ লক্শযতি-ধাতুমৌক্তিকেতি| ধাতবঃ-সুবর্ণাদযঃ| রত্নং-মাণিক্যাদি| আদিশব্দেন শঙ্খশুক্ত্যাদযঃ| মলাক্ততা-মলিনছৈত্বম্| স্নেহাদীনাং চ হানিঃ,- স্ত্রিগ্ধানাং স্নেহস্য, শীতাদীনাং স্পর্শস্য, তেজস্বিনাং প্রভাযাঃ| মৃণ্মযং লক্ষযতি-সপ্রভত্বমিতি| সপ্রভত্বং-নিষ্প্রভস্যাপু প্রভোত্পত্তিঃ|

সর্বাঙ্গসুন্দরী ব্যাখ্যা ( কৃত)

স০-বিষং দদাতীতি-বিষদো নরঃ, শ্যাবং-শ্যামং শুষ্কমাস্যংমুখং, যস্যাসৌ শ্যাবশুষ্কাস্যঃ,-শ্যামশুষ্কবদনঃ| কিং করোতি? বিলক্ষো বীক্ষতে দিশঃ,- দিশ ইতি সমন্তাদিত্যর্থঃ, বিলক্ষ ইতি লজ্জাবান্, বীক্ষতে-অবলোকযতি| কিঞ্চ, স্বদোষশঙ্কযা স্বেদবান্, বেপথুমান্, ত্রস্তঃ-শরীরেণ জাতকম্পত্বাত্, ভীতঃ-চিত্তেন সোদ্বেগতযোপলক্ষ্যমাণত্বাত্| স্তম্ভকুড্যাদিভিরাত্মানমন্তর্ধাপযিতুমিচ্ছন্নিতস্ততো গচ্ছংশ্চ স্খলিতগতির্ভবতি, তত আহ-স্খলতি| পুনঃপুনশ্চ জৃম্ভাং করোতি, তেনাহ জৃম্ভতে| উপলক্ষ্ণং চেদং তত্তত্কালভাবিনীনাং ক্রিযাণাম্| তদ্যথা (সঙ্গ্রহে সূ.অ.৮)-"অস্থানহাসী, পৃষ্টোঽসম্বদ্ধমুত্তরং দদাতি নৈব বা দদাতি, বিবক্ষুর্মুহ্যতি, অঙ্গুলীঃ স্ফোটযতি, শিরঃ কণ্ডূযতে, ওষ্ঠৌ লেঢি, ভুবং বিলিখতি, ক্রিযাসু ত্বরতে, বিপরীতমাচরতি, স্বভূমৌ চ নাবতিষ্ঠতে|" ইতি|

আযুর্বেদরসাযনম্ ব্যাখ্যা ( কৃত)

আ০ র০- বিষপ্রযোক্তারং লক্ষযতি-বিষদ ইতি| বিলক্ষঃ-চলদৃষ্টিঃ| দিশো বীক্ষতে-ইতস্ততোঽবলোকযতি| ত্রস্তঃ-উদ্বিগ্নঃ| ভীতঃ-চকিতঃ| বিষদলক্ষণং তত্প্রযুক্তবিষবিশেষপ্রশ্নার্থম্|

সর্বাঙ্গসুন্দরী ব্যাখ্যা ( কৃত)

স০-সবিষমন্নং প্রাপ্যাঽগ্নিঃ স্ফুটত্যতি-চটচটাযতে, অতিশযেনেত্যর্থঃ| একাবর্ত ইতি এক এবাবর্তো যস্য, সংহতসর্বজ্বালত্বাদসাবেকাবর্তঃ| শিখিকণ্ঠাভধূমার্চিঃ,-শিখী-মযূরঃ, তস্য কণ্ঠঃ-ইন্দ্রাযুধবদনেকবর্ণঃ, তস্যেবাভা যযোর্ধূমার্চিষোস্তে শিখিকণ্ঠাভে, তে তাদৃশে ধূমার্চিষী যস্যাগ্নেরসৌ শিখিকণ্ঠাভধূমর্চিঃ ইন্দ্রাযুধবদনেকবর্ণধূমজ্বাল ইতি যাবত্| অনর্চির্বা-অজ্বাল ইতি বা| উগ্রগন্ধবানিতি কুণপগন্ধবান্| নিদর্শনং চেদম্| ধূমোঽপ্যস্য প্রসেকরোমহর্ষশিরোবেদনাপীনসদৃষ্ট্যা কুলতা অপ্যুত্পাদযতি|

আযুর্বেদরসাযনম্ ব্যাখ্যা ( কৃত)

আ০ র০- অথাগ্নিক্ষেপাদিনা সবিষান্নলক্ষণম্| তত্রাগ্নিপ্রক্ষেপেণাহ-প্রাপ্যান্নমিতি| একাবর্তঃ-বামত এব দক্ষিণত এব বা চলিতজ্বালঃ| স্ফুটত্যতি-ভৃশং চটচটাযতে| শিখিকণ্টভধূমার্চিঃ-নীলধূমো নীলজ্বালশ্চ| অনর্চির্বাঅনুত্পন্নজ্বালো বা|

সর্বাঙ্গসুন্দরী ব্যাখ্যা ( কৃত)

স০-সবিষমন্নমিত্যনুবর্ততে| মক্ষিকাঃ সবিষমন্নং প্রাপ্যম্রিযন্তে-মক্ষিকাঃ সবিষেঽন্নে ন নিলীযন্তে, নিলীনাস্তু সদ্যো বিপদ্যন্তে| বিষদুষ্টাহারাত্ কাকঃ ক্ষামস্বরো ভবেত্| উত্ক্রোশন্তি-উচ্চৈঃ কূজন্তি, দর্শনাদেব শুকদাত্যূহসারিকাঃ| বিষদর্শনমাত্রাদেব চ হংসগতিঃ স্খলতি| গ্লানির্জীবঞ্জীবস্য জাযতে| উপলক্ষণং চেদম্| মরণমপি কস্যচিন্ন গ্লানিরেব, এবং জীবঞ্জীবকস্য| চকোরস্য অক্ষিবিরক্ততা| 'দৃষ্ট্বৈতত্' ইতি সর্বত্র যোজনীযম্| ক্রৌঞ্চস্য মদোদযো-মদোত্পত্তিঃ স্যাত্| কপোতপরভৃদ্দ্দক্ষচক্রবাকাস্ত্যজন্ত্যসূন্-প্রাণান্বিমুঞ্চন্তি, চাত্যর্থং মরণদুঃখাভ্যাহতাঃ| উদ্বিজতেঽত্যর্থং মার্জারঃ| বানরস্তু শকৃত্পুরীষং মুঞ্চতি| উপলক্ষণং চেদম্| পৃষ্ঠতোমুখো রোদিতি চ| তথা, হৃষ্যেন্মযূরস্তদ্দৃষ্ট্বা| তদিতি সবিষান্নপরামর্শঃ| দৃষ্ট্বেত্যনুবর্তমানেঽপি পুনর্দৃষ্ট্বেতি বচনং সর্বত্র মধ্যে সম্প্রত্যযার্থম্, আদ্যন্তাভ্যং গৃহীতত্বাত্| বিষং চাস্য দর্শনাদেব মন্দতেজস্কং ভবতি| ইতি-এবং পূর্বোক্তাভিঃ পরীক্ষাভিঃ, অন্নং-ভক্তাদি, বিষবত্-বিষসংসৃষ্টং, জ্ঞাত্বা ত্যজেদেতত্| কথম্? প্রযত্নতঃ-প্রযত্নেন| তমেব প্রযত্নং দর্শযন্নাহ-যথা-যেন প্রকারেণ ত্যজ্যমানেন, ক্ষুদ্রজন্তবো-মক্ষিকাদযোঽপি, তেন-বিষেণ, ন বিপদ্যেরন্ ন নশ্যেযুঃ তথা ত্যজেত্| ক্ষুদ্রজন্তবোঽপি কিং পুনর্মহান্তঃ, ইত্যপি শব্দার্থঃ|

আযুর্বেদরসাযনম্ ব্যাখ্যা ( কৃত)

আ০ র০- মক্ষিকাদিপ্রাশনেন সবিষং সূচযতি-ত্রিযন্ত ইতি| প্রাশ্য-সবিষমন্নং ভুক্ত্বা, কাকঃ ক্ষামস্বরঃ-ক্রুশস্বরো ভবেত্| শুকাদিদর্শনেন লক্ষযতি-উত্ক্রোশন্তীতি| শুকাদযো সবিষান্নদর্শনেন উত্ক্রোশন্তি-উচ্চৈঃ শব্দং কুর্বন্তি| দাত্যূহঃ-অন্ধকাকঃ| এতত্-সবিষমন্নম্| অক্ষিবৈরাগ্যং-নেত্ররাগাপগমঃ| কপোতাদযঃ প্রাণাংস্ত্যজন্তি| পরভৃত্-কোকিলঃ| দক্ষঃ-কুক্কুটঃ| মযূরো হ্রষ্যেত্-হর্ষং প্রাপ্নোতি| মযূরস্য বিষন্ধত্বং দর্শযতি-তদৃষ্টচেতি| তদৃষ্টচা-মযূরাবলাকনেন| মন্দতেজঃ-অল্পপ্রভাবম্| সবিষান্নস্য যাগপ্রকারং দর্শযতি-ইত্যান্নমিতি| যথা তেন-সবিষান্নেন,ক্ষুদ্রজন্তবোঽপি ন বিপদ্যেরন্-ন ম্রিযেরন্, এবং ত্যজেত্|

সর্বাঙ্গসুন্দরী ব্যাখ্যা ( কৃত)

স০-সবিষমন্নং প্রাপ্যাঽগ্নিঃ স্ফুটত্যতি-চটচটাযতে, অতিশযেনেত্যর্থঃ| একাবর্ত ইতি এক এবাবর্তো যস্য, সংহতসর্বজ্বালত্বাদসাবেকাবর্তঃ| শিখিকণ্ঠাভধূমার্চিঃ,-শিখী-মযূরঃ, তস্য কণ্ঠঃ-ইন্দ্রাযুধবদনেকবর্ণঃ, তস্যেবাভা যযোর্ধূমার্চিষোস্তে শিখিকণ্ঠাভে, তে তাদৃশে ধূমার্চিষী যস্যাগ্নেরসৌ শিখিকণ্ঠাভধূমর্চিঃ ইন্দ্রাযুধবদনেকবর্ণধূমজ্বাল ইতি যাবত্| অনর্চির্বা-অজ্বাল ইতি বা| উগ্রগন্ধবানিতি কুণপগন্ধবান্| নিদর্শনং চেদম্| ধূমোঽপ্যস্য প্রসেকরোমহর্ষশিরোবেদনাপীনসদৃষ্ট্যা কুলতা অপ্যুত্পাদযতি|

আযুর্বেদরসাযনম্ ব্যাখ্যা ( কৃত)

আ০ র০- অথাগ্নিক্ষেপাদিনা সবিষান্নলক্ষণম্| তত্রাগ্নিপ্রক্ষেপেণাহ-প্রাপ্যান্নমিতি| একাবর্তঃ-বামত এব দক্ষিণত এব বা চলিতজ্বালঃ| স্ফুটত্যতি-ভৃশং চটচটাযতে| শিখিকণ্টভধূমার্চিঃ-নীলধূমো নীলজ্বালশ্চ| অনর্চির্বাঅনুত্পন্নজ্বালো বা|

সর্বাঙ্গসুন্দরী ব্যাখ্যা ( কৃত)

স০-বক্ত্রগে-মুখপ্রাপ্তে, লালা ভবতি| জিহ্বোষ্ঠযোর্জাড্যং ভবতি, ঊষাদযশ্চ স্যুঃ| রসাজ্ঞত্বং-জিহ্বা রসং ন চেতযত ইত্যর্থঃ| হন্বোঃ স্তম্ভশ্চ স্যাত্| তত্র সেব্যাদ্যৈঃ-পূর্বোক্তৈঃ, গণ্ডূষা হিতাঃ| সর্বং চ-অন্যদপি, যদ্বিষং জযতি তদ্ধিতম্|

আযুর্বেদরসাযনম্ ব্যাখ্যা ( কৃত)

আ০ র০- সবিষান্নভক্ষণজান্ রোগানাহ-লালেতি| লালা-শ্লেষ্মতন্তুস্ত্রাবঃ| জিহ্বৌষ্ঠযোর্জাডচং-স্তম্ভঃ| মুখে চিমিচিমাযনং-সর্বত্র মুখে সর্ষপলিপ্তস্যেব দুঃখম্| দন্তহর্ষো-দন্তরোগবিশেষঃ| লালাদীনামৌষধমাহ-সেব্যাদ্যৈরিতি| সেব্যাদ্যৈঃ-পূর্বোক্তৈঃ| সর্বং বিষিজিত্_বিষতন্ত্রোক্তং প্রতিসারণপ্রলেপাদিকম্|

সর্বাঙ্গসুন্দরী ব্যাখ্যা ( কৃত)

স০-বিষান্নে আমাশযং প্রাপ্তে স্বেদাদযঃ স্যুঃ| অক্ষিহৃদযযোঃ রোধনং-স্তম্ভঃ| বিন্দুভিঃ-নানাবর্ণৈঃ, অঙ্গানামাচযঃ-সমন্তাচ্চযনম্| পক্বাশযগতে তু বিষেঽনেকবর্ণং বমতি, মূত্রযতি, অতিসার্যতে, তন্দ্রাদযশ্চ ভবন্তি| তযোঃ-আমপক্বাশযগতযোর্বিষযোঃ, বর্তমানস্য পুংসো যথাযোগং বান্তবিরিক্তস্য হরিদ্রে কটভীত্যাদিকমৌষধং নাবনাদিষু যোজযেত্| তত্র মদনফলালাবুকুম্ভীকোশাতকীফলৈর্মধুযুক্তৈর্নিষ্পাবাম্বুযুক্তৈর্বমনম্| বান্তস্য স্নেহযিত্বা বিরেচনম্| পক্বাশযগতে ত্ববমিতস্যৈব নীলিনীফলযুক্তেন ঘৃতেন বিরেচনমেব|

আযুর্বেদরসাযনম্ ব্যাখ্যা ( কৃত)

আ০ র০- সবিষান্নামাশযপ্রপ্তিজান্ রোগানাহ-আমাশযগত ইতি| চক্ষুর্হৃদযরোধনং-নেত্রযোর্মনসশ্চ ক্রিযাপ্রতি বন্ধঃ| বিন্দুভিরঙ্গানামাচযঃ-জলবিন্দ্বাকারস্ফোটব্যাপ্তাঙ্গত্বম্| সবিষান্নপব্কাশযপ্রপ্তিজান্ রোগানাহ-পব্কশযগত ইতি| পাণ্ডুত্বং-শুল্কত্বম্| উদরং_উদরাখ্যো রোগঃ| আমপব্কাশযবিকারযোরৌষধমাহ-তযোরিতি| বান্তবিরিক্তিস্যেতি ক্রমাদ্যোজ্যম্| আমাশযবিকারেষু বান্তস্য| পক্বাশযবিকারেষু বিরিক্তস্য| হরিদ্রাদীনি নাবনাদিষু যোজযেত্| হরিদ্রে-হরিদ্রাদ্বযং নিশা দার্বী চ| কটভী-গিরিকর্ণকা| সিন্দুবারিতো-নির্গুণ্ডী| নিষ্পাবো-বল্লঃ| বাষ্পিকা-হিঙ্গুপত্রী| শতপর্বিকা-বচা| কুক্কুটস্য পক্ষিণোঽণ্ডম্| অবল্গুজো-বাকূচী| আহারং বিনাপি প্রযুক্তস্য বিষস্য শান্ত্যর্থমযং যোগঃ স্যাদিতি " ইত্যুক্তম্| সঙ্গ্রহে তু (সূ. অ. ৮)-"ঈশ্বরাণাং বসুমতাং বিশেষেণ তু ভূভুজাং প্রাযেণ মিত্রেভ্যোঽপ্যমিত্রা ভূযাংসো ভবন্তি| ততস্তত্প্রযুক্তাঃ সমাসন্নবর্তিনোঽন্নপানাদিষু বিষং প্রযচ্ছন্তি, স্ত্রিযশ্চ তত্প্রণিধিপ্রযুক্তাঃ সৌভাগ্যলোভেন| তস্মাদ্রাজা কুলীনং স্নিগ্ধমাত্পমাস্তিকমার্যমার্যপরিগ্রহং দক্ষ দক্ষিণং নিভৃতং শুচিমনুদ্ধতমনলসমব্যসনমনহঙ্কৃতমকোপনমসাহসিকং বাক্যার্থাববোধকুশলং নিষ্ণাতমষ্টাঙ্গে যথাগ্নাযমাযুর্বেদে সুবিহিতযোগক্ষেমং সন্নিহিতাগদাদিযোগং সাত্ম্যজ্ঞং চ প্রাণাচার্যং পরিগৃহ্ণীত| তমর্থমানাভ্যাং যথাম্নাযং সম্প্রদাযানতিক্রমেণ কালেঽনুকালং গুরুমিব শিষ্যঃ পিতরমিব পুত্রঃ পূজযেত্| প্রতিকূলমপি চ তদ্বচঃ সাম্প্রতমিতি মন্যেত| ন হি ভদ্রোঽপি গজপতির্নিরঙ্কুশঃ শ্লঘনীযো জনস্য| তস্মাত্তদাযত্তমাহারবিহারং প্রতি চাত্মনঃ কুর্যাত্| উপাত্তমপি খলু জীবিতমুপাযবলেন স্বসমযমধিতিষ্ঠতি| অপি চ বহুপরিগ্রহা নরপতযঃ| সন্তি চাশুকারিণঃ শূলসত্র্যাসাদযঃ| প্রতিক্ষণং প্রত্যবেক্ষণীযাবস্থাশ্চ রোগিণো, বিশেষেণ রাজানঃ| তে হি প্রমাদপরিগতা দুঃখাহিষ্ণবঃ স্বযমপ্যপথ্যরুচযঃ সন্নিহিতাহিতপ্রিযবচনপ্রাযপরিবারাশ্চ| তস্মাদ্ভিষজো রাজা রাজগৃহাসন্নে সন্নিবেশনং কারযেত্| তথা হি স সর্বোপকরণেষু নৃপতিশরীরিপযোগিষ্বপরোক্ষবৃত্তির্ভবাতি| স সম্যক্সম্পন্নমন্নং সুপরীক্ষিতং বিশুদ্ধমগ্নযাদিষু প্রাগুপনীতং শিখিনা দৃষ্টমভিপ্রোক্ষিতং প্রোক্ষণৈঃ পুরঃ স্থিতো রাজানং হস্তবদ্ধৌষধিরত্নং ভোজযেত্| ভুঞ্জানস্য চাস্য দুন্দুভীনগদপ্রলিপ্তান্ বাদযেত্| দন্তকাষ্ঠপ্রযুক্তে তু বিষে কূর্চকবিশরণমৌষধগন্ধো রূক্ষতা জিহ্বাদন্তৌষ্ঠমাংসশোফশ্চ| তত্র প্রচ্ছায ধাতকীপুষ্পজাম্ববাস্থিহরীতকীচূর্ণৈঃ সেক্ষোদ্রৈঃ সপ্তচ্ছদকল্কেন বা প্রতিসারণং কুর্যাত্| দাডিমকরমর্দকভব্যাম্রাতককোলবদররসক্ষৌদ্রযুক্তং গণ্ডূষম্| অনেন জিহানির্লেখনকবলগণ্ডূষা ব্যাখ্যাতাঃ| অঞ্জনপ্রযুক্তেঽশ্রূপদেহদাহরাগবেদনা দৃষ্টিবিভ্রমা ভবন্ত্যান্ধ্যং চ| তত্র সর্পিষ্পানং যোজ্যম্| শৃতেন পযসা সত্পকৃত্বঃ পিপ্পলীর্ভাবযেত্| ততস্তকল্কেন সর্পির্বিপধ্কং নেত্রতর্পণম্| কপিত্থমেষশৃঙ্গীভল্লাতকানাং পুষ্পৈর্বরণনির্যাসেন চাঞ্জনম্| বৃহতীশিরীষবীজপ্রপৌণ্ডরীকনাগবলাচূর্ণং সত্পকৃত্বো মধুনা ভাবযেত্| তচ্চ স্রোতোঞ্জনসুবর্ণচূর্ণচূর্ণযুক্তমঞ্জনম্| নস্যধূমপ্রযুক্তে শিরিরুক্কফাস্ত্রাবঃ খেভ্যো রুধিরাগমনমিন্দ্রিযবৈকৃতং চ| তত্রাতিবিষাশ্বেতাকাকমাচীমদযন্তিকাকল্কক্ষীরসিদ্ধং সর্পির্নস্যে পানেচ বিদধ্যাত্| মদযন্তিকা-মল্লিকা| অভ্যঙ্গপ্রযুক্তে ত্বগ্দাহস্বেদপাকস্ফোটাবদরণানি| তত্র শীতাম্বুপরিপিক্তস্য চন্দনতগরোশীরকুষ্ঠবেণুপত্রিকাঽমৃতাসোমবল্লীশ্বেতাপদ্মকালীযকৈরনুলেপনম্| বেণুপত্রিকা-বাষ্পিকা| এতান্যেব চ সকপিত্থরসগোমূত্রাণি পানম্| গিরিকর্ণিকাশ্বেতামূলপ্রিযঙ্গুসারিবামধুকসর্পসুগন্ধামৃগৈর্বারুমূলানি শেলুক্বাথপিষ্টানি প্রলেপঃ| অনেনোদ্বর্তনোদ্ধর্ষণপরিষেকানুলেপনভূষণযানশয্যাস্তরণবস্ত্রকবচপাদুকোপানত্পাদপীঠা ব্যাখ্যাতাঃ| বিশেষতস্ত্বাভরণকৃতে বিকারেঽশ্বগন্ধাপামার্গকিণিহীখদিরশিরীষকল্কৈর্গোপিত্তসংযুক্তৈঃ প্রদেহঃ| পাদপীঠকৃতে শ্লেষ্মাতকসর্পসুগন্ধাকল্কো মধুযুক্তঃ| ছত্রপ্রযুক্তে স্ফোটানাং ক্ষিপ্রপাকানাং পব্কজাম্ববপ্রকাশানাং প্রাদুর্ভাবঃ| তত্র মধুকপাটলাকপাটলাকসেরুকরোধ্রাঞ্জনকুষ্ঠসর্পসুগন্ধাখদিরশিরীষকল্কৈর্গোপিত্তপ্রযুক্তৈঃ সর্ব গাত্রপ্রদেহঃ| অনেন চামরব্যজনে ব্যাখ্যাতে| শিরোঽভ্যঙ্গপ্রযুক্তে বেদনারন্থিজন্ম কেশচ্যবনং চ| তত্র শ্যামাপালিন্দীতন্দুলীযকচূর্ণধৃতর্ক্ষপিত্তৈঃ সুভাবিতা কৃষ্ণা মৃত্প্রলেপঃ| গোমযমালতীমূষিকপর্ণ্যন্যতমরসঃ কল্কো বাঽগারধূমো বা| শ্লেষ্মাতকরত্বক্পাটলাশিরীষমধূকহরিদ্রাদ্বযৈরজাক্ষীরালোডিতৈঃ পরিপেকঃ| অনেন শিরঃস্নানস্নপনোদককঙ্কতকস্ত্রগুষ্ণীষা ব্যাখ্যাতাঃ| কর্ণপূরণপ্রযুক্তে শোফশূলপাকাঃ শ্রোত্রবৈগুণ্যং চ্চ্| তত্র বহুপত্রাস্বরসো ধৃতক্ষৌদ্রযুক্তঃ কর্ণপূরণম্, সোমবল্কলরসো বা সুশীতঃ| মুখালেপপ্রযুক্তে মুখস্য শ্যাবতা পদ্মকণ্টকাশ্চ ভবন্ত্যভ্যঙ্গজাশ্চ বিকারাঃ| তত্র মধুকপয স্যাবন্ধুজীবফঞ্জীপুনর্নবাচন্দনৈঃ সধৃতৈর্লেপো মধুসর্পিষোঃ পানং চ| সবিষপুষ্পাধ্রাণাত্ শিরোনাসাব্যথা সাশ্রুনেত্রতা গন্ধাজ্ঞানং চ| তত্রানন্তরোক্তো বিধির্বাষ্পোদিতশ্চেতি| ভবতি চাত্র| ফলমূলচ্ছদাদীনাং দদ্যাত্প্রক্ষালনোদকম্| ভাজনব্যঞ্জানাং চ তথা কুর্যাদতন্দির্তঃ|| ঘ্রেযাণি ঘ্রাপযিত্বা তু স্পৃশ্যান্ সংস্পৃস্য তানপি| প্রতীবাপং ততো দত্বা প্রতীক্ষ্যৈবৈকনাডিকাম্|| ততো বিজ্ঞায শুদ্ধিং চ ভাজনস্যোদকস্য চ| আহারমুপযুঞ্জীত যথাবদ্বসুধাধিপঃ|| মন্দং তীক্ষ্ণবিষাভ্যাসে বিষমুত্তীর্যতে ভৃশম্| তস্মাত্তীক্ষ্ণবিষং হস্তে বধ্নীযাত্কুশলো ভিষক্|| বিষসন্ধারণং ধন্যং রক্ষোঘ্নং প্রীতিবর্দ্ধনং| অপি চ| সাপিধানঘটীমূটফলকস্থাপিতৌষধম্| প্রাগুদীচ্যোর্দিশোর্গুপ্তং ভৈষজ্যাগারমিষ্যতে|| ঘঠ্যাদীনি-মৃত্তৃণকাষ্ঠমযানি| উচ্চৈঃ প্রশস্তদিগ্দেশং বহুবাতাযনং মহত্| মহানসং সুসংমৃষ্টং বিশ্বাস্যজনসেবিতম্|| সদ্দ্বাঃস্থাধিষ্ঠিতদ্বারং কক্ষ্যাবত্সবিতানকম্| সুধৌতদ্দঢকুম্ভাদি পরিশুদ্ধজলেন্ধনম্|| স্বকর্মকুশলা দক্ষাঃ সূদাস্তত্রাপ্রমাদিনঃ| ক্লুপ্তকেশনখাঃ পিত্র্যা রাজ্ঞঃ কৃত্যৈরঙ্গতাঃ|| তেষামধিপতির্বিপ্রঃ কুলজঃ সিপরীক্ষিতঃ| সংবিভক্তশ্চ ভক্তশ্চ শুচির্বৈদ্যবশানুগঃ|| সংবিভক্তঃ-উদাসীনঃ| সর্বেঽপি ভূভৃদাসন্নাঃ শস্তাঃ সততমীদ্দশাঃ| মিথো বিগ্রহসঙ্ঘাতরহিতা ভূভৃতে হিতাঃ|| তান্ বৈদ্যো গুণবানেকো মনসা প্রতিজাগৃযাত্| ভূভৃদ্দেহোপকরণসংরক্ষণসমুদ্যতঃ|| অথাভ্যমিত্রং ব্রজতো জিগীষোর্বৈদ্যঃ সুসজৌষধশস্ত্রযন্ত্রঃ| তুঙ্গধ্বজাখ্যাতনিবাসভূমির্যুদ্ধাগতং যোধজনং চিকিত্সেত্|| পন্থানমুদকং ছাযাং ভক্তং যবসমিন্ধনম্| দূষযন্ত্যরযো যস্মাত্তদ্বিদ্যাচ্ছোধযেত চ| প্রস্থানং বা নিবেশং বা নাবিজ্ঞায প্রযোজযেত্| ভূবারিতৃণকাষ্ঠাশ্মমার্গন্ মার্গবনস্পতীন্|| বিষেণোপহতা ভূমিঃ ক্বচিদ্দগ্ধেবলক্ষ্যতে| প্রম্লানতৃণগুল্মাদির্মৃতকীটসরীসৃপা|| বিশীর্যন্তে খুরনখা দাহকণ্ডূরুজান্বিতাঃ| ছর্দির্মূর্চ্ছা জ্বরো মোহঃ শিরোদুঃখং চ জাযতে|| তত্র সৌভাঞ্জনান্মূলং বল্লীং সোমমুশীরকম্| মাতুলুঙ্গরসং হিঙ্গু পাযযেদ্দধিমাত্রযা|| বল্লীপ্রিযঙ্গুঃ| মূত্রাণ্যজাবিহস্তিভ্যো মাংসানি রুধিরাণি চ| সর্বগন্ধৈঃ সমাযোজ্য পচেত্পক্বে চ নিক্ষিপেত্|| সোমরাজীং সুনন্দাখ্যাং সরলাং গন্ধনাকুলীম্| চারটীং ত্রাযমাণাং চ প্রোক্ষযেত্তেন তাং ভুবম্|| সুনন্দাখ্যা-গোরোচনা| চারটী-পদ্মচারিণী| সবিষং বিরসং তোযং কোবিষ্ণং রাজিভিশ্চিতম্| ফেনিলং গুরু বিচ্ছিন্নং খগৈরনভিনন্দিতম্|| মৃতাকুলিতমত্স্যং চ স্পর্শাত্তচ্ছোফকণ্ডুমত্| ওদনঃ সাধিতস্তেন ভুক্তমাত্রো বিদহ্যাএ|| বিদগ্ধঃ পচ্যতে কৃচ্ছ্রাত্পব্কো মূর্চ্ছাজ্বরপ্রদঃ| দর্শযেত্সর্বতো নীলপীতকর্বুরলোহিতম্|| তত্র শিগ্র্বাদিমগদং ভূমিদোষোদিতং পিবেত্| অজশৃঙ্গীং বিশালাখ্যাং বিষঘ্নীমুত্তমারণীম্|| ফণিজ্জকং প্রতিবিষাং দগ্ধ্বা তদ্ভস্ম গালযেত্| বহুশো গালিতং তচ্চ পাচযেত্তত্র চ ক্ষিপেত্|| কল্কযেত্বা প্রতীবাপং সরলাং রজনীদ্বযম্| এলামুদীচ্যং মঞ্জিষ্ঠাং সুনন্দাং বাকুচীমপি|| পাত্যন্তে বিন্দবস্তস্মাদ্যত্র তন্নির্বিষীভবেত্|| পাটলাপারিভদ্রাশ্বকর্ণস্যামাক শিগ্রুকান্|| কলশান্তর্গতান্ দ্গ্ধ্বা প্রক্ষিপেত্সবিষেঽম্ভসি| শীতে ঘর্মো হিমশ্চোষ্ণে মারুতো বিষসংযুতঃ|| ভ্রমমূর্চ্ছাদিকারী চ শিগ্র্বাদিস্তত্র চেষ্যতে| দেবদারুনতানন্তামধুকাঞ্জনগৈরিকম্|| বজ্রকন্দং লতাং রোধ্রং বিকিরেত্ শ্লক্ষ্ণচূর্ণিতম্| বৃক্ষাগ্রেষু পতাকাসু দূষ্যেষু সুমহত্সু চ|| সর্বতশ্চূর্ণসম্পর্কান্নির্বিষো জাযতেঽনিলঃ| বিকৃতা ভবতি চ্ছাযা পাদপে বিষদূষিতে|| নির্গন্ধমতিগন্ধং বা তত্পুষ্পং হৃচ্ছিরোরুজম্| কুর্যাত্, ফলপলাশাদি কণ্ডূআকাতিসারকৃত্|| ভূমি মুদ্দিশ্য যত্প্রোক্তং তত্সর্বং তত্র শস্যতে| ন চ কন্যামবিদিতাং সংস্পৃশেদপরীক্ষিতাম্|| বিবিধান্ কুর্বতে যোগান্ কুশলাঃ খলু মানবাঃ| আজন্মবিষসংযোগাত্কন্যা বিষমযী কৃতা|| স্পর্শোচ্ছ্বাসাদিভির্হন্তি তস্যাস্ত্বেতত্পরীক্ষণম্| তদ্ধস্তকেশাসংস্পর্শান্ম্লাযতে পুষ্পপল্লবৈঃ|| শয্যাযাং মত্কুণৈর্বস্ত্রে যূকাভিঃ স্নানবারিণি| জন্তুভির্ম্রিযতে জ্ঞাত্বা তামেবং দূরতস্ত্যজেত্|| নাপ্রোক্ষিতং নাবিদিতং ভিষজা নানবিক্ষিতম্| নাপ্রাশিতং চ সূদাদ্যৈঃ কিঞ্চিদাহারযেন্নৃপঃ|| ধন্যং সর্বার্থসিদ্ধাখ্যং পাত্মরক্ষোবিষাপহম্| পরং চক্ষুষ্যমাযুষ্যং শত্রুঘ্নং বক্ষ্যতেঽঞ্জনম্|| অথ শুক্লপক্ষে পুণ্যেঽহনি পুষ্পপুনর্বসুহস্তচিত্রামৃগশিরঃ শ্রবণরেবতীশতভিষক্প্রাজাপত্যোত্তরাণামন্যতমেন নক্ষত্রেণ যোগমুপগতে ভগবত্যোষধিপতৌ প্রশস্তে মুহূর্তে সিন্ধুস্ত্রোতঃ সমুত্থং স্নিগ্ধং সপ্রভং গন্ধবর্ণচ্ছেদৈর্নীলিত্পলাভমঞ্জনমাহরেত্| তস্যাষ্টৌ ভাগাঃ, কনকরজতোদুম্বরাণামেকৈকো ভাগঃ, তত্সর্বং মূষাযাং প্রক্ষীপ্য, বলিমঙ্গলপূর্বকমগ্নিমুপসমাধায, খদিরকদরধবস্যন্দনান্যতমদারুভির্গোমযৈর্বা প্রজ্বালযেত্| ততশ্চার্যাবলোকিতেশ্বরমার্যতারাং ব্রহ্মদক্ষাশ্বিরুদ্রেন্দ্রাত্যসোমবরুণ- বৈশ্বানরবাযুবিষ্ণুজনকভরদ্বাজ্ধন্বন্তরিসুশ্রুতভবসুকন্যা-স্কন্দচ্যবনবৈনতেযানন্যাশ্চ যথাবিধ্যুক্তদেবতাঃ সুমনোঽক্ষতলাজাস্বস্তিকসংযাবনিস্তুষযবসংস্কৃতগুডধৃতমিশ্রপাযসৈরর্চযিত্বা,বৃদ্ধবৈদ্যব্রাহ্রাণাংশ্চ শুক্লবাসসো মহতীভির্দক্ষিণাভিঃ পূজযিত্বা, তস্মিন্নগ্নৌ তদঞ্জনং ধ্মাতং ধ্মাতমাবর্ত্য পৃথক্পৃথঙ্গিষেচযেত্| গোশকৃদ্রসমূত্রঘৃতদধিক্ষৌদ্রবসামজ্জতৈলমদ্যসর্বগন্ধাম্বুশর্করোদকেক্ষুরসেষু, তথা হরীতক্যামলকবিভীতককাশ্মর্যমৃদ্বীকাশৃঙ্গাটককসেরুকোত্পলনলিনসৌগন্ধিকমৃণা-লিকাক্বাথেষু, তথালাবকপিঞ্জলৈণশশহরিণকুলীররসেষু, তথা মধুকচন্দনকালানুসার্যনলদপদ্মকোশীরমঞ্জিষ্ঠানন্তাগৈরিককুঙ্কুমোদকেষু| কালানুসার্যং-শৈলেযম্| ততঃ শুক্লে বাসসি বদ্ধ্বা দ্বাদশরাত্রমান্তরিক্ষেঽম্ভসি বাসযেত্| তত্শ্ছাযাযাং বিশোষ্য স্ফটিকমুক্তাপ্রবালকালানুসার্যপ্রতীবাপং পুনরপি বলিমঙ্গলপূর্বকমহরবাসসা কন্যযা দ্দষদি পেষযিত্বা সুবর্ণরজততাম্রশঙ্খশৈলদ্বিরদরনগবলবৈডূর্যস্ফটিকমেষশৃঙ্গ্যসনসারান্যতমধটি-তাযামঞ্জনিকাযাং নিধাপযী| গবলং-মাহিষং শৃঙ্গম্| অথ পুনরপি পূর্ববত্কৃতস্বস্ত্যযনং সাবিত্রেণ কর্মণাঽথর্ববিদ্দ্বিজন্মনা বিধিবত্ তদভিসংস্কুর্যাত্| ততো গজস্কন্ধমারোপ্য পাণ্ডুরচ্ছত্রচামরবালব্যজনৈরনুগতং তথা শঙ্খদুন্দুভিস্বনৈর্দ্বিজাতিবরপ্রযুক্তৈশ্চ বেদবাদমিশ্রৈঃ পুণ্যাহঘোষৈঃ কৃতপুশ্পোহারং বৈদ্যগৃহান্নাযকগৃহমনুপ্রবেশযেত্| অনন্তরং চ তেন বিদেহাধিপোপদিষ্টেন সর্বার্থেষু সিদ্ধেনাঞ্জনেন যথোক্তানামেবাঞ্জনভাজনদ্রব্যানামন্যতমযা শলাকযা গোব্রাহ্রাণপূজাপূর্বকং শুচিঃ সনিযমো ভূত্বা ধারিণীমিমাং বিদ্যামধীযানঃ পূর্বমক্ষি দক্ষিণমঞ্জযেত্| নমশ্চক্ষুঃপরিশোধনরাজায তথাগতাযার্হতে সম্যক্সম্বুদ্ধায| তদ্যাথা ঊঁচক্ষুঃপ্রজ্ঞাচক্ষুর্জ্ঞানচক্ষুর্বিজ্ঞানচক্ষুর্বিশোধয স্বাহা| তত্ পরং তামেব ধারিণীমনুসংস্মরত্ সাযংপ্রতঃ প্রত্যহমেতেত্পরমং পবিত্রমারোগ্যকরমূর্জস্করং সর্ব বিঘ্নহরমঞ্জানমশ্বিভ্যামিন্দ্রস্য বৃত্রবধাভ্যুদ্যতস্য প্রাক্প্রকল্পিতম্| ত স্মাদেতদ্রাজ্ঞাং রাজমহামাত্রাণাং চ মহীং বিজিগীষমাণানাং ব্রাহ্রাণানাং চ বেদাধ্যযনমন্যদ্বা মহচ্ছাস্ত্রমবগাহমানানাং প্রসন্নমনা ভিষক্ প্রকল্পযেদিতি| ভবন্তি চাত্র| অথ যোগাঃ প্রবক্ষ্যন্তে বৃহস্পতিকৃতাঃ| শিবাঃ| যান্ সেবমানো নৃপতিঃ শত্রুভ্যো নৈতি বঞ্চনম্|| বিল্বাঢকীযবক্ষারপাটলাবাষ্পিকোষণাঃ| শ্রীপর্ণীশল্লকীযুক্তা নিষ্ব্কাথঃ প্রোক্ষণং পরম্|| আঢকী-সৌরাষ্ট্রী| সবিষং প্রোক্ষিতং তেন সদ্যো ভবতি নির্বিষম্| যবসেন্ধনপানীযবস্নশয্যাসনৌদনম্|| কবচা ভরণচ্ছত্রবালব্যজনবেশ্ম্ চ| শেলুপাটল্যতিবিষাশিগ্রুগোপীপুনর্নবম্|| সমঙ্গাবৃক্ষমূলত্বক্কপিত্থবৃষশোণিতম্| সহদন্তশঠং তদ্বত্প্রোক্ষণং বিষনাশনম্|| শোণিতং-কুঙ্কুমম্| লাক্ষাপ্রিযঙ্গুমঞ্জিষ্ঠাসমঙ্গালহরেণুকাঃ| সযষ্ট্যাহ্বা মধুযুতা বভ্রুপিত্তেন কল্কিতাঃ|| নিখনেদ্গোবিষাণস্থাঃ সপ্তরাত্রং মহীতলে| ততঃ কৃত্বা মণিং হেম্না বদ্ধং হস্তেন ধারযের্|| সংসৃষ্টং সবিষং তেন সদ্যো ভবতি নির্বিষম্| বভ্রুঃ-নকুলঃ| মনোহ্বালশমীপুষ্পত্বঙ্নিশাশ্বেতসর্ষপাঃ|| কপিত্থকুষ্ঠমজিষ্ঠাঃ পিত্তেন শ্লক্ষ্ণকল্কিতাঃ| শুনো গোঃ কপিলাযাশ্চ সৌম্যা খ্যোঽযং বরোঽগদঃ|| বিষজিত্পরমং কার্যো মণিরত্রচপূর্ববত্| মূষিকাঽজরুহা বাপি হস্তে বদ্ধা বিপাপহা|| হরেণুমাংসীমঞ্জিষ্টারজনীমধুকং মধু| অক্ষত্বক্ সুরসং লাক্ষা শ্বপিত্তং পূর্ববন্মণিঃ|| বাদিত্রাণি পতাকাশ্চ পিষ্টৈরেভিশ্চলেপিতাঃ| শ্রুত্বা দ্দষ্বা তমাঘ্রায সদ্যো ভবতি নির্বিষঃ|| ত্র্যূষণং পঞ্চলবণং মঞ্জিষ্ঠাং রজনীদ্বযম্| সূক্ষ্মৈলাং ত্রিবৃতাং পত্রং বিডঙ্গানীন্দ্রবারূণীম্|| মধুকং চেতি সক্ষৌদ্রং গোবিষাণে নিধাপযেত্| তস্মাদুষ্ণাম্বুনা মাত্রাং প্রাগ্ভক্তাং যোজযেত্তথা|| বিষং ভুক্তং জরাং যাতি নির্বিষেঽপি ন দোষকৃত্| জতুসর্জরসোশীরসর্ষপাপাত্রবালকৈঃ|| সবেল্লারুষ্করপুরৈঃ কুসুমৈরর্জুনস্য চ| ধূপো বাসগৃহে হন্তি বিষং স্থাবরজঙ্গমম্|| ন তত্র কীটাঃ সবিষা নোন্দুরা ন সরীসৃপাঃ| ন কৃত্যাঃ কার্মণাদ্যশ্র ধূপোঽযং যত্র দহ্রাতে|| শিখিপিচ্ছং বলাকাস্থি সর্ষপাশ্চন্দন ঘৃতম্| ধূপো বিষঘ্নঃ শযনবসনাসনগেহগঃ|| বিশালাব্যোষমঞ্জিষ্ঠাযষ্টীলবণপঞ্চকম্| দ্বিনিশাপত্রবেল্লৈলাত্রিবৃচ্চূর্ণং সমাক্ষিকম্|| পূর্বোক্তং ত্র্যূষণাদিং চ স্নানীযেঽম্ভসি যোজযেত্| ক্বাথোঽথবাঽর্ককুসুমশ্বেতাপামার্গসর্ষপৈঃ|| সদধ্যাজ্যঃ কৃতো যুক্তৈঃ কামাতানাকুলীযকৈঃ| কল্কো বা চন্দনক্ষীরিপলাশদ্রুমবল্কলৈঃ|| মূর্বৈলবালুসুরসানাকুলীতন্দুলীযকৈঃ| ক্বাথঃ সর্বোদকার্যেষু কাকমাচীযুতৈর্হিতঃ|| রোচনাপত্রনেপালীকুঙ্কুমৈস্তিলকং বহন্| বিষৈর্ন বাধ্যতে স্যাঞ্চ নারীনরনৃপপ্রিযঃ|| চূর্ণৈর্হদ্রামঞ্জিষ্ঠাকিণিহীকণনিম্বজৈঃ|| দিগ্ধং নির্বিষতামেতি গাত্রমিত্যাহ গৌতমঃ|| নস্যপানাসানালেপৈর্যুঞ্জ্যাত্সঞ্জীবনাদিকান্| অগদান্ বিষজগ্ধস্য তীক্ষ্ণানি দমনানি চ|| অগদান্-বিষতন্ত্রোক্তান্| পিপ্পলীমধুকক্ষৌদ্রশর্করেক্ষুরসৈঃ সহ| বিরেচনং শিরামোক্ষং প্রপ্তং বিস্রাবণং যদি|| হ্রদযাবরণং কার্যং প্রাগেবামিত্রমধ্যগঃ| পিবেদ্ধৃতমজেযাখ্যমমৃতং বাঽপ্যভুক্তবান্|| অজেযামৃতে-বিষতন্ত্রোক্তে| সর্পিঃ ক্ষৌদ্রং দধি ক্ষীরমন্ততঃ শীতলং জলম্|| অন্ততঃ-অন্তে সর্বাভাবে, অত এব পূর্বেষু পূর্বাভাবে পরমিত লভ্যতে| সিতামধুকপালিন্দীকল্কবন্মাংসমিষ্যতে|| গোধাহরিণবভ্রূণাং সকণাশুণ্ঠি পার্ষত্তম্| সনাগরং সাতিবিষং শিখিনঃ সসিতোফলম্|| সুশীতাঃ সঘৃতাশ্চৈষাং যথাস্বং কল্পিতা রসাঃ| ইথ্যং বিষগরাদিভ্যো রক্ষেদ্বৈদ্যো নরেশ্বরম্| স্যাত্তদুচ্ছেদ উচ্ছেদঃ প্রজানাং সর্বকর্মণাম্|| আজ্ঞাধৈর্যক্ষমাত্যাগা মানুষত্বেঽপ্যমানুষাঃ| যদ্রাজ্ঞঃ কর্মভিস্তস্মাদারাধ্যোঽসাবতীন্দ্রিযৈঃ|| যত্র সাক্ষান্নৃপস্তত্র নিজ্ঞাতঃ প্রবিশেদ্ভিষক্| ন সম্মতোঽপ্যনুচিতং যানস্থানাসনং ভজেত্|| উচিতং পুরতো রাজ্ঞস্তিষ্ঠেদ্বাক্যং চ নাক্ষিপেত্| অহীনকালং রাজার্থং, স্বার্থং প্রিযহিতৈঃ সহ|| দেশে কালে পরার্থং চ বদেদ্ধর্মার্থসংহিতম্| নানুশিষ্যাদপৃচ্ছন্তং মহদেতদ্ধি সাহসম্|| নাচরেদহিতেনৈনং মূলোচ্ছেদকরং হি তত্| অনুকূলং হিতং বাচ্যমহিতাদ্বারযেন্মিথঃ|| উদারৈঃ সান্ত্বথন্বাক্যৈর্দোষশ্চেত্তদুপেক্ষযা| তূষ্ণীং বা প্রতিবাক্যে স্যাদ্বর্জযেদ্দ্বেষ্যসঙ্কথাম্|| বিপশ্চিদপ্যচিত্তজ্ঞো বালশোঽপি তু ভাববিত্| অতিপ্রিযোঽপি দ্বেষ্যোঽপি যাত্যাশু বিপরীততাম্|| নিবেদ্য রাজ্ঞে কুর্বীত কার্যাণি সুলঘূন্যপি| ন যাযান্ন চিরং তিষ্ঠেত্কোশস্থানাবরোধযোঃ|| স্বল্পেঽপি দর্শযে ত্তুষ্টিং লাভেঽনুদ্ধতমানসঃ| মিথঃ কথনমন্যেন কৌলীনং দ্বন্দ্ববাদিতাম্|| বস্ত্রাদি রাজ্ঞঃ সদ্দশং রাজলীলাং চ বর্জযেত্| দত্তং যত্তু নৃপেণৈব তদ্ধার্য তুষ্টিবৃদ্ধযে|| হসিতব্যে স্মিতং কুর্যাত্প্রভোরেবানুবৃত্তিতঃ| উচ্যমানেঽবলম্বেত পরমর্মণি মূকতাম্|| স্বমর্মণি তু বাধির্যং ধৈর্যমাধুর্যসৌষ্ঠবম্| অত্যাযাসেন নাত্মানং কুর্যাদতিসমুচ্ছ্রিতম্|| পাতো যথা হিদুঃখায নোচ্ছ্রাযঃ সুখকৃত্তথা| আসন্নসেবা নৃপতেঃ ক্রীডাশস্ত্রাহি পাবকৈঃ|| কৌশলেনামহতা বিনীতৈঃ সা নিরুধ্দ্যতে| প্রাপ্য দুষ্প্রাপমৈশ্বর্যং বহুমানং চ ভূপতেঃ|| যথোপযুঞ্জীত চিরং তথাস্যাদপ্রমাদবান্| বিদধ্যাত্পরিতঃ শয্যাং রক্ষামন্ত্রাভিমন্ত্রিতান্|| রাত্রৌ সিদ্ধার্থকান্ ভূতিমক্ষতৈরন্বিতাং শুচিম্| রক্ষাশক্তিং তথোচ্ছীর্পে সযবাঙ্কুরযাবকাম্| সদূর্বং পূর্ণকলশং সপুষ্পফলপল্লবম্| উপহারং চ সন্ধ্যাযাং ভুক্ত্বা চান্তে নিশাসু চ|| এতস্বস্ত্যনং কর্ম কর্তব্যং শুচিনা শুচেঃ| আযুষ্যং পৌষ্টিকং ভূতবিষকার্মণপাপ্মজিত্|| সঙ্ক্ষেপ এষবিষপালনসাধনায প্রোক্তস্তু বিস্তরবিধিঃ পুনরুত্তরেষু| আলোচ্য সম্যগখিলং মতিপূবকারী যুঞ্জীত তত্পরিকলয্যবিকারচিহ্নম্|| ইতি বিষগররক্ষোণাযোপদেশং ভজতি নরপতির্যো নিত্যমেবাপ্রমত্তঃ| নিজপররিপুবৃন্দৈপ্রধৃষ্যো মহাত্মা স জনযতি জনানাং ক্ষেমযোগৌ চিরায|| "ইতি|

সর্বাঙ্গসুন্দরী ব্যাখ্যা ( কৃত)

স০-বিষভুক্তায পুংসে ঊর্ধ্বমধশ্চ শুদ্ধায কালে সূক্ষ্মং- অতিশ্লক্ষ্ণং তাম্রচূর্ণং সমাক্ষিকং দদ্যাত্| কিম্ভূতম্? হৃদ্বিশোধনং,- হৃদযশুদ্ধযে ইত্যর্থঃ| বিষভুক্তাযেতি 'আহিতাগ্ন্যাদিত্বাত্' পরনিপাতঃ| কাল ইত্যুপলক্ষণম্| দেশসাত্ম্যাগ্ন্যাদীন্ ব্যপেক্ষেতেত্যর্থঃ| শুদ্ধে হৃদে-স্বলিঙ্গে জ্ঞাতে, ততঃ-অনন্তরং, হেমচূর্ণস্য শাণং-কর্ষচতুর্থাংশং, দাপযেত্|

আযুর্বেদরসাযনম্ ব্যাখ্যা ( কৃত)

আ০ র০- কৃতপূর্বোক্তোপচারস্য বিষশেষশঙ্কানিবৃত্যর্থমুপচারমাহ-বিষভুক্তাযেতি| শুদ্ধাযেতি পুনরপি কৃতবমনবিরেচনায| কালে-ঔষধকালে, সংসর্জনক্রমানন্তরমিত্যর্থঃ| হৃদ্বিশোধনং-হৃদযস্থিতবিষনির্হরণং, তাম্রচূর্ণং প্রযোজযেত্| ততঃ-কর্ষচতুর্থাংশম্,হেমচূর্ণমদ্যাত্|

সর্বাঙ্গসুন্দরী ব্যাখ্যা ( কৃত)

স০- হেম পিবতীতি-হেমপঃ, তস্যাঙ্গে বিষং ন সজ্জতে| কথম্? পদ্মপত্রে জলমিব| তস্য চ হেমপস্য বিস্তীর্ণমাযুর্জাযতে| এষ বিধির্গরেঽপি স্মৃতঃ, যো বিষ উক্তঃ| সজ্জত ইত্যত্রাত্মনেপদং চিন্ত্যম্|

আযুর্বেদরসাযনম্ ব্যাখ্যা ( কৃত)

আ০ র০- সুবর্ণপ্রযোগফলমাহ-ন সজত ইতি| হেমং পিবতীতি-হেমপঃ, তস্যাঙ্গে বিষং ন সজতে-সঙ্গং ন গচ্ছতি, বিপুলং চাযুর্জাযতে| সজ্জত ইতি পাঠে সঙ্গার্থকষঞ্জেরাত্মনেপদত্বং চিন্ত্যম্| বিষোক্তবিধিং গেরেঽপ্যতিদিষতি-গরেঽপ্যেষ ইতি| গরংকৃত্রিমং বিষম্| "গৌণমুখ্যযোর্মুখ্যে কার্যসম্প্রত্যযঃ" ইতি ন্যাযাত্ গরে বিষবিধেরপ্রাত্পত্বাদতিদেশঃ|

সর্বাঙ্গসুন্দরী ব্যাখ্যা ( কৃত)

স০-বিরুদ্ধং চাহারং বিষগরোপমং বিদ্যাত্| বিষগরবদ্বিরুদ্ধাহারা অপি ব্যাধিমৃত্যুহেতব ইত্যর্থঃ| তথা চোক্তং সঙ্হ্গ্রহে(সূ.অ.৯)-"বিস্ফোটগুল্মমদবিদ্রধিমেহযক্ষ্মতেজোবলস্মৃতিমতীন্দ্রযচিত্তনাশম্| কুর্যাদ্বিরুদ্ধমশনং জ্বরমস্রপিত্তমষ্টৌ গদাংশ্চ মহতো বিষবচ্চ মৃত্যুম্|" ইতি|

আযুর্বেদরসাযনম্ ব্যাখ্যা ( কৃত)

আ০ র০- অথ বিরোধাদন্নপাঅনক্ষা| বিরুদ্ধান্নস্য দোষহেতুত্বমাহ-বিরুদ্ধমপীতি| বিরুদ্ধং-সংযোগাদিবিরোধবত্| কস্যচিদ্বিরুদ্ধাহারস্য বিষবত্সদ্যো নাশকত্বাত্ কস্যচিদ্গবত্কালান্তরনাশকত্বাদ্রোগজনকত্বাচ্চোপমানদ্বযমুক্তম্| উক্তং চ সঙ্গ্রহে( সূ. অ. ৯ ) "বিস্ফোটগুল্মমদবিদধিশোফয-ক্ষ্মতেজোবলস্মৃত্তিমতীন্দ্রিযবিত্তনাশান্| কুযাদ্বিরুদ্ধমশনং জ্বরমস্রপিত্তমষ্টৌ গদাংশ্চ মহতো বিষবচ্চ মৃত্যুম্|| " ইতি "| বিরোধশ্চ সপ্তধা,-সংযোগসংস্কারমাত্রাদেশকালাবস্থাস্বভবভেদাত্| সংযোগস্ত্রিধা,- বলবদ্গুণানাং সাম্যত্ বৈষম্যাত্ সাম্যবৈষম্যাভ্যাং চ| এবং নব ভেদাঃ| নে চ সোদাহরণাঃ সঙ্গ্রহে দর্শিতাঃ (সূ. অ. ৯)- " বলিনাং মিথা গুণানাং বিষমতযা সমতযাঽপ্যুভযথাঽপি| সংস্করদিবশাদপি ভবতি নিসর্গাদপি বিরোধঃ|| ক্ষীরং কুলত্থৈঃ পনসেন মত্স্যৈস্তপ্তং দধি ক্ষৌদ্রঘৃতে সমাংশে| বার্যূষরে রাত্রিষু সক্তবশ্চ তোযান্তরাস্তে যবকাস্তথা চ||" ইতি| তে চ বক্ষ্যমাণেষু স্ববুদ্ধযা বিবেচনীযাঃ|

সর্বাঙ্গসুন্দরী ব্যাখ্যা ( কৃত)

স০-আমিষং-মাংসং, আনূপং-মহামৃগবারিচরবারিশযাখ্যং, মাষাদিভিঃ সপ্তভিঃ সহ বিরুধ্যতে| আনূপেষ্বপি মধ্যে বিশেষাত্-অতিশযেন, পযসা সহ মত্স্যা বিরুধ্যন্তে| যতো মত্স্যক্ষীরে স্বাদুরসবিপাকিত্বান্মহাভিষ্যন্দিনী, শীতোষ্ণযোগাচ্চ পরস্পরবিরুদ্বে| মস্ত্যেষ্বপি চিলীচিমাখ্যো মত্স্যঃ পযসা সহাত্যন্তবিরুদ্ধঃ| স পুনঃ শকলী লোহিতাক্ষঃ সর্বতো লোহিতরাজিঃ প্রাযো ভূমৌ চরতি, সোঽত্যভিষ্যন্দিতমত্বাত্সুতরাং বিরুদ্ধঃ| এষ চাহারোঽনির্দিষ্টবিকারকারী যথোক্তান্ বিস্ফোটাদীন্ করোতি| কালান্তরেণ চ চিকিত্সাং বিনা প্রাণানপি হরতি| কশ্চিচ্চ বিরুদ্ধাহারো নির্দিষ্টবিকারকারী| যথা "উপোদকাঽতিসারায" ইতি|

আযুর্বেদরসাযনম্ ব্যাখ্যা ( কৃত)

আ০ র০- তত্রানূপমাংসস্য ভাষাদির্ভিদির্বিরোধমাহ-আনূপমামিষমিতি| বিরূঢকং-অঙ্কুরিতং ধান্যম্| মাষাদিষ্বে কেনাপি বিরোধো জ্ঞেযঃ| যদাহ খারণাদিঃ-"গুডমাষতিল ক্ষীরবিরূঢবিসমূলকৈঃ| গ্রাম্যানূপৌদমাংসানি ত্বেকেনাপি বিরুধ্যতে||" ইতি| বিরোধশ্চৈকধ্যমভ্যবহারে নতু ক্রমেণ| যদাহ সুশ্রুতঃ (যদুক্তং সঙ্গ্রহে সূ. অ. ৯, চরকে চ সূ. অ. ২৬|৮৬) "গ্রাম্যানূপৌদকপিশিতানি মধুগুডতিলপযোমাষমূলকবিসবিরূঢকৈশ্চ নৈকধ্যমদ্যাত্|" ইতি| উক্তেষ্বপি মত্স্যপযসোর্বিশেষাদ্বিরোধঃ| ততোঽপি পযশ্চিলীচিমযোঃ|

সর্বাঙ্গসুন্দরী ব্যাখ্যা ( কৃত)

স০-অম্লং দ্রব্যং পযসা সহ সর্বং বিরুদ্ধম্| সর্বগ্রহণং দ্রবাদ্রবগ্রহণার্থম্| দ্রবং-কাঞ্জিকাদি, অদ্রবং-চুক্রিকাদিকমিত্যর্থঃ| অন্যথা পযসো দ্রবসমানজাতীযত্বাত্ কাঞ্জিকাদ্যেব দ্রবদ্রব্যং বিরুধ্যেত, ন চুক্রিকাদিকমপি| ননু, তৃতীযযৈব সহার্থো লব্ধ এব| যথা-"বারাহং শ্বাবিধা নাদ্যাত্" ইত্যত্র| ততঃ কিং সহশব্দেন| সত্যমেতত্| সহগ্রহণং তু নিযমার্থম্| সহৈকধ্যমম্লেনোপযুজ্যমানং বিরুদ্ধম্| যদা ত্বম্লেন গোরসাদিনা ক্ষীরশাকসংজ্ঞব্যঞ্জনকরণার্থং পযঃ সংস্ক্রিযতে তদা তস্য দ্রব্যান্তরত্বাপত্তের্বিরোধো নাস্তি| তথা, দধিক্ষীরাদিনা ঘৃতং পচ্যতে তত্রাঽপ্যবিরোধ এব, দ্রব্যান্তরত্বাত্| পূর্বস্যাঽপি সহশব্দস্যৈবং প্রাযমেব প্রযোজনমভ্যূহ্যমিতি| অপি চ, ক্ষীরে ভুক্তে উত্তরকালমপ্যম্লং ন ভোজ্যমিতি প্রতিপাদনার্থং চ সহগ্রহণম্| তথা চোক্তং সঙ্গ্রহে (সূ.অ.)-"সর্বং চাম্লং পযসা সহৈকধ্যং তদুত্তরং বা বিরুদ্ধম্" ইতি| ফলং তথেতি| ফলং-অক্ষোডাদি চ, পযসা সহ বিরুদ্ধম্| সর্বশব্দঃ সর্বত্র ন সম্বন্ধনীযঃ, যতো ন সর্বং ফলং পযসা সহাভ্যবহর্তুং বিরুদ্ধম্| অপি তু কিঞ্চিদেব| তথা চ মুনিঃ পরিসংখ্যযৈবাঽপঠত্(চ.সূ.অ.২৬|৮৬)- "তথাঽঽম্রাম্রাতকলকুচকরমর্দমোচদন্তশঠবদরকোশাম্রভব্য জাম্ববকপিত্থতিন্তিডীকপালেবতাক্ষোডপনসনারিকেরদাডিমামলকান্যেবং প্রকারাণি চান্যানি" ইতি| তস্মান্ন সর্বং ফলং পযসা সহাভ্যবহর্তুং বিরুদ্ধম্, কিন্তু মুন্যুক্তমেব| তদ্বদিতি ফলবত্, কুলত্থাদযঃ পযসা সহ বিরুদ্ধাঃ| বরকো-ব্রীহিভেদঃ, "বরকোদ্দালক" ইতি প্রাগুক্তেঃ (হৃ.সূ.অ.৬|৯)| বল্লমকুষ্টকৌ শিম্বীধান্যবিশেষৌ| উপলক্ষণং চেদম্| 'মাষনিষ্পাবাবপি' হি বিরুদ্ধৌ পযসা সহেতি সঙ্গ্রহে (সূ.অ.৯) কথিতম্|

আযুর্বেদরসাযনম্ ব্যাখ্যা ( কৃত)

আ০ র০- অম্লাদিভিঃ পযসো বিরোধমাহ-বিরুদ্ধম্ম্লমিতি| সর্বমম্লং-দ্রবমদ্রবং চ, পযসা সহ বিরুদ্ধম্| সহভাবোঽত্র পযস উত্তরমপি সেবিতেনাম্লেন জ্ঞেযঃ| উক্তং হি সঙ্গ্রহে (সূ. অ. ৯)- " সর্বং চাম্লং *পযসৈকধ্যং তত উত্তরং বা বিরুদ্ধম্|" ইতি| তথা সর্বং ফলং-অম্লমনম্লং চ| তদ্বত্কুলত্থাদযঃ| বরকো-ব্রীহিভেদঃ| কঙ্গুঃ-প্রিযঙ্গুঃ| বল্লঃ-নিষ্পাবঃ| মকুষ্টঃ-কলাযভেদঃ| সুশ্রুতস্ত্বাহ (সূ. অ.২০/৮)- "বল্লীফলকবককরীরাম্লফললবণকুলত্থপিণ্যাক-দধিতৈলানূপৌদকবিরোহিশুষ্কশাকাজাবিকমাংসদ্যজাম্বব-চিলীচিমমত্স্যগোধবরাহমাষাংশ্চ নৈকধ্যমশ্নীযাত্ পযসোঽন্তে বা|" ইতি|

সর্বাঙ্গসুন্দরী ব্যাখ্যা ( কৃত)

স০-ভক্ষযিত্বেতি| হরিতকং মূলককুঠেরাদি ভুক্ত্বা পযস্ত্যজেত্, ন পুনঃ শাকং মূলকাদি স্নিগ্ধস্বিন্নং শাকসাধনেন সাধিতং ভুক্ত্বা ক্ষীরং ন ভক্ষযেত্| এতস্মাদেব চ জ্ঞাপকাত্ মূলকাদীনামুভযরূপত্বং বেদ্যম্, হরিতকত্বং শাকত্বং চ| তথা চ মূলকাদীনাং যদি শাকত্বপ্রসিদ্ধিরেবাঽভবিষ্যত্, ততো "হরিতকং মূলকাদি ভক্ষযিত্বা" ইতি তন্ত্রকৃন্নাবক্ষ্যত্| তস্মান্মূলকস্য হরিতকত্বং শাকত্বং চ জ্ঞেযম্| লশুনেন সহ ক্ষীরস্য প্রযোগো য উক্তঃ (হৃ.চি.অ.৯৪|৪৫)-"সাধযেচ্ছুদ্ধুশুষ্কস্য লশুনস্য চতুঃপলম্|" ইতি| স ন বিরুদ্ধঃ, অগ্ন্যাদিসম্পর্কাদ্রব্যান্তরত্বাপত্তেঃ|

আযুর্বেদরসাযনম্ ব্যাখ্যা ( কৃত)

আ০ র০- পযোহরিতকযোর্বিধমাহ-ভক্ষযিত্বেতি| হরিতকাখ্যং শাকং ভক্ষযিত্বা পযো ন পেযম্| কস্য শাকস্য হরিতকসংজ্ঞা? ইত্যপেক্ষাযামাহ-মূলকাদি,-মূলকাদারভ্য শাকবর্গোক্তং হরিতকসংজ্ঞমিত্যর্থঃ|

সর্বাঙ্গসুন্দরী ব্যাখ্যা ( কৃত)

স০-শ্বাবিধা-সেধামাংসেন সহ, বারাহং মাংসং নাদ্যাত্| অগ্রেঽপি নাদ্যাদিতি ক্রিযাযোগো যাবত্ত্যজেদিতি ক্রিযান্তরম্| পৃষতকুক্কুটৌ দধ্না সহ নাদ্যাত্| আমানি-অপক্বানি মাংসানি পিত্তেন সহ| মাষসূপেন সহ মূলকম্| আবিং-মেষং, কুসুম্ভশাকেন সহ| বিরূঢকং-অঙ্কুরিতধান্যং, বিসৈঃ সহ| মাষসূপাদীনামন্যতমেন সহ লকুচফলম্| কদল্যাঃ ফলং তক্রেণ সহ, দধ্না বা, তালফলেন বা| কণোষণাভ্যাং সহ কাকমাচীম্, কেবলেন মাক্ষিকেণ সহ কাকমাচীম্, গুডেন বা সহ কাকমাচীম্, মত্স্যাঃ পচ্যন্তে যস্মিন্ ভাণ্ডে তত্র বা সিদ্ধাং কাকমাচীম্, নাদ্যাত্| নাগরস্য বা পচনে-শুণ্ঠীপাকভাণ্ডে সিদ্ধাং কাকমাচীম্, তথাঽন্যত্র বা ভাজনে যথারুচিসিদ্ধাং কামাত্তাং কাকমাচীং, রত্রিমুষিতাং-পর্যুষিতাং, নাদ্যাত্|

আযুর্বেদরসাযনম্ ব্যাখ্যা ( কৃত)

আ০ র০- বারাহশ্বাবিধোর্বিরোধমাহ- বারাহমিতি| শ্বাবিত্-সূচীসদ্দশরোমা| দধিপৃষতযোর্দধিকুক্কুটযোশ্চ বিরোধমাহ-দধ্নেতি| পিত্তামমাংসযোর্বিরোধমাহ-আমমাম্সানীতি| আমমাংসানি-অপক্বমাংসানি| মাষসূপমূলকযোর্বিরোধমাহ-মাষসূপেনেতি| অবিকুসুম্ভশাকযোর্বিরোধমাহ-অবিমিতি| বিসাঙ্কুরিতধান্যযোর্বিরোধমাহ-বিসৈরিতি| লকুচফলস্য মাষসূপাদিভির্বিরোধমাহ-মাষসূপেত্যাদি| আজ্যং-ধৃতম্| "ফলং তথা" ইতি ক্ষীরেণ সহ বিরোধে সিদ্ধে পুনঃ ক্ষীরগ্রহণং প্রাক্পশ্চাদ্বা বিরোধার্থম্| তথা চ সুশ্রুতঃ (সূ. অ. ২০১১৩)- "লকুচফলং দধ্না পযসা মাষসূপেনপ্রাক্পশ্চাদ্বা পযসা সহ বা বিরুদ্ধম্|" ইতি| কদলীফলস্য তক্রাদিভির্বিরোধমাহ-ফলং কদল্যা ইতি| কাকমাচ্যাঃ কণাদিভির্বিরোধমাহ-কণোষণাভ্যামিতি| পিপ্পলীমরিচাভ্যাং মিলিতাভ্যাম্, কণোষণাভ্যামিতি সমাসকরণাত্| ছন্দোনুরোধাত্সমাস ইতি চেত্ ন| "পিপ্পলীমরিচাভ্যাং মধুনা গুডেন বা কাকমাচীম্|" ইতি সঙ্গ্রহেঽপি (সু. অ. ৯)| গুডমধুভ্যাং পৃথক্, সমাসাকরণাত্| পাত্রবিশেষসংস্কারাত্কাকমাচ্যা বিরোধমাহ-সিদ্ধাং বেতি| মত্স্যাঃ পচ্যন্তে যস্মিন্ পাত্রে তত্-মত্স্যপচনম্| নাগরস্য পচনে-শুণ্ঠীপচনে| কাকমাচ্যাঃ পর্যুষিতত্বাদ্বিরোধমাহ-সিদ্ধামন্যত্র বেতি| কামাতা-কাকমাচী| অন্যত্র বা পাত্র ইতি পাত্রবিশেষনিবৃত্যর্থম্, যত্র ক্বাপি পাত্রে সিদ্ধা সতী পর্যুষিতা বিরুদ্ধেত্যর্থঃ|

সর্বাঙ্গসুন্দরী ব্যাখ্যা ( কৃত)

স০- মত্যানিস্তল্যন্তে- ভৃজ্যন্তে, যেন স্নেহেন সহ- মত্স্যনিস্তলস্নেহঃ, তত্র সাধিতাঃ পিপ্পলীস্ত্যজেত্, বিরুদ্ধত্বাত্| নাদ্যাদিতি প্রকৃতেঽপি ত্যজেদিতি বচনং ন কেবলং নাদ্যাত্, লেপাদিকমপি ন কুর্যাদিতি প্রতিপাদনার্থম্| উত্তরত্রাপি ত্যজেদিত্যস্যানুবৃত্তাবেতদেব তাত্পর্যম্| কাংস্যপাত্রে দশরাত্রমুষিতং সর্পিস্ত্যজেত্| দশাহাদর্বাগবিরুদ্ধমেব| অরুষ্করে- ভল্লাতকবিষযে, উষ্ণং- অন্নপানাদিকং ত্যজেত্| তথা, "পেযং নোষ্ণোপচারেণ" ইত্যনেন মদ্যস্যোষ্ণং নিষিদ্ধং| তথা, "উষ্ণমুষ্ণার্তমুষ্ণে চ যুক্তং চোষ্ণৈঃ "ইতি মাক্ষিকস্য| তথা, দধ্নো-"নৈবাদ্যান্নিশিনৈবোষ্ণং বসন্তোষ্ণ" ইত্যাদিভিঃ| তস্মান্মধুমদ্যদধিভল্লাতকেষ্বপ্যুষ্ণং বিরুদ্ধমিত্যত্রাচার্যো যুক্ত্যা প্রত্যপাদযত্| সঙ্গ্রহে তু স্পষ্টং কৃত্বোক্তং (সূ. অ. ৯)-"মদ্যমধুদধিভল্লাতকেষু চোষ্ণং|" ইতি|

আযুর্বেদরসাযনম্ ব্যাখ্যা ( কৃত)

আ০ র০- স্নেহবিশেষসংস্কারাত্পিপ্পল্যা বিরোধমাহমত্স্যনিস্তলনেতি| মত্স্যা নিস্তল্যন্তে ভৃজ্যন্তে, যেন স্নেহেন সঃ-মত্স্যনিস্তলনঃ| পাত্রকালবিশেষসংস্কারাত্সর্পিষো বিরোধমাহ-কাংস্যে দশাহমিতি| কাংস্যে-কাংস্যপাত্রে| দশাহং- দশাহোরাত্রান্| উষ্ণারুষ্করযোর্বিরোধমাহ-উষ্ণং ত্বিতি| উষ্ণস্পর্ষং দ্রব্যং ভল্লাতকে প্রযুজ্যমানং বিরুদ্ধম্|

সর্বাঙ্গসুন্দরী ব্যাখ্যা ( কৃত)

স০- ভাসঃ-পক্ষিবিশেষঃ শূল্যো বিরুধ্যতে, শূলে সংস্কৃতো ভাসঃ কৃতপক্তির্বিরুধ্যত ইত্যর্থঃ| শূল্য ইতি "শূলোখাদ্যত্" ইতি যত্| কম্পিল্লস্তক্রসাধিতো বিরুধ্যতে| সঙ্গ্রহে চাতোঽধিকমপ্যুক্তম্| যথা (সূ.অ.৯)-"সৌবীরেণ তিলশষ্কুলী| ক্ষীরেণ লবণম্| নবনীতেন শাকম্| নবপুরাণমামপক্বং চৈকধ্যম্| তথা সলিলাবগাহঃ সহসোষ্ণাভিতপ্তস্য ত্বগ্দৃষ্ট্যপঘাতায তৃষ্ণাতিবৃদ্ধযে চ| তথৈব পযঃপানং রক্তপিত্তায| শরীরেণাঽযস্তস্য সহসাঽঽভ্যবহারশ্ছর্দিষে গুল্মায বা| বাচা ত্বাযস্তস্য স্বরসাদায|" ইতি|

আযুর্বেদরসাযনম্ ব্যাখ্যা ( কৃত)

আ০ র০- ভাসস্য শূলসংস্কারাদ্বিরোধমাহ-ভাস ইতি| ভাসঃ-প্রসহপক্ষিবিশেষঃ| শূল্যঃ-শূলপ্রোতোঽঙ্গরেষু পক্বঃ|কম্পিল্লস্য তক্রসংস্কারাদ্বিরোধমাহ-কম্পিল্ল ইতি| কম্পিল্লো-বিরেচনদ্রব্যবিশেষো রোচনিকাখ্যঃ|

সর্বাঙ্গসুন্দরী ব্যাখ্যা ( কৃত)

স০-একধ্যং-একত্র, পাযসসুরাকৃশরাস্ত্যজেত্| একধ্যমিতি "একাদ্ধো ধ্যমুঞ্" ইতি ধ্যমুঞ্|

আযুর্বেদরসাযনম্ ব্যাখ্যা ( কৃত)

আ০ র০-পাযসাদীনাং মিথঃ সংযোগাদ্বিরোধমাহ-একধ্যমিতি| একধ্যং-একত্র সংযোজ্য| পাযসঃ-ক্ষৈরেযী| কৃশরা-তিলতন্দুলমাষকৃতা পেযা |

সর্বাঙ্গসুন্দরী ব্যাখ্যা ( কৃত)

স০-মধ্বাদীনি সমাংশানি-তুল্যপ্রমাণানি, মিথো বিরুধ্যন্তে| কথম্ ? দ্বে বা, ত্রীণি বা, একত্র বা সর্বাণি| যথা-মধুসর্পিষী, মধুবসে, মধুতৈলে, মধুসর্পির্বসাঃ, মধুসর্পির্বসাতৈলানি, ইত্যেবমাদীনি| ননু, যদ্যেবংবিধো বিরোধ উচ্যতে তত্কথমগস্ত্যলেহে (হৃ.চি.অ.৩|১২৮)-"কুডবং চ পৃথগ্ঘৃতাত্| তৈলাত্সপিপ্পলীচুর্ণাত্সিদ্ধশীতে চ মাক্ষিকাত্||" ইতি তৈলঘৃতমধূনাং তুল্যাংশানাং প্রযোগঃ ? ব্রূমঃ| কেবলানাং মধ্বাদীনাং সমাংশানামুপযোগো বিরুদ্ধঃ ন তু দ্রব্যান্তরসংযুক্তানাম্| অপি তু দ্রব্যান্তরসংযুক্তানাং তেষাং সংযোগসংস্কারাদিবশাদ্বিশিষ্টগুণান্তরোত্পত্তির্দৃষ্টা| তস্মাদগস্ত্যলেহাদৌ দ্রব্যান্তরসংযোগাদিবশাদবিরুদ্ধ এব|

আযুর্বেদরসাযনম্ ব্যাখ্যা ( কৃত)

আ০ র০- মধ্বাদীনাং মিথঃ সংযুক্তানাং মানতো বিরোধমাহ-মধুসর্পিরিতি| দ্বিশস্ত্রিশ ইত্যপলক্ষণম্, তেন চতুষ্পঞ্চশোঽপি জ্ঞেযম্| উক্তং হ্যন্যত্র_"মধুসর্পির্বসাতৈলপানীযানাং মানবিরূদ্ধানাং দ্বিত্রিচতুঃপঞ্চধামিলিতানাং ষড্বিংশতির্বিরুদ্ধপ্রকারা ভবন্তি|" ইতি|

সর্বাঙ্গসুন্দরী ব্যাখ্যা ( কৃত)

স০-ভিন্নাংশে অপি মধ্বাজ্যে দিব্যবার্যনুপানেন বিরুধ্যেতে| তৃতীযার্থে তসিপ্রত্যযঃ| অপিশব্দান্ন কেবলং সমাংশ ইত্যর্থঃ| মধু-মাক্ষিকং, পুষ্করবীজং চৈকধ্যং বিরুধ্যতে| তথা, মধুমার্দ্বীকং, মৈরেযং-খর্জূরাসবং, শার্করং-শর্করযা কৃতং মদ্যং, এতদেকত্রোপযুক্তং বিরুধ্যতে| ক্ষৈরেযঃ-পাযসো, মন্থানুপানো বিরুদ্ধঃ| মন্থোঽনুপানং যস্য স এবম্| ক্ষৈরেয ইতি "ক্ষীরাড্ঢঞ্" ইতি ঢঞ্| হারিদ্রঃ-কুপ্রসবঃ শাকবিশেষঃ সর্পচ্ছত্রানুকারী পীতাভাসঃ, কটুতৈলবান্-সর্ষপতৈলভৃষ্টো, বিরুদ্ধঃ|

আযুর্বেদরসাযনম্ ব্যাখ্যা ( কৃত)

আ০ র০- মধ্বাজ্যযোর্দিব্যানুপানাদ্বিরোধমাহ-ভিন্নাংশে ইতি| অপিশব্দাত্সমাংশে চ| মধুপুষ্করবীজযোর্বিরোধমাহ-মধ্বিতি| মধু-মাক্ষিকম্| পুষ্করবীজং-পদ্মবীজম্| মধ্বাদীনাং বিরোধমাহ-মধুমৈরেযেতি| মধু-ক্ষৌদ্রম্, 'মার্দ্বীকম্' ইত্যরুণদত্তঃ| মৈরেযো-'ধান্যাসবঃ' ইতি চন্দ্রনন্দনঃ, 'খর্জূরাসবঃ' ইত্যরুণদত্তঃ ইন্দুশ্চ| 'মৈরেযো-ধাতুকীপুষ্পগুডধাত্র্যক্ষসংহিতঃ' ইতি মাধবকারঃ| 'আসবস্য সুরাযাশ্চ দ্বযোরপ্যেকভাজনে| সন্ধানং তদ্বিজানীযান্মৈরেযমুভযাত্মকম্||' ইতি জেজ্জটো ব্রহ্রাদেবশ্চ| 'পৈষ্টীগুডাসবমধুভিঃ পৈষ্টিমধ্বাসবদুডৈর্বা ত্রিযোনিঃ-মৈরেযঃ' ইতি ডল্হণঃ| সর্বমেতত্প্রমাণম্, সর্বেষামাপ্তত্বাত্ শঙ্ক্যমানস্যাপি বিরোধস্য পরিহরণীযত্বাচ্চ| শার্করঃ-শর্করাকৃতং মদ্যম্| অত্র চকারমনুবর্ত্য পদ্মোত্তরিকাশাকমনুক্তমপি সমুচ্চেযম্, চতুর্ণাং সংযোগস্য বিরুদ্ধত্বাত্| তথা চ চরকঃ (সূ. অ. ২৬|৮৬)- "পদ্মোত্তরিকাশাকং শার্করো মৈরেযো মধু চ সহোপযুক্ত বিরুদ্ধং বাতং চাতিকোপযতি|" ইতি| সঙ্গ্রহেঽপ্যেবমেবোক্তম্| পদ্মোত্তরিকাশাকং-কুসুম্ভশাকম্| ক্ষৈরেযস্য মন্থানুপানাদ্বিরোধমাহ-মন্থানুপান ইতি| দ্রবালোডিতাঃ সক্তবো-মন্থাঃ| ক্ষৈরেযঃ-পাযসঃ| হারিদ্রকটুতৈলযোর্বিরোধামাহ-হারিদ্র ইতি| হারিদ্রঃপীতবর্ণশ্ছত্রাকবিশেষঃ কন্দঃ| কটুতৈলবান্-সর্ষপতৈলভৃষ্টঃ|

সর্বাঙ্গসুন্দরী ব্যাখ্যা ( কৃত)

স০-উপোদকা তিলকল্কেন সাধিতাঽতিসারায| তাদর্থ্যে চতুর্থ্যত্র| অর্থো-নিমিত্তম্, তস্মৈ ইদং-তদর্থম্, তদর্থমেবতাদর্থ্যম্| তেনাতীসারকারণমিত্যযমর্থো জাযতে|

আযুর্বেদরসাযনম্ ব্যাখ্যা ( কৃত)

আ০ র০- উপোদকাযাস্তিলকল্কসংস্কারেণ বিরোধমাহ উপোদকেতি|

সর্বাঙ্গসুন্দরী ব্যাখ্যা ( কৃত)

স০-বলাকা-পক্ষিজাতিঃ, বারুণ্যা-প্রসন্নযা যুক্তা, বিরুদ্ধা| কুল্মাষৈঃ-নাতিস্বিন্নমুদ্গাদিভিশ্চ সহ বিরুধ্যতে| সৈব বলাকা, বরাহবসযা ভৃষ্টা সদ্যঃ-তত্ক্ষণাদেব, প্রাণান্ মারযতি|

আযুর্বেদরসাযনম্ ব্যাখ্যা ( কৃত)

আ০ র০- বলাকাযা বারুণীযোগাত্ কুল্মাষযোগাচ্চ চিরোধমাহ-বলাকেতি| অর্দ্ধস্বিন্না মুদ্গাদযঃ-কুল্মাষাঃ| বলাকাযা বরাহবসযা ভর্জনাদিরোধমাহ-ভৃষ্টেতি|

সর্বাঙ্গসুন্দরী ব্যাখ্যা ( কৃত)

স০-তিত্তির্যাদয এরণ্ডেনাগ্নিনা সিদ্ধাঃ, তত্তৈলেন-এরণ্ডতৈলেন, বিমূর্চ্ছিতাঃ-বহুশো ভৃষ্টাঃ, তদ্বত্-বলাকাবত্ সদ্যো জীবিতহরাঃ| পত্রাঢ্যো-মযূরঃ|

আযুর্বেদরসাযনম্ ব্যাখ্যা ( কৃত)

আ০ র০- তিত্তির্যাদীনাং সংস্কারবিশেষাদ্বিরোধমাহ-তদ্বদিতি| পত্রাঢ্চো-মযূরঃ| কপিঞ্জলো-গৌরতিত্তিরিঃ| এরণ্ডেন-এরণ্ডকাষ্ঠোত্থেন| তত্তৈলেন-এরণ্ডতৈলেন| বিমূর্চ্ছিতাঃ-ভৃষ্টাঃ| তদ্বত্-বলাকাবত্, সদ্যো ঘ্নন্তি|

সর্বাঙ্গসুন্দরী ব্যাখ্যা ( কৃত)

স০-হারীতস্য-পক্ষিবিশেষস্য, মাংসং হারিদ্রশূলকে প্রোতং- আসক্তং, চ তত্পাচিতং চ হারিদ্রাগ্নিনা সদ্যো জীবিতং হন্তি|

আযুর্বেদরসাযনম্ ব্যাখ্যা ( কৃত)

আ০ র০- হারীতস্য সংস্কারবিশেষাদ্বিরোধমাহ-হারীতমাংসমিতি| হারীতঃ-প্রতুদপক্ষিবিশেষঃ| হারিদ্রশূলকং-দারুহরিকাষ্ঠকৃতং শূলম্| হরিদ্রাবহ্নিনা-দারুরিদ্রাকাষ্ঠাগ্নিনা|

সর্বাঙ্গসুন্দরী ব্যাখ্যা ( কৃত)

স০-তদেব-হারীতমাংসং, ভস্মপাংশুপরিধ্বস্তং সমাক্ষিকং বিরুদ্ধম্| ভস্ম চ পাংশুশ্চ ভস্মপাংশূ,-ভূতিরেণূ, তাভ্যাং পরিধ্বস্তং-ধূসরিতম্| সিদ্ধসারে চোক্তম্-"ন জাতু কটুতৈলেন ভৃষ্টামদ্যাদুপোদকাম্| প্রিযঙ্গুকল্কদিগ্ধাঙ্গঃ পাযসং ন সমাচরেত্||" ইতি|

আযুর্বেদরসাযনম্ ব্যাখ্যা ( কৃত)

আ০ র০- হারীতমাংসস্য ভস্মাদিসংযোগাদ্বিরোধমাহভস্মেতি| ভস্মনা পাংশুনা বা পরিধ্বস্তং-সদ্যো বিলুলিতম্, মধুযুক্তং তদেব-হারীতমাংসং, সদ্যো জীবিতং ব্যাপাদযতীত্যর্থঃ|

সর্বাঙ্গসুন্দরী ব্যাখ্যা ( কৃত)

দ্রব্যাণামানন্ত্যাত্ প্রতিপদোক্ত্যাঽশেষবিরুদ্ধসঙ্গ্রহঃ কর্তুমশক্যঃ, ইতি তত্সঙ্গ্রহার্থং ব্যাপি লক্ষণমাহ- স০-যত্কিঞ্চিত্-অন্নপানমৌষধং বা, দোষমুত্ক্লেশ্য-স্বস্থানাত্সঞ্চলয্য, ন হরেত্-বহির্ন নিষ্কাসযেত্, তত্র সমাসতঃ সংক্ষেপতো বিরুদ্ধম্|

আযুর্বেদরসাযনম্ ব্যাখ্যা ( কৃত)

আ০ র০- অনুক্তবিরোধসঙ্গ্রহার্থং বিরোধসামান্যলক্ষণমাহ-যত্কিঞ্চিদিতি| যক্তিঞ্চিদ্দ্রব্যং দোষমুত্ল্কেশযতি ন তু নির্হরতি, তত্সর্বং বিরুদ্ধম্| সমাসতঃ-সঙ্ক্ষেপাত্| বিস্তরস্তু সংযোগাদিভেদৈরনন্তঃ| শোধনমপ্যুত্ল্কেশযতি পরং নির্হরতি, শমনমপি ন নির্হরতি পরং নোত্ল্কেশযতি, ইতি ন তযোর্বিরুদ্ধত্বম্|

সর্বাঙ্গসুন্দরী ব্যাখ্যা ( কৃত)

স০-শুদ্ধিরত্রেষ্টা| অত্র-বিরুদ্দ্ধাহারকৃতে বিকারে, শুদ্ধিঃ বমনবিরেকাদিরূপা, ইষ্টা-শ্রেষ্ঠা| কুপিতদোষসমূহস্য বমনাদিভির্নির্হরণাত্তন্নির্হারে চারোগ্যোত্পত্তিঃ| শমো বেতি| ন কেবলং শুদ্ধিরিষ্টা, শমশ্চেষ্টঃ| কৈঃ? তেষাং-বৈরোধিককোপিতদোষাণাং তত্কৃতানাং বা বিস্ফোটাদীনাং বিকারাণাং, বিরোধিভিঃ-প্রতিপক্ষভূতৈরোষধৈঃ|

আযুর্বেদরসাযনম্ ব্যাখ্যা ( কৃত)

আ০ র০- অথ বিরুদ্ধান্নপানজানাং ব্যাধীনাং প্রতীকারঃ| তত্র উত্পন্নানাং পরতীকারমাহ-শুদ্দিরিতি| শুদ্ধিঃ-বমনবিরেচনাদিকা| অত্র-বিরুদ্ধান্নজেষু ব্যাধিষু| যে তু শুদ্ধিং নার্হন্তি তেষাং শমঃ-শমনং, প্রতীকার ইষ্টঃ| কৈঃ? তদ্বিরোধিভিঃ,-তস্য-বিরুদ্ধান্নস্য, বিরোধিভিঃ-প্রতিপক্ষভূতৈরাহারবিহারৌষধৈঃ|

সর্বাঙ্গসুন্দরী ব্যাখ্যা ( কৃত)

স০-তৈরেব-বৈরোধিককুপিতদোষপ্রতিপক্ষভূতৈর্দ্রব্যৈঃ, পূর্বং-প্রথমং, যা শরীরস্যাভিসংস্কৃতিঃ, সা চ বিরুদ্ধাহারকৃতে বিকারে প্রশস্তেতি| যথা,-মাক্ষিকহরীতক্যাদিনা পিত্তশ্লেষ্মহরণৌষধেন সন্ততশীলনাদভিসংস্কৃতে দেহে পিত্তশ্লেষ্মকরং বিরুদ্ধমুপযুক্তং সদ্বিকর্তুমশক্তম্| এতদুক্তং ভবতি,-বিরুদ্ধপ্রতিপক্ষগুণবতা দ্রব্যেণ দেহস্তথা দার্ঢ্যং গ্রাহিতো যথা বিরুদ্ধমপি দ্রব্যং বিকারং কর্তুং নালম্|

আযুর্বেদরসাযনম্ ব্যাখ্যা ( কৃত)

আ০ র০- অনুত্পন্নানামুত্পত্তিপ্রতিবন্ধহেতুং প্রতীকারমাহ-দ্রব্যৈস্তৈরেবেতি| তৈরেব- বিরুদ্ধান্নবিরোধিভিরেব| পূর্বংচিরুদ্ধান্নসেবনাত্প্রাক্| অভিসংস্কৃতিঃ- তদ্গুণভাবিতত্বম্| তৈঃ-বিরুদ্ধানৈরেব শরীরস্যাভিসংস্কৃতিরিতি ব্যাখ্যানে "সাত্ম্যমল্পং চ ভোজনম্" ইতি বক্ষ্যমাণেন সাত্ম্যেন পৌনরুক্তযম্|

সর্বাঙ্গসুন্দরী ব্যাখ্যা ( কৃত)

স০-ব্যাযামো বিদ্যতে যেষামিতি "অর্শআদিত্বাত্" অচ্| বযঃস্থাঃ-তরুণাঃ| বলেন শালিতুং-শ্লাঘিতুং শীলং যেষাং তে-বলশালিনঃ| স্নিগ্ধাঃ স্নিগ্ধবৃষ্যাহারসাত্ম্যাঃ| ব্যাযামিনাং বিরোধ্যপি ভোজনং ন পীডাযৈ-ন রোগোত্পত্তযে| এবং স্নিগ্ধাদীনাং প্রত্যেকং সম্বন্ধঃ কার্যঃ| কেচিত্ "ব্যাযামি" ইতি পঠন্তি| তথা, বিরুদ্ধমপ্যন্নং যদভ্যাসাত্ সাত্ম্যং-সাত্মীভূতং, তথা, অল্পং-অল্পমাত্রযা চ যদ্ভোজনং, তচ্চ বিরুদ্ধমপি ন পীডাযৈ ইতি যোজ্যম্| অথ যদ্যপথ্যমপি সাত্ম্যতাং প্রাপ্তং তত্কিং ত্যাজ্যং ন বা? কথং চ ত্যাজ্যং ? কথং চ পথ্যং ভোজ্যং? ইত্যাহ-

আযুর্বেদরসাযনম্ ব্যাখ্যা ( কৃত)

আ০ র০- ব্যাযামাদীনামনুত্পত্তিহেতুত্বমাহ-ব্যাযামীতি| ব্যাযামিনো-ব্যাযামনিত্যাঃ| স্নিগ্ধাঃ-স্নেহভাবিতশরীরাঃ| বযঃস্থাঃ-তরুণাঃ| বলশালিনঃ-সহজবলযুক্তাঃ| সহাত্মনা ভূতং-সাত্ম্যম্, আত্মনঃ সহাযভূতমনুকূলং সুখাবহমিত্যর্থঃ| তচ্চ দ্বিবিধং,-কৃত্রিমমকৃত্রিমং চ| তত্র যদভ্যাসেন কিযতে তত্-কৃত্রিমম্| উক্তং চ সঙ্গ্রহে (সূ. অ. ৯)- "অহিতান্যপি চান্যেষামভ্যাসাদুপশেরতে|" ইতি| অকৃত্রিসং তু দ্বিবিধং,-নিরুপাধিকং সোপাধিকং চ| তত্র দোষাদিনিরপেক্ষং-নিরুপাধিকম্, তদ্দোষসাত্ম্যাখ্যম্| যদাহ চরকঃ-"উপশেতে যদৌচিত্যাদ্দোষসাত্ম্যং তদুচ্যতে|" ইতি| দোষাদিসাপেক্ষং-সোপাধিকম্| তত্র দোষাদিবিপরীতগুণত্বংউপাধিঃ| যদাহ খারণাদিঃ- "দোষপ্রকৃতিদেশর্তুব্যাধীনাং স্বগুণৈঃ পৃথক্| বিপরীতগুণৈঃ সাত্ম্যং তুল্যং চাসাত্ম্যমুচ্যতে||" ইতি| অসাত্ম্যং তু-যথাযথং সাত্ম্যবিপরীতম্| তত্তু কৃত্রিমং চিরপরিত্যাগেন ক্রিযতে| সোপাধিকে দোষাদিতুল্যগুণত্বং-উপাধিঃ| সাত্ম্যাসাত্ম্যে এব নিরুপাধিকে পথ্যা পথ্যে উচ্যেতে| সোপাধিকে ত্বৌষধানৌষধে| তত্র বিরুদ্ধভোজনস্য নিরুপাধিকাসাত্ম্যস্য কৃত্রিমত্বেন সোপাধিকত্বেন বাসাত্ম্যত্বে সতি ন পীডাকরত্বম্| নিরুপাধিকসোপাধিককৃত্রিমাণামুত্তরোত্তরং বলত্বাত্| কিমত্র প্রমাণম্ ? ইতি চেত্, নিরুপাধিকাত্সোপাধিকং বলীয ইত্যর তাবত্সঙ্গ্রহবচনং প্রমাণম্ (সূ. অ. ৯)- "দোষাদিবৈপরীত্যেন হরতে রোগিণাং রুজম্| একধ্যং দধিদিগ্ধাদিযোজনা ন বিরুধ্যতে||" ইতি| তাভ্যামপি কৃত্রিমং বলীয ইত্যত্র ঋতুচর্যোক্ত ঋতুসন্ধিক্রমঃ| তত্র হি পূর্বর্তুচর্যাযা উত্তরর্তুসম্বন্ধাত্সোপাধিকমসাত্ম্যত্বম্| পূর্বর্তুশীলনাচ্চ কৃত্রিমং সাত্ম্যত্বম্| উত্তরর্তুচর্যাযাস্তু তত্সম্বন্ধাত্সোপাধিকং সাত্ম্যত্বম্| পূর্বর্তাবশীলনাঞ্চ কৃত্রিমমসাত্ম্যত্বম্| তত্র কৃত্রিমাভ্যাংসাত্ম্যাসাত্ম্যাভ্যাং সোপাধিকযোরসাত্ম্যসাত্ম্যযোর্বাধং মত্বাতন্নিবৃত্যর্থমৃতুসন্ধিক্রম উক্তঃ| দেশকালপ্রকৃতিদোষব্যাধিসাত্ম্যানামুত্তরোত্তরং বলবত্, উত্তরোত্তরমেবান্তরঙ্গত্বাত্| অল্পং-হীনমাত্রম্| ননু, অল্পমপ্যল্পাং পীডাং করোত্যেব| তত্কথং ন পীডাযৈ ? সত্যম্| করোত্যেব| কিন্ত্বসাবল্পত্বেনানভিব্যক্তত্বাদসদ্বদুপচর্যতে, অনুদরা কন্যেতিবত্| অসকৃদুপযুজ্যমানে তু তস্মিন্নভিব্যজ্যত এব|

সর্বাঙ্গসুন্দরী ব্যাখ্যা ( কৃত)

স০-অপথ্যং-অহিতমন্নং পানং বা যল্লঙ্ঘনপ্লবনজাগরণস্বপ্নাদিকং বা চেষ্টিতমহিতমভ্যস্তং তত্ পাদেন-চতুর্থাংশেন ত্যজেত্, অহিতফলত্বাত্| তদ্ধি শরীরোচিতমপ্যপথ্যত্বাদুদর্কে দোষায সম্পদ্যতে, ন গুণায| যদি তু তদপথ্যমভ্যস্তং তথা সাত্ম্যীভূতং যস্মিংশ্চতুর্থাশেনাঽপি ত্যজ্যমানেন শরীরবাধা শঙ্ক্যতে বহ্নিমান্দ্যাদ্বা, তদা পাদপাদেন-ষোডশাংশেন বা ত্যজেত্| ইতি বাশব্দার্থঃ| তেন তুল্যং বর্ততে-তদ্বত্,-তেনৈব ক্রমেণ পাদেন পাদপাদেন বা, হিতং নিষেবেত-শীলযেত্| কথমেতদ্দ্বযমপ্যপথ্যপথ্যরূপং ত্যাজ্যং নিষেব্যং চ ? ইত্যাহ-একেত্যাদি| একশ্চ দ্বৌ চ ত্রযশ্চ তৈরন্তরীকৃতম্| একদ্বিত্রিভিরন্নকালৈর্ব্যবধানং কৃত্বা [যথা ভবতি তথা] অপথ্যং পাদেন পাদপাদেন বা ত্যজেত্| তদ্বত্ হিতং সেবেত| একদ্বিত্র্যন্তরীকৃতমিতি ক্রিযাবিশেষণত্বাদত্র নপুংসকলিঙ্গত্বম্| অধুনৈতদেব স্পষ্টীকৃত্যোচ্যতে| অপথ্যাত্পাটলব্রীহ্যাদেরভ্যস্তাত্পাদমেকং ত্যক্ত্বাঽনুচিতাত্পথ্যাদ্রক্তশাল্যাদেস্তমেব পাদং দত্ত্বা চতুষ্পাত্ত্বং সম্পাদ্য যোজ্যম্| এবমন্নকালমেকমতিবাহযেত্| এবং পাদেনাপথ্যমভ্যস্তং ত্যক্তং ভবতি| পথ্যং চানুচিতং নিষেবিতং ভবতি| ততো দ্বিতীযেঽন্নকালে সর্বমপথ্যং যোজনীযম্| এবমেকেনান্নকালেনাপথ্যপাদোঽন্তরীকৃতঃ| ততস্তৃতীযেঽপ্যুচিতাদপথ্যাত্ পাদদ্বযমপাস্যানুচিতাত্পথ্যাত্ পাদদ্বযমুপযুজ্য, ততশ্চতুর্থে সর্বমপথ্যং ভোজ্যং পঞ্চমে চ| এবমন্নকালদ্বযেন পথ্যপাদদ্বযসহিতমপথ্যপাদদ্বযমন্তরীকৃতম্| ততঃ ষষ্ঠেঽন্নকালে পাদমুচিতাদপথ্যাত্ পাদত্রযমনুচিতাত্পথ্যাদ্ভুক্ত্বা, সপ্তমাষ্টমনবমান্নকালেষু সর্বমপথ্যং ভোজ্যম্| এবমন্নকালত্রযেণাপথ্যমন্তরীকৃতম্| ততো দশমেঽন্নকালে সর্বং পথ্যং সেবনীযম্| এবং পাদপাদেনাপ্যযমেব ক্রমঃ| স্পষ্টার্থং চ দিক্প্রদশর্যতে| যথা-যবকাদেঃ ষোডশাংশং ত্যক্ত্বাঽনুচিতাচ্ছাল্যাদেঃ পথ্যাত্ষোডশাংশমেব দত্ত্বা চতুষ্পাত্ত্বং সম্পাদ্য ভোজ্যম্| এবমপথ্যমভ্যস্তং পাদপাদেন ত্যক্তং ভবতি পথ্যং চানুচিতং নিষেবিতং ভবতি| দ্বিতীযেঽন্নকালে সর্বমপথ্যং সেব্যম্| এবমেকে (নান্নকালে) নাপথ্যষোডশাংশোঽন্তরীকৃতঃ| ততস্তৃতীযেঽপ্যুচিতাদপথ্যাত্ পাদপাদদ্বযমপাস্যানুচিতাত্পথ্যাত্ পাদপাদদ্বযং দত্ত্বা চতুষ্পাত্ত্বং সম্পাদ্য সেব্যম্| ততশ্চতুর্থে পঞ্চমে চান্নকালে সর্বমপথ্যং ভোজ্যম্| এবং কালদ্বযেন পাদপাদদ্বযমপথ্যস্যান্তরীকৃতম্| ততঃ ষষ্ঠেঽন্নকালেঽনুচিতাত্পথ্যাত্ পাদপাদত্রযমুচিতাদপথ্যাত্ পাদপাদাস্ত্রযোদশেতি ভোজ্যম্| ততঃ সপ্তমাষ্টমনবমান্নকালেষু সর্বমপথ্যং ভোজ্যম্| এবং কালত্রযেণান্তরীকৃতম্| ততো দশমেঽন্নকালে পথ্যাদনুচিতাত্ পাদপাদাশ্চত্বারঃ, অপথ্যপাদপাদা দ্বাদশেতি ভোজ্যম্| তত একাদশেঽন্নকালে সর্বমপথ্যং ভোজ্যম্| তত একেনান্নকালেনান্তরীকৃতম্| এবমন্নকালদ্বযত্রযান্তরিতং চ তাবদ্যোজ্যম্, যাবত্পথ্যস্য ষোডশপাদাঃ সেব্যতযা সম্পদ্যন্তে|

আযুর্বেদরসাযনম্ ব্যাখ্যা ( কৃত)

আ০ র০- বিরুদ্ধমপি সাত্ম্যং ন বাধ্যতে, কিং পুনরবিরুদ্ধম্? অতঃ সাত্ম্যীকরণমাহ| তত্র সাত্ম্যীকরণে ক্রমমাহ-পাদেনেতি| অভ্যস্তং-অভ্যাসাত্সাত্ম্যতাং যাতং, যদপথ্যং তত্ পাদেন-চতুর্থাংশেন, পাদপাদেন-ষোডশাংশেন বা ত্যজেত্| তদ্বত্-অপথ্যবত্, হিতং-পথ্যং, নিষেচেত-যাবতাংঽশেনাপথ্যং ত্যক্তং তাবতাংঽশেন পথ্যং ভজেত্, নিত্যসেব্যস্যাহাররাশের্যদপথ্যেন ন্যূনত্বং তত্পথ্যেন পূরযেদিত্যর্থঃ| কথং ত্যজেত্ ? একদ্বিত্র্যন্তরীকৃতমিতি,-একদ্বিত্রিভির্দিবসৈরন্তরীকৃতং-বিজাতী-যভোজনেন ব্যবহিতম্| এতদুক্তং ভবতি,-যদা পাদেন ত্যাগঃ ক্রিযতে তদা প্রাথমেঽহন্যপথ্যস্য পাদাস্ত্রযঃ, পথ্যস্যৈকঃ| দ্বিতীযেঽহনি চত্বারোঽপ্যপথ্যস্য| তৃতীযে প্রথমবত্| ইত্যেকান্তরীকরণম্| চতুর্থেঽহনি দ্বৌ পাদাবপথ্যস্য, দ্বৌ পথ্যস্য| পঞ্চমষষ্ঠযোস্তৃতীযবত্| সপ্তমে চতুর্থবত্| ইতি ব্দ্যন্তরীকরণম্| অষ্টমে ত্বপথ্যস্যৈকঃ, পথ্যস্য ত্রযঃ| নবমদশমৈকাদশেষু সপ্তমবত্| দ্বাদশেঽষ্টমবত্| ইতি ত্র্যন্তরীকরণম্| ত্রযোদশে চত্বারোঽপি পথ্যস্য| চতুর্দশে দ্বাদশবত্| পঞ্চদশে ত্রযোদশবত্| ইতি পুনরেকান্তরীকরণম্| ব্দ্যন্তরত্র্যন্ররীকরণপুনর্নাস্তি, চতুর্ণামপি পাদানাং পূর্ণত্বাত্| ষোডশাংশপক্ষে ত্বেকদ্বিত্র্যন্তরীকরণস্য পঞ্চকৃত্ব আবৃত্তিঃ| তত একমেকান্তরীকরণম্| এবং ত্রিষষ্ট্যা দিবসৈঃ ষোডশাংশাঃ পূর্যন্তে| অত্র যদ্যপি ব্যবধাযকবিশেষো নোক্তঃ, তথাঽপি পূর্বস্মিন্নন্তরে যব্দ্যবধেযং, তদেবোত্তরস্মিন্র্ ব্যবধাযকং জ্ঞেযম্| এবমপথ্যত্যাগে পথ্যসেবাযাং চ ক্রম আদ্দতো ভবেত্| যদি ত্বপথ্যমেব বা সর্বত্র ব্যবধাযকং ক্রিযতে, তদা ন ক্রম আদ্দতো ভবেত্| ক্রমশ্চাত্র প্রধানম্| অন্তরং চ দিনৈরেব, ন ভোজনকালৈঃ| উক্তং চ তন্ত্রান্তরে-"অপথ্যং সাত্ম্যপ্যন্নং চেষ্টাং বা পাদশস্ত্যজেত্| ভজেচ্চ পাদশঃ পথ্যমেকদ্বিত্রিদিনান্তরম্||" ইতি| চতুর্ভাগষোডশভাগযোরধরোত্তরকল্পনানিষেধপরত্বাত্ পঞ্চষট্সত্পভাগাদিকল্পনানাং ন নিষেধঃ| অতস্তা অপ্যবস্থানুসারতঃ স্বযমূহ্যাঃ| যদ্যপ্যত্র বাক্যে ভট্টারকহরিশ্চন্দ্রাদিভির্বহবঃ পক্ষা দর্শিতাঃ, তথাপ্যমেব পক্ষো জ্যাযানিত্যস্মাভির্দর্শিতঃ| জ্যাযস্ত্বং ত্বস্য বাক্যস্যার্জবেনৈব প্রতীযমানত্বাত্ চতুর্দশাহর্তুসন্ধিকরণেনাচার্যস্যাভিপ্রেতত্বাচ্চ|

সর্বাঙ্গসুন্দরী ব্যাখ্যা ( কৃত)

স০-হি-যস্মাত্, সহসা-ক্রমমিমমনালোচ্য, অন্যথা উক্তবিধ্যতিক্রমেণ, অপথ্যমপি ত্যক্তং সাত্ম্যবিকারায জাযতে| পথ্যমেব বা সহসা শীলিতমসাত্ম্যবিকারায জাযতে| সাত্ম্যাসাত্ম্যাভ্যাং বিকারঃ-সাত্ম্যাসাত্ম্যবিকারঃ, তস্মৈ "ক্ল্ড়্পিসম্পদ্যমানে" ইতি চতুর্থী|

আযুর্বেদরসাযনম্ ব্যাখ্যা ( কৃত)

আ০ র০- অক্রমেণ সাত্ম্যীকরণে দোষমাহ-অপথ্যমপীতি| হি-যস্মাত্, অন্যথা-উক্তক্রামাদন্যেন প্রকারেণ, ত্যক্তমপথ্যমপি, শীলিতং পথ্যমপি, সহসা বিকারায- বিকারকারণায জাযতে| কুতঃ ? সাত্ম্যাসাত্ম্যম্,- যতঃ অপথ্যং হি সাত্ম্যম্, পথ্যং হ্যসাত্ম্যম্, অতস্তযোরক্রমেণ ত্যজনভজনে রোগায ভবত ইত্যর্থঃ|

সর্বাঙ্গসুন্দরী ব্যাখ্যা ( কৃত)

স০-দোষাঃ অপথ্যাভ্যাসজাঃ, ক্রমেণ-পূর্বোক্তেন, অপচিতাঃ-ক্ষযং নীতাঃ, গুণাশ্চ-পথ্যোপযোগজাঃ, ক্রমেণ-পূর্বোক্তেনৈব, উপচিতাঃ-বৃদ্ধিং নীতাঃ সন্তঃ, পুরুষাণাং যথাসঙ্খ্যমপুনর্ভাবং যান্তি দোষাঃ| গুণাশ্চাপ্রকম্প্যাঃ-স্থিরা ভবন্তি|

আযুর্বেদরসাযনম্ ব্যাখ্যা ( কৃত)

আ০ র০- ক্রমেণ সাত্ম্যীকরণে গুণমাহ-ক্রমেণেতি| সন্তো যান্ত্যপুনর্ভাবমিতি| গুণো দ্বিবিধঃ,-দোষাপচযো গুণোপচ্চযশ্চ| তত্র ক্রমেণ- সাত্ম্যীকরণক্রমেণ, দোষা অপচীযন্তে গুণাশ্চোপচীযন্তে| তত্র দোষাঃ ক্রমাপচিতাঃ সন্তোঽ পুনর্ভাবং যান্তি,-যথা পুনর্নোত্পদ্যন্তে তথা নশ্যন্তীত্যর্থঃ| গুণাস্তু ক্রমেণোপচিতাঃ সন্তোঽপ্রকম্প্যা ভবন্তি, যথা পুনর্ন ক্ষীযন্তে তথা বর্দ্ধন্ত ইত্যর্থঃ|

সর্বাঙ্গসুন্দরী ব্যাখ্যা ( কৃত)

স০-দোষাণামহিতৈঃ-আহারাদিভিঃ দূষণং কর্তুং বিদ্বান্-পণ্ডিতো, নার্হতি-ন যুজ্যতে| কিম্ভূতানাম্? অত্যন্তং-অতিশযেন, সন্নিধানং-নিকটত্বং, যেষাং দোষাণাং ত এবং তেষাম্| তথা, দূষণাত্মনাং-দূষণস্বভাবানাম্|

আযুর্বেদরসাযনম্ ব্যাখ্যা ( কৃত)

আ০ র০- অপথ্যস্য সাত্ম্যীকরণং নিষেধতি-অত্যন্তেতি| যদ্যপি সাত্ম্যীভূতমপথ্যং দোষান্ন দূষযতি, তথাপি যাবতা কালেন তত্সাত্ম্যীভবতি তাবন্তং কালং দূষযত্যেব| দূষণং চ দোষাণামল্পমপি বিদ্বান্-আত্মহিতজ্ঞঃ পুমান্, অহিতৈঃ- বিরুদ্ধৈঃ কারণভুতৈঃ, কর্তু নার্হতি| কথম্? ভূযঃ-পুনঃ, তে হি দোষাঃ প্রাগেব দূষণাত্মানো-দূষকত্বস্বভাবা অত্যন্তসন্নিধানশ্চ,-দূষ্যস্য-শরীরস্যাত্যন্তং সন্নিহিতাঃ| তস্মাচ্ছরীরং রক্ষতা বিরুদ্ধং ন সাত্ম্যীকর্তব্যম্|

সর্বাঙ্গসুন্দরী ব্যাখ্যা ( কৃত)

স০-আহারঃ-অন্নপানসেবা| শযনং-স্বপ্নঃ| অব্রহ্মচর্যং স্ত্রীণাং সেবা| আহারাদীনাং দ্বন্দ্বঃ| এতৈর্যুক্ত্যা প্রযোজিতৈঃ শরীরং সততং ধার্যতে| কিমিব কৈঃ? আগারং-গৃহমিব, ধারণৈঃ স্তম্ভৈর্যথা|

আযুর্বেদরসাযনম্ ব্যাখ্যা ( কৃত)

আ০ র০- অবিধিসেবনাদিভ্যোঽন্নপানং রক্ষেদিত্যাহ-আহারেতি| আহারঃ-অন্নপানসেবা, শযনং-নিদ্রা,অব্রহ্মাচর্যে-সম্ভোগঃ, তৈর্নিত্যং যুক্ত্যা প্রযোজিতৈঃ শরীরং ধার্যতে| ধারণৈঃ-স্তম্ভৈরাগারমিব| যুক্তিঃ-শাস্ত্রোক্তপ্রকারঃ ধারণং চ-অন্নপানসুখপরিণামদ্বারেণ|

সর্বাঙ্গসুন্দরী ব্যাখ্যা ( কৃত)

স০-তত্র-তেষু ত্রিষু মধ্যাত্, আহারো বর্ণিতঃ-ঋতুচর্যাযাং দ্রবান্নস্বরূপবিজ্ঞানীযযোশ্চ| তত্র তত্র চ-শাস্ত্রভাগে জ্বরচিকিত্সাদৌ চ, বক্ষ্যতে|

আযুর্বেদরসাযনম্ ব্যাখ্যা ( কৃত)

আ০ র০- তত্রাহারমতিদেশেনাহ-আহার ইতি| তত্রাহারঃ, তত্র তত্র- ঋতুচর্যাদৌ বর্ণিতঃ| বক্ষ্যতে চ-মাত্রাশিতীযাদৌ|

সর্বাঙ্গসুন্দরী ব্যাখ্যা ( কৃত)

স০-নিদ্রাযত্তং-নিদ্রাধীনম্| সুখং-আরোগ্যম্| দুঃখং-রোগঃ| তথা, পুষ্ট্যাদি চ| জীবিতং ন চ জীবিতমিতি সম্বন্ধঃ| অজীবিতেন-মরণেন যোগো ভবতীত্যর্থঃ|

আযুর্বেদরসাযনম্ ব্যাখ্যা ( কৃত)

আ০ র০- অথাবিধিশযনাদন্নপানরক্ষা| তত্র নিদ্রাং স্তৌতি-নিদ্রাযত্তমিতি| নিদ্রাযত্তং-নিদ্রাধীনম্| বৃষতা-শুক্রবৃদ্ধিঃ| ক্লীবতা-শুক্রক্ষযঃ| ন চেতি নঞো জীবিতেন সম্বন্ধঃ, অজীবিতং মরণমিত্যর্থঃ|

সর্বাঙ্গসুন্দরী ব্যাখ্যা ( কৃত)

স০-অকালে নিষেবিতাঽতি চ নিষেবিতা ন চ নিষেবিতা নিদ্রা সুখং-আরোগ্যলক্ষ্ণম্, আযুশ্চ-জীবিতম্, তে সুখাযুষী পরাকুর্যাত্-নাশযেত্| কেব? অপরা কালরাত্রিরিব|

আযুর্বেদরসাযনম্ ব্যাখ্যা ( কৃত)

আ০ র০- একস্যা নিদ্রাযাঃ পরস্পরবিরুদ্ধসুখদুঃখাদিহেতুত্বাযোগাদৌপাধিকভেদমাশ্রিত্য বিভাদমাহ-অকাল ইতি| অকালে সেবিতা-মিথ্যাযোগরূপা, অতিপ্রসঙ্গাত্সেবিতা-অতিযোগরূপা, ন চ সেবিতা-হীনযোগরূপা, নিষেবিতা-নিযতত্বেন সেবিতা সম্যগ্যোগরূপা চেতি চতুর্ধা নিদ্রা| তত্র পরা-চতুর্থী নিদ্রা, সুখাযুষী কুর্যাত্| অপরা-ত্রিবিধা অসম্যগ্যোগরূপা, কালরাত্রিরিব-সংহারপ্রবৃত্তমহাকালীব, সুখাযুষী হন্যাদির্ত্যর্থঃ| সুখাযুষোরাদ্যন্তযোর্গ্রহণাত্ পাণিনিপ্রত্যাহারবত্ সুখপুষ্টিবলবৃষতাজ্ঞাজীবিতানি গ্রুহ্রান্তে| "কালস্বভাবামযচিত্তদেহখেদৈঃ কফাগন্তুতমোভবা চ| নিদ্রা বিভর্তি প্রথমা শরীরং পাপ্মাঽন্তগা ব্যাধিনিমিত্তমন্যাঃ||" ইতি সঙ্গ্রহোক্তানাং (সূ. অ. ৯) সপ্তানাং চতসৃষ্বেবান্তর্ভাবঃ|

সর্বাঙ্গসুন্দরী ব্যাখ্যা ( কৃত)

স০-অপিশব্দাবত্র সামর্থ্যলব্ধৌ বোদ্ধব্যৌ| তেন রাত্রাবপি জাগরণং রূক্ষম্, দিবা ত্বাগ্নেযমত্যর্থং রূক্ষং কালেনাহিতবলত্বাত্| তথা, প্রস্বপনং দিবাঽপি স্নিগ্ধম্, রাত্রৌ তু সৌম্যে কালেঽতিশযেন স্নিগ্ধমিত্যবতিষ্ঠতে| অপিশব্দাভ্যামন্তরেণ তু রাত্রাবেব জাগরণং রূক্ষম্, দিবা তু স্নিগ্ধমিত্যর্থো জাযতে| ব্যবচ্ছেদ্যফলত্বাদ্বাক্যানাম্| এবং দিবস এব স্নিগ্ধং প্রস্বপনম্, রাত্রৌ তু রূক্ষমিতি| ন চৈতদ্যুজ্যতে| যদি জাগরণং সদা রূক্ষং নাভবিষ্যত্, তত্কথমিদমুপপত্স্যতে ? "বহুমেদঃকফাঃ স্বপ্যুঃ স্নেহনিত্যাশ্চ নাহনি| বিষার্তঃ কণ্ঠরোগী চ নৈব জাতু নিশাস্বপি||" ইতি| এষাং হ্যাপতর্পণমেব হিতম্| যচ্চাপতর্পণং তদবশ্যং রূক্ষম্| তস্মাদেতৈরপতর্পণস্বভাবং জাগরণমেব সেব্যম্| তথা, "গ্রীষ্মে বাযুচযাদানরৌক্ষ্যরাত্র্যল্পভাবতঃ| দিবাস্বপ্নোহিতোঽন্যস্মিন্ কফপিত্তকরো হি সঃ|| মুক্ত্ত্বা তু ভাষ্যযানাধ্বমদ্যস্ত্রীভারকর্মভিঃ| ক্রোধশোকভযৈঃ ক্লান্তান্ শ্বাসহিধ্মাতিসারিণঃ|| বৃদ্ধবালাবলক্ষীণক্ষততৃট্শূলপীডিতান্| অজীর্ণ্যভিহিতোন্মত্তান্ দিবা স্বপ্নোচিতানপি||" তদেতেষাং সন্তর্পণার্হত্বাত্সন্তর্পণমেব হিতম্| যচ্চ সন্তর্পণং তদবশ্যং স্নিগ্ধম্| তস্মাদেতৈঃ সন্তর্পণস্বভাবমেব সদা প্রস্বপনং সেব্যম্| এবং চ পূর্বমেব ব্যাখ্যানং যুক্তম্| প্রস্বপ্নজাগরণক্রিযযোরদ্রব্যযোরপি রূক্ষস্নিগ্ধত্বমুপচারাদুপপন্নম্| যথা,-রূক্ষং দ্রব্যং গুগ্গুল্বাদি কফমেদঃপ্রভৃতীন্ সৌম্যান্ ভাবান্ ক্ষপযতি, তথৈব যদা জাগরণমপি তত্ক্ষপযদ্দৃষ্টং তদা তদ্রূক্ষকার্যকরণাদরূক্ষমপি রূক্ষমিত্যুপচর্যতে| তথা, প্রস্বপনাদর্বাক্ কফমেদঃপ্রভৃতীনাং সোম্যানাং ভাবানাং স্বহেতোরুত্পাদস্তথা নোপলভ্যতে, যথা প্রস্বপনাদনন্তরম্| তস্মাত্প্রস্বপনমস্নিগ্ধমপি স্নিগ্ধমিত্যুপচর্যতে| প্রচল ইবাচরতীতি ক্যঙন্তান্নিষ্ঠা| আসীনস্য উপবিষ্টস্য, প্রচলাযিতং-অবঘূর্ণিতং,-আসীনপ্রচলাযিতম্, ন তু প্রস্বপনং সর্বসর্বিকযা| যেন স্নেহনহেতুঃ স্যাত্| রূক্ষকার্যা করণাদরূক্ষম্| অনভিষ্যন্দি তু বিশেষেণ| আসীনপ্রচলাযিতং পুনরীদৃগ্রূপমিত্যর্থঃ|

আযুর্বেদরসাযনম্ ব্যাখ্যা ( কৃত)

আ০ র০- চতুর্বিধাযাঃ স্বরূপমাহ-রাত্রাবিতি| রাত্রৌজাগরণং-কালেঽপ্যশযনং,হীনযোগাখ্যম্| তদ্রূক্ষং-বাতব্যাধিহেতুঃ| দিবা প্রস্বপনং-অকালে শযনম্| তচ্চ কালেঽতিসুপ্তস্যাতিরোগাখ্যম্, অকালে সুপ্তস্য মিথ্যাযোগাখ্যম্, তদুভযমপি স্নিগ্ধং-কফপিত্তব্যাধিহেতুঃ| আসীনপ্রচলাযিতং-কালে শযনং, সম্যগ্যোগাখ্যম্| তদ্ধ্যাসীনপ্রচলাযিতস্য ভবতি| স হি সিস্বোপবিষ্টঃ শযনং যদৈব চল ইবাচরিতুমারভতে, তদৈবস্বপিতি| ন ত্বনুদীর্ণাং নিদ্রামুদীরযতি, নাপ্যুদীণাং ধারযতি| তচ্চ ন রূক্ষম্, নাপি স্নিগ্ধম্| উক্তং চ খারণাদিনা-"ইন্দ্রিযাতিশ্রমাদ্রূক্ষো বাতলো জাগরো নিশি| তদালস্যাদ্দিবাস্বপ্নঃ স্নিগ্ধঃ পিত্তকফোল্বণঃ|| আসীনপ্রচলঃ স্বপ্নো নিরভিষ্যন্দিবৃংহণঃ|" ইতি| প্রচলাযিত ইতি প্রচলপ্রাতিপদিকাত্কণ্ড্বাদিযগন্তাদাদিকর্মণি নিষ্ঠাযাং রূপম্| অন্যে ত্বাসীনপ্রচলাযিতশব্দেনোপষ্টস্যৈব শযনমাহুঃ| তে চ দিবেত্যনিবর্ত্য দিবৈব তত্কার্যমিত্যাহুঃ| যদাহ ভেডঃ-স্বপ্নকামো দিবা কামমুপবিষ্তঃ শযীত বা| প্রস্তীর্ণাঙ্গস্য জন্তোর্হি শ্লেষ্মা কোষ্ঠে প্রবর্ততে||" ইতি|

সর্বাঙ্গসুন্দরী ব্যাখ্যা ( কৃত)

স০-গ্রীষ্মকালে দিবাস্বপ্নো হিতঃ| যতস্তস্মিন্ কালে পবনচ্চযো ভবতি| আদানস্য চ পরিপুষ্টত্বাদতিরৌক্ষ্যং ভবতি| রাত্রযশ্চনিদ্রাসমাপ্ত্যযোগ্যা অল্পা ভবন্তি| দিবাস্বপ্নশ্চ সন্তর্পকঃ| গ্রীষ্মাদপরস্মিন্ কালে কফপিত্তকরঃ| সোঽচিন্ত্যত্বাদ্ধেতুপ্রভাবস্য| ভাষ্যাদিক্লান্তাদীন্ মুক্ত্বা-বর্জযিত্বা| তেনৈতদুক্তং ভবতি,-গ্রীষ্মাদপরস্মিন্নপি কালে স্বপ্ন এষাং হিত এব| যানং অশ্বাদি| ক্ষতঃ-খড্গাদিচ্ছিন্নঃ| অভিহতো-লগুডাদিনা| দিবাস্বপ্নোচিতাঃ-শীলিতদিবাস্বপ্নাঃ| তত্র ভাষ্যাদিক্লান্তানাং পবনকোপাত্ স্বপ্নোঽনুজ্ঞাতঃ| শ্বাসহিধ্মাদীনাং বেগবিস্মরণার্থম্| বৃদ্ধাদীনাং যথাযথং সন্তর্পণার্থং বেগবিস্মরণার্থং চ| অজীর্ণিনাং দিবাস্বপ্নোচিতানাং চ ধাতুবৈষম্যপরিহারার্থং দিবাস্বপ্নোঽনুমতস্তন্ত্রকৃতা| তথা চোক্তম্-"উচিতো হি দিবাস্বপ্নো যেষাং নিত্যং শরীরিণাম্| বাতাদযঃ প্রকুপ্যন্তি তেষামস্বপতাং দিবা||" ইতি| ননু, অজীর্ণিনাং দিবাস্বপ্নো ন যুক্তঃ, দিবাস্বপ্নস্য কফবৃদ্ধিকরত্বাত্| কফবৃদ্ধ্যা চাগ্নিমান্দ্যম্| অগ্নিমান্দ্যাদজীর্ণান্নস্যাপাক ইত্যনুক্তস্তেষাং দিবাস্বপ্নঃ| অত্রোচ্যতে| দিবাস্বপ্নেনাজীর্ণিনাং ধাতুসাম্যং ভবতি| ধাতুসাম্যে চ সতিস্বস্থানস্থিতৈর্দোষৈরনুপহতো বহ্নিঃ পচনক্ষমো ভবতি| কফস্তু বৃদ্ধোঽপি নৈতেষামগ্নিমান্দ্যং বিধত্তে| অপি ত্বঙ্গানাং পুষ্টিমাদধাতি| অত এবানন্তরমেবোবাচ শাস্ত্রকারঃ-"ধাতুসাম্যং তথা হ্যেষাং শ্লেষ্মা চাঙ্গানি পুষ্যতি|" ইতি|

আযুর্বেদরসাযনম্ ব্যাখ্যা ( কৃত)

আ০ র০- দিবাস্বন্পস্যাসম্যগ্যোত্বমপত্রদতি-গ্রীষ্ম ইতি| গ্রীষ্মে বাযুচযাদীনাং স্দ্ভাবাত্ দিবাস্বপ্নো হিতঃ| আদানগ্রহণং শিশিরদিনাদারভ্য প্রতিদিনবৃদ্ধ্যাঽতিশযিতস্য রৌক্ষ্যস্য রাত্র্যল্পভাবস্য চ প্রাপ্ত্যর্থম্| অন্যথা বাযুচযবত্তযোরপি গ্রীষ্মমাত্রহেতুকযোঃ প্রাপ্তিঃ| তত্র দিবাস্বপ্নঃ স্নিগ্ধত্বাদ্বাযুচযং রৌক্ষ্যং চ হন্তি, মাত্রাপূরণাদ্রাত্র্যল্পত্বকৃতং হীনযোগং চ| ননু, বাতঘ্নোঽপি দিবাস্ন্পঃ কফপিত্তকরত্বাদহিতঃ| বক্ষ্যতি হি (হৃ. সূ. অ. ১৩/১৬)- "প্রযোগঃ শমযেব্দ্যাধিং যোঽন্যমন্যমুদীরযেত্| নাসৌ বিশুদ্ধঃ, শদ্ধস্তু শমযেদ্যো ন কোপযেত্||" ইতি| অত আহ-অন্যস্মিন্নিত্যাদি| হি-যস্মাত্, সঃ-দিবাস্বপ্নো, গ্রীষ্মাদন্যস্মিন্নৃতৌ ভাষ্যক্লান্তদীন্ মুক্ত্বা কফপিত্তকরঃ| ন চ গ্রীষ্মে, ন চ ভাষ্যক্লান্তাদীন্| তত্র গ্রীষ্মে কালস্বভাবাত্| উক্তং চ চরকেণ (সূ. অ. ৮৯/৪৪)- "গ্রীষ্মবর্জ্যেষু কালেষু দিবাস্বন্পাত্প্রকুপ্যতঃ| শ্লেষ্মপিত্তে দিবাস্বন্পস্তস্মাত্তেষু ন শস্যতে||" ইতি| ভাষ্যক্লান্তাদীনাং তু কুতঃ ? ইত্যাহ-ধাত্বিত্যাদি| হি-যস্মাত্, এষাং-ভাষ্যক্লান্তাদীনাম্, তথাতেনপ্রকারেণ,ধাতুসাম্যং ভবতি| সমীভূতঃ শ্লেষ্মা শিরঃকরচরণাদীণ্যঙ্গানি পুষ্ণানি| ধাতবো-বাতাদযো রসাদযশ্চ| ধাতুসাম্যহেতুত্বান্ন কফপিত্তকরত্বম্| কফপিত্তবৃদ্ধেঃ সাম্যার্থত্বান্ন বিকারারম্ভকদোষহেতুত্বম্| ভাষ্যং-বাগ্ব্যাপারঃ| যানং-অশ্বাদিনা গমনম্| অধ্বা-পদ্ভযাং গমনম্| মদ্যং-মদ্যপানম্| স্ত্রী-সম্ভোগঃ| ভারঃ-শিরঃ স্কন্ধাদিভির্গুরুবস্তুবহনম্| কর্ম-কাযব্যাপারঃ| ক্ষতঃ-ক্ষাকাসী| অভিহতঃ-শস্ত্রপ্রহারাদিপীডিতঃ| দিবাস্বপ্নোচিতঃ-সাত্ম্যীভূতদিবাস্বপ্নঃ| অযং চ দিবাস্বপ্নো মুহূর্তমেব কর্তব্যঃ| যদাহ সুশ্রুতঃ (শা. অ. ৪/৩৮)- "প্র্তিষিদ্ধেষ্বপি বালবৃদ্ধ" ইত্যাদি যাবত্ "মুহূর্তমাত্রং স্বপনম্" ইতি|

সর্বাঙ্গসুন্দরী ব্যাখ্যা ( কৃত)

স০-তথা, বহুমেদঃশ্লেষ্মাণঃ স্নিগ্ধাহারাদিশীলিনশ্চ গ্রীষ্মেঽপ্যহনি ন স্বপ্যুঃ| বিষার্তঃ কণ্ঠরোগী চ রাত্রিষ্বপি কদাচিদপি ন স্বপ্যাত্|

আযুর্বেদরসাযনম্ ব্যাখ্যা ( কৃত)

আ০ র০- দিবাস্বন্পস্যাসম্যগ্যোগত্বং প্রতিপ্রসবতি-বহুমেদ ইতি| বহুমেদঃপ্রভৃতযো গ্রীষ্মেঽপি ভাষ্যক্লান্তাদিত্বেঽপি ন দিবা স্বপ্যুঃ| রাত্রিস্বপ্নস্য সম্যগ্যোগত্বমপবদতি-বিষার্ত ইতি| জাতুকদাচিত্|

সর্বাঙ্গসুন্দরী ব্যাখ্যা ( কৃত)

স০-অকালে শযনং-স্বপ্নঃ,-অকালশযনম্, তস্মাদকালশযনাত্ মোহাদযঃ স্যুঃ| স্তৈমিত্যং-গাত্রাণাং নিরুত্সাহত্বম্|

আযুর্বেদরসাযনম্ ব্যাখ্যা ( কৃত)

আ০ র০- অথাসম্যগ্যোগজা রোগাঃ| তত্র মিথ্যাযোগাতিযোগজান্ রোগানাহ-অকালশযনাদিতি| অকালশযনাত্-দ্বিবিধাত্প্রাগুক্তাত্| স্তৈমিত্যং-আর্দ্রপটাবনদ্ধাঙ্গত্বম্| সঙ্গ্রহে (সূ. অ. ৯)- "কণ্ডূসকোঠপিটিকাঃ কাসতন্দ্রাগলামযাঃ| হলীমকার্দ্ধাবভেদশোফারোচকগৌরবম্|| বিষবেগপ্রবৃত্তিশ্চ ভবেদহিতনিদ্রযা||" ইতি|

সর্বাঙ্গসুন্দরী ব্যাখ্যা ( কৃত)

স০-তত্র-তেষ্বকালস্বপ্নজেষু রোগেষু, উপবাসাদ্যৌষধং যোজযেত্| নিদ্রাযাশ্চ বাহুল্যেন রাত্রিঃ কালঃ| তথা চোক্তম্ (সঙ্গ্রহে সূ.অ.৯)-"লোকাদিসর্গপ্রভবা তমোমূলা তমোমযী| বাহুল্যাত্তমসো রাত্রৌ নিদ্রা প্রাযেণ জাযতে||" ইতি| অতিনিদ্রাযাং সত্যাং তীক্ষ্ণানি বমনাঞ্জননস্যানি যোজযেত্, লঙ্ঘনাদি চ| এভিরেব চ-তীক্ষ্ণবমনাদিভির্নিদ্রাযা নাশো ভবতি| শ্লেষ্মাখ্যস্য ধাতোরতিশযেনাপচযাত্|

আযুর্বেদরসাযনম্ ব্যাখ্যা ( কৃত)

আ০ র০- অকালশযনজানামৌষধমাহ-তত্রেতি| অতিযোগস্যৌষধমাহ-যোজযেদিতি| স দ্বিবিধঃ,-বেগোদীরণজে নিদ্রাধিক্যজশ্চ| তত্রাদ্য উক্তো রোগানুত্পাদনীযে, ইহ দ্বিতীযঃ| তস্য হেতুরুক্তঃ সঙ্গ্রহে (সূ. অ. ৯)-"অপচ্যমানো বাহুল্যাত্স্ত্রোতাংস্যাবৃণুতে কফঃ| ততঃ স্ত্রোতঃসু রুদ্ধেষু জাযতে গাত্রগৌরবম্|| গুরুগাত্রস্য চালস্যমালস্যাদতিনিদ্রতা|" ইতি| লঙ্ঘনং-দ্বাদশবিধম্| বমননাবনযোস্তু গ্রহণমতিশযার্থম্| ব্যবাযং-সম্ভোগম্| হীনযোগস্য হেতুমাহ-এভিরেবেতি| স দ্বিবিধঃ,- নিদ্রাবিধারণজো নিদ্রাবিনাশজশ্চ| তত্রাদ্য উক্তো রোগানুত্পাদনীযে, ইহ দ্বিতীযঃ| এভিঃ-অতিনিদ্রৌষধৈঃ| শ্লেষ্মাতিসঙ্ক্ষযাদিতি হেতুকথনমন্যেষামপি শ্লেষ্মক্ষপণানাং নিদ্রানাশহেতুত্বখ্যাপনার্থম্|

সর্বাঙ্গসুন্দরী ব্যাখ্যা ( কৃত)

স০-নিদ্রানাশাদঙ্গমর্দাদযো বাতোত্থাশ্চ রোগাঃ স্যুঃ|

আযুর্বেদরসাযনম্ ব্যাখ্যা ( কৃত)

আ০ র০- নিদ্রানাশজান্ রোগানাহ-নিদ্রানাশাদিতি| জাড্যং-জ্ঞানভ্রংশঃ| অপক্তিঃ-আহারস্যাবিপাকঃ| বাতজা রোগাঃ- আক্ষেপকাদযঃ|

সর্বাঙ্গসুন্দরী ব্যাখ্যা ( কৃত)

স০-যতশ্চ সম্যক্ সেবিতাযা নিদ্রাযা অসম্যক্ সেবিতাযাশ্চাঽনন্তরোক্তা গুণদোষাঃ| অতঃ-অস্মাদ্ধেতোঃ, কালানতিক্রমেণ সাত্ম্যতো-যামদ্বযং ত্রযং বা, নিশি নিদ্রাং ভজেত্| অসাত্ম্যাজ্জাগরাদর্দ্ধেন প্রাতঃ স্বপ্যাত্| অভুক্তবান্-অভুক্তে সতি| অসাত্ম্যগ্রহণেনৈতত্ দ্যোতযতি,-ন সর্বস্য রাত্রাবসুপ্তস্য জাগরণকালাদর্ধেন দিবাস্বপ্ন ইষ্যতে, কিং তর্হি ? যো যাবন্তং কালমুচিতং স্বপিতি তস্মাত্কালাদ্যাবন্তং কালং নিশি জাগৃযাত্তাবতোঽর্ধেনাসৌ প্রাতঃ স্বপ্যাত্| কেচিদ্ধি স্বল্পনিদ্রাঃ স্বভাবতো ভবন্তি|

আযুর্বেদরসাযনম্ ব্যাখ্যা ( কৃত)

আ০ র০- অসম্যগ্যোগং নিষিধ্য সম্যাগ্যোগং বিধত্তেযথাকালমিতি| নিদ্রাং রাত্রৌ সেবেত, ন দিবা| রাত্রাবপি যথাকালং-প্রবৃত্তিকালানতিক্রমেণ, যস্য যস্মিন্ রাত্রিবিভাগে নিদ্রা প্রবর্ততে স তস্মিন্নেব সেবেতেত্যর্থঃ| সত্ম্যতঃ-যামদ্বযযামত্রযাদিসাত্ম্যানুরোধেন| রাত্রাবনিদ্রিতস্য দিবা স্বন্পং বিধত্তে-অসাত্ম্যেতি| প্রাতঃ পূর্বাহ্ণে স্বপ্যাত্| অভুক্তবান্-অকৃতভোজনঃ| অসাত্মিযারাত্রিজাগরণকালাদর্দ্ধকালম্| সাত্ম্যশ্চেদ্রাত্রিজাগরস্তদা প্রাতর্নৈব স্বপ্যাত্| অর্দ্ধমিত্যসাত্ম্যজাগরজনিতদোষনিবর্তকনিদ্রাপর্যাপ্তকালোপলক্ষণম্| অত এবাহ খারণাদিঃ-" অসুপ্তানাং তথা রাত্রৌ তন্মাত্রং স্বপনং দিবা||" ইতি| ভেদোঽপিরাত্রৌ স্বপ্যান্ন যামাংস্ত্রিংস্তান্স্বপ্যাদ্দ্বির্দিবা নরঃ| এতদপ্যাহুরারোগ্যং নাত্র দোষোঽস্তি কশ্চন||" ইতি|

সর্বাঙ্গসুন্দরী ব্যাখ্যা ( কৃত)

স০-যো মন্দনিদ্রঃ স ক্ষীরাদীন্ শীলযেত্| কান্তাবাহুলতাশ্লেষাদযো নিদ্রাসুখহেতবঃ| কান্তাবাহুলতাশ্লেষগ্রহণমাশ্লেষমাত্রমেব নিদ্রাসুখহেতুঃ, ন তু গ্রাম্যধর্মসেবেতি দর্শনার্থম্| অত এবানন্তরমাহ-"ব্রহ্মচর্যরতের্নিদ্রা স্বং কালং নাতিবর্ততে|" ইতি| ব্রহ্মচর্যরতস্যাপ্যনুরাগতো মৈথুনাভিলাষো নিদ্রাং নাশযেদিত্যাহ-গ্রাম্যসুখে নিঃস্পৃহং চেতো যস্য স তস্য| তথা, সন্তোষতৃপ্তস্য|

আযুর্বেদরসাযনম্ ব্যাখ্যা ( কৃত)

আ০ র০- অথ সম্যগ্যোগহেতুঃ| স ত্রিবিধঃ,-জঘন্যমধ্যমোত্তমভেদাত্| তত্র জঘন্যমাহ-শীলযেদিতি| মন্দামূঢা স্বকালানভিজ্ঞা, নিদ্রা যস্য সঃ-মন্দনিদ্রঃ| রসান্মাংসরসান্| মূর্দ্ধতর্পণং-মূর্দ্ধতৈলম্| কর্ণতর্পণং-কর্ণপূরণম্| অক্ষিতর্পণং-প্রসিদ্ধম্| মধ্যমমাহ-কান্তেতি| নির্বৃতিঃ-সিখম্| কৃতকৃত্যতাপূর্ণমনোরথত্বম্| বিষযাঃ-শব্দাদযঃ| মধ্যমমাহ-কান্তেতি| নির্বৃতিঃ-সুখম্| কৃতকৃত্যতাপূর্ণমনোরথত্বম্| বিষাযাঃ-শব্দাদযঃ| কামং-অত্যন্তম্| উত্তমমাহ-ব্রহ্মচর্যরতেরিতি| ব্রহাচর্যরতেঃ-ব্রহ্মচর্যাসক্তস্য| গ্রাম্যসুখং সম্ভোগঃ, তত্র নিঃস্পৃহং-ততো নিবৃত্তং, চেতো যস্য| সংতোষতৃপ্তস্য- যথালাভতুষ্টস্য| স্বং কালং নাতিবর্ততে-উচিত এব কালে আযাতীত্যর্থঃ|

সর্বাঙ্গসুন্দরী ব্যাখ্যা ( কৃত)

স০-গ্রাম্যধর্মে-স্ত্রীপুংসংযোগবিষযে, অনুত্তানং স্ত্রিযং ত্যজেত্, উত্তানাং- ভজেদিত্যর্থঃ| তথা, রজস্বলত্বাদিযুতাং ত্যজেত্| দুষ্টং ব্যাধিমলাদিভিঃ, সঙ্কীর্ণং-সঙ্কটং চ, মেহনং-যোনির্যস্যাস্তাম্| তথা, বর্ণিনীং-ব্রহ্মচারিণীম্| অন্যযোনিং-অজামহিষ্যাদিং চ ত্যজেত্| গুর্বিত্যাদি| গ্রাম্যধর্মে নির্বর্তনে সতি গুরুদেবনৃপালযাংস্ত্যজেত্| তথা, চৈত্যাদীংস্ত্যজেত্| তেষু স্ত্রিযং ন সঙ্গচ্ছেদিত্যর্থঃ| চৈত্যাদীনাং পর্যাযা দিনচর্যাযামুক্তাঃ| আযতনং-দুষ্টানাং নিগ্রহস্থানম্| পর্বাণি-রবিসঙ্ক্রান্ত্যাদীনি ত্যজেত্, তেষু কামং ন সেবেতেত্যর্থঃ| তথা, অনঙ্গং,-অঙ্গং-জঘনম্, নাঙ্গং-অনঙ্গমঙ্গসদৃশং জঘনকার্যনির্বর্তনযোগ্যং মুখাদিকমুচ্যতে| দাক্ষিণাত্যা হি মুখেন তত্ কুর্বন্তি, তন্নিষিধ্যতে| দিবসং চ ত্যজেত্, দিনে রতং ন কুর্বন্তি, তন্নিষিধ্যতে| দিবসং চ ত্যজেত্, দিনে রতং ন কুর্বীতেত্যর্থঃ| মূর্ধবক্ষোঽভিঘাতং চ ত্যজেত্| তথা, অত্যাশিতাদযঃ সুরতং ত্যজেযুঃ| অত্যাশিতঃঅতিসুহিতঃ| অধৃতিঃ-দুর্মনাঃ| অন্যবেগার্তঃ-পুরীষাদিবেগাতুরঃ| ননু, ক্ষুদ্বেগার্ত উচ্যতে| ততোঽন্যবেগার্ত ইত্যনেনৈবাস্যার্থস্য লব্ধত্বাত্ কিং ক্ষুদ্বানিত্যনেন? সত্যমেতত্| অতিশযার্থং ত্বেতত্| যথা ক্ষুদ্বেগার্তঃ স্ত্রিযং গচ্ছন্নতিশযেন পীডযা বাধ্যতে, ন তথাঽন্যবেগার্ত ইতি|

আযুর্বেদরসাযনম্ ব্যাখ্যা ( কৃত)

আ০ র০- অথাবিধিসম্ভোগাদাহাররক্ষা| তত্র সম্ভোগনিষিদ্ধান্যাহ- গ্রাম্যেত্যাদি| গ্রাম্যধর্মে-সম্ভোগে, অনুত্তানত্বাদিবিশিষ্টং নারীং ত্যজেত্| অপ্রিযাং-অনভীষ্টাম্| অপ্রিযারাং-অনিষ্টাচরণাম্| দোষমেহনাং-দোষদূষিতযোনিম্| সক্রীর্ণমেহনাং-সঙ্কুচিতযোনিম্| অতিস্থূলামতিকৃশাং চ| সূতাং-অসম্পূর্ণাধ্যর্দ্ধমাসপ্রসূতিম্| অন্যযোষিতং- পরস্ত্রিযম্| বর্ণিনীং-ব্রহাচারিণীম্| অন্যযিনিং-বিজাতীযামজামহিষ্যাদিম্| গুর্বালযাদীংশ্চ ত্যজেত্| চৈত্যাদযো দিনচর্যাযাং ব্যাখ্যাতাঃ| অম্বু-জলাশযঃ| আযতনং-বধস্থানম্| পর্বাণি-পুণ্যকালাঃ| অনঙ্গং-হস্তমুখাদি| দিবসংঅপর্বণ্যপি| শিরস্তাডনং হৃদযতাডনং চ-মুষ্ত্যাদিনা| দিনচর্যাযাং সামান্যতো নিষিদ্ধস্যাপি দেবালযাদেঃ পুনর্নিষেধঃ সম্ভোগে দেষভূযস্ত্বখ্যাপনার্থঃ| অত্যাশিতাদেঃ সম্ভোগং নিষেধতি-অত্যাশিত ইতি| অত্যাশিতঃ-অতিতৃপ্তঃ| অধৃতিঃ-অহৃষ্টঃ| ক্ষুদ্বান্-ক্ষুধিতঃ| দুঃস্থিতাঙ্গঃ-বিষমস্থিতগাত্রঃ| পিপাসিতঃ-তৃষিতঃ| অন্যবেগার্তঃ-শুক্রেতরবেগপীডিতঃ| ক্ষুত্তৃষোর্বেগত্বেঽপি পৃথগ্গ্রহণমল্পযোরপি তযোর্নিষেধার্থম্|

সর্বাঙ্গসুন্দরী ব্যাখ্যা ( কৃত)

স০-তৃপ্তো-বাজীকরণৈঃ সঞ্জাতসন্তর্পণঃ সন্, কামতো- যথেচ্ছযা, হিমে-হেমন্তর্তৌ শিশিরে চ, কামং-যথেচ্ছং, সেবেত| বাজীকৃতামিতি সম্পদাদিত্বাত্ক্বিপ্| তৃপ্ত ইতি ক্তোঽধিকরণে চ ধ্রৌব্যেত্যাদিনাঽধিকরণে ক্তঃ| অধিকরণবাচিনশ্চেতি ষষ্ঠী| বসন্তে শরদি চ ত্র্যহাত্-ত্রযহমতিক্রম্য, মৈথুনং নিষেবেত| বর্ষাগ্রীষ্মযোঃ পক্ষাত্ কামং ভজেত্|

আযুর্বেদরসাযনম্ ব্যাখ্যা ( কৃত)

আ০ র০- ঋতুবশাত্সম্ভোগং বিধত্তে-সেবেতেতি| হিমেহেমন্তশিশিরযোঃ| কামং-সম্ভোগম্| কামতঃ-স্বেচ্ছযা| বসন্তে শরদি চ ব্দ্যহাত্-ব্দ্যহমন্তরং কৃত্বা| বৃষ্টিনিদাধযোঃ পক্ষাত্-পক্ষমন্তরং কৃত্বা| "সপ্তমীপঞ্চম্যৌ কারকমধ্যে " ইতি পঞ্চমী| বাজীকৃতাং তৃপ্ত ইতি সর্বত্র সম্বধ্যতে| বাজীকৃতাং-বাজীকরণানাম্| "করণে সুহিতার্থানাম্" ইতি ষষ্ঠী| অযং চ বিধিরুত্তমবলাপেক্ষঃ| হীনবলানাং মৈথুনং তু সমাচরেত্| বর্ষাসু নবরাত্রাত্তু দশারাতাচ্ছরদ্যপি|| পঞ্চাহাচ্ছীতসমযে সত্পাহাচ্ছিশিরে তথা| পক্ষাদ্বসন্তে, গ্রীষ্মে তু মাসি মাসি সমাচরেত্|| নিদাঘে পশ্চিমে মাসি মৈথুনং ন সমাচরেত্||" ইতি|

সর্বাঙ্গসুন্দরী ব্যাখ্যা ( কৃত)

স০-অন্যথা-উক্তাদ্বিধেরন্যেন প্রকারেণ, স্ত্রিযং গচ্ছতো ভ্রমাদযঃ স্যুঃ| অপর্বণি-অকালে মরণং-অপর্বমরণম্|

আযুর্বেদরসাযনম্ ব্যাখ্যা ( কৃত)

আ০ র০- উক্তাবিধ্যতিক্রমে দোষমাহ-ভ্রমেতি| ঊরুদৌর্বল্যং-সক্থিশৈথিল্যম্| বলাদীনাং ক্ষযঃ| অপর্বমরণংঅকালমৃত্যুঃ| অন্যথা স্ত্রিযং গচ্ছতঃ-উক্তপ্রকারাদন্যেন প্রকারেণ সম্ভোগং ভজতঃ| উক্তং চ রসাযুর্বেদে-"বিপরীতরতপ্রাপ্ত্যা লিঙ্গে দাহঃ প্রজাযতে| কার্শ্যং চ সর্বগাত্রেষু, তত্প্রতীকার উচ্যতে|| প্রত্যগ্বস্তিং নিবধ্যৈব লিঙ্গাচূষণমাচরেত্| ক্ষরণে তস্য সঞ্জাতে স্নাপযেচ্ছীতলাম্বুনা|| কোলনির্যাসমাদায পাযযেত্তং সশর্করম্| শাল্মলীদূর্বযোর্মূলরসং পাযসমাশযেত্||" ইতি|

সর্বাঙ্গসুন্দরী ব্যাখ্যা ( কৃত)

স০-স্ত্রীষু সংযতাঃ-স্ত্রীঃ সম্যক্ সেবমানাঃ, স্মৃত্যাদিভিরধিকা অল্পজরাশ্চ ভবন্তি|

আযুর্বেদরসাযনম্ ব্যাখ্যা ( কৃত)

আ০ র০- বিধ্যাচরণে ফলমাহ-স্মৃতীতি| স্ত্রীষু সংযতাঃবিধিনা স্ত্রীঃ সেবমানাঃ, স্মৃত্যাদিভিরধিকা মন্দজরসশ্চ ভবন্তি| ইন্দ্রিযং-শুক্রম্| মন্দজরসঃ-চিরস্থাযিযৌবনাঃ|

সর্বাঙ্গসুন্দরী ব্যাখ্যা ( কৃত)

স০-রতান্তে যথৌচিত্যেন স্নানাদীন্ সেবেত| খণ্ড্দখাদ্যং খণ্ডকৃতং কণিকেত্যাদি(?)| রসো-মাংসরসঃ| চানুশযনমিতি| অনু-পশ্চাচ্চ, স্বপ্নং সেবেত| তস্য-স্নানাদিসেবিনঃ শরীরস্য, এবং-অস্মিন্কৃতে, ধাম-তেজো, ভূয আগচ্ছতি| ত্মৌ জৌ বসন্ততিলকং গুরুকদ্বযং চ| সঙ্গ্রহে চোক্তম্ (সূ.অ.৯)- "স্নানাঙ্গরাগব্যজনেন্দুপাদযূষাসবক্ষীররসান্ রসালাম্| ভক্ষ্যান্ সিতাঢ্যান্ সলিলং সুশীতং সেবেত নিদ্রাং চ রতান্ততান্তঃ||" ইতি|

আযুর্বেদরসাযনম্ ব্যাখ্যা ( কৃত)

আ রং- সম্ভোগাবসানে সেব্যানাহ-স্নানেতি| হিমানিলঃ- শিশিরমারুতঃ| খণ্ডখাদ্যং-শর্করাপ্রচুরং ভক্ষযম্| শীতাম্বু-শীতোদকম্| রসো-মাংসরসঃ| প্রসন্না-অচ্ছসুরা| শযনং-নিদ্রা| এতানি রতস্য বিরতৌ, অনু-সমনন্তরমেব সেবেত| এবং কৃতে, তস্য-রতক্ষীণতেজসঃ, বপুষোধাম-শারীরং তেজঃ, পুনরপ্যাশু-শীধ্রম্, এতি-প্রাপ্নোতি|

সর্বাঙ্গসুন্দরী ব্যাখ্যা ( কৃত)

স০-ভিষজি শরীররক্ষণং নিরনুবন্ধং-নির্বিকল্পমাধায, পৃথ্বীশো বহুকালমাত্মীয শ্রেষ্ঠফলভোগবান্ ভবতি| তথা, তেজশ্চ স্বাস্থ্যং চ কীর্তিশ্চ প্রভাবশ্চ, ত এবম্, বিপুলাঃ বিস্তীর্ণাঃ, তেজঃস্বাস্থ্যকীর্তিপ্রভাবা যস্য স এবংবিধঃ| কীদৃশো ভিষজি ? শ্রুতং-শাস্ত্রাববোধঃ, চরিতং-আচারঃ, তাভ্যাং সমৃদ্ধে-সম্পূর্ণে| তথা, ক্রিযাচতুরে| তথা, কৃপালৌ| বসুমুনিবিরতিশ্চেন্মালিনী নৌ মযৌ যঃ| ইতি শ্রীমৃগাঙ্কদতপুত্রশ্রীমদরুণদত্তবিরচিতাযামষ্টাঙ্গহৃদযটীকাযাং সর্বাঙ্গসুন্দরাখ্যাযাং সূত্রস্থানেঽন্নরক্ষাধ্যাযঃ সপ্তমঃ সমাপ্তঃ|| ৭||

আযুর্বেদরসাযনম্ ব্যাখ্যা ( কৃত)

আ০ র০- অধ্যাযার্থমুপসংহরতি-শ্রুতেতি| উক্তপ্রকারান্নক্ষাদ্বারেণ দেহরক্ষাং ভিষজি নিবেশ্য, ভূমিপালশ্চিরাযুর্ভবতি| কীদৃশে ভিষজি ? শ্রুতচরিতসমৃদ্ধে-শাস্ত্রশাস্ত্রোক্তানুষ্ঠানসম্পন্নে, কর্মদক্ষে-উপচারকুশলে, দাযালৌ-কারুণিকে| নিরনুবন্ধং-নিঃশঙ্কম্| তেজঃ-কান্তিঃ| স্বাস্থ্যং-আরোগ্যম্| কীর্তিঃ-যশঃ| প্রভাবঃ-প্রতাপঃ| স্বকুশলফভোগী-স্বোপার্জিতপুণ্যফলোপভোগক্ষমঃ| চিরাযুঃ-দীর্ঘাযুঃ| সঙ্গ্রহে তু (সূ. অ. ৯)- "মনঃশরীরস্থিতিমাত্রমেব ব্যবাযং সেবেত| ন তু তত্পরঃ স্যাদিতি| ভবতি চাত্র| বিশ্রব্ধহৃষ্টো রহসিতত্কামস্তরুণঃ পুমান্| সমস্থিতাঙ্গঃ সুরভির্মুক্তমূত্রাদিরব্যথঃ|| নানাশিতো নাত্যশিতো বৃষ্যাণাং তর্পিতস্ত্র্যহম্| নারীং নারীগুণৈর্যুক্তাং সহপূর্বগুণাং ব্রজেত্|| (স্ত্রীসংসর্গাদ্ধি সদ্যঃ স্যাত্ ক্লীবতা বলিনামপি| এবং চাপ্যায্যতে শীঘ্রং তেষাং শুক্রং চ ধাম চ||) দ্দষ্ট্যাযুরোজঃ শুক্রাণাং ক্ষযং মেঢ্রাশ্রযান্ গদান্| বাযোঃ কোপমধর্মং চ মূঢঃ প্রান্পোত্যতোঽন্যথা|| উত্তানো বেগরোধী চ বৃদ্ধিমেহাশ্মশর্করাঃ| তিমিরা দিগদোত্পত্তির্মূর্দ্ধাদ্যাহননাদ্ধুবম্|| ন চার্বাক্ ষোডশাদ্বর্ষাত্ সপ্ততেঃ পরতো ন চ| আযুশ্কামো নরঃ স্ত্রীভিঃ সংযোগং কর্তুমর্হতি|| অতিবালো হ্রাসম্পূর্ণসর্বধাতুঃ স্ত্রিযং ব্রজন্| উপরপ্যেত সহসা তডাগমিব কাজলম্|| শুষ্কং রূক্ষং যথা কাষ্ঠং জন্তুজগ্ধং বিজর্জরম্| স্পৃষ্টমাশু বিশীর্যেত তথা বৃদ্ধঃ স্ত্রিযং ব্রজন্|| কাযস্য তেজঃ পরমং হি শুক্রমাহারসারাদপি সারভূতম্| জিতাত্মানা তত্পরিরক্ষণীযং ততো বপুঃ সন্ততিরপ্যুদারা|| অপ্রমত্তো ভজেদ্ভাবাংস্তদাত্বসুখসংজ্ঞকান্| সুখোদর্কেষু সজ্জেত দেহস্যৈতদলং হিতম্|| প্রজ্ঞাপরাধোঽসাত্ম্যার্থসংযোগঃ কালবৈকৃতম্| হিতেঽপি রতমাহারে যোজযন্ত্যামযৈর্নরম্|| নাপথ্যসেবিনং সদ্যঃ প্রবাধন্তে তদা মলাঃ| প্রকোপং প্রতিবিঘ্নন্তি ভিন্নৈর্দূষ্যাদিভির্যদা|| ন চ সর্বোঽপচারোঽপি সর্বদা সর্বদোষকৃত্| ন হিসর্বাণ্যপথ্যানি তুল্যদোষাণি নৈব চ|| সর্বে তুল্যবলা দোষা ন সর্বাণি বপূংষি চ ব্যাধিক্ষমত্বে শক্তানি যতোঽপথ্যং তদেব তু|| গচ্ছত্যপথ্যতমতাং তুল্যদূষ্যাদিবর্দ্ধিতম্| ত এব চ পুনর্দোষা হেতুভির্বহু ভিশ্চিতাঃ|| মিথো বিরুদ্ধা বলিনো দীর্ঘকালানুবর্তিনঃ| সর্বে সমং প্রক্রুপিতাঃ প্রাপ্যাল্পমপি কারণম্|| প্রাণাযতনমাশ্রিত্য গম্ভীরাঃ সর্বমার্গগাঃ| দেহে হিতোচিতে তে স্যুশ্চিরাদপ্যাশুকারিণঃ|| অহিতান্যপি চান্যে পামভ্যাসাদুপশেরতে| দোষাস্চৈব ক্ষাযং যান্তি কর্মবাতাতপাদিভিঃ|| অথ বহূনামেকরোগোত্পত্তিঃ| ভিন্নাহারবযঃ সাত্ম্যপ্রকৃতীনাং সমং ভবেত্| একো বিকৃতবায্বাদিযুগপত্সেবনাদ্গদঃ|| বাতাদীনাং তু বিকৃতির্বিকৃতাদগ্রহচারতাঃ ভৌমান্তরিক্ষদিব্যেভ্য উত্পাতেভ্যশ্চ জাযতে|| সম্ভবঃ পুনরেতেষাং কর্মণঃ সাসুদাযিকাত্| দুষ্টো বাযুরভিশ্যন্দী স্তিমিতোঽত্যুষ্ণশীতলঃ|| কুণ্ডলী ভৈরবরবঃ পরুষোঽনার্তবো বলী| অন্যোন্যব্যাহতগতিঃ পাংশুবাষ্পবিষান্বিতঃ|| রসবর্ণাদিবিকৃতমপক্রান্তবিহঙ্গমম্| নিন্দিতপ্রভবং তোযমুপক্ষীণজলেশযম্|| মক্ষিকামূষিকব্যালবহূত্পাতপ্রদূষিতাঃ|দেশোঽপ্থ্যান্নবহুলো নষ্টধর্মমহৌষধিঃ|| কালশ্চ বিপরীতাতিহীনলিঙো যথাযথম্ | এতে দুষ্পরিহারত্বাদহিতাযোত্তরোত্তরম্|| যেষামনিযতং কর্ম তস্মিন্ কালে সুদারুণে| কর্ম পঞ্চবিধং তেষাং যোজ্যং তদ্বদ্রসাযনম্|| শস্যতে দেহবৃত্তিশ্চ ভেষজৈঃ পূর্বমুদ্ধৃতৈঃ| ব্রহ্রাচর্যং দযা দানং জিতাত্মনাম্| দেশানামবিপন্নানাং সাধূনাং চ নিষেবণম্|| দৈবব্যপাশ্রযং চেষ্টং কর্ম দীবিতরক্ষণম্| হেমন্তাদিষু কুর্বীত স্বং স্বং চাকালিকেষ্বপি|| বিধিং তচ্ছীলনং যস্মাচ্ছীতাদিদ্বন্দ্বকারিতম্| ঋতুচর্যা হি শীতোষ্ণবৃষ্টিদোষপ্রতিক্রিযা|| অত এব চ চর্যাযাং হেমন্তশিশিরৌ সমৌ| অথাকালমৃত্যুঃ| সর্বপ্রাণভৃতাং নিত্যমাযুর্যুক্তিমপেক্ষতে| দৈবে পুরুষকারে চ স্থিতং হ্যস্য বলাবলম্|| অন্যজন্মকৃতং কর্ম দৈবং পৌরুষমৈহিকম্| বিদ্যাত্তে কর্মণী ত্রেধা শ্রেষ্ঠমধ্যাবরত্বতঃ|| তযোরুদারযোর্যুক্তির্দীর্ঘস্য সুসুখস্য চ| নিযতস্যাযুষো হেতুর্বিপরীতস্য চাবরা|| মধ্যা মধ্যস্য, মিশ্রস্য সঙ্কীর্ণা, শৃণু চাপরম্| দৈবং পুরুষকারেণ দির্বলং হ্রাপহন্যতে|| তথা দৈবেনবলিনা পৌরুষং কর্ম দুর্বলম্| দ্দষ্ট্বা যদেকে মন্যন্তে নিযতং মানমাযুষঃ|| কর্ম কিঞ্চিত্ ক্বচিত্কালে বিপাকনিযতং মহত্| কিঞ্চিত্বকালনিযতং প্রত্যযৈঃ প্রতিবোধ্যতে|| এবং চ দ্বিবিধো মৃত্যুঃ কালাকালবিভেদতঃ| উপদিষ্টস্ততশ্চৈষ হিতাহিতবিধিক্রমঃ|| একোত্তরং মৃত্যুশতং ব্রুবতে বেদবাদিনঃ| তত্রৈকঃ কালসংযুক্তঃ শেষাস্ত্বাগন্তবঃ স্মৃতাঃ|| শ্যেনাজিরাদিযাগেন ভ্রাতৃব্যস্য তথা চ তৈঃ| দৈর্ধ্যশ্রবসসোমাদ্যৈর্বিহিতস্ত্বাত্মনো বধঃ|| আযুষ্কামস্য তত্প্রাপ্তিস্তত্রেষ্ট্যা মিত্রবিন্দযা| সর্বস্মাদেব চাত্মানং গোপাযেদীদ্দশী স্মৃতিঃ|| তথা মরণমুদ্দিষ্টং সৌগতানাং চতুর্বিধম্| বিষমাপরিহারেণ জাযতে নিযতাযুষাম|| ধ্রুবং রোগিত্বমন্যেষাং মৃত্যুরেব ত্বপর্বণি| অকাণ্ডে শস্ত্রধারাদ্যৈঃ প্রত্যক্ষো মৃত্যুরন্যথা|| উদ্ভ্রা ন্তচণ্ডমাতঙ্গতুরঙ্গাদিসমাগমম্| অরাতিদুষ্টবাতাদিসাহসাহিতভোজনম্|| বর্জযেদিতি ন ব্রূযুর্মুনযো দিব্যা চক্ষুষঃ| দৈবব্যপাশ্রযাদীশ্চ রসাযনবিধিং বিনা|| ন বা তেঽপি যথাকামমাযুষঃ স্থিতিমাপ্নুযুঃ| অহিসিংহগজাদিভ্যো বিদুষাং ন ভযং ভবেত্|| মিথ্যা প্রাকারদুর্গাণি মিথ্যা মারণরক্ষণম্| আযুষ্কামস্য মিথ্যৈব পরদারাদিবর্জনম্|| মন্ত্রদেবতযাঽঽহূতা নাচক্ষীরন্ মহাহযঃ| বিষসুত্পপ্রবুদ্ধস্থা ভাবাভাবৌ তদাযুষঃ| সংন্যাসরোহিণীকাদিগ্রস্তস্য সহসা ভবেত্| উপেক্ষযা ন মরণং জীবিতং বা চিকিত্সযা|| প্রত্যহং নৃসহস্ত্রস্য যুদ্ধেঽন্যোন্যমভিঘ্নতঃ| সাধুবৃত্তস্য চাতুল্যা ন ভবেদাতুষঃ স্থিতিঃ|| নাযুধৈর্দ্বিষমিন্দ্রাদ্যা নৌষধৈরার্তমশ্বিনৌ| উপক্রমেরন্ন ভবেদকালামরণং যদি|| ঘটানামামপক্বানাং পালনাপরিপালনৈঃ| চিরাল্পকালবর্তিত্বং চিত্রস্থানাং চ দ্দশ্যতে| ইত্যত্যন্তপ্রসিদ্ধেঽপি সিদ্ধে সর্বাগমৈরপি| দ্দষ্টেঽপ্যকালমরণে বিচিকিত্সেত্ কথং বুধঃ|| গুণবদ্ভিষগাদীনাং সম্ভবে সম্ভবেত্তু যঃ| মৃত্যুস্তং কালজং প্রাহুরিতরং তদ্বিপর্যযে|| যথা রথো বাহ্যমানো ন্যাযেন ক্রমশঃ ক্ষযম্| যাযাদাত্মবতামাযুস্তথাঽন্যেষাং বিপর্যযঃ|| শুচিতৈলদশোদীপঃ কীটবাতাদ্যপীডিতঃ| দীপ্তিমান্ বর্ততে সম্যক্ যথৈব স্নেহসঙ্ক্ষযাত্|| স এবাতো যথা চ স্যাদ্বিপরীতো বিপর্যযে| হিতাহিতোপচারেণ তথৈব পুরুষো ধ্রুবম্|| সর্বমন্যত্ পরিযজ্য শরীরং পালযেদতঃ| তদভাবে হি ভাবানাং সর্বাভাবঃ শরীরিণাম্|| নগরী নগরস্যেব রথস্যেব রথী সদা| স্বশরীরস্য মেধাবী কৃত্যেষ্ববহিতো ভবেত্|| আহারকল্পনাহেতূন্ স্বভাবাদীন্ বিশেষতঃ| সমীক্ষ্য হিতমশ্নীযাদ্দেহোহ্যহারসম্ভবঃ|| ভীলজ্জাযন্ত্রণালোভহর্ষশোকবশংগতঃ| ন জাতু ধারযেদ্বেগাংস্তদ্ধি সর্বাপদাং পদম্|| হিতমভ্যস্যতঃ পুংসো নাকালে কালদংষ্ট্রযা| সঞ্জাযতে পরামর্শো বলোত্সাহেন্দ্রিযাযুষাম্||অহিতানি চ সন্ত্যজ্য দোষমপ্যাপ্নুযাদ্যদি| তথাঽপ্যানৃণ্যমাযাতি সাধূনামাত্মবানিতি|| যচ্চ রোগসমুত্থানং ন শক্যমিহ কেনচিত্| পরিহর্তুং ন তত্প্রাপ্য শোচিতব্যং মনীষিণা|| হিতাহারবিহারাণাং সদাচারনিষেবিণাম্| লোকদ্বযব্যপেক্ষণাং জীবিতং হ্রামৃতাযতে|| গৃধ্নুর্গ্রাম্যসুখে বশ্যঃ ক্লেশানাং হতসত্পথঃ| মূঢো জীবত্যনর্থায দুর্গতিং পরিবৃংহযন্|| বিদুষাঽন্তঃশরীরস্থান্নিত্যং সন্নিহিতানরীন্| জিত্বা বর্জ্যানি চিরং জীবিতুমিচ্ছতা|| তদাত্বে চানুবন্ধে বা তস্মাত্ কর্মাশুভোদযম্| স্মরন্নাত্রেযবচসো ন ধীমান্ কর্তুমর্হতি|| ইতি| ইতি হেমাদ্রিটীকাযামাযুর্বেদরসাযনে| অন্নরক্ষাপ্রকরণং সামস্ত্যেন নিরূপিতম্|| ৭||