Adhikarana অধ্যাযোপক্রমঃ · Śloka
🔊 Audio coming soon
সর্বাঙ্গসুন্দরী ব্যাখ্যা ( কৃত)
অর্শোনিদানাদনন্তরমতিসারগ্রহণীরোগনিদানারম্ভঃ| যতো বক্ষ্যতি (হৃ. চি. অ. ৮|১৬৪) - "অর্শোতিসারগ্রহণীবিকারাঃ প্রাযেণ চান্যোন্যনিদানভূতাঃ|" ইতি|
আযুর্বেদরসাযনম্ ব্যাখ্যা ( কৃত)
০০০০০
Adhikarana অতীসারগ্রহণীরোগনিদানাধ্যাযঃ (২) · Śloka ২
তস্মাদতীসারগ্রহণীরোগনিদানং প্রক্রম্যত ইত্যাহ - - - - অথাতোঽতীসারগ্রহণীদোষনিদানং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ| (গদ্যসূত্রে)||২||
तस्मादतीसारग्रहणीरोगनिदानं प्रक्रम्यत इत्याह - - - - अथातोऽतीसारग्रहणीदोषनिदानं व्याख्यास्यामः| इति ह स्माहुरात्रेयादयो महर्षयः| (गद्यसूत्रे)||२||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-পূর্ববদ্ব্যাখ্যা|
আযুর্বেদরসাযনম্ ব্যাখ্যা ( কৃত)
০০০০০
Adhikarana অতীসারঃ ষড্বিধঃ (১) · Śloka ১
দোষৈর্ব্যস্তৈঃ সমস্তৈশ্চ ভযাচ্ছোকাচ্চ ষড্বিধঃ| অতীসারঃ|১|
दोषैर्व्यस्तैः समस्तैश्च भयाच्छोकाच्च षड्विधः| अतीसारः|१|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-দোষৈর্ব্যস্তৈঃ-পৃথগ্বাতপিত্তকফৈঃ, সমস্তৈঃ-সন্নিপাতেন, তথা ভযাত্ শোকাচ্চেতি ষড্বিধোঽতীসারঃ|
আযুর্বেদরসাযনম্ ব্যাখ্যা ( কৃত)
০০০০০
Adhikarana অতীসারস্য নিদানম্ (১-৪) · Śloka ৪
| স সুতরাং জাযতেঽত্যম্বুপানতঃ||১|| কৃশশুষ্কামিষাসাত্ম্যতিলপিষ্টবিরূঢকৈঃ| মদ্যরূক্ষাতিমাত্রান্নৈরর্শোভিঃ স্নেহবিভ্রমাত্||২|| কৃমিভ্যো বেগরোধাচ্চ তদ্বিধৈঃ কুপিতোঽনিলঃ| বিস্রংসযত্যধোঽব্ধাতুং হত্বা তেনৈব চানলম্||৩|| ব্যাপদ্যানুশকৃত্কোষ্ঠং পুরীষং দ্রবতাং নযন্| প্রকল্পতেঽতিসারায|৪|
| स सुतरां जायतेऽत्यम्बुपानतः||१|| कृशशुष्कामिषासात्म्यतिलपिष्टविरूढकैः| मद्यरूक्षातिमात्रान्नैरर्शोभिः स्नेहविभ्रमात्||२|| कृमिभ्यो वेगरोधाच्च तद्विधैः कुपितोऽनिलः| विस्रंसयत्यधोऽब्धातुं हत्वा तेनैव चानलम्||३|| व्यापद्यानुशकृत्कोष्ठं पुरीषं द्रवतां नयन्| प्रकल्पतेऽतिसाराय|४|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-স চ সুতরামত্যম্বুপানাত্ জাযতে| কৃশশুষ্কামিষাদিভিস্তথা তদ্বিধৈঃ-বাতপ্রকোপহেতুভিরিহানুক্তৈরপি, অনিলঃ কুপিতোঽব্ধাতুং শরীরগতমধো বিস্রংসযতি-অধস্তান্নযতি| স্নেহবিভ্রমঃ-স্নেহব্যাপত্তিঃ| তেনৈব-অব্ধাতুনা, অনলং-জঠরাগ্নিং, হত্বা-মন্দত্বং নীত্বা, তথা কোষ্ঠং ব্যাপদ্য-শূন্যতাং কোষ্ঠস্য কারযিত্বা, অনুশকৃত্-শকৃতঃ সমীপে, ন তু সর্বং কোষ্ঠম্| পুরীষং চ তেনৈব ধাতুনা দ্রবতাং নযন্-প্রাপযন্| অতীসারায কল্পতে-সম্পদ্যতে| অনিল ইতি যোজ্যম্|
আযুর্বেদরসাযনম্ ব্যাখ্যা ( কৃত)
০০০০০
Adhikarana অতীসারস্য পূর্বরূপম্ (৪-৫) · Śloka ৫
| লক্ষণং তস্য ভাবিনঃ||৪|| তোদো হৃদ্গুদকোষ্ঠেষু গাত্রসাদো মলগ্রহঃ| আধ্মানমবিপাকশ্চ|৫|
| लक्षणं तस्य भाविनः||४|| तोदो हृद्गुदकोष्ठेषु गात्रसादो मलग्रहः| आध्मानमविपाकश्च|५|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-তস্য-অতীসারস্য, ভাবিনো-ভবিষ্যতো লক্ষণং, তোদো হৃদাদিষু গাত্রসাদাদি চ|
আযুর্বেদরসাযনম্ ব্যাখ্যা ( কৃত)
০০০০০
Adhikarana বাতজানাং লক্ষণম্ (৫-৭) · Śloka ৭
| তত্র বাতেন বিড্জলম্||৫|| অল্পাল্পং শব্দশূলাঢ্যং বিবদ্ধমুপবেশ্যতে| রূক্ষং সফেনমচ্ছং চ গ্রথিতং বা মুহুর্মুহুঃ||৬|| তথা দগ্ধগুডাভাসং সপিচ্ছাপরিকর্তিকম্| শুষ্কাস্যো ভ্রষ্টপাযুশ্চ হৃষ্টরোমা বিনিষ্টনন্||৭||
| तत्र वातेन विड्जलम्||५|| अल्पाल्पं शब्दशूलाढ्यं विबद्धमुपवेश्यते| रूक्षं सफेनमच्छं च ग्रथितं वा मुहुर्मुहुः||६|| तथा दग्धगुडाभासं सपिच्छापरिकर्तिकम्| शुष्कास्यो भ्रष्टपायुश्च हृष्टरोमा विनिष्टनन्||७||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-[তত্র-] তেষু ষডতীসারেষু, বাতেনাতীসারে বিড্জলাদিকং শুষ্কমুখাদিকো নর উপবেশ্যতে| কিং কুর্বন্ ? বিনিষ্টনন্| কোঽর্থঃ ? নিঃকুথন্|
আযুর্বেদরসাযনম্ ব্যাখ্যা ( কৃত)
০০০০০
Adhikarana পিত্তজানাং লক্ষণম্ (৮-৯) · Śloka ৯
পিত্তেন পীতমসিতং হারিদ্রং শাদ্বলপ্রভম্| সরক্তমতিদুর্গন্ধং তৃণ্মূর্চ্ছাস্বেদদাহবান্||৮|| সশূলং পাযুসন্তাপপাকবান্| |৯|
पित्तेन पीतमसितं हारिद्रं शाद्वलप्रभम्| सरक्तमतिदुर्गन्धं तृण्मूर्च्छास्वेददाहवान्||८|| सशूलं पायुसन्तापपाकवान्| |९|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-পিত্তেন তৃডাদিমান্নরঃ পীতাদিকমুপবেশ্যতে|
আযুর্বেদরসাযনম্ ব্যাখ্যা ( কৃত)
০০০০
Adhikarana কফজানাং লক্ষণম্ (৯-১১) · Śloka ১১
শ্লেষ্মণা ঘনম্| পিচ্ছিলং তন্তুমচ্ছ্বেতং স্নিগ্ধমামং কফান্বিতম্||৯|| অভীক্ষ্ণং গুরু দুর্গন্ধং বিবদ্ধমনুবদ্ধরুক্| নিদ্রালুরলসোঽন্নদ্বিডল্পাল্পং সপ্রবাহিকম্||১০|| সরোমহর্ষঃ সোত্ক্লেশো গুরুবস্তিগুদোদরঃ| কৃতেঽপ্যকৃতসংজ্ঞশ্চ|১১|
श्लेष्मणा घनम्| पिच्छिलं तन्तुमच्छ्वेतं स्निग्धमामं कफान्वितम्||९|| अभीक्ष्णं गुरु दुर्गन्धं विबद्धमनुबद्धरुक्| निद्रालुरलसोऽन्नद्विडल्पाल्पं सप्रवाहिकम्||१०|| सरोमहर्षः सोत्क्लेशो गुरुबस्तिगुदोदरः| कृतेऽप्यकृतसंज्ञश्च|११|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-শ্লেষ্মণা ঘনাদিগুণং নর উপবেশ্যতে| নিদ্রালুস্তথাঽলসোঽন্নদ্বেষী চ স্তোকং স্তোকং সহ প্রবাহিকযা বর্ততে সপ্রবাহিকং চোপবেশ্যতে| তথা, সরোমহর্ষাদিকঃ স্যাত্| কৃতেঽপ্যকৃতসংজ্ঞশ্চ-তথা কৃতেঽপ্যকৃতসংজ্ঞশ্চ পুরীষোত্সর্গেঽকৃতসংজ্ঞঃ কৃতপুরীষোত্সর্গ ইতি সংবেদনা ন ভবতি|
আযুর্বেদরসাযনম্ ব্যাখ্যা ( কৃত)
০০০০০
Adhikarana ত্রিদোষস্য লক্ষণম্ (১১) · Śloka ১১
| সর্বাত্মা সর্বলক্ষণঃ||১১||
| सर्वात्मा सर्वलक्षणः||११||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-সর্বাত্মা-সন্নিপাতেন, সর্বদোষলিঙ্গঃ|
আযুর্বেদরসাযনম্ ব্যাখ্যা ( কৃত)
০০০০
Adhikarana ভযজস্য লক্ষণম্ (১২-১৩) · Śloka ১৩
ভযেন ক্ষোভিতে চিত্তে সপিত্তো দ্রাবযেচ্ছকৃত্| বাযুস্ততোঽতিসার্যেত ক্ষিপ্রমুষ্ণং দ্রবং প্লবম্||১২|| বাতপিত্তসমং লিঙ্গৈরাহুঃ| |১৩|
भयेन क्षोभिते चित्ते सपित्तो द्रावयेच्छकृत्| वायुस्ततोऽतिसार्येत क्षिप्रमुष्णं द्रवं प्लवम्||१२|| वातपित्तसमं लिङ्गैराहुः| |१३|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-ভযেন চিত্তে ক্ষোভিতে সতি পিত্তসহিতো বাযুঃ শকৃদ্দ্রাবযেত্| ততোঽনন্তরমতিসার্যেত, ক্ষিপ্রাদিগুণযুক্তং লিঙ্গৈর্বাতপিত্ততুল্যম্|
আযুর্বেদরসাযনম্ ব্যাখ্যা ( কৃত)
০০০০০
Adhikarana শোকজস্য লক্ষণম্ (১৩) · Śloka ১৩
তদ্বচ্চ শোকতঃ| |১৩|
तद्वच्च शोकतः| |१३|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-তদ্বচ্চ-ভযেন তুল্যলিঙ্গং, শোকাদতিসার্যতে|
আযুর্বেদরসাযনম্ ব্যাখ্যা ( কৃত)
০০০০০
Adhikarana ষণ্ণামতীসারাণাং প্রত্যেকং দ্বৈবিধ্যদ্বিকম্ (১৩-১৪) · Śloka ১৪
| অতীসারঃ সমাসেন দ্বিধা সামো নিরামকঃ||১৩|| সাসৃঙ্নিরস্রঃ| |১৪|
| अतीसारः समासेन द्विधा सामो निरामकः||१३|| सासृङ्निरस्रः| |१४|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-অতীসারঃ ষোঢা ভবন্ দ্বিপ্রকারঃ সঙ্ক্ষেপেণ| একঃ সামো দ্বিতীযো নিরামকঃ| তথা, একঃ সরক্তো দ্বিতীযো নিরস্রঃ|
আযুর্বেদরসাযনম্ ব্যাখ্যা ( কৃত)
০০০০০
Adhikarana সামস্য লক্ষণম্ (১৪) · Śloka ১৪
তত্রাদ্যে গৌরবাদপ্সু মজ্জতি| শকৃদ্দুর্গন্ধমাটোপবিষ্টম্ভার্তিপ্রসেকিনঃ||১৪||
तत्राद्ये गौरवादप्सु मज्जति| शकृद्दुर्गन्धमाटोपविष्टम्भार्तिप्रसेकिनः||१४||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-তত্র-তস্মিন্, আদ্যে-সামেঽতীসারে, গৌরবাদপ্সু পতিতং পুরীষং মজ্জতি-ব্রুডতি, দুর্গন্ধং চ স্যাত্| আটোপাদিযুতস্য পুংসঃ|
আযুর্বেদরসাযনম্ ব্যাখ্যা ( কৃত)
০০০০০
Adhikarana নিরামস্য লক্ষণম্ (১৫) · Śloka ১৫
বিপরীতো নিরামস্তু কফাত্পক্বোঽপি মজ্জতি| |১৫|
विपरीतो निरामस्तु कफात्पक्वोऽपि मज्जति| |१५|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-নিরামস্ত্বতীসারোঽতো বিপরীতঃ-অপ্সু প্লবতি, আটোপাদিরহিতস্য পুংসঃ| স০-কফাত্পুনঃ স্বভাবগুরুত্বাত্ পক্বোঽপি মজ্জতি|
আযুর্বেদরসাযনম্ ব্যাখ্যা ( কৃত)
০০০০০
Adhikarana গ্রহণীরোগস্য নিদানম্ (১৫-১৬) · Śloka ১৬
অথ গ্রহণীরোগং লক্ষযতি - - - - | অতীসারেষু যো নাতিযত্নবান্ গ্রহণীগদঃ||১৫|| তস্য স্যাদগ্নিবিধ্বংসকরৈরন্যস্য সেবিতৈঃ| |১৬|
अथ ग्रहणीरोगं लक्षयति - - - - | अतीसारेषु यो नातियत्नवान् ग्रहणीगदः||१५|| तस्य स्यादग्निविध्वंसकरैरन्यस्य सेवितैः| |१६|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-অতীসারেষু যোঽতিযত্নবান্ন ভবতি তস্য গ্রহণীগদো ভবেদিতি গ্রহণ্যা নিদানম্| অন্যস্য-অনতিসারিণঃ, অগ্নিবিধ্বংসকরৈঃ-বহ্নিমান্দ্যহেতুভিরন্নপানৈঃ, শীলিতৈর্গ্রহণীরোগঃ স্যাত্|
আযুর্বেদরসাযনম্ ব্যাখ্যা ( কৃত)
০০০০০
Adhikarana অতীসারস্য মেদকলক্ষণম্ (১৬-১৭) · Śloka ১৭
অতীসারগ্রহণীরোগযোঃ সমানাভাসত্বাত্ কো বিশেষঃ ? ইত্যাহ - - - - | সামং শকৃন্নিরামং বা জীর্ণে যেনাতিসার্যতে||১৬|| সোঽতিসারোঽতিসরণাদাশুকারী স্বভাবতঃ| |১৭|
अतीसारग्रहणीरोगयोः समानाभासत्वात् को विशेषः ? इत्याह - - - - | सामं शकृन्निरामं वा जीर्णे येनातिसार्यते||१६|| सोऽतिसारोऽतिसरणादाशुकारी स्वभावतः| |१७|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-সামং পুরীষমথবা নিরামং জীর্ণ আহারে সতি যেন-ব্যাধিনা, অতিসার্যতে-অত্যর্থং বহির্নিঃসার্যতে, স ব্যাধিরতীসারঃ| অতিসরণাদ্ধেতোঃ| অতিসরণশব্দনির্দেশেন চাস্যান্বর্থত্বং দ্যোতিতম্| তদেবমতিসরণাদতীসার ইত্যুচ্যতে| ননু, এবং সতি যদা গ্রহণীদোষেঽপ্যতিসরণং কথঞ্চিত্স্যাত্তদা তস্যাপ্যতীসারত্বং স্যাদিত্যাশঙ্ক্যাহ-আশুকারীত্যাদি| প্রভাবপ্রধানোঽযং নির্দেশঃ| হেতৌ প্রথমা| স্বভাবেনাশুকারিত্বাদতীসারো গ্রহণীদোষাদন্য ইত্যর্থঃ| গ্রহণীদোষো হি নাশুকারী, কিন্তর্হি ? চিরকৃত্| তথা চাহ (শ্লো. ১৮)- "চিরকৃদ্গ্রহণীদোষঃ" ইতি|
আযুর্বেদরসাযনম্ ব্যাখ্যা ( কৃত)
০০০০০
Adhikarana গ্রহণীরোগস্য মেদকলক্ষণম্ (১৭-১৮) · Śloka ১৮
অথ গ্রহণীদোষস্য স্বরূপং বর্ণযন্নতীসারাদ্ভূযো মেদমাহ - - - - | সামং সান্নমজীর্ণেঽন্নে জীর্ণে পক্বং তু নৈব বা||১৭|| অকস্মাদ্বা মুহুর্বদ্ধমকস্মাচ্ছিথিলং মুহুঃ| চিরকৃদ্গ্রহণীদোষঃ সঞ্চযাচ্চোপবেশযেত্||১৮||
अथ ग्रहणीदोषस्य स्वरूपं वर्णयन्नतीसाराद्भूयो मेदमाह - - - - | सामं सान्नमजीर्णेऽन्ने जीर्णे पक्वं तु नैव वा||१७|| अकस्माद्वा मुहुर्बद्धमकस्माच्छिथिलं मुहुः| चिरकृद्ग्रहणीदोषः सञ्चयाच्चोपवेशयेत्||१८||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-গ্রহণীদোষোঽজীর্ণেঽন্নে সামং কদাচিত্সান্নং, কদাচিজ্জীর্ণেঽন্নে পক্বং তথা নৈব বা| অকস্মাত্-কদাচিন্নিমিত্তমন্তরেণাপি, মুহুর্মুহুঃ-পুনঃপুনর্বদ্ধং, কদাচিন্নিমিত্তং বিনা মুহুঃ শিথিলং, সঞ্চযাদুপবেশযেদিতি যোজ্যম্| অযং তু গ্রহণীদোষশ্চিরকৃত্|
আযুর্বেদরসাযনম্ ব্যাখ্যা ( কৃত)
০০০০০
Adhikarana গ্রহণীরোগশ্চতুর্ধা (১৯) · Śloka ১৯
স চতুর্ধা পৃথগ্দোষৈঃ সন্নিপাতাচ্চ জাযতে| |১৯|
स चतुर्धा पृथग्दोषैः सन्निपाताच्च जायते| |१९|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-সঃ-গ্রহণীদোষঃ, পৃথগ্দোষৈঃ-বাতপিত্তকফৈঃ, সন্নিপাতেন চেতি চতুষ্প্রকারো জাযতে|
আযুর্বেদরসাযনম্ ব্যাখ্যা ( কৃত)
০০০০০
Adhikarana গ্রহণীরোগস্য পূর্বরূপম্ (১৯-২০) · Śloka ২০
| প্রাগ্রূপং তস্য সদনং চিরাত্পচনমম্লকঃ||১৯|| প্রসেকো বক্ক্রবৈরস্যমরুচিস্তৃট্ ক্লমো ভ্রমঃ| আনদ্ধোদরতা ছর্দিঃ কর্ণক্ষ্বেডোঽন্ত্রকূজনম্||২০||
| प्राग्रूपं तस्य सदनं चिरात्पचनमम्लकः||१९|| प्रसेको वक्क्रवैरस्यमरुचिस्तृट् क्लमो भ्रमः| आनद्धोदरता छर्दिः कर्णक्ष्वेडोऽन्त्रकूजनम्||२०||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-তস্য-গ্রহণীদোষস্য, প্রাগ্রূপং সদনং চিরাত্পচনাদি চ|
আযুর্বেদরসাযনম্ ব্যাখ্যা ( কৃত)
০০০০০
Adhikarana গ্রহণীরোগস্য সামান্যলক্ষণম্ (২১) · Śloka ২১
সামান্যং লক্ষণং কার্শ্যং ধূমকস্তমকো জ্বরঃ| মূর্চ্ছা শিরোরুগ্বিষ্টম্ভঃ শ্বযথুঃ করপাদযোঃ||২১||
सामान्यं लक्षणं कार्श्यं धूमकस्तमको ज्वरः| मूर्च्छा शिरोरुग्विष्टम्भः श्वयथुः करपादयोः||२१||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-চতুর্বিধস্যাস্য গ্রহণীগদস্য সামান্যং লক্ষণং কার্শ্যাদিকম্|
আযুর্বেদরসাযনম্ ব্যাখ্যা ( কৃত)
০০০০০
Adhikarana বাতজস্য লক্ষণম্ (২২-২৫) · Śloka ২৫
তত্রানিলাত্তালুশোষস্তিমিরং কর্ণযোঃ স্বনঃ| পার্শ্বোরুবঙ্ক্ষণগ্রীবারুজাঽভীক্ষ্ণং বিষূচিকা||২২|| রসেষু গৃদ্ধিঃ সর্বেষু ক্ষুত্তৃষ্ণা পরিকর্তিকা| জীর্ণে জীর্যতি চাধ্মানং ভুক্তে স্বাস্থ্যং সমশ্নুতে||২৩|| বাতহৃদ্রোগগুল্মার্শঃপ্লীহপাণ্ডুত্বশঙ্কিতঃ| চিরাদ্দুঃখং দ্রবং শুষ্কং তন্বামং শব্দফেনবত্||২৪|| পুনঃপুনঃ সৃজেদ্বর্চঃ পাযুরুক্শ্বাসকাসবান্| |২৫|
तत्रानिलात्तालुशोषस्तिमिरं कर्णयोः स्वनः| पार्श्वोरुवङ्क्षणग्रीवारुजाऽभीक्ष्णं विषूचिका||२२|| रसेषु गृद्धिः सर्वेषु क्षुत्तृष्णा परिकर्तिका| जीर्णे जीर्यति चाध्मानं भुक्ते स्वास्थ्यं समश्नुते||२३|| वातहृद्रोगगुल्मार्शःप्लीहपाण्डुत्वशङ्कितः| चिराद्दुःखं द्रवं शुष्कं तन्वामं शब्दफेनवत्||२४|| पुनःपुनः सृजेद्वर्चः पायुरुक्श्वासकासवान्| |२५|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-তত্র-তেষু চতুর্ষু গদেষু মধ্যে, বাতাত্তালুশোষাদি স্যাত্|
আযুর্বেদরসাযনম্ ব্যাখ্যা ( কৃত)
০০০০০
Adhikarana পিত্তজস্য লক্ষণম্ (২৫-২৬) · Śloka ২৬
| পিত্তেন নীলপীতাভং পীতাভঃ সৃজতি দ্রবম্||২৫|| পূত্যম্লোদ্গারহৃত্কণ্ঠদাহারুচিতৃডর্দিতঃ| |২৬|
| पित्तेन नीलपीताभं पीताभः सृजति द्रवम्||२५|| पूत्यम्लोद्गारहृत्कण्ठदाहारुचितृडर्दितः| |२६|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-পিত্তেন পীতাভঃ সন্ তথা পূত্যম্লোদ্গারাদ্যর্দিতো নীলবর্ণাদিকং বর্চঃ সৃজতি|
আযুর্বেদরসাযনম্ ব্যাখ্যা ( কৃত)
০০০০০
Adhikarana কফজস্য লক্ষণম্ (২৬-২৯) · Śloka ২৯
| শ্লেষ্মণা পচ্যতে দুঃখমন্নং ছর্দিররোচকঃ||২৬|| আস্যোপদেহেনিষ্ঠীবকাসহৃল্লাসপীনসাঃ| হৃদযং মন্যতে স্ত্যানমুদরং স্তিমিতং গুরু||২৭|| উদ্গারো দুষ্টমধুরঃ সদনং স্ত্রীষ্বহর্ষণম্| ভিন্নামশ্লেষ্মসংসৃষ্টগুরুবর্চঃপ্রবর্তনম্||২৮|| অকৃশস্যাপি দৌর্বল্যম্| |২৯|
| श्लेष्मणा पच्यते दुःखमन्नं छर्दिररोचकः||२६|| आस्योपदेहेनिष्ठीवकासहृल्लासपीनसाः| हृदयं मन्यते स्त्यानमुदरं स्तिमितं गुरु||२७|| उद्गारो दुष्टमधुरः सदनं स्त्रीष्वहर्षणम्| भिन्नामश्लेष्मसंसृष्टगुरुवर्चःप्रवर्तनम्||२८|| अकृशस्यापि दौर्बल्यम्| |२९|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-শ্লেষ্মণা দুঃখং-কৃচ্ছ্রেণ, অন্নং পচ্যতে| ছর্দ্যাদি চ স্যাত্| তথা, হৃদযং স্ত্যানং-পিণ্ডিতমিব, মন্যতে| জঠরং নিশ্চলং গুরু চ| উদ্গারশ্চ দুষ্টমধুরঃ স্যাত্| সদনং শরীরস্য| স্ত্রীষ্বহর্ষণাদি চ স্যাত্|
আযুর্বেদরসাযনম্ ব্যাখ্যা ( কৃত)
০০০০০
Adhikarana সন্নিপাতজস্য লক্ষণম্ (২৯) · Śloka ২৯
সর্বজে সর্বসঙ্করঃ| |২৯|
सर्वजे सर्वसङ्करः| |२९|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-সর্বজে-সন্নিপাতজে, সর্বেষাং লক্ষণানাং সঙ্করো-মিশ্রত্বং, ভবতি|
আযুর্বেদরসাযনম্ ব্যাখ্যা ( কৃত)
০০০০০
Adhikarana বিষমাদ্যাস্ত্রযোঽগ্নযোঽপি গ্রহণীদোষাঃ (২৯-৩০) · Śloka ৩০
| বিভাগেঽঙ্গস্য যে চোক্তা বিষমাদ্যাস্ত্রযোঽগ্নযঃ||২৯|| তেঽপি স্যুর্গ্রহণীদোষাঃ| |৩০|
| विभागेऽङ्गस्य ये चोक्ता विषमाद्यास्त्रयोऽग्नयः||२९|| तेऽपि स्युर्ग्रहणीदोषाः| |३०|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-অঙ্গস্য বিভাগে চ যে বিষমাদ্যাঃ-বিষমতীক্ষ্ণমন্দাঃ, ত্রযোঽগ্নয উক্তাস্তেঽপি গ্রহণীদোষাঃ স্যুঃ| ননু, এবং সতি সপ্ত গ্রহণীদোষা ইতি প্রাপ্নোতি| মৈবম্| মুখ্যাঃ সপ্রাপ্তিপূর্বরূপরূপনির্দেশাদিযুক্তাশ্চত্বার এব গ্রহণীগদাঃ| যে তু বিষমাদ্যাস্ত্রযস্তে গ্রহণীরোগাভাসা ইতি বোধ্যম্|
আযুর্বেদরসাযনম্ ব্যাখ্যা ( কৃত)
০০০০০
Adhikarana সমোঽগ্নিঃ স্বাস্থ্যদঃ (৩০) · Śloka ৩০
সমস্তু স্বাস্থ্যকারণম্| |৩০|
समस्तु स्वास्थ्यकारणम्| |३०|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-সমঃ পুনরগ্নিঃ স্বাস্থ্যস্য-আরোগ্যস্য, কারণম্|
আযুর্বেদরসাযনম্ ব্যাখ্যা ( কৃত)
০০০০০
Adhikarana অষ্টৌ মহারোগাঃ (৮) · Śloka ৮
বাতব্যাধ্যশ্মরীকুষ্ঠমেহোদরভগন্দরাঃ| অর্শাংসি গ্রহণীত্যষ্টৌ মহারোগাঃ সুদুস্তরাঃ||৩০|| ইতি শ্রীবৈদ্যপতিসিংহগুপ্তসূনুশ্রীমদ্বাগ্ভটবিরচিতাযামষ্টাঙ্গহৃদযসংহিতাযাং তৃতীযে নিদানস্থানেঽতীসারগ্রহণীদোষনিদানং নামাষ্টমোঽধ্যাযঃ||৮||
वातव्याध्यश्मरीकुष्ठमेहोदरभगन्दराः| अर्शांसि ग्रहणीत्यष्टौ महारोगाः सुदुस्तराः||३०|| इति श्रीवैद्यपतिसिंहगुप्तसूनुश्रीमद्वाग्भटविरचितायामष्टाङ्गहृदयसंहितायां तृतीये निदानस्थानेऽतीसारग्रहणीदोषनिदानं नामाष्टमोऽध्यायः||८||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-বাতব্যাধ্যাদযোঽষ্টৌ মহারোগাঃ সুদুস্তরাঃ-বিষমাঃ| তস্মাত্তেষু যত্নঃ কার্য ইতি| ইতি শ্রীমৃগাঙ্কদত্তপুত্রশ্রীমদরুণদত্তবিরচিতাযামষ্টাঙ্গহৃদযটীকাযাং সর্বাঙ্গসুন্দরাখ্যাযাং তৃতীযে নিদানস্থানেঽতিসারগ্রহণীদোষনিদানং নামাষ্টমোঽধ্যাযঃ সমাপ্তঃ|| ৮||
আযুর্বেদরসাযনম্ ব্যাখ্যা ( কৃত)
০০০০০