5. vastivyāpatsiddhiradhyāyaḥ

Devanagari IAST (Roman)Telugu Tamil Malayalam Kannada Gujarati Bengali Gurmukhi

Hide commentary

Adhikarana adhyāyōpakramaḥ (1) · Śloka 1

asmādanantaraṁ bastivyāpatsiddhirvyākhyāyatē||1||

View original

अस्मादनन्तरं बस्तिव्यापत्सिद्धिर्व्याख्यायते||१||

🔊 Audio coming soon

Hide commentary

āyurvēdarasāyanam vyākhyā ( kr̥ta)

ā0 ra0-

Adhikarana bastivyāpatsiddhiradhyāyaḥ (2) · Śloka 2

athātō bastivyāpatsiddhiṁ vyākhyāsyāmaḥ| iti ha smāhurātrēyādayō maharṣayaḥ| (gadyasūtrē)|2|

View original

अथातो बस्तिव्यापत्सिद्धिं व्याख्यास्यामः| इति ह स्माहुरात्रेयादयो महर्षयः| (गद्यसूत्रे)|२|

🔊 Audio coming soon

Hide commentary

sarvāṅgasundarī vyākhyā ( kr̥ta)

sa0-athāta iti pūrvavat| (asamyak prayuktēṣu bastiṣu yā vyāpadaḥ, tāsāṁ sādhanāyāsyādhyāyasyārambhaḥ|)

āyurvēdarasāyanam vyākhyā ( kr̥ta)

ā0 ra0-bastivyāpatsiddhimadhyāyaṁ vyākhyātuṁ pratijānītē-athēti| bastivyāpadaśca dvādaśōktāḥ saṅgrahē (ka.a.6)- "vibandhagauravādhmānaśirōrugvāhanōrdhvagāḥ| kukṣiśūlāṅgarughidhmāhr̥tpīḍākartanasravāḥ|| ayōgādatiyōgācca bastēḥ syuḥ ṣaṭ ṣaḍāpadaḥ|" iti|

Adhikarana nirūhavyāpadaḥ, ayōgavyāpadaḥ, vibandhākhyā vyāpattatsiddhiśca (1-6) · Śloka 6

asnigdhasvinnadēhasya gurukōṣṭhasya yōjitaḥ| śītō'lpasnēhalavaṇadravyamātrō ghanō'pi vā||1|| bastiḥ saṅkṣōbhya taṁ dōṣaṁ durbalatvādanirharan| karōtyayōgaṁ tēna syādvātamūtraśakr̥dagrahaḥ||2|| nābhibastirujā dāhō hr̥llēpaḥ śvayathurgudē| kaṇḍūrgaṇḍāni vaivarṇyamaratirvahnimārdavam||3|| kvāthadvayaṁ prāgvihitaṁ madhyadōṣē'tisāriṇi| uṣṇasya tasmādēkasya tatra pānaṁ praśasyatē||4|| phalavartyastathā svēdāḥ kālaṁ jñātvā virēcanam| bilvamūlatrivr̥ddāruyavakōlakulatthavān||5|| surādimūtravān bastiḥ saprākpēṣyastamānayēt| |6|

View original

अस्निग्धस्विन्नदेहस्य गुरुकोष्ठस्य योजितः| शीतोऽल्पस्नेहलवणद्रव्यमात्रो घनोऽपि वा||१|| बस्तिः सङ्क्षोभ्य तं दोषं दुर्बलत्वादनिर्हरन्| करोत्ययोगं तेन स्याद्वातमूत्रशकृदग्रहः||२|| नाभिबस्तिरुजा दाहो हृल्लेपः श्वयथुर्गुदे| कण्डूर्गण्डानि वैवर्ण्यमरतिर्वह्निमार्दवम्||३|| क्वाथद्वयं प्राग्विहितं मध्यदोषेऽतिसारिणि| उष्णस्य तस्मादेकस्य तत्र पानं प्रशस्यते||४|| फलवर्त्यस्तथा स्वेदाः कालं ज्ञात्वा विरेचनम्| बिल्वमूलत्रिवृद्दारुयवकोलकुलत्थवान्||५|| सुरादिमूत्रवान् बस्तिः सप्राक्पेष्यस्तमानयेत्| |६|

🔊 Audio coming soon

Hide commentary

sarvāṅgasundarī vyākhyā ( kr̥ta)

sa0-astrigdhādiguṇasya puṁsaḥ śiśirastathā'lpasnēhalavaṇō'lpadravyamātraḥ-alpadravyakalpaḥ(lkaḥ), tathā ghanō-bahudravyakalkō, bastiryōjitaḥ san bastisādhyaṁ dōṣaṁ saṅkṣōbhya durbalatvādanirharan ayōgaṁ karōti| tēna-ayōgēna, vātādigrahaḥ syāt| prāk-atisāracikitsitē (ci. a. 9/6) kvāthadvayaṁ-pācanayugulaṁ-madhya dōṣē'tisāriṇi vihitaṁ bhūtīkapippalyādirēkō bilvadhanikō dvitīyaḥ, tasmāt-kvāthadvayāt, ēkasya-anyatarasya kvāthasyōṣṇasya, tatrāvasthāyāṁ pānaṁ praśasyatē, tathā phalavartayaḥ svēdāśca nānāvidhāḥ, avasthāśca jñātvā virēcanaṁ śasyatē| tathā bilvādimān bastistathā surādimān bastiḥ, saprākpēṣyaḥ-"balāṁ guḍūcīṁ" (ka. a. 4/1) ityādau bastau yaḥ pēṣyō yavānyādikr̥t tēna prākpēṣyēṇa saha vartata iti saprākpēṣyaḥ| tamatra dattavastinōtkliṣṭaṁ dōṣamānayēt-ākarṣayēt|

āyurvēdarasāyanam vyākhyā ( kr̥ta)

ā0 ra0-vibandhākhyāṁ vyāpadamāha-asnigdhēti| dravyaṁkvāthyaṁ pēṣyaṁ ca| taṁ dōṣaṁ-yadarthaṁ dattaḥ| kvāthadvayaṁ-"pibēt prakavathitāstōyē madhyadōṣō viśōṣayan| bhutīkapippalīśuṇṭhīvacādhānyaharītakīḥ|| athavā bilvadhanikāmustanāgaravālakam|" (hr̥.ci.a. 915) ityuktam| bhūtīkaṁ-kaṭtr̥ṇam| prākpēṣyaṁ-"pūtōyavānīphalabilvakuṣṭhavacāśatāvhāghanapippalīnām| kalkaiḥ (hr̥.ka.a. 4/2) ityuktam| surā-madirā| ādiśabdādanyadapyamlam| gauravākhyāṁ vyāpadaṁ tvāha saṅgrahē (ka.a. 6)-"saśēṣāmē nirūhēṇa mr̥dunā dōṣa īritaḥ| mūrcchayatyanilaṁ mārgaṁ rūṇadhdyagniṁhinasti ca|| gauravaklamahr̥cchūladāhasammōhavēṣṭanam| tataḥ kuryādupacarēttaṁ rūkṣasvēdapācanaiḥ|| pippalīkaṭtr̥ṇōśīradārumūrvāśr̥taṁ jalam| pibētsauvarcalōnmiśraṁ dīpanaṁ hr̥dviśōdhanam|| vacānāgaraśaṭhyō vā ghr̥tamaṇḍēna mūrcchitāḥ| pēyāḥ prasannayā vā syurariṣṭanāsavēna vā|| dāru trikaṭukaṁ pathyāṁ palāśaṁ citrakaṁ śaṭhīm| piṣṭhvā kuṣṭhaṁ ca mūtrēṇa pibēt kṣārāṁścha dīpanān|| bastimasya vidadhyācca samūtraṁ dāśamūlikam|" iti|

Adhikarana ādhmānākhyā vyāpattatsiddhiśca (6-10) · Śloka 10

| yuktō'lpavīryō dōṣāḍhyē rūkṣē krūrāśayē'thavā||6|| bastirdōṣāvr̥tō rūddhamārgō rundhyātsamīraṇam| sa vimārgō'nilaḥ kuryādādhmānaṁ marmapīḍanam||7|| vidāhaṁ gudakōṣṭhasya muṣkavaṅkṣaṇavēdanām| ruṇaddhi hr̥dayaṁ śūlairitaścētaśca dhāvati||8|| svabhyaktasvinnagātrasya tatra vartiṁ prayōjayēt| bilvādiśca nirūhaḥ syātpīlusarṣapamūtravān||9|| saralāmaradārubhyāṁ sādhitaṁ cānuvāsanam| |10|

View original

| युक्तोऽल्पवीर्यो दोषाढ्ये रूक्षे क्रूराशयेऽथवा||६|| बस्तिर्दोषावृतो रूद्धमार्गो रुन्ध्यात्समीरणम्| स विमार्गोऽनिलः कुर्यादाध्मानं मर्मपीडनम्||७|| विदाहं गुदकोष्ठस्य मुष्कवङ्क्षणवेदनाम्| रुणद्धि हृदयं शूलैरितश्चेतश्च धावति||८|| स्वभ्यक्तस्विन्नगात्रस्य तत्र वर्तिं प्रयोजयेत्| बिल्वादिश्च निरूहः स्यात्पीलुसर्षपमूत्रवान्||९|| सरलामरदारुभ्यां साधितं चानुवासनम्| |१०|

🔊 Audio coming soon

Hide commentary

sarvāṅgasundarī vyākhyā ( kr̥ta)

sa0-dōṣāḍhyē tathā rūkṣē krūrakōṣṭhē vā bastiralpavīryō dattō dōṣaiḥ-vāyvādyavarakairāvr̥taḥ, anantaraṁ sa bastī ruddhamārgaḥ-pratihatagatiprasaraṇō, vāyuṁ rundhyāt| sō'nilō vimārgaga ādhmānaṁ kuryāt| tathā hr̥dayādīnāṁ marmaṇāṁ vyadhanaṁ-pīḍanaṁ, tathā gudakōṣṭhasya vidāhaṁ, tathā muṣkavaṅkṣaṇavēdanāṁ ca kuryāt| tathā śūlaiḥ-nānāvidhābhirbhagnaruddhamr̥ditapīḍitāvanaddhādibhiḥ pīḍābhiḥ, hr̥dayaṁ ruṇaddhi-āvr̥ṇōti| hr̥dayamāvr̥tyānantaram, itaścētaśca-aniyatē dēśē, dhāvati pavanaḥ| tatra-avasthāviśēṣē, suṣṭvabhyaktāṅgasya svinnāṅgasya ca phalavartiṁ prayōjayēt| bilvādikaśca niruhaḥ syāt pīlusarṣapamūtravān| saraladēvadārubhyāṁ sādhitaṁ tailaṁ cānuvāsanaṁ syāt|

āyurvēdarasāyanam vyākhyā ( kr̥ta)

ā0 ra0-ādhmānākhyāṁ vyāpadamāha-yukta iti| bilvādiḥ-vibandhavyāpadyuktaḥ| pīlu-pīluphalam| śirōrujākhyāṁ vyāpadaṁ tvāha saṅgrahē (ka.a. 6)-"bahudōṣē'balē krūrakōṣṭhē bastistanurmr̥duḥ| śītō'lpaśchāvr̥tō dōṣaiḥ pratihanti samīraṇam|| ūrdhvaṁ sō'nusaran dēhaṁ kuryādvāyuḥ śirōrujam| grīvāstambhaṁ pratiśyāyaṁ bādhiryaṁ dr̥ṣṭivibhramam|| tamuṣṇatailalavaṇapradigdhasvinnamarditam| tīkṣṇairdhūmaiḥ pradhamanairnasyairāsyavirēcanaiḥ|| virēkairbastibhiśchāśu yōjayēdānulōmikaiḥ|" iti| vāhānākhyāṁ ca vyāpadamāha saṅgrahē (ka.a. 6)-"snigdhasvinnē mahādōṣē bastimr̥dvalpabhēṣajaḥ| utklēśyālpaṁ harēddōṣaṁ janayēcca pravāhikām|| śōphaṁ bastāvapānē ca sadanaṁ cōrujaṅghayōḥ| vibaddhamārutō janturabhīkṣṇaṁ sa pravāhatē|| svēdābhyaṅgānniruhāṁścha śōdhanīyānulōmikān| vidadhyāllaṅghayitvā ca vr̥ttiṁ tasya viriktavat||" iti|

Adhikarana ūrdhvamārūtākhyā vyāpattatsiddhiśca (10-21) · Śloka 21

| kurvatō vēgasaṁrōdhaṁ pīḍitō vā'timātrayā||10|| asnigdhalavaṇōṣṇō vā bastiralpō'lpabhēṣajaḥ| mr̥durvā mārutēnōrdhvaṁ vikṣiptō mukhanāsikāt||11|| nirēti mūrcchāhr̥llāsatr̥ḍdāhādīn pravartayan| mūrcchāvikāraṁ dr̥ṣṭvā'sya siñcēcchītāmbunā mukham||12|| vyējadāklamanāśācca prāṇāyāmaṁ ca kārayēt| pr̥ṣṭhapārśvōdaraṁ mr̥jyāt karairuṣṇairadhōmukham||13|| kēśēṣūtkṣipya dhunvīta bhīṣayēdvyāladaṁṣṭribhiḥ| śastrōlkārājapuruṣairbastirēti tathā hyadhaḥ||14|| pāṇivastrairgalāpīḍaṁ kuryānna mriyatē tathā| prāṇōdānanirōdhāddhi suprasiddhatarāyanaḥ||15|| apānaḥ pavanō bastiṁ tamāśvēvāpakarṣati| kuṣṭhakramukakalkaṁ ca pāyētāmlasaṁyutam||16|| ōṣṇyāttaikṣṇyātsaratvācca bastiṁ sō'syānulōmayēt gōmūtrēṇa trivr̥tpathyākalkaṁ vā'dhōnulōmanam||17|| pakvāśayasthitē svinnē nirūhō dāśamūlikaḥ| yavakōlakulatthaiśca vidhēyō mūtrasādhitaiḥ||18|| bastirgōmūtrasiddhairvā sāmr̥tāvaṁśapallavaiḥ| pūtīkarañjatvakpatraśaṭhīdēvāhvarōhiṣaiḥ||19|| satailaguḍasindhūtthō virēkauṣadhakalkavān| bilvādipañcamūlēna siddhō bastiruraḥsthitē||20|| śiraḥsthē nāvanaṁ dhūmaḥ pracchādyaṁ sarṣapaiḥ śiraḥ| |21|

View original

| कुर्वतो वेगसंरोधं पीडितो वाऽतिमात्रया||१०|| अस्निग्धलवणोष्णो वा बस्तिरल्पोऽल्पभेषजः| मृदुर्वा मारुतेनोर्ध्वं विक्षिप्तो मुखनासिकात्||११|| निरेति मूर्च्छाहृल्लासतृड्दाहादीन् प्रवर्तयन्| मूर्च्छाविकारं दृष्ट्वाऽस्य सिञ्चेच्छीताम्बुना मुखम्||१२|| व्येजदाक्लमनाशाच्च प्राणायामं च कारयेत्| पृष्ठपार्श्वोदरं मृज्यात् करैरुष्णैरधोमुखम्||१३|| केशेषूत्क्षिप्य धुन्वीत भीषयेद्व्यालदंष्ट्रिभिः| शस्त्रोल्काराजपुरुषैर्बस्तिरेति तथा ह्यधः||१४|| पाणिवस्त्रैर्गलापीडं कुर्यान्न म्रियते तथा| प्राणोदाननिरोधाद्धि सुप्रसिद्धतरायनः||१५|| अपानः पवनो बस्तिं तमाश्वेवापकर्षति| कुष्ठक्रमुककल्कं च पायेताम्लसंयुतम्||१६|| ओष्ण्यात्तैक्ष्ण्यात्सरत्वाच्च बस्तिं सोऽस्यानुलोमयेत् गोमूत्रेण त्रिवृत्पथ्याकल्कं वाऽधोनुलोमनम्||१७|| पक्वाशयस्थिते स्विन्ने निरूहो दाशमूलिकः| यवकोलकुलत्थैश्च विधेयो मूत्रसाधितैः||१८|| बस्तिर्गोमूत्रसिद्धैर्वा सामृतावंशपल्लवैः| पूतीकरञ्जत्वक्पत्रशठीदेवाह्वरोहिषैः||१९|| सतैलगुडसिन्धूत्थो विरेकौषधकल्कवान्| बिल्वादिपञ्चमूलेन सिद्धो बस्तिरुरःस्थिते||२०|| शिरःस्थे नावनं धूमः प्रच्छाद्यं सर्षपैः शिरः| |२१|

🔊 Audio coming soon

Hide commentary

sarvāṅgasundarī vyākhyā ( kr̥ta)

sa0-vēgasaṁrōdhaṁ-vēgavidhāraṇaṁ, kurvataḥ puṁsō yaḥ pīḍitō bastiratimātrayā vā pīḍitō'snigdhalavaṇōṣṇō vā tathā'lpō mātrayā, alpabhēṣajaśca mr̥durvā, sa tathābhūtō mārutēnōrdhvaṁ kṣiptō mūkhanāsikāt nirēti-nirgacchati| mūrcchādīn pravartayēt(yan)| asya tu-tathāvidhabastēḥ puruṣasya, mūrcchādivikāraṁ dr̥ṣṭvā śītāmbunā mukhaṁ siñcēt| tathā klamanāśaṁ yāvat taṁ tālavr̥ntādinā vījayēt| tathā taṁ puruṣaṁ prāṇāyāmaṁ ca kārayēt, prāṇāyāmēna hyūrdhvaṁ vikṣiptō bastiradhō yāti| uṣṇaiḥ karaiḥ pr̥ṣṭhaṁ pārśvamudaraṁ ca mr̥jyāt| tathā taṁ puruṣamadhōmukhaṁ kr̥tvā kēśairutkṣipyōrdhvaṁ nītvā vapurdhunvīta| tathā vyālādibhirbhīṣayēt| tathōrdhvaṁ pravr̥ttō bastiryasmādadhō gacchati| tathā pāṇivastrairgalāpīḍaṁ kuryādyathā na mriyēta| ēvaṁ sati prāṇōdānanirōdhaḥ sampadyatē, prāṇōdānanirōdhādyasmādadhōgaḥ suprasiddhatarāyanō bhūtvā'pānō vāyustaṁ bastiṁ drāgēvāpakarṣati-ūrdhvādadhaḥ kṣipati| suṣṭhu-prakarṣēṇa, prasiddhataramayanaṁ yasya sa suprasiddhatarāyanaḥ| kuṣṭhādikalkaṁ cāmlasaṁyutaṁ pāyayēt| [ saḥ ] kalkaḥ, asya-āturasya, uṣṇādiguṇayōgāttaṁ bastimanulōmayēt| trivr̥tādikalkaṁ pītaṁ gōmūtrēṇādhōnulōmanam| pakvāśayasthitē dōṣē snigdhē (svinnē) niruhō dāśamūlikō vidhātavyaḥ| yavādibhiśca gōmūtrasādhitairbastirvidhēyaḥ| athavā gōmūtrasiddhairguḍūcyādibhistailaguḍasaindhavayuktō bastirvirēkadravyakalkavān vidhēyaḥ| urasi sthitē bilvādipañcamūlēna siddhō bastirvidhātavyaḥ| śirasi sthitē bastau nasyaṁ dhūmaśca, śiraśca sarṣapakalkēna pracchādanīyam|

āyurvēdarasāyanam vyākhyā ( kr̥ta)

Adhikarana atiyōgavyāpadaḥ (21-23) · Śloka 23

| bastiratyuṣṇatīkṣṇāmlaghanō'tisvēditasya vā||21|| alpē dōṣē mr̥dau kōṣṭhē prayuktō vā punaḥpunaḥ| atiyōgatvamāpannō bhavētkukṣirujākaraḥ||22|| virēcanātiyōgēna sa tulyākr̥tisādhanaḥ| |23|

View original

| बस्तिरत्युष्णतीक्ष्णाम्लघनोऽतिस्वेदितस्य वा||२१|| अल्पे दोषे मृदौ कोष्ठे प्रयुक्तो वा पुनःपुनः| अतियोगत्वमापन्नो भवेत्कुक्षिरुजाकरः||२२|| विरेचनातियोगेन स तुल्याकृतिसाधनः| |२३|

🔊 Audio coming soon

Hide commentary

sarvāṅgasundarī vyākhyā ( kr̥ta)

sa0-atyuṣṇatīkṣṇāmlaghanō bastiḥ prayuktō'tisvēditasya vā puṁsō'lpē dōṣē tathā mr̥dau kōṣṭhē muhurmuhuḥ prayuktatvādatiyōgatvaṁ prāptō'yam kukṣirugjanakaḥ syāt| saḥ-tathāvidhō bastiḥ, virēcanātiyōgēna tulyē-sadr̥śē, lakṣaṇacikitsitē yasya sa ēvaṁ syāt|

āyurvēdarasāyanam vyākhyā ( kr̥ta)

ā0 ra0-athātiyōgavyāpadaḥ| kukṣiśūlākhyavyāpadamāha-bastiriti| saṅgrahē tu (ka.a. 6)-"pr̥śniparṇī sthirāṁ padmaṁ kāśmaryaṁ madhukōlpalē| piṣṭvā drākṣāṁ madhūkaṁ ca kṣīrē tanduladhāvanē|| drākṣāyāḥ pakvalōṣṭhasya prasādē madhukasya vā| vinīya saghr̥taṁ bastiṁ yuñjyāddāhē'tiyōgataḥ||" iti| virēcanatulyatvōktyā dāhō'pyuktaḥ| aṅgarugādivyāpañcatuṣkaṁ tvāha saṅgrahē (ka.a. 6)- "snēhasvēdairasampādya gurutīkṣṇō'timātrakaḥ| duḥsthitāya praṇihitō bastirduḥśayitāya vā|| atipravr̥ttō marutaṁkōpayētsa vimārgagaḥ| karōtyaṅgarujāṁ jr̥mbhāṁ stambhaṁ bhēdaṁ ca parvaṇām|| taṁ tailalavaṇābhyaktaṁ svēditaṁ saṁstarādibhiḥ| bilvakōlayavairaṇḍavarṣābhūbr̥hatīdvayaiḥ|| sakulatthaiḥ śr̥tairmastuphalasauvīrakānvitaiḥ| āsthāpayētsasindhūtthairjāṅgalairāśitaṁ rasaiḥ|| tailēnānilajaddravyavipakvēnānuvāsayēt| mr̥dukōṣṭhē'balē bastiratitīkṣṇō'tinirharan|| kuryāddhidhmāṁ hitaṁ tatra hidhmāghnaṁ br̥ṁhaṇaṁ ca yat| balābr̥hatyādivarākāśmaryarasasaindhavaiḥ| saprasannāranālāmlaistailaṁ paktvā'nuvāsayēt| uṣṇāmbunā'kṣaṁ pippalyā dadyāllavaṇasaṁyutam|| dhūmalēharasakṣīrasvēdāścānnaṁ ca vātajit| atitīkṣṇaḥ savātō vā na vā samyak prapīḍitaḥ|| ghaṭṭayēddr̥dayaṁ bastistatra kāśakuśōtkaṭaiḥ| syātsāmlalavaṇaskandhakarīrabadarīphalaiḥ|| śr̥tairbastirhitaḥ siddhō vātaghnaiścānuvāsanam| mr̥dukōṣṭhālpadōṣasya rūkṣatīkṣṇātimātrakaḥ|| hr̥tvā bastirmalān śīghraṁ vātapittē prakōpayēt| nābhibastigudāṁstē hi kr̥ntatō'sya muhurmuhuḥ|| vivarṇasyālpamutthānaṁ bastirnilēkhanādbhavēt| svāduśītauṣadhaistatra payasyēkṣvādibhiḥ śr̥taḥ|| yaṣṭyāvhatilakalkābhyāṁ bastiḥ syāt kṣīrabhōjinaḥ| sasarjarasayaṣṭyāvhaṁ jiṅgiṇīkardamāñjanam|| vinīya dugdhē bastiḥ syāvdyaktāmlarasabhōjinaḥ| picchilaścha hitō bastiḥ snēhaścha madhuraiḥ śr̥taḥ||" iti|

Adhikarana kukṣiśūlākhyā vyāpattatsiddhiśca sravākhyā vyāpattatsiddhiśca (23-28) · Śloka 28

| bastiḥ kṣārāmlatīkṣṇōṣṇalavaṇaḥ paittikasya vā||23|| gudaṁ dahan likhan kṣiṇvan karōtyasya parisravam| sa vidagdhaṁ sravatyasraṁ varṇaiḥ pittaṁ ca bhūribhiḥ||24|| bahuśaścātivēgēna mōhaṁ gacchati sō'sakr̥t| raktapittātisāraghnī kriyā tatra praśasyatē||25|| dāhādiṣu trivr̥tkalkaṁ mr̥dvīkāvāriṇā pibēt| taddhi pittaśakr̥dvātān hr̥tvā dāhādikān jayēt||26|| viśuddhaśca pibēcchītāṁ yavāgūṁ śarkarāyutām| yuñyādvā'tiviriktasya kṣīṇaviṭkasya bhōjanam||27|| māṣayūṣēṇa kulmāṣān pānaṁ dadhyathavā surām| siddhirvastyāpadāmēvaṁ|28|

View original

| बस्तिः क्षाराम्लतीक्ष्णोष्णलवणः पैत्तिकस्य वा||२३|| गुदं दहन् लिखन् क्षिण्वन् करोत्यस्य परिस्रवम्| स विदग्धं स्रवत्यस्रं वर्णैः पित्तं च भूरिभिः||२४|| बहुशश्चातिवेगेन मोहं गच्छति सोऽसकृत्| रक्तपित्तातिसारघ्नी क्रिया तत्र प्रशस्यते||२५|| दाहादिषु त्रिवृत्कल्कं मृद्वीकावारिणा पिबेत्| तद्धि पित्तशकृद्वातान् हृत्वा दाहादिकान् जयेत्||२६|| विशुद्धश्च पिबेच्छीतां यवागूं शर्करायुताम्| युञ्याद्वाऽतिविरिक्तस्य क्षीणविट्कस्य भोजनम्||२७|| माषयूषेण कुल्माषान् पानं दध्यथवा सुराम्| सिद्धिर्वस्त्यापदामेवं|२८|

🔊 Audio coming soon

Hide commentary

sarvāṅgasundarī vyākhyā ( kr̥ta)

sa0-kṣārāmlatīkṣṇōṣṇalavaṇō bastiḥ prayuktaḥ paittikasya vā prayuktō gudaṁ dahanniva vilikhanniva kṣipannivāsya-narasya, parisravaṁ karōti| saḥ-puruṣaḥ, tadā vidagdhamasraṁ sravati| tathā bahuṣō-bahūn vārān, ativēgēna bhūribhiḥ- bahubhiḥ, varṇaiḥ pittaṁ sravati| tathā mōhamasakr̥d gacchati| tatrāvasthāyāṁ raktapittaghnī tathā raktātisāraghnī kriyā ca praśasyatē| dāhamōhādiṣu trivr̥tkalkaṁ drākṣājalēna pibēt| yasmāt tat-trivr̥tkalkayutaṁ drākṣāvāri, pittaśakr̥dvātān hatvā dāhādīn jayēt| viśuddhaśca saśarkarāṁ śītāṁ pēyāṁ pibēt| ativiriktasya kṣīṇapurīṣasya puṁsaḥ kulmāṣān māṣayūṣēṇa saha bhōjanaṁ yuñjyāt| dadhyathavā surāṁ pānaṁ dadyāt| bastyāpadāṁ-niruhavyāpattīnāṁ, ēvaṁ siddhiḥ-cikitsitaṁ, syāt|

āyurvēdarasāyanam vyākhyā ( kr̥ta)

ā0 ra0-snavākhyāṁ vyāpadamāha-bastiriti| saṅgrahē tu (ka.a. 6)-"tatrārdraśālmalīvr̥ntaiḥ kṣuṇṇairājaṁ payaḥ śr̥tam| pūtaṁ ghr̥tānvitaṁ bastiṁ dadyādanyāṁśca picchilān|| vaṭādipallavēṣvēvaṁ kalpō yavatilēṣu ca| suvarcalōpōdakayōḥ karbudārē ca śasyatē|| gudē ca śītamadhurān kuryātsēkapralēpanān|" iti| tathā (saṅgrahē ka.a. 6)-"āmaṁ yaḥ kuṇapaṁ rugvānupavēśyēta sāruciḥ| saghanātiviṣākuṣṭhanatadāruvacāḥ pibēt|| śakr̥dvātamasr̥kpittaṁ kaphaṁ vā yō'tisāryatē| pakvaṁ tatra svavargīyō bastiḥ śrēṣṭhaṁ bhiṣagjitam|| ṣaṇṇāmēṣāṁ dvisaṁsargātriṁśadbhēdā bhavanti tu| kēvalaiḥ saha ṣaṭtriṁśadvidyātsōpadrabāṁścha tān|| śūlapravāhikādhmānaparikartārucijvarān| tr̥ṇmōhadāhamūrcchādīṁścaiṣāṁ vidyādupadravān|| tatrāmē'ntarapānaṁ tu kaṭvamlalavaṇairyutam| pācanaṁ śasyatē bastirāmē hi pratiṣidhyatē|| vātaghnagrāhivargīyō bastiḥ śakr̥ti śasyatē| svādvamlō vyaktalavaṇaḥ snēhabastiḥ samīraṇē|| raktē raktēna pittē tu kaṣāyasvādutiktakaḥ| sāryamāṇē kaphē bastiḥ kaṣāyakaṭutiktakaḥ|| śakr̥tā vāyunā cāmē tēna varcasyathānilē| saṁsr̥ṣṭē'ntarapānam syāt kaṭvamlalavaṇairyutam|| pittēnāmē'sr̥jā tadvattayōrāmēna vā punaḥ| saṁsr̥ṣṭayōrbhavētpānaṁ sakaṭusvādutiktakam|| tathā''mē kaphasaṁsr̥ṣṭē kaṣāyakaṭutiktakam| āmēna tu kaphē yuktē kaṣāyalavaṇauṣadham|| vātēna viśi pittē vā viṭpittāsraistathā'nilē| syāt kaṣāyāmlamadhuraḥ saṁsr̥ṣṭē bastiruttamaḥ|| bastirvātēna raktē tu kāryaḥ khādvamlatiktakaḥ| śakr̥cchōṇitayōḥ pittaśakr̥tōrasnapittayōḥ|| bastiranyōnyasaṁsargē kaṣāyasvādutiktakaḥ| kaphēna viśi pittē vā kaphē viṭpittaśōṇitaiḥ|| kaṭutiktakaṣāyaḥ syātsaṁsr̥ṣṭē bastiruttamaḥ| madhurōṣaṇatiktastu raktē kaphavimūrcchitē|| mārutē kaphasaṁsruṣṭē kaṭvamlavaṇō bhavēt| syādbastiḥ kaṭutiktāmlaḥ saṁsr̥ṣṭē vāyunā kaphē|| tricatuḥpañcaṣaṭyōgānēvamēva vikalpayēt| yuktiśchaiṣā'tisārōktā sarvarōgēṣvapi smr̥tā|| yugapat ṣaḍrasaṁ ṣaṇṇāṁ saṁsargē pācanaṁ bhavēt| nirāmāṇāṁ ca pañcānāṁ bastiḥ ṣaḍrasikō hitaḥ|| udumbaraśalāṭūni jambvāmrōdumbaratvacaḥ| śaṅkhaṁ sarjarasaṁ lākṣāṁ kaṭtr̥ṇaṁ ca palāṁśikam|| piṣṭvā taiḥ sarpiṣaḥ prasthaṁ kṣīradviguṇitaṁ pacēt| atīsārēṣu sarvēṣu pēyamētadyathābalam|| kacchurādhātukībilvasamaṅgāraktamūlibhiḥ| masūrāśvatthaśuṅgaiścha yavāgūḥ syājjalē śr̥taiḥ|| bālōdumbarakaṭvaṅgasamaṅgāplakṣapallavaiḥ| masūradhārakīpuṣpabalābhiścha tathā bhavēt|| nānāprakārā jāyantē vyāpadō bastivibhramāt| yathāyathaṁ yathāvasthaṁ tāṁsāṁ kurvīta sādhanam||" iti nirūhavyāpadaḥ|

Adhikarana anuvāsanavyāpadaḥ (28) · Śloka 28

| snēhabastēstu vakṣyatē||28||

View original

| स्नेहबस्तेस्तु वक्ष्यते||२८||

🔊 Audio coming soon

Hide commentary

sarvāṅgasundarī vyākhyā ( kr̥ta)

sa0-snēhabastēḥ-anuvāsanasya, siddhirvakṣyatē|

āyurvēdarasāyanam vyākhyā ( kr̥ta)

ā0 ra0-athānuvāsanavyāpadaḥ| tāścōktāḥ saṅgrahē (ka. a. 7)-"snēhabastau marutpittakaphātyāśaviḍāvr̥tē| abhuktaśūnapāyvāmadattē'ṣṭau vyāpadaḥ smr̥tāḥ||" iti|

Adhikarana tatra pañcavyāpadāṁ kāraṇam (29-30) · Śloka 30

śītō'lpō vā'dhikē vātē pittē'tyuṣṇaḥ kaphē mr̥duḥ| atibhuktē gururvarcaḥsañcayē'lpabalastathā||29|| dattastairāvr̥taḥ snēhō nāyātyabhibhavādapi| |30|

View original

शीतोऽल्पो वाऽधिके वाते पित्तेऽत्युष्णः कफे मृदुः| अतिभुक्ते गुरुर्वर्चःसञ्चयेऽल्पबलस्तथा||२९|| दत्तस्तैरावृतः स्नेहो नायात्यभिभवादपि| |३०|

🔊 Audio coming soon

Hide commentary

sarvāṅgasundarī vyākhyā ( kr̥ta)

sa0-śītō bastiralpō vā'dhikē vātē dattaḥ, tathā pittē'tyuṣṇaḥ, tathā kaphē mr̥duḥ, ayōgaḥ sampadyatē| atibhuktē gururbastirdattaḥ, tathā varcasaḥ-purīṣasya, sañcayē'lpabalaḥ-ubhayathā mātrayā vīryataśca, dattaḥ, taiḥ-śītādikāraṇādvātādibhiḥ, snēhabastirāvr̥tō nāyāti-gudamārgānna pratyāgacchati, abhibhavādapyētairēva|

āyurvēdarasāyanam vyākhyā ( kr̥ta)

Adhikarana vātāvr̥tasya lakṣaṇaṁ cikitsitaṁ ca (30-33) · Śloka 33

| stambhōrusadanādhmānajvaraśūlāṅgamardanaiḥ||30|| pārśvarugvēṣṭanairvidyādvāyunā snēhamāvr̥tam| snigdhāmlalavaṇōṣṇaistaṁ rāsnāpītadrutailikaiḥ||31|| sauvīrakasurākōlakulatthayavasādhitaiḥ| nirūhairnirharētsamyak samūtraiḥ pāñcamūlikaiḥ||32|| tābhyāmēva ca tailābhyāṁ sāyaṁ bhuktē'nuvāsayēt| |33|

View original

| स्तम्भोरुसदनाध्मानज्वरशूलाङ्गमर्दनैः||३०|| पार्श्वरुग्वेष्टनैर्विद्याद्वायुना स्नेहमावृतम्| स्निग्धाम्ललवणोष्णैस्तं रास्नापीतद्रुतैलिकैः||३१|| सौवीरकसुराकोलकुलत्थयवसाधितैः| निरूहैर्निर्हरेत्सम्यक् समूत्रैः पाञ्चमूलिकैः||३२|| ताभ्यामेव च तैलाभ्यां सायं भुक्तेऽनुवासयेत्| |३३|

🔊 Audio coming soon

Hide commentary

sarvāṅgasundarī vyākhyā ( kr̥ta)

sa0-stambhōrusādādibhirvāyunā snēhamāvr̥taṁ vidyāt| taṁ ēvaṁvidhaṁ, snēhaṁ-snēhabastiṁ, niruhaiḥ samyak snigdhāmlalavaṇōṣṇairnirharēt| tānēva nirūhānāha-sauvīrakasurādisādhitaistathā gōmūtrānvitaistathā pañcamūlanirvr̥ttaiḥ pañcamūlakvāthavadbhirityarthaḥ| tathā rāsnā ca pītadruśca rāsnāpītadrū, tābhyāṁ sādhitē tailē rāsnāpītadrutailē, tē vidyatē yēṣāṁ nirūhāṇāṁ taiḥ, kvacitpuṭakē rāsnātailaṁ kvaciddharidrātailaṁ yōjyamityarthaḥ| tābhyamiti dvivacananirdēśāt pr̥thagētat tailadvayamupayōgīti gamyatē| ca-samuccayē, na kēvalaṁ taṁ nirūhayēt, rāsnātailēna pītadrutailēna vā dōṣādyanurōdhādanuvāsayēcca| sāyaṁ bhuktē-na tu prātarbhuktē|

āyurvēdarasāyanam vyākhyā ( kr̥ta)

Adhikarana pittāvr̥tasya lakṣaṇaṁ cikitsitaṁ ca (33-34) · Śloka 34

| tr̥ḍdāharāgasammōhavaivarṇyatamakajvaraiḥ||33|| vidyātpittāvr̥taṁ svādutiktaistaṁ bastibhirharēt| |34|

View original

| तृड्दाहरागसम्मोहवैवर्ण्यतमकज्वरैः||३३|| विद्यात्पित्तावृतं स्वादुतिक्तैस्तं बस्तिभिर्हरेत्| |३४|

🔊 Audio coming soon

Hide commentary

sarvāṅgasundarī vyākhyā ( kr̥ta)

sa0-taṁ tr̥ḍdāhādibhiḥ pittāvr̥taṁ snēhabastiṁ vidyāt| svādutiktairbastibhirvinirharēt|

āyurvēdarasāyanam vyākhyā ( kr̥ta)

ā0 ra0-pittāvr̥tasya lakṣaṇaṁ cikitsitaṁ cāha-tr̥ṭdāhēti| tamakaḥ-tamaḥpravēśaḥ|

Adhikarana kaphāvr̥tasya lakṣaṇaṁ cikitsitaṁ ca (34-36) · Śloka 36

| tandrāśītajvarālasyaprasēkārucigauravaiḥ||34|| sammūrcchāglānibhirvidyācchlēṣmaṇā snēhamāvr̥tam| kaṣāyatiktakaṭukaiḥ surāmūtrōpasādhitaiḥ||35|| phalatailayutaiḥ sāmlairbastibhistaṁ vinirharēt| |36|

View original

| तन्द्राशीतज्वरालस्यप्रसेकारुचिगौरवैः||३४|| सम्मूर्च्छाग्लानिभिर्विद्याच्छ्लेष्मणा स्नेहमावृतम्| कषायतिक्तकटुकैः सुरामूत्रोपसाधितैः||३५|| फलतैलयुतैः साम्लैर्बस्तिभिस्तं विनिर्हरेत्| |३६|

🔊 Audio coming soon

Hide commentary

sarvāṅgasundarī vyākhyā ( kr̥ta)

sa0-tandrādibhiḥ kaphāvr̥taṁ snēhabastiṁ vidyāt| taṁ kaṣāyakaṭutiktakaiḥ surāmūtrōpasādhitaiḥ phalatailayutaiḥ sāmlairbastibhiḥ nirūhaiḥ, vinirharēt| phalānāṁ-uṣṇavīryāṇāmakṣōṭādīnāṁ, tailaṁ phalatailam| kēcittuṁ phalaṁ-madanaphalaṁ, tilatailaṁ ca, tābhyāṁ yutāstairiti vyācakṣatē|

āyurvēdarasāyanam vyākhyā ( kr̥ta)

ā0 ra0-kaphāvr̥tasya lakṣaṇaṁ cikitsitaṁ cāha-tandrēti| phalatailaṁ-madanaphalatailam|

Adhikarana atyaśanāvr̥tasya lakṣaṇaṁ cikitsitaṁ ca (36-38) · Śloka 38

| chardimūrcchāruciglāniśūlanidrāṅgamardanaiḥ||36|| āmaliṅgaiḥ sadāhaistaṁ vidyādatyaśanāvr̥tam| kaṭūnāṁ lavaṇānāṁ ca kvāthaiścūrṇaiśca pācanam||37|| mr̥durvirēkaḥ sarvaṁ ca tatrāmavihitaṁ hitam| |38|

View original

| छर्दिमूर्च्छारुचिग्लानिशूलनिद्राङ्गमर्दनैः||३६|| आमलिङ्गैः सदाहैस्तं विद्यादत्यशनावृतम्| कटूनां लवणानां च क्वाथैश्चूर्णैश्च पाचनम्||३७|| मृदुर्विरेकः सर्वं च तत्रामविहितं हितम्| |३८|

🔊 Audio coming soon

Hide commentary

sarvāṅgasundarī vyākhyā ( kr̥ta)

sa0-chardyādibhirāmaliṅgairdāhayutaiḥ snēhamatyaśanāvr̥taṁ vidyāt| kaṭūnāṁ lavaṇānāṁ ca kvāthaiścūrṇaiśca pācanaṁ hitam| tathā mr̥dubhiḥ-atīkṣṇaiḥ, virēkaḥ| tathā tasmin sarvamāmavihitamauṣadhaṁ hitam|

āyurvēdarasāyanam vyākhyā ( kr̥ta)

ā0 ra0-atyaśanāvr̥tasya lakṣaṇaṁ cikitsitaṁ cāha-chardimūrcchēti| āmaṁ-āmājīrṇam| kvāthaiḥ kaṭūnāmēva, cūrṇaiḥ kaṭūnāṁ lavaṇānāṁ ca|

Adhikarana viḍāvr̥tasya lakṣaṇaṁ cikitsitaṁ ca (38-40) · Śloka 40

| viṇmūtrānilasaṅgārtigurutvādhmānahr̥dgrahaiḥ||38|| snēhaṁ viḍāvr̥taṁ jñātvā snēhasvēdaiḥ savartibhiḥ| śyāmābilvādisiddhaiśca niruhaiḥ sānuvāsanaiḥ||39|| nirharēdvidhinā samyagudāvartaharēṇa ca| |40|

View original

| विण्मूत्रानिलसङ्गार्तिगुरुत्वाध्मानहृद्ग्रहैः||३८|| स्नेहं विडावृतं ज्ञात्वा स्नेहस्वेदैः सवर्तिभिः| श्यामाबिल्वादिसिद्धैश्च निरुहैः सानुवासनैः||३९|| निर्हरेद्विधिना सम्यगुदावर्तहरेण च| |४०|

🔊 Audio coming soon

Hide commentary

sarvāṅgasundarī vyākhyā ( kr̥ta)

sa0-viṇmūtrādibhirviḍāvr̥taṁ snēhaṁ viditvā, snēhādibhistathā śyāmādibhiḥ siddhairnirūhairanuvāsanaiśca, tathōdāvartaharēṇa vidhinā, samyag nirharēt|

āyurvēdarasāyanam vyākhyā ( kr̥ta)

ā0 ra0-viḍāvr̥tasya lakṣaṇaṁ cikitsitaṁ cāha-viṇmūtrānilēti| artiḥ-śūlam| śyāmādiḥ-gaṇaḥ| bilvādipañcamūlam|

Adhikarana abhuktādidattasya lakṣaṇaṁ cikitsitaṁ ca (40-43) · Śloka 43

| abhuktē śūnapāyau vā pēyāmātrāśitasya vā||40|| gudē praṇihitaḥ snēhō vēgāddhāvatyanāvr̥taḥ| ūrdhvaṁ kāyaṁ tataḥ kaṇṭhādūrdhvēbhyaḥ khēbhya ētyapi||41|| mūtraśyāmātrivr̥tsiddhō yavakōlakulatthavān| tatsiddhatailō dēyaḥ syānnirūhaḥ sānuvāsanaḥ||42|| kaṇṭhādāgacchataḥ stambhakaṇṭhagrahavirēcanaiḥ| chardighnībhiḥ kriyābhiśca tasya kuryānnibarhaṇam||43||

View original

| अभुक्ते शूनपायौ वा पेयामात्राशितस्य वा||४०|| गुदे प्रणिहितः स्नेहो वेगाद्धावत्यनावृतः| ऊर्ध्वं कायं ततः कण्ठादूर्ध्वेभ्यः खेभ्य एत्यपि||४१|| मूत्रश्यामात्रिवृत्सिद्धो यवकोलकुलत्थवान्| तत्सिद्धतैलो देयः स्यान्निरूहः सानुवासनः||४२|| कण्ठादागच्छतः स्तम्भकण्ठग्रहविरेचनैः| छर्दिघ्नीभिः क्रियाभिश्च तस्य कुर्यान्निबर्हणम्||४३||

🔊 Audio coming soon

Hide commentary

sarvāṅgasundarī vyākhyā ( kr̥ta)

sa0-abhuktē snēhabastiḥ, tathā śūnaḥ pāyuryasya tasmin praṇihitō bastiḥ, athavā pēyāmātramēvāśitaṁ yēna sa pēyāmātrāśitastasya gudē praṇihitaḥ snēhabastiḥ, anāvr̥taḥ san vēgādūrdhvaṁ kāyaṁ dhāvati| tataḥ kaṇṭhādūrdhvēbhyaśca khēbhyaḥ ēti-patati| tatra gōmūtrādisiddhō yō yavādimān kvāthastēna kvāthēna siddhatailairnirūhamanuvāsanaṁ [ ca ] dadyāt| kaṇṭhādāgacchataḥ snēhasya stambhakaṇṭhagrahādibhiśchardighnībhiḥ kriyābhiśca tannirharaṇaṁ kuryāt|

āyurvēdarasāyanam vyākhyā ( kr̥ta)

Adhikarana āmadattasya lakṣaṇaṁ cikitsitaṁ ca (44-45) · Śloka 45

nāpakvaṁ praṇayētsnēhaṁ gudaṁ sa hyupalimpati| tataḥ kuryātsaruṅmōhakaṇḍūśōphān, kriyā'tra ca||44|| tīkṣṇō bastistathā tailamarkapatrarasē śr̥tam| |45|

View original

नापक्वं प्रणयेत्स्नेहं गुदं स ह्युपलिम्पति| ततः कुर्यात्सरुङ्मोहकण्डूशोफान्, क्रियाऽत्र च||४४|| तीक्ष्णो बस्तिस्तथा तैलमर्कपत्ररसे शृतम्| |४५|

🔊 Audio coming soon

Hide commentary

sarvāṅgasundarī vyākhyā ( kr̥ta)

sa0-apakvaṁ snēhaṁ na dadyāt| yasmāt saḥ-apakvaḥ snēhō, gudamupalimpati| tataḥ-upaliptē gudē, rujābhiḥ saha mōhādīn kuryāt| atra cikitsitaṁ tīkṣṇō bastistathā'rkapatrarasē śr̥taṁ tailam|

āyurvēdarasāyanam vyākhyā ( kr̥ta)

ā0 ra0-āmadattasya lakṣaṇaṁ cikitsitaṁ cāha-nāpakvamiti| tailamanuvāsanārtham| ityanuvāsanavyāpadaḥ| atha nētrabastiśayyāpraṇētr̥dōṣajā vyāpadaḥ| tāśchōktāḥ saṅgrahē (ka.a.7)-"hrasvaṁ dīrghaṁ tanu sthūlaṁ jīrṇaṁ śithilabandhanam| pārśvacchidraṁ tathā vakramaṣṭau nētrāṇi varjayēt| aprāptyatigatikṣōbhakaṣaṇakṣaṇanasravāḥ| gudapīḍā gatirjihyā tēṣāṁ dōṣā yathākramam| māṁsalasnigdhaviṣabhajālavatsthūlavātalāḥ| chidraḥ klinnaśca tānaṣṭau bastīn karmasu varjayēt| gativaiṣamyadaurgandhyajihyatvasrutidurgrahāḥ| phēnilacyutyadhāryatvaṁ bastēḥ syurbastidōṣataḥ| uccakairatyavākśīrṣamūrdhvasaṅkucitasthitam| uttānaṁ dakṣiṇaṁ pārśvaṁ sapta śayyāḥ parityajēt| mūtrāghātō'tisamprāptiraprāptiḥ sādhu nāgatiḥ| āśvāgatirmarutkōpastr̥ptiḥ pakvāśayasya ca| taddōṣāḥ syurvidhātavyaṁ yathaupayakamatra ca| savātātidrutōtkṣiptatiryagulluptakampitāḥ|| atimandakabāhyātivēgadōṣāḥ praṇētr̥taḥ|" iti|

Adhikarana savātapraṇayanasya lakṣaṇaṁ cikitsitaṁ ca (45-46) · Śloka 46

| anucchvāsya tu baddhē vā dattē niḥśēṣa ēva vā||45|| praviśya kṣubhitō vāyuḥ śūlatōdakarō bhavēt| tatrābhyaṅgō gudē svēdō vātaghnānyaśanāni ca||46||

View original

| अनुच्छ्वास्य तु बद्धे वा दत्ते निःशेष एव वा||४५|| प्रविश्य क्षुभितो वायुः शूलतोदकरो भवेत्| तत्राभ्यङ्गो गुदे स्वेदो वातघ्नान्यशनानि च||४६||

🔊 Audio coming soon

Hide commentary

sarvāṅgasundarī vyākhyā ( kr̥ta)

sa0-anucchvāsya bastērvadanē baddhē sati, athavā niḥśēṣaṁ dattē sati, praviśyāntarē vāyuḥ kupitaḥ śūlatōdakaraḥ syāt| tasminnabhyaṅgō gudē svēdaśca, tathā vātahantr̥ṇi bhōjanāni ca|

āyurvēdarasāyanam vyākhyā ( kr̥ta)

ā0 ra0-savātapraṇanasya lakṣaṇaṁ cikitsitaṁ cāha-anucchvāsyēti|

Adhikarana atidrutōtkṣiptayōḥ lakṣaṇaṁ cikitsitaṁ ca (47-48) · Śloka 48

drutaṁ praṇītē niṣkr̥ṣṭē sahasōtkṣipta ēva vā| syāt kaṭīgudajaṅghōrubastistambhārtibhēdanam||47|| bhōjanaṁ tatra vātaghnaṁ svēdābhyaṅgāḥ sabastayaḥ| |48|

View original

द्रुतं प्रणीते निष्कृष्टे सहसोत्क्षिप्त एव वा| स्यात् कटीगुदजङ्घोरुबस्तिस्तम्भार्तिभेदनम्||४७|| भोजनं तत्र वातघ्नं स्वेदाभ्यङ्गाः सबस्तयः| |४८|

🔊 Audio coming soon

Hide commentary

sarvāṅgasundarī vyākhyā ( kr̥ta)

sa0-śīghraṁ praṇītē niṣkr̥ṣṭē sahasōtkṣiptē ca kaṭyādiṣu stambhapīḍābhēdanāni syuḥ| tatra vātaghnamaśanaṁ svēdō'bhyaṅgaśca|

āyurvēdarasāyanam vyākhyā ( kr̥ta)

ā0 ra0-atdrutōtkṣiptayōrlakṣaṇaṁ cikitsitaṁ cāhadrutamiti| praṇītē-pravēśitē| niṣkr̥ṣṭē-niṣkāśitē| utkṣiptē-pr̥ṣṭhavaṁśaṁ prati nānītē| tiryaṅnētrasya lakṣaṇaṁ cikitsitaṁ cāha saṅgrahē (ka.a.7)- "tiryagvalyāvr̥tadvārē baddhē vā'pi na gacchati| nētrē taddaju niṣkr̥ṣya saṁśōdhya ca punarnayēt||" iti|

Adhikarana ulluptasya lakṣaṇaṁ cikitsitaṁ ca (48-49) · Śloka 49

| pīḍyamānē'ntarā muktē gudē pratihatō'nilaḥ||48|| uraḥśirōrujaṁ sādamūrvōśca janayēdbalī| bastiḥ syāttatra bilvādiphalaśyāmādimūtravān||49||

View original

| पीड्यमानेऽन्तरा मुक्ते गुदे प्रतिहतोऽनिलः||४८|| उरःशिरोरुजं सादमूर्वोश्च जनयेद्बली| बस्तिः स्यात्तत्र बिल्वादिफलश्यामादिमूत्रवान्||४९||

🔊 Audio coming soon

Hide commentary

sarvāṅgasundarī vyākhyā ( kr̥ta)

sa0-pīḍyamānē bastipuṭakē'ntarā-madhya ēva, kadācittasmin muktē, gudē'nilaḥ pratihatō balavān uraḥśirōrujamūrusādaṁ ca janayēt| tatra bilvādibhirbastirmadanaphalaśyāmādimān syāt|

āyurvēdarasāyanam vyākhyā ( kr̥ta)

ā0 ra0-ulluptasya lakṣaṇaṁ cikitsitaṁ cāha-pīḍyamāna iti| phalaṁ-madanaphalam| kampitādīnāṁ caturṇāṁ lakṣaṇaṁ cikitsitaṁ cāha saṅgrahē (ka.a. 7)-"syāddāhō davathuḥ śōphaḥ kampanābhihatē gudē| kaṣāyā madhurāḥ śītāḥ sēkāstatra sabastayaḥ|| atimātrapraṇītēna nētrēṇa kṣaṇanādvalēḥ| syātsārtidāhanistōdaguruvarcaḥpravartanam|| tatra sarpiḥ picuḥ kṣīraṁ picchābastiścha śasyatē| na bhāvayati mandastu bāhyaścāśu nivartatē|| snēhastatra punaḥ samyak praṇēyaḥ siddhimicchatā|" iti|

Adhikarana ativēgasya lakṣaṇaṁ cikitsitaṁ ca (50) · Śloka 50

atiprapīḍitaḥ kōṣṭhē tiṣṭhatyāyāti vā galam| tatra bastirvirēkaśca galapīḍādi karma ca||50||

View original

अतिप्रपीडितः कोष्ठे तिष्ठत्यायाति वा गलम्| तत्र बस्तिर्विरेकश्च गलपीडादि कर्म च||५०||

🔊 Audio coming soon

Hide commentary

sarvāṅgasundarī vyākhyā ( kr̥ta)

sa0-atiprapīḍitō bastipuṭakaḥ kōṣṭhē tiṣṭhati, galaṁ vā''yāti| tatra bastirvirēkaśca galapīḍādi ca karma śasyatē|

āyurvēdarasāyanam vyākhyā ( kr̥ta)

ā0 ra0-ativēgasya lakṣaṇaṁ cikitsitaṁ cāha-atiprapīḍita iti|

Adhikarana vamanādiśuddhasya viśēṣatō'pacāraniṣēdhaḥ (51-52) · Śloka 52

vamanādyairviśuddhaṁ ca kṣāmadēhabalānalam| yathā'ṇḍaṁ taruṇaṁ pūrṇaṁ tailapātraṁ yathā tathā||51|| bhiṣak prayatnatō rakṣētsarvasmādapacārataḥ| |52|

View original

वमनाद्यैर्विशुद्धं च क्षामदेहबलानलम्| यथाऽण्डं तरुणं पूर्णं तैलपात्रं यथा तथा||५१|| भिषक् प्रयत्नतो रक्षेत्सर्वस्मादपचारतः| |५२|

🔊 Audio coming soon

Hide commentary

sarvāṅgasundarī vyākhyā ( kr̥ta)

sa0-vamanavirēkādyaiśca viśuddhaṁ kṣāmadēhaṁ kṣāmabalaṁ kṣāmānalaṁ ca puruṣaṁ vaidyaḥ prayatnēna sarvasmādapacārādrakṣēt| kimiva? yathā taruṇaṁ-abhinavaṁ jātamaṇḍaṁ, yathā ca tailapūrṇaṁ pātraṁ rakṣyatē, tathā prayatnēna rakṣēt|

āyurvēdarasāyanam vyākhyā ( kr̥ta)

ā0 ra0-vamanādiśuddhasya viśēṣatō'pacāraṁ niṣēdhati vamanādyairiti|

Adhikarana śuddhasyōpacāraḥ (5) · Śloka 5

| dadyānmadhurahr̥dyāni tatō'mlalavaṇau rasau||52|| svādutiktau tatō bhūyaḥ kaṣāyakaṭukau tataḥ| anyōnyapratyanīkānāṁ rasānāṁ snigdharūkṣayōḥ||53|| vyatyāsādupayōgēna kramāttaṁ prakr̥tiṁ nayēt| sarvaṁsahaḥ sthirabalō vijñēyaḥ prakr̥tiṁ gataḥ||54|| iti śrīvaidyapatisiṁhaguptasūnuśrīmadvāgbhaṭaviracitāyāmaṣṭāṅgahr̥dayasaṁhitāyāṁ pañcamē kalpasiddhisthānē bastivyāpatsiddhirnāma pañcamō'dhyāyaḥ||5||

View original

| दद्यान्मधुरहृद्यानि ततोऽम्ललवणौ रसौ||५२|| स्वादुतिक्तौ ततो भूयः कषायकटुकौ ततः| अन्योन्यप्रत्यनीकानां रसानां स्निग्धरूक्षयोः||५३|| व्यत्यासादुपयोगेन क्रमात्तं प्रकृतिं नयेत्| सर्वंसहः स्थिरबलो विज्ञेयः प्रकृतिं गतः||५४|| इति श्रीवैद्यपतिसिंहगुप्तसूनुश्रीमद्वाग्भटविरचितायामष्टाङ्गहृदयसंहितायां पञ्चमे कल्पसिद्धिस्थाने बस्तिव्यापत्सिद्धिर्नाम पञ्चमोऽध्यायः||५||

🔊 Audio coming soon

Hide commentary

sarvāṅgasundarī vyākhyā ( kr̥ta)

sa0- tasmin madhurahr̥dyāni dadyāt| anantaramamlalavaṇau rasau, tataḥ svādutiktarasau, tataḥ kaṣāyakaṭukarasau dadyāt| anyōnyapratyanīkānāṁ-parasparapratipakṣāṇāṁ rasānāṁ, tathā snigdharūkṣayōranyōnyapratyanīkayōḥ, vyatyāsāt-viparyayāt, upayōgēna-yathāsvamupayōgēna, yathā-madhurarasamupayujya punaramlādyanyatamaṁ tatpratipakṣaṁ yuñjyāt, amlamupayujya punarmadhurādyanyatamaṁ tatpratipakṣaṁ yuñjyāt, ēvaṁ snigdharūkṣayōrupayōgaṁ kuryāt| tathā taṁ puruṣaṁ vamanādibhirviśuddhaṁ, prakr̥tiṁ yathōcitāṁ svāṁ nayēt| sarvaṁsahaḥ-aśēṣakṣamaḥ, tathā sthirabalaḥ, prakr̥tiṁ prāptaḥ pumān vēdyaḥ| iti śrīmr̥gāṅkadattaputraśrīmadaruṇadattaviracitāyāmaṣṭāṅgahr̥dayaṭīkāyāṁ sarvāṅgasundarākhyāyāṁ pañcamē kalpasiddhisthānē bastivyāpatsiddhirnāma pañcamō'dhyāyaḥ samāptaḥ|| 5||

āyurvēdarasāyanam vyākhyā ( kr̥ta)

ā0 ra0-śuddhasyōpacāramāha-dadyāditi| saṅgrahē tu (ka. a. 7)-"atrāntarē tyajēdaṣṭau bhāṣyādīni viśēṣataḥ| uccairbhāṣyācchirōrōgatimirōraḥsvaravyathāḥ|| raktaniṣṭhēvatamakajvarādyāstatra sādhanam|| abhyaṅgasvēdanasyādhōbhaktasnēhōpasēvanam|| maunaṁ vidhirvātaharō yathāsvaṁ ca vikārajit| atyāsyāyanayānābhyāṁ sandhimūrdhatrikādiruk| aticaṅkramaṇātpādajaṅghōrusadanādayaḥ| tēṣāṁ vātaharaṁ sarvaṁ snēhasvēdādi śasyatē| ajīrṇabhōjanādāmaviṣacchardijvarādayaḥ| tatra mātrāśitīyōktō vidhēyō vidhirāmahā|| ahitānnādyathādōṣaṁ rōgāḥ syurbhēṣajāni ca| halīmakādayaḥ prōktā divāsvapnāt purā gadāḥ|| vidadhyāt kaphajittēṣu dhūmarūkṣānnalaṅghanam| vyavāyājjīvitabhraṁśastairasyānilāmayaiḥ|| gudō'valupyata iva bhramatīva ca cētanā| mēḍhraṁ dhūmāyati manastamasīva pravēśyatē|| jīvanīyaśr̥takṣīrasarpiṣōrupayōjanam| āhārō br̥ṁhaṇastatra vr̥ṣyāstē tē ca bastayaḥ|| vēgarōdhōrdhvavātatvāt prāguktā yē sadāturāḥ| tēṣāṁ vibaddhē pavanē sarvadēhōpatāpini|| phalavartiṁ purā dadyādatha bastiṁ calāpaham| nikumbhakumbhāgnyurubūkadhāvanīpunarnavādāru mahacca pañcakam| phalaṁ ca mutrē kvathitaṁ samastu ghr̥taṁ satailaṁ lavaṇāni pañca|| nirūhitaṁ dhanvarasēna bhōjayēnnikumbhatailēna tatō'nuvāsayēt| balāṁ sarāsnāṁ phalabilvacitrakān dvipañcamūlaṁ kr̥tamālakātphalam|| yavān kulatthāṁśca pacējjalē rasaḥ samustapāṭhēndrayavaiścha kalkavān| satailasarpirguḍasaindhavō hitaḥ sadā''turāṇāṁ balapuṣṭivarṇadaḥ|| tathā'nuvāsyaṁ madhukēna sādhitaṁ bālēna bilvēna śatāvhayā'thavā| sajīvanīyastu rasō'nuvāsanē nirūhaṇē cālavaṇaḥ śiśōrhitaḥ|| na cānyadā''śvaṅgabalābhivarddhanaṁ nirūhabastēḥ śiśuvr̥ddhayōrhitam|| nirūhabastērnaiva syādanyat sthavirabālayōḥ| balāṅgavarddhanaṁ śīghramādr̥tō yōjayēdataḥ||" iti| iti hēmādriṭīkāyāmāyurvēdarasāyanē| bastivyāpatprakaraṇaṁ sāmatsyēna nirūpitam|| 5||

← 4. bastikalpādhyāyaḥ 6. dravyakalpādhyāyaḥ →