৫. বস্তিব্যাপত্সিদ্ধিরধ্যাযঃ

আযুর্বেদরসাযনম্ ব্যাখ্যা ( কৃত)

আ০ র০-

সর্বাঙ্গসুন্দরী ব্যাখ্যা ( কৃত)

স০-অথাত ইতি পূর্ববত্| (অসম্যক্ প্রযুক্তেষু বস্তিষু যা ব্যাপদঃ, তাসাং সাধনাযাস্যাধ্যাযস্যারম্ভঃ|)

আযুর্বেদরসাযনম্ ব্যাখ্যা ( কৃত)

আ০ র০-বস্তিব্যাপত্সিদ্ধিমধ্যাযং ব্যাখ্যাতুং প্রতিজানীতে-অথেতি| বস্তিব্যাপদশ্চ দ্বাদশোক্তাঃ সঙ্গ্রহে (ক.অ.৬)- "বিবন্ধগৌরবাধ্মানশিরোরুগ্বাহনোর্ধ্বগাঃ| কুক্ষিশূলাঙ্গরুঘিধ্মাহৃত্পীডাকর্তনস্রবাঃ|| অযোগাদতিযোগাচ্চ বস্তেঃ স্যুঃ ষট্ ষডাপদঃ|" ইতি|

সর্বাঙ্গসুন্দরী ব্যাখ্যা ( কৃত)

স০-অস্ত্রিগ্ধাদিগুণস্য পুংসঃ শিশিরস্তথাঽল্পস্নেহলবণোঽল্পদ্রব্যমাত্রঃ-অল্পদ্রব্যকল্পঃ(ল্কঃ), তথা ঘনো-বহুদ্রব্যকল্কো, বস্তির্যোজিতঃ সন্ বস্তিসাধ্যং দোষং সঙ্ক্ষোভ্য দুর্বলত্বাদনির্হরন্ অযোগং করোতি| তেন-অযোগেন, বাতাদিগ্রহঃ স্যাত্| প্রাক্-অতিসারচিকিত্সিতে (চি. অ. ৯/৬) ক্বাথদ্বযং-পাচনযুগুলং-মধ্য দোষেঽতিসারিণি বিহিতং ভূতীকপিপ্পল্যাদিরেকো বিল্বধনিকো দ্বিতীযঃ, তস্মাত্-ক্বাথদ্বযাত্, একস্য-অন্যতরস্য ক্বাথস্যোষ্ণস্য, তত্রাবস্থাযাং পানং প্রশস্যতে, তথা ফলবর্তযঃ স্বেদাশ্চ নানাবিধাঃ, অবস্থাশ্চ জ্ঞাত্বা বিরেচনং শস্যতে| তথা বিল্বাদিমান্ বস্তিস্তথা সুরাদিমান্ বস্তিঃ, সপ্রাক্পেষ্যঃ-"বলাং গুডূচীং" (ক. অ. ৪/১) ইত্যাদৌ বস্তৌ যঃ পেষ্যো যবান্যাদিকৃত্ তেন প্রাক্পেষ্যেণ সহ বর্তত ইতি সপ্রাক্পেষ্যঃ| তমত্র দত্তবস্তিনোত্ক্লিষ্টং দোষমানযেত্-আকর্ষযেত্|

আযুর্বেদরসাযনম্ ব্যাখ্যা ( কৃত)

আ০ র০-বিবন্ধাখ্যাং ব্যাপদমাহ-অস্নিগ্ধেতি| দ্রব্যংক্বাথ্যং পেষ্যং চ| তং দোষং-যদর্থং দত্তঃ| ক্বাথদ্বযং-"পিবেত্ প্রকবথিতাস্তোযে মধ্যদোষো বিশোষযন্| ভুতীকপিপ্পলীশুণ্ঠীবচাধান্যহরীতকীঃ|| অথবা বিল্বধনিকামুস্তনাগরবালকম্|" (হৃ.চি.অ. ৯১৫) ইত্যুক্তম্| ভূতীকং-কট্তৃণম্| প্রাক্পেষ্যং-"পূতোযবানীফলবিল্বকুষ্ঠবচাশতাব্হাঘনপিপ্পলীনাম্| কল্কৈঃ (হৃ.ক.অ. ৪/২) ইত্যুক্তম্| সুরা-মদিরা| আদিশব্দাদন্যদপ্যম্লম্| গৌরবাখ্যাং ব্যাপদং ত্বাহ সঙ্গ্রহে (ক.অ. ৬)-"সশেষামে নিরূহেণ মৃদুনা দোষ ঈরিতঃ| মূর্চ্ছযত্যনিলং মার্গং রূণধ্দ্যগ্নিংহিনস্তি চ|| গৌরবক্লমহৃচ্ছূলদাহসম্মোহবেষ্টনম্| ততঃ কুর্যাদুপচরেত্তং রূক্ষস্বেদপাচনৈঃ|| পিপ্পলীকট্তৃণোশীরদারুমূর্বাশৃতং জলম্| পিবেত্সৌবর্চলোন্মিশ্রং দীপনং হৃদ্বিশোধনম্|| বচানাগরশঠ্যো বা ঘৃতমণ্ডেন মূর্চ্ছিতাঃ| পেযাঃ প্রসন্নযা বা স্যুররিষ্টনাসবেন বা|| দারু ত্রিকটুকং পথ্যাং পলাশং চিত্রকং শঠীম্| পিষ্ঠ্বা কুষ্ঠং চ মূত্রেণ পিবেত্ ক্ষারাংশ্ছ দীপনান্|| বস্তিমস্য বিদধ্যাচ্চ সমূত্রং দাশমূলিকম্|" ইতি|

সর্বাঙ্গসুন্দরী ব্যাখ্যা ( কৃত)

স০-দোষাঢ্যে তথা রূক্ষে ক্রূরকোষ্ঠে বা বস্তিরল্পবীর্যো দত্তো দোষৈঃ-বায্বাদ্যবরকৈরাবৃতঃ, অনন্তরং স বস্তী রুদ্ধমার্গঃ-প্রতিহতগতিপ্রসরণো, বাযুং রুন্ধ্যাত্| সোঽনিলো বিমার্গগ আধ্মানং কুর্যাত্| তথা হৃদযাদীনাং মর্মণাং ব্যধনং-পীডনং, তথা গুদকোষ্ঠস্য বিদাহং, তথা মুষ্কবঙ্ক্ষণবেদনাং চ কুর্যাত্| তথা শূলৈঃ-নানাবিধাভির্ভগ্নরুদ্ধমৃদিতপীডিতাবনদ্ধাদিভিঃ পীডাভিঃ, হৃদযং রুণদ্ধি-আবৃণোতি| হৃদযমাবৃত্যানন্তরম্, ইতশ্চেতশ্চ-অনিযতে দেশে, ধাবতি পবনঃ| তত্র-অবস্থাবিশেষে, সুষ্ট্বভ্যক্তাঙ্গস্য স্বিন্নাঙ্গস্য চ ফলবর্তিং প্রযোজযেত্| বিল্বাদিকশ্চ নিরুহঃ স্যাত্ পীলুসর্ষপমূত্রবান্| সরলদেবদারুভ্যাং সাধিতং তৈলং চানুবাসনং স্যাত্|

আযুর্বেদরসাযনম্ ব্যাখ্যা ( কৃত)

আ০ র০-আধ্মানাখ্যাং ব্যাপদমাহ-যুক্ত ইতি| বিল্বাদিঃ-বিবন্ধব্যাপদ্যুক্তঃ| পীলু-পীলুফলম্| শিরোরুজাখ্যাং ব্যাপদং ত্বাহ সঙ্গ্রহে (ক.অ. ৬)-"বহুদোষেঽবলে ক্রূরকোষ্ঠে বস্তিস্তনুর্মৃদুঃ| শীতোঽল্পশ্ছাবৃতো দোষৈঃ প্রতিহন্তি সমীরণম্|| ঊর্ধ্বং সোঽনুসরন্ দেহং কুর্যাদ্বাযুঃ শিরোরুজম্| গ্রীবাস্তম্ভং প্রতিশ্যাযং বাধির্যং দৃষ্টিবিভ্রমম্|| তমুষ্ণতৈললবণপ্রদিগ্ধস্বিন্নমর্দিতম্| তীক্ষ্ণৈর্ধূমৈঃ প্রধমনৈর্নস্যৈরাস্যবিরেচনৈঃ|| বিরেকৈর্বস্তিভিশ্ছাশু যোজযেদানুলোমিকৈঃ|" ইতি| বাহানাখ্যাং চ ব্যাপদমাহ সঙ্গ্রহে (ক.অ. ৬)-"স্নিগ্ধস্বিন্নে মহাদোষে বস্তিমৃদ্বল্পভেষজঃ| উত্ক্লেশ্যাল্পং হরেদ্দোষং জনযেচ্চ প্রবাহিকাম্|| শোফং বস্তাবপানে চ সদনং চোরুজঙ্ঘযোঃ| বিবদ্ধমারুতো জন্তুরভীক্ষ্ণং স প্রবাহতে|| স্বেদাভ্যঙ্গান্নিরুহাংশ্ছ শোধনীযানুলোমিকান্| বিদধ্যাল্লঙ্ঘযিত্বা চ বৃত্তিং তস্য বিরিক্তবত্||" ইতি|

সর্বাঙ্গসুন্দরী ব্যাখ্যা ( কৃত)

স০-বেগসংরোধং-বেগবিধারণং, কুর্বতঃ পুংসো যঃ পীডিতো বস্তিরতিমাত্রযা বা পীডিতোঽস্নিগ্ধলবণোষ্ণো বা তথাঽল্পো মাত্রযা, অল্পভেষজশ্চ মৃদুর্বা, স তথাভূতো মারুতেনোর্ধ্বং ক্ষিপ্তো মূখনাসিকাত্ নিরেতি-নির্গচ্ছতি| মূর্চ্ছাদীন্ প্রবর্তযেত্(যন্)| অস্য তু-তথাবিধবস্তেঃ পুরুষস্য, মূর্চ্ছাদিবিকারং দৃষ্ট্বা শীতাম্বুনা মুখং সিঞ্চেত্| তথা ক্লমনাশং যাবত্ তং তালবৃন্তাদিনা বীজযেত্| তথা তং পুরুষং প্রাণাযামং চ কারযেত্, প্রাণাযামেন হ্যূর্ধ্বং বিক্ষিপ্তো বস্তিরধো যাতি| উষ্ণৈঃ করৈঃ পৃষ্ঠং পার্শ্বমুদরং চ মৃজ্যাত্| তথা তং পুরুষমধোমুখং কৃত্বা কেশৈরুত্ক্ষিপ্যোর্ধ্বং নীত্বা বপুর্ধুন্বীত| তথা ব্যালাদিভির্ভীষযেত্| তথোর্ধ্বং প্রবৃত্তো বস্তির্যস্মাদধো গচ্ছতি| তথা পাণিবস্ত্রৈর্গলাপীডং কুর্যাদ্যথা ন ম্রিযেত| এবং সতি প্রাণোদাননিরোধঃ সম্পদ্যতে, প্রাণোদাননিরোধাদ্যস্মাদধোগঃ সুপ্রসিদ্ধতরাযনো ভূত্বাঽপানো বাযুস্তং বস্তিং দ্রাগেবাপকর্ষতি-ঊর্ধ্বাদধঃ ক্ষিপতি| সুষ্ঠু-প্রকর্ষেণ, প্রসিদ্ধতরমযনং যস্য স সুপ্রসিদ্ধতরাযনঃ| কুষ্ঠাদিকল্কং চাম্লসংযুতং পাযযেত্| [ সঃ ] কল্কঃ, অস্য-আতুরস্য, উষ্ণাদিগুণযোগাত্তং বস্তিমনুলোমযেত্| ত্রিবৃতাদিকল্কং পীতং গোমূত্রেণাধোনুলোমনম্| পক্বাশযস্থিতে দোষে স্নিগ্ধে (স্বিন্নে) নিরুহো দাশমূলিকো বিধাতব্যঃ| যবাদিভিশ্চ গোমূত্রসাধিতৈর্বস্তির্বিধেযঃ| অথবা গোমূত্রসিদ্ধৈর্গুডূচ্যাদিভিস্তৈলগুডসৈন্ধবযুক্তো বস্তির্বিরেকদ্রব্যকল্কবান্ বিধেযঃ| উরসি স্থিতে বিল্বাদিপঞ্চমূলেন সিদ্ধো বস্তির্বিধাতব্যঃ| শিরসি স্থিতে বস্তৌ নস্যং ধূমশ্চ, শিরশ্চ সর্ষপকল্কেন প্রচ্ছাদনীযম্|

আযুর্বেদরসাযনম্ ব্যাখ্যা ( কৃত)

আ০ র০-ঊর্ধ্বমারুতাখ্যাং ব্যাপদমাহ-কুর্বত ইতি| মৃজ্যাত্-মর্দযেত্| ভীষযেত্-ত্রাসযেত্| পাণিভিশ্চ বস্ত্রৈশ্চ| সুপ্রসিদ্ধতরং-গুদং মেঢ্রং চ, অযনমস্য স তথা| ক্রমুকং-পূগঃ| দশমূলযবাদীনাং মূত্রে ক্বাথঃ, অমৃতাদীনাং বা সপ্তানাম্| অমৃতা-গুডূচী| ত্বক্ পত্রং চ পূতীকরঞ্জস্য| তৈলাদিযোগস্তু দ্বযোরপি ক্বাথযোঃ, বিল্বাদিক্বাথস্যাপি| ইত্যযোগব্যাপদঃ|

সর্বাঙ্গসুন্দরী ব্যাখ্যা ( কৃত)

স০-অত্যুষ্ণতীক্ষ্ণাম্লঘনো বস্তিঃ প্রযুক্তোঽতিস্বেদিতস্য বা পুংসোঽল্পে দোষে তথা মৃদৌ কোষ্ঠে মুহুর্মুহুঃ প্রযুক্তত্বাদতিযোগত্বং প্রাপ্তোঽযম্ কুক্ষিরুগ্জনকঃ স্যাত্| সঃ-তথাবিধো বস্তিঃ, বিরেচনাতিযোগেন তুল্যে-সদৃশে, লক্ষণচিকিত্সিতে যস্য স এবং স্যাত্|

আযুর্বেদরসাযনম্ ব্যাখ্যা ( কৃত)

আ০ র০-অথাতিযোগব্যাপদঃ| কুক্ষিশূলাখ্যব্যাপদমাহ-বস্তিরিতি| সঙ্গ্রহে তু (ক.অ. ৬)-"পৃশ্নিপর্ণী স্থিরাং পদ্মং কাশ্মর্যং মধুকোল্পলে| পিষ্ট্বা দ্রাক্ষাং মধূকং চ ক্ষীরে তন্দুলধাবনে|| দ্রাক্ষাযাঃ পক্বলোষ্ঠস্য প্রসাদে মধুকস্য বা| বিনীয সঘৃতং বস্তিং যুঞ্জ্যাদ্দাহেঽতিযোগতঃ||" ইতি| বিরেচনতুল্যত্বোক্ত্যা দাহোঽপ্যুক্তঃ| অঙ্গরুগাদিব্যাপঞ্চতুষ্কং ত্বাহ সঙ্গ্রহে (ক.অ. ৬)- "স্নেহস্বেদৈরসম্পাদ্য গুরুতীক্ষ্ণোঽতিমাত্রকঃ| দুঃস্থিতায প্রণিহিতো বস্তির্দুঃশযিতায বা|| অতিপ্রবৃত্তো মরুতংকোপযেত্স বিমার্গগঃ| করোত্যঙ্গরুজাং জৃম্ভাং স্তম্ভং ভেদং চ পর্বণাম্|| তং তৈললবণাভ্যক্তং স্বেদিতং সংস্তরাদিভিঃ| বিল্বকোলযবৈরণ্ডবর্ষাভূবৃহতীদ্বযৈঃ|| সকুলত্থৈঃ শৃতৈর্মস্তুফলসৌবীরকান্বিতৈঃ| আস্থাপযেত্সসিন্ধূত্থৈর্জাঙ্গলৈরাশিতং রসৈঃ|| তৈলেনানিলজদ্দ্রব্যবিপক্বেনানুবাসযেত্| মৃদুকোষ্ঠেঽবলে বস্তিরতিতীক্ষ্ণোঽতিনির্হরন্|| কুর্যাদ্ধিধ্মাং হিতং তত্র হিধ্মাঘ্নং বৃংহণং চ যত্| বলাবৃহত্যাদিবরাকাশ্মর্যরসসৈন্ধবৈঃ| সপ্রসন্নারনালাম্লৈস্তৈলং পক্ত্বাঽনুবাসযেত্| উষ্ণাম্বুনাঽক্ষং পিপ্পল্যা দদ্যাল্লবণসংযুতম্|| ধূমলেহরসক্ষীরস্বেদাশ্চান্নং চ বাতজিত্| অতিতীক্ষ্ণঃ সবাতো বা ন বা সম্যক্ প্রপীডিতঃ|| ঘট্টযেদ্দৃদযং বস্তিস্তত্র কাশকুশোত্কটৈঃ| স্যাত্সাম্ললবণস্কন্ধকরীরবদরীফলৈঃ|| শৃতৈর্বস্তির্হিতঃ সিদ্ধো বাতঘ্নৈশ্চানুবাসনম্| মৃদুকোষ্ঠাল্পদোষস্য রূক্ষতীক্ষ্ণাতিমাত্রকঃ|| হৃত্বা বস্তির্মলান্ শীঘ্রং বাতপিত্তে প্রকোপযেত্| নাভিবস্তিগুদাংস্তে হি কৃন্ততোঽস্য মুহুর্মুহুঃ|| বিবর্ণস্যাল্পমুত্থানং বস্তির্নিলেখনাদ্ভবেত্| স্বাদুশীতৌষধৈস্তত্র পযস্যেক্ষ্বাদিভিঃ শৃতঃ|| যষ্ট্যাব্হতিলকল্কাভ্যাং বস্তিঃ স্যাত্ ক্ষীরভোজিনঃ| সসর্জরসযষ্ট্যাব্হং জিঙ্গিণীকর্দমাঞ্জনম্|| বিনীয দুগ্ধে বস্তিঃ স্যাব্দ্যক্তাম্লরসভোজিনঃ| পিচ্ছিলশ্ছ হিতো বস্তিঃ স্নেহশ্ছ মধুরৈঃ শৃতঃ||" ইতি|

সর্বাঙ্গসুন্দরী ব্যাখ্যা ( কৃত)

স০-ক্ষারাম্লতীক্ষ্ণোষ্ণলবণো বস্তিঃ প্রযুক্তঃ পৈত্তিকস্য বা প্রযুক্তো গুদং দহন্নিব বিলিখন্নিব ক্ষিপন্নিবাস্য-নরস্য, পরিস্রবং করোতি| সঃ-পুরুষঃ, তদা বিদগ্ধমস্রং স্রবতি| তথা বহুষো-বহূন্ বারান্, অতিবেগেন ভূরিভিঃ- বহুভিঃ, বর্ণৈঃ পিত্তং স্রবতি| তথা মোহমসকৃদ্ গচ্ছতি| তত্রাবস্থাযাং রক্তপিত্তঘ্নী তথা রক্তাতিসারঘ্নী ক্রিযা চ প্রশস্যতে| দাহমোহাদিষু ত্রিবৃত্কল্কং দ্রাক্ষাজলেন পিবেত্| যস্মাত্ তত্-ত্রিবৃত্কল্কযুতং দ্রাক্ষাবারি, পিত্তশকৃদ্বাতান্ হত্বা দাহাদীন্ জযেত্| বিশুদ্ধশ্চ সশর্করাং শীতাং পেযাং পিবেত্| অতিবিরিক্তস্য ক্ষীণপুরীষস্য পুংসঃ কুল্মাষান্ মাষযূষেণ সহ ভোজনং যুঞ্জ্যাত্| দধ্যথবা সুরাং পানং দদ্যাত্| বস্ত্যাপদাং-নিরুহব্যাপত্তীনাং, এবং সিদ্ধিঃ-চিকিত্সিতং, স্যাত্|

আযুর্বেদরসাযনম্ ব্যাখ্যা ( কৃত)

আ০ র০-স্নবাখ্যাং ব্যাপদমাহ-বস্তিরিতি| সঙ্গ্রহে তু (ক.অ. ৬)-"তত্রার্দ্রশাল্মলীবৃন্তৈঃ ক্ষুণ্ণৈরাজং পযঃ শৃতম্| পূতং ঘৃতান্বিতং বস্তিং দদ্যাদন্যাংশ্চ পিচ্ছিলান্|| বটাদিপল্লবেষ্বেবং কল্পো যবতিলেষু চ| সুবর্চলোপোদকযোঃ কর্বুদারে চ শস্যতে|| গুদে চ শীতমধুরান্ কুর্যাত্সেকপ্রলেপনান্|" ইতি| তথা (সঙ্গ্রহে ক.অ. ৬)-"আমং যঃ কুণপং রুগ্বানুপবেশ্যেত সারুচিঃ| সঘনাতিবিষাকুষ্ঠনতদারুবচাঃ পিবেত্|| শকৃদ্বাতমসৃক্পিত্তং কফং বা যোঽতিসার্যতে| পক্বং তত্র স্ববর্গীযো বস্তিঃ শ্রেষ্ঠং ভিষগ্জিতম্|| ষণ্ণামেষাং দ্বিসংসর্গাত্রিংশদ্ভেদা ভবন্তি তু| কেবলৈঃ সহ ষট্ত্রিংশদ্বিদ্যাত্সোপদ্রবাংশ্ছ তান্|| শূলপ্রবাহিকাধ্মানপরিকর্তারুচিজ্বরান্| তৃণ্মোহদাহমূর্চ্ছাদীংশ্চৈষাং বিদ্যাদুপদ্রবান্|| তত্রামেঽন্তরপানং তু কট্বম্ললবণৈর্যুতম্| পাচনং শস্যতে বস্তিরামে হি প্রতিষিধ্যতে|| বাতঘ্নগ্রাহিবর্গীযো বস্তিঃ শকৃতি শস্যতে| স্বাদ্বম্লো ব্যক্তলবণঃ স্নেহবস্তিঃ সমীরণে|| রক্তে রক্তেন পিত্তে তু কষাযস্বাদুতিক্তকঃ| সার্যমাণে কফে বস্তিঃ কষাযকটুতিক্তকঃ|| শকৃতা বাযুনা চামে তেন বর্চস্যথানিলে| সংসৃষ্টেঽন্তরপানম্ স্যাত্ কট্বম্ললবণৈর্যুতম্|| পিত্তেনামেঽসৃজা তদ্বত্তযোরামেন বা পুনঃ| সংসৃষ্টযোর্ভবেত্পানং সকটুস্বাদুতিক্তকম্|| তথাঽঽমে কফসংসৃষ্টে কষাযকটুতিক্তকম্| আমেন তু কফে যুক্তে কষাযলবণৌষধম্|| বাতেন বিশি পিত্তে বা বিট্পিত্তাস্রৈস্তথাঽনিলে| স্যাত্ কষাযাম্লমধুরঃ সংসৃষ্টে বস্তিরুত্তমঃ|| বস্তির্বাতেন রক্তে তু কার্যঃ খাদ্বম্লতিক্তকঃ| শকৃচ্ছোণিতযোঃ পিত্তশকৃতোরস্নপিত্তযোঃ|| বস্তিরন্যোন্যসংসর্গে কষাযস্বাদুতিক্তকঃ| কফেন বিশি পিত্তে বা কফে বিট্পিত্তশোণিতৈঃ|| কটুতিক্তকষাযঃ স্যাত্সংসৃষ্টে বস্তিরুত্তমঃ| মধুরোষণতিক্তস্তু রক্তে কফবিমূর্চ্ছিতে|| মারুতে কফসংস্রুষ্টে কট্বম্লবণো ভবেত্| স্যাদ্বস্তিঃ কটুতিক্তাম্লঃ সংসৃষ্টে বাযুনা কফে|| ত্রিচতুঃপঞ্চষট্যোগানেবমেব বিকল্পযেত্| যুক্তিশ্ছৈষাঽতিসারোক্তা সর্বরোগেষ্বপি স্মৃতা|| যুগপত্ ষড্রসং ষণ্ণাং সংসর্গে পাচনং ভবেত্| নিরামাণাং চ পঞ্চানাং বস্তিঃ ষড্রসিকো হিতঃ|| উদুম্বরশলাটূনি জম্ব্বাম্রোদুম্বরত্বচঃ| শঙ্খং সর্জরসং লাক্ষাং কট্তৃণং চ পলাংশিকম্|| পিষ্ট্বা তৈঃ সর্পিষঃ প্রস্থং ক্ষীরদ্বিগুণিতং পচেত্| অতীসারেষু সর্বেষু পেযমেতদ্যথাবলম্|| কচ্ছুরাধাতুকীবিল্বসমঙ্গারক্তমূলিভিঃ| মসূরাশ্বত্থশুঙ্গৈশ্ছ যবাগূঃ স্যাজ্জলে শৃতৈঃ|| বালোদুম্বরকট্বঙ্গসমঙ্গাপ্লক্ষপল্লবৈঃ| মসূরধারকীপুষ্পবলাভিশ্ছ তথা ভবেত্|| নানাপ্রকারা জাযন্তে ব্যাপদো বস্তিবিভ্রমাত্| যথাযথং যথাবস্থং তাংসাং কুর্বীত সাধনম্||" ইতি নিরূহব্যাপদঃ|

সর্বাঙ্গসুন্দরী ব্যাখ্যা ( কৃত)

স০-স্নেহবস্তেঃ-অনুবাসনস্য, সিদ্ধির্বক্ষ্যতে|

আযুর্বেদরসাযনম্ ব্যাখ্যা ( কৃত)

আ০ র০-অথানুবাসনব্যাপদঃ| তাশ্চোক্তাঃ সঙ্গ্রহে (ক. অ. ৭)-"স্নেহবস্তৌ মরুত্পিত্তকফাত্যাশবিডাবৃতে| অভুক্তশূনপায্বামদত্তেঽষ্টৌ ব্যাপদঃ স্মৃতাঃ||" ইতি|

সর্বাঙ্গসুন্দরী ব্যাখ্যা ( কৃত)

স০-শীতো বস্তিরল্পো বাঽধিকে বাতে দত্তঃ, তথা পিত্তেঽত্যুষ্ণঃ, তথা কফে মৃদুঃ, অযোগঃ সম্পদ্যতে| অতিভুক্তে গুরুর্বস্তির্দত্তঃ, তথা বর্চসঃ-পুরীষস্য, সঞ্চযেঽল্পবলঃ-উভযথা মাত্রযা বীর্যতশ্চ, দত্তঃ, তৈঃ-শীতাদিকারণাদ্বাতাদিভিঃ, স্নেহবস্তিরাবৃতো নাযাতি-গুদমার্গান্ন প্রত্যাগচ্ছতি, অভিভবাদপ্যেতৈরেব|

আযুর্বেদরসাযনম্ ব্যাখ্যা ( কৃত)

আ০ র০-তত্র পঞ্চানাং ব্যাপদাং কারণমাহ-শীতোঽল্প ইতি| গুরুঃ-চিরপাকঃ| অল্পবলঃ-অনুলোমনাসমর্থঃ| শীতাদিগুণস্বাবৃতত্বম্| অল্পস্যাভিভবঃ|

সর্বাঙ্গসুন্দরী ব্যাখ্যা ( কৃত)

স০-স্তম্ভোরুসাদাদিভির্বাযুনা স্নেহমাবৃতং বিদ্যাত্| তং এবংবিধং, স্নেহং-স্নেহবস্তিং, নিরুহৈঃ সম্যক্ স্নিগ্ধাম্ললবণোষ্ণৈর্নির্হরেত্| তানেব নিরূহানাহ-সৌবীরকসুরাদিসাধিতৈস্তথা গোমূত্রান্বিতৈস্তথা পঞ্চমূলনির্বৃত্তৈঃ পঞ্চমূলক্বাথবদ্ভিরিত্যর্থঃ| তথা রাস্না চ পীতদ্রুশ্চ রাস্নাপীতদ্রূ, তাভ্যাং সাধিতে তৈলে রাস্নাপীতদ্রুতৈলে, তে বিদ্যতে যেষাং নিরূহাণাং তৈঃ, ক্বচিত্পুটকে রাস্নাতৈলং ক্বচিদ্ধরিদ্রাতৈলং যোজ্যমিত্যর্থঃ| তাভ্যমিতি দ্বিবচননির্দেশাত্ পৃথগেতত্ তৈলদ্বযমুপযোগীতি গম্যতে| চ-সমুচ্চযে, ন কেবলং তং নিরূহযেত্, রাস্নাতৈলেন পীতদ্রুতৈলেন বা দোষাদ্যনুরোধাদনুবাসযেচ্চ| সাযং ভুক্তে-ন তু প্রাতর্ভুক্তে|

আযুর্বেদরসাযনম্ ব্যাখ্যা ( কৃত)

আ০ র০-বাতাবৃতস্য লক্ষণং চিকিত্সিতং চাহ-স্তম্ভোরুসদনেতি| বেষ্টনং-পিণ্ডিকোদ্বেষ্টনম্| পীতদ্রুঃ-সরলঃ| রাস্নাতৈলেন পীতদ্রুতৈলেন চ সংস্কৃতৈঃ| বিল্বাদিপঞ্চমূলযবকোলকুলত্থানাং ক্বাথঃ| তাভ্যাং-রাস্নাপীতদ্রুতৈলাভ্যাম্|

সর্বাঙ্গসুন্দরী ব্যাখ্যা ( কৃত)

স০-তং তৃড্দাহাদিভিঃ পিত্তাবৃতং স্নেহবস্তিং বিদ্যাত্| স্বাদুতিক্তৈর্বস্তিভির্বিনির্হরেত্|

আযুর্বেদরসাযনম্ ব্যাখ্যা ( কৃত)

আ০ র০-পিত্তাবৃতস্য লক্ষণং চিকিত্সিতং চাহ-তৃট্দাহেতি| তমকঃ-তমঃপ্রবেশঃ|

সর্বাঙ্গসুন্দরী ব্যাখ্যা ( কৃত)

স০-তন্দ্রাদিভিঃ কফাবৃতং স্নেহবস্তিং বিদ্যাত্| তং কষাযকটুতিক্তকৈঃ সুরামূত্রোপসাধিতৈঃ ফলতৈলযুতৈঃ সাম্লৈর্বস্তিভিঃ নিরূহৈঃ, বিনির্হরেত্| ফলানাং-উষ্ণবীর্যাণামক্ষোটাদীনাং, তৈলং ফলতৈলম্| কেচিত্তুং ফলং-মদনফলং, তিলতৈলং চ, তাভ্যাং যুতাস্তৈরিতি ব্যাচক্ষতে|

আযুর্বেদরসাযনম্ ব্যাখ্যা ( কৃত)

আ০ র০-কফাবৃতস্য লক্ষণং চিকিত্সিতং চাহ-তন্দ্রেতি| ফলতৈলং-মদনফলতৈলম্|

সর্বাঙ্গসুন্দরী ব্যাখ্যা ( কৃত)

স০-ছর্দ্যাদিভিরামলিঙ্গৈর্দাহযুতৈঃ স্নেহমত্যশনাবৃতং বিদ্যাত্| কটূনাং লবণানাং চ ক্বাথৈশ্চূর্ণৈশ্চ পাচনং হিতম্| তথা মৃদুভিঃ-অতীক্ষ্ণৈঃ, বিরেকঃ| তথা তস্মিন্ সর্বমামবিহিতমৌষধং হিতম্|

আযুর্বেদরসাযনম্ ব্যাখ্যা ( কৃত)

আ০ র০-অত্যশনাবৃতস্য লক্ষণং চিকিত্সিতং চাহ-ছর্দিমূর্চ্ছেতি| আমং-আমাজীর্ণম্| ক্বাথৈঃ কটূনামেব, চূর্ণৈঃ কটূনাং লবণানাং চ|

সর্বাঙ্গসুন্দরী ব্যাখ্যা ( কৃত)

স০-বিণ্মূত্রাদিভির্বিডাবৃতং স্নেহং বিদিত্বা, স্নেহাদিভিস্তথা শ্যামাদিভিঃ সিদ্ধৈর্নিরূহৈরনুবাসনৈশ্চ, তথোদাবর্তহরেণ বিধিনা, সম্যগ্ নির্হরেত্|

আযুর্বেদরসাযনম্ ব্যাখ্যা ( কৃত)

আ০ র০-বিডাবৃতস্য লক্ষণং চিকিত্সিতং চাহ-বিণ্মূত্রানিলেতি| অর্তিঃ-শূলম্| শ্যামাদিঃ-গণঃ| বিল্বাদিপঞ্চমূলম্|

সর্বাঙ্গসুন্দরী ব্যাখ্যা ( কৃত)

স০-অভুক্তে স্নেহবস্তিঃ, তথা শূনঃ পাযুর্যস্য তস্মিন্ প্রণিহিতো বস্তিঃ, অথবা পেযামাত্রমেবাশিতং যেন স পেযামাত্রাশিতস্তস্য গুদে প্রণিহিতঃ স্নেহবস্তিঃ, অনাবৃতঃ সন্ বেগাদূর্ধ্বং কাযং ধাবতি| ততঃ কণ্ঠাদূর্ধ্বেভ্যশ্চ খেভ্যঃ এতি-পততি| তত্র গোমূত্রাদিসিদ্ধো যো যবাদিমান্ ক্বাথস্তেন ক্বাথেন সিদ্ধতৈলৈর্নিরূহমনুবাসনং [ চ ] দদ্যাত্| কণ্ঠাদাগচ্ছতঃ স্নেহস্য স্তম্ভকণ্ঠগ্রহাদিভিশ্ছর্দিঘ্নীভিঃ ক্রিযাভিশ্চ তন্নির্হরণং কুর্যাত্|

আযুর্বেদরসাযনম্ ব্যাখ্যা ( কৃত)

আ০ র০-অভুক্তদত্তশূনপাযুদত্তযোর্লক্ষণং চিকিত্সিতং চাহ-অভুক্ত ইতি| মাত্রা-স্তোকম্| পেযাশিতস্য চাভুক্ততুল্যত্বান্ন পৃথগুদ্দেশঃ কৃতঃ| কণ্ঠাদেতি-নির্গচ্ছতি| ঊর্ধ্বেভ্যোঽপি খেভ্যঃ-নাসানেত্রকর্ণেভ্যঃ| শ্যামাত্রিবৃত্যবকোলকুলত্থানাং মূত্রেণ ক্বাথঃ| তেষামেব কল্কেন মুত্রেণ চ সিদ্ধং তৈলম্| তত্র ক্বাথতৈলাভ্যাং নিরূহঃ| তৈলেনানুবাসনঃ| স্তম্ভঃ-উচ্ছ্বাসরোধঃ|

সর্বাঙ্গসুন্দরী ব্যাখ্যা ( কৃত)

স০-অপক্বং স্নেহং ন দদ্যাত্| যস্মাত্ সঃ-অপক্বঃ স্নেহো, গুদমুপলিম্পতি| ততঃ-উপলিপ্তে গুদে, রুজাভিঃ সহ মোহাদীন্ কুর্যাত্| অত্র চিকিত্সিতং তীক্ষ্ণো বস্তিস্তথাঽর্কপত্ররসে শৃতং তৈলম্|

আযুর্বেদরসাযনম্ ব্যাখ্যা ( কৃত)

আ০ র০-আমদত্তস্য লক্ষণং চিকিত্সিতং চাহ-নাপক্বমিতি| তৈলমনুবাসনার্থম্| ইত্যনুবাসনব্যাপদঃ| অথ নেত্রবস্তিশয্যাপ্রণেতৃদোষজা ব্যাপদঃ| তাশ্ছোক্তাঃ সঙ্গ্রহে (ক.অ.৭)-"হ্রস্বং দীর্ঘং তনু স্থূলং জীর্ণং শিথিলবন্ধনম্| পার্শ্বচ্ছিদ্রং তথা বক্রমষ্টৌ নেত্রাণি বর্জযেত্| অপ্রাপ্ত্যতিগতিক্ষোভকষণক্ষণনস্রবাঃ| গুদপীডা গতির্জিহ্যা তেষাং দোষা যথাক্রমম্| মাংসলস্নিগ্ধবিষভজালবত্স্থূলবাতলাঃ| ছিদ্রঃ ক্লিন্নশ্চ তানষ্টৌ বস্তীন্ কর্মসু বর্জযেত্| গতিবৈষম্যদৌর্গন্ধ্যজিহ্যত্বস্রুতিদুর্গ্রহাঃ| ফেনিলচ্যুত্যধার্যত্বং বস্তেঃ স্যুর্বস্তিদোষতঃ| উচ্চকৈরত্যবাক্শীর্ষমূর্ধ্বসঙ্কুচিতস্থিতম্| উত্তানং দক্ষিণং পার্শ্বং সপ্ত শয্যাঃ পরিত্যজেত্| মূত্রাঘাতোঽতিসম্প্রাপ্তিরপ্রাপ্তিঃ সাধু নাগতিঃ| আশ্বাগতির্মরুত্কোপস্তৃপ্তিঃ পক্বাশযস্য চ| তদ্দোষাঃ স্যুর্বিধাতব্যং যথৌপযকমত্র চ| সবাতাতিদ্রুতোত্ক্ষিপ্ততির্যগুল্লুপ্তকম্পিতাঃ|| অতিমন্দকবাহ্যাতিবেগদোষাঃ প্রণেতৃতঃ|" ইতি|

সর্বাঙ্গসুন্দরী ব্যাখ্যা ( কৃত)

স০-অনুচ্ছ্বাস্য বস্তের্বদনে বদ্ধে সতি, অথবা নিঃশেষং দত্তে সতি, প্রবিশ্যান্তরে বাযুঃ কুপিতঃ শূলতোদকরঃ স্যাত্| তস্মিন্নভ্যঙ্গো গুদে স্বেদশ্চ, তথা বাতহন্তৃণি ভোজনানি চ|

আযুর্বেদরসাযনম্ ব্যাখ্যা ( কৃত)

আ০ র০-সবাতপ্রণনস্য লক্ষণং চিকিত্সিতং চাহ-অনুচ্ছ্বাস্যেতি|

সর্বাঙ্গসুন্দরী ব্যাখ্যা ( কৃত)

স০-শীঘ্রং প্রণীতে নিষ্কৃষ্টে সহসোত্ক্ষিপ্তে চ কট্যাদিষু স্তম্ভপীডাভেদনানি স্যুঃ| তত্র বাতঘ্নমশনং স্বেদোঽভ্যঙ্গশ্চ|

আযুর্বেদরসাযনম্ ব্যাখ্যা ( কৃত)

আ০ র০-অত্দ্রুতোত্ক্ষিপ্তযোর্লক্ষণং চিকিত্সিতং চাহদ্রুতমিতি| প্রণীতে-প্রবেশিতে| নিষ্কৃষ্টে-নিষ্কাশিতে| উত্ক্ষিপ্তে-পৃষ্ঠবংশং প্রতি নানীতে| তির্যঙ্নেত্রস্য লক্ষণং চিকিত্সিতং চাহ সঙ্গ্রহে (ক.অ.৭)- "তির্যগ্বল্যাবৃতদ্বারে বদ্ধে বাঽপি ন গচ্ছতি| নেত্রে তদ্দজু নিষ্কৃষ্য সংশোধ্য চ পুনর্নযেত্||" ইতি|

সর্বাঙ্গসুন্দরী ব্যাখ্যা ( কৃত)

স০-পীড্যমানে বস্তিপুটকেঽন্তরা-মধ্য এব, কদাচিত্তস্মিন্ মুক্তে, গুদেঽনিলঃ প্রতিহতো বলবান্ উরঃশিরোরুজমূরুসাদং চ জনযেত্| তত্র বিল্বাদিভির্বস্তির্মদনফলশ্যামাদিমান্ স্যাত্|

আযুর্বেদরসাযনম্ ব্যাখ্যা ( কৃত)

আ০ র০-উল্লুপ্তস্য লক্ষণং চিকিত্সিতং চাহ-পীড্যমান ইতি| ফলং-মদনফলম্| কম্পিতাদীনাং চতুর্ণাং লক্ষণং চিকিত্সিতং চাহ সঙ্গ্রহে (ক.অ. ৭)-"স্যাদ্দাহো দবথুঃ শোফঃ কম্পনাভিহতে গুদে| কষাযা মধুরাঃ শীতাঃ সেকাস্তত্র সবস্তযঃ|| অতিমাত্রপ্রণীতেন নেত্রেণ ক্ষণনাদ্বলেঃ| স্যাত্সার্তিদাহনিস্তোদগুরুবর্চঃপ্রবর্তনম্|| তত্র সর্পিঃ পিচুঃ ক্ষীরং পিচ্ছাবস্তিশ্ছ শস্যতে| ন ভাবযতি মন্দস্তু বাহ্যশ্চাশু নিবর্ততে|| স্নেহস্তত্র পুনঃ সম্যক্ প্রণেযঃ সিদ্ধিমিচ্ছতা|" ইতি|

সর্বাঙ্গসুন্দরী ব্যাখ্যা ( কৃত)

স০-অতিপ্রপীডিতো বস্তিপুটকঃ কোষ্ঠে তিষ্ঠতি, গলং বাঽঽযাতি| তত্র বস্তির্বিরেকশ্চ গলপীডাদি চ কর্ম শস্যতে|

আযুর্বেদরসাযনম্ ব্যাখ্যা ( কৃত)

আ০ র০-অতিবেগস্য লক্ষণং চিকিত্সিতং চাহ-অতিপ্রপীডিত ইতি|

সর্বাঙ্গসুন্দরী ব্যাখ্যা ( কৃত)

স০-বমনবিরেকাদ্যৈশ্চ বিশুদ্ধং ক্ষামদেহং ক্ষামবলং ক্ষামানলং চ পুরুষং বৈদ্যঃ প্রযত্নেন সর্বস্মাদপচারাদ্রক্ষেত্| কিমিব? যথা তরুণং-অভিনবং জাতমণ্ডং, যথা চ তৈলপূর্ণং পাত্রং রক্ষ্যতে, তথা প্রযত্নেন রক্ষেত্|

আযুর্বেদরসাযনম্ ব্যাখ্যা ( কৃত)

আ০ র০-বমনাদিশুদ্ধস্য বিশেষতোঽপচারং নিষেধতি বমনাদ্যৈরিতি|

সর্বাঙ্গসুন্দরী ব্যাখ্যা ( কৃত)

স০- তস্মিন্ মধুরহৃদ্যানি দদ্যাত্| অনন্তরমম্ললবণৌ রসৌ, ততঃ স্বাদুতিক্তরসৌ, ততঃ কষাযকটুকরসৌ দদ্যাত্| অন্যোন্যপ্রত্যনীকানাং-পরস্পরপ্রতিপক্ষাণাং রসানাং, তথা স্নিগ্ধরূক্ষযোরন্যোন্যপ্রত্যনীকযোঃ, ব্যত্যাসাত্-বিপর্যযাত্, উপযোগেন-যথাস্বমুপযোগেন, যথা-মধুররসমুপযুজ্য পুনরম্লাদ্যন্যতমং তত্প্রতিপক্ষং যুঞ্জ্যাত্, অম্লমুপযুজ্য পুনর্মধুরাদ্যন্যতমং তত্প্রতিপক্ষং যুঞ্জ্যাত্, এবং স্নিগ্ধরূক্ষযোরুপযোগং কুর্যাত্| তথা তং পুরুষং বমনাদিভির্বিশুদ্ধং, প্রকৃতিং যথোচিতাং স্বাং নযেত্| সর্বংসহঃ-অশেষক্ষমঃ, তথা স্থিরবলঃ, প্রকৃতিং প্রাপ্তঃ পুমান্ বেদ্যঃ| ইতি শ্রীমৃগাঙ্কদত্তপুত্রশ্রীমদরুণদত্তবিরচিতাযামষ্টাঙ্গহৃদযটীকাযাং সর্বাঙ্গসুন্দরাখ্যাযাং পঞ্চমে কল্পসিদ্ধিস্থানে বস্তিব্যাপত্সিদ্ধির্নাম পঞ্চমোঽধ্যাযঃ সমাপ্তঃ|| ৫||

আযুর্বেদরসাযনম্ ব্যাখ্যা ( কৃত)

আ০ র০-শুদ্ধস্যোপচারমাহ-দদ্যাদিতি| সঙ্গ্রহে তু (ক. অ. ৭)-"অত্রান্তরে ত্যজেদষ্টৌ ভাষ্যাদীনি বিশেষতঃ| উচ্চৈর্ভাষ্যাচ্ছিরোরোগতিমিরোরঃস্বরব্যথাঃ|| রক্তনিষ্ঠেবতমকজ্বরাদ্যাস্তত্র সাধনম্|| অভ্যঙ্গস্বেদনস্যাধোভক্তস্নেহোপসেবনম্|| মৌনং বিধির্বাতহরো যথাস্বং চ বিকারজিত্| অত্যাস্যাযনযানাভ্যাং সন্ধিমূর্ধত্রিকাদিরুক্| অতিচঙ্ক্রমণাত্পাদজঙ্ঘোরুসদনাদযঃ| তেষাং বাতহরং সর্বং স্নেহস্বেদাদি শস্যতে| অজীর্ণভোজনাদামবিষচ্ছর্দিজ্বরাদযঃ| তত্র মাত্রাশিতীযোক্তো বিধেযো বিধিরামহা|| অহিতান্নাদ্যথাদোষং রোগাঃ স্যুর্ভেষজানি চ| হলীমকাদযঃ প্রোক্তা দিবাস্বপ্নাত্ পুরা গদাঃ|| বিদধ্যাত্ কফজিত্তেষু ধূমরূক্ষান্নলঙ্ঘনম্| ব্যবাযাজ্জীবিতভ্রংশস্তৈরস্যানিলামযৈঃ|| গুদোঽবলুপ্যত ইব ভ্রমতীব চ চেতনা| মেঢ্রং ধূমাযতি মনস্তমসীব প্রবেশ্যতে|| জীবনীযশৃতক্ষীরসর্পিষোরুপযোজনম্| আহারো বৃংহণস্তত্র বৃষ্যাস্তে তে চ বস্তযঃ|| বেগরোধোর্ধ্ববাতত্বাত্ প্রাগুক্তা যে সদাতুরাঃ| তেষাং বিবদ্ধে পবনে সর্বদেহোপতাপিনি|| ফলবর্তিং পুরা দদ্যাদথ বস্তিং চলাপহম্| নিকুম্ভকুম্ভাগ্ন্যুরুবূকধাবনীপুনর্নবাদারু মহচ্চ পঞ্চকম্| ফলং চ মুত্রে ক্বথিতং সমস্তু ঘৃতং সতৈলং লবণানি পঞ্চ|| নিরূহিতং ধন্বরসেন ভোজযেন্নিকুম্ভতৈলেন ততোঽনুবাসযেত্| বলাং সরাস্নাং ফলবিল্বচিত্রকান্ দ্বিপঞ্চমূলং কৃতমালকাত্ফলম্|| যবান্ কুলত্থাংশ্চ পচেজ্জলে রসঃ সমুস্তপাঠেন্দ্রযবৈশ্ছ কল্কবান্| সতৈলসর্পির্গুডসৈন্ধবো হিতঃ সদাঽঽতুরাণাং বলপুষ্টিবর্ণদঃ|| তথাঽনুবাস্যং মধুকেন সাধিতং বালেন বিল্বেন শতাব্হযাঽথবা| সজীবনীযস্তু রসোঽনুবাসনে নিরূহণে চালবণঃ শিশোর্হিতঃ|| ন চান্যদাঽঽশ্বঙ্গবলাভিবর্দ্ধনং নিরূহবস্তেঃ শিশুবৃদ্ধযোর্হিতম্|| নিরূহবস্তের্নৈব স্যাদন্যত্ স্থবিরবালযোঃ| বলাঙ্গবর্দ্ধনং শীঘ্রমাদৃতো যোজযেদতঃ||" ইতি| ইতি হেমাদ্রিটীকাযামাযুর্বেদরসাযনে| বস্তিব্যাপত্প্রকরণং সামত্স্যেন নিরূপিতম্|| ৫||