Adhikarana অধ্যাযোপক্রমঃ · Śloka
🔊 Audio coming soon
সর্বাঙ্গসুন্দরী ব্যাখ্যা ( কৃত)
শ্রেএগণেশায নমঃ| চিকিত্সিতস্থানাদন্তরং কল্পস্থানমারভ্যতে চিকিত্সিতস্থানস্য কল্পস্থানাপেক্ষত্বাত্| তথা হি প্রাগধ্যগেএষ্ট (হৃ. চি. অ. ১/৮) - "তর্পণেন রসেনেক্ষোর্মদ্যৈঃ কল্পোদিতানি বা| বমনানি প্রযুজ্যেত" ইতি| তদেবমাদ্যুপদেশাত্ সপেক্ষত্বমস্য| তস্মাত্ কল্পস্থানমুচ্যত ইত্যাহ --
Adhikarana বমনকল্পাধ্যাযঃ (২) · Śloka ২
তস্মাত্ কল্পস্থানমুচ্যত ইত্যাহ অথাতো বমনকল্পং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ| (গদ্যসূত্রে)||২||
तस्मात् कल्पस्थानमुच्यत इत्याह अथातो वमनकल्पं व्याख्यास्यामः| इति ह स्माहुरात्रेयादयो महर्षयः| (गद्यसूत्रे)||२||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-বমনং-ঊর্ধ্বং মুখেন দোষহরণম্ , তস্য কল্প:-কল্পনং যোজনমিত্যর্থ:| শেষমাযুষ্কামীযাধ্যাযবদ্ব্যাখ্যেযম্|
আযুর্বেদরসাযনম্ ব্যাখ্যা ( কৃত)
আ০ র০-শ্রীগণেশায নমঃ| অথ কল্পস্থানারম্ভঃ| বমনকল্পং ব্যাখ্যাতুং প্রতিজানীতে-অথেতি| অথ বমনকল্পঃ| তত্র সঙ্গ্রহে (ক. অ. ১)-"বমন্দ্রব্যাণাং মদনফলজীমূতকেক্ষ্বাকুদ্বিকোশাতকীকুটজফলানি শ্রেষ্ঠানি| তেষ্বপি মদনফলম্| দোষদূষ্যাদিবশাচ্চৈষামেতত্কল্পনানাং চ প্রাধান্যম্| দোষাদীনামেব চাতিবহ্ববস্থাভেদাদ্বমনাদিষু কল্পনানাং ব্যাপদাং সাধনানাং চ যদসঙ্খ্যেযত্বং, অতো বুদ্ধিমতাং বিকল্পমার্গদর্শনার্থমুদাহরণমাত্রং কল্পসিদ্ধিস্থানমুপদেক্ষ্যতে|" ইতি|
Adhikarana মদনকল্পঃ,বমনে মদনং শ্রেষ্ঠম্ বিরেচনে ত্রিবৃন্মূলং শ্রেষ্ঠম্,ব্যাধিবশাজ্জীমূতাদের্বিশিষ্টতা (১) · Śloka ১
প্রাধান্যাচ্চ বমনকল্পে মদনমেব শস্যত ইত্যাহ অথ মদনকল্পঃ| বমনে মদনং শ্রেষ্ঠং, ত্রিবৃন্মূলং বিরেচনে| নিত্যমন্যস্য তু ব্যাধিবিশেষেণ বিশিষ্টতা||১||
प्राधान्याच्च वमनकल्पे मदनमेव शस्यत इत्याह अथ मदनकल्पः| वमने मदनं श्रेष्ठं, त्रिवृन्मूलं विरेचने| नित्यमन्यस्य तु व्याधिविशेषेण विशिष्टता||१||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-বমনবিষযে নিত্যং মদনং শ্রেষ্ঠম্ , নিরপাযিত্বাদন্যদ্রব্যবিষযেঽপি বা তস্যোপযোগাত্ সর্বত্রানিষিদ্ধপ্রসরত্বাচ্চ| লাঘবমিচ্ছংশ্চ তন্ত্রকৃদিদমবোচত্-`ত্রিবৃন্মূলং বিরেচনে'ইতি| যথা মদনং বমনে নিত্যং শ্রেষ্ঠং , তথা ত্রিবৃন্মূলং বিরেচনে , নিরপাযিত্বাদিহেতুনা| মদনং বর্জযিত্বা ব্যাধিবশাদন্যস্য-জীমূতাদেঃ , বিশিষ্টতা| বক্ষ্যতি হি (শ্লো. ১৯)- "জীমূতং তু বিশেষতঃ| প্রযোক্তব্যং জ্বরশ্বাসকাসহিধ্মাদিরোগিণাম্| " ইতি| এবং ত্রিবৃন্মূলং বর্জযিত্বা পরস্য বিরেচনদ্রব্যস্য ব্যাধিবিশেষেণ বিশিষ্টত্বম্, ন তু ত্রিবৃন্মূলবত্সর্বত্রানিষিদ্ধপ্রসরত্বং নিরপাযিত্বং চ| তথা চোক্তম্ (সঙ্গ্রহে সূ. অ. ১৩)- "ত্রিবৃত্সুখবিরেচনানাম্| " ইতি| তদেবং বমনে মদনং শ্রেষ্ঠং ত্রিবৃন্মূলং বিরচনে সর্বদেতি স্থিতম্|
আযুর্বেদরসাযনম্ ব্যাখ্যা ( কৃত)
আ০ র০-মানত্রিবৃতোঃ শ্রেষ্ঠত্বমাহ-বমন ইতি| নিত্যং অব্যভিচারেণ|
Adhikarana মদনফলানাং সংস্কারঃ (২-৬) · Śloka ৬
ফলানি নাতিপাণ্ডূনি ন চাতিহরিতান্যপি| আদাযাহ্নি প্রশস্তর্ক্ষে মধ্যে গ্রীষ্মবসন্তযোঃ||২|| প্রমৃজ্য কুশমুত্তোল্যাং ক্ষিপ্ত্বা বধ্বা প্রলেপযেত্| গোমযেনানু মুত্তোলীং ধান্যমধ্যে নিধাপযেত্||৩|| মৃদুভূতানি মধ্বিষ্টগন্ধানি কুশবেষ্টনাত্| নিষ্কৃষ্টানি গতেঽষ্টাহে শোষযেত্তান্যথাতপে||৪|| তেষাং ততঃ সুশুষ্কাণামুদ্ধৃত্য ফলপিপ্পলীঃ| দধিমধ্বাজ্যপললৈর্মৃদিত্বা শোষযেত্পুনঃ||৫|| ততঃ সুগুপ্তং সংস্থাপ্য র্কাযকালে প্রযোজযেত্| |৬|
फलानि नातिपाण्डूनि न चातिहरितान्यपि| आदायाह्नि प्रशस्तर्क्षे मध्ये ग्रीष्मवसन्तयोः||२|| प्रमृज्य कुशमुत्तोल्यां क्षिप्त्वा बध्वा प्रलेपयेत्| गोमयेनानु मुत्तोलीं धान्यमध्ये निधापयेत्||३|| मृदुभूतानि मध्विष्टगन्धानि कुशवेष्टनात्| निष्कृष्टानि गतेऽष्टाहे शोषयेत्तान्यथातपे||४|| तेषां ततः सुशुष्काणामुद्धृत्य फलपिप्पलीः| दधिमध्वाज्यपललैर्मृदित्वा शोषयेत्पुनः||५|| ततः सुगुप्तं संस्थाप्य र्कायकाले प्रयोजयेत्| |६|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-অথশব্দোঽত্র প্রস্তুতৌ মদনস্য প্রস্তাবে| মদনস্য ফলানি পাণ্ডূনি গৃহীত্বা, ন ত্বতিপাণ্ডূন্যতিক্রান্তপাকত্বাত্, ন চাতিহরিতান্যামত্বাত্| কদাঽঽদায ? প্রশস্তনক্ষত্রে দিবসে| কস্মিন্নৃতৌ ? মধ্যে গ্রীষ্মবসন্তযোঃ| এবমৃতুসন্ধৌ গৃহীতানি প্রমৃজ্য-ব্যপগতমলাদিদোষাণি কৃত্বা, কুশময্যাং মুত্তোল্যাং-মূটিকাযাং, ক্ষিপ্ত্বা পুনরুপরিষ্টাদ্বদ্ধ্দ্বা চ ততো গোমযেন তাং মুত্তোলীং লিম্পেত্| অনন্তরং ধান্যমধ্যে নিধাপযেত্-স্থাপযেত্| কুশানাং সমূহো রচনাবিশেষনিষ্পাদিতঃ কুশমুত্তোলীত্যুচ্যতে| মৃদুভীতানি তানি মধ্বিষ্টগন্ধানি- কদাচিন্মধুগন্ধানি কদাচিদিষ্টগন্ধানি,কুশবেষ্টনাদষ্টাহেন জ্ঞাত্বা অনন্তরমষ্টাহেঽতিক্রান্তে কুশমুত্তোল্যাঃ নিষ্কৃষ্টানি-বহিষ্কৃতানি, অনন্তরমাতপে শোষযেত্| ততঃ-অনন্তরং তেষাং-মদনফলানাং, [সুষ্ঠু] শুষ্কাণাং ফলপিপ্পলীরুদ্ধৃত্য দধিমধ্বাজ্যপললৈর্মৃদিত্বা-সঙ্ক্ষুদ্য,পুনরাতপে শোষযেত্| ততঃ-অনন্তরং, সুষ্ঠু গুপ্তং ধারযিত্বা কার্যকালে-বমনাবসরে, তাঃ প্রযোজযেত্|
আযুর্বেদরসাযনম্ ব্যাখ্যা ( কৃত)
আ০ র০-মদনসংস্কারমাহ-ফলানীতি| ফলানি-মদনফলানি| প্রমৃজ্য-বিশোধ্য| কুশমুত্তোল্যাং-কুশমযরজ্জুবেষ্টনিকাযাম্| তাং চ মুত্তোলীং রজ্জুভির্বদ্ধ্বা গোমযেন লেপযেত্| অনু-পশ্চাত্, ধান্যরাশৌ নিধাপযেত্| সঙ্গ্রহে তু (ক. অ.১) -"যববুসমাষশালিব্রীহিকুলত্থমুদ্গান্যতমরাশৌ" ইতি| ততোঽষ্টাহে গতে মৃদুভূতানি মধুবদিষ্টগন্ধানি কুশবেষ্টনান্নিষ্কৃষ্য আতপে শোষযেত্| ততঃ সুশুষ্কাণাং ফলপিপ্পলীঃ-মজ্জানং, উদ্ধরেত্| ততো দধ্যাদিভির্মর্দযেত্| ততঃ পুনঃ শোষযেত্| ততো গুপ্তং স্থাপযেত্| সঙ্গ্রহে তু (ক. অ. ১)-"নবং কলশমরজস্কমাকণ্ঠং পূরযিত্বা" ইত্যধিকম্|
Adhikarana মদনপ্রযোগঃ (৬-৯) · Śloka ৯
| অথাদায ততো মাত্রাং জর্জরীকৃত্য বাসযেত্||৬|| শর্বরীং মধুযষ্ট্যা বা কোবিদারস্য বা জলে| কর্বুদারস্য বিম্ব্যা বা নীপস্য বিদুলস্য বা||৭|| শণপুষ্প্যাঃ সদাপুষ্প্যাঃ প্রত্যক্পুষ্প্যুদকেঽথবা| ততঃ পিবেত্কষাযং তং প্রাতর্মৃদিতগালিতম্||৮|| সূত্রোদিতেন বিধিনা সাধু তেন তথা বমেত্| |৯|
| अथादाय ततो मात्रां जर्जरीकृत्य वासयेत्||६|| शर्वरीं मधुयष्ट्या वा कोविदारस्य वा जले| कर्बुदारस्य बिम्ब्या वा नीपस्य विदुलस्य वा||७|| शणपुष्प्याः सदापुष्प्याः प्रत्यक्पुष्प्युदकेऽथवा| ततः पिबेत्कषायं तं प्रातर्मृदितगालितम्||८|| सूत्रोदितेन विधिना साधु तेन तथा वमेत्| |९|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-অথ-অনন্তরং, ততঃ-পিপ্পিলীভ্যো, মাত্রাং-পরিমাণং প্রাযেণ দেশকালাদিবশাদ্বা মাত্রাং, বিকল্প্যানন্তরং তাং মাত্রাং জর্জরীকৃত্য-সঞ্চূর্ণ্য, মধুযষ্টযাদীনামন্যতমস্য জলে শর্বরীং-সকলাং রাত্রিং, বাসযেদভিষবণায| ততঃ-অনন্তরং, [প্রাতঃ] তং কষাযং মৃদিতগালিতং পূর্বং মৃদিতং পশ্চাদ্গালিতং-বস্ত্রপূতং কৃত্বা, সূত্রোদিতেন বিধিনা-"শ্বো বম্যং" (সূ. অ. ১৮|১২) ইত্যাদিগ্রন্থোক্তেন, পিবেত্| [তথা-] এবং কৃতে সতি, তেন সাধু বমেত্|
আযুর্বেদরসাযনম্ ব্যাখ্যা ( কৃত)
আ০ র০ - মদনপ্রযোগমাহ-অথেতি| ততঃ-ফলপিপ্পলীভ্যঃ, মাত্রাং-অন্তর্নখমুষ্টিং, যাবদ্বা সাধু মন্যেত| কোবিদারঃ-কাঞ্চনারঃ| কর্বুদারঃ-শ্লেষ্মাতকঃ| বিম্বী-তুণ্ডিকেরী| নীপঃ-কদম্বভেদঃ| বিদুলো-বেতসঃ| শণপুষ্পী-ঘণ্টারবা| সদাপুষ্পী-বনকার্পাসী| প্রত্যক্পুষ্পী-অপামার্গঃ| তেন-তথাকৃতেন কষাযেণ, সাধু বমেত্| অন্যথা ত্বসাধু|
Adhikarana শ্লেষ্মজ্বরাদৌ বিশেষঃ (৯-১০) · Śloka ১০
| শ্লেষ্মজ্বরপ্রতিশ্যাযগুল্মান্তর্বিদ্রধীষু চ||৯|| প্রচ্ছর্দযেদ্বিশেষেণ যাবত্পিত্তস্য দর্শনম্| |১০|
| श्लेष्मज्वरप्रतिश्यायगुल्मान्तर्विद्रधीषु च||९|| प्रच्छर्दयेद्विशेषेण यावत्पित्तस्य दर्शनम्| |१०|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-বিশেষেণ শ্লেষ্মজ্বরাদিষু বমেত্| যাবত্পিত্তস্য দর্শনম্|
আযুর্বেদরসাযনম্ ব্যাখ্যা ( কৃত)
আ০ র০-শ্লেষ্মজ্বরাদৌ বিশেষমাহ-শ্লেষ্মজ্বরেতি| শ্লেষ্মজ্বরাদিষু তু বিশেষেণ পুনঃপুনর্বামযেদাপিত্তদর্শনাত্|
Adhikarana জ্বরারুচ্যাদিষু বমনযোগঃ (১০-১১) · Śloka ১১
| ফলপিপ্পলিচূর্ণং বা ক্বাথেন স্বেন ভাবিতম্||১০|| ত্রিভাগত্রিফলাচূর্ণং কোবিদারাদিবারিণা| পিবেজ্জ্বরারুচিষ্ঠেবগ্রন্থ্যপচ্যর্বুদোদরী||১১||
| फलपिप्पलिचूर्णं वा क्वाथेन स्वेन भावितम्||१०|| त्रिभागत्रिफलाचूर्णं कोविदारादिवारिणा| पिबेज्ज्वरारुचिष्ठेवग्रन्थ्यपच्यर्बुदोदरी||११||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০ -অথবা মদনফলপিপ্পলীচূর্ণং স্বেন-ফলপিপ্পলীক্বাথেন, ভাবিতং ত্রিভাগত্রিফলাচূর্ণান্বিতং কোবিদারাদিজলেন পিবেত্, জ্বরাদিষূদরান্তেষু|
আযুর্বেদরসাযনম্ ব্যাখ্যা ( কৃত)
আ০ র০ -বমনান্তরমাহ-ফলপিপ্পলীতি| স্বেন-ফলপিপ্পলীক্বাথেন| ত্রিভাগং-তৃতীযভাগতুল্যং, সম্মীলিতং ত্রিফলাচূর্ণং যস্মিংস্তত্তথা| জ্বরাদিমান্ পিবেত্| ষ্ঠেবঃ-কফপ্রসেকঃ|
Adhikarana কফস্থানগে পিত্তে (১২) · Śloka ১২
পিত্তে কফস্থানগতে জীমূতাদিজলেন তত্| |১২|
पित्ते कफस्थानगते जीमूतादिजलेन तत्| |१२|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-পিত্তে কফস্থানগতে সতি গ্রন্থ্যা (জ্বরা) দিমান্নরস্তত্-মদনফলং, জীমূতাদিজলেন পিবেত্|
আযুর্বেদরসাযনম্ ব্যাখ্যা ( কৃত)
আ০ র০-বমনান্তরমাহ-পিত্ত ইতি| কফস্থানগতে পিত্তে তত্-ফলপিপ্পলীচূর্ণং, জীমূতাদিজলেন পিবেত্| জীমূতাদযঃ-শ্রেষ্ঠেষূক্তাঃ|
Adhikarana হৃদ্দাহাদৌ বমনযোগঃ (১২-১৩) · Śloka ১৩
| হৃদ্দাহেঽধোস্ত্রপিত্তে চ ক্ষীরং তত্পিপ্পলীশৃতম্||১২|| ক্ষৈরেযীং বা| |১৩|
| हृद्दाहेऽधोस्त्रपित्ते च क्षीरं तत्पिप्पलीशृतम्||१२|| क्षैरेयीं वा| |१३|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-হৃদযদাহেঽধোগে রক্তপিতে [চ] তস্য-মদনফলস্য, পিপ্পলীভিঃ ক্বথিতং ক্ষীরং ক্ষৈরেযীং বা পিবেত্| তন্ত্রান্তরে চ ক্ষীরশ্রপণবিধিরুক্তঃ-"দ্রব্যাদষ্টগুণং ক্ষীরং ক্ষীরাত্তোযং চতুর্গুণম্| ক্ষীরাবশেষঃ কর্তব্যঃ ক্ষীরপাকে ত্বযং বিধিঃ||" ইতি| অস্রপিত্ত ইত্যেতাবত্যুক্ত ঊর্ধ্বগোভযগযোরস্রপিত্তযোর্বমনাযোগ্যত্বাদেবাধোগ্রহণে সিদ্ধে পুনরধোগ্রহণং সুখতরপ্রতিপত্ত্যর্থম্| ক্ষৈরেযীমিতি "ক্ষীরাড্ ঢঞ্" ইতি ঢঞ্, "টিড্ ঢাণ" ইতি ঙীপ্|
আযুর্বেদরসাযনম্ ব্যাখ্যা ( কৃত)
আ রং-অন্যদাহ-হৃদ্দাহ ইতি| ফলপিপ্পলীশৃতং ক্ষীরং ক্ষৈরেযীং বা হৃদ্দাহেঽধোস্রপিত্তে চ পিবেত্| ক্ষৈরেযীং-ক্ষীরপেযাম্| ক্ষীরং চ-তত্পিপ্পলীশৃতমেব| সঙ্গ্রহে তু (ক. অ.১)-"তস্য বা পযসঃ শীতস্য সন্তানিকাঞ্জলিং পিত্তে প্রকুপিতে উরঃকণ্ঠহৃদযে চ তনুকফোপদিগ্ধে|" ইতি|
Adhikarana কফচ্ছর্দ্যাদৌ বমনযোগঃ (১৩) · Śloka ১৩
কফচ্ছর্দিপ্রসেকতমকেষু তু| দধ্যুত্তরং বা দধি বা তচ্ছৃতক্ষীরসম্ভবম্||১৩||
कफच्छर्दिप्रसेकतमकेषु तु| दध्युत्तरं वा दधि वा तच्छृतक्षीरसम्भवम्||१३||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-কফচ্ছর্দিপ্রসেকতমকেষু দধ্যুত্তরং-দধিসরমেব হিতম্| অথবা দধি হিতম্| উভযমপি বমনে হিতং তচ্ছৃতক্ষীরসম্ভবম্| তচ্ছৃতং-মদনপিপ্পলীশৃতম্|
আযুর্বেদরসাযনম্ ব্যাখ্যা ( কৃত)
আ০ র০ -অন্যদাহ-কফচ্ছর্দীতি| কফচ্ছর্দ্যাদিষু তু তচ্ছৃতক্ষীরজং দধি দধ্যুত্তরং বা|
Adhikarana সুখকারকো বমনযোগঃ (১৪) · Śloka ১৪
ফলাদিক্বাথকল্কাভ্যাং সিদ্ধং তত্সিদ্ধদুগ্ধজম্| সর্পিঃ কফাভিভূতেঽগ্নৌ শুষ্যদ্দেহে চ বামনম্||১৪||
फलादिक्वाथकल्काभ्यां सिद्धं तत्सिद्धदुग्धजम्| सर्पिः कफाभिभूतेऽग्नौ शुष्यद्देहे च वामनम्||१४||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-ক্বাথশ্চ কল্কশ্চ ক্বাথকল্কৌ, ফলাদীনাং-মদনফলজীমূতকেক্ষ্বাদীনাং ক্বাথকল্কৌ, তাভ্যাং সিদ্ধং-পক্বং, সর্পিঃ কফেনাভিভূতেঽগ্নৌ শুষ্যচ্ছরীরে চ বামনং হিতম্| কিম্ভূতং সর্পিঃ ? তত্সিদ্ধদুগ্ধজম্ ,- তৈশ্চ-ফলাদিভিঃ শৃতং(সিদ্ধং), তত্সিদ্ধং চ তদ্দুগ্ধং চ তস্মাদুদ্ভূতম্|
আযুর্বেদরসাযনম্ ব্যাখ্যা ( কৃত)
আ০ র০ -অন্যদাহ-ফলাদিতি| ফলাদীনি-শ্রেষ্ঠত্বেনোক্তানি, তেষাং ক্বাথঃ, তেষামেব কল্কঃ, তেষামেব ক্ষীরাজ্জাতং সর্পিঃ, একত্র সিদ্ধং মন্দাগ্নৌ কার্শ্যে চ পিবেত্| সঙ্গ্রহে তু (ক. অ. ১)-"ফলমজ্জচূর্ণমিশ্রেণ বাঽঽরগ্বধাদিদ্রব্যাণাং গোপঘোণ্টাভূনিম্ববাণবর্জানাং সসোমবল্কপঞ্চকোলকানামন্যতমস্য নির্যূহেণ সাধিতং লেহমুপযুঞ্জীত| ফলমজ্জচূর্ণমিশ্রেণ বা রেণুকৈলাশতাহ্বাকুস্তুম্বুরুতগরকুষ্ঠত্বক্চোরকমরুবকাগুরুগুগ্গুলুবালকশ্রীবেষ্টকপরিপেলবমাংসীশৈলেযকস্থৌণেযকসুরসা- পালেবতপূত্যশোকরোহিণীনাং দ্বাবিংশতেরন্যতমস্য কষাযেণ সাধিতামুত্কারিকামোদনং বা ভক্ষযেত্| ফলপিপ্পলীস্বরসকষাযপরিপীতৈর্বা তিলশালিতন্দুলপিষ্টৈস্তত্কষাযোপসৃষ্টৈঃ সুরসাদিদ্রব্যান্যতমনির্যূহোপসৃষ্টৈর্বা শষ্কুলীরপূপানন্যং বা ভক্ষ্যং সাধিযিত্বা ভক্ষযেত্|" ইতি|
Adhikarana ভক্ষ্যভোজ্যেষু বমনযোগঃ (১৫-১৬) · Śloka ১৬
স্বরসং ফলমজ্জ্ঞো বা ভল্লাতকবিধিশৃতম্| আদর্বীলেপনাত্সিদ্ধং লীঢ্বা প্রচ্ছর্দযেত্সুখম্||১৫|| তং লেহং ভক্ষ্যভোজ্যেষু তত্কষাযাংশ্চ যোজযেত্| |১৬|
स्वरसं फलमज्ज्ञो वा भल्लातकविधिशृतम्| आदर्वीलेपनात्सिद्धं लीढ्वा प्रच्छर्दयेत्सुखम्||१५|| तं लेहं भक्ष्यभोज्येषु तत्कषायांश्च योजयेत्| |१६|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-ফলমজ্জ্ঞো বা স্বরসং ভল্লাতকবিধানেন শৃতং দর্বীলেপং যাবত্ পক্ত্বা লীঢ্বা সুখং বমেত্| তং চ লেহং ভক্ষ্যাদিষু তথা তস্য-মদনফলস্য, কষাযান্ যোজযেত্|
আযুর্বেদরসাযনম্ ব্যাখ্যা ( কৃত)
আ রং-অন্যদাহ-স্বরসমিতি| ভল্লাতকবিধিঃ-উক্তো রসাযনেষু (হৃ.উ.অ. ৩৯/৭২)|
Adhikarana সন্তর্পণব্যাধিষু বমনযোগঃ (১৬-১৭) · Śloka ১৭
| বত্সকাদিপ্রতীবাপঃ কষাযঃ ফলমজ্জজঃ||১৬|| নিম্বার্কান্যতরক্বাথসমাযুক্তো নিযচ্ছতি| বদ্ধমূলানপি ব্যাধীন্ সর্বান্ সন্তর্পণোদ্ভবান্||১৭||
| वत्सकादिप्रतीवापः कषायः फलमज्जजः||१६|| निम्बार्कान्यतरक्वाथसमायुक्तो नियच्छति| बद्धमूलानपि व्याधीन् सर्वान् सन्तर्पणोद्भवान्||१७||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-মদনফলমজ্জজো বা কষাযো বত্সকাদিগণপ্রতীবাপো (হৃ. সূ. অ. ১৫|৩৩) নিম্বার্কান্যতরক্বাথসংযুক্তো ব্যাধীন্ সমূলানপি নিযচ্ছতি| কীদ্দশান্ ? সন্তর্পণজান্|
আযুর্বেদরসাযনম্ ব্যাখ্যা ( কৃত)
আ রং-অন্যদাহ-বত্সকাদীতি|
Adhikarana ফলাভাবে পুষ্পং শলাটু বা (১৮-২) · Śloka ২
রাঠপুষ্পফলশ্লক্ষ্ণচূর্ণৈর্মাল্যং সুরূক্ষিতম্| বমেন্মণ্ডরসাদীনাং তৃপ্তো জিঘ্রন্ সুখং সুখী||১৮|| এবমেব ফলাভাবে কল্প্যং পুষ্পং শলাটু বা| |১৯| ইতি মদনকল্পঃ||২||
राठपुष्पफलश्लक्ष्णचूर्णैर्माल्यं सुरूक्षितम्| वमेन्मण्डरसादीनां तृप्तो जिघ्रन् सुखं सुखी||१८|| एवमेव फलाभावे कल्प्यं पुष्पं शलाटु वा| |१९| इति मदनकल्पः||२||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-মদনপুষ্পফলসূক্ষ্মচূর্ণৈঃ সুরূক্ষিতং-তদ্রজসাঽতিধূসরিতং, পুষ্পং জিঘ্রন্ মণ্ডরসাদীনাং তৃপ্তঃ , আদিগ্রহণাত্ কৃশরাক্ষীরযবাগূনাং পরিগ্রহঃ , তথাবিধো জিঘ্রন্ সুখী-ক্লেশমসহিষ্ণুঃ , সুখেন বমেত্| এবমেব-অনেনৈব ক্রমেণ, ফলাভাবে সতি পুষ্পং প্রকৃতত্বান্মদনস্য, কল্পনীযম্| "অথাদায ততো মাত্রাং জর্জরীকৃত্য বাসযেত্| শর্বরীং মধুযষ্ট্যা বা কোবিদারস্য বা জলে||" (শ্লো. ৬) ইত্যাদিবিধিনা শলাটু বা-বালমদনং অপক্বং ফলং বা, এবং কল্পনীযম্|
আযুর্বেদরসাযনম্ ব্যাখ্যা ( কৃত)
আ০ র০ - অন্যদাহ-রাঠপুষ্পফলেতি| রাঠো-মদনঃ| সুরুষিতং-সুষ্ঠু অবকীর্ণম্| শলাটু-বালং ফলম্| সঙ্গ্রহে তু (ক. অ. ১)-"ফলপিপ্পলীনাং বা ফলাদিনির্যূহেণৈকবিংশতিকৃত্বঃ সুভাবিতানাং কুসুমরজঃসদৃশেন চূর্ণেনাবচূর্ণযেত্ সরসি সরোরুহং বৃহত্সাযাহ্নে তদ্রাত্রিমুষিতং প্রভাতে পুনরবচূর্ণিতমুদ্ধৃত্য হরিদ্রাকৃশরাক্ষীরযবাগূনামন্যতমং সৈন্ধবগুডফাণিতোপেতমাকণ্ঠং পীতবানুপজিঘ্রন্ সুকুমারঃ সমুচিতগন্ধসম্পদুত্ক্লিষ্টকফপিত্তো ভেষজদ্বেষী চ তথা সুখেন ছর্দযতি| এতেন সর্বমাল্যগন্ধপ্রাবরণপটা ব্যাখ্যাতাঃ|" ইতি|
Adhikarana জীমূতকল্পঃ (১৯) · Śloka ১৯
অথ জীমূতকল্প:| | জীমূতাদ্যাশ্চ ফলবত্|১৯|
अथ जीमूतकल्प:| | जीमूताद्याश्च फलवत्|१९|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-জীমূততুম্বীকোশাতক্যাদ্যাঃ কুটজফলপর্যন্তাঃ ফলবত্-মদনফলতুল্যবিধিনা, কল্প্যাঃ|
আযুর্বেদরসাযনম্ ব্যাখ্যা ( কৃত)
আ রং-মদনবিধিং জীমূতাদিষ্বতিদিশতি-জীমূতাদ্যা ইতি|
Adhikarana জ্বরশ্বাসাদৌ জীমূতো যোজ্যঃ (১৯-২০) · Śloka ২০
| জীমূতং তু বিশেষতঃ||১৯|| প্রযোক্তব্যং জ্বরশ্বাসকাসহিধ্মাদিরোগিণাম্| |২০|
| जीमूतं तु विशेषतः||१९|| प्रयोक्तव्यं ज्वरश्वासकासहिध्मादिरोगिणाम्| |२०|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-বিশেষেণ তু জীমূতো জ্বরাদিষু যোজ্যঃ|
আযুর্বেদরসাযনম্ ব্যাখ্যা ( কৃত)
আ০ র০ -অথ জীমূতকল্পঃ| তত্র বিষযমাহ-জীমূতমিতি| জীমূতং-দেবদালী|
Adhikarana তুম্বীকোশাতকীষ্বপীযং কল্পনা (২০-২২) · Śloka ২২
| পযঃ পুষ্পেঽস্য নির্বৃত্তে, ফলে পেযা পযস্কৃতা||২০|| লোমশে ক্ষীরসন্তানং, দধ্যুত্তরমলোমশে| শৄতে পযসি দধ্যম্লং জাতং হরিতপাণ্ডুকে||২১|| আসুত্য বারুণীমণ্ডং পিবেন্মৃদিতগালিতম্| কফাদরোচকে কাসে পাণ্ডুত্বে রাজযক্ষ্মণি||২২||
| पयः पुष्पेऽस्य निर्वृत्ते, फले पेया पयस्कृता||२०|| लोमशे क्षीरसन्तानं, दध्युत्तरमलोमशे| शॄते पयसि दध्यम्लं जातं हरितपाण्डुके||२१|| आसुत्य वारुणीमण्डं पिबेन्मृदितगालितम्| कफादरोचके कासे पाण्डुत्वे राजयक्ष्मणि||२२||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-অস্য-জীমূতস্য, পুষ্পে সম্পন্নে পযঃ-ক্ষীরং, জীমূতকশৃতং প্রযোজ্যম্| ফলেঽস্য নিষ্পন্নে পযস্কৃতা-জীমূতশৃতক্ষীরনিষ্পাদিতা, পেযা যোজ্যা| জীমূতফলস্য লোমশালোমশতযা মৃদুকঠিনভেদেন দ্বৈবিধ্যম্| লোমশে তস্মিন্ জীমূতফলে শৃতক্ষীরস্য যা সন্তানিকা-শীতীভূতস্যোপরিষ্টাদ্ধনোঽবযবঃ , তং বমনে পিবেত্| অলোমশে জীমূতফলে-কাঠিন্যমাগতে, তচ্চূর্ণযুতং দধ্যুত্তরং-দধিসরং, পিবেত্| শৃতে পযসি প্রকৃতত্বাজ্জীমূতফলৈঃ শৃতে| কিম্ভূতে ? হরিতপাণ্ডুকে,-লোমশালোমশযোর্মধ্যমাবস্থাং প্রাপ্তে সতি, দধ্যম্লং জাতং পিবেত্| অম্লমেব দধি-দধ্যম্লম্, কেচিত্তু মস্তু দধ্যম্লমিত্যাহুঃ| জীমূতফলেন বাঽঽসুত্য বারুণীমণ্ডং পিবেত্| কিম্ভূতম্ ? মৃদিতগালিতং,-পূর্বং মৃদিতং খজাদিনা, পশ্চাদ্ গালিতং-প্রস্রতম্| কেষু ? কফারোচকাদিষু|
আযুর্বেদরসাযনম্ ব্যাখ্যা ( কৃত)
আ রং-প্রযোগমাহ-পয ইতি| অস্য-জীমূতস্য, পুষ্পে নির্বৃত্তে পুষ্পসিদ্ধং পযঃ প্রযোক্তব্যম্| ফলে ফলসিদ্ধক্ষীরপেযা| লোমশে ফলে তত্সিদ্ধক্ষীরসন্তানিকা| চ্যুতলোমনি ফলে তত্সিদ্ধক্ষীরদধিসরং দধি বা| হরিতপাণ্ডুনি ফলে তত্সিদ্ধক্ষীরজমম্লং দধি ক্ষীরং বা| হরিতপাণ্ডুভির্বারুণীমণ্ডং আসুনুযাত্-অবস্থান্তরং নযেত্| ততো মৃদিতগালিতং কফজেষ্বরোচকাদিষু পিবেত্|
Adhikarana বাতপিত্তার্দিতে বমনযোগঃ (২৩) · Śloka ২৩
ইযং চ কল্পনা কার্যা তুম্বীকোশাতকীষ্বপি| |২৩|
इयं च कल्पना कार्या तुम्बीकोशातकीष्वपि| |२३|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-ইযং চ কল্পনা-'পযঃ পুষ্পেঽস্য নির্বৃত্তে' ইত্যাদিকা 'আসুত্য বারুণীমণ্ডং' ইতিপর্যন্তা, তুম্বীকোশাতকীষ্বপি কার্যা|
আযুর্বেদরসাযনম্ ব্যাখ্যা ( কৃত)
আ০ র০-জীমূতকল্পনাং তুম্বীকোশাতক্যোরতিদিশতীযমিতি| ইযং-অবস্থাভেদেন, কল্পনা তুম্ব্যাং কোশাতকীদ্বযে চ|
Adhikarana পিত্তশ্লেষ্মজ্বরে বমনযোগঃ (২৩-২৫) · Śloka ২৫
| পর্যাগতানাং শুষ্কাণাং ফলানাং বেণিজন্মনাম্||২৩|| চূর্ণস্য পযসা শুক্তিং বাতপিত্তার্দিতঃ পিবেত্| দ্বে বা ত্রীণ্যপি বাঽঽপোথ্য ক্বাথে তিক্তোত্তমস্য বা||২৪|| আরগ্বধাদিনবকাদাসুত্যান্যতমস্য বা| বিমৃদ্য পূতং তং ক্বাথং পিত্তশ্লেষ্মজ্বরী পিবেত্||২৫||
| पर्यागतानां शुष्काणां फलानां वेणिजन्मनाम्||२३|| चूर्णस्य पयसा शुक्तिं वातपित्तार्दितः पिबेत्| द्वे वा त्रीण्यपि वाऽऽपोथ्य क्वाथे तिक्तोत्तमस्य वा||२४|| आरग्वधादिनवकादासुत्यान्यतमस्य वा| विमृद्य पूतं तं क्वाथं पित्तश्लेष्मज्वरी पिबेत्||२५||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-পর্যাগতানাং-প্রাপ্তসম্যক্পাকানাং, ফলানাং বেণিজন্মনাং-দেবদাল্যুত্পন্নানাং, চূর্ণস্য শুক্তিং-অর্ধপলং, পযসা বাতপিত্তাভ্যামর্দিতঃ-আতুরঃ , পিবেত্| দ্বে বা ত্রীণ্যপি বা জীমূতফলন্যাপোথ্য-জর্জরীকৃত্য, তিক্তোত্তমস্য-নিম্বস্য, ক্বাথং পিত্তশ্লেষ্মজ্বরী পিবেত্| অথবা, আরগ্বধাদিনবকাত্-আরগ্বধবর্গাদাদ্যৌষধনবকাত্, অন্যতমস্য ক্বাথে দ্বে বা ত্রীণ্যপি বা জীমূতফলান্যাসুত্য-সন্ধায, তথা বিমৃদ্য পূতং ক্বাথ পিত্তশ্লেষ্মজ্বরী পিবেত্| গরাগরী চ বেণী চ দেবদালী চ জীমূতং চেতি পর্যাযাঃ|
আযুর্বেদরসাযনম্ ব্যাখ্যা ( কৃত)
আ০ র০ -অন্যদাহ-পর্যাগতানামিতি| পর্যাগতানাং-পক্বানাম্| বেণী-জীমূতঃ| শুক্তিং-অর্ধপলম্| অন্যদাহ-দ্বে বেতি| আপোথ্য-জর্জরীকৃত্য| তিক্তোত্তমস্য-পটোলস্য| সঙ্গ্রহে তু (ক. অ. ১)-"জীবকর্ষভকেক্ষুশতাবরীনামন্যতমস্য স্বরসেন বা পিত্তজে| অথবা পূর্ববত্ ঘৃতং সিদ্ধম্|" ইতি|ঃ
Adhikarana পিত্ত্জ্বরাদৌ বমনযোগঃ (২৬-২) · Śloka ২
জীমূতকল্কং চূর্ণং বা পিবেচ্ছীতেন বারিণা| জ্বরে পৈত্তে, কবোষ্ণেন কফবাতাত্কফাদপি||২৬|| ইতি জিমূতকল্পঃ||২||
जीमूतकल्कं चूर्णं वा पिबेच्छीतेन वारिणा| ज्वरे पैत्ते, कवोष्णेन कफवातात्कफादपि||२६|| इति जिमूतकल्पः||२||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-জীমূতচুর্ণং-ফলমপি কল্কীকৃত্যাথবা তচ্চূর্ণং পিত্তজজ্বরে শীতেন জলেনালোড্য পিবেত্| তস্যৈব কল্কং চূর্ণং বা কফবাতাত্ কফাচ্চোদ্ভূতে জ্বরে কবোষ্ণেন বারিণা পিবেত্|
আযুর্বেদরসাযনম্ ব্যাখ্যা ( কৃত)
আ০ র০-অন্যদাহ-জীমূতকল্কমিতি|
Adhikarana কাসশ্বাসাদৌ ইক্ষ্বাকুঃশস্তঃ (২৭) · Śloka ২৭
অথেক্ষ্বাকুকল্পঃ| কাসশ্বাসবিষচ্ছর্দিজ্বরার্তে কফকর্শিতে| ইক্ষ্বাকুর্বমনে শস্তঃ প্রতাম্যতি চ মানবে||২৭||
अथेक्ष्वाकुकल्पः| कासश्वासविषच्छर्दिज्वरार्ते कफकर्शिते| इक्ष्वाकुर्वमने शस्तः प्रताम्यति च मानवे||२७||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-কাসাদ্যার্তে কফার্দিতে পুরুষে বমনে-বমনবিষযে, ইক্ষ্বাকুঃ শস্তঃ| প্রতাম্যতি চ মানবে প্রতমকাক্রান্তত্বাদ্যঃ প্রতাম্যতি নরস্তস্মিংশ্চ, শস্তঃ|
আযুর্বেদরসাযনম্ ব্যাখ্যা ( কৃত)
আ০ র০ -অথেক্ষ্বাকুকল্পঃ| তত্র বিষযমাহ-কাসশ্বাসেতি| ইক্ষ্বাকুঃ-কটুতুম্বী| প্রতাম্যতি-মূর্চ্ছাযুক্তে|
Adhikarana পিত্তশ্লেষ্মজ্বরাদোউ ইক্ষ্বাকু প্রযোগঃ (২৮) · Śloka ২৮
ফলপুষ্পবিহীনস্য প্রবালৈস্তস্য সাধিতম্| পিত্তশ্লেষ্মজ্বরে ক্ষীরং পিত্তোদ্রিক্তে প্রযোজযেত্||২৮||
फलपुष्पविहीनस्य प्रवालैस्तस्य साधितम्| पित्तश्लेष्मज्वरे क्षीरं पित्तोद्रिक्ते प्रयोजयेत्||२८||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-ফলপুষ্পবিহীনস্য-অসঞ্জাতফলপুষ্পস্য, [তস্য-] ইক্ষ্বাকোঃ, কিসলযৈঃ ক্ষীরং সাধিতং পিত্তশ্লেষ্মজ্বরে পিত্তোদ্রিক্তে প্রযোজযেত্| ফলপুষ্পবিহীনস্যেত্যনেন কোমলত্বং প্রতিপাদযতি ইক্ষ্বাকোস্তন্ত্রকৃত্| অন্যথা "প্রবালৈঃ সাধিতং ক্ষীরং পিত্তোদ্রিক্তে প্রযোজযেত্|" ইতি ব্রূযাত্| ইক্ষ্বাকুফলস্য জরঠাবস্তস্য প্রযোগমাহ-
আযুর্বেদরসাযনম্ ব্যাখ্যা ( কৃত)
আ রং-প্রযোগমাহ-ফলপুষ্পবিহীনস্যেতি| বিহীনত্বং-অনুত্পত্ত্যা|
Adhikarana কফকাসাদৌ বমনযোগঃ (২৯) · Śloka ২৯
হৄতমধ্যে ফলে জীর্ণে স্থিতং ক্ষীরং যদা দধি| স্যাত্তদা কফজে কাসে শ্বাসে বম্যং চ পাযযেত্||২৯||
हॄतमध्ये फले जीर्णे स्थितं क्षीरं यदा दधि| स्यात्तदा कफजे कासे श्वासे वम्यं च पाययेत्||२९||
🔊 Audio coming soon
সর্বাঙ্গসুন্দরী ব্যাখ্যা ( কৃত)
ইক্ষ্বাকুফলস্য জরঠাবস্থস্য প্রযোগমাহ স০-হৃতমধ্যে জীর্ণে-সুপক্বে, তস্মিন্ ইক্ষ্বাকো: ফলে হৃতমধ্যভাগত্বাচ্ছূন্যমধ্যে ক্ষীরং স্থিতং সত্ যদা দধি জাতং স্যাত্তদা কফকাসাদিষু বমনার্থং পাযযেত্|
আযুর্বেদরসাযনম্ ব্যাখ্যা ( কৃত)
আ০ র০-অন্যদাহ-হৃতমধ্য ইতি| হৃতমধ্যে-নিষ্কুলীকৃতে| জীর্ণে-পক্বে|
Adhikarana পাণ্ডুকুষ্ঠাদৌ বমনযোগঃ (৩০) · Śloka ৩০
মস্তুনা বা ফলান্মধ্যং পাণ্ডুকুষ্ঠবিষার্দিতঃ| তেন তক্রং বিপক্বং বা পিবেতত্সমধুসৈন্ধবম্||৩০||
मस्तुना वा फलान्मध्यं पाण्डुकुष्ठविषार्दितः| तेन तक्रं विपक्वं वा पिबेतत्समधुसैन्धवम्||३०||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-ইক্ষাকুফলমধ্যং বা মস্তুনা পাণ্ড্বাদ্যর্দিতঃ পিবেত্| তেন-ইক্ষ্বাকুফলমধ্যেন, তক্রং বা বিপক্বং মধুসৈন্ধবযুতং পিবেত্| সমধুসৈন্ধবমিত্যুক্তং স্পষ্টার্থম্ বমনবিধৌ হি সমধুসৈন্ধবস্য বমনস্যানুজ্ঞানাত্|
আযুর্বেদরসাযনম্ ব্যাখ্যা ( কৃত)
আ০ র০ -অন্যদাহ-মুস্তুনেতি| তেন-ফলমধ্যেন| সঙ্গ্রহে তু (ক.অ. ১)-"তদেব বা মধ্যং সগুডপললং ভক্ষযেত্| ইক্ষ্বাকুফলতৈলং বা পিবেত্|" ইতি|
Adhikarana বিষগুল্মাদৌ বমনযোগঃ (৩১) · Śloka ৩১
ভাবযিত্বাঽঽজদুগ্ধেন বীজং তেনৈব বা পিবেত্| বিষগুল্মৌদরগ্রন্থিগণ্ডেষু শ্লীপদেষু চ||৩১||
भावयित्वाऽऽजदुग्धेन बीजं तेनैव वा पिबेत्| विषगुल्मौदरग्रन्थिगण्डेषु श्लीपदेषु च||३१||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-অজাদুগ্ধেন তদ্বীজং ভাবযিত্বা তেনৈব-ছগলীক্ষীরেণ, বিষগুল্মাদিষু পিবেত্|
আযুর্বেদরসাযনম্ ব্যাখ্যা ( কৃত)
আ০ র০ -অন্যদাহ-ভাবযিত্বেতি| তেনৈব-আজদুগ্ধেন, বিষাদিষু ষট্সু পিবেত্|
Adhikarana কফজ্বরাদৌ বমনযোগঃ (৩২) · Śloka ৩২
সক্তুভির্বা পিবেন্মন্থং তুম্বীস্বরসভাবিতৈঃ| কফোদ্ভবে জ্বরে কাসে গলরোগেষ্বরোচকে||৩২||
सक्तुभिर्वा पिबेन्मन्थं तुम्बीस्वरसभावितैः| कफोद्भवे ज्वरे कासे गलरोगेष्वरोचके||३२||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-সক্তুভিঃ-যবসক্তুভিঃ, তুম্বীস্বরসভাবিতৈর্মন্থং বা পিবেত্| কফোদ্ভবেষু জ্বরাদিষু|
আযুর্বেদরসাযনম্ ব্যাখ্যা ( কৃত)
আ০ র০-অন্যদাহ-সক্তুভিরিতি| কফজেষু জ্বরাদিষু মন্থং পিবেত্|
Adhikarana গুল্মজ্বরাদৌ বমনযোগঃ (৩৩) · Śloka ৩৩
গুল্মে জ্বরে প্রসক্তে চ কল্কং মাংসরসৈঃ পিবেত্| নরঃ সাধু বমত্যেবং ন চ দৌর্বল্যমশ্নুতে||৩৩||
गुल्मे ज्वरे प्रसक्ते च कल्कं मांसरसैः पिबेत्| नरः साधु वमत्येवं न च दौर्बल्यमश्नुते||३३||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-কল্কং তুম্ব্যা মাংসরসৈঃ পিবেত্| গুল্মে তথা জ্বরে প্রসক্তে-দীর্ঘকালানুবন্ধিনি| এবং সতি পুরুষঃ সাধুকৃত্বা বমতি| দৌর্বল্যং চ ন প্রাপ্নোতি|
আযুর্বেদরসাযনম্ ব্যাখ্যা ( কৃত)
আ০ র০ -অন্যদাহ-গুল্ম ইতি| গুল্মে চিরকালজ্বরে চ মাংসরসৈঃ কল্কং পিবেত্|
Adhikarana সুখিষু আধ্রাপকো বমনযোগঃ (৩৪-৩) · Śloka ৩
তুম্ব্যাঃ ফলরসৈঃ শুষ্কৈঃ সপুষ্পৈরবচূর্ণিতম্| ছর্দযেন্মাল্যমাঘ্রায গন্ধসম্পত্সুখোচিতঃ||৩৪|| ইতীক্ষ্বাকুকল্পঃ||৩||
तुम्ब्याः फलरसैः शुष्कैः सपुष्पैरवचूर्णितम्| छर्दयेन्माल्यमाघ्राय गन्धसम्पत्सुखोचितः||३४|| इतीक्ष्वाकुकल्पः||३||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স-(তুম্ব্যাঃ ফলরসৈঃ পুষ্পরসৈশ্চাবচূর্ণিতং শুষ্কৈঃ-শোষিতৈঃ,তুম্বিফলরসৈস্তুম্বিপুষ্পচূর্ণমিশ্রিতৈরবচূর্ণিতং মাল্যামাঘ্রায সুখং বমেত্| গন্ধসম্পত্-গন্ধসম্পত্তিমত্|)
আযুর্বেদরসাযনম্ ব্যাখ্যা ( কৃত)
আ০ র্০ -অন্যদাহ-তুম্ব্যা ইতি| তুম্বীফলরসৈঃ তুম্বীপুষ্পচূর্ণমিশ্রিতৈঃ শোষিতৈরবচূর্ণিতং মাল্যমাঘ্রায সুখং বমেত্| গন্ধসম্পত্-গন্ধসম্পত্তিমত্| সঙ্গ্রহে তু (ক. অ. ১)-"ইক্ষ্বকুফলস্বরসং বা ত্রিগুণক্ষীরসাধিতমুরঃস্থিতে কফে পীনসে স্বরসাদে চ পিবেত্| বিল্বমূলপ্রস্থক্বাথেন বা তুম্বীবীজানি ক্বাথযেত্| ততস্তমিংস্ত্রিভাগঘৃতে ঘৃতসমানি চ পিষ্ট্বা তুম্বীবীজানি তদর্ধাংশিকানি চ প্রত্যেকং জীমূতমহাজালিনীবত্সককৃতবেধনানি ক্বাথতুল্যমেব চ ত্রিকটুকমাবপেত্| ততঃ পুনরধিশ্রিত্য লেহং সাধযেত্| তমবলিহ্য প্রমথ্যামনু পিবেত্| অযমেব চ কল্পঃ কাশ্মর্যাদিষু চতুর্ষু মহাপঞ্চমূলাঙ্গেষু পৃথক্ পৃথগুক্তো বেদিতব্যঃ বাতকফগুল্মপ্রসক্তজ্বরেষু||" ইতি|
Adhikarana কাসগুল্মাদৌ ধামার্গবঃ ইষ্টঃ (৩৫-৩৬) · Śloka ৩৬
অথ ধামার্গবকল্পঃ| কাসগুল্মোদরগরে বাতে শ্লেষ্মাশযস্থিতে| কফে চ কণ্ঠবক্ত্রস্থে কফসঞ্চযজেষু চ||৩৫|| ধামার্গবো গদেষ্বিষ্টঃ স্থিরেষু চ মহত্সু চ| |৩৬|
अथ धामार्गवकल्पः| कासगुल्मोदरगरे वाते श्लेष्माशयस्थिते| कफे च कण्ठवक्त्रस्थे कफसञ्चयजेषु च||३५|| धामार्गवो गदेष्विष्टः स्थिरेषु च महत्सु च| |३६|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-কাসাদিষু, তথা কফস্থানস্থে বাতে, শ্র্লেষ্মণি গলস্থে মুখস্থে চ তথা কফসঞ্চযজেষ্বরোচকদিষু তথা,স্থিরেষু-দীর্ঘকালপ্ররূঢেষু, মহত্সু-চাত্যন্তং প্রবৃদ্ধেষু, রোগেষু ধামার্গবঃ-কোশফলাখ্যঃ,ইষ্টঃ|
আযুর্বেদরসাযনম্ ব্যাখ্যা ( কৃত)
আ০ র০-অথ দ্বিকোশাতকীকল্পঃ| তত্রাদৌ ধামার্গবকল্পঃ| তত্র বিষযমাহ-কাসগুল্মেতি| ধামার্গবো-রাজকোশাতকী|
Adhikarana কাসাদৌ ধামার্গবপ্রযোগঃ (৩৬-৩৮) · Śloka ৩৮
| জীবকর্ষভকৌ বীরা কপিকচ্ছূঃ শতাবরী||৩৬|| কাকোলী শ্রাবাণী মেদা মহামেদা মধূলিকা| তদ্রজোভিঃ পৃথগ্লেহা ধমার্গবরজোন্বিতাঃ||৩৭|| কাসে হৃদযদাহে চ শস্তা মধুসিতাদ্রুতাঃ| |৩৮|
| जीवकर्षभकौ वीरा कपिकच्छूः शतावरी||३६|| काकोली श्रावाणी मेदा महामेदा मधूलिका| तद्रजोभिः पृथग्लेहा धमार्गवरजोन्विताः||३७|| कासे हृदयदाहे च शस्ता मधुसिताद्रुताः| |३८|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-জীবকর্ষভাদীনাং পৃথক্-প্রযেকং, তেষাং রজোভিশ্চূর্ণৈর্মধুসিতাভ্যামত্যন্তং দ্রুতাঃ-দ্রবীকৃতাঃ, ধামার্গবরজোন্বিতাঃ তচ্চূর্ণমিশ্রাঃ, লেহাঃ কাসে হৃদযদাহে চ শস্তাঃ| মধূলিকা মধুযষ্টিঃ|
আযুর্বেদরসাযনম্ ব্যাখ্যা ( কৃত)
আ০ র০ - প্রযোগমাহ-জীবকর্ষভকাবিতি| বীরা-বিদারী| শ্রাবণী-মুণ্ডী| মধূলিকা-জলজং যষ্টীমধু| পাকং বিনাঽপি মধুসিতাযোগেনৈব লেহত্বম্|
Adhikarana সপিত্তোষ্মে কফে প্রযোগঃ (৩৮) · Śloka ৩৮
| তে সুখাম্ভোনুপানাঃ স্যুঃ পিত্তোষ্মসহিতে কফে||৩৮||
| ते सुखाम्भोनुपानाः स्युः पित्तोष्मसहिते कफे||३८||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-ত এব-পূর্বোক্তা লেহাঃ, উষ্ণোদকানুপানা বমনায ভবেযুঃ| কফে পিত্তোষ্মসহিতে সতি-পিত্তেন তথা পিত্তকার্যেণোষ্মণা যুক্তে|
আযুর্বেদরসাযনম্ ব্যাখ্যা ( কৃত)
আ০ র০-তে-জীবকাদিলেহাঃ| সুখাম্ভঃ-কোষ্ণমুদকম্| পিত্তোষ্মা-পিত্তজস্তাপঃ| সঙ্গ্রহে তু (ক. অ. ১)-"জীবনীযান্যতমচূর্ণসংযুক্তান্ সমধুশর্করাংস্তত্কষাযৈর্লেহান্ পিত্তোপসর্জনে শ্লেষ্মণি বিদধ্যাত্|" ইতি|
Adhikarana বিষাপহঃ প্রযোগঃ (৩৯) · Śloka ৩৯
ধান্যতুম্বরুযূষেণ কল্কস্তস্য বিষাপহঃ| |৩৯|
धान्यतुम्बरुयूषेण कल्कस्तस्य विषापहः| |३९|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-তস্য-ধামার্গবস্য, কল্কো ধান্যতুম্বরুভ্যাং যূষেণ ক্বাথেন,উপযুক্তো বিষঘ্নঃ স্যাত্|
আযুর্বেদরসাযনম্ ব্যাখ্যা ( কৃত)
আ০ র০ -অন্যদাহ-ধান্যেতি| ধান্যং-কুস্তুম্বরী| যূষঃ-ক্বাথঃ|
Adhikarana মানসরোগে প্রযোগঃ (৩৯-৪) · Śloka ৪
| বিম্যাঃ পুনর্নবাযা বা কাসমর্দস্য বা রসে||৩৯|| একং ধামার্গবং দ্বে বা মানসে মৃদিতং পিবেত্| তচ্ছৃতক্ষীরজং সর্পিঃ সাধিতং বা ফলাদিভিঃ||৪০|| ইতি ধামার্গবকল্পঃ||৪||
| बिम्याः पुनर्नवाया वा कासमर्दस्य वा रसे||३९|| एकं धामार्गवं द्वे वा मानसे मृदितं पिबेत्| तच्छृतक्षीरजं सर्पिः साधितं वा फलादिभिः||४०|| इति धामार्गवकल्पः||४||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-বিম্ব্যাদীনামন্যতমস্য রসে-ক্বাথে, ধামার্গবফলমেকং মৃদিতং কৃত্বা, অথবা দ্বে ফলে, মানসে-মানোবিকারে, বমনং ( নার্থং) পিবেত্| অথবা, তচ্ছৃতক্ষীরজং সর্পিঃ-ধামার্গবফলসাধিতং ক্ষীরোদ্ভবং [ঘৃতং], ফলাদিভিঃ সাধিতং-মদনফলজীমূতকেক্ষ্বাকুধামার্গবকোশাতকীকুটজৈঃ ষড্ভিঃ পক্বং,মানসে বমনার্থং পিবেত্|
আযুর্বেদরসাযনম্ ব্যাখ্যা ( কৃত)
আ০ র০-অন্যদহ-বিম্ব্যা ইতি| ফলাদিভিঃ-ষড্ভিঃশ্রেষ্ঠৈঃ| সঙ্গ্রহে তু (ক. অ. ১)-"সুমনঃ সৌমনস্যাযনীহরিদ্রাচোরকহৈমবতীমহাসহাক্ষুদ্রসহাবৃশ্চীববিম্বীপুনর্নবাকাসমর্দান্যতমকষাযেণ ধামার্গবমেকং দ্বে বা মনোবিকারেষু|" ইতি|
Adhikarana কুষ্ঠাদৌ ক্ষ্বেডঃ শস্যতে (৪১) · Śloka ৪১
অথ ক্ষ্বেডকল্পঃ| ক্ষ্বেডোঽতিকটুতীক্ষ্ণোষ্ণঃ প্রগাঢেষু প্রশস্যতে| কুষ্ঠপাণ্ড্বামযপ্লীহশোফগুল্মগরাদিষু||৪১||
अथ क्ष्वेडकल्पः| क्ष्वेडोऽतिकटुतीक्ष्णोष्णः प्रगाढेषु प्रशस्यते| कुष्ठपाण्ड्वामयप्लीहशोफगुल्मगरादिषु||४१||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-ক্ষ্বেডঃ-তিক্তকোশাতকী, অতিতীক্ষ্ণোষ্ণ্কটুকত্বাত্ কুষ্ঠাদিষু প্রগাঢেষু-অত্যন্তচিরকালজত্বাদ্ দৃঢেষু প্ররূঢেষু,প্রশস্যতে|
আযুর্বেদরসাযনম্ ব্যাখ্যা ( কৃত)
আ০ র০-অথ ক্ষ্বেডকল্পঃ| তত্র বিষযমাহ-ক্ষ্বেড ইতি| ক্ষ্বেডঃ-কোশাতকী|
Adhikarana ক্ষ্বেডস্য বমনপ্রযোগঃ (৪২) · Śloka ৪২
পৃথক্ ফলাদিষট্কস্য ক্বাথে মাংসমনূপজম্| কোশাতক্যা সমং সিদ্ধং তদ্রসং লবণং পিবেত্||৪২||
पृथक् फलादिषट्कस्य क्वाथे मांसमनूपजम्| कोशातक्या समं सिद्धं तद्रसं लवणं पिबेत्||४२||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-পৃথক্ ফলাদিষট্কস্য- মদনফলেক্ষ্বাক্বাদিকস্য, ক্বাথে মাংসমনূপজং কোশাতক্যা সমং-তযা তুল্যং, সিদ্ধং-পক্বং,তদ্রসং তস্য মাংসস্য রসং, লবণান্বিতং পিবেত্ |
আযুর্বেদরসাযনম্ ব্যাখ্যা ( কৃত)
আ০ র০-প্রযোগমাহ-পৃথগিতি|
Adhikarana ক্ষ্বেডস্য অন্যঃ প্রযোগঃ (৪৩) · Śloka ৪৩
ফলাদিপিপ্পলীতুল্যং সিদ্ধং ক্ষ্বেডরসেঽথবা| |৪৩|
फलादिपिप्पलीतुल्यं सिद्धं क्ष्वेडरसेऽथवा| |४३|
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-ফলাদিপিপ্পল্যো- মদনফলজীমূতেক্ষ্বাকুফলমধ্যবীজানি, তাভিস্তুল্যমানূপং মাংসং সমক্ষ্বেডরসেন সিদ্ধং বা পিবেত্|
আযুর্বেদরসাযনম্ ব্যাখ্যা ( কৃত)
আ০ র০-অন্যদাহ-ফলাদীতি| পিপ্পল্যো-বীজানি, তৈস্তুল্যমানূপমাংসম্|
Adhikarana ক্ষ্বেডস্য অন্যঃ প্রযোগঃ (৪৩-৪) · Śloka ৪
| ক্ষ্বেডক্বাথং পিবেতত্সিদ্ধং মিশ্রমিক্ষুরসেন বা||৪৩|| ইতি ক্ষ্বেডকল্পঃ||৪||
| क्ष्वेडक्वाथं पिबेतत्सिद्धं मिश्रमिक्षुरसेन वा||४३|| इति क्ष्वेडकल्पः||४||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-যদ্বা, ইক্ষুরসেন মিশ্রং ক্ষেডক্বাথে সিদ্ধমানূপজং মাংসরসং সলবণং পিবেত্|
আযুর্বেদরসাযনম্ ব্যাখ্যা ( কৃত)
আ০ র০-অন্যদাহ-ক্ষ্বেডক্বাথমিতি|
Adhikarana সুকুমারাদিষু কৌটজং শ্রেষ্ঠম্ (৪৪) · Śloka ৪৪
অথ কুটজফলকল্পঃ| কৌটজং সুকুমারেষু পিত্তরক্তকফোদযে| জ্বরে বিসর্পে হৃদ্রোগে খুডে কুষ্ঠে চ পূজিতম্||৪৪||
अथ कुटजफलकल्पः| कौटजं सुकुमारेषु पित्तरक्तकफोदये| ज्वरे विसर्पे हृद्रोगे खुडे कुष्ठे च पूजितम्||४४||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-কুটজং সুকুমারেষু-অত্যন্তবমনাসহিষ্ণুষু, পিত্তরক্তকফোদযে-অতিশযেনাধিকে তস্মিন্, তথা জ্বরাদিষু, বমনে শ্রেষ্ঠম্|
আযুর্বেদরসাযনম্ ব্যাখ্যা ( কৃত)
আ০ র০ -অথ কুটজকল্পঃ| তত্র বিষযমাহ-কৌটজমিতি|
Adhikarana কৌটজস্য বমনপ্রযোগঃ (৪৫-৫) · Śloka ৫
সর্ষপাণাং মধূকানাং তোযেন লবণস্য বা| পাযযেত্কৌটজং বীজং যুক্তং কৃশরযাঽথবা||৪৫|| সপ্তাহং বাঽর্কদুগ্ধাক্তং তচ্চূর্ণং পাযযেত্পৃথক্| ফলজীমূতকেক্ষ্বাকুজীবন্তীজীবকোদকৈঃ||৪৬|| ইতি কুটজফলকল্পঃ||৫||
सर्षपाणां मधूकानां तोयेन लवणस्य वा| पाययेत्कौटजं बीजं युक्तं कृशरयाऽथवा||४५|| सप्ताहं वाऽर्कदुग्धाक्तं तच्चूर्णं पाययेत्पृथक्| फलजीमूतकेक्ष्वाकुजीवन्तीजीवकोदकैः||४६|| इति कुटजफलकल्पः||५||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০-সর্ষপাদীনাং পৃথক্ তোযেন-ক্বাথেন, সৈন্ধবস্য চ জলেন, কুটজবীজং পাযযেত্| অথবা,কৃশরযা সহ কৌটজং পাযযেত্| অথবা, সপ্তাহমর্কদুগ্ধাক্তং কুটজবীজচূর্ণং পৄথক্ মদনফলাদ্যুদকৈঃ পাযযেত্|
আযুর্বেদরসাযনম্ ব্যাখ্যা ( কৃত)
আ০ র০-প্রযোগমাহ-সর্ষপাণামিতি|
Adhikarana বমনযোগানামুপসংহারঃ (১) · Śloka ১
বমনৌষধমুখ্যানামিতি কল্পদিগীরিতা| বীজেনানেন মতিমানন্যান্যপি চ কল্পযেত্||৪৭|| ইতি শ্রীবৈদ্যপতিসিংহগুপ্তসূনুশ্রীমদ্বাগ্ভটবিরচিতাযামষ্টাঙ্গহৃদযসংহিতাযাং পঞ্চমে কল্পসিদ্ধিস্থানে বমনকল্পো নাম প্রথমোঽধ্যাযঃ||১||
वमनौषधमुख्यानामिति कल्पदिगीरिता| बीजेनानेन मतिमानन्यान्यपि च कल्पयेत्||४७|| इति श्रीवैद्यपतिसिंहगुप्तसूनुश्रीमद्वाग्भटविरचितायामष्टाङ्गहृदयसंहितायां पञ्चमे कल्पसिद्धिस्थाने वमनकल्पो नाम प्रथमोऽध्यायः||१||
🔊 Audio coming soon
সর্বাঙ্গসুন্দরী ব্যাখ্যা ( কৃত)
স০- বমনৌষধমুখ্যানাং-ছর্দিষি প্রাধনানামৌষধানাং,ইতি এবং প্রকারেণ, কল্পস্য দিক্-গতিঃ,ঈরিতা-কল্পমার্গ উদিতঃ| অনেন বীজেন-অনযা দিশা, সুমতিরন্যান্যপি বমনৌষধানি কল্পযেদিতি| ইতি শ্রীমৃগাঙ্কদত্তপুত্রশ্রীবিরচিতাযামষ্টাঙ্গহৃদযটীকাযাং সর্বাঙ্গসুন্দরাখ্যাযাং পঞ্চমে কল্পসিদ্দিস্থানে বমনকল্পো নাম্ প্রথমোঽধ্যাযঃ সমাপ্তঃ||১||
আযুর্বেদরসাযনম্ ব্যাখ্যা ( কৃত)
আ রং-বমনযোগানুপসংহরতি-বমনৌষধেতি| ইতি হেমাদ্রিটীকাযামাযুর্বেদরসাযনে| বান্ত্যৌষধপ্রকরণং সামস্ত্যেন নিরূপিতম্||১||