Adhikarana অধ্যাযোপক্রমঃ · Śloka
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
ছর্দ্যাদিচিকিত্সিতাদনন্তরং মদাত্যযচিকিত্সিতারম্ভঃ| চিকিত্সাসামান্যহেতুর্যতস্তৃষ্ণাযা যথা বাতপিত্তে কারণং তথা মদাত্যযস্যাপি|
AYANAACADEMYby Dr Vijaya Dwarampudi
Open Academy navigation
৭. মদাত্যযাদিচিকিত্সিতাধ্যাযঃ
Adhikarana মদাত্যযাদিচিকিত্সিতাধ্যাযঃ মদাত্যযে চিকিত্সাপ্রকারঃ (২-১) · Śloka ১
আথাতো মদাত্যযাদিচিকিত্সিতং ব্যাখ্যাস্যামঃ| ইতি হ স্মাহুরাত্রেযাদযো মহর্ষযঃ| (গদ্যসূত্রে|২| ) যং দোষমধিকং পশ্যেত্তস্যাদৌ প্রতিকারযেত্| কফস্থানানুপূর্ব্যা চ তুল্যদোষে মদাত্যযে||১||
View original
आथातो मदात्ययादिचिकित्सितं व्याख़्यास्यामः| इति ह स्माहुरात्रेयादयो महर्षयः| (गद्यसूत्रे|२| ) यं दोषमधिकं पश्येत्तस्यादौ प्रतिकारयेत्| कफस्थानानुपूर्व्या च तुल्यदोषे मदात्यये||१||
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
সং-যং দোষং-তত্র মদাত্যযে বাতাদিকং, উল্বণং পশ্যেত্-লক্ষযেজ্জানীযাত্| তস্য-দোষস্য, আদৌ-প্রথমত এব, প্রতিকারযেত্-প্রতিকারং কুর্যাত্| এবং বিষমদোষো মদাত্যযশ্চিকিত্স্যঃ| তুল্যদোষে পুনর্মদাত্যযে কফস্থানানুপূর্ব্যা দোষান্ প্রতিকারযেত্| কিমেত্যেবং ক্রিযতে ? ইত্যাহ-
Adhikarana তত্র হেতুঃ (২) · Śloka ২
পিত্তমারুতপর্যন্তঃ প্রাযেণ হি মদাত্যযঃ| |২|
View original
पित्तमारुतपर्यन्तः प्रायेण हि मदात्ययः| |२|
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
সং-হি-যস্মাত্, কালক্রমেণ পিত্তমারুতাবসানো বাহুল্যেন মদাত্যযঃ স্যাত্| প্রথমং কফস্যাধিক্যম্| ততঃ পিত্তমারুতা বধিকৌ ভবতঃ| কফস্থানানুপূর্বীব্যাখ্যানং জ্বরচিকিত্সিতে (শ্লো.১৪৮) ব্যাখ্যাতম্|
Adhikarana মদ্যোত্পন্নব্যাধের্মদ্যমেবৌষধম্ (২-৩) · Śloka ৩
| হীনমিথ্যাতিপীতেন যো ব্যাধিরুপজাযতে||২|| সমপীতেন তেনৈব স মদ্যেনোপশাম্যতি| |৩|
View original
| हीनमिथ्यातिपीतेन यो व्याधिरुपजायते||२|| समपीतेन तेनैव स मद्येनोपशाम्यति| |३|
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-হীনমিথ্যাতিপীতেন মদ্যেন যো ব্যাধিরুত্পদ্যতে, সঃ-ব্যাধিঃ, তেনৈব মদ্যেন সমপীতেন-সম্যঙ্মাত্রযা পীতেন, শাম্যতি| "যাবদ্ দৃষ্টের্ন সম্ভ্রান্তির্যাবন্ন ক্ষোভতে মনঃ| তাবদেব বিরন্তব্যং মদ্যাদাত্মবতা সদা||" (শ্লো.১৪) ইত্যেবং লক্ষণং পানং সমমেব পীতম্| যেনৈব মার্দ্বীকেনাথবা মাধবেন গাডাদিনা বা যো জাতো ব্যাধিঃ স তেনৈব মার্দ্বীকাদিনা শাম্যতি| কুত এবং স্যাত্ ? ইত্যাহ-
Adhikarana মদ্যস্য বিষসাদৃশ্যম্ (৩) · Śloka ৩
| মদ্যস্য বিষসাদৃশ্যাত্|৩|
View original
| मद्यस्य विषसादृश्यात्|३|
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-যথা তীক্ষ্ণাদিভির্দশভির্গুণৈর্বিষং যুক্তং তথৈব তত্সঙ্খ্যা তৈরেব গুণৈর্মদ্যমপি যুক্তম্| ততশ্চ মদ্যেনৈব শান্তির্যুক্তা| ননু, যদি বিষসাদৃশ্যং মদ্যস্য, ততো যথা বিষস্য বিষান্তরেণ শান্তিস্তথা মদ্যস্যাপি মদ্যান্তরেণ শান্তিঃ প্রাপ্তেত্যাশঙ্খ্যাহ-
Adhikarana অতঃ বিষজব্যাধেরপি বিষান্তরমৌষধম্ (৩-৪) · Śloka ৪
| বিষং তূত্কর্ষবৃত্তিভিঃ||৩|| তীক্ষ্ণাদিভির্গুণৈর্যোগাদ্বিষান্তরমপেক্ষতে| |৪|
View original
| विषं तूत्कर्षवृत्तिभिः||३|| तीक्ष्णादिभिर्गुणैर्योगाद्विषान्तरमपेक्षते| |४|
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-সত্যমেতত্| এবং প্রাপ্তম্| কিন্তু গুণৈর্দশভিরুত্কর্ষবৃত্তিভিঃ-অধিকশক্তিস্বরূপৈঃ, তীক্ষ্ণাদিভির্যোগাত্-সম্বন্ধাত্, বিষং বিষান্তরমপেক্ষতে| ন তু তদ্ধীনাত্তদেব স্বোত্থে রোগে প্রশমাযালম্| মদ্যং তু হীনবৃত্তিভির্দশভির্গুণৈর্যোগান্ন মদ্যান্তরমপেক্ষতে| এবং তীক্ষ্ণাদীনাং গুণানাং হীনোত্কর্ষভেদাদ্বিষান্মদ্যস্য বৈলক্ষণ্যম্|
Adhikarana মদ্যোত্পন্নব্যাধের্মদ্যৌষধত্বে উপপত্তিঃ (৪-৭) · Śloka ৭
| তীক্ষ্ণোষ্ণেনাতিমাত্রেণ পীতেনাম্লবিদাহিনা||৪|| মদ্যেনান্নরসক্লেদো বিদগ্ধঃ ক্ষারতাং গতঃ| যান্ কুর্যান্মদতৃণ্মোহজ্বরান্তর্দাহবিভ্রমান্||৫|| মদ্যোত্ক্লিষ্টেন দোষেণ রুদ্ধঃ স্রোতঃসু মারুতঃ| সুতীব্রা বেদনা যাশ্চ শিরস্যস্থিষু সন্ধিষু||৬|| জীর্ণামমদ্যদোষস্য প্রকাঙ্ক্ষালাঘবে সতি| যৌগিকং বিধিবদ্যুক্তং মদ্যমেব নিহন্তি তান্||৭||
View original
| तीक्ष्णोष्णेनातिमात्रेण पीतेनाम्लविदाहिना||४|| मद्येनान्नरसक्लेदो विदग्धः क्षारतां गतः| यान् कुर्यान्मदतृण्मोहज्वरान्तर्दाहविभ्रमान्||५|| मद्योत्क्लिष्टेन दोषेण रुद्धः स्रोतःसु मारुतः| सुतीव्रा वेदना याश्च शिरस्यस्थिषु सन्धिषु||६|| जीर्णाममद्यदोषस्य प्रकाङ्क्षालाघवे सति| यौगिकं विधिवद्युक्तं मद्यमेव निहन्ति तान्||७||
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
সং-স্বভাবত এব তীক্ষ্ণোষ্ণেন তথাঽতিমাত্রেণ তথাঽম্লবিদাহিনা মদ্যেন পীতেনান্নরসক্লেদো বিদগ্ধঃ ক্ষারতাং চ গতো যন্ মদাদীন্ কুর্যাত্| তথা মারুতো মদ্যোত্ক্লিষ্টেন দোষেণ স্রোতঃসুরুদ্ধো যা দারুণা মূর্ধাদিষু বেদনাঃ কুর্যাত্ তান্-মদাদীন্, তাশ্চ বেদনাঃ মদ্যমেব যৌগিকং বিধিনা যুক্তং নিহন্তি| কিম্ভূতস্য পুরুষস্য ? জীর্ণামমদ্যদোষস্য, তথা প্রকাঙ্ক্ষাযাং লাঘবেসতি, তে চ তাশ্চ তান্, "পুমান্ স্ত্রিযা" ইত্যেকশেষঃ| ননু, যদি মদ্যমেব তান্নিহন্তি ততশ্চিকিত্সান্তরারম্ভো ন যুক্তঃ| মৈবম্| বহ্বযো হি চিকিত্সাঃ প্রতিরোগং প্রোক্তাঃ| তস্মাচ্চিকিত্সান্তরোপন্যাসো যুক্ত এব| ননু, কথং তান্ মদ্যমেব নিহন্তি ? ইত্যাহ-
Adhikarana অত্র হেতুঃ (৮) · Śloka ৮
ক্ষারো হি যাতি মাধুর্যং শীঘ্রমম্লোপসংহিতঃ| মদ্যমম্লেষু চ শ্রেষ্ঠং দোষবিষ্যন্দনাদলম্||৮||
View original
क्षारो हि याति माधुर्यं शीघ्रमम्लोपसंहितः| मद्यमम्लेषु च श्रेष्ठं दोषविष्यन्दनादलम्||८||
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-যস্মাত্ ক্ষারোঽম্লোপসংহিতো দ্রাগেব মাধুর্যং যাতি| অম্লেষু মধ্যে মদ্যং দোষবিষ্যন্দনাত্ [অলং-] পর্যাপ্তম্|
Adhikarana গুণযুক্তং মদ্যং ধাতুসাম্যকরম্ (৯) · Śloka ৯
তীক্ষ্ণোষ্ণাদ্যৈঃ পুরা প্রোক্তৈর্দীপনাদ্যৈস্তথা গুণৈঃ| সাত্ম্যত্বাচ্চ তদেবাস্য ধাতুসাম্যকরং পরম্||৯||
View original
तीक्ष्णोष्णाद्यैः पुरा प्रोक्तैर्दीपनाद्यैस्तथा गुणैः| सात्म्यत्वाच्च तदेवास्य धातुसाम्यकरं परम्||९||
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-পুরা-মদাত্যযনিদানোক্তৈস্তীক্ষ্ণোষ্ণাদ্যৈর্গুণৈঃ (নি. অ. ৬/১) তথা মদ্যবর্গোক্তৈর্দীপনাদ্যৈর্গুণৈঃ (সূ. অ. ৫/৬২) করণভূতৈঃ, তদেব-মদ্যং, সুষ্ঠু ধাতুসাম্যকরম্| ধাতুসাম্যকরমিতি হেতৌ টঃ|
Adhikarana পানাত্যযৌষধকালঃ (১০) · Śloka ১০
সপ্তাহমষ্টরাত্রং বা কুর্যাত্পানাত্যযৌষধম্| জীর্যত্যেতাবতা পানং কালেন বিপথাশ্রিতম্||১০||
View original
सप्ताहमष्टरात्रं वा कुर्यात्पानात्ययौषधम्| जीर्यत्येतावता पानं कालेन विपथाश्रितम्||१०||
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-সপ্তাহমথবাঽষ্টরাত্রং পানাত্যযৌষধং কুর্যাত্-নাধিকং কালম্| যত এতাবতা কালেন বিমর্গস্থং তত্ পানং-মদ্যপানং, পরিণমতি|
Adhikarana ততঃ পরং যথাযথং রোগৌষধম্ (১১) · Śloka ১১
পরং ততোঽনুবধ্নাতি যো রোগস্তস্য ভেষজম্| যথাযথং প্রযুঞ্জীত কৃতপানাত্যযৌষধঃ||১১||
View original
परं ततोऽनुबध्नाति यो रोगस्तस्य भेषजम्| यथायथं प्रयुञ्जीत कृतपानात्ययौषधः||११||
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-ততঃ-তস্মাত্কালাত্, পরং-ঊর্ধ্বং, যো রোগোঽনুবধ্নাতি, তস্য-রোগস্য, কৃতপানাত্যযৌষধশ্চ যথাস্বং ভেষজং প্রযুঞ্জীত| ইতি সামান্যেন চিকিত্সিতমুক্ত্বা বিশেষেণাহ-
Adhikarana বাতাদিকে মদাতযে পিষ্টকৃতং মদ্যম্ বাতাদিকে মদাতযে মাংসরসাঃ বাতাদিকে মদাতযে রাগষাডবাঃ বাতাদিকে মদাতযে গোধূমমাষান্নম্ বাতাদিকে মদাতযে অচ্ছবারূণী বাতাদিকে মদাতযে স্বরসক্কাথাঃ বাতাদিকে মদাতযে মস্ত্বাদি বাতাদিকে মদাতযে অভ্যঙ্গাদি বাতাদিকে মদাতযে প্রাবরণম্ বাতাদিকে মদাতযে ধূমোঽনুলেপনং চ বাতাদিকে মদাতযে স্ত্র্যঃ (১২-১৯) · Śloka ১৯
তত্র বাতোল্বণে মদ্যং দধাতিপিষ্টকৃতং যুতম্| বীজপূরকব্রুক্ষাম্লকোলদাডিমদীপ্যকৈঃ||১২|| যবানীহপুষাজাজীব্যোষত্রিলবণার্দ্রকৈঃ| শুল্যির্মাংসৈর্হরিতকৈঃ স্নেহবদ্ভিশ্চ সকুভিঃ||১৩|| উষ্ণস্নিগ্ধাম্ললবণা মেদ্যমাংসরসা হিতাঃ| আম্রাম্রাতকপেশীভিঃ সংস্কৃতা রাগষাডবাঃ||১৪|| গোধূমমাষবিকৃতির্মৃদুশ্চিত্রা মুখপ্রিযা| আর্দ্রিকার্দ্রককুল্মাষসুক্তমাংসাদিগর্ভিণী||১৫|| সুরভির্লবণা শীতা নির্গদা বাঽচ্ছবারুণী| সরসো দাডিমাত্ ক্বাথঃ পঞ্চমূলাত্কনীযসঃ||১৬|| শুণ্ঠীধান্যাত্তথা মুস্তুসুক্তাম্ভোচ্ছাম্লকাঞ্জিকম্ অভ্যঙ্গোদ্বর্তনস্নানমুষ্ণং প্রাবরণং ঘনম্||১৭|| ঘনশ্চাগুরুজো ধূপঃ পঙ্কশ্চাগুরুকুঙ্কুমঃ| কুচোরুশ্রোণিশালিন্যো যৌবনোষ্ণাঙ্গযষ্টযঃ||১৮|| হর্ষেণালিঙ্গনে যুক্তাঃ প্রিযাঃ সংবাহনেষু চ| |১৯|
View original
तत्र वातोल्बणे मद्यं दधातिपिष्टकृतं युतम्| बीजपूरकव्रुक्षाम्लकोलदाडिमदीप्यकैः||१२|| यवानीहपुषाजाजीव्योषत्रिलवणार्द्रकैः| शुल्यिर्मांसैर्हरितकैः स्नेहवद्भिश्च सकुभिः||१३|| उष्णस्निग्धाम्ललवणा मेद्यमांसरसा हिताः| आम्राम्रातकपेशीभिः संस्कृता रागषाडवाः||१४|| गोधूममाषविकृतिर्मृदुश्चित्रा मुखप्रिया| आर्द्रिकार्द्रककुल्माषसुक्तमांसादिगर्भिणी||१५|| सुरभिर्लवणा शीता निर्गदा वाऽच्छवारुणी| सरसो दाडिमात् क्वाथः पञ्चमूलात्कनीयसः||१६|| शुण्ठीधान्यात्तथा मुस्तुसुक्ताम्भोच्छाम्लकाञ्जिकम् अभ्यङ्गोद्वर्तनस्नानमुष्णं प्रावरणं घनम्||१७|| घनश्चागुरुजो धूपः पङ्कश्चागुरुकुङ्कुमः| कुचोरुश्रोणिशालिन्यो यौवनोष्णाङ्गयष्टयः||१८|| हर्षेणालिङ्गने युक्ताः प्रियाः संवाहनेषु च| |१९|
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-[তত্র-] তেষু মদাত্যযেষু মধ্যে, বাতাধিকে মদাত্যযে পিষ্টকৃতং মদ্যং দদ্যাত্| বীজপূরকাদিভির্দেশসাত্ম্যাদিবশাদ্যস্তৈঃ সমস্তৈর্যথাযোগযুক্তম্| তথা, মেদ্যস্য-মেদুরস্য, মাংসস্যরসা হিতাঃ| কিম্ভূতাঃ ? উষ্ণাঃ স্নিগ্ধামললবণাশ্চ| তথা, রাগাঃ ষাডবাশ্চাম্রাম্রাতকপেশীভিঃ সংস্কৃতা হিতাঃ| লক্ষণমেষামৃতুচর্যামুক্তম্ (হৃ.সূ.অ.৩/৩০)| তথা, গোধূমমাষযোর্বিকৃতির্হিতা| কিম্ভূতা ? মৃদুঃ-অতীক্ষ্ণা, চিত্রা-নানাপ্রকারা, মুখপ্রিযা-বদনরুচিকৃত্| তথা, আর্দ্রিকাদিগর্ভিণী| [তথা,] অচ্ছবারুণী চ হিতা| কিম্ভূতা ? সুরভির্লবণা শীতা চ| তথা নির্গদা-পুরাণা| তথা, দাডিমাত্স্বরসো হিতঃ| পঞ্চমূলাত্ কনীযসো-হৃস্বাত্, ক্বাথঃ| শুণ্ঠীধান্যাচ্চ ক্বাথো হিতঃ| তথা, মস্ত্বাদি হিতম্| তথা, অভ্যঞ্জনাদি উষ্ণং হিতম্| প্রাবরণং-আচ্ছদনং, ঘনং হিতম্, অগরুজশ্চ ধূপো ঘনো-বহুলো, হিতঃ| অগরুকুঙ্কুমপঙ্কানুলেপনং হিতম্| তথা, প্রিযা হর্ষেণ-প্রীত্যা, আলিঙ্গনং-পরিষ্বঙ্গঃ, তত্র যুক্তাঃ, সংবাহনেষু-শরীরমর্দনেষু চ, যুক্তা হিতাঃ| কুচাশ্চোরবশ্চ শ্রোণযশ্চ তেন শালন্তে যাস্তা এবম্| তথা, যৌবনে নোষ্ণাঽঙ্গযষ্টিঃ-শরীরলতা, যাসাং তা এবম্|
Adhikarana পিত্তাধিকে শার্করাদিমদ্যম্ পিত্তাধিকে পানকম্ (১৯-২১) · Śloka ২১
| পিত্তোল্বণে বহুজলং শার্করং মধু বা যুতম্||১৯|| রসৈর্দাডিমখর্জূরভব্যদ্রাক্ষাপরূষজৈঃ| সুশীতং সসিতাসক্তু যোজ্যং তাদৃক্ চ পানকম্||২০|| স্বাদুবর্গকষাযৈর্বা যুক্তং মদ্যং সমাক্ষিকম্| |২১|
View original
| पित्तोल्बणे बहुजलं शार्करं मधु वा युतम्||१९|| रसैर्दाडिमख़र्जूरभव्यद्राक्षापरूषजैः| सुशीतं ससितासक्तु योज्यं तादृक् च पानकम्||२०|| स्वादुवर्गकषायैर्वा युक्तं मद्यं समाक्षिकम्| |२१|
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
সং-পিত্তাধিকে মদাত্যযে বহুজলং শার্করং-মদ্যবিশেষং যোজ্যম্| মধু-মক্ষিকং বা, রসৈর্দাডিমাদিজৈর্যুক্তম্| তচ্চ সুষ্ঠু শীতং কৃত্বা যোজ্যম্| পরুষকাণ্যত্র মধুরাণি যোজ্যানি নাম্লানি, তেষাং কফপিত্তকরত্বাত্| তথা চ মুনিঃ (চ. সূ. অ. ২৭/১৩২) "অম্লং পরুষকং দ্রাক্ষা বদরাণ্যারুকাণি চ| পিত্তশ্লেষ্মপ্রকোপীণি" ইতি| তাদৃক্ চ-সুশীতং, পনকং যোজ্যম্| কিম্ভূতম্ ? সহ সিতাসক্তুভির্বততে যত্তদেবম্| সক্তবশ্চ লাজানাং যোজ্যাঃ, যোগ্যতরত্বাত্, ন তু যবানাম্| তথা, স্বাদুবর্গস্য ক্বাথেন সংযুক্তং মদ্যং সমাক্ষিকং যোজ্যম্|
Adhikarana পিত্তাধিকে শাল্যাদ্যন্নম্ (২১-২২) · Śloka ২২
| শালিষষ্টিকমশ্নীযাচ্ছশাজৈণকপিঞ্জলৈঃ||২১|| সতীনমুদ্গামলকপটোলীদাডিমৈ রসৈঃ| |২২|
View original
| शालिषष्टिकमश्नीयाच्छशाजैणकपिञ्जलैः||२१|| सतीनमुद्गामलकपटोलीदाडिमै रसैः| |२२|
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-শালিষষ্টিক ভুঞ্জীত| কৈঃ সহ ? শশাদিজৈ রসৈর্দে শাদিসাত্ম্যবশাত্ সতীনাদিজৈশ্চ রসৈঃ|
Adhikarana পিত্তাধিকে সমুত্ল্কিষ্টকফপিত্তে বমনম্,পিত্তাধিকে ততঃ সংসর্গীক্রমঃ (২২-২৪) · Śloka ২৪
| কফপিত্তং সমুক্ত্লিষ্টমুল্লিখেত্তৃড্বিদাহবান্||২২|| পীত্বাঽম্বু শীতং মদ্যং বা ভূরীক্ষুরসসংযুতম্| দ্রাক্ষারসং বা সংসর্গী তর্পণাদিঃ পরং হিতঃ||২৩|| তথাঽগ্নির্দীপ্যতে তস্য দোষশেষান্নপাচনঃ| |২৪|
View original
| कफपित्तं समुक्त्लिष्टमुल्लिखेत्तृड्विदाहवान्||२२|| पीत्वाऽम्बु शीतं मद्यं वा भूरीक्षुरससंयुतम्| द्राक्षारसं वा संसर्गी तर्पणादिः परं हितः||२३|| तथाऽग्निर्दीप्यते तस्य दोषशेषान्नपाचनः| |२४|
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-তৃড্বিদাহবান্ মদাত্যযী কফপিত্তং সমুত্ক্লিষ্টং-সমুত্থিতং স্বস্থানাচ্চ্যুতাভাসং, সম্যগ্বমেত্| কিং কৃত্বা ? অম্বু শীতং পীত্বা, মদ্যং বা ভূরিণেক্ষুরসেন সংযুতং পীত্বা, অথবা দ্রাক্ষারসং পীত্বা| পরং-অনন্তরং, সংসর্গী তর্পণাদিঃ সুষ্ঠু হিতঃ| কৃতবমনাদিকস্যানন্তরং পেযাদিক্রমঃ সংসর্গীত্যুচ্যতে| এবং কৃতে সতি তস্য-মদাত্যযিনঃ, অগ্নির্দীপ্যতে| কিম্ভূতঃ ? দোষশেষস্যান্নস্য-আহারস্য চ, পাচনঃ|
Adhikarana পিত্তাধিকে সরক্তনিষ্ঠীবকাসাদৌ ঔষধম্ (২৪-২৬) · Śloka ২৬
| কাসে সরক্তনিষ্ঠীবে পার্শ্বস্তনরুজাসু চ||২৪|| তৃষ্ণাযাং সবিদাহাযাং সোত্ক্লেশে হৃদযোরসি| গুডূচীভদ্রমুস্তানাং পটোলস্যাথব রসম্||২৫|| সশৃঙ্গবেরং যুঞ্জীত তিত্তিরিপ্রতিভোজনম্| |২৬|
View original
| कासे सरक्तनिष्ठीवे पार्श्वस्तनरुजासु च||२४|| तृष्णायां सविदाहायां सोत्क्लेशे हृदयोरसि| गुडूचीभद्रमुस्तानां पटोलस्याथव रसम्||२५|| सशृङ्गबेरं युञ्जीत तित्तिरिप्रतिभोजनम्| |२६|
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
সং-পিত্তমদাত্যযে কাসে রক্তনিষ্ঠীবসহিতে পার্শ্বাদিরুজাসু চ তৃষ্ণাযাং বিদাহসিতাযাং হৃদয উরসি চ সোত্ক্লেশে সতি গুডূচ্যাদীনাং রসমথবা পটোলস্য রসং সনাগরং যুঞ্জীত| অল্পস্তিত্তিরিস্তিত্তিরিপ্রতি| "সুপ্প্রতিনা মাত্রার্থে" ইত্যব্যযীভাবঃ|
Adhikarana পিত্তাধিকে অতিতৃষ্ণাদৌ পানমন্নং চ (২৬-২৭) · Śloka ২৭
| তৃষ্যতে চাতি বলবদ্বাতপিত্তে সমুদ্ধতে||২৬|| দদ্যাদ্ দ্রাক্ষারসং পানং শীতং দোষানুলোমনম্| জীর্ণেঽদ্যান্মধুরাম্লেন ছাগমাংসরসেন চ||২৭||
View original
| तृष्यते चाति बलवद्वातपित्ते समुद्धते||२६|| दद्याद् द्राक्षारसं पानं शीतं दोषानुलोमनम्| जीर्णेऽद्यान्मधुराम्लेन छागमांसरसेन च||२७||
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-অতিতৃষ্যতে চ পুরুষায বাতপিত্তেঽধিকে সতি দ্রাক্ষারসপানং দদ্যাত্| কিম্ভূতম্ ? শীতলং তথা দোষানুলোমনম্| জীর্ণে চ তস্মিন্ ছাগমাংসরসেন মধুরাম্লেনাশ্নীযাত্|
Adhikarana পিত্তাধিকে তৃষ্ণাযাং পানম্ (২৮-২৯) · Śloka ২৯
তৃষ্যল্পশঃ পিবেন্মদ্যং মদং রক্ষন্ বহূদকম্| মুস্তদাডিমলাজাম্বু জলং বা পর্ণিনীশৃতম্||২৮|| পাটল্যুত্পলকন্দৈর্বা স্বভাবাদেব বা হিমম্| |২৯|
View original
तृष्यल्पशः पिबेन्मद्यं मदं रक्षन् बहूदकम्| मुस्तदाडिमलाजाम्बु जलं वा पर्णिनीशृतम्||२८|| पाटल्युत्पलकन्दैर्वा स्वभावादेव वा हिमम्| |२९|
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-তৃষি সত্যামল্পং-মন্দং, মদং রক্ষন্ বহূদকং মদ্যং পিবেত্| মুস্তাদিজলং বা পিবেত্| পর্ণিনীভিঃ ক্বথিতং বা পটো (পাট)ল্যাদিশৃতাং বা সর্বমেতচ্ছীতং পাত্ব্যম্| যত্তোযং স্বভাবাদেব বা হিমমিতি|
Adhikarana পিত্তাধিকে অব্ধাতুক্ষীণাদৌ পানম্ (২৯-৩০) · Śloka ৩০
| মদ্যাতিপানাদব্ধাতৌ ক্ষীণে তেজসি চোদ্ধতে||২৯|| যঃ শুষ্কগলতালোব্ষ্ঠো জিহ্বাং নিষ্কৃষ্য চেষ্টতে| পাযযেত্কামতোঽম্ভস্তং নিশীথপবনাহতম্||৩০||
View original
| मद्यातिपानादब्धातौ क्षीणे तेजसि चोद्धते||२९|| यः शुष्कगलतालोव्ष्ठो जिह्वां निष्कृष्य चेष्टते| पाययेत्कामतोऽम्भस्तं निशीथपवनाहतम्||३०||
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-মদ্যাতিপানাদ্ধেতোরব্ধাতৌ ক্ষীণে-অল্পীভূতে, তেজসি চোদ্ধতে-ক্ষোভিতে সতি, যঃ পুরুষঃ শুষ্কগলতাল্বোষ্ঠঃ সন্ জিহ্বাং নিষ্কৃষ্য-নিঃসার্য, চেষ্টতে-ইতশ্চেতশ্চ লুঠ্তি, তং-নরং, কামতঃ-ইচ্ছযা, অম্ভো নিশীথে যঃ পবনস্তেনাহতং পাযযেত্|
Adhikarana পিত্তাধিকে তৃঽণানাশকো মুখালেপঃ (৩১) · Śloka ৩১
কোলদাডিমবৃক্ষাম্লচুক্রীকাচুক্রিকারসঃ| পঞ্চাম্লকো মুখালেপঃ সদ্যস্তৃষ্ণং নিযচ্ছতি||৩১||
View original
कोलदाडिमवृक्षाम्लचुक्रीकाचुक्रिकारसः| पञ्चाम्लको मुख़ालेपः सद्यस्तृष्णं नियच्छति||३१||
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
সং-কোলাদিভিঃ পঞ্চাম্লকো মুখালেপো দ্রাক্ তৃষ্ণাং শমযতি|
Adhikarana পিত্তাধিকে দাহেঽতিশিশিরো বিধিঃ পিত্তাধিকে দাহেঽরোহিণীশিরাবেধঃ (৩২-৩৩) · Śloka ৩৩
ত্বচং প্রাপ্তশ্চ পানোষ্মা পিত্তরক্তাভিমূর্চ্ছিতঃ| দাহং প্রকুরুতে ঘোরং তত্রাতিশিশিরো বিধিঃ||৩২|| অশাম্যতি রসৈস্তৃপ্তে রোহিণীং ব্যধযেচ্ছিরাম্| |৩৩|
View original
त्वचं प्राप्तश्च पानोष्मा पित्तरक्ताभिमूर्च्छितः| दाहं प्रकुरुते घोरं तत्रातिशिशिरो विधिः||३२|| अशाम्यति रसैस्तृप्ते रोहिणीं व्यधयेच्छिराम्| |३३|
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-পানস্য মদ্যস্যোষ্মা ত্বচং প্রাপ্তঃ পিত্তরক্তাভ্যামভিমূর্চ্ছিতো-মিশ্রিতো, দাহং দারুণং প্রকর্ষেণ কুরুতে| তত্র-দাহে, [অতি] শীতো বিধিঃ কার্যঃ| শীতোপচারেণাপ্যশাম্যতি সতি দাহে মাংসরসৈস্তৃপ্তে নরে রোহিণীসংজ্ঞাং শিরাং ব্যধযেত্, বৈদ্য ইতি শেষঃ| ব্যধযেদিতি 'ঘটাদিত্বান্মত্বে' হ্ড়স্বঃ|
আযুর্বেদরসাযনম্ ব্যাখ্যা ( কৃত)
আ০ র০ অথ দাহপ্রকরণম্| দহঃ সপ্তধা,-মদ্যজঃপিত্তজস্তৃড্রোধজঃ ক্ষযজোরক্তপূর্ণজো মর্মাভিঘাতজশ্চেতি| ংআহ-ত্বচং প্রাপ্তস্ত্বিতি| সঙ্গ্রহে|
Adhikarana কফাধিকে বমনোপবাসৌ,কফাদিকে শুণ্ঠ্যাদিশীতকশাযঃ (৩৩-৩৪) · Śloka ৩৪
| উল্লেখনোপবাসাভ্যাং জযেচ্ছ্লেষ্মোল্বণং পিবেত্||৩৩|| শীতং শুণ্ঠীস্থিরোদীচ্যদুঃস্পর্শান্যতমোদকম্| |৩৪|
View original
| उल्लेख़नोपवासाभ्यां जयेच्छ्लेष्मोल्बणं पिबेत्||३३|| शीतं शुण्ठीस्थिरोदीच्यदुःस्पर्शान्यतमोदकम्| |३४|
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-শ্লেষ্মাধিকং মদাত্যযং বমনোপবাসাভ্যাং জযেত্| শুণ্ঠ্যাদ্যন্যতমোদকং শীতকষাযং পিবেত্|
Adhikarana কফাধিকে নিরামক্ষুধিতে শার্করাদিমদ্যম্ (৩৪-৩৫) · Śloka ৩৫
| নিরামং ক্ষুধিতং কালে পাযযেদ্বহুমাক্ষিকম্||৩৪|| শার্করং মধু বা জীর্ণমরিষ্টং সীধুমেব বা| রূক্ষতর্পণসংযুক্তং যবানীনাগরান্বিতম্||৩৫||
View original
| निरामं क्षुधितं काले पाययेद्वहुमाक्षिकम्||३४|| शार्करं मधु वा जीर्णमरिष्टं सीधुमेव वा| रूक्षतर्पणसंयुक्तं यवानीनागरान्वितम्||३५||
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-ততো নিরামং জাতক্ষুধং সন্তং, কালে-যতোচিতে, শার্করং বহুমাক্ষিকং-বহুক্ষৌদ্রং, পাযযেত্| মধু-মার্দ্বীকং, বা বহুক্ষৌদ্রম্| দ্বযমপ্যেতত্ পুরাণম্| তথা, অরিষ্টং-অভযাদিকৃতং, পাযযেত্| সীধুং বা পাযযেত্| কিম্ভূতম্ ? রূক্ষাযে তর্পণাস্তৈঃ সংযুক্তং [তথা] যবানীশুণ্ঠীভ্যাং সংযুক্তম্|
Adhikarana কফাদিকে যবগোধূমাদ্যন্নং মাংসরসশ্চ (৩৬-৩৭) · Śloka ৩৭
যূষেণ যবগোধূমং তনুনাঽল্পেন ভোজযেত্| উষ্ণাম্লকটুতিক্তেন কৌলত্থেনাল্পসর্পিষা||৩৬|| শুষ্কমূলকজৈশ্চ্ছাগৈ রসৈর্বা ধন্বচারিণাম্| সাম্লবেতসবৃক্ষাম্লপটোলীব্যোষদাডিমৈঃ||৩৭||
View original
यूषेण यवगोधूमं तनुनाऽल्पेन भोजयेत्| उष्णाम्लकटुतिक्तेन कौलत्थेनाल्पसर्पिषा||३६|| शुष्कमूलकजैश्च्छागै रसैर्वा धन्वचारिणाम्| साम्लवेतसवृक्षाम्लपटोलीव्योषदाडिमैः||३७||
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-তথা কৌলত্থেন যূষেণ যবগোধূমং ভোজযেত্| কিম্ভূতেন ? তনুনা-স্বচ্ছেন| তথা, অল্পেনোষ্ণাম্লকটুতিক্তেনাল্পঘৃতেন| অথবা, শুষ্কমূলকজৈ রসৈশ্ছারৈবা রসৈর্ধন্বচারিণাং বা রসৈর্ভোজযেত্| কিম্ভূতৈঃ ? সহাম্লবেতসতিত্তিডীকপটোলপত্রত্রিকটুকদাডিমৈঃ|
Adhikarana কফাদিকে মাংসং মাধবপানং চ (৩৮-৪০) · Śloka ৪০
প্রভূতশুণ্ঠীমরিচহরিতার্দ্রকপেশিকম্| বীজপূররসাদ্যম্লভৃষ্টনীরসর্বতিতম্||৩৮|| করীরকরমর্দাদি রোচিষ্ণু বহুশালনম্| প্রব্যক্তাষ্টাঙ্গলবণং বিকল্পিতনিমর্দকম্||৩৯|| যথাগ্নি ভক্ষযন্ মাংসং মাধবং নিগদং পিবেত্| |৪০|
View original
प्रभूतशुण्ठीमरिचहरितार्द्रकपेशिकम्| बीजपूररसाद्यम्लभृष्टनीरसर्वतितम्||३८|| करीरकरमर्दादि रोचिष्णु बहुशालनम्| प्रव्यक्ताष्टाङ्गलवणं विकल्पितनिमर्दकम्||३९|| यथाग्नि भक्षयन् मांसं माधवं निगदं पिबेत्| |४०|
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-মাংসং যথাগ্নি-অগ্ন্যনতিক্রমেণ, ভক্ষ্যন্ মাধবং নিগদংপুরাণং, পিবেত্| কিম্ভূতং মাংসম্ ? বিবিধৈঃ প্রকারৈঃ কল্পিতোনিষ্পাদিতো, নিমর্দকো যেন মাংসেন তদ্বিকল্পিতনিমর্দকম্| তদেব বিবিধপ্রকারত্বং নিমর্দকস্যাহ-প্রভূতাঃ-উত্কটাঃ, শুণ্ঠী মরীচহরিতার্দ্রকপেশযো যস্মিংস্তদেবম্| হরিতার্দ্রকস্য শস্ত্রকৃতা দীর্ঘাকারা অবযবাঃ পেশয উচ্যন্তে| বীজপূররসাদিভিরম্লস্তথা ভৃষ্টো-যথাযথং স্নেহাদিনা, নীরসঃ-শুষ্কপ্রাযো, বর্তিতোব্যঞ্জনপ্রকারো, যত্র তদেবম্| করীরাদি রোচিষ্ণু-রোচনশীলং, বহু-প্রভূতং, শালনং-হরিতকং, যস্মিন্| তথা, প্রকর্ষেণ ব্যক্তং স্পষ্টং, বক্ষ্যমাণমষ্টাঙ্গলবণং যত্র| তদেবং বিবিধং কল্পনং কৃতম্| ক্রিযাবিশেষণান্যেতানি|
Adhikarana কফাদিকে অষ্টাঙ্গলবণম্ (৪০-৪১) · Śloka ৪১
| সিতাসৌবর্চলাজাজীতিত্তিডীকাম্লবেতসম্||৪০|| ত্বগেলামরিচার্ধাংশমষ্টাঙ্গলবণং হিতম্| স্রোতোবিশুদ্ধ্যগ্নিকরং কফপ্রাযে মদাত্যযে||৪১||
View original
| सितासौवर्चलाजाजीतित्तिडीकाम्लवेतसम्||४०|| त्वगेलामरिचार्धांशमष्टाङ्गलवणं हितम्| स्रोतोविशुद्ध्यग्निकरं कफप्राये मदात्यये||४१||
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-সিতাদ্যৈরষ্টাঙ্গলবণমন্বর্থসংজ্ঞং মদাত্যযে হিতম্| স্রোতঃশুদ্ধিকৃদগ্নিদীপনং চ|
Adhikarana কফাদিকে রূক্ষোষ্ণোদ্বর্তনাদি কফাদিকে সকামস্ত্রীভির্যুত্তযাজাগরণম্ (৪২-৪৩) · Śloka ৪৩
রূক্ষোষ্ণোদ্বর্তনোদ্ধর্ষস্নানভোজনলঙ্ঘনৈঃ| সকামাভিঃ সহ স্ত্রীভির্যুক্ত্যা জাগরণেন চ||৪২|| মদাত্যযঃ কফপ্রাযঃ শীঘ্রং সমুপশাম্যতি| |৪৩|
View original
रूक्षोष्णोद्वर्तनोद्धर्षस्नानभोजनलङ्घनैः| सकामाभिः सह स्त्रीभिर्युक्त्या जागरणेन च||४२|| मदात्ययः कफप्रायः शीघ्रं समुपशाम्यति| |४३|
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-রূক্ষোষ্ণৈরুদ্বর্তনাদিভির্লঙ্ঘনেন তথা যুক্ত্যা-দেশকালাদ্যপেক্ষিণ্যা, সকামাভির্দযিতাভিঃ সহ যজ্জাগরণং তেন চ কফাধিকো মদাত্যযো দ্রাগেব শমং যাতি|
Adhikarana সন্নিপাতে দশবিধে চিকিত্সা (৪৩-৪৪) · Śloka ৪৪
| যদিদং কর্ম নির্দিষ্টং পৃথগ্দোষবলং প্রতি||৪৩|| সন্নিপাতে দশবিধে তচ্ছ্হেষেঽপি বিকল্পযেত্| |৪৪|
View original
| यदिदं कर्म निर्दिष्टं पृथग्दोषबलं प्रति||४३|| सन्निपाते दशविधे तच्छ्हेषेऽपि विकल्पयेत्| |४४|
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-"তত্র বাতোল্বণে মদ্যং" (শ্লো. ১২) ইত্যাদি| "পিত্তোলবণে বহুজলং" (শ্লো ১৯) ইত্যাদি, তথা "উল্লেখনোপবাসাভ্যাং জযেচ্ছ্লেষ্মোল্বণং" (শ্লো ৩৩) ইত্যাদি চ ত্রিবিধং সন্নিপাতং পৃথগ্দোষবলং প্রতি লক্ষীকৃত্য কর্ম নির্দিষ্টং কর্মদমুক্তম্| ন কেবলমত্র ত্রিবিধে সন্নিপাতে, শেষেঽপি দশবিধে সন্নিপাতে বিকল্পযেত্-বিবিধং কৃত্বা কল্পযেত্,- কুর্যাট্, বৈদ্য ইতি শেষঃ| এতদুক্তং ভবতি,-বাতোল্বণে মদাত্যযজে সন্নিপাতে যত্কর্ম নির্দিষ্টং তথা পিত্তোল্বণে মদাত্যযজে সন্নিপাতে যত্কর্ম নির্দিষ্টং তদেব বাতপিত্তোল্বণে কুর্যাত্| এবং দোষবলমপেক্ষ্য সর্বস্মিন্ মদাত্যযে চিকিত্সিতং কুর্যাট্| স দশবিধঃ সন্নিপাতঃ শিষ্যহিতায পদ্যেন প্রদর্শ্যতে,-"উত্কর্ষেণ ত্বেকো মদ্যেন দ্বৌ তদাঽঽদিমঃ| উত্কর্ষেণ যদা দ্বৌ তু মধ্যেনৈকো দ্বিতীযকঃ|| একো মধ্যেন দোষঃ স্যাদ্ দ্বাবল্পেন তৃতীযকঃ| উত্কর্ষেণৈক এব স্যাদল্পেন দ্বৌ চতুর্থকঃ|| উত্কর্ষেণ যদা দ্বৌ তু অল্পেনৈকশ্চ পঞ্চমঃ| একোঽল্পেন তু মধ্যেন দ্বৌ দোষাবিতি ষষ্ঠকঃ|| উত্কর্ষেণ সমস্তাঃ স্যুরেবং ভবতি সপ্তমঃ| মধ্যেন সর্বেঽপি যদা তদা ভবতি চাষ্টমঃ|| অল্পেন সর্বেঽপি যদা তদা তু নবমঃ স্মৃতঃ| অল্পেনেকো মধ্যেনৈকস্তদা ত্বন্ত্য ইতি স্ফুটাঃ|| সন্নিপাতস্য মুনিনা দশ ভেদাঃ প্রকীর্ততাঃ|" ইতি|
Adhikarana সন্নিপাতে ত্বাগাদি পানকম্ (৪৪-৪৬) · Śloka ৪৬
| ত্বঙ্নাগপুষ্পমগধামরিচাজাজিধান্যকৈঃ||৪৪|| পরুষকমধূকৈলাসুরাহ্বৈশ্চ সিতান্বিতৈঃ| সকপিত্থরসং হৃদ্যং পানকং শশিবোবিতম্||৪৫|| মদাত্যযেষু সর্বেষু পেযং রুচ্যগ্নিদীপনম্| |৪৬|
View original
| त्वङ्नागपुष्पमगधामरिचाजाजिधान्यकैः||४४|| परुषकमधूकैलासुराह्वैश्च सितान्वितैः| सकपित्थरसं हृद्यं पानकं शशिबोवितम्||४५|| मदात्ययेषु सर्वेषु पेयं रुच्यग्निदीपनम्| |४६|
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-ত্বগাদিভিঃ শর্করান্বিতৈঃ কপিত্থরসযুক্তং কর্পূরকৃতাধিবাসং পানকং সর্বেষু মদাত্যযেষু পাতব্যং রুচ্যগ্নিবৃদ্ধিকরম্|
Adhikarana সন্নিপাতে হর্ষণী ক্রিযা (৪৬-৪৭) · Śloka ৪৭
| নাবিক্ষোভ্য মনো মদ্যং শরীরমবিহন্য বা||৪৬|| কুর্যান্মদাত্যযং তস্মাদিষ্যত হর্ষণী ক্রিযা| |৪৭|
View original
| नाविक्षोभ्य मनो मद्यं शरीरमविहन्य वा||४६|| कुर्यान्मदात्ययं तस्मादिष्यत हर्षणी क्रिया| |४७|
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-মদ্যং যস্মান্মানসং নাবিক্ষোভ্য-অপি তু মনসঃ প্রক্ষোভণং কৃত্বা, ন চ শরীরস্য বিহননমকৃত্বা, এবমেব যথা কথঞ্চিন্মদাত্যযং কুর্যাত্| যতশ্চৈবং তস্মাদ্ধেতোর্হর্ষোত্পাদিকা ক্রিযা এষ্টব্যা| নাক্ষোভ্যেত্যযং পাঠো ন শ্রেযান্, ল্যবাদেশস্যাত্র দুর্লভত্বাত্|
Adhikarana সন্নিপাতে এভিরশান্তে পযঃ পানম্ (৪৭-৪৯) · Śloka ৪৯
| সংশুদ্ধিশমনাদ্যেষু মদদোষঃ কৃতেষ্বপি||৪৭|| ন চেচ্ছাম্যেত্কফে ক্ষীণে জাতে দৌর্বল্যলাঘবে| তস্য মদ্যবিদগ্ধস্য বাতপিত্তাধিকস্য চ||৪৮|| গ্রীষ্মোপতপ্তস্য তরোর্যথা বর্ষং তথা পযঃ| |৪৯|
View original
| संशुद्धिशमनाद्येषु मददोषः कृतेष्वपि||४७|| न चेच्छाम्येत्कफे क्षीणे जाते दौर्वल्यलाघवे| तस्य मद्यविदग्धस्य वातपित्ताधिकस्य च||४८|| ग्रीष्मोपतप्तस्य तरोर्यथा वर्षं तथा पयः| |४९|
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-সংশুদ্ধিশমনাদ্যেষূপক্রমেষু কৃতেষ্বপি যদি মদদোষোমদ্যোত্থো ব্যাধিঃ, ন শাম্যেত্, তস্য মদ্যেন বিদগ্ধস্যাত এব চ কফে সৌ-যধাতৌ ক্ষীণেঽত এব জাতে দৌর্বল্যলাঘবে-অল্পপ্রমাণত্বে কার্শ্যে চ সতি, তদানীং সামর্থ্যাদ্বাতপিত্তযোরতিরিক্ততা, বাতপিত্তধিকস্য চ ক্ষীণৌজস্ত্বাত্তথা পযঃ পথ্যম্| যথা গ্রীষ্মোপতপ্তস্য তরোর্বর্ষম্| বর্ষমিতি কৃদ্বিধৌ "ভযাদীনামুপসঙ্খ্যানম্" ইত্যচ্|
Adhikarana পযঃ পানে উপপত্তিঃ (৪৯-৫০) · Śloka ৫০
মদ্যক্ষীণস্য হি ক্ষীণং ক্ষীরমাশ্বেব পুষ্যতি||৪৯|| ওজস্তুল্যং গুণৈঃ সর্বৈর্বিপরীতং চ মদ্যতঃ|৫০|
View original
मद्यक्षीणस्य हि क्षीणं क्षीरमाश्वेव पुष्यति||४९|| ओजस्तुल्यं गुणैः सर्वैर्विपरीतं च मद्यतः|५०|
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-হি-যস্মাত্, তস্য-তুল্যং গুণৈঃ সর্বৈঃ-গুর্বাদিভিরোজসঃ ক্ষীরং, মদ্যাচ্চ বিপরীতং গুণৈঃ| তথা চ মুনিঃ (চ. সূ. অ. ২৭/২১৭)-"স্বাদু শীতং মৃদু স্নিগ্ধং বহলং শ্লক্ষ্ণপিচ্ছিলম্| গুরু মন্দং প্রসন্নং চ গব্যং দশগুণং পযঃ|| তদেবংগুণমেবৌজঃ সামান্যাদভিবর্ধযেত্|" ইতি| যতশ্চৈবং তস্মান্মদ্যক্ষীণস্ব ক্ষীণমোজঃ ক্ষীরমাশ্চেব পুষ্যতি-বৃদ্ধি প্রাপযতি, ন ত্বপরং, দ্রব্যং, যথোক্তহেত্বভাবাত্|
Adhikarana পযসাবিহতে রোগে মদ্যপানম্ (৫০-৫১) · Śloka ৫১
| পযসা বিহতে রোগে বলে জাতে নিবর্তযেত্||৫০|| ক্ষীরপ্রযোগং, মদ্যং চ ক্রমেণাল্পাল্পমাচরেত্| ন বিক্ষযধ্বংসকোত্থৈঃ স্পৃশেতোপদ্রবৈর্যথা||৫১||
View original
| पयसा विहते रोगे बले जाते निवर्तयेत्||५०|| क्षीरप्रयोगं, मद्यं च क्रमेणाल्पाल्पमाचरेत्| न विक्षयध्वंसकोत्थैः स्पृशेतोपद्रवैर्यथा||५१||
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-পযসা রোগে-মদাত্যযাখ্যে, নিবর্তিতে বলে জাতে সতি মদ্যোচিতঃ পুমান্ ক্ষীরপ্রযোগং নিবর্তযেত্| মদ্যং চাল্পাল্পং ক্রমেণোপযুঞ্জীত| যথা বিক্ষযধ্বংসকোদ্ভবৈরুপদ্রবৈরসৌ ন স্পৃশেত| বিক্ষযোদ্ভবা বিকারাঃ-কাযশিরোরোগাদ্যাঃ (হৃংই.অ.৬/২২), ধ্বংসকোপদ্রবাঃ-শ্লেষ্মনিষ্ঠীবাদযঃ (হৃংই.অ.৬/২২)|
Adhikarana বিক্ষযধ্বংসকযোশ্চিকিত্সা (৫২-৫৩) · Śloka ৫৩
তযোস্তু স্যাদ্ধৃ ক্ষীরং বস্তযো বৃংহণাঃ শিবাঃ| অভ্যঙ্গোদ্বর্তনস্নানান্যন্নপানং চ বাতজিত্||৫২|| যুক্তমদ্যস্য মদ্যোত্থো ন ব্যাধিরুপাজাযতে| অতোঽস্য বক্ষ্যতে যোগো যঃ সুখাযৈব কেবলম্||৫৩||
View original
तयोस्तु स्याद्धृ क्षीरं बस्तयो बृंहणाः शिवाः| अभ्यङ्गोद्वर्तनस्नानान्यन्नपानं च वातजित्||५२|| युक्तमद्यस्य मद्योत्थो न व्याधिरुपाजायते| अतोऽस्य वक्ष्यते योगो यः सुख़ायैव केवलम्||५३||
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-তযোর্বিক্ষযধ্বংসকযোর্ঘৃতং ক্ষীরং চ চিকিত্সিতং স্যাত্| তথা বস্তযো বৃংহণাঃ শিবাঃ-নিরপাযাঃ| তথা, আব্যাঙ্গাদীনি যচ্চ বাতজিদন্নপানং তচ্চ স্যাত্| স০-যুক্তমদ্যস্য পুংসো মদ্যোত্থো ব্যাধির্নোপজাযতে, যুক্তমদ্যত্বাত্| অতঃ-অস্মাদ্ধেতোঃ, অস্য-মদ্যস্য, সংযোগো বক্ষ্যতে| যঃ কেবলং সুখাযৈব স্যাত্| অধুনা সুরাং সম্পন্নামাহ-
Adhikarana সুরাপানস্য গুণাঃ স্তুতিশ্চ (৫৪-৬৭) · Śloka ৬৭
আশ্বিনং যা মহত্তেজো বলং সারস্বতং চ যা| দধাত্যৈন্দ্রং চ যা বীর্যং প্রভাবং বৈষ্ণবং চ যা||৫৪|| অস্ত্রং মকরকেতোর্যা পুরুষার্থো বলস্য যা| সৌত্রামণ্যাং দ্বিজমুখে যা হুতাশে চ হূযতে||৫৫|| যা সর্বৌষধিসম্পূর্ণান্মথ্যমানাত্সুরাসুরৈঃ| মহোদধেঃ সমুদ্ভূতা শ্রীশশাঙ্কামৃতৈঃ সহ||৫৬|| মধুমাধবমৈরেযসীধুগৌডাসবাদিভিঃ| মদশক্তিমনুজ্জন্তী যা রূপৈর্বহুভিঃ স্থিতা||৫৭|| যামাস্বাদ্য বিলাসিন্যো যথার্থং নাম বিভ্রতি| কুলাঙ্গনাঽপি যাং পীত্বা নযত্যুদ্ধতমানসা||৫৮|| অনঙ্গালিঙ্গিতৈরঙ্গৈঃ ক্বাপি চেতো মুনেরপি| তরঙ্গভঙ্গভ্রুকুটীতর্জনৈর্মানিনীমনঃ||৫৯|| একং প্রসাদ্য কুরুতে যা দ্বযোরপি নির্বৃতিম্| যথাকামং ভটাবাপ্তিপরিহৃষ্টাপ্সরোগণে||৬০|| তৃণবত্পুরুষা যুদ্ধে যামাস্বাদ্য ত্যজন্ত্যসূন্| যাং শীলযিত্বাঽপি চিরং বহুধা বহুবিগ্রহাম্||৬১|| নিত্যং হর্ষাতিবেগেন তত্পূর্বমিব সেবতে| শোকোদ্বেগারতিভযৈর্যাং দৃষ্ট্বা নাভিভূযতে||৬২|| গোষ্ঠীমহোত্সবোদ্যানং ন যস্যাঃ শোভতে বিনা| স্মৃত্বা স্মৃত্বা চ বহুশো বিযুক্তঃ শোচতে যযা||৬৩|| অপ্রসন্নাঽপি যা প্রীত্যৈ প্রসন্না স্বর্গ এব যা| অপীন্দ্রং মন্যতে দুঃস্থং হৃদযস্থিতযা যযা||৬৪|| অনির্দেশ্যসুখাস্বাদা স্বযংবেদ্যৈব যা পরম্| ইতি চিত্রাস্ববস্থাসু প্রিযামনুকরোতি যা||৬৫|| প্রিযাঽতিপ্রিযতাং যাতি যত্প্রিযস্য বিশেষতঃ| যা প্রীতির্যা রতির্বা বাগ্যা পুষ্টিরিতি চ স্তুতা||৬৬|| দেবদানবগন্ধর্বযক্ষরাক্ষসমানুষৈঃ| পানপ্রবৃত্তৌ সত্যাং তু তাং সুরাং বিধিনা পিবেত্||৬৭||
View original
आश्विनं या महत्तेजो बलं सारस्वतं च या| दधात्यैन्द्रं च या वीर्यं प्रभावं वैष्णवं च या||५४|| अस्त्रं मकरकेतोर्या पुरुषार्थो बलस्य या| सौत्रामण्यां द्विजमुख़े या हुताशे च हूयते||५५|| या सर्वौषधिसम्पूर्णान्मथ्यमानात्सुरासुरैः| महोदधेः समुद्भूता श्रीशशाङ्कामृतैः सह||५६|| मधुमाधवमैरेयसीधुगौडासवादिभिः| मदशक्तिमनुज्ज़न्ती या रूपैर्बहुभिः स्थिता||५७|| यामास्वाद्य विलासिन्यो यथार्थं नाम बिभ्रति| कुलाङ्गनाऽपि यां पीत्वा नयत्युद्धतमानसा||५८|| अनङ्गालिङ्गितैरङ्गैः क्वापि चेतो मुनेरपि| तरङ्गभङ्गभ्रुकुटीतर्जनैर्मानिनीमनः||५९|| एकं प्रसाद्य कुरुते या द्वयोरपि निर्वृतिम्| यथाकामं भटावाप्तिपरिहृष्टाप्सरोगणे||६०|| तृणवत्पुरुषा युद्धे यामास्वाद्य त्यजन्त्यसून्| यां शीलयित्वाऽपि चिरं बहुधा बहुविग्रहाम्||६१|| नित्यं हर्षातिवेगेन तत्पूर्वमिव सेवते| शोकोद्वेगारतिभयैर्यां दृष्ट्वा नाभिभूयते||६२|| गोष्ठीमहोत्सवोद्यानं न यस्याः शोभते विना| स्मृत्वा स्मृत्वा च बहुशो वियुक्तः शोचते यया||६३|| अप्रसन्नाऽपि या प्रीत्यै प्रसन्ना स्वर्ग एव या| अपीन्द्रं मन्यते दुःस्थं हृदयस्थितया यया||६४|| अनिर्देश्यसुख़ास्वादा स्वयंवेद्यैव या परम्| इति चित्रास्ववस्थासु प्रियामनुकरोति या||६५|| प्रियाऽतिप्रियतां याति यत्प्रियस्य विशेषतः| या प्रीतिर्या रतिर्वा वाग्या पुष्टिरिति च स्तुता||६६|| देवदानवगन्धर्वयक्षराक्षसमानुषैः| पानप्रवृत्तौ सत्यां तु तां सुरां विधिना पिबेत्||६७||
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-যা-সুরা, অশ্বিনং মহত্তেজো-দীপ্তং, দধাতি| আশ্বিনমিত্যশ্বিনোরিদমিত্যণ্, "নস্তদ্ধিতে" ইতি টিলোপে প্রাপ্তে "ইনণ্যনপত্যে" ইতি প্রকৃতিভাবঃ| যা চ সুরা সারস্বতং বলং উত্সাহং, এন্দ্রং চ বীর্যং-শক্তি, বৈষ্ণবং চ প্রভাবং-মাহাত্ম্যং, দধাতি| যা চ মদনস্যাস্ত্রং-প্রহরণং, বলভদ্রস্য যা পুরুষাড়্থঃ-পরং প্রযোজনম্| যা চ সৌত্রামাণ্যাং যজ্ঞে দ্বিজাস্যে হুতাশে চ হূযতে| যা চ মহোদধেঃ সর্বৌষধিসম্পূর্ণাদ্দেবদানবৈর্বিলোড্যমানাত্ লক্ষ্ম্যাদিভিঃ সহোত্পন্না| যা চ সুরা মদশক্তিমত্যজন্তী বহুভির্মধ্বাদিভিরাকারৈঃ স্থিতা| যাং সুরাং পীত্বা বিলাসিন্যো মৃগলোচনাঃ, যথার্থং-অন্বর্থং, নাম বিভ্রতি বিলাসো বিদ্যতে যাসামিতি| যা পীত্বা কুলবামলোচনাঽপ্যুদ্ধতমানসা সত্যনঙ্গালিঙ্গিতৈরঙ্গৈর্মুনেরপি চেতঃ ক্বাপি নযতি| তরঙ্গভঙ্গা-কুটিলা, ভ্রুকুটিস্তযা তর্জনানি-প্রণযকলহবিশেষাঃ, তৈর্মানিত্যা মানসমেকং প্রসাদ্য দ্বযোরপি-স্ত্রীপুংসযোঃ, নির্বৃতিং-সৌখ্যং, যা সুরা করোতি| যাং সুরামাস্বাদ্য নরাঃ সমরে তৃণমিব প্রাণাংস্ত্যজন্তি| কীদৃষি যুদ্ধে ? যথেচ্ছং ভটস্য-শূরপুরুষস্য, যাঽবাপ্তিস্তযা পরিহৃষ্টো-মুদিতঃ, অপ্সরঃসঙ্ঘো যস্মিন্নাহবে তস্মিন্| যাংসুরাং, বহুভিঃ প্রকারৈঃ-আহারাদিমধ্যাবসানলক্ষণৈঃ, তথা যাং বহুবিগ্রহাং-মধুমাধবাদিভিরনেকশরীরাং, শীলযিত্বাঽপি নিত্যং হর্ষস্যাতিবেগেন তত্পূর্বমিব-তত্প্রথমমিব, সেবতে| যাং দৃষ্ট্বা উপলভ্যাস্বাদাদিনা, শোকাদিভির্নাভিভূযতে| যস্যাঃ সুরাযা ঋতে গোষ্ঠ্যাদির্ন শোভতে| যযা চ বিযুক্তঃ শোচতে| শোচত ইতি নঙিভ্যস্তঙ্| যা চাপ্রসন্না-কলুষাঽপি প্রীত্যৈ, প্রসন্নাস্বচ্ছা সতী, স্বর্গ এব স্যাত্| যযা চান্তঃস্থিতযেন্দ্রমপি দুঃস্থিতং মন্যতে| অনির্দেশ্যং-অভণনীযং সুখং যস্মিন্নাস্বাদে স তথাবিধ আস্বাদো যস্যাঃ সৈবম্| যা কেবলমাত্মনৈব বেদ্যা| ইতি-পূর্বোক্তেন প্রকারেণ, চিত্রাসু-নানাবিধাস্ববস্থাসু, প্রিযাংবল্লভাং, অনুকরোতি-অনুহরতি| প্রিযাপক্ষে নর্মাথঃ-প্রণযকলহার্থঃ| অপ্রসন্না-কুপিতা| প্রসন্না-ত্যক্তকোপা| অনির্দেশ্যঃ সুখাস্বাদঃ-সুখোপলম্ভো, যস্যা ইতি যোজ্যম্| এবং "যাং শীলযিত্বা" ইত্যাদিঃ সর্বোঽপি গ্রন্থঃ প্রিযাযামপি যোজ্যঃ| তথা, যত্-যস্মাত্, সুরা প্রিযা-ইষ্টা, অতিপ্রিযতাং-সুষ্ঠু বল্লভত্বং, যাতি| যত্প্রিযস্য-প্রকৃতত্বাত্সুরাপ্রিযস্য, বিশেষেণ প্রিযতাং যাতি| যা সুরা প্রীতিরিতি যা বাগিতি যা পুষ্টিরিতি যা চ দেবাদিভিঃ স্তুতা| পানপ্রবৃত্তৌ সত্যাং যেষাং পানাধিকারোঽস্তি ধর্মশাস্ত্রেষ্বনিষিদ্ধত্বাত্ তাং পূর্বোক্তগুণাং সুরাং বিধিনা-বক্ষ্যমাণেন (শ্লো. ৭৫) , পিবেত্|
Adhikarana মদ্যস্য মেদোনিলকফজরোগনাশকত্বম্ (৬৮) · Śloka ৬৮
সম্ভবন্তি ন তে রোগা মেদোনিলকফোদ্ভবাঃ| বিধিযুক্তাদৃতে মদ্যাদ্যে ন সিধ্যন্তি দারুণাঃ||৬৮||
View original
सम्भवन्ति न ते रोगा मेदोनिलकफोद्भवाः| विधियुक्तादृते मद्याद्ये न सिध्यन्ति दारुणाः||६८||
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-তে মেদোনিলকফোদ্ভবা রোগা ন সম্ভবন্তি| দারুণাঃ দুঃসহাঃ| যে বিধিযুক্তান্মদ্যাদৃতে ন সিধ্যন্তি| বিধিযুক্তেন মদ্যেন সর্বে মেদোনিলকফজা রোগাঃ সিধ্যন্তীতি ভাবঃ|
Adhikarana মদ্যস্যাবশ্যকত্বম্ (৬৯) · Śloka ৬৯
অস্তি দেহস্য সাঽবস্থা যস্যাং পানং নির্বাযতে| অন্যত্র মদ্যান্নিগদাদ্বিবিধৌষধসংস্কৃতাত্||৬৯||
View original
अस्ति देहस्य साऽवस्था यस्यां पानं निर्वायते| अन्यत्र मद्यान्निगदाद्विविधौषधसंस्कृतात्||६९||
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-দেহস্য সাঽবস্থা-প্রক্লিন্নদেহমেহাদিকা (হৃ.সূ.অ.৮/৫৪) অস্তি, যস্যাং পানং নিবার্যতে, মদ্যাদন্যত্র| কিম্ভূতাত্ ? নিগদাত্, তথা বিবিধৌষধসংস্কৃতাত্| মদ্যমেবংবিধং বর্জযিত্বা পানং নিষিধ্যত ইত্যর্থঃ|
Adhikarana মদ্যংবিনা আনূপাদিমাংসং কথং পরিণমেত্ (৭০) · Śloka ৭০
আনূপং জাঙ্গলং মাংসং বিধিনাঽপ্যুপকল্পিতম্| মদ্যং সহাযমপ্রাপ্য সম্যক্ পরিণমেত্কথম্||৭০||
View original
आनूपं जाङ्गलं मांसं विधिनाऽप्युपकल्पितम्| मद्यं सहायमप्राप्य सम्यक् परिणमेत्कथम्||७०||
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-আনূপং জাঙ্গলং মাংসং বিধানেনাপ্যুপকল্পিতং মদ্যং বিনো পযুক্তং কথং সম্যক্ পরিণমতি ?
Adhikarana মদ্যংবিনা লশুনপ্রযোগে কিযান্ গুণঃ (৭১) · Śloka ৭১
সুতীব্রমারুতব্যাধিঘাতিনো লশুনস্য চ| মদ্যমাংসবিযুক্তস্য প্রযোগে স্যাত্কিযান্ গুণঃ||৭১||
View original
सुतीव्रमारुतव्याधिघातिनो लशुनस्य च| मद्यमांसवियुक्तस्य प्रयोगे स्यात्कियान् गुणः||७१||
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
পুনরপি মদ্যমেব শ্লাঘযন্নাহ- স০-লশুনস্য চ দারুণতরবাতব্যাধিবিনাশিনঃ মদ্যমাংসরহিতস্য প্রযোগে কিযান্ গুণঃ স্যাত্ ? অল্প এবেত্যর্থঃ|
Adhikarana শস্ত্রাদিকর্মণি মদস্যাবস্যাবস্যকতা (৭২) · Śloka ৭২
নিগূঢশল্যাহরণে শস্ত্রক্ষারাগ্নিকর্মণি| পীতমদ্যো বিষহতে সুখং বৈদ্যবিকত্থনাম্||৭২||
View original
निगूढशल्याहरणे शस्त्रक्षाराग्निकर्मणि| पीतमद्यो विषहते सुख़ं वैद्यविकत्थनाम्||७२||
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-তথা নিগূঢস্য-অত্যর্থং প্রণষ্টস্য, শল্যস্যাহরণে আকর্ষণে, তথা শস্ত্রাদিকর্মণি পীতমদ্যো নরঃ সুখং-অক্লেশেন, বৈদ্যবিকত্থনাং-কদর্থনাং, সহতে|
Adhikarana মদ্যস্য শ্রেষ্ঠতা (৭৩) · Śloka ৭৩
অনলোত্তেজনং রুচ্যং শোকশ্রমবিনোদকম্| ন চাতঃ পরমস্ত্যন্যদারোগ্যবলপুষ্টিকৃত্||৭৩||
View original
अनलोत्तेजनं रुच्यं शोकश्रमविनोदकम्| न चातः परमस्त्यन्यदारोग्यबलपुष्टिकृत्||७३||
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-তথা, অনলস্য-অগ্নেঃ উত্তেজনং শোকাদিঘ্নম্| ন চ কদাচিত্ ত(অ)স্মান্মদ্যাত্ পরং-অন্যত্, শ্রেষ্ঠমস্ত্যারোগ্যাদিকৃত্|
Adhikarana তস্মাদাত্মবতা মদ্যং পেযম্ (৭৪) · Śloka ৭৪
রক্ষতা জীবিতং তস্মাত্পেযমাত্মবতা সদা| আশ্রিতোপাশ্রিতহিতং পরমং ধর্মসাধনম্||৭৪||
View original
रक्षता जीवितं तस्मात्पेयमात्मबता सदा| आश्रितोपाश्रितहितं परमं धर्मसाधनम्||७४||
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-যত এবং মহাগুণং মদ্যম্, তস্মাজ্জিবিতং রক্ষতা নরেণ তথাঽঽত্মবতা-সুধীমতা, সদা পেযম্| আশ্রিতানামুপাশ্রিতানাং চ হিতম্| পরমং ধর্মসাধনং-ধর্মোপাযঃ| অথাস্য পানে বিধিনাহ-
Adhikarana মদ্যস্য পানে বিধিঃ (৭৫-৮৫) · Śloka ৮৫
স্রাতঃ প্রণম্য সুরবিপ্রগুরূন্ যথাস্বং বৃত্তিং বিধায চ সমস্তপরিগ্রহস্য| আপানভূমিমথ গন্ধজলাভিষীক্তা- মাহারমণ্ডপসমীপগতাং শ্রযেত||৭৫|| স্বাস্ত্রূতেঽথ শযনে কমনীযে মিত্রভৃত্যরমণীসমবেতঃ| স্বং যশঃ কথকচারণসঙ্ঘৈ রুদ্ধতং নিশমযন্নতিলোকম্||৭৬|| বিলাসিনীনাং চ বিলাসশোভি গীতং সনৃত্যং কলতূর্যঘোষৈঃ| কাঞ্চীকলাপৈশ্চলকিঙ্কিণীকৈঃ ক্রীডাবিহঙ্গৈশ্চ কৃতানুনাদম্||৭৭|| মণিকনকসমুত্থৈরাবনেযৈর্বিচিত্রৈঃ সজলবিবিধলেখক্ষো-মবস্ত্রাবৃতাঙ্গৈঃ| অপি মুনিজনচিত্তক্ষোভসম্পাদিনীভি- শ্চকিতহরিণলোলপ্রেক্ষণীভিঃ প্রিযাভিঃ||৭৮|| স্তননিতম্বকৃতাদতিগৌরবা- দলসমাকুলমীশ্বরসম্ভ্রমাত্| ইতি গতং দধতীভিরসংস্থিতং তরুণচিত্তবিলোভনকার্মণম্||৭৯|| যৌবনাসবমত্তাভির্বিলাসাধিষ্ঠিতাত্মভিঃ| সঞ্চার্যমাণং যুগপত্তন্বঙ্গীভিরিতস্ততঃ||৮০|| তালবৃন্তনলিনীদলানিলৈঃ শীতলীকৃতমতীব শীতলৈঃ| দর্শনেঽপি বিদধদ্বশানুগং স্বাদিতং কিমুত চিত্তজন্মনঃ||৮১|| চূতরসেন্দুমৃগৈঃ কৃতবাসং মল্লিকযোজ্জ্বলযা চ সনাথম্| স্ফাটিকশুক্তিগতং সতরঙ্গং কান্তমনঙ্গমিবোদ্বহদঙ্গম্||৮২|| তালীসাদ্যং চূর্ণমেলাদিকং বা হৃদ্যং প্রাশ্য প্রাগ্বযঃস্থাপনং বা| তত্প্রার্থিভ্যো ভূমিভাগে সুমৃষ্টে তোযোন্মিশ্রং দাপযিত্বা ততশ্চ||৮৩|| ঘৃতিমান্ স্মৃতিমান্নিত্যমনূনাধিকমাচরন্| উচিতেনোপচারেণ সর্বমেবোপপাদযন্||৮৪|| জিতবিকসিতাসিতসরো জনযনসঙ্ক্রান্তিবর্ধিতশ্রীকম্| কান্টমুখমিব সৌরভ- হৃতমধুপগণং পিবেন্মদ্যম্||৮৫||
View original
स्रातः प्रणम्य सुरविप्रगुरून् यथास्वं वृत्तिं विधाय च समस्तपरिग्रहस्य| आपानभूमिमथ गन्धजलाभिषीक्ता- माहारमण्डपसमीपगतां श्रयेत||७५|| स्वास्त्रूतेऽथ शयने कमनीये मित्रभृत्यरमणीसमवेतः| स्वं यशः कथकचारणसङ्घै रुद्धतं निशमयन्नतिलोकम्||७६|| विलासिनीनां च विलासशोभि गीतं सनृत्यं कलतूर्यघोषैः| काञ्चीकलापैश्चलकिङ्किणीकैः क्रीडाविहङ्गैश्च कृतानुनादम्||७७|| मणिकनकसमुत्थैरावनेयैर्विचित्रैः सजलविविधलेखक्षो-मवस्त्रावृताङ्गैः| अपि मुनिजनचित्तक्षोभसम्पादिनीभि- श्चकितहरिणलोलप्रेक्षणीभिः प्रियाभिः||७८|| स्तननितम्बकृतादतिगौरवा- दलसमाकुलमीश्वरसम्भ्रमात्| इति गतं दधतीभिरसंस्थितं तरुणचित्तविलोभनकार्मणम्||७९|| यौवनासवमत्ताभिर्विलासाधिष्ठितात्मभिः| सञ्चार्यमाणं युगपत्तन्वङ्गीभिरितस्ततः||८०|| तालवृन्तनलिनीदलानिलैः शीतलीकृतमतीब शीतलैः| दर्शनेऽपि विदधद्वशानुगं स्वादितं किमुत चित्तजन्मनः||८१|| चूतरसेन्दुमृगैः कृतवासं मल्लिकयोज्ज्वलया च सनाथम्| स्फाटिकशुक्तिगतं सतरङ्गं कान्तमनङ्गमिवोद्वहदङ्गम्||८२|| तालीसाद्यं चूर्णमेलादिकं वा हृद्यं प्राश्य प्राग्वयःस्थापनं वा| तत्प्रार्थिभ्यो भूमिभागे सुमृष्टे तोयोन्मिश्रं दापयित्वा ततश्च||८३|| घृतिमान् स्मृतिमान्नित्यमनूनाधिकमाचरन्| उचितेनोपचारेण सर्वमेवोपपादयन्||८४|| जितविकसितासितसरो जनयनसङ्क्रान्तिवर्धितश्रीकम्| कान्टमुखमिव सौरभ- हृतमधुपगणं पिबेन्मद्यम्||८५||
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-স্রাতো নরঃ সুরাদীন্ প্রণম্য যথাস্বং-যথাযোগ্যং, সমস্তস্য পরিকরস্য বৃত্তিং কৃত্বা, অথ পানভূমিং গন্ধজলেন-কর্পূরোশীরাদিনা বা সিরেনাম্বুনা, আভিষিক্তামাশ্রযেত্| কীদৃশীম্ ? আহারমণ্ডপস্য নিকটস্থিতাম্| পীতমদ্যস্য দূরং ব্রজত আযাসাদি স্যাত্| বসন্ততিলকং বৃত্তম্| অথ-ভূমিশ্রযণাদনন্তরং, শযনীযে স্থিতো মদ্যং পিবেদিতি বক্ষ্যমাণেন সম্বন্ধঃ| কিম্ভূতে ? সুষ্ঠু আস্তৃতে-প্রদত্তপ্রচ্ছদপটে| তথা, কমনীযে-রম্যে| মিত্রাদিসহিতঃ| স্বং যশ ইত্যাদি| কিং কুর্বন্ ? স্বং-আত্মীযং, যশঃ কথকাদিসঙ্গৈর্নিশমযন্-শ্রাবযন্| কীদৃশম্ ? উদ্ধতং তথাঽতিলোকং-অদ্ভুতরুপম্| স্বাগতাবৃত্তম্| তথা বিলাসিনীনাং সম্বন্ধি গীতং নিশমযন্| কিম্ভূতম্ ? সহ নৃত্যেন সনৃত্যম্| দ্বযমপি বিলসশোভি| বিলাসলক্ষণং চোক্তম্-"স্থানাসনযমনানাং হর্ষভ্রূনেত্রকর্মণাং চৈব| উত্পদ্যতে বিশেষো যঃ শ্লিষ্টঃ স তু বিলাসঃ স্যাত্||" ইতি| তথা তদ্গীতং মধুরতূর্যশব্দৈস্তথা কঞ্চীকলাপৈঃ স্ফুটাস্তথা স্ফুরন্ত্যঃ কিঙ্কিণ্যঃ-সূক্ষ্মঘণ্টিকাঃ, যেষাং তৈস্তথাবিধৈস্তথা ক্রীডাবিহঙ্গৈঃ-সারসাদিভিশ্চ, কৃতানুনাদম্| উপজাতিবৃত্তম্| আবনেযৈঃ-ডোলুঙ্গকৈঃ, তন্বঙ্গীভির্যুগপদিতস্ততঃ সঞ্চার্যমাণম্| এবং হ্যুনুভূযমানং রামণীযকং ধত্তে| কিম্ভূতৈরাবনেযৈঃ ? মণিকনকসমুত্থৈঃ, তথা বিচিত্রৈঃ-নানাবিধৈঃ, তথা সজলং নানাপ্রকারলেখং যত্ ক্ষৌ-বস্ত্রং তেনাবৃত্তমঙ্গং যেষাং তৈঃ| কিম্ভূতাভিস্তন্বঙ্গীভিঃ ? মুনিজনচিত্তক্ষোভসম্পাদিনীভিঃ| তথা, চকিতঃ-ত্রস্তো, যো হরিণস্তদ্বন্নেত্রেঃ সাধু প্রেক্ষন্তে যাস্তাভিঃ| বাহুলকাত্ কর্তরি ল্যুট্| তথা, বল্লভাভিঃ| মালিনীবৃত্তম্| তথা, গতমিতি| অসংস্থিতং-অনবস্থিতস্বরূপং, দধতীভিঃ| যতঃ স্তনাভ্যাং নিতম্বেন চ কৃতাদধিকং গৌরবাদলসম্| তথা, ঈশ্বরস্য-প্রভোঃ, যঃ সম্ভ্রমো-ভযং, তস্মাদাকুলং [গতং-]| অত এব চ তরুণচিত্তানাং বিলোভনে কার্মণংবশীকরণম্|" দ্রুতবিলম্বিতমাহ নভৌ ভরৌ|" তথা, তন্বঙ্গীভিরিতস্ততো যুগপত্সঞ্চার্যমাণম্| কিম্ভূতাভিঃ ? যৌবনাসবাভ্যাং মত্তাভিঃ| তথা বিলাসেনাধিষ্ঠিত আত্মা-চিত্তং, যাসাং তাভিঃ| তথা চ কীদৃশং মদ্যম্ ? তালবৃন্তাদিভিরতিশীতৈঃ শীতলীকৃতম্| দর্শনেঽপ্যেবংরূপং মদ্যং কামস্য বশানুগং জনং বিদধত্ কন্দর্পোদ্দীপনত্বাত্| কিমুত-কিংপুনঃ, পীতং সত্কামবশং জনং কুর্যাত্| "রান্নরৌ লগযুতা রথোদ্ধতা|". তথা, চূতরসাদিভিঃ কৃতাধিবাসং-সুগন্ধীকৃতম্| তথা, মল্লিকযা-পুষ্পবিশেষেণ, উজ্জবলযা-বিকসিতযা, সনাথংযুক্তম্| তথা, স্ফটিকস্য বিকারা স্ফাটিকী, স্ফাটিকী চাসৌ শুক্তিশ্চ, তস্যাং গতং-স্থিতম্| স্ফটিকস্যেযং স্ফাটিকীতি ব্যুত্পত্তৌ পুংবদ্ভাবো দুর্নিবারঃ স্যাত্| তথা, সতরঙ্গম্| এবং চ কান্তং-রম্যং, অঙ্গমুদ্বহন্| উত্প্রেক্ষতে| অনঙ্গং [ইব]-পঞ্চশরমিব, চারুতরত্বেন কামোত্পাদকত্বাত্| দোধকবৃত্তম্| প্রাক্-পূর্বং, তালীসাদ্যং চূর্ণমেলাদিকং বা হৃদ্যমথব বযঃ-স্থাপনং-রসাযনোক্তং, প্রাশ্য-ভক্ষযিত্বা| তথা, সুমৃষ্টে-উপলিপ্তে তত্প্রার্থিভ্যো-মদ্যপানাধিকৃতেভ্যো দেবদানবকূষমাণ্ডাদিভ্যঃ, তোযোন্মিশ্রং মদ্যং দাপযিত্বা পশ্চাজ্জলং দাপযিত্ব্যমিত্যর্থঃ| ততশ্চ-অনন্তরং, পিবেত্| শালিনীবৃত্তম্| কিং কুর্বন্ ? অনূনাধিকং-পূর্বোক্তং, নিত্যমাচরন্| ধৃতিমান্ স্মৃতিমাংশ্চ সন্ উচিতেন-যোগ্যেন, উপচারেণ সর্বমেবোপপাদযেত্(যন্)| কিম্ভূতং মদ্যম্ ? বিকসিতং চ তত্ অসিতং সরোজং চ বিকসিতাসিতসরোজম্| জিতং-ন্যক্কৃতং, বিকসিতাসিতসরোজং যাভ্যাং নযনাভ্যাং তে তথাবিধে, তযোঃ সঙ্ক্রান্তিঃ-প্রতিবিম্বত্বং, তযা সংবর্ধিতা শ্রীর্যস্য সরকস্য তদেবম্| তথা, সৌরভেণ হৃতো রম্যগতিত্বাদ্ ভ্রমরসার্থো যেন তদেবম্| সুরমের্ভাবঃ সৌরভম্, "ইগন্তাচ্চ লঘুপূর্বাত্" ইত্যণ্| তচ্চ কান্তামুখমিব| যতো জিতবিকসিতাসিতসরোজনযনযোর্যা সঙ্ক্রান্তিঃ-সঞ্চারঃ সকটাক্ষেক্ষিতাদিনা. তযা সংবর্ধিতা শ্রীঃ-শোভা, যস্য তদেবম্| সকটাক্ষেক্ষিতং হি মুখং নিতরাং রাজতে| তথা, উত্তমস্ত্রীণাং মুখং সুগন্ধি ভবতীতি সৌরভহৃতমধুপগণম্| "বিপুলা তু যাঽন্যথা পাদভাক্|"
Adhikarana পানানন্তরং ভোজনম্ ভোজনানন্তরং পুনঃ পানম্ নিশি মদ্যপানমল্পমেব (৮৬) · Śloka ৮৬
পীত্বৈবং চষকদ্বযং পরিজনং সন্মান্য সর্বং ততো গত্বাঽঽহারভুবং পুরঃ সুভিষজো ভুঞ্জীত ভূযোঽত্র চ| মাংসাপূপঘৃতার্দ্রকাদিহরিতৈর্যুক্তং সসৌবর্চলৈ- র্দ্বিস্ত্রির্বা নিশি চাল্পমেব বনিতাসংবল্গনার্থং পিবেত্||৮৬||
View original
पीत्वैवं चषकद्वयं परिजनं सन्मान्य सर्वं ततो गत्वाऽऽहारभुवं पुरः सुभिषजो भुञ्जीत भूयोऽत्र च| मांसापूपघृतार्द्रकादिहरितैर्युक्तं ससौवर्चलै- र्द्विस्त्रिर्वा निशि चाल्पमेव वनितासंवल्गनार्थं पिबेत्||८६||
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-এবং-অনেন প্রকারেণ, চষকদ্বযং পীত্বা তত-অনন্তরং, পরিজনং সর্বং-বেশ্যাদিকমপি, সন্মান্য তথাঽঽহারভুবং গত্বা সুভিষজঃ-শোভনবৈদ্যস্য, পুরঃ-অগ্রে, ভুঞ্জীত| অত্রে চ-আহারভুবি, মাংসাপূপাদিভির্যুক্তং দ্বিস্ত্রির্বা সরকং পিবেত্| মাংসাপূরেতি কেচিত্ পেঠুঃ| নিশি তু কান্তাযাঃ সংবল্গনার্থং-রঞ্জনার্থং, অল্পমেব পিবেত্-ন তু বহু| শার্দুলবিক্রীডিতম্| কান্তারঞ্জনপানং শ্লাঘযন্নাহ-
Adhikarana দযিতাযা মদ্যাপানে প্রশংসা (৮৭-৮৮) · Śloka ৮৮
রহসি দযিতামঙ্কে কৃত্বা ভুজান্তরপীডনা- ত্পুলকিততনুং জাতস্বেদাং সকম্পপযোধরাম্| যদি সরভসং শীধোর্বারং ন পাযযতে কৃতী কিমনুভবতি ক্লেশপ্ড়্যং ততো গৃহতন্ত্রতাম্||৮৭|| বরতনুবক্রসঙ্গতিসুগন্ধিতরং সরকং দ্রুতমিব পদ্মরাগমণিমাসবরূপধরম্| ভবতি রতিশ্রমেণ চ মদঃ পিবতোঽল্পমপি ক্ষযমত ওজসঃ পরিহরন্ স শযীত পরম্||৮৮||
View original
रहसि दयितामङ्के कृत्वा भुजान्तरपीडना- त्पुलकिततनुं जातस्वेदां सकम्पपयोधराम्| यदि सरभसं शीधोर्वारं न पाययते कृती किमनुभवति क्लेशप्ऱ्यं ततो गृहतन्त्रताम्||८७|| वरतनुवक्रसङ्गतिसुगन्धितरं सरकं द्रुतमिव पद्मरागमणिमासवरूपधरम्| भवति रतिश्रमेण च मदः पिबतोऽल्पमपि क्षयमत ओजसः परिहरन् स शयीत परम्||८८||
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-কৃতী-প্রবীণো, যদি প্রিযাং মধোঃ সরকং ন পাযযতে, ততঃ কিং-কস্মাত্, গৃহতন্ত্রতাং-গৃহোপকরণসম্পাদনক্লেশং, অনুভবতি ? কিং কৃত্বা ? রহস্যঙ্কে-উত্সঙ্গে, দযিতাং কৃত্বা| কিভূতাম্ ? ভুজান্তরপীডনাত্ পুলকিতশরীরাম্, তথা জাতস্বেদাম্, তথা সবেপথুকুচাম্| রোমাঞ্চস্বেদকম্পাঃ সাত্বিকা ভাবাঃ শৃঙ্গারস্যাবির্ভাবিকাঃ| দযিতামিতি "গতিবুদ্ধি" ইত্যাদিনা কর্মত্বম্| পাযযতে ইতি "নিগরণচলনার্থেভ্যশ্চ" ইতি পরস্মৈপদে প্রাপ্তে "ন পাদম্য" ইত্যাদিনা নিষিদ্ধে চ স্বেত্যাদ্যাত্মনেপদম্| "ভবতি হরিণী ব্সৌ ম্রৌ স্লৌ গোরসোদধিসপ্তিভিঃ|" সং-কিম্ভূতং মদ্যম্ ? বরতনুবদনসঙত্যা সুরভিতরম্| তথা পদ্মরাগমণিং-দ্রবত্বমিব, প্রাপ্তমাসবরূপধরম্| যতশ্চ রতিশ্রমেণাল্পমপি মদ্যং পিবতো মদো ভবতি, ততো মদ্যমোজসশ্চ ক্ষযহেতুঃ| আত ওজঃক্ষযং পরিহরন্ সঃ-মদ্যপাযী, পানানন্তরং শযীত-স্বপ্যাত্| "নজভজজা লগৌ চ যদি নর্কুটকং তু তদা|"
Adhikarana মদ্যপানসুখস্য সুরৈরপি স্পৃহণীযত্বম্ (৮৯-৯০) · Śloka ৯০
ইত্থং যুক্ত্যা পিবন্মদ্যং ন ত্রিবর্গাদ্বিহীযতে| অসারসংসারসুখং পরমং চাধিগচ্ছতি||৮৯|| এশ্বর্যস্যোপভোগোঽযং স্পৃহণীযঃ সুরৈরপি| |৯০|
View original
इत्थं युक्त्या पिबन्मद्यं न त्रिवर्गाद्विहीयते| असारसंसारसुख़ं परमं चाधिगच्छति||८९|| एश्वर्यस्योपभोगोऽयं स्पृहणीयः सुरैरपि| |९०|
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-ইত্থং-এবংপ্রকারযা, যুক্ত্যা মদ্যং পিবন্ পুরুষস্ত্রিবর্গাত্-ধর্মার্থকামলক্ষণাত্, যস্মান্ন হীযতে| হীযত ইতি কর্মকর্তরি তঙ্| অসারসংসারস্য পরমং সুখং চাধিগচ্ছতিপ্রাপ্নোতি| অযং-মদ্যপানলক্ষণঃ, এশ্ব্র্যস্যোপভোগঃ সুরৈরপি স্পৃহণীযঃ|
Adhikarana মদ্যপানরহিতস্য নিন্দা,তস্মাদ্ব্যবস্থযা পানং হিতম্ (৯০-৯২) · Śloka ৯২
| অন্যথা হি বিপত্সু স্যাত্পশ্চাত্তাপেন্ধনং ধনম্||৯০|| উপভোগেন রহিতো ভোগাবানিতি নিন্দ্যতে| নির্মিতোঽতিকদর্যোঽযং বিধিনা নিধিপালকঃ||৯১|| তস্মাহ্যবস্থযা পানং পানস্য সততং হিতম্| জিত্বা বিষযলুব্ধানামিন্দ্রিযাণাং স্বতন্ত্রতাম্||৯২||
View original
| अन्यथा हि विपत्सु स्यात्पश्चात्तापेन्धनं धनम्||९०|| उपभोगेन रहितो भोगावानिति निन्द्यते| निर्मितोऽतिकदर्योऽयं विधिना निधिपालकः||९१|| तस्माह्यवस्थया पानं पानस्य सततं हितम्| जित्वा विषयलुब्धानामिन्द्रियाणां स्वतन्त्रताम्||९२||
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-অন্যথা-এবমপি ভোগমকুর্বতো, হি বিপত্সু সতীষু ধনং-দ্রব্যং, পশ্চাত্তাপেন্ধনং স্যাত্| স হ্যেবং বিপদি চিন্তযতি,-কিং মযা ধনং প্রাপ্যোপভোগোঽস্মিন্ কৃতঃ ? উপভোগং বিনাভোগবানিতি সোল্লুণ্ঠমুচ্যমানো গর্হ্যতে| নিন্দিতত্বমেবাস্য প্রকটযতি-নির্মিত ইত্যাদি| অযমতিকদর্যঃ-কুস্বামী, বিধিনা নিধিপালকো নির্মিতঃ-কৃতঃ| যত এবং তস্মাত্ পানস্য-মদ্যস্য, ব্যবস্থযা নিযমেন পানং হিতম্| ননু, কথং নিসর্গতো বিষযলুব্ধেষ্বিন্দ্রিযেষু ব্যবস্থা পালযিতুং শক্যতে ? ইত্যাহ-জিত্বেত্যাদি| বিষযাভিলাষিণামিন্দ্রিযাণাং স্বাতন্ত্রযং জিত্বা নিযমেন ব্যবস্থযা পানং কর্তুং শক্যত ইত্যর্থঃ|
Adhikarana এষ ধনিনাং বিধিঃ (৯৩) · Śloka ৯৩
বিধির্বসুমতামেষ ভবিষ্যদ্বসবস্তু যে| যথোপপত্তি তৈর্মদ্যং পাতব্যং মাত্রযা হিতম্||৯৩||
View original
विधिर्वसुमतामेष भविष्यद्वसवस्तु ये| यथोपपत्ति तैर्मद्यं पातव्यं मात्रया हितम्||९३||
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-বসুমতাং-ধনিনাং, এষ বিধিঃ| যে তু ভবিষ্যদ্বসবস্তেষাং চ তৈর্যথোপপত্তি-যথাযুক্তি, হিতং মদ্যং মাত্রযা পাতব্যম্|
Adhikarana দ্ররিদ্রাণাং বিধিঃ মদ্যপানস্য সমযোগঃ (১৪) · Śloka ১৪
যাবদ্ দৃষ্টের্ন সম্ভ্রান্তির্যাবন্ন ক্ষোভতে মনঃ| তাবদেব বিরন্তব্যং মদ্যাদাত্মবতা সদা||১৪||
View original
यावद् दृष्टेर्न सम्भ्रान्तिर्यावन्न क्षोभते मनः| तावदेव विरन्तव्यं मद्यादात्मवता सदा||१४||
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-যাবদেব দৃষ্টের্ন সম্ভ্রান্তির্যাবদেব মনো ন ক্ষোভং যাতি, তাবদেব মদ্যাত্ ধীমতা সর্বদা বিরন্তব্যং-নিবৃত্তিঃ কার্যা| এষ এব সমযোগঃ| এতদতিক্রমোঽতিযোগঃ| যথোক্তাত্সমযোগাদ্ধীনস্বলক্ষণো হীনযোগঃ| দোষদেশপ্রকৃত্যাদীনপরীক্ষয মিথ্যাযোগঃ|
Adhikarana বাতাধিকস্য মদ্যপানপ্রকারঃ (১৫) · Śloka ১৫
অভ্যঙ্গোদ্বর্তনস্নানবাসধূপানুলেপনৈঃ| স্নিগ্ধোষ্ণৈর্ভাবিতশ্চান্নৈঃ পানং বাতোত্তরঃ পিবেত্||১৫||
View original
अभ्यङ्गोद्वर्तनस्नानवासधूपानुलेपनैः| स्निग्धोष्णैर्भावितश्चान्नैः पानं वातोत्तरः पिबेत्||१५||
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-বাতাধিকো নরোঽভ্যঙ্গোদ্বর্তনাদিভিঃ স্নিগ্ধোষ্ণৈর্ভাবিতোঽন্নৈশ্চ মদ্যং পিবেত্|
Adhikarana পৈত্তিকস্য মদ্যপানপ্রকারঃ (১৬) · Śloka ১৬
শীতোপচারৈর্বিবিধৈর্মধুরস্নিগ্ধশীতলৈঃ| পৈত্তিকো ভবিতশ্চান্নৈঃ পিবন্মদ্যং ন সীদতি||১৬||
View original
शीतोपचारैर्विविधैर्मधुरस्निग्धशीतलैः| पैत्तिको भवितश्चान्नैः पिबन्मद्यं न सीदति||१६||
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-পৈত্তিকো বিবিধৈঃ শীতোপচারৈঃ-চন্দনানুলেপনাদিভিঃ, মধুরস্নিগ্ধশীতলৈশ্চান্নৈঃ সহ মদ্যং পিবন্ ন সীদতি|
Adhikarana শ্লৈষ্মিকস্য মদ্যপানপ্রকারঃ (১৭) · Śloka ১৭
উপচারৈরশিশিরৈর্যবগোধূমভুক্ পিবেত্| ষ্লৈষ্মিকো ধন্বজৈর্মাংসৈর্মদ্যং মারিচিকৈঃ সহ||১৭||
View original
उपचारैरशिशिरैर्यवगोधूमभुक् पिबेत्| ष्लैष्मिको धन्वजैर्मांसैर्मद्यं मारिचिकैः सह||१७||
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-শ্লৈষ্মিকো যবগোধূমভুক্ সন্ মদ্যমশিশিরৈরুপচারৈস্তথা মাংসৈর্ধন্বোদ্ভবৈর্মরিচসংস্কৃতৈঃ সহ পিবেত্|
Adhikarana বাতে হিতং মদ্যম্,পিত্তে হিতং মদ্যম্,কফে হিতং মদ্যম্ (৯৮) · Śloka ৯৮
তত্র বাতে হিতং মদ্যং প্রাযঃ পৈষ্টিকগৌডিকম্| পিত্তে সাম্ভোমধু, কাফে মার্দ্বীকারিষ্টমধবম্||৯৮||
View original
तत्र वाते हितं मद्यं प्रायः पैष्टिकगौडिकम्| पित्ते साम्भोमधु, काफे मार्द्वीकारिष्टमधवम्||९८||
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-তত্র-তেষু মদ্যেষু মধ্যে, বাতাধিকে নরে প্রাযো-বাহুল্যেন, মদ্যং পৈষ্টিকং গৌডিকং চ হিতম্| পিত্তে সজলং সমাক্ষিকং চ মদ্যং হিতম্| কফে মার্দ্বীকারিষ্টমাধবং হিতম্|
Adhikarana শ্লৈষ্মিকস্য মদ্যপানকালঃ পৈত্তিকস্য মদ্যপানকালঃ বাতিকস্য মদ্যপানকালঃ সমদোষস্য মদ্যপানকালঃ (১৯-২) · Śloka ২
প্রাক্ পিবেচ্ছ্লৈষ্মিকো মদ্যং, ভুক্তস্যোপরি পৈত্তিকঃ| বাতিকস্তু পিবেন্মধ্যে, সমদোষো যথেচ্ছযা||১৯|| ইতি মদাত্যযচিকিত্সিতম্||২||
View original
प्राक् पिबेच्छ्लैष्मिको मद्यं, भुक्तस्योपरि पैत्तिकः| वातिकस्तु पिबेन्मध्ये, समदोषो यथेच्छया||१९|| इति मदात्ययचिकित्सितम्||२||
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-শ্লৈষ্মিকঃ প্রাগ্ভক্তং মদ্যং পিবেত্| পিবেত্ ভক্তং ভুক্ত্বা পিবেত্| বাতোত্তরঃ পুনর্মধ্যে ভক্তস্য পিবেত্| সমদোষো যথেচ্ছযা-ভক্তস্য পূর্বং মধ্যেঽন্তে বা, পিবেত্|
Adhikarana মদমূর্চ্ছাযেষু সামান্যচিকিত্সা (১০০) · Śloka ১০০
অথ মদমূর্চ্ছাযচিকিত্সিতম্| মদেষু বাতপিত্তঘ্নং প্রাযো মূর্চ্ছাসু চেষ্যতে| সর্বত্রাপি বিশেষেণ পিত্তমেবোপলক্ষযেত্||১০০||
View original
अथ मदमूर्च्छायचिकित्सितम्| मदेषु वातपित्तघ्नं प्रायो मूर्च्छासु चेष्यते| सर्वत्रापि विशेषेण पित्तमेवोपलक्षयेत्||१००||
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-মদেষু প্রাযেণ বাতপিত্তঘ্নং চিকিত্সিতম্, মূর্চ্ছাসু-মূর্চ্ছাযেষু চেষ্যতে| সর্বত্রৈব-মদে মূর্চ্ছাযে চ, পিত্তমেবাধিকং জানীযাত্| অত এব তেষামুপক্রমঃ-
আযুর্বেদরসাযনম্ ব্যাখ্যা ( কৃত)
আ০ র০-অথ মদাদিচিকিত্সিতম্| তত্র মদমূর্চ্ছযোরাহ-মদেষ্বিতি| সর্বত্রাপি-কফজাদিষ্বপি| বাতপিত্তঘ্নেঽপি পিত্তঘ্নং বিশেষতঃ|
Adhikarana মদমূর্চ্ছাযেষু সামান্যচিকিত্সাবিস্তরঃ (১০১-১০৪) · Śloka ১০৪
শীতাঃ প্রদেহা মণযঃ সেকা ব্যজনমারুতাঃ| সিতা দ্রাক্ষেক্ষুখর্জূরকাশ্মর্যস্বরসাঃ পযঃ||১০১|| সিদ্ধং মধুরবর্গেণ রসা যূষাঃ সদাডিমাঃ| ষষ্টিকাঃ শালযো রক্তা যবাঃ সর্পিশ্চ জীবনম্||১০২|| কল্যাণকং মহাতিক্তং ষট্পলং পযসাঽগ্নিকঃ| পিপ্পল্যো বা শিলাহ্বং বা রসাযনবিধানতঃ||১০৩|| ত্রিফলা বা প্রযোক্তব্যা সঋতক্ষৌদ্রশর্করা| |১০৪|
View original
शीताः प्रदेहा मणयः सेका व्यजनमारुताः| सिता द्राक्षेक्षुखर्जूरकाश्मर्यस्वरसाः पयः||१०१|| सिद्धं मधुरवर्गेण रसा यूषाः सदाडिमाः| षष्टिकाः शालयो रक्ता यवाः सर्पिश्च जीवनम्||१०२|| कल्याणकं महातिक्तं षट्पलं पयसाऽग्निकः| पिप्पल्यो वा शिलाह्वं वा रसायनविधानतः||१०३|| त्रिफला वा प्रयोक्तव्या सऋतक्षौद्रशर्करा| |१०४|
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-শীতাঃ প্রদেহাঃ| পযো মধুরবর্গেণ-দ্রাক্ষাদিনা, সিদ্ধম্| তথা,রসাঃ-মাংসরসাদযঃ| যূষাশ্চ দাডিমান্বিতাঃ| তথা, শালযো-রক্তশালয ইত্যর্থঃ| ষষ্টিকাদযশ্চ| তথা, ঘৃতং কল্যাণকাদিকম্| [কল্যাণকং-] উন্মাদপ্রতিষেধোক্তম্ (হৃ.উ.অ.)| মহাতিক্তং-কুষ্টচিকিত্সিতোক্তম্ (হৃ.উ.অ.৬/২৬)| মহাতিক্তং-কুষ্ঠচিকিত্সিতোক্তম্ (হৃ.চি.অ.১৯/৮)| ষট্পলং-রাজযক্ষ্মচিকিত্সিতোক্তম্ (হৃ.চি.অ.৫/২২)| তথা, ক্ষীরেণ চিত্রকম্| তথা, পিপ্পল্যো রসাযনবিধানেন| অথবা, শিলাজতু রসাযনবিধানেন| অথবা, ত্রিফলা সঘ্রুতক্ষৌদ্রশর্করা প্রযোক্তব্যা|
আযুর্বেদরসাযনম্ ব্যাখ্যা ( কৃত)
আ০ র০-তদেব প্রপঞ্চযতি-প্রদেহা ইতি| জীবনাদীনি চত্বাই সর্পিষি| অগ্নিকাদীনি চত্বারি রসাযনানি| অগ্নিকঃ-চিত্রকঃ| তত্র ত্রীণি পযসা| ত্রিফলা ঘৃতাদিভিঃ|
Adhikarana প্রসক্তবেগেষু বিশেষঃ (১০৪-১০৭) · Śloka ১০৭
| প্রসক্তবেগেষু হিতং মুখনাসাবরোধনম্||১০৪|| পিবেদ্বা মানুষীক্ষীরং তেন দদ্যাচ্চ নাবনম্| মৃণালবিসকৃষ্ণা বা লিহ্যাত্খৌদ্রেণ সাভযাঃ||১০৫|| দুরালভাং বা মুস্তং বা শীতেন সলিলেন বা| পিবেন্মরিচকোলাস্থিমজ্জোশীরাহিকেসরম্||১০৬|| ধাত্রীফলরসে সিদ্ধং পথ্যাক্বাথেন বা ঘৃতম্| |১০৭|
View original
| प्रसक्तवेगेषु हितं मुखनासावरोधनम्||१०४|| पिबेद्वा मानुषीक्षीरं तेन दद्याच्च नावनम्| मृणालबिसकृष्णा वा लिह्यात्खौद्रेण साभयाः||१०५|| दुरालभां वा मुस्तं वा शीतेन सलिलेन वा| पिबेन्मरिचकोलास्थिमज्जोशीराहिकेसरम्||१०६|| धात्रीफलरसे सिद्धं पथ्याक्वाथेन वा घृतम्| |१०७|
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-প্রসক্তবেগেষু মদাদিষু মুখস্য নাসাযাশ্চ পাণ্যাদিনাঽবরোধনং হিতম্| মানুষ্যা বা ক্ষীরং পিবেত্| তেন চ মানুষীক্ষীরেণ, নস্যং দদ্যাত্| মৃণালাদীন্ সহরীতকীন্ মাক্ষিকেণ বা লিহ্যাত্| অতবা ধন্বযবাসং মুস্তং বা মধুনা লিহ্যাত্| অথবা শীতেন জলেন মরিচাদীন্ পিবেত্| অহিকেসরং-নাগকেসরম্| অথবা, আমলকরসে সিদ্ধং ঘৃতং হরীত কীক্কাথেন বা সিদ্ধং পিবেত্|
আযুর্বেদরসাযনম্ ব্যাখ্যা ( কৃত)
আ০ র০ প্রসক্তবেগেষু বিশেষমাহ-প্রসক্তবেগেষ্বিতি| মরিচাদিচতুষ্কং শীতোদকেন পিবেত্| বঙ্গসেনে (মূর্চ্ছাধিকারে শ্লো. ৩২)-"মহৌষধামৃতাক্ষুদ্রাপৌষ্করগ্রন্থিকোদ্ভবম্| পিবেত্কণাযুতং ক্বাথং মূর্চ্ছাসু স মদেষু চ|| স্বিন্নমামলকং পিষ্ট্বা দ্রাক্ষযা সহ সংসৃজন্| বিশ্বভেষজসংযুক্তং মধুনা সহ লেহযেত্| তেনাস্য শাম্যতে মূর্চ্ছা কাসঃ শ্বাসস্তথৈব চ|| পঞ্চমূলীকষাযং চ মধুনা সিতযাঽপি বা| যথাস্বং চ জ্বরঘ্নানি কশাযাণি প্রযোজযেত্|| রক্তজাযাং তু মূর্চ্ছাযাং হিতঃ শীতক্রিযাবিধিঃ| মদ্যজাযাং পিবেন্মদ্যং নিদ্রাং সেবেত বা সুখম্|| ত্রিফলাযাঃ প্রযোগো বা প্রযোগঃ পযসোঽপি বা| রসাযনানাং কৌম্ভস্য সর্পিষো বা প্রশস্যতে|| অঞ্জনান্যবপীডাশ্চ ধূমাঃ প্রধমনানি চ| পিবেদ্দুরালভাক্বাথং সঘৃতং ভ্রমশান্তযে|| কৃষ্ণাশতাহ্বাশুণ্ঠীনাং প্রত্যেকং তু পলং পলম্| গুডাত্পলানি চত্বারি গুটিকাং ভ্রমনাশিনীম্|| কৃষ্ণাশতাহ্বাশুণ্ঠীনামভযানাং পলং পলম্| গুডস্য ষট্পলান্যেষা গুটিকা ভ্রমনাশিনী||' ইতি| যোগরত্নে-"মধুনা হন্ত্যুপযুক্তা ত্রিফলা রাত্রৌ গুডার্দ্রকং প্রাতঃ| সপ্তাহাত্পথ্যভুজো মদমূর্চ্ছা[কাস]কামলোন্মাদান্|| শীতেন তোযেন পিবেন্মৃণালং ক্ষৌদ্রেণ কৃষ্ণাং সিতযা চ পথ্যাম্|" ইতি|
Adhikarana মদমূর্চ্ছাযেষু বিশেষচিকিত্সা (১০৭) · Śloka ১০৭
| কুর্যাত্ক্রিযাং যথোক্তাং চ যথাদোষবলোদযম্||১০৭||
View original
| कुर्यात्क्रियां यथोक्तां च यथादोषबलोदयम्||१०७||
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-যথোক্তাং চ ক্রিযাং দোষবলোদযানুসারেণ কুর্যাত্|
আযুর্বেদরসাযনম্ ব্যাখ্যা ( কৃত)
আ০ র০-বিশেষচিকিত্সামাহ-কুর্যাত্ক্রিযামিতি| সামান্যশক্তিং বিচার্য বিশেষং প্রযুঞ্জীত|
Adhikarana মদমূর্চ্ছাযেষু শোধনম্ (১০৮) · Śloka ১০৮
পঞ্চকর্মাণি চেষ্টানি সেচনং শোণিতস্য চ| |১০৮|
View original
पञ्चकर्माणि चेष्टानि सेचनं शोणितस्य च| |१०८|
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-পঞ্চকর্মাণী-বমনবিরেকাস্থাপনাব্বাসননস্যাখ্যানি, চেষ্টানি রক্তমোক্ষশ্চ|
আযুর্বেদরসাযনম্ ব্যাখ্যা ( কৃত)
আ০ র০-শোধনমাহ-পঞ্চকর্মাণি চেতি|
Adhikarana মদমূর্চ্ছাযেষু সত্বাবজযঃ (১০৮) · Śloka ১০৮
| সত্ত্বস্যালম্বনং জ্ঞানমগৃদ্ধির্বিষযেষু চ||১০৮||
View original
| सत्त्वस्यालम्बनं ज्ञानमगृद्धिर्विषयेषु च||१०८||
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-সত্ত্বস্যালম্বনং-আশ্রযণম্| তথা, জ্ঞানং-মহাভূতেন্দ্রিযতন্মাত্রমনোবুধ্দ্যহঙ্কারপুরুষাদীনাম্| বিষযেষ্বগৃদ্ধিঃ অনভিলাষঃ|
আযুর্বেদরসাযনম্ ব্যাখ্যা ( কৃত)
আ০ র০-সত্ত্বাবজযমাহ-সত্ত্বস্যালম্বনমিতি|
Adhikarana মদমূর্চ্ছাযেষু অতিপ্রবৃদ্ধেষু ঔষধম্ (১০৯) · Śloka ১০৯
মদেষ্বতিপ্রবৃদ্ধেষু মূর্চ্ছাযেষু চ যোজযেত্| তীক্ষ্ণং সন্ন্যাসবিহিতং|১০৯|
View original
मदेष्वतिप्रवृद्धेषु मूर्च्छायेषु च योजयेत्| तीक्ष्णं सन्न्यासविहितं|१०९|
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-মদেষু মূর্চ্ছাযেষু অতিপ্রবৃদ্ধেষু তীক্ষ্ণং নস্যাদি সন্ন্যা সোক্তং যোজযেত্|
আযুর্বেদরসাযনম্ ব্যাখ্যা ( কৃত)
আ০ র০-অতিপ্রবৃদ্ধানামৌষধমাহ-মদেষ্বতিপ্রবৃদ্ধেষ্বিতি|
Adhikarana মদমূর্চ্ছাযেষু বিষজেষু ঔষদম্ (১০৯-৩) · Śloka ৩
| বিষঘ্নং বিষজেষু চ||১০৯|| ইতি মদমূর্চ্ছাযচিকিত্সিতম্||৩||
View original
| विषघ्नं विषजेषु च||१०९|| इति मदमूर्च्छायचिकित्सितम्||३||
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-তথা বিষজেষু মদেষু বিষঘ্নং চিকিত্সিতং যোজযেত্|
আযুর্বেদরসাযনম্ ব্যাখ্যা ( কৃত)
আ০ র০-বিষজানামৌষধমাহ-বিষঘ্নং বিষজেষু চেতি|
Adhikarana সংন্যাসে ঔষধম্ (১১০-১১৩) · Śloka ১১৩
অথ সন্ন্যাসচিকিত্সিতম্| আশু প্রযোজ্যং সন্ন্যাসে সুতীক্ষ্ণং নস্যমঞ্জনম্| ধূমঃ প্রধমনং তোদঃ সূচীভিশ্চ নখান্তরে||১১০|| কেশানাং লুঞ্চনং দাহো দংশো দশনবৃশ্চিকৈঃ| কট্বম্লগালনং বক্রে কপিকচ্ছ্ববঘর্ষণম্||১১১|| উত্থিতো লব্ধসংজ্ঞশ্চ লশুনস্বরসং পিবেত্| খাদেত্সব্যোষলবণং বীজপূরককেসরম্||১১২|| লঘ্বন্নপ্রতি তীক্ষ্ণোষ্ণমদ্যাত্স্রোতোবিশুদ্ধযে| |১১৩|
View original
अथ सन्न्यासचिकित्सितम्| आशु प्रयोज्यं सन्न्यासे सुतीक्ष्णं नस्यमञ्जनम्| धूमः प्रधमनं तोदः सूचीभिश्च नखान्तरे||११०|| केशानां लुञ्चनं दाहो दंशो दशनवृश्चिकैः| कट्वम्लगालनं वक्रे कपिकच्छ्ववघर्षणम्||१११|| उत्थितो लब्धसंज्ञश्च लशुनस्वरसं पिबेत्| खादेत्सव्योषलवणं बीजपूरककेसरम्||११२|| लघ्वन्नप्रति तीक्ष्णोष्णमद्यात्स्रोतोविशुद्धये| |११३|
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-সন্ন্যাসে শীঘ্রং সুষ্ঠু নস্যমঞ্জনং ধূমঃ প্রধমনং চ প্রযোজ্যম্| সূচীতোদাদিকং চ নখমধ্যে| তথা, বক্রে কটূনাং মরীচাদীনাং, অম্লানাং-মাতুলুঙ্গাদীনাং, চ গালনং প্রযোজ্যম্| তথা| কপিকচ্ছ্ববঘর্ষণম্| এবমুপক্রান্তঃ সমুত্থিতো লব্ধচেতনশ্চ সন্ লশুনস্বরসং পিবেত্| তথা, বীজপূরককেসরং সব্যোষলবণং ভক্ষযেত্| স্রোতোবিশোধনার্থং লঘ্বন্নপ্রতি ভুঞ্জীত| কীদৃশম্ ? তীক্ষ্ণোষ্ণম্| লঘ্বন্নপ্রতীতি অল্পলঘ্বন্নম্| "সুপ্প্রতিনা মাত্রার্থে" ইতি সমাসঃ|
আযুর্বেদরসাযনম্ ব্যাখ্যা ( কৃত)
আ০ র০-সন্নযাসস্যৌষধমাহ-আশু প্রযোজ্যমিতি|
Adhikarana মনসঃ সংরক্ষণম্ (৭) · Śloka ৭
বিস্মাপনৈঃ সংস্মরণৈঃ প্রিযশ্রবণদর্শনৈঃ||১১৩|| পটুভির্গীতবাদিত্রশব্দৈর্ব্যাযামশীলনৈঃ| স্রংসনোল্লেখনৈর্ধূমৈঃ শোণিতস্যাবসেচনৈঃ||১১৪|| উপাচরেত্তং প্রততমনুবন্ধভযাত্পুনঃ| তস্য সংরক্ষিতব্যং চ মনঃ প্রলযহেতুতঃ||১১৫|| ইতি শ্রীবৈদ্যপতিসিংহগুপ্তসূনুশ্রীমদ্বাগ্ভটবিরচিতা- যামষ্টাঙ্গহৃদযসঈহিতাযাং চতুর্থে চিকিত্সিত- স্থানে মদাত্যযাদিচিকিত্সিতং নাম সপ্তমোঽধ্যাযঃ||৭||
View original
विस्मापनैः संस्मरणैः प्रियश्रवणदर्शनैः||११३|| पटुभिर्गीतवादित्रशब्दैर्व्यायामशीलनैः| स्रंसनोल्लेख़नैर्धूमैः शोणितस्यावसेचनैः||११४|| उपाचरेत्तं प्रततमनुबन्धभयात्पुनः| तस्य संरक्षितव्यं च मनः प्रलयहेतुतः||११५|| इति श्रीवैद्यपतिसिंहगुप्तसूनुश्रीमद्वाग्भटविरचिता- यामष्टाङ्गहृदयसईहितायां चतुर्थे चिकित्सित- स्थाने मदात्ययादिचिकित्सितं नाम सप्तमोऽध्यायः||७||
🔊 Audio coming soon
Hide commentary
সর্বাঙ্গসুন্দরী ব্যাখ্যা ( কৃত)
স০-তং-মদাদিমন্তং, উপাচরেত্| কৈঃ ? সংস্মরণৈঃ| বিস্মাপনৈঃ-বিস্মযকারিভিঃ| বিপূর্বাত্ স্মিঙো ণিচি "নিত্যং স্মযতেঃ" ইত্যাত্বে পুকি ল্যুটি চ বিস্মাপনৈরিতি রূপম্| তথা, প্রিযস্য শ্রবণেন দর্শনেন চ গীতবাদিত্রশব্দৈঃ পটুভিঃ-মনোহরৈঃ| তথা, ব্যাযামশীলনৈঃ| তথা বমনবিরেচনাভ্যাং ধূমেন শোণিতস্রাবেণ চানুবন্ধভযাচ্চ কারণাত্ তস্য-আতুরস্য, প্রলেযহেতুতো মনঃ সম্যগ্রক্ষিতব্যং-তত ইদং কার্যমিতি| ইতি শ্রীমৃগাঙ্কদত্তপুত্রশ্রীমদরুণদত্তবিরচিতাযামষ্টাঙ্গহৃদযটী- কাযাং সর্বাঙ্গসুন্দরাখ্যাযাং চতুর্থে চিকিত্সিতস্থানে মদা- ত্যযাদিচিকিত্সিতং নাম সপ্তমোঽধ্যাযঃ সমাপ্তঃ|| ৭||
আযুর্বেদরসাযনম্ ব্যাখ্যা ( কৃত)
আ০ র০- ইতি হেমাদ্রিটীকাযামাযুর্বেদরসাযনে| মদমূর্চ্ছাযসত্র্যাসাঃ সামস্ত্যেন নিরূপিতাঃ|| ৭||