৬. চর্দিহৃদ্রোগতৃষ্ণাচিকিত্সিতাধ্যাযঃ

সর্বাঙ্গসুন্দরী ব্যাখ্যা ( কৃত)

রাজযক্ষ্মচিকিত্সিতাদনন্তরং ছর্দ্যাদিচিকিত্সিতমারভ্যতে| যতো যক্ষ্মণ এব প্রাযেণৈত উপদ্রবভূতা জাযন্তে| অত এতদারম্ভো যুক্ত ইত্যাহ-

সর্বাঙ্গসুন্দরী ব্যাখ্যা ( কৃত)

স০-উত্ক্লেশনং-উত্ক্লেশো,-দোষাণামুচ্ছূনাবস্থৈব| আমাশযোত্ক্লেশাত্ সম্ভবো-জন্ম, যাসাং তা আমাশযোত্ক্লেশভবাঃ প্রাযশ্চ্ছর্দ্যো যতস্তস্মাত্ প্রাক্-প্রথমং, লঙ্ঘনং হিতম্| প্রাযোগ্রহণং বাতজাযাং ছর্দ্যামামাশযোত্ক্লেশাসম্ভবার্থং বাযোরৃতে তদ্যোজযেত্| কার্যে কারণোপচারাদেবং নির্দিষ্টম্| বাতজাং হি ছর্দি মুক্ত্বাঽন্যাসু ছর্দিষু লঙ্ঘনং কার্যম্| লঙ্ঘনে কৃতেঽপ্যনু পশান্তবেগাসু তত্র-তাসু ছর্দিষু, বমনং কার্যম্| বলিনঃ পুংসো-ন দুর্বলস্য, অথবা বহুদোষস্য, তথা প্রততং-অনারতং, বহু বমতো বমনং যোজযেত্|

সর্বাঙ্গসুন্দরী ব্যাখ্যা ( কৃত)

স০-ততো-বমনাদনন্তরং বিরেকৌষধং ক্রমশো-ন সহসা, যোজযেত্| কিম্ভূতং বিরেকদ্রব্যম্ ? হৃদ্যং-হৃদযায হিতম্| কৈঃ সহ ? মদ্যৈঃ-মার্দ্বীকাদিভিঃ| তথা, ফলাম্বুভিঃ-শোভনদ্রা ক্ষাদিফলনিষ্পাদিতবারিভিঃ| অথবা, ক্ষীরৈঃ-গোক্ষীরাদিভিঃ সহ| কিমেবং স্যাত্ ? ইত্যাহ-স হ্যূর্ধ্বমিত্যাদি| যস্মাত্সঃ-বিরেকঃ, ঊর্ধ্বং গতং দোষং ছর্দ্যনুগমধো নযতি| ন কেবলং শোধনং-বমনং বিরেচনং বা, তত্র যোজযেত্| যাবচ্ছমনমপি যদৌষধং তদপি তত্র যোজযেত্| রূক্ষদুর্বলস্য পুনঃ পুংসস্তদেব-শমনমেব, যোজযেত্, শোধনাসহত্বাত্|

সর্বাঙ্গসুন্দরী ব্যাখ্যা ( কৃত)

স০-তত্র সর্বাস্বপি ছর্দিষু পরিশুষ্কাদিগুণযুক্তমন্নং শস্যতে| কাম্বলিকাদিলক্ষণং কৃতান্নবর্গে কথিতম্| তথা ফলানি, স্নানমুদ্বর্তনাদিরূপেণ ঘর্ষণং সুগন্ধযঃ-শোভনগন্ধাঃ, গন্ধদ্রব্যপুষ্পফলান্নপানজাঃ শস্যন্তে| তত্র গন্ধশব্দেন গন্ধদ্রব্যাণি| ভুক্তমাত্রস্য সহসা-ঝটিত্যেবাজ্ঞাতসঙ্কেতস্য, মুখে শীতাম্বুসেচনম্| ইতি সামান্যেন ছর্দীনামুপক্রমাঃ|

সর্বাঙ্গসুন্দরী ব্যাখ্যা ( কৃত)

স০-বাতজাং ছর্দিষং সর্পিঃ পীতং সৈন্ধবান্বিতং কিঞ্চিদুষ্ণং বিশেষেণ হন্তি| পীতং-ন তু লীঢম্, অশক্তত্বাত্| তথা চোক্তম্ (হৃ.চি.অ.৩/১১১)-"আক্রামত্যনিলং পীতং" ইতি| তস্মাত্ পীতং ঘৃতং ছর্দিং হন্তীতি যুক্তম্| অথবা ত্রিকটুত্রিলবণোত্কটং সর্পিঃ পীতং পূর্বোক্তগুণম্| দাডিমাম্বুন বা শুণ্ঠী দধিধান্যেন সহ সামান্যকল্পনযা সিদ্ধং ঘৃতং পীতং পূর্বোক্তগুণম্| জলতুল্যং বা পযঃ শৃতং পূর্ববত্| অথবা, বৈষ্কিরঃ-কুক্কুটাদিজো, রসো বহুসর্পিঃসৈন্ধবো মারুতজাং ছর্দিং হন্তি| কিম্ভূতঃ ? ফলেন-দাডিমমাতুলুঙ্গাদিনা, অম্লঃ-অম্লতাং প্রাপিতঃ| স্নিগ্ধং চ ভোজনং-অশনং, [শুণ্ঠী]দধিদাডিমেন সংস্কৃতং তু হিতং-ছর্দিং হন্তি| অত্র চ-মারুতচ্ছর্দিষি, স্নেহেন-এরণ্ডতৈলাদিনা, বিরেচনং স্নেহবিরেচনং কোষ্ণং সলবণং চ হিতম্|

সর্বাঙ্গসুন্দরী ব্যাখ্যা ( কৃত)

স০-পিত্তজাযাং ছর্দ্যাং বিরেকার্থং-বিরেকপ্রযোজনায, দ্রাক্ষেক্ষুস্বরসৈস্ত্রিবৃদ্দেযা| তৈল্বকং বা সর্পির্যোজ্যম্| পিত্তজে ছর্দিষি বৃদ্ধং শ্লেষ্মধামগং পিত্তমূর্ধ্বমেব হরেত্-বমনং তত্র দেযমিত্যর্থঃ| কৈর্দ্রব্যৈঃ ? স্বাদুতিক্তৈঃ| আতুরো বিশুদ্ধিমান্-কৃতবমনবিরেকো লাজৈর্মন্থং পিবেত্| কিম্ভূতম্ ? সমধুশর্করম্, অথবা যবাগূং লাজৈঃ সমধুশর্করাং পিবেত্| সমধুশর্করশ্চ সমধুশর্করা চেতি "পুমান্ স্ত্রিযা" ইত্যেকশেষঃ| তথা, মুদ্গজৈর্ব্যঞ্জনৈর্জাঙ্গলমাংসৈ (মাংসজৈ)শ্চ ব্যঞ্জনৈঃ শালিষষ্টিকমদ্যাত্| মৃদ্ভৃষ্টলোষ্টজং সুশীতলং জলং পিবেত্| মুদ্গাদিভির্বা সহ নিশাং স্থিতং জলং পিবেত্| দ্রাক্ষারসাদিং বা যথাযোগং পিবেত্| জম্ব্বাম্রাদিজঃ ক্বাথঃ ক্ষৌদ্রান্বিতঃ শীতো বা-শীতকষাযঃ, পীতঃ ক্ষৌদ্রযুতশ্ছর্দ্যাদীন্ হন্তি| মুদ্গদলৈঃ শৃতমম্বু মুদ্গদলাম্বু, তদ্ধাত্রীরসেন সহ পিবেত্| অথবা মুদ্গদলানামম্বু মুদ্গদলাম্বু, শীতং-শীতকষাযং, পিবেত্| কোলাদিকং ক্ষৌদ্রেণ লিহ্যাত্| পথ্যাং বা ক্ষৌদ্রেণ লিহ্যাত্| দ্রাক্ষাং বা বদরাণি বা লিহ্যাত্|

আযুর্বেদরসাযনম্ ব্যাখ্যা ( কৃত)

আ০ র০- [ পিত্তচ্ছর্দ্যৌষধমাহ-পিত্তজাযামিতি|] সমধুশর্করং লাজমন্থং লাজযবাগূং বা সমধুশর্করাম্| ব্যঞ্জনৈঃ-যূষরসাদ্যৈঃ| শমনমাহ-মৃদ্ভৃষ্টলোষ্টপ্রভবমিতি| অন্যদাহ-মুদ্গোশীরকণাধান্যৈরিতি| শমনচতুষ্টযমাহ-দ্রাক্ষারসমিতি| অন্যদাহ-জম্ববাম্রেতি| শীতো বা-শীতকষাযো বা| অন্যদাহ-ধাত্রীরসেনেতি| শীতং-চন্দনম্| অন্যদাহ-মুদ্গদলাম্বু বেতি| মুদ্গদলাম্বু-মুদ্গশকলব্কাথম্| অন্যদাহ-কোলমজ্জেতি| লেহত্রযমাহ-ক্ষৌদ্রেণেতি| সঙ্গ্রহে (চি. অ. ৮)- "কোলাস্থিমজ্জাস্ত্রোতোজলাজোত্পলরজাংসি বা| পিবেচ্ছীতাম্বুনাশালিস্বর্ণগৈরিকজং রজঃ|| পিষ্টং বা চন্দনদ্রাক্ষামাংসীসেব্যাম্বুগৈরিকম্| শালিতডুলতোযেন পিবেদ্বা সসিতামধু|| মধূকমধুকদ্রাক্ষাকমলামলকাম্বুদম্| সসারিবাপরূষাখ্যং মূর্বাং বা মাক্ষিকান্বিতাম্|| মধুকং সাত্মগুত্পং বা শীতং ধাত্রীরসেন বা|" ইতি|

সর্বাঙ্গসুন্দরী ব্যাখ্যা ( কৃত)

স০-কফজাযাং ছর্দ্যাং নিম্বাদিভির্যুক্তেন কোষ্ণজলেন বমেত্| দুর্বলং চ নরমুপবাসযেত্| আরগ্বধাদিনির্যূহং শীতং ক্ষৌদ্রান্বিতং পিবেত্| বহূন্ বারান্ ছর্দিঘ্নৌষধভাবিতৈর্যবৈর্মন্থান্ পিবেত্| কফঘ্নমন্নং হৃদ্যং চ ভুক্তং সদ্বমিং জযেত্| রাগাঃ সকুঠেরকভূস্তৃণা বমিং জযন্তি পীতাঃ| মনঃশিলাদিকং বীজপূরকরসেন সক্ষৌদ্রেণ বমিং জযেত্| কপিত্থস্য বা রসেন মাক্ষিকান্বিতেন মনঃশিলাদিকং লীঢং বমিং জযেত্| কপিত্থং বা সত্রিকটুকং মধুনা খাদেত্| ধন্বযবাসং বা মধুনা লিহ্যাত্|

আযুর্বেদরসাযনম্ ব্যাখ্যা ( কৃত)

আ০ র০- কফচ্ছর্দ্যৌষধমাহ-কফজাযামিতি| পিণ্ডীতো-মদনঃ| উপবাসমাহ-দুর্বলং চোপবাসযেদিতি| দুর্বলং-বমনাসমর্থম্| শমনমাহ-আররগ্বধাদিনির্যূহমিতি| সঙ্গ্রহে (চি. অ. ৮)- " ত্রিফলাকণচব্যাদ্বা পেযাং পত্রৈঃ করঞ্জজৈঃ|" ইতি| ত্রিফলাদিভ্যঃ ব্কাথং সক্ষৌদ্রম্, করঞ্জপত্রপেযাং বা সক্ষৌদ্রাম্| অন্যদাহ-মন্থান্ যবৈর্বেতি| ভোজনমাহ-কফঘ্নমন্নমিতি| শমনমাহ-লীঢমিতি| অন্যদাহ-খাদেদিতি| অন্যদাহ-মধুনা বেতি| অন্যদাহ-লিহ্যাদিতি| চোচং-লবঙ্গত্বক্| সঙ্গ্রহে (চি. অ. ৮)- " সমুস্তাং মধুনা শৃঙ্গীং কোলাম্লং বা সজাম্ববম্| তদ্বদ্বিডঙ্গত্রিফলং বিডঙ্গপরিপেলবম্||" ইতি| যোগরত্নে-"পিষ্ট্বা ধাত্রীফলং লাক্ষাং শর্করাং চ পলোন্মিতাম্| দত্বা মধু পলং চাত্র কুডবং সলিলস্য চ|| বাসসা গালিতং পীতং হন্তি ছর্দিং ত্রিদোষজাম্|| সারিবোশীরমধুককুস্তুম্বরুফলানি চ| যুক্ত্যা শ্রাব্যজলং দেযং মধুনা ছর্দিনাশনম্|| কৃতং গুডূচ্যা বিধিবত্কষাযং হিমসংজ্ঞিতম্| তিসৃষ্বপি ভবেত্পথ্যং মাক্ষিকেণ সমন্বিতম্|| কপিত্থরসসংযুক্তাং পিপ্পলীং মাক্ষিকান্বিতাম্| মুহুর্মুহুর্নরো লীঢ্বা ছর্দিভ্যঃ প্রতিমুচ্যতে|| ধাত্রীমুস্তকচূর্ণং তু মধুনা পরিমিশ্রিতম্| প্রলিহন্ প্রাতরুত্থায ছর্দ্যতে সুখমাপ্নুযাত্|| প্রিযঙ্গুচন্দনোশীরশতপুষ্পাযবৈঃ সমৈঃ| কল্কং সমুস্তকং লিহ্যাচ্ছর্দিঘ্নং মধুসংযুতম্|| কুষ্ঠং নাগরসম্মিশ্রং লিহ্যাচ্চূর্ণং সমং ততঃ| প্রাতরুত্থায তোযেন ছর্দ্যামযহরং পরম্|| যষ্ট্যাহ্বং চন্দনোপেতং সম্যক্ক্ষীরপ্রপেষিতম্| তেনৈবালোড্য পাতব্যং রুধিরচ্ছর্দিনাশনম্|| মাতুলুঙ্গরসো লাজাশর্করামধুসংযুতঃ| পিপ্পলীচূর্ণসংযুক্তঃ শ্রেষ্ঠশ্চ্ছর্দিনিবারণঃ|| জাত্যা রসঃ কপিত্থস্য পিপ্পলীমরিচান্বিতঃ| ক্ষৌদ্রেণ যুক্তঃ শমযেল্লেহোঽযং ছদ্রিমুল্বণাম্|| সৌবর্চলমজাজ্যশ্চ শর্করা মরিচানি চ| ক্ষৌদ্রেণ সংযুতং চুর্ণং শ্রেষ্ঠং ছর্দিনিবারণম্|| বিদলানি চ মুদ্গানাং পিপ্পল্যশ্চৈব কুট্টিতাঃ| প্রস্ত্রুতং সলিলং পেযং ছর্দ্যাং মধুসমন্বিতম্| জব্বাম্রসারো মুস্তং চ মাচীদ্রাক্ষা (?) চ সাধযেত্| কষাযো মধুসংযুক্তঃ পেযশ্চ্ছর্দিতৃষাপহঃ|| ফল্গুপ্রবালং মরিচং মধুকং নীলমুত্পলম্| ক্ষুণ্ণং শীতকষাযোঽযং তৃষ্ণাচ্ছর্দিনিবারণঃ|| এতৈরেবৌষধৈঃ সিদ্ধাং লাজপেযাং পিবেন্নরঃ| সশর্করাং মধুযুতাম্ তৃষ্ণাচ্ছর্দিনিবারিণীম্|| অর্ধোদকং নিষেবেত মাক্ষিকেণাথবা পযঃ| তুষ্ণাছর্দিপ্রশমনং জাঙ্গলং রসমেব বা|| ক্ষীরিণাং চৈব বৃক্ষাণাং শুঙ্গান্ লিহ্যাত্সুকুট্টিতান্| পিপ্পলীমধুসংযুক্তান্ তৃষ্ণাছর্দিনিবারণান্||" ইতি| [সিদ্ধসারে (ছর্দ্যধিকারে শ্লো. ২২)]-" লাজাকপিত্থমধুমাগধিকোষণানাং ক্ষৌদ্রাভযাত্রিকটুধান্যকজীরকাণাম্| পথ্যামৃতামরিচমাক্ষিকপিপ্পলীনাং লেহাস্ত্রযঃ সকলবম্যরুচিপ্রশান্ত্যৈ|| এলালবঙ্গগজকেসরকোলমজ্জালাজাপ্রিযঙ্গুঘনচন্দনপিপ্পলীনাম্| চূর্ণানি মাক্ষিকসিতাসহিতানি লীঢ্বাছর্দিং নিহন্তি কফমারুতপিত্তজাতাম্|" "লাজসৈন্ধবসংযুক্তমাম্রবীজং সমালিহেত্| মধুনা ছর্দিনাশায ক্ষিপ্রং সুখমবান্পুযাত্||" (বঙ্গ. ছর্দ্য. শ্লো. ৪৯)- "অশ্বত্থবল্কলং শুষ্কং দ্গ্ধ্বা নির্বাপিতং জলে| তজ্জলং পানমাত্রেণ ছর্দিং জযতি দুস্তরাম্||" "বিজযাতিবিষাব্কাথশ্ছর্দিহৃচ্ছূলনাশনঃ||" (বঙ্গ. ছর্দ্য. শ্লো. ৫৭)- " আম্রাস্থিবিল্বনির্যূহঃ পীতঃ সমধুশর্করঃ| নিহন্যাচ্ছর্দ্যতীসারং বৈশ্বানর ইবাহুতিম্||" ইতি|

সর্বাঙ্গসুন্দরী ব্যাখ্যা ( কৃত)

স০-দ্বিষার্থজা ছর্দির্মনসোঽনুকূলোপচারেণ শাম্যতি|

আযুর্বেদরসাযনম্ ব্যাখ্যা ( কৃত)

আ০ র০-দ্বিষ্টার্থছর্দ্যৌষধমাহঅনুকূলোপচারেণেতি|-

সর্বাঙ্গসুন্দরী ব্যাখ্যা ( কৃত)

স০-কৃমিভ্যো জাতা ছর্দিঃ কৃমিহৃদ্রোগগদিতৈরৌষধৈঃ শমং যাতি| ন কেবলং কৃমিজা ছর্দিরেব শমং যাতি| যথাস্বং পরিশেষা অপ্যামযাঃ-কৃমিহৃদ্রোগকৃতাঃ, তেঽপি কৃমিহৃদ্রোগগদিতৈর্ভেষজৈঃ শমং যান্তি|

আযুর্বেদরসাযনম্ ব্যাখ্যা ( কৃত)

আ০ র০- কৃমির্চ্ছর্দ্যৌষধমাহ-ক্রিমিজা ইতি| তৃষ্ণা (শেষ) চ্ছর্দ্যামযাদীনামৌষধমাহ-যথাস্বং পরিশেষাশ্চেতি| যথাস্বং-কারণভূতরোগানুসারেণ অনুবন্ধিদোষানুসারেণ বা| পরিশেষাঃ-উক্তেভ্যোন্যাঃ| ছর্দ্যুপদ্রবাণামৌষধমাহ-তত্কৃতাশ্চেতি| তত্কৃতাঃ-ছর্দিকৃতাঃ| তথা-যথাস্বম্|

সর্বাঙ্গসুন্দরী ব্যাখ্যা ( কৃত)

স০-হি-যস্মাত্, ছর্দিপ্রসঙ্গেন-অনুবন্ধেন, যো ধাতুক্ষযঃ তস্মাদ্ধেতোর্মাতরিশ্বা অবশ্যং কোপমাযাতি| অতো হেতোর্বমনাতিযোগপ্রোক্তং বিধিং স্তম্ভনং বৃংহণং চ কুর্যাত্, ন পুনস্তদুক্তমন্যং বিধিম্| ইন্দ্রবজ্রাবৃত্তম্| তথা, সর্পির্গুডাদযো দোষদূষ্যানুরোধতো যথাকালমুপযুক্তাশ্ছর্দিং প্রসক্তাং শমযন্তি| উপজাতিবৃত্তম্| তন্ত্রান্তরে(?)চোক্তম্ (হৃ.ক.অ.৩/২৫)-"অঞ্জনং চন্দনোশীরমজাসৃক্শর্করোদকম্| লাজচূর্ণৈঃ পিবেন্মন্থমতিযোগহরং পরম্||" ইতি|

আযুর্বেদরসাযনম্ ব্যাখ্যা ( কৃত)

আ০ র০- প্রসক্তচ্ছর্দ্যৌষধমাহ-ছর্দিপ্রসঙ্গেনেতি| সঙ্গ্রহে (চি. অ. ৭)- "ত্বরমাণো জযেচ্ছর্দিং প্রসক্তামনুবন্ধনীম্| কোষ্ঠাশ্রযা মহামর্মপীডাকরতরা হি সা|| ন চান্নেন বিনা কাযস্তন্মযো বর্ততেঽপি চ| ধাতুক্ষযোঽতিবমথৌ সমীরণসমীরণাত্|| নিযতং জাযতে তস্মাদ্দ্রুতমত্র প্রযোজযেত্ ধান্বন্তরং ত্র্যূষণং বা দোষদেহানুরোধতঃ||" ইতি| ইতি হেমাদ্রিটীকাযামাযুর্বেদসাযনে| ছর্দিপ্রকরণং নাম সামস্ত্যেন নিরূপিতম্||

সর্বাঙ্গসুন্দরী ব্যাখ্যা ( কৃত)

স০-বাতজে হৃদ্রোগে তৈলং সুখোষ্ণং-কিঞ্চিদুষ্ণং, পিবেত্| কিম্ভূতম্ ? মস্তুসৌবীরতক্রাণি বিদ্যন্তে যস্মিংস্তদেবম্| তথা সহ বিডলবণেন সবিডং, গুল্মাদিজিত্|

আযুর্বেদরসাযনম্ ব্যাখ্যা ( কৃত)

আ০ র০- অথহৃদ্রোগচিকিত্সিতম্| তত্র বাতজৌষধমাহ-হৃদ্রোগ ইতি| সৌবীরং-কাঞ্জিকম্| মস্ত্বাদিত্রযং দ্রব্যম্| বিডং কল্কঃ|

সর্বাঙ্গসুন্দরী ব্যাখ্যা ( কৃত)

স০-লবণৈঃ-পঞ্চভিঃ সৈন্ধবাদিভিঃ, গোমূত্রেণ কাঞ্জিকেন চ তৈলং সামান্যপরিভাষযা পক্বং তথাগুণং-গুল্মাদিজিত্|

আযুর্বেদরসাযনম্ ব্যাখ্যা ( কৃত)

আ০ র০- অন্যদাহ-তৈলমিতি| অম্লং-কাঞ্জিকম্|

সর্বাঙ্গসুন্দরী ব্যাখ্যা ( কৃত)

স০-বিল্বাদীনি জলে পক্ত্বা তস্মিন্ জলে ক্বাথীভূতে তৈলং পচেত্| তত্তৈলং নস্যে পানেঽনুবাসনে চ বিনিযোজযেত্| তচ্চ পূর্বসমম্|

আযুর্বেদরসাযনম্ ব্যাখ্যা ( কৃত)

আ০ র০- অন্যদাহ-বিল্বমিতি|

সর্বাঙ্গসুন্দরী ব্যাখ্যা ( কৃত)

স০-শুণ্ঠ্যাদিভিঃ পক্বং চ ঘৃতং পার্শ্বহৃদ্রুজাদিজিত্| বযস্থা-আমলকী| কাযস্থা-কাকোলী|

আযুর্বেদরসাযনম্ ব্যাখ্যা ( কৃত)

আ০ র০- ঘৃতমাহশুণ্ঠীকযস্থালবণববযস্থাহিঙ্গুপৌষ্করৈরিতি| কযস্থা-তুলসী| বযস্থা-গুডূচী|

সর্বাঙ্গসুন্দরী ব্যাখ্যা ( কৃত)

স০-সৌবর্চলস্য পলদ্বযে পথ্যাপঞ্চাশদ্যুক্তে সাধিতো ঘৃতপ্রস্থো হৃদ্রোগাদিজিত্|

আযুর্বেদরসাযনম্ ব্যাখ্যা ( কৃত)

আ০ র০- অন্যদাহ-সৌবর্চলস্যেতি|

আযুর্বেদরসাযনম্ ব্যাখ্যা ( কৃত)

আ০ র০- চূর্ণমাহ-দাডীমমিতি| অপতন্ত্রকো-বাতব্যাধিনিদানোক্তঃ|

সর্বাঙ্গসুন্দরী ব্যাখ্যা ( কৃত)

স০-পুষ্করাহ্বাদযঃ কল্কীকৃতাঃ-পিষ্টাঃ, তথা ঘৃতাদিযুক্তাঃ পীতা বিকর্তিকাশূলহরাঃ| বিকর্তিকা-হৃদযস্যাবর্তচ্ছেদনিকা ইব রুগ্বিশেষঃ| হৃদ্রোগপ্রসঙ্গাদেতচিকিত্সাঽপ্যুক্তা|

আযুর্বেদরসাযনম্ ব্যাখ্যা ( কৃত)

আ০ র০- অন্যদাহ পুষরাহ্বেতি| বিকর্তিকাশূলং-হৃদযচ্ছেদনমিব|

সর্বাঙ্গসুন্দরী ব্যাখ্যা ( কৃত)

স০-ক্বাথশ্চ কোষ্ণো যবান্যাদিভির্দেবদারুসহিতৈস্তদ্গুণো বিকর্তিকাশূলহরঃ| ঔষধং-শুণ্ঠী| বীজহ্বঃ-বীজসারম্, বীজপূরকমিত্যন্যে|

আযুর্বেদরসাযনম্ ব্যাখ্যা ( কৃত)

আ০ র০- ক্বাথমাহ-ক্বাথ ইতি| ঔষধং-শুণ্ঠী| পূতীকরঞ্জঃ| বীজাহ্বো-বীজপূরঃ| যবান্যাদিভিঃ সহ পেযঃ| সঃ-ক্বাথঃ, পূত্যাদিভিঃ কৃতঃ| বঙ্গসেনে (হৃদযরোগাধিকারে শ্লো. ১০)- "ক্বাথঃ কৃতঃ পৌষ্করমাতুলুঙ্গপলাশপূতীকশঠীসুরাহ্বৈঃ| স নাগরাজাজিবচাযবাভিঃ সক্ষার উষ্ণো লবণশ্চ পেযঃ||" ইতি বচনমূলেযং ব্যাখ্যা|

সর্বাঙ্গসুন্দরী ব্যাখ্যা ( কৃত)

স০-পঞ্চকোলাদিকং বারুণ্যা-প্রসন্নযা সুরযা, কল্কিতংপিষ্টং, যমকে ভৃষ্টং সৈন্ধবযুতং হৃদাদিশূলেষু গুল্মাদিষু চ খাদেত্|

আযুর্বেদরসাযনম্ ব্যাখ্যা ( কৃত)

আ০ র০- চূর্ণমাহ-পঞ্চকোলেতি|

সর্বাঙ্গসুন্দরী ব্যাখ্যা ( কৃত)

স০-ইহ-বাতজে হৃদ্রোগে, স্বেদাশ্চ স্নিগ্ধা হিতাঃ| ঘৃতানি পক্বানি বা (চ)|

আযুর্বেদরসাযনম্ ব্যাখ্যা ( কৃত)

আ০ র০- স্নেহস্বেদাবাহ-স্নিগ্ধাশ্চেতি| ঘৃতানি স্নেহনার্থম্|

সর্বাঙ্গসুন্দরী ব্যাখ্যা ( কৃত)

স০-তৃষি সত্যাং হ্রস্বেন পঞ্চমূলেন শুণ্ঠ্যা বা সাধিতং জলং পিবেত্| বারুণীমণ্ডং বা দধিমণ্ডং বা পিবেত্|

আযুর্বেদরসাযনম্ ব্যাখ্যা ( কৃত)

আ০ র০- পানপঞ্চকমাহ-লঘুনেতি|

সর্বাঙ্গসুন্দরী ব্যাখ্যা ( কৃত)

স০-আযামঃ-আক্ষেপঃ, সহ আযামাদিভির্বর্ততে যদ্ হৃদযং তস্মিংস্তথাবিধে হৃদি তথা মারুতদূষিতে সতি ক্রিযৈষাচিকিত্সেযং পূর্বোক্তা|

আযুর্বেদরসাযনম্ ব্যাখ্যা ( কৃত)

আ০ র০- উক্তানামৌষধানাং বিষযমাহ-সাযামস্তম্ভশূলাম ইতি| আযামঃ-আকর্ষণমিব|

সর্বাঙ্গসুন্দরী ব্যাখ্যা ( কৃত)

স০-সদ্রবাযামপ্রমোহে পুনঃ হৃদি মারুতদূষিতে রসাস্তিত্তির্যাদিজাঃ| স্নেহাদ্যাঃ-বহুস্নেহাঃ, হিতাঃ|

আযুর্বেদরসাযনম্ ব্যাখ্যা ( কৃত)

আ০ র০- বিষযান্তরভেষজমাহ-সদ্রবাযামপ্রমোহে ত্বিতি|

সর্বাঙ্গসুন্দরী ব্যাখ্যা ( কৃত)

স০-সহৃদ্রোগো নরো বলাতৈলং পিবেত্| সুকুমারকং বা-প্রমেহোক্তং ঘৃতং, যষ্ট্যাহ্বং চ তচ্ছতপাকং চ যষ্ট্যাহ্বশতপাকং-শতকৃত্বঃ পক্বং তত্তৈলং বাতশোণিতোক্তং (হৃ.চি.অ.২২/৪১) পিবেত্| মহাসেন্হং তথোত্তমং পিবেত্|

আযুর্বেদরসাযনম্ ব্যাখ্যা ( কৃত)

আ০ র০- স্নেহচতুষ্কমাহ-বলাতৈলমিতি| বলাতৈলংশারীরকে গর্ভব্যাপদ্যুক্তম্ (হৃ. শা.অ. ২/৪৭) , বাতরক্তোক্তং বা বলাকষাযকল্কাভ্যাং শতং সহস্রং বা বারাভ্যক্তম্ (হৃ. চি. অ. ২২/৪৫)| সুকুমারকং-বৃদ্ধ্যুক্তং ঘৃতৈরণ্ডতৈলযমকম্ (হৃ. চি. অ. ১৩/৪১) , তৈলমেব বা তন্ত্রান্তরোক্তরাজযক্ষ্মণি সঙ্গৃহীতম্| যষ্ট্যাহ্বশতপাকং-যষ্টীমধুকল্ককষাযাভ্যাং শতং বারান্ পক্বম্| উত্তমং মহাস্নেহং-বাতব্যাধ্যুক্তমপন্ত্রকে (হৃ. চি. অ. ২১/২৮)|

সর্বাঙ্গসুন্দরী ব্যাখ্যা ( কৃত)

স০-রাস্নাদিভিঃ কল্কীকৃতৈর্মহাস্নেহং দধিপাদং বিপাচযেত্| দধিপাদং চ দঘ্নঃ পাদঃ-চতুর্থভাগপ্রমাণো, যস্মিংস্তথাভূতম্| তথা, অম্লৈঃ-কাঞ্জিকাদিভিঃ, লাভতো-যথালাভম্| অনযৈব কল্পনযা সঃ-মহাস্নেহো, নিষেবিতস্তর্পণো বৃংহণো বল্যো বাতহৃদ্রোগঘ্নশ্চ স্যাত্|

আযুর্বেদরসাযনম্ ব্যাখ্যা ( কৃত)

আ০ র০- মহাস্নেহান্তরমাহ-রাস্নাজীবকেতি| দধিপাদং-পাদাংশেন দধ্না যুক্তম্|

সর্বাঙ্গসুন্দরী ব্যাখ্যা ( কৃত)

স০-দীপ্তেঽগ্নৌ সতি বাতহৃদ্রোগে সদ্রবাযামে সহ দ্রবেণ-কম্পনেন, আযামেন চ বর্ততে যস্তস্মিংস্তথাভূতে ক্ষীরাদি হিতম্| ঔদকামিষং-মত্স্যাদিমাংসম্, আনূপামিষং-গ্রাম্যবরাহাদিজং মাংসম্|

আযুর্বেদরসাযনম্ ব্যাখ্যা ( কৃত)

আ০ র০- বিষযান্তরভেষজমাহ-দীপ্তেঽগ্নাবিতি|

সর্বাঙ্গসুন্দরী ব্যাখ্যা ( কৃত)

স০-বাতহৃদ্রোগং মুক্ত্বাঽন্যেষু-শেষেষু, চতুর্ষু হৃদ্রোগেষ্বেতানি-ক্ষীরাদীনি, বর্জ্যানি-ন প্রযোজ্যানি| ন কেবলমেষ্বেতানি বর্জ্যানি, যাবত্স্তম্ভজাড্যামসংযুক্তে বাতিকেঽপি হৃদ্রোগ এতানি বর্জ্যানি|

আযুর্বেদরসাযনম্ ব্যাখ্যা ( কৃত)

আ০ র০- হৃদ্গোগান্তরে ক্ষীরাদীনি নিষেধতি-এতান্যেবেতি|

সর্বাঙ্গসুন্দরী ব্যাখ্যা ( কৃত)

স০-তস্মিন্-বাতিকে হৃদ্রোগে, কফানুবন্ধে তু সতি রূক্ষোষ্ণাং ক্রিযাং সেবেত|

আযুর্বেদরসাযনম্ ব্যাখ্যা ( কৃত)

আ০ র০- সকফে বাতহৃদ্রোগে ভেষজমাহ-কফানুবন্ধ ইতি| যোগরত্নে-" নাগরং বা পিবেদুষ্ণং কষাযং বহ্নিবর্ধনম্| কাসশ্বাসানিলহরং শূলহৃদ্রোগনাশনম্|| পাঠাং বচাং যবক্ষারমভযামম্লবেতসম্| দুরালভাং চিত্রকং চ ত্র্যূষণং লবণত্রযম্|| শঠী পুষ্করমূলং চ তিত্তিডীকং সদাডিমম্| মাতুলুঙ্গ্যাশ্চ মূলানি সূক্ষ্মচূর্ণানি কারযেত্|| সুখোদকেন মদ্যৈর্বা চূর্ণান্যেতানি পাচযেত্| অর্শঃ শূলং সহৃদ্রোগং গুল্মং চাপি ব্যপিহতি||" ইতি| সঙ্গ্রহে (চি. অ. ৮.)- "ত্র্যূষণং ত্রিফলা পাঠা মধূকং মধুকং ত্রুটী| পঞ্চমূলং লঘু বলে মেদে বৃদ্ধিঃ শতাবরী|| কণ্ডূকরী তামলকী জীবকশ্চাক্ষসম্মিতৈঃ| তৈঃ পচেত্সর্পিষঃ প্রস্থং দধ্নঃ প্রস্থেন মাহিষাত্|| যুক্তং সিদ্ধং চ মধুনা তন্নিহন্তি নিষেবিতম্| হৃত্পাণ্ডুগ্রহণীপার্শ্বশ্বাসকাসহলীমকান্||" ইতি|

সর্বাঙ্গসুন্দরী ব্যাখ্যা ( কৃত)

স০-পৈত্তে হৃদ্রোগে দ্রাক্ষেক্ষুনির্যাসাদিযুক্তো বিরেকো হৃদ্যঃ স্যাত্| শুদ্ধে সত্যনন্তরং ক্রমঃ পিত্তহা স্যাত্, স তু পেযাদিকঃ কার্যঃ| ক্ষতে পিত্তজ্বরে চ যা বহিরন্তশ্চ শুদ্ধিরুক্তা সা চাত্র কার্যা| কটুকীমধুককল্কং শর্করান্বিতমম্ভসা পিবেত্|

আযুর্বেদরসাযনম্ ব্যাখ্যা ( কৃত)

আ০ র০- পিত্তহৃদ্রোগস্যৌষধমাহ-পৈত্তে ইতি| বিরেচঃত্রিবৃচ্চূর্ণঃ| বিরেচকানন্তরং পেযাদিক্রমমাহ-ক্রমঃ শুদ্ধে চ পিত্তহেতি| পিত্তহা-পিত্তঘ্নৈঃ কৃতঃ| অতিদেশমাহ-ক্ষতপিত্তজ্বরোক্তং চেতি| পরিমার্জনং-শোধনম্, বাহ্যং পরিষেকেণ, অন্তর্বিরেকেণ| ঔষধান্তরমাহ-কট্বীমধুককল্কমিতি|

সর্বাঙ্গসুন্দরী ব্যাখ্যা ( কৃত)

স০-শ্রেযস্যাদিভিঃ সাধিতং ক্ষীরান্বিতং মাহিষং সর্পিঃ পিত্তহৃদ্রোগঘ্নম্| শ্রেযসী-হস্তিপিপ্পলী| মাহিষঘৃতস্যাত্র নির্দেশঃ শীততমত্বাত্|

আযুর্বেদরসাযনম্ ব্যাখ্যা ( কৃত)

আ০ র০- ঘৃতমাহ-শ্রেযসীতি| শ্রেযসী-গজপিপ্পলী|

সর্বাঙ্গসুন্দরী ব্যাখ্যা ( কৃত)

স০-প্রপৌণ্ডরীকাদিভিঃ ক্ষীরযুতং পক্বং ঘৃতং শীতীভুতং সন্মাক্ষিকোপেতং তচ্চেষ্টমত্র রোগে| স্বাদুবর্গেণ-দ্রাক্ষাদিনা, যচ্চ কৃতং তচ্চ হিতম্| তথা, বস্তিং মধুকসাধিতং-মধুকেন পক্বং, মাক্ষিকান্বিতং দদ্যাত্|

আযুর্বেদরসাযনম্ ব্যাখ্যা ( কৃত)

আ০ র০- ঘৃতান্তরমাহ-প্রপৌণ্ডরীকেতি| শৈবলঃ-শৈবালঃ| ঘৃতান্তরমাহ-স্বাদুবর্গকৃতং চ যদিতি| স্বাদুবর্গোরসস্কন্ধেষূক্তঃ (হৃ. সূ. অ. ১০/২২)| বস্তিমাহ-বস্তিং চেতি-অনুবাসনম্| বঙ্গসেনে(হৃদযরোগা. শ্লো. ১৮)- " অর্জুনস্য ত্বচা সিদ্ধং ক্ষীরং যোজ্যং হৃদামযে| সিতযা পঞ্চমূল্যা বা বলযা মধুকেন বা|| স্থিরাদিকল্কবত্সর্পিঃ ক্ষীরেণেক্ষুরসেন বা| দ্রাক্ষারসেন বা পক্বং পিত্তহৃদ্রোগনাশনম্||" ইতি|

সর্বাঙ্গসুন্দরী ব্যাখ্যা ( কৃত)

স০-কফোদ্ভবে হৃদ্রোগে স্বিন্নো নিম্ববচাভ্যাং ক্বথিতেন জলেন বমেত্ কুলত্থজাঙ্গলাদিরস(লরসাদি)ভুক্|

আযুর্বেদরসাযনম্ ব্যাখ্যা ( কৃত)

আ০ র০- কফহৃদ্রোগৌষধমাহ-কফোদ্ভব ইতি|

সর্বাঙ্গসুন্দরী ব্যাখ্যা ( কৃত)

স০-চূর্ণং বচাদিভ্য উষ্ণোদকেন পিবেত্| যবানকো-যবানীভেদঃ| তথা, ফলধান্যাম্লদিভির্বৈকতরেণ(মেন)পিবেত্| তথা, পুষ্করাদেশ্চূর্ণং পূর্বোক্তৈরুষ্ণা(ম্ব্বা)দিভিঃ পিবেত্| তথা, হরীতক্যাদেঃ ক্বাথং পিবেত্|

আযুর্বেদরসাযনম্ ব্যাখ্যা ( কৃত)

আ০ র০- চূর্ণমাহ-পিবেচ্চূর্ণমিতি| সশব্দঃ সহার্থে| যবানকঃ-অজমোদা| ফলাম্লং ধান্যাম্লং চ| ষণ্ণাং দ্রবাণাং প্রকৃত্যাদিবশাদ্বিষয[বি]ভাগঃ| ক্বাথমাহ-পুষ্করাহ্বেতি| ক্বাথান্তরমাহ-তথেতি| মাদ্রী-অতিবিষা| পীরদ্রুঃ-দার্বী|

সর্বাঙ্গসুন্দরী ব্যাখ্যা ( কৃত)

স০-রোহিতকাদীনাং ক্বাথে ত্রিকটুত্রিবৃচ্চূর্ণযুতে কৃতো লেহ উষ্ণোদকানুপানঃ কফবিকারহা| অর্শশ্চিকিত্সিতোক্তং (হৃ.চি.অ.৮/১০৪)-"তুলাং দিব্যাম্ভসি পচেত্" ইতি প্রমাণানুসারেণ পরিমাণমত্র নিরূপিতম্|

আযুর্বেদরসাযনম্ ব্যাখ্যা ( কৃত)

আ০ র০- লেহমাহ-ক্বাথ ইতি| রোহিতকাদীনাং সপ্তানাং ক্বাথঃ| তস্য পুনঃ পাকাদ্ঘনীভাবসমযে চূর্ণপ্রক্ষেপঃ|

সর্বাঙ্গসুন্দরী ব্যাখ্যা ( কৃত)

স০-কফহৃদ্রোগে, শ্লেষ্মগুল্মে যানি গদিতান্যাজ্যানি-সর্পীষি, তত্রৈবোক্তান্ ক্ষারাংশ্চ নানাবিধাংস্তান্ পিবেত্| শিলাজতু প্রযোজযেত্| বা ব্রাহ্মং রসাযনং-রসাযনাধ্যাযোক্তম্ (হৃ.উ.অ.৩৯/১৫)| তথা, আমলকলেহং বা-রসাযনোক্তমেব চ্যবনপ্রাশাখ্যম্ (হৃ.উ.অ.৩৯/৩৩)| অথবা, প্রাশং-লেহং, অগস্ত্যনির্মিতং কাসচিকিত্সিতোক্তং (হৃ.চি.অ.৩/১২৭), প্রযোজযেত্|

আযুর্বেদরসাযনম্ ব্যাখ্যা ( কৃত)

আ০ র০- অতিদিশতি-শ্লেষ্মগুল্মোদিতাজ্যানীতি| শিলাহ্বং-শিলাজতুরসাযনম্ (হৃ. উ. অ. ৩৯/১৩৭) , ব্রাহ্যংএকাশনম্ (হৃ. উ. অ. ৩৯|১৫) , আমলকলেহং-চ্যবনপ্রাশম্ (হৃ. উ. অ. ৩৯/৩৩) , এতানি রসাযনোক্তানি| অগস্ত্যনির্মিতং-কাসোক্তম্ (হৃ. চি. অ. ৩|১২৭)| বঙ্গসেনে (হ্রুদযরোগা. শ্লো. ২৮)- " সূক্ষ্মৈলা মাগধীমূলং প্রলীঢং হবিষা সহ| নাশযত্যাশু হৃদ্রোগং গুল্মানপি বিশেষতঃ|| ফলতৈলং বিদধ্যাচ্চ বস্তৌ বস্তিবিশারদঃ| 'ফলৈরষ্টগুণেঽথাম্লে সিদ্ধমন্যাসনং কফে (?)|' ইত্যুক্তং ফলতৈলম্| 'হিঙ্গূগ্রগন্ধাবিডবিশ্বকৃষ্ণাকুষ্ঠাভযাচিত্রকযাবশূকম্| পিবেত্সসৌবর্চলপুষ্করাহ্বং যবাম্ভসা শূলহৃদামযঘ্নম্|| দশমূলকষাযং তু লবণক্ষারযোজিতম্| কাসং শ্বাসং সহৃদ্রোগং গুল্মশূলং চ নাশযেত্|| ঘৃতেন দুগ্ধেন গুডাম্ভসা বা পিবন্তি চূর্ণং ককুভত্বচো যে| হৃদ্রোগজীর্ণজ্বররক্তপিত্তং হত্বা ভবেযুশ্চিজীবিনস্তে|| পুটদগ্ধহরিণশৃঙ্গং পিষ্টং গব্যেন সর্পিষাপিবতঃ| হৃত্পৃষ্ঠশূলমচিরাদুপৈতি শান্তিং সুকষ্টমপি|| তৈলাজ্যগুডবিপক্বং চূর্ণং [ গোধূমপার্থজং বাঽপি| পিবতি পযসা স ভবেজ্জিতসকলহৃদামযঃ পুরুষঃ|| গোধূমককুভচূর্ণং ] ছাগপযোগব্যসর্পিষা যুক্তম্| মধুশর্করাসমেতং শমযতি হৃদ্রোগমুদ্ধতং পুংসাম্|| মূলং নাগবলাযাস্তু চূর্ণং দুগ্ধেন পাযযেত্| হৃদ্রোগশাসকাসঘ্নং ককুভস্য চ বল্কলম্| রসাযনং পরং বল্যং বাতজিন্মাসযোজিতম্| সংবত্সরপ্রযোগেণজীবেদ্বর্ষশততত্রযম্|| পার্থস্য কল্কস্বরসেন সিদ্ধং শস্তং ঘৃতং সর্বহৃদামযেষু| ঘৃতং বলানাগবলার্জুনাম্বুসিদ্ধং সযষ্টীমধুকল্কপাদম্| হৃদ্রোগশূলক্ষতরক্তপিত্তকাসানিলাসৃশমযত্যুদীর্ণম্||" ইতি|

সর্বাঙ্গসুন্দরী ব্যাখ্যা ( কৃত)

স০-যস্য-পুংসো, ভুক্তে-তত্কাল এব, অতি শূলং স্যাত্| জীর্যত্যন্নে-মধ্যমাযাং পাকাবস্থাযাং, অল্পং শূলং স্যাত্| জরাং গতে-কিট্টসারতযা পরিণতেঽন্নে, তু শাম্যেত্| সঃ-নরঃ, কুষ্ঠাদিভিশ্চূর্ণমুষ্ণাম্বুনা পিবেত্|

আযুর্বেদরসাযনম্ ব্যাখ্যা ( কৃত)

আ০ র০- অথ প্রসঙ্গাচ্ছূলপ্রকরণম্| শূলং চতুর্ধা,-অজীর্ণেঽন্নে জীর্যতি জীর্ণে সর্বদা চেতি| তত্রাজীর্ণশূলস্যৌষধমাহ-স্যাচ্ছূলমিতি| ]

সর্বাঙ্গসুন্দরী ব্যাখ্যা ( কৃত)

স০-যস্য-পুংসো, জীর্ণে সত্যধিকং শূলং ভবেত্, স স্নেহৈঃ-বিরেচনদ্রব্যসিদ্ধৈঃ, বিরেচনীযঃ| জীর্যত্যন্নে-পচ্যমানাবস্থাযাং, অধিকং শূলে সতি ফলৈর্বিরেচ্যঃ| তথা চ মুনিঃ(?)-"মৃদ্বীকাঽথ বিডঙ্গানি খর্জূরাণি পরূষকম্| আরগ্বধোঽথামলকং হরীতক্যো বিভীতকম্|| কম্পিল্লকোপচিত্রে চ ত্রপুসং চ মুকূলকম্| নীলিকা কুবলং পীলু ভবেত্ফলবিরেচনম্||" ইতি| যস্য পুনঃ সদাঽধিকমেব শূলং-কেবলং ন ভুক্তমাত্রে জীর্ণে জীর্যতি বা, সঃ-পুরুষো, মূলৈস্তীক্ষ্ণৈঃ-মূলবিরেচনৈর্দন্তীত্রিবৃচ্ছ্যামাসপ্তলাদিদ্রব্যৈঃ সমন্বিতৈঃ, বিরেচ্যঃ| তথা চোক্তম্-"সপ্তলাশঙ্খিনীদন্তীদ্রবন্তীগিরিকর্ণিকাঃ| ত্রিবৃচ্ছ্যামোদকীর্যা চ প্রকীর্যা ক্ষীরিণী তথা|| ছগলাণ্ডী গবাক্ষী চ কুচাক্ষী গিরিকর্ণিকা| মসূরবিদলা চৈব ভবেন্মূলবিরেচনম্||" ইতি|

আযুর্বেদরসাযনম্ ব্যাখ্যা ( কৃত)

আ০ র০- জীর্ণশূলস্যৌষধমাহ-যস্যেতি| স্নেহৈঃ-এরণ্ডতৈলাদিভিঃ| জীর্যচ্ছূলস্যৌষধমাহ-ফলৈঃ পুনর্জীর্যত্যন্ন ইতি| ফলৈঃ-আরগ্বধাদিভিঃ| সর্বদা শূলস্যৌষধমাহ-তথেতি| মূলৈঃ-শ্যামাদিভিঃ| তন্ত্রান্তরে শূলপ্রকরণং চ স্মৃতম্| তত্র বঙ্গসেনে (শূলরোগাধিকারে শ্লো. ১)- "দোষৈঃ পৃথক্সমস্তামদ্বন্দ্বৈঃ শূলোঽষ্টধা ভবেত্| সর্বেষ্বেতেষু শূলেষু প্রাযেণ পবনঃ প্রভুঃ|| ব্যাযামযানাদতিমৈথুনাচ্চ প্রজাগরাচ্ছীতজলাতিপানাত্| কলাযমুদ্গাঢকিকোরদূষাদত্যর্থরূক্ষাধ্যশনাভিঘাতাত্|| কষাযতিক্তাতিবিরূঢজান্নবিরুদ্ধবল্লূরকশুষ্কশাকাত্| বিট্শুক্রমূত্রানিলবেগরোধচ্ছোকোপবাসাদতিভাষ্যহাস্যাত্|| বাযুঃ প্রবৃদ্ধো জনযেদ্ধি শূলং হৃত্পার্শ্বপৃষ্ঠত্রিকবস্তিদেশে| জীর্ণে প্রদোষে চ ঘনাগমে চ শীতে চ কোপং সমুপৈতি গাঢম্|| মুহুর্মুহুশ্চোপশমপ্রকোপৌ বিড্বাতসংস্তম্ভনতোদভেদৈঃ| সংস্বেদনাভ্যঞ্জনমর্দনাদ্যৈঃ স্নিগ্ধোষ্ণভোজ্যৈশ্চ শমং প্রযাতি|| ক্ষারাতিতীক্ষ্ণোষ্ণবিদাহিতৈলনিষ্পাবপিণ্যাককুল্ত্থযূষৈঃ| কট্বম্লসৌবীরসুরাবিকারৈঃ ক্রোধানলাযাসরবিপ্রতাপৈঃ|| গ্রাম্যাতিযোগাদশনৈর্বিদগ্ধৈঃ পিত্তং প্রকুপ্যাশু করোতি শূলম্| তৃণ্মোহদাহার্তিকরং হি নাভ্যাং সংস্বেদমূর্চ্ছাভ্রমদোষযুক্তম্|| মধ্যংদিনে কুপ্যতি চার্ধরাত্রে বিদাহকালে জলদাত্যযে চ| শীতে চ শীতৈঃ সমুপৈতি শান্তিং সুস্বাদুশীতৈরপি ভোজনৈশ্চ|| আনূপবারিজকিলাটপযোবিকারৈর্মাংসেক্ষুপিষ্টকৃশরাতিলশষ্কুলীভিঃ| অন্যৈর্বলাসজনকৈরপি হেতুভিশ্চ শ্লেষ্মা প্রকোপমুপগম্য করোতি শূলম্|| হৃল্লাসকাসসদনারুচিসম্প্রসেকৈরামাশযে স্তিমিতকোষ্ঠশিরোগুরুত্বৈঃ| ভুক্তে সদৈব রুজং কুরুতেঽতিমাত্রং সূর্যোদযে চ শিশিরে কুসুমাগমে চ|| [দ্বিদোষলক্ষণৈরেতৈর্বিদ্যাচ্ছূলং দ্বিদোষজম্|] সর্বেষু দোষেষু চ সর্বলিঙ্গং বিদ্যাদ্ভিষক্সর্বভবং হি শূলম্| সুকষ্টমেনং বিষবজ্রকল্পং বিবর্জনীযং প্রবদন্তি তজ্জ্ঞাঃ|| আটোপহ্রুল্লাসবমীগুরুত্বস্তৈমিত্যকানাহকফপ্রসেকৈঃ| কফস্য লিঙ্গেন সমানলিঙ্গমামোদ্ভবং শূলমুদাহরন্তি|| বস্তৌ হৃত্কণ্ঠপার্শ্বেষু স শূলঃ কফবাতিকঃ| কুক্ষৌ হৃন্নাভিমধ্যেষু স শূলঃ কফপৈত্তিকঃ| দাহজ্বরকরো ঘোরো বিজ্ঞেযো বাতপৈত্তিকঃ|| একদোষোত্থিতঃ সাধ্যঃ কৃচ্ছ্রসাধ্যোদ্বিদোষজঃ| সর্বদোষোত্থিতো ঘোরস্ত্বসাধ্যো ভূর্যুপদ্রবঃ|| নিগৃহ্য মারুতং শ্লেষ্মা কুক্ষিপার্শ্বে ব্যবস্থিতঃ| সাধ্মাটোপামসংরুদ্ধঃ সূচীভিরিব নিস্তুদন্|| উচ্ছ্বসিত্যথ বক্ত্রেণ ন চান্নমভিনন্দতি| ন চ নিদ্রামুপৈত্যেষ পার্শ্বশূলঃ প্রকীর্তিতঃ|| প্রকুপ্যতি যদা কুক্ষৌ বহ্নিমাক্রম্য মারুতঃ| তদাঽস্য ভোজনং ভুক্তং সোপস্তম্ভং ন পচ্যতি|| উচ্ছ্বাস্যানীতশকৃতা শূলেনাহন্যতে মৃদুঃ|| নৈবাসনে ন শযনে তিষ্ঠন্ বা লভতে সুখম্|| কুক্ষিশূল ইতি খ্যাতো বাতাদামসমুদ্ভবাত্|| কফপিত্তাবরুদ্ধস্তু মারুতো রসমূর্চ্ছিতঃ| হৃদিস্থঃ কুরুতে শূলমুচ্ছ্বাসারোধনং পরম্| হৃচ্ছূল ইতি স খ্যাতো রসমারুতসম্ভবঃ|| সংরোধাত্কুপিতো বাযুর্বস্তিং সংশ্রিত্য তিষ্ঠতি| বস্তিবঙ্ক্ষণনাডীষু ততঃ শূলোঽস্য জাযতে| বিণ্মূত্রবাতসংরোধী বস্তিশূলঃ স সংজ্ঞিতঃ|| নাভ্যাং বঙ্ক্ষণযোশ্চৈব কুক্ষৌ মেঢ্রেঽনুবর্তকঃ| মূত্রমাবৃত্য গৃহ্ণাতি মূত্রশূলঃ স মারুতাত্|| বাযুঃ প্রকুপিতোযস্য রূক্ষাহারস্য দেহিনঃ| বাতং রুণদ্ধি কোষ্ঠস্থং মন্দীকৃত্য তু পাবকম্|| শূলং সঞ্জনযেচ্ছীঘ্রং স্ত্রোত আবৃত্য মারুতঃ| দক্ষিণং যদি বা বামং কুক্ষিমাদায জাযতে|| সর্বত্র বর্ধতে ক্ষিপ্রং [ভ্রমনিঃশ্বাসঘোষবত্| পিপাসা বর্ধতেঽতীব ভ্রমো মূর্চ্ছা চ জাযতে|| উচ্চারিতো মূত্রিতশ্চ ন শান্তিমধিগচ্ছতি| বিট্শূলমেতং জানীযাদ্ভিষক্ পরমদারুণম্|| বেদনা চ তৃষা মূর্চ্ছা আনাহো গৌরবারুচী| কাসশ্বাসৌ চ হিক্কা চ শূলস্যোপদ্রবাঃ স্মৃতাঃ|| স্বৈর্নিদানৈঃ প্রকুপিতো বাযুঃ সন্নিহিতস্তদা| কফপিত্তে সমাবৃত্য শূলকারী ভবেদ্বলী|| ভুক্তে জীর্যতি যচ্ছূলং তদেব পরিণামজম্| তস্য লক্ষণমপ্যেতত্ সমাসেন বিধীযতে|| আধ্মানাটোপবিণ্মূত্রবিবন্ধারতিবেপনৈঃ| সিগ্ধোষ্ণৈঃ প্রশমং যাতি বাতিকং তদ্বদেদ্ভিষক্|| তৃষ্ণাদাহারতিস্বেদং কট্বম্ললবণোত্তরম্| শূলং শীতশমপ্রাযং পৈত্তিকং তদ্বদেদ্ভিষক্|| ছর্দিহৃল্লাসসম্মোহস্বল্পরুগ্দীর্ঘসন্ততি| কটুতিক্তোপশান্তৌ চ তদ্বিজ্ঞেযং কফাত্মকম্|| সংসৃষ্টলক্ষণং বুদ্ধ্বা পরিকল্পযেত্| ত্রিদোষজমসাধ্যং স্যাত্ ক্ষীণমাংসবলানলম্|| জীর্ণে জীর্যত্যজির্ণে বা যচ্ছূলমুপজাযতে| পথ্যাপথ্যপ্রযোগেণ ভোজনাভোজনেন বা| ন শমং যাতি নিযমাত্সোঽন্নদ্রব উদাহৃতঃ||"] (?)-" শৃঙ্গী দ্বীজীরকং ধান্যং বৃদ্ধদারুকপত্রকৈঃ| তুম্বুরূণি ভদ্রদারু ক্ষারাশ্চ লবণানি চ|| অজমোদা তালমুলী বিশালা ভূতিকং বচা কোশাতকী পটোলং চ বৃহত্পত্রকগন্ধকৈঃ|| যাবন্ত্যেতানি চূর্ণানি মণ্ডূরং দ্বিগুণং ততঃ| গোমূত্রত্রিফলাক্বাথে নিষিক্তং লোহচূর্ণিতম্|| কন্দাত্কটাশৃঙ্গবেরশ্রাবণীকেশরাঙ্গজৈঃ| রসৈঃ সবজ্রবল্লীজৈস্তস্য তালসমস্য চ|| ভাবযিত্বৈকতশ্চূর্ণং গোমূত্রেঽষ্টগুণে পচেত্| চতুর্গুণে ত্রিফলজে ক্বাথে বা দর্বিলেপনাত্|| উপযুঞ্জীত মতিমান্ যথাদোষং যথাবলম্| যে চ কুক্ষিগতা রোগা গ্রহণীমার্দবাদযঃ|| অর্শাংসি চ প্রবৃদ্ধানি শূলানি জঠরাণি চ| মদোদোষামবাতাশ্চ কফানিলভবাশ্চ যে|| ব্যাধযস্তান্নিহন্ত্যেতদ্ভাস্করস্তিমিরং যথা| বিদ্যাবিদ্যাগতং মণ্ডূরং সর্বরোগনুত|| যদি সকলরুজো যন্নৈব যোগো নিহন্যাত্ কথমিতি নিযতের্বা যাদদোষং বিনা বা| তদখিলমুনিবাক্যপ্রাত্পতত্বার্থরত্নো নিযতমমৃতবাক্যো বল্লভঃ স্যাদ্গুরূণাম্|| আশুভুক্তো যবৈঃ পিষ্টমভ্রকং তত্র সংস্থিতম্| কন্দমাণাস্থিসংহারখণ্ডকর্ণরসৈরধঃ| তণ্ডুলীযকশোণোমাত্রিকমেব চ|| বৃশ্চীবং বৃহতীভঙ্গং তত্ক্ষণাত্কেসরাঞ্জনৈঃ| পেষণং ভাবনং কুর্যাত্ পুটং বাঽনেকশো ভিষক্|| যাবদ্রকং তত্স্যাচ্ছুদ্ধিরেবং বিহাযসম্| স্বর্ণমাক্ষিকশাণং চ ধ্মাতনির্বাপিতং জলে|| ত্রৈফলেষ্ববচূর্ণ্যং বা লোহং পিত্তাদিকং পুনঃ| বৃহত্পত্রক[|]রিকর্ণত্রিফলাবৃদ্ধদারকৈঃ|| মাণকন্দাস্থিসংহারশৃঙ্গবেরভবৈ রসৈঃ| দশমূলীমুণ্ডিতিকাতালমূলীসমুদ্ভবৈঃ| পুটিতং সাধু যত্নেন শুদ্ধিমেবমযোজযেত্| বসিরংঘালমধুপর্ণীমযূরকম্|| তণ্ডুলীযং চ বর্ষাভূদত্তাধশ্চোর্ধ্বমেব চ| পাক্যং তু জীর্ণমণ্ডূরং গোমূত্রেণ দিনত্রযম্|| অন্তর্বাষ্পমদঘ্নং চ তথা স্থাপ্যং দিনত্রযম্| বিচূর্ণিতং শুদ্ধিরিযং লোহাকরস্য দর্শিতা|| জযন্ত্যা বর্ধমানস্য আর্দ্রকস্য রসেন বা| পযস্যাশ্চানুপূর্ব্যেণ মর্দনং রসশোধনম্|| গন্ধাকং নবনীতাখ্যং কুটিতং লোহভাজনে| ত্রিধা চণ্ডাতপে যুক্তং ভৃঙ্গরাজরসাপ্লুতম্|| ততো বহ্নিদ্রবীভূতং ত্বরিতং বস্ত্রগালিতম্| যত্নাদ্ভৃঙ্গরসে ক্ষিত্পং পুনঃ শুষ্কং বিশুধ্যতি|| গগনাদ্বিপলং চূর্ণংলোহস্য পলমাত্রকম্| লোহকিট্টং পলার্ধং চ সর্বমেকত্র সংস্থিতম্|| মণ্ডূকপর্ণীবসিনতালমূলরসৈঃ শুভৈঃ| বরীভৃঙ্গকেসরাজমাণমর্ণরসৈস্তথা|| ত্রিফলাভদ্রমুস্তাভিঃ স্থালীপাকং বিচূর্ণিতম্| রসগন্ধকযোঃ কর্ষং প্রত্যেকং গ্রাহ্যমেকতঃ|| তন্মনাশ্চ শিলাখল্বে যত্নতঃ কজ্জলীকৃতম্| বচা চব্যং যবানী চ জীরকে শতপর্ণিকা|| ব্যোষং মুস্তং বিডঙ্গং চ গ্রথিতং খরমঞ্জরী| ত্রিবৃতা চিত্রকো দন্তী সূর্যাবর্তঃ সিতস্তথা|| ভৃঙ্গমাণবকন্দাশ্চ খণ্ডকর্ণক এব চ| দণ্ডোত্পলং কেসরা জকালীযকটকোঽপি বা|| এষামর্ধপলং গ্রাহ্যং পটঘৃষ্টং সুচূর্ণিতম্| প্রত্যেকং ত্রিফলাযাশ্চ পলার্ধং পলমেব চ|| এতত্সর্বং সমালোড্য লোহপাত্রেষু ভাবযেত্| আতপে চণ্ডসংঘৃষ্টমার্দ্রকস্য রসৈস্ত্রিধা|| তদ্রসেন শিলাপিষ্টং গুটিকাং কারযেদ্ভিষক্| বদরাস্থিমিতাঃ শুষ্কভাবযেত্|| তত্প্রাতর্ভোজনাদৌ তু সেবিতং গুটিকাত্রযম্| অন্নোদকানুপানং চ হিতং মধুরসংশ্রিতম্|| দুগ্ধং চ নালিকেরং চ বর্জনীযং বিশেষতঃ| ভোজ্যং যথেষ্টমিষ্টং চ বারি ভক্তাম্লকাঞ্জিকম্|| হন্ত্যম্লপিত্তং প্লীহানং শূলং চ পরিণামজম্| পীশোথোদরগুল্মাদামযান্|| যক্ষ্মাংঅন্দাগ্নিত্বমরোচকম্| প্লীহানং শ্বাসমানাহমামবাতং স্বরামযম্| গুযখ্যাতবো ...ংঈকেসা বিশ্বযুতো যূষো ধাত্রীমুদ্গাদিভিঃ কৃতঃ| রির্যসর্গশ্চ সংসেব্য কুলিত্থান্ স বিবর্জযেত্||" ইতি হেমাদ্রিটীকাযামাযুর্বেদসাযনে| অম্লাপিত্তপ্রকরণং সামস্ত্যেন নিরূপিতম্|

সর্বাঙ্গসুন্দরী ব্যাখ্যা ( কৃত)

স০-বাহুল্যেন মারুতো রুদ্ধমার্গ আমাশযং(যে) গতঃ কুপ্যতি| তস্য-মরুতঃ, শুদ্ধ্যাদিভিঃ-অবস্থাবশাদ্বযস্তৈঃ সমস্তৈর্বা, অনুলোমনং কার্যম্|

সর্বাঙ্গসুন্দরী ব্যাখ্যা ( কৃত)

স০-কৃমিজে হৃদ্রোগে সর্বমেব চ কৃমিঘ্নমৌষধম্|

আযুর্বেদরসাযনম্ ব্যাখ্যা ( কৃত)

আ০ র০- ক্রিমিহৃদ্রোগৌষধমাহ-ক্রিমিন্ধমৌষধমিতি| বঙ্গসেনে (হৃদযরো. শ্লো. ৩৯)- " ক্রিমিহৃদ্রোগিণং স্নিগ্ধং ভোজযেত্পিশিতৌদনম্| দধ্না চ পললোপেতং ত্র্যহং, পশ্চাদ্বিরেচযেত্|| সুগন্ধিভিঃ সলবণৈর্যোগৈঃ সাজাজিশর্করৈঃ| বিডঙ্গগাঢৈর্ধান্যাম্লং পাযযেদ্ধিতমুত্তমম্|| হৃদি স্থিতাঃ পতন্ত্যেবমধস্তাত্ক্রিমযো নৃণাম্| যবান্নং বিতরেচ্চাস্মৈ সবিডঙ্গমতঃ পরম্|| ক্রিমিজে পিবেন্মূত্রং বিডঙ্গামযসংযুতম্|" ইতি| ইতি হেমাদ্রিটীকাযামাযুর্বেদরসাযনে| হৃদ্রোগস্য প্রকরণং সাম্স্ত্যেন নিরূপিতম্||

সর্বাঙ্গসুন্দরী ব্যাখ্যা ( কৃত)

স০-তৃষ্ণাসু সর্বাসু বাতপিত্তহরঃ সর্বোঽপি বিধিরিষ্যতে| তথা, বাহ্যতোঽভ্যন্তরে চ শীতো বিধিঃ| তথা, শমনং শোধনং চ শস্যতে| দিব্যাম্বু-আন্তরিক্ষং জলং, শীতং মাক্ষিকেণ সহ শস্যতে| ভৌমং চ জলং তদ্গুণং-দিব্যাম্বুসমানগুণং "শুচিপৃথ্বসিতশ্চেতে দেশে" (হৃ.সূ.অ.৫|৫) ইত্যাদিলক্ষণলক্ষিতম্, তচ্চ শস্যতে| তস্য-দিব্যজলস্যেব গুণা যস্য তত্তদ্গুণম্| তপ্তলোষ্টককপালসিকতাদিভিস্তপ্তং তন্নির্বাপিতং-শীতীকৃতং শস্যতে| অথবা, তদেব সমশর্করং শস্যতে| অথবা, দর্ভপূর্বেণ-তৃণাখ্যেন, পঞ্চমূলেন ক্বথিতং নির্বাপিতং শস্যতে| তথা, লাজসক্তুভিঃ কৃতো মন্থঃ প্রশস্তঃ| তথা, আমৈঃ-অভৃষ্টৈঃ, যবৈর্বাট্যঃ প্রশস্তঃ শীতীভূতঃ শর্করামাক্ষিকযুক্তঃ| যবাগূঃ শালিভিস্তথৈব শর্করামাক্ষিকান্বিতা শস্তা| তথা, চিরন্তনৈঃ কোদ্রবৈঃ শর্করামধুযুক্তা যবাগূঃ শস্তা| তথা, শীতেন-শীতীকৃতেন দ্রব্যেণ, শীতবীর্যৈশ্চ দ্রব্যৈঃ সিদ্ধেন ভোজনং হিতম্| অথবা, শীতজলৈঃ পরিষিক্তস্য পুংসঃ পযসা সশর্করামার্দ্বীকং ভোজনং হিতম্| অথবা ন কেবলং পযসা সাত্ম্যাদিবশান্মাংসরসৈর্জাঙ্লৈঃ কিঞ্চিদম্ললবণৈরৃতভর্জিতৈর্ভোজনং হিতম্| তথা, মুদ্গমসূরাদিকানাং যূষৈর্জীবনীযরসযুক্তৈর্ভোজনং হিতম্| তথা, শীতৈঃ-শীতবীর্যৈশ্চন্দনাদিভিঃ, তথেক্ষুরসে সিদ্ধং ক্ষীরঘৃতং নস্যং হিতম্| ক্ষীরোদ্ভবং ঘৃতং ক্ষীরঘৃতম্| তথা, সূত্রস্থানোদিতাঃ (অ.২২) নির্বাপণাঃ-রোপণাঃ, গণ্ডূষা হিতাঃ| তথা, দাহজ্বরে য উক্তা লেপাদ্যাঃ-"দূর্বাদিভির্বা পিত্তঘ্নৈঃ" (হৃ.চি.অ.১/১৩১) ইত্যাদিগ্রন্থনির্দিষ্টাঃ, তে চ হিতাঃ| তথা, নিরীহত্বং-নির্ব্যাপারত্বং হিতম্| তথা, মনসোরতিঃ-নির্বৃতত্বম্| তথা, মহাসরিতাং মহাহ্রদানাং-মহাতডাগানাং, চ দর্শনস্মরণানি হিতানি|

আযুর্বেদরসাযনম্ ব্যাখ্যা ( কৃত)

আ০ র০- অথ তৃষ্ণাচিকিত্সিতম্|[তত্র সামান্যতৃষ্ণৌষধমাহ]-তৃষ্ণাস্বিতি| তদ্গুণং-দিব্যগুণম্| দর্ভপূর্বেণ-পঞ্চসূক্তেন তৃণাখ্যেন| আমযবৈঃ-কোমলযবৈঃ, কৃতো বাঠ্যঃ| শীতদ্রব্যসিদ্ধেন শীতেন পযসা ভোজনম্, পযোরসযূষাণাং সাত্ম্যাদিবশাদ্ব্যবস্থা| ক্ষীরঘৃতং-ক্ষীরমন্থনোত্থং ঘৃতম্| ইক্ষুরসো নস্যম্| নির্বাপণাঃ-মধুগণ্ডূষাদযঃ| নিরীহত্বংনির্ব্যাপারত্বম্| মনোরতিঃ-মনঃ সুখম্| সঙ্গ্রহে তু (চি. অ. ৮) নাত্য[ব]পীডনং(?)-"নারীক্ষীরেণ বা ঘৃষ্টমুষ্ট্রাস্থি সসিতং হিতম্|" ইতি| বঙ্গসেনে (তৃষাধিকারে শ্লো. ২৪)- "লাজোদকং মধুযুতং শীতং গুডবিমর্দিতম্| কাশ্মরীশর্করাযুক্তং পিবেত্তৃষ্ণার্দিতো নরঃ|| ভু(চ)বিকাপিপ্পলীমূলযবানীধান্যনাগরৈঃ| শৃতং শীতং হিতং তোযং [মুর্চ্ছাতৃট্ছর্দি] দোষজিত্|| শর্করাকেসরক্ষৌদ্রকৃষ্ণাজীরকদাডিমৈঃ| লেহো বা তৃড্জযী কৃষ্ণাধুক্ষীরিদ্রুমাঙ্কুরৈঃ|| অম্লং দাডিমবীজং পীতং ধাত্রীফলং চ ধান্যাম্লৈঃ| আর্দ্রপটাস্তরণকৃতপ্রাবৃ গাত্রস্তৃষং হন্তি|| গোস্তনীক্ষুরসক্ষীরযষ্টীমধূত্পলৈঃ| নিযতং নস্যতঃ পীতৈস্তৃষ্ণা শাম্যতি দারুণা|| কর্ণশিরোমুখলেপাচ্ছুক্তিকযা বাঽম্লদাডিমরসেন| তর্পযতি শীঘ্রমেতজ্জলৌঘবত্সৈকত রাশিম্|| কোলদাডীমবৃক্ষাম্লচুক্রীকাচুক্রিকারসঃ| পঞ্চাম্লকো মুখালেপঃ সদ্যস্তৃষ্ণাং নিযচ্ছতি|| ক্ষীরেক্ষুরস মার্দ্বীকক্ষৌদ্রসীধুগুডোদকৈঃ| বৃক্ষাম্লাম্লৈশ্চ গণ্ডূষা মুখশোষপ্রণাশনাঃ|| দাডিমং বদরং রোধ্রং কপিত্থং বীজপুরকম্| পিষ্ট্বা মূর্ধ্নি প্রলেপস্তু পিপাসাদাহনাশনঃ|| বারি শীতং মধুযুতমাকণ্ঠাদ্বা পিপাসিতম্| পাযদ্বামযেচ্চাপি তেন তৃষ্ণা প্রশাম্যতি|| বটপ্ররোহং মধুকুষ্ঠমুত্পলং সলাজচুর্ণং গুটিকাং প্রকল্পযেত্| সুসংহিতা সা বদনে বিধারিতা তৃষ্ণাং প্রবৃদ্ধামপি হন্তি সত্বরম্||" ইতি| যোগরত্নে-"মধুরৈঃ সজীবনীযৈঃ শীতৈশ্চ সতিশূকৈঃ শ্রিতং ক্ষীরং পানাভ্যঞ্জনসেকেষ্বিষ্টং মধুশর্করাযুক্তম্| লোহিতকশালিতণ্ডুলখর্জূরপরূষকোত্পলদ্রাক্ষাঃ মধুপক্বে লোষ্ঠমেব চ জলে স্থিতং শীতলং পেযম্|| জম্বাম্রাতকবদরীদলবেতসপঞ্চবল্কপঞ্চাম্লৈঃ| হৃন্মুখশিরঃপ্রদেহাঃ সঘৃতা মূর্চ্ছাভ্রমাতিতৃষ্ণাধ্নাঃ|| দ্রাক্ষেক্ষূত্পলযষ্ট্যাদ্যৈঃ শর্করামধুযোজিতৈঃ| কষাযং সংপিবেচ্ছীতং তৃষ্ণানাশকরং পরম্|| লোষ্টপ্রতত্পতোযং তু শর্করামধুযোজিতম্| লাক্ষাচূর্ণসমাযুক্তং পীতং তৃড্দাহনাশনম্|| জম্ব্বাম্রপল্লবোশীরৈঃ সিতাবরুণকাজিতৈঃ| সপযস্কঃ কৃতঃ ক্বাথঃ সম্পীতস্তৃড্বিনাশনঃ|| রকবৃক্ষাম্লদাডিমাম্লোষ্ণবেতসৈঃ| সশর্করৈর্নিহন্ত্যাশু লেহস্তৃষ্ণাং সুদুর্জযাম্|| সারিবালাজপিপ্পলীমধুনাগরৈঃ| পযস্তৃষাধ্নো গণ্ডূষঃ কাঞ্জিকৈর্মুখ|| ...ংঅদনমধুকং শীতমম্বু বিবর্ধিতম্|অর্ধশর্করাযুক্তং পিবেত্তৃষ্ণার্দিতৈ|| ইতি|

সর্বাঙ্গসুন্দরী ব্যাখ্যা ( কৃত)

স০-পবনোত্থাযাং তৃষ্ণাযাং দধি গুডেন সহ শস্যতে| মাংসরসাশ্চ বৃংহণাঃ শস্তাঃ| তথা বিদার্যাদিগণাম্বু "বিদারিপঞ্চাঙ্গুল" (হৃ.সূ.অ.১৫/৯)ইত্যাদিভিঃ শৃতং তোযং-পানীযং, শস্তম্|

আযুর্বেদরসাযনম্ ব্যাখ্যা ( কৃত)

আ০ র০- বাততৃষ্ণৌষধমাহ-তৃষ্ণাযামিতি| যোগরত্নে-"পঞ্চাঙ্গিকাঃ পঞ্চ গণা য উক্তাস্তেষ্বম্বু[সিদ্ধং প্রথমে গ] ণে বা| পিবেত্সুখোষ্ণং মনুজোঽচিরেণ তৃষো বিমুচ্যেত হি বাতজাযাঃ|| [তৃষ্ণাতিবৃদ্ধৌ] উদরে চ পূর্ণে সংচ্ছর্দযেন্মাগধিকোদকেন| বিলেখনং চাত্র হিতং বিধেযং স্যাদ্দা[ডিমাম্রা] তকবীজপূরৈঃ||" [ইতি|] বঙ্গসেনে (তৃষা. শ্লো. ২২)-" বাতঘ্নমন্নপানং মৃদু লঘু শীতং রসো গুডূচ্যাশ্চ|" [ইতি|]

সর্বাঙ্গসুন্দরী ব্যাখ্যা ( কৃত)

স০-পিত্তোত্থাযাং শর্করান্বিতঃ পক্বোদুম্বরফলজো রসঃ, তেষাং-উদুম্বরাণাং বা ক্বাথো হিমঃ, তদ্বত্-সিতাযুক্তঃ, শস্যতে| তথৈব সারিবাদিগণাম্বু-"সারিবোশীর" (হৃ.সূ.অ.১৫|১১) ইত্যাদি প্রশস্যতে| তদ্বিধৈঃ-শীতবীর্যৈশ্চ, গণৈঃ কৃতান্ শীতকষাযান্ সসিতামাক্ষিকান্ পিবেত্| তথৈব মধুরৈঃ-দ্রাক্ষাদিভির্দ্রব্যৈঃ, কল্পিতান্| ক্ষীরিবৃক্ষৈশ্চ-অশ্বত্থন্যগ্রোধাদিভিঃ, কল্পিতান্ শীতকষাযান্ সশর্করামধূন্ পিবেত্| বীজপূরকাদিপল্লবান্ কুশকাশানাং মূলানি মধুকং চৈতজ্জলে শৃতং পিবেত্| শীতমিতি প্রকৃতত্বাদ্যোগ্যত্বাচ্চাত্র যোজ্যম্| অথবা, জ্বরচিকিত্সিতোক্তং [দ্রাক্ষাদি-] "দ্রাক্ষামধূক" (হৃ.চি.অ.১|৫৫) ইত্যাদিকং ফাণ্টং শীতকষাযং [বা] পিবেত্| পঞ্চসারাম্বু বা-"মধুখর্জূরমৃদ্বীকা" (হৃ.চি.অ.২/১৪) ইত্যাদি রক্তপিত্তচিকিত্সিতে পঠিতং, পিবেত্|

আযুর্বেদরসাযনম্ ব্যাখ্যা ( কৃত)

আ০ র০- পিত্ততৃষ্ণৌষধমাহ-পিত্তজাযামিতি| তদ্বিধৈঃ-পিত্তঘ্নৈঃ| তদ্বত্-সসিতামধূন্| ক্ষীরিবৃক্ষৈশ্চ তদ্বত্| বীজপূরপল্লবাদিসপ্তকং জলে শৃতম্| বঙ্গসেনে (তৃষা. শ্লো. ১৮)- "কাশ্মর্যং শর্করাযুক্তং চন্দনোশীরধান্যকম্| দ্রাক্ষামধূকসংযুক্তং পিত্ততর্ষে জলং পিবেত্|| স্যাজ্জীবনীযসিদ্ধক্ষীরঘৃতং বাতপিত্তজে তর্ষে| তদ্বদ্দ্রাক্ষাচন্দনখর্জূরোশীরমধুযুতং তোযম্|| জীর্ণভুক্তঃ পিবেদ্বাঽপি মধুনা তণ্ডুলোদকম্|" [ইতি|]

সর্বাঙ্গসুন্দরী ব্যাখ্যা ( কৃত)

স০-শ্লেষ্মজাযাং তৃষ্ণাযাং নিম্বপত্রপানীযেন বমনং শস্তম্| বিল্বাদিভির্জলং সাধিতং কফতৃষ্ণাযাং পিবেত্| রজন্যা-হরিদ্রযা, জলং সিদ্ধং পিবেত্| সক্ষৌদ্রশর্করং কফতৃষ্ণাযাং মুদ্গযূষং চ ত্রিকটুপটোলনিম্বপল্লবান্বিতং পিবেত্| যবান্নং তীক্ষ্ণকবলং তীক্ষ্ণনস্যং তীক্ষ্ণলেহং চ শীলযেত্| শিম্বীধান্যম্| কচ্ছকঃ-তুমু(তূণী)কঃ| বঙ্গসেনে (তৃষা-শ্লো.২২)-"বিল্বাঢকীধাতকীপঞ্চকোলদর্ভেষু সিদ্ধং কফজাং নিহন্তি| "ইতি| যোগরত্নে-"বিল্বাঢকী[কন্যক] পঞ্চমূলদর্ভেষু সিদ্ধং কফজাং নিহন্তি|" ইতি| কচ্ছক(ধাতকি)-পঞ্চকোলযোঃ স্থানে লঘু [পঞ্চমূলম্]| বঙ্গসেনে(তৃষা. শ্লো.২৩)-"সজীরকাণ্যার্দ্রকশৃঙ্গবেরসৌবর্চলান্যর্ধজলপ্লুতানি| মদ্যানি হৃদ্যানি চ গন্ধবন্তি পীতানি সদ্যঃ শমযন্তি তৃষ্ণাম্||" ইতি|

আযুর্বেদরসাযনম্ ব্যাখ্যা ( কৃত)

আ০ র০- কফতৃষ্ণৌষধমাহ-কফোদ্ভবাযামিতি| আঢকী|

সর্বাঙ্গসুন্দরী ব্যাখ্যা ( কৃত)

স০-সর্বৈরামাচ্চ তৃষ্ণাযাং সত্যাং তদ্ধন্ত্রী সন্নিপাতঘ্ন্যামঘ্নী চ ক্রিযেষ্টা| তথা চ বমনমিষ্টম্| ত্র্যূষণারুষ্করবচাদিযুক্তেন ফলাম্লেনোষ্ণজলেন বা মস্তুনা বা ইষ্টম্|

আযুর্বেদরসাযনম্ ব্যাখ্যা ( কৃত)

আ০ র০- সন্নিপাতজৌষধমাহ-সর্বৈরিতি| তদ্ধন্ত্রী-সর্বদোষহন্ত্রী আমহন্ত্রী চ| ত্র্যূষণাদিভির্বমনম্| ফলাম্লংমাতুলুঙ্গাদ্যম্লম্| মদনফলং বমনত্বালুব্জম্ (?)|

সর্বাঙ্গসুন্দরী ব্যাখ্যা ( কৃত)

স০-অন্নাত্যযাত্-অন্নবিরহাত্, তৃষ্ণাযাং সত্যাং মণ্ডমুষ্ণং শীতং মন্থং চ কালপ্রকৃতিসাত্ম্যাদিবিত্ পিবেত্| বাতকফপ্রকৃতিনা উষ্ণো মণ্ডঃ পেযঃ| পিত্তশ্লেষ্মপ্রকৃতিনা বাতপিত্তপ্রকৃতিনা চ হিমো মন্থঃ পেযঃ| এবং কালসাত্ম্যাদিষু নিরুপ্যম্| "সক্তবঃ সর্পিষাঽভ্যক্তাঃ শীতোদকপরিপ্লুতাঃ| নাতিদ্রবা নাতি সান্দ্রা মন্থ ইত্যভিধীযতে||" ইতি|

আযুর্বেদরসাযনম্ ব্যাখ্যা ( কৃত)

আ০ র০- উপবাসজৌষধমাহ-অন্নাত্যযাদিতি| উষ্ণং মণ্ডং শীতকালে| শীতং মন্থমুষ্ণকালে| অত এব কালবিদিত্যুক্তম্|

সর্বাঙ্গসুন্দরী ব্যাখ্যা ( কৃত)

স০-শ্রমাত্তৃষি জাতাযাং মাংসরসং মদ্যং বা সশর্করং পিবেত্|

আযুর্বেদরসাযনম্ ব্যাখ্যা ( কৃত)

আ০ র০- শ্রমজৌষধমাহ-তৃষি শ্রমাদিতি|

সর্বাঙ্গসুন্দরী ব্যাখ্যা ( কৃত)

স০-আতপাত্তৃষি যবকোলোদ্ভবৈঃ সক্তুভিঃ সশর্করং মন্থং পিবেত্| সর্বাণি চাঙ্গানি তিলপিণ্যাককাঞ্জিকৈর্লিম্পেত্|

আযুর্বেদরসাযনম্ ব্যাখ্যা ( কৃত)

আ০ র০- আতপজৌষধমাহ=আতপাদিতি| কোলজাঃ-শুষ্কবদরত্বগুদ্ভবাঃ| তিলগ্রহণং পিণ্যাকেন বিকল্পার্থম্|

সর্বাঙ্গসুন্দরী ব্যাখ্যা ( কৃত)

স০-শীতস্নানাচ্চ তৃণ্মান্ মদ্যাম্বু পিবেত্| তৃণ্মানিতি মতুপি ময ইতি ণত্বে রূপম্| গুডজলং বা পিবেত্|

আযুর্বেদরসাযনম্ ব্যাখ্যা ( কৃত)

আ০ র০- উষ্ণাক্লান্তস্যে (নি. অ. ৫/৫৫)ত্যুক্ততৃষ্ণৌষধমাহ-শীতস্নানাত্ত্বিতি|

সর্বাঙ্গসুন্দরী ব্যাখ্যা ( কৃত)

স০-মদ্যাত্তৃণ্মানর্ধজলং মদ্যং স্নাতশ্চাম্ললবণাভ্যাং যুতং পিবেত্|

আযুর্বেদরসাযনম্ ব্যাখ্যা ( কৃত)

আ০ র০- মদ্যজৌষধমাহ-মদ্যাদিতি| আযুতং-যুক্তম্|

সর্বাঙ্গসুন্দরী ব্যাখ্যা ( কৃত)

স০-স্নেহেন তীক্ষ্ণতরোঽগ্নির্যস্য স নরস্তৃণ্মান্নিসর্গশীতলং জলং পিবেত্|

আযুর্বেদরসাযনম্ ব্যাখ্যা ( কৃত)

আ০ র০- তীক্ষ্ণাগ্নেঃ স্নেহজে (নি. অ. ৫/৫৬) ত্যুক্ততৃষ্ণৌষধমাহ-স্নেহতীক্ষ্ণতরাগ্নিস্ত্বিতি|

সর্বাঙ্গসুন্দরী ব্যাখ্যা ( কৃত)

স০-স্নেহাত্ পুনরজীর্ণাত্ পিপাসিত উষ্ণাম্বু বা পিবেত্| জীর্ণাত্তু স্নেহত্তৃষি মণ্ডং পিবেত্|

আযুর্বেদরসাযনম্ ব্যাখ্যা ( কৃত)

আ০ র০- অজীর্ণস্নেহজৌষধমাহ-স্নেহাদিতি| জীর্ণস্নেহজৌষধমাহ-জীর্ণাদিতি| অতীক্ষ্ণগ্নিবিষযমিদং ভেদদ্বযম্|

সর্বাঙ্গসুন্দরী ব্যাখ্যা ( কৃত)

স০-স্নিগ্ধান্নেন ভুক্তেন তৃষিতো হিমস্পর্ধি-তুহিনশীতলং, গুডোদকং পিবেত্|

আযুর্বেদরসাযনম্ ব্যাখ্যা ( কৃত)

আ০ র০- স্নিগ্ধান্নজৌষধমাহ-পিবেদিতি| হিমস্পর্ধি-_|

সর্বাঙ্গসুন্দরী ব্যাখ্যা ( কৃত)

স০-গুর্বাদ্যন্নেন ভুক্তেন তৃষিতঃ পীত্বোষ্ণাম্বু তত্-গুর্বাদ্যন্নং, উদ্বমেত্|

আযুর্বেদরসাযনম্ ব্যাখ্যা ( কৃত)

আ০ র০- গুর্বাদিভোজনজৌষধমাহ-গুর্বাদ্যন্নেনেতি|

সর্বাঙ্গসুন্দরী ব্যাখ্যা ( কৃত)

স০-ক্ষযজাযাং তৃষি ক্ষযে হিতং যদ্ বৃংহণমৌষধং তত্সর্বং হিতং-শস্তম্|

আযুর্বেদরসাযনম্ ব্যাখ্যা ( কৃত)

আ০ র০- রসক্ষযজৌষধমাহ-ক্ষযজাযামিতি| ক্ষযহিতং-রাজযক্ষ্মহিতম্|

সর্বাঙ্গসুন্দরী ব্যাখ্যা ( কৃত)

স০-কৃশাদীনাং তৃষি জাতাযং ক্ষীরং হিতম্| অথবা ছাগো রসো হিতঃ|

আযুর্বেদরসাযনম্ ব্যাখ্যা ( কৃত)

আ০ র০- কৃশাদীনাং বিশেষমাহ-কৃশদুর্বলরূক্ষাণামিতি|

সর্বাঙ্গসুন্দরী ব্যাখ্যা ( কৃত)

স০-সোর্ধ্ববাতাযাং তৃষি ক্ষযকাসহরৈঃ শৃতং ক্ষীরং হিতম্| চশব্দান্মাংসরসশ্চ|

আযুর্বেদরসাযনম্ ব্যাখ্যা ( কৃত)

আ০ র০- সোর্ধ্ববাতাযাং বিশেষমাহ-ক্ষীরং চেতি|

সর্বাঙ্গসুন্দরী ব্যাখ্যা ( কৃত)

স০-রোগোপসর্গাজ্জাতাযাং তৃষি ধান্যাম্বু সসিতামাক্ষিকং পানে প্রশস্তম্| সর্বা চ ক্রিযা রোগাদ্যপেক্ষযা শস্তা|

আযুর্বেদরসাযনম্ ব্যাখ্যা ( কৃত)

আ০ র০- রোগাপসর্গজৌষধমাহ-রোগোপসর্গজাতাযামিতি| ধান্যং-কুস্তুম্বরী| বঙ্গসেনে (তৃষা. শ্লো. ৩৭)- " ক্ষতোদ্ভবাং রূগ্বিনিবারণেন জযেদ্রসানামসৃজশ্চ পানৈঃ| ক্ষযোত্থিতাং ক্ষীরজলং নিহন্যান্মাংসোদকং বা মধুকোদকং বা||" ইতি|

সর্বাঙ্গসুন্দরী ব্যাখ্যা ( কৃত)

স০-পূর্বামযেন ক্ষীণঃ সন্ তৃষ্ণক্-পিপাসিতো, যদি জলং ন লভেত তদা মরণং দীর্ঘরোগং বা প্রাপ্নুযাত্| ততশ্চ হেতোস্ত্বরিতং-শীঘ্রতরং, তস্য-নরস্য, পূর্বমন্যেভ্যো রোগেভ্যঃ সাত্ম্যান্ন পানভেষজৈস্তৃষং জযেত্, ততোঽপরং রোগম্| কিমেবং ক্রিযতে ? ইত্যাহ-তস্যাং তৃষি জিতাযাং সত্যামন্যোঽপি রোগ উপক্রমিতুং শক্যঃ| ইতি শ্রীমৃগাঙ্কদত্তপুত্রশ্রীমদরুণদত্তবিরচিতাযামষ্টাঙ্গহৃদযটীকাযাং সর্বাঙ্গসুন্দরাখ্যাযাং চতুর্থে চিকিত্সিতস্থানে ছর্দিহৃদ্রোগতৃষ্ণাচিকিত্সিতং নাম ষষ্ঠোঽধ্যাযঃ সমাপ্তঃ|| ৬||

আযুর্বেদরসাযনম্ ব্যাখ্যা ( কৃত)

আ০ র০- রোগাদ্যাপেক্ষযেত্যস্যামাহ-তৃষ্যন্নিতি| রোগবিরোধেঽপি জলং দেযমিত্যর্থঃ| উপদ্রবরূপাযা অপ্যুপসর্গজাযাঃ (?) প্রাধান্যমাহত্বরিতমিতি| সাত্ম্যগ্রহণং যদ্যুপশেতে তত্তদ্যুক্তিনিরপেক্ষমপি দেযমিত্যেবমর্থঃ| বঙ্গসেনে (তৃষা. শ্লো. ৪১)- "মূর্চ্ছাচ্ছর্দিতৃষাদাহস্ত্রীমদ্যভৃশকর্শিতাঃ| পিবেযুঃ শীতলং তোযং রক্তপিত্তে মদাত্যযে|| তৃষিতো মোহমাযাতি মোহাত্প্রাণান্ বিমুঞ্জতি| তস্মাত্সর্বাস্ববস্থাসু ন ক্বচিদ্বারি বার্যতে|| অন্নেনাপি বিনা জন্তুঃ প্রাণান্ ধারযতে চিরম্| তোযাভাবাত্পিপাসার্তঃ ক্ষণাত্প্রাণৈর্বিমুচ্যতে||" ইতি| ইতি হেমাদ্রিটীকাযামাযুর্বেদরসাযনে| তৃষ্ণারোগপ্রশমনং সামস্ত্যেন নিরূপিতম্||